IL-KUMMISSJONI EWROPEA
Brussell, 23.3.2022
COM(2022) 145 final
2022/0096(COD)
Proposta għal
REGOLAMENT TAL-PARLAMENT EWROPEW U TAL-KUNSILL
li jemenda r-Regolament (UE) Nru 1303/2013 u r-Regolament (UE) Nru 223/2014 fir-rigward ta’ żieda fil-prefinanzjament mir-riżorsi tar-REACT-EU
MEMORANDUM TA’ SPJEGAZZJONI
1.KUNTEST TAL-PROPOSTA
•Raġunijiet u objettivi tal-proposta
Din il-proposta tipprevedi bidliet eċċezzjonali u mmirati għall-qafas legali 2014-2020 stabbilit għall-Fondi Strutturali u ta’ Investiment Ewropej u għall-Fond għal Għajnuna Ewropea għall-Persuni l-Aktar fil-Bżonn (FGħEB) b’reazzjoni għall-invażjoni tal-Ukrajna mill-Federazzjoni Russa u l-impatt sussegwenti fuq l-Unjoni Ewropea u b’mod partikolari fuq bosta mir-reġjuni tal-Lvant tagħha.
B’riżultat tal-aggressjoni militari mhux provokata u mhux ġustifikata mir-Russja, l-UE, u b’mod partikolari bosta mir-reġjuni tal-Lvant tagħha, qed iħabbtu wiċċhom ma’ sfidi immedjati, b’mod partikolari fir-rigward ta’ ċittadini ta’ pajjiż terz li qed jaħarbu l-Ukrajna wara l-invażjoni tal-pajjiż mir-Russja.
Il-Kummissjoni diġà ħadet azzjoni biex tassisti lill-Istati Membri f’dan ir-rigward, permezz tal-inizjattiva tagħha ta’ Azzjoni ta’ Koeżjoni għar-Refuġjati fl-Ewropa (CARE) tat-8 ta’ Marzu 2022. Din ipproponiet għadd ta’ emendi speċifiċi għar-Regolamenti (UE) Nru 1303/2013 u (UE) Nru 223/2014 sabiex ikun aktar faċli għall-Istati Membri biex jużaw il-bqija tal-allokazzjonijiet tagħhom tal-Fond Ewropew għall-Iżvilupp Reġjonali (“FEŻR”), tal-Fond Soċjali Ewropew (“FSE”) u tal-FGħEB taħt il-qafas finanzjarju pluriennali 2014-2020, kif ukoll riżorsi li jirriżultaw mill-Assistenza fl-Irkupru għall-Koeżjoni u għat-Territorji tal-Ewropa (“REACT-EU”), b’mod aktar flessibbli, b’mod partikolari billi l-FEŻR u l-FSE jkunu abilitati biex jiffinanzjaw azzjonijiet eleġibbli taħt il-Fond l-ieħor, biex jindirizzaw l-isfidi migratorji bl-aktar mod effettiv u rapidu possibbli, u billi jintroduċu l-possibbiltà ta’ kofinanzjament ta’ 100 % mill-UE għal sena kontabilistika addizzjonali sabiex jittaffa l-piż minn fuq il-baġits nazzjonali.
Minkejja l-flessibbiltajiet offruti mill-pakkett ta’ miżuri CARE, huwa ċar li l-Istati Membri qed jiffaċċaw pressjonijiet baġitarji addizzjonali immedjati li jirriżultaw mill-ġestjoni ta’ wasliet massivi ta’ persuni li qed jaħarbu mill-Ukrajna. L-Istati Membri li jikkondividu fruntiera tal-art mal-Ukrajna huma partikolarment milquta, billi qed ikollhom jipprovdu appoġġ bħal akkomodazzjoni, servizzi soċjali u servizzi tat-trasport, filwaqt li diversi Stati Membri oħrajn ukoll qed iħabbtu wiċċhom ma’ għadd sinifikantement għoli ta’ wasliet meta mqabblin mad-daqs tal-popolazzjoni tagħhom stess, bħala pajjiżi ta’ destinazzjoni finali. Dan ix-xokk addizzjonali jkompli jdgħajjef il-kapaċità tal-Istati Membri li jibnu rkupru reżiljenti mill-pandemija tal-COVID-19.
Għaldaqstant, jenħtieġ li l-appoġġ mill-Fondi jiġi mmobilizzat malajr biex ittaffi l-piż fuq il-baġits nazzjonali. Huwa għalhekk meħtieġ, bħala miżura temporanja u eċċezzjonali u mingħajr preġudizzju għar-regoli li jenħtieġ li japplikaw f’ċirkostanzi regolari, li jiżdied l-ammont ta’ prefinanzjament li jitħallas taħt ir-REACT-EU, għall-Istati Membri kollha. Jenħtieġ li jiġi allokat sehem akbar minn dawn ir-riżorsi ta’ prefinanzjament miżjuda lil dawk l-Istati Membri li huma kkonfrontati bl-akbar flussi ta’ persuni li qed jaħarbu mill-Ukrajna, jew bħala pajjiżi ta’ tranżitu jew bħala pajjiżi ta’ destinazzjoni finali. Peress li l-għadd ta’ persuni li qed jaħarbu mill-gwerra qed jiżdied bis-sigħat u l-Istati Membri bħalissa jinsabu fil-proċess li jirreġistraw in-nies, is-sitwazzjoni hija dinamika ħafna. Biex toħloq stampa tas-sitwazzjoni li tkun qrib tal-pressjoni li qed jiffaċċaw l-Istati Membri minħabba l-iskala kbira ta’ wasliet, il-Kummissjoni kkalkulat is-sehem ta’ wasliet relattiv għall-popolazzjoni abbażi ta’ informazzjoni mill-Istati Membri miksuba permezz tan-Network tal-Blueprint, permezz tal-organizzazzjonijiet internazzjonali, u permezz ta’ sorsi miftuħin affidabbli oħrajn.
Sabiex ikun hemm livell ħafif ta’ rapportar mill-Istati Membri fir-rigward ta’ dan il-prefinanzjament addizzjonali, jenħtieġ li r-rappurtar dwar kif intuża biex itaffi s-sitwazzjoni tal-persuni li jaħarbu mill-Ukrajna u l-kontribut tiegħu għall-irkupru tal-ekonomija jsir biss fir-rapporti ta’ implimentazzjoni finali tal-programmi operazzjonali kkonċernati.
•Konsistenza mad-dispożizzjonijiet eżistenti fil-qasam ta’ politika
Il-proposta hija konsistenti mal-qafas legali ġenerali stabbilit għall-Fondi Strutturali u ta’ Investiment Ewropej u l-FGħEB u hija limitata għal emenda fil-mira u eċċezzjonali tar-Regolamenti (UE) Nru 1303/2013 u (UE) Nru 223/2014. Il-proposta tikkomplementa wkoll l-proposta ta’ emenda preċedenti għal dawn ir-regolamenti taħt il-proposta CARE tal-Kummissjoni tat-8 ta' Marzu 2022 kif ukoll il-miżuri l-oħrajn kollha mmirati lejn l-indirizzar tas-sitwazzjoni attwali mingħajr preċedent.
•Konsistenza ma’ politiki oħra tal-Unjoni
Il-proposta hija limitata għal emendi mmirati u eċċezzjonali tar-Regolamenti (UE) Nru 1303/2013 u (UE) Nru 223/2014 u hija konsistenti ma’ politiki oħra tal-Unjoni.
2.BAŻI ĠURIDIKA, SUSSIDJARJETÀ U PROPORZJONALITÀ
•Bażi ġuridika
Il-proposta hija bbażata fuq l-Artikolu 175(3) u 177 tat-Trattat dwar il-Funzjonament tal-Unjoni Ewropea.
•Sussidjarjetà (għall-kompetenza mhux esklużiva)
Peress li l-indirizzar tal-isfidi maħluqa mill-għadd kbir ta’ wasliet ta’ min qed jaħrab mill-Ukrajna ma jistax jintlaħaq biżżejjed mill-Istati Membri waħedhom, u għalhekk jista’ jintlaħaq aħjar fil-livell tal-Unjoni, l-Unjoni tista’ tipprovdi ammont ikbar ta’ prefinanzjament li jrid jitħallas taħt ir-REACT-EU, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea.
•Proporzjonalità
Il-proposta hija bidla eċċezzjonali u mmirata li ma tmurx lil hinn minn dak li huwa meħtieġ biex jintlaħaq l-objettiv li jiġi previst ammont akbar ta’ prefinanzjament li jrid jitħallas taħt ir-REACT-EU biex jiġu appoġġati miżuri biex jiġu indirizzati l-isfidi migratorji b’riżultat tal-aggressjoni militari mill-Federazzjoni Russa u biex jittaffa l-piż korrispondenti fuq il-baġits pubbliċi biex b’hekk ikun jista’ jiġi mmobilizzat l-investiment b’reazzjoni għall-kriżi mifruxa tas-saħħa pubblika li taffettwa t-tkabbir tar-reġjuni.
•Għażla tal-istrument
Regolament huwa l-istrument xieraq biex jipprevedi ammont akbar ta’ prefinanzjament li jrid jitħallas taħt ir-REACT-EU meħtieġ biex jiġu indirizzati dawn iċ-ċirkostanzi bla preċedent.
3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT
•Evalwazzjonijiet ex post/kontrolli tal-idoneità tal-leġiżlazzjoni eżistenti
Mhux applikabbli
•Konsultazzjonijiet mal-partijiet ikkonċernati
Il-proposta hija s-segwitu ta’ skambji ta’ livell għoli ma’ istituzzjonijiet u Stati Membri oħrajn. Konsultazzjoni pubblika mhijiex meħtieġa minħabba li ma hemmx bżonn ta’ valutazzjoni tal-impatt.
•Ġbir u użu tal-għarfien espert
Mhux applikabbli
•Valutazzjoni tal-impatt
Twettqet valutazzjoni tal-impatt biex titħejja l-proposta għar-Regolamenti (UE) Nru 1303/2013 u (UE) Nru 223/2014. Din il-bidla mmirata b’reazzjoni għal sitwazzjoni kritika ma teħtieġx valutazzjoni tal-impatt separata.
•Idoneità regolatorja u simplifikazzjoni
Mhux applikabbli
•Drittijiet fundamentali
Mhux applikabbli
4.IMPLIKAZZJONIJIET BAĠITARJI
Din il-proposta tikkonċerna biss ir-REACT-EU, li huwa ffinanzjat mill-Istrument Ewropew għall-Irkupru NextGenerationEU (kif stabbilit fir-Regolament tal-Kunsill (UE) 2020/2094).
It-tqassim annwali totali tal-approprjazzjonijiet ta’ impenn u ta’ pagament għall-Fond Ewropew għall-Iżvilupp Reġjonali, il-Fond Soċjali Ewropew u l-Fond għal Għajnuna Ewropea għall-Persuni l-Aktar fil-Bżonn jibqa’ l-istess.
Il-proposta se tirriżulta fi prefinanzjament inizjali addizzjonali li jrid jitħallas taħt ir-REACT-EU, iffinanzjat mill-Istrument Ewropew għall-Irkupru NextGenerationEU.
Il-pagamenti ta’ prefinanzjament inizjali addizzjonali fl-2022 se jiġu ffinanzjati minn dħul assenjat estern. L-ammonti kollha se jkunu disponibbli bħala dħul assenjat estern, skont it-tifsira tal-Artikolu 21(5) tar-Regolament Finanzjarju li jirriżultaw mill-operazzjonijiet ta’ teħid b’self tan-NextGenerationEU.
L-ammont imħallas bħala prefinanzjament inizjali addizzjonali għandu jiġi approvat totalment mill-kontijiet tal-Kummissjoni sa mhux aktar tard minn meta jingħalaq il-programm operazzjonali, b’tali mod li l-ammont totali ta’ pagamenti magħmula taħt ir-REACT-EU jibqa’ l-istess b’din il-proposta. Bl-istess mod, l-approprjazzjonijiet ta’ impenn totali taħt ir-REACT-EU mhux se jiġu mmodifikati.
5.ELEMENTI OĦRA
•Pjanijiet ta’ implimentazzjoni u arranġamenti dwar il-monitoraġġ, l-evalwazzjoni u r-rapportar
Se jkun hemm monitoraġġ tal-implimentazzjoni tal-miżura u se jsiru rapporti dwarha fil-qafas tal-mekkaniżmi ġenerali tar-rappurtar stabbiliti fir-Regolamenti (UE) Nru 1303/2013 u (UE) Nru 223/2014.
•Dokumenti ta’ spjegazzjoni (għad-direttivi)
Mhux applikabbli
•Spjegazzjoni fid-dettall tad-dispożizzjonijiet speċifiċi tal-proposta
Qed jiġi propost li jiġu emendati r-Regolamenti (UE) Nru 1303/2013 u (UE) Nru 223/2014 sabiex jiġi previst perċentwal ikbar ta’ prefinanzjament li jrid jitħallas taħt ir-REACT-EU u għar-rapportar relatat (emenda tal-Artikolu 92b tar-Regolament (UE) Nru 1303/2013 u l-Artikolu 6a tar-Regolament (UE) Nru 223/2014).
2022/0096 (COD)
Proposta għal
REGOLAMENT TAL-PARLAMENT EWROPEW U TAL-KUNSILL
li jemenda r-Regolament (UE) Nru 1303/2013 u r-Regolament (UE) Nru 223/2014 fir-rigward ta’ żieda fil-prefinanzjament mir-riżorsi tar-REACT-EU
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari l-Artikoli 175(3) u 177 tiegħu,
Wara li kkunsidraw il-proposta tal-Kummissjoni Ewropea,
Wara li l-abbozz tal-att leġiżlattiv intbagħat lill-parlamenti nazzjonali,
Wara li kkunsidraw l-opinjoni tal-Kumitat Ekonomiku u Soċjali Ewropew 1 ,
Wara li kkunsidraw l-opinjoni tal-Kumitat tar-Reġjuni 2 ,
Filwaqt li jaġixxu skont il-proċedura leġiżlattiva ordinarja,
Billi:
(1)L-aggressjoni militari reċenti tar-Russja kontra l-Ukrajna u l-kunflitt armat li għaddej biddlu b’mod fundamentali s-sitwazzjoni tas-sigurtà fl-Ewropa. B’riżultat tal-aggressjoni, l-Unjoni Ewropea, u r-reġjuni tal-Lvant tagħha b’mod partikolari, qed jiffaċċaw influss sostanzjali ta’ persuni. Dan joħloq sfida addizzjonali għall-baġits pubbliċi fi żmien meta l-ekonomiji tal-Istati Membri għadhom qed jirkupraw mill-impatt tal-pandemija tal-COVID-19 u jirriskja li jimmina t-tħejjija ta’ rkupru tal-ekonomija ekoloġiku, diġitali u reżiljenti.
(2)L-Istati Membri diġà jistgħu jiffinanzjaw firxa wiesgħa ta’ investimenti biex jindirizzaw l-isfidi migratorji taħt il-programmi operazzjonali b’appoġġ mingħand il-Fond Ewropew għall-Iżvilupp Reġjonali (“FEŻR”), il-Fond Soċjali Ewropew (“FSE”) u l-Fond għal Għajnuna Ewropea għall-Persuni l-Aktar fil-Bżonn (FGħEB) inkluż taħt ir-riżorsi addizzjonali li saru disponibbli bħala Assistenza fl-Irkupru għall-Koeżjoni u għat-Territorji tal-Ewropa (REACT-EU), biex jipprovdu assistenza għat-trawwim tat-tiswija tad-dannu kkawżat mill-kriżi fil-kuntest tal-pandemija tal-COVID-19 u l-konsegwenzi soċjali tagħha u għat-tħejjija ta’ rkupru tal-ekonomija ekoloġiku, diġitali u reżiljenti.
(3)Barra minn hekk, fl-inizjattiva tagħha ta’ Azzjoni ta’ Koeżjoni għar-Refuġjati fl-Ewropa (CARE) tat-8 ta’ Marzu 2022, il-Kummissjoni pproponiet għadd ta’ emendi mmirati għar-Regolament (UE) Nru 1303/2013 tal-Parlament Ewropew u tal-Kunsill 3 , u għar-Regolament (UE) Nru 223/2014 tal-Parlament Ewropew u tal-Kunsill 4 sabiex tagħmilha aktar faċli għall-Istati Membri li jużaw il-bqija tal-allokazzjonijiet tagħhom taħt il-FEŻR, il-FSE u l-FGħEB taħt il-qafas finanzjarju pluriennali 2014-2020, kif ukoll ir-riżorsi tar-REACT-EU, biex jindirizzaw l-isfidi migratorji bl-aktar mod effettiv u rapidu possibbli.
(4)Minkejja l-flessibbiltajiet offruti mill-proposta CARE, l-Istati Membri għadhom jiffaċċaw pressjonijiet sostanzjali fuq il-baġits pubbliċi minn sfidi li jirriżultaw mil-għadd kbir ħafna ta’ wasliet ta’ nies li qed jaħarbu mill-Ukrajna. Dawn il-pressjonijiet jirriskjaw li jimminaw il-kapaċità tagħhom li jimxu lejn irkupru tal-ekonomija reżiljenti mill-pandemija tal-COVID-19. Sabiex l-Istati Membri jiġu megħjuna jindirizzaw l-isfidi maħluqin, jenħtieġ li l-appoġġ mill-FEŻR, mill-FSE u mill-FGħEB jiġi mmobilizzat malajr billi tiżdied ir-rata ta’ prefinanzjament inizjali mħallas mir-riżorsi tar-REACT-EU għall-Istati Membri kollha. Fl-istess ħin, xi Stati Membri ġew ikkonfrontati b’għadd sinifikanti ta’ wasliet ta’ persuni mill-Ukrajna, li jeħtieġu l-għoti ta’ appoġġ immedjat. Għaldaqstant, jenħtieġ li dawn l-Istati Membri jibbenefikaw minn żieda sinifikantement ogħla fir-rata tal-prefinanzjament inizjali biex ipattu għall-ispejjeż baġitarji immedjati u jappoġġaw l-isforzi tagħhom fit-tħejjija tal-irkupru tal-ekonomiji tagħhom.
(5)Sabiex jiġi mmonitorjat l-użu li sar minn dan il-prefinanzjament addizzjonali, jenħtieġ li r-rapporti finali dwar l-implimentazzjoni tal-programmi tal-FEŻR u l-FSE li jirċievu prefinanzjament addizzjonali jirrapportaw dwar l-użu li sar mill-ammonti addizzjonali rċevuti biex jiġu indirizzati l-isfidi migratorji ffaċċati b’riżultat tal-aggressjoni militari mill-Federazzjoni Russa u kif din ikkontribwiet għall-irkupru tal-ekonomija.
(6)Peress li l-objettivi ta’ dan ir-Regolament, jiġifieri li l-Istati Membri jingħataw assistenza għall-indirizzar tal-isfidi maħluqin mill-għadd eċċezzjonalment kbir ta’ wasliet ta’ nies li qed jaħarbu l-gwerra kontra l-Ukrajna u li jingħataw appoġġ għall-qalba lejn irkupru tal-ekonomija reżiljenti mill-pandemija tal-COVID-19, ma jistgħux jintlaħqu biżżejjed mill-Istati Membri waħedhom, u għalhekk, minħabba l-iskala u l-effetti tal-azzjoni proposta, jistgħu jintlaħqu aħjar fil-livell tal-Unjoni, l-Unjoni tista’ tadotta miżuri, f’konformità mal-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea. F’konformità mal-prinċipju tal-proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li hu neċessarju biex jintlaħqu dawk l-objettivi.
(7)Għaldaqstant, jenħtieġ li r-Regolament (UE) Nru 1303/2013 u r-Regolament (UE) Nru 223/2014 jiġu emendati kif xieraq.
(8)Minħabba l-ħtieġa li tingħata għajnuna rapida lill-baġits pubbliċi bil-ħsieb li tiġi ppreservata l-kapaċità tal-Istati Membri li jsostnu l-proċess ta’ rkupru ekonomiku u jkunu permessi pagamenti addizzjonali għall-programmi operazzjonali mingħajr dewmien, huwa meħtieġ li dan ir-Regolament jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
(9)Minħabba l-urġenza biex tiġi pprovduta għajnuna rapida għall-baġits pubbliċi bil-ħsieb li tiġi ppreservata l-kapaċità tagħhom li jappoġġaw l-irkupru tal-ekonomiji mill-pandemija tal-COVID-19 u biex jkunu jistgħu jsiru pagamenti addizzjonali għall-programmi operazzjonali mingħajr dewmien, huwa kkunsidrat li huwa meħtieġ li tintuża l-eċċezzjoni għall-perjodu ta’ tmien ġimgħat imsemmi fl-Artikolu 4 tal-Protokoll Nru 1 dwar ir-rwol tal-Parlamenti nazzjonali fl-Unjoni Ewropea, anness mat-Trattat dwar l-Unjoni Ewropea, mat-Trattat dwar il-Funzjonament tal-Unjoni Ewropea u mat-Trattat li jistabbilixxi l-Komunità Ewropea għall-Enerġija Atomika,
ADOTTAW DAN IR-REGOLAMENT:
Artikolu 1
Emenda għar-Regolament (UE) Nru 1303/2013
Ir-Regolament (UE) Nru 1303/2013 huwa emendat kif ġej:
(1)Fl-Artikolu 92b(7), jiżdiedu t-tieni u t-tielet subparagrafi li ġejjin:
“Minbarra l-prefinanzjament inizjali stabbilit fl-ewwel subparagrafu, il-Kummissjoni għandha tħallas 4 % tar-riżorsi tar-REACT-EU allokati għall-programmi għas-sena 2021 bħala prefinanzjament inizjali addizzjonali fl-2022. Għall-programmi fl-Istati Membri li kellhom livell ta’ wasliet ta’ persuni mill-Ukrajna ogħla minn 1 % tal-popolazzjoni nazzjonali tagħhom bejn l-24 ta’ Frar 2022 u t-23 ta’ Marzu 2022, dak il-perċentwal għandu jiżdied għal 34 %.
Meta jibagħtu r-rapport ta’ implimentazzjoni finali meħtieġ skont l-Artikoli 50(1) u 111, l-Istati Membri għandhom jirrapportaw dwar l-użu li jkun sar minn dan il-prefinanzjament inizjali addizzjonali biex jindirizzaw l-isfidi migratorji ffaċċati b’riżultat tal-aggressjoni militari mill-Federazzjoni Russa u l-kontribuzzjoni tiegħu għall-irkupru tal-ekonomija.”
(2)Fl-Artikolu 92b(7), l-aħħar subparagrafu huwa sostitwit b'dan li ġej:
“Meta d-deċiżjoni tal-Kummissjoni li tapprova l-programm operazzjonali jew l-emenda għall-programm operazzjonali li jalloka r-riżorsi REACT-EU għall-2021 tkun ġiet adottata wara l-31 ta’ Diċembru 2021 u l-prefinanzjament relatat ma jkunx tħallas, l-ammont ta’ prefinanzjament inizjali msemmi fl-ewwel u t-tieni subparagrafi għandu jitħallas fl-2022.
L-ammont imħallas bħala prefinanzjament inizjali msemmi fl-ewwel subparagrafu għandu jiġi saldat għalkollox mill-kontijiet tal-Kummissjoni mhux aktar tard minn meta jingħalaq il-programm operazzjonali.”
Artikolu 2
Emenda għar-Regolament (UE) Nru 223/2014
Ir-Regolament (UE) Nru 223/2014 huwa emendat kif ġej:
(1)Fl-Artikolu 6a(4), jiddaħħal it-tieni subparagrafu li ġej:
“Minbarra l-prefinanzjament inizjali stabbilit fl-ewwel subparagrafu, il-Kummissjoni għandha tħallas 4 % tar-riżorsi tar-REACT-EU allokati għall-programmi għas-sena 2021 bħala prefinanzjament inizjali addizzjonali fl-2022. Għall-programmi fl-Istati Membri li kellhom livell ta’ wasliet ta’ persuni mill-Ukrajna ogħla minn 1 % tal-popolazzjoni nazzjonali tagħhom bejn l-24 ta’ Frar 2022 u t-23 ta’ Marzu 2022, dak il-perċentwal għandu jiżdied għal 34 %.”
(2)Fl-Artikolu 6a(4), l-aħħar subparagrafu huwa sostitwit b'dan li ġej:
“L-ammont imħallas bħala prefinanzjament inizjali msemmi fl-ewwel u fit-tieni subparagrafu għandu jiġi saldat għalkollox mill-kontijiet tal-Kummissjoni sa mhux aktar tard minn meta jingħalaq il-programm operazzjonali.”
Artikolu 3
Dan ir-Regolament għandu jidħol fis-seħħ l-għada tal-jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell,
Għall-Parlament Ewropew Għall-Kunsill
Il-President Il-President
DIKJARAZZJONI FINANZJARJA LEĠIŻLATTIVA
1.QAFAS TAL-PROPOSTA/TAL-INIZJATTIVA
1.1.Titolu tal-proposta/tal-inizjattiva
Proposta għal
REGOLAMENT TAL-PARLAMENT EWROPEW U TAL-KUNSILL
li jemenda r-Regolament (UE) Nru 1303/2013 u r-Regolament (UE) Nru 223/2014 fir-rigward ta’ żieda fil-prefinanzjament mir-riżorsi tar-REACT-EU
1.2.Qasam/Oqsma ta’ politika kkonċernat(i)
05 Żvilupp Reġjonali u Koeżjoni
07 Investiment fin-Nies, Koeżjoni Soċjali u Valuri
1.3.Il-proposta/l-inizjattiva hija relatata ma’:
◻ azzjoni ġdida
◻ azzjoni ġdida b’segwitu għal proġett pilota/azzjoni preparatorja 5
X l-estensjoni ta’ azzjoni eżistenti
◻ fużjoni jew ridirezzjonar ta’ azzjoni waħda jew aktar lejn azzjoni oħra/ġdida
1.4.Objettiv(i)
1.4.1.Objettiv(i) ġenerali
Mhux applikabbli
1.4.2.Objettiv(i) speċifiku/speċifiċi
Mhux applikabbli
1.4.3.Riżultat(i) u impatt mistennija
Speċifika l-effetti li l-proposta/l-inizjattiva jenħtieġ li jkollha fuq il-benefiċjarji/il-gruppi fil-mira.
Mhux applikabbli
1.4.4.Indikaturi tal-prestazzjoni
Speċifika l-indikaturi għall-monitoraġġ tal-progress u tal-kisbiet.
Mhux applikabbli
1.5.Raġunijiet għall-proposta/għall-inizjattiva
1.5.1.Rekwiżit(i) li jrid(u) jiġi/u ssodisfat(i) fuq terminu qasir jew twil inkluża kronoloġija dettaljata għat-tnedija tal-implimentazzjoni tal-inizjattiva
Mhux applikabbli
1.5.2.Valur miżjud tal-involviment tal-Unjoni (dan jista’ jirriżulta minn fatturi differenti, eż. il-gwadanji mill-koordinazzjoni, iċ-ċertezza legali, effettività akbar jew il-komplementarjetajiet). Għall-finijiet ta’ dan il-punt, il-“valur miżjud tal-involviment tal-Unjoni” huwa l-valur li jirriżulta mill-intervent tal-Unjoni li jkun addizzjonali għall-valur illi kieku kien jinħoloq mill-Istati Membri waħedhom.
Mhux applikabbli
1.5.3.Tagħlimiet meħuda minn esperjenzi simili fl-imgħoddi
Mhux applikabbli
1.5.4.Kompatibbiltà mal-Qafas Finanzjarju Pluriennali u sinerġiji possibbli ma’ strumenti xierqa oħra
Mhux applikabbli
1.5.5.Valutazzjoni tal-għażliet differenti ta’ finanzjament disponibbli, inkluż l-ambitu għar-riallokazzjoni
Mhux applikabbli
1.6.Durata u impatt finanzjarju tal-proposta/tal-inizjattiva
X durata limitata
–X b’effett mill-1 ta' Jannar 2022 sal-31 ta' Diċembru 2022
–X Impatt finanzjarju mill-1 ta’ Jannar 2022 sal-31 ta’ Diċembru 2024 fuq l-approprjazzjonijiet ta’ impenn u ta’ pagament
◻ durata mhux limitata
–Implimentazzjoni b’perjodu ta’ tnedija minn SSSS sa SSSS,
–segwita b’operazzjoni fuq skala sħiħa.
1.7.Mod(i) ta’ ġestjoni ppjanat(i) 6
◻ Ġestjoni diretta mill-Kummissjoni
–◻ mid-dipartimenti tagħha, inkluż mill-persunal tagħha fid-delegazzjonijiet tal-Unjoni;
–◻ mill-aġenziji eżekuttivi
X Ġestjoni kondiviża mal-Istati Membri
◻ Ġestjoni indiretta billi jiġu fdati kompiti ta’ implimentazzjoni baġitarja:
–◻ lill-pajjiżi terzi jew lill-korpi nnominati minnhom;
–◻ lill-organizzazzjonijiet internazzjonali u lill-aġenziji tagħhom (iridu jiġu speċifikati);
–◻ lill-BEI u lill-Fond Ewropew tal-Investiment;
–◻ lill-korpi msemmija fl-Artikoli 70 u 71 tar-Regolament Finanzjarju;
–◻ lill-korpi tal-liġi pubblika;
–◻ lill-korpi rregolati mil-liġi privata b’missjoni ta’ servizz pubbliku sakemm dawn jipprovdu garanziji finanzjarji adegwati;
–◻ lill-korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika-privata u li jipprovdu garanziji finanzjarji adegwati;
–◻ lill-persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.
–Jekk jiġi indikat iżjed minn mod ta’ ġestjoni wieħed, jekk jogħġbok ipprovdi d-dettalji fit-taqsima "Kummenti".
Kummenti
Mhux applikabbli
2.MIŻURI TA’ ĠESTJONI
2.1.Regoli ta’ monitoraġġ u ta’ rapportar
Speċifika l-frekwenza u l-kundizzjonijiet.
Mhux applikabbli
2.2.Sistema/i ta’ ġestjoni u ta’ kontroll
2.2.1.Ġustifikazzjoni tal-mod(i) ta’ ġestjoni, tal-mekkaniżmu/i għall-implimentazzjoni tal-finanzjament, tal-modalitajiet ta’ pagament u tal-istrateġija ta’ kontroll proposta
Mhux applikabbli
2.2.2.Informazzjoni dwar ir-riskji identifikati u s-sistema/i ta’ kontroll intern stabbilita/i għall-mitigazzjoni tagħhom
Mhux applikabbli
2.2.3.Stima u ġustifikazzjoni tal-kosteffettività tal-kontrolli (proporzjon tal-“kostijiet tal-kontroll ÷ il-valur tal-fondi relatati ġestiti”) u valutazzjoni tal-livelli mistennija tar-riskju ta’ errur (mal-ħlas u fl-għeluq)
Mhux applikabbli
2.3.Miżuri għall-prevenzjoni ta’ frodi u ta’ irregolaritajiet
Speċifika l-miżuri ta’ prevenzjoni u ta’ protezzjoni eżistenti jew previsti, eż. mill-Istrateġija Kontra l-Frodi.
Mhux applikabbli
IMPATT FINANZJARJU STMAT TAL-PROPOSTA/TAL-INIZJATTIVA
Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i
Linji baġitarji eżistenti
Skont l-ordni tal-intestaturi tal-qafas finanzjarju pluriennali u tal-linji baġitarji.
|
Intestatura tal-qafas finanzjarju pluriennali |
Linja baġitarja |
Tip ta’
|
Kontribuzzjoni |
|||
|
Numru
|
Diff./Mhux diff 7 . |
mill-pajjiżi tal-EFTA 8 |
mill-pajjiżi kandidati 9 |
minn pajjiżi terzi |
skont it-tifsira tal-Artikolu 21(2)(b) tar-Regolament Finanzjarju |
|
|
2a Koeżjoni ekonomika, soċjali u territorjali |
05.02.05.01 Fond Ewropew għall-Iżvilupp Reġjonali (FEŻR) – Nefqa Operazzjonali – Finanzjament taħt ir-REACT-EU 07.02.05.01 Fond Soċjali Ewropew (FSE) – Nefqa Operazzjonali – Finanzjament taħt ir-REACT-EU 07.02.06.01 Tlestija tal-Fond għal Għajnuna Ewropea għall-Persuni l-Aktar fil-Bżonn (FGħEB) – Nefqa Operazzjonali – Finanzjament taħt ir-REACT-EU |
Diff. |
LE |
LE |
LE |
LE |
Impatt finanzjarju stmat tal-proposta fuq l-approprjazzjonijiet
Sommarju tal-impatt stmat fuq l-approprjazzjonijiet operazzjonali
Il-modifika proposta ma timplika l-ebda tibdil fil-limiti massimi annwali tal-Qafas Finanzjarju Pluriennali għal impenji u pagamenti skont l-Anness I tar-Regolament (UE) Nru 1311/2013.
It-tqassim annwali totali tal-approprjazzjonijiet ta’ impenn għall-Fond Ewropew għall-Iżvilupp Reġjonali, il-Fond Soċjali Ewropew u l-Fond għal Għajnuna Ewropea għall-Persuni l-Aktar fil-Bżonn jibqa’ l-istess.
Il-proposta se tirriżulta fi prefinanzjament inizjali addizzjonali li jrid jitħallas.
Il-pagamenti ta’ prefinanzjament inizjali addizzjonali fl-2022 se jiġu ffinanzjati minn dħul assenjat estern. L-ammonti kollha se jkunu disponibbli bħala dħul assenjat estern, skont it-tifsira tal-Artikolu 21(5) tar-Regolament Finanzjarju li jirriżultaw mill-operazzjonijiet ta’ teħid b’self tal-Unjoni kif stabbilit fir-Regolament tal-Kunsill (UE) 2020/2094.
L-ammont imħallas bħala prefinanzjament inizjali addizzjonali għandu jiġi saldat għalkollox mill-kontijiet tal-Kummissjoni sa mhux aktar tard minn meta jingħalaq il-programm operazzjonali.
miljuni ta’ EUR (għal tliet pożizzjonijiet deċimali)
|
Intestatura tal-qafas finanzjarju
|
Numru |
2a |
|
Id-DĠ Politika Reġjonali u Urbana u d-DĠ Impjiegi, Affarijiet Soċjali u Inklużjoni |
2021 |
2022 |
2023 |
2024 |
2025 |
TOTAL |
||
|
• Approprjazzjonijiet operazzjonali |
||||||||
|
05.02.05.01 Fond Ewropew għall-Iżvilupp Reġjonali (FEŻR) – Nefqa Operazzjonali – Finanzjament taħt ir-REACT-EU 07.02.05.01 Fond Soċjali Ewropew (FSE) – Nefqa Operazzjonali – Finanzjament taħt ir-REACT-EU 07.02.06.01 Tlestija tal-Fond għal Għajnuna Ewropea għall-Persuni l-Aktar fil-Bżonn (FGħEB) – Nefqa Operazzjonali – Finanzjament taħt ir-REACT-EU |
Impenji |
(1a) |
0.000 |
|||||
|
Pagamenti |
(2a) |
3 426.000 |
-3 426.000 |
0.000 |
||||
|
Linja baġitarja |
Impenji |
(1b) |
||||||
|
Pagamenti |
(2b) |
|||||||
|
Approprjazzjonijiet ta’ natura amministrattiva ffinanzjati mill-pakkett ta’ programmi speċifiċi 10 |
||||||||
|
Linja baġitarja |
(3) |
|||||||
|
TOTAL tal-approprjazzjonijiet
|
Impenji |
=1a+1b +3 |
0.000 |
|||||
|
Pagamenti |
=2a+2b +3 |
3 426.000 |
-3 426.000 |
0.000 |
||||
|
|
Impenji |
(4) |
||||||
|
Pagamenti |
(5) |
|||||||
|
• TOTAL tal-approprjazzjonijiet ta’ natura amministrattiva ffinanzjati mill-pakkett għal programmi speċifiċi |
(6) |
|||||||
|
TOTAL tal-approprjazzjonijiet
|
Impenji |
=4+ 6 |
0.000 |
|||||
|
Pagamenti |
=5+ 6 |
3 426.000 |
-3 426.000 |
0.000 |
||||
|
|
7 |
“Nefqa amministrattiva” |
Jenħtieġ li din it-taqsima timtela billi tintuża d-“data baġitarja ta’ natura amministrattiva” li, qabel kollox, trid tiġi introdotta fl- Anness tad-Dikjarazzjoni Finanzjarja Leġiżlattiva (l-Anness V tar-regoli interni), li jittella’ fid-DECIDE għall-finijiet ta’ konsultazzjoni bejn is-servizzi.
miljuni ta’ EUR (għal tliet pożizzjonijiet deċimali)
|
Sena
|
Sena
|
Sena
|
Sena
|
Daħħal is-snin kollha li hemm bżonn biex turi d-durata tal-impatt (ara l-punt 1.6) |
TOTAL |
|||||
|
DĠ: <…….> |
||||||||||
|
• Riżorsi umani |
||||||||||
|
• Nefqa amministrattiva oħra |
||||||||||
|
TOTAL TAD-DĠ <…….> |
Approprjazzjonijiet |
|||||||||
|
TOTAL tal-approprjazzjonijiet
|
(Total ta’ impenji = Total ta’ pagamenti) |
miljuni ta’ EUR (għal tliet pożizzjonijiet deċimali)
|
2021 |
2022 |
2023 |
2024 |
2025 |
TOTAL |
|||
|
TOTAL tal-approprjazzjonijiet
|
Impenji |
0.000 |
||||||
|
Pagamenti |
3 426.000 |
-3.426.000 |
0.000 |
|||||
Output stmat iffinanzjat bl-approprjazzjonijiet operazzjonali
Il-proposta/l-inizjattiva teħtieġ l-użu ta’ approprjazzjonijiet operazzjonali eżistenti (ebda tibdil):
Approprjazzjonijiet ta’ impenn f’miljuni ta’ EUR (għal tliet pożizzjonijiet deċimali)
|
Indika l-objettivi u l-outputs ⇩ |
Sena
|
Sena
|
Sena
|
Sena
|
Daħħal is-snin kollha li hemm bżonn biex turi d-durata tal-impatt (ara l-punt 1.6) |
TOTAL |
|||||||||||||
|
OUTPUTS |
|||||||||||||||||||
|
Tip 11 |
Kost medju |
Nru |
Kost |
Nru |
Kost |
Nru |
Kost |
Nru |
Kost |
Nru |
Kost |
Nru |
Kost |
Nru |
Kost |
Nru totali |
Kost totali |
||
|
OBJETTIV SPEĊIFIKU Nru 1 12 … |
|||||||||||||||||||
|
- Output |
|||||||||||||||||||
|
- Output |
|||||||||||||||||||
|
- Output |
|||||||||||||||||||
|
Subtotal tal-objettiv speċifiku Nru 1 |
|||||||||||||||||||
|
OBJETTIV SPEĊIFIKU Nru 2 ... |
|||||||||||||||||||
|
- Output |
|||||||||||||||||||
|
Subtotal għall-objettiv speċifiku Nru 2 |
|||||||||||||||||||
|
TOTALI |
|||||||||||||||||||
Sommarju tal-impatt stmat fuq l-approprjazzjonijiet amministrattivi
X Il-proposta/l-inizjattiva ma teħtieġx l-użu ta’ approprjazzjonijiet ta’ natura amministrattiva
◻ Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:
miljuni ta’ EUR (għal tliet pożizzjonijiet deċimali)
|
Sena
|
Sena
|
Sena
|
Sena
|
Daħħal is-snin kollha li hemm bżonn biex turi d-durata tal-impatt (ara l-punt 1.6) |
TOTAL |
|
INTESTATURA 7
|
||||||||
|
Riżorsi umani |
||||||||
|
Nefqa amministrattiva oħra |
||||||||
|
Subtotal tal-INTESTATURA 7
|
|
Barra mill-INTESTATURA 7
14
|
||||||||
|
Riżorsi umani |
||||||||
|
Nefqa oħra
|
||||||||
|
Subtotal
|
|
TOTAL |
L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ li diġà jkunu assenjati għall-ġestjoni tal-azzjoni u/jew li diġà jkunu ġew riassenjati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.
Rekwiżiti stmati ta’ riżorsi umani
X Il-proposta/l-inizjattiva ma teħtieġx l-użu ta’ riżorsi umani.
◻ Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:
L-istima trid tiġi espressa f’unitajiet ekwivalenti għall-full-time
|
– |
Sena
|
Sena
|
Sena N+2 |
Sena N+3 |
Daħħal is-snin kollha li hemm bżonn biex turi d-durata tal-impatt (ara l-punt 1.6) |
||||
|
• Pożizzjonijiet fil-pjan ta’ stabbiliment (uffiċjali u persunal temporanju) |
|||||||||
|
–20 01 02 01 (Kwartieri Ġenerali u l-Uffiċċji tar-Rappreżentanza tal-Kummissjoni) |
|||||||||
|
–20 01 02 03 (Delegazzjonijiet) |
|||||||||
|
–01 01 01 01 (Riċerka indiretta) |
|||||||||
|
– 01 01 01 11 (Riċerka diretta) |
|||||||||
|
–Linji baġitarji oħra (speċifika) |
|||||||||
|
–• Persunal estern (f’unità Ekwivalenti għall-Full-Time: FTE) 15 – |
|||||||||
|
–20 02 01 (AC, END, INT mill-“pakkett globali”) |
|||||||||
|
–20 02 03 (AC, AL, END, INT u JPD fid-delegazzjonijiet) |
|||||||||
|
–XX 01 xx yy zz 16 – |
–- fil-Kwartieri Ġenerali – |
– |
|||||||
|
– |
–- fid-Delegazzjonijiet |
– |
|||||||
|
–01 01 01 02 (AC, END, INT - Riċerka indiretta) |
|||||||||
|
– 01 01 01 12 (AC, END, INT - Riċerka diretta) |
|||||||||
|
–Linji baġitarji oħra (speċifika) |
|||||||||
|
–TOTAL |
|||||||||
XX huwa l-qasam ta’ politika jew it-titolu baġitarju kkonċernat.
Ir-riżorsi umani meħtieġa se jiġu koperti mill-persunal tad-DĠ li diġà jkun assenjat għall-ġestjoni tal-azzjoni u/jew li diġà jkun ġie riassenjat fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji.
Deskrizzjoni tal-kompiti li jridu jitwettqu:
|
Uffiċjali u persunal temporanju |
|
|
Persunal estern |
Kompatibbiltà mal-qafas finanzjarju pluriennali attwali
Il-proposta/l-inizjattiva hija kompatibbli mal-qafas finanzjarju pluriennali attwali.
Il-proposta/l-inizjattiva:
◻ tista’ tiġi ffinanzjata kompletament permezz ta’ riallokazzjoni fl-intestatura rilevanti tal-Qafas Finanzjarju Pluriennali (QFP).
Spjega liema riprogrammazzjoni hija meħtieġa, filwaqt li tispeċifika l-linji baġitarji kkonċernati u l-ammonti korrispondenti. Ipprovdi tabella Excel f’każ ta’ riprogrammazzjoni kbira.
◻ teħtieġ l-użu tal-marġni mhux allokat taħt l-intestatura rilevanti tal-QFP u/jew l-użu tal-istrumenti speċjali ddefiniti fir-Regolament dwar il-QFP.
Spjega x’inhu meħtieġ, billi tispeċifika l-intestaturi u l-linji baġitarji kkonċernati, l-ammonti korrispondenti, u l-istrumenti proposti li għandhom jintużaw.
◻ teħtieġ reviżjoni tal-QFP.
Spjega x’inhu meħtieġ, billi tispeċifika l-intestaturi u l-linji baġitarji kkonċernati u l-ammonti korrispondenti.
Kontribuzzjonijiet ta’ partijiet terzi
Il-proposta/l-inizjattiva:
X ma tipprevedix kofinanzjament minn partijiet terzi
◻ tipprevedi l-kofinanzjament minn partijiet terzi kif stmat hawn taħt:
Approprjazzjonijiet f’miljuni ta’ EUR (għal tliet pożizzjonijiet deċimali)
|
Sena
|
Sena
|
Sena
|
Sena
|
Daħħal is-snin kollha li hemm bżonn biex turi d-durata tal-impatt (ara l-punt 1.6) |
Total |
|||
|
Speċifika l-korp ta’ kofinanzjament |
||||||||
|
TOTAL tal-approprjazzjonijiet kofinanzjati |
||||||||
Impatt stmat fuq id-dħul
–◻Il-proposta/l-inizjattiva ma għandha l-ebda impatt finanzjarju fuq id-dħul.
–◻ Il-proposta/l-inizjattiva għandha l-impatt finanzjarju li ġej:
◻ fuq ir-riżorsi proprji
X fuq dħul ieħor
Il-pagamenti ta’ prefinanzjament addizzjonali fl-2022 se jiġu ffinanzjati minn dħul assenjat estern. L-ammonti kollha se jkunu disponibbli bħala dħul assenjat estern, skont it-tifsira tal-Artikolu 21(5) tar-Regolament Finanzjarju li jirriżultaw mill-operazzjonijiet ta’ teħid b’self tal-Unjoni kif stabbilit fir-Regolament tal-Kunsill (UE) 2020/2094.
indika, jekk id-dħul hux assenjat għal-linji tan-nefqa ◻
miljuni ta’ EUR (għal tliet pożizzjonijiet deċimali)
|
Linja baġitarja tad-dħul: |
Approprjazzjonijiet disponibbli għas-sena finanzjarja attwali |
Impatt tal-proposta/tal-inizjattiva 18 |
||||||
|
Sena
|
Sena
|
Sena
|
Sena
|
Daħħal is-snin kollha li hemm bżonn biex turi d-durata tal-impatt (ara l-punt 1.6) |
||||
|
L-Artikolu …………. |
||||||||
Għal dħul assenjat, speċifika l-linja/i baġitarja/i tan-nefqa affettwata/i.
[…]
Rimarki oħra (eż. il-metodu/il-formula li ntużaw biex jiġi kkalkolat l-impatt fuq id-dħul jew kwalunkwe informazzjoni oħra).
[…]