|
8.9.2012 |
MT |
Il-Ġurnal Uffiċjali tal-Unjoni Ewropea |
C 271/5 |
Ftehim amministrattiv mal-Kunsill tal-Ewropa dwar l-użu tal-Emblema Ewropea minn partijiet terzi
2012/C 271/04
1. Il-prinċipju ġenerali
Kwalunkwe persuna fiżika jew ġuridika (“utent”) tista’ tuża l-emblema Ewropea jew kwalunkwe element tagħha, skont dawn il-kundizzjonijiet tal-użu.
2. Il-kundizzjonijiet tal-użu
L-użu tal-Emblema Ewropea u/jew kwalunkwe element tagħha huwa permess, irrispettivament jekk l-użu huwiex mingħajr skop ta’ qligħ jew ta’ natura kummerċjali, sakemm:
|
(a) |
l-użu joħloq l-impressjoni jew l-ipoteżi żbaljata li hemm konnessjoni bejn l-utent u kwalunkwe istituzzjoni, entità, uffiċċju, aġenzija u organu tal-Unjoni Ewropea jew tal-Kunsill tal-Ewropa; |
|
(b) |
l-użu jwassal lill-pubbliku li b'mod żbaljat jaħseb li l-utent igawdi mill-appoġġ, l-isponserizzazzjoni, l-approvazzjoni jew il-kunsens ta' kwalunkwe istituzzjoni, korp, ufffiċċju, aġenzija u organu tal-Unjoni Ewropea jew tal-Kunsill tal-Ewropa; |
|
(c) |
l-użu għandu x’jaqsam ma’ kwalunkwe objettiv jew attività li ma jkunux kompatibbli mal-għanijiet u l-prinċipji tal-Unjoni Ewropea jew tal-Kunsill tal-Ewropa, jew li inkella ma jkunux skont il-liġi. |
3. Il-marka kummerċjali u kwistjonijiet relatati
L-użu tal-Emblema Ewropea skont il-kundizzjonijiet tat-taqsima preċedenti ma jfissirx il-kunsens għar-reġistrazzjoni tal-emblema jew l-imitazzjoni tagħha bħala marka kummerċjali, jew kwalunkwe dritt tal-PI ieħor. Il-Kummissjoni Ewropea u l-Kunsill tal-Ewropa se jkomplu bil-monitoraġġ tal-applikazzjonijiet għal reġistrazzjoni tal-Emblema Ewropea jew parti minnha bħala (parti minn) dritt tal-PI, skont id-dispożizzjonijiet legali applikabbli.
4. Ir-responsabbiltà legali
Kull utent li għandu l-ħsieb li juża l-Emblema Ewropea jew elementi minnha jrid jerfa’ r-responsabbiltà legali. L-utenti se jkunu responsabbli għal kull użu abbużiv u għall-preġudizzju li possibilment jistgħu jiġu minn tali użu skont il-liġijiet tal-Istati Membri jew ta’ kwalunkwe pajjiż terz li japplikaw għalihom.
5. Id-dritt li jkun segwit kwalunkwe abbuż
Il-Kummissjoni tirriżerva d-dritt li ssegwi fuq inizjattiva tagħha stess jew fuq talba mill-Kunsill tal-Ewropa:
|
— |
kwalunkwe użu li ma jkunx konformi mal-kundizzjonijiet stabbiliti hawnhekk; jew |
|
— |
kwalunkwe użu li l-Kummissjoni jew il-Kunsill tal-Ewropa jqisu abbużiv fil-qrati tal-Istati Membri jew kwalunkwe pajjiż terz. |