IL-KUMMISSJONI EWROPEA
Brussell, 15.7.2015
COM(2015) 341 final
2015/0149(COD)
Proposta għal
REGOLAMENT TAL-PARLAMENT EWROPEW U TAL-KUNSILL
li jistabbilixxi qafas għat-tikkettar tal-effiċjenza tal-enerġija u li jħassar id-Direttiva 2010/30/UE
(Test b’rilevanza għaż-ŻEE)
{SWD(2015) 139 final}
{SWD(2015) 140 final}
MEMORANDUM TA’ SPJEGAZZJONI
1.IL-KUNTEST TAL-PROPOSTA
1.1.Ir-raġunijiet għall-proposta u l-objettivi tagħha
Fil-25 ta’ Frar 2015, il-Kummissjoni ħabbret fl-Istrateġija ta' Qafas tagħha għal Unjoni tal-Enerġija Reżiljenti b’Politika Progressiva dwar it-Tibdil fil-Klima, reviżjoni tad-Direttiva dwar it-Tikkettar tal-Enerġija biex tkompli tisfrutta l-potenzjal tal-effiċjenza enerġetika għall-moderazzjoni tad-domanda għall-enerġija u t-tnaqqis konsegwenti tad-dipendenza enerġetika tal-Unjoni Ewropea.
It-tikkettar tal-enerġija huwa favorevoli għall-ambjent, għaliex minnu l-konsumaturi jistgħu jiksbu tagħrif korrett, relevanti u komparabbli fuq l-effiċjenza u l-konsum tal-enerġija ta’ prodotti relatati mal-enerġija, ikunu fejn ikunu fl-Unjoni, u dan jippermettilhom, meta jiġu biex jixtru, jieħdu deċiżjonijiet kosteffiċjenti infurmati u favur l-ambjent, li huma ekoloġiċi kif ukoll li bihom jiffrankaw il-flus.
1.2.Il-konsistenza ma’ dispożizzjonijiet ta’ politika eżistenti fil-qasam tal-politika
Għall-2030, il-Kunsill Ewropew, f’Ottubru 2014, ħoloq mira indikattiva fuq livell tal-UE biex l-effiċjenza enerġetika titjieb b’mill-inqas 27%, mira li tkun riveduta sal-2020, bil-ħsieb li jkun hemm titjib ta’ 30% fil-livell tal-UE. Il-Kunsill Ewropew fassal ukoll il-mira li l-emissjoni tal-gassijiet serra titnaqqas b’40% sal-2030.
Il-proposta ssegwi l-Qafas Strateġiku tal-Unjoni dwar l-Enerġija u għandha l-għan li tissostitwixxi d-Direttiva 2010/30/UE dwar l-indikazzjoni permezz ta’ ttikkettar u l-informazzjoni standard tal-prodott dwar il-konsum tal-enerġija u riżorsi oħra minn prodotti marbutin mal-enerġija. Din il-proposta qed issir issa wara l-evalwazzjoni tad-Direttiva. Ir-regolamenti speċifiċi tal-prodott li jaqgħu taħt din id-Direttiva jibqgħu fis-seħħ imma se jiġu riveduti.
Din l-inizjattiva hi konformi mal-politika tal-Unjoni dwar l-enerġija u l-klima għax taġġorna u tagħmel aktar effettiv l-acquis eżistenti fuq it-tikkettar tal-enerġija.
1.3.Il-konsistenza mal-politiki l-oħrajn tal-Unjoni
It-tikkettar tal-effiċjenza tal-enerġija jtejjeb il-moviment ħieles tal-prodotti billi jassigura li ma jiġux introdotti tikketti tal-enerġija fuq livell nazzjoni fl-Istati Membri. Dan isaħħaħ ukoll il-kompetittività tal-kumpaniji Ewropej billi jħeġġiġhom ikunu innovattivi, joffrilhom vantaġġ li jkunu minn tal-ewwel, jassigura kundizzjonijiet ekwi ma’ manifatturi ta’ pajjiżi terzi permezz ta’ żieda fis-sorveljanza tas-suq, u jippermetti żieda fil-marġini tal-profitt fuq prodotti effiċjenti fl-użu tal-enerġija li jiswew aktar flus biex jinxtraw iżda li jħallu qligħ nett lil min jużahom matul iċ-ċiklu tal-ħajja tal-prodotti.
2.BAŻI ĠURIDIKA, SUSSIDJARJETÀ U PROPORZJONALITÀ
2.1.Bażi legali
Il-proposta hi bbażata fuq l-Artikolu 194(2) tat-Trattat dwar il-Funzjonament tal-Unjoni Ewropea, li hu l-bażi legali għal miżuri fuq l-enerġija. Għalkemm jidher possibbli li t-Tikkettar tal-Effiċjenza tal-Enerġija jkollu l-Artikolu 114 bħala l-bażi legali (id-Direttiva dwar it-Tikkettar tal-Enerġija tal-1992 kellha, fin-nuqqas ta’ dispożizzjoni għall-enerġija fit-Trattat, bażi legali bħal dan), hemm ir-riskju li dan jista’ b’mod mhux intenzjonat jillimita l-Istati Membri milli jilleġiżlaw fuq l-għoti ta’ informazzjoni dwar prodotti relatati mal-enerġija li jistgħu jkunu kumplimentari għat-tikketta tal-enerġija. It-tikkettar tal-effiċjenza tal-enerġija hu limitat għall-enerġija u r-riżorsi fil-fażi tal-użu tal-prodott. Fl-aħħarnett, peress li t-Trattat fih bażi legali speċifika għall-enerġija dan hu kkunsidrat tajjeb għall-użu.
2.2.Sussidjarjetà
L-istrumenti fuq l-effiċjenza enerġetika adottati fil-livell tal-UE jirriflettu l-importanza dejjem tikber tal-enerġija bħala sfida politika u ekonomika u l-interrelazzjoni mill-qrib tagħha għall-oqsma politiċi tas-sigurtà tal-provvista tal-enerġija, it-tibdil fil-klima, is-sostenibbiltà, l-ambjent, is-suq intern u l-iżvilupp ekonomiku. L-għanijiet tal-effiċjenza enerġetika sa issa jistgħu ma jintlaħqux b’mod suffiċjenti mill-Istati Membri waħedhom, u hemm bżonn ta' azzjoni fil-livell tal-Unjoni biex l-attivitajiet f’livell nazzjonali jiġu megħjunin u appoġġjati.
Importanti li jkunu assigurati kundizzjonijiet ekwi għall-manifatturi u għan-negozjanti f’termini ta’ informazzjoni fuq il-konsum tal-enerġija pprovduta lill-konsumaturi għal prodott partikolari li jkun għall-bejgħ fis-suq intern tal-UE. Għal din ir-raġuni hemm bżonn ta’ regolamenti wiesgħin tal-UE legalment vinkolanti.
Fir-rigward tas-sorveljanza tas-suq, din hi attività li ssir mill-awtoritajiet tal-Istati Membri tal-Unjoni Ewropea. Biex ikun effettiv, l-isforz għas-sorveljanza tas-suq irid ikun uniformi mal-Unjoni Ewropea kollha. Is-suq intern hu dgħajjef u hemm nuqqas ta’ inċentiv għan-negozji li jinvestu r-riżorsi fid-disinn, il-ħolqien u l-bejgħ ta’ prodotti effiċjenti fl-użu tal-enerġija. Il-ħolqien ta’ bażi ta' dejta tal-prodotti tgħin biex is-sorveljanza tas-suq tkun aktar effettiva.
2.3.Proporzjonalità
Skont il-prinċipju ta' proporzjonalità, il-modifiki proposti ma jmorrux lil hinn minn dak li hu meħtieġ biex jintlaħqu l-objettivi stabbiliti. Il-modifiki introdotti mir-Regolament għall-qafas leġiżlattiv eżistenti jgħinu biex dan ikun aktar ċar u jkun jista’ jiġi attwat. Il-fornituri jkollhom idaħħlu informazzjoni varja fil-bażi ta' dejta tal-prodott il-ġdid imma din hi informazzjoni li bħalissa diġà għandhom jipprovduha lill-awtoritajiet nazzjonali għas-sorveljanza tas-suq meta jintalbu jagħmlu dan, u għalhekk kwalunkwe piż żejjed hu wieħed minimu u proporzjonat għall-benefiċċju tal-infurzar u t-trasparenza li l-bażi ta' dejta tal-prodotti mistennija li ġġib magħha. Aktar diskussjoni fuq il-proporzjonalità tal-proposta hi pprovduta fil-Kapitolu 8 tal-Valutazzjoni tal-Impatt.
2.4.Għażla tal-istrument
Il-bidla proposta minn Direttiva għal Regolament tqis l-għan ġenerali tal-Kummissjoni li tissimplifika l-ambjent regolatorju għall-Istati Membri u l-operaturi ekonomiċi u l-ħtieġa li tiġi assigurata applikazzjoni u implimentazzjoni uniformi mal-Unjoni tal-leġiżlazzjoni proposta.
3.IR-RIŻULTATI TAL-KONSULTAZZJONIJIET MAL-PARTIJIET INTERESSATI U TAL-VALUTAZZJONIJIET TAL-IMPATT
3.1.L-evalwazzjoni ex post ta’ leġiżlazzjoni eżistenti
Il-Kummissjoni għamlet evalwazzjoni ex-post tad-Direttiva tat-Tikkettar tal-Enerġija u aspetti speċifiċi tad-Direttiva dwar l-Ekodisinn f’Dokument ta’ Ħidma tal-Persunal li jakkumpanja din il-proposta (SWD(2015) 143). Is-sejbiet ewlenin huma dawn li ġejjin:
1.Il-miżuri tal-ekodisinn u tat-tikkettar tal-enerġija huma effettivi għax iġibu magħhom iffrankar tanġibbli u sostanzjali fl-enerġija u fl-ispejjeż.
2.M’hemmx ostakli għall-moviment liberu tal-prodotti relatati mal-enerġija fis-suq intern tal-Unjoni Ewropea.
3.Il-benefiċċji jegħlbu l-ispejjeż, kemm għan-negozji kif ukoll għas-soċjetà. It-tikkettar tal-enerġija hu xprunatur prinċipali għall-innovazzjoni, flimkien mad-domanda tal-konsumaturi u l-pożizzjonar kompetittiv. Aktar ma r-rekwiżiti għall-klassijiet għoljin ikunu ambizzjużi, aktar jagħtu l-opportunità lin-negozji biex jiddifferenzjaw il-prodotti tagħhom b'mod pożittiv u għalhekk l-innovazzjoni tkun stimulata.
4.Il-maġġoranza tal-konsumaturi jagħrfu u jifhmu t-tikketta tal-enerġija, u jużawha fid-deċiżjonijiet tagħhom meta jixtru prodott.
5.L-introduzzjoni tal-A+ u klassijiet ogħla taħt id-Direttiva dwar it-Tikkettar tal-Enerġija tal-2010 naqqset l-effettività tat-tikketta tal-enerġija biex timmotiva lill-konsumaturi jixtru prodotti aktar effiċjenti. Xi pittogrammi użati biex jirrappreżentaw il-parametri fit-tikketta huma wkoll diffiċli biex jinftiehmu.
6.Hemm xejra lejn ix-xiri ta' prodotti akbar, li huma effiċjenti u għalhekk jiksbu klassi ta’ enerġija għolja, imma li għandhom konsum ogħla ta’ enerġija assoluta minn apparati iżgħar tal-istess tip.
7.Infurzar dgħajjef mill-awtoritajiet nazzjonali għas-sorveljanza tas-suq jikkontribwixxi biex ikun hemm nuqqas ta’ konformità, u hu stmat li l-iffrankar tal-enerġija jonqos b’10%. Ara wkoll it-Taqsima 3.
8.Il-miżuri għal xi prodotti wrew livelli ta’ ambizzjoni li huma baxxi ħafna meta mqabbla ma’ x’inhu teknikament u ekonomikament prattiku.
9.Għalkemm xi miżuri indirizzaw l-impatti ambjentali milli l-enerġija fil-fażi tal-użu, jeżisti l-potenzjal għal aktar tnaqqis ta’ dawn l-impatti.
10.F’termini ta’ effiċjenza, il-proċess tat-tfassil tar-regolamenti hu twil ħafna (b’medja ta’ 49 xahar), li xi drabi jwassal għal xogħol tekniku u preparatorju li ma jkunx għadu relevanti fiż-żmien tat-teħid tad-deċiżjonijiet tal-politika, speċjalment għal prodotti elettroniċi li jiżviluppaw b’rittmu mgħaġġel.
11.Iż-żewġ Direttivi huma kumplimentari u l-implimentazzjoni tagħhom fil-biċċa l-kbira tagħha ssir b’mod koerenti.
12.Għal numru ta’ prodotti, il-klassijiet l-aktar baxxi tat-tikketta tal-enerġija huma deżolati, għaliex il-miżuri tal-ekodisinn ipprojbixxew mudelli bi prestazzjoni baxxa u l-manifatturi rrispondew għall-progress teknoloġiku billi bdew joħolqu prodotti aktar effiċjenti. Mingħajr tqabbil sħiħ tal-iskala A-G, ir-relevanza tat-tikketta għall-konsumaturi hi dgħajfa.
13.Il-valur miżjud tal-UE ġej mill-qafas regolatorju armonizzat li jnaqqas l-ispejjeż għall-manifatturi u li jpoġġi l-UE fuq quddiem f’dak li jirrigwardja l-isforzi internazzjonali tar-regolamentazzjoni u l-istandardizzazzjoni.
14.Il-politika kompliet tkun relevanti biex tintlaħaq il-mira tal-UE fuq l-effiċjenza enerġetika lil hinn mill-2020. Tista’ tikkontribwixxi wkoll għal effiċjenza fir-riżorsi u għall-ekonomija ċirkulari.
15.L-informazzjoni tal-konsumatur tibqa’ essenzjali fl-era diġitali. Ir-regolamenti tat-tikkettar tal-enerġija dan l-aħħar ġew adattati biex juru t-tikketta tal-enerġija anke fuq l-internet.
16.F’dak li għandu x’jaqsam mal-kontribuzzjoni tar-rekwiżiti biex ir-reklami jkollhom referenza għall-klassi tal-enerġija (Artikolu 4(c)), dan l-effett ma jistax ikun ikkwantifikat imma l-evalwazzjoni sabet li din indirizzat nuqqas ta’ informazzjoni fis-suq.
17.Ir-rekwiżiti għall-akkwisti pubbliċi (Artikolu 9(1)) kienu diġà ġew evalwati fl-2011 u, b’hekk tneħħew mid-Direttiva dwar it-Tikkettar tal-Enerġija u ddaħħlu wara li ġew mibdula fid-Direttiva dwar l-effiċjenza enerġetika.
18.Minn dak li ħareġ fil-mezzi tax-xandir fl-aħħar snin, jidher ċar li l-benefiċċji tal-politika ma ġewx ikkomunikati biżżejjed.
3.2.Il-konsultazzjoni mal-partijiet involuti
Saret konsultazzjoni pubblika mill-31 ta’ Awwissu sat-30 ta’ Novembru 2013 fuq il-paġna elettronika ‘Il-vuċi tiegħek fl-Ewropa’. Verżjoni itwal tal-istħarriġ kien immirat għal gruppi ta’ interess, korpi tal-gvern u esperti, filwaqt li stħarriġ iqsar kien immirat għall-konsumaturi, il-bejjiegħa bl-imnut u l-manifatturi individwali. Kien hemm 138 tweġiba għall-istħarriġ it-twil, li minnhom 58 kienu mill-manifatturi u l-gruppi ta’ interess tagħhom, 20 mill-korpi tal-gvern, 13 mill-gruppi ta’ interess ambjentali u 9 mill-gruppi ta’ interess tal-konsumatur. Kien hemm 197 tweġiba għall-istħarriġ il-qasir, li minnhom 127 ġew mill-konsumaturi, 40 mill-bejjiegħa bl-imnut u 30 mill-manifatturi. Sommarju dettaljat ta’ dawk li rrispondew u r-risposti tagħhom kien ippubblikat fi Frar 2014.
Kienu organizzati tliet laqgħat bejn il-partijiet ikkonċernati: fis-27 ta’ Ġunju 2013, fl-14 ta’ Ottubru 2013 u fit-18 ta’ Frar 2014. Flimkien mal-aħħar laqgħa tal-kuntratturi, il-Kummissjoni organizzat laqgħa għall-partijiet ikkonċernati fid-19 ta’ Frar 2014 fuq ir-riżultati tal-ittestjar ta’ sett preliminari ta’ disinji ta’ tikketti tal-enerġija u fuq id-disinji tat-tikketti tal-enerġija proposti għal ittestjar ulterjuri.
3.3.Il-ġbir u l-użu ta' għarfien espert
Ġew ikkummissjonati żewġ studji speċifikament biex tiġi ppreparata r-reviżjoni:
–Studju li jikkonċerna l-evalwazzjoni tad-Direttiva dwar it-Tikkettar tal-Enerġija u l-aspetti speċifiċi tad-Direttiva dwar l-Ekodisinn, li tlesta f’Ġunju 2014.
–Studju fuq l-impatt tat-tikketta tal-enerġija – u tat-tibdiliet potenzjali tagħha – fuq il-fehim tal-konsumatur u fuq id-deċiżjonijiet tax-xiri, li tlesta f’Ottubru 2014.
Iż-żewġ studji kienu ppubblikati fis-sit tal-Kummissjoni Ewropea.
3.4.Il-valutazzjoni tal-impatt
Il-Valutazzjoni tal-Impatt (SWD(2015) 139) takkumpanja din il-proposta u hi ppubblikata fis-sit tal-Kummissjoni Ewropea flimkien mal-opinjoni favorevoli tal-Bord tal-Iskrutinju Regolatorju (SWD(2015) 323) adottata fis-16 ta’ Ġunju 2015.
B'segwitu għall-evalwazzjoni msemmija hawn fuq, il-valutazzjoni tal-impatt iħares kemm lejn għadd ta' kwistjonijiet bid-Direttiva attwali, kif ukoll lejn ċerti elementi speċifiċi rigward id-Direttiva dwar l-Ekosdisinn. Ma tiffavorixxi l-ebda segwitu leġiżlattiv għal din id-Direttiva tal-aħħar f'dan l-istadju.
L-aktar żewġ kwistjonijiet importanti rigward id-Direttiva tat-Tikkettar tal-Enerġija kienu t-tnaqqis tal-effettività tat-tikketta tal-enerġija u n-nuqqas ta’ konformità minħabba infurzar dgħajjef. Ġew ukoll identifikati proċessi twal ta' regolamentazzjoni, li jwasslu għal xogħol tekniku u preparatorju li ma jkunx għadu relevanti.
L-għażla finali magħżula kienet li jitjieb il-qafas regolatorju eżistenti dwar it-tikkettar tal-enerġija, il-ħtieġa li l-prodotti b’tikketta jkunu reġistrati f’bażi ta' dejta ġdida, li titjieb l-istruttura legali billi tinbidel id-Direttiva dwar it-Tikkettar tal-Enerġija attwali għal Regolament li jallinjaha mar-regolament tas-sorveljanza tas-suq, u li jiġu ffinanzjati l-azzjonijiet konġunti ta' sorveljanza tas-suq.
Din il-proposta timplimenta l-parti leġiżlattiva tal-għażla magħżula fil-Valutazzjoni tal-Impatt. Azzjonijiet oħrajn mhux leġiżlattivi ppjanati sabiex jimplimentaw dik l-għażla huma deskritti fir-Rapport lill-Parlament Ewropew u lill-Kunsill li jakkumpanja din il-proposta.
3.5.L-idonejtà u s-simplifikazzjoni regolatorja
L-impatt pożittiv fuq id-dħul (stmat li huwa €34 biljun/sena fl-2030) jaffettwa lin-negozji l-kbar, lill-SMEs u lill-intrapriżi ta’ daqs mikro bl-istess mod. Reġim differenti għall-intrapriżi mikro/SMEs ma jistax jiġi ġġustifikat. Il-bejjiegħa bl-imnut kollha għandhom ikunu soġġetti għall-istess regolamenti, għaliex it-tikketti tal-enerġija huma utli biss għall-konsumaturi jekk il-prodotti kollha jkunu ttikkettjati fil-ħwienet kollha. Ftit manifatturi SME huma affettwati u l-ebda intrapriżi mikro. L-istess regoli għandhom japplikaw għal kulħadd biex tkun żgurata kompetizzjoni ġusta fis-suq uniku u informazzjoni koerenti u konsistenti għall-konsumaturi. L-ammont ta’ flus li l-konsumaturi huma stmati li jiffrankaw ilaħħaq bejn €10-30 biljun/sena fl-2030 (dan jiddependi fuq il-preżunzjonijiet tal-iżvilupp futur tal-prezzijiet tal-enerġija).
Il-kompetittività ta’ kumpaniji tal-UE titjieb jekk dawn ikunu mħeġġin biex jinnovaw, jiġu offruti vantaġġ biex jibdew, jekk ikunu assigurati kundizzjoni ekwi għal dawk ta’ manifatturi ta’ pajjiżi terzi permezz ta’ żieda fis-sorveljanza tas-suq, u titħalla żieda fil-marġini tal-profitt fuq prodotti effiċjenti li jiswew aktar flus biex jinxtraw, iżda li jħallu qligħ nett lill-utenti finali tul iċ-ċiklu tal-ħajja tal-prodotti.
F'termini ta' kostijiet amministrattivi, il-kost totali għan-negozjanti biex jibdlu t-tikketti kollha fuq il-prodotti kollha huwa stmat għal EUR 10 miljun tul perjodu ta' għaxar snin għall-UE kollha kemm hi. Għall-manifatturi, il-kostijiet huma stmati għal EUR 50 miljun tul perjodu ta' għaxar snin. Meħudin flimkien, dan ifisser kost ta' 2 euroċenteżmi għal kull prodott ittikketat mibjugħ. Il-kostijiet amministrattivi għar-reġistrazzjoni tar-prodotti huma stmati għal EUR 1.5 miljun kull sena għall-industrija kollha, jiġifieri madwar 0.5 ċenteżmu ta' euroċenteżmi għal kull prodott mibjugħ. Il-kost reali b'riżultat tal-ksib tar-reġistrazzjoni ta' prodotti fil-fatt se jkun bejn wieħed u ieħor żero, għaliex il-manifatturi ma jibqgħux obbligati li jżommu dokumentazzjoni teknika disponibbli għall-awtoritajiet ta' sorvjeljanza tas-suq tul ħames snin mill-aħħar prodott manifatturat.
Il-manifatturi u n-negozjanti jistgħu jgħaddu dawn il-kostijiet amministrattivi lill-konsumaturi, li xorta waħda se jiffrankaw bis-saħħa tal-iffrankar fl-użu tal-enerġija mill-prodotti iktar effiċjenti li jixtru b'riżultat ta' dan ir-Regolament.
Il-proposta hi lesta għall-internet għaliex tinkludi l-ħolqien ta’ bażi ta' dejta tal-prodotti fuq l-internet, li se tissimplifika, tħaffef u ttejjeb it-trażmissjoni tal-informazzjoni fuq il-prodotti bejn il-manifatturi, il-bejjiegħa bl-imnut, l-awtoritajiet ta' sorveljanza tas-suq u l-konsumatur finali.
4.IMPLIKAZZJONIJIET BAĠITARJI
Il-proposta tieħu post Direttiva eżistenti fuq it-tikkettar tal-enerġija u l-impatt u l-ispejjeż amministrattivi tal-Istati Membri huma għalhekk stmati li jkunu moderati għax diġà għandhom il-maġġoranza tal-istrutturi u r-regolamenti neċessarji.
Din l-inizjattiva m’għandhiex bżonn riżorsi baġitarji addizzjonali tal-UE. L-ispejjeż biex tinħoloq bażi ta' dejta tal-prodotti (1.500.000 EUR fl-2016 u 150.000 EUR spejjeż ta’ manteniment kull sena fis-snin sussegwenti) u għall-istudji tal-fehim tal-konsumaturi fuq tikketti ta’ gruppi ta’ prodotti speċifiċi (300.000 EUR kull sena mill-2017) huma ffinanzjati permezz ta’ riprijoritizzazzjoni ta’ baġit eżistenti għall-implimentazzjoni tal-politika dwar l-effiċjenza ta’ prodotti li jinkludu assistenza teknika u/jew studji biex jiġu evalwati l-aspetti ta’ gruppi ta’ prodotti neċessarji għal atti delegati u biex tkun megħjuna l-istandardizzazzjoni. Il-baġit jaqa’ taħt il-parti tat-teħid mis-suq u dik tal-innovazzjoni tal-isfidi tas-soċjetà ta’ Orizzont 2020.
5.ELEMENTI OĦRAJN
5.1.Il-monitoraġġ, l-evalwazzjoni u r-rappurtar tal-arranġamenti
L-evalwazzjoni li jmiss tal-qafas dwar it-Tikkettar tal-Enerġija hi mistennija fi żmien 8 snin. Din għandha tinbena fuq evalwazzjoni ex-post ta’ studji ta’ prodotti speċifiċi li jevalwaw l-atti delegati taħt dan il-qafas, u għandha tevalwa l-effettività tal-qafas biex ikun assigurat li jkun hemm moviment liberu tal-affarijiet (eż. L-Istati Membri baqgħu lura milli jipproponu leġiżlazzjoni nazzjonali fuq it-tikkettar tal-enerġija għall-prodotti?). It-tnaqqis fil-konsum tal-enerġija u impatti ambjentali oħra sinifikanti tal-prodotti għandhom jiġu vvalutati, speċjalment fir-rigward tat-titjib miksub fir-rata tat-trasformazzjoni tas-suq minn tikketti bi skali ġodda. It-titjib fir-rata tas-sorveljanza tas-suq u tal-konformità bis-saħħa tal-bażi ta' dejta tal-prodott jista’ jiġi vvalutat b’rappurtar mill-Istati Membri fuq ir-riżultat tas-sorveljanza tas-suq taħt ir-regolament tas-sorveljanza tas-suq.
5.2.Spjegazzjoni dettaljata fuq id-dispożizzjonijiet speċifiċi tal-proposta
Fil-proposta, jinżammu l-għanijiet u l-prinċipji ewlenin tad-Direttiva attwali dwar it-Tikkettar tal-Enerġija, iżda l-proposta tikkjarifika, issaħħaħ u testendi l-iskop tad-dispożizzjonijiet attwali tad-Direttiva b’:
Aġġornament tat-tikketta u l-permess li ssir skala ġdida
Titjib fl-infurzar
Ħolqien ta’ bażi ta' dejta ta’ prodotti koperti mill-obbligi tat-tikkettar tal-enerġija
Obbligi aktar ċari tal-partijiet varji
Titjib fir-rabta bejn it-tikkettar tal-enerġija u l-istandards tal-qisien
5.2.1.Aġġornament tat-tikketta u l-permess li ssir skala ġdida
Is-suċċess tat-tikkettar tal-enerġija għal produzzjoni akbar ta’ prodotti li huma aktar effiċjenti fir-rigward tal-enerġija, ifisser li t-tikketta qed toqrob lejn il-limitu tagħha. Għal ħafna gruppi ta’ prodotti, ħafna mudelli issa qegħdin fl-ogħla klassijiet ta’ enerġija, u hu diffiċli tiddistingwi bejn il-mudelli. Għalkemm fl-2010 żdiedu l-klassijiet A+ sa A+++ fl-effiċjenza enerġetika, għal xi gruppi ta’ prodotti, il-mudelli kollha diġà huma skont dawn il-klassijiet il-ġodda u m’għadx hemm mudelli bi klassi aktar baxxa. Hemm il-ħtieġa sistematika li l-prodotti jkollhom skala ġdida u li nerġgħu mmorru għall-iskala oriġinali ta’ A sa G, li l-istudji jissuġġerixxu li hi l-aktar waħda li tinftiehem mill-konsumaturi. Għalkemm id-Direttiva attwali tippermetti li ssir klassifikazzjoni mill-ġdid tal-prodotti permezz ta’ atti speċifiċi delegati, din il-proposta talloka l-ħtieġa li t-tikketti tal-enerġija tingħatalhom skala ġdida, b’mod ħafna aktar sistematiku. Tagħmel ċar ukoll l-obbligi li għandhom il-fornituri u n-negozjanti waqt il-fażi tat-tibdil u l-addattament tal-iskala.
It-tikketti eżistenti se jiġu rriveduti mill-Kummissjoni fi żmien ħames snin mid-dħul fis-seħħ tar-Regolament, bil-għan li tiġi adattata l-klassifikazzjoni tagħhom fuq l-iskala. Il-gruppi ta' prodotti li għandhom jiġu indirizzati l-ewwel se jkun dawk fejn il-prodotti fis-suq huma kkonċentrati fl-ogħla klassijiet. L-adattament tal-iskala nnifsu se jieħu bosta snin wara d-data tar-reviżjoni.
Il-proċess ta’ skala ġdida jitlob perjodu ta’ tranżizzjoni li matulu t-tikketti l-antiki (qabel il-proċess tal-iskala l-ġdida) u t-tikketti l-ġodda għall-istess prodotti jkunu preżenti t-tnejn fil-ħwienet. Biex titnaqqas il-konfużjoni għall-konsumaturi, jitnaqqsu l-kostijiet tal-konformità u fl-istess ħin ikun hemm ċertezza legali massima għall-fornituri u n-negozjanti, mistenni li jkun hemm dan l-approċċ fl-abbozz tar-Regolament:
1.Jiġi ppubblikat l-att delegat għat-tikketta bl-iskala l-ġdida li jidħol fis-seħħ 20 jum wara (kif diġà hu l-każ). L-att delegat jistabbilixxi r-rekwiżiti tal-enerġija ħalli l-ebda prodott li qiegħed bħalissa fis-suq ma jaqa’ fl-ogħla klassijiet tal-enerġija, biex b’hekk ikunu stimulati l-progress teknoloġiku u l-innovazzjoni teknoloġika u dejjem aktar prodotti effiċjenti jintgħarfu. L-att delegat se jkun fih data speċifika sa meta t-tikketti ‘l-antiki’ jkunu jridu jiġu sostitwiti bit-tikketta l-ġdida (“id-data tal-bidla”).
2.Għal perjodu ta’ sitt xhur wara li l-att delegat ikun daħal fis-seħħ, iżda qabel id-data tal-bidla, il-fornituri jridu jpoġġu t-tikketta l-ġdida fil-kaxxa mal-prodott, flimkien mat-tikketta l-antika.
3.Fid-data tal-bidla, l-aġenti jridu jissostitwixxu t-tikketta l-antika mal-ġdida fuq il-prodotti kollha esebiti fil-ħwienet. Dawn ikollhom ġimgħa biex jissostitwixxu t-tikketti l-antiki kollha.
4.Għal dawk il-prodotti li jkunu diġà fil-ħanut qabel ma jibda l-perjodu ta’ trażizzjoni ta’ 6 xhur, in-negozjanti jridu jġibu t-tikketta l-ġdida mingħand il-fornitur (din tista’ tinkiseb mill-internet u titniżżel mis-siti elettroniċi tal-fornituri).
5.L-Istati Membri jridu jagħmlu kampanji promozzjonali biex jinfurmaw lill-konsumaturi b’dan l-eżerċizzju ta’ skala ġdida.
Dan l-approċċ mistenni jnaqqas kemm jista’ jkun il-koeżistenza li jista’ jkun hemm meta l-prodotti tal-istess tip ikollhom it-tikketti l-antiki u l-ġodda esebiti fil-ħwienet, ħalli b’hekk il-proċess ikun prattiku kemm jista’ jkun, u jwassal għal żieda fl-effettività tat-tikketta, u l-konsumaturi jiffrankaw l-enerġija u l-ispejjeż. M’hemmx bżonn ta’ bidla sostanzjali fis-sistema attwali f’termini tal-mekkaniżmu tad-distribuzzjoni ewlenija tat-tikketta, li s’issa wriet li taħdem.
5.2.2.Titjib fl-infurzar permezz ta’ bażi ta' dejta tal-prodotti koperti bl-obbligi tat-tikkettar tal-enerġija
F’termini ta’ infurzar, in-nuqqas ta’ konformità fis-suq hu stmat li jlaħħaq l-20%, u għandu jwassal biex madwar 10% tal-enerġija li qed tintilef, tkun iffrankata. Dawn ir-riżultati dgħajfa ta’ infurzar (tal-anqas, parzjalment) ġejjin mid-diffikultà li għandhom l-awtoritajiet nazzjonali tas-sorveljanza tas-suq biex jaċċessaw dokumentazzjoni teknika fil-ħin, u jiggravaw minħabba nuqqas ta’ ċarezza fuq in-numri tal-mudell differenti użati għall-istess mudell ta’ prodott fl-Istati Membri. Il-bażi ta' dejta l-ġdida għar-reġistrazzjoni tal-prodotti tippermetti lill-awtoritajiet ta' sorveljanza tas-suq ikollhom aċċess aktar mgħaġġel għall-informazzjoni neċessarja.
Barra minn hekk, il-bażi ta' dejta tal-prodotti tipprovdi dejta aġġornata tas-suq u informazzjoni fuq l-effiċjenza enerġetika li taċċellera l-istudji preparatorji/ta’ reviżjoni u l-proċess regolatorju, biex b’hekk jitnaqqas il-proċess twil regolatorju li jeżisti bħalissa għal atti delegati.
Il-ħtieġa ta’ bażi ta' dejta għar-reġistrazzjoni tidher b’saħħitha fil-każ tad-Direttiva dwar it-Tikkettar tal-Enerġija, għax it-tikketti tal-enerġija jkopru l-aktar prodotti domestiċi fejn l-impatt tan-nuqqas ta’ sorveljanza suffiċjenti tas-suq hu aktar komuni u n-numru ta’ mudelli ekwivalenti hu akbar.
Minbarra l-indirizzar ta’ punti dgħajfa tas-sistema attwali, il-bażi ta' dejta tista’, fil-futur, tintuża wkoll għal modi ġodda ta’ kif it-tikketti tal-enerġija jitqassmu lin-negozjanti, għaliex it-tikketti tal-enerġija u t-tikketti bl-iskali l-ġodda jkunu disponibbli f'bażi ta' dejta bħal din. Il-proposta taġġorna wkoll ir-rekwiżiti tad-Direttiva f’termini tal-provvediment għall-provvista elettronika tat-tikketti jew biex il-fornituri jagħmluhom aċċessibbli (jikkummerċjalizzawhom) fis-siti elettroniċi tagħhom.
Meta mqabbla mar-rekwiżiti eżistenti tal-informazzjoni tal-prodott mill-fornituri, il-bażi ta' dejta tar-reġistrazzjoni tal-prodotti toħloq biss l-obbligu l-ġdid li l-mudell tal-prodott jiġi rreġistrat billi tittella’ l-informazzjoni li, skont is-sistema attwali, diġà hi meħtieġa taħt atti delegati differenti.
Il-piż amministrattiv tar-reġistrazzjoni tal-prodotti huwa stmat għal EUR 1.5 miljun fis-sena għall-industrija kollha, jiġifieri madwar 0.5 euroċenteżmu għal kull prodott mibjugħ. Il-kost reali fil-fatt se jkun bejn wieħed u ieħor żero, għax il-fornituri m'għandhomx obbligati li jżommu dokumentazzjoni teknika aċċessibbli għall-awtoritajiet tas-sorveljanza tas-suq għal ħames snin wara li jkun ġie manifatturat l-aħħar prodott. Bħalissa, l-awtoritajiet ta' sorveljanza tas-suq iridu jitolbu d-dokumentazzjoni teknika mingħand il-fornituri, u n-negozjanti jridu jikkuntattjaw lill-fornituri biex jiksbu t-tikketti jekk ikollhom bżonnhom ta' xi waħda għal xi raġuni. Il-bażi ta' dejta se jkun fiha kemm id-dokumentazzjoni teknika aċċessibbli għas-sorveljanza tas-suq kif ukoll it-tikketti aċċessibbli għan-negozjanti f’post ċentrali.
5.2.3.Obbligi aktar ċari tal-partijiet varji
Il-proposta terġa’ tiġbor l-obbligi rispettivi tal-Istati Membri, tal-fornituri u tan-negozjanti biex ikunu aktar koerenti u sempliċi.
Il-bidla minn Direttiva għal Regolament tfisser inqas piż amministrattiv għall-Istati Membri (anki jekk xorta waħda ikollhom ineħħu mil-liġi nazzjonali tagħhom il-miżuri legali meħudin biex jittrasponu d-Direttiva 2010/30/UE) u rekwiżiti applikabbli direttament għall-fornituri u n-negozjanti li jassiguraw armonija sħiħa mal-UE.
5.2.4.Titjib fir-rabta bejn it-tikkettar tal-enerġija u l-istandards tal-kejl
Il-proposta tagħmilha ċara li prodott li hu konformi mal-metodi ta’ kejl u kalkoli stabbiliti fl-istandard relevanti armonizzat jitqies bħala li hu konformi mad-dispożizzjonijiet relevanti tal-att delegat applikabbli.
2015/0149 (COD)
Proposta għal
REGOLAMENT TAL-PARLAMENT EWROPEW U TAL-KUNSILL
li jistabbilixxi qafas għat-tikkettar tal-effiċjenza tal-enerġija u li jħassar id-Direttiva 2010/30/UE
(Test b’rilevanza għaż-ŻEE)
IL-PARLAMENT EWROPEW U L-KUNSILL TAL-UNJONI EWROPEA,
Wara li kkunsidraw it-Trattat dwar il-Funzjonament tal-Unjoni Ewropea, u b'mod partikolari l-Artikolu 194(2) tiegħu,
Wara li kkunsidraw il-proposta tal-Kummissjoni Ewropea,
Wara li l-abbozz tal-att leġiżlattiv intbagħat lill-Parlamenti nazzjonali,
Wara li kkunsidraw l-opinjoni tal-Kumitat Ekonomiku u Soċjali Ewropew,,
Wara li kkunsidraw l-opinjoni tal-Kumitat tar-Reġjuni,,
Filwaqt li jaġixxu skont il-proċedura leġiżlattiva ordinarja,
Billi:
(1)L-Unjoni Ewropea hi impenjata li tibni Unjoni ta’ Enerġija b'politika dwar il-klima li tħares ’il quddiem. L-effiċjenza enerġetika hi element kruċjali tal-Qafas Politiku tal-Unjoni Ewropea dwar il-Klima u l-Enerġija tal-2030 u hi ċ-ċavetta għall-moderazzjoni tad-domanda tal-enerġija.
(2)It-tikkettar tal-effiċjenza tal-enerġija jippermetti wkoll lill-konsumaturi biex jagħmlu għażliet infurmati fir-rigward tal-konsum tal-enerġija tal-prodotti u b'hekk jippromwovi l-innovazzjoni.
(3)Id-Direttiva 2010/30/UE tal-Parlament Ewropew u tal-Kunsill ġiet evalwata għall-effettività tagħha. L-evalwazzjoni identifikat il-ħtieġa li jiġi aġġornat il-qafas tat-Tikkettar tal-Enerġija sabiex jittejjeb l-effettività tiegħu.
(4)Huwa xieraq li d-Direttiva 2010/30/UE tinbidel b’Regolament li jżomm l-istess skop, iżda li jimmodifika u jtejjeb uħud mid-dispożizzjonijiet tiegħu ħalli l-kontentut tagħhom ikun iċċarat u aġġornat. Regolament hu l-istrument legali xieraq għax jimponi regoli ċari u dettaljati li ma jagħtux lok għal traspożizzjoni diverġenti mill-Istati Membri u għalhekk jassigura grad ogħla ta’ armonizzazzjoni mal-Unjoni kollha. Qafas regolatorju armonizzat f’livell ta’ Unjoni aktar milli f'livell ta' Stat Membru jnaqqas l-ispejjeż għall-manifatturi u jiżgura kundizzjonijiet ekwi. L-armonizzazzjoni mal-Unjoni kollha tassigura l-moviment liberu tal-prodotti fis-Suq Uniku.
(5)Il-moderazzjoni tad-domanda tal-enerġija hi rikonoxxuta bħala azzjoni importanti fl-Istrateġija Ewropea għas-Sigurtà tal-Enerġija. L-Istrateġija Ewropea għas-Sigurtà tal-Enerġija enfasizzat aktar il-prinċipju tal-effiċjenza tal-enerġija l-ewwel, kif ukoll il-ħtieġa li l-leġiżlazzjoni eżistenti tal-Unjoni dwar l-enerġija tkun implimentata bis-sħiħ. Il-pjan direzzjonali pprovda reviżjoni tal-qafas tal-effiċjenza enerġetika għall-prodotti fl-2015. Ir-Regolament itejjeb il-qafas leġiżlattiv u ta’ infurzar għat-tikkettar tal-enerġija.
(7)It-titjib fl-effiċjenza tal-prodotti relatati mal-enerġija permezz ta’ għażliet infurmati mill-konsumatur hu ta’ benefiċċju għall-ekonomija tal-Unjoni, jixpruna l-innovazzjoni u jikkontribwixxi biex jintlaħqu l-miri tal-effiċjenza enerġetika tal-2020 u tal-2030 tal-Unjoni. Se jgħin ukoll biex il-konsumaturi jiffrankaw il-flus.
(8)Il-konklużjonijiet tal-Kunsill Ewropew tat-23 u l-24 ta’ Ottubru 2014 stabbilixxew mira indikattiva fil-livell tal-Unjoni ta’ mill-inqas 27% għat-titjib fl-effiċjenza enerġetika fl-2030, meta mqabbla mat-tbassir fil-konsum tal-enerġija fil-ġejjieni. Din il-mira se terġa’ tkun riveduta sal-2020 bil-ħsieb li l-livell tal-Unjoni jkun ta’ 30%. Stipulaw ukoll mira vinkolanti tal-UE li tnaqqas l-emissjonijiet tal-gassijet serra fil-livell domestiku mill-inqas b’40% sal-2030 meta mqabbel mal-1990, inkluż tnaqqis ta’ 30% f’emissjonijiet f’setturi li mhumiex ETS.
(9)L-għoti ta’ informazzjoni korretta, relevanti u komparabbli fuq il-konsum speċifiku tal-enerġija tal-prodotti relatati mal-enerġija jiffaċilita l-għażla tal-konsumaturi favur dawk il-prodotti li jikkunsmaw inqas enerġija u riżorsi essenzjali oħrajn waqt l-użu. It-tikketta mandatorja standardizzata hi mezz effettiv li jipprovdi lill-konsumaturi potenzjali b'informazzjoni komparabbli fuq il-konsum tal-enerġija ta’ prodotti relatati mal-enerġija. Din għandha tkun issupplimentata b’folja ta' informazzjoni dwar il-prodott. It-tikketta għandha tintgħaraf faċilment u tkun sempliċi u konċiża. Biex jintlaħaq dan kollu, l-iskala ta’ kuluri minn aħdar skur għal aħmar tat-tikketta għandha tinżamm bħala l-bażi biex il-konsumaturi jiġu infurmati dwar l-effiċjenza enerġetika tal-prodotti. Il-klassifikazzjoni li tuża l-ittri minn A sa G uriet li kienet l-aktar effettiva għall-konsumaturi. F’sitwazzjonijiet fejn, minħabba miżuri tal-ekodisinn skont id-Direttiva 2009/125/KE, il-prodotti ma jkunux jistgħu jibqgħu jaqgħu fil-klassijiet ‘F’ jew ‘G’, dawk il-klassijiet ma għandhomx jidhru fuq it-tikketta. F'każijiet eċċezzjonali, dan għandu jiġi estiż għall-klassijiet 'D' u 'E', għalkemm din is-sitwazzjoni x'aktarx ma tinqalax, billi t-tikketta tkun kklassifikata mill-ġdid ladarba maġġoranza tal-mudelli tal-prodotti jaqgħu fl-ogħla żewġ klassijiet.
(10)L-avvanzi fit-teknoloġija diġitali jippermettu li jkun hemm modi alternattivi biex it-tikketti jitwasslu u jintwerew b’mod elettroniku, bħal fuq l-internet, imma wkoll b’mod elettroniku fil-ħwienet. Biex jieħu vantaġġ minn dawn l-avvanzi, dan ir-Regolament jippermetti l-użu ta’ tikketti elettroniċi bħala sostituti ta' jew bħala li jikkumplimentaw it-tikketta tal-enerġija stampata. F’każijiet meta mhuwiex prattiku li tintwera t-tikketta tal-enerġija, bħal f’ċerti forom ta’ bejgħ minn distanza u f’reklamar u materjali promozzjonali tekniku, il-konsumaturi potenzjali għandhom tal-anqas jiġu pprovduti bil-klassi tal-enerġija tal-prodott.
(11)Il-manifatturi jirrispondu għat-tikketta tal-enerġija billi joħolqu prodotti dejjem aktar effiċjenti. Dan l-iżvilupp teknoloġiku jwassal biex ikun hemm aktar prodotti fl-ogħla klassijiet tat-tikketta tal-enerġija. Jista’ jkun hemm bżonn ta’ aktar differenzazzjoni tal-prodott ħalli l-konsumaturi jkunu jistgħu jqabblu l-prodotti kif suppost, u dan iwassal għall-ħtieġa li t-tikketti jkollhom skala ġdida. Minħabba li l-frekwenza ta' skala mill-ġdid bħal din ta' madwar għaxar snin tkun waħda xierqa, għandu jiġi kkunsidrat il-fatt li jiġi evitat piż żejjed fuq il-manifatturi. Dan ir-Regolament għalhekk għandu jinkludi arranġamenti dettaljati għall-għoti ta’ skali ġodda biex iċ-ċertezza legali tkun massimizzata għall-fornituri u n-negozjanti. It-tikketta bi skala ġdida għandu jkollha l-ogħla klassijiet vojta biex tħeġġeġ il-progress teknoloġiku u tippermetti li jiġu żviluppati u rikonoxxuti aktar prodotti effiċjenti. Meta tikketta tingħata skala ġdida, għandha tiġi evitata l-konfużjoni għall-konsumaturi billi t-tikketti tal-enerġija kollha jinbidlu fuq perjodu ta' żmien qasir.
(12)F’każ ta’ tikketta ġdida, il-fornituri għandhom jipprovdu lin-negozjanti kemm it-tikketta l-antika kif ukoll il-ġdida għal ċertu perjodu. It-tibdil tat-tikketti eżistenti fuq il-prodotti murija, inkluż fuq l-internet, bit-tikketti l-ġodda, għandu jsir kemm jista’ jkun malajr wara d-data tas-sostituzzjoni speċifikata fl-att delegat dwar it-tikketta bl-iskala l-ġdida. In-negozjanti m’għandhomx juru t-tikketti bl-iskala l-ġdida qabel id-data tas-sostituzzjoni.
(13)Jeħtieġ li tkun ipprovduta distribuzzjoni ċara u proporzjonata tal-obbligi li jikkorrispondu mar-rwol ta’ kull operatur fil-proċess tal-provvista u d-distribuzzjoni. L-operaturi ekonomiċi għandhom ikunu responsabbli għall-konformità skont ir-rwoli rispettivi tagħhom fil-katina tal-provvista u għandhom jieħdu l-miżuri adattati biex jassiguraw li fis-suq ikun hemm biss prodotti li jkunu konformi ma’ dan ir-Regolament u l-atti delegati tiegħu.
(14)Biex il-konsumaturi jafdaw it-tikketta tal-enerġija, m’għandhomx jitħallew jintużaw tikketti tal-enerġija oħrajn li jixbħu t-tikketta tal-enerġija għal prodotti relatati mal-enerġija. Tikketti, marki, simboli jew iskrizzjonijiet oħra li huma probabbli li jqarrqu jew li jħawwdu lill-konsumaturi fir-rigward tal-konsum tal-enerġija, lanqas ma għandhom jitħallew.
(15)Biex tkun żgurata ċ-ċertezza legali, hemm bżonn li jkun iċċarat li r-regoli dwar is-sorveljanza u l-kontroll tas-suq tal-Unjoni tal-prodotti li jidħu fis-suq tal-Unjoni li għalihom hemm provdut fir-Regolament (KE) Nru 765/2008 tal-Parlament Ewropew u tal-Kunsill japplikaw għall-prodotti relatati mal-enerġija. Skont il-prinċipju tal-moviment liberu tal-prodotti, huwa essenzjali li l-awtoritajiet ta' sorveljanza tas-suq tal-Istati Membri jikkooperaw flimkien b’mod effettiv. Din il-kooperazzjoni fuq it-tikkettar tal-enerġija għandha tkun rinfurzata bl-appoġġ tal-Kummissjoni.
(16)Biex ikun iffaċilitat il-monitoraġġ tal-konformità u tkun ipprovduta fis-suq dejta aġġornata għall-proċess regolatorju fuq ir-reviżjonijiet ta’ tikketti speċifiċi għall-prodott u folja ta’ informazzjoni, il-fornituri għandhom jipprovdu l-informazzjoni tal-konformità tal-prodott b’mod elettroniku f’bażi ta' dejta stabbilita mill-Kummissjoni. Din l-informazzjoni għandha tkun disponibbli pubblikament biex tipprovdi informazzjoni lill-konsumaturi u biex tippermetti modi alternattivi għan-negozjanti ħalli jirċievu t-tikketti. L-awtoritajiet ta' sorveljanza tas-suq għandu jkollhom aċċess għall-informazzjoni f'bażi ta' dejta.
(17)Il-penali applikabbli għall-ksur tad-dispożizzjonijiet ta’ dan ir-Regolament u l-atti delegati adottati taħtu għandhom ikunu effettivi, proporzjonati u ta’ diswassivi.
(18)Biex jippromwovu l-effiċjenza enerġetika, il-mitigazzjoni tal-klima u l-ħarsien ambjentali, l-Istati Membri għandhom joħolqu inċentivi għall-użu ta’ prodotti effiċjenti fl-enerġija. L-Istati Membri huma liberi jiddeċiedu dwar in-natura ta’ inċentivi bħal dawn. Dawn l-inċentivi għandhom ikunu konformi mar-regoli ta’ għajnuna tal-Istat tal-Unjoni u m’għandhomx joħolqu ostakli mhux iġġustifikati għas-suq. Dan ir-Regolament ma jippreġudikax ir-riżultat ta’ kwalunkwe proċedura ta’ għajnuna futura tal-Istat li tista’ ssir skont l-Artikoli 107 u 108 tat-Trattat dwar il-Funzjonament tal-Unjoni Ewropea fir-rispett ta’ dawn l-inċentivi.
(19)Il-konsum tal-enerġija u informazzjoni oħra li tikkonċerna l-prodotti koperti bir-rekwiżiti speċifiċi għall-prodott skont dan ir-Regolament għandhom jitkejlu b’metodi affidabbli, preċiżi u li jistgħu jiġu riprodotti li jqisu l-miżuri u l-metodi ta’ kalkolu rikonoxxuti u l-aktar moderni. Hu fl-interess tal-funzjonament tas-suq intern li jkun hemm standards li jkunu ġew armonizzati fil-livell ta’ Unjoni. Fin-nuqqas ta’ standards ippubblikati fil-ħin tal-applikazzjoni ta’ rekwiżiti speċifiċi għall-prodott, il-Kummissjoni għandha tippubblika f'Il-Ġurnal Uffiċjali tal-Unjoni Ewropea l-metodi tranżitorji tal-kejl u tal-kalkolu fir-rigward tra dawk ir-rekwiżiti speċifiċi għall-prodott. Ladarba tkun ippubblikata referenza għal tali standard f'Il-Ġurnal Uffiċjali tal-Unjoni Ewropea, il-konformità magħha għandha tipprovdi preżunzjoni tal-konformità mal-miżuri tal-kejl għal dawk ir-rekwiżiti speċifiċi għall-prodott adottati abbażi ta’ dan ir-Regolament.
(20)Il-Kummissjoni għandha tipprovdi pjan ta’ ħidma għar-reviżjoni tat-tikketti ta’ prodotti partikolari, inkluża lista indikattiva ta’ prodotti oħrajn relatati mal-enerġija li għalihom tista’ tiġi stabbilita tikketta tal-enerġija. Il-pjan ta' ħidma għandu jiġi implimentat billi jibda b'analiżi teknika, ambjentali u ekonomika tal-gruppi ta' prodotti kkonċernati. Din l-analiżi għandha tħares ukoll lejn informazzjoni supplimentari, inklużi l-possibbiltà u l-kost biex il-konsumaturi jiġu infurmati b'tagħrif dwar il-prestazzjoni ta' prodott marbut mal-enerġija, fost l-oħrajn il-konsum assolut tal-enerġija, id-durabbiltà jew il-prestazzjoni ambjentali, f'koerenza mal-għan li tiġi promossa ekonomija ċirkulari. Tali tagħrif supplimentari għandu jtejjeb l-intelliġibbiltà u l-effettività tat-tikketta għall-konsumaturi, u ma għandux iwassal għal xi impatt negattiv fuq il-konsumaturi.
(21)Biex ikunu stabbiliti tikketti speċifiċi għall-prodott u folji ta’ informazzjoni u dettalji operattivi relatati mal-bażi ta' dejta tal-prodotti, is-setgħa li tadotta atti skont l-Artikolu 290 tat-Trattat dwar il-Funzjonament tal-Unjoni Ewropea għandha tkun iddelegata lill-Kummissjoni. Hu ta’ importanza partikolari li l-Kummissjoni tagħmel konsultazzjonijiet xierqa waqt il-ħidma preparatorja tagħha, inkluż fil-livell espert u mal-Forum ta’ Konsultazzjoni.
(22)Dan ir-Regolament m’għandux ikollu preġudizzji għall-obbligi tal-Istati Membri relatati mal-limitu taż-żmien għat-traspożizzjoni fil-liġi nazzjonali u għall-applikazzjoni tad-Direttiva 2010/30/UE.
(23)Għalhekk, id-Direttiva 2010/30/UE għandha tiġi revokata,
ADOTTAW DAN IR-REGOLAMENT:
Artikolu 1
Suġġett u kamp ta' applikazzjoni
1.Dan ir-Regolament jistabbilixxi qafas fuq l-indikazzjoni bit-tikketti u informazzjoni standard tal-prodott fuq il-konsum tal-enerġija u riżorsi oħrajn minn prodotti relatati mal-enerġija waqt l-użu, u informazzjoni supplimentari li tikkonċerna prodotti relatati mal-enerġija sabiex il-konsumaturi jkunu jistgħu jagħżlu prodotti aktar effiċjenti.
2.Dan ir-Regolament m’għandux japplika għal:
(a)Prodotti użati
(b)Mezzi ta’ trasport għan-nies jew prodotti ħlief dawk li joperaw b’mutur stazzjonarju.
Artikolu 2
Definizzjonijiet
Għall-finijiet ta' dan ir-Regolament għandhom japplikaw id-definizzjonijiet li ġejjin:
(1)"Konsumatur" tfisser kwalunkwe persuna fiżika jew ġuridika li tixtri jew tikri prodott kopert b’dan ir-Regolament għall-użu personali tagħha kemm jekk qed tużah għal għanijiet li jmorru lil hinn mis-sengħa, negozju, artiġjanat jew professjoni tagħha kif ukoll jekk le;
(2)"Tqegħid fis-suq" tfisser l-ewwel darba li l-prodott jiddaħħal fis-suq tal-Unjoni;
(3)"Kummerċjalizzazzjoni" tfisser kwalunkwe provvista tal-prodott għad-distribuzzjoni jew għall-użu fis-suq tal-Unjoni matul attività kummerċjali, kemm jekk bi flus kif ukoll jekk b’xejn;
(4)"Tqegħid fis-servizz" tfisser l-ewwel użu ta’ prodott għall-għan intenzjonat tiegħu fis-suq tal-Unjoni;
(5)"Fornitur" tirreferi għall-manifattur fl-Unjoni, ir-rappreżentant awtorizzat ta' manifattur li mhuwiex stabbilit fl-Unjoni, jew l-impurtatur li jdaħħal prodotti koperti b’dan ir-Regolament fis-suq tal-Unjoni;
(6)"Manifattur" tfisser kwalunkwe persuna fiżika jew ġuridika li timmanifattura prodott relatat mal-enerġija jew li għandha prodott iddisinjat jew manifatturat, u tirreklama dak il-prodott taħt isimha jew marka kummerċjali;
(7)"Rappreżentat awtorizzat" tfisser kwalunkwe persuna fiżika jew ġuridika stabbilita fl-Unjoni li tirċievi mandat bil-miktub mill-manifattur biex taħdem f’ismu, fir-rigward ta' kompiti speċifiċi;
(8)"Importatur" tfisser kwalunkwe persuna fiżika jew ġuridika stabbilita fl-Unjoni li tpoġġi prodott relatat mal-enerġija minn pajjiż terz fis-suq tal-Unjoni;
(9)"Negozjant" tfisser bejjiegħ bl-imnut jew persuna oħra li tbigħ, tikri, toffri bejgħ bin-nifs jew tpoġġi prodotti għall-wiri għall-klijenti;
(10)"Bejgħ minn distanza" tfisser bejgħ, kiri, jew bejgħ bin-nifs bil-posta, minn katalgu, bl-internet, bit-telebejgħ jew bi kwalunkwe metodu ieħor meta l-utent potenzjali aħħari ma jkunx jista’ jara l-prodott;
(11)"Prodott relatat mal-enerġija" tfisser kwalunkwe prodott, sistema jew servizz b’impatt fuq il-konsum tal-enerġija waqt l-użu, li jiddaħħal fis-suq u jitqiegħed fis-servizz fl-Unjoni, inkluż partijiet li jiġu inkorporati fi prodotti relatati mal-enerġija li jiddaħħlu fis-suq u jitqiegħdu fis-servizz;
(12)"Standard armonizzat" tfisser standard Ewropew kif definit fl-Artikolu 2(1)(c) tar-Regolament (UE) Nru 1025/2012;
(13)"Tikketta" tfisser tabella grafika li tinkludi klassifikazzjoni bl-użu tal-ittri A sa G f’seba’ kuluri differenti minn aħdar skur sa aħmar biex turi l-konsum tal-enerġija;
(14)"Mudell" tfisser verżjoni ta’ prodott li l-partijiet kollha tiegħu jkollhom l-istess karatteristiċi tekniċi relevanti għat-tikketta u l-istess folja ta' informazzjoni dwar il-prodott, u li jkollhom ukoll l-istess identifikatur tal-mudell;
(15)"Identifikatur tal-mudell" tfisser il-kodiċi, ġeneralement alfanumeriku, li jiddisingwi mudell speċifiku ta’ prodott minn ieħor bl-istess marka kummerċjali jew b’isem il-fornitur;
(16)"Mudell ekwivalenti" tfisser mudell li jkun tpoġġa fis-suq mill-istess fornitur, bl-istess tikketta u informazzjoni tal-prodott bħal mudell ieħor, imma b’identifikatur differenti tal-mudell;
(17)"Folja ta' informazzjoni dwar il-prodott" tfisser tabella standard bl-informazzjoni relatata ma’ prodott;
(18)"Skala ġdida" tfisser eżerċizzju perjodiku biex ir-rekwiżiti għall-ilħuq tal-klassi tal-enerġija fuq it-tikketta għal prodott partikolari jkunu magħmulin aktar stretti, li, tista’ tfisser li jitneħħew xi klassijiet ta’ enerġija minn fuq tikketti li diġà jeżistu;
(19)"Tikketta bi skala ġdida" tfisser tikketta għal prodott partikolari li jkun għadda mill-eżerċizzju ta’ skala ġdida;
(20)"Tagħrif supplimentari" tfisser informazzjoni dwar il-prestazzjoni funzjonali u ambjentali ta' prodott marbut mal-enerġija, bħall-konsum assolut tal-enerġija jew id-durabbiltà tiegħu, abbażi ta' dejta li tista' titkejjel mill-awtoritajiet tas-sorveljanza tas-suq, li mhix ambigwa u li ma għandha l-ebda impatt negattiv fuq l-intelliġibbiltà ċara u l-effettività tat-tikketta mill-perspettiva tal-konsumaturi.
Artikolu 3
L-obbligi tal-fornituri u n-negozjanti
1.Il-fornituri għandhom jikkonformaw ma’ dan li ġej:
(a)għandhom jassiguraw li l-prodotti mqiegħda fis-suq huma pprovduti, b’xejn, b’tikketti u b’folji bl-informazzjoni, preċiżi dwar il-prodott skont dan ir-Regolament u l-atti delegati relevanti;
(b)għandhom iqassmu t-tikketti malajr u bla ħlas meta jintalbu min-negozjanti;
(c)għandhom jassiguraw li t-tikketti u l-karti bl-informazzjoni tal-prodott huma preċiżi, li jipprovdu u jipproduċu d-dokumentazzjoni teknika suffiċjenti biex tkun tista’ tiġi vvalutata l-korrettezza;
(d)qabel iqiegħdu mudell ta’ prodott fis-suq, għandhom idaħħluh fil-bażi ta' dejta tal-prodotti, kif stabbilit skont l-Artikolu 8 u l-informazzjoni dettaljata fl-Anness I.
2.In-negozjanti għandhom jikkonformaw ma’ dan li ġej:
(a)għandhom juru b’mod viżibbli t-tikketta pprovduta mill-fornitur jew inkella li tkun magħmula aċċessibbli (kummerċjalizzata) għal prodott kopert b’att delegat;
(b)għandhom, meta ma jkollhomx tikketta jew tikketta bi skala ġdida;
(i)jitolbu t-tikketta jew it-tikketta bl-iskala l-ġdida lill-fornitur;
(ii)jistampaw it-tikketta mill-bażi ta' dejta tal-prodott stabbilita skont l-Artikolu 8 jekk dik il-funzjoni tkun disponibbli għal dak il-prodott; jew
(iii)jistampaw it-tikketta jew it-tikketta bl-iskala l-ġdida mis-sit elettroniku tal-fornitur jekk dik il-funzjoni tkun disponibbli għal dak il-prodott.
(c)għandhom jipprovdu l-folja bl-informazzjoni tal-prodott lill-konsumaturi.
3.Il-fornituri u n-negozjanti għandhom jikkonformaw ma’ dan li ġej:
(a)għandhom jagħmlu referenza għall-klassi tal-effiċjenza enerġetika tal-prodott fi kwalunkwe reklam jew materjal promozzjonali tekniku għal mudell speċifiku ta’ prodotti skont l-att delegat relevanti;
(b)għandhom jikkoperaw mal-awtoritajiet ta' sorveljanza tas-suq u jieħdu azzjoni immedjata biex jirrimedjaw kwalunkwe sitwazzjoni ta’ nuqqas ta’ konformità mar-rekwiżiti stabbiliti f’dan ir-Regolament u fl-atti delegati tiegħu li jaqgħu taħt ir-responsabbiltà tagħhom, fuq inizjattiva personali tagħhom jew meta mitluba sabiex jagħmlu dan mill-awtoritajiet ta' sorveljanza tas-suq;
(c)m’għandhomx, għal prodotti koperti b’dan ir-Regolament, jipprovdu jew juru tikketti, marki, simboli jew iskrizzjonijiet li mhumiex konformi mar-rekwiżiti ta’ dan ir-Regolament u tal-atti delegati relevanti, jekk dan aktarx iqarraq jew iħawwad lill-konsumaturi fir-rigward tal-konsum tal-enerġija jew riżorsi oħrajn użati waqt l-użu;
(d)m’għandhomx, għal prodotti li mhumiex koperti b’dan ir-Regolament, jissupplixxu jew juru tikketti li jixbħu t-tikketta kif definita f’dan ir-Regolament.
Artikolu 4
L-obbligi tal-Istati Membri
1.L-Istati Membri m’għandhomx jipprojbixxu, jagħmlu restrizzjonijiet jew jimpedixxu t-tqegħid fis-suq jew it-tqegħid fis-servizz, fit-territorji tagħhom, ta’ prodotti relatati mal-enerġija li huma konformi ma’ dan ir-Regolament u l-atti delegati relevanti tiegħu.
2.L-Istati Membri għandhom jieħdu l-miżuri xierqa kollha biex jassiguraw li l-fornituri u n-negozjanti jikkonformaw mal-obbligi u r-rekwiżiti ta’ dan ir-Regolament u tal-atti delegati relevanti.
3.Meta l-Istati Membri jipprovdu kwalunkwe inċentiv għal prodott relatat mal-enerġija kopert b’dan ir-Regolament u speċifikat f’att delegat, dawn għandhom jimmiraw għall-ogħla klassi ta’ effiċjenza enerġetika, kif imniżżel fl-att delegat applikabbli.
4.L-Istati Membri għandhom jassiguraw li l-introduzzjoni tat-tikketti, inkluż tikketti bi skala ġdida u folji ta' informazzjoni dwar il-prodott, tkun akkumpanjata b’kampanji ta’ informazzjoni edukattivi u promozzjonali immirati li jippromwovu l-effiċjenza enerġetika u l-użu aktar responsabbli tal-enerġija mill-konsumaturi, u, jekk xieraq, f’koperazzjoni man-negozjanti.
5.L-Istati Membri għandhom japplikaw ir-regoli fuq il-penali u l-mekkaniżmi ta’ infurzar applikabbli għal ksur tad-dispożizzjonijiet ta’ dan ir-Regolament u l-atti delegati tiegħu, u għandhom jieħdu l-miżuri neċessarji kollha biex jassiguraw li dawn jiġu implimentati. Il-penali għandhom ikunu effettivi, proporzjonati u diswassivi. L-Istati Membri għandhom jinnotifikaw dawk id-dispożizzjonijiet lill-Kummissjoni bid-data tal-applikazzjoni ta’ dan ir-Regolament u għandhom jinnotifikaw mingħajr dewmien kwalunkwe emenda suċċessiva li taffetwahom.
Artikolu 5
Is-sorveljanza tas-suq tal-Unjoni u l-kontroll tal-prodotti relatati mal-enerġija li jidħlu fis-suq tal-Unjoni
1.L-Artikoli 16 sa 29 tar-Regolament (KE) Nru 765/2008 għandhom japplikaw għall-prodotti relatati mal-enerġija koperti b’dan ir-Regolament u l-atti delegati tiegħu.
2.Il-Kummissjoni għandha tappoġġja l-kooperazzjoni u l-iskambju ta’ informazzjoni fuq is-sorveljanza tas-suq tat-tikkettar tal-enerġija ta’ prodotti fost l-awtoritajiet nazzjonali tal-Istati Membri responsabbli mis-sorveljanza tas-suq jew mill-kontrolli esterni fil-fruntiera u bejn dawn l-awtoritajiet u l-Kummissjoni.
Artikolu 6
Proċedura ta' salvagwardja tal-Unjoni
1.Meta l-awtoritajiet ta' sorveljanza tas-suq ta’ wieħed mill-Istati Membri jkollhom raġuni suffiċjenti biex jemmnu li prodott relatat mal-enerġija kopert b’att delegat taħt dan ir-Regolament ikun qed jippreżenta riskju lill-aspetti tal-ħarsien tal-interess pubbliku koperti b’dan ir-Regolament, huma għandhom jagħmlu evalwazzjoni relatata mal-prodott konċernat li tkun tkopri r-rekwiżiti kollha ppreżentati f’dan ir-Regolament u l-atti delegati relevanti tiegħu. Il-fornitur għandu jikkopera kif meħtieġ mal-awtoritajiet ta' sorveljanza tas-suq għal dak l-għan.
2.Meta, fl-istadju ta’ dik l-evalwazzjoni, l-awtoritajiet ta' sorveljanza tas-suq isibu li l-prodott relatat mal-enerġija ma jikkonformaw mar-rekwiżiti stabbiliti f’dan ir-Regolament u l-atti delegati relevanti tiegħu, huma għandhom, mingħajr dewmien jitolbu lill-fornitur biex jieħu l-azzjonijiet korrettivi kollha xierqa ħalli l-prodott relatat mal-enerġija mis-suq ikun magħmul konformi ma’ dawk ir-rekwiżiti, jirtiraw il-prodott relatat mal-enerġija mis-suq, jew jirtirawh għal perjodu raġonevoli ta’ żmien, li jikkorrispondi man-natura tar-riskju, kif preskritt minnhom. L-Artikolu 21 tar-Regolament (KE) Nru 765/2008 għandu japplika għall-miżuri msemmija f’dan il-paragrafu.
3.Meta l-awtoritajiet ta' sorveljanza tas-suq jikkunsidraw li n-nuqqas ta’ konformità mhuwiex restritt għat-territorju nazzjonali tagħhom, għandhom jinfurmaw lill-Kummissjoni u lill-Istati Membri l-oħrajn bir-riżultati tal-evalwazzjoni u bl-azzjonijiet li huma jkunu talbu lill-fornitur biex jieħu.
4.Il-fornitur għandu jassigura li tittieħed kull azzjoni korrettiva xierqa sħiħa fir-rigward tal-prodotti kollha relatati mal-enerġija kkonċernati li jkun għamel disponibbli fis-suq fl-Unjoni.
5.Meta l-fornitur ma jiħux l-azzjoni korrettiva adegwata fil-perjodu imsemmi fil-paragrafu 2, l-awtoritajiet ta' sorveljanza tas-suq għandhom jieħdu l-miżuri provviżjorji xierqa kollha biex jipprojbixxu jew jirrestrinġu li l-prodott relatat mal-enerġija jkun disponibbli fis-suq nazzjonali tagħhom, li jirtiraw il-prodott relatat mal-enerġija mis-suq, jew li jiġbruh lura. L-awtoritajiet ta' sorveljanza tas-suq għandhom jinfurmaw lill-Kummissjoni u lill-Istati Membri l-oħrajn, mingħajr dewmien, b’dawn il-miżuri.
6.L-informazzjoni li hemm referenza għaliha fil-paragrafu 5 għandha tinkludi d-dettalji disponibbli kollha, partikolarment id-dejta neċessarja għall-identifikazzjoni tal-prodott relatat mal-enerġija li ma jkunx konformi, l-oriġini tal-prodott relatat mal-enerġija, in-natura tal-allegat nuqqas ta’ konformità u r-riskju involut, in-natura u ż-żmien tal-miżuri nazzjonali li jkunu ttieħdu u l-argumenti mressqa mill-fornitur. B’mod partikolari, l-awtoritajiet ta' sorveljanza tas-suq għandhom jindikaw jekk in-nuqqas ta’ konformità hux ġej min-nuqqas tal-prodott relatat mal-enerġija milli jilħaq ir-rekwiżiti relatati mal-aspetti tal-ħarsien tal-interess pubbliku stabbiliti f’dan ir-Regolament, jew minħabba nuqqasijiet fl-istandards armonizzati li hemm referenza għalihom fl-Artikolu 9 li jindikaw preżunzjoni ta’ konformità.
7.L-Istati Membri għajr l-Istat Membru li ta bidu għall-proċedura għandhom mingħajr dewmien jinfurmaw lill-Kummissjoni u lill-Istati Membri l-oħrajn bi kwalunkwe miżura adottata u bi kwalunkwe informazzjoni addizzjonali fid-dispozizzjoni tagħhom relatata man-nuqqas ta’ konformità tal-prodott relatat mal-enerġija ikkonċernat u, f’każ li jkun hemm nuqqas ta’ qbil, bil-miżura nazzjonali notifikata tal-oġġezzjonijiet tagħhom.
8.Meta, fi żmien 60 jum mill-irċevuta tal-informazzjoni msemmija fil-paragrafu 5, ma tkun saret l-ebda oġġezzjoni minn xi Stat Membru jew mill-Kummissjoni dwar il-miżura provviżorja meħuda mill-Istat Membru, dik il-miżura tista’ titqies ġusta.
9.L-Istati Membri għandhom jiżguraw li miżuri xierqa restrittivi, bħall-irtirar tal-prodott relatat mal-enerġija mis-suq tagħhom, jittieħdu rispettivament għall-prodott relatat mal-enerġija konċernat, mingħajr dewmien.
10.Meta titlesta l-proċedura stabbilita fil-paragrafi 4 u 5 u jitqajmu oġġezzjonijiet kontra miżura meħuda minn Stat Membru, jew meta l-Kummissjoni tikkunsidra li miżura nazzjonali tmur kontra l-leġislazzjoni tal-Unjoni, il-Kummissjoni għandha mingħajr dewmien tikkonsulta lill-Istati Membri u lill-fornitur, u għandha tevalwa l-miżura nazzjonali. Abbażi tar-riżultati ta’ dik l-evalwazzjoni, il-Kummissjoni għandha tieħu deċiżjoni dwar jekk il-miżura nazzjonali hijiex iġġustifikata jew le.
11.Il-Kummissjoni għandha tindirizza d-deċiżjoni tagħha lill-Istati Membri kollha u għandha mill-ewwel tikkomunikaha lilhom u lill-fornitur.
12.Jekk il-miżura nazzjonali titqies ġusta, l-Istati Membri kollha għandhom jieħdu l-miżuri neċessarji biex jiżguraw li l-prodott relatat mal-enerġija li mhuwiex konformi jiġi rtirat mis-suq tagħhom, u għandhom jinfurmaw lill-Kummissjoni bix-xieraq. Jekk il-miżura nazzjonali titqies li mhix ġusta, l-Istat Membru interessat għandu jirtira l-miżura.
13.Meta l-miżura nazzjonali titqies ġusta u n-nuqqas ta’ konformità tal-prodott relatat mal-enerġija jkun attribwit għal nuqqasijiet fl-istandards armonizzati msemmija fil-paragrafu 6, il-Kummissjoni għandha tapplika l-proċedura li għaliha hemm ipprovdut fl-Artikolu 11 tar-Regolament (UE) Nru 1025/2012.
Artikolu 7
It-tikketti u l-iskala l-ġdida
1.Il-Kummissjoni tista’, permezz ta’ atti delegati adottati skont l-Artikoli 12 u 13, tintroduċi tikketti jew skala ġdida għat-tikketti eżistenti.
2.Meta, f’każ ta’ grupp ta’ prodotti, ma jkunux aktar permessi fis-suq mudelli bi klassijiet ta’ enerġija D, E, F jew G minħabba miżura ta’ implimentazzjoni adottata taħt id-Direttiva 2009/125/KE, il-klassi jew klassijiet inkwistjoni m’għandhomx jintwerew fuq it-tikketta.
3.Il-Kummissjoni għandha tassigura li, meta tiġi introdotta tikketta jew skala ġdida, ir-rekwiżiti jkunu stabbiliti sabiex l-ebda prodott ma jkun mistenni jaqa’ fil-klassijiet tal-enerġija A jew B fil-mument tal-introduzzjoni tat-tikketta u sabiex iż-żmien stipulat li matulu l-maġġoranza tal-mudelli taqa’ f’dawk il-klassijiet ikun tal-anqas għaxar snin wara.
4.It-tikketti għandhom jingħataw skala ġdida perjodikament.
5.Meta tikketta tingħata skala ġdida:
(a)il-fornituri għandhom jipprovdu kemm it-tikketta attwali kif ukoll it-tikketti bl-iskala l-ġdida lin-negozjanti għal perjodu ta’ sitt xhur qabel id-data speċifikata f’paragrafu (b).
(b)in-negozjanti għandhom ibiddlu t-tikketti eżistenti fuq il-prodotti għall-wiri inkluż fuq l-internet bit-tikketti l-ġodda fi żmien ġimgħa wara d-data speċifikata għal dak l-għan fl-att relevanti delegat. In-negozjanti m’għandhomx juru t-tikketti bl-iskala l-ġdida qabel dik id-data.
6.It-tikketti introdotti b’atti delegati adottati skont l-Artikolu 10 tad-Direttiva 2010/30/UE qabel id-data tal-applikazzjoni ta’ dan ir-Regolament għandhom jitqiesu bħala tikketti għall-għanijiet ta’ dan ir-Regolament. Il-Kummissjoni għandha tirrevedi dawk it-tikketti fi żmien ħames snin minn meta dan ir-Regolament jidħol fis-seħħ bl-għan li jingħataw skala ġdida.
Artikolu 8
Il-bażi ta' dejta tal-prodotti
Il-Kummissjoni għandha tistabbilixxi u żżomm bażi ta' dejta tal-prodotti, li tinkludi l-informazzjoni msemmija fl-Anness I. L-informazzjoni mniżżla f’punt 1 tal-Anness I għandha tkun tista’ tiġi aċċessata pubblikament.
Artikolu 9
Standards armonizzati
Wara l-adozzjoni ta' att delegat skont dan ir-Regolament li jistabbilixxi rekwiżiti speċifiċi għat-tikkettar, adottati skont l-Artikolu 13 ta’ dan ir-Regolament, il-Kummissjoni għandha, skont ir-Regolament (UE) Nru 1025/2012, tippubblika referenzi għal standards armonizzati li jissodisfaw il-miżura u r-rekwiżiti ta’ kalkolu relevanti tal-att delegat f'Il-Ġurnal Uffiċjali tal-Unjoni Ewropea.
Meta waqt il-valutazzjoni tal-konformità tal-prodott, dawn l-istandards armonizzati jkunu applikati, il-prodott għandu jitqies konformi mal-miżura u r-rekwiżiti ta’ kalkolu relevanti tal-att delegat.
Artikolu 10
Konsultazzjoni
Fit-twettiq tal-attivitajiet tagħha taħt dan ir-Regolament, il-Kummissjoni għandha tiżgura fir-rispett ta’ kull att delegat, parteċipazzjoni bbilanċjata tar-rappreżentanti tal-Istati Membri u tal-partijiet interessati li jikkonċernaw il-grupp tal-prodott inkwistjoni, bħall-industrija, inkluż l-SMEs u l-industrija tal-artiġjanat, it-trade unions, in-negozjanti, il-bejjiegħa bl-imnut, l-importaturi, il-gruppi tal-ħarsien ambjentali u l-għaqdiet tal-konsumatur. Għal dan l-għan, il-Kummissjoni għandha tistabbilixxi Forum ta’ Konsultazzjoni li fih jiltaqgħu dawn il-partijiet kollha. Il-Forum ta’ Konsultazzjoni jista’ jkun ikkombinat mal-Forum ta’ Konsultazzjoni li hemm referenza għalih fl-Artikolu 18 tad-Direttiva 2009/125/KE.
Meta xieraq, qabel l-atti delegati jiġu adottati, il-Kummissjoni għandha teżamina d-disinn u l-kontenut tat-tikketti għal gruppi speċifiċi ta’ prodotti mal-konsumaturi biex ikun żgurat li t-tikketti jinftiehmu b’mod ċar.
Artikolu 11
Pjan ta’ ħidma
Il-Kummissjoni għandha, wara li tkun ikkonsultat mal-Forum ta’ Konsultazzjoni li hemm referenza għalih fl-Artikolu 10, tistabbilixxi pjan ta’ ħidma li għandu jkun magħmul disponibbli għall-pubbliku. Il-pjan ta’ ħidma għandu jistabbilixxi lista indikattiva ta’ gruppi ta’ prodotti li huma kkunsidrati bħala prijoritajiet għall-adozzjoni tal-atti delegati. Il-pjan ta’ ħidma għandu jistabbilixxi wkoll pjanijiet għar-reviżjoni u l-iskali ġodda tat-tikketti tal-prodotti jew ta’ gruppi ta’ prodotti. Il-pjan ta’ ħidma jista’ jiġi emendat perjodikament mill-Kummissjoni, wara konsultazzjoni mal-Forum ta’ Konsultazzjoni. Il-pjan ta’ ħidma jista’ jkun ikkombinat mal-pjan ta’ ħidma meħtieġ bl-Artikolu 16 tad-Direttiva 2009/125/KE
Artikolu 12
Atti delegati
1.Il-Kummissjoni għandha tkun mogħtija s-setgħa li tadotta atti delegati li jikkonċernaw rekwiżiti dettaljati relatati ma’ tikketti għal gruppi speċifiċi ta’ prodotti relatati mal-enerġija (gruppi speċifiċi tal-prodott’) skont l-Artikolu 13.
2.L-atti delegati għandhom jispeċifikaw gruppi ta’ prodotti li jissodisfaw il-kriterji li ġejjin:
(a)skont l-aktar ċifri disponibbli riċenti u filwaqt li jiġu kkunsidrati l-kwantitajiet imqiegħda fis-suq tal-Unjoni, il-grupp tal-prodotti għandu jkollu potenzjal sinifikanti għall-iffrankar tal-enerġija u, meta relevanti, ta’ riżorsi oħra;
(b)gruppi ta’ prodotti b’funzjonalità ekwivalenti għandhom ivarjaw b’mod sinifikanti f’livelli ta’ prestazzjoni relevanti;
(c)m’għandux ikun hemm impatt negattiv sinifikanti fir-rigward tal-affordabilità u l-ispiża taċ-ċiklu tal-ħajja tal-grupp tal-prodotti.
3.L-atti delegati relatati ma’ gruppi ta’ prodotti speċifiċi għandhom jispeċifikaw, b’mod partikolari:
(a)id-definizzjoni tal-gruppi tal-prodotti speċifiċi li jaqgħu taħt id-definizzjoni ta’ ‘prodott relatat mal-enerġija’ stabbilita fl-Artikolu 2(11) li għandhom ikunu koperti;
(b)id-disinn u l-kontenut tat-tikketta, inkluż skala li turi l-konsum tal-enerġija li jikkonsisti minn A sa G, li kemm jista’ jkun possibbli, għandu jkollha karatteristiċi uniformi fid-disinn għall-gruppi tal-prodotti kollha u fil-każijiet kollha għandha tkun ċara u tinqara;
(c)fejn hu xieraq, l-użu ta’ riżorsi oħra u informazzjoni supplimentari li tikkonċerna l-prodotti relatati mal-enerġija u, f’dan il-każ, it-tikketta trid tenfasizza l-effiċjenza enerġetika tal-prodott;
(d)il-post fejn għandha tintwera t-tikketta, bħal jekk tkun imwaħħla mal-prodott, stampata fuq l-ippakkjar, ipprovduta f’format elettroniku jew murija fuq l-internet;
(e)fejn hu xieraq, jintuża mezz elettroniku biex il-prodotti jkunu ttikkettjati;
(f)il-mod li bih it-tikketta u l-informazzjoni teknika għandhom jiġu pprovduti f’każ ta’ bejgħ b'distanza;
(g)il-kontenut u, fejn hu xieraq, il-format u dettalji oħrajn li jikkonċernaw id-dokumentazzjoni teknika u l-folja ta' informazzjoni dwar il-prodott;
(h)li meta ssir verifika għall-konformità tar-rekwiżiti, jiġu applikati biss dawk it-tolleranzi vverifikati stabbiliti fl-att(i) delegat(i);
(i)l-obbligi tal-fornituri u n-negozjanti fir-rigward tal-bażi ta' dejta tal-prodotti;
(j)l-indikazzjoni speċifika tal-klassi tal-enerġija li għandha tkun inkluża fir-reklami u f’materjal promozzjonali tekniku, inklużi r-rekwiżiti biex din tkun f'forma viżibbli u li tista’ tinqara sewwa;
(k)il-proċeduri tal-valutazzjoni tal-konformità u l-metodi tal-kejl u l-kalkolu li għandhom jintużaw biex tkun iddeterminata l-informazzjoni fuq it-tikketta u l-folja ta' informazzjoni dwar il-prodott;
(l)jekk, għal apparat akbar, ikunx meħtieġ livell ogħla ta’ effiċjenza enerġetika biex jilħaq klassi ta’ enerġija partikolari;
(m)il-format ta’ kwalunkwe referenza addizzjonali fuq it-tikketta li tippermetti lill-konsumaturi jaċċessaw b’mezzi elettroniċi aktar informazzjoni dettaljata fuq il-prestazzjoni tal-prodott, inkluża fil-folja ta' informazzjoni dwar il-prodott;
(n)jekk u kif il-klassijiet tal-enerġija li jiddeskrivu l-konsum tal-enerġija tal-prodott waqt l-użu għandhom jintwerew fuq l-ismart meters jew fuq il-mezz ta’ wiri interattiv tal-prodott;
(o)id-data tal-evalwazzjoni u r-reviżjoni possibbli tal-att delegat.
Għall-kontenut tat-tikketta kif hemm referenza għalih fil-punt (b) tal-ewwel sottoparagrafu, l-iskali A-G tal-klassifikazzjoni għandhom jikkorrispondu għal iffrankar sinifikanti fl-enerġija u fl-ispejjeż mill-perspettiva tal-konsumatur.
Għall-format tar-referenzi msemmija fil-punt (m) tal-ewwel sottoparagrafu, dawk ir-referenzi jistgħu jieħdu l-forma ta’ indirizz ta’ sit elettroniku, kodiċi ta’ Rispons Veloċi (kodiċi QR), link għat-tikketti online jew kwalunkwe mezz ieħor orjentat għall-konsumatur.
L-introduzzjoni ta' tikketta għal prodott li għandu jiġi kopert minn att delegat ma għandux ikollha impatt negattiv sinifikanti fuq il-funzjonalità tal-prodott mill-perspettiva tal-utent.
Il-Kummissjoni se tingħata s-setgħa li tadotta atti delegati dwar id-dettalji operazzjonali relatati mal-bażi ta' dejta tal-prodotti, inkluż kwalunkwe obbligu għall-fornituri u n-negozjanti skont l-Artikolu 13.
Artikolu 13
L-eżerċizzju tad-delega
1.Is-setgħa li tadotta atti delegati hija konferita fuq il-Kummissjoni soġġett għall-kondizzjonijiet stabbiliti f'dan l-Artikolu.
2.Id-delega tas-setgħa msemmija fl-Artikoli 7 sa 12 għandha tiġi konferita fuq il-Kummissjoni għal perjodu indeterminat ta’ żmien mid-data tal-applikazzjoni ta’ dan ir-Regolament.
3.Din id-delega tas-setgħa msemmija fl-Artikoli 7 sa 12 tista’ tiġi revokata fi kwalunkwe ħin mill-Parlament Ewropew jew mill-Kunsill. Deċiżjoni biex din tiġi revokata ttemm id-delega tas-setgħa, kif speċifikat f’dan ir-Regolament. Din għandha tidħol fis-seħħ l-għada tal-pubblikazzjoni tad-deċiżjoni f’Il-Ġurnal Uffiċjali tal-Unjoni Ewropea jew f'data iżjed tard speċifikata fih. M’għandhiex taffettwa l-validità ta' kwalunkwe att delegat li huwa diġà fis-seħħ.
4.Hekk kif tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.
5.Att delegat adottat skont l-Artikoli 7 u 12 għandu jidħol fis-seħħ biss jekk ma tkunx ġiet espressa xi oġġezzjoni mill-Parlament Ewropew jew mill-Kunsill fi żmien xahrejn min-notifika ta' dak l-att lill-Parlament Ewropew u lill-Kunsill jew jekk, qabel ma jiskadi dak il-perjodu, il-Parlament Ewropew u l-Kunsill ikunu t-tnejn li huma għarrfu lill-Kummissjoni li huma ma jkunux se joġġezzjonaw. Dan il-perjodu jista’ jiġi estiż b’xahrejn fuq inizjattiva tal-Parlament Ewropew jew tal-Kunsill.
Artikolu 14
Evalwazzjoni
Mhux aktar tard minn tmien snin wara li jkun daħal fis-seħħ, il-Kummissjoni sejra tivvaluta l-applikazzjoni ta’ dan ir-Regolament u sejra tibgħat rapport lill-Parlament Ewropew u lill-Kunsill. Dak ir-rapport għandu jevalwa kemm dan ir-Regolament jippermetti b’mod effettiv lill-konsumaturi jagħżlu prodotti aktar effiċjenti, filwaqt li jqis l-impatti tiegħu fuq in-negozju.
Artikolu 15
Revoka
Id-Direttiva 2010/30/UE hija revokata b’effett mill-1 ta’ Jannar 2017.
Ir-referenzi għad-Direttiva 2010/30/UE għandhom jiġu interpretati bħala referenzi għal dan ir-Regolament u għandhom jinqraw skont it-tabella ta’ korrelazzjoni stabbilita fl-Anness II.
Artikolu 16
Dħul fis-seħħ
Dan ir-Regolament għandu jidħol fis-seħħ jum tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Jannar 2017.
Iżda, l-Artikolu 3(1)(d) għandu japplika mill-1 ta’ Jannar 2019.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell,
Għall-Parlament Ewropew
Għall-Kunsill
Il-President
Il-President
DIKJARAZZJONI FINANZJARJA LEĠIŻLATTIVA
1.QAFAS TAL-PROPOSTA/INIZJATTIVA
1.1.Titlu tal-proposta/inizjattiva
1.2.Qasam/oqsma politiċi kkonċernat(i) fl-istruttura ABM/ABB
1.3.Natura tal-proposta/inizjattiva
1.4.Objettiv(i)
1.5.Raġunijiet għall-proposta/inizjattiva
1.6.Tul ta’ żmien u impatt finanzjarju
1.7.Mod/i amministrattivi previst(i)
2.MIŻURI AMMINISTRATTIVI
2.1.Regoli dwar il-monitoraġġ u r-rapportar
2.2.Is-sistema ta’ ġestjoni u kontroll
2.3.Il-miżuri għall-prevenzjoni tal-frodi u tal-irregolaritajiet
3.IMPATT FINANZJARJU STMAT TAL-PROPOSTA/INIZJATTIVA
3.1.Intestatura(i) tal-qafas finanzjarju multiannwali u l-linja(i) baġitarja(i) tan-nefqa affettwata(i)
3.2.Impatt stmat fuq in-nefqa
3.2.1.Sommarju tal-impatt stmat fuq in-nefqa
3.2.2.Impatt stmat fuq l-approprjazzjonijiet operazzjonali
3.2.3.L-impatt stmat fuq l-approprjazzjonijiet ta’ natura amministrattiva
3.2.4.Kompatibilità mal-qafas finanzjarju multiannwali attwali
3.2.5.Kontribuzzjonijiet ta’ partijiet terzi
3.3.Impatt stmat fuq id-dħul
DIKJARAZZJONI FINANZJARJA LEĠIŻLATTIVA
1.QAFAS TAL-PROPOSTA/INIZJATTIVA
1.1.Titlu tal-proposta/inizjattiva
Proposta għal Regolament tal-Parlament Ewropew u tal-Kunsill li jistabbilixxi qafas għat-tikkettar tal-effiċjenza tal-enerġija u li jħassar id-Direttiva 2010/30/UE
1.2.Qasam/Oqsma ta’ politika kkonċernat(i) fl-istruttura ABM/ABB
Titolu 32: Enerġija
32 04 Orizzont 2020 – Riċerka u innovazzjoni relatata mal-enerġija
1.3.Natura tal-proposta/inizjattiva
Il-proposta/l-inizjattiva tirrigwarda l-estensjoni ta’ azzjoni eżistenti
1.4.Objettiv(i)
1.4.1.L-objettiv(i) strateġiċi multiannwali tal-Kummissjoni fil-mira tal-proposta/inizjattiva
1.4.2.L-objettiv(i) strateġiċi u attività(jiet) ABM/ABB ikkonċernati
Objettiv speċifiku
Il-promozzjoni tal-moderazzjoni tad-domanda għall-enerġija.
Attività(jiet) ABM/ABB ikkonċernata/i
ABB 2: Attivitajiet ta’ riċerka u innovazzjoni relatati mal-enerġija
1.4.3.Riżultat(i) u impatt(i) mistennija
Ir-riżultat mistenni minn din l-inizjattiva hu li jitjieb il-qafas tat-tikkettar tal-effiċjenza tal-enerġija fl-Unjoni, li fil-preżent mhuwiex l-aħjar f’termini ta’ effettività għall-konsumaturi, konformità u livell ta’ ambizzjoni.
Il-proposta ttejjeb il-ħarsien tal-konsumaturi u ta’ utenti oħrajn tal-prodotti relatati mal-enerġija permezz ta’ tikketti tal-enerġija u infurzar aktar effiċjenti.
Din il-proposta se jkollha impatt fuq l-operaturi ekonomiċi li jridu jkomplu jipprovdu u juru t-tikketti tal-enerġija u jipprovdu l-informazzjoni għas-sorveljanza tas-suq, b’metodi differenti għal dan tal-aħħar.
Il-proposta se jkollha impatt fuq l-awtoritajiet nazzjonali li se jkunu mgħammra aħjar għall-azzjonijiet tagħhom relatati mas-sorveljanza tas-suq.
1.4.4.Indikaturi tar-riżultati u tal-impatt
Is-sehem tal-prodotti ta' klassi A, klassi B eċċ. fuq it-tikketta tal-enerġija
Is-sehem tal-prodotti mhux konformi misjub mill-azzjonijiet ta' sorveljanza tas-suq.
1.5.Raġunijiet għall-proposta/inizjattiva
1.5.1.Rekwiżit(i) li jrid(u) jiġi/u ssodisfat(i) fuq medda qasira jew medda twila ta' żmien
L-għan ġenerali ta’ din l-inizjattiva hu li jkun żgurat il-funzjonament tas-suq intern permezz tal-moviment liberu tal-prodotti li jassigura livell għoli ta’ ħarsien ambjentali u għall-konsumatur.
1.5.2.Valur miżjud tal-involviment tal-UE
L-għan li jitnaqqsu l-impatti ambjentali negattivi tal-prodotti, b'mod partikolari bl-użu tal-enerġija, ma jistax jintlaħaq b’mod suffiċjenti mill-Istati Membri, għax dan iwassal għal dispożizzjonijiet u proċeduri nazzjonali diverġenti (filwaqt li jkollhom objettivi simili) li jiġġeneraw spejjeż bla bżonn għall-industrija (u eventwalment għall-konsumaturi) u joħolqu ostakli għall-moviment liberu tal-prodotti fi ħdan l-UE. Huwa biss permezz ta’ regoli armonizzati tal-UE fuq it-tikkettar tal-enerġija u l-miżuri u l-ittestjar sottostanti li jista' jiġi żgurat li l-istess mudell ta' prodott ikollu l-istess klassi ta' enerġija ppubblikata madwar l-UE kollha.
Fin-nuqqas ta’ leġiżlazzjoni tal-UE, huwa probabbli li l-Istati Membri kollha jintroduċu tikketti tal-enerġija għal xi wħud mill-gruppi ta’ prodotti, minħabba l-ħarsien tal-konsumatur u biex jiffrankaw l-enerġija. Azzjoni f’livell tal-UE hi l-uniku mod kif jiġi żgurat li t-tikketti għall-prodotti mqiegħda fis-suq huma ugwali fl-Istati Membri kollha, u għaldaqstant ikun żgurat il-funzjonament tas-Suq Intern sostnut bl-Artikolu 26 tat-Trattat dwar il-Funzjonament tal-Unjoni Ewropea.
1.5.3.Tagħlim miksub minn esperjenzi simili fl-imgħoddi
Għalkemm l-UE kisbet suq uniku għat-tikketti tal-enerġija, it-tikketti jeħtieġ li jiġu aġġornati għax, minħabba l-progress teknoloġiku, ħafna mudelli se jilħqu l-ogħla klassijiet, u għalhekk il-konsumaturi ma jkunux jistgħu jagħmlu distinzjoni. Fir-reviżjoni tad-Direttiva dwar it-Tikkettar tal-Enerġija fl-2010, iż-żieda tal-klassijiet A+, A++ u A+++ mat-tikketta bl-iskala A-G kellha l-għan li tindirizza din il-problema. Ir-reviżjoni wriet li dawn il-klassijiet kienu inqas effettivi fuq il-konsumaturi mill-iskala oriġinali ta’ A-G. Għalhekk, din il-proposta tindirizza din il-problema billi tmur lura għat-tikketta tal-A-G u tagħtiha skala mill-ġdid perjodikament.
L-awtoritajiet ta' sorveljanza tas-suq ilhom jiċċekkjaw il-konformità mar-rekwiżiti tat-tikketta tal-enerġija. Minkejja dan, xorta għad hemm nuqqas ta’ konformità li jwassal għal madwar 10% telf fl-iffrankar tal-enerġija previst (u fl-iffrankar fl-ispejjeż għall-konsumaturi). Il-proposta tal-Kummissjoni għal regolament ġdid għas-sorveljanza tas-suq (COM(2013)75) kellha l-għan li tindirizza dawn l-isfidi għal-leġiżlazzjoni armonizzata tal-UE dwar il-prodotti. Iżda, l-awtoritajiet ta' sorveljanza tas-suq fil-qasam tat-tikkettar tal-enerġija jaffaċċjaw problemi li mhumiex solvuti b’dik il-proposta: l-aċċess fil-ħin għal dokumentazzjoni teknika, il-problemi ta’ identifikazzjoni u l-informazzjoni ta’ kuntatt tal-manifatturi barranin, u n-nuqqas ta’ sistema ċentralizzata għall-identifikazzjoni ta' mudelli ekwivalenti li jistgħu jkunu diġà ġew spezzjonati minn awtoritajiet oħrajn ta' sorveljanza tas-suq. Barra minn hekk, il-Kummissjoni sabitha diffiċli tiddetermina r-rekwiżiti xierqa għall-klassi tal-prodott għal kull grupp ta’ prodotti minħabba nuqqas ta’ dejta pubblika riċenti dwar il-prestazzjoni tal-enerġija tal-prodotti. Il-limiti għall-klassijiet tat-tikketti l-ġodda A+, A++ u A+++ għal ħafna gruppi ta’ prodotti kienu inqas ambizzjużi milli maħsub, u dan wassal biex isiru reviżjonijiet aktar kmieni milli previst. Biex ikunu evitati reviżjonijiet u skali mill-ġdid b’mod frekwenti, huwa essenzjali li jkun hemm dejta aġġornata. Din il-proposta tindirizza dawn il-problemi billi tistabbilixxi bażi ta' dejta ta’ reġistrazzjoni tal-prodotti li fiha l-manifatturi jipprovdu d-dejta tagħhom ta’ prestazzjoni u konformità f’post ċentrali, aċċessibbli għall-awtoritajiet ta' sorveljanza tas-suq u għall-Kummissjoni.
1.5.4.Kompatibilità u sinerġija possibbli ma’ strumenti rilevanti oħrajn
Din l-inizjattiva hi koerenti mad-Direttiva tal-Ekodisinn 2009/125/KE, li tistabbilixxi rekwiżiti minimi għall-prodotti relatati mal-enerġija, li xi wħud minnhom għandhom ukoll tikketta tal-enerġija. B’mod partikolari, din l-inizjattiva tassigura pjan ta’ ħidma komuni u proċess ta’ konsultazzjoni għall-partijiet interessati għall-ħidma fuq regolamenti speċifiċi għall-prodott.
Din l-inizjattiva hi koerenti mar-regolament tas-sorveljanza tas-suq (KE) Nru 765/2008, b'mod partikolari t-tneħħija ta’ dispożizzjonijiet konverġenti mil-leġiżlazzjoni tat-tikkettar tal-enerġija li diġà huma inklużi fis-sorveljanza tas-suq għal-leġiżlazzjoni kollha tal-armonizzazzjoni tal-UE.
Il-bażi ta' dejta tar-reġistrazzjoni tal-prodotti proposta tippermetti sinerġiji ma’ leġiżlazzjoni armonizzata oħra tal-UE li diġà għandha bażijiet ta' dejta bħal dawn stabbiliti jew li jistgħu jkunu stabbiliti fil-futur (b'mod partikolari d-Direttiva 2014/53/UE dwar l-armonizzazzjoni tal-liġijiet tal-Istati Membri relatati mad-disponibbilità fis-suq ta’ apparat tar-radju).
1.6.Tul ta' żmien u impatt finanzjarju
Proposta/inizjattiva ta' tul ta’ żmien mhux limitat
–Implimentazzjoni b’perjodu tal-bidu mis-07/2016
–segwita mill-operat fuq skala sħiħa.
1.7.Metodu/i ta’ ġestjoni previst/i
Ġestjoni diretta mill-Kummissjoni
–mid-dipartimenti tagħha, inkluż mill-persunal tagħha fid-delegazzjonijiet tal-Unjoni;
Kummenti
Din l-inizjattiva m’għandhiex bżonn ta' riżorsi baġitarji addizzjonali. Il-bażi ta' dejta proposta għar-reġistrazzjoni ta’ prodotti reletati mal-enerġija (baġit stmat ta’ 1.500.000 EUR fl-2016 u 150.000 EUR kull sena fis-snin ta’ wara għall-manteniment) se tkun iffinanzjata b’riprijoritizzazzjoni ta’ riżorsi previsti għall-implimentazzjoni tal-politika dwar l-effiċjenza enerġetika ta’ prodotti fil-kuntest tat-tqegħid fis-suq u l-innovazzjoni skont l-isfidi tas-Soċjetà ta’ Orizzont 2020 (fil-passat taħt Enerġija Intelliġenti Ewropa). Dawn ir-riżorsi jammontaw għal 2.500.000 EUR fis-sena 2015 għall-kull politika dwar l-effiċjenza enerġetika ta’ prodotti kkombinata (it-tikkettar tal-enerġija, l-ekodisinn, l-istilla tal-enerġija u t-tikkettar tat-tajers). 700.000 EUR stmati minn din iċ-ċifra huma relatati mal-assistenza teknika u l-istudji li jikkonċernaw it-tikkettar tal-enerġija (b'mod partikolari ta’ studji preparatorji li jipprovdu l-bażi għar-regolament ta’ gruppi ta’ prodotti ġodda jew reviżjonijiet ta’ regolamenti) u mistennija tibqa’ neċessarja fis-snin li ġejjin. B’riżultat ta’ din il-proposta huma meħtieġa 300.000 EUR aktar kull sena mill-2017 għal studji dwar il-fehim tal-konsumaturi għal tikketti ta’ gruppi ta’ prodotti speċifiċi, kif proposti f’dan ir-regolament. Dan iħalli biżżejjed spazju fi ħdan ir-riżorsi kollha kombinati b'mod ġenerali, biex il-politika dwar l-effiċjenza enerġetika tal-prodotti tkopri l-ispejjeż tal-bażi ta' dejta tar-reġistrazzjoni tal-prodott. Id-disponibbiltà tad-dejta f’din il-bażi ta' dejta tar-reġistrazzjoni tal-prodotti se tkun tfisser li l-ispejjeż għal studji preparatorji għall-ekodisinn tal-prodotti li huma wkoll koperti bit-tikkettar tal-enerġija sejrin jitnaqqsu għax ikun hemm bżonn inqas dejta x’tinġabar f’dawk l-istudji.
L-impatt baġitarju propost hu fl-envelopp previst fid-DB 2016 u fl-ipprogrammar finanzjarju għas-snin 2017-2020 għal-linja baġitarja 32 04 03 01.
It-taqsima 3.2.2. tistabbilixxi ċ-ċifri msemmija hawn fuq fil-kuntest pluriennali.
2.MIŻURI AMMINISTRATTIVI
2.1.Regoli dwar il-monitoraġġ u r-rapportar
Il-Forum ta’ Konsultazzjoni għandu jkun il-pjattaforma għal diskussjonijiet rigward l-implimentazzjoni xierqa tar-regolament propost.
Dispożizzjoni finali tipproponi wkoll li l-Kummissjoni tagħmel evalwazzjoni u tabbozza rapport dwar l-implimentazzjoni tmien snin wara li dan jidħol fis-seħħ. Din għandha tidentifika problemi u nuqqasijiet possibbli tar-Regolament u tista’ tkun il-punt tat-tluq għal azzjonijiet futuri, inkluż proposta possibbli biex ikun emendat.
2.2.ta’ ġestjoni u kontroll
2.2.1.Riskju/i identifikat(i)
Il-ħolqien ta’ bażi ta' dejta għar-reġistrazzjoni ta’ prodotti b’baġit previst ta’ 1.500.000 EUR (u 150.000 EUR spejjeż ta’ manteniment kull sena).
Ir-riskji relatati mal-funzjonament tal-bażi ta' dejta tar-reġistrazzjoni tal-prodott huma relatati l-aktar ma’ problemi relatati mal-IT, bħal ħsara fis-sistema u kwistjonijiet ta’ kunfidenzjalità.
2.2.2.Tagħrif li jikkonċerna l-mod kif inhi mfassla s-sistema ta’ kontroll intern
Il-metodi ta’ kontroll previsti huma stabbiliti fir-Regolament Finanzjarju u r-Regoli ta’ Applikazzjoni.
2.3.Miżuri għall-prevenzjoni ta’ frodi u irregolaritajiet
M’hemmx miżuri speċifiċi lil hinn mill-applikazzjoni tar-Regolament Finanzjarju
3.STIMA TAL-IMPATT FINANZJARJU TAL-PROPOSTA/INIZJATTIVA
3.1.Intestatura(i) tal-qafas finanzjarju multiannwali u l-linja(i) baġitarja(i) tan-nefqa affettwata(i)
L-intestaturi baġitarji eżistenti
Skont l-intestaturi tal-qafas finanzjarju multiannwali u l-intestaturi baġitarji.
Intestatura tal-qafas finanzjarju multiannwali
|
Linja Baġitarja
|
Tip ta'
nefqa
|
Kontribuzzjoni
|
|
Numru
[Intestatura………………………………]
|
Diff./Mhux-diff.
|
minn pajjiżi tal-EFTA
|
minn pajjiżi kandidati
|
minn pajjiżi terzi
|
fis-sens tal-Artikolu 21(2)(b) tar-Regolament Finanzjarju
|
1a Kompetittività għat-tkabbir u għall-impjiegi
|
32 04 03 01
Orizzont 2020 – Riċerka u innovazzjoni relatata mal-enerġija, L-Isfidi tas-Soċjetà – Twettiq tat-tranżizzjoni għal sistema ta’ enerġija affidabbli, sostenibbli u kompetittiva
|
Differenzjata
|
IVA
|
LE
|
IVA
|
LE
|
5 Amministrazzjoni
|
32 01 01
Nefqa relatata għall-uffiċjali u l-persunal temporanju fil-qasam tal-politika tal-‘Enerġija’
|
Mhux diff.
|
LE
|
LE
|
LE
|
LE
|
5 Amministrazzjoni
|
32 01 02 01
Persunal estern u nefqa maniġerjali oħra b’sostenn tal-qasam ta’ politika “Enerġija”
|
Mhux diff.
|
LE
|
LE
|
LE
|
LE
|
Linji baġitarji ġodda mitluba
Skont l-intestaturi tal-qafas finanzjarju multiannwali u l-linji baġitarji.
Intestatura tal-qafas finanzjarju multiannwali
|
Linja Baġitarja
|
Tip ta'
nefqa
|
Kontribuzzjoni
|
|
Numru
[Intestatura………………………………]
|
Diff./Mhux-diff.
|
minn pajjiżi tal-EFTA
|
minn pajjiżi kandidati
|
minn pajjiżi terzi
|
fis-sens tal-Artikolu 21(2)(b) tar-Regolament Finanzjarju
|
|
|
|
|
|
|
|
3.2.Impatt stmat fuq in-nefqa
3.2.1.Sommarju tal-impatt stmat fuq in-nefqa
EUR miljun (sa tliet punti deċimali)
Intestatura tal-qafas finanzjarju
multiannwali
|
Numru
|
1a Kompetittività għat-tkabbir u l-impjiegi
|
DĠ: ENER
|
|
|
2016
|
2017
|
2018
|
2019
|
2020
|
|
|
L-AMMONT TOTALI
|
• Approprjazzjonijiet operattivi
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Approprjazzjonijiet ta’ natura amministrattiva ffinanzjati mill-pakkett ta’ programmi speċifiċi
|
|
|
|
|
|
|
|
|
32 04 03 01
L-isfidi tas-soċjetà: It-twettiq tat-tranżizzjoni għal sistema tal-enerġija affidabbli, sostenibbli u kompetittiva
|
|
(3)
|
2.200
|
1.150
|
1.150
|
1.150
|
1.150
|
|
|
Proposta għal żmien mhux limitat
|
TOTAL ta’ approprazzjonijiet
għal DĠ ENER
|
Impenji
|
=1+1a +3
|
2.200
|
1.150
|
1.150
|
1.150
|
1.150
|
|
|
Proposta għal żmien mhux limitat
|
|
Ħlasijiet
|
=2+2a
+3
|
2.200
|
1.150
|
1.150
|
1.150
|
1.150
|
|
|
Proposta għal żmien mhux limitat
|
• TOTAL tal-approprjazzjonijiet operattivi
|
Impenji
|
(4)
|
|
|
|
|
|
|
|
|
|
Ħlasijiet
|
(5)
|
|
|
|
|
|
|
|
|
• TOTAL tal-approprjazzjonijiet ta' natura amministrattiva ffinanzjati mill-pakkett għal programmi speċifiċi
|
(6)
|
2.200
|
1.150
|
1.150
|
1.150
|
1.150
|
|
|
|
TOTAL ta’ approprazzjonijiet
taħt INTESTATURA 1a
tal-qafas finanzjarju multiannwali
|
Impenji
|
=4+ 6
|
2.200
|
1.150
|
1.150
|
1.150
|
1.150
|
|
|
|
|
Ħlasijiet
|
=5+ 6
|
2.200
|
1.150
|
1.150
|
1.150
|
1.150
|
|
|
|
Intestatura tal-qafas finanzjarju
multiannwali
|
5
|
‘Nefqa amministrattiva’
|
EUR miljun (sa tliet punti deċimali)
|
|
|
2016
|
2017
|
2018
|
2019
|
2020
|
|
|
L-AMMONT TOTALI
|
DĠ. ENER
|
• Riżorsi umani
|
0.417
|
0.417
|
0.417
|
0.417
|
0.417
|
|
|
2.085
|
• Infiq amministrattiv ieħor
|
0.066
|
0.066
|
0.066
|
0.066
|
0.066
|
|
|
0.330
|
TOTAL DĠ ENER
|
Approprjazzjonijiet
|
0.483
|
0.483
|
0.483
|
0.483
|
0.483
|
|
|
2.415
|
TOTAL ta’ approprjazzjonijiet
taħt INTESTATURA 5
tal-qafas finanzjarju multiannwali
|
(Total ta’ impenji = Total ta’ ħlasijiet)
|
0.483
|
0.483
|
0.483
|
0.483
|
0.483
|
|
|
2.415
|
EUR miljun (sa tliet punti deċimali)
|
|
|
2016
|
2017
|
2018
|
2019
|
2020
|
|
|
L-AMMONT TOTALI
|
TOTAL ta’ approprjazzjonijiet
taħt INTESTATURI 1 sa 5
tal-qafas finanzjarju multiannwali
|
Impenji
|
2.683
|
1.633
|
1.633
|
1.633
|
1.633
|
|
|
9.215
|
|
Ħlasijiet
|
2.683
|
1.633
|
1.683
|
1.633
|
1.633
|
|
|
9.215
|
3.2.2.L-impatt stmat fuq l-approprjazzjonijiet operattivi
–Il-proposta/inizjattiva teħtieġ l-użu ta’ approprjazzjonijiet operattivi, kif spjegat hawn taħt:
Approprjazzjonijiet għall-impenji f’miljuni ta’ EUR (sat-tielet punt deċimali)
Indika l-għanijiet u r-riżultati
⇩
|
|
|
2016
|
2017
|
2018
|
2019
|
2020
|
|
|
L-AMMONT TOTALI
|
|
IR-RIŻULTATI
|
|
Tip
|
Kost medju
|
Nru
|
Kost
|
Nru
|
Kost
|
Nru
|
Kost
|
Nru
|
Kost
|
Nru
|
Kost
|
Nru
|
Kost
|
Nru
|
Kost
|
Nru totali
|
Kost totali
|
OBJETTIV SPEĊIFIKU: Il-promozzjoni tal-moderazzjoni tad-domanda għall-enerġija.
|
|
|
|
|
|
|
|
|
Il-kunsinna ta' reġistrazzjoni ta' prodotti relatati mal-enerġija tal-bażi ta' dejta tal-IT
|
|
|
1
|
1.500
|
|
|
|
|
|
|
|
|
|
|
|
|
1
|
1.500
|
Iż-żamma tar-reġistrazzjoni ta' prodotti relatati mal-enerġija tal-bażi ta' dejta tal-IT
|
|
|
|
|
1
|
0.150
|
1
|
0.150
|
1
|
0.150
|
1
|
0.150
|
|
|
|
|
|
Proposta għal żmien mhux limitat
|
Assistenza teknika u/jew studji li jivvalutaw aspetti ta’ gruppi ta’ prodotti neċessarji għal atti delegati u li jappoġġaw l-istandardizzazzjoni.
|
|
|
1
|
0.700
|
1
|
1.000
|
1
|
1.000
|
1
|
1.000
|
1
|
1.000
|
|
|
|
|
|
Proposta għal żmien mhux limitat
|
KOST TOTALI
|
|
2.20
|
|
1.150
|
|
1.150
|
|
1.150
|
|
1.150
|
|
|
|
|
|
Proposta għal żmien mhux limitat
|
3.2.3.L-impatt stmat fuq l-approprjazzjonijiet ta’ natura amministrattiva
3.2.3.1.Sommarju
–Il-proposta/inizjattiva teħtieġ l-użu ta’ approprjazzjonijiet ta’ natura amministrattiva, kif spjegat hawn taħt:
EUR miljun (sa tliet punti deċimali)
|
2016
|
2017
|
2018
|
2019
|
2020
|
|
|
L-AMMONT TOTALI
|
INTESTATURA 5
tal-qafas finanzjarju multiannwali
|
|
|
|
|
|
|
|
|
Riżorsi umani
|
0.417
|
0.417
|
0.417
|
0.417
|
0.417
|
|
|
2.085
|
Infiq amministrattiv ieħor
|
0.066
|
0.066
|
0.066
|
0.066
|
0.066
|
|
|
0.330
|
Sottototal tal-INTESTATURA 5
tal-qafas finanzjarju multiannwali
|
0.483
|
0.483
|
0.483
|
0.483
|
0.483
|
|
|
2.415
|
Barra INTESTATURA 5
tal-qafas finanzjarju multiannwali
|
|
|
|
|
|
|
|
|
Riżorsi umani
|
|
|
|
|
|
|
|
|
Nefqa oħra
ta’ natura amministrattiva
|
|
|
|
|
|
|
|
|
Sottototal
barra INTESTATURA 5
tal-qafas finanzjarju multiannwali
|
|
|
|
|
|
|
|
|
L-AMMONT TOTALI
|
0.483
|
0.483
|
0.483
|
0.483
|
0.483
|
|
|
2.415
|
L-approprjazzjonijiet meħtieġa għar-riżorsi umani u spejjeż oħrajn ta’ natura amministrattiva sejrin jiġu ssodisfati minn approprjazzjonijiet mid-DĠ li diġà huma assenjati għall-ġestjoni tal-azzjoni u/jew li ntużaw mill-ġdid fi ħdan id-DĠ, flimkien, jekk neċessarju, ma’ kwalunkwe allokazzjoni addizzjonali li tista’ tkun mogħtija lid-DĠ ta’ ġestjoni taħt il-proċedura ta’ allokazzjoni annwali u fid-dawl tal-limitazzjonijiet tal-baġit.
3.2.3.2.Rekwiżiti stmati tar-riżorsi umani meħtieġa
–Il-proposta/inizjattiva teħtieġ l-użu ta’ riżorsi umani, kif spjegat hawn taħt:
Stima li trid tingħata f’unitajiet ekwivalenti għal full time
|
2016
|
2017
|
2018
|
2019
|
2020
|
|
|
• Postijiet tal-pjan ta’ stabbiliment (uffiċjali u persunal temporanju)
|
|
|
32 01 01 01 (il-Kwartieri Ġenerali u l-Uffiċċji tar-Rappreżentanza tal-Kummissjoni)
|
3
|
3
|
3
|
3
|
3
|
|
|
XX 01 01 02 (Delegazzjonijiet)
|
|
|
|
|
|
|
|
XX 01 05 01 (Riċerka indiretta)
|
|
|
|
|
|
|
|
10 01 05 01 (Riċerka diretta)
|
|
|
|
|
|
|
|
• Persunal estern (Ekwivalenti għal unità ta' ingaġġ full-time: FTE)
|
32 01 02 01 (AC, END, INT mill-‘pakkett globali’)
|
0.3
|
0.3
|
0.3
|
0.3
|
0.3
|
|
|
XX 01 02 02 (AC, AL, END, INT u JED fid-delegazzjonijiet)
|
|
|
|
|
|
|
|
XX 01 04 ss
|
- fil-Kwartieri Ġenerali
|
|
|
|
|
|
|
|
|
- fid-Delegazzjonijiet
|
|
|
|
|
|
|
|
XX 01 05 02 (AC, END, INT - Riċerka indiretta)
|
|
|
|
|
|
|
|
10 01 05 02 (AC, END, INT - Riċerka diretta)
|
|
|
|
|
|
|
|
Linji baġitarji oħrajn (speċifika)
|
|
|
|
|
|
|
|
L-AMMONT TOTALI
|
|
|
|
|
|
|
|
Ir-riżorsi umani meħtieġa sejrin jiġu ssodisfati mill-uffiċjali tad-DĠ li huma diġà assenjati għall-ġestjoni tal-azzjoni u/jew li diġà ngħataw kariga band'oħra fid-DĠ, flimkien, jekk ikun meħtieġ, ma' kwalunkwe allokazzjoni addizzjonali li tista' tingħata lid-DĠ li jkun qed imexxi l-azzjoni skont il-proċedura ta' allokazzjoni annwali u fid-dawl tar-restrizzjonijiet baġitarji.
Deskrizzjoni tal-kompiti li jridu jitwettqu:
Uffiċjali u persunal temporanju
|
Amministraturi:
0.3 FTE bħala l-mexxej tat-tim
2.7 FTE bħala uffiċjal klerikali għar-Regolament, l-atti delegati speċifiċi għall-prodott u għall-appoġġ għall-koordinament tal-infurzar mill-awtoritajiet ta' sorveljanza tas-suq
Assistenti:
0.3 FTE bħala appoġġ għal proċeduri leġiżlattivi u l-komunikazzjoni
|
Persunal estern
|
0.3 FTE bħala s-segretarju tat-tim u responsabbli għal-loġistika
|
3.2.4.Kompatibilità mal-qafas finanzjarju multiannwali attwali
Il-proposta/inizjattiva hi kompatibbli mal-qafas ta' finanzjament pluriennali attwali.
3.2.5.Kontribuzzjonijiet ta’ partijiet terzi
Il-proposta/inizjattiva ma tipprovdix il-kofinanzjament minn terzi persuni.
3.3.Impatt stmat fuq id-dħul
Il-proposta/inizjattiva m’għandha l-ebda impatt finanzjarju fuq id-dħul.