DOKUMENT TA’ ĦIDMA TAL-PERSUNAL TAL-KUMMISSJONI SOMMARJU EŻEKUTTIV TAL-VALUTAZZJONI TAL-IMPATT Li jakkumpanja d-dokumenti Komunikazzjoni mill-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali u lill-Kumitat tar-Reġjuni Programm għall-Arja Nadifa għall-Ewropa Proposta' għal Direttiva tal-Parlament Ewropew u tal-Kunsill dwar il-limitazzjoni tal-emissjonijiet ta' ċerti sustanzi tat-tniġġis fl-arja mill-impjanti medji tal-kombustjoni Proposta għal Direttiva tal-Parlament Ewropew u tal-Kunsill dwar it-tnaqqis tal-emissjonijiet nazzjonali ta' ċerti sustanzi tat-tniġġis atmosferiku u li temenda d-Direttiva 2003/35/KE Proposta għal Deċiżjoni tal-Kunsill dwar l-aċċettanza tal-Emenda lill-Protokoll tal-1999 mal-Konvenzjoni tal-1979 dwar it-Tniġġis Transkonfini tal-Arja Fuq Distanza Twila sabiex titnaqqas l-aċidifikazzjoni, l-ewtrofikazzjoni u l-ożonu troposferiku /* SWD/2013/0532 final */
1. Definizzjoni tal-problema 1.1. Kuntest politiku It-tniġġis tal-arja jikkawża
impatti sostanzjali fuq l-ambjent u s-saħħa. Fl-2010, l-imwiet
prematuri annwali ammontaw għal iktar minn 400000 u 62 % mill-erja
tal-UE kienet esposta għall-ewtrofikazzjoni, inkluż 71 %
tal-ekosistemi ta’ Natura 2000. It-total tal-ispejjeż esterni tal-impatti
fuq is-saħħa huma fil-medda ta' EUR 330-940bn. Id-danni
ekonomiċi diretti jinkludu EUR 15bn minn jiem ta' xogħol mitlufa, EUR
4bn fi spejjeż tas-servizzi tas-saħħa, EUR 3bn f'telf ta’
prodotti agrikolu u EUR 1bn ta' ħsara lill-bini. Biex dawn jiġu indirizzati, ġie
żviluppat korp ta' politika dwar it-tniġġis tal-arja fl-UE u
internazzjonalment. Twettqet reviżjoni ex-post dwar l-elementi
tal-politika tal-UE: l-Istrateġija Tematika dwar it-Tniġġis
tal-Arja tal-2005, id-Direttivi dwar il-Kwalità tal-Arja fl-Ambjent[1] (AAQDs), id-Direttiva dwar il-Limiti Nazzjonali tal-Emissjonijiet[2] (NECD) u firxa ta' leġiżlazzjoni għall-kontroll
tat-tniġġis mis-sors. Il-politika ġabet magħha tnaqqis
sostanzjali fl-emissjonijiet bejn l-1990 u l-2010 li ġeneralment solva
l-problema tax-xita aċiduża (l-aċidifikazzjoni) tal-UE.[3] L-impatti ewlenin fuq
is-saħħa, minn materja partikolata, tnaqqsu b’madwar 20 % bejn
l-2000 u l-2010.[4] L-istruttura ġenerali tal-politika dwar
il-kwalità tal-arja hija koerenti, iżda jrid jiġi żgurat tqabbil
aħjar bejn il-kontrolli tas-sorsi, il-limiti u l-istandards tal-kwalità
tal-arja fl-ambjent biex tiġi żgurata konformità effettiva. 1.2. Il-problemi ewlenin li fadal Minkejja dawn l-avvanzi għad baqa' xi
impatti sostanzjali. It-tniġġis tal-arja huwa l-kawża ambjentali
numru wieħed ta' mwiet fl-UE, u huwa responsabbli għal għaxar
darbiet iktar imwiet prematuri mill-inċidenti tat-traffiku,[5] kif ukoll għal impatti sostanzjali fuq is-saħħa u
t-telf fil-produttività li jirriżulta. Għall-ekosistemi, il-problema pendenti
ewlenija hija l-ewtrofikazzjoni. Tliet kwarti mill-aktar ekosistemi
prezzjużi tal-UE huma mhedda, u dan jipperikola l-EUR 200-300bn ta'
benefiċċji annwali tan-netwerk Natura 2000. Marbuta ma’ dawn hemm żewġ problemi
speċifiċi. L-ewwel nett, hemm ksur sostanzjali tal-istandards
tal-kwalità tal-arja: terz taż-Żoni ta' Ġestjoni tal-Kwalità
tal-Arja tal-UE jisbqu l-valuri ta’ limitu għall-materja partikolata (PM10)
u kwart jisbquhom għad-dijossidu tan-nitroġenu (NO2). It-tieni, anke b’konformità sħiħa
mal-leġiżlazzjoni eżistenti tal-UE, l-UE mhijiex qiegħda
f'sitwazzjoni li tilħaq l-għan tagħha fit-tul.
Il-projezzjonijiet juru li fl-2020 se jkun għad hemm 340 000 mewta
prematura mill-PM2,5 u mill-ożonu fil-livell tal-art. 1.3. Il-motivi wara l-problema Qbiż
tal-istandards tal-kwalità tal-arja L-emissjonijiet
tad-diżil huma r-raġuni wara l-problemi tal-konformità għan-NO2
u NOx Filwaqt li l-valuri tal-limiti tal-emissjonijiet
għan-NOx għall-karozzi tal-passiġġieri
tad-diżil tnaqqsu b’fattur ta’ 4 mill-1993 sal-2009 (Euro 1 u Euro 5),
l-emissjonijiet medji tan-NOx fil-kundizzjonijiet reali tas-sewqan
huma stmati li żdiedu ftit. Din hija r-raġuni l-aktar sinifikanti
għan-nuqqas ta’ konformità attwali. Il-kombustjoni fuq skala żgħira u
t-tniġġis lokali kkonċentrat huma l-kaġun tal-agħar
problemi ta’ konformità għall-PM Il-kombustjoni domestika tal-karburant solidu
huwa l-kaġun fil-każijiet fejn it-tniġġis lokali l-aktar li
jaqbeż il-valuri ta’ limitu, filwaqt li ċerti postijiet
ġeografiċi jikkombinaw konċentrazzjoni għolja ta’ emittenti
b’topografija li tipprevjeni d-dispersjoni effettiva.[6] Koordinazzjoni batuta bejn l-azzjoni
nazzjonali u dik lokali, u n-nuqqas ta’ kapaċità fil-livell reġjonali
u lokali, għamlet il-konformità aktar diffiċli u għalja L-awtoritajiet pubbliċi ta’ spiss
ħadu azzjoni tard wisq biex inaqqsu t-tniġġis tal-arja. Parti
mill-problema hija n-nuqqas ta’ kapaċità għall-iżvilupp,
l-implimentazzjoni u l-monitoraġġ ta' pjanijiet għat-tnaqqis
tat-tniġġis. Il-koordinazzjoni bejn il-programmi NECD nazzjonali u
l-pjanijiet ta’ azzjoni AAQD tista’ titjieb. L-UE mhijiex se tilħaq l-għan
fit-tul tagħha għall-kwalità tal-arja Il-kaġun
tal-impatti fuq is-saħħa li se jifdal wara l-2020 ġej minn firxa
ta’ setturi Is-setturi ewlenin kollha jikkontribwixxu
għall-konċentrazzjonijiet tal-PM jew tal-ożonu u għandhom
jiġu indirizzati. Il-potenzjal għat-tnaqqis kosteffettiv huwa l-akbar
għal dawk is-setturi li naqqsu l-inqas (eż. l-agrikoltura,
il-kombustjoni fuq skala medja, il-makkinarju mobbli mhux tat-triq u
n-navigazzjoni marittima).[7] L-emissjonijiet
tal-ammonja mill-agrikoltura huma l-kaġun tal-impatti ambjentali li jifdal L-agrikoltura hija responsabbli għal 90 %
tal-emissjonijiet tal-ammonja u hija l-fattur primarju tal-ewtrofikazzjoni.
Hemm potenzjal kbir għat-tnaqqis kosteffettiv li jista' jibbenefika
lill-bdiewa iżda dan għadu mhux sfruttat. It-tniġġis
sostnut fl-isfond ifisser li l-azzjoni lokali waħidha ma tistax tnaqqas
l-impatti effettivament Hemm komponent sostanzjali fl-isfond[8] tal-problemi ewlenin li jmur lil hinn mill-kontroll tal-awtoritajiet
kompetenti lokali. Parti minnu hija nazzjonali u tista' tiġi indirizzata
f’dak il-livell, iżda s-sehem transfrutnier huwa għoli, (ogħla
minn 50 % għall-PM2.5 u 60 % għall-NH3).[9] 1.4. Kif se tiżviluppa
l-problema Il-konformità għall-PM10 u
n-NO2 ser titjieb sostanzjalment sal-2020. Il-problemi persistenti
huma prinċipalment f’punti 'jaħarqu' (eż. Ruma, Liżbona), u
żoni oħra fejn l-użu tal-faħam għat-tisħin
residenzjali għadu komuni (eż. PL, BG, CZ, SK), fejn id-densità
għolja tal-popolazzjoni timplika espożizzjoni daqstant ieħor
kbira tal-popolazzjoni. Huwa pprojjettat li l-Istati Membri kollha se
jikkonformaw mal-limiti NEC tagħhom sal-2020. Il-linja bażi tassumi li l-introduzzjoni
tal-istandards Euro 6 se tikkontrolla l-emissjonijiet ta’ NOx
fid-dinja reali mill-vetturi ħfief li jaħdmu bid-diżil mill-2017
’il quddiem.[10] Dan huwa kruċjali għall-konformità sal-2020. Anki b’konformità sħiħa, l-impatti
fuq is-saħħa se jonqsu biss b'madwar 20 % sal-2025, u
l-ewtrofikazzjoni bilkemm se tonqos. 2. Analiżi
tas-sussidjarjetà Il-bażi ġuridika hija
l-Artikolu 192(1) tat-Trattat. L-azzjoni tal-UE għadha
meħtieġa minħabba n-natura transfruntiera persistenti
tat-tniġġis tal-arja, u minħabba l-kontribut ta’ prodotti li
jridu jiġu kkontrollati fil-livell tal-UE għar-raġunijiet
tas-suq intern. Il-benefiċċji
għas-saħħa u l-ambjent tat-tnaqqis tat-tniġġis huma
medjusa fid-dawl tal-ispejjeż, biex ikun żgurat li l-azzjoni tkun
proporzjonata. L-aħjar distribuzzjoni tat-tnaqqis tal-emissjonijiet bejn
l-Istati Membri u l-UE hija eżaminata wkoll. 3. Għanijiet L-għan strateġiku fit-tul huwa
l-ksib ta' livelli tal-kwalità tal-arja li ma jirriżultawx f'impatti
negattivi sinifikanti, jew riskji, fuq is-saħħa tal-bniedem u fuq
l-ambjent. Jeżistu żewġ għanijiet ġenerali: ·
Li tkun żgurata l-konformità mal-politiki
attwali tal-kwalità tal-arja, u l-koerenza mal-impenji internazzjonali, mhux iktar tard mill-2020. ·
Li jinkiseb iktar tnaqqis sostanzjali fl-impatti
fuq is-saħħa u l-ambjent fil-perjodu sal-2030. 4. Għażliet
Politiċi, valutazzjoni tal-impatti u paragun tal-għażliet
għall-ewwel għan (2020) 4.1. L-għażliet meqjusa Il-linja bażi għandha twassal għat-tnaqqis
tat-tniġġis tal-arja mill-Protokoll ta’ Gothenburg rivedut. Tqiesu
ħames għażliet oħra biex jissolvew il-problemi
tal-konformità: leġiżlazzjoni ġdida tal-UE dwar is-sorsi; Limiti
Nazzjonali tal-Emissjonijiet iktar stretti (iktar minn ta' Gothenburg);
appoġġ ikbar mill-UE għall-azzjoni tal-Istati Membri;
il-promozzjoni ta’ kontrolli internazzjonali aktar stretti; u l-emendar
tal-AAQD. 4.2. Valutazzjoni tal-Impatti Il-linja bażi tiżgura l-konformità
wiesgħa mal-istandards tal-kwalità tal-arja, jekk il-problema
tal-emissjonijiet fid-dinja reali għall-vetturi ħfief tad-diżil
tiġi solvuta bl-introduzzjoni tal-Euro 6. Mill-problemi tal-konformità li
jifdal, 13-19 % taż-żoni huma fi ħdan 5µg/m3
tal-valur ta' limitu, u 6-8 % biss huma ogħla (skont is-sustanza li
tniġġes). Iktar azzjoni mill-Istati Membri għat-tnaqqis
tat-tniġġis tal-arja lokali għandha tkun kapaċi tindirizza
l-ewwel kategorija pjuttost faċilment. Għat-tieni, il-kombustjoni
domestika (il-kwistjoni prinċipali għall-PM) tista’ tiġi
rregolata bil-limitazzjoni tal-kombustjoni tal-karburanti solidi flimkien ma’
appoġġ għall-bdil tal-fjuwil, (pereżempju permezz tal-fondi
strutturali), filwaqt li t-tniġġis tan-NO2 jista’
jiġi ttrattat permezz ta’ restrizzjonijiet għall-aċċess
għall-vetturi diżil. L-adozzjoni ta’ leġiżlazzjoni
ġdida dwar is-sorsi u Limiti Nazzjonali tal-Emissjonijiet aktar stretti ma
jimmirawx b’mod effettiv is-sorsi lokali li huma l-kaġun għan-nuqqas
ta’ konformità li jifdal. Għalhekk, dawn l-għażliet
intgħażlu għall-analiżi tal-2025-30. 4.3. Tqabbil
tal-Għażliet Il-linja bażi toffri konformità
wiesgħa u l-problemi li jifdal sal-2020 huma dovuti għas-sorsi ta’
tniġġis lokali. Dawn jistgħu jiġu indirizzati b’mod
effettiv b'azzjoni lokali, appoġġjata fil-livell tal-UE permezz
tal-iżvilupp tal-kapaċità u l-finanzjament għall-bidliet
strutturali bħall-bdil tal-fjuwil. Ma hemmx raġuni għaliex
l-AAQD għandu jiġi rilassat jekk il-konformità qed tinkiseb. 5. Għażliet
Politiċi, valutazzjoni tal-impatti u paragun tal-għażliet
għat-tieni għan (2025-30) 5.1. L-għażliet meqjusa Minbarra l-linja bażi, tqiesu ħames
għażliet, kif ippreżentat fit-Tabella 1 hawn taħt. Tabella 1
L-għażliet politiċi kkunsidrati għall-perjodu 2025-30 Għażla 1 || Għażla 6A || Għażla 6B || Għażla 6C || Għażla 6D || Għażla 6D Linja bażi || Għeluq tad-distakk b'25 % għall-PM2.5 bejn il-linja bażi u l-MTFR || Għeluq tad-distakk b'50 % għeluq għall-PM2.5 bejn il-linja bażi u l-MTFR || Għeluq tad-distakk b'75 % għall-PM2.5 bejn il-linja bażi u l-MTFR || Għeluq tad-distakk b'100 % għall-PM2.5 bejn il-linja bażi u l-MTFR || Konformità mal-valuri ta’ gwida tal-WHO (>100 % għeluq tad-distakk għall-PM2.5) L-enfasi hija fuq l-impatti fuq
is-saħħa tal-PM, minħabba li dawn jikkawżaw l-aktar ta’
ħsara, u jistgħu jiġu stmati fi flus u, għalhekk,
jistgħu faċilment jiġu mqabbla mal-ispejjeż. Iżda
l-kontrolli tal-PM jaffettwaw ukoll l-inkwinanti li jikkawżaw
l-ożonu, l-ewtrofikazzjoni u l-aċidifikazzjoni, u għalhekk
l-għażliet se jirriżultaw fi tnaqqis fihom ukoll. Il-ksib tal-għażla 6E, il-konformità
mal-valuri ta’ gwida tal-WHO, ma jistax ikun possibbli sal-2030 mingħajr
bidliet strutturali kif ukoll bidliet tekniċi. Il-potenzjal li dan
l-għan jintlaħaq fit-tul huwa indirizzat aktar tard. 5.2. Valutazzjoni tal-Impatti Il-Valutazzjoni tal-Impatt sħiħ
jippreżenta analiżi għall-2025 u għall-2030; minħabba
kwistjonijiet ta' tul, qed jiġu ppreżentati hawnhekk biss
ir-riżultati tal-2025, 5.2.1. Impatti fuq is-saħħa
u l-ambjent Il-persentaġġi tat-tnaqqis fl-impatt
fuq is-saħħa u l-ambjent imqabbel mal-2005 huma ppreżentati fit-Tabella
2 hawn taħt: Tabella 2:
persentaġġi tat-tnaqqis fl-impatt fuq is-saħħa u l-ambjent
imqabbel mal-2005 || 2005 || Għażla 1 || 6A || 6B || 6C || 6D PM2,5-kroniku-imwiet prematuri || 494000 || -38 % || -42 % || -46 % || -50 % || -54 % Ożonu-akut- imwiet prematuri || 24600 || -28 % || -29 % || -30 % || -33 % || -39 % Ewtrofikazzjoni, mhux protetti '000 km kwadrati || 1125 || -21 % || -24 % || -28 % || -34 % || -40 % Aċidifikazzjoni, mhux protetti '000 km kwadrati || 161 || -71 % || -77 % || -81 % || -85 % || -87 % L-Għażla 6C tnaqqas l-impatti
fuq is-saħħa tal-PM2,5 b'terz iktar mil-linja bażi
(tnaqqis ta’ 50 % mqabbel ma' 38 %), filwaqt li l-impatti
tal-ewtrofikazzjoni jitnaqqsu b’aktar minn nofs iktar mil-linja bażi
(tnaqqis ta’ 34 % mqabbel ma' 21 %). 5.2.2. Impatti ekonomiċi L-impatti ekonomiċi huma murija
fit-Tabella 3 hawn taħt f’miljuni ta' EUR (spejjeż iktar
mill-Għażla 1 (linja bażi), u % ta' żieda meta mqabbel
mal-linja bażi): Tabella 3: impatti
ekonomiċi tal-għażliet || Għażla 1 || Għażla 6A || Għażla 6 B || Għażla 6C || Għażla 6D UE-28, 2025 || 87171 || - || 221 || 0,25 % || 1202 || 1,38 % || 4629 || 5,31 % || 47007 || 53,9 % L-isforzi meħtieġa għal kull
settur SNAP[11] huma murija fit-Tabella 4 ta’ hawn taħt, espressi f’miljuni ta'
EUR u f'persentaġġ taż-żieda meta mqabbel
mal-Għażla 1: Tabella 4 Sforzi
meħtieġa għal kull settur SNAP || Għażla 1 || Għażla 6A || Għażla 6B || Għażla 6C || Għażla 6D Ġenerazzjoni tal-elettriku || 9561 || 44 || 0,46 % || 125 || 1,31 % || 470 || 4,92 % || 3519 || 37 % Kombustjoni domestika || 9405 || 74 || 0,78 % || 497 || 5,29 % || 1680 || 18 % || 17791 || 189 % Kombustjoni industrijali || 2513 || 19 || 0,75 % || 156 || 6,20 % || 641 || 25 % || 1811 || 71 % Proċessi industrijali || 5017 || 17 || 0,34 % || 125 || 2,49 % || 331 || 6,61 % || 3964 || 79 % Estrazzjoni tal-fjuwil || 695 || 0 || 0,00 % || 0 || 0,00 % || 6 || 0,81 % || 583 || 84 % Użu tas-solventi || 1176 || 1 || 0,08 % || 2 || 0,15 % || 56 || 4,76 % || 12204 || 1038 % Trasport fit-triq || 48259 || 0 || 0,00 % || 0 || 0 % || 0 || 0 % || 0 || 0 % Makkinarju mhux tat-triq || 8760 || 1 || 0,01 % || 5 || 0,06 % || 145 || 1,66 % || 1451 || 17 % Skart || 1 || 6 || 786 % || 7 || 941 % || 9 || 1154 % || 9 || 1203 % Agrikoltura || 1783 || 59 || 3,33 % || 285 || 16 % || 1292 || 72 % || 5675 || 318 % Total || 87171 || 221 || 0,25 % || 1202 || 1,38 % || 4629 || 5,31 % || 47007 || 54 % Is-setturi SNAP jirrappreżentaw tipi ta’
attività (eż. il-kombustjoni, l-użu tas-solventi) li jistgħu
jsiru f’setturi ekonomiċi differenti (is-settur tal-kimiċi,
ir-raffineriji, eċċ). Fit-tqabbil skont is-settur ekonomiku,
l-Għażla 6C teħtieġ nefqa addizzjonali ta’ 0,22 %
tal-produzzjoni settorjali fl-agrikultura, 0,1 % għar-raffineriji u
ħafna inqas għall-industriji l-oħra kollha. It-Tabella 5 turi l-banefiċċji
ekonomiċi diretti u l-ispejjeż esterni totali. Azzjoni addizzjonali
tista’ tnaqqas l-ispejjeż esterni b’EUR 60-200 biljun/sena iktar mil-linja
bażi, u minnhom aktar minn EUR 4,5 biljuni jista' jkun iffrankar ekonomiku
dirett. Tabella
5 Benefiċċji ekonomiċi li jirriżultaw mit-tnaqqis
fit-tniġġis tal-arja 2025, UE28 || Għażla 6A || Għażla 6 B || Għażla 6C || Għażla 6D Ġranet ta’ xogħol mitlufa, benefiċċji eknomiċi diretti vs linja bażi €M || 726 || 1421 || 2137 || 2831 Ħsara lill-ambjent mibni, benefiċċji eknomiċi diretti vs linja bażi €M || 53 || 106 || 145 || 162 Telf fil-valur tal-uċuħ agrikoli, benefiċċji eknomiċi diretti vs linja bażi €M || 61 || 101 || 278 || 630 Spejjeż totali tal-kura tas-saħħa, benefiċċji eknomiċi diretti vs linja bażi (fejn hemm dejta disponibbli) || 219 || 437 || 657 || 886 Benefiċċji diretti totali vs linja bażi || 1,059 || 2,065 || 3,237 || 4,509 Tnaqqis totali fl-ispejjeż esterni tat-tniġġis tal-arja vs linja bażi (valutazzjoni baxxa) || 14 997 || 29 767 || 44 686 || 59 642 Tnaqqis totali fl-ispejjeż esterni tat-tniġġis tal-arja vs linja bażi (valutazzjoni għolja) || 50 317 || 100 937 || 150 853 || 200 074 L-impatt aggregat fuq il-PDG huwa
żgħir ħafna anke għall-Għażla 6C: -0,025 %.
L-inklużjoni taż-żidiet fil-produttività fl-analiżi
makroekonomika tibbilanċja kompletament l-impatt fuq il-PDG u
l-benefiċċji diretti addizzjonali (kura tas-saħħa,
uċuħ tar-raba’ u benefiċċji lill-bini) jagħtu
benefiċċju ekonomiku nett ta’ 0,007 % tal-PDG. 5.2.3. L-impatti soċjali Fil-każijiet kollha l-effett
tal-għażliet fuq l-impjiegi huwa żgħir (fl-Għażla
6C, hemm żieda ta’ 2 000 impjieg, li taqa' fi ħdan il-firxa
tal-inċertezza ), anki mingħajr ma jitqiesu ż-żidiet
fil-produttività tax-xogħol. Meta jitqiesu dawn, ikun hemm ħolqien
nett ta’ impjiegi (minn 37 000 sa 112 000 impjieg). 5.2.4. L-Impatti
fuq il-kompetittività u l-SMEs L-aktar setturi li se jintlaqtu huma s-settur
tal-agrikoltura u dak tar-raffinar taż-żejt. Fil-każijiet kollha
l-impatt ikun taħt jew daqs il-limitu ta’ 1 % tal-valur miżjud
gross, u dan jindika li jkun hemm spazju biex jiġu assorbiti
l-ispejjeż addizzjonali. L-impatti fuq l-SMEs huma sinifikanti
għall-miżuri agrikoli u għall-miżuri fl-impjanti
tal-kombustjoni fuq skala medja (MCPs). Għall-MCPs, l-impatti jistgħu
jitnaqqsu għal taħt it-2,4 % tal-ammont żejjed gross
operattiv (ara hawn taħt). Il-miżuri agrikoli jistgħu jkunu
mmirati lejn installazzjonijiet kbar li jkopru l-biċċa l-kbira
tal-kapaċità, u l-impatti li jkun jifdal jiġu ttrattati b'appoġġ
xieraq mill-Fond għall-Iżvilupp Rurali. 5.2.5. Trajjettorja biex jinkiseb l-għan fit-tul sal-2050 Il-konċentrazzjonijiet tal-PM2,5
fl-isfond taħt il-limitu ta' 10 mg/m3 tad-WHO jistgħu jinkisbu
virtwalment kullimkien fl-UE (99,5 % tat-territorju u 99 % tal-popolazzjoni
esposta), jekk wieħed jassumi li jsiru bidliet strutturali u iktar
żvilupp teknoloġiku. It-trajettorja indikattiva għat-tnaqqis
meħtieġ hija stipulata fit-Tabella 6. Tabella
6 Trajettorja
għat-tnaqqis tal-emissjonijiet lejn il-ksib tal-valuri gwida tal-WHO fl-2050;
l-emissjonijiet f’kilotunnellati, it-tnaqqis imqabbel mal-emissjonijiet tal-2005 UE28 || 2005 || 2025 || 2030 || 2040 || 2050 SO2 || 8172 || -79 % || -82 % || -87 % || -91 % NOx || 11538 || -65 % || -70 % || -78 % || -83 % PM2,5 || 1647 || -48 % || -54 % || -64 % || -72 % NH3 || 3928 || -30 % || -38 % || -42 % || -48 % VOC || 9259 || -50 % || -55 % || -64 % || -71 % 5.3. Tqabbil
tal-Għażliet It-Tabella 7 tagħti
paragun tal-impatt tal-għażliet ma' dak tal-linja bażi: Tabella
7 Paragun tal-impatt tal-għażliet mal-linja bażi 2025, UE28 || Għażla 6A || Għażla 6B || Għażla 6C || Għażla 6D Spejjeż imqabbla mal-linja bażi €M || 221 || 1202 || 4629 || 47007 Tnaqqis addizzjonali fl-impatti fuq is-saħħa iktar mil-linja bażi (sena bażi 2005) || 10 % || 21 % || 32 % || 43 % Tnaqqis addizzjonali fl-impatti tal-ewtrofikazzjoni iktar mil-linja bażi (sena bażi 2005) || 16 % || 33 % || 62 % || 90 % Impatt fuq il-PDG biż-żidiet fil-produttività meqjusa || 0,007 % || 0,009 % || 0,000 % || - Benefiċċji diretti oħrajn || 333 || 644 || 1080 || 1678 Tnaqqis totali fl-ispejjeż esterni tat-tniġġis tal-arja vs linja bażi (valutazzjoni baxxa) || 14 997 || 29 767 || 44 686 || 59 642 Tnaqqis totali fl-ispejjeż esterni tat-tniġġis tal-arja vs linja bażi (valutazzjoni għolja) || 50 317 || 100 937 || 150 853 || 200 074 Għall-Għażla 6C
il-benefiċċji huma aktar mill-ispejjeż, filwaqt li l-miżuri
addizzjonali fl-Għażla 6D huma iktar għaljin mill-benefiċċji
li joffru. Għal din ir-raġuni, l-Għażla 6C hija ppreferuta.
5.3.1. Analiżi tas-sensittività Analiżi estensiva tas-sensittività
tal-Għażla 6C tat il-konklużjonijiet li ġejjin: ·
filwaqt li l-politika tal-klima tkun ta’
benefiċċju għall-kwalità tal-arja, waħidha mhux se tikseb
l-għan fit-tul tal-kwalità tal-arja sal-2050; ·
hemm lok addizzjonali lil hinn
mill-Għażla 6C biex jintaqqsu l-impatti tal-ewtrofikazzjoni u
l-ożonu fuq is-saħħa bi spiża raġonevoli (spiża
ikbar ta’ konformità ta’ 1 %); ·
hemm potenzjal li titwaqqaf mira tal-UE
għat-tnaqqis tal-metan bi spiża baxxa jew żero;[12] ·
l-għanijiet politiċi għad
jistgħu jinkisbu f'xenarji alternattivi futuri. 5.4. Strumenti
għall-implimentazzjoni tal-għażla ppreferuta L-istrument ewlieni għall-implimentazzjoni
tal-politika ġenerali huma l-NECD, li jistgħu jinkorporaw ukoll
miżuri biex ittejbu l-programmi nazzjonali għat-tnaqqis, l-inventarji
u l-projezzjonijiet tal-emissjonijiet u l-monitoraġġ tal-ekosistema,
bi spiża amministrattiva żgħira (EUR 6,9 miljuni inizjalment
u mbagħad EUR 2,5 miljuni fis-sena). Il-leġiżlazzjoni attwali u pendenti
tal-UE dwar is-sorsi se jwasslu għal 52-75 % tat-tnaqqis
meħtieġ għall-inkwinanti kollha ħlief l-ammonja, li
ċ-ċifra għaliha hija biss 25 % (mill-IED). Il-kontrolli tal-UE fuq l-impjanti
tal-kombustjoni fuq skala medja (1-50 MW ta' kapaċità termali) ikunu
kosteffettivi: ·
Jista' jinkiseb tnaqqis sinifikanti u kosteffettiv
tal-emissjonijiet tal-PM, NOx u SOx; ·
L-ispejjeż annwalizzati totali
għall-operaturi jistgħu jkunu limitati għal EUR 400 miljun
jekk jiġi applikat kontroll sekondarju tan-NOx għal parti biss
tal-impjanti ġodda; ·
L-ispejjeż amministrattivi jistgħu
jiġu minimizzati jekk issir obbligatorja biss ir-reġistrazzjoni
tal-impjanti. L-għażla politika ppreferuta hija
t-tnaqqis tal-emissjonijiet f'mod konsistenti mal-Protokoll ta’ Gothenburg,
flimkien mar-reġistrazzjoni għall-impjanti kollha. Din tnaqqas
l-impatt fuq l-SMEs għal 0,1 - 2.4 % tal-ammont żejjed gross
operattiv. 6. Monitoraġġ u
Evalwazzjoni Hemm
ġabra estensiva ta’ indikaturi u mekkaniżmi biex tissorvelja u
tevalwa l-implimentazzjoni tal-politika tal-UE dwar il-kwalità tal-arja
(eż. ir-rapporti taż-ŻEE u l-EMEP). Dawn se jintużaw biex
jevalwaw il-ksib tal-għanijiet riveduti tat-tnaqqis tal-impatt. L-impenji
ġodda tal-NECD se jiġu mmonitorjati b'dispożizzjonijiet
imsaħħa dwar l-inventarji u l-projezzjonijiet. Il-politika se
tiġi riveduta kull ħames snin u l-ewwel reviżjoni għandha
ssir qabel l-2020. [1] 2008/50/KE u 2004/107/KE [2] 2001/81/KE [3] It-tnaqqis tal-emissjonijiet huma dovuti għal
leġiżlazzjoni tal-UE dwar l-emissjonijiet tal-kubrit minn impjanti
kbar tal-kombustjoni (LCPs), u għar-rekwiżiti għall-karburant
tat-trasport fit-toroq b'livell baxx ta' kubrit li ppermetta wkoll l-użu
tal-konvertituri katalitiċi mill-Euro 4 ‘l quddiem. [4] L-imwiet prematuri mit-tniġġis tal-materja
partikolata fl-2010 kienu 379 420, u mill-ożonu kien hemm 26 500. [5] Skont l-istatistika tal-Eurostat. l-għadd ta’
fatalitajiet tat-traffiku fis-sena 2010 kien fil-medda ta’ 35 000 fis-27
pajjiż tal-UE. [6] Eż. xi ċentri tal-popolazzjoni ewlenin
fl-Ewropa għadhom mhumiex konformi: Milan, Madrid, Barċellona, Londra
u oħrajn. [7] Dan huwa minnu partikolarment f’pajjiżi li
għadhom ma ddikjarawx żoni ta' kontroll għall-kubrit u/jew in-NOx. [8] Il-livelli tat-tniġġis imkejla huma s-somma
tal-kontribuzzjonijiet li joriġinaw minn sorsi lokali speċifiċi
(bħal siti industrijali jew it-traffiku urban) u t-tniġġis
fl-isfond, li min-naħa tiegħu huwa magħmul minn sorsi
reġjonali u wkoll minn sorsi li ġejjin mill-bogħod. [9] L-estimi mill-Programm Ewropew
għall-Monitoraġġ u l-Evalwazzjoni (EMEP). [10] Il-konformità Euro 6 hija inkluża fil-linja bażi
minħabba li l-livell ta’ ambizzjoni huwa stabbilit
fil-leġiżlazzjoni adottata; il-miżura ta' implimentazzjoni hija
mekkaniżmu tekniku ta’ twassil. [11] Nomenklatura Magħżula
għat-Tniġġis tal-Arja [12] Il-metan mhux meqjus fl-ottimizzazzjoni ġenerali
minħabba l-ħajja differenti tiegħu (u għalhekk l-impatti
tal-ożonu tiegħu għandhom perjodi ta' żmien differenti)
meta mqabbel mal-prekursuri l-oħra tal-ożonu.