30.11.2015 |
MT |
Il-Ġurnal Uffiċjali tal-Unjoni Ewropea |
C 398/27 |
Sentenza tal-Qorti Ġenerali tas-6 ta’ Ottubru 2015 – Technion u Technion Research & Development Foundation vs Il-Kummissjoni
(Kawża T-216/12) (1)
((“Għajnuna finanzjarja - Sitt programm-kwadru ta’ riċerka, ta’ żvilupp teknoloġiku u ta’ dimostrazzjoni - Irkupru ta’ somom imħallsa mill-Kummissjoni fil-kuntest ta’ kuntratt ta’ riċerka b’applikazzjoni tal-konklużjonijiet ta’ awditu finanzjarju - Tpaċija ta’ krediti - Klassifikazzjoni mill-ġdid parzjali tar-rikors - Talba intiża li tiġi kkonstatata l-ineżistenza ta’ kreditu kuntrattwali - Klawżola ta’ arbitraġġ - Spejjeż eliġibbli - Arrikkiment indebitu - Obbligu ta’ motivazzjoni”))
(2015/C 398/37)
Lingwa tal-kawża: il-Franċiż
Partijiet
Rikorrenti: Technion – Israel Institute of Technology (Haïfa, Iżrael) u Technion Research & Development Foundation Ltd (Haïfa) (rappreżentant: D. Grisay, avukat)
Konvenuta: Il-Kummissjoni Ewropea (rappreżentanti: D. Calciu u F. Moro, aġenti, assistiti inizjalment minn L. Defalque u S. Woog, sussegwentement minn L. Defalque u J. Thiry, avukati)
Suġġett
Minn naħa, talba għall-annullament, fuq il-bażi tal-Artikolu 263 TFUE, tad-deċiżjoni ta’ tpaċija tal-Kummissjoni li tinsab fl-ittra tat-13 ta’ Marzu 2012 indirizzata lil Technion – Israel Institute of Technology bil-għan li tiġi rkuprata s-somma ta’ EUR 97 118,69, li tirrappreżenta l-ammont ta’ somom aġġustati, bl-interessi, għall-kuntratt Nru 034984 (Mosaica), wara l-konklużjonijiet ta’ awditu finanzjarju relatat, b’mod partikolari, ma dan il-kuntratt konkluż bħala parti mis-sitt programm-kwadru tal-Komunità Ewropea għal attivitajiet ta’ riċerka, żvilupp teknoloġiku u ta’ dimostrazzjoni li jikkontribwixxu għall-ħolqien taż-Żona Ewropea ta’ Riċerka u Innovazzjoni (2002-2006), u, min-naħa l-oħra, talba intiża li tiġi kkonstatata, fuq il-bażi tal-Artikolu 272 TFUE, l-ineżistenza ta’ kreditu li l-Kummissjoni tallega li għandha fir-rigward ta’ Technion, taħt il-kuntratt Mosaica, u li kien is-suġġett tat-tpaċija kkontestata.
Dispożittiv
1) |
Ir-rikors huwa miċħud. |
2) |
Technion – Israel Institute of Technology u Technion Research & Development Foundation Ltd huma kkundannati għall-ispejjeż. |