Sentenza tal-Qorti tal-Prim’Istanza tal-15 ta’ Novembru 2007 – Enercon vs UASI (Apparat li jittrasforma l-enerġija tar-riħ)
(Kawża T-71/06)
“Trade mark Komunitarja – Applikazzjoni għal trade mark Komunitarja tridimensjonali li tirrappreżenta l-kisja ta’ barra ta’ apparat li jittrasforma l-enerġija tar-riħ – Raġunijiet assoluti għal rifjut – Nuqqas ta’ karattru distintiv – Artikolu 7(1)(b) u (3) tar-Regolament (KE) Nru 40/94”
Trade mark Komunitarja – Definizzjoni u kisba tat-trade mark Komunitarja – Raġunijiet assoluti għal rifjut – Trade marks li mhumiex ta’ karattru distintiv (Regolament tal-Kunsill Nru 40/94, Artikolu 7(1)(b)) (ara l-punti 26, 31)
Suġġett
Rikors imressaq kontra d-deċiżjoni tat-Tieni Bord ta’ l-Appell ta’ l-UASI tat-30 ta’ Novembru 2005 (Każ R 179/2005-2) li tirrifjuta r-reġistrazzjoni ta’ trade mark tridimensjonali (parti minn apparat li jittrasforma l-enerġija tar-riħ f’forma ta’ ballun tal-futbol Amerikan) bħala trade mark Komunitarja. |
Informazzjoni dwar il-kawża
Applikant tat-trade mark Komunitarja: |
Enercon GmbH |
Trade mark Komunitarja kkonċernata: |
Trade mark tridimensjonali li tirrappreżenta l-kisja ta’ barra ta’ apparat li jittrasforma l-enerġija tar-riħ għal prodotti li jaqgħu fil-klassi 7 – Nru 2496743 |
Deċiżjoni ta’ l-eżaminatur: |
Reġistrazzjoni rrifjutata |
Deċiżjoni tal-Bord ta’ l-Appell: |
Appell miċħud |
Dispożittiv
1) Ir-rikors huwa miċħud.
2) Enercon GmbH hija kkundannata għall-ispejjeż.