27.2.2007   

MT

Il-Ġurnal Uffiċjali ta’ l-Unjoni Ewropea

C NaN/1

I-IV

1-13

1-4

5-13

14-18

14-15

16-18

19-66

20-25

20-23

24-25

26-27

28-54

28-49

50-54

55-66

55-62

63-66

67-74

69

70-72

73-74

DĠ BUDG

Direttorat Ġenerali għall-Baġit

DĠ TAXUD

Direttorat Ġenerali għat-Tassazzjoni u l-Unjoni Doganali

EWS

Sistema ta' Avviż minn Kmieni (EWS)

ĠU

Ġurnal Uffiċjali ta' l-Unjoni Ewropea

KE

Komunitajiet Ewropej

KEE

Komunità Ekonomika Ewropea

MCC

Għan Minimu Komuni

NCTS

Sistema Ġdida ta' Transitu Kompjuterizzata

OLAF

Uffiċċju Ewropew għall-ġlieda kontra l-Frodi

UE

L-Unjoni Ewropea

I.

Bejn l-1990 u l-1994 s-sistema ta' transitu kienet milquta minn attivitajiet ta' frodi li kkawżaw telf fid-dħul għal stima ta' 320 miljun EKU lill-baġit tal-Komunità. Il-Kompjuterizzazzjoni tal-proċeduri ta' transitu, ir-riforma tal-bażi legali, u t-tisħiħ fil-kontrolli fiżiċi bbażati fuq analiżi tar-riskju komuni kienu rrakkomandati mill-Parlament Ewropew, mill-Kunsill, u mill-Qorti Ewropea ta' l-Awdituri.

II.

B'risposta għal dan, il-Kummissjoni preżentat Pjan ta' Azzjoni għat-Transitu fl-Ewropa fl-1997. Fl-2001 waqfet qafas legali revedut u sa l-aħħar ta' l-2005 kkoordinat l-implimentazzjoni ta' sistema ġdida ta' transitu kompjuterizzata (NCTS) iddisinjata għall-iskambju ta' messaġġi elettroniċi bejn l-uffiċċji doganali ta' l-Istati Membri kollha.

III.

Il-Qorti eżaminat l-applikazzjoni tal-leġiżlazzjoni l-ġdida u l-implimentazzjoni tal-NCTS fi 11-il Stat Membru, b'enfażi fuq ir-rilaxx tat-transiti, il-ġbir tad-dazji doganali fuqhom u l-prevenzjoni tal-frodi. Is-sejbiet prinċipali kienu s-segwenti:

IV.

Nuqqas ta' dejta dwar il-frodi u ġestjoni ta' riskju ħażina fl-Istati Membri jeħtieġu azzjoni koordinata fuq livell Ewropew. Il-Kummissjoni għandha jkollha aċċess għall-informazzjoni tal-NCTS dettaljata għall-użu ta' analiżi tar-riskju u fuq il-bażi ta' l-aħjar prattika għandha tkun kapaċi tippromwovi strateġiji għall-kontrolli fiżiċi mmirati fuq oġġetti fit-transitu.

1.

It-transitu doganali jissimplifika l-formalitajiet u jiffaċilita l-moviment ta' oġġetti ġot-territorju Komunitarju, billi jissospendi temporanjament id-dazji u spejjeż oħra fuq oġġetti importati fil-Komunità sakemm jilħqu d-destinazzjoni finali tagħhom. Il-formalitajiet doganali attwali huma trasferiti mill-fruntiera għall-post tad-destinazzjoni finali.

2.

It-transitu Komunitarju japplika għall-:

3.

Ir-riskju prinċipali tat-transitu Komunitarju huwa li oġġetti jiġu mneħħija illegalment mis-sorveljanza doganali u mitfugħa fis-suq domestiku mingħajr il-ħlas ta' dazji doganali u spejjeż oħra, u t-taxxa fuq il-valur miżjud u b'mod partikolari d-dazji tas-sisa.

4.

Minħabba l-karattru sospensiv u temporanju tat-transitu, l-awtoritajiet doganali għandhom it-tendenza li jikkunsidraw il-kontroll tal-kunsinni ta' transitu bħala ta' prijorità baxxa. Sabiex jiġu koperti r-riskji finanzjarji, transiti huma ġeneralment assigurati b'garanzija li tassigura l-pagament ta' dazji, taxxi u spejjeż oħra. Il-garanzija tista tkun jew garazija individwali li tkopri operazzjoni ta' transitu waħda jew garanzija komprensiva li tkopri numru ta' operazzjonijet ta' transitu (1).

5.

Fil-bidu tas-snin 90, kienet irrapurtata żieda fil-frodi fit-transitu. Stimi ta' telf fil-baġit tal-Komunità bejn l-1990 u l-1994 (2) ammontaw għal 320 miljun EKU, qabel ma jiġi kkunsidrat ġbir lura sussegwenti mill-Istati Membri, b'telf akbar ta' taxxi nazzjonali. Dak iż-żmien, Il-Kunsill (3) u l-Kumitat ta' Inkjesta Temporanja tal-Parlament Ewropew dwar is-Sistema ta' Transitu Komunitarju (4) rrikonoxxew il-kompjuterizzazzjoni u riforma legali tat-transitu Komunitarju bħala l-elementi prinċipali biex tiġi miġġielda l-frodi, konsiderazzjoni li kienet sostenuta mill-Qorti fir-rapport annwali tagħha għall-1994 (5).

6.

Sakemm is-sistema ġiet ikkompjuterizzata, id-dikjarazzjonijiet ta' transitu Komunitarju kienu magħmula fuq karti. Id-dikjarazzjonijiet oriġinali kienu miżmuma fl-uffiċċju tat-tluq u l-kopji kienu jakkumpanjaw il-kunsinna sa l-uffiċċju doganali tad-destinazzjoni. Dan ta' l-aħħar imbagħad kellu jirritorna dokument lill-uffiċċju tat-tluq bħala notifikazzjoni li l-kunsinna kienet waslet u kellu jindika jekk ġewx misjuba irregolaritajiet. Il-proċedura kienet bil-mod u kienet tinvolvi ħafna riskji.

7.

Il-Kummissjoni għaldaqstant ippreżentat il-pjan ta' azzjoni għat-transitu fl-Ewropa (6) fl-1997, flimkien ma' lista ta' miżuri mmirati biex iġestu r-riskji tas-sistema ta' transitu u jnaqqsu l-vulnerabilità tagħha għall-frodi. Il-miżuri kienu dwar l-implimentazzjoni ta' transitu kompjuterizzat, l-integrazzjoni tal-proċedura tat-transitu, rinforz ta' attivitajiet ta' kontroll fil-livelli kollha, u fl-aħħarnett, it-tisħiħ tal-koperazzjoni bejn l-amministrazzjonijiet doganali differenti u bejn id-dwana u n-negozjanti. Fl-istess ħin hija bdiet reviżjoni tal-leġiżlazzjoni tat-transitu.

8.

Fl-1999, il-bażi legali għall-proġett NCTS (Sistema Ġdida ta' Transitu Kompjuterizzata) ġiet adottata. L-NCTS kien jimmira li jibdel il-proċedura eżistenti ta' transitu Komunitarju bbażata fuq il-karti bi skambju ta' messaġġi eletroniċi bbażati fuq il-kompjuter bejn l-uffiċċji doganali involuti, u fi stadju aktar tard, bejn in-negozjanti u d-dwana.

9.

Fil-ġlieda kontra l-frodi, l-NCTS kellha jkollha użu doppju, għax kellha:

10.

Dijagramma 1 juri proċedura standard ta' transitu NCTS.

11.

Fl-2001, b'mod parallel mal-kompjuterizzazzjoni, il-Kummissjoni resqet riforma tal-bażi legali għas-sistema ta' transitu (7) fejn introduċiet dispożizzjonijiet ġodda li kienu mmirati, fost l-oħrajn, sabiex:

12.

NCTS ġiet implimentata f'bosta fażijiet. L-għan prinċipali (9) ġie miksub fit-30 ta' Ġunju 2003 fl-UE-15 u l-Kummissjoni mbagħad kompliet tipprovdi assistenza għall-implimentazzjoni tal-NCTS fil-pajjiżi ta' l-adeżjoni. Il-fażijiet sussegwenti inkludew it-trattament kompjuterizzat ta' garanziji u inkjesti u kienu kkompletati f'Jannar 2006.

13.

Sa mill-1 ta' Lulju 2005 d-dikjarazzjonijiet ta' transitu Komunitarju għandhom, bħala regola ġenerali, jkunu preżentati elettronikament (10). L-istatistiċi tal-Kummissjoni juru żieda fil-movimenti ta' transitu NCTS minn madwar 5,5 miljuni fl-2004 għal aktar minn 7,5 miljuni fl-2005.

14.

L-objettiv tal-verifika tal-Qorti kien li tikseb assigurazzjoni li l-Istati Membri kienu qed japplikaw id-dispożizzjonijiet legali reveduti b'mod korrett u li l-proċeduri għat-transitu l-ġodda kienu ġew ikkoordinati tajjeb mill-Kummissjoni u implimentati tajjeb mill-Istati Membri b'mod li kien jipproteġi b'mod effettiv l-interessi finanzjarji ta' l-UE.

15.

Objettiv ieħor kien li tkun analizzata l-implimentazzjoni tal-miżuri rakkomandati mill-Parlament Ewropew, il-Kunsill u l-Qorti, u b'mod aktar speċifiku, il-miżuri ppjanati fil-pjan ta' azzjoni tal-Kummissjoni. L-enfażi hawn kienet fuq l-analiżi tal-vulnerabilità tas-sistema l-ġdida għall-frodi u kif din hija segwita mis-servizzi tal-Kummissjoni.

16.

Ġie mibgħut kwestjonarju lill-Istati Membri kollha biex tinġabar dejta riċenti relatata mat-transitu. Bejn Mejju 2005 u Jannar 2005 twettqu żjarat tal-verifika fi 11-il Stat Membru li jammontaw għal kważi 80 % tat-transiti NCTS (11).

17.

Il-verifiki koprew:

Total ta' 620 fajl u 26 dikjarazzjoni ta' transitu ġew eżaminati waqt il-verifika.

18.

Ir-rwol tas-servizzi tal-Kummissjoni kien analizzat ukoll, speċjalment il-koordinazjoni u t-tmexxija tax-xogħol imwettaq mid-Direttorat Ġenerali għat-Tassazzjoni u l-Unjoni Doganali (DĠ TAXUD), l-attivitajiet ta' kontroll mwettqa mid-Direttorat Ġenerali għall-Baġit (DĠ BUDG) b'relazzjoni mat-transitu, u l-involviment ta' l-OLAF fil-prevenzjoni u l-ġlieda kontra l-frodi.

19.

Anness I jagħti ħarsa ġenerali tan-nuqqasijiet prinċipali osservati fil-pajjiżi miżjura.

20.

Il-Kummissjoni kkoordinat l-implimentazzjoni tal-proġett NCTS fl-Istati Membri u għamlet sforz konsiderevoli biex tistabilixxi għodda ta' assistenza u monitoraġġ. Il-Kummissjoni żviluppat ukoll l-applikazzjoni standard tal-NCTS MCC (Għan Minimu Komuni), u hija responsabbli għaż-żamma tiegħu. MCC huwa wżat minn 15-il Stat Membru, filwaqt li l-10 Stati Membri l-oħra għażlu li jiżviluppaw l-applikazzjonijiet ta' transitu nazzjonali tagħhom proprji.

21.

Parti kbira tax-xogħol ġie ssekondat bl-użu tal-proċeduri standard ta' sejħiet ta' l-offerti. Fl-2005 s-servizz tal-verifika interna tal-Kummissjoni rreveda l-organizzazzjoni, l-ippjanar u t-tmexxija tal-proġett NCTS u sabhom sodisfaċenti ħafna. Min-naħa l-oħra, huwa kritika l-fatt li ma kien jeżisti ebda ftehim operattiv bejn il-Kummissjoni u l-Istati Membri dwar it-tmexxija ta' sitwazzjonijiet kritiċi li jolqtu d-disponibilità u l-kontinwità tal-NCTS.

22.

Il-kompjuterizzazzjoni tat-transitu hija meħtiega mill-leġiżlazzjoni, bħala mira ġenerali tal-Politika Doganali Komunitarja (12). Is-servizzi tal-Kummissjoni għalhekk enfasizzaw ir-rwol tagħhom bħala koordinatur tal-proġett NCTS filwaqt li l-monitoraġġ attwali ta' l-implimentazzjoni NCTS hija r-responsabilità ta' l-Istati Membri.

23.

Bħala parti mill-attivitajiet ta' koordinazzjoni tagħhom is-servizzi tal-Kummissjoni għamlu żjarat regolari fl-Istati Membri biex jipprovdu assistenza u sostenn tekniku.

24.

Testijiet u kontrolli mwettqa mill-Kummissjoni ma kinux kapaċi jipprevjenu xi problemi tal-kontroll ta' l-ambjent ta' l-IT.

25.

Ħamsa mill-Istati Membri miżjura, li erbgħa minnhom jużaw l-MCC, iltaqgħu ma' problemi serji ta' komparabilità meta pruvaw jintegraw l-NCTS fl-ambjent nazzjonali eżistenti ta' l-IT tagħhom, e.ż. sabiex jiċċekkjaw li kull transitu komplet huwa segwit bi proċedura doganali oħra, jew sabiex jużaw il-profili ta' riskju eżistenti. Erbgħa minnhom eventwalment preferew iżommu l-NCTS bħala sistema separata u ma amalgamawiex mas-sistema doganali nazzjonali ta' l-IT tagħhom.

26.

Id-DĠ TAXUD jassigura li l-liġi doganali Komunitarja tiġi applikata b'mod uniformi mill-amministrazzjonijiet nazzjonali. Id-DĠ BUDG iwettaq spezzjonijiet regolari fuq ir-riżorsi proprji tradizzjonali, u waqthom tiġi kkontrollata wkoll l-osservanza mad-dispożissjonijiet doganali applikabbli. Id-DĠ BUDG jikkopera mill-qrib ukoll mad-DĠ TAXUD dwar kwistjonijiet ta' politika doganali li joħorġu minn dawn l-ispezzjonijiet.

27.

Spezzjonijiet fuq ir-riżorsi proprji tradizzjonali li jiffukaw speċifikament fuq it-transitu ma twettqux bejn l-2001 u l-2005, peress li l-Kummissjoni kienet iddeċidiet li tistenna l-implimentazzjoni sħiħa tal-NCTS qabel ma tagħti bidu għal eżaminazzjoni estensiva. Minkejja dan, l-implimentazzjoni ta' l-element ta' l-attivitajiet prinċipali tal-NCTS kienet operattiva f'Ġunju 2003 (ara l-paragrafu) u l-elementi prinċipali tar-riforma legali kienu effettivi fl-2001. It-transitu huwa s-suġġett prinċipali fil-programm ta' spezzjoni tad-DĠ BUDG għall-2006.

28.

Wara r-riforma tal-bażi legali (ara l-paragrafu), il-Kummissjoni speċifikat dettalji dwar il-proċeduri tat-transitu fil-manwal miftiehem mill-amministrazzjonijiet nazzjonali u disponibbli f'dsatax-il lingwa Komunitarja, imsemmi l-Manwal tat-Transitu (13).

29.

Stati Membri kienu għadhom mhux qed japplikaw id-dispożizzjonijiet legali b'mod korrett: każijiet ta' diverġenza mid-dispożizzjonijiet fis-seħħ (xi wħud ta' natura formali) kienu misjuba fi 392 minn 620 fajl analizzati waqt il-verifika.

30.

Operaturi ekonomiċi fl-Unjoni Ewropea komunament jużaw garanziji komprensivi u l-istatus ta' kunsinnaturi/destinatarji awtorizzati bħala simplifikazzjonijiet tal-proċeduri tat-transitu. L-Artikolu 373 tad-dispożizzjonijiet li jimplimentaw il-Kodiċi Doganali Komunitarju jispeċifika l-kundizzjonijiet ġenerali li jirregolaw persuni li japplikaw għal dawn is-simplifikazzjonijiet (ara Anness II).

31.

L-użu ta' garanzija komprensiva jagħmilha possibbli biex jiġu koperti bosta operazzjonijiet ta' transitu bi strument wieħed. Il-garanzija hija applikabbli sa ammont medju ta' dazji doganali u spejjeż (l-ammont ta' referenza), li għandu jiġi revedut annwalment mill-uffiċċju doganali kkonċernat (14).

32.

L-istatus ta' kunsinnatur awtorizzat bi status ta' garanzija komprensiva jippermetti l-operazzjonijiet ta' transitu li jiġu mibdija mingħajr ma' l-oġġetti jiġu preżentati fid-dwana. Bl-istess mod destinatarju awtorizzat jista jispiċċa proċedura ta' transitu mingħajr ma jippreżenta l-oġġetti d-dwana.

33.

Jekk negozjant irid jibbenefika minn tnaqqis tal-garanzija jew rinunzja tal-garanzija jew irid jitrasporta oġġetti sensittivi taħt is-sistema ta' transitu, il-kriterji ta' affidabilità huma aktar stretti. Kaxxa 1 tistabilixxi l-kriterji li applikanti ta' garanziji komprensivi li jkopru oġġetti normali u sensittivi għandhom jissodisfaw (15).

34.

Barra mir-reviżjoni annwali ta' l-ammont ta' referenza, l-awtoritajiet doganali mhumiex meħtieġa li jwettqu kontrolli wara l-awtorizzazzjoni. Id-detentur ta' awtorizzazzjoni, madanakollu, huwa meħtieġ li jindika b'mod attiv kwalunkwe fattur li jirriżulta li jista jinfluwenza l-kontinwazzjoni jew il-kontentut tagħha (16).

Kaxxa 1:

Kriterji għat-tnaqqis tal-garanzija komprensiva jew ir-rinunzja ta' garanzija

35.

F'sitt Stati Membri, id-Dwani ma setgħux jagħtu l-evidenza kollha biex juru li l-kundizzjonijiet meħtieġa għall-istatus ta' kunsinnatur/destinatarju awtorizzat ġew iċċekkjati qabel l-awtorizzazzjoni. F'ħamsa minnhom, id-Dwani ma kinux wettqu verifikazzjonijiet wara l-awtorizzazzjoni biex jiċċekkjaw jekk il-benefiċjarji kinux għadhom jissodisfaw ir-rekwiżiti.

36.

F'dak li għandu x'jaqsam ma' l-użu ta' garanziji komprensivi, is-sitwazzjoni qajmet tħassib: f'disa' Stati Membri, id-Dwani ma kellhomx biżżejjed dokumentazzjoni biex jagħtu prova li l-benefiċjarji ssodisfaw il-kundizzjonijiet meħtieġa meta l-awtorizzazzjoni ġiet mogħtija. F'erba' Stati Membri d-Dwani aċċettaw il-kalkolu tan-negozjanti ta' ammonti ta' referenza, minflok ma għamlu r-reviżjoni annwali preskritta. Fi Stat Membru, in-negozjanti baqgħu jibbenefikaw minn rinunzji tal-garanziji jew garanziji komprensivi b'ammonti mnaqqsa, anke meta l-awtoritajiet tad-dwana kienu bdew proċeduri ta' rkuprar infurzati kontrihom.

37.

Jekk transitu ma jiġix ikkompletat sa l-iskadenza, għandhom jiġu mibdija inkjesti mill-pajjiż tat-tluq sabiex jiġi determinat jekk it-transitu spiċċax b'mod korrett u jekk ġiex imġarrab debitu doganali. Id-dispożizzjonijiet reveduti li jimplimentaw il-Kodiċi Doganali Komunitarju introduċew tnaqqis konsiderevoli ta' l-iskadenzi għan-notifikazzjoni lill-prinċipal (20) u għall-bidu ta' inkjesti meta jintużaw proċeduri kompjuterizzati.

38.

In-notifikazzjoni lill-prinċipal u l-bidu tal-proċeduri ta' inkjesta issa (21) jridu jitwettqu b'mod simultaneju, immedjatament wara li tispiċċa l-iskadenza għall-preżentazzjoni fid-destinazzjoni, jekk l-uffiċċju doganali tad-destinazzjoni ma bagħatx il-messaġġ tal-wasla (22). Fil-prattika, din ma kinitx osservata f'ebda mill-Istati Membri miżjura.

39.

B'mod ġenerali, regoli nazzjonali għandhom tolleranza ta' ġimgħatejn qabel jinbdew il-proċeduri ta' inkjesta.

40.

Iżda, għaxra mill-ħdax-il Stat Membru miżjura ma osservawx ir-regoli tagħhom stess u bdew inkjesti b'dewmien ta' ħafna aktar minn ġimgħatejn. Xi negozjanti ta' Stati Membri ma kkoperawx tajjeb mad-Dwana, li rriżulta f'dewmien fir-rilaxx li potenzjalment jista jwassal fi rkuprar tard ta' dazji.

41.

Fir-rapport annwali tagħha dwar is-sena finanzjarja 1994 l-Qorti qalet li l-proċeduri ta' rkuprar għandhom jiġu msaħħa billi jerġa jkun hemm enfażi dwar l-obbligazzjonijiet tal-prinċipal u rrakkomandat sistema ta' penali aktar b'saħħitha u armonizzata.

42.

Sakemm ġie introdott it-trattament kompjuterizzat ta' l-inkjesti, il-pajjiż ta' tluq tat-transitu kien jibgħat notifika ta' l-inkjesta fuq formola (TC 20) lill-pajjiż ta' destinazzjoni, li fiha jitlob għall-informazzjoni speċifika neċessarja (23). L-awtoritajiet doganali ta' l-Istat Membru tad-destinazzjoni imbagħad kienu meħtieġa li jwieġbu dawn in-notifiki ta' inkjesta mingħajr dewmien (24). F'disgħa mill-Istati Membri vverifikati, l-awtoritajiet doganali rrejaġixxew tard għan-notifiki ta' l-inkjesta, jew ma kkomunikawx l-informazzjoni neċessarja. F'sebgħa minn dawn l-Istati Membri attivitajiet ta' investigazzjoni bdew b'ittardjar ta' bosta xhur, peress li l-informazzjoni mogħtija bosta drabi ma kinitx tikjarifika jekk id-dazji finalment kinux ġew miġbura. Dawn in-nuqqasijiet wasslu għall-ġbir tard ta' dazji.

43.

Bosta mill-Istati Membri miżjura stennew li l-introduzzjoni tal-modulu ta' trattament ta' l-inkjesta tal-NCTS (25) isolvi tali problemi ta' komunikazzjoni. Dan ma setax ikun evalwat mill-verifika tal-Qorti, peress li l-modulu ġie implimentat biss reċentement.

44.

Inkjesti finalizzati s-soltu jipprovdu l-informazzjoni meħtieġa biex jistabilixxu l-eżistenza ta' debitu doganali u jiddeterminaw liema pajjiż għandu jiġbor id-dazji. Fil-każ ta' dubju l-liġi doganali reveduta tistabilixxi li d-debitu għandu jkun ikkunsidrat bħala li ġie mġarrab fil-pajjiż tat-tluq jew ta' dħul l-aktar tard 10 xhur wara li l-oġġetti ġew impoġġija taħt il-proċedura ta' transitu (26).

45.

Id-dispożizzjonijiet legali preċedenti li jitrattaw mal-proċeduri ta' rkupru diġà kienu kkawżaw problemi ta' applikazzjoni f'żewġ pajjiżi. Il-Kummissjoni ħadet azzjoni kontra dawn il-pajjiżi fil-Qorti Ewropea tal-Ġustizzja u eventwalment rebħet il-każijiet (27).

46.

L-Istati Membri interpretaw u applikaw id-dispożizzjonijiet b'modi differenti. F'għaxra mill-ħdax-il Stat Membru miżjura, l-iskadenza ta' għaxar xhur ġeneralment ma kinitx osservata, bosta drabi b'dewmien konsiderevoli. F'żewġ Stati Membri, id-dwani stennew li jgħaddi l-perijodu ta' 10 xhur, għalkemm il-kundizzjonijiet neċessarji sabiex jiġi stabbilit id-dejn kienu ġew issodisfati ħafna żmien qabel l-iskadenza. F'wieħed mill-EU-10, 18-il xahar wara l-adeżjoni, kważi ebda azzjoni ta' rkuprar ma kienet inbdiet għal tali każijiet fl-uffiċċji doganali miżjura.

47.

Ir-regolamenti Komunitarji ma jispeċifikawx limitu ta' żmien preċiż għall-bidu ta' proċeduri ta' rkuprar fil-pajjiżi ta' destinazzjoni ta' transitu. Madanakollu, malli l-awtoritajiet doganali jiksbu t-tagħrif li debitu doganali ġie mġarrab f'pajjiżhom wara transitu mhux komplet u huma jkunu jistgħu jiddeterminaw id-debitur u l-ammont ta' dazji, għandhom massimu ta' ġimgħatejn biex jirreġistraw id-debitu fil-kontijiet (28).

48.

Fl-Istati Membri miżjura, tali każijiet rari ġew trattati malajr, għalhekk jittardjaw il-ġbir tar-riżorsi proprji. Fi tliet Stati Membri, id-destinatarji ta' l-oġġetti stess infurmaw l-awtoritajiet doganali u talbu biex jinġabru d-dazji, iżda l-awtoritajiet bdew l-irkuprar biss wara dewmien ta' bosta xhur.

49.

Kif diġà muri mill-Qorti fir-Rapport Annwali tagħha dwar is-sena finanzjarja 1994 u r-Rapport Speċjali tagħha Nru 8/99 dwar sigurtajiet u garanziji (29), l-Istati Membri rrapurtaw li l-valur u l-kodiċi tal-komodità ma kinux dejjem informazzjoni mandatorja fid-dikjarazzjonijiet ta' transitu taħt ir-regolamenti Komunitarji u bosta drabi dan kien jikkawża dewmien fl-irkuprar. F'żewġ Stati Membri, madanakollu, l-awtoritajiet dognali talbu lin-negozjanti biex jipprovdu tali informazzjoni qabel jibdew transitu.

50.

Bħad-djun doganali kollha misjuba wara li jkun seħħ il-każ, il-Kodiċi Doganali Komunitarju (30) jistipula li fejn id-debitu huwa dovut fuq movimenti ta' transitu mhux kompletati dawn iridu jiġi mdaħħla fil-kontijiet fi żmien jumejn mid-data minn meta l-ammont ta' dazju u d-debitur ikunu magħrufa. Dan il-limitu ta' żmien jista jiġi estiż għal 14-il ġurnata f'ċerti każijiet stipulati fil-Kodiċi Doganali (31).

51.

F'għaxra mill-ħdax-il Stat Membru miżjura kien innutat li reġistrazzjonijiet fil-kontijiet saru tard, wara l-iskadenza ta' l-14-il ġurnata. L-ittardjar kien minħabba proċeduri ta' inkjesta inadegwati. F'ħames Stati Membri reġistarazzjonijiet fil-kontijiet ġew milquta minn dewmien ieħor, minħabba l-kumplessità tal-proċeduri ta' rkuprar. Mill-194 fajl ta' rkuprar iċċekkjati matul il-verifika, 110 instabu li kellhom reġistrazzjonijiet tard fil-kontijiet.

52.

L-Istati Membri jridu jżommu kontijiet dettaljati skond ir-regolament tar-riżorsi proprji (32). Iridu jiġbru d-dejta li toħroġ minn reġistrazzjonijiet singoli fil-kont A, u jgħaddu l-ammonti totali tad-dazji stabbiliti, li minnhom jiġu mnaqqsa l-ispejjeż tal-ġbir, lill-Kummissjoni fit-tieni xahar wara x-xahar li ġie stabbilit fih l-intitolament. Bħala eċċezzjoni, dazju li jibqa' mhux imħallas jew mhux assigurat, jew huwa assigurat imma taħt appell, m'għandux jiġi magħmul disponibbli sakemm jiġi realment miġbur. Jekk Stati Membri jeżerċitaw din l-għażla, id-dazju kkonċernat minflok għandu jiddaħħal f'kont separat (il-kont B) (33).

53.

L-Istati Membri jsegwu prattiċi differenti biex jirreġistraw ir-riżorsi proprji dovuti għall-irkuprar wara transiti mhux ikkompletati. Fi Stat Membru dazji fuq transiti mhux ikkompletati koperti b'garanzija individwali ġew imdaħħla fil-kontijiet B. Tliet Stati Membri kkunsidraw li l-ammont attwali kopert mill-garanziji komprensivi ma jkunx magħruf fil-mument meta n-nota ta' rkuprar hija maħruġa u li għalhekk ebda ammont ma jista jiġi mdaħħal fil-kont A. L-Istati Membri rreġistraw l-ammont sħiħ ta' dazji fil-kont B, jiġifieri huma trattaw dawn l-ammonti daqs li kieku ma ġiet provduta ebda garanzija. L-istess prattika nstagħbet fl-uffiċċju tad-dwana f'żewġ Stati Membri oħra.

54.

Sabiex telimina interpretazzjonijiet differenti l-Kummissjoni stipulat li d-dazji assigurati jiġu rreġistrati fil-kont A, u oħrajn fil-kont B. Fil-każ ta' garanziji komprensivi l-Istati Membri mhux dejjem segwew l-interpretazzjoni tal-Kummissjoni. Konsegwenza ta' dan, il-Kummissjoni bdiet proċeduri quddiem il-Qorti Ewropea tal-Ġustizzja dwar it-trattament korrett tal-kontabilità ta' dazji assigurati.

55.

L-NCTS tfixkel ċerti forom ta' frodi, bħall-użu ta' bolol jew ċertifikati ta' garanzija falsifikati jew foloz, u tippermetti l-proċess ta' inkjesta biex jiġi mħaffef f'każijiet fejn it-transiti mhux ikkompletati. Madankollu, il-kompjuterizzazzjoni ma tistax timpedixxi deskrizzjoni ħazina jew dikjarazzjonijiet intenzjonalment foloz li jfittxu li jabbużaw is-sistema.

56.

Evalwazzjoni ta' l-effettività tar-riforma tas-sistema tat-transitu, fit-termini ta' li titnaqqas il-frodi tat-transitu, tkun teħtieġ dejta affidabbli u kompleta dwar il-frodi fuq livell ta' l-UE. Il-verifika, madanakollu, wriet li l-affidabilità u l-kompletezza tas-sors prinċipali tad-dejta disponibbli dwar il-frodi u irregolaritajiet fit-transitu fil-livell ta' l-UE ma tistax tkun assigurata.

57.

Il-Kummissjoni twettaq analiżi kontinwa ta' movimenti ta' transiti NCTS mhux kompletati. Id-dejta disponibbli kienet turi tnaqqis bin-nofs bejn l-2004 (2,5 %) u l-2005 (1,2 %). Madanakollu, din l-analiżi ta' transiti NCTS ma tagħtix kas dawk li jseħħu fit-territorju ta' Stat Membru singolu (34) minkejja li tali transiti jammontaw għal madwar 50 % tal-movimenti NCTS kollha.

58.

Id-database OWNRES fiha dejta dwar każijiet ta' frodi u irregolaritajiet dwar riżorsi proprji u ammonti akbar minn 10 000 euro komunikati lill-Kummissjoni minn Stati Membri skond ir-regolament tar-riżorsi proprji (35).

59.

Minkejja l-isforzi tal-Kummissjoni biex ittejjeb il-kwalità tad-dejta OWNRES, din xorta għadha mhix adegwata. Għaldaqstant id-dejta OWNRES huma l-uniċi sors użat fir-rapporti annwali reċenti tal-Kummissjoni fuq il-ġlieda kontra l-frodi u juru, b'kuntrast ma' sorsi oħra, żieda fin-numru u l-valur ta' każijiet ta' frodi u irregolaritajiet irrapportati għall-qasam tat-transitu bejn l-2001 (is-sena tar-riforma legali) u l-2005. Miżuri oħra ser ikunu neċessarji biex jistabilixxu sors ta' informazzjoni affidabbli għall-analiżi tal-frodi fil-varji proċeduri doganali Komunitarji.

60.

L-EWS kienet introdotta fl-1992 bl-użu tal-kunċett ta' l-oġġetti sensittivi (ara l-paragrafu). L-operat prattiku ta' l-EWS huwa simili għal dak tal-NCTS: l-uffiċċju tat-tluq jibgħat notifikazzjoni qabel il-wasla ta' transitu li tirreferi għall-oġġetti sensittivi lill-uffiċċju ta' destinazzjoni u l-uffiċċju(i) ta' transitu, jekk xieraq, u lill-OLAF.

61.

Skond l-OLAF il-presentaġġ ta' komunikazzjonijiet dwar in-nuqqas ta' wasla kif notifikati mill-Istati Membri fis-snin 2004 u 2005 kien 20 darba inqas minn dak fl-ewwel kwart ta' l-1998.

62.

Iżda, minħabba l-introduzzjoni tal-NCTS u s-similarità ta' l-informazzjoni li għandha tiġi mdaħħla fiż-żewġ sistemi, l-Istati Membri apparentement jikkunsidraw li l-NCTS hija biżżejjed u waqfu milli jdaħħlu dejta fl-EWS. OLAF, iżda, m'għandu ebda aċċess għad-dejta fid-dikjarazzjonijiet ta' transitu NCTS. Reviżjoni ta' l-arranġamenti amministrattivi ġiet adottata f'Jannar 2006 sabiex tipprovdi lill-OLAF b'aċċess għad-dejta dwar movimenti ta' oġġetti sensittivi mill-2007 il-quddiem.

63.

Bilanċ tajjeb bejn il-faċilitazzjoni tan-negozju u protezzjoni effettiva ta' l-interessi finanzjarji tal-Komunità jitlob ġestjoni xierqa tar-riskju u kontroll tat-transiti bbażat fuq ir-riskju.

64.

Il-Qorti sabet li l-analiżi tar-riskju fit-transitu kienet għadha rudimentarja f'bosta Stati Membri. Pajjiż wieħed biss kien japplika għażla każwali mis-sistema ta' l-IT sabiex iżomm fattur ta' inċertezza għan-negozjanti kollha. Tlieta mill-ħdax-il Stat Membru biss miżjura applikaw analiżi tar-riskju awtomatizzata integrata fl-NCTS bi profili tar-riskju speċifiċi għat-transitu. L-awtoritajiet doganali f'dawn it-tliet Stati Membri kkunsidraw li l-fatt illi l-kodiċi ta' l-oġġett ma kienx obbligatorju għad-dikjarazzjonijiet tat-transitu kien ostaklu serju għall-implimentazzjoni ta' kontroll tat-transitu effettiv ibbażat fuq ir-riskju. Ir-Rapport Speċjali tal-Qorti Nru 8/99 ġibed l-attenzjoni li l-kontrolli mill-awtoritajiet doganali Komunitarji kienu mfixxkla mill-assenza ta' dispożizzjonijiet li jeħtieġu informazzjoni dwar in-natura u l-valur ta' l-oġġetti li għandhom jiġu nklużi fid-dokument amministrattiv singolu (SAD).

65.

Identifikazzjoni tar-riskji u kontrolli fuq l-oġġetti għandhom jiddependu fuq l-inizjattiva personali ta' uffiċjali doganali individwali. Bosta mill-Istati Membri miżjura kienu jikkunsidraw kontrolli fuq kunsinni tat-transitu bħala ta' prijorità baxxa, minħabba l-iskarsezza ta' l-informazzjoni dwar id-dikjarazzjonijiet tat-transitu. F'ħames Stati Membri l-Qorti sabet rati partikolarment baxxi ta' kontrolli fiżiċi dwar kunsinni ta' transitu (madwar 1 %), waqt li kważi ebda kontrolli ma twettqu fuq kunsinnaturi/destinatarji awtorizzati f'sebgħa mill-ħdax-il Stat Membru miżjura.

66.

L-NCTS tipprovdi l-Kummissjoni b'dejta statistika fuq in-numru u l-istatus tat-transiti u l-pajjiżi involuti, imma mhux b'dejta relatata ma' l-oġġetti jew man-negozjant li hemm mnejn tippermetti analiżi aktar raffinata. Barra dan, is-servizzi tal-Kummissjoni s'issa ma wetqux analiżi tal-mudelli tal-frodi tat-transitu, ma bdewx attivitajiet ta' intelliġenza fl-istess qasam, u lanqas għadhom żviluppaw għodda għall-analiżi tar-riskju speċifika għat-transitu.

67.

Il-Kummissjoni waqqfet l-elementi prinċipali tal-pjan t'azzjoni għat-transitu u b'mod partikolari kkompjuterizzat il-proċedura tat-transitu u kkonkludiet riforma tal-bażi legali (effettiva fl-2001).

68.

Ix-xogħol ta' verifika tal-Qorti fuq it-transitu Komunitarju kkonferma l-kwalità tajba ta' l-implimentazzjoni tal-NCTS, għalkemm ċerti problemi tekniċi għadhom jippersistu. Hija identifikat xi nuqqasijiet fl-applikazzjoni ta' dispożizzjonijiet legali dwar it-transitu u dispożizzjonijiet relatati mar-riżorsi proprji tradizzjonali. Nuqqasijiet kienu wkoll misjuba f'miżuri ddisinjati biex jiġġieldu l-frodi fit-transitu kemm fil-livell tal-Komunità u nazzjonali.

69.

Il-Kummissjoni kkoordinat b'suċċess l-implimentazzjoni tal-proġett NCTS fl-Istati Membri. Iżda l-ambjent ta' l-IT f'xi Stati Membri ma ppermettiex is-sistema biex topera bl-aħjar mod (ara l-paragrafi sa).

Il-Kummissjoni jmissa:

70.

Fl-aħħar ta' l-2005, il-Kummissjoni ma kinitx wettqet ebda attività ta' spezzjoni fuq it-transitu sabiex tevalwa jekk ir-riforma legali konkluża fl-2001 kinitx qed tiġi implimentata b'mod effettiv.

71.

L-Istati Membri ta' spiss ma kinux japplikaw id-dispożizzjonijiet irreveduti b'mod korrett. Ir-regolamenti doganali Komunitarji reveduti jistipulaw li simplifikazzjonijiet tal-proċedura ta' transitu jistgħu jkunu awtorizzati biss għal negozjanti affidabbli li jilħqu l-kriterji speċifikati. Il-verifika sabet nuqqas ta' kontrolli dwar l-osservanza ta' dawn il-kriterji — dan jista potenzjalment jagħmel deni lill-interessi finanzjarji tal-Komunità. Il-proċedura ta' inkjesta attwali instabet li kienet imħawwda u l-Istati Membri la kienu applikaw ir-regolamenti fis-seħħ, u lanqas ma wrew attenzjoni la darba inkjesta ġiet imnedija. L-implimentazzjoni tal-proċeduri l-ġodda tal-NCTS tant hija riċenti li mhux possibbli li jitkejjel l-impatt tagħhom. Fl-aħħarnett, proċeduri ta' rkuprar bosta drabi ġew mibdija tard u rriżultaw fi ġbir u disponibilità tard tar-riżorsi proprji tradizzjonali.

72.

Ir-reġistrazzjoni tard ta' transiti mhux kompleti fil-kontijiet ta' riżorsi proprji tradizzjonali kienet marbuta ma' varjazzjonijiet fil-proċeduri tal-kontabilità applikati jew, sempliċiment, applikazzjoni ħażina tar-regolamenti, partikolarment fir-rigward tal-garanziji.

Il-Kummissjoni għandha tikkunsidra n-nuqqasijiet misjuba mill-verifika tal-Qorti meta tabbozza regoli ta' implimentazzjoni fuq l-istatus ta' operatur ekonomiku awtorizzat (36).Fir-rigward tal-proċeduri ta' inkjesta, il-Kummissjoni għandha:

73.

Is-sorsi ta' informazzjoni disponibbli għall-Kummissjoni dwar il-frodi tat-transitu għadhom mhux affidabbli biżżejjed biex jippermettu evalwazzjoni tar-rwol tar-riforma legali u l-proġett tal-NCTS fit-termini tat-tnaqqis tal-frodi u analiżi tal-każijiet preżunti biex jiġu segwiti.

74.

Is-servizzi tal-Kummissjoni s'issa ma wettqux analiżi tal-mudelli tal-frodi tat-transitu u lanqas għadhom żviluppaw għodda għall-analiżi tar-riskju speċifika għat-transitu. Ġestjoni sistematika tar-riskju għat-transitu hija rudimentarja jew ma teżistix f'bosta Stati Membri u ftit minnhom biss għandhom profili tar-riskji integrati fl-NCTS. In-numru ta' kontrolli fiżiċi fuq kunsinni tat-transitu huwa baxx ħafna f'xi Stati Membri, u f'uħud minnhom ma jeżistux.

Il-Kummissjoni għandha tieħu miżuri biex ittejjeb l-affidabilità tas-sorsi ta' informazzjoni fuq il-frodi, u għandha tagħmel użu aħjar minnhom billi tiżviluppa strateġiji għall-ġestjoni tar-riskju.Il-Kummissjoni għandha tikkunsidra li tippromwovi rata raġonevoli ta' kontrolli fiżiċi immirati fuq kunsinni ta' transitu u għandha tikkunsidra wkoll il-possibilità li tibni profili ta' riskji awtomatizzati speċifikament għat-transitu, bħala parti ta' l-iżvilupp ta' qafas ta' ġestjoni tar-riskju komuni (37).