Proposta għal REGOLAMENT TAL-PARLAMENT EWROPEW U TAL-KUNSILL dwar il-Fondi tas-Suq Monetarju /* COM/2013/0615 final - 2013/0306 (COD) */
MEMORANDUM TA’ SPJEGAZZJONI 1. KUNTEST TAL-PROPOSTA Il-Fondi tas-Suq Monetarju (Money Market
Funds, MMFs) huma sors importanti ta’ finanzjament għal żmien qasir
għall-istituzzjonijiet finanzjarji, il-korporazzjonijiet u l-gvernijiet.
Fl-Ewropa, madwar 22 % tat-titoli tad-dejn għal żmien qasir li
jinħarġu mill-gvernijiet jew mis-settur korporattiv huma tal-MMFs.
L-MMFs għandhom 38 % tad-dejn għal żmien qasir
maħruġ mis-settur bankarju. Min-naħa tad-domanda, l-MMFs joffru
għodda ta’ ġestjoni tal-flus għal żmien qasir li tipprovdi
grad għoli ta’ likwidità, diversifikazzjoni, stabbiltà tal-valur flimkien
ma’ rendiment ibbażat fuq is-suq. L-MMFs huma prinċipalment
użati mill-korporazzjonijiet li jfittxu li jinvestu l-flus kontanti żejda
tagħhom għal perjodu ta’ żmien qasir, sakemm pereżempju
tkun trid titħallas spiża ewlenija bħall-pagi. Għaldaqstant, l-MMFs jirrappreżentaw
rabta essenzjali li tgħaqqad flimkien id-domanda u l-offerta għal
flus għal żmien qasir. B’immaniġġar ta’ assi ta’ madwar
EUR 1 000 biljun, l-MMFs jirrappreżentaw kategorija ta’ fondi li
hija distinta minn kull fond reċiproku ieħor. Il-biċċa
l-kbira tal-MMFs, madwar 80 % tal-assi u 60 % tal-fondi, joperaw
skont ir-regoli tad-Direttiva 2009/65/KE rigward Impriżi ta’ Investiment
Kollettiv f’Titoli Trasferibbli (Undertakins for Collective Investment in
Transferable Securities, UCITS). Il-bqija tal-MMFs minn Lulju 2013 kellhom
jibdew joperaw skont ir-regoli tad-Direttiva 2011/61/UE dwar il-Maniġer
ta’ Fondi ta’ Investiment Alternattiv (Alternative Investment Fund Manager,
AIFM). Id-daqs medju ta’ MMF jaqbeż sew id-daqs medju ta’ fond ta’ UCITS.
Pereżempju, MMF individwali jista’ jilħaq id-daqs ta’ EUR 50
biljun. L-MMFs huma domiċiljati fi ftit Stati Membri bi Franza, l-Irlanda
u l-Lussemburgu jirrappreżentaw aktar minn 95 % tas-suq. Madankollu,
is-suq huwa marbut sew ma’ pajjiżi oħra minħabba l-proporzjon
għoli ta’ investimenti u investituri transfruntiera, u l-konnessjonijiet
kontaġji transfruntiera bejn l-MMF u l-isponsor tagħhom,
fil-prevalenza tal-każijiet domiċiljati f’pajjiż differenti
mid-domiċilju tal-MMF. Minħabba l-interkonnettività sistemika
tal-MMFs mas-settur bankarju fuq naħa waħda u mal-finanzi
tal-kumpaniji u l-gvern, min-naħa l-oħra, l-operat tal-MMFs ilu
fil-qalba tal-ħidma internazzjonali fuq is-sistema bankarja “parallela”.
Il-Bord għall-Istabbilità Finanzjarja (FSB) u istituzzjonijiet oħra,
bħall-Organizzazzjoni Internazzjonali tal-Kummissjonijiet tat-Titoli
(IOSCO) u l-Bord Ewropew dwar ir-Riskju Sistemiku (BERS) analizzaw is-settur
finanzjarju u kkonkludew li ċerti attivitajiet u entitajiet kienu ta’
importanza sistemika iżda ma ġewx indirizzati biżżejjed
mir-regolaturi. Fis-settur tal-ġestjoni tal-assi, l-MMFs kienu
identifikati bħala sistemikament rilevanti. Il-Parlament Ewropew adotta
riżoluzzjoni dwar is-sistema bankarja parallela f’Novembru 2012 fejn
huwa jistieden lill-Kummissjoni sabiex tippreżenta proposta b’enfasi
partikolari fuq il-kwistjoni tal-MMF[1].
Il-BERS ipprovda analiżi tajba tar-riskji
sistemiċi inerenti fl-operazzjoni tal-MMFs. B’mod partikolari,
ir-rakkomandazzjonijiet tiegħu kienu jappartjenu għall-istabbiltà u
l-likwidità tal-MMFs kif ukoll jinkludu trasparenza addizzjonali u regoli ta’
rappurtar. Dawk ir-rakkomandazzjonijiet ġew riflessi sew fil-proposta tal-Kummissjoni
filwaqt li tqisu wkoll l-impatti negattivi possibli tagħhom fuq
il-finanzjament tal-ekonomija Ewropea. L-MMFs jirrappreżentaw għodda
konvenjenti għall-investituri peress li joffru karatteristiċi analogi
għad-depożiti bankarji: aċċess pront għal-likwidità u
l-istabbiltà relattiva tal-valur. Fid-dawl ta’ dawn il-karatteristiċi,
l-investituri jaraw l-MMFs bħala alternattiva sigura u aktar diversifikata
mid-depożiti bankarji. Iżda fir-realtà, l-MMFs huma fondi ta’
investiment klassiċi bir-riskji tas-suq inerenti marbutin ma’ kwalunkwe
fond ta' investiment. Għalhekk, meta jibdew jonqsu l-prezzijiet tal-assi
li fihom huma investiti l-MMFs, speċjalment matul kundizzjonijiet tas-suq
taħt stress, MMF ma jistax dejjem iżomm il-wegħda li jifdi
minnufih u li jżomm il-valur tal-unità jew is-sehem maħruġ
mill-MMF lill-investituri. Xi sponsors tal-fond (ħafna minnhom banek)
jistgħu "jirfdu" l-valuri kondiviżi billi jagħtu
sponsor bħala appoġġ, filwaqt li oħrajn (ħafna minnhom
maniġers tal-assi) jista' ma għandhomx il-kapital biex jagħmlu
dan. Minħabba n-nuqqas ta' taqbil fil-maturità bejn il-likwidità ta'
kuljum li MMF joffri lill-investituri u l-likwidità ta' assi miżmuma
fil-portafoll tal-MMF, it-tifdija immedjata tista' ma tkunx dejjem possibbli.
Il-wegħda ta’ prezzijiet ta’ fidi stabbli spiss tiġi sottolineata
minn klassifikazzjoni AAA. L-iżvantaġġ huwa li hekk kif
l-investituri jipperċepixxu riskju li l-MMFs jistgħu jonqsu milli
jżommu l-wegħda ta’ likwidità u fidi stabbli fi kwalunkwe waqt, dawn
jifdu, u huwa possibbli li dan iwassal għall-hekk imsejħa “assalti
bankarji” mill-investituri. L-assalti bankarji mill-investituri huma
kkaratterizzati minn talbiet ta’ fidi enormi u f’daqqa minn grupp kbir ta’
investituri li għandhom l-għan li jevitaw milli jitilfu flus u li
jkunu jistgħu jifdu bl-ogħla prezz possibbli. L-assalti bankarji
mill-investituri huma sistemikament rilevanti hekk kif iġiegħlu
lill-MMFs ibiegħu l-assi tagħhom malajr kemm jista’ jkun sabiex
jissodisfaw it-talbiet ta’ fidi pendenti. L-ispirall ta’ fidi nnifsu jkompli
jgħaġġel it-tnaqqis fil-valur nett tal-assi (NAV) tal-fond, u
b’hekk jgħarraq it-tnaqqis fin-NAV u l-biża' li s-suq monetarju huwa
kollu kemm hu instabbli. Peress li l-MMFs għandhom rwol ċentrali
fil-finanzjament għal żmien qasir ta’ entitajiet bħal banek,
korporazzjonijiet jew gvernijiet, l-assalti bankarji mill-investituri fuq
l-MMFs jistgħu jikkawżaw konsegwenzi makroekonomiċi aktar
wisgħin. Filwaqt li l-kontijiet bankarji jammontaw għall-parti l-kbira
(85 %) tal-EUR 1 000 biljun ta’ strumenti finanzjarji
maħruġa lill-MMFs, il-gvernijiet jirrappreżentaw sehem ta’
madwar 10 %, filwaqt li l-kontijiet tal-korporazzjonijiet jammontaw
għal madwar 5 %. Il-gvernijiet u l-korporazzjonijiet kbar ħafna
jużaw is-suq monetarju bħala mezz biex jiksbu finanzjament għal
żmien qasir, flimkien ma’ linji ta’ kreditu bankarji. Il-problemi marbutin mal-assalti bankarji
mill-investituri huma ta’ natura sistemika minħabba: (1) ir-rabtiet
mill-qrib tal-MMFs mal-ekonomija reali (ir-rwol li l-MMFs għandhom
fl-issodisfar tal-ħtiġijiet ta' finanzjament għal żmien
qasir tal-entitajiet permezz tas-suq monetarju bħala għodda ta’
finanzjament), (2) ir-rabta tagħhom mal-isponsors. Barra minn hekk,
l-assalti fuq l-MMFs għandhom ukoll punt ta’ protezzjoni tal-investituri,
peress li dawk li jifdu tard (ġeneralment l-investituri privati) huma fi
żvantaġġ inerenti meta mqabbla ma’ dawk li jifdu kmieni. Ir-Regolament propost jindirizza dawn
il-problemi. Jintroduċi standards komuni biex tiżdied il-likwidità
tal-MMFs kif ukoll biex tiġi żgurata l-istabbiltà tal-istruttura
tagħhom. Se jiddaħħlu regoli uniformi biex jiġi żgurat
livell minimu ta’ assi likwidi ta’ kuljum u ta’ kull ġimgħa. Se
tiġi stabbilita politika standarizzata biex il-maniġer tal-fond ikun
jista’ jifhem aħjar il-bażi ta’ investituri tiegħu.
Jiddaħħlu wkoll regoli komuni biex jiġi ggarantit li l-MMFs
jinvestu f’assi ta’ kwalità għolja u diversifikati sew ta’ kwalità
tal-kreditu tajba. Dawn il-miżuri għandhom jiżguraw li
l-likwidità tal-fond tkun xierqa biex jiġu indirizzati t-talbiet ta’ fidi
tal-investituri. L-istabbiltà tal-MMF se tkun żgurata
permezz tal-ħolqien ta' regoli ta' valutazzjoni ċari u armonizzati
għall-assi li fihom jinvestu l-MMFs. Dawn ir-regoli ta' valutazzjoni se
jagħtu lura l-verità evidenti li l-MMFs huma fondi reċiproki normali
li l-assi ta' investiment tagħhom huma suġġetti
għall-fluttwazzjonijiet tal-prezzijiet. Ċerti MMFs se jkollhom il-possibbiltà li
jżommu l-metodoloġija ta’ kontabbiltà li tippermetti sottoskrizzjoni
stabbli u prezz ta’ fidi bil-kundizzjoni li jibnu riżervi ta’ flus xierqa.
Dan l-hekk imsejjaħ “bafer tan-NAV” għandu jservi biex jassorbi
l-movimenti tas-suq inerenti fis-swieq tal-kapital. Dan għandu jevita
wkoll li l-isponsors ma jkunux ippreparati f’każ li l-MMFs tagħhom
ikunu jeħtieġu appoġġ estern. Il-bafer se jammonta
għal 3 % tal-assi mmaniġġati mill-MMF. Skont l-avvenimenti
osservati tal-appoġġ mill-isponsor matul il-kriżi
(123 istanza fuq l-MMFs tal-Istati Uniti), tliet darbiet biss
l-appoġġ kien ogħla minn 3 %. Meta fl-2008 il-Fond Primarju
ta’ Riżerva sar inadempjenti, dan tilef 3 % fuq 1,5 % skopertura
lill-assi ta’ Lehman. Il-bafer mhux se jipprovdi garanzija sħiħa
lid-detenturi tal-ishma tas-CNAV (Constant Net Asset Value) iżda l-livell
jilħaq bilanċ bejn il-ħtieġa li jkun hemm mudell ta’ CNAV
b’saħħtu u sigur u l-kapaċitajiet finanzjarji tal-maniġers.
L-ispejjeż għall-MMF se jiddependu fuq l-ispejjeż
tal-finanzjament ta’ kull maniġer. Dawn l-ispejjeż jistgħu
jvarjaw bejn 3 % u 10 % kull sena. Meta jiġi applikat għal
bafer ta’ 3 %, dan jirriżulta f’żieda ta’ tariffi ta’
ġestjoni minn 0,09 % għal 0,30 % kull sena. Huwa mistenni
li parti minn din iż-żieda fl-ispejjeż se tingħata
mill-maniġer filwaqt li l-bqija se tingħata lill-investituri.
Iż-żieda fil-miżata se jkollha impatt fuq ir-rendiment li
l-investituri jistgħu jiksbu meta jinvestu f’MMFs iżda min-naħa
l-oħra, dawn se jibbenefikaw minn prodott b’saff addizzjonali ta’
insulazzjoni kontra movimenti fis-suq f’assi sottostanti. Minbarra dawn id-dispożizzjonijiet,
regola komuni dwar il-klassifikazzjoni se tiżgura li l-maniġers
tal-fondi u l-investituri jieqfu milli jiddependu fuq klassifikazzjonijiet ta’
kreditu esterni li jistgħu jkunu ta' ħsara għall-funzjonament
tas-suq monetarju meta ssir deklassifikazzjoni. Dawn il-miżuri se
jiġu akkumpanjati minn żieda fir-rekwiżiti ta’ trasparenza biex
jiġi żgurat li l-investitur jifhem sew ir-riskju u l-profil
tal-gwadanji tal-investiment tiegħu. Ir-regolament propost se jiddependi fuq
il-proċeduri ta’ awtorizzazzjoni eżistenti għall-UCITS li huma
armonizzati mid-Direttiva UCITS. Dan se jintroduċi proċedura ta’
awtorizzazzjoni armonizzata għall-MMFs tal-AIF, minħabba li
d-Direttiva AIFM tħalli l-awtorizzazzjoni tal-AIFs f'idejn l-Istati Membri.
Il-proċedura armonizzata għall-MMFs tal-AIF se tirrifletti
l-proċedura ta’ awtorizzazzjoni armonizzata prevista għall-UCITS.
Il-maniġers se jkomplu jiġu rregolati mill-UCITS jew mid-Direttiva
AIFM iżda l-maniġers u l-fondi li jaqgħu fil-kamp ta’ applikazzjoni
ta’ dan ir-Regolament se jkollhom jikkonformaw ma’ dan is-saff addizzjonali ta’
regoli speċifiċi għall-prodotti tal-MMFs. Dawn ir-regoli uniformi għandhom
l-għan li jħarsu l-integrità tas-suq intern u jżidu
s-saħħa tagħhom biex inaqqsu l-effetti ta’ kriżi
ġdida. L-investituri se jsiru jafu aktar dwar ir-riskji marbuta ma’ dawn
il-prodotti rregolati u ċ-ċertezza dwar il-propożizzjoni
omoġena ta’ investiment assoċjata mal-fondi tas-suq monetarju
fl-Unjoni. Il-maniġers se jibbenefikaw minn regoli dwar il-prodotti
armonizzati madwar l-Ewropa kollha. Dawk li joħorġu l-istrumenti
tas-suq monetarju se jibbenefikaw minn ambjent aktar stabbli li se jżomm
ir-rwol tal-MMFs bħala għodda finanzjarja. 2. RIŻULTATI
TAL-KONSULTAZZJONIJIET MAL-PARTIJIET INTERESSATI U VALUTAZZJONIJIET TAL-IMPATT 2.1. Konsultazzjoni
mal-partijiet interessati Mill-bidu tal-2012, il-Kummissjoni bdiet
tieħu sehem f’konsulatazzjoni estensiva ma’ rappreżentanti minn firxa
wiesgħa ta’ organizzazzjonijiet. L-interazzjoni ħadet il-forma ta’
laqgħat bilaterali u multilaterali, konsultazzjoni pubblika waħda
dwar is-sistema bankarja “parallela”, konsultazzjoni pubblika waħda dwar
il-kwistjonijiet tal-immaniġġar tal-assi inklużi l-MMFs u
konferenza pubblika dwar is-sistema bankarja “parallela”. Bis-saħħa
ta' dan il-proċess il-Kummissjoni kisbet ammont kbir ta’ informazzjoni
dwar il-funzjonament tas-suq tal-MMFs u d-diversi segmenti tiegħu, kif
ukoll fehmiet dwar il-kwistjonijiet li għandhom jiġu solvuti u dwar
kif għandhom jiġu solvuti. 2.1.1. Green
paper dwar is-sistema bankarja “parallela” It-tweġibiet għall-Green Paper taw
dehra ġenerali tas-settur bankarju parallel Ewropew. Dan ippermetta sabiex
jiġu żviluppati mistoqsijiet aktar immirati li huma
speċifċi għat-tħaddim tal-MMFs f’konsultazzjoni dwar
il-ġestjoni tal-assi li ġiet imnedija f’Lulju 2012. Konferenza
pubblika f’April 2012, li għaliha attendew partijiet interessati
mill-UE u l-Istati Uniti, kien fiha wkoll taqsima ddedikata lill-MMFs.
Ir-rappreżentanti min-naħat regolatorji u tal-industrija, li
jiffurmaw il-bord tal-MMFs, ippreżentaw l-opinjonijiet tagħhom dwar
il-ħtieġa li jiġi riformat is-suq tal-MMFs fl-UE. 2.1.2. Konsultazzjoni
dwar l-immaniġġar tal-assi Ġie introdott kapitolu dwar l-MMFs
f’konsultazzjoni pubblika usa' dwar diversi kwistjonijiet dwar
l-immaniġġar tal-assi ppubblikati
fis-26 ta’ Lulju 2012 (din il-konsultazzjoni għalqet
fit-18 ta’ Ottubru 2012). Is-servizzi tal-Kummissjoni
rċivew 56 tweġiba relatati mat-taqsima fuq l-MMFs. 2.2. Valutazzjoni
tal-impatt F’konformità mal-politika dwar
“regolamentazzjoni aħjar”, il-Kummissjoni għamlet valutazzjoni
tal-impatt li teżamina diversi alternattivi politiċi. Sabiex
tiġi żgurata l-likwidità u l-istabbiltà tal-MMFs, ġew analizzati
b'kollox 16-il opinjoni. Dawn l-għażliet kollha ġew analizzati
skont l-għanijiet ġenerali, jiġifieri li
tissaħħaħ l-istabbiltà finanzjarja fis-suq uniku u li
tiżdied il-protezzjoni tal-investituri tal-MMFs, iżda wkoll fl-isfond
ta' għanijiet iktar speċifiċi ta’ din l-inizjattiva: (i) li jiġi
evitat ir-riskju ta’ kontaġju tal-ekonomija reali, (ii) li jiġi
evitat ir-riskju ta’ kontaġju tal-isponsor u, (iii) li jonqsu
l-iżvantaġġi għal min jifdi tard, speċjalment
fir-rigward tal-fidi f’kundizzjonijiet tas-suq taħt stress. Ġew analizzati l-impatti li jinkludu
l-ispejjeż u l-benefiċċji għad-diversi partijiet
interessati, investituri, maniġers tal-assi, emittenti ta’ dejn għal
żmien qasir u sponsors. Din l-analiżi kkonkludiet favur
il-ħolqien ta’ qafas aktar b’saħħtu għall-MMFs: żieda
fil-livelli ta’ likwidità u struttura aktar stabbli. L-impatt tal-għażliet
ippreferuti huwa mistenni li jkun ta’ benefiċċju għall-MMFs u
għas-suq monetarju inġenerali billi jtejjeb ir-reżiljenza
tagħhom kontra l-kundizzjonijiet tas-suq taħt stress. Dan għandu
jirriżulta f’ambjent tas-suq monetarju aktar stabbli fl-Ewropa li se jkun
ta’ benefiċċju għall-investituri, l-emittenti ta’ dejn għal
żmien qasir u l-banek li jisponsorjaw l-MMFs. Is-servizzi tad-DĠ MARKT iltaqgħu
mal-Bord tal-Valutazzjoni tal-Impatt fis-16 ta’ Jannar 2013.
Il-Bord analizza din il-Valutazzjoni tal-Impatt u ta l-opinjoni pożittiva
tiegħu fit-18 ta’ Jannar 2013. Matul il-laqgħa,
il-membri tal-Bord ipprovdew lis-servizzi tad-DĠ MARKT kummenti biex
itejbu l-kontenut tal-Valutazzjoni tal-Impatt li wasslu għal xi tibdil
fl-abbozz finali. Id-definizzjoni tal-problema ttejbet sabiex tipprovdi aktar
dettall dwar is-swieq tal-MMFs, filwaqt li d-deskrizzjoni tagħha kompliet
tiżżejjen b’aktar eżempji fl-Unjoni li b’mod partikolari, juru
d-dimensjoni transfruntiera tal-problemi. L-għanijiet u
l-għażliet bil-problemi identifikati ġew marbuta aħjar
flimkien, filwaqt li ntużaw għanijiet operattivi aktar
kwantifikabbli. L-impatti fuq l-investituri kif ukoll l-ispejjeż marbuta
mal-konformità li jinvolvu l-miżuri previsti ġew spejgati f’aktar
dettall. L-impatti fuq l-Istati Membri u fuq il-koerenza regolatorja
internazzjonali ġew deskritti aħjar ukoll. Fl-aħħar nett
l-opinjonijiet tal-partijiet interessati, b’mod partikolari fit-taqsimiet li
janalizzaw u jqabblu l-għażliet, ġew introdotti b'mod
sistematiku. 3. ELEMENTI LEGALI TAL-PROPOSTA 3.1. Bażi
legali u għażla tal-forma legali L-Artikolu 114(1) TFUE jistabbilixxi
l-bażi legali għal Regolament li joħloq dispożizzjonijiet
uniformi mmirati lejn il-funzjonament tas-suq intern. Regoli prudenzjali dwar
il-prodotti jistabbilixxu l-limiti tar-riskji marbuta mal-MMFs. B'hekk, dawn ma
jirregolawx l-aċċess għall-attivitajiet ta’ mmaniġġar
tal-assi iżda jirregolaw il-mod li bih jitwettqu t-tali attivitajiet
sabiex tiġi żgurata l-protezzjoni tal-investitur u l-istabbiltà
finanzjarja. Dawn isostnu l-funzjonament tajjeb u sigur tas-suq intern. Biex jintlaħaq l-għan tal-integrità
tas-suq intern, il-miżura leġiżlattiva proposta se toħloq
qafas regolatorju għall-MMFs bil-għan li tiżgura żieda
fil-protezzjoni tal-investituri fl-MMFs, kif ukoll tissaħħaħ
l-istabbiltà finanzjarja billi jiġi evitat ir-riskju ta’ kontaġju.
Id-dispożizzjonijiet proposti se jimmiraw b’mod speċifku li
jiżguraw li l-likwidità tal-fond hija xierqa biex jiġu ffaċċati
t-talbiet ta’ fidi u biex l-istruttura tal-MMFs issir b’saħħitha
biżżejjed biex tiflaħ għal kundizzjonijiet tas-suq
negattivi. Regolament jitqies bħala l-aktar strument legali xieraq biex
jiddaħħlu rekwiżiti uniformi li se jindirizzaw, fost l-oħrajn
il-kamp ta’ applikazzjoni tal-assi eliġibbli, ir-regoli ta’
diversifikazzjoni, ir-regoli relatati mal-iskopertura għall-kreditu,
ir-riskji taċ-ċaqliq fir-rata tal-imgħax u ta’ likwidità, kif
ukoll regoli dwar l-awtorizzazzjoni tal-fondi għal min għandu
ħsieb li jagħmel investiment fis-suq monetarju. Essenzjalment, dawn
huma regoli prudenzjali dwar il-prodotti li għandhom l-għan li
jagħmlu l-MMFs Ewropej aktar siguri u effiċjenti, billi jnaqqsu
l-aspetti ta’ riskju sistemiku relatati magħhom. Il-bidu ta’ attivitajiet bħala
maniġer tal-fond huwa rregolat jew mid-Direttiva UCITS jew mid-Direttiva
AIFM. L-attivitajiet tal-maniġers se jibqgħu soġġetti
għad-Direttiva AIFMD u UCITS iżda r-regoli dwar il-prodotti li huma
inklużi fil-qafas tal-UCITS se jiġu ssupplimentati mir-regoli dwar
il-prodotti li huma inklużi f’dan ir-Regolament il-ġdid. 3.2. Sussidjarjetà
u proporzjonalità L-approċċi regolatorji nazzjonali
huma limitati minnhom infushom għall-Istat Membru inkwistjoni.
Ir-regolamentazzjoni tal-profil tal-prodott u l-likwidità ta’ MMF fuq livell
nazzjonali tinvolvi biss riskju li l-prodotti differenti jinbiegħu kollha
bħala MMFs. Dan joħloq konfużjoni għall-investitur u
jxekkel il-ħolqien ta’ kundizzjonijiet ekwi madwar l-Unjoni għal dawk
li joffru MMFs lill-investituri professjonali jew dawk fil-livell tal-konsumatur.
Bl-istess mod, l-approċċi nazzjonali differenti li jikkonċernaw
il-karatteristiċi essenzjali ta’ MMF iżidu r-riskju ta’ kontaġju
transfruntiera, speċjalment meta l-emittenti u l-MMFs ikunu jinsabu fi
Stati Membri differenti. Peress li l-MMFs jinvestu f’firxa wiesgħa ta’
strumenti finanzjarji madwar l-UE, il-falliment ta’ MMF partikolari
(minħabba regolamentazzjoni mhux suffiċjenti f'livell nazzjonali)
ikollha riperkussjonijiet fuq il-finanzjament korporattiv u tal-Gvern madwar
l-UE. Barra minn hekk, peress li ħafna
mill-operaturi li joffru l-MMFs fl-Ewropa huma domiċiljati fi Stati Membri
li huma differenti minn dawk fejn jiġu kkummerċjalizzati l-fondi,
il-ħolqien ta’ qafas b’saħħtu huwa essenzjali biex jiġi evitat
kontaġju transfruntiera. Għandu jiġi evitat ukoll
il-kontaġju transfruntiera bejn MMF u l-isponsor tiegħu li spiss ikun
jinsab fi Stat Membru differenti. Dan huwa speċjalment akut meta
l-isponsor ikun jinsab fi Stat Membru li jaf ma jkollux ir-riżorsi
baġitarji biex jiġi salvat sponsor inadempjenti. Fir-rigward tal-proporzjonalità, il-proposta
ssib bilanċ xieraq bejn l-interess tal-pubbliku involut u
l-kosteffiċjenza tal-miżura. Ir-rekwiżiti imposti fuq
il-partijiet differenti ġew ikkalibrati bir-reqqa. Kull meta kien possibbli,
ġew abbozzati rekwiżiti bħala standards minimi (pereż.
likwidità ta’ kuljum jew ta’ kull ġimgħa, il-limiti ta’
konċentrazzjoni tal-emittenti) filwaqt li r-rekwiżiti regolatorji
tfasslu b’tali mod li ma jfixklux b’mod mhux meħtieġ il-mudelli
kummerċjali eżistenti (pereż. li jiġi pprovdut għal
perjodi tranżitorji xierqa qabel in-NAV ta’ MMF tkun trid tiġi
kkwotata jew li l-operaturi tingħatalhom l-għażla bejn
rekwiżiti ta’ kapital stretti u l-kwotazzjoni tan-NAV tal-MMF tagħhom).
B’mod partikolari, il-ħtieġa li tiġi bbilanċjata
l-protezzjoni tal-investitur, l-evitar ta’ kontaġju transfruntiera
tas-swieq, il-finanzjament tal-industrija Ewropea u l-ispejjeż
għall-industrija kollha ġew ibbilanċjati fit-tfassil ta’ dawn
ir-rekwiżiti. 3.3. Impatt
fuq kwistjonijiet tad-drittijiet fundamentali Il-proposta għandha rilevanza
għall-impatt fuq żewġ drittijiet fundamentali tal-Karta
tad-Drittijiet Fundamentali tal-Unjoni Ewropea, jiġifieri l-libertà li
jwettqu negozju (l-Artikolu 16 u 22) u l-protezzjoni tal-konsumtur
(l-Artikolu 38). L-għan ta’ interess ġenerali
tal-proposta, li jiġġustifika ċerti limitazzjonijiet
tad-drittijiet fundamentali msemmija hawn fuq, huwa l-għan li tiġi
żgurata l-integrità u l-istabbiltà tas-suq. Il-libertà li jitmexxa
n-negozju tista’ tiġi affettwata mill-ħtieġa li jiġu
segwiti l-għanijiet speċifiċi li tiġi żgurata
likwidità suffiċjenti, jiġi evitat ir-riskju ta’ kontaġju u
jissaħħaħ il-ħarsien tal-interessi tal-investitur.
Madankollu, il-proposta tirrispetta bis-sħiħ l-essenza ta’ din
il-libertà fundamentali. Ir-regoli l-ġodda proposti se jsaħħu
b’mod globali d-dritt għall-protezzjoni tal-konsumatur
(l-Artikolu 38) filwaqt li jirrispettaw id-drittijiet fundamentali u
josservaw il-prinċipji rikonoxxuti fil-Karta tad-Drittijiet Fundamentali
tal-Unjoni Ewropea kif imnaqqxa fit-Trattat dwar il-Funzjonament tal-Unjoni
Ewropea. 3.4. Spjegazzjonijiet
dettaljati tal-proposta Il-proposta għal Regolamant dwar il-Fondi
tas-Suq Monetarju (MMF) hija mqassma f’disa’ kapitoli. 3.4.1. Kapitolu I
–Dispożizzjonijiet ġenerali (l-Artikoli 1-6) Il-Kapitolu I jittratta r-regoli
ġenerali, bħas-suġġett u l-kamp ta’ applikazzjoni
tar-regoli, id-definizzjonijiet proposti, l-awtorizzazzjoni tal-MMFs u
l-interazzjoni tar-Regolament propost mar-regoli eżistenti li huma inklużi
fid-Direttivi 2009/65/KE (UCITS) u 2011/61/UE (AIFMD). L-Artikolu 1 jispeċifika
s-suġġett u jispeċifika l-kamp ta applikazzjoni tar-Regolament
propost bħala wieħed li japplika għall-MMFs kollha stabbiliti,
immaniġġati u/jew ikkummerċjalizzati fl-Unjoni u
jispeċifika li r-rekwiżiti li huma inklużi fir-Regolament huma
maħsuba sabiex ikunu eżawrjenti, li jfisser li huma maħsuba biex
ma jħallu l-ebda lok għal gold-plating addizzjonali fil-livell
nazzjonali. L-MMFs huma UCITS jew AIFs li jinvestu fi strumenti finanzjarji għal
żmien qasir u għandhom għanijiet speċifiċi.
L-Artikolu 2 fih definizzjonijiet essenzjali li huma meħtieġa
għall-applikazzjoni uniformi tar-Regolament propost. L-Artikolu 3
jeħtieġ li l-impriżi ta’ investiment kollettiv ikunu awtorizzati
espliċitament bħala MMF jew bħala parti mill-proċedura ta’
awtorizzazzjoni armonizzata tal-UCITS jew skont il-proċedura armonizzata
l-ġdida stabbilita fl-Artikolu 4 għall-AIFs. L-Artikolu 5
jillimita l-indikazzjoni “MMF” unikament għall-fondi li jikkonformaw
mar-Regolament. L-Artikolu 6 jiddeskrivi l-interazzjoni bejn ir-regoli
UCITS u AIFMD u r-Regolament MMF il-ġdid, li essenzjalment
jispeċifika li l-konformità mar-Regolament għandha tkun dmir
il-maniġer tal-MMF. 3.4.2. Kapitolu II
– Obbligi fir-rigward tal-politiki ta' investiment tal-MMFs
(l-Artikoli 7-20) Il-Kapitolu II fih regoli dwar
il-politika ta’ investiment permissibbli li għandha tiġi segwita minn
MMF, bħall-assi eliġibbli, id-diversifikazzjoni,
il-konċentrazzjoni u l-kwalità tal-kreditu tal-assi ta’ investiment. L-Artikolu 7 jiddeskrivi r-relazzjoni
mar-regoli tal-UCITS dwar il-politiki ta’ investiment u r-regoli proposti dwar
il-politiki ta’ investiment tal-MMF, filwaqt li jqis li l-MMF jikkostitwixxi lex
specialis rigward ir-regoli tal-UCITS li huma enumerati b'mod
speċifiku fl-Artikolu 7. L-Artikolu 8 jiddeskrivi erba’
kategoriji ta’ assi finanzjarji li MMF jista’ jinvesti fihom: strumenti tas-suq
monetarju, depożiti mal-istituzzjonijiet ta’ kreditu, derivattivi
finanzjarji u ftehimiet ta’ riakkwist inversi. Min-naħa l-oħra, MMF
ma jistax jinvesti f'xi assi oħra, jidħol f’bejgħ bin-nieqes ta’
strumenti tas-suq monetarju, jieħu skopertura għal ekwitajiet jew
komoditajiet, jidħol fi ftehimiet ta' għoti jew teħid b'self ta'
titoli, jidħol fi ftehimiet ta' riakkwist jew jieħu jew jagħti
flus kontanti b'self, peress li dawn il-klassijiet ta’ assi u l-prattiki
jdgħajfu l-profil tal-likwidità ta’ MMF. L-Artikoli minn 9 sa13
jiddeskrivu aktar il-kundizzjonijiet ta' eliġibbiltà għall-erba' kategoriji
ta' assi li MMF jista' jinvesti fihom. B'mod partikolari l-Artikolu 13
jinkludi regoli li għandhom l-għan li jiżguraw li l-kollateral
riċevut bi skambju għal ftehim ta' retroriakkwist huwa
biżżejjed likwidu biex jippermetti l-bejgħ rapidu tiegħu
meta jkun meħtieġ. L-Artikolu 14 fih regoli dettaljati dwar
id-diversifikazzjoni tal-assi ta’ investiment eliġibbli li kull MMF
għandu jirrispetta, bħal-limiti massimi dwar kemm emittent
wieħed jista’ jirrappreżenta (bħala perċentwali tal-assi
immaniġġati tal-MMFs) u r-regoli dwar l-iskopertura massima
għar-riskju li MMF jista’ jkollu vis-à-vis kontraparti waħda.
Min-naħa l-oħra, l-Artikolu 15 jindirizza l-limiti massimi li
MMF (bħala investitur) jista’ jkollu f’emittent wieħed (limiti ta’
konċentrazzjoni). Sabiex titnaqqas id-dipendenza mekkanika fuq
il-klassifikazzjonijiet esterni, l-Artikoli minn 16 sa 19 fihom regoli
dettaljati dwar il-valutazzjoni interna tal-kwalità tal-kreditu ta’ strumenti
ta’ investiment MMF. L-Artikolu 20 jiddeskrivi r-rekwiżiti ta’
governanza li jirregolaw il-proċess intern ta’ klassifikazzjoni
tal-kreditu, b’mod partikolari r-rwol tal-maniġment superjuri. 3.4.3. Kapitolu III
– Obbligi dwar il-politika ta’ mmaniġġar tar-riskji tal-MMFs
(l-Artikoli 21-25) Il-Kapitolu III jindirizza l-aspetti ta’
mmaniġġar tar-riskji, bħall-maturità u l-profil ta’ likwidità
tal-assi tal-MMFs, is-solleċitazzjoni tal-klassifikazzjonijiet, u l-hekk
imsejħa politika “kun af il-klijent” u l-ittestjar tal-istress li MMF huwa
obbligat jintroduċi. Ir-regoli l-ġodda dwar il-medja peżata
tal-maturità (WAM) u l-medja peżata tal-ħajja (WAL) flimkien
mar-rekwiżiti dwar l-investimenti f’assi li jimmaturaw f'jum u
f'ġimgħa huma elementi essenzjali għaż-żieda
tal-profil tal-likwidità ta’ MMF u għaldaqstant il-kapaċità
tagħha li tissodisfa l-fidi ta’ investitur. L-Artikolu 21 jinkludi
d-dispożizzjoni importanti dwar il-profil ta’ maturità li MMF għal
żmien qasir għandu jħares. L-Artikolu 22 jinkludi regoli
korrispondenti għal MMFs standard li jinvestu fi strumenti aktar fit-tul
minn MMF għal żmien qasir. L-istandard MMFs għandhom limiti
differenti ta’ maturità, bħall-WAL l-WAM, u jistgħu jużaw limitu
aktar baxx ta’ diversifikazzjoni għall-investimenti fi strumenti tas-suq
tal-flus maħruġa mill-istess entità. Dawn il-karatteristiċi huma
koerenti mal-għanijiet ta' MMFs standard li joffru ftit aktar qligħ
akbar milli dak f’rati tas-suq tal-flus. Il-karatteristiċi ta’ din
il-kategorija tal-MMF huma wkoll koerenti mal-fatt li MMFs standard ma
jistgħux jiġu ġestiti bħala MMF tan-NAV kostanti (l-Artikolu 22(5))
u għalhekk huma anqas suxxettibbli għal ħruġ massiv. L-Artikolu 23 ma jippermettix lil MMF
jissolleċita jew jiffinanzja klassifikazzjoni tal-kreditu esterna u
għalhekk jikkumplimenta r-regoli dwar klassifikazzjonijiet interni li
jinsabu fl-Artikoli minn 16 sa 19. L-Artikolu 24 jintroduċi
rekwiżiti dwar “kif tkun taf il-klijent tiegħek”. L-għan ta’
dawn ir-regoli huwa li jippermettu lill-MMFs jantiċipaw aħjar
iċ-ċikli ta’ fidi. L-Artikolu 25 fih regoli dwar l-ittestjar
tal-istress. 3.4.4. Kapitolu IV
– Regoli dwar il-valwazzjoni (l-Artikoli 26-28) Il-Kapitolu IV jittratta l-valwazzjoni
tal-assi ta’ investiment ta’ MMF u l-kalkolu tal-valur nett tal-assi ta’ MMF
għal kull unità jew sehem. L-Artikoli minn 26 sa 28 fihom regoli dwar kif
MMF għandu jistima l-assi ta’ investimenti individwali tiegħu,
jikkalkola l-valur nett tal-assi (NAV) għal kull unità jew sehem tal-MMF,
kif ukoll il-frekwenza taż-żewġ settijiet ta’ valwazzjoni.
Filwaqt li hemm regola ġenerali li tiffavorixxi l-valwazzjoni skont is-suq,
fejn ma jkunx possibbli li ssir valwazzjoni skont is-suq jew meta d-dejta dwar
is-suq ma tkunx ta’ kwalità suffiċjenti, MMF jista’ juża wkoll
l-valwazzjoni skont mudell. Huma biss is-CNAV -MMFs li jistgħu jivvalutaw
ukoll l-assi bi prezz amortizzat. Il-metodu magħżul
għall-kalkolu tan-NAV huwa partikolarment importanti meta
jinħarġu u jinfdew l-ishma jew l-unitajiet f’MMF
(l-Artikolu 26). 3.4.5. Kapitolu V
– Rekwiżiti speċifiċi għas-CNAV MMFs
(l-Artikoli 29-34) Il-Kapitolu V fih rekwiżiti
speċifiċi għall-MMFs li jivvalutaw l-assi tagħhom b'kost
amortizzat jew jirreklamaw NAV kostanti għal kull unità jew sehem jew
iqarrbu n-NAV kostanti għal kull unità jew sehem sal-eqreb punt
perċentwali– l-hekk imsejħa NAV kostanti jew CNAV MMF. L-Artikolu 29 fih rekwiżiti ta’
awtorizzazzjoni speċifiċi li japplikaw biss għall-MMFs li
jużaw kost amortizzat biex jivvalutaw l-assi tagħhom jew jirreklamaw
NAV kostanti għal kull unità jew sehem jew iqarrbu n-NAV kostanti
għal kull unità jew sehem sal-eqreb punt perċentwali. Dawn is-CNAV
MMFs għandhom jistabbilixxu u jżommu l-ħin kollu bafer li
jammonta għal tal-inqas 3 % tal-valur totali tal-assi tagħhom.
L-Artikolu 30 jiddeskrivi l-kostituzzjoni tal-bafer (il-“bafer tan-NAV”),
filwaqt li l-Artikolu 31 jiddeskrivi kif jaħdem. Fuq kollox,
l-Artikolu 31 fih ir-regola li l-bafer tan-NAV jista’ jintuża biss
biex jikkumpensa għad-differenza bejn in-NAV kostanti għal kull unità
jew sehem u l-valur "reali" ta’ unità jew sehem. Barra minn hekk,
l-Artikolu 31 fih regoli dwar meta l-bafer tan-NAV għandu jiġi
ddebitat u meta jista’ jiġi kkreditat. Fl-aħħar, l-Artikoli minn
32 sa 34 fihom l-obbligu ta' riforniment tal-bafer u l-konsegwenzi li jkun hemm
jekk wieħed jonqos milli jirriforni l-bafer tan-NAV. 3.4.6. Kapitolu VI
– Appoġġ estern (l-Artikoli 35-36) Il-Kapitolu VI jinkludi regoli dwar
l-appoġġ estern. Jistabbilixxi r-regola li s-CNAV MMFs jistgħu
jirċievu appoġġ estern biss permezz tal-bafer tan-NAV, filwaqt
li bħala regola ġenerali MMFs oħrajn huma pprojbiti milli
jirċievu appoġġ estern. L-Artikolu 35 jiddeskrivi xi jfisser
appoġġ estern u jinkludi enumerazzjoni mhux eżawrjenti ta’
każijiet ta’ appoġġ estern. Dan l-Artikolu għandu
żewġ għanijiet: li jara li jingħata l-appoġġ
kollu mill-“isponsor” lis-CNAV MMFs permezz tal-mekkaniżmu trasparenti
previst fl-Artikolu 31 billi jintuża bafer tan-NAV stabbilit minn
qabel jew, jekk jingħata appoġġ mill-“isponsor” lil MMFs
oħra, li l-awtoritajiet kompetenti jippermettu appoġġ bħal
dan unikament jekk ċirkostanzi eċċezzjonali marbuta
maż-żamma tal-istabbiltà finanzjarja jiġġustifikaw
l-għoti ad hoc ta’ appoġġ mill-isponsor
(l-Artikolu 36). 3.4.7. Kapitolu VII
– Rekwiżiti ta’ trasparenza (l-Artikoli 37-38) Il-Kapitolu VII fih regoli dwar
it-trasparenza meta jiġu reklamati MMFs lill-investituri u rekwiżiti
ta’ rapportar lill-awtoritajiet kompetenti. L-Artikolu 37 fih rekwiżiti
speċjali għat-trasparenza. L-Artikolu 38 jistabbilixxi
rekwiżiti ta’ rapportar għall-MMFs kollha li japplikaw flimkien
mar-rekwiżiti tad-Direttivi 2009/65 u 2011/61. 3.4.8. Kapitolu VIII
– Superviżjoni (l-Artikoli 39-42) Il-Kapitolu VIII fih ir-regoli
applikabbli dwar is-superviżjoni tal-MMFs: L-Artikolu 39 jispjega
r-rwoli rispettivi tal-awtoritajiet kompetenti tal-MMF u tal-maniġer
tal-MMF. L-Artikolu 40 jiddikjara li s-setgħat tal-awtoritajiet
kompetenti skont id-Direttivi UCITS u AIFM għandhom jiġu
eżerċitati anki b’referenza għar-Regolament propost.
L-Artikolu 41 jirreferi għas-setgħat tal-ESMA (European
Securities Market Authority), filwaqt li l-Artikolu 42 jipprovdi
għall-kooperazzjoni bejn l-awtoritajiet. 3.4.9. Kapitolu IX
– Dispożizzjonijiet finali (l-Artikoli 43-46) Il-Kapitolu IX jinkludi regoli dwar
it-trattament ta’ UCITS eżistenti u l-AIFs li jaġixxu bħala MMFs
biex tiġi żgurata l-konformità tagħhom mar-regoli l-ġodda
dwar l-MMFs u klawżola ta’ rieżami għall-applikazzjoni
tal-bafers tan-NAV għal ċerti CNAV MMFs b’mod partikolari,
l-Artikolu 43 jiddikjara kif l-UCITS u l-AIFs eżistenti li
jissodisfaw il-kriterji tad-definizzjoni ta’ CNAV MMF għandha tibni progressivament
l-bafer tan-NAV. L-Artikolu 45 jistipula li l-applikazzjoni tal-bafers
tan-NAV għall-MMF tas-CNAV li jikkonċentraw il-portafolli
tagħhom fuq dejn maħruġ jew garantit mill-Istati Membri
għandhom jiġu riveduti sa mhux iktar tard minn tliet snin wara
d-dħul fis-seħħ ta’ dan ir-Regolament. 4. IMPLIKAZZJONI BAĠITARJA Il-ħidma ta' riforma tal-MMFs ġiet
ikkoordinata mill-qrib mal-Awtorità Ewropea tat-Titoli u s-Swieq (European
Securities Market Authority, ESMA). L-esperti tal-Kummissjoni fil-qasam ta'
mmaniġġar tal-fondi żammew kuntatt regolari mal-kontropartijiet
tagħhom tal-ESMA; kemm fil-kuntest tal-grupp ta’ ħidma operattiv fuq
l-MMFs kif ukoll fil-Kumitat Permanenti dwar is-Servizzi ta’
Mmaniġġar tal-Investimenti stabbilit fl-ESMA. Tabilħaqq, l-ESMA ssospendiet
il-ħidma li kienet għaddejja fuq l-MMFs minħabba li
l-Kummissjoni ħabbret l-intenzjoni tagħha li tipproponi
leġiżlazzjoni fil-qasam, fejn fost kwistjonijiet oħra, se
tnaqqax ċerti prinċipji li jinsabu fil-linji gwida tas-CESR
(Committee of European Securities Regulators) u l-ESMA li diġà
jeżistu dwar l-MMFs fil-corpus tal-liġi primarja.
Is-sospensjoni ġiet fid-dawl tal-fatt li l-ESMA diġà kienet tat bidu
għal influss ta’ xogħol fuq "metodoloġiji alternattivi ta’
klassifikazzjoni". Dan l-influss ta’ xogħol inbeda sabiex
jissostitwixxi l-klassifikazzjoni tal-kreditu fuq strumenti tas-suq monetarju
maħruġa minn aġenziji ta' klassifikazzjoni tal-kreditu. L-ESMA
ssospendiet dan l-influss ta’ xogħol sabiex tistenna l-mandat formali li
dan ix-xogħol jirċievi bis-saħħa
tal-leġiżlazzjoni proposta. Barra minn hekk, bħala parti
mill-isforzi tagħha biex tistabbilixxi konverġenza fil-qasam
tal-MMFs, l-ESMA diġà hija impenjata fil-ħolqien ta’ database dwar
il-prattiki superviżorji u l-aderenza għal-linji gwida
eżistenti. Għalhekk, l-ESMA diġà hija
mgħammra sew biex taqdi l-mandat f’dan ir-Regolament propost;
tabilħaqq, din il-ħidma kollha diġà kienet inbdiet qabel
il-proposta tal-Kummissjoni dwar l-MMF. F’dawn iċ-ċirkostanzi,
il-Kummissjoni ma identifikatx implikazzjonijiet fuq il-baġit tal-UE.
Fid-dawl ta’ dan ta’ hawn fuq, mhu se jkun hemm bżonn ta' ebda
finanzjament addizzjonali u ebda kariga addizzjonali sabiex l-ESMA twettaq
il-kompiti li l-leġiżlazzjoni proposta se tafdalha: l-iżvilupp
ta' metodoloġija alternattiva ta’ klassifikazzjoni u t-twaqqif ta'
database ta’ MMFs approvati. Kif ġie spjegat hawn fuq, dawn il-kompiti
diġà huma parti mill-influssi ta’ xogħol stabbiliti sew fl-ESMA. Barra minn hekk, il-ħidma fuq
id-definizzjoni tar-regoli operattivi fil-qasam tal-MMFs diġà taqa’
taħt il-kamp ta' applikazzjoni tar-responsabbilitajiet eżistenti
tal-ESMA: Bħala parti mill-kompitu ġenerali tagħha li
tissorvelja u toħloq konverġenza regolatorja fil-qasam tal-fondi tal-UCITS,
l-ESMA diġà ddedikat riżorsi tal-persunal biex tiżviluppa
għodod superviżorji u ta’ politika fir-rigward tal-MMFs, kategorija
speċjali ta’ fondi li huma rregolati mill-UCITS jew inkella mill-AIFs. B'konformità ma’ dawn l-isforzi,
f’Mejju 2010 is-CESR, il-predeċessur tal-ESMA, ħareġ linji
gwida estensivi dwar l-MMF (CESR 10/049). Fl-2012, l-ESMA għamlet evalwazzjoni bejn
il-pari intensiva fl-użu tar-riżorsi biex tistħarreġ kif
l-Istati Membri japplikaw il-linji gwida fil-prattika (12-il Stat Membru
applikaw il-linji gwida filwaqt li tmienja ma daħħluhomx bi
traspożizzjoni fil-prattika regolatorja tagħhom). Fl-2013, il-Linji Gwida dwar l-MMFs kienu
ssupplimentati b'mistoqsijiet u tweġibiet ddettaljati. 2013/0306 (COD) Proposta għal REGOLAMENT TAL-PARLAMENT EWROPEW U
TAL-KUNSILL dwar il-Fondi tas-Suq Monetarju (Test b’rilevanza għaż-ŻEE) IL-PARLAMENT EWROPEW U L-KUNSILL
TAL-UNJONI EWROPEA, Wara li kkunsidraw it-Trattat dwar
il-Funzjonament tal-Unjoni Ewropea, u b’mod partikolari l-Artikolu 114
tiegħu, Wara li kkunsidraw il-proposta mill-Kummissjoni
Ewropea, Wara li l-abbozz tal-att leġiżlattiv
intbagħat lill-Parlamenti nazzjonali, Wara li kkunsidraw l-opinjoni tal-Kumitat
Ekonomiku u Soċjali Ewropew[2],
Filwaqt li jaġixxu skont
il-proċedura leġiżlattiva ordinarja, Billi: (1) Il-fondi tas-suq monetarju
(money market funds, MMF) jipprovdu finanzi ta’ terminu qasir ta' żmien
lill-istituzzjonijiet finanzjarji, lill-korporattivi jew lill-gvernijiet. Billi
jipprovdu finanzi lil dawn l-entitajiet, il-fondi tas-suq monetarju
jikkontribwixxu għall-finanzjament tal-ekonomija Ewropea. (2) Mil-lat tad-domanda, l-MMFs
huma għodda ta’ mmaniġġar tal-flus ta’ terminu qasir ta'
żmien li jipprovdu livell għoli ta’ likwidità, diversifikazzjoni,
stabbiltà tal-valur tal-kapital investit flimkien ma’ redditu bbażat fuq
is-suq. L-MMFs jintużaw prinċipalment minn korporazzjonijiet li jkunu
qegħdin ifittxu li jinvestu l-flus żejda tagħhom għal
żmien qasir. L-MMFs għalhekk jirrappreżentaw rabta kruċjali
li tgħaqqad flimkien id-domanda u l-offerta ta’ flus għal terminu
qasir ta' żmien. (3) L-avvenimenti li
seħħew matul il-kriżi finanzjarja xeħtu dawl fuq diversi
aspetti tal-MMFs li jagħmluhom vulnerabbli meta jkun hemm diffikultajiet
fis-swieq finanzjarji u għalhekk jistgħu jxerrdu jew jamplifikaw
ir-riskji permezz tas-sistema finanzjarja. Meta l-prezzijiet tal-assi li fihom
ikunu investiti l-MMFs jibdew jonqsu, speċjalment waqt sitwazzjonijiet ta’
suq taħt stress, l-MMF mhux dejjem jista’ jżomm il-wegħda ta’
tifdija immedjata u li jippreserva l-valur prinċipali ta’ unità jew sehem
maħruġ mill-MMF lill-investituri. Din is-sitwazzjoni tista’ twassal
għal talbiet f’daqqa u massivi ta’ tifdija, li jistgħu jikkawżaw
konsegwenzi makroekonomiċi aktar wiesgħa. (4) It-talbiet kbar ta’ tifdija
jġiegħlu lill-MMFs ibiegħu xi wħud mill-assi ta’
investiment tagħhom f’suq li jkun sejjer għan-niżla, li jwassal
għal kriżi ta’ likwidità. F’dawn iċ-ċirkustanzi,
l-emittenti tas-suq monetarju jistgħu jiffaċċaw diffikultajiet
ta’ finanzjament jekk jinxef is-suq tal-karti kummerċjali u ta’ strumenti
oħra tas-suq monetarju. Kwalunkwe kontaġju tas-suq tal-finanzjament
għal terminu qasir ta' żmien imbagħad jista’ jirrappreżenta
wkoll diffikultajiet diretti u kbar għall-finanzjament
tal-istituzzjonijiet finanzjarji, il-korporattivi u l-gvernijiet, u
għalhekk l-ekonomija. (5) Il-maniġers tal-assi,
megħjuna mill-isponsors, jistgħu jiddeċiedu li jipprovdu
appoġġ diskrezzjonarju sabiex iżommu l-likwidità u l-istabbiltà
tal-MMFs tagħhom. L-isponsors sikwit huma sfurzati jappoġġaw l-MMFs
sponsorjati tagħhom meta jitilfu l-valur minħabba r-riskju
għar-reputazzjoni u l-biża’ li l-paniku jista’ jinfirex fin-negozji
l-oħra tal-isponsor. Skont id-daqs tal-fond u l-livell tal-pressjoni ta’
tifdija, l-appoġġ tal-isponsors jista’ jilħaq proporzjonijiet li
jaqbżu r-riżervi immedjatament disponibbli tagħhom.
Għalhekk, huwa importanti li jiġi pprovdut qafas ta’ regoli uniformi
sabiex jiġi evitat il-falliment tal-isponsor u l-kontaġju tar-riskju
għal entitajiet oħra li jisponsorjaw l-MMFs. (6) Sabiex jiġu ppreservati
l-integrità u l-istabbiltà tas-suq intern billi jiġu promossi MMFs aktar
reżistenti u jiġu limitati l-kanali ta’ kontaġju, huwa
meħtieġ li jiġu stabbiliti regoli rigward l-operat tal-MMFs,
b’mod partikolari dwar il-kompożizzjoni tal-portafoll tal-MMFs. Huma
meħtieġa regoli uniformi madwar l-Unjoni sabiex jiġi żgurat
li l-MMFs ikunu jistgħu jirrimborżaw immedjatament lill-investituri,
speċjalment waqt sitwazzjonijiet ta’ suq taħt stress. Regoli uniformi
dwar il-portafoll ta’ suq monetarju huma meħtieġa wkoll sabiex
jiġi żgurat li l-MMFs ikunu kapaċi jiffaċċaw talbiet
massivi u f’daqqa ta’ tifdija minn grupp kbir ta’ investituri. (7) Ir-regoli uniformi dwar
il-MMFs huma meħtieġa wkoll sabiex jiġi assigurat tħaddim
mingħajr problemi tas-suq tal-finanzjament ta’ terminu qasir ta'
żmien għall-istituzzjonijiet finanzjarji, l-emittenti korporattivi
ta’ dejn ta’ terminu qasir u l-gvernijiet. Huma meħtieġa wkoll sabiex
jassiguraw trattament indaqs bejn l-investituri fl-MMF u sabiex jiġi evitat
li min jifdi tard ikollu jappoġġa inkonvenjenza addizzjonali meta
t-tifdija tiġi temporanjament sospiża jew meta l-MMF jiġi
likwidat. (8) Huwa meħtieġ li
jsir provvediment għall-armonizzazzjoni tar-rekwiżiti prudenzjali
relatati mal-MMFs billi jiġu stabbiliti regoli ċari li jimponu
obbligi diretti fuq l-MMFs u l-maniġers tagħhom madwar l-Unjoni
kollha. Dan isaħħaħ l-istabbiltà tal-MMFs bħala sors ta’
finanzjament ta’ terminu qasir ta' żmien għall-gvernijiet u s-settur
korporattiv madwar l-Unjoni. Jassigura wkoll li l-MMFs jibqgħu għodda
kredibbli għall-ħtiġijiet ta’ mmaniġġar tal-flus
tal-industrija tal-Unjoni. (9) Il-Linji gwida dwar l-MMFs li
kienu adottati mill-Kumitat tar-Regolaturi Ewropej tat-Titoli (Committee of
European Securities Regulators, CESR) sabiex joħolqu kundizzjonijiet ekwi
minimi għall-MMFs fl-Unjoni, sena wara d-dħul fis-seħħ
tagħhom kienu implimentati biss minn 12-il Stat Membru, li juri
l-persistenza ta’ regoli nazzjonali diverġenti. L-approċċi
nazzjonali differenti ma jindirizzawx il-vulnerabbiltajiet tas-swieq monetarji
tal-Unjoni, kif deher matul il-kriżi finanzjarja, u biex inaqqsu r-riskji
ta’ kontaġju u b’hekk jipperikolaw il-funzjonament u l-istabbiltà tas-suq
intern. Dawn ir-regoli komuni dwar l-MMFs għalhekk għandhom jipprovdu
livell għoli ta’ protezzjoni tal-investituri u għandhom jipprevjenu u
jimmitigaw kwalunkwe riskju potenzjali ta’ kontaġju li jirriżulta
minn assalti bankarji possibbli mill-investituri fl-MMFs. (10) Fin-nuqqas ta’ Regolament li
jistabbilixxi regoli dwar l-MMFs, jistgħu jiġu adottati miżuri
diverġenti fuq livell nazzjonali, li huma probabbli li jikkawżaw
distorsjonijiet sinifikanti tal-kompetizzjoni b’riżultat tad-differenzi
importanti fl-istandards essenzjali tal-protezzjoni tal-investimenti.
Ir-rekwiżiti diverġenti dwar il-kompożizzjoni tal-portafolli,
l-assi eliġibbli, il-maturità, il-likwidità u d-diversifikazzjoni
tagħhom, kif ukoll dwar il-kwalità tal-kreditu tal-emittenti
tal-istrumenti tas-suq monetarju jwasslu għal livelli differenti ta’
protezzjoni tal-investituri minħabba l-livelli differenti tar-riskju
marbuta mal-proposta ta’ investiment assoċjat ma’ fond tas-suq monetarju.
In-nuqqas ta’ adozzjoni ta’ regoli komuni stretti applikabbli għall-MMFs
fis-suq intern jimpedixxi protezzjoni uniformi tal-investituri u jagħti
lill-investituri inċentivi differenti sabiex jifdu l-investimenti
tagħhom u b’hekk iwassal għal assalt bankarju. Għalhekk huwa
essenzjali li jiġi evitat il-kontaġju fis-suq tal-finanzjament ta’
terminu qasir ta' żmien u għall-isponsors tal-MMFs li
jpoġġi f’riskju l-istabbiltà tas-suq finanzjarju tal-Unjoni, billi
jiġi adottat sett ta’ regoli uniformi. (11) Ir-regoli l-ġodda dwar
MMFs huma marbuta mill-qrib mad-Direttiva 2009/65/KE[3] u d-Direttiva 2011/61/UE[4] minħabba li dawn jiffurmaw
il-qafas ġuridiku li jirregola l-istabbiliment, il-ġestjoni u
l-kummerċjalizzazzjoni ta’ MMFs fl-Unjoni. (12) Fl-Unjoni, l-impriżi ta’
investiment kollettiv jistgħu joperaw bħala impriżi ta’
investiment kollettiv f’titoli trasferibbli (Undertakings for Collective
Investment in Transferable Securities, UCITS) immaniġġati minn
maniġers tal-UCITS jew kumpaniji ta’ investiment awtorizzati skont
id-Direttiva 2009/65/KE jew bħala fondi ta’ investiment alternattivi
(Alternative Investment Funds, AIFs) immaniġġati minn maniġers
tal-fondi ta’ investiment alternattivi (Alternative Investment Fund Managers,
AIFMs) awtorizzati jew irreġistrati skont id-Direttiva 2011/61/UE.
Ir-regoli l-ġodda dwar l-MMFs jissupplimentaw id-dispożizzjonijiet
ta’ dawk id-Direttivi. Għalhekk ir-regoli uniformi l-ġodda dwar
l-MMFs għandhom japplikaw flimkien ma’ dawk stabbiliti fid-Direttivi
2009/65/KE u 2011/61/UE. Fl-istess ħin, numru ta’ regoli rigward
il-politiki ta’ investiment tal-UCITS stabbiliti fil-Kapitolu VII
tad-Direttiva 2009/65/KE għandhom jiġu diżapplikati b’mod
espliċitu u għandhom jiġu stabbiliti regoli dwar prodotti
speċifiċi f’dawn id-dispożizzjonijiet uniformi l-ġodda dwar
l-MMFs. (13) Ir-regoli armonizzati
għandhom japplikaw għall-impriżi ta’ investiment kollettiv li
l-karatteristiċi tagħhom jikkorrispondu ma’ dawk assoċjati ma’
MMF. Għall-UCITS u l-AIFs li jinvestu f’assi ta’ terminu qasir ta'
żmien bħal strumenti tas-suq monetarju jew depożiti, jew li
jidħlu fi ftehimiet ta’ riakkwist invers jew ċerti kuntratti tad-derivati
bl-uniku għan li jagħmlu hedging ir-riskji inerenti għal
investimenti oħra tal-fond, u li għandhom l-għan li joffru
redditi skont ir-rati tas-suq monetarju jew li jippreservaw il-valur
tal-investiment, il-konformità mar-regoli l-ġodda dwar l-MMFs għandha
tkun obbligatorja. (14) L-ispeċifiċità
tal-MMFs tirriżulta minn kombinazzjoni tal-assi li jinvestu fihom u
l-għanijiet li jsegwu. L-għan li joffru redditu skont ir-rati tas-suq
monetarju u l-għan li jippreservaw il-valur ta’ investiment ma jeskludix
wieħed lill-ieħor. MMF jista’ jkollu jew wieħed minn dawn
l-għanijiet jew iż-żewġ għanijiet flimkien. (15) L-għan li jiġu
offruti redditi skont ir-rati tas-suq monetarju għandu jinftiehem f’sens
wiesa’. Ir-redditu mistenni ma għandux għalfejn ikun allinjat
perfettament mal-EONIA, Libor, Euribor jew xi rata rilevanti oħra tas-suq
monetarju. L-għan li tinqabeż ir-rata tas-suq monetarju
b’marġinu żgħir ma għandux jitqies li joħroġ
UCITS jew AIF ’il barra mill-kamp ta’ applikazzjoni tar-regoli uniformi
l-ġodda. (16) L-għan li jiġi
ppreservat il-valur tal-investiment ma għandux jinftiehem bħala
garanzija kapitali mwiegħda mill-fond. Dan għandu jinftiehem
bħala mira li l-UCITS jew l-AIF ifittxu li jsegwu. Tnaqqis fil-valur
tal-investimenti ma għandux jimplika li l-impriża ta’ investiment
kollettiv tkun biddlet l-għan li tippreserva l-valur ta’ investiment. (17) Huwa importanti li l-UCITS u
l-AIFs li għandhom il-karatteristiċi ta’ MMFs jiġu identifikati
bħala MMFs u li l-kapaċità tagħhom li jikkonformaw fuq bażi
kontinwa mar-regoli uniformi l-ġodda dwar l-MMFs tiġi verifikata
b’mod espliċitu. Għal dan il-għan l-awtoritajiet kompetenti
għandhom jawtorizzaw lill-MMFs. Għall-UCITS, l-awtorizzazzjoni
bħala MMF għandha tkun parti mill-awtorizzazzjoni bħala UCITS
skont il-proċeduri armonizzati previsti fid-Direttiva 2009/65/KE.
Għall-AIFs, billi dawn mhumiex soġġetti għal proċeduri
armonizzati ta’ awtorizzazzjoni u sorveljanza skont id-Direttiva 2011/61/UE,
huwa meħtieġ li jiġu pprovduti regoli bażiċi komuni
dwar l-awtorizzazzjoni li jirriflettu r-regoli armonizzati eżistenti dwar
l-UCITS. Proċeduri bħal dawn għandhom jassiguraw li AIF
awtorizzat bħala MMF ikollu bħala maniġer, maniġer ta’ fond
ta’ investiment alternattiv (AIFM) awtorizzat skont id-Direttiva 2011/61/UE. (18) Sabiex ikun assigurat li l-impriżi
kollha ta’ investiment kollettiv li juru l-karatteristiċi ta’ MMFs ikunu
soġġetti għar-regoli komuni l-ġodda dwar l-MMFs, huwa
meħtieġ li jiġi pprojbit l-isem "MMF" jew kwalunkwe
terminu ieħor li jissuġġerixxi li impriża ta’ investiment
kollettiv għandha l-istess karatteristiċi tal-MMFs għajr
f’każ ta’ konformità ma’ dan ir-Regolament. Sabiex jiġi evitat
it-tidwir mar-regoli dwar l-MMFs, l-awtoritajiet kompetenti għandhom
jimmonitorjaw il-prattiċi tas-suq tal-impriżi ta’ investiment
kollettiv stabbiliti jew kummerċjalizzati fil-ġurisdizzjoni
tagħhom sabiex jivverifikaw li dawn ma jużawx ħażin l-isem
ta’ MMF jew jissuġġerixxu li huma MMF mingħajr ma jikkonformaw
mal-qafas regolatorju l-ġdid. (19) Ir-regoli l-ġodda
applikabbli għall-MMFs għandhom jibnu fuq il-qafas regolatorju
eżistenti stabbilit permezz tad-Direttiva 2009/65/KE u d-Direttiva
2011/61/UE u l-atti adottati għall-implimentazzjoni tagħhom.
Għalhekk, ir-regoli tal-prodott fir-rigward tal-MMFs għandhom
japplikaw flimkien mar-regoli tal-prodott stabbiliti
fil-leġiżlazzjoni eżistenti tal-Unjoni sakemm dawn ma jkunux
diżapplikati b’mod espliċitu. Barra minn hekk, ir-regoli dwar
l-immaniġġar u l-kummerċjalizzazzjoni stabbiliti fil-qafas
eżistenti għandhom japplikaw għall-MMFs billi jiġi
kkunsidrat jekk humiex UCITS jew AIFs. Bl-istess mod, ir-regoli dwar
il-provvista transfruntiera ta’ servizzi u dwar il-libertà ta’ stabbiliment
stipulati fid-Direttivi 2009/65/KE u 2011/61/UE għalhekk għandhom
japplikaw għall-attivitajiet transfruntiera tal-MMFs. (20) Billi l-UCITS u l-AIFs jista’
jkollhom forom legali differenti li mhux bilfors jagħtuhom personalità
ġuridika, id-dispożizzjonijiet li jitolbu lill-MMFs jieħdu
azzjoni għandhom jinftiehmu bħala li jirreferu għall-maniġer
tal-MMF fil-każijiet fejn l-MMF ikun ikkostitwit bħala UCITS jew AIF
li ma jkunx f’pożizzjoni li jaġixxi waħdu minħabba li ma
jkollux personalità ġuridika proprja tiegħu. (21) Ir-regoli dwar il-portafoll
tal-MMFs jitolbu identifikazzjoni ċara tal-kategoriji ta’ assi li
għandhom ikunu eliġibbli għal investiment mill-MMFs u
tal-kundizzjonijiet li bihom ikunu eliġibbli. Sabiex tkun assigurata
l-integrità tal-MMFs huwa mixtieq ukoll li MMF ikun ipprojbit milli jinvolvi
ruħu f’ċerti tranżazzjonijiet finanzjarji li jistgħu
jipperikolaw l-istrateġija u l-għanijiet tal-investiment tiegħu. (22) L-istrumenti tas-suq monetarju
huma strumenti trasferibbli li normalment jiġu nnegozjati fis-suq
monetarju, bħall-kambjali tat-teżor u tal-awtoritajiet lokali,
iċ-ċertifikati ta’ depożiti, il-karti kummerċjali,
l-aċċettazzjonijiet bankarji jew in-noti ta’ terminu qasir jew medju
ta' żmien. Huma għandhom ikunu eliġibbli għal investiment
mill-MMFs biss sakemm jikkonformaw mal-limiti tal-maturità u jkunu kkunsidrati
mill-MMF bħala ta’ kwalità ta’ kreditu għolja. (23) Il-Karti Kummerċjali
Garantiti b'Assi (Asset Backed Commercial Papers, ABCPs) għandhom
jiġu kkunsidrati bħala strumenti eliġibbli tas-suq tal-flus
sakemm dawn jirrispettaw rekwiżiti addizzjonali. Minħabba li matul
il-kriżi ċerti titolizzazzjonijiet kienu partikolarment instabbli,
huwa meħtieġ li jiġu imposti limiti ta’ maturità u kriterji ta’
kwalità dwar l-assi sottostanti. Mhux il-kategoriji kollha ta’ assi sottostanti
għandhom ikunu eliġibbli, għaliex uħud kienu iktar
konfrontati għall-instabbiltà minn oħrajn. Għal din
ir-raġuni l-assi sottostanti għandhom ikunu esklussivament
magħmula minn strumenti tad-dejn ta’ terminu qasir ta' żmien li
nħarġu minn kumpaniji waqt l-attività tan-negozju tagħhom, bħal
debituri tan-negozju. Strumenti bħalma huma self fuq karozzi u kuntratti
ta’ kiri, kuntratti ta’ kiri għal tagħmir, self tal-konsumatur, self
ipotekarju residenzjali, karta tal-kreditu riċevibbli jew kwalunkwe tip
ieħor ta’ strument marbut mal-akkwist jew l-iffinanzjar ta’ servizzi jew
oġġetti mill-konsumaturi ma għandhomx ikunu eliġibbli.
L-ESMA għandha tkun fdata bit-tfassil ta’ standards tekniċi
regolatorji biex jintbagħtu għall-approvazzjoni mill-Kummissjoni
fir-rigward tal-kundizzjonijiet u ċ-ċirkustanzi li fihom
l-iskopertura sottostanti jew grupp ta’ skoperturi jkun meqjus li
esklussivament jikkonsisti f'dejn korporattiv u l-kundizzjonijiet u l-limiti
massimi numeriċi li jiddeterminaw meta dejn korporattiv huwa ta’ kwalità
għolja ta’ kreditu u likwidità. (24) Il-MMF għandu
jitħalla jinvesti fid-depożiti sakemm huwa jkun jista’ jiġbed
il-flus fi kwalunkwe ħin. Il-possibbiltà effettiva ta’ ġbid tkun
imdgħajfa jekk il-penali assoċjati mal-ġbid kmieni jkunu tant
għoljin li jaqbżu l-interessi akkumulati qabel il-ġbid.
Għal din ir-raġuni l-MMF għandu joqgħod attent biex ma
jagħmilx depożiti ma’ istituzzjoni ta’ kreditu li titlob penali
ogħla mill-medja jew li jidħol f’depożiti fit-tul wisq fejn dan
jirriżulta f’penali għoljin ħafna. (25) L-istrumenti finanzjarji
derivati eliġibbli għal investiment minn MMF għandhom jaqdu
l-iskop biss ta’ hedging tar-rata tal-imgħax u r-riskju tal-valuta u
għandu jkollhom biss bħala strument sottostanti rati tal-imgħax,
valuti tal-kambju jew indiċijiet li jirrappreżentaw dawn il-kategoriji.
Kwalunkwe użu ta’ derivattivi għal skop ieħor jew fuq assi
sottostanti oħra għandu jkun projbit. Id-derivattivi għandhom
jintużaw biss bħala kompliment għall-istrateġija tal-fond
iżda mhux bħala l-istrument prinċipali sabiex jinkisbu
l-għanijiet tal-fond. Jekk MMF jinvesti f’assi mmarkati f’valuta oħra
li ma tkunx il-valuta tal-fond, huwa mistenni li l-maniġer tal-MMF
jagħmel hedging l-iskopertura kollha kemm hi għar-riskju tal-valuta,
inkluż permezz ta’ derivattivi. (26) Il-ftehimiet ta’ riakkwist
invers jistgħu jintużaw mill-MMFs bħala mezz sabiex jinvestu
l-flus żejda fuq bażi ta’ terminu qasir ħafna ta' żmien,
bil-kundizzjoni li l-pożizzjoni tkun kollateralizzata għal kollox.
Sabiex jiġu mħarsa l-interessi tal-investituri huwa meħtieġ
li jiġi assigurat li l-kollateral ipprovdut fil-qafas tal-ftehimiet ta’
riakkwist invers ikun ta’ kwalità għolja. It-tekniki effiċjenti
l-oħra kollha ta’ mmaniġġar ta’ portafolli, inkluż
l-għoti u t-teħid b’self ta’ titoli, ma għandhomx jintużaw
mill-MMF billi dawn probabbli li jaffettwaw il-kisba tal-għanijiet ta’
investiment tal-MMF. (27) Sabiex jiġi limitat
it-teħid tar-riskju mill-MMFs, huwa essenzjali li jitnaqqas ir-riskju
tal-kontroparti billi l-portafoll tal-MMFs jiġi soġġett
għal rekwiżiti ċari ta’ diversifikazzjoni. F’dan ir-rigward huwa
meħtieġ ukoll li l-ftehimiet ta’ riakkwist invers ikunu
kollateralizzati b’mod sħiħ u li, sabiex jiġi limitat ir-riskju
operattiv, kontroparti waħda ta’ ftehim ta’ riakkwist invers ma tistax
tkun responsabbli għal aktar minn 20 % tal-assi tal-MMF. Id-derivati
kollha barra l-Borża (over-the-counter, OTC) għandhom ikunu
soġġetti għar-Regolament (UE) Nru 648/2012[5]. (28) Għal raġunijiet
prudenzjali u sabiex jiġi evitat l-eżerċizzju ta’ influwenza
sinifikanti fuq l-immaniġġar ta’ korp emittenti mill-MMF, huwa
meħtieġ li tiġi evitata l-konċentrazzjoni
eċċessiva minn MMF f’investimenti maħruġa mill-istess korp
emittenti. (29) L-MMF għandu jkollu
r-responsabbiltà li jinvesti f’assi eliġibbli ta’ kwalità għolja.
Għalhekk, l-MMF għandu jkollu proċedura prudenti u rigoruża
ta’ valutazzjoni interna sabiex jiddetermina l-kwalità tal-kreditu
tal-istrumenti tas-suq monetarju li fih ikun beħsiebu jinvesti. Skont
il-leġiżlazzjoni tal-Unjoni li tillimita s-sovradipendenza fuq
il-klassifikazzjonijiet tal-kreditu, huwa importanti li l-MMFs jevitaw
kwalunkwe dipendenza mekkanistika fuq il-klassifikazzjonijiet maħruġa
mill-aġenziji tal-kreditu meta jkunu qegħdin jivvalutaw il-kwalità
tal-assi eliġibbli. Għal dan il-għan l-MMF għandu
jistabbilixxi sistema interna ta’ klassifikazzjoni bbażata fuq skala ta’
klassifikazzjoni armonizzata u proċedura ta’ valutazzjoni interna. (30) Sabiex jiġi evitat li
l-maniġers tal-MMFs jużaw kriterji ta’ valutazzjoni differenti biex
jevalwaw ir-riskju ta’ kreditu ta’ strument tas-suq monetarju u b’hekk jattribwixxu
karatteristiċi ta’ riskju differenti lill-istess strument, huwa essenzjali
li l-maniġers jibbażaw fuq l-istess kriterji. Għal dan
il-għan, il-kriterji tal-klassifikazzjoni għandhom jiġu definiti
b’mod preċiż u armonizzati. Eżempji tal-kriterji interni ta’
klassifikazzjoni huma l-miżuri kwantitattivi dwar l-emittent
tal-istrument, bħall-proporzjonijiet finanzjarji, id-dinamiċi
tal-karta bilanċjali, il-linji gwida dwar il-profittabilità, li jiġu
evalwati u mqabbla ma’ dawk tal-pari u l-gruppi tal-industrija; miżuri
kwalitattivi dwar l-emittent tal-istrument; bħall-effikaċja
tal-maniġment, l-istrateġija korporattiva, li jkunu analizzati sabiex
jiġi determinat li l-istrateġija globali tal-emittent ma xxekkilx
il-kwalità tal-kreditu futur tiegħu. L-ogħla klassifikazzjonijiet
interni għandhom jirriflettu l-fatt li l-kredibbiltà kreditizja
tal-emittent tal-istrumenti tinżamm dejjem fl-ogħla livelli
possibbli. (31) Biex jiżviluppa sistema
trasparenti u koerenti ta’ klassifikazzjoni interna, il-maniġer
għandu jiddokumenta l-proċeduri użati għall-valutazzjoni
interna. Dan għandu jassigura li l-proċedura ssegwi sett ċar ta’
regoli li jistgħu jiġu mmonitorjati u li l-metodoloġiji
użati jiġu kkomunikati lill-partijiet interessati meta dawn
jitolbuhom. (32) Sabiex jitnaqqas ir-riskju
tal-portafoll ta’ MMF huwa importanti li jiġu stabbiliti limitazzjonijiet
fuq il-maturità, li jipprovdu għal maturità medja peżata (weighted
average maturity, WAM) massima permissibbli u perjodu medju peżat (weighted
average life, WAL). (33) Il-WAM tintuża sabiex
titkejjel is-sensittività ta’ MMF għar-rati tal-imgħax li jinbidlu
tas-suq monetarju. Fl-istabbiliment tal-WAM, il-maniġers iridu
jikkunsidraw l-impatt tal-istrumenti derivattivi, id-depożiti u
l-ftehimiet ta’ riakkwist invers u jirriflettu l-effett tagħhom fuq
ir-riskju taċ-ċaqliq fir-rata tal-imgħax tal-MMF. Meta MMF
jidħol fi tranżazzjoni ta’ swap biex jikseb skopertura għal
strument b’rata fissa minflok rata varjabbli, dan għandu jiġi
kkunsidrat għall-istabbiliment tal-WAM. (34) Il-WAL jintuża sabiex
jitkejjel ir-riskju ta’ kreditu, billi aktar ma jiġi pospost
ir-rimborż tal-kapital, aktar ikun kbir ir-riskju ta’ kreditu. Il-WAL
jintuża wkoll sabiex jillimita r-riskju tal-likwidità. Kuntrarju
għall-kalkolu tal-WAM, il-kalkolu tal-WAL għat-titoli b’rata
varjabbli u l-istrumenti finanzjarji strutturati ma jippermettix l-użu ta’
dati għall-issettjar mill-ġdid tar-rati tal-imgħax iżda
minflok juża l-maturità finali ddikjarata tal-istrument finanzjarju.
Il-maturità użata għall-kalkolu tal-WAL hija l-maturità residwa
sat-tifdija legali, billi din hija l-unika data li fiha l-kumpanija
maniġerjali tista’ tkun assigurata li l-istrument ikun ġie
rimborżat. Aspetti ta’ strument, bħall-possibbiltà ta’ tifdija f’dati
speċifiċi, l-hekk imsejħa għażliet put, ma
jistgħux jiġu kkunsidrati għall-kalkolu tal-WAL. (35) Sabiex
tissaħħaħ il-ħila tal-MMFs li jiffaċċaw tifdijiet
u jiġi evitat li l-assi tal-MMFs jiġu likwidati bi prezzijiet
skontati ħafna, l-MMFs għandhom iżommu fuq bażi kontinwa
ammont minimu ta’ assi likwidi li jimmaturaw kuljum jew kull ġimgħa.
Sabiex jiġi kkalkulat il-proporzjon tal-assi li jimmaturaw kuljum jew kull
ġimgħa, għandha tintuża d-data tat-tifdija legali. Tista’
tiġi kkunsidrata l-possibbiltà li l-maniġer itemm kuntratt fuq
bażi ta’ terminu qasir ta' żmien. Pereżempju, jekk ftehim ta’
riakkwist invers ikun jista’ jiġi tterminat b’avviż ġurnata
qabel, dan għandu jitqies bħala assi li jimmatura kuljum. Jekk
il-maniġer ikollu l-possibbiltà li jiġbed flus minn kont ta’
depożitu b’avviż ġurnata qabel, dan jista’ jitqies bħala
assi li jimmatura kuljum. (36) Minħabba li MMFs
jistgħu jinvestu f’assi b’firxiet differenti ta’ maturità, l-investituri
għandhom ikunu jistgħu jagħmlu distinzjoni bejn kategoriji
differenti tal-MMF. Għalhekk, l-MMFs għandhom jiġu kklassifikati
bħala MMF għal terminu qasir ta' żmien jew bħala MMF
standard. L-MMFs għal terminu qasir ta' żmien għandhom
l-għan li joffru dħul bir-rata tas-suq filwaqt li jiżguraw
l-ogħla livell ta’ sigurtà possibbli għall-investituri. Fuq rotot
qosra WAM u WAL, ir-riskju tat-tul ta' żmien u r-riskju tal-kreditu
tal-MMFs għal terminu qasir ta' żmien jinżammu f’livelli baxxi. (37) L-MMFs standard għandhom
l-għan li joffru redditi daqsxejn ogħla mir-redditi tas-suq
monetarju, u għalhekk jinvestu f’assi li għandhom maturità
estiża. Barra minn hekk, sabiex jiksbu din il-prestazzjoni aħjar, din
il-kategorija ta' MMFs għandha tippermetti li jitħallew jużaw
limiti estiżi għar-riskju tal-portafoll bħall-maturità medja
peżata u l-perjodu medju peżat. (38) Skont ir-regoli stabbiliti
fl-Artikolu 84 tad-Direttiva 2009/65/KE, il-maniġers tal-UCITS MMFs
għandhom il-possibbiltà li jissospendu temporanjament it-tifdijiet
f’każijiet eċċezzjonali meta ċ-ċirkustanzi jeħtieġu
hekk. Skont ir-regoli stabbiliti fl-Artikolu 16 tad-Direttiva 2011/61/UE u
fl-Artikolu 47 Regolament ta’ Delega tal-Kummissjoni (UE)
Nru 231/2013[6],
il-maniġers ta’ AIF MMFs jistgħu jużaw arranġamenti
speċjali sabiex jilqgħu għal xi illikwidità li tinterrompi
tal-assi tal-fond. (39) Huwa importanti li
l-immaniġġar tar-riskju tal-MMFs ma jkunx preġudikat
b’deċiżjonijiet ta’ terminu qasir ta' żmien influwenzati
mill-klassifikazzjoni possibbli tal-MMF. Għalhekk, huwa meħtieġ
li jiġi pprojbit MMF jew il-maniġer tiegħu jintalab li MMF huwa
kkwalifikat minn aġenzija tal-klassifikazzjoni tal-kreditu sabiex
jiġi evitat li din klassifikazzjoni esterna tintuża għal
finijiet ta’ kummerċjalizzazzjoni Il-MMF jew il-maniġer tiegħu
għandhom joqogħdu lura wkoll milli jużaw metodi alternattivi
biex jiksbu klassifikazzjoni tal-MMF. Jekk l-MMF jingħata klassifikazzjoni
esterna, jew fuq inizjattiva proprja tal-aġenzija ta’ klassifikazzjoni
tal-kreditu jew wara talba minn parti terza li tkun indipendenti mill-MMF jew
mill-maniġer u ma taġixxi f’isem l-ebda wieħed minnhom,
il-maniġer tal-MMF għandu joqgħod lura milli jibbaża fuq
il-kriterji li jkunu marbuta ma’ dik il-klassifikazzjoni esterna. Sabiex
jiġi assigurat immaniġġar xieraq tal-likwidità huwa
neċessarju li l-MMFs jistabbilixxu politiki u proċeduri tajba biex
ikunu jafu lill-investituri tagħhom. Il-politiki li l-maniġer irid
jimplimenta għandhom jgħinu sabiex tiġi mifhuma l-bażi
tal-investituri tal-MMF, b’mod li tifdijiet kbar ikunu jistgħu jiġu
antiċipati. Sabiex jiġi evitat li l-MMF jiffaċċa tifdijiet
massivi f’daqqa, għandha tingħata attenzjoni partikolari lil
investituri kbar li jirrappreżentaw porzjon sostanzjali tal-assi tal-MMF,
bħal investitur li jirrappreżenta aktar mill-proporzjon ta’ assi li
jimmaturaw kuljum. F’dan il-każ l-MMF għandu jżid il-proporzjon
tal-assi tiegħu li jimmaturaw kuljum meta mqabbel mal-proporzjon ta’ dak
l-investitur. Kull fejn ikun possibbli, il-maniġer għandu jħares
lejn l-identità tal-investituri, anki jekk ikunu rrappreżentati minn
kontijiet nominati, portali jew kwalunkwe xerrej indirett ieħor. (40) Bħala parti minn
immaniġġar prudenti tar-riskju, l-MMFs għandhom iwettqu ttestjar
tal-istress b’mod perjodiku. Il-maniġers tal-MMFs huma mistennija
jaġixxu sabiex isaħħu r-robustezza tal-MMF kull meta
r-riżultati tal-ittestjar tal-istress jindikaw vulnerabbiltajiet. (41) Sabiex jiġi rifless
il-valur attwali tal-assi, l-użu ta’ valwazzjoni skont is-suq għandu
jkun il-metodu preferut għall-valwazzjoni tal-assi tal-MMFs. Maniġer
ma għandux jitħalla juża l-metodu ta’ valwazzjoni skont mudell
meta l-valwazzjoni skont is-suq tipprovdi valur kredibbli tal-assi, billi
l-metodu ta’ valwazzjoni skont mudell x’aktarx li jagħti valwazzjoni inqas
preċiża. Assi bħall-bills tat-teżor u tal-awtoritajiet
lokali, in-noti ta’ terminu medju jew qasir ta' żmien huma
ġeneralment dawk li huma mistennija li jkollhom valwazzjoni skont is-suq
kredibbli. Għall-valwazzjoni tal-karti kummerċjali jew
taċ-ċertifikati ta’ depożitu, il-maniġer għandu
jiċċekkja jekk ikunx ipprovdut ipprezzar korrett minn suq sekondarju.
Il-prezz tar-riakkwist maħruġ mill-emittent għandu jitqies ukoll
li jirrappreżenta stima tajba tal-valur tal-karta kummerċjali.
Fil-każijiet l-oħra kollha l-maniġer għandu jistma l-valur,
pereżempju billi juża dejta tas-suq bħar-redditu fuq emissjonijiet
komparabbli u emittenti komparabbli. (42) L-MMFs b’Valur Nett Fiss
tal-Assi (Constant Net Asset Value) (CNAV MMFs) għandhom l-għan li
jippreservaw il-kapital filwaqt li jassiguraw grad għoli ta’ likwidità.
Il-maġġoranza tas-CNAV MMFs għandhom valur nett tal-assi (net
asset value, NAV) għal kull unità jew sett ta’ ishma, pereżempju, ta’
EUR 1, USD 1 jew GBP 1 meta jqassmu l-introjtu lill-investituri.
L-oħrajn jakkumulaw l-introjtu fin-NAV tal-fond filwaqt li jżommu
l-valur intrinsiku tal-assi f’valur kostanti. (43) Sabiex jiġu kkunsidrati
l-ispeċifiċitajiet tas-CNAV MMFs huwa neċessarju li tas-CNAV
MMFs jitħallew jużaw ukoll il-metodu kontabilistiku tal-kost
amortizzat sabiex jistabbilixxu l-valur nett fiss tal-assi (NAV) għal kull
unità jew sehem. Minkejja dan, sabiex ikun assigurat f’kull ħin
il-monitoraġġ tad-differenza bejn in-NAV fiss għal kull unità
jew sehem u n-NAV għal kull unità jew sehem, is-CNAV MMF għandu
jikkalkula wkoll il-valur tal-assi tiegħu fuq il-bażi tal-metodi ta’
valwazzjoni skont is-suq jew ta’ valwazzjoni skont mudell. (44) Billi MMF għandu
jippubblika NAV li jirrifletti l-movimenti kollha fil-valur tal-assi
tiegħu, in-NAV ippubblikat għandu jiġi rrotondat sa mhux aktar
mill-eqreb punt bażi jew l-ekwivalenti tiegħu. Minħabba f’hekk,
meta n-NAV jiġi ppubblikat f’munita speċifika, pereżempju
EUR 1, iż-żieda inkrementali fil-valur għandha ssir kull
EUR 0,0001. Fil-każ ta’ NAV ta’ EUR 100, il-bidla inkrementali
fil-valur għandha ssir kull EUR 0,01. Huwa biss jekk l-MMF ikun CNAV
MMF li l-MMF jista’ jippubblika prezz li ma jsegwix kompletament il-movimenti
fil-valur tal-assi tiegħu. F’dan il-każ in-NAV jista’ jiġi
rrotondat sal-eqreb ċenteżmu għal NAV ta’ EUR 1 (kull
moviment ta’ EUR 0,01). (45) Sabiex ikun jista’ jassorbi
l-varjazzjonijiet minn ġurnata għall-oħra fil-valur tal-assi ta’
CNAV MMF u jkun jista’ joffri NAV fiss għal kull unità jew sehem, is-CNAV
MMF irid f’kull ħin ikollu bafer tan-NAV li jammonta għal mill-anqas
3 % tal-assi tiegħu. Il-bafer tan-NAV għandu jservi bħala
mekkaniżmu assorbenti sabiex jinżamm in-NAV fiss. Id-differenzi
kollha bejn in-NAV fiss għal kull unità jew sehem u n-NAV għal kull
unità jew sehem għandhom jiġu newtralizzati bl-użu tal-bafer
tan-NAV. F’sitwazzjonijiet ta’ suq taħt stress, meta d-differenzi
jistgħu jiżdiedu rapidament, proċedura għandha tassigura li
tkun involuta l-katina sħiħa tal-maniġment. Din
il-proċedura ta’ eskalazzjoni għandha tippermetti li l-maniġment
superjuri jieħu azzjonijiet ta’ rimedju malajr. (46) Billi CNAV MMF li ma jżommx
il-bafer tan-NAV fil-livell meħtieġ mhuwiex kapaċi jsostni NAV
fiss għal kull unità jew sehem, huwa għandu jkun meħtieġ
ivarja n-NAV u ma jibqax CNAV MMF. Għalhekk, meta minkejja l-użu
tal-proċedura ta’ eskalazzjoni, l-ammont tal-bafer tan-NAV jibqa’ għal
xahar taħt it-3 % meħtieġa b’10 punti bażi,
is-CNAV MMF għandu jinbidel awtomatikament f’MMF li ma jitħalliex
juża kontabilità tal-kost amortizzat jew rotondar sal-eqreb punt
perċentwali. Jekk qabel it-tmiem tax-xahar permess
għar-rikostituzzjoni, awtorità kompetenti jkollha raġunijiet
ġustifikabbli li juru n-nuqqas ta’ kapaċità tas-CNAV MMF sabiex
jirrikostitwixxi l-bafer, hija għandu jkollha s-setgħa li taqleb
is-CNAV MMF f’MMF għajr CNAV MMF. Il-bafer tan-NAV huwa l-uniku mezz li
bih jista’ jiġi pprovdut appoġġ estern lil CNAV MMF. (47) L-appoġġ estern
mogħti lil MMF għajr CNAV MMF bl-intenzjoni li tkun assigurata jew
il-likwidità jew l-istabbiltà tal-MMF jew li de facto jkollu dawn
l-effetti jżid ir-riskju ta’ kontaġju bejn is-settur tal-MMF u l-bqija
tas-settur finanzjarju. Il-partijiet terzi li jipprovdu tali appoġġ
għandhom interess li jagħmlu dan, jew għax ikollhom interess
ekonomiku fil-kumpanija maniġerjali li timmaniġġa l-MMF jew
għax ikunu jridu jevitaw kwalunkwe dannu għar-reputazzjoni jekk isimhom
ikun assoċjat mal-falliment ta’ MMF. Billi dawn il-partijiet terzi ma
jintrabtux b’mod espliċitu li jipprovdu jew li jiggarantixxu
l-appoġġ, hemm inċertezza dwar jekk tali appoġġ
jingħatax meta l-MMF ikun jeħtieġu. F’dawn
iċ-ċirkustanzi, in-natura diskrezzjonali tal-appoġġ
tal-isponsors tikkontribwixxi għall-inċertezza fost
il-parteċipanti fis-suq dwar min se jġorr it-telf tal-MMF meta dan
iseħħ. Din l-inċertezza x’aktarx tagħmel lill-MMFs saħansitra
aktar vulnerabbli għall-assalti bankarji waqt perjodi ta’ instabbiltà
finanzjarja, meta r-riskji finanzjarji aktar wiesgħa jkunu l-aktar
evidenti u meta jinħoloq tħassib dwar is-saħħa
tal-isponsors u l-ħila tagħhom li jipprovdu appoġġ
lill-MMFs affiljati. Għal dawn ir-raġunijiet, l-MMFs ma
għandhomx jiddependu fuq appoġġ estern biex iżommu
l-likwidità tagħhom u l-istabbiltà tan-NAV tagħhom għal kull
unità jew sehem sakemm l-awtorità kompetenti tal-MMF ma tkunx ippermettiet
speċifikament l-appoġġ estern biex iżżomm l-istabbiltà
tas-swieq finanzjarji. (48) Qabel ma jinvestu f’MMF,
l-investituri għandhom jiġu infurmati b’mod ċar jekk l-MMF ikunx
ta' natura għal terminu qasir ta' natura standard u jekk l-MMF ikunx
tat-tip CNAV jew le. Biex jiġu evitati aspettattivi mhux xierqa mill-investitur,
irid jiġi ddikjarat ukoll b’mod ċar fi kwalunkwe dokument
promozzjonali li l-MMFs mhumiex strument ta’ investiment garantit. Is-CNAV MMFs
għandhom jispjegaw b’mod ċar lill-investituri l-mekkaniżmu ta’
bafer li jkunu qegħdin jużaw biex iżommu n-NAV fiss għal
kull unità jew sehem. (49) Sabiex ikun assigurat li
l-awtoritajiet kompetenti jkunu jistgħu jidentifikaw, jimmonitorjaw u
jirrispondu għar-riskji fis-suq tal-MMFs, l-MMFs għandhom
jirrappurtaw lill-awtoritajiet kompetenti tagħhom lista dettaljata ta’
informazzjoni, flimkien mar-rapportar diġà meħtieġ skont
id-Direttivi 2009/65/KE jew 2011/61/UE. L-awtoritajiet kompetenti għandhom
jiġbru din id-dejta b’mod konsistenti madwar l-Unjoni kollha biex jiksbu
għarfien sostantiv tal-evoluzzjonijiet prinċipali tas-suq tal-MMFs.
Sabiex tiġi faċilitata analiżi kollettiva tal-impatti potenzjali
tas-suq tal-MMFs fl-Unjoni, din id-dejta għandha tiġi trasmessa
lill-Awtorità Ewropea tat-Titoli u s-Swieq (European Securities Market
Authority, ESMA) li għandha toħloq bażi ta' dejta ċentrali
għall-MMFs. (50) L-awtorità kompetenti tal-MMF
għandha tivverifika jekk MMF huwiex kapaċi jikkonforma ma’ dan
ir-Regolament fuq bażi kontinwa. Billi l-awtoritajiet kompetenti diġà
huma mogħtija setgħat estensivi bid-Direttivi 2009/65/KE u 2011/61/UE,
huwa meħtieġ li dawn is-setgħat jiġu estiżi sabiex
jiġu eżerċitati b’referenza għar-regoli komuni l-ġodda
dwar l-MMFs. L-awtoritajiet kompetenti għall-UCITS jew l-AIF għandhom
jivverifikaw ukoll il-konformità tal-impriżi kollha ta’ investiment
kollettiv li għandhom il-karatteristiċi tal-MMFs li jkunu
jeżistu fil-ħin li jidħol fis-seħħ dan ir-Regolament. (51) Il-Kummissjoni għandha
tadotta l-atti ddelegati fil-qasam tal-proċedura ta’ valutazzjoni interna
skont l-Artikolu 290 tat-Trattat dwar il-Funzjonament tal-Unjoni Ewropea.
Huwa ta’ importanza partikolari li l-Kummissjoni twettaq konsultazzjonijiet
xierqa waqt il-ħidma preparatorja tagħha, inkluż fil-livell ta’
esperti. (52) Il-Kummissjoni għandha
wkoll tingħata s-setgħa li tadotta standards tekniċi ta' implimentazzjoni
permezz ta’ atti ta’ implimentazzjoni skont l-Artikolu 291 tat-Trattat
dwar il-Funzjonament tal-Unjoni Ewropea u skont l-Artikolu 15
tar-Regolament (UE) Nru 1095/2010[7].
L-ESMA għandha tkun inkarigata mit-tfassil ta’ standards tekniċi ta’
implimentazzjoni għas-sottomissjoni lill-Kummissjoni fir-rigward ta’
mudell ta’ rapportar li jinkludi informazzjoni dwar l-MMFs
għall-awtoritajiet kompetenti. (53) L-ESMA għandha tkun
kapaċi teżerċita s-setgħat kollha mogħtija lilha
bid-Direttivi 2009/65/KE u 2011/61/UE fir-rigward ta’ dan ir-Regolament. Hija
inkarigata wkoll mill-iżvilupp ta’ abbozz ta’ standards tekniċi regolatorji
u ta’ implimentazzjoni. (54) Huwa essenzjali li jitwettaq
rieżami ta’ dan ir-Regolament sabiex jevalwa l-adattezza li jiġu
eżentati ċerti CNAV MMFs li jikkonċentraw il-portafolli
tal-investiment tagħhom fuq dejn maħruġ mill-Istati Membri mill-ħtieġa
li jistabbilixxu bafer ta’ kapital li jammonta għal mill-inqas 3 %
tal-valur totali tal-assi tas-CNAV MMFs. Għalhekk, matul it-tliet snin
wara d-dħul fis-seħħ ta’ dan ir-Regolament, il-Kummissjoni
għandha tanalizza l-esperjenza miksuba fl-applikazzjoni ta’ dan
ir-Regolament u l-impatti fuq l-aspetti ekonomiċi differenti marbuta
mal-MMFs. Id-dejn maħruġ jew garantit mill-Istati Membri
jirrappreżenta kategorija distinta ta’ investiment speċifiku li juri
karatteristiċi tal-kreditu u tal-likwidità. Barra minn hekk, dejn sovran
għandu rwol vitali fl-iffinanzjar l-Istati Membri. Il-Kummissjoni
għandha tevalwa l-evoluzzjoni tas-suq għal dejn sovran
maħruġ jew garantit mill-Istati Membri u l-possibilità li
jinħoloq qafas speċjali għal MMF li jikkonċentra l-politika
ta’ investiment tiegħu fuq dak it-tip ta’ dejn. (55) Ir-regoli uniformi
l-ġodda dwar MMFs għandhom jikkonformaw mad-dispożizzjonijiet
tad-Direttiva 95/46/KE[8]
u r-Regolament (KE) Nru 45/2001[9]. (56) Billi l-objettivi ta’ dan
ir-Regolament, jiġifieri li jiġu żgurati rekwiżiti
prudenzjali li japplikaw għall-MMFs madwar l-Unjoni, filwaqt li
tittieħed il-konsiderazzjoni kollha meħtieġa sabiex ikun hemm
bilanċ bejn is-sikurezza u l-kredibbiltà tal-MMFs bl-operat
effiċjenti tas-swieq monetarji u l-kost għall-bosta partijiet
interessati tagħhom, ma jistax jinkiseb b'mod suffiċjenti mill-Istati
Membri u għaldaqstant jista', minħabba l-iskala u l-effetti
tagħhom, jistgħu jintlaħqu aħjar fil-livell tal-Unjoni,
l-Unjoni tista’ tadotta miżuri skont il-prinċipju tas-sussidjarjetà
kif stabbilit fl-Artikolu 5 tat-Trattat dwar l-Unjoni Ewropea. Skont
il-prinċipju tal-proporzjonalità, kif stabbilit f’dak l-Artikolu, dan
ir-Regolament ma jmurx lil hinn minn dak li huwa meħtieġ sabiex
jintlaħqu dawk l-għanijiet. (57) Ir-regoli uniformi
l-ġodda dwar l-MMFs jirrispettaw id-drittijiet fundamentali u josservaw
il-prinċipji rikonoxxuti b’mod partikolari mill-Karta tad-Drittijiet
Fundamentali tal-Unjoni Ewropea u b’mod partikolari l-protezzjoni
tal-konsumatur, il-libertà tat-twettiq ta’ attivitajiet ekonomiċi u l-protezzjoni
ta’ dejta personali. Ir-regoli uniformi l-ġodda dwar l-MMFs għandhom
jiġu applikati skont dawk id-drittijiet u l-prinċipji, ADOTTAW DAN IR-REGOLAMENT: Kapitolu I
Dispożizzjonijiet ġenerali Artikolu 1
Suġġett u kamp ta’ applikazzjoni 1. Dan ir-Regolament jistabbilixxi
regoli dwar l-istrumenti finanzjarji eliġibbli għal investiment minn
fond tas-suq monetarju (MMF), il-portafoll u l-valutazzjoni tiegħu, u
r-rekwiżiti ta' rapportar fir-rigward ta' MMF stabbilit, amministrat jew
imqiegħed fis-suq fl-Unjoni. Dan ir-Regolament japplika għal impriżi
ta' investiment kollettiv li jeħtieġu awtorizzazzjoni bħala
UCITS skont id-Direttiva 2009/65/KE jew li huma AIFs skont id-Direttiva
2011/61/UE, jinvestu f'assi b'terminu qasir ta' żmien u li għandhom
għanijiet distinti jew kumulattivi li joffru redditi konformi mar-rati
tas-suq monetarju jew li jippreservaw il-valur tal-investiment. 2. L-Istati Membri ma
għandhomx iżidu xi rekwiżit addizzjonali fil-qasam kopert minn
dan ir-Regolament. Artikolu 2
Definizzjonijiet Għall-finijiet ta' dan ir-Regolament
japplikaw id-definizzjonijiet li ġejjin: (1)
“assi b'terminu qasir ta' żmien” tfisser assi
finanzjarji b'maturità residwa li ma taqbiżx is-sentejn; (2)
“strumenti tas-suq monetarju” tfisser strumenti
tas-suq monetarju kif definiti fl-Artikolu 2(1)(o) tad-Direttiva
2009/65/KE; (3)
“titolizzazzjonijiet trasferibbli” tfisser
titolizzazzjoni trasferibbli kif iddefinita fl-Artikolu 2(1)(n)
tad-Direttiva 2009/65/KE; (4)
“ftehim ta' riakkwist” tfisser kwalunkwe ftehim li
fih parti waħda tittrasferixxi titoli jew drittijiet relatati ma'
kontroparti, soġġetta għal impenn ta' riakkwist tagħhom bi
prezz speċifikat f'data fil-ġejjieni speċifikata jew li
għad trid tiġi speċifikata; (5)
“ftehim ta' retroriakkwist” tfisser kwalunkwe
ftehim li fih parti minnhom tirċievi titoli, jew xi dritt relatat ma'
titlu jew titolu minn kontroparti soġġetta għal impenn li
tbiegħhom lura bi prezz speċifikat f'data fil-ġejjieni
speċifikata jew li għad trid tiġi speċifikata; (6)
“għoti b'self ta' titoli” u “teħid b'self
ta' titoli” tfisser kwalunkwe tranżazzjoni li fiha istituzzjoni jew
il-kontroparti tagħha tittrasferixi titoli soġġetta għal
impenn li l-mutwatarju se jrodd lura titoli ekwivalenti f'xi data
fil-ġejjieni jew meta jintalab jagħmel hekk mit-trasferitur,
bit-tranżazzjoni li tkun għoti b'self ta' titoli
għall-istituzzjoni li tittrasferixxi t-titoli u li tkun teħid b'self
ta' titoli għall-istituzzjoni li huma ttrasferiti lilha; (7)
“titolizzazzjoni” tfisser titolizzazzjoni kif
definita fl-Artikolu 4 (1)(61) tar-Regolament 575/2013 [10] ; (8)
“dejn korporattiv” tfisser strumenti ta’ dejn
maħruġa minn impriżi li huwa effettivament involut
fil-produzzjoni jew mal-kummerċ ta’ prodotti u servizzi mhux finanzjarji; (9)
“valwazzjoni skont is-suq” tfisser il-valwazzjoni
tal-pożizzjonijiet fi prezzijiet ta' għeluq bil-lest li jinġiebu
b'mod indipendenti, inklużi prezzijiet tal-kambju, prezzijiet tal-iskrin
jew kwotazzjonijiet minn bosta sensara indipendenti b'reputazzjoni tajba; (10)
“valwazzjoni skont mudell” tfisser kwalunkwe
valwazzjoni li trid titqabbel ma' punt ta' riferiment, tiġi estrapolata
jew tiġi kkalkolata b'xi mod ieħor minn input wieħed jew iktar
tas-suq; (11)
“metodu ta' kost amortizzat” tfisser metodu ta'
valwazzjoni li jieħu l-kost tal-akkwiżizzjoni ta' assi u
jaġġusta dan il-valur għal amortizzazzjoni ta' primjums (jew
skontijiet) sal-maturità; (12)
“Fond tas-Suq Monetarju tal-Valur kostanti tal-Assi
Netti” (constant net assets value Money Market Fund, CNAV MMF) tfisser fond
tas-suq monetarju li jżomm NAV b'valur stabbli għal kull unità jew
sehem; fejn id-dħul fil-fond ikun dovut kuljum jew inkella jista'
jitħallas lill-investitur, u fejn l-assi ġeneralment jiġu
valutati skont il-metodu ta' kost amortizzat jew in-NAV jitqarreb lejn l-eqreb
punt perċentwali jew l-ekwivalenti tiegħu f'terminu monetarju; (13)
“MMF għal terminu qasir ta' żmien”
tfisser fond tas-suq monetarju li jinvesti f’eliġibbli l-istrumenti ta-suq
monetarju msemmija fl-Artikolu 9(1); (14)
“MMF standard” tfisser fond tas-suq monetarju li
jinvesti f’eliġibbli l-istrumenti ta-suq monetarju msemmija
fl-Artikolu 9(1) u (2); (15)
“istituzzjonijiet ta' kreditu” tfisser istituzzjoni
ta' kreditu kif iddefinita fl-Artikolu 4(1)(1) tar-Regolament 575/2013; (16)
“awtorità kompetenti tal-MMF” tfisser: (a)
għall-UCITS, l-awtorità kompetenti tal-Istat
Membru ta' oriġini tal-UCITS magħżula skont l-Artikolu 97
tad-Direttiva 2009/65/KE (b)
għall-AIF tal-UE, l-awtorità kompetenti
tal-Istat Membru ta' oriġini tal-AIF kif definit fl-Artikolu 4(1)(p)
tad-Direttiva 2011/61/UE; (c)
għall-AIF mhux tal-UE: (i) l-awtorità kompetenti tal-Istat Membru fejn l-AIF mhux tal-UE
jitqiegħed fis-suq tal-Unjoni bla passaport; (ii) l-awtorità kompetenti tal-AIFM tal-UE
li jmexxi l-AIF mhux tal-UE, fejn l-AIF mhux tal-UE jitqiegħed fis-suq
tal-Unjoni bla passaport jew ma jitqiegħedx fis-suq tal-Unjoni; (iii) l-awtorità kompetenti tal-Istat Membru
ta' referenza jekk l-AIF mhux tal-UE ma jkunx immexxi minn AIFM tal-UE u
jitqiegħed fis-suq tal-Unjoni b'passaport; (17)
“Stat Membru ta' oriġini tal-MMF” tfisser
l-Istat Membru fejn l-MFF ikun awtorizzat; (18)
“maturità medja peżata (weighter average
maturity, WAM)” tfisser it-tul medju ta' żmien għall-maturità legali
jew, jekk iqsar, għar-rata tal-imgħax li jmiss issettjata
mill-ġdid għal rata tas-suq monetarju, tal-assi sottostanti kollha
fil-fond li jirriflettu l-parteċipazzjonijiet relattivi f'kull assi; (19)
“ħajja medja peżata (weighted average
life, WAL)” tfisser it-tul medju ta' żmien għall-maturità legali
tal-assi kollha sottostanti fil-fond li jirriflettu l-parteċipazzjonijiet
relattivi f'kull assi; (20)
“maturità legali” tfisser id-data li fiha l-kapital
prinċipali ta' titolu għandu jitħallas lura bis-sħiħ u
li mhuwiex soġġett għal xi għażla; (21)
“maturità residwa” tfisser it-tul ta' żmien
sal-maturità legali; (22)
“bejgħ bin-nieqes” tfisser il-bejgħ
skopert ta' strumenti tas-suq monetarju. Artikolu 3
Awtorizzazzjoni tal-MMFs 1. Ebda impriża ta'
investiment kollettiv ma għandha titwaqqaf, titqiegħed fis-suq jew
titmexxa fl-Unjoni bħala MMF sakemm ma tkunx ġiet awtorizzata skont
dan ir-Regolament. Din l-awtorizzazzjoni tkun valida
għall-Istati Membri kollha. 2. Impriża ta' investiment
kollettiv li teħtieġ awtorizzazzjoni bħala UCITS skont
id-Direttiva 2009/65/KE tkun awtorizzata bħala MMF bħala parti
mill-proċedura ta' awtorizzazzjoni skont id-Direttiva 2009/65/KE. 3. Impriża ta' investiment
kollettiv li hija AIF tkun awtorizzata bħala MMF skont il-proċedura
ta' awtorizzazzjoni stabbilita fl-Artikolu 4. 4. Ebda impriża ta'
investiment kollettiv ma għandha tkun awtorizzata bħala MMF sakemm
l-awtorità kompetenti tal-MMF ma tkunx issodisfata li l-MMF se jkun kapaċi
jilħaq ir-rekwiżiti kollha ta' dan ir-Regolament. 5. Għall-fini ta'
awtorizzazzjoni, l-MMF jissottometti lill-awtorità kompetenti tiegħu
d-dokumenti li ġejjin: (a)
ir-regoli tal-fond jew l-istrumenti ta'
inkorporazzjoni; (b)
identifikazzjoni tal-maniġer; (c)
identifikazzjoni tad-depożitarju; (d)
deskrizzjoni tal-MMF disponibbli
għall-investituri, jew kwalunkwe informazzjoni fuqu; (e)
deskrizzjoni tal-arranġamenti u
l-proċeduri meħtieġa biex tinżamm konformità
mar-rekwiżiti msemmija fil-Kapitoli minn II sa VII, jew kwalunke
informazzjoni fuqhom; (f)
kwalunkwe informazzjoni jew dokumenti oħrajn
mitlubin mill-awtorità kompetenti tal-MMF biex tiġi verifikata
l-konformità mar-rekwiżiti ta' dan ir-Regolament. 6. Fuq bażi trimestrali,
l-awtoritajiet kompetenti jgħarrfu lill-ESMA dwar l-awtorizzazzjonijiet
mogħtija jew irtirati skont dan ir-Regolament. 7. L-ESMA żżomm
reġistru ċentrali pubbliku u fih tidentifika kull MMF awtorizzat
skont dan ir-Regolament, it-tipoloġija tiegħu, il-maniġer
tiegħu u l-awtorità kompetenti tal-MMF. Ir-reġistru jkun disponibbli
f'format elettroniku. Artikolu 4
Proċedura biex jiġu awtorizzati MMFs tal-AIF 1. AIF ikun awtorizzat
bħala MMF biss jekk l-awtorità kompetenti tiegħu approvat
l-applikazzjoni ta' AIFM awtorizzat skont id-Direttiva 2011/61/UE biex imexxi
l-AIF, ir-regoli tal-fond u l-għażla tad-depożitarju. 2. Meta jissottometti
l-applikazzjoni biex imexxi l-AIF, l-AIFM awtorizzat jipprovdi lill-awtorità
kompetenti tal-MMF: (a)
bil-ftehim miktub mad-depożitarju; (b)
b'informazzjoni fuq l-arranġamenti ta'
delegazzjoni dwar il-portafoll u l-immaniġġar u l-amministrazzjoni
tar-riskji fir-rigward tal-AIF; (c)
b'informazzjoni fuq l-istrateġiji ta'
investiment, il-profil ta' riskju u karatteristiċi oħrajn tal-AIFs li
l-AIFM huwa awtorizzat imexxi. L-awtorità kompetenti tal-MMF tista' titlob
lill-awtorità kompetenti tal-AIFM għal kjarifika u informazzjoni rigward
id-dokumentazzjoni msemmija fis-sottoparagrafu ta' qabel jew attestazzjoni dwar
jekk l-MMFs jaqgħux fil-kamp ta' applikazzjoni tal-awtorizzazzjoni ta'
tmexxija tal-AIFM. L-awtorità kompetenti tal-AIFM twieġeb fi żmien
għaxart ijiem tax-xogħol mit-talba mill-awtorità kompetenti tal-MMF. 3. Kwalunkwe modifika
sussegwenti fid-dokumentazzjoni msemmija fil-paragrafu 2 tiġi
notifikata minnufih mill-AIFM lill-awtorità kompetenti tal-MMF. 4. L-awtorità kompetenti tal-MMF
tista' tirrifjuta l-applikazzjoni tal-AIFM biss jekk: (a)
l-AIFM ma jikkonformax ma' dan ir-Regolament; (b)
l-AIFM ma jikkonformax mad-Direttiva 2011/61/UE; (c)
l-AIFM mhuwiex awtorizzat mill-awtorità kompetenti
tiegħu biex imexxi MMFs; (d)
l-AIFM ma pprovdiex id-dokumentazzjoni msemmija
fil-paragrafu 2. Qabel tirrifjuta applikazzjoni, l-awtorità
kompetenti tal-MMF tikkonsulta lill-awtorità kompetenti tal-AIFM. 5. L-awtorizzazzjoni tal-AIF
bħala MMF ma għandhiex tkun soġġetta għal
rekwiżit li l-AIF jitmexxa minn AIFM awtorizzat fl-Istat Membru ta'
oriġini tal-AIF jew li l-AIFM iwettaq jew jiddelega xi attivitajiet
fl-Istat Membru ta' oriġini tal-AIF. 6. L-AIFM jiġi
mgħarraf fi żmien xahrejn mis-sottomissjoni ta' applikazzjoni
sħiħa dwar jekk ingħatatx awtorizzazzjoni tal-AIF bħala
MMF. 7. L-awtorità kompetenti tal-MMF
ma għandhiex tagħti awtorizzazzjoni jekk l-AIF huwa legalment projbit
milli jqiegħed fis-suq l-unitajiet jew l-ishma tiegħu fl-Istat Membru
ta' oriġini tiegħu. Artikolu 5
L-użu tad-deżinjazzjoni bħala MMF 1. L-UCITS jew l-AIF jużaw
id-deżinjazzjoni "fond tas-suq monetarju" jew "MMF"
dwarhom infushom jew l-unitajiet jew l-ishma li joħorġu biss meta
l-UCITS jew l-AIF ikunu ġew awtorizzati skont dan ir-Regolament. L-UCITS jew l-AIF jużaw deżinjazzjoni li
tissuġġerixxi fond tas-suq monetarju jew li tuża termini
bħal “flus kontanti”, “likwidi”, “flus”, “assi lesti”, “bħal
depożiti” jew kliem simili biss fejn ikunu ġew awtorizzaati skont dan
ir-Regolament. 2. L-użu
tad-deżinjazzjoni "fond tas-suq monetarju", “MMF” jew
deżinjazzjoni li tissuġġerixxi MMF jew l-użu ta' termini
msemmija fil-paragrafu 1 jinvolvi l-użu tagħha fi kwalunkwe
dokument estern jew intern, rapport, dikjarazzjoni, reklam, komunikazzjoni,
ittra jew kwalunkwe materjal ieħor indirizzat jew maħsub biex
jitqassam lil investituri prospettivi, detenturi ta' unitajiet, azzjonisti jew
awtoritajiet kompetenti bil-miktub, b'mod orali, elettroniku jew xi mod
ieħor. Artikolu 6
Regoli applikabbli 1. L-MMF jikkonforma l-ħin
kollu mad-dispożizzjonijiet ta' dan ir-Regolament. 2. L-MMF li jkun UCITS u
l-maniġer tiegħu jikkonforma l-ħin kollu mar-rekwiżiti
tad-Direttiva 2009/65/KE, sakemm ma jiġix speċifikat mod ieħor
f'dan ir-Regolament. 3. L-MMF li jkun AIF u
l-maniġer tiegħu jikkonforma l-ħin kollu mar-rekwiżiti
tad-Direttiva 2011/61/UE, sakemm ma jiġix speċifikat mod ieħor
f'dan ir-Regolament. 4. Il-maniġer tal-MMF ikun
responsabbli milli jiżgura li tinżamm konformità ma' dan ir-Regolament.
Il-maniġer ikun responsabbli għal kwalunkwe telf jew ħsara li
ġejjin min-nuqqas ta' konformità ma' dan ir-Regolament. 5. Dan ir-Regolament ma
għandux iżomm lil MMFs milli japplikaw il-limiti tal-investimenti li
huma iktar stretti minn dawk meħtieġa minn dan ir-Regolament. Kapitolu II
Obbligi li jikkonċernaw il-politiki ta' investiment tal-MMFs Taqsima I
Regoli ġenerali u assi eliġibbli Artikolu 7
Prinċipji ġenerali 1. Meta l-MMF ikun fih aktar
minn kompartiment wieħed ta' investiment, kull kompartiment jitqies
bħala MMF separat għall-finijiet tal-Kapitoli minn II sa VII. 2. L-MMFs awtorizzati bħala
UCITS ma għandhomx ikunu soġġetti għall-obbligi li
jikkonċernaw politiki ta' investiment ta' UCITS stabbiliti
fl-Artikoli 49, 50, 50a, 51(2), u minn 52 sa 57 tad-Direttiva 2009/65/KE,
sakemm ma jiġix speċifikat b'mod espliċitu b'xi mod ieħor
f'dan ir-Regolament. Artikolu 8
Assi eliġibbli 1. L-MMF jinvesti biss
f'waħda jew iktar mill-kategoriji li ġejjin ta' assi finanzjarji u
dejjem bil-kundizzjonijiet speċifikati f'dan ir-Regolament: (a)
strumenti tas-suq monetarju; (b)
depożiti ma' istituzzjonijiet ta' kreditu; (c)
strumenti finanzjarji derivati; (d)
ftehimiet ta' retroriakkwist. 2. L-MMF ma għandux iwettaq
xi waħda minn dawn l-attivitajiet: (a)
jinvesti f'assi minbarra dawk imsemmija
fil-paragrafu 1; (b)
ibigħ bin-nieqes strumenti tas-suq monetarju; (c)
jieħu skopertura diretta jew indiretta
għal ekwità jew komoditajiet, inkluż permezz ta' derivattivi,
ċertifikati li jirrappreżentawhom, indiċijiet ibbażati
fuqhom jew xi mezz jew strument ieħor li jagħti xi skopertura
għalihom; (d)
jidħol fi ftehimiet ta' għoti b'self ta'
titoli jew ftehimiet ta' teħid b'self ta' titoli, u ftehimiet ta'
riakkwist, jew kwalunkwe ftehim ieħor li jkun ta' gravama għall-assi
tal-MMF; (e)
jieħu u jagħti b'self flus kontanti. Artikolu 9
Strumenti eliġibbli tas-suq monetarju 1. Strument tas-suq monetarju
jkun eliġibbli għal investiment minn MFF diment li jissodisfa
r-rekwiżiti kollha li ġejjin: (a)
jaqa' f'waħda mill-kategoriji ta' strumenti
tas-suq monetarju msemmija fl-Artikolu 50(1)(a), (b), (c) jew (h)
tad-Direttiva 2009/65/KE. (b)
juri wieħed mill-karatteristiċi
alternattivi li ġejjin: (i) ikollu maturità legali
fil-ħruġ ta' 397 jum jew inqas; (ii) ikollu maturità residwa ta'
397 jum jew inqas. (c)
l-emittent tal-istrument tas-suq monetarju
ngħata waħda mill-ogħla żewġ gradi ta'
klassifikazzjoni interna skont ir-regoli stabbiliti fl-Artikoli minn 16 sa 19
ta' dan ir-Regolament. (d)
Fil-każ li tieħu l-espożizzjoni
għal titolizzazzjoni, din tkun soġġetta għal rekwiżiti
addizzjonali stabbiliti fl-Artikolu 10. 2. L-MMF standard jitħalla
jinvesti fi strument tas-suq monetarju li jġarrab aġġustamenti
regolari fil-qligħ b'konformità mal-kundizzjonijiet tas-suq monetarju kull
397 jum jew fuq bażi iktar spissa filwaqt li ma jkollux maturità residwa
li taqbeż is-sentejn. 3. Il-paragrafu 1(c), ma
għandux japplika għal strumenti tas-suq monetarju maħruġin
jew garantiti minn awtorità ċentrali jew bank ċentrali ta' Stat
Membru, il-Bank Ċentrali Ewropew, l-Unjoni, il-Mekkaniżmu Ewropew ta'
Stabbiltà jew il-Bank Ewropew tal-Investiment. Artikolu 10
Titolizzazzjonijiet eliġibbli 1. It-titolizzazzjoni tiġi
kkunsidrata bħala eliġibbli sakemm jiġu ssodisfati
l-kundizzjonijiet kollha li ġejjin: (a)
l-iskopertura sottostanti jew grupp ta’ skoperturi
tkun tikkonsisti esklussivament minn dejn korporattiv; (b)
id-dejn korporattiv sottostanti huwa ta’ kwalità
għolja ta’ kreditu u likwidu; (c)
id-dejn korporattiv sottostanti għandu
maturità legali fil-ħruġ ta' 397 jum jew inqas; jew għandu
maturità residwa ta' 397 jum jew inqas. 2. Għall-iskop ta’
applikazzjoni konsistenti tal-paragrafu 1, l-ESMA tiżviluppa abbozz
ta’ standards tekniċi regolatorji li jispeċifikaw: (a)
il-kundizzjonijiet u ċ-ċirkostanzi li
fihom l-iskopertura sottostanti jew grupp ta’ skoperturi ikun meqjus li jikkonsisti
esklussivament f’dejn korporattiv; (b)
kundizzjonijiet u limiti numeriċi li
jiddeterminaw meta dejn korporattiv huwa ta’ kwalità għolja ta’ kreditu u
likwidità. L-ESMA tissottometti l-abbozz ta’ standards
tekniċi regolatorji msemmija fl-ewwel sottoparagrafu lill-Kummissjoni sa
[…]. Il-Kummissjoni qed tiġi ddelegata
s-setgħa sabiex tadotta l-istandards tekniċi regolatorji msemmija
fl-ewwel subparagrafu b'konformità mal-proċedura stabbilita fl-Artikoli
minn 10 sa 14 tar-Regolament (UE) Nru 1095/2010. Artikolu 11
Depożiti eliġibbli ma' istituzzjonijiet ta' kreditu Depożitu ma' istituzzjoni ta' kreditu
jkun eliġibbli għal investiment minn MFF diment li jiġu
ssodisfati l-kundizzjonijiet kollha li ġejjin: (a)
id-depożitu jista' jitħallas lura wara
talba jew jista' jiġi prelevat fi kwalunkwe waqt; (b)
id-depożitu jimmatura f'mhux iktar minn 12-il
xahar; (c)
l-istituzzjoni ta' kreditu għandha
l-uffiċċju rreġistrat tagħha fi Stat Membru jew, meta
l-istituzzjoni ta' kreditu għandha l-uffiċċju rreġistrat
tagħha f'pajjiż terz hija soġġetta għar-regoli
prudenzjali meqjusa ekwivalenti għal dawk stabbiliti fil-liġi
tal-Unjoni b’konformità mal-proċedura stipulata fl-Artikolu 107(4)
tar-Regolament (UE) Nru 575/2013. Artikolu 12
Strumenti finanzjarji derivati eliġibbli Strument finanzjarju derivattiv ikun
eliġibbli għal investiment minn MMF jekk huwa nnegozjat f'suq
irregolat imsemmi fl-Artikolu 50(1)(a), (b) jew (c) tad-Direttiva
2009/65/KE jew barra l-Borża (over-the-counter, OTC), sakemm li jiġu
ssodisfati fi kwalunkwe każ il-kundizzjonijiet kollha li ġejjin: (a)
is-sottostanti tal-istrument derivattiv tikkonsisti
f'rati tal-imgħax, rati tal-kambju, muniti jew indiċijiet li
jirrappreżentaw waħda minn dawn il-kategoriji; (b)
l-istrument derivattiv jintuża biss
għall-fini ta' hedging tad-durata u r-riskji tal-kambju inerenti għal
investimenti oħrajn tal-MMF; (c)
il-kontropartijiet għat-tranżazzjonijiet
derivattivi OTC huma istituzzjonijiet soġġetti għal regolament u
superviżjoni prudenzjali u li jappartjenu għall-kategoriji approvati
mill-awtoritajiet kompetenti tal-Istat Membru ta' oriġini tal-MMF; (d)
id-derivattivi OTC huma soġġetti
għal valwazzjoni kredibbli u verifikabbli fuq bażi ta' kuljum u
jistgħu jinbiegħu, jiġu likwidati jew jingħalqu permezz ta'
tranżazzjoni ta' tpaċija fi kwalunkwe żmien bil-valur ġust
tagħhom fuq inizjattiva tal-MMF. Artikolu 13
Ftehimiet ta’ retroriakkwist eliġibbli 1. Ftehim ta' retroriakkwist
ikun eliġibbli sabiex MMF jidħol fih dment li jiġu ssodisfati
l-kundizzjonijiet kollha li ġejjin: (a)
l-MMF għandu d-dritt itemm il-ftehim fi
kwalunkwe ħin wara avviż ta' massimu ta' jumejn xogħol; (b)
il-valur fis-suq tal-assi riċevuti bħala
parti mill-ftehim ta' riakkwist invers huwa fil-ħinijiet kollha tal-inqas
daqs il-valur tal-flus kontanti mogħtija. 2. L-assi riċevuti mill-MMF
bħala parti minn ftehim ta' riakkwist invers ikunu strumenti tas-suq
monetarju konformi mal-Artikolu 9. 3. It-Titolizzazzjonijiet kif
definiti fl-Artikolu 10 ma għandhomx ikunu waslu għand l-MMF
bħala parti ta’ ftehim ta' retroakkwist. L-assi riċevuti mill-MMF
bħala parti minn ftehim ta' retroakkwist ma għandhomx jinbiegħu,
jerġgħu jiġu investiti, mirhuna jew trasferiti b'xi mod
ieħor. 4. L-assi riċevuti mill-MMF
bħala parti minn ftehim ta' riakkwist invers jiġu inklużi
għall-fini ta' kalkolu tal-limiti fuq id-diversifikazzjoni u
l-konċentrazzjoni stabbiliti f'dan ir-Regolament. 5. B’deroga
mill-paragrafu 2, l-MMF jista' jirċievi bħala parti minn ftehim
ta’ retroakkwist titolizzazzjonijiet likwidi trasferibbli jew strumenti tas-suq
tal-flus minbarra dawk konformi mal-Artikolu 9 sakemm dawk l-assi jkunu
konformi ma’ waħda mill-kundizzjonijiet li ġejjin: (a)
ikunu ta’ kwalità għolja ta’ kreditu u huma
maħruġa jew garantiti minn awtorità ċentrali jew bank
ċentrali ta’ Stat Membru, il-Bank Ċentrali Ewropew, l-Unjoni, il-mekkaniżmu
Ewropew ta’ stabbiltà, il-Bank Ewropew tal-Investiment; (b)
ikunu maħruġa jew iggarantiti minn
awtorità ċentrali jew bank ċentrali ta’ pajjiż terz, sakemm
l-emittent tal-assi tal-pajjiż terz jingħata wieħed
mill-ogħla żewġ gradi ta’ klassifikazzjoni interna skont
ir-regoli stabbiliti fl-Artikoli minn 16 sa 19. L-assi riċevuti bħala parti minn ftehim
ta’ tranżazzjoni ta’ retroriakkwist skont l-ewwel subparagrafu jkunu
żvelati għall-investituri tal-MMF. L-assi riċevuti bħala parti minn ftehim
ta’ tranżazzjoni ta’ retroriakkwist skont l-ewwel subparagrafu jkunu
suġġetti għar-regoli stabbiliti fl-Artikolu 14
paragrafu 6. 6. Il-Kummissjoni tingħata
s-setgħa li tadotta atti delegati f’konformità mal-Artikolu 44 li
jispeċifika rekwiżiti tal-likwidità kwantitattiva u kwalitattiva
applikabbli għal assi msemmija fil-paragrafu 5 u rekwiżiti
kwantitattivi u kwalitattivi għall-kwalità tal-kreditu applikabbli
għal assi msemmija fil-paragrafu 5(a). Għal dan il-għan, il-Kummissjoni tqis
ir-rapport imsemmi fl-Artikolu [509(3)] tar-Regolament (UE)
Nru 575/2013. Il-Kummissjoni tadotta l-att delegat imsemmi
fl-ewwel subparagrafu sa mhux aktar tard
mill-31 ta’ Diċembru 2014. Taqsima II
Dispożizzjonijiet fuq Politiki tal-Investiment Artikolu 14
Diversifikazzjoni 1. L-MMF ma għandux
jinvesti iktar minn 5 % tal-assi tiegħu f'xi wieħed minn dawn li
ġejjin: (a)
strumenti tas-suq monetarju maħruġin
mill-istess korp; (b)
depożiti li saru mal-istess istituzzjoni ta'
kreditu; 2. L-aggregat tal-iskoperturi
kollha għal titolizzazzjonijiet ma għandux jaqbeż l-10 %
tal-assi ta’ MMF. 3. L-iskopertura ta' riskju
aggregat għall-istess kontroparti tal-MMF li ġejja minn
tranżazzjonijiet derivattivi OTC ma għandhiex taqbeż il-5 %
tal-assi tiegħu. 4. L-ammont aggregat ta' flus
kontanti pprovdut lill-istess kontroparti tal-MMF fi ftehimiet ta' riakkwist
invers ma għandux jaqbeż l-20 % tal-assi tiegħu. 5. Minkejja l-limiti individwali
stabbiliti fil-paragrafi 1 u 3, fejn dan ikun iwassal għal
investiment ta' iktar minn 10 % tal-assi tiegħu f'korp individwali,
l-MMF ma għandux iħallat bejn dawn li ġejjin: (a)
investimenti fi strumenti tas-suq monetarju
maħruġin minn dak il-korp; (b)
depożiti li saru minn dak il-korp; (c)
strumenti finanzjarji derivati OTC li jġibu
skopertura għar-riskju tal-kontroparti lil dak il-korp. 6. Permezz ta' deroga
mill-paragrafu 1(a), awtorità kompetenti tista' tawtorizza lill-MMF biex
jinvesti skont il-prinċipju ta' tifrix tar-riskju sa 100 % tal-assi
tiegħu fi strumenti tas-suq monetarju differenti maħruġin jew garantiti
minn awtorità ċentrali, reġjonali jew lokali jew bank ċentrali
ta' Stat Membru, il-Bank Ċentrali Ewropew, l-Unjoni, il-mekkaniżmu
Ewropew ta' stabbiltà jew il-Bank Ewropew tal-Investiment, awtorità
ċentrali jew bank ċentrali ta' pajjiż terz, jew minn korp
pubbliku internazzjonali li għalih jappartjeni Stat Membru wieħed jew
iktar. L-ewwel sottoparagrafu japplika biss fejn
jiġu ssodisfati r-rekwiżiti kollha li ġejjin: (a)
l-MMF ikollu strumenti tas-suq monetarju minn
tal-inqas sitt ħarġiet differenti mill-emittent rispettiv; (b)
l-MMF jillimita l-investiment fi strumenti tas-suq
monetarju mill-istess ħarġa sa massimu ta' 30 % tal-assi
tiegħu; (c)
l-MMF isemmi b'mod espliċitu fir-regoli
tal-fond jew l-istrumenti ta' inkorporazzjoni l-awtorità ċentrali,
reġjonali jew lokali jew bank ċentrali ta' Stat Membru, il-Bank
Ċentrali Ewropew, l-Unjoni, il-mekkaniżmu Ewropew ta' stabbiltà jew
il-Bank Ewropew tal-Investiment, awtorità ċentrali jew bank ċentrali
ta' pajjiż terz, jew minn korp pubbliku internazzjonali li għalih
jappartjeni Stat Membru wieħed jew iktar li qed joħorġu jew
jiggarantixxu strumenti tas-suq monetarju li fih beħsiebu jinvesti iktar
minn 5 % tal-assi tiegħu; (d)
l-MMF jinkludi dikjarazzjoni prominenti
fil-prospectus u l-komunikazzjonijiet ta' kummerċjalizzazzjoni tiegħu
fejn jiġbed l-attenzjoni lejn l-użu ta' din id-deroga u jindika
l-awtorità ċentrali, reġjonali jew lokali jew bank ċentrali ta'
Stat Membru, il-Bank Ċentrali Ewropew, l-Unjoni, il-mekkaniżmu
Ewropew ta' stabbiltà jew il-Bank Ewropew tal-Investiment, awtorità
ċentrali jew bank ċentrali ta' pajjiż terz, jew minn korp
pubbliku internazzjonali li għalih jappartjeni Stat Membru wieħed jew
iktar li qed joħorġu jew jiggarantixxu strumenti tas-suq monetarju li
fih beħsiebu jinvesti iktar minn 5 % tal-assi tiegħu. 7. Kumpaniji li jkunu
inklużi fl-istess grupp għall-fini ta' kontijiet konsolidati, kif
irregolat mid-Direttiva tal-Kunsill 83/349/KEE[11]
jew f'konformità mar-regoli internazzjonali rikonoxxuti dwar il-kontabbiltà,
jitqiesu bħala korp wieħed għall-fini ta' kalkolu tal-limiti
msemmija fil-paragrafi minn 1 sa 5. Artikolu 15
Konċentrazzjoni 1. L-MMF ma jistax ikollu iktar
minn 10 % tal-istrumenti tas-suq monetarju maħruġin minn korp
wieħed. 2. Il-limitu stabbilit
fil-paragrafu 1 ma għandux japplika għal
parteċipazzjonijiet ta' strumenti tas-suq monetarju maħruġin jew
garantiti minn awtorità ċentrali, reġjonali jew lokali jew bank
ċentrali ta' Stat Membru, il-Bank Ċentrali Ewropew, l-Unjoni,
il-mekkaniżmu Ewropew ta' stabbiltà jew il-Bank Ewropew tal-Investiment,
awtorità ċentrali jew bank ċentrali ta' pajjiż terz, jew minn
korp pubbliku internazzjonali li għalih jappartjeni Stat Membru
wieħed jew iktar. TAQSIMA III
KWALITÀ TAL-KREDITU TA' STRUMENTI TAS-SUQ MONETARJU Artikolu 16
Proċedura interna ta' valutazzjoni 1. Il-maniġer tal-MMF
jistabbilixxi, jimplimenta u japplika b'mod konsistenti proċedura prudenti
u rigoruża ta' valutazzjoni interna sabiex tiġi determinata l-kwalità
tal-kreditu tal-istrumenti tas-suq monetarju, filwaqt li jieħu
f'kunsiderazzjoni l-emittent tal-istrument u l-karatteristiċi
tal-istrument innifsu. 2. Il-proċedura ta'
valutazzjoni interna tkun ibbażata fuq sistema ta' klassifikazzjoni
interna u fuq metodoloġiji prudenti, rigorużi, sistematiċi u
kontinwi ta' assenjament. Il-metodoloġiji ta' assenjament ikunu
soġġetti għal validazzjoni mill-maniġer fuq il-bażi
ta' esperjenza storika u evidenza empirika, inkluż ittestjar retrospettiv. 3. Il-proċedura ta'
valutazzjoni interna tikkonforma mar-rekwiżiti li ġejjin: (a)
il-maniġer tal-MMF jara li l-informazzjoni
użata meta tiġi assenjata klassifikazzjoni interna tal-kreditu hija
ta' kwalità suffiċjenti, aġġornat u li ġejja minn sorsi
kredibbli. Dan il-maniġer jimplimenta u jżomm proċess effettiv
biex jikseb u jaġġorna informazzjoni rilevanti fuq
il-karatteristiċi tal-emittent; (b)
il-maniġer tal-MMF jadotta u jimplimenta
miżuri adegwati biex jara li l-assenjament tal-klassifikazzjonijiet
interni tiegħu huwa bbażat fuq analiżi dettaljata
tal-informazzjoni kollha li hija disponibbli u pertinenti u li jinkludi
l-fatturi xprunaturi rilevanti kollha li jinfluwenzaw l-kredibbiltà kredizja
tal-emittent; (c)
il-maniġer tal-MMF jissorvelja l-assenjamenti
tal-klassifikazzjonijiet interni tiegħu fuq bażi kontinwa u jirrevedi
l-assenjamenti kollha tal-klassifikazzjoni interna tal-inqas darba fis-sena.
Dan il-maniġer jirrevedi l-assenjament kull darba li sseħħ bidla
materjali li tista' tħalli impatt fuq klassifikazzjoni interna
tal-kreditu. Il-maniġer jistabbilixxi arranġamenti interni biex
jissorvelja l-impatt fuq il-klassifikazzjonijiet interni tal-kreditu
tiegħu fil-kundizzjonijiet makroekonomiċi u tas-suq finanzjarju jew
għall-emittenti speċifiċi; (d)
meta aġenzija ta' klassifikazzjoni tal-kreditu
rreġistrata mal-Awtorità Ewropea tat-Titoli u s-Swieq (European Securities
and Market Authority, ESMA) tassenja klassifikazzjoni tal-kreditu lil emittent
ta' strumenti tas-suq monetarju, is-sottograd taħt l-ogħla
żewġ klassifikazzjonijiet tal-kreditu b'terminu qasir ta' żmien
użati minn dik l-aġenzija jitqies bħala bidla materjali
għall-finijiet tal-punt (c) u l-maniġer għandu jkollu
jwettaq proċedura ta' assenjament ġdida; (e)
il-metodoloġiji ta' assenjament jiġu
riveduti tal-inqas darba fis-sena biex jiġi ddeterminat jekk jibqgħux
xierqa għall-kundizzjonijiet attwali esterni u tal-portafoll; (f)
meta jinbidlu l-metodoloġiji, il-mudelli jew
is-suppożizzjonijiet tal-klassifikazzjoni ewlenin użati
fil-proċeduri ta' valutazzjoni interna, il-maniġer ta' MMF jirrevedi
l-klassifikazzjonijiet tal-kreditu kollu affettwati malajr kemm jista' jkun u
mhux iktar tard minn xahar wara li sseħħ il-bidla; (g)
l-assenjamenti ta' klassifikazzjonijiet interni u
r-reviżjonijiet perjodiċi tagħhom mill-maniġer ta' MMF ma
għandhomx jitwettqu minn persuni inkarigati jew responsabbli
għall-immaniġġar tal-portafoll tal-MMF. Artikolu 17
Sistema interna ta' klassifikazzjoni 1. Kull emittent ta' strument
tas-suq monetarju li fih MMF ikun beħsiebu jinvesti jiġi assenjat
klassifikazzjoni interna skont il-proċedura ta' valutazzjoni interna. 2. L-istruttura tas-sistema ta'
klassifikazzjoni interna tikkonforma mar-rekwiżiti kollha li ġejjin: (a)
is-sistema interna ta' klassifikazzjoni tkun
ibbażata fuq skala waħda ta' klassifikazzjoni li tirrifletti b'mod
esklussiv kwantifikazzjoni tar-riskju ta' kreditu tal-emittent. L-iskala ta'
klassifikazzjoni jkollha sitt gradi għal emittenti mhux inadempjenti u
wieħed għall-emittenti inadempjenti; (b)
ikun hemm relazzjoni ċara bejn il-gradi
tal-emittent li jirriflettu r-riskju ta' kreditu ta' emittent u l-kriterji ta'
klassifikazzjoni biex kull livell ta' riskju ta' kreditu jkun distint; (c)
is-sistema ta' klassifikazzjoni tqis in-natura ta'
terminu qasir ta' żmien tal-istrumenti tas-suq monetarju. 3. Il-kriterji ta'
klassifikazzjoni msemmija fil-paragrafu 2(b) jissodisfaw ir-rekwiżiti
kollha li ġejjin: (a)
jinvolvu tal-inqas indikaturi kwantitattivi u
kwalitattivi fuq l-emittent tal-istrument, u s-sitwazzjoni makroekonomika u
tas-suq finanzjarju; (b)
jirreferu għall-valuri referenzjarji
numeriċi u kwalitattivi komuni użati biex jiġu vvalutati
l-indikaturi kwantitattivi u kwalitattivi; (c)
ikunu adegwati għat-tip partikolari ta'
emittent. Issir distinzjoni bejn tal-inqas it-tipi li ġejjin ta'
emittenti: sovrani, awtorità pubblika reġjonali jew lokali,
korporazzjonijiet finanzjarji, u korporazzjonijiet mhux finanzjarji. (d)
F’każ ta’ skopertura għal
titolizzazzjonijiet, iqisu r-riskju tal-kreditu tal-emittent, l-istruttura
tat-titolizzazzjoni u r-riskju tal-kreditu tal-assi sottosanti. Artikolu 18
Dokumentazzjoni 1. Il-maniġer tal-MMF
jiddokumenta l-proċedura ta' valutazzjoni interna u s-sistema ta'
klassifikazzjoni interna tiegħu. Id-dokumentazzjoni tinkludi: (a)
id-disinn u d-dettalji operazzjonali
tal-proċeduri ta' valutazzjoni interna u s-sistemi interni ta'
klassifikazzjoni tiegħu b'tali mod li l-awtorità kompetenti tkun tista'
tifhem l-assenjament għal gradi speċifiċi u biex tiġi
evalwata l-adegwatezza ta' assenjament għal grad; (b)
il-ħsieb għal u l-analiżi li ssostni
l-għażla tal-maniġer tal-kriterji ta' klassifikazzjoni u
l-frekwenza ta' rieżami tiegħu. Din l-analiżi tinkludi
l-parametri, il-mudell u l-limiti tal-mudell użat biex jingħażlu
l-kriterji ta' klassifikazzjoni; (c)
il-bidliet ewlenin kollha fil-proċedura ta'
valutazzjoni interna, inkluża l-identifikazzjoni tal-ixkattaturi
tal-bidliet; (d)
l-organizzazzjoni tal-proċedura ta'
valutazzjoni interna, inkluż il-proċess ta' assenjament
tal-klassifikazzjoni u l-istruttura interna ta' kontroll; (e)
l-informazzjoni interna sħiħa dwar
il-klassifikazzjonijiet fl-imgħoddi fuq l-emittenti u l-garanti
rikonoxxuti; (f)
id-dati tal-assenjament tal-klassifikazzjonijiet
interni; (g)
id-dejta u l-metodoloġija ewlenin użati
biex tinħareġ klassifikazzjoni interna, inklużi
suppożizzjonijiet ta' klassifikazzjoni ewlenin; (h)
il-persuna jew persuni responsabbli
għall-assenjament tal-klassifikazzjoni interna. 2. Il-proċedura ta' valutazzjoni
interna tiġi dettaljata fir-regoli tal-fond jew ir-regoli ta'
inkorporazzjoni tal-MMF u d-dokumenti kollha msemmija fil-paragrafu 1
ikunu disponibbli fuq talba mill-awtoritajiet kompetenti tal-MMFs u
l-awtoritajiet kompetenti tal-maniġer tal-MMF. Artikolu 19
Atti delegati Il-Kummissjoni tingħata s-setgħa
sabiex tadotta atti delegati skont l-Artikolu 44, billi tispeċifika
dawn il-punti li ġejjin: (a)
il-kundizzjonijiet li fihom il-metodoloġiji
ta' assenjamnet jitqiesu prudenti, rigorużi, sistematiċi u kontinwi u
l-kundizzjonijiet tal-validazzjoni, imsemmija fl-Artikolu 16(2); (b)
id-definizzjonijiet ta’ kull grad rigward
il-kwantifikazzjoni tar-riskju tal-kreditu ta’ emittent imsemmija
fl-Artikolu 17(2)(a), u l-kriterji li jiddeterminaw il-kwantifikazzjoni
tar-riskju tal-kreditu msemmija fl-Artikolu 17(2)(b); (c)
il-valuri ta’ referenza preċiżi għal
kull indikatur kwalitattiv u l-valuri numeriċi ta’ referenza għal
kull indikatur kwantitattiv. Dawn il-valuri ta’ referenza tal-indikaturi
jiġu speċifikati għal kull grad ta' klassifikazzjoni filwaqt li
jitqiesu l-kriterji fl-Artikolu 17(3); (d)
it-tifsira ta' bidla materjali kif imsemmija
fl-Artikolu 16(3)(c). Artikolu 20
Governanza tal-valutazzjoni tal-kwalità tal-kreditu 1. Il-proċeduri ta'
valutazzjoni interna jiġu approvati mill-maniġment superjuri, il-korp
governattiv, u, fejn tkun teżisti, il-funzjoni superviżorja
tal-maniġer tal-MMF. Dawn il-partijiet ikollhom fehim tajjeb
tal-proċeduri ta' valutazzjoni interna, is-sistemi ta' klassifikazzjoni
interna u l-metodoloġiji ta' assenjament tal-maniġer u fehim
dettaljat tar-rapporti assoċjati. 2. Analiżi bbażata fuq
il-klassifikazzjonijiet interni tal-profil ta' riskju ta' kreditu tal-MMF tkun
parti essenzjali mir-rapportar lill-partijiet imsemmija fil-paragrafu 1.
Ir-rapportar jinkludi bħala minimu l-profil ta' riskju skont il-grad,
il-migrazzjoni bejn il-gradi, stima tal-parametri rilevanti għal kull
grad, u paragun tar-rati ta' inadempjenza realizzati. Il-frekwenzi
tar-rapportar jiddependu fuq l-importanza u t-tip ta' informazzjoni u tal-inqas
ir-rapportar jsir darba fis-sena. 3. Fuq bażi kontinwa,
il-maniġment superjuri jara li l-proċedura ta' valutazzjoni interna
qed taħdem kif suppost. Il-maniġment superjuri jiġi
mgħarraf b'mod regolari dwar kif sejjer il-proċess ta' valutazzjoni
interna, l-oqsma fejn instabu nuqqasijiet, u l-qagħda tal-isforzi u
l-azzjonijiet meħuda biex jittejbu nuqqasijiet identifikati qabel. Kapitolu III
Obbligi li jikkonċernaw l-immaniġġar tar-riskji tal-MMFs Artikolu 21
Regoli tal-portafoll għall-MMFs b'terminu qasir ta' żmien L-MMF għal terminu qasir ta' żmien
jikkonforma l-ħin kollu mar-rekwiżiti kollha li ġejjin
tal-portafoll: (a)
il-portafoll tiegħu jkollu maturità
peżata medja (weighted average maturity, WAM) ta' mhux iktar minn
60 jum; (b)
il-portafoll tiegħu jkollu ħajja medja
peżata (weighted average life, WAL) ta' mhux iktar minn 120 jum; (c)
tal-inqas 10 % tal-assi tiegħu jkunu
msawra minn assi li jimmaturaw kuljum. L-MMF għal terminu qasir ta'
żmien ma għandux jixtri xi assi minbarra assi li jimmaturaw f'jum
meta t-tali xiri jkun jirriżulta f'investiment mill-MMF għal mien
qasir ta' inqas minn 10 % tal-portafoll tiegħu f'assi li jimmaturaw
kuljum; (d)
tal-inqas 20 % tal-assi tiegħu jkunu
msawra minn assi li jimmaturaw kull ġimgħa. L-MMF għal terminu qasir
ta' żmien ma għandux jixtri xi assi oħra minbarra assi li
jimmaturaw kull ġimgħa meta t-tali xiri jkun jirriżulta
f'investiment mill-MMF għal terminu qasir ta' żmien ta' inqas minn
20 % tal-portafoll tiegħu f'assi li jimmaturaw kull ġimgħa. Artikolu 22
Regoli tal-portafoll għall-MMFs standard 1. L-MMF standard jikkonforma
l-ħin kollu mar-rekwiżiti kollha li ġejjin tal-portafoll: (a)
il-portafoll tiegħu jkollu l-ħin kollu
WAM ta' mhux iktar minn sitt xhur; (b)
il-portafoll tiegħu jkollu l-ħin kollu
WAL ta' mhux iktar minn 12-il xahar; (c)
tal-inqas 10 % tal-assi tiegħu jkunu
msawra minn assi li jimmaturaw kuljum. L-MMF standard ma għandux jixtri xi
assi minbarra assi li jimmatura kuljum meta t-tali xiri jkun jirriżulta
f'investiment mill-MMF standard ta' inqas minn 10 % tal-portafoll
tiegħu f'assi li jimmaturaw kuljum; (d)
tal-inqas 20 % tal-assi tiegħu jkunu
msawra minn assi li jimmaturaw kull ġimgħa. L-MMF standard ma
għandux jixtri xi assi oħra minbarra assi li jimmaturaw kull
ġimgħa meta t-tali xiri jkun jirriżulta f'investiment mill-MMF
standard ta' inqas minn 20 % tal-portafoll tiegħu f'assi li
jimmaturaw kull ġimgħa. 2. L-MMF standard jista’
jinvesti mhux aktar minn 10 % tal-assi tiegħu fi strumenti tas-suq
tal-flus maħruġa minn korp wieħed. 3. Minkejja l-limiti individwali
stabbiliti fil-paragrafu 2, l-MMF standard jista' jikkumbina, fejn dan
ikun iwassal għal investiment ta’ aktar minn 15 % tal-assi
tiegħu f'korp wieħed, kwalunkwe wieħed minn dawn li ġejjin: (a)
investimenti fi strumenti tas-suq monetarju
maħruġin minn dak il-korp; (b)
depożiti li saru minn dak il-korp; (c)
strumenti finanzjarji derivati OTC li jġibu
skopertura għar-riskju tal-kontroparti lil dak il-korp. 4. L-assi kollha fil-portafoll
li MMF standard jinvesti f’skont il-paragrafi 2 u 3 jiġu żvelati
lil investituri tal-MMF. 5. L-MMF standard ma
għandux ikun fil-forma ta' CNAV MMF. Artikolu 23
Klassifikazzjonijiet tal-kreditu tal-MMF L-MMF jew il-maniġer tal-MMF ma
għandhomx jissolleċitaw jew jiffinanzjaw aġenzija ta'
klassifikazzjoni tal-kreditu għall-klassifikazzjoni tal-MMF. Artikolu 24
Il-politika "Kun af il-klijent" 1. Il-maniġer tal-MMF
jistabbilixxi, jimplimenta u japplika proċeduri u jeżerċita
d-diliġenza kollha biex jidentifika n-numru ta' investituri f'MMF,
il-ħtiġijiet u l-imġiba tagħhom, l-ammont tal-parteċipazzjonijiet
tagħhom bil-għan li jantiċipa sew l-effett ta' tifdiji
simultanji minn bosta investituri. Għal dan il-għan, bħala
minimu l-maniġer tal-MMF iqis il-fatturi li ġejjin: (a)
xejriet identifikabbli fil-ħtiġijiet ta'
flus kontanti tal-investitur; (b)
is-sofistikazzjoni tal-investituri differenti; (c)
l-averżjoni għar-riskju tal-investituri
differenti; (d)
il-grad ta' korrelazzjoni jew rabtiet mill-qrib
bejn investituri differenti fl-MMF. 2. Il-maniġer tal-MMF
jiżgura li: (a)
il-valur tal-unitajiet jew ishma miżmuma minn
investitur waħdieni ma jaqbiżx, fi kwalunkwe ħin, il-valur
tal-maturazzjoni ta’ kuljum valur tal-assi; (b)
il-fidi minn investitur ma tħallix impatt
b'mod materjali fuq il-profil ta' likwidità tal-MMF. Artikolu 25
Ittestjar tal-istress 1. Għal kull MMF ikun hemm
fis-seħħ proċessi sodi ta' ttestjar tal-istress li jippermettu
li jiġu identifikati avvenimenti jew bidliet possibbli fil-ġejjieni
fil-kundizzjonijiet ekonomiċi li jistgħu jħallu effetti mhux
favorevoli fuq l-MMF. Il-maniġer tal-MMF iwettaq b'mod regolari testijiet
tal-istress u jiżviluppa pjanijiet ta' azzjoni għal xenarji possibbli
differenti. It-testijiet tal-istress ikunu bbażati fuq
kriterji oġġettivi u jqisu l-effetti ta' xenarji plawżibbli
severi. Ix-xenarji ta' testijiet tal-istress tal-inqas jieħdu
f'kunsiderazzjoni l-parametri ta' referenza, inklużi l-fatturi li
ġejjin: (a)
bidliet ipotetiċi fil-livell ta' likwidità
tal-assi miżmuma fil-portafoll tal-MMF; (b)
bidliet ipotetiċi fil-livell ta' riskju ta'
kreditu tal-assi miżmuma fil-portafoll tal-MMF, inklużi eventi ta'
kreditu u event ta' klassifikazzjoni; (c)
ċaqliq ipotetiku tar-rati tal-imgħax; (d)
livelli ipotetiċi ta' tpaċija. 2. Barra minn hekk, fil-każ
ta' CNAV MMFs, it-testijiet tal-istress jagħtu stima fix-xenarji
differenti tad-differenza bejn in-NAV kostanti għal kull unità jew sehem u
n-NAV għal kull unità jew sehem, inkluż l-impatt tad-differenza fuq
il-bafer tan-NAV. 3. Meta t-test tal-istress
jiskopri xi vulnerabbiltà tal-MMF, il-maniġer tal-MMF jieħu azzjoni
biex isaħħaħ is-sodezza tal-MMF, inklużi azzjonijiet li
jsaħħu l-likwidità jew il-kwalità tal-assi tal-MMF. 4. It-testijiet tal-istress
isiru bi frekwenza determinata mill-bord tad-diretturi tal-maniġer
tal-MMF, wara li jiġi kkunsidrat x'inhu intervall xieraq u raġonevoli
fid-dawl tal-kundizzjonijiet tas-suq u wara li tiġi kkunsidrata kwalunkwe
bidla prevista fil-portafoll tal-MMF. Din il-frekwenza tkun tal-inqas annwali. 5. Rapport estensiv
bir-riżultati tat-testijiet tal-istress jiġi ppreżentat
għal analiżi lill-bord tad-diretturi tal-maniġer tal-MMF.
Il-bord tad-diretturi jemenda l-pjan ta' azzjoni propost jekk ikun hemm
bżonn, u japprova l-pjan ta' azzjoni finali. Ir-rapport li jispjega r-riżultati
tat-testijiet tal-istress u l-pjan ta' azzjoni jitfassal f'format miktub u
jinżamm għal perjodu minimu ta' ħames snin. 6. Ir-rapport bir-riżultati
tat-testijiet tal-istress jiġi ppreżentat lill-awtoritajiet
kompetenti tal-maniġer u tal-MMF. L-awtoritajiet kompetenti jibagħtu
r-rapport lill-ESMA. 7. L-ESMA toħroġ linji
gwida li jispeċifikaw il-parametri referenzjarji komuni tax-xenarji
tat-testijiet ta' stress li għandhom jiġu inklużi fit-testijiet
tal-istress filwaqt li jittieħdu f'kunsiderazzjoni l-fatturi
speċifikati fil-paragrafu 1. Il-linji gwida jiġu
aġġornati tal-inqas kull sena filwaqt li jittieħdu
f'kunsiderazzjoni l-aħħar żviluppi tas-suq. Kapitolu IV
Regoli ta' valwazzjoni Artikolu 26
Valwazzjoni tal-assi tal-MMF 1. L-assi tal-MMF jiġu
vvalutati mill-inqas fuq bażi ta’ kuljum. 2. L-assi tal-MMF jiġu
vvalutati bl-użu ta’ evalwazzjoni skont il-valur fis-suq. 3. Meta ssir evalwazzjoni skont
il-valur tas-suq, l-assi jiġu vvalutati mil-lat l-aktar prudenti ta’
offerta sakemm l-istituzzjonitkun tista' tikkwota prezz medju.
Meta ssir evalwazzjoni skont il-valur fis-suq,
tintuża biss dejta ta’ kwalità dwar is-suq. Il-kwalità tad-dejta dwar
is-suq tiġi vvalutata fuq il-bażi tal-fatturi kollha li ġejjin: (a)
in-numru u l-kwalità tal-kontropartijiet; (b)
il-volum u l-introjtu ta’ dak l-assi fis-suq; (c)
id-daqs tal-ħruġ u l-porzjon
tal-ħruġ li jippjana li jixtri jew ibiegħ l-MMF. 4. Meta ma jkunx possibbli li
ssir evalwazzjoni skont il-valur fis-suq jew id-dejta dwar is-suq ma tkunx ta’
kwalità suffiċjenti, l-assi tal-MMF jiġi vvalutat b’mod konservattiv
bl-użu ta’ evalwazzjoni skont mudell. Il-mudell jistma b’mod preċiż il-valur
intrinsiku tal-assi, fuq il-bażi tal-fatturi ewlenin aġġornati
li ġejjin: (a)
il-volum u l-introjtu ta’ dak l-assi fis-suq; (b)
id-daqs tal-ħruġ u l-porzjon
tal-ħruġ li jippjana li jixtri jew ibiegħ l-MMF; (c)
ir-riskju tas-suq, ir-riskju tar-rata
tal-imgħax u r-riskju tal-kreditu marbut mal-assi. Meta ssir evalwazzjoni skont mudell, ma
għandu jintuża ebda mudell ta’ evalwazzjoni bbażat fuq il-kost
amortizzat. 5. Minbarra l-mudell
tal-evalwazzjoni skont il-valur fis-suq imsemmi fil-paragrafi 2 u 3 u
l-metodu tal-evalwazzjoni skont mudell imsemmi fil-paragrafu 4, l-assi
tas-CNAV MMF jistgħu jiġu vvalutati wkoll bl-użu tal-metodu
tal-kost amortizzat. Artikolu 27
Kalkolazzjoni tan-NAV għal kull unità jew sehem 1. Il-"Valur Nett tal-Assi
(Net Asset Value, NAV) għal kull unità jew sehem" jiġi kkalkolat
bħala d-differenza bejn is-somma tal-assi kollha tal-MMF u s-somma
tal-obbligazzjonijiet kollha tal-MMF ivvalutati skont il-metodi
tal-evalwazzjoni skont il-valur fis-suq u tal-evalwazzjoni skont mudell,
diviżi bin-numru ta’ unitajiet jew ishma pendenti tal-MMF. In-NAV għal kull unità jew sehem jiġi
kkalkolat għal kull MMF, irrispettivament minn jekk huwiex CNAV MMF jew
le. 2. In-NAV għal kull unità
jew sehem jiġi arrotondat għall-eqreb punt bażi jew l-ekwivalenti
tiegħu meta n-NAV jiġi ppubblikat f’unità monetarja. 3. In-NAV għal kull unità
jew sehem tal-MMF jiġi kkalkolat mill-inqas kuljum. 4. In-"NAV kostanti
għal kull unità jew sehem" jiġi kkalkolat bħala
d-differenza bejn is-somma tal-assi kollha tas-CNAV MMF u s-somma
tal-obbligazzjonijiet kollha tas-CNAV MMF ivvalutati skont il-metodu tal-kost
amortizzat, diviż bin-numru ta’ unitajiet jew ishma pendenti tas-CNAV MMF. 5. In-NAV kostanti għal
kull unità jew sehem tas-CNAV MMF jista’ jiġi għall-eqreb punt
perċentwali jew l-ekwivalenti tiegħu meta n-NAV jiġi ppubblikat
f’unità monetarja. 6. Id-differenza bejn in-NAV
kostanti għal kull unità jew sehem u n-NAV għal kull unità jew sehem
tas-CNAV MMF tiġi mmonitorjata kontinwament. Artikolu 28
Prezz tal-ħruġ u tal-fidwa 1. L-unitajiet jew l-ishma
tal-MMF jinħarġu jew jinfdew bi prezz li jkun ugwali għan-NAV
tal-MMF għal kull unità jew sehem. 2. Permezz ta’ deroga
mill-paragrafu 1, l-unitajiet jew l-ishma tas-CNAV MMF jinħarġu
jew jinfdew bi prezz li jkun ugwali għan-NAV kostanti tal-MMF għal
kull unità jew sehem. Kapitolu V
Rekwiżiti speċifiċi għas-CNAV -MMFs Artikolu 29
Rekwiżiti speċifiċi għas-CNAV MMFs 1. L-MMF ma għandux
juża l-metodu tal-kost amortizzat għall-evalwazzjoni, jew jirreklama
n-NAV kostanti għal kull unità jew sehem, jew iġib in-NAV kostanti
għal kull unità jew sehem għall-eqreb punt perċentwali jew
l-ekwivalenti tiegħu meta n-NAV jiġi ppubblikat f’unità monetarja,
sakemm ma jkunx awtorizzat b’mod espliċitu bħala CNAV MMF. 2. Is-CNAV MMF jissodisfa
r-rekwiżiti addizzjonali kollha li ġejjin: (a)
huwa għandu jkun stabbilixxa bafer tan-NAV
skont ir-rekwiżiti msemmija fl-Artikolu 30; (b)
l-awtorità kompetenti tas-CNAV MMF tkun sodisfatta
bi pjan dettaljat mis-CNAV MMF li jispeċifika l-modalitajiet tal-użu tal-bafer
skont l-Artikolu 31; (c)
l-awtorità kompetenti tas-CNAV MMF tkun sodisfatta
bl-arranġamenti tas-CNAV MMF għar-rikostituzzjoni tal-bafer u
bis-saħħa finanzjarja tal-entità li mistennija tiffinanzja
r-rikostituzzjoni; (d)
ir-regoli jew l-istrumenti tal-inkorporazzjoni
tas-CNAV MMF jipprovdu proċeduri ċari għall-konverżjoni
tas-CNAV MMF f’MMF li mhuwiex permess juża l-kontabbiltà permezz tal-kost
amortizzat jew il-metodi ta’ arrotondament; (e)
is-CNAV MMF u l-maniġer tiegħu jkollhom
strutturi ta’ tmexxija ċari u trasparenti li jidentifikaw u jassenjaw
ir-responsabbiltajiet għal-livelli differenti ta’ tmexxija b’mod mhux
ambigwu; (f)
is-CNAV MMF ikun stabbilixxa għodod ta’
komunikazzjoni ċari u effettivi lejn l-investituri li jiżguraw
l-informazzjoni fil-pront fir-rigward ta’ kwalunkwe użu jew
rikostituzzjoni tal-bafer ta’ NAV u l-konverżjoni tas-CNAV MMF; (g)
ir-regoli jew l-istrumenti tal-inkorporazzjoni
tas-CNAV MMF jistabbilixxu b’mod ċar li s-CNAV MMF ma jistax jirċievi
appoġġ estern għajr permezz tal-bafer tan-NAV. Artikolu 30
Bafer tan-NAV 1. Kull CNAV MMF jistabbilixxi u
jżomm bafer tan-NAV li għandu dejjem jammonta għal mill-inqas
3 % tal-valur totali tal-assi tas-CNAV MMF. Il-valur totali tal-assi
tas-CNAV MMF jiġi kkalkolat bħala s-somma tal-valuri ta’ kull assi
tal-MMF stabbilita skont l-Artikolu 26(3) jew (4). Il-bafer tan-NAV jintuża esklussivament
sabiex ikopri d-differenzi bejn in-NAV kostanti tas-CNAV MMF għal kull
unità jew sehem u n-NAV tas-CNAV MMF għal kull unità jew sehem kif
preskritt fl-Artikolu 31. 2. L-ammonti fil-bafer tan-NAV
ma għandhomx jiġu inklużi fil-kalkolazzjoni tan-NAV jew tan-NAV
kostanti tas-CNAV MMF. 3. Il-bafer tan-NAV ikun kompost
minn flus kontanti biss. 4. Il-bafer tan-NAV jinżamm
f’kont ta’ riżerva protett li jinfetaħ minn istituzzjoni ta’ kreditu
li tissodisfa r-rekwiżiti msemmija fl-Artikolu 11(c), fl-isem u
fl-interess tal-MMF. Il-kont ta’ riżerva jiġi ssegregat minn
kwalunkwe kont ieħor tal-MMF, mill-kontijiet tal-maniġer tal-MMF,
mill-kontijiet tal-klijenti l-oħrajn tal-istituzzjoni ta’ kreditu u
mill-kontijiet ta’ kwalunkwe entità oħra li tiffinanzja l-bafer tan-NAV. Il-kont ta’ riżerva jew kwalunkwe ammonti
fil-kont ta’ riżerva ma għandhom ikunu soġġetti għal
ebda pleġġ, rahan jew arranġament kollaterali. F’każ
tal-insolvenza tal-maniġer tal-MMF jew tal-istituzzjoni ta’ kreditu fejn
jinfetaħ il-kont jew ta’ kwalunkwe entità li ffinanzjat il-bafer tan-NAV,
il-kont ta’ riżerva ma għandux ikun disponibbli għal
distribuzzjoni fost jew realizzazzjoni għall-benefiċċju
tal-kredituri tal-entità insolventi. 5. Il-kont ta’ riżerva
jintuża biss għall-benefiċċju tal-MMF. Trasferiment
tal-fondi mill-kont ta’ riżerva jsir biss skont il-kundizzjonijiet
preskritti fl-Artikolu 31(2)(b) u fl-Artikolu 31(3)(a). 6. Id-depożitarju tas-CNAV
MMF jivverifika li kwalunkwe trasferiment mill-kont ta’ riżerva jsir skont
id-dispożizzjonijiet ta’ dan il-Kapitolu. 7. Is-CNAV MMF jistabbilixxi
arranġamenti ċari u dettaljati bil-miktub mal-entità li mistennija
tiffinanzja r-rikostituzzjoni tal-bafer tan-NAV. L-arranġamenti jinkludu
impenn espliċitu għall-finanzjament tar-rikostituzzjoni u jitolbu
lill-entità tiffinanzja r-rikostituzzjoni billi tuża r-riżorsi
finanzjarji tagħha stess. L-arranġamenti għar-rikostituzzjoni u
l-identità tal-entità li mistennija tiffinanzja r-rikostituzzjoni jiġu
żvelati fir-regoli tal-fond jew fl-istrumenti tal-inkorporazzjoni tas-CNAV
MMF. Artikolu 31
L-użu tal-bafer tan-NAV 1. Il-bafer tan-NAV jintuża
biss f’każ ta’ sottoskrizzjonijiet u tifdijiet maħsuba biex
jippareġġaw id-differenza bejn in-NAV kostanti għal kull unità
jew sehem u n-NAV għal kull unità jew sehem. 2. Għall-finijiet
tal-paragrafu 1, fil-każ tas-sottoskrizzjonijiet: (a)
meta n-NAV kostanti fejn jiġu sottoskritti
unità jew sehem ikun ogħla min-NAV għal kull unità jew sehem,
id-differenza pożittiva tiġi kkreditata fil-kont ta’ riżerva; (b)
meta n-NAV kostanti fejn jiġu sottoskritti
unità jew sehem ikun aktar baxx min-NAV, id-differenza negattiva tiġi
ddebitata mill-kont ta’ riżerva. 3. Għall-finijiet
tal-paragrafu 1, fil-każ tat-tifdijiet: (a)
meta n-NAV kostanti fejn jiġu sottoskritti
unità jew sehem ikun ogħla min-NAV għal kull unità jew sehem,
id-differenza negattiva tiġi ddebitata mill-kont ta’ riżerva; (b)
meta n-NAV kostanti fejn jiġu sottoskritti
unità jew sehem ikun aktar baxx min-NAV għal kull unità jew sehem,
id-differenza pożittiva tiġi kkreditata fil-kont ta’ riżerva. Artikolu 32
Proċedura eskalanti 1. Is-CNAV MMF jistabbilixxi u
jimplimenta proċedura ta’ eskalazzjoni li tiżgura li d-differenza
negattiva bejn in-NAV kostanti għal kull unità jew sehem u n-NAV għal
kull unità jew sehem tiġi kkunsidrata mill-persuni kompetenti sabiex
jaġixxu għall-fond b’mod f’waqtu. 2. Il-proċedura ta’
eskalazzjoni teżiġi li: (a)
meta d-differenza negattiva tilħaq
10 punti bażi jew l-ekwivalenti tagħhom meta n-NAV jiġi
ppubblikat f’unità monetarja, il-maniġment superjuri tal-maniġer
tas-CNAV MMF għandu jiġi informat; (b)
meta d-differenza negattiva tilħaq il-15-il
punt bażi jew l-ekwivalenti tagħhom meta n-NAV jiġi ppubblikat
f’unità monetarja, il-bord tad-diretturi tal-maniġer tas-CNAV MMF,
l-awtoritajiet kompetenti tas-CNAV MMF u l-ESMA għandhom jiġu
informati; (c)
il-persuni kompetenti jevalwaw il-kawża
tad-differenza negattiva u jieħdu azzjoni xierqa sabiex inaqqsu l-effetti
negattivi. Artikolu 33
Rikostituzzjoni tal-bafer tan-NAV 1. Meta l-ammont tal-bafer
tan-NAV jaqa’ taħt it-3 %, huwa jiġi rikostitwit. 2. Meta l-bafer tan-NAV ma jkunx
ġie rikostitwit u għal xahar l-ammont tal-bafer tan-NAV jibqa’
taħt il-perċentwal ta’ 3 % msemmi fl-Artikolu 30(1) b’10 punti
bażi, l-MMF awtomatikament jieqaf milli jkun CNAV MMF u jkun ipprojbit
milli juża l-metodi tal-kost amortizzat jew tal-arrotondament. Is-CNAV MMF jgħarraf b’dan minnufih lil kull
investitur bil-miktub u b’mod ċar u li jinftiehem. Artikolu 34
Is-setgħat tal-awtorità kompetenti fir-rigward tal-bafer tan-NAV 1. L-awtorità kompetenti
tas-CNAV MMF tiġi nnotifikata minnufih bi kwalunkwe tnaqqis taħt
it-3 % fl-ammont tal-bafer tan-NAV. 2. L-awtorità kompetenti
tas-CNAV MMF u l-ESMA jiġu nnotifikati minnufih meta l-ammont tal-bafer
tan-NAV jonqos b’10 punti bażi taħt il-perċentwal ta’
3 % msemmi fl-Artikolu 30(1). 3. Wara n-notifika msemmija
fil-paragrafu 1, l-awtorità kompetenti ssegwi mill-qrib lis-CNAV MMF. 4. Wara n-notifika msemmija
fil-paragrafu 2, l-awtorità kompetenti tara li l-bafer tan-NAV ġie
rikostitwit jew li l-MMF ma baqax iżomm lilu nnifsu bħala CNAV MMF u
tgħarraf lill-investituri tagħha kif xieraq. Kapitolu VI
Appoġġ estern Artikolu 35
Appoġġ estern 1. Is-CNAV MMF jista' ma
jirċevix appoġġ estern għajr fil-forma u
bil-kundizzjonijiet preskritti fl-Artikoli minn 30 sa 34. 2. L-MMFs għajr is-CNAV
MMFs ma għandhomx ikunu permessi li jirċievu appoġġ estern,
għajr bil-kundizzjonijiet preskritti fl-Artikolu 36. 3. Appoġġ estern
ifisser appoġġ dirett jew indirett offrut minn parti terza li huwa
intiż għal jew li effettivament jirriżulta fil-garanzija
tal-likwidità tal-MMF jew fl-istabbilizzazzjoni tan-NAV għal kull unità
jew sehem tal-MMF. L-appoġġ estern jinkludi: (a)
injezzjonijiet ta’ flus minn parti terza; (b)
ix-xiri minn parti terza tal-assi tal-MMF bi prezz
esaġerat; (c)
ix-xiri minn parti terza tal-unitajiet jew l-ishma
tal-MMF sabiex tiġi pprovduta likwidità lill-fond; (d)
il-ħruġ minn parti terza ta’ kwalunkwe
tip ta’ garanzija, assigurazzjoni jew ittra ta’ appoġġ impliċita
jew espliċita għall-benefiċċju tal-MMF; (e)
kwalunkwe azzjoni minn parti terza, li l-objettiv
dirett jew indirett tagħha huwa li żżomm il-profil tal-likwidità
u n-NAV għal kull unità jew sehem tal-MMF. Artikolu 36
Ċirkostanzi ta' eċċezzjoni 1. F’ċirkostanzi ta'
eċċezzjonali ġustifikati mill-implikazzjonijiet sistemiċi
jew mill-kundizzjonijiet negattivi tas-suq, l-awtorità kompetenti tista’
tippermetti lill-MMF għajr is-CNAV MMF jirċievi l-appoġġ
estern imsemmi fl-Artikolu 35, li huwa intiż għal jew
effettivament jirriżulta fil-garanzija tal-likwidità tal-MMF jew
l-istabbilizzazzjoni tan-NAV għal kull unità jew sehem tal-MMF,
bil-kundizzjoni li jiġu ssodisfati l-kundizzjonijiet kollha li
ġejjin: (a)
l-MMF debitament jiġġustifika
l-ħtieġa tal-appoġġ estern u juri l-ħtieġa
urġenti għal appoġġ estern permezz ta’ evidenza
konklużiva; (b)
l-appoġġ estern huwa limitat f’dak li
għandu x’jaqsam mal-ammont ipprovdut u l-perjodu ta’ żmien meta jkun
disponibbli; (c)
l-awtorità kompetenti tkun sodisfatta li l-fornitur
tal-appoġġ estern huwa finanzjarjament b’saħħtu u
għandu biżżejjed riżorsi finanzjarji sabiex ikun jista’
jkompli jopera mingħajr ebda effett negattiv ta’ telf possibbli li
jirriżulta mill-appoġġ estern mogħti. 2. Għall-finijiet
tal-paragrafu 1(c), f’każ li l-fornitur tal-appoġġ estern
ikun entità soġġetta għal sorveljanza prudenzjali, jintalab
il-ftehim tal-awtorità ta’ sorveljanza ta’ dik l-entità sabiex jiġi
żgurat li l-appoġġ li għandu jingħata mill-entità jkun
soġġett għal fondi proprji adegwati pprovduti minn dik l-entità
u jkun konformi mas-sistema ta’ ġestjoni tar-riskju ta’ dik l-entità. 3. Meta l-kundizzjonijiet
imsemmija fil-paragrafu 1 għar-riċeviment ta’ appoġġ
estern jiġu ssodisfati, l-MMF jgħarraf b’dan minnufih lil kull
investitur bil-miktub u b’mod ċar u li jinftiehem. Kapitolu VII
Rekwiżiti tat-trasparenza Artikolu 37
Trasparenza 1. L-MMF jindika b’mod ċar
jekk huwiex MMF standard għal terminu qasir ta' żmien fi kwalunkwe
dokument estern jew intern, rapport, stqarrija, reklam, ittra jew kwalunkwe
evidenza oħra bil-miktub maħruġa minnu jew mill-maniġer
tiegħu, indirizzati jew intiżi biex jitqassmu lill-investituri
prospettivi, lid-detenturi tal-unitajiet, lill-azzjonisti jew lill-awtoritajiet
kompetenti tal-MMF jew lill-maniġer tiegħu. Is-CNAV MMF jindika b’mod ċar li huwa CNAV
MMF fi kwalunkwe dokument estern jew intern, rapport, stqarrija, reklam, ittra
jew kwalunkwe evidenza oħra bil-miktub maħruġa minnu jew
mill-maniġer tiegħu, indirizzati jew intiżi biex jitqassmu
lill-investituri prospettivi, lid-detenturi tal-unitajiet, lill-azzjonisti jew
lill-awtoritajiet kompetenti tal-MMF jew lill-maniġer tiegħu. 2. Kwalunkwe dokument tal-MMF
użat għal finijiet ta’ kummerċjalizzazzjoni jinkludi b’mod
ċar id-dikjarazzjonijiet kollha li ġejjin: (a)
li l-MMF mhuwiex investiment garantit; (b)
li l-MMF ma jiddependix fuq appoġġ estern
għall-garanzija tal-likwidità tal-MMF jew għall-istabbilizzazzjoni
tan-NAV għal kull unità jew sehem; (c)
li r-riskju ta’ telf tal-kapital għandu
jinġarr mill-investitur. 3. Kwalunkwe komunikazzjoni
mill-MMF jew mill-maniġer tiegħu lill-investituri jew
lill-investituri potenzjali ma għandha bl-ebda mod tissuġġerixxi
li huwa garantit investiment fl-unitajiet jew fl-ishma tal-MMF. 4. L-investituri f’MMF jiġu
informati b’mod ċar dwar il-metodu jew il-metodi użati mill-MMF
sabiex jivvaluta l-assi tal-MMF u jikkalkula n-NAV. 5. Minbarra l-informazzjoni li
għandha tiġi pprovduta skont il-paragrafi minn 1 sa 4, is-CNAV MMF
jispjega b’mod ċar lill-investituri u lill-investituri potenzjali
l-użu tal-metodu tal-kost amortizzat u/jew tal-arrotondament. Is-CNAV MMF
jindika l-ammont tal-bafer tan-NAV tiegħu, il-proċedura li
tippareġġa n-NAV kostanti għal kull unità jew sehem u n-NAV
għal kull unità jew sehem u jiddikjara b’mod ċar ir-rwol tal-bafer u r-riskji
relatati miegħu. Is-CNAV MMF jindika b’mod ċar il-modalitajiet
tar-rikostituzzjoni tal-bafer tan-NAV u tal-entità li mistennija tiffinanzja
r-rikostituzzjoni. Huwa jagħmel disponibbli għall-investituri
l-informazzjoni kollha li tikkonċerna l-konformità mal-kundizzjonijiet
stabbiliti fl-Artikolu 29(2) minn (a) sa (g). Artikolu 38
Rapportar lill-awtoritajiet kompetenti 1. Għal kull MMF
ġestit, il-maniġer tal-MMF jirrapporta l-informazzjoni lill-awtorità
kompetenti tal-MMF, mill-inqas kull tliet xhur. Il-maniġer, wara talba,
jipprovdi l-informazzjoni wkoll lill-awtorità kompetenti tal-maniġer jekk
din tkun differenti mill-awtorità kompetenti tal-MMF. 2. L-informazzjoni rrapportata
skont il-paragrafu 1 tinkludi l-punti li ġejjin: (a)
it-tip u l-karatteristiċi tal-MMF; (b)
l-indikaturi tal-portafoll bħall-valur totali
tal-assi, in-NAV, il-WAM, il-WAL, it-tqassim tal-maturità, il-likwidità u
r-redditu; (c)
id-daqs u l-evoluzzjoni tal-bafer tan-NAV; (d)
it-tip u l-karatteristiċi tal-MMF; (e)
l-informazzjoni dwar l-assi miżmuma
fil-portafoll tal-MMF: (i) il-karatteristiċi ta’ kull assi,
bħalma huma l-isem, il-pajjiż, il-kategorija tal-emittent, ir-riskju
jew il-maturità, u l-kklassifikar intern assenjat; (ii) it-tip ta’ assi, inklużi d-dettalji
tal-kontroparti f’każ ta’ derivattivi jew ftehimiet ta’ riakkwist
bil-maqlub; (f)
l-informazzjoni dwar l-obbligazzjonijiet tal-MMF li
tinkludi l-punti li ġejjin: (i) il-pajjiż fejn huwa stabbilit
l-investitur; (ii) il-kategorija tal-investitur; (iii) l-attività ta’ sottoskrizzjoni u tifdija. Jekk ikun meħtieġ u debitament
ġustifikat, l-awtoritajiet kompetenti jistgħu jitolbu informazzjoni
addizzjonali. 3. L-ESMA tiżviluppa abbozz
ta’ standards tekniċi ta’ implimentazzjoni sabiex tistabbilixxi mudell ta’
rapportaġġ li jinkludi l-informazzjoni kollha elenkata
fil-paragrafu 2. Il-Kummissjoni hija mogħtija s-setgħa li
tadotta l-istandards tekniċi ta’ implimentazzjoni msemmija fl-ewwel
subparagrafu skont l-Artikolu 15 tar-Regolament (UE) Nru 1095/2010. 4. L-awtoritajiet kompetenti
jittrażmettu lill-ESMA l-informazzjoni kollha riċevuta skont dan
l-Artikolu, u kwalunkwe notifika jew informazzjoni oħra skambjata mal-MMF
jew mal-maniġer tiegħu permezz ta’ dan ir-Regolament. Tali
informazzjoni tiġi trażmessa lill-ESMA sa mhux aktar tard minn
30 jum wara l-aħħar tal-perjodu ta’ tliet xhur ta’ rapportar. L-ESMA tiġbor l-informazzjoni biex
toħloq bażi ta' dejta ċentrali tal-MMFs kollha stabbiliti,
ġestiti jew ikkummerċjalizzati fl-Unjoni. Il-Bank Ċentrali
Ewropew ikollu dritt ta’ aċċess għal din il-bażi ta' dejta
għal skopijiet ta’ statistika biss. Kapitolu VIII
Superviżjoni Artikolu 39
Sorveljanza mill-awtoritajiet kompetenti 1. L-awtoritajiet kompetenti
jissorveljaw il-konformità ma’ dan ir-Regolament fuq bażi kontinwa. 2. L-awtorità kompetenti tal-MMF
tkun responsabbli mis-sorveljanza tal-konformità mar-regoli preskritti
fil-Kapitoli minn II sa VII. 3. L-awtorità kompetenti tal-MMF
tkun responsabbli mis-sorveljanza tal-konformità mal-obbligi stabbiliti
fir-regoli tal-fond jew fl-istrumenti tal-inkorporazzjoni, kif ukoll
mal-obbligi stabbiliti fil-prospett, li jkunu konsistenti ma’ dan
ir-Regolament. 4. L-awtorità kompetenti
tal-maniġer tkun responsabbli mis-sorveljanza tal-adegwatezza
tal-arranġamenti u l-organizzazzjoni tal-maniġer sabiex
il-maniġer tal-MMF ikun f’pożizzjoni li jikkonforma mal-obbligi u
r-regoli li huma relatati mal-kostituzzjoni u l-funzjonament tal-MMFs kollha li
jiġġestixxi. 5. L-awtoritajiet kompetenti
isegwu l-UCITS jew l-AIFs stabbiliti jew ikkummerċjalizzati fit-territorji
tagħhom sabiex jivverifikaw li huma ma jużawx in-nominazzjoni tal-MMF
jew jissuġġerixxu li huma MMF sakemm ma jikkonformawx ma’ dan
ir-Regolament. Artikolu 40
Setgħat tal-awtoritajiet kompetenti 1. L-awtoritajiet kompetenti
jkollhom is-setgħat ta’ sorveljanza u investigazzjoni kollha li huma
meħtieġa għat-twettiq tal-funzjonijiet tagħhom skont dan
ir-Regolament. 2. Is-setgħat mogħtija
lill-awtoritajiet kompetenti skont id-Direttiva 2009/65/KE u d-Direttiva
2011/61/UE jiġu eżerċitati wkoll fir-rigward ta’ dan ir-Regolament. Artikolu 41
Setgħat u kompetenzi tal-ESMA 1. L-ESMA jkollha s-setgħat
meħtieġa sabiex twettaq il-kompiti attribwiti lilha minn dan
ir-Regolament. 2. Is-setgħat tal-ESMA
skont id-Direttiva 2009/65/KE u d-Direttiva 2011/61/UE jiġu
eżerċitati wkoll fir-rigward ta’ dan ir-Regolament u skont
ir-Regolament (KE) Nru 45/2001. 3. Għall-finijiet
tar-Regolament (UE) Nru 1095/2010, dan ir-Regolament jiġi inkluż
fi kwalunkwe att ulterjuri tal-Unjoni legalment vinkolanti li jikkonferixxi
l-kompiti fuq l-Awtorità msemmija fl-Artikolu 1(2) tar-Regolament (UE)
1095/2010. Artikolu 42
Kooperazzjoni bejn l-awtoritajiet 1. L-awtorità kompetenti tal-MMF
u l-awtorità kompetenti tal-maniġer, jekk ikunu differenti, jikkooperaw
ma’ xulxin u jiskambjaw informazzjoni għall-finijiet tat-twettiq
tad-doveri tagħhom skont dan ir-Regolament. 2. L-awtoritajiet kompetenti u
l-ESMA jikkooperaw ma’ xulxin għall-finijiet tat-twettiq tad-doveri
rispettivi tagħhom skont dan ir-Regolament b’konformità mar-Regolament
(UE) Nru 1095/2010. 3. L-awtoritajiet kompetenti u l-ESMA jiskambjawl-informazzjoni
u d-dokumentazzjoni kollha meħtieġa sabiex iwettqu d-doveri rispettivi tagħhom skont dan
ir-Regolament b’konformità mar-Regolament (UE) Nru 1095/2010, b’mod
partikolari sabiex jidentifikaw u jirrimedjaw il-ksur ta’ dan
ir-Regolament. Kapitolu IX
Dispożizzjonijiet finali Artikolu 43
It-trattament tal-UCITS u l-AIFs eżistenti 1. Fi żmien sitt xhur wara
d-data tad-dħul fis-seħħ ta’ dan ir-Regolament, UCITS jew AIF
eżistenti li jinvesti f’assi għal terminu qasir ta’ żmien u li
jkollu għanijiet distinti jew kumulattivi li joffri redditi skont ir-rati
tas-suq monetarju jew li jippriserva l-valur tal-investiment jissottometti
applikazzjoni lill-awtorità kompetenti tiegħu flimkien mad-dokumenti u
l-evidenza kollha meħtieġa sabiex juri l-konformità ma’ dan
ir-Regolament. 2. Sa mhux aktar tard minn
xahrejn wara li tirċievi l-applikazzjoni, l-awtorità kompetenti tivvaluta
jekk l-UCITS jew l-AIF huwiex konformi ma' dan ir-Regolament b'konformità
mal-Artikoli 3 u 4. L-awtorità kompetenti toħroġ
deċiżjoni u tinnotifikaha minnufih lill-UCITS jew lill-AIF. 3. B’deroga mill-ewwel sentenza
tal-Artikolu 30(1), UCITS jew AIF eżistenti li jissodisfa l-kriterji
għad-definizzjoni ta’ CNAV MMF stipulati fl-Artikolu 2(10) tistabbilixxi
bafer tan-NAV ta’ mill-inqas (a)
1 % tal-valur totali tal-assi tas-CNAV MMF, fi
żmien sena mid-dħul fis-seħħ ta’ dan ir-Regolament; (b)
2 % tal-valur totali tal-assi tas-CNAV MMF, fi
żmien sentejn mid-dħul fis-seħħ ta’ dan ir-Regolament; (c)
3 % tal-valur totali tal-assi tas-CNAV MMF, fi
żmien tliet snin mid-data tad-dħul fis-seħħ ta’ dan
ir-Regolament 4. Għall-finijiet
tal-paragrafu 3 ta’ dan l-Artikolu, ir-referenza għal 3 %
fl-Artikoli 33 u 34 jiġu interpretati bħala li jirreferu
għall-ammonti tal-bafer tan-NAV imsemmija fil-punti (a), (b) u (c)
tal-paragrafu 3 rispettivament. Artikolu 44
Eżerċizzju tad-delega 1. Is-setgħa li tadotta
l-atti ddelegati hija mogħtija lill-Kummissjoni skont il-kundizzjonijiet
preskritti f’dan l-Artikolu. 2. Is-setgħa għall-adozzjoni
ta' atti delegati msemmija fl-Artikoli 13 u 19 tingħata
lill-Kummissjoni għal perjodu ta’ żmien indeterminat mid-data
tad-dħul fis-seħħ ta’ dan ir-Regolament. 3. Id-delega tas-setgħa
msemmija fl-Artikoli 13 u 19 tista' tiġi revokata fi kwalunkwe
ħin mill-Parlament Ewropew jew mill-Kunsill. Deċiżjoni ta’
revoka ġġib fi tmiemha d-delega tas-setgħa speċifikata
f’dik id-deċiżjoni. Hija tidħol fis-seħħ l-għada
tal-pubblikazzjoni tad-deċiżjoni f’Il-Ġurnal Uffiċjali
tal-Unjoni Ewropea jew f’data aktar tard speċifikata fiha. Hija ma
għandhiex taffettwa l-validità ta’ kwalunkwe atti ddelegati li huma
diġà fis-seħħ. 4. Hekk kif tadotta att delegat,
il-Kummissjoni tinnotifikah simultanjament lill-Parlament Ewropew u
lill-Kunsill. 5. Att delegat skont
l-Artikoli 13 u 19 jidħol fis-seħħ biss jekk ma tiġi
espressa l-ebda oġġezzjoni la mill-Parlament Ewropew u lanqas
mill-Kunsill fi żmien perjodu ta’ xahrejn min-notifika ta’ dak l-att
lill-Parlament Ewropew u l-Kunsill jew jekk, qabel l-iskadenza ta’ dak
il-perjodu, il-Parlament Ewropew u l-Kunsill it-tnejn li huma jkunu informaw
lill- Kummissjoni li mhumiex se joġġezzjonaw. Dak
il-perjodu jiġi estiż b’xahrejn fuq l-inizjattiva
tal-Parlament Ewropew jew tal-Kunsill. Artikolu 45
Rieżami Sa mhux aktar tard minn tliet snin wara
d-dħul fis-seħħ ta’ dan ir-Regolament, il-Kummissjoni
tagħmel rieżami tal-adegwatezza tar-Regolament minn lat prudenzjali u
ekonomiku. B’mod partikolari r-rieżami għandu jqis l-operazzjoni
tal-bafer tas-CNAV u l-operazzjoni tal-bafer tas-CNAV għal dawk is-CNAV
MMFs li, fil-futur, jistgħu jikkonċentraw il-portafolli tagħhom
fuq dejn maħruġ jew garantit mill-Istati Membri. Ir-rieżami: (a)
janalizza l-esperjenza miksuba fl-applikazzjoni ta’
dan ir-Regolament, l-impatt fuq l-investituri, l-MMFs u l-maniġers
tal-MMFs fl-Unjoni; (b)
jivvaluta r-rwol li għandhom l-MMFs fix-xiri
ta’ dejn maħruġ jew garantit mill-Istati Membri; (c)
iqis il-karatteristiċi speċifiċi ta’
dejn maħruġ jew garantit mill-Istati Membri u r-rwol dan id-dejn
għandu fl-iffinanzjar l-Istati Membri; (d)
iqis ir-rapport imsemmi fl-Artikolu 509(3)
tar-Regolament (UE) Nru 575/2013; (e)
iqis l-iżviluppi regolatorji fil-livell
internazzjonali. Ir-riżultati ta’ dan ir-rieżami
jiġu kkomunikati lill-Parlament Ewropew u l-Kunsill, akkumpanjati fejn
meħtieġ mill-proposti adattati għall-emendi. Artikolu 46
Dħul fis-seħħ Dan ir-Regolament jidħol
fis-seħħ fl-20 jum wara l-pubblikazzjoni tiegħu f’Il-Ġurnal
Uffiċjali tal-Unjoni Ewropea. Dan ir-Regolament jorbot fl-intier
tiegħu u jkun direttament applikabbli fl-Istati Membri kollha. Magħmul fi Brussell, Għall-Parlament Ewropew Għall-Kunsill Il-President Il-President [1] Ir-Riżoluzzjoni
tal-Parlament Ewropew tal-20 ta' Novembru 2012 dwar l-Ibbankjar
Parallel (2012/2115(INI)) [2] ĠU C , , p. . [3] Id-Direttiva
2009/65/KE tal-Parlament Ewropew u tal-Kunsill
tat-13 ta’ Lulju 2009 dwar il-koordinazzjoni tal-liġijiet,
regolamenti u dispożizzjonijiet amministrattivi fir-rigward
tal-impriżi ta’ investiment kollettiv f’titoli trasferibbli (UCITS) (ĠU
L 302, 17.11.2009, p. 32). [4] Id-Direttiva
2011/61/UE tal-Parlament Ewropew u tal-Kunsill
tat-8 ta’ Ġunju 2011 dwar Maniġers ta’ Fondi ta’
Investiment Alternattivi u li temenda d-Direttivi 2003/41/KE u 2009/65/KE u
r-Regolamenti (KE) Nru 1060/2009 u (UE) Nru 1095/2010 (ĠU L 174, 1.7.2011, p. 1). [5] Ir-Regolament
(UE) Nru 648/2012 tal-Parlament Ewropew u tal-Kunsill
tal-4 ta’ Lulju 2012 dwar derivati OTC, kontropartijiet
ċentrali u repożitorji tad-data dwar it-tranżazzjonijiet (ĠU L 201, 27.7.2012, p. 1). [6] Ir-Regolament ta’ Delega
tal-Kummissjoni (UE) Nru 231/2013
tad-19 ta’ Diċembru 2012 li jissupplimenta d-Direttiva
2011/61/UE tal-Parlament Ewropew u tal-Kunsill fir-rigward
tal-eżenzjonijiet, il-kundizzjonijiet ġenerali tal-operat,
id-depożitarji, l-ingranaġġ, it-trasparenza u s-superviżjoni
(ĠU L 83, 22.3.2013, p. 1). [7] Ir-Regolament (UE)
Nru 1095/2010 tal-Parlament Ewropew u tal-Kunsill
tal-24 ta’ Novembru 2010 li jistabbilixxi Awtorità
Superviżorja Ewropea (Awtorità Ewropea għat-Titoli u s-Swieq), u li
jemenda d-Deċiżjoni Nru 716/2009/KE u jħassar
id-Deċiżjoni tal-Kummissjoni 2009/77/KE (ĠU L 331,
15.12.2010, p. 84). [8] Id-Direttiva 95/46/KE
tal-Parlament Ewropew u tal-Kunsill tal-24 ta’ Ottubru 1995 dwar
il-protezzjoni ta’ individwi fir-rigward tal-ipproċessar ta’ dejta
personali u dwar il-moviment liberu ta’ dik id-dejta (ĠU L 281,
23.11.1995, p. 31). [9] Ir-Regolament
(KE) Nru 45/2001 tal-Parlament Ewropew u tal-Kunsill
tat-18 ta' Diċembru 2000 dwar il-protezzjoni tal-individwi
fir-rigward tal-ipproċessar ta' dejta personali mill-istituzzjonijiet u
l-korpi Komunitarji u dwar il-moviment liberu ta' tali dejta (ĠU L 8, 12.1.2001, p. 1). [10] Ir-Regolament (UE)
Nru 575/2013 tal-Parlament Ewropew u tal-Kunsill
tas-26 ta' Ġunju 2013 dwar ir-rekwiżiti prudenzjali
għall-istituzzjonijiet ta' kreditu u d-ditti tal-investiment u li jemenda
r-Regolament (UE) Nru 648/2012, ĠU L 176, 27.06.2013,
p. 1-337. [11] Is-Seba' Direttiva tal-Kunsill 83/349/KEE
tat-13 ta' Ġunju 1983 ibbażata fuq
l-Artikolu 54(3)(g) tat-Trattat dwar il-kontijiet konsolidati; ĠU L 193, 18.7.1983, p. 1–17