KOMUNIKAZZJONI TAL-KUMMISSJONI LILL-KUNSILL U LILL-PARLAMENT EWROPEW dwar il-Finanzjament fit-Tul tal-Ekonomija Ewropea /* COM/2014/0168 final */
1. Introduzzjoni
1.1.
Kuntest ekonomiku Il-kriżi
ekonomika u finanzjarja affettwat l-abbiltà tas-settur finanzjarju li
jidderieġi fondi lejn l-ekonomija reali, b'mod partikolari lejn l-investiment
fit-tul. Dipendenza qawwija fuq l-intermedjazzjoni bankarja, flimkien ma'
tnaqqis fl-ingranaġġ tal-banek u tnaqqis fil-kunfidenza tal-investituri naqqsu
l-finanzjament għas-setturi kollha tal-ekonomija. L-Unjoni ħadet azzjoni
b'determinazzjoni sabiex ikun hemm inverżjoni ta' dawn ix-xejriet u jiġu
rrestawrati l-kundizzjonijiet għat-tkabbir sostenibbli u l-investiment.
Il-finanzi pubbliċi ġew ikkonsolidati u proċeduri għal koordinazzjoni aħjar
tal-politiki baġitarji u ekonomiċi ġew stabbiliti. Il-BĊE aġixxa b'mod sod biex
terġa' tiddaħħal il-fiduċja fis-swieq, u l-istabbiliment tal-Unjoni Bankarja
qed jgħin biex titnaqqas il-frammentazzjoni finanzjarja u terġa' tinkiseb
il-fiduċja fiż-żona tal-Euro. L-isfruttar ta'
dan it-titjib jeħtieġ investiment fuq perjodu twil li jista' jkun il-bażi għal
tkabbir intelliġenti, sostenibbli u inklussiv. Il-kapaċità tas-sistema
finanzjarja li tidderieġi fondi lejn investimenti fit-tul se tkun essenzjali
biex tiġi żgurata l-pożizzjoni tal-Ewropa fit-triq tat-tkabbir sostenibbli. 1.2. Il-ħtieġa għal finanzjament fit-tul Il-finanzjament
fit-tul jinkorpora xi karatteristiċi ewlenin[1]:
Huwa jiffinanzja attivitajiet produttivi
li jappoġġaw it-tkabbir billi jnaqqsu l-ispejjeż, jiddiversifikaw il-mezzi
ta' produzzjoni u l-ħolqien tal-impiegi b'mod intelliġenti, sostenibbli u
inklużiv;
Huwa paċenzjuż, jiġifieri
l-investituri jqisu l-prestazzjoni u r-riskji fit-tul tal-investimenti
tagħhom, minflok il-fluttwazzjoni fil-prezzijiet fuq perjodu qasir. Din
il-perspettiva fit-tul taġixxi b'mod antiċikliku u tippromwovi
l-istabbiltà finanzjarja;
Huwa involut, jiġifieri
l-investituri jqisu aspetti fuq terminu itwal ta' żmien bħal kwistjonijiet
ambjentali, soċjali, ta' governanza u oħrajn fl-istrateġiji ta'
investiment tagħhom.
L-infrastruttura
u l-SMEs huma kontributuri ewlenin għat-tkabbir sostenibbli. Infrastruttura
ta' kwalità għolja ttejjeb il-produttività tal-bqija tal-ekonomija, tippermetti
t-tkabbir, u tiffaċilita l-interkonnessjoni tas-suq intern: Il-ħtiġijiet ta'
investiment għaln-netwerks tat-trasport, l-enerġija u l-infrastruttura tat-telekomunikazzjoni
ta' importanza fil-livell tal-UE huma stmati għal EUR 1 triljun
għall-perjodu sal-2020[2].
Se jkun meħtieġ ukoll investiment sinifikanti fil-kapital uman[3] u
fir-R&Ż, teknoloġiji ġodda u innovazzjoni skont l-istrateġija Ewropa 2020 u
l-pakkett dwar il-klima u l-enerġija tal-2030[4].
L-SMEs
jirrappreżentaw madwar żewġ terzi tal-impjiegi u kważi 60 % tal-valur
miżjud fl-UE. Huma jikkontribwixxu b'mod sinifikanti għat-tkabbir tal-PDG
permezz tal-importanza kumplessiva tagħhom kif ukoll l-abbiltà tagħhom
għall-innovazzjoni, it-tkabbir u l-ħolqien ta' impjiegi. Il-klima ta'
inċertezza u averżjoni għar-riskju maħluqa mill-kriżi finanzjarja u ekonomika
laqtet kemm id-domanda kif ukoll il-provvista tal-finanzjament. Fuq in-naħa
tad-domanda, dan ġie evidenzjat permezz ta' tnaqqis fid-domanda mill-SMEs,
is-Sħubijiet Pubbliċi Privati u proġetti oħra ta' investiment li jeħtieġu
finanzjament fit-tul, li jirriżulta f'livell inferjuri ta' investiment u
finanzjament fit-tul. Fuq in-naħa tal-provvista, il-kriżi żiedet l-averżjoni
għar-riskju, u dan wassal għal preferenza għal-likwidità li, flimkien
mad-diżingranaġġ tal-banek, affettwat l-abbiltà tal-ekonomija li tiffinanzja
lilha nnifisha fuq maturitajiet twal. Livelli subottimali ta' finanzjament
fit-tul ukoll jirriflettu fallimenti tas-suq u ineffiċjenzi fil-katina
tal-intermedjazzjoni.[5] L-indirizzar ta'
dawn il-kwistjonijiet huwa prijorità għall-Ewropa. Il-kapaċità tal-ekonomija li
tagħmel disponibbli finanzjament fit-tul, u ssaħħaħ il-kompetittività tal-ekonomija
u l-industrija Ewropej, tiddependi fuq il-ħila tagħha li tidderieġi t-tfaddil
permezz ta' settur finanzjarju miftuħ, sikur u kompetittiv. Għal dan l-għan,
iċ-ċertezza legali u l-kunfidenza tal-investitur huma essenzjali. 1.3. Green Paper u konsultazzjoni pubblika dwar
il-finanzjament fit-tul Fil-25 ta' Marzu
2013, il-Kummissjoni Ewropea adottat Green Paper dwar il-finanzjament fit-tul,
li bdiet dibattitu wiesa' dwar id-diversi fatturi li huma l-mutur tal-abbiltà
tal-ekonomija Ewropea li tattira l-fondi li teħtieġ sabiex issostni u
taċċellera l-irkupru tagħha. Il-Green Paper kellha l-għan li tesplora kif
it-tfaddil tal-gvernijiet, il-korporazzjonijiet u l-unitajiet domestiċi jistgħu
jiġu diretti aħjar lejn il-ħtiġijiet ta' finanzjament fit-tul. Il-konsultazzjoni
tal-Green Paper kienet milqugħa pożittivament ħafna mill-partijiet interessati
u attirat 292 tweġiba mill-partijiet kollha tal-ekonomija[6].
Maġġoranza kbira tal-partijiet interessati qablu mal-ħtieġa li jiżdiedu s-sorsi
ta' finanzjament fit-tul fl-Ewropa, filwaqt li rrikonoxxew ir-rwol importanti
li l-banek se jkomplu jkollhom, b'mod partikolari għall-SMEs. Filwaqt li
ambjent regolatorju definit tajjeb u stabbli ġie enfasizzat bħala importanti
ħafna, bosta partijiet interessati talbu wkoll kalibrazzjoni aħjar tar-riforma
regolatorja sabiex jittieħed kont tal-għanijiet tal-finanzjament fit-tul. 1.4. Inizjattivi oħra ta' politika Ewropej u
internazzjonali Id-dibattitu
dwar il-finanzjament fit-tul ġie rifless fil-livell Ewropew u dak internazzjonali.
Il-Kumitat Ekonomiku u Finanzjarju stabbilixxa Grupp ta' Esperti ta' Livell
Għoli, li ppubblika r-rapport tiegħu f'Diċembru 2013[7],
iffokat fuq l-SMEs u l-infrastruttura. Fis-26 ta' Frar 2014, il-Parlament
Ewropew adotta riżoluzzjoni[8]
dwar il-finanzjament fit-tul tal-ekonomija Ewropea. Ir-riżoluzzjoni tinkludi
ħafna mill-kwistjonijiet koperti minn din il-Komunikazzjoni. Fil-livell
internazzjonali, il-G20 approva f'Settembru 2013 pjan ta' ħidma dwar
il-finanzjament għall-investiment[9]
u stabbilixxa grupp ta' ħidma sabiex iwettaq aktar xogħol dwar il-finanzjament
fit-tul. L-OECD żviluppat prinċipji ta' livell għoli għal investituri
istituzzjonali meta dawn jinvolvu ruħhom f'finanzjament fit-tul[10]. *** F'dan l-isfond u
fuq il-bażi tal-konsultazzjoni dwar il-Green Paper, din il-Komunikazzjoni
tippreżenta sett ta' azzjonijiet konkreti. Li jiġi żviluppat u diversifikat kif
jiġi ffinanzjat l-investiment fit-tul hija ħidma kumplessa u multidimensjonali,
bla ebda azzjoni unika jew "mirakoluża", iżda b'firxa ta'
reazzjonijiet u inizjattivi. L-azzjonijiet proposti f'din il-Komunikazzjoni
jiffokaw fuq (i) li jiġu mmobilizzati sorsi privati ta' finanzjament fit-tul,
(ii) isir użu aħjar mill-finanzi pubbliċi, (iii) jiġu żviluppati s-swieq
kapitali, (iv) jittejjeb l-aċċess tal-SMEs għall-finanzjament, (v) jiġi attirat
finanzjament privat għall-infrastruttura, u (vi) jittejjeb l-ambjent ġenerali
għal finanzi sostenibbli. Il-Kummissjoni
llum ukoll qed tippreżenta, flimkien ma' din il-Komunikazzjoni:
Proposta
għal reviżjoni tad-Direttiva tal-Provvediment għall-Irtirar Okkupazzjonali
(IORP) sabiex jiġi appoġġat l-iżvilupp ulterjuri tal-pensjonijiet
tax-xogħol, tip importanti ta' investitur istituzzjonali fit-tul fl-UE;
Komunikazzjoni
dwar il-finanzjament kollettiv, sors dejjem jikber ta' finanzjament
għall-SMEs.
2. Il-mobilizzazzjoni ta' sorsi privati ta' finanzjament
fit-tul
L-appoġġ
tas-self responsabbli mill-banek u l-inkoraġġiment ta' sorsi mhux bankarji ta'
finanzjament, bħall-investituri istituzzjonali, inklużi kumpaniji
tal-assigurazzjoni, fondi ta' pensjonijiet, fondi ta' investiment tradizzjonali
jew alternattivi, fondi sovrani jew fondazzjonijiet huwa kruċjali: filwaqt li
banek se jkomplu jkollhom rwol sinifikanti, id-diversifikazzjoni
tal-finanzjament hija importanti fuq perjodu qasir biex titjieb
id-disponibbiltà tal-finanzjament, kif ukoll fuq medda twila ta' żmien, biex
l-ekonomija Ewropea tkun tiflaħ aktar għal kriżijiet futuri. Banek
Skont
ir-Regolament dwar ir-Rekwiżiti Kapitali (CRR) u d-Direttiva dwar ir-Rekwiżiti
Kapitali IV (CRD IV)[11]
li qed jiġu introdotti gradwalment minn Jannar 2014, il-banek huma meħtieġa li
jżommu livelli ogħla ta' kapital, u jżidu l-abilità tagħhom li jassorbu telf
potenzjali. Valutazzjoni ta' kemm huma xierqa r-rekwiżiti tas-CRR għall-finanzjament
fit-tul se ssir mill-Kummissjoni f'żewġ stadji, fl-2014 u l-2015. Il-banek
se jkunu soġġetti wkoll għal rekwiżiti ġodda tal-immaniġġar tal-likwidità
sabiex ikunu jistgħu jassorbu x-xokkijiet għal għarrieda tal-likwidità. Filwaqt
li dan jista' joħloq aktar fiduċja fis-sistema finanzjarja, hemm min isostni li
regoli aktar stretti tal-likwidità jistgħu jkollhom impatt fuq l-abbiltà
tal-banek li jsellfu b'maturitajiet twal. L-implimentazzjoni tal-Proporzjon
tal-Kopertura tal-Likwidità (LCR, proporzjon tal-likwidità fuq medda ta' xahar)
fl-Ewropa u d-diskussjonijiet internazzjonali attwali dwar id-definizzjoni ta'
Proporzjon ta' Ffinanzjar Stabbli Nett (NSFR, proporzjon tal-likwidità fuq
medda ta' sena) għandha ssib il-bilanċ ġust bejn it-titjib tar-reżiljenza
tas-settur bankarju għax-xokkijiet tal-likwidità u l-evitar ta'
restrizzjonijiet eċċessivi fuq it-trasformazzjoni tal-maturità li jiskoraġġixxu
l-finanzjament fit-tul.[12]
Barra minn hekk, is-CRR jipprovdi għal implimentazzjoni gradwali tal-LCR u
jintroduċi perjodu ta' osservazzjoni twil qabel ma jkun hemm xi proposta
leġiżlattiva dwar l-NSFR. Ir-riformi
bankarji u b'mod partikolari l-Unjoni Bankarja huma kruċjali sabiex tiġi
rrestawrata l-fiduċja fis-settur finanzjarju u titnaqqas il-frammentazzjoni
attwali tas-suq, li taffettwa partikolarment il-finanzjament tal-SMEs. Ladarba
dawn ir-riformi jitwettqu, min jissellef u l-investituri għandhom jibbenefikaw
minn suq akbar, aktar profond u rregolat u taħt superviżjoni aħjar. Il-proposta
ta' riforma strutturali bankarja Ewropea reċenti[13] hija
importanti wkoll, minħabba li għandha l-għan li tissalvagwardja l-attivitajiet
finanzjarji ewlenin, bħas-self lill-ekonomija, billi tisseparahom minn
attivitajiet riskjużi tan-negozjar. Dan irażżan ukoll is-sussidju trażversali
ta' attivitajiet kummerċjali attwali mid-depożiti, u b'hekk jiżdiedu
l-inċentivi għall-banek biex isellfu lill-ekonomija reali. Azzjonijiet
Il-Kummissjoni se tħejji wkoll
rapporti dwar l-adegwatezza tar-rekwiżiti tas-CRR li jirrigwardaw
il-finanzjament fit-tul sal-2014[14] u
l-2015[15].
Il-Kummissjoni se tqis bil-mod
l-aktar sħiħ, fit-tħejjija tal-Att Delegat dwar l-LCR[16]
(mistenni fl-ewwel nofs tal-2014) u l-kalibrazzjoni finali tal-NSFR[17],
il-ħtieġa li ma jiġix ristrett b'mod mhux xieraq il-finanzjament fit-tul
mill-banek. Barra minn hekk, għandu jittieħed vantaġġ sħiħ mill-perjodu
ta' monitoraġġ fis-CRR sabiex jiġu aġġustati u indirizzati l-konsegwenzi
mhux intenzjonati potenzjali tar-regoli tal-likwidità l-ġodda
għall-investiment fit-tul.
Il-kumpaniji
tal-assigurazzjoni Investituri
istituzzjonali bħal kumpaniji tal-assigurazzjoni huma fornituri adattati ta'
finanzjament fit-tul. Filwaqt li l-investiment mill-investituri istituzzjonali
f'assi inqas likwidi bħal assi tal-infrastruttura kien limitat, it-tfittxija
ta' redditu ogħla f'ambjent ta' rati tal-interessi baxxi qiegħda żżid l-aptit
tagħhom għal dawn l-assi. Solvenza
II[18],
applikabbli mill-1 ta' Jannar 2016, se tirrevoka ċerti ostakli
għall-investiment, partikolarment għal klassijiet ta' assi anqas likwidi, li
bħalissa jeżistu fl-Istati Membri. L-assiguraturi ser ikunu ħielsa li jinvestu
fi kwalunkwe tip ta' assi skont il-prinċipju tal-"persuna prudenti",
skont liema huma għandhom ikunu jistgħu "jidentifikaw, ikejlu, jimmonitorjaw,
jimmaniġġaw, jikkontrollaw u jirrappurtaw"[19]
ir-riskji assoċjati ma' dawn l-assi. Huwa
argumentat li t-tisħiħ tar-rekwiżiti kapitali biex jinqabdu r-riskji kollha
kwantifikabbli, inkluż ir-riskju tas-suq (li ma kienx meqjus fir-reġim legali
preċedenti, Solvenza I) jista' jinfluwenza l-komportament tal-investiment
u l-prospettiva fit-tul tal-assiguraturi bħala investituri istituzzjonali.[20] Għal
din ir-raġuni, il-Kummissjoni talbet lill-Awtorità Ewropea tal-Assigurazzjoni u
l-Pensjonijiet tax-Xogħol (EIOPA) f'Settembru 2012 biex teżamina jekk
il-kalibrar u d-disinn ta' rekwiżiti kapitali kienx jeħtieġ xi aġġustament,
mingħajr ma tiġi pperikolata l-effikaċja prudenzjali tas-sistema, b'mod
partikolari għall-investimenti fl-infrastruttura, l-SMEs u n-negozji soċjali (inkluża
t-titolizzazzjoni ta' dejn li sservi dawn l-għanijiet). L-analiżi tal-EIOPA
ngħatat f'Diċembru 2013.[21]
Hija tirrakkomanda kriterji li jiddefinixxu titolizzazzjoni ta' kwalità għolja
u tfassal trattament aktar favorevoli għal dawn l-istrumenti, billi tbaxxi
l-fatturi tal-istress korrispondenti.[22]
Dan huwa pass ewlieni fl-aġenda wiesgħa ta' trawwim ta' swieq sostenibbli
tat-titolizzazzjoni (ara t-taqsima 4 dwar it-titolizzazzjoni).
Il-Kummissjoni se tqis l-aħħar rapport tal-EIOPA meta tkun qed tifformula l-Atti
Delegati rilevanti għas-Solvenza II, inklużi aġġustamenti possibbli
għat-trattament tal-klassijiet tal-assi l-oħra apparti t-titolizzazzjoni
(l-infrastruttura, l-SMEs u n-negozji soċjali), kif stabbilit fil-mandat
oriġinali tal-EIOPA. Barra
minn hekk, id-Direttiva Omnibus II[23]
se tintroduċi miżuri f'Solvenza II li huma speċifikament maħsuba biex
isaħħu l-inċentivi eżistenti sabiex jiġu ppariġġati l-obbligazzjonijiet fit-tul
b'assi fit-tul u sabiex dawn jinżammu sal-maturità. Il-lista ta' assi eliġibbli
għall-użu tal-aġġustament tal-pariġġ twessgħet biex tinkludi investimenti
fit-tul ewlenin bħal bonds tal-proġetti infrastrutturali. Azzjonijiet
Il-Kummissjoni biħsiebha tadotta
mhux aktar tard minn Settembru 2014 l-Att Delegat għal
Solvenza II, inkluż għadd ta' inċentivi biex jistimulaw l-investiment
fit-tul mill-assiguraturi.
Fondi
tal-pensjoni Il-fondi
tal-pensjoni huma investituri istituzzjonali b'obbligazzjonijiet fit-tul. Bħala
tali, għandhom il-kapaċità li jkunu investituri "paċenzjużi".
Il-Kummissjoni tesprimi sodisfazzjoni għall-fatt li l-fondi tal-pensjonijiet
qegħdin dejjem aktar jirrikorru għall-investimenti alternattivi bħall-ekwità
privata u l-infrastruttura biex jiddiversifikaw l-portafolli u jipprovdu
redditu ogħla[24].
Il-proposta IORP 2 adottata llum tista' tikkontribwixxi għal aktar investiment
fit-tul minn fondi tal-pensjonijiet tax-xogħol billi tillimita
l-possibbiltajiet għall-Istati Membri li jirrestrinġu ċerti tipi ta'
investiment fit-tul. Minbarra
fondi tal-pensjonijiet tax-xogħol, prodotti tal-pensjoni personali wkoll
għandhom il-potenzjal li jrawmu l-investiment fit-tul. F'Novembru 2012,
il-Kummissjoni stiednet lill-EIOPA biex tipprepara pariri tekniċi dwar
l-iżvilupp ta' qafas għall-UE kollha għall-attivitajiet u s-superviżjoni ta'
prodotti tal-pensjoni personali[25].
Dan ikun jirrappreżenta opportunità biex jiġi mmobilizzat aktar tfaddil
għall-finanzjament tal-investiment fit-tul, u b'hekk jitrawmu kemm
l-adegwatezza tal-introjtu tal-irtirar kif ukoll it-tkabbir ekonomiku. L-EIOPA
ntalbet tikkunsidra mill-inqas żewġ approċċi: (i) l-iżvilupp ta' regoli komuni
li jippermettu l-attività transfruntiera tal-iskemi tal-pensjonijiet
nazzjonali; jew (ii) l-iżvilupp tad-29 reġim fejn ir-regoli tal-UE ma
jissostitwixxux ir-regoli nazzjonali, iżda jkunu alternattiva għalihom. L-EIOPA
pproduċiet rapport preliminari dwar il-prodotti tal-pensjoni personali fi Frar
tal-2014. Azzjonijiet
Is-servizzi
tal-Kummissjoni se joħorġu Sejħa għall-Pariri komprensiva lill-EIOPA
fit-tieni nofs tal-2014 bil-għan li jinħoloq suq uniku għall-pensjonijiet
personali u għalhekk potenzjalment jiġi mmobilizzat aktar tfaddil
tal-pensjonijiet personali għall-finanzjament fit-tul.
Kontijiet
ta' tfaddil privat Il-Green Paper
irċeviet xi appoġġ mill-partijiet interessati għall-esplorazzjoni ta' modi biex
jiżdiedu l-flussi transfruntieri tat-tfaddil, inkluż permezz tal-introduzzjoni
ta' kont ta' tfaddil tal-UE li jkollu l-għan li joffri qafas standardizzat biex
dawk li jfaddlu jiġu inkoraġġiti jikkontribwixxu għall-finanzjament fit-tul.
Tali eżerċizzju l-ewwel jagħti ħarsa lejn mudelli nazzjonali u jikkunsidra
aspetti bħal rati ta' rimunerazzjoni, il-protezzjoni nazzjonali tad-depożiti,
il-kumplimentarjetà ma' skemi nazzjonali eżistenti, il-ġbir tal-fondi u
l-kriterji għall-għoti ta' self. Azzjonijiet
Is-servizzi tal-Kummissjoni se jwettqu
sal-aħħar ta' 2014 studju ta' fallimenti possibbli tas-suq u nuqqasijiet
oħra dwar flussi transfruntieri tat-tfaddil, inkluża ħarsa ġenerali lejn
mudelli ta' kontijiet tat-tfaddil nazzjonali u valutazzjoni
tal-opportunità tal-introduzzjoni ta' kont tat-tfaddil tal-UE.
3. Isir użu
aħjar mill-finanzjament pubbliku Is-settur
pubbliku huwa kontributur ewlieni għall-formazzjoni tal-kapital gross fil-forma
ta' investiment tanġibbli u intanġibbli. Huma meħtieġa sforzi sabiex jiġi
żgurat użu aktar trasparenti u effiċjenti tal-fondi pubbliċi, sabiex jiġi
mmassimizzat ir-redditu fuq l-investiment pubbliku, il-kontribuzzjoni tiegħu
għat-tkabbir u l-kapaċità tiegħu li jimmobilizza l-investiment privat. Il-Kummissjoni
se tkompli timmonitorja l-politiki fiskali tal-UE-28, inklużi l-kwalità
tan-nefqa pubblika u l-konformità mal-Proċedura tad-Defiċit Eċċessiv matul
is-Semestru tal-UE. Barra minn hekk, enfasi wiesgħa, li tindirizza wkoll
l-attività tal-banek promozzjonali nazzjonali u aġenziji ta' kreditu
għall-esportazzjoni, hija meħtieġa. Banek
Promozzjonali Nazzjonali (NPBs) Il-Banek
Promozzjonali nazzjonali u reġjonali jaqdu rwol importanti biex jikkatalizzaw
finanzi fit-tul flimkien mal-BEI/FEI u Banek Multilaterali tal-Iżvilupp (MDBs)
oħra bħall-BERŻ. F'dawn l-aħħar snin huma saħħew l-attivitajiet tagħhom,
bil-għan li jikkumpensaw għat-tnaqqis fil-karti tal-bilanċ tas-selliefa
kummerċjali. Minħabba li s-sitwazzjoni ekonomika qed tistabbilizza ruħha u
minħabba l-kapaċità ta' għoti ta' self limitata ta' dawn l-istituzzjonijiet,
hemm bżonn ta' enfasi fuq il-fallimenti tas-suq u fuq operazzjonijiet ta' valur
miżjud. Matul il-konsultazzjoni, saru sejħiet għal aktar inizjattivi konġunti
UE-nazzjonali jew multinazzjonali u għal proċeduri ssimplifikati fir-rigward
tal-promozzjoni tal-kooperazzjoni u s-sinerġiji bejn il-baġit tal-UE u
l-BEI/FEI, MDBs u NPBs, u fir-rigward ta' involviment akbar tal-NPBs
fil-politiki tal-UE u l-aċċess għall-fondi tal-UE. Il-politiki jinkludu
esternalitajiet ambjentali u klimatiċi, l-innovazzjoni, u l-iżvilupp
tal-kapital uman u soċjali. Barra minn hekk, il-kwistjoni tal-koordinazzjoni
bejn il-banek multilaterali u l-NPBs tqieset bħala importanti sabiex jiġu
ottimizzati s-sinerġiji u l-komplementaritajiet u sabiex tiġi evitata
d-duplikazzjoni tal-isforzi u tal-finanzjament. Azzjonijiet
Fl-2014,
il-Kummissjoni se tippubblika Komunikazzjoni dwar il-banek promozzjonali
biex tipprovdi gwida dwar il-prinċipji ġenerali; il-governanza u
t-trasparenza, bħala fatturi prinċipali biex tiġi żgurata l-kunfidenza
tal-investituri u kundizzjonijiet favorevoli ta' finanzjament; aspetti
tas-superviżjoni u regolatorji; u r-rwol tal-NPBs fil-koinvestiment u
t-twassil tal-fondi baġitarji tal-UE biex jappoġġaw il-prijoritajiet
tal-politika Ewropej għall-2020 u lil hinn.
Il-Kummissjoni
se tħeġġeġ u timmonitorja l-kooperazzjoni ta' NPBs mal-BEI/FEI u
possibbilment MDBs oħra kif mitlub mill-Kunsill Ewropew ta' Ġunju 2013 u
tirrapporta lill-Kunsill ta' Diċembru 2014.
Aġenziji
ta' Kreditu għall-Esportazzjoni L-aġenziji
ta' kreditu għall-esportazzjoni huma kemm investituri kif ukoll
garanti/sottoskritturi tar-riskju għall-finanzjament fit-tul. Bħala tali, dawn
jista' jkollhom rwol importanti fl-appoġġ tal-investiment transfruntier fi ħdan
l-UE, kif ukoll fl-appoġġ ta' esportazzjonijiet ta' oġġetti kapitali barra
l-UE. Dan huwa qasam fejn tensjonijiet fir-rigward tar-riskju sovran ikollhom
impatt immedjat fuq il-finanzjament fit-tul, notevolment fil-każ tal-garanziji
fit-tul. Azzjonijiet
Is-servizzi
tal-Kummissjoni se jippubblikaw rapport dwar il-promozzjoni ta'
koordinazzjoni u kooperazzjoni aħjar bejn l-iskemi nazzjonali eżistenti
tal-esportazzjoni tal-kreditu.
4.
L-iżvilupp
tas-swieq kapitali Ewropej Huwa
meħtieġ sforz ta' politika fl-Ewropa biex jiġu ddiversifikati l-mezzi ta'
finanzjament. Is-swieq Ewropej tal-kapital huma bħala medja relattivament
sottożviluppati u huma attwalment insuffiċjenti biex jagħmlu tajjeb għal-lakuna
fil-finanzjament maħluqa mid-diżingranaġġ tal-banek. Huma wkoll meħtieġa
strumenti finanzjarji xierqa li jippermettu li s-swieq finanzjarji jkollhom
rwol attiv u effettiv biex jidderieġu fondi lejn l-investiment fit-tul. Dan
jinkludi strumenti finanzjarji innovattivi marbuta mal-isfidi ewlenin tat-tkabbir
sostenibbli fl-Ewropa, bħall-bonds tal-infrastruttura, tal-klima u tal-impatt
soċjali (ara t-taqsima 6). Is-swieq
tal-ekwità u tal-bonds korporattivi Il-finanzjamenti mis-suq
tal-kapital sofra b'mod sinifikanti sa mill-kriżi iżda x-xejra negattiva tmur
lura għas-snin disgħin. In-numri ta' Offerti Pubbliċi Inizjali (IPOs) fl-Ewropa
u l-Istati Uniti huma bejn wieħed u ieħor ħames darbiet anqas min-numri ta'
qabel l-1999[26].
Studji li saru fl-Istati Uniti juru wkoll li ż-żmien sal-IPO irdoppja, minn 4,8
snin fil-bidu tas-snin 1980 għal aktar minn 9 snin mill-2007 'l hawn[27].
Ukoll meta wieħed iqis in-natura ċiklika tal-IPOs, dawn ix-xejriet huma
inkwetanti b'mod partikolari f'termini ta' ħolqien tal-impjiegi billi l-istess
studji Amerikani juru li 92 % tat-tkabbir f'kumpanija jseħħ wara l-IPO.
It-twaqqif ta' Grupp ta' Ħidma għall-IPOs minn diversi assoċjazzjonijiet
tas-suq[28]
biex jindirizzaw dawn il-kwistjonijiet huwa żvilupp pożittiv. Il-ħruġ ta' bonds korporattivi
jintuża minn kumpaniji kbar u kklassifikati, fejn il-bonds jinħarġu
f'denominazzjonijiet kbar u jiġu mixtrija minn istituzzjonijiet finanzjarji.
Dan is-suq kien qed jikber matul dawn l-aħħar snin. Dawn l-istrumenti huma
madankollu mhux tipikament disponibbli għall-SMEs u kumpaniji b'kapitalizzazzjoni
medja, għalkemm f'dawn l-aħħar snin inħolqu wkoll bosta swieq għall-bonds
bl-imnut fil-Ġermanja (is-suq BondM imniedi fl-2010), ir-Renju Unit (ORB mniedi
fl-2010), Franza (IBO imniedi fl-2012) u l-Italja (ExtraMOT PRO imniedi
fl-2013). Minkejja dawn l-inizjattivi
nazzjonali, is-swieq Ewropej tal-kapital kemm għall-bonds kif ukoll
għall-ekwitajiet għadhom frammentati u mhux attraenti biżżejjed għall-SMEs u
l-kumpaniji b'kapitalizzazzjoni medja, b'livelli baxxi ta' investiment
transfruntier f'titoli li mhumiex blue chips. Għad hemm ostakli importanti bħal
liġijiet differenti dwar it-titoli u l-falliment. Azzjonijiet
L-att
delegat mill-Kummissjoni previst fl-MiFID 2[29]
se jiżgura li r-rekwiżiti għas-swieq tat-tkabbir tal-SME jimminimizzaw
il-piż amministrattiv għall-emittenti f'dawn is-swieq, filwaqt li jżomm
livelli għoljin ta' protezzjoni tal-investitur. Dawn ir-rekwiżiti
jinkludu l-proporzjon minimu ta' emittenti tal-SMEs fuq dawn is-swieq,
kriterji xierqa għall-ammissjoni għan-negozjar, informazzjoni
għall-investituri u rappurtar finanzjarju.
Is-servizzi
tal-Kummissjoni se jwettqu studju dwar jekk, wara t-titjib introdott
mill-MiFID 2 għat-titoli mhux ta' ekwità, miżuri ulterjuri humiex meħtieġa
sabiex jippermettu l-ħolqien ta' suq sekondarju likwidu u trasparenti
għan-negozjar ta' bonds korporattivi fl-UE.
Il-Kummissjoni
ser tivvaluta l-implikazzjonijiet u l-effetti tar-regoli tad-Direttiva
tal-Prospetti sal-aħħar tal-2015[30].
Dan se jinkludi b'mod partikolari valutazzjoni tar-reġim tad-divulgazzjoni
proporzjonata għall-emittenti SMEs u kumpaniji b'kapitalizzazzjoni tas-suq
iżgħar.
Il-Kummissjoni
se tesplora jekk il-kriterji tal-eliġibilità għal investimenti minn
Impriżi ta' Investiment Kollettiv f'Titoli Trasferibbli (UCITS) jistgħux
jiġu estiżi għal titoli elenkati fis-swieq tat-tkabbir tal-SMEs li juru
ċerti karatteristiċi ta' likwidità, fid-dawl tal-implimentazzjoni
tal-qafas MiFID 2. Il-kwistjoni ta' jekk il-Fondi Ewropej tal-Investiment
fuq Terminu Twil (ELTIFs) għandhomx ukoll ikunu jistgħu jinvestu f'SMEs
elenkati hija kwistjoni ewlenija li qed tiġi diskussa bħalissa fil-kuntest
tal-proposta ELTIF tal-Kummissjoni[31].
Il-proposta tal-Kummissjoni diġà tinkludi SMEs mhux elenkati bħala parti
mill-klassijiet tal-assi li jkunu eliġibbli għal investiment ELTIF.
Titolizzazzjoni
It-tranżazzjonijiet ta'
titolizzazzjoni jippermettu lill-banek jirrifinanzjaw is-self billi jippuljaw
l-assi u jikkonvertuhom f'titoli li huma attraenti għall-investituri
istituzzjonali. Minn perspettiva ta' bank, dawn it-tranżazzjonijiet jisfruttaw
ir-riżorsi kapitali, u jżidu l-kapaċità tal-banek li jespandu l-għoti ta' self
tagħhom u jiffinanzjaw it-tkabbir ekonomiku. Għall-investituri istituzzjonali
dawn it-titoli, jekk ikunu ta' daqs suffiċjenti, joffru opportunitajiet ta' investiment
likwidu fi klassijiet ta' assi li fihom ma jinvestux direttament, pereżempju
l-SMEs jew l-ipoteki. Xi mudelli ta'
titolizzazzjoni kienu rregolati b'mod inadegwat fil-passat. Id-dgħufijiet ta'
dawn il-mudelli ġew identifikati kmieni u ġew indirizzati fir-riforma
finanzjarja sussegwenti tal-UE. Ir-rekwiżiti tar-ritenzjoni tar-riskju
("skin-in-the-game") ilhom stabbiliti fis-settur bankarju tal-UE sa
mill-2011 u twessgħu għas-setturi finanzjarji kollha. Barra minn hekk,
l-obbligi ta' divulgazzjoni ġew rinfurzati biex jippermettu lill-investituri
jiżviluppaw fehim sħiħ tal-istrumenti li huma jinvestu fihom. Ħafna azzjonijiet konkreti qed
jittieħdu mill-awtoritajiet sabiex jagħmlu t-tranżazzjonijiet ta'
titolizzazzjoni aktar standardizzati u trasparenti, u b'hekk issaħħu
l-kunfidenza tal-investituri[32].
L-istituzzjonijiet u l-aġenziji tal-UE jeħtieġ li jżidu l-kooperazzjoni tagħhom
u jiżviluppaw sinerġiji, pereżempju f'termini ta' standardizzazzjoni
tal-mudelli tar-rappurtar. Minbarra dan, inizjattivi ggwidati mill-industrija
bħall-implimentazzjoni tal-ittikkettar jikkontribwixxu wkoll għal dawn
l-objettivi. Minkejja dawn il-miżuri, l-ebda
rkupru sostanzjali ta' dan is-suq ma kien osservat s'issa. Fil-parti l-kbira
dan hu minħabba l-istigma li għadha marbuta ma' dawn it-tranżazzjonijiet u
t-trattament regolatorju tagħhom. Bosta partijiet interessati talbu għal
differenzazzjoni tal-prodotti ta' titolizzazzjoni għal finijiet prudenzjali
sabiex jitrawwem l-iżvilupp ta' swieq ta' titolizzazzjoni sostenibbli. Ir-rapport
tekniku tal-EIOPA għal Solvenza II u l-proposta tal-Kummissjoni dwar ir-riforma
strutturali bankarja introduċew differenzjazzjoni għal prodotti ta'
titolizzazzjoni ta' kwalità "għolja". Azzjonijiet ·
Il-Kummissjoni se taħdem fuq id-differenzjazzjoni
ta' prodotti ta' titolizzazzjoni ta' kwalità "għolja" sabiex tiżgura
l-koerenza bejn is-setturi finanzjarji u regolatorji u tesplora l-possibbiltà
ta' trattament regolatorju preferenzjali kompatibbli mal-prinċipji prudenzjali.
Il-Kummissjoni se tikkunsidra l-introduzzjoni ta' dan l-approċċ
fil-leġiżlazzjoni relevanti tal-UE fis-setturi finanzjarji kollha.
Il-Kummissjoni b'mod partikolari se tikkunsidra żidiet possibbli futuri
fil-likwidità ta' għadd ta' prodotti ta' titolizzazzjoni wara aktar differenzjazzjoni
u standardizzazzjoni. ·
Il-Kummissjoni se taħdem mal-korpi internazzjonali
li jissettjaw l-istandards, b'mod partikolari mal-Kumitat ta' Basel u
l-Organizzazzjoni Internazzjonali tal-Kummissjonijiet tat-Titoli (IOSCO),
sabiex tiżviluppa u timplimenta standards globali speċjalment dwar ir-regoli
dwar ir-ritenzjoni tar-riskju, l-istandardizzazzjoni u t-trasparenza ta'
kwalità għolja biex tiżgura l-konsistenza u tevita l-arbitraġġ regolatorju. Bonds
koperti Il-bonds koperti
jinkorporaw mezz standard għall-aċċess għas-swieq tal-kapital
għall-finanzjament sostnut minn assi ta' kwalità tajba. Filwaqt li
għall-investituri, dawn l-istrumenti jipprovdu sikurezza u likwidità fuq titoli
insubordinati mhux garantiti, għall-emittenti huma jipprovdu benefiċċji bħal
finanzjament kosteffiċjenti u diversifikazzjoni tal-finanzjament. Minkejja li
bosta regoli tal-UE jirreferu għal Bonds Koperti, bħalissa ma hemm l-ebda qafas
armonizzat uniku. Xi Stati Membri ma għandhomx leġiżlazzjoni speċifika
fis-seħħ. Madankollu kien hemm xi konverġenza wara l-iżvilupp tal-kriterji
tal-eliġibbiltà għar-rekwiżiti kapitali preferenzjali fis-settur bankarju fi
standard tas-suq aċċettat b'mod wiesa'[33]. Azzjonijiet ·
Il-Kummissjoni se teżamina t-trattament tal-bonds
koperti tas-CRR sal-aħħar tal-2014[34]
bil-ħsieb li tibni l-bażi għal suq integrat Ewropew tal-bonds koperti.
Ir-rieżami se jqis il-kwalità tal-kreditu, il-kollateral eliġibbli u
t-trasparenza. Jista' wkoll jesplora t-tisħiħ tas-superviżjoni, l-eżegwibbiltà
tad-drittijiet preferenzjali u l-aspetti tas-segregazzjoni tal-falliment. ·
Filwaqt li jqisu s-sejbiet tar-rieżami deskritt
hawn fuq, is-servizzi tal-Kummissjoni se jniedu studju dwar il-merti li jiġi
introdott qafas tal-UE għall-bonds koperti. Allokazzjonijiet
privati Allokazzjonijiet privati
jistgħu joffru alternattiva għall-għoti ta' self bankarju u l-ħruġ ta' bonds
korporattivi, u potenzjalment iwessgħu d-disponibilità tal-finanzi għal
kumpaniji mhux elenkati ta' daqs medju jew kbir u potenzjalment proġetti ta'
infrastruttura. Il-qafas regolatorju attwali jippermetti l-allokazzjonijiet
privati u xi Stati Membri diġà żviluppaw dawn is-swieq (pereżempju, is-suq
tax-"Schuldschein" fil-Ġermanja u l-"Euro PP" fi Franza).
Hemm dejjem aktar provvista u domanda għal dan il-kanal ta' finanzjament, kif
muri mit-tkabbir tas-swieq eżistenti fl-UE u mill-għadd ta' emittenti Ewropej
li jaċċessaw is-suq tal-allokazzjonijiet privati tal-Istati Uniti[35]. Madankollu, din l-attività
ma qabditx ritmu fuq skala Ewropea usa'. Ir-raġunijiet jinkludu nuqqas ta'
dokumentazzjoni u informazzjoni standardizzata dwar l-affidabbiltà kreditizja
tal-emittenti u n-nuqqas ta' likwidità fis-suq sekondarju. Billi
l-informazzjoni dwar l-irkupru hija partikolarment importanti għall-investituri
f'dawn il-prodotti, id-differenzi fil-liġijiet Ewropej dwar il-falliment
issemmew ukoll bħala ostakli għall-iżvilupp ta' suq aktar wiesa' transfruntier
tal-allokazzjonijiet privati. Azzjonijiet ·
Is-servizzi tal-Kummissjoni se jagħmlu sal-aħħar
tal-2014 studju biex jagħtu stampa tas-swieq tal-allokazzjonijiet privati
fl-Ewropa meta mqabbla ma' postijiet/prattiċi oħra, janalizzaw il-fatturi
ewlenin fis-suċċess tagħhom u jiżviluppaw rakkomandazzjonijiet ta' politika
dwar kif dan is-suċċess jista' jiġi rreplikat b'mod aktar wiesa' madwar l-UE.
Ir-riskji potenzjali se jiġu analizzati wkoll, billi s-swieq tal-allokazzjonijiet
privati huma min-natura tagħhom anqas trasparenti mis-swieq kapitali pubbliċi u
huma ferm illikwidi. L-istudju se jibni fuq il-konsultazzjoni pubblika u
l-valutazzjoni tal-impatt li twettqu fl-2007/2008[36]. 5.
It-titjib
tal-aċċess tal-SMEs għall-finanzjament Id-dipendenza
partikolari tal-SMEs fuq il-finanzjament tal-banek tfisser li sofrew l-aktar
matul il-kriżi. Dawn għadhom qed isibuha diffiċli li jiksbu self,
partikolarment fl-ekonomiji periferiċi parzjalment minħabba l-frammentazzjoni
tas-settur bankarju[37].
Kwistjoni
ewlenija għall-finanzjament tal-SMEs hija li tiġi ffaċilitata t-tranżizzjoni
minn start-ups għal SMEs għal kumpaniji b'kapitalizzazzjoni medja jiġifieri
tranżizzjoni fl-hekk imsejjaħ "taraġ tal-finanzjament". Hekk kif dawn
javvanzaw fiċ-ċiklu tal-ħajja tagħhom, l-SMEs jużaw taħlita ta' sorsi ta'
finanzjament inkluż id-dejn mal-bank u l-ekwità esterna mingħand investitur
informali, kapital tar-riskju, fondi ta' ekwità privata u fl-aħħar mill-aħħar
is-swieq tal-kapital. L-SMEs spiss isibuha diffiċli li jagħmlu t-tranżizzjoni
minn taħlita ta' sorsi ta' finanzjament għal oħra. Bejn stadji differenti ta'
tkabbir, il-kumpaniji jiffaċċjaw "laguni fil-finanzjament" u
"laguni fl-edukazzjoni". Dan jirrigwarda b'mod partikolari l-istadju
bikri u l-istadju tat-tkabbir, parzjalment minħabba l-finanzjament limitat
tal-kapital tar-riskju fl-Ewropa. Fl-2011
il-Kummissjoni adottat Pjan ta' Azzjoni dwar il-finanzjament tal-SMEs. Ħafna
minn dawn l-azzjonijiet ġew implimentati, inklużi miżuri regolatorji, programmi
finanzjarji u inizjattivi ta' faċilitazzjoni. Ħarsa ġenerali lejn
l-implimentazzjoni tal-Pjan ta' Azzjoni hija pprovduta fid-Dokument ta' Ħidma
tal-Persunal li jakkumpanja din il-Komunikazzjoni. Xi wħud minn dawn
l-azzjonijiet għadhom għaddejjin, bħall-inizjattivi biex jiġu indirizzati
l-laguni tal-edukazzjoni u l-informazzjoni tal-SMEs permezz tan-Netwerk
Enterprise Europe. In-Netwerk futur li se jsir operattiv fl-2015[38] se
jipprovdi pariri u għajnuna aktar estensivi lill-SMEs dwar kif jiksbu aċċess
għall-finanzi, u se jikkoopera mill-qrib ma' fornituri ta' servizzi lokali oħra
bħall-intermedjarji finanzjarji u l-kontabilisti. Bosta
programmi ta' kkowċjar ġew żviluppati fuq il-livell nazzjonali, b'mod
partikolari sabiex l-SMEs jitħejjew għall-aċċess għas-swieq tal-kapital
(bħall-programm ELITE żviluppat mill-Borsa Italiana)[39]. Problema
ta' spiss ikkwotata bħala ostakolu li tradizzjonalment għamel l-SMEs aktar
dipendenti fuq il-finanzjamenti bankarju lokali huwa n-nuqqas ta' informazzjoni
ta' kreditu adegwata, paragunabbli, affidabbli u faċilment disponibbli dwar
l-SMEs. Il-Kummissjoni organizzat workshop f'Novembru 2013 ma' firxa wiesgħa
ta' partijiet interessati biex tiddiskuti prattiki nazzjonali privati u
pubbliċi u inizjattivi ġodda, bil-għan li jinstabu mezzi sabiex tittejjeb
l-informazzjoni dwar l-SMEs. Il-workshop ikkonferma li hemm ostakli ċari
għall-aċċess tal-investituri u l-fornituri tal-finanzjament għal informazzjoni
dwar l-SMEs, affidabbli, disponibbli u komparabbli madwar l-UE. Dawn l-ostakli
huma parzjalment dovuti għad-differenzi vasti bejn l-Istati Membri fuq il-grad
ta' informazzjoni pubblika u d-divulgazzjoni tagħha, l-aktar minħabba d-disinn
tal-oqfsa legali nazzjonali. Azzjonijiet
Is-servizzi
tal-Kummissjoni se jwettqu studju fl-2014 tal-leġiżlazzjoni u l-prattiki
tal-UE u nazzjonali li jaffettwaw id-disponibbiltà tal-informazzjoni
tal-kreditu tal-SMEs, bil-għan li jiġu kkunsidrati approċċi possibbli
tal-UE għall-industrija tal-klassifikazzjoni tal-kreditu u tiġi vvalutata
l-fattibilità ta' armonizzazzjoni/żieda tal-komparabilità tad-dejta
tal-SMEs madwar l-UE.
Is-servizzi
tal-Kummissjoni se jerġgħu jniedu d-djalogu bejn il-banek u l-SMEs
bil-għan li jtejbu l-litteriżmu finanzjarju tal-SMEs, partikolarment
fir-rigward tal-feedback provdut mill-banek fuq l-applikazzjonijiet
tas-self. Is-servizzi tal-Kummissjoni se jivvalutaw ukoll l-aħjar prattiki
sabiex jgħinu lill-SMEs jaċċessaw is-swieq tal-kapital.
6. Attirar ta' finanzjament
privat għall-infrastrutturi li jimplimentaw l-Ewropa 2020 Il-finanzjament
tal-infrastruttura kien oriġinarjament l-aktar immirat lejn proġetti b'kapital
kbir bħal netwerks tat-toroq u tal-ferrovija, pipelines tal-enerġija u grids
tat-trażmissjoni u l-infrastrutturi bażiċi nazzjonali tat-telekomunikazzjoni. L-approċċ
il-ġdid miżmum taħt il-Faċilità Nikkollegaw l-Ewropa (CEF) u l-Fondi
Strutturali u tal-Investiment Ewropej (ESIF) ipoġġi enfasi fuq
is-sostenibbiltà, l-effiċjenza fl-enerġija, l-innovazzjoni, l-interoperabbiltà
u r-rabtiet f'infrastruttura Ewropea multimodali. Dan ifisser żieda fl-użu
tal-ferroviji u l-ġestjoni intelliġenti tat-traffiku fis-settur tat-trasport,
lejn il-ġenerazzjoni tal-enerġija b'livell baxx ta' karbonju u l-effiċjenza
fl-użu tal-enerġija fil-bini u lejn l-interkonnessjonijiet fis-setturi
tal-enerġija u l-ICT. L-Inizjattiva tal-UE tal-Bonds tal-Proġetti (PBI)[40] ġiet
indikata minn bosta partijiet interessati bħala eżempju pożittiv ta' kif
il-kapital privat jiġi attirat lejn proġetti tal-infrastruttura; is-servizzi
tal-Kummissjoni qed jivvalutaw għadd ta' titjib għall-PBI u l-estensjoni
possibbli ta' soluzzjonijiet ta' bonds tal-proġett għal setturi oħra
tal-infrastruttura, inkluż it-trasport sostenibbli, il-ġenerazzjoni rinnovabbli
u l-assi tal-grilji intelliġenti. B'mod
partikolari, arranġamenti prattiċi għal kontribuzzjonijiet possibbli skont
l-ESIF konformi mar-regolamenti rispettivi jistgħu jiġu eżaminati. F'dan il-kuntest, il-Kummissjoni se tinkoraġġixxi
lill-awtoritajiet aġġudikanti fl-UE kollha biex jikkunsidraw, meta dan ikun ta'
benefiċċju ekonomiku, li jinvolvu lis-settur privat meta jwettqu proġetti
tal-infrastruttura; hija se tħeġġeġ lill-awtoritajiet sabiex iwettqu analiżi
taċ-ċiklu sħiħ tal-ħajja u tal-valur għall-flus u jippromwovu offerti li
jiddependu fuq firxa usa' ta' għażliet ta' ffinanzjar, kompletament skont
il-bidliet reċenti għad-direttivi tal-akkwist pubbliku. It-titjib
tad-disponibbiltà tal-informazzjoni u d-dejta trasparenti dwar proġetti ġodda
ta' Sħubijiet Pubbliċi Privati (PPP) jista' wkoll jattira lill-investituri
istituzzjonali lejn proġetti Ewropej. Minkejja l-importanza tal-investiment
fl-infrastruttura, hemm ftit wisq dejta pan-Ewropea konsistenti disponibbli
dwar il-prestazzjoni tas-self tal-infrastruttura. In-nuqqas ta' dejta ġie
enfasizzat mill-EIOPA fir-rapport tagħhom ta' Diċembru 2013 lill-Kummissjoni
bħala ostakolu li ma ppermettilhomx li jagħmlu l-analiżi meħtieġa sabiex
jirrakkomandaw kalibrazzjoni aktar baxxa tar-rekwiżiti kapitali għall-assi
tal-infrastruttura. L-assi tal-infrastruttura huma kbar u d-daqsijiet
tal-kampjuni huma għalhekk iżgħar milli għal self korporattiv tipiku. Id-dejta
hija spiss informazzjoni ta' proprjetà tal-banek u tal-isponsers tal-ekwità u
suġġetta għal klawżoli stretti ta' kunfidenzjalità. Li din id-dejta tkun disponibbli
għal suq aktar mifrux mhux biss jgħin fit-tkabbir tal-bażi tal-investituri
istituzzjonali iżda wkoll jgħin lir-regolaturi jesploraw il-merti ta' reġim
prudenzjali personalizzat għall-investimenti fl-infrastrutturi. Azzjonijiet
Is-servizzi tal-Kummissjoni se
jevalwaw fl-2014 il-fattibbiltà li volontarjament jagħmlu disponibbli,
fejn possibbli permezz ta' portal wieħed, l-informazzjoni eżistenti dwar
il-pjanijiet u l-proġetti tal-investiment fl-infrastruttura
mill-awtoritajiet nazzjonali, reġjonali u muniċipali.
Is-servizzi tal-Kummissjoni se
jevalwaw fl-2014 il-fattibilità u l-arranġamenti prattiċi sabiex jiġbru u,
fejn possibbli, jagħmlu disponibbli statistiki tal-kreditu komprensivi u
standardizzati dwar id-dejn infrastrutturali f'punt ta' aċċess uniku. Dan
l-eżerċizzju jkun jappoġġa x-xogħol magħmul fil-kuntest tal-FSB u l-G20 u
jista' jinvolvi lill-BEI, lill-EBRD, lill-NPBs u lil investituri
istituzzjonali.
7.
It-titjib
tal-qafas usa' għall-finanzi sostenibbli Il-kapaċità
tal-ekonomija li tidderieġi l-fondi lejn il-finanzjament fit-tul hija wkoll
dipendenti fuq għadd ta' fatturi trażversali, inklużi l-governanza
korporattiva, il-kontabilità, u l-ambjent tat-taxxa u legali. L-ambjent
kummerċjali u regolatorju ġenerali huwa importanti għall-investiment domestiku
kif ukoll għal dak transfruntier. Governanza
korporattiva Il-mod
li bih jiġu mmaniġġati l-assi jista' jkollu rwol importanti fil-finanzjament
fuq terminu twil f'dak li jirrigwarda l-allinjament tal-inċentivi
tal-investituri istituzzjonali, il-maniġers tal-assi, u l-kumpaniji
mal-istrateġiji fuq terminu twil tagħhom, biex jiġi mmitigat it-tħassib marbut
mal-perspettiva għal żmien qasir, mal-ispekulazzjoni u mar-relazzjonijiet ta'
aġenzija. Ħafna
partijiet interessati kif ukoll għadd kbir ta' studji empiriċi u rapporti
enfasizzaw il-benefiċċji potenzjali tal-Parteċipazzjoni Finanzjarja
tal-Impjegati (PFI) u s-Sjieda ta' Ishma għall-Impjegati (ESO) f'termini ta'
titjib fil-produttività u l-kompetittività, fuq naħa waħda, u l-motivazzjoni u
ż-żamma tal-impjegati fuq in-naħa l-oħra. Skemi bħal dawn jistabbilixxu wkoll
azzjonisti b'orjentament għat-tul u involuti. Hemm
xhieda sostanzjali wkoll dwar l-importanza ta' kwistjonijiet Ambjentali,
Soċjali u ta' Tmexxija (ESG) għall-prestazzjoni sostenibbli għal żmien twil ta'
kumpaniji u investituri involuti f'dawn il-kwistjonijiet. Il-Kummissjoni diġà
ħadmet fuq bosta inizjattivi sabiex iżżid it-trasparenza korporattiva
tal-kumpaniji, bħall-proposta dwar rappurtar mhux finanzjarju[41].
Madankollu, huma biss għadd żgħir ta' investituri l-jqisu l-kwistjonijiet
tal-ESG meta jibnu l-portafolli tagħhom u ċerti investituri saħansitra
jikkunsidraw li l-integrazzjoni ta' dawn il-fatturi tmur kontra d-dmir
fiduċjarju tagħhom li jimmassimizzaw id-dħul tagħhom għall-benefiċjarji. Azzjonijiet ·
Il-Kummissjoni
se tikkunsidra proposta għar-reviżjoni tad-Direttiva tad-Drittijiet
tal-Azzjonisti sabiex tallinja aħjar l-interessi fit-tul tal-investituri
istituzzjonali, il-maniġers tal-assi u l-kumpaniji.
Bħala
parti mill-Proġett Pilota tal-Parlament Ewropew dwar "Il-Promozzjoni
tas-Sjieda u l-Parteċipazzjoni tal-Impjegati", fl-2014,
il-Kummissjoni se tivvaluta l-ESO madwar l-UE bil-għan li tidentifika
problemi fl-implimentazzjoni transfruntieri tal-iskemi tal-EFP/ESO u
tifformula azzjonijiet possibbli tal-UE għall-promozzjoni tal-EFP u b'mod
partikolari l-ESO.
·
Il-Kummissjoni
se tikkunsidra Rakkomandazzjoni li għandha l-għan li ttejjeb il-kwalità
tar-rappurtar tal-governanza korporattiva, rapport dwar inċentivi għal
investituri istituzzjonali u maniġers tal-assi biex iqisu aħjar l-informazzjoni
ambjentali (pereżempju l-marka tal-karbonju u r-riski klimatiċi), soċjali u ta'
governanza (ESG) fid-deċiżjonijiet tagħhom ta' investiment, u studju dwar
l-obbligi fiduċjarji u s-sostenibbiltà. Standards
ta' kontabilità Il-Green
Paper esplorat il-kwistjoni tal-ibbilanċjar tal-eżattezza tal-informazzjoni
mogħtija lill-investituri ma' inċentivi suffiċjenti biex iżommu u jimmaniġġaw
l-investimenti fit-tul. F'dan il-kuntest il-kontabilità tal-valur ġust ġiet
ikkritikata minn għadd ta' partijiet interessati għaliex tintroduċi
l-volatilità tas-suq fir-rapporti finanzjarji u għalhekk tiffavorixxi mġiba li
tħares biss lejn l-immedjat. Ħafna minn dawk li wieġbu kkummentaw dwar
is-sinifikat tal-Qafas Kunċettwali tal-IASB biex jiġi żgurat li l-istandards
tal-kontabilità futuri jiġu żviluppati b'mod li ma jkunx ta' ħsara
għall-investiment fit-tul. Huma ġibdu l-attenzjoni wkoll lejn ix-xogħol li
għaddej tal-IASB biex jirrevedi l-kontabbiltà tal-istrumenti finanzjarji
(l-IFRS 9). Ir-Regolament
tal-Istandards Internazzjonali tal-Kontabilità (IAS) 2002 qed jiġi evalwat,
inkluż fir-rigward ta' jekk il-kriterji tal-approvazzjoni stabbiliti fl-2002
għadhomx xierqa u robusti biżżejjed għall-Ewropa llum u fil-futur[42]. It-trattament
tal-kontabilità tal-SMEs għandu rwol importanti f'dan ir-rigward. Bosta
partijiet interessati talbu verżjoni ssimplifikata għall-SMEs elenkati tas-sett
sħiħ tal-istandards tal-IFRS applikabbli għall-kumpaniji elenkati kollha,
filwaqt li rrikonoxxew li standards robusti huma meħtieġa biex tinżamm
il-kunfidenza tal-investituri.[43]
Barra minn hekk, għall-SMEs mhux elenkati, qafas tal-kontabbiltà awtonomu
komplut jista' jkun utli għal gruppi transfruntieri. Illum, l-SMEs mhux
elenkati huma suġġetti għar-regoli nazzjonali tal-kontabilità fuq il-bażi
tad-Direttiva tal-Kontabilità tal-UE li ġiet riveduta dan l-aħħar, li
tistabbilixxi l-prinċipji bażiċi komuni li l-Istati Membri għandhom japplikaw
meta jfasslu l-oqfsa ta' kontabilità nazzjonali tagħhom għall-SMEs (ara
d-Dokument ta' Ħidma tal-Persunal). Azzjonijiet ·
Fil-qafas tal-approvazzjoni tagħha tal-IFRS 9
rivedut, il-Kummissjoni se tikkunsidra jekk l-użu tal-valur ġust f'dak
l-istandard huwiex xieraq, b'mod partikolari fir-rigward tal-mudelli tan-negozju
ta' investiment fit-tul. ·
Il-Kummissjoni se tistieden lill-IASB sabiex jagħti
kunsiderazzjoni xierqa għall-effett tad-deċiżjoni tiegħu fuq l-orizzonti ta'
investiment tal-investituri kemm fi proġetti speċifiċi relevanti kif ukoll
fl-iżvilupp tiegħu tal-Qafas Kunċettwali, b'attenzjoni partikolari
għall-introduzzjoni mill-ġdid tal-kunċett tal-prudenza.
L-evalwazzjoni
tas-servizzi tal-Kummissjoni tar-Regolament tal-IAS se tesplora
mal-partijiet interessati matul l-2014 jekk il-kriterji tal-approvazzjoni
humiex xierqa, b'kont meħud tal-ħtiġijiet ta' finanzjament fit-tul
tal-Ewropa.
Is-servizzi
tal-Kummissjoni se jniedu konsultazzjoni fl-2014 biex jeżaminaw (i) il-każ
favur standard tal-kontabilità ssimplifikat għar-rapporti finanzjarji
konsolidati tal-SMEs elenkati, u (ii) is-siwi ta' standard tal-kontabilità
sħiħ awtonomu għal SMEs mhux elenkati biex jissupplimenta d-Direttiva
tal-Kontabilità.
L-ambjent tat-taxxa u
ġuridiku
Il-maġġoranza l-kbira tas-sistemi tat-taxxa korporattiva
fl-Ewropa (u internazzjonalment) jiffavorixxu finanzjament b'dejn kontra ekwità
billi jippermettu tnaqqis tal-ispejjeż tal-imgħax, filwaqt li ma hemm ebda
trattament simili għall-ispejjeż magħmula fil-kisba tal-ekwità. Din
il-parzjalità tat-taxxa favur il-finanzjament bid-dejn tista' tinċentiva
lill-kumpaniji jieħdu aktar dejn u tista' tippenalizza kumpaniji innovattivi u
negozji ġodda ffinanzjati permezz tal-ekwità. Din il-kwistjoni qajmet interess
konsiderevoli fil-konsultazzjoni pubblika. Dwar
l-ambjent legali għall-finanzjament fit-tul, diskrepanzi bejn il-liġijiet dwar
l-insolvenza tal-Istati Membri u l-inflessibbiltajiet f'dawn il-liġijiet
joħolqu spejjeż għolja għall-investituri, redditu baxx għall-kredituri u
diffikultajiet għan-negozji b'attivitajiet jew sjieda transfruntieri madwar
l-UE. Dawn l-ineffiċjenzi jaffettwaw id-disponibilità tal-finanzjament kif
ukoll l-abilità tad-ditti sabiex jiġu stabbiliti u jikbru, b'impatt partikolari
fuq l-SMEs. Barra minn hekk, jeżistu problemi legali rigward it-trasferimenti tal-pretensjonijiet,
magħrufa f'termini legali bħala l-assenjazzjonijiet tal-pretensjonijiet,
involuti f'ħafna tranżazzjonijiet ta' finanzjament transfruntier,
bħat-titolizzazzjoni u l-fatturament. In-nuqqas ta' regolament ċar fil-livell
tal-UE[44]
joħloq inċertezza ġuridika għal assenjazzjonijiet transfruntieri ta'
pretensjonijiet. Azzjonijiet ·
Il-Kummissjoni se tkompli, permezz ta'
rakkomandazzjonijiet speċifiċi għall-pajjiżi fil-proċess tas-Semestru Ewropew,
tinċentiva investiment ta' ekwità b'mod partikolari għall-Istati Membri
b'livell għoli ta' preferenza favur d-dejn fit-tassazzjoni korporattiva.
Kif
stipulat fir-Rakkomandazzjoni tagħha ta' Marzu 2014[45]
dwar il-prinċipji tal-aħjar prattika biex ikun abilitat ir-ristrutturar
bikri ta' intrapriżi vijabbli u biex intraprendituri falluti jingħataw
ċans ieħor, il-Kummissjoni se tanalizza l-implimentazzjoni
tar-Rakkomandazzjoni u se tivvaluta miżuri addizzjonali possibbli.
·
Is-servizzi tal-Kummissjoni se jippubblikaw rapport
fl-2014 dwar il-liġi applikabbli għal aspetti ta' partijiet terzi
tal-assenjazzjoni tal-pretensjonijiet.
8. Konklużjoni
It-trawwim
tal-finanzjament fit-tul huwa essenzjali għat-tkabbir intelliġenti, sostenibbli
u inklussiv tal-Ewropa. Din il-Komunikazzjoni tistabbilixxi firxa wiesgħa ta'
inizjattivi fuq fronti differenti. Xi wħud minnhom huma marbuta ma'
leġiżlazzjoni eżistenti, filwaqt li oħrajn huma ta' natura aktar esploratorja.
Dawn kollha għandhom l-intenzjoni li lis-sistema finanzjarja jagħmluha aktar
kapaċi tidderieġi r-riżorsi lejn investimenti fit-tul. Il-Kummissjoni
hija impenjata li timplimenta dan il-pjan ta' azzjoni. Għal dan l-għan se
tiltaqa' kif meħtieġ, u fuq bażi regolari, mal-partijiet interessati kollha
relevanti. Il-Kummissjoni ssejjaħ lill-Istati Membri u lill-Parlament Ewropew
biex jappoġġaw l-inizjattivi ppreżentati f'din il-Komunikazzjoni. [1] It-termini mdaħħla
mill-OECD f'"Promoting Longer-Term Investment by Institutional Investors:
Selected Issues and Policies", 2011,http://www.oecd.org/daf/fin/private-pensions/48616812.pdf. [2] Il-Faċilità Nikkollegaw
l-Ewropa: c. EUR 500 bn fit-trasport, EUR 200 bn fl-enerġija u
EUR 270 bn fil-broadband rapidu
(http://ec.europa.eu/transport/themes/infrastructure/connecting/doc/connecting/2012-10-02-cef-brochure.pdf).
[3] Ara
l-Pakkett tal-Investiment Soċjali, COM (2013)83 finali tal-20.2.2013. [4] Komunikazzjoni dwar
qafas ta' politika għall-klima u l-enerġija fil-perjodu mill-2020 sal-2030, http://ec.europa.eu/energy/doc/2030/com_2014_15_en.pdf. [5] Għal
spjegazzjoni dettaljata ara d-Dokument ta' Ħidma tal-Persunal tal-Kummissjoni
li jakkumpanja l-Green Paper dwar il-finanzjament fit-tul: http://eur-lex.europa.eu/LexUriServ/LexUriServ.do?uri=SWD:2013:0076:FIN:EN:PDF. [6] Taqsira dettaljata
tat-tweġibiet kif ukoll ir-risposti mhux kunfidenzjali tista' tinkiseb fuq
http://ec.europa.eu/internal_market/consultations/2013/long-term-financing/docs/summary-of-responses_en.pdf. [7] http://europa.eu/efc/working_groups/hleg_report_2013.pdf. [8] http://www.europarl.europa.eu/oeil/popups/ficheprocedure.do?reference=2013/2175(INI)&l=en. [9] Ara http://en.g20russia.ru/news/20130906/782782178.html. [10] Ara http://www.oecd.org/finance/private-pensions/G20-OECD-Principles-LTI-Financing.pdf. [11] Ir-Regolament 575/2013
tal-Parlament Ewropew u tal-Kunsill tas-26 ta' Ġunju 2013 dwar ir-rekwiżiti
prudenzjali għall-istituzzjonijiet ta' kreditu u d-ditti tal-investiment u li
jemenda r-Regolament (UE) Nru 648/2012 u d-Direttiva 2013/36/UE tal-Parlament
Ewropew u tal-Kunsill tas-26 ta' Ġunju 2013 dwar l-aċċess għall-attività
tal-istituzzjonijiet ta' kreditu u s-superviżjoni prudenzjali
tal-istituzzjonijiet ta' kreditu u tad-ditti tal-investiment, li temenda
d-Direttiva 2002/87/KE u li tħassar id-Direttivi 2006/48/KE u 2006/49/KE. [12] Il-premessa
100 tar-Regolament 575/2013. [13] COM/2014/043. [14] Artikolu 505:
Sal-31 ta' Diċembru 2014, il-Kummissjoni se tirraporta lill-Parlament Ewropew u
lill-Kunsill dwar "l-adegwatezza tar-rekwiżiti ta' dan ir-Regolament
fid-dawl tal-ħtieġa li jiġu żgurati livelli adegwati ta' finanzjament
għall-forom kollha ta' finanzjament fit-tul għall-ekonomija, inklużi proġetti
ta' infrastruttura kritika fl-Unjoni fil-qasam tat-trasport, l-enerġija u
l-komunikazzjoni". [15] Artikolu 516:
Sal-31 ta' Diċembru 2015, il-Kummissjoni se tirrapporta dwar l-impatt ta' dan
ir-Regolament fuq l-inkoraġġiment ta' investimenti fit-tul fl-infrastruttura li
tippromwovi t-tkabbir. [16] L-Artikolu 460 tas-CRR. [17] L-Artikolu 510(3)
tas-CRR. [18] Id-Direttiva 2009/138/KE
tal-Parlament Ewropew u tal-Kunsill tal-25 ta' Novembru 2009
dwar il-bidu u l-eżerċizzju tan-negozju tal-assigurazzjoni u
tar-riassigurazzjoni (Solvibbiltà II). [19] L-Artikolu 132 ta'
Solvenza II. [20] Ir-rekwiżiti kapitali
huma biss wieħed mill-fatturi tad-deċiżjonijiet ta' investiment, flimkien
mas-sistemi tat-taxxa, ir-regoli kontabilistiċi jew nuqqas ta' għarfien espert
tal-assiguraturi f'assi inqas likwidi. [21] Ara https://eiopa.europa.eu/fileadmin/tx_dam/files/consultations/consultationpapers/EIOPA-13-163/2013-12-19_LTI_Report.pdf. [22] B'differenza mis-settur
bankarju, ir-rekwiżiti kapitali jiddependu fuq il-profil tar-riskju ta' kull
assiguratur u huma ħafna inqas mill-fatturi tal-istress minħabba li l-kalkolu
mhuwiex purament ibbażat fuq il-fatturi. Ir-rekwiżiti kapitali jikkorrispondu
mat-telf potenzjali tal-assiguraturi f'kundizzjonijiet ta' stress fis-suq, wara
li jitqiesu għadd ta' fatturi mitiganti speċifiċi għal kull assiguratur
(it-tnaqqis ta' bonuses futuri lid-detenturi tal-poloz, krediti ta' taxxa
differiti, iħħeġġjar, diversifikazzjoni ma' sorsi oħra ta' riskju, eċċ.). Fuq
il-bażi tal-iktar studji tal-impatt kwantitattivi riċenti madwar l-Ewropa
kollha, il-Kummissjoni tistma li r-rekwiżiti kapitali għar-riskju tas-suq
f'assiguratur tal-ħajja tipiku b'obbligazzjonijiet fit-tul huma bejn darbtejn u
tliet darbiet inqas mill-fatturi ta' stress għal kull tip ta' investiment. [23] Direttiva proposta
fl-2011 (COM 2011/0008) biex tadatta Solvenza II għall-qafas il-ġdid
għall-implimentazzjoni ta' miżuri introdotti mit-Trattat ta' Lisbona u
għall-ħolqien tal-EIOPA. [24] Madankollu,
il-proporzjon tal-assi tagħhom allokati għal dawn l-investimenti jibqa'
limitat, partikolarment għal assi tal-infrastruttura. Pereżempju,
stħarriġ riċenti tal-OECD ta' 86 fond tal-pensjoni kbar u fondi tar-riżerva
tal-pensjonijiet pubbliċi (http://www.oecd.org/daf/fin/private-pensions/survey-large-pension-funds.htm)
sab li biss 1% tal-assi tagħhom kienu investiti f'investimenti
tal-infrastruttura mhux elenkati u 12-15% kienu investiti f'investimenti
alternattivi oħra (il-bqija tal-assi kienu investiti f'investimenti bi dħul
fiss, flus likwidi u ekwità elenkata). [25] http://ec.europa.eu/internal_market/pensions/docs/calls/072012_call_en.pdf. [26] L-IPOs
għar-Renju Unit, il-Ġermanja, Franza, l-Italja u Spanja naqsu minn madwar 350
fis-sena bejn l-1996-2000 għal madewar 70 fis-sena matul l-2008-2012 (ara
d-Dokument ta' Ħidma tal-OECD "Making Stock Markets Work to Support
Economic Growth" http://www.oecd-ilibrary.org/governance/making-stock-markets-work-to-support-economic-growth_5k43m4p6ccs3-en). Tnaqqis
simili ġie rreġistrat fl-Istati Uniti, minn bejn wieħed u ieħor 500 IPO
fis-sena qabel l-1999 għal madwar 100 wara l-1999 (arahttp://www.sec.gov/info/smallbus/acsec/ipotaskforceslides.pdf). [27] Ara http://www.sec.gov/info/smallbus/acsec/ipotaskforceslides.pdf. [28] Il-Federazzjoni Ewropea
tal-Boroż tat-Titoli (FESE), EuropeanIssuers u l-Assoċjazzjoni Ewropea
tal-Ekwità Privata u l-Kapital tar-Riskju (EVCA). Ara http://www.fese.eu/en/?inc=cat&id=8. [29] Skont l-Artikolu 35
tad-Direttiva tal-Parlament Ewropew u tal-Kunsill dwar is-swieq fl-istrumenti
finanzjarji li tħassar id-Direttiva 2004/39/KE (MiFID 2) kif abbozzata fit-test
ta' kompromess finali. [30] L-Artikolu 4
tad-Direttiva 2010/73/UE tal-Parlament Ewropew u tal-Kunsill tal-24 ta'
Novembru 2010 li temenda d-Direttivi 2003/71/KE dwar il-prospett li għandu jiġi
ppubblikat meta titoli jiġu offruti lill-pubbliku jew jiġu ammessi
għall-kummerċ u 2004/109/KE dwar l-armonizzazzjoni tar-rekwiżiti ta'
trasparenza f'dak li għandu x'jaqsam ma' informazzjoni dwar emittenti li t-titoli
tagħhom huma ammessi għall-kummerċ f'suq regolat. [31] Ara pereżempju l-abbozz
ta' rapport Kratsa-Tsagaropoulou tal-Parlament Ewropew dwar il-proposta għal
regolament tal-Parlament Ewropew u tal-Kunsill dwar Fondi Ewropej
tal-Investiment fuq Terminu Twil. [32] L-inizjattivi ewlenin
huma d-dispożizzjonijiet ġuridiċi fir-Regolament tal-Aġenziji ta' Kreditu li
jirrikjedu lill-ESMA sabiex tistabbilixxi sit web pubbliku (CRA3, Art. 8b) u
d-DataWarehouse Ewropea (EDW) ċentralizzata sponsorjata mill-BĊE. [33] Id-dispożizzjonijiet
inklużi fis-CRD mill-2006 u issa s-CRR diġà wasslu għal armonizzazzjoni
importanti fir-rigward tal-firxa ta' assi eliġibbli għas-CBs. Barra minn hekk,
fir-rigward tat-trasparenza, is-CRR diġà stabbilixxa wkoll standard minimu. [34] Ara l-Artikolu 503
tas-CRR. [35] Fl-2012, 36 kumpanija
Ewropea (li minnhom 11-il kumpanija iżgħar, bi dħul taħt il-USD 500
miljun) użaw is-suq tal-allokazzjonijiet privati tal-Istati Uniti, għal ammont
ta' kważi USD 20 biljun. Ara http://www.thecityuk.com/research/our-work/reports-list/alternative-finance-for-smes-and-mid-market-companies/. [36] Ara http://ec.europa.eu/internal_market/investment/private_placement/index_en.htm. [37] Ara l-Istħarriġ tal-BĊE
dwar l-Aċċess tal-SMEs għall-Finanzi fiż-Żona tal-Euro, April 2013 sa Settembru
2013 http://www.ecb.europa.eu/pub/pdf/other/accesstofinancesmallmediumsizedenterprises201311en.pdf?acff8de81a1d9e6fd0d9d3b38809a7a0. 33 % biss
tal-SMEs li japplikaw għal kreditu fil-Greċja jirċievu l-ammont sħiħ u
50 % biss jagħmlu dan fi Spanja u l-Italja (meta mqabbla ma' medja ta'
65 % fiż-żona tal-euro u 87 % fil-Ġermanja) . Madankollu, xi dejta qiegħda titjieb
bil-mod: 60% tal-SMEs fl-Irlanda rrappurtaw suċċess sħiħ fil-ksib ta' self meta
mqabbla ma' 30% fis-sitt xhur ta' qabel, filwaqt li fi Spanja, din iċ-ċifra
tjiebet ukoll minn 40% għal 50%. [38] Ara s-sejħa riċenti
għall-proposti mill-Kummissjoni (http://ec.europa.eu/enterprise/contracts-grants/calls-for-proposals/index_en.htm). [39] Ara http://elite.borsaitaliana.it/en. [40] Il-PBI hu strument ta'
kondiviżjoni tar-riskju maħluq mill-Kummissjoni u l-BEI bil-għan li jippermetti
kumpaniji tal-proġetti joħorġu bonds tal-proġetti li jkunu attraenti għal
investituri tas-suq tal-kapital tad-dejn fis-setturi tan-netwerks Trans-Ewropej
fit-trasport (TEN-T), l-enerġija (TEN-E), u n-netwerks tat-telekomunikazzjoni u
tal-broadband. [41] COM(2013) 207. [42] Ara r-rapport ta'
Philippe Maystadt "Should IFRS Standards be More European?", http://ec.europa.eu/internal_market/accounting/docs/governance/reform/131112_report_en.pdf. [43] Il-Bord tal-Istandards
Internazzjonali tal-Kontabilità (IASB) żviluppa sett ta' standards
simplifikati, l-hekk imsejħa IFRS għall-SMEs. Dawn huma madankollu mmirati lejn
kumpaniji mhux elenkati. [44] Ir-Regolament 593/2008
dwar il-liġi applikabbli għall-obbligazzjonijiet kuntrattwali (Ruma I) bħalissa
ma jirregolax espressament din il-kwistjoni. [45] C(2014) 1500