11.10.2008 |
MT |
Il-Ġurnal Uffiċjali ta’ l-Unjoni Ewropea |
C 260/7 |
Talba għal deċiżjoni preliminari mressqa mil-Landessozialgericht Berlin-Brandeburg (il-Ġermanja) fit-18 ta' Lulju 2008 — Christel Reinke vs AOK Berlin
(Kawża C-336/08)
(2008/C 260/10)
Lingwa tal-kawża: Il-Ġermaniż
Qorti tar-rinviju
Landessozialgericht Berlin-Brandeburg
Partijiet fil-kawża prinċipali
Rikorrenti: Christel Reinke
Konvenuta: AOK Berlin
Domandi preliminari
1) |
Id-dritt għar-rimbors ta' l-ispejjeż sostunuti fis-sens ta' l-Artikolu 34(4) u (5) tar-Regolament (KEE) Nru 574/72 (1) jinkludi wkoll l-ispejjeż ikkawżati minn trattament ta' urġenza mwettaq fi klinika privata fuq pensjonanta fil-post ta' residenza tagħha li hija intitolata għall-benefiċċji skond l-Artikolu 31 tar-Regolament (KEE) Nru 1408/71 meta l-isptar kompetenti rrifjuta li jipprovdi dan it-trattament inkwantu benefiċċju in natura minħabba li kien hemm wisq nies? |
2) |
L-istituzzjoni kompetenti tista' tillimita r-rimbors ta' l-ispejjeż għar-rati ta' rimbors imsemmijin fl-Artikolu 34(4) tar-Regolament (KEE) Nru 574/72 meta hija ma tħallasx l-benefiċċji in natura ta' l-isptarijiet b'mod astratt jew ġenerali skond ir-rati, iżda meta dan il-ħlas kien is-suġġett ta' ftehim individwali u meta d-dritt nazzjonali ma jipprovdi, barra minn hekk, l-ebda limitazzjoni tal-benefiċċji in natura għal trattatment fi sptarijiet speċifiċi? |
3) |
Dispożizzjoni ta' dritt nazzjonali li ma tippermettix r-rimbors ta' l-ispejjeż ta' trattament fi klinika privata fi Stat li mhuwiex parti mill-Unjoni Ewropea anki fil-każ ta' trattament ta' urġenza hija kompatibbli ma' l-Artikoli 49 u 50 KE kif ukoll ma' l-Artikolu 18 KE? |
(1) Regolament tal-Kunsill (KEE) Nru 1408/71, tal-21 ta' Marzu 1972, li jistipula l-proċedura għall-implementazzjoni tar-Regolament (KEE) Nru 1408/71 dwar l-applikazzjoni ta' skemi ta' sigurtà soċjali għal persuni impjegati u l-familji tagħhom li jiċċaqilqu fi ħdan il-Komunità (ĠU L 74, p. 1).