IL-KUMMISSJONI EWROPEA

Brussell, 9.12.2016

COM(2016) 786 final

2016/0389(COD)

Proposta għal

REGOLAMENT TAL-PARLAMENT EWROPEW U TAL-KUNSILL

dwar statistika integrata tal-azjendi agrikoli

u li jħassar ir-Regolamenti (KE) Nru 1166/2008 u (UE) Nru 1337/2011

(Test b’rilevanza għaż-ŻEE)

{SWD(2016) 429 final}
{SWD(2016) 430 final}

MEMORANDUM TA’ SPJEGAZZJONI

1.KUNTEST TAL-PROPOSTA

•Raġunijiet u għanijiet tal-proposta

•Konsistenza mad-dispożizzjonijiet eżistenti fil-qasam ta' politika

Jeħtieġ li l-istatistika tkun affidabbli u ta’ kwalità għolja sabiex dawk li jfasslu l-politika, in-negozji u l-pubbliku ġenerali jkunu jistgħu jieħdu deċiżjonijiet xierqa bbażati fuq l-evidenza. Madankollu, il-forniment ta’ statistika ta’ dik il-kwalità mhux faċli għas-Sistema Ewropea tal-Istatistika (ESS): id-domanda dejjem tikber għad-dejta u l-pressjoni mill-parteċipanti fi stħarriġ statistiku biex jitnaqqas il-piż jingħaqdu flimkien biex ipoġġu pressjoni fuq il-produzzjoni tal-istatistika. Inizjattivi tal-istatistika reċenti sussegwentement għandhom l-għan li jissimplifikaw u li jtejbu l-koordinazzjoni u l-kollaborazzjoni fi ħdan l-ESS, bil-ħsieb li l-produzzjoni tal-istatistika Ewropea ssir aktar effiċjenti u jitnaqqas il-piż fuq il-parteċipanti. Eżempju wieħed huwa r-Regolament (KE)Nru 223/2009 2 dwar l-istatistika Ewropea li kien emendat fl-2015 biex tkun iċċarata l-governanza tal-ESS u biex jissaħħu l-mezzi ta’ koordinazzjoni u kollaborazzjoni kemm fil-livell tal-Unjoni kif ukoll f’dak nazzjonali. Inizjattivi ta’ modernizzar oħra, bħal din il-proposta, huma inklużi fl-inizjattiva REFIT tal-Kummissjoni u għandhom l-għan li jissimplifikaw u li jirrazzjonalizzaw il-produzzjoni tal-istatistika Ewropea fi ħdan dominji mmirati.

Strateġija dwar l-istatistika agrikola li ġiet abbozzata minn Eurostat u maqbula mal-Kumitat tas-Sistema Ewropea tal-Istatistika (ESSC) għandha bħala objettivi speċifiċi li:

tipproduċi statistika ta’ kwalità għolja li tissodisfa l-ħtiġijiet tal-utenti b’mod effiċjenti u effettiv;

iżżid il-flessibbiltà u l-veloċità fir-reazzjoni tas-sistema tal-istatistika agrikola;

ittejjeb l-integrazzjoni bejn l-istatistika tal-agrikoltura, tal-foresterija, tal-użu tal-art u dik tal-ambjent;

tiżviluppa struttura ta’ governanza li hija reattiva u responsabbli għall-istatistika agrikola;

ittejjeb l-armonizzazzjoni u l-koerenza tal-istatistika agrikola Ewropea;

tipproduċi aktar statistika filwaqt li jitnaqqas il-piż fuq il-parteċipanti permezz tal-esplorazzjoni ta’ sorsi ta’ dejta alternattivi u possibbiltajiet ta’ titjib fl-effiċjenza.

•Konsistenza ma’ politiki oħra tal-Unjoni

Il-forniment ta’ statistika ta’ kwalità b’appoġġ għall-politiki Ewropej huwa l-ixprunatur ewlieni tal-Programm ta’ Statistika Ewropew 2013-2017. L-istatistika ambjentali u dik agrikola huma wieħed mit-tliet pilastri tal-produzzjoni statistika taħt dak il-programm. Fost l-objettivi rilevanti tal-programm hemm “l-analiżi u s-simplifikazzjoni tal-ġbir ta’ data dwar l-agrikoltura b'konformità mal-analiżi tal-Politika Agrikola Komuni wara l-2013 u t-tfassil mill-ġdid ta' proċessi tal-ġbir ta’ data dwar l-agrikoltura, b’mod partikolari bl-għan li jittejbu l-kwalità u l-puntwalità tad-data mogħtija.” Din l-inizjattiva timplimenta dak l-objettiv.

Is-Sistema Ewropea tal-Istatistika Agrikola futura se tikkontribwixxi wkoll għal mill-inqas erbgħa mill-għaxar prijoritajiet tal-Kummissjoni, jiġifieri

"1. Spinta ġdida għall-impjiegi, it-tkabbir u l-investiment”;

"3. Unjoni tal-enerġija reżiljenti b’politika dwar it-tibdil fil-klima li tħares 'il quddiem”;

"4. Suq intern aktar profond u ġust b’bażi industrijali msaħħa”; u

"9. Attur globali aktar b’saħħtu”;

billi tipprovdi dejta aħjar għall-politiki dwar l-impjiegi, it-tkabbir, l-investiment, il-prevenzjoni u l-mitigazzjoni, fl-agrikoltura, it-tibdil fil-klima, il-bijoenerġija u l-azzjonijiet ambjentali, u fehim aktar profond tal-flussi, l-iżviluppi u r-riskji globali tal-ikel, rispettivament. L-istatistika agrikola tista’ tkun utli wkoll għal prijoritajiet oħra tal-Unjoni jew tal-Istati Membri li jaffetwaw jew li huma affettwati minn żvilupp agrikolu u rurali.

L-istatistika agrikola tipprovdi evidenza statistika ta’ kwalità għolja għall-implimentazzjoni u l-monitoraġġ tal-Politika Agrikola Komuni (PAK) 2014-2020. Il-PAK hija xprunatur importanti għall-impjiegi u u għat-tkabbir intelliġenti, sostenibbli u inklużiv fl-Unjoni. Il-politika dwar l-iżvilupp rurali, peress li hija parti integrali tal-PAK, minbarra l-objettivi soċjali tagħha timmira li ttejjeb il-kompetittività u s-sostenibbiltà tal-produzzjoni agrikola. Il-PAK tirrappreżenta aktar minn 37 % tal-baġit totali tal-Unjoni fil-kuntest tal-Qafas Finanzjarju Pluriennali (QFP) 2014-2020.

L-istatistika agrikola hija wkoll dejjem aktar meħtieġa għal politiki tal-Unjoni ewlenin oħra bħall-politika soċjali, il-politika ambjentali u dik dwar it-tibdil fil-klima, il-politika kummerċjali, il-politika reġjonali, eċċ.

2.BAŻI ĠURIDIKA, SUSSIDJARJETÀ U PROPORZJONALITÀ

•Bażi ġuridika

L-Artikolu 338 tat-Trattat dwar il-Funzjonament tal-Unjoni Ewropea (TFUE) jipprovdi l-bażi ġuridika għall-istatistika Ewropea. Filwaqt li jaġixxu skont il-proċedura leġiżlattiva ordinarja, il-Parlament Ewropew u l-Kunsill jadottaw miżuri għall-produzzjoni tal-istatistika fejn dan huwa neċessarju biex l-Unjoni twettaq ir-rwol tagħha. L-Artikolu 338 jistabbilixxi r-rekwiżiti relatati mal-produzzjoni ta’ statistika Ewropea, fejn jgħid li trid tkun konformi ma’ standards ta’ imparzjalità, affidabbiltà, oġġettività, indipendenza xjentifika, kost-effettività u kunfidenzjalità tal-istatistika.

•Sussidjarjetà (għall-kompetenza mhux esklużiva) 

Il-prinċipju ta’ sussidjarjetà japplika sakemm il-proposta ma taqax taħt il-kompetenza esklużiva tal-Unjoni. L-ESS tipprovdi infrastruttura għal informazzjoni statistika. Is-sistema hija mfassla biex tissodisfa l-ħtiġijiet ta’ utenti multipli, għall-fini ta' teħid ta’ deċiżjonijiet f’soċjetajiet demokratiċi. Il-proposta għal dan ir-Regolament ġiet abbozzata bil-ħsieb li tipproteġi l-attivitajiet ċentrali tas-sħab tal-ESS filwaqt li tittejjeb l-effiċjenza u jiġi żgurat li sa fejn hu possibbli jkunu evitati t-tibdil bla bżonn u d-duplikazzjoni tax-xogħol.

Il-ġbir ta’ statistika kopert mill-proposta attwalment isir skont regoli differenti fil-livell tal-Unjoni. Il-proposta għandha l-intenzjoni li tissimplifika u timmodernizza l-ġbir tal-istatistika fil-livell tal-azjendi agrikoli taħt qafas wieħed filwaqt li l-istatistika agrikola l-oħra kollha tkun inkluża f’regolament qafas ieħor. Huwa possibbli biss li tiġi provduta statistika mifruxa mal-Unjoni u kumparabbli għal finijiet ta’ politika billi tittieħed azzjoni fil-livell tal-Unjoni.

Wieħed mill-bosta kriterji li d-dejta statistika trid tirrispetta huwa li tkun konsistenti u kumparabbli. L-Istati Membri ma jistgħux jiksbu l-konsistenza u l-kumparabbiltà meħtieġa mingħajr qafas Ewropew ċar, jiġifieri, leġiżlazzjoni tal-Unjoni li tistabbilixxi l-kunċetti tal-istatistika komuni, il-formati għar-rappurtar u r-rekwiżiti ta’ kwalità.

L-objettiv tal-azzjoni proposta, b’mod partikolari r-razzjonalizzazzjoni tal-istatistika agrikola Ewropea, ma jistax jintlaħaq b’mod sodisfaċenti mill-Istati Membri li jaġixxu indipendentement. Tista’ tittieħed azzjoni b’mod aktar effettiv fil-livell tal-Unjoni, abbażi ta’ att legali tal-Unjoni li jiżgura l-kumparabbiltà tal-informazzjoni statistika fil-livell tal-Unjoni fl-oqsma ta’ statistika koperti mill-att propost. Sadanittant, il-ġbir tad-dejta nnifsu jista’ jsir mill-Istati Membri.

L-Unjoni tista’ għalhekk tadotta miżuri f’dan il-qasam skont il-prinċipju tas-sussidjarjetà kif stabbilit fl-Artikolu 5 tat-Trattat dwar l-Unjoni Ewropea.

•Proporzjonalità

Il-proposta tikkonforma mal-prinċipju ta’ proporzjonalitá, fid-dawl ta’ dan li ġej:

Din se tiżgura l-kwalità u l-kumparabbiltà tal-istatistika agrikola Ewropea miġbura minn kampjuni billi jiġu applikati l-istess prinċipji fl-Istati Membri kollha. B’mod simili se tiżgura li l-istatistika agrikola Ewropea tibqa’ rilevanti u tkun adattata biex twieġeb għall-ħtiġijiet tal-utent. Ir-Regolament se jagħmel il-produzzjoni tal-istatistika aktar kost-effettiva filwaqt li jkunu rrispettati l-ispeċifiċitajiet tas-sistemi tal-Istati Membri.

Il-leġiżlazzjoni attwali tal-Unjoni dwar l-istatistika agrikola ilha żviluppata mill-ħamsinijiet. Evalwazzjoni tas-Sistema Ewropea tal-Istatistika Agrikola (EASS) uriet li b'qafas komuni għall-proċess tal-ġbir, l-ipproċessar u d-disseminazzjoni tad-dejta statistika fl-agrikoltura, il-proċessi jistgħu jkunu aktar effiċjenti (kost/benefiċċju) u effettivi u jitnaqsu l-kwistjonijiet ta’ kwalità identifikati.

Ir-Regolament huwa mistenni jnaqqas il-piż finanzjarju u amministrattiv tal-parteċipanti, tal-awtoritajiet nazzjonali, reġjonali u lokali, tan-negozji u tal-pubbliku ġenerali. Se jagħmel dan b’mod partikolari billi: jistandardizza kunċetti u metodi, ineħħi duplikazzjonijiet, inaqqas il-frekwenza li biha trid tiġi provduta d-dejta f’xi oqsma, u jsir użu akbar minn taħlita ta’ sorsi flimkien mal-istħarriġ.

Skont il-prinċipju ta’ proporzjonalità, ir-Regolament propost jillimita lilu nnifsu għall-minimu meħtieġ biex jinkisbu l-objettivi tiegħu u ma jmurx lil hinn minn dak li huwa neċessarju għal dak il-għan.

•Għażla tal-istrument

Strument propost: Regolament.

B’kunsiderazzjoni għall-objettivi u għall-kontenut tal-proposta, Regolament huwa l-aktar strument xieraq. Politiki komuni tal-UE importanti bħall-PAK minnhom infushom jiddependu fuq statistika agrikola kumparabbli, armonizzata u ta’ kwalità għolja fil-livell Ewropew. Dawn jistgħu jiġu żgurati l-aħjar b’Regolamenti, li huma direttament applikabbli fl-Istati Membri u ma jeħtieġx li l-ewwel jiġu trasposti fil-liġi nazzjonali. Dawn jippermettu l-ġbir ta’ dejta bl-istess livell ta’ dettall fl-Istati Membri kollha u jimponu l-applikazzjoni ta’ standards, definizzjonijiet u metodoloġiji komuni. Dan jiżgura l-produzzjoni ta’ statistika kumparabbli ta’ kwalità għolja għas-servizz tal-politiki tal-UE b’mod effiċjenti u f’waqtu. Direttivi ma jkunux jistgħu jiżguraw livell simili tal-armonizzazzjoni mixtieqa, peress li l-kwalità tad-dejta tkun tiddependi fuq id-deċiżjonijiet ta’ 28 leġiżlatura differenti.

3.RIŻULTATI TAL-EVALWAZZJONIJIET EX POST, TAL-KONSULTAZZJONIJIET MAL-PARTIJIET IKKONĊERNATI U TAL-VALUTAZZJONIJIET TAL-IMPATT

•Evalwazzjonijiet ex post/kontrolli tal-idoneità tal-leġiżlazzjoni eżistenti

•Konsultazzjonijiet mal-partijiet ikkonċernati

Il-kategoriji prinċipali tal-partijiet ikkonċernati tal-istatistika agrikola Ewropea huma l-produtturi tad-dejta (NSIs u ONAs kif ukoll il-Eurostat), il-parteċipanti (bdiewa, organizzazzjonijiet tal-bdiewa u negozji) u l-utenti (dawk li jieħdu d-deċiżjonijiet, fis-settur pubbliku u privat, b’mod partikolari DĠs oħra tal-Kummissjoni; riċerkaturi u ġurnalisti). Dawn ġew ikkonsultati b’mod estensiv dwar il-problemi u t-tibdil mixtieq fl-istatus quo, il-ħtiġijiet u l-prijoritajiet tad-dejta tagħhom, l-opzjonijiet ta’ politika possibbli biex jissolvew il-problemi, l-impatti tal-azzjonijiet issuġġeriti, u l-formulazzjoni tal-istrateġija speċifikament, kif turi t-tabella li ġejja li tipprovdi ħarsa ġenerali. Il-fora ewlenin għal dawn il-konsultazzjonijiet kienu l-laqgħat u s-seminars tal-Kumitat Permanenti dwar Statistika Agrikola (KPSA) u s-suċċessur tiegħu, il-Grupp tad-Diretturi dwar l-Istatistika Agrikola (DGAS) (għad-diretturi tal-NSI tal-istatistika agrikola, l-organizzazzjonijiet internazzjonali, l-organizzazzjonijiet tal-bdiewa, il-parteċipanti tad-dejta, l-utenti tad-dejta u oħrajn), il-laqgħat tal-Kumitat tas-Sistema Ewropea tal-Istatistika (ESSC) (għad-diretturi ġenerali tal-NSI), u l-konsultazzjonijiet u s-seduti ppjanati regolarment (għad-DĠ tal-Kummissjoni).

Ħarsa ġenerali tal-konsultazzjonijiet mal-partijiet ikkonċernati dwar l-istrateġija tal-istatistika agrikola 2020

Il-konsultazzjoni pubblika miftuħa saret matul Awwissu u Novembru 2015 u r-riżultati huma mogħtija fid-dettall f’rapport speċifiku 4 .

Ir-riżultati prinċipali tal-konsultazzjonijiet ta’ hawn fuq, li jiffurmaw il-qalba tal-istrateġija dwar l-istatistika agrikola 2020 u sussegwentement ta’ dan ir-regolament, huma tlieta:

Il-leġiżlazzjoni attwali tal-Unjoni dwar l-istatistika agrikola ma taqdix b’mod adegwat il-ħtiġijiet ġodda u oħrajn li qed jitfaċċaw fir-rigward tad-dejta minħabba li l-forniment tagħha mhux inkluż fl-atti leġiżlattivi, u l-atti mhumiex flessibbli u integrati biżżejjed biex iwieġbu għall-ħtiġijiet ġodda f'waqtu. Barra minn hekk, ir-Regolament (KE) Nru 1166/2008, li huwa element ċentrali fl-EASS ġenerali attwali, mill-2018 mhu se jibqa’ jipprovdi l-ebda informazzjoni statistika.

Dawn il-ħtiġijiet ta’ dejta ġodda prinċipalment jirriżultaw minn żviluppi ġodda fl-agrikoltura, minn leġiżlazzjoni riveduta u minn prijoritajiet ta’politika li qed jinbidlu, b’mod partikolari l-PAK riformata riċentement.

Il-ġabriet ta’ dejta mhumiex armonizzati u koerenti minħabba li qed jitfaċċaw ħtiġijiet ta’ dejta ġodda, il-leġiżlazzjoni ġiet żviluppata separatament tul bosta snin, u definizzjonijiet u kunċetti parzjalment differenti jintużaw f’oqsma ta’ statistika agrikola differenti.

Il-piż li tkun provduta dejta huwa meqjus kbir wisq minħabba li l-ħtiġijiet ta’ dejta qed jiżdiedu, il-ġbir tad-dejta mhuwiex armonizzat, u r-riżorsi qed ikomplu jonqsu fil-livell tal-Unjoni u dak nazzjonali. Dak il-piż kien ikkonfermat li jqiegħed f’periklu l-ġbir tad-dejta u l-kwalità tad-dejta.

•Ġbir u użu tal-kompetenzi

•Valutazzjoni tal-impatt

(1)ħtiġijiet ta’ dejta ġodda u li qed jitfaċċaw mhux moqdija b’mod adegwat;

(2)ġabriet ta’ dejta mhux armonizzati u koerenti biżżejjed;

(3)il-piż tal-forniment ta’ dejta meqjus bħala kbir wisq.

Wara valutazzjoni dettaljata tal-impatti tal-opzjonijiet differenti, intlaħqu l-konklużjonijiet li ġejjin:

L-Opzjoni 1 “Linja bażi” toffri l-agħar eżiti fi kważi kull dimensjoni, partikolarment f'terminu twil peress li l-ħtiġijiet tad-dejta u l-limitazzjonijiet tar-riżorsi jsiru saħansitra aktar urġenti. L-Opzjoni 2 “Prolongament” toffri valur limitat biss f'terminu qasir u tagħmel ħsara gravi lill-funzjonament tal-EASS fil-perjodu fit-tul peress li ssir aktar skaduta u ta’piż. L-Opzjonijiet 3 “Regolament qafas wieħed” u 4 “Integrazzjoni f’żewġ stadji”, filwaqt li jirrikjedu xi investimenti inizjali u Regolamenti tal-UE ġodda, joffru l-aħjar possibbiltajiet biex jintlaħqu l-objettivi formulati qabel b’mod kosteffiċjenti, jippreżentaw l-aktar riskji komparattivament baxxi, għandhom l-aktar impatti indiretti pożittivi, u jissodisfaw l-aħjar ir-rekwiżiti tal-partijiet ikkonċernati. Dawn jissodisfaw ukoll l-għanijiet tal-inizjattiva REFIT li tiġi aġġornata l-leġiżlazzjoni tal-Unjoni sabiex jiżdied il-proporzjon ta’ kost-benefiċċju tagħha u jitnaqqas il-piż fuq l-intrapriżi żgħar u medji (SMEs). L-Opzjoni 4 għandha wkoll il-benefiċċji miżjuda li tippreżenta riskju inqas tal-ħin fil-proċess leġiżlattiv (peress li regolament ġdid ta’ ċensiment agrikolu jeħtieġ jiġi adottat mill-Kunsill u mill-Parlament sa mhux aktar tard minn tmiem l-2018) u hija kemxejn aktar flessibbli minħabba arkitettura leġiżlattiva inqas riġida. Għaldaqstant, il-Eurostat jippreferi l-opzjoni 4 mill-opzjoni 3.

•Idoneità regolatorja u simplifikazzjoni

L-istess speċifikazzjonijiet tekniċi għal settijiet ta’ dejta. L-ispeċifikazzjonijiet se jinkludu n-numru u d-deskrizzjoni ta’ varjabbli; il-klassifikazzjonijiet tal-istatistika; il-karatteristiċi tal-popolazzjonijiet tal-istatistika, l-unitajiet ta’ osservazzjoni u l-parteċipanti; il-perjodi u d-dati ta’ referenza; u r-rekwiżiti relatati mal-kopertura ġeografika, il-karatteristiċi tal-kampjun, l-aspetti tekniċi tal-editjar u l-imputazzjoni tal-ħidma fuq il-post, il-ponderazzjoni, l-istima u l-istima tal-varjanza.

L-istess standards għas-sottomissjoni tad-dejta u l-iskambju u l-kondiviżjoni ta’ informazzjoni bejn il-Eurostat u l-Istati Membri. L-istandards se jkopru kunċetti, proċessi u prodotti, inkluża dejta u metadejta.

•Drittijiet fundamentali

4.IMPLIKAZZJONIJIET BAĠITARJI

5.ELEMENTI OĦRA

•Pjanijiet ta' implimentazzjoni u arranġamenti dwar il-monitoraġġ, l-evalwazzjoni u r-rappurtar

Monitoraġġ annwali tal-konformità tal-istatistika prodotta

Il-Eurostat iwettaq valutazzjonijiet tal-konformità annwali. Dawk il-valutazzjonijiet jinkludu reviżjoni tad-disponibbiltà, tal-kwalità u tal-puntwalità tad-dejta u azzjonijiet ta’ segwitu f'każ ta’ nuqqas ta' konformità.

Skont ir-rekwiżiti tal-leġiżlazzjoni tal-Unjoni, l-Istati Membri huma mitluba jipprovdu lill-Kummissjoni biċ-ċifri rilevanti dwar l-istatistika agrikola. Dawk iċ-ċifri huma soġġetti għal skadenzi ta’ trażmissjoni stretti li għandhom jiġu rispettati għall-ġestjoni tajba, id-disseminazzjoni u l-utilità tal-istatistika tal-Unjoni, peress li d-dejta nieqsa jew mhux kompluta twassal għal nuqqasijiet fid-disponibbiltà ta’ informazzjoni (jiġifieri, ma jkunx possibbli li jiġu kkalkulati l-aggregati tal-Unjoni u li tiġi pubblikata d-dejta skont skedi ta’ żmien pjanati).

Ir-Regolament (KE) Nru 223/2009, li huwa l-qafas ġuridiku bażiku għall-funzjonament tas-Sistema Ewropea tal-Istatistika u għal-leġiżlazzjoni settorjali kollha għall-produzzjoni ta’ statistika Ewropea, ġie emendat fid-29 ta’ April 2015.

Filwaqt li t-tempestività, il-puntwalità u l-kompletezza huma diġà fatturi importanti fil-valutazzjonijiet annwali tal-konformità sabiex tkun żgurata d-disseminazzjoni f’waqtha tal-istatistika agrikola, se tingħata aktar attenzjoni lil dawn u lil dimensjonijiet ta’ kwalità oħra sabiex tkun żgurata l-fiduċja fl-istatistika prodotta mill-ESS.

Titjib kontinwu tal-EASS: identifikazzjoni ta’ ħtiġijiet ta’ dejta ġodda u sorsi ta’ dejta ġodda, titjib ta’ koerenza, tnaqqis tal-piż

Fil-preżent, il-Eurosta jwettaq seduti annwali ma’ servizzi oħra tal-Kummissjoni. Punt importanti għal dawk is-seduti huwa l-iskambju ta’ informazzjoni dwar il-programmi ta’ ħidma rispettivi. Huma jipprovdu pjattaforma formali għad-dikjarazzjoni ta’ ħtiġijiet futuri għal statistika ġdida, u sabiex tkun riveduta l-utilità tal-istatistika disponibbli.

Il-kollaborazzjoni ulterjuri ma’ servizzi tal-Kummissjoni oħra, mal-NSIs u mal-ONAs se ssir f’livelli ġerarkiki differenti f’laqgħat ta’ Gruppi ta’ Ħidma u seminars regolari, f'laqgħat tal-Grupp tad-Diretturi, f'laqgħat tal-ESSC, u permezz ta’ skambji bilaterali frekwenti. Se tingħata attenzjoni partikolari fuq l-identifikazzjoni ta’ dejta amministrattiva u sorsi ta’ informazzjoni oħra miżmuma taħt il-leġiżlazzjoni tal-Unjoni u l-valutazzjoni tal-adattabbiltà tagħhom għall-produzzjoni ta’ statistika sabiex ikunu stabbiliti ftehimiet għall-istabbiltà, l-aċċessibbiltà u l-adattament eventwali tagħhom għal idoneità aħjar mar-rekwiżiti tal-istatistika. Barra minn hekk, se jitwettaq stħarriġ u analiżi perjodiċi sabiex ikun identifikat it-titjib possibbli tal-istatistika agrikola Ewropea u biex jitnaqqas il-piż, pereżempju billi jkunu mneħħija l-varjabbli bi proporzjon ta’ kost-benefiċċju baxx. Il-qafas legali aktar flessibbli ġdid se jagħmilha possibbli li jkun hemm aġġustamenti.

Dawk l-aġġustamenti u l-funzjonament ġenerali tal-qafas legali se jkunu mmonitorjati u evalwati b’mod partikolari mal-objettivi tal-istrateġija elenkati qabel.

Rapporti ta’ monitoraġġ ta’ kull tliet snin

Sabiex ikun immonitorjat il-funzjonament tal-EASS imġedda u sabiex ikun żgurat li din tilħaq l-għanijiet REFIT ta’ simplifikazzjoni u ta' tnaqqis tal-piż, kull tliet snin għandu jsir rappurtar regolari dwar il-funzjonament tas-sistema inġenerali.

Evalwazzjoni

•Spjegazzjoni fid-dettall tad-dispożizzjonijiet speċifiċi tal-proposta

Kif stabbilit fl-artikolu 1, l-għan tar-Regolament huwa l-istabbiliment ta’ qafas għall-istatistika agrikola Ewropea fil-livell tal-azjendi agrikoli u li tkun prevista l-integrazzjoni tal-informazzjoni strutturali ma’ informazzjoni oħra, bħal metodi ta’ produzzjoni, miżuri ta’ żvilupp rurali, aspetti agroambjentali u oħrajn. Id-definizzjonijiet ewlenin huma deskritti fl-Artikolu 2. Il-kamp ta' applikazzjoni u l-kopertura huma deskritti fl-Artikolu 3. Il-proposta tippermetti u tippromwovi l-użu ta’ forom ġodda ta’ ġbir ta’ dejta u ta’ sorsi ta’ dejta alternattivi inkluża dejta amministrattiva u sorsi oħra (Artikolu 4).

L-istatistika koperta mir-Regolament hija msemmija fl-Artikoli 5, 6 u 7 għal snin u perjodi ta’ referenza speċifiċi (Artikolu 10). Ir-Regolament jipproponi li l-Kummissjoni tingħata s-setgħa tadotta atti delegati biex ikunu emendati l-karatteristiċi ċentrali elenkati fl-Anness III (Artikolu 5), b’restrizzjoni għall-allinjament ma’ reġistri amministrattivi, u s-suġġetti dettaljati għall-moduli elenkati fl-Anness IV (Artikolu 8) biex id-dejta miġbura tiġi adattata għall-ħtiġijiet tal-utenti; u biex ikunu ssodisfati r-rekwiżiti tal-utent fi stħarriġ ad hoc (Artikolu 9).

Il-Kummissjoni għandha wkoll tingħata s-setgħa tadotta miżuri ta' implimentazzjoni dwar l-ispeċifikazzjonijiet tekniċi meħtieġa għas-settijiet ta’ dejta (Artikolu 8) u r-rappurtar ta’ kwalità (Artikolu 11). Ir-rekwiżiti relatati mar-rappurtar ta’ kwalità huma konformi mar-Regolament (KE) Nru 223/2009, li jipprovdi qafas ta’ referenza u jirrikjedi li l-Istati Membri jikkonformaw mal-prinċipji ta’ statistika u mal-kriterji ta’ kwalità speċifikati f’dak ir-Regolament.

Id-dejta għandha tiġi trażmessa fi skadenzi ta’ żmien definiti minn qabel (Artikolu 12).

L-abbozz ta’ regolament jinkludi d-dispożizzjonijiet għal appoġġ finanzjarju lill-Istati Membri (Artikoli 13 u 14):

biex jikkonformaw mar-rekwiżiti ta’ dejta u jiżviluppaw metodoloġiji li jimmiraw lejn kwalità ogħla jew kostijiet aktar baxxi, jew it-tnejn li huma, u l-piż amministrattiv tal-ġbir u l-produzzjoni ta’ statistika integrata dwar azjendi agrikoli;

għall-kost tal-ġbir ta’ dejta;

għall-ġbir ta’ dejta ad hoc.

Barra minn hekk, ir-Regolament fih id-dispożizzjonijiet meħtieġa dwar il-protezzjoni tal-interessi finanzjarji tal-Unjoni (Artikolu 15), u dwar l-eżerċizzju tad-delega ta' setgħat (Artikolu 16).

L-Artikoli finali jirreferu għall-proċedura ta' Kumitat (Artikolu 17) u għat-tħassir ta’ żewġ Regolamenti eżistenti li se jiġu sostitwiti kompletament mir-Regolament (Artikolu 18).

Il-ħames Annessi jistabbilixxu l-informazzjoni dettaljata dwar il-koeffiċjenti unitarji ta’ bhejjem, il-lista tal-limiti massimi fiżiċi, il-lista ta’ karatteristiċi għad-dejta strutturali ċentrali, il-karatteristiċi li għandhom ikunu koperti fil-moduli, u r-rekwiżiti relatati mal-preċiżjoni.

2016/0389 (COD)

Proposta għal

REGOLAMENT TAL-PARLAMENT EWROPEW U TAL-KUNSILL

dwar statistika integrata tal-azjendi agrikoli

u li jħassar ir-Regolamenti (KE) Nru 1166/2008 u (UE) Nru 1337/2011

(Test b’rilevanza għaż-ŻEE)

IL-PARLAMENT EWROPEW U L-KUNSILL TAL-UNJONI EWROPEA,

Wara li kkunsidraw it-Trattat dwar il-Funzjonament tal-Unjoni Ewropea, u b’mod partikolari l-Artikolu 338 tiegħu,

Wara li kkunsidraw il-proposta tal-Kummissjoni Ewropea,

Wara li l-abbozz tal-att leġiżlattiv intbagħat lill-parlamenti nazzjonali,

Filwaqt li jaġixxu skont il-proċedura leġiżlattiva ordinarja,

Billi:

(1)Ir-Regolament (KE) Nru 1166/2008 tal-Parlament Ewropew u tal-Kunsill 6 jistabbilixxi qafas għall-istatistika Ewropea dwar l-istruttura tal-azjendi agrikoli sal-2016. Ir-Regolament (KE) Nru 1166/2008 għandu sussegwentement jitħassar.

(2)Il-programm ta’ stħarriġ Ewropew dwar l-istruttura ta’ azjendi agrikoli, li ilhu jitwettaq fl-Unjoni mill-1966 għandu jitkompla biex ikunu eżaminati x-xejriet fl-istruttura ta’ azjendi agrikoli fil-livell tal-Unjoni u biex tkun provduta l-bażi ta’ għarfien statistiku meħtieġ għat-tfassil, l-implimentazzjoni, il-monitoraġġ u l-evalwazzjoni ta’ politiki relatati, b’mod partikolari l-Politika Agrikola Komuni u l-politiki dwar l-ambjent, l-adattament għat-tibdil fil-klima u l-mitigazzjoni tiegħu.

(3)Evalwazzjoni internazzjonali tal-istatistika agrikola wasslet għall-istabbiliment tal-Istrateġija Globali għat-Titjib tal-Istatistika Agrikola u Rurali tal-Organizzazzjoni tal-Ikel u l-Agrikoltura (FAO) li kienet approvata mill-Kumitat tan-Nazzjonijiet Uniti tal-Istatistika (UNSC) fl-2010. L-istatistika agrikola Ewropea għandha, fejn ikun il-każ, issegwi r-rakkomandazzjonijiet tal-Istrateġija Globali għat-Titjib tal-Istatistika Agrikola u Rurali, kif ukoll dawk tal-Programm Dinji tal-FAO għaċ-Ċensiment tal-Agrikoltura 2020.

(4)Għad-deċennju li jmiss għandu jiġi stabbilit programm ta’ stħarriġ bi skopijiet multipli dwar l-azjendi agrikoli sabiex jipprovdi l-qafas għal statistika armonizzata, kumparabbli u koerenti.

(5)L-Istrateġija dwar Statistika Agrikola 2020 u lil hinn, stabbilita mill-Kumitat tas-Sistema Ewropea tal-Istatistika (ESSC) f’Novembru 2015, tipprevedi l-adozzjoni ta’ żewġ Regolamenti qafas li jkopru l-aspetti kollha tal-istatistika agrikola, bl-eċċezzjoni tal-Kontijiet Ekonomiċi għall-Agrikoltura. Dan ir-Regolament dwar statistika integrata tal-azjendi agrikoli huwa wieħed minn dawk ir-Regolamenti qafas.

(6)Għall-finijiet tal-armonizzazzjoni u l-kumparabbiltà tal-informazzjoni dwar l-istruttura tal-azjendi agrikoli u biex ikunu ssodisfati l-ħtiġijiet tal-Organizzazzjoni tas-Suq Uniku u b’mod partikolari s-settur tal-frott u l-inbid, ir-Regolament (UE) Nru 1337/2011 tal-Parlament Ewropew u tal-Kunsill 7 għandu jiġi integrat mal-informazzjoni strutturali fil-livell tal-azjendi agrikoli mill-2023 ’il quddiem. Ir-Regolament (UE) Nru 1337/2011 għandu sussegwentement jitħassar.

(7)L-istatistika kumparabbli mill-Istati Membri kollha dwar l-istruttura tal-azjendi agrikoli hija importanti biex tiddetermina l-iżvilupp tal-politika agrikola komuni. Għalhekk il-klassifikazzjonijiet standard u d-definizzjonijiet komuni għandhom jintużaw sa fejn hu possibbli għall-karatteristiċi tal-istħarriġ.

(8)Għall-finijiet tal-aġġornament tar-reġistri bażiċi tal-azjendi agrikoli u l-bqija tal-informazzjoni meħtieġa għall-istratifikazzjoni tal-istħarriġ kampjunarju, fl-Unjoni għandu jsir ċensiment tal-azjendi agrikoli mill-inqas kull għaxar snin. L-aktar ċensiment riċenti sar fl-2009/2010.

(9)Biex ikun evitat li jitqiegħed piż bla bżonn fuq l-azjendi agrikoli u l-amministrazzjonijiet nazzjonali, għandhom jiġu stabbiliti limiti massimi li jeskludu unitajiet ta’ stħarriġ mhux rilevanti mill-entitajiet bażiċi fir-rigward ta’ liema statistika trid tinġabar.

(10)L-erjas kollha użati għall-produzzjoni agrikola għandhom ikunu koperti mill-istatistika agrikola inkluża l-art użata minn diversi azjendi agrikoli minħabba li japplikaw drittijiet komuni.

(11)Biex jitnaqqas il-piż fuq il-parteċipanti, l-Uffiċċji Nazzjonali tal-Istatistika (NSIs) u awtoritajiet nazzjonali oħra għandu jkollhom aċċess għal dejta amministrattiva, sal-punt li dik id-dejta hija meħtieġa għall-iżvilupp, il-produzzjoni u d-disseminazzjoni tal-istatistika Ewropea.

(12)Għall-finijiet ta’ flessibbiltà għas-sistema Ewropea tal-istatistika agrikola, u s-simplifikazzjoni u l-immodernizzar tal-istatistika agrikola, il-varjabbli li għandhom jinġabru għandhom jiġi allokati għal gruppi ta’ ġbir differenti (dejta u moduli ċentrali) li jvarjaw fil-frekwenza jew fir-rappreżentattività, jew it-tnejn.

(13)Il-ġbir ta’ informazzjoni dwar l-użu ta’ nutrijenti u ilma u dwar il-metodi ta’ produzzjoni agrikola applikati f’azjendi agrikoli għandu jittejjeb biex tkun provduta statistika addizzjonali għall-iżvilupp tal-politika agroambjentali u biex tittejjeb il-kwalità tal-indikaturi agroambjentali.

(14)Għall-ġeoreferenza tal-azjendi, is-sistema tal-grilji ġeografiċi Ewropej skont l-Anness I tad-Direttiva 2007/2/KE tal-Parlament Ewropew u tal-Kunsill 8 għandha tintuża bħala l-qafas ta’ referenza komuni.

(15)Il-Kummissjoni għandha tirrispetta l-kunfidenzjalità tad-dejta trażmessa f’konformità mar-Regolament (KE) Nru 223/2009 tal-Parlament Ewropew u tal-Kunsill 9 . Il-protezzjoni meħtieġa tal-kunfidenzjalità tad-dejta għandha tkun żgurata, fost mezzi oħra, bil-limitazzjoni tal-użu tal-parametri tal-post għall-analiżi tal-ispazju tal-informazzjoni u bl-aggregazzjoni xierqa meta tkun pubblikata l-istatistika. Għal dik ir-raġuni għandu jiġi żviluppat approċċ armonizzat għall-protezzjoni tal-kunfidenzjalità u l-aspetti ta’ kwalità għad-disseminazzjoni tad-dejta.

(16)Kwalunkwe proċessar ta’ dejta personali taħt dan ir-Regolament huwa soġġett għad-Direttiva 95/46/KE u għad-dispożizzjonijiet ta' implimentazzjoni nazzjonali tagħha, u/jew għar-Regolament 45/2001, skont ma jkun il-każ.

(17)Ir-Regolament (KE) Nru 1893/2006 tal-Parlament Ewropew u tal-Kunsill 10 jistabbilixxi l-klassifikazzjoni tal-istatistika ta’ attivitajiet ekonomiċi fl-Unjoni Ewropea msemmija f’dan ir-Regolament għall-fini tad-definizzjoni tal-popolazzjoni rilevanti ta’ azjendi agrikoli.

(18)Skont ir-Regolament (KE) Nru 1059/2003 tal-Parlament Ewropew u tal-Kunsill 11 , l-unitajiet territorjali għandhom ikunu definiti skont il-klassifikazzjoni tan-Nomenklatura ta’ Unitajiet Territorjali għall-Istatistika (NUTS).

(19)Biex isir l-istħarriġ għandu jintalab finanzjament kemm mill-Istati Membri kif ukoll mill-Unjoni għal numru ta’ snin. Għalhekk għandha ssir proviżjoni għal għotja tal-Unjoni b’appoġġ għal dak il-programm ta’ stħarriġ permezz tal-Fond Agrikolu Ewropew ta' Garanzija taħt ir-Regolament (KE) Nru 1306/2013 tal-Parlament Ewropew u tal-Kunsill 12 .

(20)Dan ir-Regolament jistabbilixxi pakkett finanzjarju għat-tul tal-qafas finanzjarju pluriennali rilevanti (QFP) li jikkostitwixxi r-referenza ewlenija għall-awtorità baġitarja matul il-proċedura baġitarja annwali, fis-sens tal-punt 17 tal-Ftehim Interistituzzjonali tat-2 ta’ Diċembru 2013 bejn il-Parlament Ewropew, il-Kunsill u l-Kummissjoni dwar kooperazzjoni f'materji ta' baħit u dwar ġestjoni finanzjarja tajba 13 . Ir-Regolament jipprevedi l-istabbiliment tal-baġit għal aktar stħarriġ fil-kuntest tal-qafas finanzjarju sussegwenti.

(21)Peress li l-objettiv ta’ dan ir-Regolament, jiġifieri l-produzzjoni sistematika ta’ statistika Ewropea dwar azjendi agrikoli fl-Unjoni, ma jistax jinkiseb b’mod suffiċjenti mill-Istati Membri u jista’, għalhekk, għal raġunijiet ta’ konsistenza u kumparabbiltà jintlaħaq aħjar fil-livell tal-Unjoni, l-Unjoni għandha tadotta miżuri skont il-prinċipju ta’ sussidjarjetà, kif imniżżel fl-Artikolu 5 tat-Trattat dwar l-Unjoni Ewropea. Skont il-prinċipju tal-proporzjonalità, kif stabbilit f’dak l-Artikolu, dan ir-Regolament ma jmurx lil hinn minn dak li huwa meħtieġ sabiex jintlaħaq dak il-għan.

(22)Ir-Regolament (KE) Nru 223/2009 jipprovdi qafas ta’ referenza għall-istatistika Ewropea u jirrikjedi li l-Istati Membri jikkonformaw mal-prinċipji ta’ statistika u mal-kriterji ta’ kwalità speċifikati f’dak ir-Regolament. Ir-rapporti ta’ kwalità huma essenzjali għall-valutazzjoni, it-titjib u l-komunikazzjoni dwar il-kwalità tal-istatistika Ewropea. L-ESSC approva standard tas-Sistema Ewropea tal-Istatistika (ESS) għal Struttura ta’ Rapporti ta’ Kwalità, skont l-Artikolu 12 tar-Regolament (KE) Nru 223/2009. L-istandard tal-ESS għandu jikkontribwixxi għall-armonizzazzjoni ta’ rappurtar ta’ kwalità taħt dan ir-Regolament.

(23)Twettqet valutazzjoni tal-impatt skont il-prinċipju ta’ ġestjoni finanzjarja tajba, sabiex il-programm ta’ stħarriġ stabbilit b'dan ir-Regolament ikun iffukat fuq il-ħtieġa għal effettività fil-kisba tal-objettivi u biex jiġu inkorporati l-limitazzjonijiet baġitarji mill-fażi tat-tfassil tal-programm tal-istħarriġ ’il quddiem.

(24)Biex ikunu żgurati kundizzjonijiet uniformi għall-implimentazzjoni ta’ dan ir-Regolament, il-Kummissjoni għandha tingħata setgħat ta’ implimentazzjoni fir-rigward tal-ispeċifikazzjoni tad-deskrizzjonijiet ta’ karatteristiċi elenkati fl-Anness III u l-elementi tad-dejta li għandhom jiġu provduti, fejn tiġi definita l-informazzjoni li għandha tiġi provduta fuq bażi ad hoc, kif ukoll jiġu stabbiliti l-modalitajiet u l-kontenut tar-rapporti ta’ kwalità. Dawk is-setgħat għandhom jiġu eżerċitati skont ir-Regolament (UE) Nru 182/2011 tal-Parlament Ewropew u tal-Kunsill 14 tas-16 ta’ Frar 2011.

(25)Biex jittieħed kont tal-ħtiġijiet tad-dejta li qed jitfaċċaw u li prinċipalment jirriżultaw minn żviluppi ġodda fl-agrikoltura, leġiżlazzjoni riveduta u prijoritajiet tal-politika li qed jinbidlu, is-setgħa li jiġu adottati atti skont l-Artikolu 290 tat-Trattat dwar il-Funzjonament tal-Unjoni Ewropea għandha tiġi delegata lill-Kummissjoni fir-rigward tal-emenda tas-suġġetti dettaljati elenkati fl-Anness IV. Sabiex tipprovdi għall-kumpatibbilità u tiffaċilita l-użu ta' sorsi oħra ta' dejta, is-setgħa li tadotta atti skont l-Artikolu 290 tat-Trattat dwar il-Funzjonament tal-Unjoni Ewropea jenħtieġ li tiġi ddelegata lill-Kummissjoni fir-rigward tal-emenda tal-karatteristiċi elenkati fl-Anness III. Huwa ta’ importanza partikolari li l-Kummissjoni twettaq konsultazzjonijiet xierqa matul il-ħidma preparatorja tagħha, inkluż fil-livell tal-esperti, u li dawk il-konsultazzjonijiet jitwettqu skont il-prinċipji stabbiliti fil-Ftehim Interistituzzjonali dwar it-Tfassil Aħjar tal-Liġijiet tat-13 ta’ April 2016 15 . B’mod partikolari, biex tkun żgurata l-parteċipazzjoni ugwali fit-tħejjija tal-atti delegati, il-Parlament Ewropew u l-Kunsill għandhom jirċievu d-dokumenti kollha fl-istess ħin bħall-esperti tal-Istati Membri, u li l-esperti tagħhom ikollhom sistematikament aċċess għal-laqgħat tal-gruppi ta’ esperti tal-Kummissjoni li jkunu qed jieħdu ħsieb it-tħejjija tal-atti delegati.

(26)Ġie kkonsultat il-Kontrollur Ewropew għall-Protezzjoni tad-Dejta.

(27)Ġie kkonsultat ukoll il-Kumitat tas-Sistema Ewropea tal-Istatistika,

ADOTTAW DAN IR-REGOLAMENT:

Artikolu 1

Suġġett

Dan ir-Regolament jistabbilixxi qafas għal statistika Ewropea fil-livell tal-azjendi agrikoli u jipprevedi l-integrazzjoni ta’ informazzjoni dwar l-istruttura ma’ dik dwar metodi ta’ produzzjoni, miżuri ta’ żvilupp rurali, aspetti agroambjentali u informazzjoni relatata oħra.

Artikolu 2

Definizzjonijiet

Għall-finijiet ta’ dan ir-Regolament, għandhom japplikaw id-definizzjonijiet li ġejjin:

(a)“azjenda agrikola” (“farm”) tfisser unità unika, kemm teknikament kif ukoll ekonomikament, li għandha ġestjoni unika u li twettaq attivitajiet ekonomiċi fl-agrikoltura skont ir-Regolament (KE) Nru 1893/2006 li tagħmel parti mill-gruppi A.01.1, A.01.2, A.01.3, A.01.4, A.01.5 jew minn “il-manutenzjoni ta’ art agrikola f’kundizzjoni agrikola u ambjentali tajba” tal-grupp A.01.6 fit-territorju ekonomiku tal-Unjoni, bħala l-attività primarja jew sekondarja tagħha. Rigward l-attivitajiet tal-klassi A.01.49, l-attivitajiet ta’ “Trobbija u tnissil ta’ annimali semidomestiċi jew annimali ħajjin oħra” (bl-eċċezzjoni tat-trobbija tal-insetti) u “Trobbija ta' naħal u l-produzzjoni ta’ għasel u x-xemgħa tan-naħal” biss huma inklużi;

(b)“unità agrikola tal-art komuni” tfisser entità ta’ art li fuqha japplikaw drittijiet komuni u li hija użata minn diversi azjendi agrikoli għall-produzzjoni agrikola, iżda li mhix allokata fosthom;

(c)     “reġjun” tfisser l-unità territorjali tan-Nomenklatura ta’ Unitajiet Territorjali għall-Istatistika (NUTS), definita skont ir-Regolament (KE) Nru 1059/2003;

(d)    “unità ta’ bhejjem” tfisser unità ta’ kejl standard li tippermetti l-aggregazzjoni tad-diversi kategoriji ta’ bhejjem sabiex ikunu jistgħu jitqabblu; il-koeffiċjenti għall-istabbiliment tal-unitajiet ta’ bhejjem għall-kategoriji ta’ bhejjem individwali huma elenkati fl-Anness I.

(e)    “sena ta’ referenza tal-istħarriġ” tfisser sena kalendarja li għaliha jirreferu l-perjodi ta’ referenza.

(f)     “ġnien kulinari” tfisser erjas użati għall-produzzjoni ta’ ikel maħsub għall-konsum proprju.

Artikolu 3

Kopertura

1.Id-dejta meħtieġa minn dan ir-Regolament għandha tkopri 98 % tal-erja agrikola utilzzata totali (EAU) (esklużi l-ġonna kulinarji) u 98 % tal-unitajiet ta’ bhejjem tal-Istat Membru.

2.Sabiex jissodisfaw dawk ir-rekwiżiti, l-Istati Membri għandhom jipprovdu dejta rappreżentattiva tal-azjendi agrikoli u l-unitajiet agrikoli tal-art komuni li jissodisfaw mill-inqas waħda mil-limiti massimi fiżiċi elenkati fl-Anness II fir-rigward tad-daqs tal-art agrikola jew in-numru ta’ annimali.

3.Eċċezzjonalment, fejn il-qafas tal-istħarriġ prinċipali speċifikat taħt il-paragrafu 2 jirrappreżenta aktar minn 98 % tal-produzzjoni agrikola nazzjonali, imkejla bl-Output Standard skont ir-Regolament ta’ Delega tal-Kummissjoni (UE) Nru 1198/2014 16 , l-Istati Membri jistgħu, soġġett għal approvazzjoni minn qabel mill-Kummissjoni (Eurostat), jistabbilixxu limiti massimi ekonomiċi fiżiċi jew korrispondenti ogħla biex inaqqsu l-qafas tal-istħarriġ, diment li tintlaħaq il-kopertura ta’ 98 % tal-erja agrikola utilizzata totali (esklużi l-ġonna kulinari) u 98 % tal-unitajiet ta’ bhejjem tal-Istati Membri.

4.Fejn il-qafas tal-istħarriġ prinċipali speċifikat taħt il-paragrafu 2 ma jirrappreżentax 98 % tal-erja agrikola utilizzata u 98 % tal-unitajiet ta’ bhejjem, l-Istati Membri għandhom jestendu l-qafas billi jistabbilixxu limiti massimi aktar baxxi minn dawk imsemmija fil-paragrafu 2 jew billi jistabbilixxu limiti massimi addizzjonali, jew it-tnejn.

Artikolu 4

Sorsi ta’ dejta

1.Sabiex tinkiseb id-dejta msemmija f’dan ir-Regolament, l-Istati Membri għandhom iwettqu stħarriġ statistiku.

2.L-Istati Membri jistgħu jużaw informazzjoni mis-sistema integrata ta’ amministrazzjoni u kontroll (SIAK) stabbilita bir-Regolament (UE) Nru 1307/2013 tal-Parlament Ewropew u tal-Kunsill 17 , is-sistema għall-identifikazzjoni u r-reġistrazzjoni ta’ annimali bovini stabbilita bir-Regolament (KE) Nru 1760/2000 tal-Parlament Ewropew u tal-Kunsill [ 18 ] u s-sistema għall-identifikazzjoni u r-reġistrazzjoni tal-annimali ovini u kaprini stabbilita bir-Regolament tal-Kunsill (KE) Nru 21/2004 19 , ir-reġistru tal-vinji implimentat skont l-Artikolu 145 tar-Regolament (KE) Nru 1308/2013 tal-Parlament Ewropew u tal-Kunsill 20 , u r-reġistri tal-biedja organika stabbiliti skont ir-Regolament tal-Kunsill (KE) Nru 834/2007 21 , diment li l-informazzjoni tkun mill-inqas tal-istess kwalità bħall-informazzjoni miksuba minn stħarriġ statistiku. L-Istati Membri jistgħu jużaw ukoll sorsi amministrattivi assoċjati ma’ miżuri ta’ żvilupp rurali speċifiċi.

3.L-Istati Membri għandu jkollhom id-dritt li jużaw sorsi ta’ informazzjoni oħra minbarra dawk imsemmija fil-paragrafu 2 biex jipprovdu dejta diment li jkunu mill-inqas tal-istess kwalità bħall-informazzjoni miksuba minn stħarriġ statistiku. L-Istati Membri li jiddeċiedu li jużaw sorsi oħra għandhom jinfurmaw lill-Kummissjoni (Eurostat) matul is-sena preċedenti għas-sena ta’ referenza tal-istħarriġ u għandhom jipprovdu d-dettalji dwar il-kwalità tad-dejta miksuba minn dak is-sors u l-metodi ta’ ġbir ta’ dejta li se jintużaw.

4.L-awtoritajiet nazzjonali responsabbli biex jissodisfaw ir-rekwiżiti ta’ dan ir-Regolament għandu jkollhom id-dritt li jaċċessaw u jużaw dejta, minnufih u mingħajr ħlas, inkluża dejta individwali dwar azjendi agrikoli u dejta personali dwar id-detenturi tagħhom li tkun tinsab f’fajls amministrattivi miġbura fit-territorju nazzjonali tagħhom skont l-Artikolu 17a tar-Regolament (KE) Nru 223/2009. L-awtoritajiet nazzjonali u s-sidien tar-rekords amministrattivi għandhom jistabbilixxu l-mekkaniżmi ta’ kooperazzjoni meħtieġa.

Artikolu 5

Dejta strutturali ċentrali

1.L-Istati Membri għandhom jiġbru u jipprovdu dejta strutturali ċentrali (“dejta ċentrali”) relatata mal-azjendi agrikoli msemmija fil-paragrafi (2) u (3) tal-Artikolu 3, għas-snin ta’ referenza tal-istħarriġ 2020, 2023 u 2026 kif elenkati fl-Anness III. Il-ġbir tad-dejta ċentrali għas-sena ta’ referenza tal-istħarriġ 2020 għandu jsir bħala ċensiment.

2.Il-ġabriet ta’ dejta ċentrali għas-snin ta’ referenza tal-istħarriġ 2023 u 2026 jista’ jsir bħala stħarriġ kampjunarju. F’dak il-każ, l-Istati Membri għandhom jiżguraw li r-riżultati tal-istħarriġ ipponderati jkunu statistikament rappreżentattivi tal-azjendi agrikoli f’kull reġjun u jkunu mfassla biex jissodisfaw ir-rekwiżiti ta’ preċiżjoni mniżżla fl-Anness V.

3.Meta karatteristika elenkata fl-Anness III għandha prevalenza baxxa jew żero fi Stat Membru, il-karatteristika tista’ tiġi eskluża mill-ġbir tad-dejta diment li l-Istat Membru kkonċernat jipprovdi informazzjoni fejn jiġġustifika debitament l-esklużjoni tagħha lill-Kummissjoni (Eurostat) fis-sena kalendarja li tippreċedi s-sena ta’ referenza tal-istħarriġ.

4.Il-Kummissjoni għandha tingħata s-setgħa tadotta atti ta' implimentazzjoni bil-għan li jiġu speċifikati d-deskrizzjonijiet tal-karatteristiċi elenkati fl-Anness III.

5.L-atti ta' implimentazzjoni għandhom jiġu adottati skont il-proċedura ta’ eżami msemmija fl-Artikolu 17(2) sa mhux aktar tard minn [Uffiċċju tal-Pubblikazzjonijiet, jekk jogħġbok daħħal id-data preċiża: id-dħul fis-seħħ ta’ dan ir-Regolament + 6 xhur, jew il-31 ta’ Diċembru 2018, skont liema tiġi l-aħħar] għas-sena ta’ referenza tal-istħarriġ 2020, sa mhux aktar tard mill-31 ta’ Diċembru 2021 għas-sena ta’ referenza tal-istħarriġ 2023 u sa mhux aktar tard mill-31 ta’ Diċembru 2024 għas-sena ta’ referenza tal-istħarriġ 2026.

6.Il-Kummissjoni għandha s-setgħa tadotta atti delegati skont l-Artikolu 16 dwar emendi tal-informazzjoni elenkata fl-Anness III f'każ li din tkun meħtieġa għall-fini tal-armonizzazzjoni mas-sorsi tad-dejta speċifikati fl-Artikolu 4(2), għas-snin 2023 u 2026. Fl-eżerċizzju tas-setgħa tagħha l-Kummissjoni għandha tiżgura li tali atti delegati jissostitwixxu biss il-karatteristiċi elenkati fl-Anness III li ma jistgħux jinkisbu direttament mis-sorsi ta' dejta speċifikati. Hija għandha tiżgura li tali atti delegati ma jimponux piż jew kost addizzjonali sinifikanti fuq l-Istati Membri jew fuq il-parteċipanti, u li massimu ta’ 10 %, imqarreb għall-eqreb valur sħiħ, tal-karatteristiċi elenkati fl-Anness III jista’ jiġi mibdul.

7.Dawk l-atti delegati għandhom jiġu adottati sat-30 ta’ Settembru 2021 għas-sena ta’ referenza tal-istħarriġ 2023 u sat-30 ta’ Settembru 2024 għas-sena ta’ referenza tal-istħarriġ 2026.

Artikolu 6

Estensjoni tal-qafas

1.L-Istati Membri li jestendu l-qafas tal-istħarriġ skont l-Artikolu 3(4) għandhom jipprovdu dejta ċentrali dwar l-azjendi agrikoli inklużi f’dik l-estensjoni tal-qafas għas-sena ta’ referenza tal-istħarriġ 2020, fejn tkun koperta l-informazzjoni speċifikata fl-Anness III.

2.Id-dejta dwar l-azjendi agrikoli fl-estensjoni tal-qafas tista’ tinġabar billi jsir stħarriġ kampjunarju. F’dak il-każ l-Istati Membri għandhom jiżguraw li r-riżultati tal-istħarriġ ipponderati jkunu statistikament rappreżentattivi tal-azjendi agrikoli f’kull reġjun u mfassla biex jissodisfaw ir-rekwiżiti ta’ preċiżjoni mniżżla fl-Anness V.

Artikolu 7

Dejta tal-modulu

1.L-Istati Membri għandhom jiġbru u jipprovdu d-dejta tal-modulu (“moduli”) dwar is-suġġetti u s-suġġetti dettaljati elenkati fl-Anness IV għas-snin ta’ referenza tal-istħarriġ li jmiss:

(a) il-modulu “Forza tax-xogħol u attivitajiet bi qligħ oħra” għall-2020, l-2023 u l-2026; 

(b) il-modulu “Żvilupp rurali” għall-2020, l-2023 u l-2026;

(c) il-modulu “Akkomodazzjoni tal-annimali u ġestjoni tad-demel” għall-2020 u l-2026;

(d) il-modulu “Irrigazzjoni” għall-2023;

(e) il-modulu “Prattiki ta’ ġestjoni tal-ħamrija” għall-2023;

(f) il-modulu “Makkinarju u tagħmir” għall-2023;

(g) il-modulu “Ġnien tal-frott” għall-2023;

(h) il-modulu “Vinja” għall-2026;

2.Il-kamp ta' applikazzjoni ta’ dak il-ġbir ta’ dejta għandu jinkludi l-azjendi agrikoli msemmija fl-Artikolu 3(2) u fl-Artikolu 3(3).

3.Il-moduli jistgħu jinġabru billi jsir stħarriġ kampjunarju. F’dak il-każ l-Istati Membri għandhom jiżguraw li r-riżultati tal-istħarriġ ipponderati jkunu statistikament rappreżentattivi tal-azjendi agrikoli f’kull reġjun u mfassla biex jissodisfaw ir-rekwiżiti ta’ preċiżjoni stabbiliti fl-Anness V.

4.Il-moduli għandhom jinġabru minn subkampjuni tal-azjendi agrikoli mistħarrġa għad-dejta ċentrali għall-istess sena ta’ referenza. Fi kwalunkwe każ kull rekord li jipprovdi informazzjoni dwar moduli għandu jkun akkumpanjat mid-dejta ċentrali elenkata fl-Anness III.

5.L-Istati Membri b’inqas minn 1000 ettaru ta’ kwalunkwe wiċċ tar-raba’ individwali, imsemmija taħt is-suġġetti dettaljati tal-modulu “Ġnien tal-frott” fl-Anness IV, bi produzzjoni kompletament jew fil-biċċa l-kbira tagħha għas-suq, huma eżentati milli jwettqu l-modulu “Ġnien tal-frott” għal dak il-wiċċ tar-raba’ partikolari.

6.L-Istati Membri b’inqas minn 1000 ettaru ta’ vinji mħawwla bi dwieli ta' għeneb għall-inbid, bi produzzjoni kompletament jew fil-biċċa l-kbira tagħha għas-suq, huma eżentati milli jwettqu l-modulu “Vinja”.

7.L-Istati Membri b’inqas minn 2 % ta’ erja saqwija tal-EAU, u mingħar reġjuni fil-livell NUTS 2 b’mill-inqas 5 % ta’ erja saqwija tal-EAU, huma eżentati milli jwettqu l-modulu “Irrigazzjoni”.

8.L-Istati Membri għandhom jinfurmaw lill-Kummissjoni (Eurostat) b’każijiet fil-paragrafi 5, 6 u 7 sal-aħħar ta’ Ġunju tas-sena li tippreċedi s-sena ta’ referenza tal-istħarriġ rispettiv.

9.Meta karatteristika jkollha prevalenza baxxa jew żero fi Stat Membru, il-karatteristika tista’ tiġi eskluża mill-ġbir tad-dejta diment li tkun provduta informazzjoni li tiġġustifika l-esklużjoni b’mod debitu lill-Kummissjoni (Eurostat) fis-sena kalendarja li tippreċedi s-sena ta’ referenza tal-istħarriġ.

Artikolu 8

Speċifikazzjoni teknika dwar id-dejta tal-modulu

1.Il-Kummissjoni għandha tingħata s-setgħa tadotta atti ta' implimentazzjoni bil-għan li jkunu speċifikati l-elementi tekniċi li ġejjin tad-dejta li għandha tiġi provduta għal kull modulu u s-suġġett korrispondenti u s-suġġett dettaljat elenkati fl-Anness IV:

(a) il-lista ta’ karatteristiċi u l-unitajiet ta’ kejl korrispondenti;

(b) id-deskrizzjonijiet tal-karatteristiċi.

2.Dawk l-atti ta' implimentazzjoni għandhom jiġu adottati skont il-proċedura ta’ eżami msemmija fl-Artikolu 17(2) sa mhux aktar tard minn [Uffiċċju tal-Pubblikazzjonijiet, jekk jogħġbok daħħal id-data preċiża: id-dħul fis-seħħ ta’ dan ir-Regolament + 6 xhur, jew il-31 ta’ Diċembru 2018, skont liema tiġi l-aħħar] għas-sena ta’ referenza tal-istħarriġ 2020, sa mhux aktar tard mill-31 ta’ Diċembru 2021 għas-sena ta’ referenza tal-istħarriġ 2023 u sa mhux aktar tard mill-31 ta’ Diċembru 2024 għas-sena ta’ referenza tal-istħarriġ 2026.

3.Għas-snin 2023 u 2026 il-Kummissjoni hija mogħtija s-setgħa tadotta atti delegati skont l-Artikolu 16 fir-rigward ta’ emendi tas-suġġetti dettaljati elenkati fl-Anness IV. Fl-eżerċizzju tas-setgħa tagħha l-Kummissjoni għandha tiżgura li dawk l-atti delegati ma jimponux piż jew kost addizzjonali sinifikanti fuq l-Istati Membri jew fuq il-parteċipanti, u li massimu ta’ 25 %, imqarreb għall-eqreb valur sħiħ, tas-suġġetti dettaljati elenkati fl-Anness IV jinbidel għal kull modulu b’atti delegati.

4.Dawk l-atti delegati għandhom jiġu adottati sat-30 ta’ Settembru 2021 għas-sena ta’ referenza tal-istħarriġ 2023 u sat-30 ta’ Settembru 2024 għas-sena ta’ referenza tal-istħarriġ 2026.

Artikolu 9

Dejta ad hoc 

1.Il-Kummissjoni għandha tingħata s-setgħa tadotta atti ta' implimentazzjoni bil-għan li tkun speċifikata l-informazzjoni li għandha tiġi provduta fuq bażi ad hoc billi jiġu provduti:

(a) lista ta’ karatteristiċi li ma taqbiżx l-40 varjabbli li għandha tintbagħat lill-Kummissjoni (Eurostat) u l-unitajiet ta’ kejl korrispondenti;

(b) id-deskrizzjonijiet tal-karatteristiċi;

(c) ir-rekwiżiti ta’ preċiżjoni;

(d) is-sena ta’ referenza tal-istħarriġ;

(e) il-perjodi ta’ referenza;

(f) is-sorsi ta’ dejta possibbli u aspetti metodoloġiċi oħra;

(g) id-dejta ta’ trażmissjoni.

2.Dawk l-atti ta' implimentazzjoni għandhom jiġu adottati skont il-proċedura ta’ eżami msemmija fl-Artikolu 17(2) sa mhux aktar tard minn 12-il xahar qabel il-bidu tas-sena ta’ referenza tal-istħarriġ.

Artikolu 10

Perjodi ta’ referenza

L-informazzjoni miġbura għandha tirreferi għal sena ta’ referenza unika li hija komuni għall-Istati Membri kollha b’referenza għas-sitwazzjoni matul qafas ta’ żmien speċifikat kif ġej:

(a) Għall-karatteristiċi dwar l-art tal-azjendi agrikoli: (i) l-użu prinċipali tal-art għandu jirreferi għas-sena ta’ referenza tal-istħarriġ; (ii) kull Stat Membru għandu jistabbilixxi jum ta’ referenza fis-sena ta’ referenza tal-istħarriġ għall-identifikazzjoni ta' roqgħa art.

(b) Għall-karatteristiċi dwar l-irrigazzjoni u l-prattiki ta’ ġestjoni tal-ħamrija, il-perjodu ta’ referenza huwa perjodu ta’ 12-il xahar li jintemm fis-sena ta’ referenza tal-istħarriġ, li għandu jiġi stabbilit minn kull Stat Membru bil-ħsieb li jkunu koperti ċ-ċikli ta’ produzzjoni relatati.

(c) Għall-karatteristiċi dwar il-bhejjem, l-akkomodazzjoni tal-annimali u l-ġestjoni tad-demel, kull Stat Membru għandu jistabbilixxi jum ta’ referenza komuni fis-sena ta’ referenza tal-istħarriġ. Il-karatteristiċi dwar il-ġestjoni tad-demel għandhom jirreferu għall-perjodu ta’ 12-il xahar li jintemm f’dik id-data.

(d) Għall-karatteristiċi dwar il-forza tax-xogħol, kull Stat Membru għandu jistabbilixxi perjodu ta’ referenza ta’ 12-il xahar li jintemm f’jum ta’ referenza fis-sena ta’ referenza tal-istħarriġ.

(e) Għall-karatteristiċi dwar il-miżuri ta’ żvilupp rurali implimentati fl-azjendi agrikoli individwali, il-perjodu ta’ referenza għandu jkun il-perjodu ta’ tliet snin li jintemm fil-31 ta’ Diċembru tas-sena ta’ referenza tal-istħarriġ.

(f) Għall-karatteristiċi l-oħra kollha, kull Stat Membru għandu jistabbilixxi jum ta’ referenza komuni fis-sena ta’ referenza tal-istħarriġ.

Artikolu 11

Kwalità

1.L-Istati Membri għandhom jieħdu l-miżuri meħtieġa sabiex jiżguraw il-kwalità tad-dejta u tal-metadejta trażmessi.

2.Għall-finijiet ta’ dan ir-Regolament, għandhom japplikaw il-kriterji ta’ kwalità definiti fl-Artikolu 12(1) tar-Regolament (KE) Nru 223/2009.

3.Il-Kummissjoni (Eurostat) għandha tivvaluta l-kwalità tad-dejta u tal-metadejta trażmessi.

4.Għal dak il-għan, l-Istati Membri għandhom jittrażmettu, għal kull sena ta’ referenza tal-istħarriġ koperta minn dan ir-Regolament, rapport ta’ kwalità li jiddeskrivi l-proċess statistiku u b’mod partikolari:

(a) il-kriterji ta’ kwalità msemmija fil-paragarfu 2;

(b) il-kriterji ta’ inklużjoni u esklużjoni applikati biex ikunu ssodisfati r-rekwiżiti ta’ kopertura speċifikati f’dan ir-Regolament;

(c) l-organizzazzjoni u l-metodoloġija applikati;

(d) il-qafas ta’ teħid ta’ kampjuni għall-istħarriġ;

(e) il-livelli ta’ preċiżjoni miksuba għall-istħarriġ kampjunarju;

(f) il-perjodi ta’ referenza skont l-Artikolu 10;    

(g) l-informazzjoni dwar il-kwalità tas-sorsi tad-dejta minbarra l-istħarriġ statistiku użat;

(h) l-informazzjoni dwar il-validazzjoni tad-dejta mwettqa mill-Istat Membru qabel is-sottomissjoni tas-sett ta’ dejta lill-Kummissjoni (Eurostat).

Il-Kummissjoni għandha tingħata s-setgħa tadotta atti ta' implimentazzjoni li jistabbilixxu l-modalitajiet u l-kontenuti tar-rapporti ta’ kwalità. Dawk l-atti ta' implimentazzjoni għandhom ikunu adottati skont il-proċedura ta’ eżami msemmija fl-Artikolu 17(2).

5.L-Istati Membri għandhom jinfurmaw lill-Kummissjoni (Eurostat) kemm jista’ jkun malajr, dwar kwalunkwe informazzjoni jew bidla rilevanti fir-rigward tal-implimentazzjoni ta’ dan ir-Regolament li jistgħu jinfluwenzaw il-kwalità tad-dejta trażmessa.

6.Fuq talba tal-Kummissjoni (Eurostat), l-Istati Membri għandhom jipprovdu l-informazzjoni addizzjonali meħtieġa biex tkun evalwata l-kwalità tal-informazzjoni statistika.

Artikolu 12

Trażmissjoni ta’ dejta u metadejta

1.Għas-sena ta’ referenza tal-istħarriġ 2020, l-Istati Membri għandhom jittrażmettu dejta ċentrali u tal-modulu u rapport ta’ kwalità lill-Kummissjoni (Eurostat) fi żmien 15-il xahar wara tmiem is-sena ta’ referenza tal-istħarriġ.

2.Għas-snin ta’ referenza tal-istħarriġ 2023 u 2026, l-Istati Membri għandhom jittrażmettu dejta ċentrali validata, dejta tal-modulu forza tax-xogħol u attivitajiet bi qligħ oħra u rapport ta’ kwalità lill-Kummissjoni (Eurostat) fi żmien 9 xhur wara tmiem is-sena ta’ referenza tal-istħarriġ. Id-dejta għal moduli oħra u metadejta relatata għandhom jintbagħtu fi żmien 12-il xahar wara tmiem is-sena ta’ referenza tal-istħarriġ.

3.Id-dejta trażmessa lill-Kummissjoni (Eurostat) għandha tkun fil-livell ta’ azjendi agrikoli individwali. Il-modulu u d-dejta ad hoc għandhom ikunu marbuta mad-dejta ċentrali elenkata fl-Anness III fil-livell ta’ azjenda agrikola individwali għall-istess sena ta’ referenza. Ir-rekords provduti għandhom jinkludu l-fatturi ta’ estrapolazzjoni.

4.L-Istati Membri għandhom jittrażmettu d-dejta u l-metadejta bl-użu ta’ format tekniku speċifikat mill-Kummissjoni (Eurostat). Id-dejta u l-metadejta għandhom ikunu provduti lill-Kummissjoni (Eurostat) permezz ta’ servizzi ta’ punt ta’ dħul uniku.

   Artikolu 13

Kontribuzzjoni tal-Unjoni

1.Għall-implimentazzjoni ta’ dan ir-Regolament, l-Unjoni tista’ tipprovdi għotjiet lill-istituti tal-istatistika nazzjonali u lil awtoritajiet oħra msemmija fl-Artikolu 5(2) tar-Regolament (KE) Nru 223/2009 għal

(a)    l-iżvilupp jew l-implimentazzjoni ta' rekwiżiti tad-dejta, jew it-tnejn;

(b)    l-iżvilupp ta’ metodoloġiji li jimmiraw lejn kwalità ogħla jew kostijiet aktar baxxi u l-piż amministrattiv tal-ġbir u l-produzzjoni ta’ statistika integrata dwar azjendi agrikoli jew it-tnejn li huma.

2.L-Istati Membri jistgħu jirċievu għotjiet mill-Unjoni biex ikopru l-kost tal-ġbir ta’ dejta speċifikat fl-Artikoli 5, 6 u 7, fil-kamp ta' applikazzjoni tal-pakkett finanzjarju speċifikat fl-Artikolu 14.

3.Il-kontribuzzjoni finanzjarja tal-Unjoni ma għandhiex taqbeż il-75 % tal-kostijiet eliġibbli, soġġett għall-ammonti massimi speċifikati fil-paragrafi 4 u 5.

4.Għall-kostijiet miġbura flimkien tad-dejta ċentrali u l-ġabriet ta’ dejta tal-modulu tal-2020, il-kontribuzzjoni finanzjarja tal-Unjoni għandha tkun limitata għall-ammonti massimi speċifikati hawn taħt:

(a) EUR 50 000 kull wieħed għal-Lussemburgu u għal Malta;

(b) EUR 1 000 000 kull wieħed għall-Awstrija, il-Kroazja, l-Irlanda u l-Litwanja;

(c) EUR 2 000 000 kull wieħed għall-Bulgarija, il-Ġermanja, l-Ungerija, il-Portugall u r-Renju Unit;

(d) EUR 3 000 000 kull wieħed għall-Greċja, Spanja u Franza;

(e) EUR 4 000 000 kull wieħed għall-Italja, il-Polonja u r-Rumanija;

(f) EUR 300 000 kull wieħed għall-Istati Membri kollha l-oħra.

5.Għad-dejta ċentrali u l-ġabriet ta’ dejta tal-modulu fl-2023 u l-2026, l-ammonti massimi speċifikati fil-paragrafu 4 għandhom jitnaqqsu b'50 %, soġġett għad-dispożizzjonijiet taħt il-Qafas Finanzjarju Pluriennali ta’ wara l-2020.

6.Għall-ġbir tad-dejta ad hoc speċifikat fl-Artikolu 9, l-Unjoni tista’ tipprovdi għotjiet lill-istituti tal-istatistika nazzjonali u lil awtoritajiet nazzjonali oħra msemmija fl-Artikolu 5(2) tar-Regolament (KE) Nru 223/2009, biex ikopru l-kost tal-implimentazzjoni ta’ ġbir ta’ dejta ad hoc. Il-kontribuzzjoni finanzjarja tal-Unjoni ma għandhiex taqbeż id-90 % tal-kostijiet eliġibbli.

7.     Il-kontribuzzjoni finanzjarja tal-Unjoni hija provduta mill-Fond Agrikolu Ewropew ta’ Garanzija skont l-Artikolu 4(2), il-punt (d) tar-Regolament (UE) Nru 1306/2013.

Artikolu 14

Pakkett finanzjarju

1.Il-pakkett finanzjarju tal-Unjoni għall-implimentazzjoni tal-programm ta’ ġabriet ta’ dejta għas-sena ta’ referenza tal-istħarriġ 2020, inklużi l-approprjazzjonijiet meħtieġa għall-ġestjoni, iż-żamma u l-iżvilupp tas-sistemi ta’ bażi tad-dejta użati fi ħdan il-Kummissjoni biex tkun proċessata d-dejta fornuta mill-Istati Membri taħt id-dispożizzjonijiet ta’ dan ir-Regolament, għandu jkun ta’ EUR 40 000 000 għall-perjodu 2018-2020, kopert mill-Qafas Finanzjarju Pluriennali 2014-2020.

2.Wara d-data tad-dħul fis-seħħ tal-qafas finanzjarju pluriennali wara l-2020, l-ammont għall-perjodu ta’ wara l-2020 għandu jkun stipulat mill-awtorità baġitarja u leġiżlattiva fuq proposta mill-Kummissjoni.

Artikolu 15

Protezzjoni tal-interessi finanzjarji tal-Unjoni

1.Il-Kummissjoni għandha tieħu miżuri xierqa biex tiżgura li, meta jiġu implimentati azzjonijiet finanzjati taħt dan ir-Regolament, l-interessi finanzjarji tal-Unjoni jkunu protetti bl-applikazzjoni ta’ miżuri preventivi kontra l-frodi, il-korruzzjoni u kwalunkwe attività illegali oħra, permezz ta’ kontrolli konsistenti u effettivi u, jekk jinstabu xi irregolaritajiet, bl-irkupru tal-ammonti mħallsa ħażin u, fejn ikun il-każ, b'penali amministrattivi u finanzjarji effettivi, proporzjonati u dissważivi.

2.Il-Kummissjoni jew ir-rappreżentanti tagħha u l-Qorti tal-Awdituri għandu jkollhom is-setgħa ta’ awditu, fuq il-bażi ta’ dokumenti u kontrolli fuq il-post, fuq il-benefiċjarji tal-għotja, il-kuntratturi u s-subkuntratturi u l-partijiet terzi kollha li, direttament jew indirettament, irċevew fondi tal-Unjoni taħt il-Programm.

3.L-Uffiċċju Ewropew Kontra l-Frodi (OLAF) jista’ jwettaq investigazzjonijiet, inklużi kontrolli u spezzjonijiet fuq il-post fuq l-operaturi ekonomiċi konċernati direttament jew indirettament minn dan il-finanzjament skont il-proċeduri stabbiliti fir-Regolament (UE, Euratom) Nru 883/2013 tal-Parlament Ewropew u tal-Kunsill 22 u fir-Regolament tal-Kunsill (Euratom, KE) Nru 2185/96 23 bil-ħsieb li jkun stabbilit jekk kienx hemm frodi, korruzzjoni jew kwalunkwe attività illegali oħra li jaffettwaw l-interessi finanzjarji tal-Unjoni b’konnessjoni ma’ ftehim ta’ għotja jew deċiżjoni ta’ għotja jew kuntratt finanzjat, direttament jew indirettament, fi ħdan il-qafas ta’ dan ir-Regolament.

4.Il-ftehimiet ta’ kooperazzjoni ma’ pajjiżi terzi u ma' organizzazzjonijiet internazzjonali u l-ftehimiet ta’ għotja u d-deċiżjonijiet ta’ għotja li jirriżultaw mill-implimentazzjoni ta’ dan ir-Regolament għandhom espressament jagħtu setgħa lill-Kummissjoni, lill-Qorti tal-Awdituri u lill-OLAF biex iwettqu awditi, kontrolli u spezzjonijiet fuq il-post bħal dawn.

5.Fejn l-implimentazzjoni ta’ azzjoni hija esternalizzata jew subdelegata, kompletament jew parzjalment, jew fejn tirrikjedi l-għoti ta’ kuntratt ta’ akkwist jew li jingħata appoġġ finanzjarju lil parti terza, il-kuntratt, il-ftehim ta’ għoti jew id-deċiżjoni ta’ għoti għandhom jinkludu l-obbligu tal-kuntrattur jew tal-benefiċjarju li jimponu fuq kwalunwke parti terza involuta l-aċċettazzjoni espliċita ta’ dawn is-setgħat tal-Kummissjoni, il-Qorti tal-Awdituri u l-OLAF.

6.Il-paragrafi 4 u 5 għandhom japplikaw mingħajr preġudizzju għall-paragrafi 1, 2 u 3.

Artikolu 16

Eżerċizzju tad-delega

1.Is-setgħa li tadotta atti delegati hija mogħtija lill-Kummissjoni soġġeta għall-kundizzjonijiet stabbiliti f’dan l-Artikolu.

2.Is-setgħa li tadotta atti delegati msemmija fl-Artikolu 5(6) u l-Artikolu 8(3) għandha tingħata lill-Kummissjoni għal perjodu ta’ żmien mhux determinat minn [Uffiċċju tal-Pubblikazzjonijiet: jekk jogħġbok daħħal id-data preċiża tad-dħul fis-seħħ tar-Regolament].

3.Id-delega tas-setgħa msemmija fl-Artikolu 5(6) u l-Artikolu 8(3) tista’ tiġi revokata fi kwalunkwe ħin mill-Parlament Ewropew jew mill-Kunsill. Deċiżjoni ta’ revoka għandha ttemm id-delega tas-setgħa speċifikata f’dik id-deċiżjoni. Din għandha ssir effettiva fil-jum wara l-pubblikazzjoni tad-Deċiżjoni f’Il-Ġurnal Uffiċjali tal-Unjoni Ewropea jew f’data aktar tard speċifikata fiha. Hija ma għandhiex taffettwa l-validità ta’ kwalunkwe att delegat diġà fis-seħħ.

4.Qabel ma tadotta att delegat, il-Kummissjoni għandha tikkonsulta esperti maħtura minn kull Stat Membru skont il-prinċipji stabbiliti fil-Ftehim Interistituzzjonali dwar it-Tfassil Aħjar tal-Liġijiet tat-13 ta’ April 2016.

5.Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

6.Att delegat adottat skont l-Artikolu 5(6) jew l-Artikolu 8(3) għandu jidħol fis-seħħ biss jekk ma tkun ġiet espressa l-ebda oġġezzjoni jew mill-Parlament Ewropew jew mill-Kunsill fi żmien xahrejn min-notifika ta’ dak l-att lill-Parlament Ewropew u lill-Kunsill jew jekk, qabel l-iskadenza ta’ dak il-perjodu, il-Parlament Ewropew u l-Kunsill ikunu t-tnejn infurmaw lill-Kummissjoni li mhux se joġġezzjonaw. Dak il-perjodu għandu jiġi estiż b’xahrejn fuq l-inizjattiva tal-Parlament Ewropew jew tal-Kunsill.

Artikolu 17

Proċedura ta’ kumitat

1.Il-Kummissjoni għandha tkun assistita mill-Kumitat tas-Sistema Ewropea tal-Istatistika stabbilit bir-Regolament (KE) Nru 223/2009. Dak il-Kumitat għandu jkun kumitat fis-sens tar-Regolament (UE) Nru 182/2011.

2.Fejn issir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

Artikolu 18

Tħassir

1.Ir-Regolament (UE) Nru 1337/2011 jitħassar b’effett mill-1 ta’ Jannar 2022.

2.Ir-Regolament (KE) Nru 1166/2008 jitħassar b’effett mill-1 ta’ Jannar 2019.

3.Ir-referenzi għar-Regolamenti mħassra għandhom jinftiehmu bħala referenzi għal dan ir-Regolament.

Artikolu 19

Dħul fis-seħħ

Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.

Dan ir-Regolament għandu jorbot fl-intier tiegħu u japplika direttament fl-Istati Membri kollha.

Magħmul fi Brussell,

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/TAL-INIZJATTIVA 

1.1.Titlu tal-proposta/tal-inizjattiva

1.2.Qasam/oqsma ta’ politika konċernat(i) fl-istruttura ABM/ABB

1.3.Natura tal-proposta/tal-inizjattiva

1.4.Objettiv(i)

1.5.Raġunijiet għall-proposta/għall-inizjattiva

1.6.Durata u impatt finanzjarju

1.7.Mod(i) ta’ ġestjoni ppjanat(i)

2.MIŻURI TA’ ĠESTJONI 

2.1.Regoli ta’ monitoraġġ u ta' rappurtar

2.2.Sistema ta’ ġestjoni u ta' kontroll

2.3.Miżuri għall-prevenzjoni ta’ frodi u ta' irregolaritajiet

3.IMPATT FINANZJARJU STMAT TAL-PROPOSTA/TAL-INIZJATTIVA 

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwata/i

3.2.Impatt stmat fuq in-nefqa 

3.2.1.Sommarju tal-impatt stmat fuq in-nefqa

3.2.2.Impatt stmat fuq l-approprjazzjonijiet operazzjonali

3.2.3.Impatt stmat fuq l-approprjazzjonijiet ta’ natura amministrattiva

3.2.4.Kompatibilità mal-qafas finanzjarju pluriennali attwali

3.2.5.Kontribuzzjonijiet ta' partijiet terzi

3.3.Impatt stmat fuq id-dħul

DIKJARAZZJONI FINANZJARJA LEĠIŻLATTIVA

1.QAFAS TAL-PROPOSTA/TAL-INIZJATTIVA 

1.1.Titlu tal-proposta/tal-inizjattiva 

1.2.Qasam/Oqsma ta' politika kkonċernat/i fl-istruttura ABM/ABB 24  

1.3.Natura tal-proposta/tal-inizjattiva 

◻ Il-proposta/l-inizjattiva hija dwar azzjoni ġdida 

◻ Il-proposta/l-inizjattiva hija dwar azzjoni ġdida b'segwitu għal proġett pilota/azzjoni preparatorja 25  

◻ Il-proposta/l-inizjattiva hija dwar l-estensjoni ta’ azzjoni eżistenti 

X Il-proposta/l-inizjattiva hija dwar azzjoni diretta mill-ġdid lejn azzjoni ġdida 

1.4.Objettiv(i)

1.4.1.L-objettiv(i) strateġiku/strateġiċi pluriennali tal-Kummissjoni fil-mira tal-proposta/tal-inizjattiva 

1.4.2.Objettiv(i) speċifiku/i u attività/attivitajiet ABM/ABB konċernat(i) 

1.4.3.Riżultat(i) u impatt mistennija

Speċifika l-effetti li l-proposta/l-inizjattiva għandu jkollha fuq il-benefiċjarji/il-gruppi fil-mira. 

1.4.4.Indikaturi tar-riżultati u tal-impattt 

Speċifika l-indikaturi għall-monitoraġġ tal-implimentazzjoni tal-proposta/tal-inizjattiva.

1.5.Raġunijiet għall-proposta/għall-inizjattiva 

1.5.1.Rekwiżit(i) li jridu jiġu ssodisfati fuq terminu qasir jew twil 

1.5.2.Valur miżjud tal-involviment tal-UE

1.5.3.Tgħalimiet meħuda minn esperjenzi simili fil-passat

1.5.4.Kompatibilità u sinerġija possibbli ma’ strumenti adatti oħra

1.6.Durata u impatt finanzjarju 

X Proposta/inizjattiva ta' durata limitata

–X    Proposta/inizjattiva b’effett sal-31/12/2028

–X    Impatt finanzjarju mill-2019 sal-2020 (b’impatt finanzjarju possibbli estiż sal-2028 skont il-QFP il-ġdid)

◻ Proposta/inizjattiva ta' durata mhux limitata

–Implimentazzjoni b’perjodu tal-bidu minn SSSS sa SSSS,

–segwita b'operazzjoni fuq skala sħiħa.

1.7.Mod(i) ta' ġestjoni ppjanat(i) 26  

X Ġestjoni diretta mill-Kummissjoni

–X mid-dipartimenti tagħha, inkluż mill-persunal tagħha fid-delegazzjonijiet tal-Unjoni;

–◻    mill-aġenziji eżekuttivi

◻ Ġestjoni kondiviża mal-Istati Membri

◻ Ġestjoni indiretta billi jiġu fdati kompiti ta’ implimentazzjoni baġitarja:

–◻ lill-pajjiżi terzi jew lill-korpi nnominati minnhom;

–◻ lill-organizzazzjonijiet internazzjonali u lill-aġenziji tagħhom (iridu jiġu speċifikati);

–◻ lill-BEI u lill-Fond Ewropew tal-Investiment;

–◻ lill-korpi msemmija fl-Artikoli 208 u 209 tar-Regolament Finanzjarju;

–◻ lill-korpi tal-liġi pubblika;

–◻ lill-korpi rregolati mil-liġi privata b’missjoni ta’ servizz pubbliku sakemm dawn jipprovdu garanziji finanzjarji adegwati;

–◻ lill-korpi rregolati mil-liġi privata ta’ Stat Membru li jkunu fdati bl-implimentazzjoni ta’ sħubija pubblika-privata u li jipprovdu garanziji finanzjarji adegwati;

–◻ lill-persuni fdati bl-implimentazzjoni ta’ azzjonijiet speċifiċi fil-PESK skont it-Titolu V tat-TUE, u identifikati fl-att bażiku rilevanti.

–Jekk jiġi indikat iżjed minn mod ta’ ġestjoni wieħed, jekk jogħġbok ipprovdi d-dettalji fit-taqsima "Kummenti".

Kummenti

2.MIŻURI TA’ ĠESTJONI 

2.1.Regoli ta’ monitoraġġ u ta' rappurtar 

Speċifika l-frekwenza u l-kundizzjonijiet

2.2.Sistema ta’ ġestjoni u ta' kontroll 

2.2.1.Riskju/i identifikat(i) 

2.2.2.Tagħrif dwar is-sistema ta’ kontroll intern li ġiet stabbilita

2.2.3.Stima tal-kostijiet u tal-benefiċċji tal-kontrolli u valutazzjoni tal-livell mistenni ta’ riskju ta’ errur 

2.3.Miżuri għall-prevenzjoni ta’ frodi u ta' irregolaritajiet 

Speċifika l-miżuri ta’ prevenzjoni u ta’ protezzjoni eżistenti jew previsti.

3.IMPATT FINANZJARJU STMAT TAL-PROPOSTA/TAL-INIZJATTIVA 

3.1.Intestatura/i tal-qafas finanzjarju pluriennali u l-linja/i baġitarja/i tan-nefqa affettwati 

Linji baġitarji eżistenti

Skont l-ordni tal-intestaturi tal-qafas finanzjarju pluriennali u tal-linji baġitarji.

Linji baġitarji ġodda mitluba

Skont l-ordni tal-intestaturi tal-qafas finanzjarju pluriennali u tal-linji baġitarji.

3.2.Impatt stmat fuq in-nefqa 

3.2.1.Sommarju tal-impatt stmat fuq in-nefqa 

miljuni ta' EUR (sa tliet punti deċimali)

DĠ: AGRI			Sena2019 30	Sena2020	TOTAL
• Approprjazzjonijiet operazzjonali
Numru tal-linja baġitarja 05 08 02	Impenji	(1)	39 000	1 000	40 000
	Pagamenti	(2)	19 200	0.900	20 100
Numru tal-linja baġitarja	Impenji	(1a)
	Pagamenti	(2a)
Approprjazzjonijiet ta’ natura amministrattiva ffinanzjati mill-pakkett ta’ programmi speċifiċi 31
Numru tal-linja baġitarja		(3)
Approprjazzjonijiet TOTALI Għal DĠ AGRI	Impenji	=1+1a +3	39 000	1 000	40 000
	Pagamenti	=2+2a +3	19 200	0.900	20 100

• TOTAL tal-approprjazzjonijiet operazzjonali	Impenji	(4)	39 000	1 000	40 000
	Pagamenti	(5)	19 200	0 900	20 100
• TOTAL tal-approprjazzjonijiet ta' natura amministrattiva ffinanzjati mill-pakkett għal programmi speċifiċi		(6)
TOTAL ta' Approprjazzjonijiet Taħt l-INTESTATURA 2 tal-qafas finanzjarju pluriennali	Impenji	=4+ 6	39 000	1 000	40 000
	Pagamenti	=5+ 6	19 200	0 900	20 100

Jekk il-proposta/l-inizjattiva taffettwa iżjed minn intestatura waħda:

miljuni ta' EUR (sa tliet punti deċimali)

TOTAL ta' approprjazzjonijiet taħt l-INTESTATURA 5 tal-qafas finanzjarju pluriennali

(Impenji totali = Pagamenti totali)

0 594

0 579

1 173

miljuni ta' EUR (sa tliet punti deċimali)

3.2.2.Impatt stmat fuq approprjazzjonijiet operazzjonali 

–◻    Il-proposta/l-inizjattiva ma teħtieġx l-użu ta’ approprjazzjonijiet operazzjonali

–X Il-proposta/l-inizjattiva teħtieġ l-użu ta’ approprjazzjonijiet operazzjonali, kif spjegat hawn taħt:

Approprjazzjonijiet ta’ impenn f’miljuni ta' EUR (sa tliet punti deċimali)

3.2.3.Impatt stmat fuq l-approprjazzjonijiet ta’ natura amministrattiva

3.2.3.1.Sommarju 

–◻    Il-proposta/l-inizjattiva ma teħtieġx l-użu ta’ approprjazzjonijiet ta’ natura amministrattiva

–X    Il-proposta/l-inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:

miljuni ta' EUR (sa tliet punti deċimali)

INTESTATURA 5tal-qafas finanzjarju pluriennali
Riżorsi umani	0 549	0 549	1 098
Nefqa amministrattiva oħra	0 045	0 030	0 075
Subtotal INTESTATURA 5tal-qafas finanzjarju pluriennali	0 594	0 579	1 173

Barra l-INTESTATURA 5 34 tal-qafas finanzjarju pluriennali
Riżorsi umani
Nefqa oħrata’ natura amministrattiva
SubtotalBarra l-INTESTATURA 5tal-qafas finanzjarju pluriennali

TOTAL

0 594

0 579

1 173

L-approprjazzjonijiet meħtieġa għar-riżorsi umani u għal nefqa oħra ta’ natura amministrattiva se jiġu koperti mill-approprjazzjonijiet tad-DĠ li diġà jkunu assenjati għall-ġestjoni tal-azzjoni u/jew li diġà jkunu ġew riassenjati fid-DĠ, flimkien, jekk ikun meħtieġ, ma’ kwalunkwe allokazzjoni addizzjonali li tista’ tingħata lid-DĠ tal-ġestjoni skont il-proċedura annwali ta’ allokazzjoni u fid-dawl tal-limitazzjonijiet baġitarji    

.

3.2.3.2.Rekwiżiti stmati ta’ riżorsi umani

–◻    Il-proposta/l-inizjattiva ma teħtieġx l-użu ta’ riżorsi umani.

–X Il-proposta/l-inizjattiva teħtieġ l-użu ta’ riżorsi umani, kif spjegat hawn taħt:

L-istima trid tiġi espressa f’unitajiet ekwivalenti għall-full-time

XX huwa l-qasam ta’ politika jew l-intestatura baġitarja konċernati.

Ir-riżorsi umani meħtieġa se jintlaħqu mill-uffiċjali tad-DĠ li huma diġà assenjati għall-ġestjoni tal-azzjoni u/jew li diġà ġew riassenjati fid-DĠ, flimkien, jekk ikun meħtieġ, ma' kwalunkwe allokazzjoni addizzjonali li tista' tingħata lid-DĠ tal-ġestjoni skont il-proċedura annwali ta' allokazzjoni u fid-dawl tal-limitazzjonijiet baġitarji.

Deskrizzjoni tal-kompiti li għandhom jitwettqu:

3.2.4.Kompatibilità mal-qafas finanzjarju pluriennali attwali 

–X    Il-proposta/l-inizjattiva hija kompatibbli mal-qafas finanzjarju pluriennali attwali.

–◻    Il-proposta/l-inizjattiva se tkun tinvolvi riprogrammazzjoni tal-intestatura rilevanti fil-qafas finanzjarju pluriennali.

–◻    Il-proposta/l-inizjattiva teħtieġ l-applikazzjoni tal-istrument ta’ flessibbiltà jew ir-reviżjoni tal-qafas finanzjarju pluriennali.

3.2.5.Kontribuzzjonijiet ta' partijiet terzi 

–Il-proposta/l-inizjattiva ma tipprevedix kofinanzjament minn partijiet terzi.

–Il-proposta/l-inizjattiva tipprevedi l-kofinanzjament stmat hawn taħt:

Approprjazzjonijiet f’miljuni ta' EUR (sa tliet punti deċimali)

3.3.Impatt stmat fuq id-dħul 

–X Il-proposta/l-inizjattiva ma għandha l-ebda impatt finanzjarju fuq id-dħul.

–◻    Il-proposta/l-inizjattiva għandha l-impatt finanzjarju li ġej:

–◻    fuq ir-riżorsi proprji

–◻    fuq dħul mixxellanju

f'miljuni ta' EUR (sa tliet punti deċimali)

Għal dħul “assenjat” mixxellanju, speċifika l-linja/i tan-nefqa baġitarja/i affettwata/i.

Speċifika l-metodu għall-kalkolu tal-impatt fuq id-dħul

(1) Ir-Regolament (KE) Nru 1166/2008 tal-Parlament Ewropew u tal-Kunsill tad-19 ta' Novembru 2008 dwar stħarriġ ta' strutturi tal-impriżi agrikoli u stħarriġ dwar metodi ta' produzzjoni agrikola u li jħassar ir-Regolament tal-Kunsill (KEE) Nru 571/88 (ĠU L 321, 1.12.2008, p. 14).

(2) Ir-Regolament (KE) Nru 223/2009 tal-Parlament Ewropew u tal-Kunsill tal-11 ta’ Marzu 2009 dwar l-Istatistika Ewropea u li jħassar ir-Regolament (Euratom, KE) Nru 1101/2008 tal-Parlament Ewropew u tal-Kunsill dwar it-trażmissjoni ta' data suġġetta għall-kunfidenzjalità statistika lill-Uffiċċju tal-Istatistika tal-Komunitajiet Ewropej, ir-Regolament tal-Kunsill (KE) Nru 322/97 u d-Deċiżjoni tal-Kunsill 89/382/KEE, Euratom li tistabbilixxi Kumitat dwar il-Programmi tal-Istatistika tal-Komunitajiet Ewropej (ĠU L 87, 31.3.2009, p. 164).

(3) Ara http://ec.europa.eu/eurostat/web/quality/evaluation  

(4) Sit web ta’ konsultazzjoni pubblika tal-Eurostat: http://ec.europa.eu/eurostat/about/opportunities/consultations/eass Rapport dwar il-konsultazzjoni pubblika miftuħa:http://ec.europa.eu/eurostat/documents/10186/6937766/Agricultural-Statistics-Strategy-2020-Report.docx

(5) Id-Direttiva 95/46/KE tal-Parlament Ewropew u tal-Kunsill tal-24 ta' Ottubru 1995 (ĠU L 281, 23.11.1995, p. 31) u r-Regolament (KE) Nru 45/2001 tal-Parlament Ewropew u tal-Kunsill tat-18 ta' Diċembru 2000 dwar il-protezzjoni ta’ individwu fir-rigward tal-ipproċessar ta’ data personali mill-istituzzjonijiet u l-korpi tal-Komunità u dwar il-moviment liberu ta’ dik id-data (ĠU L 8, 12.1.2001, p. 1).

(6) Ir-Regolament (KE) Nru 1166/2008 tal-Parlament Ewropew u tal-Kunsill tad-19 ta' Novembru 2008 dwar stħarriġ ta' strutturi tal-impriżi agrikoli u stħarriġ dwar metodi ta' produzzjoni agrikola u li jħassar ir-Regolament tal-Kunsill (KEE) Nru 571/88 (ĠU L 321, 1.12.2008, p. 14).

(7) Ir-Regolament (KE) Nru 1337/2011 tal-Parlament Ewropew u tal-Kunsill tat-13 ta’ Diċembru 2011 rigward l-istatistika Ewropea dwar għelejjel permanenti u li jħassar ir-Regolament tal-Kunsill (KEE) Nru 357/79 u d-Direttiva 2001/109/KE tal-Parlament Ewropew u tal-Kunsill (ĠU L 347, 30.12.2011, p. 7).

(8) Id-Direttiva 2007/2/KE tal-Parlament Ewropew u tal-Kunsill tal-14 ta’ Marzu 2007 li tistabbilixxi Infrastruttura għall-Informazzjoni Ġeografika fil-Komunità Ewropea (Inspire) (ĠU L 108, 25.4.2007, p. 1).

(9) Ir-Regolament (KE) Nru 223/2009 tal-Parlament Ewropew u tal-Kunsill tal-11 ta’ Marzu 2009 dwar l-Istatistika Ewropea u li jħassar ir-Regolament (Euratom, KE) Nru 1101/2008 tal-Parlament Ewropew u tal-Kunsill dwar it-trażmissjoni ta' data suġġetta għall-kunfidenzjalità statistika lill-Uffiċċju tal-Istatistika tal-Komunitajiet Ewropej, ir-Regolament tal-Kunsill (KE) Nru 322/97 u d-Deċiżjoni tal-Kunsill 89/382/KEE, Euratom li tistabbilixxi Kumitat dwar il-Programmi tal-Istatistika tal-Komunitajiet Ewropej (ĠU L 87, 31.3.2009, p. 164).

(10) Ir-Regolament (KE) Nru 1893/2006 tal-Parlament Ewropew u tal-Kunsill tal-20 ta’ Diċembru 2006 li jistabbilixxi l-klassifikazzjoni tal-istatistika ta’ attivitajiet ekonomiċi tan-NACE Reviżjoni 2 u li jemenda r-Regolament tal-Kunsill (KEE) Nru 3037/90 kif ukoll ċerti Regolamenti tal-KE dwar setturi speċifiċi tal-istatistika (ĠU L 393, 30.12.2006, p. 1).

(11) Ir-Regolament (KE) Nru 1059/2003 tal-Parlament Ewropew u tal-Kunsill tas-26 ta’ Mejju 2003 dwar l-istabbiliment ta’ klassifikazzjoni komuni ta’ unitajiet territorjali għall-istatistika (NUTS) (ĠU L 13, 18.01.2011, p. 3).

(12) Ir-Regolament (UE) Nru 1306/2013 tal-Parlament Ewropew u tal-Kunsill tas-17 ta’ Diċembru 2013 dwar il-finanzjament, il-ġestjoni u l-monitoraġġ tal-politika agrikola komuni u li jħassar ir-Regolamenti tal-Kunsill (KEE) Nru 352/78, (KE) Nru 165/94, (KE) Nru 2799/98, (KE) Nru 814/2000, (KE) Nru 1290/2005 u (KE) Nru 485/2008 (ĠU L 347, 20.12.2013, p. 549).

(13) ĠU C 373, 20.12.2013, p. 1.

(14) Ir-Regolament (UE) Nru 182/2011 tal-Parlament Ewropew u tal-Kunsill tas-16 ta’ Frar 2011 li jistabbilixxi r-regoli u l-prinċipji ġenerali dwar il-modalitajiet ta’ kontroll mill-Istati Membri tal-eżerċizzju mill-Kummissjoni tas-setgħat ta’ implimentazzjoni (ĠU L 55, 28.2.2011, p. 13).

(15) ĠU L 123, 12.5.2016, p. 1.

(16) Ir-Regolament ta’ Delega tal-Kummissjoni (UE) Nru 1198/2014 tal-1 ta’ Awwissu 2014 li jissupplementa r-Regolament tal-Kunsill (KE) Nru 1217/2009 li jistabbilixxi netwerk għall-ġbir ta' informazzjoni tal-kontabilità dwar id-dħul u l-operazzjoni kummerċjali ta' azjendi agrikoli fl-Unjoni Ewropea (ĠU L 321, 7.11.2014, p. 2).

(17) Ir-Regolament (UE) Nru 1307/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi regoli għal pagamenti diretti lill-bdiewa taħt skemi ta' appoġġ fil-qafas tal-politika agrikola komuni u li jħassar ir-Regolament tal-Kunsill (KE) Nru 637/2008 u r-Regolament tal-Kunsill (KE) Nru 73/2009 (ĠU L 347, 20.12.2013, p. 608).

(18) Ir-Regolament (UE) Nru 1760/2000 tal-Parlament Ewropew u tal-Kunsill tas-17 ta’ Lulju 2000 li jistabbilixxi sistema għall-identifikazzjoni u r-reġistrazzjoni tal-bhejjem tal-fart u dwar it-tikkettjar tal-laħam taċ-ċanga u tal-prodotti tal-laħam taċ-ċanga u li jħassar ir-Regolament tal-Kunsill (KE) Nru 820/97 (ĠU L 204, 11.8.2000, p. 1).

(19) Ir-Regolament tal-Kunsill (KE) Nru 21/2004 tas-17 ta’ Diċembru 2003 li jistabbilixxi sistema għall-identifikazzjoni u r-reġistrazzjoni tal-ammiali ovini u kaprini u li jemenda r-Regolament (KE) Nru 1782/2003 u d-Direttivi 92/102/KEE u 64/432/KEE (ĠU L 5, 9.1.2004, p. 8).

(20) Ir-Regolament (UE) Nru 1308/2013 tal-Parlament Ewropew u tal-Kunsill tas-17 ta’ Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (ĠU L 347, 20.12.2013, p. 671).

(21) Ir-Regolament tal-Kunsill (KE) Nru 834/2007 tat-28 ta’ Ġunju 2007 dwar il-produzzjoni organika u t-tikkettar ta' prodotti organiċi u li jemenda r-Regolament (KEE) Nru 2029/91 (ĠU L 189, 20.7.2007, p. 1).

(22) Ir-Regolament (UE, Euratom) Nru 883/2013 tal-Parlament Ewropew u tal-Kunsill tal-11 ta’ Settembru 2013 dwar investigazzjonijiet immexxija mill-Uffiċċju Ewropew Kontra l-Frodi (OLAF) u li jħassar ir-Regolament tal-Parlament Ewropew u tal-Kunsill (KE) Nru 1073/1999 u r-Regolament tal-Kunsill (Euratom) Nru 1074/1999 (ĠU L 248, 18.9.2013, p. 1).

(23) Ir-Regolament tal-Kunsill (Euratom, KE) Nru 2185/96 tal-11 ta’ Novembru 1996 dwar il-verifiki u l-ispezzjonijiet fuq il-post imwettqa mill-Kummissjoni sabiex tipproteġi l-interessi finanzjarji tal-Komunità Ewropea kontra l-frodi u irregolarijiet oħra (ĠU L 292, 15.11.1996, p. 2.)

(24) ABM: ġestjoni bbażata fuq l-attività; ABB: ibbaġitjar ibbażat fuq l-attività.

(25) Kif imsemmi fl-Artikolu 54(2)(a) jew (b) tar-Regolament Finanzjarju.

(26) Id-dettalji tal-modi ta’ ġestjoni u r-referenzi għar-Regolament Finanzjarju jistgħu jinstabu fuq is-sit tal-BudgWeb: https://myintracomm.ec.europa.eu/budgweb/en/man/budgmanag/Pages/budgmanag.aspx  

(27) Diff. = Approprjazzjonijiet differenzjati / Mhux diff. = Approprjazzjonijiet mhux differenzjati.

(28) EFTA: Assoċjazzjoni Ewropea tal-Kummerċ Ħieles

(29) Pajjiżi kandidati u, meta jkun applikabbli, pajjiżi kandidati potenzjali mill-Balkani tal-Punent.

(30) Is-sena N hija s-sena li fiha tibda l-implimentazzjoni tal-proposta/tal-inizjattiva.

(31) Assistenza teknika u/jew amministrattiva u nefqa li jappoġġaw l-implimentazzjoni ta’ programmi u/jew azzjonijiet tal-UE (li qabel kienu linji “BA”), riċerka indiretta, riċerka diretta.

(32) L-outputs huma prodotti u servizzi li għandhom jiġu forniti (eż.: numru ta' skambji ta' studenti finanzjati, numru ta' kilometri ta' toroq mibnija, eċċ.).

(33) Kif deskritt fil-punt 1.4.2. “Objettiv(i) speċifiku/speċifiċi...”

(34) Assistenza teknika u/jew amministrattiva u nefqa li jappoġġaw l-implimentazzjoni ta’ programmi u/jew azzjonijiet tal-UE (li qabel kienu linji “BA”), riċerka indiretta, riċerka diretta.

(35) AC=Persunal Kuntrattwali; AL = Persunal Lokali; SNE=Espert Nazzjonali Sekondat; INT=persunal ta’ aġenzija; JED= Esperti Żgħażagħ f'Delegazzjonijiet.

(36) Sublimitu għal persunal estern kopert minn approprjazzjonijiet operazzjonali (li qabel kienu linji “BA”).

(37) Fir-rigward tar-riżorsi proprji tradizzjonali (id-dazji doganali, l-imposti fuq iz-zokkor), l-ammonti indikati jridu jkunu ammonti netti, jiġifieri ammonti grossi wara t-tnaqqis ta’ 25 % tal-kostijiet tal-ġbir.

IL-KUMMISSJONI EWROPEA

Brussell, 9.12.2016

COM(2016) 786 final

ANNESSI

tal-Proposta għal

REGOLAMENT TAL-PARLAMENT EWROPEW U TAL-KUNSILL

dwar statistika integrata tal-azjendi agrikoli u li jħassar ir-Regolamenti (KE) Nru 1166/2008 u (UE) Nru 1337/2011

{SWD(2016) 429 final}
{SWD(2016) 430 final}

ANNESSI

tal-Proposta għal

REGOLAMENT TAL-PARLAMENT EWROPEW U TAL-KUNSILL

dwar statistika integrata tal-azjendi agrikoli u li jħassar ir-Regolamenti (KE) Nru 1166/2008 u (UE) Nru 1337/2011

ANNESS I - Koeffiċjenti ta’ unitajiet ta’ bhejjem

Tip ta’ annimal	Karatteristiċi tal-annimal	Koeffiċjent
Annimali bovini	Ta’ inqas minn sena	0.400
	Ta’ bejn sena u sentejn	0.700
	Irġiel, ta’ sentejn jew iktar	1.000
	Erieħ, ta' sentejn jew iktar	0.800
	Baqar tal-ħalib	1.000
	Baqar mhux tal-ħalib	0.800
Nagħaġ u mogħoż		0.100
Majjali	Ħnienes, ta’ piż ħaj ta’ taħt l-20 kg	0.027
	Majjali nisa għat-tnissil, ta’ piż ħaj ta’ 50 kg jew aktar	0.500
	Majjali oħra	0.300
Tjur	Tiġieġ tas-simna	0.007
	Tiġieġ tal-bajd	0.014
	Tjur oħra
	Dundjani	0.030
	Papri	0.010
	Wiżż	0.020
	Nagħma	0.350
	Tajr tat-tjur ieħor n.e.c.	0.001
Fniek, nisa tat-tnissil		0.020

Anness II - Lista tal-limiti massimi fiżiċi 1

Anness III – Dejta ċentrali Informazzjoni li trid tingħata

Anness IV - Suġġetti u suġġetti dettaljati fid-dejta tal-modulu

Modulu	Suġġett	Suġġett dettaljat
Forza tax-xogħol u attivitajiet bi qligħ oħra	Sostenibbiltà tal-ġestjoni tal-azjenda agrikola	Età tad-detentur
	Attivitajiet bi qligħ oħra	Input ta’ xogħol f’attivitajiet bi qligħ oħra, direttament relatati mal-attività tal-azjenda agrikola, bħala attività prinċipali jew sekondarja
		Importanza tal-attivitajiet bi qligħ oħra direttament relatati mal-azjenda agrikola
		Attivitajiet bi qligħ oħra
	Profittabbiltà u effiċjenza tal-produzzjoni agrikola	Forza tax-xogħol fl-azjendi agrikoli
	Ekwità bejn is-sessi	Sess tad-detentur
		Bilanċ bejn is-sessi tal-forza tax-xogħol
	Dipendenza fuq dħul agrikolu	Attività bi qligħ oħra, ħidma mhux agrikola barra l-azjendi agrikoli, prinċipali jew sussidjarja:
		Detentur
		Maniġer
		Forza tax-xogħol tal-familja
	Impatt fuq l-impjieg	Numru ta’ persuni impjegati
	Rabta mal-input tax-xogħol agrikolu	Forza tax-xogħol imħallsa
	Kejl tal-input tax-xogħol	Numru ta’ persuni impjegati
		Forza tax-xogħol mhux regolari impjegata mill-azjenda agrikola
		Input ta’ xogħol minn kuntratturi

Modulu	Suġġett	Suġġett dettaljat
Żvilupp rurali	Azjendi agrikoli appoġġati minn miżuri ta’ Żvilupp rurali	Servizzi ta’ konsulenza, ta’ ġestjoni tal-azjendi agrikoli u ta' għajnuna għall-azjendi agrikoli
		Żvilupp tal-azjendi agrikoli u kummerċjali
		Skemi ta’ kwalità għall-prodotti agrikoli u l-oġġetti tal-ikel
		Investimenti f’assi fiżiċi
		Ir-restawr tal-potenzjal ta’ produzzjoni tal-agrikoltura li tkun saritlu ħsara minn diżastri naturali u avvenimenti katastrofiċi u l-introduzzjoni ta’ azzjonijiet ta’ prevenzjoni adatti
		Investimenti fl-iżvilupp ta’ żoni tal-foresti u titjib tal-foresti ta’ vijabbiltà
		Ħlasijiet tal-klima agroambjentali
		Biedja organika
		Ħlasijiet marbuta ma’ Natura 2000 u d-Direttiva qafas dwar l-ilma
		Ħlasijiet lil żoni li jaffaċċjaw limitazzjonijiet naturali jew limitazzjonijiet speċifiċi oħra
		Trattament xieraq tal-annimali
		Ġestjoni tar-riskju

Modulu	Suġġett	Suġġett dettaljat
Akkomodazzjoni tal-annimali u ġestjoni tad-demel	Akkomodazzjoni tal-annimali	Akkomodazzjoni tal-bovini
		Akkomodazzjoni tal-majjali
		Akkomodazzjoni tat-tiġieġ tal-bajd.
	L-użu tan-nutrijenti u l-produzzjoni ta’ demel fuq l-azjenda agrikola	EAU fertilizzata
		Demel disponibbli għall-użu
		Fertilizzanti organiċi u bbażati fuq l-iskart minbarra demel
	Tekniki ta’ applikazzjoni tad-demel	Tip ta’ frix
		Ħin ta’ inkorporazzjoni
	Faċilitajiet għad-demel	Faċilitajiet għat-trattament tad-demel
		Faċilitajiet għall-ħażna tad-demel

Modulu	Suġġett	Suġġett dettaljat
Tisqija	Prattiki ta’ tisqija	Diponibbiltà tat-tisqija
		Metodi ta’ tisqija
		Sorsi ta’ ilma tat-tisqija
		Parametri tekniċi tat-tagħmir tat-tisqija
	Għelejjel imsaqqa tul perjodu ta’ 12-il xahar	Ċereali għall-produzzjoni tal-ħabba
		Bus u ħemes imnixxfa u għelejjel li fihom il-proteini għall-produzzjoni tal-ħabba
		Għelejjel tal-għeruq
		Għelejjel industrijali
		Pjanti li jinħasdu fi stadju bikri mir-raba'
		Għelejjel oħra ta' raba'
		Bur permanenti
		Għelejjel permanenti

Modulu	Suġġett	Suġġett dettaljat
Prattiki ta’ Ġestjoni tal-Ħamrija	Prattiki ta’ Ġestjoni tal-Ħamrija fuq art ta’ barra	Metodi ta’ ħdim tar-raba’
		Għata tal-ħamrija fuq ir-raba'
		Newba tal-għelejjel fuq ir-raba'
		Erja b'fokus ekoloġiku

Modulu	Suġġett	Suġġett dettaljat
Makkinarju u tagħmir	Makkinarju	Faċilitajiet tal-internet
		Makkinarju bażiku
		Użu ta’ biedja ta’ preċiżjoni
		Makkinarju għall-ġestjoni tal-bhejjem
		Ħżin għall-prodotti agrikoli
	Tagħmir	Tagħmir użat għall-produzzjoni ta’ enerġija rinnovabbli f’azjendi agrikoli

Modulu	Suġġett	Suġġett dettaljat
Ġnien tal-frott	Frott taż-żerriegħa	Tuffieħ: Erja skont l-età tal-pjantaġġuni u d-densità tas-siġar
		Lanġas: Erja skont l-età tal-pjantaġġuni u d-densità tas-siġar
	Frott bl-għadma	Ħawħ: Erja skont l-età tal-pjantaġġuni u d-densità tas-siġar
		Nuċiprisk: Erja skont l-età tal-pjantaġġuni u d-densità tas-siġar
		Berquq: Erja skont l-età tal-pjantaġġuni u d-densità tas-siġar
	Frott taċ-ċitru	Larinġ: Erja skont l-età tal-pjantaġġuni u d-densità tas-siġar
		Frott taċ-ċitru żgħir: Erja skont l-età tal-pjantaġġuni u d-densità tas-siġar
		Lumi: Erja skont l-età tal-pjantaġġuni u d-densità tas-siġar
	Żebbuġ	Erja skont l-età tal-pjantaġġuni u d-densità tas-siġar
	Għeneb għall-ikel u ż-żbib	Għeneb għall-ikel: Erja skont l-età tal-pjantaġġuni u d-densità tad-dwieli
		Għeneb għaż-żbib Erja skont l-età tal-pjantaġġuni u d-densità tad-dwieli

Modulu	Suġġett	Suġġett dettaljat
Vinja	Għeneb għall-inbid	Erja u età
	Varjetajiet ta’ għeneb	Numru ta’ varjetajiet
		Kodiċi u erja

Anness V - Rekwiżiti ta’ preċiżjoni

Id-dejta ċentrali (fl-2023 u l-2026) u d-dejta tal-modulu għandhom ikunu statistikament rappreżentattivi għall-popolazzjonijiet rilevanti tal-azjendi agrikoli kif definit fit-tabella ta’ preċiżjoni hawn taħt fil-livell tar-reġjuni NUTS 2 f’termini tad-daqs u t-tip tal-azjendi agrikoli, skont ir-Regolament tal-Kunsill (KE) Nru 1217/2009 5 , ir-Regolament ta' Delega tal-Kummissjoni (UE) Nru 1198/2014 u r-Regolament ta’ Implimentazzjoni tal-Kummissjoni (UE) Nru 2015/220 6 .

Ir-rekwiżiti ta’ preċiżjoni japplikaw għall-karatteristiċi fit-tabella ta’ hawn taħt.

Id-dejta fl-estensjoni tal-kwadru fl-2020 għandha tkun statistikament rappreżentattiva għall-popolazzjoni rilevanti fil-livell tar-reġjuni NUTS 2 kif definit fit-tabella ta’ preċiżjoni hawn taħt.

Barra minn hekk, ir-rekwiżiti ta’ preċiżjoni definiti fit-tabella japplikaw għar-reġjuni NUTS 2 kollha b’mill inqas:

5 000 azjenda agrikola fil-popolazzjoni rilevanti għall-moduli “Ġnien tal-Frott” u “Vinja”;

10 000 azjenda agrikola fil-popolazzjoni rilevanti għad-dejta ċentrali, għall-moduli l-oħra kollha u għad-dejta fl-estensjoni tal-kwadru.

Għar-reġjuni NUTS 2 b’inqas azjendi agrikoli r-rekwiżiti ta’ preċiżjoni definiti fit-tabella japplikaw għar-reġjuni NUTS 1 assoċjati b’mill inqas:

500 azjenda agrikola fil-popolazzjoni rilevanti għall-moduli “Ġnien tal-Frott” u “Vinja”;

1 000 azjenda agrikola fil-popolazzjoni rilevanti għad-dejta ċentrali, għall-moduli l-oħra kollha u d-dejta fl-estensjoni tal-kwadru.

Preċiżjoni nazzjonali ta’ żball standard relattiv ta’ massimu ta' 5 % huwa meħtieġ għal dawk il-karatteristiċi tal-moduli Ġnien tal-Frott u Vinja bl-ebda rekwiżit ta’ preċiżjoni applikabbli għal kwalunkwe wieħed mir-reġjuni NUTS 2 u NUTS 1.

Preċiżjoni nazzjonali ta’ żball standard relattiv ta’ massimu ta' 7,5 % huwa meħtieġ għall-karatteristiċi kollha tal-moduli l-oħra bl-ebda rekwiżit ta’ preċiżjoni applikabbli għal kwalunkwe wieħed mir-reġjuni NUTS 2 u NUTS 1.

Tabella ta’ preċiżjoni

Popolazzjoni rilevanti	Karatteristiċi li għalihom japplikaw rekwiżiti ta’ preċiżjoni	Prevalenza ta’ kull karatteristika fil-popolazzjoni rilevanti	Żball standard relattiv
Dejta ċentrali fl-2023 u l-2026 u Modulu Forza tax-xogħol u attivitajiet bi qligħ oħra
Kif definit mill-Artikolu 5 għad-dejta ċentrali u mill-Artikolu 7 għall-modulu Forza tax-xogħol u attivitajiet bi qligħ oħra.	Karatteristiċi tal-art Ċereali għall-produzzjoni tal-ħabba (inkluża ż-żerriegħa) Żrieragħ taż-żejt Pjanti li jinħasdu fi stadju bikri mir-raba' Ħaxix frisk (inkluż il-bettieħ), frawli, fjuri u pjanti ornamentali (minbarra mixtliet) Bur permanenti minbarra bwar mhux ikkultivati Frott, berries, ġewż u frott taċ-ċitru (minbarra għeneb u frawli) Għeneb Żebbuġ	7,5 % jew aktar tal-erja agrikola użata fir-reġjun	< 5 %
	Karatteristiċi tal-bhejjem Baqar tal-ħalib Baqar mhux tal-ħalib Annimali bovini oħra (annimali bovini ta’ inqas minn sena, annimali bovini ta’ bejn sena u sentejn, annimali bovini rġiel ta’ sentejn jew aktar, erieħ ta’ sentejn jew aktar) Majjali nisa għat-tnissil, ta’ piż ħaj ta’ 50 kg jew aktar Ħnienes ta’ piż ħaj ta’ taħt l-20 kg u majjali oħra Nagħaġ u mogħoż Tjur	7,5 % jew aktar ta’ unitajiet ta’ bhejjem fir-reġjun u 5 % jew aktar tal-karatteristika fil-pajjiż	< 5 %
Dejta ċentrali għall-estensjoni tal-kwadru fl-2020
Kif definit mill-Artikolu 6	Karatteristiċi tal-art Raba' Bur permanenti minbarra bwar mhux ikkultivati Għelejjel permanenti	7,5 % jew aktar tal-erja agrikola użata fir-reġjun	< 7,5 %
	Karatteristika tal-bhejjem Unitajiet ta’ bhejjem totali	5 % jew aktar tal-karatteristika fil-pajjiż	< 7,5 %
Modulu Żvilupp rurali u Modulu Makkinarju u tagħmir
Kif definit mill-Artikolu 7	Karatteristiċi tal-art bħal dawk għall-modulu Forza tax-xogħol u attivitajiet bi qligħ oħra	7,5 % jew aktar tal-erja agrikola użata fir-reġjun	< 7,5 %
	Karatteristiċi tal-bhejjem bħal dawk għall-modulu Forza tax-xogħol u attivitajiet bi qligħ oħra	7.5 % jew aktar ta’ unitajiet ta’ bhejjem fir-reġjun u 5 % jew aktar tal-karatteristika fil-pajjiż	< 7,5 %
Modulu Akkomodazzjoni tal-annimali u ġestjoni tad-demel
Is-subsett tal-popolazzjoni ta’ azjendi agrikoli definit mill-Artikolu 7 b’mill-inqas wieħed minn dawn li ġejjin: Annimali bovini, majjali, nagħaġ, mogħoż, tjur	Karatteristiċi tal-bhejjem bħal dawk għall-modulu Forza tax-xogħol u attivitajiet bi qligħ oħra	7,5 % jew aktar ta’ unitajiet ta’ bhejjem fir-reġjun u 5 % jew aktar tal-karatteristika fil-pajjiż	< 7,5 %
Modulu Tisqija
Is-subsett tal-popolazzjoni ta’ azjendi agrikoli definit mill-Artikolu 7 b’erja saqwija	Karatteristiċi tal-art Erja totali saqwija	7,5 % jew aktar tal-erja agrikola użata fir-reġjun	< 7,5 %
Modulu Prattiki ta’ ġestjoni tal-ħamrija
Is-subsett tal-popolazzjoni ta’ azjendi agrikoli definit mill-Artikolu 7 b'raba'	Karatteristiċi tal-art Raba'	7,5 % jew aktar tal-erja agrikola użata fir-reġjun	< 7,5 %

(1) Il-limiti massimi huma applikabbli għall-grupp ta’ oġġetti kif elenkat.

(2) L - Żoni minbarra żoni muntanjużi li jaffaċċjaw limitazzjonijiet naturali sinifikanti; M - Żona muntanjuża inqas favorita; O - Żoni oħra affettwati minn limitazzjonijiet speċifiċi; N - Żona normali (mhux żona żvantaġġata). Din il-klassifikazzjoni tista’ tiġi adattata fil-futur fid-dawl tal-iżviluppi dwar il-PAK.

(3) Firxa 2 ta' perċentwal ta' Unità ta’ Xogħol Annwali (AWU): (> 0-< 25), (≥ 25-< 50), (≥ 50-< 75), (≥ 75-< 100), (100)

(4) Faxxi perċentawli: (≥ 0-≤ 10), (> 10-≤ 50), (> 50-< 100)

(5) Ir-Regolament tal-Kunsill (KE) Nru 1217/2009 tat-30 ta’ Novembru 2009 li jistabbilixxi netwerk għall-ġbir ta’ informazzjoni tal-kontabilità dwar id-dħul u l-operazzjoni kummerċjali ta’ azjendi agrikoli fil-Komunità Ewropea (ĠU L 328, 15.12.2009, p. 27).

(6) Ir-Regolament ta' Implimentazzjoni tal-Kummissjoni (UE) 2015/220 tat-3 ta’ Frar 2015 li jistabbilixxi r-regoli għall-applikazzjoni tar-Regolament tal-Kunsill (KE) Nru 1217/2009 li jistabbilixxi netwerk għall-ġbir ta' informazzjoni tal-kontabbiltà dwar id-dħul u l-operazzjoni kummerċjali ta' azjendi agrikoli fl-Unjoni Ewropea (ĠU L 46, 19.02.2015, p. 1).