23.7.2014   

MT

Il-Ġurnal Uffiċjali tal-Unjoni Ewropea

C 238/10

(1)

Id-Deċiżjoni tikkonċerna ksur uniku u kontinwu tal-Artikolu 101 tat-Trattat u l-Artikolu 53 tal-Ftehim ŻEE fis-settur tal-berings għall-applikazzjonijiet tal-karozzi (“berings tal-karozzi”). Il-berings tal-karozzi huma berings fornuti lil Manifatturi ta’ Apparat Oriġinali (“MAO”) tal-karozzi, li huma manifatturi tal-karozzi, tat-trakkijiet u tal-komponenti tal-karozzi (flimkien imsejħa wkoll bħala “konsumaturi fis-settur tal-karozzi”). Id-Deċiżjoni hija indirizzata lil dsatax-il entità mis-sitt impriżi li ġejjin: (i) JTEKT (2); (ii) NSK (3); (iii) NFC (4), (iv) SKF (5), (v) Schaeffler (6) u (vi) NTN (7).

(2)

Wara l-applikazzjonijiet għall-klemenza ta’ JTEKT, NSK u NFC, il-Kummissjoni wettqet spezzjonijiet immirati fl-istabbilimenti tal-produtturi tal-berings f’bosta Stati Membri f’Novembru 2011.

(3)

Matul u eżatt wara l-ispezzjonijiet, il-Kummissjoni rċeviet sussegwentement żewġ applikazzjonijiet oħra għall-klemenza minn SKF u mingħand Schaeffler.

(4)

Fit-22 ta’ Jannar 2013, il-Kummissjoni bdiet proċedimenti skont l-Artikolu 11(6) tar-Regolament (KE) Nru 1/2003 kontra d-destinatarji tad-Deċiżjoni bl-għan li jidħlu f’diskussjonijiet dwar ir-riżolviment magħhom. Il-laqgħat għal riżolviment saru bejn Marzu u Diċembru 2013. Sussegwentement, il-partijiet ressqu t-talba formali ta’ riżolviment tagħhom lill-Kummissjoni skont l-Artikolu 10a(2) tar-Regolament (KE) Nru 773/2004 (8).

(5)

Il-Kummissjoni adottat id-Dikjarazzjoni tal-Oġġezzjonijiet fil-21 ta’ Jannar 2014 u l-partijiet kollha mingħajr ekwivoku kkonfermaw li hija kienet tikkorrispondi mal-kontenut ta’ sottomissjoni għal riżolviment tagħhom u li għalhekk kienu impenjati li jsegwu l-proċedura għar-riżolviment.

(6)

Il-Kumitat Konsultattiv dwar Prattiki Restrittivi u Pożizzjonijiet Dominanti ħareġ opinjoni favorevoli fis-17 ta’ Marzu 2014.

(7)

Il-Kummissjoni adottat id-Deċiżjoni fid-19 ta’ Marzu 2014.

(8)

L-impriżi li ġejjin kisru l-Artikolu 101 tat-Trattat u l-Artikolu 53 tal-Ftehim ŻEE billi pparteċipaw, waqt il-perjodi indikati hawn taħt, f’attivitajiet antikompetittivi fir-rigward tal-fornitura ta’ berings tal-karozzi

(9)

(10)

L-għan ġenerali ta’ dan il-kartell kien li jikkoordina l-istrateġija tal-ipprezzar vis-à-vis il-konsumaturi fis-settur tal-karozzi. Sabiex jintlaħaq dan l-għan, il-partijiet ikkoordinaw it-trasferiment taż-żidiet fil-prezzijiet tal-azzar lill-konsumaturi tagħhom fis-settur tal-karozzi, ftiehmu dwar Talbiet għal Kwotazzjonijiet u t-talbiet għat-Tnaqqis fil-Prezz Annwali maħruġa mill-konsumaturi tas-settur tal-karrozzi u skambjaw informazzjoni kummerċjalment sensittiva. Il-partijiet kienu involuti f’imġiba antikompetittiva permezz ta’ kuntatti bilaterali, trilaterali u multilaterali li jiffurmaw ksur uniku u kontinwu li jkopri ż-ŻEE kollha.

(11)

Id-Deċiżjoni tapplika l-Linji Gwida tal-2006 dwar il-Multi (9). Bl-eċċezzjoni ta’ JTEKT, id-Deċiżjoni timponi multi fuq l-entitajiet rilevanti tal-impriżi elenkati taħt il-punt (1) hawn fuq.

(12)

Il-valur tal-bejgħ għal kull impriża huwa kkalkulat fuq il-bażi tal-bejgħ annwali medju ta’ berings tal-karozzi fiż-ŻEE matul is-sitt snin sħaħ tal-ksur, jiġifieri mill-2005 sal-2010. Biex jiġi stabbilit il-valur tal-bejgħ, jiġu kkunsidrati l-ambitu limitat tal-kuntatti fis-sotto kategorija tal-bejgħ ta’ berings lill-produtturi tal-komponenti tal-karozzi u perjodu ta’ attività limitata tal-kartell minn Jannar 2008 sa Lulju 2010.

(13)

L-ammont bażiku tal-multa huwa stabbilit għal 16 % tal-valur tal-bejgħ kif definit taħt il-punt (12) hawn fuq, immultiplikat bin-numru ta’ snin li fihom l-impriżi ħadu sehem fil-ksur sabiex jitqies b’mod sħiħ il-perjodu li matulu kull waħda mill-impriżi, b’mod individwali, damet tieħdu sehem fil-ksur. Għall-ammont addizzjonali l-perċentwal kien iffissat għal 16 %.

(14)

Il-Kummissjoni ma tapplika l-ebda ċirkostanza aggravanti f’dan il-każ. NFC qed tingħata tnaqqis ta’ 15 % għal ċirkostanzi mitiganti minħabba l-parteċipazzjoni limitata tagħha fil-ksur.

(15)

Barra minn hekk, il-Kummissjoni teżerċita l-marġni ta’ diskrezzjoni tagħha, kif rifless fil-punt 37 tal-Linji Gwida dwar il-multi, biex jitnaqqas il-livell ta’ dik il-parti tal-multa li għaliha NTN-SNR Roulements hija unikament responsabbli għal 10 % tad-dħul mill-bejgħ tagħha.

(16)

Il-Kummissjoni tagħti immunità totali mill-multa lil JTEKT, tnaqqis ta’ 40 % mill-multa lil NSK, tnaqqis ta’ 30 % mill-multa lil NFC u tnaqqis ta’ 20 % mill-multa kemm lil SKF kif ukoll lil Schaeffler.

(17)

B’riżultat tal-applikazzjoni tan-Notifika ta’ Riżolviment, l-ammont tal-multa li għandha tiġi imposta fuq JTEKT, NSK, NFC, SKF, Schaeffler u NTN qed jitnaqqas b’10 %.

(18)

Il-multi li ġejjin huma imposti skont l-Artikolu 23(2) tar-Regolament (KE) Nru 1/2003: