6.12.2017 |
MT |
Il-Ġurnal Uffiċjali tal-Unjoni Ewropea |
C 417/63 |
RAPPORT
dwar il-kontijiet annwali tal-Aġenzija Eżekuttiva għall-Edukazzjoni, l-Awdjoviżiv u l-Kultura għas-sena finanzjarja 2016, flimkien mar-risposta tal-Aġenzija
(2017/C 417/09)
INTRODUZZJONI
1. |
L-Aġenzija Eżekuttiva għall-Edukazzjoni, l-Awdjoviżiv u l-Kultura (minn hawn ’il quddiem “l-Aġenzija”, magħrufa wkoll bħala l-“EACEA”), li tinsab fi Brussell, ġiet stabbilita bid-Deċiżjoni ta’ Implimentazzjoni tal-Kummissjoni Nru 2013/776/UE (1) li tħassar id-Deċiżjoni Nru 2009/336/KE. Il-kompitu tal-Aġenzija huwa l-ġestjoni ta’ programmi li jiġu deċiżi mill-Kummissjoni fl-oqsma tal-edukazzjoni, l-awdjoviżiv u l-kultura, inkluż it-twettiq tal-implimentazzjoni dettaljata ta’ proġetti tekniċi. |
2. |
It-Tabella tippreżenta ċ-ċifri ewlenin għall-Aġenzija (2). Tabella Iċ-ċifri ewlenin għall-aġenzija
|
INFORMAZZJONI LI TAPPOĠĠA D-DIKJARAZZJONI TA’ ASSIGURAZZJONI
3. |
L-approċċ tal-awditjar meħud mill-Qorti jinkludi proċeduri analitiċi tal-awditjar, ittestjar dirett tat-tranżazzjonijiet u valutazzjoni tal-kontrolli ewlenin tas-sistemi ta’ superviżjoni u kontroll tal-Aġenzija. Dan huwa ssupplimentat b’evidenza pprovduta mix-xogħol ta’ awdituri oħrajn (fejn rilevanti) u analiżi tar-rappreżentazzjonijiet tal-maniġment. |
OPINJONI
Affidabbiltà tal-kontijiet Opinjoni dwar l-affidabbiltà tal-kontijiet
Legalità u regolarità tat-tranżazzjonijiet li fuqhom huma bbażati l-kontijiet Dħul Opinjoni dwar il-legalità u r-regolarità tad-dħul li fuqu huma bbażati l-kontijiet
Pagamenti Opinjoni dwar il-legalità u r-regolarità tal-pagamenti li fuqhom huma bbażati l-kontijiet
Responsabbiltajiet tal-maniġment u ta’ dawk inkarigati mill-governanza
Responsabbiltajiet tal-awditur għall-awditjar tal-kontijiet u tat-tranżazzjonijiet ta’ bażi
|
15. |
Il-kummenti li ġejjin ma jixħtux dubju fuq l-opinjoni tal-Qorti. |
KUMMENTI DWAR IL-KONTROLLI INTERNI
16. |
Hi u twettaq l-inventarju annwali tal-assi tagħha fl-2016, l-Aġenzija ma setgħetx issib 46 oġġett ta’ tagħmir tal-IT b’valur totali tal-akkwiżizzjoni inizjali ta’ bejn wieħed u ieħor EUR 22 000, li jindika dgħufijiet fis-salvagwardja tal-assi. |
KUMMENTI DWAR IL-ĠESTJONI BAĠITARJA
17. |
Ir-riporti ta’ approprjazzjonijiet impenjati kienu għoljin għat-Titolu III (appoġġ għall-operazzjonijiet tal-Aġenzija) f’ammont ta’ EUR 2,3 miljun, jiġifieri 47 % (2015: EUR 2,8 miljun, jiġifieri 50 %). Dawn huma prinċipalment relatati ma’ awditi ta’ proġetti li għadhom għaddejjin (EUR 0,8 miljun) u ma’ servizzi tal-IT (EUR 0,9 miljun) li ġew ordnati fl-2016 iżda li kienu għadhom ma ġewx fatturati sa tmiem is-sena, jew li mhumiex se jiġu pprovduti qabel l-2017. |
SEGWITU GĦALL-KUMMENTI MIS-SNIN PREĊEDENTI
18. |
Ħarsa ġenerali lejn l-azzjoni korrettiva li ttieħdet b’rispons għall-kummenti tal-Qorti mis-snin preċedenti tingħata fl-Anness. |
Dan ir-Rapport ġie adottat mill-Awla IV, immexxija mis-Sur Baudilio TOMÉ MUGURUZA, Membru tal-Qorti tal-Awdituri, fil-Lussemburgu fil-laqgħa tagħha tat-12 ta’ Settembru 2017.
Għall-Qorti tal-Awdituri
Klaus-Heiner LEHNE
President
(1) ĠU L 343, 19.12.2013, p. 46.
(2) Aktar informazzjoni dwar il-kompetenzi u l-attivitajiet tal-Aġenzija hija disponibbli fuq is-sit web tagħha: www.eacea.ec.europa.eu.
(3) Il-persunal jinkludi uffiċjali, persunal temporanju u kuntrattwali u esperti nazzjonali sekondati.
Sors: data pprovduta mill-Aġenzija.
(4) Ir-rapporti finanzjarji jinkludu l-karta tal-bilanċ, ir-rapport tal-prestazzjoni finanzjarja, ir-rapport tal-flussi tal-flus, ir-rapport tal-bidliet fl-assi netti u sommarju tal-politiki kontabilistiċi sinifikanti u noti oħra ta’ spjegazzjoni.
(5) Ir-rapporti dwar l-implimentazzjoni tal-baġit jinkludu r-rapporti li jaggregaw l-operazzjonijiet baġitarji kollha u n-noti ta’ spjegazzjoni.
ANNESS
Segwitu għall-kummenti mis-snin preċedenti
Sena |
Kummenti tal-Qorti |
Status tal-azzjoni korrettiva (Ikkompletata/Għadha għaddejja/Pendenti/M/A) |
2015 |
Ir-riporti ta’ approprjazzjonijiet impenjati kienu għoljin għat-Titolu III (appoġġ għall-operazzjonijiet tal-Aġenzija) f’ammont ta’ EUR 2,8 miljun, jiġifieri 50 % (2014: EUR 3,2 miljun, jiġifieri 56 %). Dawn huma prinċipalment relatati ma’ awditi ta’ proġetti li għadhom għaddejjin (EUR 1 miljun), servizzi tal-IT (EUR 0,8 miljun), servizzi ta’ komunikazzjoni ta’ informazzjoni u pubblikazzjoni (EUR 0,5 miljun) kif ukoll traduzzjonijiet (EUR 0,2 miljun) li ġew ordnati fl-2015 iżda li kienu għadhom ma ġewx fatturati sa tmiem is-sena jew li mhumiex se jiġu pprovduti qabel l-2016. |
M/A |
IR-RISPOSTA TAL-AĠENZIJA
16. |
Il-valur tal-oġġetti tal-IT mhux misjuba matul l-eżerċizzju ta’ inventarju 2015/2016 jammonta biss għal 0,64 % tal-valur tal-oġġetti tal-IT kollha, li huwa konformi mar-riżultati ta’ snin preċedenti. Għandu jiġi nnotat li l-valur tal-ktieb residwu tal-oġġetti mhux misjuba huwa ferm iktar baxx (madwar EUR 8 000) mill-ispejjeż tal-kisba inizjali. L-Aġenzija ser tkompli l-eżerċizzji ta’ inventarju regolari tagħha fejn tiżgura s-salvagwardja tal-assi. |
17. |
L-Aġenzija tieħu nota tal-kummenti tal-Qorti. L-Aġenzija ser tkompli bl-isforzi stabbiliti biex tikkontrolla r-rata ta’ riporti. |