Komunikazzjoni mill-Kummissjoni lill-Parlament Ewropew skond it-tieni subparagrafu ta' l-Artikolu 251(2) tat-Trattat tal-KE dwar il-pożizzjoni komuni tal-Kunsill dwar l-adozzjoni ta' Proposta għal deċiżjoni tal-Parlament ewropew u tal-Kunsill dwar sistema elettronika għad-dwana u l-kummerċ /* KUMM/2007/0516 finali - COD 2005/0247 */
[pic] | KUMMISSJONI TAL-KOMUNITAJIET EWROPEJ | Brussel 5.9.2007 KUMM(2007) 516 finali 2005/0247 (COD) KOMUNIKAZZJONI MILL-KUMMISSJONI LILL-PARLAMENT EWROPEW skond it-tieni subparagrafu ta' l-Artikolu 251(2) tat-Trattat tal-KE dwar il-pożizzjoni komuni tal-Kunsill dwar l-adozzjoni ta' Proposta għal Deċiżjoni tal-Parlament Ewropew u tal-Kunsill dwar sistema elettronika għad-dwana u l-kummerċ 2005/0247 (COD) KOMUNIKAZZJONI MILL-KUMMISSJONI LILL-PARLAMENT EWROPEW skond it-tieni subparagrafu ta' l-Artikolu 251(2) tat-Trattat tal-KE dwar il-pożizzjoni komuni tal-Kunsill dwar l-adozzjoni ta' Proposta għal Deċiżjoni tal-Parlament Ewropew u tal-Kunsill dwar sistema elettronika għad-dwana u l-kummerċ 1. SFOND Data ta' trażmissjoni tal-proposta lill-PE u lill-Kunsill (dokument COM(2005)609 finali – 2005/247COD): | 02/12/2005. | Data ta' l-opinjoni tal-Kumitat Ekonomiku u Soċjali Ewropew: | 13/09/2006. | Data ta' l-opinjoni tal-Parlament Ewropew, l-ewwel qari: | 12/12/2006. | Data ta' l-adozzjoni tal-pożizzjoni komuni: | 23/07/2007. | 2. GĦAN TAL-PROPOSTA TAL-KUMMISSJONI Id-Deċiżjoni proposta tipprevedi l-impenn min-naħa ta' l-Istati Membri u tal-Kummissjoni biex jiżviluppaw sistemi doganali elettroniċi li huma interoperabbli fi ħdan termini ta' żmien miftiehma. Barra mill-iskadenzi, id-Deċiżjoni tistabbilixxi l-għanijiet, l-istrateġija u l-mekkaniżmu ta' koordinament għas-sistemi doganali elettroniċi, tiddefinixxi l-komponenti Komunitarji u nazzjonali tas-sistemi u r-responsabilitajiet u l-ħidmiet relatati. Barra minn hekk, tistabbilixxi qafas ta' monitoraġġ u rappurtar għall-inizjattiva ta' l-" e-customs " (dwana elettronika). 3. KUMMENTI DWAR IL-POŻIZZJONI KOMUNI Flimkien mal-modifiki tekniċi u referenza speċifika għall-protezzjoni tad- data personali, il-pożizzjoni komuni ddaħħal tibdiliet dwar l-iskadenzi għat-twaqqif tas-sistemi individwali. Għal uħud mis-sistemi, hija toħloq distinzjoni bejn skadenzi għat-twaqqif ta' speċifikazzjonijiet funzjonali u għat-tħaddim tas-sistema. Barra minn hekk, il-pożizzjoni komuni tistabbilixxi l-possibilità li t-termini ta' żmien jiġu estiżi fl-ambitu tal-proċedura tal-komitoloġija (proċedura regolatorja bi skrutinju) u jkunu aboliti xi proġetti wara evalwazzjoni negattiva ta' l-ispeċifikazzjonijiet funzjonali. Il-Kummissjoni tista' taċċetta l-pożizzjoni komuni billi din għadha tiggarantixxi li jinżammu t-termini ta' żmien fil-proposta biex jinħoloq impenn għall-Istati Membri u għall-Kummissjoni. It-termini ta' żmien għas-sistemi differenti li rriżultaw bħala l-aktar problema importanti għall-adozzjoni tal-pożizzjoni komuni billi wħud mill-Istati Membri beżgħu minn impenn għal proġetti fit-tul, li skond huma, il-vijabbiltà tagħhom għad trid tiġi ppruvata. 4. KONKLUŻJONI Il-Kummissjoni taqbel mal-pożizzjoni komuni.