27.10.2014 |
MT |
Il-Ġurnal Uffiċjali tal-Unjoni Ewropea |
C 380/6 |
Sentenza tal-Qorti Ġenerali tal-11 ta’ Settembru 2014 – Gold East Paper u Gold Huasheng Paper vs Il-Kunsill
(Kawża T-443/11) (1)
((“Dumping - Importazzjonijiet ta’ karta fina miksija li toriġina miċ-Ċina - Trattament ta’ impriża li topera f’ekonomija tas-suq - Terminu għall-adozzjoni tad-deċiżjoni li tirrigwarda dan it-trattament - Eżami diliġenti u imparzjali - Drittijiet tad-difiża - Żball manifest ta’ evalwazzjoni - Prinċipju ta’ amministrazzjoni tajba - Oneru tal-prova - Dannu - Determinazzjoni tal-marġni ta’ qligħ - Definizzjoni tal-prodott ikkonċernat - Industrija Komunitarja - Rabta kawżali”))
2014/C 380/07
Lingwa tal-kawża: l-Ingliż
Partijiet
Rikorrenti: Gold East Paper (Jiangsu) Co. Ltd (Jiangsu, iċ-Ċina); u Gold Huasheng Paper (Suzhou Industrial Park) Co. Ltd (Jiangsu) (rappreżentanti: V. Akritidis, Y. Melin u F. Crespo, avukati)
Konvenut: Il-Kunsill tal-Unjoni Ewropea (rappreżentanti: J. P. Hix, aġent, assistit inizjalment minn G. Berrisch, A. Polcyn, avukati, u minn N. Chesaites, barrister, sussegwentement minn B. O’Connor, solicitor, u S. Gubel, avukat)
Intervenjenti insostenn tal-parti konvenuta: Il-Kummissjoni Ewropea (rappreżentanti: M. França u A. Stobiecka-Kuik, aġenti); Cepifine AISBL (Brussell, il-Belġju); Sappi Europe SA (Brussell); Burgo Group SpA (Altavilla Vicentina, l-Italja); u Lecta SA (Lussemburgu, il-Lussemburgu)
Suġġett
Talba għall-annullament tar-Regolament ta’ Implementazzjoni tal-Kunsill (UE) Nru 451/2011, tas-6 ta’ Mejju 2011, li jimponi dazju anti-dumping definittiv u jiġbor b’mod definittiv id-dazju provviżorju impost fuq l-importazzjonijiet ta’ karta fina miksija li joriġinaw fir-Repubblika Popolari taċ-Ċina (ĠU L 128, p. 1), sa fejn jikkonċerna lir-rikorrenti.
Dispożittiv
1) |
Ir-rikors huwa miċħud. |
2) |
Gold East Paper (Jiangsu) Co. Ltd u Gold Huasheng Paper (Suzhou Industrial Park) Co. Ltd għandhom ibatu, minbarra l-ispejjeż tagħhom, dawk sostnuti mill-Kunsill tal-Unjoni Ewropea, Cepifine AISBL, Sappi Europe SA, Burgo Group SpA u Lecta SA. |
3) |
Il-Kummissjoni Ewropea għandha tbati l-ispejjeż tagħha. |