|
22.3.2014 |
MT |
Il-Ġurnal Uffiċjali tal-Unjoni Ewropea |
C 85/12 |
Talba għal deċiżjoni preliminari mressqa mill-Finanzgericht Düsseldorf (il-Ġermanja) fis-16 ta’ Diċembru 2013 — Rohm Semiconductor GmbH vs Hauptzollamt Krefeld
(Kawża C-666/13)
2014/C 85/22
Lingwa tal-kawża: il-Ġermaniż
Qorti tar-rinviju
Finanzgericht Düsseldorf (il-Ġermanja)
Partijiet fil-kawża prinċipali
Rikorrenti: Rohm Semiconductor GmbH
Konvenut: Hauptzollamt Krefeld
Domandi preliminari (1)
|
(1) |
Il-fatt li merkanzija jkollha funzjoni individwali fis-sens tal-intestatura 8543 tan-Nomenklatura Maqgħuda għandu bħala konsegwenza li, minkejja l-kompożizzjoni tagħha, din il-merkanzija ma tkunx tista’ tibqa’ tiġi kklassifikata taħt l-intestatura 8541? |
|
(2) |
Fil-każ li l-ewwel domanda tingħata risposta affermattiva: taħt liema kundizzjonijiet moduli li jitrażmettu/jirċevu [intiżi għat-trasferiment ta’ data minn telefon ċellulari lejn telefon ċellulari ieħor jew lejn apparat eletroniku ieħor bħal laptop, printer jew apparat fotografiku diġitali permezz tar-raġġi infra-ħomor], li għandhom funzjoni individwali fis-sens tal-intestatura 8543, għandhom jiġu kkunsidrati bħala partijiet ta’ magni, apparat jew tagħmir koperti minn din l-intestatura? |
(1) Dwar l-interpretazzjoni tar-Regolament tal-Kummissjoni (KE) Nru 1832/2002, tal-1 ta’ Awwissu 2002, li jemenda l-Anness I tar-Regolament tal-Kunsill (KEE) Nru 2658/87, dwar in-nomenklatura tat-tariffa u l-istatistika u dwar it-Tariffa Komuni ta’ Dwana (ĠU L 290 p. 1).