2.8.2017 |
MT |
Il-Ġurnal Uffiċjali tal-Unjoni Ewropea |
C 251/14 |
Pubblikazzjoni ta’ applikazzjoni għall-approvazzjoni ta’ emenda minuri skont it-tieni subparagrafu tal-Artikolu 53(2) tar-Regolament (UE) Nru 1151/2012 tal-Parlament Ewropew u tal-Kunsill dwar skemi tal-kwalità għal prodotti agrikoli u oġġetti tal-ikel
(2017/C 251/07)
Il-Kummissjoni Ewropea approvat din l-emenda minuri skont it-tielet subparagrafu tal-Artikolu 6(2) tar-Regolament ta’ Delega tal-Kummissjoni (UE) Nru 664/2014 (1).
APPLIKAZZJONI GĦALL-APPROVAZZJONI TA’ EMENDA MINURI
Applikazzjoni għall-approvazzjoni ta’ emenda minuri skont it-tieni subparagrafu tal-Artikolu 53(2) tar-Regolament (UE) Nru 1151/2012 tal-Parlament Ewropew u tal-Kunsill (2)
“PAN DE CRUZ DE CIUDAD REAL”
Nru tal-UE: PGI-ES-2210 — 13.1.2017
DOP ( ) IĠP ( X ) STG ( )
1. Grupp applikant u interess leġittimu
Indirizz: |
|
||||
Tel. |
+34 926600002 Ext. 5007 |
||||
Email: |
igp@afexpan.es |
2. Stat Membru jew Pajjiż Terz
Spanja
3. Intestatura fl-ispeċifikazzjoni tal-prodott affettwat/a mill-emenda
— |
☐ |
Deskrizzjoni tal-prodott |
— |
☐ |
Prova tal-oriġini |
— |
☐ |
Metodu ta’ produzzjoni |
— |
☐ |
Rabta |
— |
☒ |
Tikketta |
— |
☐ |
Oħrajn (speċifika) |
4. Tip ta’ emenda/i
— |
☐ |
Emenda fl-ispeċifiċità tal-prodott tad-DOP jew tal-IĠP irreġistrat li għandha tiġi kwalifikata bħala minuri skont it-tielet subparagrafu tal-Artikolu 53(2) tar-Regolament (UE) Nru 1151/2012, li ma teħtieġ l-ebda emenda fid-dokument uniku ppubblikat. |
— |
☒ |
Emenda fl-ispeċifiċità tal-prodott tad-DOP jew tal-IĠP irreġistrat li għandha tiġi kwalifikata bħala minuri skont it-tielet subparagrafu tal-Artikolu 53(2) tar-Regolament (UE) Nru 1151/2012, li teħtieġ emenda fid-dokument uniku ppubblikat. |
— |
☐ |
Emenda fl-ispeċifiċità tal-prodott tad-DPO jew tal-IĠP irreġistrat li għandha tiġi kwalifikata bħala minuri skont it-tielet paragrafu tal-Artikolu 53(2) tar-Regolament (UE) Nru 1151/2012, li għalih ma kienx ġie ppubblikat dokument uniku (jew ekwivalenti). |
— |
☐ |
Emenda fl-ispeċifiċità tal-prodott tal-STG rreġistrat li għandha tiġi kwalifikata bħala minuri skont ir-raba’ paragrafu tal-Artikolu 53(2) tar-Regolament (UE) Nru 1151/2012. |
5. Emenda/i
Tikkettar
Mill-punt “8. Tikkettar”. il-paragrafi li ġejjin jitħassru mill-ispeċifikazzjonijiet:
“F’waħda mill-kwadranti tas-salib ikun hemm il-kodiċi li jikkorrispondi man-numru tar-reġistrazzjoni tal-furnar li pproduċa l-ħobż u fil-kwadrant l-ieħor ikun hemm tikketta bil-logo tal-IĠP “Pan de Cruz de Ciudad Real”, il-logo Ewropew tal-Indikazzjonijiet Ġeografiċi Protetti kif ukoll in-numru tal-kontroll individwali korrelattiv li jikkorrispondi għall-ħobż, u l-identifikazzjoni tal-entità li tiċċertifikah.”
“Is-sekwenza numerika tal-ħobż għandha tiġi amministrata u kkontrollata mill-korp ta’ ċertifikazzjoni.”
It-test l-antik tal-paragrafu dwar it-tikkettar:
“Il-ħobż kopert minn din l-Indikazzjoni Ġeografika jkun immarkat u ttikkettat biex jiġi identifikat sew b’dan il-mod:
Fil-wiċċ ikollu żewġ qatgħat fondi u perpendikolari f’forma ta’ salib. F’waħda mill-kwadranti tas-salib ikun hemm il-kodiċi li jikkorrispondi man-numru tar-reġistrazzjoni tal-furnar li pproduċa l-ħobż u fil-kwadrant l-ieħor ikun hemm tikketta bil-logo tal-IĠP ‘Pan de Cruz de Ciudad Real’, il-logo Ewropew tal-Indikazzjonijiet Ġeografiċi Protetti kif ukoll in-numru tal-kontroll individwali korrelattiv li jikkorrispondi għall-ħobż, u l-identifikazzjoni tal-entità li tiċċertifikah.
Fuq in-naħa ta’ taħt tal-ħobż, ikun hemm l-anagramma jew il-logo tal-IĠP, iffurmat minn toqob żgħar ġol-qoxra.
Is-sekwenza numerika tal-ħobż għandha tiġi amministrata u kkontrollata mill-korp ta’ ċertifikazzjoni.
Il-ħobż kopert mill-IĠP ‘Pan de Cruz de Ciudad Real’ jitqiegħed fis-suq immarkat u ttikkettat kif ukoll f’imballaġġ f’każijiet fejn dan ikun mitlub mil-leġiżlazzjoni fis-seħħ.”
Ġustifikazzjoni:
L-emenda qed issir minħabba d-diffikultà li qed tippreżenta ruħha meta l-ħobż jiġi mmarkat bin-numru tar-reġistrazzjoni tal-furnar li pproduċa l-ħobż, in-numru tal-kontroll individwali u l-identifikazzjoni tal-korp taċ-ċertifikazzjoni, b’mod partikolari f’ħobż żgħir, fil-ħobż tal-libbra u fil-ħbejżiet tas-salib, minħabba d-daqs żgħir tagħhom, kif ukoll minħabba d-diffikultà biex titwaħħal it-tikketta għall-użu fl-ikel ma’ ħobż li jkun għadu ħiereġ mill-forn b’temperatura ta’ 180–200 °C.
Bl-istess mod, il-konsumatur jista’ jidentifika aħjar il-“Pan de Cruz de Ciudad Real” miż-żewġ marki li jibqgħu fl-emenda proposta.
Din l-emenda hija emenda minuri billi l-prodott mhux se jiġi modifikat u se jibqa’ l-istess, bl-istess karatteristiċi. Bl-istess mod, la ż-żona ġeografika, la r-rabta u lanqas l-isem mhuma se jiġu emendati u lanqas se jiżdiedu r-restrizzjonijiet imposti fuq il-kummerċ skont l-Artikolu 53(2), biex tiġi kkunsidrata bħala emenda minuri
It-test li jissostitwixxi l-paragrafu dwar t-tikkettar:
“Biex ikun jista’ jiġi identifikat sew, il-ħobż kopert mill-IĠP ‘Pan de Cruz de Ciudad Real’ jiġi ppreżentat lill-pubbliku b’dan il-mod:
Fil-wiċċ ikollu żewġ qatgħat fondi u perpendikolari f’forma ta’ salib.
Fuq in-naħa ta’ taħt ikollu l-anagramma jew il-logo tal-IĠP, iffurmati minn toqob żgħar fil-qoxra.
Il-ħobż kopert mill-IĠP ‘Pan de Cruz de Ciudad Real’ jitqiegħed fis-suq immarkat u ttikkettat kif ukoll f’imballaġġ f’każijiet fejn dan ikun mitlub mil-leġiżlazzjoni fis-seħħ.”
Konsegwenzi tal-emendi fil-kliem ta’ sezzjonijiet oħra fl-Ispeċifikazzjonijiet tal-prodott.
2. Deskrizzjoni tal-prodott
It-test l-antik:
“Il-prodott kopert mill-Indikazzjoni Ġeografika Protetta (IĠP) ‘Pan de Cruz de Ciudad Real’ huwa definit bħala l-ħobż magħmul minn għaġna kompatta u densa ta’ qamħ komuni, imbuzzat, b’qalba konsistenti u bajda. Għandu forma ta’ ħobża minfuħa, bil-qoxra lixxa, u fil-wiċċ ikollu żewġ qatgħat perpendikulari u fondi forma ta’ salib, li għalih huwa msemmi, kif ukoll il-kodiċi korrispondenti tan-numru tar-reġistrazzjoni tal-furnar li ħmieha. Fuq in-naħa ta’ taħt ikollu l-akronimu jew il-logo tal-IĠP.”
It-test li jissostitwixxi:
“Il-prodott kopert mill-Indikazzjoni Ġeografika Protetta (IĠP) ‘Pan de Cruz de Ciudad Real’ jiddefinixxi ruħu bħala ħobż magħmul minn għaġna kompatta u densa ta’ qamħ abjad u b’qalba konsistenti u bajda. Għandu forma ta’ ħobża kbira minfuħa, b’qoxra lixxa, u fil-wiċċ għandu żewġ qatgħat fondi u perpendikolari f’forma ta’ salib, li minnu jieħu ismu. Fuq in-naħa ta’ taħt għandu l-anagramma jew il-logo tal-IĠP.”
5. Deskrizzjoni tal-metodu ta’ produzzjoni tal-prodott
It-test l-antik:
“Il-qtugħ
Il-qtugħ ukoll isir bl-idejn. Ladarba l-ħobż jiffermenta, iridu jsirulu żewġ qatgħat perpendikulari f’forma ta’ salib fil-wiċċ.
F’waħda mill-kwadranti li jirriżultaw mill-qatgħat li ssemmew, il-ħobża tiġi mmarkata b’kodiċi li jikkorrispondi man-numru tar-reġistrazzjoni tal-furnar li pproduċa l-ħobż, bl-użu ta’ għodda tal-metall b’forma ta’ timbru, adattat għal dan l-iskop.”
It-test li jissostitwixxi:
“It-tqattigħ
It-tqattigħ ukoll isir bl-idejn. Ladarba l-ħobż jiffermenta, isirulu żewġ qatgħat perpendikulari f’forma ta’ salib fil-wiċċ.”
It-test l-antik:
“Id-dħul fil-forn
Dan isir bl-idejn, billi jitpoġġa fuq pala wiċċu ’l isfel, bil-kodiċi li jikkorrispondi għan-numru tar-reġistrazzjoni tal-furnar li pproduċa l-ħobż u l-qatgħat perpendikulari f’forma ta’ salib taħt.”
It-test li jissostitwixxi:
“Id-dħul fil-forn
Dan il-pass ukoll isir bl-idejn, billi l-ħobż diġà maqsum jitpoġġa wiċċu ’l isfel fil-forn permezz ta’ pala, bil-qatgħat perpendikulari forma tas-salib ikunu taħt.”
It-test l-antik:
“Il-ħruġ mill-forn
Il-ħobż jinħareġ mill-forn b’pala u jitpoġġa fuq karrijiet bi xkafef tal-injam biex ikun jista’ jibred u jieħu l-arja.
X’ħin jiksaħ, il-ħobż jiġi ttikkettat manwalment, skont il-punt 8 ta’ din l-ispeċifikazzjoni, u b’hekk ikun lest għall-bejgħ.”
It-test li jissostitwixxi:
“Il-ħruġ mill-forn
Il-ħobż jinħareġ mill-forn bl-istess pala u jitpoġġa fuq karrijiet bi xkafef tal-injam biex ikun jista’ jibred u jieħu l-arja.”
L-intestatura 7 tiġi aġġornata bl-istess mod.
Il-korp ta’ spezzjoni
It-test l-antik:
“Il-korp ta’ spezzjoni attwali huwa l-entità ta’ ċertifikazzjoni li ġejja:
ECOAGROCONTROL, S.L. |
Carlos VII 9 |
13630 — Socuéllamos (C.Real) |
Tel. +34 926532628 917450014 |
Din l-entità hija awtorizzata mill-Comunidad Autónoma de Castilla-La Mancha u tissodisfa r-rekwiżiti tal-istandard UNE-EN 45011.”
It-test li jissostitwixxi:
“Il-korp ta’ spezzjoni attwali huwa l-entità ta’ ċertifikazzjoni li ġejja:
CERTIFOOD |
C/CRISTOBAL BORDIU, 35. 4o PLANTA. OFIC. 415, |
28003, Madrid, ESPAÑA |
Tel. +34 917450014 |
Din l-entità hija awtorizzata mill-Comunidad Autónoma de Castilla-La Mancha u tissodisfa r-rekwiżiti tal-istandard UNE-EN 45011.”
L-emenda proposta fl-Ispeċifikazzjoni tal-prodott taffettwa l-abbozzar tad-Dokument Uniku fil-paragrafi li ġejjin.
3.2. Deskrizzjoni tal-prodott li għalih japplika l-isem f’(1)
It-test l-antik:
“Il-prodott kopert mill-Indikazzjoni Ġeografika Protetta (IĠP) “Pan de Cruz de Ciudad Real” huwa definit bħala l-ħobż magħmul minn għaġna kompatta u densa ta’ qamħ komuni, imbuzzat, b’qalba konsistenti u bajda. Għandu forma ta’ ħobża minfuħa, bil-qoxra lixxa, u fil-wiċċ jkollu żewġ qatgħat perpendikulari u fondi forma ta’ salib, li għalih huwa msemmi, kif ukoll il-kodiċi korrispondenti tan-numru tar-reġistrazzjoni tal-furnar li ħmieha. Fuq in-naħa ta’ taħt ikollu l-akronimu jew il-logo tal-IĠP.”
It-test li jissostitwixxi:
“Il-prodott kopert mill-Indikazzjoni Ġeografika Protetta (IĠP) “Pan de Cruz de Ciudad Real” jiddefinixxi ruħu bħala ħobż magħmul minn għaġna kompatta u densa ta’ qamħ abjad u b’qalba konsistenti u bajda. Għandu forma ta’ ħobża kbira minfuħa, b’qoxra lixxa, u fil-wiċċ għandu żewġ qatgħat fondi u perpendikolari f’forma ta’ salib, li minnu jieħu ismu. Fuq in-naħa ta’ taħt għandu l-anagramma jew il-logo tal-IĠP.”
3.7. Regoli speċifiċi dwar it-tikkettar
It-test l-antik:
“Il-ħobż kopert minn din l-indikazzjoni ġeografika jkun immarkat u ttikkettat biex jiġi identifikat sew b’dan il-mod:
Fil-wiċċ ikollu żewġ qatgħat fondi u perpendikolari f’forma ta’ salib. F’waħda mill-kwadranti tas-salib ikun hemm il-kodiċi li jikkorrispondi man-numru tar-reġistrazzjoni tal-furnar li pproduċa l-ħobż u fil-kwadrant l-ieħor ikun hemm tikketta bil-logo tal-IĠP ‘Pan de Cruz de Ciudad Real’, il-logo Ewropew tal-Indikazzjonijiet Ġeografiċi Protetti kif ukoll in-numru tal-kontroll individwali korrelattiv li jikkorrispondi għall-ħobż, u l-identifikazzjoni tal-entità li tiċċertifikah.
Fuq in-naħa ta’ taħt tal-ħobż, ikun hemm l-anagramma jew il-logo tal-IĠP, iffurmat minn toqob żgħar ġol-qoxra.”
It-test li jissostitwixxi:
“Biex ikun jista’ jiġi identifikat sew, il-ħobż kopert mill-IĠP ‘Pan de Cruz de Ciudad Real’ jiġi ppreżentat lill-pubbliku b’dan il-mod:
Fil-wiċċ ikollu żewġ qatgħat fondi u perpendikolari f’forma ta’ salib.
Fuq in-naħa ta’ taħt ikollu l-anagramma jew il-logo tal-IĠP, iffurmati minn toqob żgħar fil-qoxra.”
B’riżultat tal-adattament tad-Dokument Uniku tal-Anness I tar-Regolament ta’ Implimentazzjoni (UE) Nru 668/2014, li ma jinkludix l-intestaturi 5.1, 5.2 u 5.3, tneħħa il-kliem tagħhom filwaqt li nżammu l-istess karatteristiċi taż-żona ġeografika, in-natura speċifiċika tal-prodott u r-rabta kawżali.
It-test l-antik:
“5.1. Karattru speċifiku taż-żona ġeografika
Il-klima taż-żona ġeografika, f’dak li għandu x’jaqsam ma’ temperaturi u l-umdità, tippermetti li l-fermentazzjoni ssir ġeneralment f’temperatura tal-kamra, b’temperatura u umdità relattiva tal-arja tal-kamra tal-fermentazzjoni, rispettivament, ta’ bejn 26 u 30 °C u bejn 40 u 45 % ta’ umdità relattiva tal-arja.
Il-metodu ta’ produzzjoni artiġjanali tal-ħobż ‘Pan de la Cruz de Ciudad Real’ ta’ reputazzjoni magħrufa, għandu l-karatteristiċi speċifiċi li ġejjin:
Il-forma u l-qtugħ magħmula bl-idejn, bħalma huwa l-qtugħ f’forma ta’ salib fil-wiċċ, u t-toqob tal-marka fuq in-naħa ta’ taħt u l-ħin ta’ bejn 10 u 15-il minuta li matulhom jitħalla joqgħod il-ħobż qabel jiddaħħal fil-forn bil-qatgħa ta’ forma tas-salib wiċċha ’l isfel.
5.2. Speċifiċità tal-prodott
Il-ħobż huwa ta’ għaġna kompatta u densa, b’qoxra lixxa, ratba u ħoxna, qalba iebsa u bajda, b’aroma qawwija ta’ ċereali, u fil-palat għandha togħma pjaċevoli u kemm kemm ħelwa.
5.3. Rabta kawżali bejn iż-żona ġeografika u l-kwalità jew il-karatteristiċi tal-prodott (għal DOP) jew il-kwalità, ir-reputazzjoni jew karatteristiċi oħra speċifiċi tal-prodott (għal IĠP)
Il-metodu ta’ preparazzjoni ddefinixxa ruħu matul sekli ta’ tradizzjoni tal-preparazzjoni tal-ħobż.
Il-karatteristika prinċipali tal-metodu ta’ preparazzjoni partikolari, u fil-biċċa l-kbira tiegħu artiġjanali, ta’ dan il-ħobż, hija l-qatgħa f’forma ta’ salib li ssir biex il-qoxra ma tinfaqax waqt li tkun qiegħda ssir. Bl-istess mod, il-proċess ta’ fermentazzjoni jadatta ruħu għall-kondizzjonijiet tal-umdità u t-temperatura taż-żona.
Din is-sistema ta’ produzzjoni ħolqot ħobż speċjali b’karatteristiċi elenkati fil-punt 5.2.”
It-test li jissostitwixxi:
“Il-klima taż-żona ġeografika, f’dak li għandu x’jaqsam ma’ temperaturi u umdità, tippermetti li l-fermentazzjoni ġeneralment issir f’temperatura tal-kamra, b’temperatura u umdità relattiva tal-arja tal-kamra tal-fermentazzjoni, jiġifieri bejn 26 u 30 °C u bejn 40 u 45 % ta’ umdità relattiva tal-arja, rispettivament.
Il-metodu ta’ produzzjoni artiġjanali tal-ħobż b’reputazzjoni magħrufa ‘Pan de la Cruz de Ciudad Real’, għandu l-karatteristiċi speċifiċi li ġejjin:
Il-forma u l-qtugħ magħmula bl-idejn, bħalma huwa l-qtugħ f’forma ta’ salib fil-wiċċ, u t-toqob tal-marka fuq in-naħa ta’ taħt u l-ħin ta’ bejn 10 u 15-il minuta li matulhom jitħalla joqgħod il-ħobż qabel jiddaħħal fil-forn bil-qatgħa ta’ forma tas-salib wiċċha ’l isfel.
Dan il-metodu speċjali tal-produzzjoni li fil-parti l-kbira tiegħu huwa artiġjanali, għandu bħala l-karatteristika prinċipali tiegħu l-qatgħat forma ta’ salib u l-ħami fil-forn li ma jħallix il-qoxra tal-ħobż tinqasam. Jirriżulta f’ħobża kompatta u densa, b’qoxra lixxa, ratba u ħoxna, b’qalba soda u bajda, b’aroma qawwija ta’ ċereali u b’togħma pjaċevoli u kemxejn ħelwa.”
6. Speċifiċità aġġornata tal-prodott (għal DOP u IĠP biss)
http://pagina.jccm.es/agricul/paginas/comercial-industrial/consejos_new/pliegos/Pliego_Condiciones_IGP_PdeCMod_20160509_II.pdf
DOKUMENT UNIKU
“PAN DE CRUZ DE CIUDAD REAL”
Nru tal-UE: PGI-ES-2210 — 13.1.2017
DOP ( ) IĠP ( X )
1. Isem
“Pan de Cruz de Ciudad Real”
2. Stat Membru jew Pajjiż Terz:
Spanja.
3. Deskrizzjoni tal-prodott agrikolu jew tal-oġġett tal-ikel
3.1. Tip ta’ prodott
Klassi 2.3. Ħobż, pasti, kejkijiet, ħlewwiet, gallettini u prodotti oħra tal-furnar
3.2. Deskrizzjoni tal-prodott li għalih japplika l-isem fil-punt 1
Il-prodott kopert mill-Indikazzjoni Ġeografika Protetta (IĠP) “Pan de Cruz de Ciudad Real” jiddefinixxi ruħu bħala ħobż magħmul minn għaġna kompatta u densa ta’ qamħ abjad u b’qalba konsistenti u bajda. Għandu forma ta’ ħobża kbira minfuħa, b’qoxra lixxa, u fil-wiċċ għandu żewġ qatgħat fondi u perpendikolari f’forma ta’ salib, li minnu jieħu ismu. Fuq in-naħa ta’ taħt għandu l-anagramma jew il-logo tal-IĠP.
Il-karatteristiċi partikolari tal-ħobż huma dawn li ġejjin:
Isir minn għaġina iebsa magħmula minn dqiq abjad li l-indiċi tiegħu huma: W bejn 140–200; u P/L bejn 0,5–1,0).
Il-forma tiegħu għat-tond u ċċattjata, bil-qoxra.
Il-qoxra ħoxna bejn wieħed u żewġ millimetri, ratba u tqarmeċ, ta’ kulur li jvarja minn dehbi għall-qastni ċar u b’togħma ta’ ċereal mixwi.
Il-qalba: ta’ kulur abjad, ta’ għamla ratba, qisha sponża, konsistenti, mingħajr toqob u b’dehra tixbah lill-qoton.
Il-karatteristiċi organolettiċi tal-ħobż huma dawn li ġejjin: il-qalba b’aroma qawwija ta’ ċereali, b’togħma pjaċevoli u kemxejn ħelwa, il-qoxra ratba u tqarmeċ u fil-palat tagħti togħma ta’ ċereal mixwi. F’kundizzjonijiet normali ta’ konservazzjoni, il-“Pan de Cruz de Ciudad Real” iżomm tajjeb għall-konsum għal sitta jew sebat ijiem.
Ma għandux moffa, l-ebda residwi anomali, jew xi materja stramba.
Il-kontenut massimu ta’ ndewwa huwa 30 % u l-aċidità tal-ħobża tkun bejn pH 5 u 7.
Il-ħobż isir f’forma ta’ ħobża kbira (750–850 g), ħobża żgħira (550–650 g), ħobża tal-libbra (310–410 g) u ħbejżiet tas-salib (115–135 g.)
3.3. Għalf (għall-prodotti li joriġinaw mill-annimali biss) u materja prima (għall-prodotti pproċessati biss)
Dqiq abjad, li l-indiċi tiegħu huwa: W bejn 140–200; u P/L bejn 0,5–1,0).
3.4. Passi speċifiċi tal-produzzjoni li jridu jsiru fiż-żona ġeografika ddefinita
Il-proċess ta’ preparazzjoni tal-ħobż kopert mill-IĠP “Pan de Cruz de Ciudad Real” isir esklussivament bi dqiq tal-qamħ abjad, ilma, melħ, ħmira naturali u aġenti tat-titjib tal-ikel u addittivi awtorizzati. Il-karatteristiċi tad-dqiq irid ikollhom dawn l-indiċi: W bejn 140–200 u P/L bejn 0,5–1,0).
L-indiċi medju ta’ trasformazzjoni huwa ta’ 110–125 kg ta’ ħobż għall kull 100 kg ta’ dqiq, skont il-piż ta’ kull ħobża.
Il-proċess ta’ preparazzjoni tal-ħobż kopert mill-Indikazzjoni Ġeografika Protetta “Pan de Cruz de Ciudad Real”, irid jgħaddi mill-fażijiet li ġejjin:
1. L-għaġna.
Issir bl-użu ta’ magna li tagħġen, u tintgħaġen għal ħin biżżejjed biex tinkiseb għaġina omoġenja, bejn 20 u 30 minuta skont it-tip ta’ magna użata, filwaqt li jrid ikun żgurat li t-taħlita ma tinħariġx mill-magna meta t-temperatura tkun aktar minn 24–25 °C.
2. L-irfinar.
Permezz ta’ magna tal-irfinar, preferibbilment waħda bil-paletti, fejn l-għaġina tgħaddi għal diversi drabi minn bejn paletti sakemm tiġi fina u tiġġebbed.
3. L-użin.
Ladarba huwa ħobż aritġjanali, l-użin isir b’apparat tal-kejl tal-volum, b’miżien elettroniku jew bi tqassim tal-volum. L-użin tal-għaġna huwa ppreżentat fi grammi, biex wieħed jkun jista’ jottjeni d-diversi għamliet ta’ ħobż kif ġej: Ħobża kbira, li tiżen bejn 900 g u 1 000 g; Ħobża żgħira, li tiżen bejn 660 g u 760 g; Ħobża tal-libbra, li tiżen bejn 370 g u 470 g, Ħbejża tas-salib, li tiżen bejn 150 g u 180 g.
4. L-ifformar.
Dan isir bl-idejn, billi l-għaġina tiġi ffurmata qisha ballun ta’ forma konika, mingħajr ma jitħalla ebda residwu jaqbad magħha. Imbagħad tiġi ċċattjata sakemm tifforma ċirku u tinfetaħ iktar ’il barra. L-għan huwa li jitkabbar iċ-cirku u t-truf jirqaqu, filwaqt li n-nofs jibqa’ għoli.
5. Il-fermentazzjoni.
Ladarba l-ħobż ikun iffurmat, jitpoġġa fuq twavel u jitgħatta b’għata tal-għażel jew xi drapp simili, biex tibda l-fermentzzjoni f’temperatura tal-kamra u tifforma l-qoxra fina. It-temperatura u l-umdità relattiva tal-arja tal-kamra tal-fermentazzjoni jkunu bejn 26 u 30 °C, u bejn 40 u 45 % ta’ umdità. Il-ħin tal-fermentazzjoni jvarja bejn siegħa u 20 minuta u sagħtejn u 20 minuta, skont it-temperatura eżistenti tal-kamra.
6. It-tqattigħ.
It-tqattigħ ukoll isir bl-idejn. Ladarba l-ħobż jiffermenta, isirulu żewġ qatgħat perpendikulari f’forma ta’ salib fil-wiċċ. Imbagħad tiġi mmarkata n-naħa l-oħra, jew in-naħa ta’ taħt tal-ħobża, bil-logo indentifikattiv tal-IĠP “Pan de Cruz de Ciudad Real”. Id-daqs tal-logo huwa ta’ dijametru ta’ 6 ċentimetri għall-ħobża l-kbira u għaż-żgħira, u ta’ 4 ċentimetri għall-ħobża tal-libbra u għall-ħbejża tas-salib. Wara dan, il-ħobża titħalla toqgħod bejn 10 minuti u 15-il minuta biex il-qatgħat isiru konsistenti hi u tifforma l-qoxra.
7. Id-dħul fil-forn
Dan isir bl-idejn, billi jitpoġġa fuq pala wiċċu ’l isfel.
8. Il-ħami jew it-tisjir fil-forn
Dan il-ħobż isir fi fran li għandhom qigħan u ġnub ta’ materjal li jiflaħ għas-sħana. Il-ħin tat-tisjir huwa bejn 30 u 50 minuta. Fl-ewwel 15-il minuta, it-temperatura tal-forn trid tkun ta’ 250 °C, filwaqt li għall-15 sa 35 minuta li jibqa’, it-temperatura trid titniżżel sa 200 °C.
9. Il-ħruġ mill-forn.
Il-ħobż jinħareġ mill-forn bil-pala u jitpoġġa fuq xkafef tal-injam biex ikun jista’ jibred u jieħu l-arja. X’ħin jiksaħ, il-ħobż ikun lest biex jitqassam.
Il-kontenut massimu ta’ ndewwa huwa 30 % u l-aċidità tal-ħobża tkun bejn pH 5 u 7.
3.5. Regoli speċifiċi dwar it-tqattigħ, it-tħakkik, l-ippakkjar, eċċ.
—
3.6. Regoli speċifiċi dwar it-tikkettar
Il-ħobż kopert minn din l-Indikazzjoni Ġeografika jkun immarkat u ttikkettat biex jiġi identifikat sew b’dan il-mod:
Fil-wiċċ ikollu żewġ qatgħat fondi u perpendikolari f’forma ta’ salib.
Fuq in-naħa ta’ taħt ikollu l-anagramma jew il-logo tal-IĠP, iffurmati minn toqob żgħar fil-qoxra.
4. Deskrizzjoni fil-qosor taż-żona ġeografika
Iż-żona ta’ preparazzjoni tal-ħobż kopert mill-Indikazzjoni Ġeografika Protetta “Pan de Cruz de Ciudad Real” hija mifruxa fuq il-muniċipji kollha tal-provinċja ta’ Ciudad Real.
5. Rabta maż-żona ġeografika
Il-klima taż-żona ġeografika, f’dak li għandu x’jaqsam ma’ temperaturi u umdità, tippermetti li l-fermentazzjoni ġeneralment issir f’temperatura tal-kamra, b’temperatura u umdità relattiva tal-arja tal-kamra tal-fermentazzjoni, jiġifieri bejn 26 u 30 °C u bejn 40 u 45 % ta’ umdità relattiva tal-arja, rispettivament.
Il-metodu ta’ produzzjoni artiġjanali tal-ħobż b’reputazzjoni magħrufa “Pan de la Cruz de Ciudad Real”, għandu l-karatteristiċi speċifiċi li ġejjin:
Il-forma u l-qtugħ magħmula bl-idejn, bħalma huwa l-qtugħ f’forma ta’ salib fil-wiċċ, u t-toqob tal-marka fuq in-naħa ta’ taħt u l-ħin ta’ bejn 10 u 15-il minuta li matulhom jitħalla joqgħod il-ħobż qabel jiddaħħal fil-forn bil-qatgħa ta’ forma tas-salib wiċċha ’l isfel.
Dan il-metodu speċjali tal-produzzjoni li fil-parti l-kbira tiegħu huwa artiġjanali, għandu bħala l-karatteristika prinċipali tiegħu l-qatgħat forma ta’ salib u l-ħami fil-forn li ma jħallix il-qoxra tal-ħobż tinqasam. Jirriżulta f’ħobża kompatta u densa, b’qoxra lixxa, ratba u ħoxna, b’qalba soda u bajda, b’aroma qawwija ta’ ċereali u b’togħma pjaċevoli u kemxejn ħelwa.
Referenza għall-pubblikazzjoni tal-Ispeċifikazzjoni
(it-tieni paragrafu tal-Artikolu 6(1) ta’ dan ir-Regolament)
http://pagina.jccm.es/agricul/paginas/comercial-industrial/consejos_new/pliegos/Pliego_Condiciones_IGP_PdeCMod_20160509_II.pdf
(1) ĠU L 179, 19.6.2014, p. 17.
(2) ĠU L 343, 14.12.2012, p. 1.