(1)

Il-miżuri anti-dumping fuq l-importazzjonijiet ta’ ħjut b’saħħithom ħafna ta’ poliesteri (high tenacity yarns of polyesters, “HTYP”) li joriġinaw mir-Repubblika tal-Poplu taċ-Ċina (“iċ-Ċina” jew “il-pajjiż ikkonċernat”) oriġinarjament ġew imposti bir-Regolament tal-Kunsill (UE) Nru 1105/2010 (2) (“il-miżuri oriġinali”)

(2)

Il-miżuri oriġinali imposti kellhom il-forma ta’ dazju ad valorem u kienu jvarjaw minn 5,1 % sa 9,8 %.

(3)

Il-miżuri oriġinali applikaw għall-importazzjonijiet kollha tal-HTYP li joriġinaw miċ-Ċina, bl-eċċezzjoni tal-importazzjonijiet tal-HTYP prodotti mill-produtturi esportaturi Ċiniżi Zhejiang Hailide New Material Co. Ltd. (“Hailide”) u Hangzhou Huachun Chemical Fiber Co. Ltd. (“Huachun”). L-ebda dazju ma kien impost fuq dawn il-kumpaniji (ir-Regolament (UE) Nru 1105/2010), peress li ma nstab l-ebda dumping.

(4)

Wara l-ewwel rieżami ta’ skadenza skont l-Artikolu 11(2) tar-Regolament (UE) 2016/1036 tal-Parlament Ewropew u tal-Kunsill tat-8 ta’ Ġunju 2016 dwar il-protezzjoni kontra l-importazzjonijiet li huma l-oġġett ta’ dumping minn pajjiżi mhux membri tal-Unjoni Ewropea (3) (ir-“Regolament bażiku”), il-Kummissjoni, bir-Regolament ta’ Implimentazzjoni tal-Kummissjoni (UE) 2017/325 (4), kif emendat b’mod partikolari bir-Regolament ta’ Implimentazzjoni tal-Kummissjoni (UE) 2017/1159 (5), żammet il-miżuri oriġinali. F’konformità mar-rapport tal-Korp tal-Appell tad-WTO fil-każ Messiku — Miżuri Anti-dumping Definittivi fuq iċ-Ċanga u fuq ir-Ross (6) (“ir-rapport tal-Korp tal-Appell tad-WTO”), Hailide u Huachun ma ġewx eżaminati fl-imsemmi rieżami ta’ skadenza.

(5)

Fit-30 ta’ Ġunju 2022, il-Kummissjoni bdiet ukoll investigazzjoni skont l-Artikolu 5 tar-Regolament bażiku fir-rigward tal-importazzjonijiet tal-HTYP manifatturati u esportati lejn l-Unjoni minn Hailide (“l-investigazzjoni parallela tal-Artikolu 5”) (7). L-importazzjonijiet minn Hailide ma humiex soġġetti għal dawn l-investigazzjonijiet tar-rieżami ta’ skadenza u tar-rieżami interim. Huachun, il-produttur esportatur l-ieħor li wkoll ma rċieva l-ebda dazju fl-investigazzjoni li wasslet għall-impożizzjoni tal-miżuri anti-dumping oriġinali, ma baqax jeżisti fl-2021. Għalhekk, Huachun ma għadux meqjus bħala produttur esportatur tal-HTYP.

(6)

Wara l-pubblikazzjoni ta’ Avviż ta’ skadenza imminenti (8) tal-miżuri anti-dumping fis-seħħ fuq l-importazzjonijiet ta’ ħjut b’saħħithom ta’ poliesteri li joriġinaw miċ-Ċina, fl-24 ta’ Novembru 2021 ġiet ippreżentata lill-Kummissjoni talba għal rieżami skont l-Artikolu 11(2) tar-Regolament bażiku (minn hawn ’il quddiem imsejħa r-“rieżami ta’ skadenza”).

(7)

Barra minn hekk, fl-1 ta’ April 2022 ġiet ippreżentata talba għal rieżami interim parzjali skont l-Artikolu 11(3) tar-Regolament bażiku (minn hawn ’il quddiem imsejħa r-“rieżami interim parzjali”). L-ambitu tat-talba kien limitat għad-dumping. Għalhekk, l-analiżi tad-dannu f’dan ir-regolament hija relatata esklużivament mar-rieżami ta’ skadenza.

(8)

Iż-żewġ talbiet ġew ippreżentati mis-CIRFS - l-Assoċjazzjoni Ewropea tal-Fibri Artifiċjali (“CIRFS” jew “l-applikant”) f’isem l-industrija tal-Unjoni ta’ ħjut tal-poliesteri b’saħħithom ħafna fis-sens tal-Artikolu 5(4) tar-Regolament bażiku.

(9)

It-talba għal rieżami ta’ skadenza kienet ibbażata fuq ir-raġuni li l-iskadenza tal-miżuri aktarx twassal għall-kontinwazzjoni tad-dumping u għar-rikorrenza tad-dannu għall-industrija tal-Unjoni.

(10)

It-talba għal rieżami interim parzjali kienet ibbażata fuq evidenza suffiċjenti pprovduta mill-applikant li, f’dak li għandu x’jaqsam mad-dumping, iċ-ċirkostanzi li fuq il-bażi tagħhom ġew imposti l-miżuri eżistenti nbidlu u li dawn il-bidliet huma ta’ natura dejjiema.

(11)

Billi ddeterminat, wara li kkonsultat mal-Kumitat stabbilit bl-Artikolu 15(1) tar-Regolament bażiku, li kienet teżisti biżżejjed evidenza għall-bidu ta’ rieżami ta’ skadenza skont l-Artikolu 11(2) u rieżami interim skont l-Artikolu 11(3) tar-Regolament bażiku, il-Kummissjoni ppubblikat avviżi ta’ bidu ta’ dawn ir-rieżamijiet f’Il-Ġurnal Uffiċjali tal-Unjoni Ewropea (9) fit-23 ta’ Frar 2022 u fit-30 ta’ Ġunju 2022, rispettivament.

(12)

Assoċjazzjoni tal-utenti kkummentat dwar il-bidu taż-żewġ proċeduri, filwaqt li enfasizzat l-importanza tal-istabbiltà tal-provvista għall-utenti. Barra minn hekk, asseriet li l-produtturi Ewropej żiedu l-esportazzjonijiet tagħhom tal-HTYP lejn iċ-Ċina u ma jistgħux jiddikjaraw fl-istess ħin li ġarrbu dannu mill-importazzjonijiet Ċiniżi. L-assoċjazzjoni tal-utenti tasserixxi wkoll li ma ngħatawx provi tad-dannu lill-produtturi Ewropej. Il-Kummissjoni analizzat l-affermazzjonijiet kollha dwar l-interess tal-Unjoni fit-taqsima 3.10 aktar ’il quddiem. L-affermazzjoni ġenerali li ma ngħatawx provi tad-dannu tal-industrija tal-Unjoni fit-talba għal rieżami, ma kinitx issostanzjata u, għalhekk, ġiet miċħuda.

(13)

Il-Kummissjoni ddeċidiet li tikkonkludi dwar iż-żewġ investigazzjonijiet separati f’dan l-att legali, li jistabbilixxi (fl-ordni li fih bdew l-investigazzjonijiet) l-ewwel il-valutazzjoni fl-investigazzjoni tar-rieżami ta’ skadenza, segwita mis-sejbiet mill-investigazzjoni tar-rieżami interim parzjali.

(14)

L-eżaminazzjoni tad-dumping u tal-probabbiltà ta’ tkomplija jew ta’ rikorrenza ta’ dumping u ta’ dannu kienet tkopri l-perjodu mill-1 ta’ Jannar 2021 sal-31 ta’ Diċembru 2021 (il-“perjodu tal-investigazzjoni ta’ rieżami” jew “PIR”).

(15)

L-eżaminazzjoni tax-xejriet rilevanti għall-valutazzjoni tal-probabbiltà ta’ kontinwazzjoni jew ta’ rikorrenza ta’ dannu kienet tkopri l-perjodu mill-1 ta’ Jannar 2018 sa tmiem il-perjodu ta’ investigazzjoni tar-rieżami (“il-perjodu kkunsidrat”).

(16)

Il-prodott suġġett għal dan ir-rieżami huwa r-raden b’saħħtu ħafna ta’ poliesteri li ma jitqegħdux għall-bejgħ bl-imnut, inkluż il-monofilament ta’ anqas minn 67 deċiteks, (eskluż il-ħajt tal-ħjata u raden multipli (mitnijin) jew immaljati b’kisra “Z”, maħsubin għall-produzzjoni ta’ ħajt tal-ħjata, lesti sabiex jingħataw il-kulur u sabiex jirċievu trattament tat-tlestija, imseffħin b’mod laxk fuq tubu mtaqqab tal-plastik), li bħalissa jaqgħu taħt il-kodiċi NM ex 5402 20 00 (kodiċi TARIC 5402200010) (“il-prodott rieżaminat”). Il-kodiċijiet NM u TARIC huma pprovduti għall-fini ta’ informazzjoni biss mingħajr preġudizzju għal bidla sussegwenti fil-klassifikazzjoni tariffarja.

(17)

L-HTYP jintużaw f’numru ta’ applikazzjonijiet diversi bħar-rinforz tat-tajers, drapp wiesa’, ċinturini tas-sikurezza, airbags, ħbula, xbieki u numru ta’ applikazzjonijiet industrijali.

(18)

Il-prodott ikkonċernat mill-investigazzjonijiet tar-rieżami ta’ skadenza u tar-rieżami interim parzjali huwa l-prodott soġġett għal rieżami li joriġina miċ-Ċina.

(19)

L-investigazzjonijiet wriet li dawn il-prodotti li ġejjin għandhom l-istess karatteristiċi fiżiċi, kimiċi u tekniċi bażiċi kif ukoll l-istess użi bażiċi:

(20)

Għalhekk, dawn il-prodotti huma kkunsidrati bħala prodotti simili skont it-tifsira tal-Artikolu 1(4) tar-Regolament bażiku.

(21)

Fin-Notifika ta’ Bidu tal-investigazzjoni tar-rieżami ta’ skadenza, il-Kummissjoni stiednet lill-partijiet interessati sabiex jikkuntattjawha sabiex jipparteċipaw fl-investigazzjoni. Barra minn hekk, il-Kummissjoni speċifikament informat lill-applikant, lil produtturi magħrufin tal-Unjoni, lill-produtturi fiċ-Ċina, lill-importaturi u lill-utenti fl-Unjoni magħrufin li kienu kkonċernati, u lill-awtoritajiet Ċiniżi dwar il-bidu tal-investigazzjoni tar-rieżami ta’ skadenza u stednithom jipparteċipaw fl-investigazzjoni.

(22)

Il-partijiet interessati kollha kellhom l-opportunità li jikkummentaw dwar il-bidu tal-investigazzjoni u li jitolbu seduta ta’ smigħ mal-Kummissjoni u/jew l-Uffiċjal tas-Seduta fil-proċedimenti tal-kummerċ.

(23)

Fin-Notifika ta’ Bidu, il-Kummissjoni stqarret li tista’ tikkampjuna l-partijiet interessati, f’konformità mal-Artikolu 17 tar-Regolament bażiku.

(24)

Fin-Notifika ta’ Bidu tal-investigazzjoni tar-rieżami ta’ skadenza, il-Kummissjoni ħabbret li hija kienet għażlet proviżorjament kampjun tal-produtturi tal-Unjoni. Il-Kummissjoni għażlet il-kampjun abbażi tal-volumi tal-produzzjoni u tal-bejgħ, filwaqt li qieset il-pożizzjoni ġeografika tagħhom. Dan il-kampjun kien jikkonsisti fi tliet produtturi tal-Unjoni. Il-produtturi tal-Unjoni inklużi fil-kampjun kienu jirrappreżentaw aktar minn 50 % tal-produzzjoni stmata totali tal-UE u tal-volum ta’ bejgħ tal-UE tal-prodott simili. F’konformità mal-Artikolu 17(2) tar-Regolament bażiku, il-Kummissjoni stiednet lill-partijiet interessati jikkummentaw dwar il-kampjun proviżorju. L-ebda parti interessata ma ppreżentat kummenti dwar il-kampjun proviżorju, li ġie kkonfermat bħala l-kampjun definittiv. Il-kampjun huwa rappreżentattiv tal-industrija tal-Unjoni.

(25)

Sabiex il-Kummissjoni tkun tista’ tiddeċiedi jekk il-kampjunar ikunx meħtieġ fir-rigward tal-produtturi esportaturi fiċ-Ċina u ta’ importaturi mhux relatati fl-Unjoni, dawk il-partijiet intalbu jippreżentaw ruħhom u jipprovdu lill-Kummissjoni bl-informazzjoni mitluba fin-Notifika ta’ Bidu. Barra minn hekk, il-Kummissjoni talbet lill-Missjoni taċ-Ċina għall-Unjoni tidentifika u/jew tikkuntattja produtturi esportaturi oħrajn, jekk ikun hemm, li jistgħu jkunu interessati jipparteċipaw fl-investigazzjoni. L-ebda produttur esportatur ma ppreżenta ruħu. Importatur mhux relatat wieħed ippreżenta ruħu bħala parti interessata, iżda ma pprovdiex l-informazzjoni tal-kampjunar mitluba. Għalhekk, il-kampjunar ma kienx neċessarju la għall-produtturi esportaturi u lanqas għall-importaturi mhux relatati. Peress li ma kien hemm l-ebda kooperazzjoni mill-produtturi Ċiniżi, is-sejbiet fir-rigward tal-importazzjonijiet miċ-Ċina fir-rigward tar-rieżami ta’ skadenza saru fuq il-bażi tal-fatti disponibbli skont l-Artikolu 18 tar-Regolament bażiku.

(26)

Il-Kummissjoni bagħtet kwestjonarju dwar l-eżistenza ta’ distorsjonijiet sinifikanti fiċ-Ċina skont it-tifsira tal-Artikolu 2(6a)(b) tar-Regolament bażiku lill-Gvern taċ-Ċina (“GTĊ”).

(27)

Il-Kummissjoni bagħtet kwestjonarji lill-produtturi tal-Unjoni inklużi fil-kampjun u lill-utenti. L-istess kwestjonarji kienu wkoll disponibbli online fil-jum tal-bidu.

(28)

Il-Kummissjoni rċiviet tweġibiet għall-kwestjonarju mit-tliet produtturi tal-Unjoni inklużi fil-kampjun u minn żewġ utenti.

(29)

Saru żjarat ta’ verifika fil-bini tal-kumpaniji li ġejjin għall-finijiet tal-investigazzjoni tar-rieżami ta’ skadenza:

(30)

Fl-20 ta’ Frar 2023, il-Kummissjoni ddivulgat il-fatti u l-kunsiderazzjonijiet essenzjali li fuq il-bażi tagħhom kien biħsiebha żżomm fis-seħħ id-dazji anti-dumping. Il-partijiet kollha ngħataw perjodu li fih setgħu jikkummentaw dwar id-divulgazzjoni.

(31)

Il-kummenti li għamlu l-partijiet interessati ġew ikkunsidrati mill-Kummissjoni u tqiesu, fejn xieraq. Il-partijiet li talbu dan ingħataw seduta ta’ smigħ.

(32)

Kif imsemmi fil-premessa (25), l-ebda produttur/esportatur ma kkoopera fl-investigazzjoni tar-rieżami ta’ skadenza. Għalhekk, il-Kummissjoni informat lill-GTĊ li minħabba n-nuqqas ta’ kooperazzjoni, il-Kummissjoni tista’ tapplika l-Artikolu 18 tar-Regolament bażiku dwar is-sejbiet fir-rigward taċ-Ċina.

(33)

Konsegwentement, f’konformità mal-Artikolu 18 tar-Regolament bażiku, is-sejbiet fir-rigward tal-probabbiltà ta’ kontinwazzjoni jew ta’ rikorrenza ta’ dumping kienu bbażati fuq il-fatti disponibbli.

(34)

L-evidenza disponibbli fil-bidu tal-investigazzjoni tar-rieżami ta’ skadenza indikat l-eżistenza ta’ distorsjonijiet sinifikanti fiċ-Ċina skont it-tifsira tal-Artikolu 2(6a), il-punt (b), tar-Regolament bażiku. Għalhekk, il-Kummissjoni qieset li kien xieraq li tibda l-investigazzjoni wara li kkunsidrat l-Artikolu 2(6a) tar-Regolament bażiku.

(35)

Sabiex tiġbor id-data neċessarja għall-applikazzjoni possibbli tal-Artikolu 2(6a) tar-Regolament bażiku, il-Kummissjoni stiednet lill-produtturi esportaturi kollha fil-pajjiż ikkonċernat jipprovdu informazzjoni dwar l-inputs użati għall-produzzjoni tal-HTYP. Ma ġiet ipprovduta l-ebda informazzjoni rilevanti fil-kuntest tal-investigazzjoni tar-rieżami ta’ skadenza.

(36)

Barra minn hekk, il-Kummissjoni stiednet lill-partijiet interessati kollha jippreżentaw il-fehmiet tagħhom, jissottomettu informazzjoni u jipprovdu evidenza ta’ sostenn dwar l-applikazzjoni tal-Artikolu 2(6a) tar-Regolament bażiku fi żmien 37 jum mid-data tal-pubblikazzjoni tan-Notifika ta’ Bidu rispettiva f’Il-Ġurnal Uffiċjali tal-Unjoni Ewropea.

(37)

Fil-punt 5.3.2 tan-Notifika ta’ Bidu, il-Kummissjoni informat lill-partijiet interessati li fuq il-bażi tal-informazzjoni disponibbli f’dak l-istadju, pajjiż rappreżentattiv xieraq possibbli skont l-Artikolu 2(6a)(a) tar-Regolament bażiku kien it-Turkija.

(38)

Il-Kummissjoni ddikjarat ukoll li se teżamina pajjiżi rappreżentattivi oħrajn possibbilment xierqa f’konformità mal-kriterji stabbiliti fl-ewwel inċiż tal-Artikolu 2(6a)(a) tar-Regolament bażiku.

(39)

Fid-19 ta’ Lulju 2022, il-Kummissjoni ħarġet l-Ewwel nota dwar is-sorsi għad-determinazzjoni tal-valur normali (“l-Ewwel Nota”) li permezz tagħha hija informat lill-partijiet interessati dwar is-sorsi rilevanti li hija kellha l-intenzjoni li tuża għad-determinazzjoni tal-valur normali.

(40)

Fl-Ewwel Nota, il-Kummissjoni pprovdiet lista preliminari tal-fatturi ta’ produzzjoni (“FOP”) magħrufin kollha, bħall-materja prima, il-manodopera u l-enerġija użati fil-produzzjoni tal-HTYP. Barra minn hekk, il-Kummissjoni identifikat it-Turkija, il-Brażil u t-Tajlandja bħala pajjiżi rappreżentattivi xierqa possibbli. Il-Kummissjoni tat lill-partijiet interessati kollha l-opportunità li jikkummentaw. Il-Kummissjoni rċiviet kummenti mingħand l-applikant b’appoġġ tat-Turkija bħala l-pajjiż rappreżentattiv.

(41)

Wara li analizzat il-kummenti u l-informazzjoni li rċeviet, il-Kummissjoni kkonkludiet li t-Turkija kienet pajjiż rappreżentattiv xieraq li minnu jinkisbu prezzijiet u kostijiet mingħajr distorsjoni għad-determinazzjoni tal-valur normali. Ir-raġunijiet sottostanti għal dik l-għażla huma deskritti aktar fid-dettall fit-Taqsima 3.4.4.2 aktar ’il quddiem.

(42)

Sabiex tikseb l-informazzjoni li qieset meħtieġa għall-investigazzjoni tagħha fir-rigward tal-allegati distorsjonijiet sinifikanti, il-Kummissjoni bagħtet kwestjonarju lill-GTĊ. Ma waslet l-ebda tweġiba għall-kwestjonarju mill-GTĊ. Sussegwentement, il-Kummissjoni informat lill-GTĊ li hija kienet se tuża l-fatti disponibbli skont it-tifsira tal-Artikolu 18 tar-Regolament bażiku sabiex tiddetermina l-eżistenza tad-distorsjonijiet sinifikanti fiċ-Ċina.

(43)

Skont l-Artikolu 2(1) tar-Regolament bażiku, “il-valur normali għandu normalment ikun ibbażat fuq il-prezzijiet imħallsa jew pagabbli, fit-tmexxija ordinarja tal-kummerċ, minn klijenti indipendenti fil-pajjiż esportatur”.

(44)

Madankollu, skont l-Artikolu 2(6a)(a) tar-Regolament bażiku, “[fil-]każ li jiġi determinat […] li mhuwiex xieraq li jintużaw prezzijiet u kostijiet domestiċi fil-pajjiż esportatur minħabba l-eżistenza f’dak il-pajjiż ta’ distorsjonijiet sinifikanti fis-sens tal-punt (b), il-valur normali għandu jiġi kkalkolat esklużivament abbażi tal-kostijiet tal-produzzjoni u tal-bejgħ li jirriflettu prezzijiet jew valuri ta’ riferiment mingħajr distorsjoni”, u “għandu jinkludi ammont raġonevoli u mingħajr distorsjoni għal kostijiet amministrattivi, tal-bejgħ u ġenerali u għal profitti” (“kostijiet amministrattivi, tal-bejgħ u ġenerali” minn hawn ’il quddiem “SG&A”).

(45)

Kif spjegat aktar hawn taħt, il-Kummissjoni kkonkludiet li, abbażi tal-evidenza disponibbli u minħabba n-nuqqas ta’ kooperazzjoni tal-GTĊ, l-applikazzjoni tal-Artikolu 2(6a) tar-Regolament bażiku kienet xierqa.

(46)

L-Artikolu 2(6a)(b) tar-Regolament bażiku jistipula li d-“distorsjonijiet sinifikanti huma dawk id-distorsjonijiet li jseħħu meta prezzijiet jew kostijiet irrappurtati, inklużi l-kostijiet ta’ materji primi u ta’ enerġija, ma jkunux ir-riżultat ta’ forzi tas-suq ħieles għax ikunu affettwati minn intervent sostanzjali tal-gvern. Meta tkun valutata l-eżistenza ta’ distorsjonijiet sinifikanti għandha tingħata attenzjoni, inter alia, lill-impatt potenzjali ta’ element wieħed jew aktar mis-segwenti:

(47)

Peress li l-lista fl-Artikolu 2(6a)(b) tar-Regolament bażiku ma hijiex kumulattiva, mhux l-elementi kollha jeħtieġ li jingħataw attenzjoni għal sejba ta’ distorsjonijiet sinifikanti. Barra minn hekk, l-istess ċirkostanzi fattwali jistgħu jintużaw sabiex tintwera l-eżistenza ta’ wieħed jew aktar mill-elementi tal-lista. Madankollu, kwalunkwe konklużjoni dwar distorsjonijiet sinifikanti skont it-tifsira tal-Artikolu 2(6a)(a) trid issir abbażi tal-evidenza kollha disponibbli. Il-valutazzjoni globali dwar l-eżistenza ta’ distorsjonijiet tista’ tqis ukoll il-kuntest ġenerali u s-sitwazzjoni fil-pajjiż esportatur, b’mod partikolari fejn l-elementi fundamentali tal-istruttura ekonomika u amministrattiva tal-pajjiż esportatur jipprovdu lill-gvern b’setgħat sostanzjali sabiex jintervjeni fl-ekonomija b’tali mod li l-prezzijiet u l-kostijiet ma jkunux ir-riżultat tal-iżvilupp ħieles tal-forzi tas-suq.

(48)

L-Artikolu 2(6a)(c) tar-Regolament bażiku jipprevedi li “[f]ejn il-Kummissjoni jkollha indikazzjonijiet fondati sew tal-eżistenza potenzjali ta’ distorsjonijiet sinifikanti kif imsemmija fil-punt (b) f’ċertu pajjiż jew f’ċertu settur f’dak il-pajjiż, u fejn ikun xieraq għall-applikazzjoni effettiva ta’ dan ir-Regolament, il-Kummissjoni għandha tipproduċi, tippubblika u taġġorna regolarment rapport li jiddeskrivi ċ-ċirkostanzi tas-suq imsemmija fil-punt (b) f’dak il-pajjiż jew settur”.

(49)

Skont din id-dispożizzjoni, il-Kummissjoni ħarġet rapport tal-pajjiż dwar iċ-Ċina (minn hawn ’il quddiem “ir-Rapport”) (10), li juri l-eżistenza ta’ intervent sostanzjali tal-gvern f’ħafna livelli tal-ekonomija, inklużi distorsjonijiet speċifiċi f’ħafna fatturi ewlenin tal-produzzjoni (bħall-art, l-enerġija, il-kapital, il-materja prima u l-manodopera), kif ukoll f’setturi speċifiċi (bħall-azzar u s-sustanzi kimiċi). Il-partijiet interessati ġew mistiedna jirribattu, jikkummentaw jew jissupplimentaw l-evidenza li tinsab fil-fajl tal-investigazzjoni fil-bidu. Ir-Rapport tqiegħed fil-fajl tal-investigazzjoni fl-istadju tal-bidu.

(50)

B’mod aktar speċifiku, it-talba għal rieżami interim allegat li l-fatturi ta’ produzzjoni, inklużi l-materja prima ewlenija u l-enerġija għall-produzzjoni tal-HTYP huma distorti ħafna. It-talba rreferiet għar-Rapport u għad-distorsjonijiet identifikati fih fir-rigward tas-settur tal-kimika, inkluża l-industrija tal-monoetilenglikol (“MEG”) u tal-aċidu tereftaliku purifikat (purified terephtalic acid, “PTA”). Barra minn hekk, it-talba indikat – b’referenza għar-Rapport – id-distorsjonijiet eżistenti fir-rigward tal-kostijiet tal-enerġija. It-talba osservat ukoll li l-awtoritajiet Ċiniżi jappoġġaw l-implimentazzjoni ta’ politiki fiskali u finanzjarji preferenzjali għall-industrija tal-kimika, mhux l-anqas f’konformità mat-13-il Opinjoni Direttiva ta’ 5 Snin dwar l-Industrija tal-Fibri Kimiċi. It-talba nnotat ukoll l-interferenza tal-Istat fir-rigward tas-suq tax-xogħol u d-drittijiet tal-użu tal-art.

(51)

Kif indikat fil-premessa (42), il-GTĊ la kkummenta u lanqas pprovda evidenza li tappoġġa jew li tikkontradixxi l-evidenza eżistenti dwar il-fajl tal-każ, inkluż ir-Rapport u l-evidenza addizzjonali li ġiet ipprovduta mill-applikant, dwar l-eżistenza ta’ distorsjonijiet sinifikanti u/jew dwar l-adegwatezza tal-applikazzjoni tal-Artikolu 2(6a) tar-Regolament bażiku fil-każ inkwistjoni.

(52)

Il-Kummissjoni eżaminat jekk kienx xieraq li jintużaw prezzijiet u kostijiet domestiċi fiċ-Ċina, minħabba l-eżistenza ta’ distorsjonijiet sinifikanti fis-sens tal-Artikolu 2(6a)(b) tar-Regolament bażiku. Il-Kummissjoni għamlet dan fuq il-bażi tal-evidenza disponibbli fil-fajl, inkluża l-evidenza li tinsab fir-Rapport, li hija bbażata fuq sorsi disponibbli għall-pubbliku. Dik l-analiżi kopriet l-eżami tal-interventi sostanzjali tal-gvern fl-ekonomija taċ-Ċina b’mod ġenerali, iżda wkoll is-sitwazzjoni speċifika tas-suq fis-settur rilevanti, inkluż il-prodott soġġett għal rieżami. Il-Kummissjoni kompliet tissupplimenta dawn l-elementi evidenzjarji bir-riċerka tagħha stess dwar id-diversi kriterji rilevanti sabiex tikkonferma l-eżistenza ta’ distorsjonijiet sinifikanti fiċ-Ċina.

(53)

Is-sistema ekonomika Ċiniża hija bbażata fuq il-kunċett ta’ “ekonomija tas-suq soċjalista”. Dak il-kunċett huwa mnaqqax fil-Kostituzzjoni Ċiniża u jiddetermina l-governanza ekonomika taċ-Ċina. Il-prinċipju ewlieni huwa s-“sjieda pubblika soċjalista tal-fatturi ta’ produzzjoni, jiġifieri s-sjieda min-nies kollha u s-sjieda kollettiva mill-ħaddiema”. L-ekonomija tal-Istat hija l-“forza mexxejja tal-ekonomija nazzjonali” u l-Istat għandu l-mandat “li jiżgura l-konsolidazzjoni u t-tkabbir tagħha” (11). Konsegwentement, l-istruttura ġenerali tal-ekonomija Ċiniża mhux biss tippermetti interventi sostanzjali mill-gvern fl-ekonomija, iżda dawn l-interventi huma obbligatorji b’mod espliċitu. Il-kunċett tas-supremazija tas-sjieda pubblika fuq dik privata huwa mifrux fis-sistema ġuridika kollha u huwa enfasizzat bħala prinċipju ġenerali fl-atti leġiżlattivi prinċipali kollha. Il-liġi Ċiniża fil-qasam tal-proprjetà hija eżempju ewlieni: hija tirreferi għall-istadju primarju tas-soċjaliżmu u tafda lill-Istat bil-ħarsien tas-sistema ekonomika bażika li permezz tagħha s-sjieda pubblika għandha rwol dominanti. Forom oħrajn ta’ sjieda huma tollerati, fejn il-liġi tippermettilhom jiżviluppaw spalla ma’ spalla mas-sjieda tal-Istat (12).

(54)

Barra minn hekk, skont id-dritt Ċiniż, l-ekonomija tas-suq soċjalista hija żviluppata taħt it-tmexxija tal-Partit Komunista Ċiniż (Chinese Communist Party, “CCP”). L-istrutturi tal-Istat Ċiniż u tas-CCP huma marbuta ma’ xulxin f’kull livell (legali, istituzzjonali, personali), u jifformaw sovrastruttura fejn ma ssirx distinzjoni bejn ir-rwoli tas-CCP u tal-Istat. Wara emenda tal-Kostituzzjoni Ċiniża f’Marzu 2018, ir-rwol ewlieni tas-CCP ingħata prominenza saħansitra akbar billi ġie affermat mill-ġdid fit-test tal-Artikolu 1 tal-Kostituzzjoni. Wara l-ewwel sentenza diġà eżistenti tad-dispożizzjoni: “[is-]sistema soċjalista hija s-sistema bażika tar-Repubblika tal-Poplu taċ-Ċina”, iddaħħlet it-tieni sentenza ġdida li taqra: “[il-]karatteristika li tiddefinixxi s-soċjaliżmu b’karatteristiċi Ċiniżi hija t-tmexxija tal-Partit Komunista taċ-Ċina.” (13) Dan juri l-kontroll mhux iddubitat u dejjem jikber tas-CCP fuq is-sistema ekonomika taċ-Ċina. Din it-tmexxija u l-kontroll huma inerenti għas-sistema Ċiniża u jmorru ferm lil hinn mis-sitwazzjoni abitwali f’pajjiżi oħrajn fejn il-gvernijiet jeżerċitaw kontroll makroekonomiku ġenerali li fil-limitazzjonijiet tiegħu joperaw forzi tas-suq ħieles.

(55)

L-Istat Ċiniż iħaddem politika ekonomika intervenzjonista biex jilħaq għanijiet, li jikkoinċidu mal-aġenda politika stabbilita mis-CCP minflok ma jkunu jirriflettu l-kundizzjonijiet ekonomiċi prevalenti f’suq ħieles (14). Huma bosta l-għodod ekonomiċi intervenzjonisti użati mill-awtoritajiet Ċiniżi, u fosthom hemm is-sistema tal-ippjanar industrijali, is-sistema finanzjarja, kif ukoll il-livell tal-ambjent regolatorju.

(56)

L-ewwel nett, fil-livell tal-kontroll amministrattiv ġenerali, id-direzzjoni tal-ekonomija Ċiniża hija regolata minn sistema kumplessa ta’ ppjanar industrijali li taffettwa l-attivitajiet ekonomiċi kollha fil-pajjiż. Dawn il-pjanijiet kollha jkopru matriċi komprensiva u kumplessa ta’ setturi u ta’ politiki trażversali u huma preżenti fil-livelli kollha tal-gvern. Il-pjanijiet fil-livell provinċjali huma spjegati fid-dettall, filwaqt li l-pjanijiet nazzjonali jistabbilixxu miri usa’. Il-pjanijiet jispeċifikaw ukoll il-mezzi sabiex jiġu appoġġati l-industriji/is-setturi rilevanti, kif ukoll il-perjodi ta’ żmien li fihom jeħtieġ li jintlaħqu l-objettivi. Xi pjanijiet għadhom jinkludu miri tal-output espliċiti. Skont il-pjanijiet, qegħdin jiġu identifikati s-setturi u/jew il-proġetti industrijali individwali bħala prijoritajiet (pożittivi jew negattivi) f’konformità mal-prijoritajiet tal-gvern, u qegħdin jiġu attribwiti lilhom għanijiet ta’ żvilupp speċifiċi (titjib industrijali, espansjoni internazzjonali, eċċ.). L-operaturi ekonomiċi, privati u dawk tal-Istat kollha kemm huma jridu jaġġustaw b’mod effettiv l-attivitajiet kummerċjali tagħhom skont ir-realtajiet imposti mis-sistema tal-ippjanar. Dan ma huwiex biss minħabba n-natura vinkolanti tal-pjanijiet iżda anke minħabba l-fatt li l-awtoritajiet Ċiniżi rilevanti fil-livelli kollha tal-gvern jaderixxu mas-sistema tal-pjanijiet u jużaw is-setgħat mogħtija lilhom skont kif ikun meħtieġ, u b’hekk jisfurzaw lill-operaturi ekonomiċi jikkonformaw mal-prijoritajiet stabbiliti fil-pjanijiet (ara wkoll it-taqsima 3.4.4.1.5 ta’ hawn taħt) (15).

(57)

It-tieni, fil-livell tal-allokazzjoni tar-riżorsi finanzjarji, is-sistema finanzjarja taċ-Ċina hija ddominata mill-banek kummerċjali tal-Istat. Dawk il-banek, meta jkunu qed jistabbilixxu u jimplimentaw il-politika tas-self tagħhom iridu jallinjaw lilhom infushom mal-objettivi tal-politika industrijali tal-gvern minflok ma jivvalutaw qabel kollox il-merti ekonomiċi ta’ proġett partikolari (ara wkoll it-taqsima 3.4.4.1.8 ta’ hawn taħt) (16). L-istess japplika għall-komponenti l-oħrajn tas-sistema finanzjarja Ċiniża, bħas-swieq tal-istokks, is-swieq tal-bonds, is-swieq tal-ekwità privata, eċċ. Barra minn hekk, dawn il-partijiet tas-settur finanzjarju, għajr is-settur bankarju, huma istituzzjonalment u operazzjonalment stabbiliti b’mod li ma humiex ingranati biex itejbu l-funzjonament effiċjenti tas-swieq finanzjarji iżda biex jiżguraw il-kontroll u jippermettu l-intervent mill-Istat u mis-CCP (17).

(58)

It-tielet, fil-livell tal-ambjent regolatorju, l-interventi mill-Istat fl-ekonomija jieħdu numru ta’ forom. Pereżempju, ir-regoli dwar l-akkwist pubbliku jintużaw regolarment sabiex jintlaħqu għanijiet ta’ politika għajr l-effiċjenza ekonomika, u b’hekk jimminaw il-prinċipji bbażati fuq is-suq fil-qasam. Il-leġiżlazzjoni applikabbli tipprevedi b’mod speċifiku li l-akkwist pubbliku għandu jsir sabiex jiġi ffaċilitat l-ilħuq tal-għanijiet imfassla mill-politiki tal-Istat. Madankollu, in-natura ta’ dawn l-għanijiet għadha ma hijiex definita, u għalhekk tħalli marġni ta’ apprezzament wiesa’ għall-korpi li jieħdu d-deċiżjonijiet (18). B’mod simili, fil-qasam tal-investiment, il-GTĊ iżomm kontroll u influwenza sinifikanti fuq id-destinazzjoni u l-kobor kemm tal-investiment tal-Istat kif ukoll ta’ dak privat. L-iskrinjar tal-investiment, kif ukoll diversi inċentivi, restrizzjonijiet, u projbizzjonijiet relatati mal-investiment jintużaw mill-awtoritajiet bħala għodda importanti biex jiġu appoġġati għanijiet ta’ politika industrijali, bħaż-żamma tal-kontroll tal-Istat fuq setturi ewlenin jew it-tisħiħ tal-industrija domestika (19).

(59)

Fil-qosor, il-mudell ekonomiku Ċiniż huwa bbażat fuq ċerti assjomi bażiċi, li jipprevedu u jinkoraġġixxu bosta interventi mill-gvern. Tali interventi sostanzjali mill-gvern huma f’kunflitt mal-azzjoni libera tal-forzi tas-suq, u jirriżultaw fid-distorsjoni tal-allokazzjoni effettiva tar-riżorsi f’konformità mal-prinċipji tas-suq (20).

(60)

Fiċ-Ċina, l-intrapriżi li joperaw taħt is-sjieda, il-kontroll u/jew is-superviżjoni politika jew il-gwida tal-Istat jirrappreżentaw parti essenzjali mill-ekonomija.

(61)

Filwaqt li fis-settur tal-HTYP, il-grad ta’ sjieda tal-Istat ma jidhirx li huwa sinifikanti, il-GTĊ iżomm l-ishma f’numru ta’ produtturi, bħal sehem ta’ aktar minn 12 % fil-Grupp Unifull (21). Barra minn hekk, il-kumpaniji iwiegħdu li jikkooperaw mal-awtoritajiet tal-gvern bl-istennija li javvanzaw il-prospetti tan-negozju tagħhom, kif jista’ jidher pereżempju mir-rapport annwali tal-2021 ta’ Zhejiang Unifull Industrial Fibre, (22) li skontu: “Il-kumpanija se tkompli ssaħħaħ il-kooperazzjoni u l-iskambji mal-partijiet ikkonċernati esterni bħall-gvernijiet lokali fil-livelli kollha, l-istituzzjonijiet finanzjarji esterni, il-klijenti u l-fornituri sabiex tinkiseb sitwazzjoni ta’ vantaġġ għal kulħadd għall-interessi tal-partijiet ikkonċernati esterni u tal-azzjonisti.” Addizzjonalment, minħabba li l-interventi tas-CCP fit-teħid ta’ deċiżjonijiet operazzjonali saru n-norma anke f’kumpaniji privati (23), bis-CCP jasserixxi t-tmexxija fuq kważi kull aspett tal-ekonomija tal-pajjiż, l-influwenza tal-Istat permezz ta’ strutturi tas-CCP fil-kumpaniji effettivament tirriżulta f’sitwazzjoni li fiha l-operaturi ekonomiċi jkunu taħt kontroll u taħt superviżjoni politika tal-gvern, fid-dawl ta’ kif l-istrutturi tal-Istat u tal-Partit kibru flimkien fiċ-Ċina.

(62)

Dan jidher ukoll fil-livell tal-Assoċjazzjoni Ċiniża tal-Fibri Kimiċi (“CCFA”) (24), l-assoċjazzjoni tal-industrija settorjali, li fiha pereżempju l-produttur esportatur Guxiandao huwa membru, bil-maniġer ġenerali ta’ Guxiandao li jservi bħala l-Viċi President tal-assoċjazzjoni. Skont l-Artikolu 2 tal-Artikoli ta’ Assoċjazzjoni tas-CCFA, l-għan tal-organizzazzjoni huwa, fost l-oħrajn, li “timplimenta l-politika industrijali tal-pajjiż”. L-Artikolu 3 jikkonferma s-subordinazzjoni tas-CCFA għas-CCP billi jistipula li “l-Assoċjazzjoni taderixxi mat-tmexxija ġenerali tal-Partit Komunista taċ-Ċina, tistabbilixxi organizzazzjonijiet tal-Partit Komunista taċ-Ċina, tiżviluppa attivitajiet tal-partit, u tipprovdi l-kundizzjonijiet neċessarji għall-attivitajiet tal-organizzazzjonijiet tal-partit f’konformità mad-dispożizzjonijiet tal-Kostituzzjoni tal-Partit Komunista taċ-Ċina.”

(63)

Konsegwentement, anke l-produtturi privati fis-settur tal-HTYP ma jitħallewx joperaw skont il-kundizzjonijiet tas-suq. Fil-fatt, kemm l-intrapriżi pubbliċi kif ukoll dawk privati fis-settur huma soġġetti għal superviżjoni u għal gwida tal-politika kif stabbilit ukoll fit-taqsima 3.4.4.1.5 ta’ hawn taħt.

(64)

Minbarra li jeżerċita kontroll fuq l-ekonomija permezz tas-sjieda ta’ intrapriżi tal-Istat (“SOEs”) u għodod oħrajn, il-GTĊ jinsab f’pożizzjoni li jinterferixxi mal-prezzijiet u mal-kostijiet permezz tal-preżenza tal-Istat fid-ditti. Filwaqt li d-dritt għall-ħatra u t-tneħħija ta’ membri kruċjali tal-maniġment fl-SOEs mill-awtoritajiet rilevanti tal-Istat, kif previst fil-leġiżlazzjoni Ċiniża, jista’ jitqies li jirrifletti d-drittijiet ta’ sjieda korrispondenti, (25) iċ-ċelloli tas-CCP fl-intrapriżi, kemm dawk tal-Istat kif ukoll dawk privati, jirrappreżentaw mezz importanti ieħor li permezz tiegħu l-Istat jista’ jinterferixxi fid-deċiżjonijiet tan-negozju. Skont id-dritt soċjetarju taċ-Ċina, f’kull kumpanija għandha tiġi stabbilita organizzazzjoni tas-CCP (li jkollha tal-anqas tliet membri tas-CCP kif speċifikat fil-Kostituzzjoni tas-CCP (26)) u l-kumpanija għandha tipprovdi l-kundizzjonijiet neċessarji għall-attivitajiet tal-organizzazzjoni tal-partit. Fil-passat, dan ir-rekwiżit jidher li mhux dejjem ġie segwit jew infurzat b’mod strett. Madankollu, tal-anqas mill-2016, is-CCP qiegħed isaħħaħ l-affermazzjonijiet tiegħu biex jikkontrolla d-deċiżjonijiet kummerċjali fil-kumpaniji bħala kwistjoni ta’ prinċipju politiku (27), inkluż l-eżerċitar ta’ pressjoni fuq il-kumpaniji privati sabiex ipoġġu l-“patrijottiżmu” l-ewwel u sabiex isegwu d-dixxiplina tal-partit (28). Fl-2017, ġie rrapportat li kienu jeżistu ċelloli tal-partiti f’madwar 70 % ta’ madwar 1,86 miljun kumpanija bi sjieda privata, u dan irriżulta fi pressjoni dejjem akbar biex l-organizzazzjonijiet tas-CCP ikollhom l-aħħar kelma fuq id-deċiżjonijiet kummerċjali fil-kumpaniji rispettivi tagħhom (29). Dawn ir-regoli għandhom applikazzjoni ġenerali fl-ekonomija Ċiniża kollha, fost is-setturi kollha, inkluż għall-produtturi tal-HTYP u għall-fornituri tal-inputs tagħhom.

(65)

Barra minn hekk, fil-15 ta’ Settembru 2020 inħareġ dokument bit-titolu “Linji Gwida dwar it-tisħiħ tal-ħidma tal-Front Magħqud fis-settur privat għall-era l-ġdida maħruġin mill-Uffiċċju Ġenerali tal-Kumitat Ċentrali tas-CCP” (“il-Linji Gwida”) (30), li kompla jespandi r-rwol tal-kumitati tal-partit f’intrapriżi privati. It-taqsima II.4 tal-Linji Gwida tiddikjara: “[i]rridu nżidu l-kapaċità kumplessiva tal-Partit biex imexxi l-ħidma tal-Front Magħqud fis-settur privat u jżid b’mod effettiv il-ħidma f’dan il-qasam”; u t-taqsima III.6 tgħid “[i]rridu nżidu aktar il-bini tal-Partit f’intrapriżi privati u nippermettu liċ-ċelloli tal-Partit jaqdu r-rwol tagħhom b’mod effettiv bħala fortizza u naabtaw lill-membri tal-Partit iwettqu r-rwoli tagħhom bħala gwardji u pijunieri.” Għalhekk, il-Linji Gwida jenfasizzaw u jfittxu li jżidu r-rwol tas-CCP fil-kumpaniji u f’entitajiet oħrajn tas-settur privat (31).

(66)

L-investigazzjoni kkonfermat li t-trikkib bejn il-karigi maniġerjali u s-sħubija fis-CCP/il-funzjonijiet fil-Partit huma komuni fis-settur tal-fibri kimiċi. Pereżempju, il-maniġer ġenerali ta’ Unifull iħaddan b’mod parallel il-kariga ta’ segretarju ta’ fergħa tal-Partit (32) filwaqt li fi Guxiandao, id-direttur eżekuttiv iservi wkoll bħala segretarju tal-kumitat tal-Partit (33).

(67)

Il-preżenza u l-intervent tal-Istat fis-swieq finanzjarji (ara wkoll it-taqsima 3.4.4.1.8 ta’ hawn taħt) kif ukoll fil-provvista ta’ materja prima u ta’ inputs għandhom effett ta’ distorsjoni addizzjonali fuq is-suq (34). B’hekk, il-preżenza tal-Istat f’ditti fis-settur tal-HTYP u f’setturi oħrajn (bħas-settur finanzjarju u dak tal-inputs) tippermetti lill-GTĊ jinterferixxi fir-rigward tal-prezzijiet u tal-kostijiet.

(68)

Id-direzzjoni tal-ekonomija Ċiniża hija ddeterminata b’mod sinifikanti minn sistema elaborata ta’ ppjanar li tistabbilixxi l-prijoritajiet u tippreskrivi l-għanijiet li fuqhom iridu jiffokaw il-gvernijiet ċentrali u lokali. Jeżistu pjanijiet rilevanti fil-livelli kollha tal-gvern u dawn ikopru kważi s-setturi ekonomiċi kollha. L-objettivi stabbiliti mill-istrumenti ta’ ppjanar huma ta’ natura vinkolanti u l-awtoritajiet f’kull livell amministrattiv jimmonitorjaw l-implimentazzjoni tal-pjanijiet mil-livell korrispondenti aktar baxx tal-gvern. B’mod ġenerali, is-sistema tal-ippjanar fiċ-Ċina tirriżulta fit-tmexxija ta’ riżorsi lejn setturi ddeżinjati bħala strateġiċi jew inkella politikament importanti mill-gvern, minflok ma jiġu allokati f’konformità mal-forzi tas-suq (35).

(69)

L-industrija tal-fibri kimiċi titqies bħala industrija ewlenija mill-GTĊ. Dan huwa evidenti mill-Opinjonijiet ta’ Gwida dwar l-Iżvilupp ta’ Kwalità għolja tal-Industrija tal-Fibri Kimiċi tal-2022 (“l-Opinjonijiet ta’ Gwida”) maħruġin mill-Kummissjoni Nazzjonali għall-Iżvilupp u għar-Riforma tal-Ministeru għall-Industrija u t-Teknoloġija tal-Informazzjoni (36), skont liema “L-industrija tal-fibri kimiċi hija pilastru essenzjali tal-iżvilupp stabbli u tal-innovazzjoni kontinwa tal-katina tal-industrija tat-tessuti, industrija ta’ vantaġġ kompetittiv fuq livell internazzjonali, u parti importanti mill-industrija tal-materjali ġodda”. L-Artikolu I.2. tal-Opinjonijiet ta’ Gwida jartikola espliċitament l-intenzjoni tal-GTĊ li jiddetermina l-istruttura ġeografika u korporattiva tas-settur, kif ukoll il-parametri essenzjali tal-produzzjoni (37). L-intervent tal-Gvern jista’ jieħu l-forma ta’ rilokazzjonijiet tas-siti ta’ produzzjoni (“implimentazzjoni tal-istrateġija ta’ żvilupp reġjonali, bil-premessa ta’ konformità mal-politiki dwar l-industrija, l-enerġija, il-ħarsien tal-ambjent u ma’ politiki oħrajn, iħeġġeġ lill-intrapriżi ewlenin jibnu bażijiet integrati għall-katina kollha tal-industrija tat-tessuti tal-fibra kimika fi Guangxi, Guizhou, Xinjiang u reġjuni ċentrali u tal-Punent oħrajn, u jifformaw sistemi effiċjenti u kollaborattivi ta’ ktajjen tal-provvista ma’ pajjiżi u ma’ reġjuni ġirien”), fużjonijiet immirati lejn il-ħolqien ta’ pijunieri industrijali (“it-tħeġġiġ lill-intrapriżi sabiex jottimizzaw l-allokazzjoni tal-fatturi ta’ produzzjoni permezz ta’ fużjonijiet u riorganizzazzjoni, u jaċċelleraw ir-riinġenerija tal-proċessi tan-negozju u t-titjib teknoloġiku. L-appoġġ lill-intrapriżi ewlenin sabiex jiġbru riżorsi ta’ kwalità għolja bħal teknoloġija, marki, kanali u talenti”), id-deżinjazzjoni ta’ kumpaniji bħala eliġibbli għal appoġġ speċjali permezz ta’ programmi dedikati tal-Gvern (“il-promozzjoni tal-integrazzjoni u tal-iżvilupp ta’ intrapriżi kbar, medji u żgħar, it-trawwim ta’ intrapriżi speċjalizzati u “ġganti żgħar” speċifiċi ġodda u intrapriżi b’pijunier uniku”) eċċ (38).

(70)

Din l-istrateġija tal-Gvern ċentrali hija kkonfermata f’diversi dokumenti ta’ ppjanar iffokati fuq l-industrija tal-fibri kimiċi maħruġin fil-livell provinċjali u muniċipali.

(71)

Il-provinċji ta’ Zhejiang, ta’ Jiangsu, ta’ Fujian u ta’ Shandong, kif ukoll il-muniċipalità ta’ Chongqing jipprovdu eżempji tajbin.

(72)

L-14-il Pjan ta’ 5 snin ta’ Jiangsu dwar l-iżvilupp ta’ livell għoli tal-industrija tal-kimika (39) mhux biss fih dispożizzjonijiet dettaljati dwar l-għanijiet ta’ żvilupp għal firxa wiesgħa ta’ subsetturi fis-settur kimiku (40) iżda jirrifletti wkoll il-politiki msemmijin hawn fuq tal-Opinjonijiet ta’ Gwida dwar l-istruttura industrijali:

kif ukoll id-distribuzzjoni ġeografika tal-produzzjoni:

(73)

B’mod simili, il-Pjan speċjali għall-iżvilupp ta’ industriji emerġenti strateġiċi fil-Provinċja ta’ Fujian matul l-14-il FYP (44)fih mandat għall-awtoritajiet provinċjali sabiex jappoġġaw lis-settur tal-fibri kimiċi u jiggwida l-iżvilupp tiegħu:

(74)

L-interferenza tal-awtoritajiet ta’ Fujian mal-iżvilupp tas-settur tal-fibri kimiċi hija evidenti wkoll mill-14-il FYP provinċjali dwar l-iżvilupp ta’ industrija tal-manifattura ta’ kwalità għolja li jagħti l-istruzzjoni li ġejja lill-partijiet ikkonċernati:

(75)

Barra minn hekk, l-14-il FYP ta’ Shandong dwar l-iżvilupp tal-industrija tal-kimika (47) jenfasizza l-ħtieġa li “[jinxteħet fokus fuq l-iżvilupp ta’ poljolefini b’bażi ta’ etilen u reżini sintetiċi bħala prodotti aħħarija, propilen-polipropolen, plastiks oħra għall enġinerija u wkoll materjali modifikati, materjali sintetiċi u tal-gomma magħmula mill-buten u s-C4, prodotti aħħarija magħmula mill-poliuretan isocyanate u mit-toluwen ta’ prestazzjoni għolja, materjali ġodda, materjali tessili u tal-enġinerija magħmula min-nylon, benżen u poliammid, poliester PX-PTA u sitt ktajjen oħrajn tal-industriji ewlenin” (48), b’lingwaġġ simili preżenti wkoll fl-14-il FYP ta’ Zhejiang dwar l-iżvilupp tal-industrija ta’ materjali ġodda (49): “Fil-qasam tal-materjali bażiċi avvanzati, l-implimentazzjoni ta’ għadd ta’ proġetti ta’ trasformazzjoni diġitali u ekoloġika u ta’ proġetti ta’ espansjoni tal-produzzjoni għal prodotti ta’ livell għoli u skarsi; fl-oqsma tal-materjali strateġiċi ewlenin bħall-materjali tas-semikondutturi avvanzati, il-materjali tal-wiri ġodda, il-materjali bijomediċi, il-fibri ta’ prestazzjoni għolja u l-materjali komposti, l-implimentazzjoni ta’ numru ta’ proġetti ta’ industrijalizzazzjoni u ta’ espansjoni tal-applikazzjoni” (50) jew l-14-il FYP ta’ Chongqing dwar l-iżvilupp ta’ kwalità għolja tal-industrija tal-manifattura (51): “L-użu tal-bażijiet tal-materja prima sabiex l-intrapriżi rilevanti jitħeġġu jagħmlu riċerka, jiżviluppaw u jimmanifatturaw fibri funzjonali tal-PVA (alkoħol tal-polivinil) ta’ prestazzjoni għolja, spandex differenzjat, fibri speċjali tal-poliester, fibri tal-poliammid, mikrofibri tal-PU (poliuretan) u prodotti oħrajn.” (52)

(76)

Għalhekk, permezz ta’ dawn l-istrumenti u strumenti oħrajn, il-GTĊ jidderiġi u jikkontrolla kważi kull aspett fl-iżvilupp u fil-funzjonament tas-settur.

(77)

Fil-qosor, il-GTĊ għandu miżuri fis-seħħ sabiex jikkonvinċi lill-operaturi jikkonformaw mal-objettivi tal-ordni pubbliku li jiġu appoġġati l-industriji mħeġġin, inkluża l-produzzjoni tal-materja prima ewlenija użata fil-manifattura tal-HTYP. Tali miżuri jimpedixxu l-forzi tas-suq milli joperaw b’mod ħieles.

(78)

Skont l-informazzjoni fil-fajl, is-sistema Ċiniża dwar il-falliment ma timplimentax b’mod adegwat l-objettivi ewlenin proprji bħal pereżempju s-saldu ġust tal-pretensjonijiet u tad-dejn u sabiex jiġu ssalvagwardjati d-drittijiet u l-interessi legali tal-kredituri u tad-debituri. Dan jidher li huwa msejjes fil-fatt li filwaqt li l-liġi Ċiniża dwar il-falliment tiddependi b’mod formali minn prinċipji simili għal dawk applikati f’liġijiet korrispondenti ta’ pajjiżi oħra għajr iċ-Ċina, is-sistema Ċiniża hija kkaratterizzata minn nuqqas ta’ infurzar sistematiku. L-għadd ta’ fallimenti jibqa’ magħruf li huwa baxx meta mqabbel mad-daqs tal-ekonomija tal-pajjiż, mhux l-anqas minħabba li l-proċedimenti ta’ insolvenza għandhom numru ta’ nuqqasijiet, li effettivament jiffunzjonaw bħala diżinċentiv għall-preżentazzjonijiet ta’ fallimenti. Barra minn hekk, ir-rwol tal-Istat fil-proċedimenti ta’ insolvenza għadu b’saħħtu u attiv, fejn spiss ikollu influwenza diretta fuq l-eżitu tal-proċedimenti (53).

(79)

Barra minn hekk, in-nuqqasijiet tas-sistema tad-drittijiet tal-proprjetà huma partikolarment ovvji fir-rigward tas-sjieda tad-drittijiet għall-art u għall-użu tal-art fiċ-Ċina (54). L-art kollha hija proprjetà tal-Istat (art rurali bi sjieda kollettiva u art urbana proprjetà tal-Istat) u l-allokazzjoni tagħha tibqa’ tiddependi biss fuq l-Istat. Hemm dispożizzjonijiet legali li għandhom l-għan li jallokaw id-drittijiet għall-użu tal-art b’mod trasparenti u bi prezzijiet tas-suq, pereżempju bl-introduzzjoni ta’ proċeduri ta’ offerti. Madankollu, dawn id-dispożizzjonijiet ma jiġux irrispettati b’mod regolari, billi ċerti akkwirenti jiksbu l-art tagħhom mingħajr ħlas jew b’rati aktar baxxi mir-rati tas-suq (55). Barra minn hekk, l-awtoritajiet spiss ifittxu li jilħqu għanijiet politiċi speċifiċi, inkluż l-implimentazzjoni tal-pjanijiet ekonomiċi, meta jkunu qed jallokaw l-art (56).

(80)

L-istess bħas-setturi l-oħra fl-ekonomija Ċiniża, il-produtturi tal-HTYP huma soġġetti għar-regoli ordinarji dwar il-liġijiet Ċiniżi dwar il-falliment, dwar il-liġi tal-kumpaniji u dwar il-proprjetà. L-effett ta’ dan huwa li anke dawn il-kumpaniji huma soġġetti għad-distorsjonijiet minn fuq għal isfel li jirriżultaw mill-applikazzjoni diskriminatorja jew mill-infurzar inadegwat tal-liġijiet dwar il-falliment u l-proprjetà. Dawk il-kunsiderazzjonijiet, fuq il-bażi tal-evidenza disponibbli, jidhru li huma applikabbli bis-sħiħ anke fis-settur tal-fibri kimiċi. Din l-investigazzjoni ma żvelat xejn li jqajjem dubji dwar dawn is-sejbiet.

(81)

Fid-dawl ta’ dan ta’ hawn fuq, il-Kummissjoni kkonkludiet li kien hemm applikazzjoni diskriminatorja jew infurzar inadegwat tal-liġijiet dwar il-falliment u l-proprjetà fis-settur tal-fibri kimiċi, inkluż fir-rigward tal-prodott soġġett għal rieżami.

(82)

Sistema ta’ pagi bbażati fuq is-suq ma tistax tiżviluppa kompletament fiċ-Ċina minħabba li l-ħaddiema u l-impjegaturi huma mwaqqfa milli jużaw id-drittijiet tagħhom għal organizzazzjoni kollettiva. Iċ-Ċina ma rratifikatx għadd ta’ konvenzjonijiet essenzjali tal-Organizzazzjoni Internazzjonali tax-Xogħol (International Labour Organisation, “ILO”), b’mod partikolari dawk dwar il-libertà ta’ assoċjazzjoni u dwar in-negozjar kollettiv (57). Skont il-liġi nazzjonali, organizzazzjoni ta’ trade union waħda biss hija attiva. Madankollu, din l-organizzazzjoni ma hijiex indipendenti mill-awtoritajiet tal-Istat u l-involviment tagħha fin-negozjar kollettiv u fil-protezzjoni tad-drittijiet tal-ħaddiema għadu rudimentali (58). Barra minn hekk, il-mobilità tal-forza tax-xogħol Ċiniża hija ristretta mis-sistema ta’ reġistrazzjoni tal-unitajiet domestiċi, li tillimita l-aċċess għall-firxa sħiħa tal-benefiċċji tas-sigurtà soċjali u oħrajn għar-residenti lokali ta’ żona amministrattiva partikolari. Dan tipikament jirriżulta f’ħaddiema li ma jkunux fil-pussess tar-reġistrazzjoni tar-residenza lokali, u jsibu ruħhom f’pożizzjoni ta’ impjieg vulnerabbli u li jirċievu introjtu aktar baxx mid-detenturi tar-reġistrazzjoni tar-residenza (59). Dawk is-sejbiet iwasslu għad-distorsjoni tal-kostijiet tal-pagi fiċ-Ċina.

(83)

Ma ġiet ippreżentata l-ebda evidenza li turi li s-settur tal-fibri kimiċi, inklużi l-produtturi tal-HTYP, ma huwiex soġġett għas-sistema Ċiniża dwar il-liġi tax-xogħol deskritta. Għalhekk, is-settur tal-fibri kimiċi huwa affettwat mid-distorsjonijiet tal-kostijiet tal-paga kemm direttament (fil-produzzjoni tal-prodott soġġett għal rieżami jew tal-materja prima ewlenija għall-produzzjoni tiegħu) kif ukoll indirettament (f’termini ta’ aċċess għall-kapital jew għal inputs minn kumpaniji soġġetti għall-istess sistema tax-xogħol fiċ-Ċina).

(84)

L-aċċess għall-kapital għal atturi korporattivi fiċ-Ċina huwa soġġett għal diversi distorsjonijiet.

(85)

L-ewwel nett, is-sistema finanzjarja Ċiniża hija kkaratterizzata mill-pożizzjoni b’saħħitha tal-banek tal-Istat (60), li, meta jagħtu aċċess għal finanzjament, iqisu kriterji oħrajn għajr il-vijabbiltà ekonomika ta’ proġett. B’mod simili għall-SOEs mhux finanzjarji, il-banek jibqgħu marbutin mal-Istat mhux biss permezz tas-sjieda iżda wkoll permezz ta’ relazzjonijiet personali (l-ogħla eżekuttivi tal-istituzzjonijiet finanzjarji tal-Istat fl-aħħar mill-aħħar jinħatru mis-CCP) (61) u, għal darb’oħra bħal fil-każ tal-SOEs mhux finanzjarji, il-banek jimplimentaw b’mod regolari politiki pubbliċi mfassla mill-GTĊ. Meta jagħmlu dan, il-banek jikkonformaw ma’ obbligu legali espliċitu li jmexxu n-negozju tagħhom f’konformità mal-ħtiġijiet tal-iżvilupp ekonomiku u soċjali nazzjonali u skont il-gwida tal-politiki industrijali tal-Istat (62). Dan jiġi amplifikat permezz ta’ regoli eżistenti addizzjonali, li jidderieġu l-finanzi lejn setturi magħżula mill-gvern bħala mħeġġa jew li b’xi mod ieħor huma importanti (63).

(86)

Filwaqt li huwa rikonoxxut li diversi dispożizzjonijiet legali jirreferu għall-ħtieġa li jiġu rrispettati l-imġiba bankarja normali u r-regoli prudenzjali bħall-ħtieġa li tiġi eżaminata l-affidabbiltà kreditizja tal-mutwatarju, l-evidenza massiva, inklużi s-sejbiet li saru fl-investigazzjonijiet tad-difiża tal-kummerċ, tissuġġerixxi li dawn id-dispożizzjonijiet għandhom biss rwol sekondarju fl-applikazzjoni tad-diversi strumenti legali.

(87)

Pereżempju, il-GTĊ iċċara li anke d-deċiżjonijiet bankarji kummerċjali privati jridu jiġu ssorveljati mis-CCP u jibqgħu konformi mal-politiki nazzjonali. Wieħed mit-tliet għanijiet ġenerali tal-Istat fir-rigward tal-governanza bankarja issa huwa li tissaħħaħ it-tmexxija tal-Partit fis-settur bankarju u tal-assigurazzjoni, inkluż fir-rigward ta’ kwistjonijiet operazzjonali u ta’ ġestjoni (64). Barra minn hekk, il-kriterji tal-evalwazzjoni tal-prestazzjoni tal-banek kummerċjali issa għandhom iqisu, b’mod partikolari, kif l-entitajiet “jaqdu l-objettivi ta’ żvilupp nazzjonali u l-ekonomija reali”, u b’mod partikolari kif “jaqdu l-industriji strateġiċi u emerġenti” (65).

(88)

B’mod speċifiku fis-settur tal-fibri kimiċi, il-prijoritizzazzjoni tas-setturi fuq kriterji relatati mal-politiki industrijali aktar milli mal-affidabbiltà kreditizja ta’ proġett partikolari hija evidenti minn numru ta’ dokumenti ta’ politika, bħall-14-il FYP tal-Provinċja ta’ Shandong dwar l-iżvilupp tal-industrija tal-kimika li jipprevedi dan li ġej fir-rigward tal-industrija tal-kimika (66):

(89)

B’mod simili, taħt l-14-il FYP dwar l-iżvilupp ta’ livell għoli tal-industrija tal-kimika (68) tal-provinċja ta’ Jiangsu, l-awtoritajiet lokali huma obbligati “[j]agħtu lok bis-sħiħ għar-rwol ta’ gwida tal-fondi ta’ investiment tal-gvern, jespandu b’mod flessibbli l-kanali ta’ finanzjament u jiggwidaw l-investimenti tal-kapital soċjali.” (69)

(90)

Imbagħad, dawn il-politiki ta’ appoġġ finanzjarju għall-industriji strateġiċi jiġu implimentati fil-livell tal-kumpaniji, kif muri pereżempju mill-ftehim bejn il-Bank taċ-Ċina u Guxiandao dwar il-bini tal-Partit. Kif spjegat fuq il-paġna web tal-kumpanija, il-ftehim dwar il-bini tal-Partit, li skont dan Guxiandao u l-fergħa lokali tal-Bank taċ-Ċina “jkomplu japprofondixxu l-kooperazzjoni u jwettqu l-integrazzjoni profonda tal-ħidma tal-bini tal-partit mal-iżvilupp tan-negozju” jirrappreżenta biss l-ewwel stadju, li għandu jiġi segwit mill-Bank taċ-Ċina “li jkompli jżid l-estensjoni tal-kreditu lil [Guxiandao] filwaqt li jitqiesu l-ħtiġijiet reali tal-intrapriża[…], sabiex ikompli jiżdied il-volum ta’ saldu internazzjonali” li, min-naħa tiegħu „[…] jiżgura żvilupp tan-negozju ġdid taħt it-tmexxija tal-bini tal-partit” (70).

(91)

Barra minn hekk, il-klassifikazzjonijiet tal-bonds u tal-kreditu ta’ spiss ikunu soġġetti għal distorsjoni għal diversi raġunijiet, inkluż il-fatt li l-valutazzjoni tar-riskju tiġi influwenzata mill-importanza strateġika tad-ditta għall-GTĊ u mis-saħħa ta’ kull garanzija impliċita mill-gvern. L-estimi jissuġġerixxu bil-qawwa li l-klassifikazzjonijiet ta’ kreditu Ċiniżi jikkorrispondu b’mod sistematiku ma’ klassifikazzjonijiet internazzjonali aktar baxxi (71).

(92)

Dan jiġi amplifikat permezz ta’ regoli eżistenti addizzjonali, li jidderieġu l-finanzi lejn setturi magħżula mill-gvern bħala mħeġġa jew li b’xi mod ieħor huma importanti (72). Dan jirriżulta f’tendenza favur li jingħata self lill-SOEs, lil ditti privati kbar u b’konnessjonijiet tajbin u lil ditti f’setturi industrijali ewlenin, u dan jimplika li d-disponibbiltà u l-kost tal-kapital ma humiex ugwali għall-atturi kollha fis-suq.

(93)

It-tieni, il-kostijiet tas-self inżammu baxxi b’mod artifiċjali sabiex jiġi stimolat it-tkabbir tal-investiment. Dan wassal għall-użu eċċessiv tal-investiment kapitali b’redditi dejjem aktar baxxi fuq l-investiment. Dan huwa muri mit-tkabbir fl-ingranaġġ korporattiv fis-settur tal-Istat minkejja tnaqqis qawwi fil-profittabilità, li jissuġġerixxi li l-mekkaniżmi operati fis-sistema bankarja ma jsegwux risponsi kummerċjali normali.

(94)

It-tielet, għalkemm il-liberalizzazzjoni tar-rata tal-imgħax nominali nkisbet f’Ottubru 2015, is-sinjali tal-prezzijiet għadhom mhux ir-riżultat ta’ forzi tas-suq ħieles, iżda huma influwenzati minn distorsjonijiet ikkawżati mill-gvern. Is-sehem ta’ self fir-rata normattiva tal-imgħax jew taħtha għadu jirrappreżenta mill-anqas terz tas-self kollu sa mill-aħħar tal-2018 (73). Il-media uffiċjali fiċ-Ċina dan l-aħħar irrapportat li s-CCP talab “li titbaxxa r-rata tal-imgħax tas-suq tas-self.” (74) Rati tal-imgħax baxxi b’mod artifiċjali jirriżultaw fi twaqqigħ tal-prezzijiet, u konsegwentement, fl-użu eċċessiv tal-kapital.

(95)

It-tkabbir kumplessiv tal-kreditu fiċ-Ċina jindika deterjorament fl-effiċjenza tal-allokazzjoni tal-kapital mingħajr l-ebda sinjal ta’ ssikkar tal-kreditu li jkun mistenni f’ambjent tas-suq mingħajr distorsjoni. B’riżultat ta’ dan, is-self improduttiv żdied b’mod rapidu, bil-GTĊ li għażel numru ta’ drabi li jew jevita l-inadempjenzi, sabiex b’hekk inħolqu l-hekk imsejħin kumpaniji “żombi”, jew li jittrasferixxi s-sjieda tad-dejn (eż. permezz ta’ fużjonijiet jew ta’ skambju ta’ dejn ma’ ekwità), mingħajr ma neċessarjament jelimina l-problema ġenerali tad-dejn jew jindirizza l-kawżi ewlenin tagħha.

(96)

Essenzjalment, minkejja l-passi li ttieħdu sabiex is-suq jiġi liberalizzat, is-sistema tal-kreditu korporattiv fiċ-Ċina hija affettwata minn distorsjonijiet sinifikanti bħala riżultat tar-rwol pervażiv kontinwu tal-Istat fis-swieq kapitali. Għalhekk, l-intervent sostanzjali tal-gvern fis-sistema finanzjarja jwassal biex il-kundizzjonijiet tas-suq jiġu affettwati b’mod serju fil-livelli kollha.

(97)

Il-Kummissjoni nnotat li d-distorsjonijiet deskritti fir-Rapport huma karatteristika tal-ekonomija Ċiniża. L-evidenza disponibbli turi li l-fatti u l-karatteristiċi tas-sistema Ċiniża kif deskritti hawn fuq fit-Taqsimiet 3.4.4.1.1 - 3.4.4.1.5 kif ukoll fil-Parti I tar-Rapport japplikaw fil-pajjiż kollu u fis-setturi kollha tal-ekonomija. L-istess japplika għad-deskrizzjoni tal-fatturi ta’ produzzjoni kif stabbilit hawn fuq fit-Taqsimiet 3.4.4.1.6-3.4.4.1.8 u fil-Parti II tar-Rapport.

(98)

Il-Kummissjoni tfakkar li sabiex jiġu prodotti l-HTYP, hemm bżonn firxa ta’ inputs. Meta l-produtturi tat-HTYP jixtru/jikkuntrattaw dawn l-inputs, il-prezzijiet li jħallsu (u li jiġu rreġistrati bħala l-kostijiet tagħhom) huma esposti b’mod ċar għall-istess distorsjonijiet sistemiċi msemmija qabel. Pereżempju, il-fornituri tal-inputs jimpjegaw manodopera li tkun soġġetta għad-distorsjonijiet. Huma jistgħu jissellfu flus li huma soġġetti għad-distorsjonijiet fis-settur finanzjarju/l-allokazzjoni tal-kapital. Barra minn hekk, huma soġġetti għas-sistema ta’ ppjanar li tapplika fil-livelli kollha tal-gvern u tas-setturi.

(99)

B’konsegwenza ta’ dan, mhux biss il-prezzijiet tal-bejgħ domestiku tat-HTYP ma humiex xierqa għall-użu fis-sens tal-Artikolu 2(6a)(a) tar-Regolament bażiku, iżda l-kostijiet tal-inputs kollha (inklużi l-materja prima, l-enerġija, l-art, il-finanzjament, il-manodopera, eċċ.) huma wkoll affettwati minħabba li l-formazzjoni tal-prezzijiet tagħhom hija affettwata minn intervent sostanzjali min-naħa tal-gvern, kif deskritt fil-Partijiet I u II tar-Rapport. Tabilħaqq, l-interventi tal-gvern deskritti fir-rigward tal-allokazzjoni tal-kapital, tal-art, tal-manodopera, tal-enerġija u tal-materja prima huma preżenti fiċ-Ċina kollha kemm hi. Dan ifisser, pereżempju, li input li minnu nnifsu kien immanifatturat fiċ-Ċina permezz tal-kombinament ta’ firxa ta’ fatturi ta’ produzzjoni huwa espost għal distorsjonijiet sinifikanti. L-istess japplika għall-input lejn l-input u l-bqija. F’din l-investigazzjoni, la l-GTĊ u lanqas il-produtturi esportaturi ma ppreżentaw xi evidenza jew argument li juru l-kuntrarju.

(100)

L-analiżi stabbilita fit-Taqsimiet 3.4.4.1.2. sa 3.4.4.1.9., li tinkludi eżami tal-evidenza kollha disponibbli relatata mal-intervent taċ-Ċina fl-ekonomija tagħha b’mod ġenerali, kif ukoll fis-settur tal-fibri kimiċi (inkluż il-prodott soġġett għal rieżami) uriet li l-prezzijiet jew il-kostijiet tal-prodott soġġett għal rieżami, inklużi l-kostijiet tal-materja prima, tal-enerġija u tal-manodopera, ma humiex ir-riżultat ta’ forzi tas-suq ħieles, minħabba li huma affettwati minn intervent sostanzjali tal-gvern fis-sens tal-Artikolu 2(6a)(b) tar-Regolament bażiku kif muri mill-impatt reali jew potenzjali ta’ wieħed jew aktar mill-elementi rilevanti elenkati fih. Abbażi ta’ dan, u fin-nuqqas ta’ kwalunkwe kooperazzjoni mill-GTĊ, il-Kummissjoni kkonkludiet li ma huwiex xieraq li jintużaw prezzijiet u kostijiet domestiċi biex jiġi stabbilit il-valur normali f’dan il-każ.

(101)

Konsegwentement, il-Kummissjoni pproċediet biex taħdem il-valur normali esklużivament abbażi tal-kostijiet tal-produzzjoni u l-bejgħ li jirriflettu prezzijiet jew valuri referenzjarji mingħajr distorsjoni, jiġifieri, f’dan il-każ, abbażi tal-kostijiet korrispondenti tal-produzzjoni u l-bejgħ f’pajjiż rappreżentattiv xieraq, f’konformità mal-Artikolu 2(6a)(a) tar-Regolament bażiku, kif diskuss fit-taqsima li ġejja.

(102)

L-għażla tal-pajjiż rappreżentattiv kienet ibbażata fuq il-kriterji li ġejjin, skont l-Artikolu 2(6a) tar-Regolament bażiku:

(103)

Il-valutazzjoni tal-Kummissjoni dwar l-għażla tal-pajjiż rappreżentattiv xieraq tista’ tinġabar fil-qosor kif ġej.

(104)

Fil-perjodu ta’ investigazzjoni tar-rieżami, il-Bank Dinji kklassifika l-pajjiżi b’livell simili ta’ żvilupp ekonomiku bħaċ-Ċina bħala pajjiżi b’“introjtu medju superjuri” fuq bażi tal-introjtu nazzjonali gross. Fl-Ewwel Nota, produzzjoni mdaqqsa tal-prodott soġġett għal rieżami nstabet li teżisti biss f’ħamsa minn dawn il-pajjiżi, jiġifieri l-Belarussja, il-Brażil, il-Messiku, it-Tajlandja u t-Turkija.

(105)

Madankollu, fid-dawl tal-fatt li l-Belarussja ma hijiex membru tad-WTO u ma hijiex ekonomija tas-suq, l-imsemmi pajjiż ma ġiex eżaminat ulterjorment bħala pajjiż rappreżentattiv potenzjali.

(106)

Għalhekk, il-Kummissjoni analizzat f’aktar dettall il-Brażil, il-Messiku, it-Tajlandja u t-Turkija bħala pajjiżi rappreżentattivi potenzjali.

(107)

Għall-pajjiżi kkunsidrati u msemmijin hawn fuq, il-Kummissjoni vverifikat ulterjorment id-disponibbiltà ta’ data pubblika, inkluża data dwar l-importazzjonijiet tal-fatturi ta’ produzzjoni kif ukoll tad-data finanzjarja mill-produtturi tal-prodott soġġett għal rieżami fil-pajjiżi rappreżentattivi potenzjali.

(108)

L-analiżi tal-importazzjonijiet tal-fatturi ta’ produzzjoni ewlenin uriet li t-Turkija kienet timporta b’mod ġenerali volumi aktar sinifikanti u rappreżentattivi mingħajr distorsjoni tal-inputs ewlenin għall-produzzjoni tal-HTYP (jiġifieri ċipep tal-PTA, tal-MEG u tal-Polietilentereftalat (“PET”)) meta mqabbla mal-Brażil, mal-Messiku jew mat-Tajlandja.

(109)

L-analiżi wriet ukoll li l-importazzjonijiet Torok ma kinux affettwati materjalment mill-importazzjonijiet miċ-Ċina jew minn xi wieħed mill-pajjiżi elenkati fl-Anness I tar-Regolament (UE) 2015/755 tal-Parlament Ewropew u tal-Kunsill (77). Barra minn hekk, il-produzzjoni tal-HTYP hija sinifikanti fit-Turkija u ma teżisti l-ebda distorsjoni kummerċjali partikolari fuq il-fatturi ta’ produzzjoni u lanqas fuq l-HTYP fil-pajjiż. Barra minn hekk, data dettaljata u rappreżentattiva biżżejjed dwar il-prezzijiet tal-importazzjoni tal-inputs materjali hija disponibbli faċilment fil-Global Trade Atlas (“GTA”) għat-Turkija.

(110)

Fir-rigward tal-produtturi fil-pajjiżi rappreżentattivi u d-disponibbiltà tad-data tagħhom, il-Kummissjoni identifikat produttur tal-HTYP, KORDSA TEKNIK TEKSTIL A.S. (“Kordsa t-Turkija”) li għalih huma disponibbli riżultati finanzjarji konsolidati għall-2021. Min-naħa l-oħra, id-data finanzjarja għall-kumpaniji mill-Brażil (KORDSA BRASIL S.A.), mill-Messiku (Monosuisse, Performance Fibers Mexico Operations u Akra Polyester SA DE CV) u mit-Tajlandja (THAI TORAY SYNTHETICS CO LTD u TEIJIN POLYESTER (THAILAND) CO LTD.) li jipproduċu HTYP ma hijiex faċilment disponibbli għall-perjodu sħiħ ta’ investigazzjoni u ma hijiex kompletament konformi mal-Istandards Internazzjonali ta’ Rapportar Finanzjarju (għall-produtturi mit-Tajlandja).

(111)

Huwa osservat li l-produttur Kordsa t-Turkija ma jipproduċix biss HTYP, iżda madwar 86 % tad-dħul tiegħu għall-2021 kienu fis-segment li jkopri HTYP (78). F’dan ir-rigward, il-Kummissjoni nnotat li jekk ma tkun disponibbli faċilment l-ebda informazzjoni finanzjarja speċifikament u tkun disponibbli biss fir-rigward tal-prodott soġġett għal rieżami (li kważi dejjem huwa l-każ), il-Kummissjoni tfittex l-eqreb indikatur disponibbli faċilment, inkluża informazzjoni konsolidata tal-produttur(i) attiv(i) fost l-oħrajn fin-negozju li jkopri l-prodott soġġett għal rieżami. Għalhekk, f’dawn iċ-ċirkostanzi, l-SG&A konsolidati u l-profitt identifikati għal Kordsa t-Turkija huma meqjusin bħala rappreżentattivi biżżejjed sabiex jiġu applikati għall-finijiet ta’ din l-investigazzjonijiet.

(112)

Għalhekk, fid-dawl tad-disponibbiltà pubblika tar-rapport annwali sħiħ u komprensiv ta’ Kordsa t-Turkija għall-2021 (79), il-Kummissjoni rrikorriet għall-użu tal-informazzjoni inkluża fih.

(113)

Wara li ġie stabbilit li t-Turkija kienet pajjiż rappreżentattiv xieraq, abbażi tal-elementi kollha msemmija hawn fuq, ma kienx hemm bżonn li titwettaq valutazzjoni tal-livell ta’ protezzjoni soċjali u ambjentali f’konformità mal- aħħar sentenza tal-ewwel inċiż tal-Artikolu 2(6a)(a) tar-Regolament bażiku.

(114)

Fid-dawl tal-analiżi ta’ hawn fuq, it-Turkija ssodisfat il-kriterji stabbiliti fl-Artikolu 2(6a)(a), l-ewwel inċiż, tar-Regolament bażiku sabiex titqies bħala pajjiż rappreżentattiv xieraq.

(115)

Fin-nuqqas ta’ kooperazzjoni mill-produtturi esportaturi Ċiniżi, u għalhekk fin-nuqqas ta’ informazzjoni speċifika dwar il-prezzijiet miċ-Ċina, il-marġni tad-dumping ġie ddeterminat fuq il-bażi tal-fatti disponibbli f’konformità mal-Artikolu 18 tar-Regolament bażiku.

(116)

Sabiex tikkalkola l-marġni tad-dumping, il-Kummissjoni ġeneralment tibni l-valur normali billi timmoltiplika l-volumi tal-konsum għal kull fattur ta’ produzzjoni (kif ipprovdut mill-applikant) bil-kostijiet mingħajr distorsjoni għal kull unità stabbiliti fit-Turkija, kif deskritti fit-Taqsima 4.5.4, filwaqt li tapplika b’mod ulterjuri l-ispejjeż ġenerali tal-manifattura għall-kostijiet mingħajr distorsjoni tal-manifattura (ara t-Taqsima 4.5.9) u l-SG&A u l-profitt stabbiliti għat-Turkija (ara t-Taqsima 4.5.8). Barra minn hekk, il-prezz tal-esportazzjoni jiġi ddeterminat fuq il-bażi tal-istatistika dwar l-importazzjoni disponibbli għall-pubbliku.

(117)

Madankollu, minflok ma bbażat fuq l-informazzjoni pprovduta mill-applikant u/jew fuq l-istatistika tal-importazzjoni f’dan il-każ, fid-dawl tal-investigazzjoni ta’ rieżami interim (b’livell għoli ta’ kooperazzjoni li jkopri parti sinifikanti tal-importazzjonijiet tal-Unjonil-HTYP) (80), il-Kummissjoni qagħdet fuq l-eżitu ppubblikat tal-investigazzjoni tar-rieżami interim u l-marġnijiet tad-dumping stabbiliti fiha (ara l-premessa (356)).

(118)

Fuq din il-bażi, il-marġnijiet tad-dumping medji ponderati espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, kienu fil-firxa bejn 9,7 % u 23,7 %. Għalhekk ġie konkluż li d-dumping tkompla matul il-perjodu ta’ investigazzjoni tar-rieżami.

(119)

F’konformità mal-Artikolu 11(2) tar-Regolament bażiku, ġie eżaminat jekk kienx probabbli li d-dumping stabbilit fuq il-bażi tal-Artikolu 18 tar-Regolament bażiku jkompli jekk il-miżuri jiskadu.

(120)

Għal dak l-għan, ġew ikkunsidrati l-kapaċità tal-produzzjoni u l-kapaċità ta’ riżerva fiċ-Ċina, l-imġiba tal-esportaturi Ċiniżi fi swieq oħrajn, is-sitwazzjoni fis-suq domestiku taċ-Ċina u l-attrattività tas-suq tal-Unjoni.

(121)

Minħabba n-nuqqas ta’ kooperazzjoni tal-produtturi esportaturi Ċiniżi fir-rieżami ta’ skadenza, il-kapaċità ta’ riżerva fiċ-Ċina ġiet iddeterminata prinċipalment fuq il-bażi tal-informazzjoni statistika disponibbli għall-pubbliku (informazzjoni estratta mill-Eurostat), fuq it-talba għal rieżami ta’ skadenza, fuq talba għal rieżami interim u fuq rapport tal-industrija indipendenti maħruġ minn ditta ta’ riċerka u ta’ konsulenza globali rikonoxxuta ferm (81) (minn hawn ’il quddiem “Wood Mac”) attiva, fost l-oħrajn, fis-settur kimiku. L-affidabbiltà taċ-ċifri pprovduti fir-rapport ta’ Wood Mac dwar l-industrija ġiet ivverifikata u l-akkuratezza tagħhom ġiet ikkonfermata fil-biċċa l-kbira tas-sejbiet mill-investigazzjoni preċedenti tar-rieżami ta’ skadenza tal-HTYP (82) (“rieżami ta’ skadenza tal-2017”).

(122)

Il-Kummissjoni wettqet kalkolu dettaljat tal-kapaċità ta’ riżerva, filwaqt li qieset il-kapaċità tal-produzzjoni tal-produtturi Ċiniżi soġġetti għal miżuri, il-volumi tal-produzzjoni tagħhom, l-esportazzjonijiet tagħhom lejn pajjiżi oħra u l-konsum domestiku.

(123)

Filwaqt li fl-2018, il-kapaċità tal-produzzjoni kienet ta’ madwar [2 126 000 – 2 716 000] tunnellata (konsistenti mal-kapaċità fl-2015 kif deskritta fir-rieżami ta’ skadenza tal-2017), din żdiedet għal [2 508 000 – 3 205 000] tunnellata fil-PIR. Fil-fatt, il-kapaċità tal-HTYP tal-produtturi Ċiniżi soġġetti għal miżuri fil-PIR qabżet il-konsum dinji tal-HTYP fl-istess perjodu. Madankollu, tali żieda qawwija fil-kapaċità tal-produzzjoni hija marbuta ma’ produzzjoni staġnata, li varjat għal madwar [1 187 000 – 1 746 000] tunnellata fil-perjodu 2018-2021, bil-volum tal-produzzjoni li kien komparabbli mal-perjodu ta’ investigazzjoni tar-rieżami mir-rieżami ta’ skadenza tal-2017. Fl-istess żmien, il-konsum domestiku fil-perjodu 2018-PIR kien stabbli, f’madwar [1 048 000 –1 566 000] tunnellata, u kien qiegħed jiċċaqlaq fl-istess firxa bħal fl-2015.

(124)

Fir-rigward tal-esportazzjonijiet Ċiniżi tal-HTYP, fid-dawl tal-istatistika Ċiniża dwar l-esportazzjoni, l-esportazzjonijiet żdiedu minn 458 246 tunnellata fl-2018 għal 514 141 tunnellata fil-PIR. Meta mqabbla maż-żieda fil-kapaċità tal-produzzjoni, din iż-żieda żgħira kellha effett negliġibbli, jekk kien hemm xi effett, fuq il-kapaċità ta’ assorbiment tal-kapaċità tal-produzzjoni enormi taċ-Ċina.

(125)

B’riżultat ta’ dan, il-livelli ta’ staġnar ta’ konsum u ta’ produzzjoni domestiċi fiċ-Ċina u t-tkabbir modest fl-esportazzjonijiet flimkien ma’ żieda qawwija fil-kapaċità tal-produzzjoni wasslu għal żieda fil-kapaċitajiet ta’ riżerva diġà enormi tal-produtturi Ċiniżi tal-HTYP.

(126)

B’mod aktar speċifiku u f’termini ta’ daqs, il-kapaċità ta’ riżerva tal-produtturi Ċiniżi tal-HTYP soġġetti għall-miżuri kienet ta’ bejn [1,3 – 1,5] miljun tunnellata fil-PIR, li tikkorrispondi għal madwar sitt darbiet il-konsum tal-HTYP tal-Unjoni fl-2021 u madwar 12-il darba l-volumi tal-produzzjoni tal-produtturi tal-Unjoni.

(127)

Barra minn hekk, il-kapaċità tal-produzzjoni hija proġettata li se tinżamm fil-perjodu ta’ wara l-2021 sal-2025, u tibqa’ ta’ [2 508 000-3 210 000] tunnellata.

(128)

Għalhekk, il-Kummissjoni kkonkludiet li, meta mqabblin mad-daqs tas-suq tal-Unjoni, il-produtturi Ċiniżi għandhom kapaċità żejda kbira, li x’aktarx ma tiġix assorbita mill-konsum domestiku jew mill-esportazzjonijiet lejn pajjiżi terzi oħrajn. Anke jekk sehem biss minn dawn il-kapaċitajiet jiġi orjentat bis-sħiħ lejn is-suq tal-Unjoni, jiġu esportati volumi sinifikanti lejn l-Unjoni.

(129)

Is-suq tal-Unjoni ġie kkunsidrat b’mod konsistenti miċ-Ċina fost l-aktar swieq tal-esportazzjoni attraenti, u jirrappreżenta l-ewwel destinazzjoni tal-esportazzjoni fil-PIR, irrispettivament minn jekk l-esportazzjonijiet humiex soġġetti għall-miżuri fis-seħħ bħalissa. Mhux biss l-esportazzjonijiet Ċiniżi (soġġetti għal miżuri) lejn l-Unjoni kienu kontinwament għoljin bejn l-2018 u l-PIR, u b’kollox jammontaw għal aktar minn 25 % tas-sehem mis-suq fl-Unjoni; fil-fatt, kważi rduppjaw għall-esportazzjonijiet Ċiniżi soġġetti għal miżuri bejn il-PIR tal-investigazzjoni oriġinali u l-2021. Barra minn hekk, fuq l-iskala globali, il-bejgħ fl-Unjoni kien jirrappreżenta wkoll kważi 25 % (83) tal-esportazzjonijiet Ċiniżi totali tal-HTYP.

(130)

Meta wieħed iqis individwalment il-prezzijiet f’destinazzjonijiet kbar tal-esportazzjoni għall-HTYP Ċiniżi, il-produtturi Ċiniżi naqqsu l-prezzijiet tal-esportazzjoni tagħhom lejn l-Unjoni b’aktar minn 13 % sabiex iżommu l-volum tal-esportazzjoni tagħhom stabbli fil-perjodu 2018-PIR. Mill-istatistika jirriżulta wkoll li, filwaqt li l-prezz fl-Istati Uniti (it-tieni l-akbar suq tal-esportazzjoni fil-PIR) kien f’livell simili mal-prezzijiet tal-Unjoni, il-prezz fis-suq tal-Korea kien madwar 10 % anqas mill-prezzijiet tal-esportazzjoni lejn l-Unjoni. Fl-istess ħin, il-kwantitajiet tal-esportazzjoni lejn il-Korea żdiedu b’aktar minn 50 % fil-perjodu 2018-2021. Tali mġiba hija manifestazzjoni ta’ politiki ta’ pprezzar aggressiv fis-swieq tal-esportazzjoni segwiti bl-objettiv li jiżdied l-użu tal-kapaċità.

(131)

Barra minn hekk, fl-2018, l-Indja, li kienet ir-raba’ l-akbar suq tal-esportazzjoni għal-HTYP Ċiniżi matul il-PIR, imponiet dazju anti-dumping (li għadu fis-seħħ) fuq l-importazzjonijiet tal-HTYP miċ-Ċina (84). Dawn il-miżuri ta’ rimedju kummerċjali fi swieq tal-esportazzjoni oħrajn ikomplu jżidu l-attrattività tas-suq tal-Unjoni u jinċentivaw lill-produtturi esportaturi Ċiniżi sabiex jimmiraw l-esportazzjonijiet tagħhom lejn l-Unjoni, li kieku l-miżuri anti-dumping fl-Unjoni jitħallew jiskadu.

(132)

Barra minn hekk, żewġ atturi ewlenin Ċiniżi tal-industrija tal-HTYP (85), il-kumpaniji Fujian Billion Polymerization Fiber Technology Industrial Co., Ltd. u Zhejiang Sanwei Material Technology Co., Ltd. talbu u ngħataw trattament ta’ produttur esportatur ġdid mill-Kummissjoni f’Ġunju 2022 (86), li jkompli juri kemm huwa attraenti s-suq tal-Unjoni għall-produtturi esportaturi Ċiniżi.

(133)

Għalhekk, huwa probabbli li, jekk il-miżuri jitħallew jiskadu, il-produtturi esportaturi Ċiniżi jibqgħu jinvolvu rwieħhom fi prattiki ta’ pprezzar aggressivi, sabiex iżidu s-sehem mis-suq (diġà għoli) tagħhom fl-Unjoni u jidderieġu l-kapaċità żejda sinifikanti tagħhom lejn is-suq tal-Unjoni.

(134)

L-investigazzjoni wriet li l-produtturi Ċiniżi tal-HTYP kienu qegħdin jagħmlu dumping matul il-perjodu ta’ investigazzjoni tar-rieżami.

(135)

Ġie stabbilit ukoll, b’mod konsistenti mar-rieżami ta’ skadenza tal-2017 li fiċ-Ċina teżisti kapaċità ta’ riżerva kbira meta mqabbla mad-daqs tas-suq tal-Unjoni.

(136)

Barra minn hekk, minħabba l-konsum staġnat fis-suq Ċiniż u l-attraenza kbira dejjiema tas-suq tal-Unjoni għall-produtturi esportaturi Ċiniżi, huwa probabbli li l-produtturi Ċiniżi tal-HTYP jibqgħu jidħlu fis-suq tal-Unjoni bi kwantitajiet dejjem akbar tal-HTYP bi prezzijiet oġġett ta’ dumping, fin-nuqqas tal-miżuri.

(137)

Għalhekk, il-Kummissjoni kkonkludiet li hemm probabbiltà ta’ kontinwazzjoni tad-dumping jekk jiskadu l-miżuri.

(138)

Il-prodott simili kien immanifatturat minn sitt produtturi fl-Unjoni matul il-perjodu kkunsidrat. Huma jikkostitwixxu l-“industrija tal-Unjoni” skont it-tifsira tal-Artikolu 4(1) tar-Regolament bażiku.

(139)

Il-produzzjoni totali tal-Unjoni matul il-perjodu ta’ investigazzjoni tar-rieżami kienet stabbilita għal madwar 117 000 tunnellata. Il-Kummissjoni stabbiliet iċ-ċifra fuq il-bażi tal-informazzjoni kollha disponibbli dwar l-industrija tal-Unjoni, bħaċ-ċifri pprovduti mill-produtturi tal-Unjoni. Kif indikat fil-premessa (24), intgħażlu tliet produtturi tal-Unjoni fil-kampjun li jirrappreżentaw aktar minn 50 % tal-produzzjoni totali tal-Unjoni tal-prodott simili.

(140)

Il-Kummissjoni stabbiliet il-konsum tal-Unjoni fuq il-bażi tal-volum tal-bejgħ tal-industrija tal-Unjoni fis-suq tal-Unjoni, flimkien mal-volum tal-importazzjonijiet kollha tal-HTYP. Minħabba li l-importazzjonijiet tal-HTYP miċ-Ċina kienu soġġetti għal miżuri matul il-perjodu kkunsidrat, il-Kummissjoni użat l-istatistika miġbura skont l-Artikolu 14(6) (87) tar-Regolament bażiku (“il-bażi tad-data tal-Artikolu 14(6)”) sabiex tistabbilixxi l-volum u l-prezzijiet medji tal-importazzjonijiet minn dan il-pajjiż matul il-perjodu kkunsidrat, peress li kien fiha biżżejjed informazzjoni ddettaljata fil-livell ta’ kodiċi TARIC b’10 ċifri u b’kodiċijiet addizzjonali TARIC għal kull kumpanija.

(141)

Il-konsum tal-Unjoni żviluppa kif ġej:

Tabella 1

Konsum tal-Unjoni (tunnellati)

(142)

Il-konsum tas-suq ħieles tal-Unjoni fil-perjodu kkunsidrat l-ewwel naqas b’6 punti perċentwali mill-2018 sal-2019, segwit minn tnaqqis qawwi ta’ 10 punti perċentwali minħabba l-Covid fl-2020. Madankollu, il-konsum imbagħad irkupra u fil-PIR kien punt perċentwali ogħla milli kien fl-2018.

(143)

Il-Kummissjoni stabbiliet il-volum tal-importazzjonijiet kif ukoll is-sehem mis-suq tal-importazzjonijiet abbażi tal-istatistika dwar l-importazzjonijiet mill-pajjiż ikkonċernat tal-bażi tad-data tal-Artikolu 14(6) li tipprovdi data għal kull kodiċi TARIC b’10 ċifri u għal kull produttur esportatur (kodiċi addizzjonali TARIC).

(144)

L-importazzjonijiet fl-Unjoni mill-pajjiż ikkonċernat żviluppaw kif ġej għall-esportaturi li bħalissa huma soġġetti għal dazji:

Tabella 2

Volum tal-importazzjonijiet (tunnellati) u sehem mis-suq

(145)

L-esportaturi Ċiniżi li bħalissa huma soġġetti għad-dazji taħt rieżami żiedu l-volum tal-esportazzjoni tagħhom matul il-perjodu kkunsidrat bi 17 %. It-tnaqqis temporanju fil-volum tal-esportazzjoni fl-2020 huwa marbut mal-konsum aktar baxx f’dik is-sena. Madankollu, dawn l-esportaturi rnexxielhom jestendu ulterjorment is-sehem mis-suq tagħhom matul il-perjodu kkonċernat b’4 punti perċentwali. It-tnaqqis żgħir fis-sehem mis-suq mill-2020 sal-PIR jista’ jiġi spjegat min-nuqqas ta’ kontejners tat-trasport għat-trasport miċ-Ċina u ż-żieda qawwija konnessa fil-kostijiet tat-trasport għal dan it-trasport.

(146)

Fin-nuqqas ta’ kooperazzjoni tal-produtturi esportaturi fir-rieżami ta’ skadenza, il-Kummissjoni stabbiliet il-prezzijiet tal-importazzjonijiet abbażi tal-istatistika dwar l-importazzjonijiet tal-bażi tad-data tal-Artikolu 14(6). It-twaqqigħ tal-prezz tal-importazzjonijiet ġie stabbilit fuq il-bażi tat-tqabbil taċ-ċifri fil-bażi tad-data tal-Artikolu 14(6) mal-prezzijiet verifikati tal-produtturi tal-Unjoni inklużi fil-kampjun.

(147)

Il-prezz medju ponderat tal-importazzjonijiet fl-Unjoni mill-pajjiż ikkonċernat żviluppa kif ġej għall-esportaturi li bħalissa huma soġġetti għal dazji kif ukoll b’kollox għall-esportaturi kollha:

Tabella 3

Prezzijiet tal-importazzjonijiet (EUR/tunnellata)

(148)

Il-prezz tal-importazzjoni tal-esportaturi Ċiniżi li bħalissa huma soġġetti għal dazji kien volatili, u naqas bi 28 % għal prezz ta’ EUR 1 195/tunnellata fl-2020 u mbagħad żdied bi 15-il punt perċentwali fil-PIR. Minkejja l-irkupru tal-prezzijiet fil-PIR għal EUR 1 440/tunnellata, dan xorta juri tnaqqis ġenerali ta’ 13 % matul il-perjodu kkunsidrat. Filwaqt li x-xejra ġenerali ta’ tnaqqis fil-prezzijiet hija marbuta mal-istrateġija tal-kisba tal-ishma mis-suq, iż-żieda fil-PIR kienet ikkawżata minn żieda fil-kostijiet tat-trasport u minn domanda għolja fil-PIR.

(149)

Il-Kummissjoni ddeterminat it-twaqqigħ tal-prezz matul il-PIR billi qabblet:

(150)

Barra minn hekk, l-industrija tal-Unjoni ma setgħetx tgħolli l-prezzijiet tagħha ’l fuq mil-livell tal-kost tal-produzzjoni tagħha minħabba l-pressjoni fuq il-prezzijiet mill-produtturi esportaturi Ċiniżi, li l-prezzijiet tagħhom baqgħu taħt il-kost tal-produzzjoni tal-industrija tal-Unjoni matul il-perjodu kollu kkonċernat

(151)

F’konformità mal-Artikolu 3(5) tar-Regolament bażiku, il-valutazzjoni tas-sitwazzjoni ekonomika tal-industrija tal-Unjoni kienet tinkludi evalwazzjoni tal-indikaturi ekonomiċi kollha li kellhom effett fuq l-istat tal-industrija tal-Unjoni matul il-perjodu kkunsidrat.

(152)

Kif imsemmi fil-premessa (24), il-kampjunar intuża għall-valutazzjoni tas-sitwazzjoni ekonomika tal-industrija tal-Unjoni.

(153)

Sabiex tiddetermina d-dannu, il-Kummissjoni għamlet distinzjoni bejn l-indikaturi tad-dannu makroekonomiċi u dawk mikroekonomiċi. Il-Kummissjoni evalwat l-indikaturi makroekonomiċi fuq il-bażi tad-data verifikata pprovduta mill-industrija tal-Unjoni u t-tweġibiet verifikati għall-kwestjonarju tal-produtturi tal-Unjoni inklużi fil-kampjun. Id-data kienet relatata mal-produtturi kollha tal-Unjoni. Il-Kummissjoni evalwat l-indikaturi mikroekonomiċi abbażi tad-data inkluża fit-tweġibiet għall-kwestjonarju mill-produtturi tal-Unjoni inklużi fil-kampjun. Id-data kienet relatata mal-produtturi tal-Unjoni inklużi fil-kampjun. Iż-żewġ settijiet ta’ data nstabu li kienu rappreżentattivi tas-sitwazzjoni ekonomika tal-industrija tal-Unjoni.

(154)

L-indikaturi makroekonomiċi huma: il-produzzjoni, il-kapaċità tal-produzzjoni, l-użu tal-kapaċità, il-volum tal-bejgħ, is-sehem mis-suq, it-tkabbir, l-impjiegi, il-produttività, id-daqs tal-marġni tad-dumping u l-irkupru minn dumping tal-passat.

(155)

L-indikaturi mikroekonomiċi huma: l-prezzijiet medji tal-bejgħ, il-kost unitarju, il-kostijiet lavorattivi, l-inventarji, il-profittabilità, il-fluss ta’ flus, l-investimenti, ir-redditu fuq l-investimenti, u l-kapaċità li jiġi ġġenerat il-kapital.

(156)

Il-produzzjoni totali tal-Unjoni, il-kapaċità tal-produzzjoni u l-użu tal-kapaċità żviluppaw kif ġej matul il-perjodu kkunsidrat:

Tabella 4

Produzzjoni, kapaċità tal-produzzjoni u użu tal-kapaċità

(157)

Il-volum tal-produzzjoni l-ewwel naqas b’14 % mill-2018 sal-2020 u mbagħad żdied b’25 punt perċentwali mill-2020 sal-PIR, li juri żieda ġenerali ta’ 11 % matul il-perjodu kkunsidrat. L-użu tal-kapaċità naqas bi 17 % mill-2018 sal-2020, iżda żdied kumplessivament bi 8 % matul il-perjodu kkunsidrat.

(158)

Il-volum tal-bejgħ u s-sehem mis-suq tal-industrija tal-Unjoni żviluppaw kif ġej matul il-perjodu kkunsidrat:

Tabella 5

Volum tal-bejgħ u sehem mis-suq (tunnellati)

(159)

Il-volum totali ta’ bejgħ tal-industrija tal-Unjoni fis-suq tal-Unjoni naqas b’5 % matul il-perjodu kkunsidrat. Is-sehem mis-suq tal-industrija tal-Unjoni naqas b’2 punti perċentwali matul il-perjodu kkunsidrat. Is-sehem mis-suq juri xejra ta’ tnaqqis matul il-perjodu kkunsidrat, interrotta minn xejra ’l fuq fl-2020, li tista’ tiġi spjegata mill-pandemija tal-COVID u min-nuqqas ta’ kontejners fl-2020, li għamlu l-konsenji mill-pajjiżi tal-Asja tal-Lvant aktar diffiċli.

(160)

Bejn l-2018 u l-PIR, il-konsum tas-suq ħieles tal-Unjoni żdied b’1 %. Il-volum ta’ bejgħ tal-industrija tal-Unjoni naqas b’5 %, li sarraf f’telf ta’ 2 punti perċentwali fis-sehem mis-suq matul il-perjodu kkunsidrat.

(161)

L-impjiegi u l-produttività żviluppaw kif ġej matul il-perjodu kkunsidrat:

Tabella 6

Impjiegi u produttività

(162)

Minħabba l-irkupru tad-domanda fil-PIR, l-impjiegi tal-industrija tal-Unjoni żdiedu b’1 % matul il-perjodu kkunsidrat, minkejja li wrew xejra negattiva mill-2018 sal-2020. Bl-istess mod, il-produttività naqset ukoll mill-2018 sal-2020. Madankollu, għall-perjodu kollu kkunsidrat, il-produttività turi żieda.

(163)

Il-marġinijiet kollha tad-dumping kienu ogħla mil-livell de minimis. L-impatt tad-daqs tal-marġnijiet reali tad-dumping fuq l-industrija tal-Unjoni kien sostanzjali, fid-dawl tal-volum u tal-prezzijiet tal-importazzjonijiet mill-esportaturi Ċiniżi li bħalissa huma soġġetti għad-dazji.

(164)

L-ipprezzar inġust kontinwu mill-esportaturi miċ-Ċina, li bħalissa huma soġġetti għad-dazji, għamilha impossibbli wkoll li l-industrija tal-Unjoni tirkupra mill-prattiki ta’ dumping tal-passat. Bi prezz medju ta’ EUR 1 440/tunnellata, il-prezz tagħhom kien ukoll 31 % anqas mill-prezz tal-importazzjoni mill-Korea t’Isfel, 6 % anqas mill-prezz tal-importazzjoni mill-Vjetnam u 21 % anqas mill-prezz tal-importazzjoni mit-Tajwan.

(165)

Il-prezzijiet medji ponderati tal-bejgħ ta’ unità tal-produtturi tal-Unjoni inklużi fil-kampjun lil klijenti mhux relatati fl-Unjoni żviluppaw kif ġej matul il-perjodu kkunsidrat:

Tabella 7

Prezzijiet tal-bejgħ u kost tal-produzzjoni fl-Unjoni (EUR/tunnellata)

(166)

Il-prezz medju tal-bejgħ ta’ unità tal-industrija tal-Unjoni lil klijenti mhux relatati fl-Unjoni naqas b’16 % mill-2018 għall-2020 u rkupra biss parzjalment 12-il punt perċentwali fil-PIR u laħaq l-EUR 1 957/tunnellata. It-tnaqqis fil-prezz tal-bejgħ huwa marbut l-aktar mal-pressjoni fuq l-ipprezzar mill-esportazzjonijiet Ċiniżi. Barra minn hekk, fl-2019 u fl-2020, it-tnaqqis globali fir-ritmu ekonomiku kien qiegħed jaffettwa l-prezzijiet tal-materja prima u, bħala konsegwenza, tar-raden tal-poliester industrijali, l-isfel.

(167)

Il-kost tal-produzzjoni żviluppa f’xejra simili, parzjalment minħabba t-tnaqqis fil-prezzijiet tal-materja prima matul it-tnaqqis fir-ritmu ekonomiku globali fl-2019 u fl-2020 u parzjalment minħabba r-razzjonalizzazzjonijiet bħat-tnaqqis tal-persunal matul dawn is-snin. Fl-2019 u fl-2020, il-Kost unitarju naqas b’punt perċentwali u bi 13-il punt perċentwali, rispettivament. Madankollu, il-prezzijiet naqsu b’rata ogħla ta’ 16-il punt perċentwali matul dawn is-sentejn. Dan juri li l-industrija tal-Unjoni ma setgħetx tibbenefika minn dan it-tnaqqis fil-kostijiet. Fil-PIR, il-kostijiet unitarji żdiedu b’9 punti perċentwali filwaqt li l-prezz tal-bejgħ żdied bi 12-il punt perċentwali. Madankollu, meta mqabblin mal-bidu tal-perjodu kkunsidrat, il-prezzijiet naqsu kważi bl-istess perċentwal bħall-kostijiet unitarji, u dan juri li l-prezzijiet kienu mrażżnin. L-industrija tal-Unjoni ma setgħetx tibbenefika mit-tnaqqis fil-kostijiet, ma setgħetx tgħolli l-prezzijiet, u lanqas biss setgħet iżżomm il-prezzijiet fil-livell oriġinali tagħhom.

(168)

Il-kostijiet lavorattivi medji tal-produtturi tal-Unjoni inklużi fil-kampjun żviluppaw kif ġej matul il-perjodu kkunsidrat:

Tabella 8

Kostijiet lavorattivi medji għal kull impjegat

(169)

Il-kostijiet lavorattivi medji għal kull impjegat baqgħu jiżdiedu bla heda, b’7 %, matul il-perjodu kkunsidrat. Din ix-xejra ġiet interrotta biss fl-2020, parzjalment minħabba r-razzjonalizzazzjonijiet u parzjalment minħabba miżuri speċifiċi għall-pandemija tal-COVID bħal xogħol b’ħinijiet aqsar.

(170)

Il-livelli tal-istokks tal-produtturi tal-Unjoni inklużi fil-kampjun żviluppaw kif ġej matul il-perjodu kkunsidrat:

Tabella 9

Inventarji

(171)

Il-livell ta’ stokks tal-għeluq tal-produtturi tal-Unjoni inklużi fil-kampjun naqas b’9 % matul il-perjodu kkunsidrat. Fil-PIR, il-livell tal-istokks irrappreżenta madwar 12 % tal-produzzjoni tagħhom.

(172)

Il-profittabilità, il-fluss ta’ flus, l-investimenti u r-redditu fuq l-investimenti tal-produtturi tal-Unjoni inklużi fil-kampjun żviluppaw kif ġej matul il-perjodu kkunsidrat:

Tabella 10

Profittabilità, fluss ta’ flus, investimenti u redditu fuq l-investimenti

(173)

Il-Kummissjoni stabbiliet il-profittabilità tal-produtturi tal-Unjoni inklużi fil-kampjun billi esprimiet il-profitt nett qabel it-taxxa tal-bejgħ tal-prodott simili lil klijenti mhux relatati fl-Unjoni bħala perċentwal tal-fatturat ta’ dak il-bejgħ. Il-profittabilità tal-industrija tal-Unjoni kienet negattiva matul il-perjodu kkunsidrat. Bdiet b’-10 % fl-2018 u estendiet it-telf sal-2020 b’-17 %. Fil-PIR, setgħet titjieb ftit għal -8 % minħabba domanda għolja.

(174)

Il-fluss ta’ flus nett huwa l-kapaċità tal-produtturi tal-Unjoni li jiffinanzjaw l-attivitajiet tagħhom stess. Ix-xejra fil-flussi ta’ flus netti kienet negattiva matul il-perjodu kkunsidrat. Filwaqt li tjiebet gradwalment mill-2018 sal-2020, reġgħet naqset fil-PIR. Filwaqt li l-fluss ta’ flus wera titjib ta’ 40 % matul il-perjodu kkunsidrat, dan baqa’ negattiv. Konsegwentement, it-titjib fil-fluss ta’ flus ma jindikax stabbilizzazzjoni tas-sitwazzjoni finanzjarja tal-industrija tal-Unjoni peress li għadu negattiv.

(175)

L-investimenti naqsu b’65 % matul il-perjodu kkunsidrat. Investimenti relatati mat-titjib fil-konformità fir-rigward tar-rekwiżiti tas-saħħa, tas-sikurezza u ambjentali, żieda fil-kapaċità u l-effettività tal-impjanti tal-produzzjoni. Filwaqt li fl-2018, l-investimenti f’żieda fil-kapaċità kienu possibbli, fis-snin ta’ wara dawn ma baqgħux possibbli.

(176)

Ir-redditu fuq l-investimenti huwa l-profitt f’perċentwal tal-valur kontabilistiku nett tal-investimenti. Ir-redditu fuq l-investiment mill-produzzjoni u mill-bejgħ tal-prodott simili segwa xejra simili bħall-profittabilità. Naqas mill-2018 għall-2020 u mbagħad fil-PIR reġa’ lura għal livell eqreb għal dak tal-2018. Baqa’ negattiv matul il-perjodu kkunsidrat kollu. Konsegwentement, ir-redditu fuq l-investiment jindika sitwazzjoni finanzjarja negattiva tal-industrija tal-Unjoni matul il-perjodu kollu kkunsidrat.

(177)

Fuq livell makro, l-investigazzjoni wriet li s-sitwazzjoni tal-industrija tal-Unjoni ma tjibitx u saħansitra ż-żieda fid-domanda fil-PIR ma wasslitx għal aktar bejgħ fis-suq tal-UE milli kien isir fil-bidu tal-perjodu kkunsidrat. Minkejja l-investimenti f’żieda fil-kapaċità, l-Unjoni lanqas biss kienet kapaċi żżomm is-sehem mis-suq tagħha.

(178)

L-investigazzjoni wriet ukoll li s-sitwazzjoni tal-industrija fuq livell mikro ma kinitx qiegħda tilħaq livell sostenibbli u l-industrija ġarrbet telf fis-snin kollha tal-perjodu kkunsidrat, anke fil-PIR li fih id-domanda kienet irkuprat. Għalhekk, is-sitwazzjoni ekonomika tal-industrija tal-Unjoni kienet qiegħda ġġarrab dannu minkejja l-eżistenza ta’ miżuri anti-dumping fil-livelli kurrenti fuq l-importazzjonijiet tal-prodott soġġett għal rieżami mill-esportaturi Ċiniżi li bħalissa huma soġġetti għad-dazji.

(179)

Il-volumi importati tal-esportaturi Ċiniżi li bħalissa huma soġġetti għad-dazji matul il-perjodu kkunsidrat żdiedu bi 17 % filwaqt li l-prezz tagħhom kompla jonqos bi 13 %.

(180)

Fuq il-bażi ta’ dak li ntqal hawn fuq, il-Kummissjoni kkonkludiet li l-industrija tal-Unjoni kompliet iġġarrab dannu materjali skont it-tifsira tal-Artikolu 3(5) tar-Regolament bażiku matul il-perjodu ta’ investigazzjoni tar-rieżami.

(181)

Matul il-perjodu kollu kkunsidrat, l-esportazzjonijiet tal-esportaturi Ċiniżi li bħalissa huma soġġetti għad-dazji rrappreżentaw sehem sostanzjali mill-importazzjonijiet fl-UE. Dawn saħansitra żiedu s-sehem mis-suq tagħhom b’4 punti perċentwali minn 27 % għal 31 %. Il-livell ta’ prezzijiet tal-esportazzjonijiet tagħhom naqas bi 13 % matul il-perjodu kkunsidrat: matul il-PIR, b’EUR 1 440/tunnellata waqqgħu l-prezz tal-industriji tal-Unjoni b’26 %. B’hekk, l-esportaturi Ċiniżi li bħalissa huma soġġetti għad-dazji rażżnu l-livell tal-prezzijiet għall-industrija tal-Unjoni, u kkontribwew għal sitwazzjoni ta’ telf kontinwu matul il-perjodu kkunsidrat għall-industrija tal-Unjoni. Kien hemm koinċidenza ċara fiż-żmien bejn il-pressjoni fuq il-prezzijiet ta’ dawn l-importazzjonijiet li jirrappreżentaw sehem importanti mis-suq ta’ 31 % u d-dannu tal-industrija tal-Unjoni. Għalhekk, minħabba l-volum sinifikanti u l-pressjoni fuq il-prezzijiet eżerċitata minn dawn l-esportazzjonijiet, kien hemm relazzjoni ġenwina u sostanzjali ta’ kawża u effett bejn l-importazzjonijiet tal-HTYP miċ-Ċina li kienu soġġetti għad-dazji anti-dumping u d-dannu mġarrab mill-industrija tal-Unjoni.

(182)

Fl-2021, Hangzhou Huachun Chemical Fiber ma baqgħetx teżisti. L-esportazzjonijiet tagħha naqsu b’99 % matul il-perjodu kkunsidrat u kienu negliġibbli (anqas minn 0,01 % tas-sehem mis-suq tal-Unjoni) fil-PIR. Barra minn hekk, il-prezz tal-esportazzjoni kien ogħla b’mod sinifikanti mill-prezz tal-industrija tal-Unjoni, kif ukoll ogħla mill-kost tal-produzzjoni tal-industrija tal-Unjoni. Għalhekk, dawn l-esportazzjonijiet ma kkontribwewx għad-dannu fil-PIR.

(183)

L-importazzjonijiet ta’ Hailide fl-Unjoni mill-pajjiż ikkonċernat żviluppaw kif ġej:

Tabella 11

Volum tal-importazzjonijiet (tunnellati) u sehem mis-suq

(184)

Il-prezz medju ponderat tal-importazzjonijiet ta’ Hailide fl-Unjoni żviluppa kif ġej:

Tabella 12

Prezzijiet tal-importazzjonijiet (EUR/tunnellata)

(185)

Billi żamm volum għoli ta’ esportazzjoni lejn l-Unjoni Ewropea matul il-perjodu kkunsidrat li fil-PIR jirrappreżenta sehem mis-suq ta’ [18 % – 23 %], bi prezzijiet taħt il-prezzijiet tal-industrija tal-Unjoni, Hailide kkontribwixxa għad-dannu tal-industrija tal-Unjoni. Hailide kien ibigħ bl-EUR [1 500 – 1 600]/tunnellata fil-perjodu ta’ investigazzjoni tar-rieżami, u wera tnaqqis ġenerali fil-prezz ta’ 9 % matul il-perjodu kkunsidrat.

(186)

Madankollu, dawn l-importazzjonijiet ma naqqsux ir-rabta li nstabet bejn l-importazzjonijiet li huma l-oġġett ta’ dumping mill-esportaturi li bħalissa huma soġġetti għad-dazji u d-dannu materjali mġarrab mill-industrija tal-Unjoni b’tali mod li din ir-rabta ma tistax tibqa’ tiġi kkaratterizzata bħala relazzjoni ġenwina u sostanzjali ta’ kawża u effett. L-esportazzjonijiet tal-esportaturi li bħalissa huma soġġetti għad-dazji kienu jirrappreżentaw sehem mis-suq ta’ [29 % - 34 %] fis-suq tal-Unjoni matul il-PIR. Dan is-sehem għoli tas-suq, flimkien mal-prezzijiet baxxi, tant għandu piż importanti fuq is-suq, li eżerċita pressjoni sinifikanti indipendenti fuq il-prezzijiet fuq l-industrija tal-Unjoni.

(187)

Għaldaqstant, l-effetti tal-esportazzjonijiet minn Hailide, anke jekk dawn ikkontribwew għad-dannu, ma naqqsux b’mod materjali l-importanza relattiva tal-importazzjonijiet li huma l-oġġett ta’ dumping tal-esportaturi li bħalissa huma soġġetti għad-dazji fit-tkomplija tad-dannu.

(188)

L-importazzjonijiet fl-Unjoni tal-HTYP minn pajjiżi terzi għajr iċ-Ċina kienu prinċipalment mill-Korea t’Isfel, mill-Vjetnam u mit-Tajwan.

(189)

Il-volum (aggregat) tal-importazzjonijiet fl-Unjoni, kif ukoll is-sehem mis-suq u x-xejriet fil-prezzijiet għall-importazzjonijiet tal-HTYP minn pajjiżi terzi oħrajn żviluppaw kif ġej:

Tabella 13

Importazzjonijiet minn pajjiżi terzi

(190)

Fil-PIR, ġew importati 46 137 tunnellata tal-HTYP minn pajjiżi terzi minbarra ċ-Ċina - dan il-volum jirrappreżenta 20 % tas-suq tal-Unjoni. B’kollox, is-sehem mis-suq tagħhom naqas mill-2018 għall-2020 minn 18 % għal 13 % u mbagħad żdied għal 20 % fil-PIR. Dan isegwi x-xejra tal-konsum tal-UE, iżda b’mod aktar evidenti. Il-prezz medju tal-importazzjoni minn pajjiżi terzi minbarra ċ-Ċina żdied fl-2019 b’5 %, imbagħad naqas bi 8 punti perċentwali fl-2020 u kompla jonqos b’6 punti perċentwali fil-PIR. Dawn l-importazzjonijiet joriġinaw prinċipalment mill-Korea t’Isfel (7 % tas-Suq tal-Unjoni), mill-Vjetnam (5 % tas-suq tal-Unjoni) u mit-Tajwan (3 % tas-suq tal-Unjoni). Minħabba l-fatt li dawn il-pajjiżi kollha jinsabu fl-Asja tal-Lvant, dawn kienu affettwati min-nuqqas ta’ kontejners tal-merkanzija u mill-kostijiet għoljin tat-trasport bil-baħar li rriżultaw, li jispjega kif fl-2020 is-sehem mis-suq ta’ dawn il-pajjiżi terzi naqas.

(191)

L-importazzjonijiet mill-pajjiżi terzi kollha flimkien żiedu s-sehem mis-suq tagħhom fis-suq tal-Unjoni b’2 punti perċentwali. Madankollu, il-prezz medju tal-importazzjonijiet kollha ta’ pajjiżi terzi fil-PIR, iżda wkoll fis-snin preċedenti kollha tal-perjodu kkunsidrat kien sostanzjalment ogħla mill-prezz medju tal-bejgħ tal-UE. Għalhekk, il-pajjiżi terzi kollha flimkien ma kkontribwewx għad-dannu tal-Industrija tal-Unjoni. Għalhekk, il-Kummissjoni analizzat jekk l-importazzjonijiet minn pajjiż terz speċifiku kkontribwewx għad-dannu tal-industrija tal-Unjoni.

(192)

L-importazzjonijiet mill-Korea t’Isfel segwew ix-xejra tal-konsum tal-UE b’mod aktar aċċentwat, bi tnaqqis mill-2018 sal-2020 u fil-PIR irkupraw flimkien ’il fuq mil-livell tal-2018. Is-sehem mis-suq naqas gradwalment mill-2018 sal-2020 minn 7 % għal 5 % u mbagħad irkupra għal 7 % fil-PIR. Il-livell tal-prezzijiet tal-importazzjonijiet mill-Korea t’Isfel żdied gradwalment matul il-perjodu kkonċernat, bl-eċċezzjoni tal-2020, li turi tnaqqis fil-prezzijiet li jista’ jkun marbut mad-domanda baxxa f’dik is-sena.

(193)

Il-livell tal-prezz tal-importazzjonijiet mill-Korea t’Isfel matul il-PIR kif ukoll fis-sentejn preċedenti kien ogħla mill-prezz tal-bejgħ tal-industrija tal-Unjoni. Minħabba l-livell ogħla tal-prezzijiet, il-Kummissjoni kkonkludiet li l-importazzjonijiet mill-Korea t’Isfel ma kkontribwewx għad-dannu.

(194)

L-importazzjonijiet mill-Vjetnam kienu f’livell baxx ħafna mill-2018 sal-2020 u kienu jirrappreżentaw sehem mis-suq b’mod ċar anqas minn 1 % f’dak il-perjodu, u żdiedu fil-PIR għal kwantità li tirrappreżenta 5 % tas-sehem mis-suq tal-Unjoni. Dan ħabat ma’ tnaqqis fil-prezz minn livelli ogħla mill-prezz medju tal-bejgħ tal-Industrija tal-Unjoni għal prezz ta’ EUR 1 537/tunnellata fil-PIR, li huwa sostanzjalment aktar baxx mill-prezz tal-bejgħ tal-Industrija tal-Unjoni.

(195)

Madankollu, l-importazzjonijiet lejn l-UE mill-esportaturi Ċiniżi li bħalissa huma soġġetti għad-dazji fil-PIR kienu sostanzjalment ogħla. Kienu jammontaw għal [69 000 - 74 000] tunnellata, filwaqt li l-importazzjonijiet mill-Vjetnam ammontaw biss għal 12 231 tunnellata, u b’hekk irrappreżentaw biss sehem żgħir mill-importazzjonijiet lejn l-UE miċ-Ċina.

(196)

Għalhekk, il-Kummissjoni kkonkludiet li filwaqt li l-importazzjonijiet mill-Vjetnam setgħu kkontribwew għad-dannu tal-industrija tal-Unjoni, dawn ma jnaqqsux il-kawżalità peress li l-volum tal-importazzjonijiet mill-Vjetnam jirrappreżenta biss frazzjoni żgħira tal-esportazzjonijiet mill-esportaturi Ċiniżi li bħalissa huma soġġetti għad-dazji lejn l-Unjoni u ma għandhomx piż komparabbli sabiex jagħmlu pressjoni fuq l-industrija tal-Unjoni.

(197)

L-importazzjonijiet mit-Tajwan kienu jirrappreżentaw sehem mis-suq ta’ 3 % fil-bidu tal-perjodu kkunsidrat kif ukoll fil-PIR. Filwaqt li l-prezz tal-importazzjoni ta’ EUR 1 816-il/tunnellata fil-PIR kien kemxejn aktar baxx mill-prezz tal-bejgħ tal-Industrija tal-Unjoni, dan kien sostanzjalment ogħla mill-prezz ta’ EUR 1 440/tunnellata tal-esportaturi Ċiniżi li bħalissa huma soġġetti għad-dazji.

(198)

Għalhekk, il-Kummissjoni kkonkludiet li filwaqt li l-importazzjonijiet mit-Tajwan setgħu kkontribwew għad-dannu tal-Industrija tal-Unjoni, dawn ma jnaqqsux il-kawżalità billi l-volum tal-importazzjonijiet mit-Tajwan jirrappreżenta biss frazzjoni tal-importazzjonijiet mill-esportaturi Ċiniżi li bħalissa huma soġġetti għad-dazji, il-prezz tagħhom kien sostanzjalment ogħla mill-prezz għall-importazzjonijiet mill-esportaturi Ċiniżi li bħalissa huma soġġetti għad-dazji u ma għandhomx piż komparabbli biex jagħmlu pressjoni fuq l-industrija tal-Unjoni.

(199)

Meta jitqiesu flimkien mal-importazzjonijiet minn Hailide, l-importazzjonijiet mit-Tajwan u mill-Vjetnam ma naqqsux ir-rabta misjuba bejn l-importazzjonijiet li huma l-oġġett ta’ dumping minn produtturi esportaturi soġġetti għad-dazji u d-dannu mġarrab mill-industrija tal-Unjoni b’tali mod li din ir-rabta ma tistax tiġi kkaratterizzata bħala relazzjoni ġenwina u sostanzjali ta’ kawża u effett. L-esportazzjonijiet tal-produtturi esportaturi soġġetti għad-dazji kienu jirrappreżentaw sehem mis-suq ta’ [29 % - 34 %] fis-suq tal-Unjoni matul il-PIR u, bħala medja, kienu sostanzjalment anqas mill-kostijiet tal-produzzjoni tal-industrija tal-Unjoni. Meta wieħed iqis dan id-daqs u l-pressjoni fuq il-prezzijiet li tirriżulta, l-importazzjonijiet mit-Tajwan, mill-Vjetnam u minn Hailide ma naqqsux b’mod materjali l-importanza relattiva tal-importazzjonijiet li huma l-oġġett ta’ dumping mill-produtturi esportaturi soġġetti għad-dazju li kkawżaw id-dannu.

(200)

Matul il-perjodu kkunsidrat l-volum tal-esportazzjonijiet tal-produtturi tal-Unjoni inklużi fil-kampjun żviluppa kif ġej:

Tabella 14

Prestazzjoni tal-esportazzjoni tal-produtturi tal-Unjoni inklużi fil-kampjun

(201)

Filwaqt li l-volumi tal-esportazzjoni matul il-perjodu kkunsidrat segwew xejra simili għall-bejgħ fis-suq tal-Unjoni, fil-PIR, il-volumi kienu biss 2 % taħt iċ-ċifri tal-2018 u rkupraw aktar bis-saħħa tal-bejgħ fis-suq tal-Unjoni, li kien għadu 5 % taħt il-volumi tal-2018.

(202)

Il-prezz medju għall-esportazzjonijiet f’kull sena kien ogħla b’mod ċar mill-prezz tal-bejgħ fis-suq tal-UE, fil-PIR kien aktar minn 10 % ogħla. Il-prezz medju għall-esportazzjonijiet segwa xejra simili għall-prezzijiet fis-suq tal-UE. Madankollu, filwaqt li fl-2020 il-prezz tal-esportazzjoni naqas aktar bis-saħħa, fil-PIR dan irkupra aktar malajr mill-prezzijiet fis-suq tal-UE, u laħaq livell 3 % ogħla mill-prezz medju tal-2018, filwaqt li l-prezz tal-bejgħ fis-suq tal-UE fil-PIR kien għadu 4 % anqas mill-prezz tal-2018.

(203)

It-tqabbil juri li l-produtturi tal-Unjoni huma impenjati bis-sħiħ favur is-suq tal-Unjoni, filwaqt li jistgħu jilħqu prezzijiet ogħla għall-bejgħ għall-esportazzjoni.

(204)

Għalhekk, il-Kummissjoni kkonkludiet li l-prestazzjoni tal-esportazzjoni tal-industrija tal-Unjoni ma kkontribwietx għad-dannu, iżda għall-kuntrarju kkontribwiet sabiex tillimita t-telf.

(205)

Il-konsum ristrett tal-industrija tal-Unjoni żdied sostanzjalment fil-PIR. Matul il-perjodu kkunsidrat żdied b’39 %. Madankollu, id-deċiżjoni li jiżdied il-konsum ristrett sabiex jinbiegħu prodotti downstream f’livell ogħla ta’ manifattura, ma hijiex riżultat dirett ta’ nuqqas ta’ kapaċità ta’ lħuq ta’ prezz tas-suq ġust fis-suq ħieles għall-HTYP minħabba l-pressjoni fuq l-ipprezzar mill-importazzjonijiet li huma l-oġġett ta’ dumping. Għalhekk, il-Kummissjoni kkonkludiet li dan ma huwiex fattur li jikkontribwixxi għad-dannu.

(206)

Bħala reazzjoni għal sottomissjoni tal-applikant dwar l-iżviluppi ta’ wara l-PIR, diversi utenti flimkien ma’ assoċjazzjoni tal-utenti affermaw li l-kriżi taż-żieda fil-kostijiet tal-enerġija u tal-inflazzjoni tkisser il-kawżalità bejn l-importazzjonijiet tal-HTYP miċ-Ċina u d-dannu mġarrab mill-industrija tal-Unjoni. Madankollu, hekk kif issottometta l-applikant, il-kostijiet tal-enerġija u l-inflazzjoni dejjem ogħla seħħew wara l-PIR. L-utenti ma spjegawx li seħħ xi żvilupp bħal dan matul il-PIR. Għalhekk, il-Kummissjoni rrifjutat dan l-argument.

(207)

Kien hemm koinċidenza ċara fiż-żmien bejn l-esportazzjonijiet sostanzjali miċ-Ċina tal-esportaturi li bħalissa huma soġġetti għad-dazji u d-deterjorament tas-sitwazzjoni tal-industrija tal-Unjoni.

(208)

Il-Kummissjoni investigat ukoll fatturi oħrajn ta’ dannu u ma sabet l-ebda fattur ieħor li jnaqqas il-kawżalità bejn dawn l-esportazzjonijiet miċ-Ċina u d-dannu materjali mġarrab mill-industrija tal-Unjoni.

(209)

Fuq il-bażi ta’ dan ta’ hawn fuq, il-Kummissjoni kkonkludiet li l-esportazzjonijiet li huma l-oġġett ta’ dumping mill-esportaturi Ċiniżi li bħalissa huma soġġetti għad-dazji kkontribwew materjalment għad-dannu tal-industrija tal-Unjoni u li l-ebda fattur ieħor, ikkunsidrat individwalment jew kollettivament, ma jnaqqas il-kawżalità bejn l-esportazzjonijiet li huma l-oġġett ta’ dumping tal-esportaturi Ċiniżi li bħalissa huma soġġetti għad-dazji u d-dannu mġarrab mill-industrija tal-Unjoni.

(210)

Il-Kummissjoni kkonkludiet fil-premessa (180) li l-industrija tal-Unjoni ġarrbet dannu materjali matul il-perjodu ta’ investigazzjoni tar-rieżami. Għalhekk, il-Kummissjoni vvalutat, f’konformità mal-Artikolu 11(2) tar-Regolament bażiku, jekk ikunx hemm probabbiltà ta’ kontinwazzjoni ta’ dannu kkawżata mill-importazzjonijiet li huma l-oġġett ta’ dumping miċ-Ċina f’każ li l-miżuri jitħallew jiskadu.

(211)

F’dan ir-rigward, ġew analizzati l-elementi li ġejjin mill-Kummissjoni: il-kapaċità ta’ produzzjoni u l-kapaċità ta’ riżerva fiċ-Ċina u r-relazzjoni bejn il-prezzijiet ta’ esportazzjoni taċ-Ċina lejn pajjiżi terzi u l-livell tal-prezzijiet fl-Unjoni.

(212)

Kif analizzat fid-dettall fit-taqsima 3.5.1, meta mqabbel mad-daqs tas-suq tal-Unjoni, il-produtturi Ċiniżi għandhom kapaċitajiet żejda kbar, li x’aktarx ma jiġux assorbiti mill-konsum domestiku jew mill-esportazzjonijiet lejn pajjiżi terzi oħrajn.

(213)

Kif analizzat fid-dettall fit-taqsima 3.5.2, is-suq tal-Unjoni jibqa’ l-akbar suq tal-esportazzjoni għall-esportaturi Ċiniżi wkoll minħabba l-livell tal-prezz attraenti tiegħu. Tabilħaqq, anke b’dazji anti-dumping fis-seħħ, il-prezzijiet Ċiniżi għadhom qegħdin iwaqqgħu l-prezzijiet tal-industrija tal-Unjoni b’medja ta’ 26 %. Filwaqt li l-prezz fl-Istati Uniti (it-tieni l-akbar suq tal-esportazzjoni fil-PIR) kien f’livell simili għall-prezzijiet tal-Unjoni, il-prezz tal-esportazzjoni Ċiniż fis-suq Korean kien madwar 10 % anqas mill-prezzijiet tal-esportazzjoni tal-Unjoni. Il-miżuri ta’ rimedju kummerċjali fi swieq tal-esportazzjoni oħrajn ikomplu jżidu l-attraenza tas-suq tal-Unjoni.

(214)

Għalhekk, huwa probabbli li, jekk il-miżuri jitħallew jiskadu, il-produtturi esportaturi Ċiniżi jibqgħu jinvolvu rwieħhom fi prattiki ta’ pprezzar aggressivi, sabiex iżidu s-sehem mis-suq (diġà għoli) tagħhom fl-Unjoni u jakkomodaw il-kapaċità żejda sinifikanti tagħhom fis-suq tal-Unjoni.

(215)

Fid-dawl ta’ dan ta’ hawn fuq, il-Kummissjoni kkonkludiet li t-tħassir tal-miżuri bil-probabbiltà kollha jirriżulta f’żieda sinifikanti ta’ importazzjonijiet li huma l-oġġett ta’ dumping miċ-Ċina b’livelli ta’ prezzijiet dannużi u, għalhekk, ikompli jaggrava d-dannu mġarrab mill-industrija tal-Unjoni. B’konsegwenza ta’ dan, il-vijabbiltà tal-industrija tal-Unjoni tkun f’riskju serju.

(216)

F’konformità mal-Artikolu 21 tar-Regolament bażiku, il-Kummissjoni eżaminat jekk iż-żamma tal-miżuri anti-dumping eżistenti fil-livell tad-dazju rivedut skont ir-rieżami interim kombinat imur kontra l-interess tal-Unjoni. Id-determinazzjoni tal-interess tal-Unjoni kienet ibbażata fuq apprezzament tal-interessi varji kollha involuti, inklużi dawk tal-industrija, tal-importaturi u tal-utenti tal-Unjoni.

(217)

Il-partijiet interessati kollha ngħataw l-opportunità li jesprimu l-fehmiet tagħhom skont l-Artikolu 21(2) tar-Regolament bażiku.

(218)

Fuq il-bażi ta’ dan, l-ewwel nett il-Kummissjoni eżaminat jekk, minkejja l-konklużjonijiet dwar il-probabbiltà ta’ kontinwazzjoni tad-dumping u ta’ kontinwazzjoni tad-dannu, kinux jeżistu raġunijiet konvinċenti li jwasslu għall-konklużjoni li ma kienx fl-interess tal-Unjoni li jinżammu l-miżuri eżistenti. Huwa mfakkar li, fl-investigazzjoni oriġinali, l-adozzjoni tal-miżuri ma tqisitx li se tmur kontra l-interess tal-Unjoni.

(219)

Barra minn hekk, il-Kummissjoni eżaminat l-impatt fuq l-utenti tal-bidla fil-livell tal-miżuri li tirriżulta mir-rieżami interim. Tabilħaqq, filwaqt li r-rieżami interim innifsu ma jinkludix analiżi tal-Interess tal-Unjoni, miżuri estiżi wara r-rieżami ta’ skadenza neċessarjament jidħlu fis-seħħ fil-livell tad-dazji kif iddeterminat mir-rieżami interim, peress li ż-żewġ proċeduri jikkoinċidu fiż-żmien. Għalhekk, il-Kummissjoni qieset ukoll il-livell tad-dazji kif iddeterminat mir-rieżami interim, meta analizzat jekk kinux jeżistu raġunijiet konvinċenti li jwasslu għall-konklużjoni li ma kienx fl-interess tal-Unjoni li jinżammu l-miżuri eżistenti.

(220)

Kif spjegat fil-premessa (215), it-tħassir tal-miżuri fil-probabbiltà kollha jirriżulta f’żieda sinifikanti ta’ importazzjonijiet li huma l-oġġett ta’ dumping miċ-Ċina b’livelli ta’ prezzijiet dannużi u, għalhekk, ikompli jaggrava d-dannu mġarrab mill-industrija tal-Unjoni. B’konsegwenza ta’ dan, il-vijabbiltà tal-industrija tal-Unjoni tkun f’riskju serju.

(221)

Għalhekk, il-kontinwazzjoni tal-miżuri kontra ċ-Ċina tkun ta’ benefiċċju għall-industrija tal-Unjoni.

(222)

L-ebda importatur mhux relatat ma kkoopera fl-investigazzjonijiet ta’ rieżami kurrenti.

(223)

Il-Kummissjoni kkonkludiet li ma kien hemm l-ebda raġuni konvinċenti mill-pożizzjoni tal-importaturi mhux relatati kontra l-estensjoni tal-miżuri.

(224)

L-HTYP jintuża f’diversi applikazzjonijiet. emm żewġ gruppi ewlenin ta’ utenti differenti tal-HTYP: il-produtturi tat-tajers li jammontaw għal madwar 50 % tad-domanda għall-HTYP fl-Unjoni, kif ukoll il-produtturi tad-drapp tekniku, tat-tejps, tal-webbings, taċ-ċineg, tal-ħbula u taċ-ċinturini, li wkoll jammontaw għal madwar 50 % tad-domanda għall-HTYP fl-Unjoni. Id-drapp tekniku, il-webbings, iċ-ċineg, il-ħbula u ċ-ċinturini jintużaw fil-karozzi, fl-irfigħ, fl-irbit għat-trasport u fit-tipi kollha ta’ applikazzjonijiet tal-magni. Minħabba n-numru għoli ta’ applikazzjonijiet, l-industrija tal-utenti f’dan is-segment hija pjuttost frammentata.

(225)

Fil-bidu tar-rieżami ta’ skadenza, ġew ikkuntattjati 64 utent u assoċjazzjoni tal-utenti magħrufin fl-Unjoni u dawn ġew mistidnin jikkooperaw.

(226)

Żewġ utenti wieġbu għall-kwestjonarju fir-rieżami ta’ skadenza u d-data tagħhom ġiet ivverifikata mill-Kummissjoni. Wara l-bidu tar-rieżami interim, ħames utenti oħrajn ippreżentaw irwieħhom flimkien ma’ assoċjazzjoni ta’ utent (li tirrappreżenta total ta’ disa’ utenti) sabiex jipparteċipaw fil-proċeduri paralleli. L-utenti li ppreżentaw irwieħhom jappartjenu għas-segment tal-produtturi tad-drapp tekniku, tat-tejpijiet, tal-webbings, taċ-ċineg, tal-ħbula u taċ-ċinturini. L-utenti parteċipanti jirrappreżentaw aktar minn 10 % tal-konsum tal-HTYP tal-Unjoni. L-ebda utent tas-segment tal-produtturi tat-tajers ma ppreżenta ruħu.

(227)

Wara d-divulgazzjoni finali, għaxar utenti, assoċjazzjoni tal-utenti kif ukoll produttur integrat wieħed, li jipproduċi wkoll prodotti minsuġa, ikkummentaw dwar id-divulgazzjoni finali u opponew l-intenzjoni tal-Kummissjoni li żżid il-livell tad-dazji anti-dumping meta mqabbel mal-miżuri oriġinali.

(228)

Diversi utenti flimkien mal-assoċjazzjoni tal-utenti sostnew li l-analiżi tal-Kummissjoni hija bbażata fuq fatti mhux kompluti, peress li l-Kummissjoni vverifikat biss tweġibiet minn żewġ utenti fil-kampjun u injorat is-sottomissjonijiet mill-kumpaniji utenti l-oħra, li huma SMEs, minkejja l-offerta tagħhom li d-data tagħhom tiġi vverifikata fuq il-post jew permezz ta’ verifika mill-bogħod.

(229)

Il-Kummissjoni ma qablitx ma’ din l-affermazzjoni. Fil-fatt, il-Kummissjoni qieset is-sottomissjonijiet tal-utenti kollha meta analizzat l-interess tal-Unjoni. Madankollu, peress li ż-żewġ utenti li l-Kummissjoni vverifikat jaqgħu wkoll fil-kategorija tal-SMEs, u peress li l-mudelli tan-negozju, il-ħtiġijiet tal-provvista u s-sitwazzjoni finanzjarja tagħhom kienu komparabbli mal-kumpaniji rrappreżentati mill-assoċjazzjoni, il-Kummissjoni sabet li ma kienet meħtieġa l-ebda verifika addizzjonali biex tasal għall-konklużjonijiet tagħha.

(230)

L-utenti parteċipanti fil-biċċa l-kbira kienu kontra dazju miżjud. Diversi utenti argumentaw li meta l-miżuri ġew imposti fil-proċedura oriġinali, il-Kummissjoni sabet il-bilanċ it-tajjeb bejn l-interessi tal-produtturi tal-UE tal-HTYP u l-industriji tal-utenti. Għalhekk, kontinwazzjoni tal-miżuri fil-livelli oriġinali tista’ tiġi assorbita mill-industrija tal-utenti.

(231)

Min-naħa l-oħra, żieda materjali fil-livell tad-dazji tagħmel ħsara sinifikanti lis-segment ta’ drappijiet tekniċi, tejps, webbings, ċineg, ħbula u l-produtturi taċ-ċinturini. Filwaqt li l-industrija tat-tajers ma pprovdietx data, il-Kummissjoni ġabret informazzjoni mingħand il-produtturi tal-HTYP li tindika li l-HTYP jirrappreżentaw biss perċentwal aktar baxx tal-kost tal-produzzjoni tat-tajers. Għalhekk, il-Kummissjoni kkonkludiet li l-impatt finanzjarju tal-miżuri fuq dik l-industrija tal-utenti jkun minuri.

(232)

Mill-utenti inklużi fil-kampjun jidher li l-prodotti taċ-ċinturini li jinkorporaw HTYP għandhom livell ta’ profitt baxx. Madankollu, il-Kummissjoni sabet ukoll li żidiet moderati fil-prezzijiet kienu possibbli fil-passat minħabba żidiet fil-kostijiet tal-materja prima. Barra minn hekk, l-ebda wieħed mill-utenti inklużi fil-kampjun ma jipproduċi esklużivament prodotti li jinkorporaw HTYP, u s-sitwazzjoni finanzjarja ġenerali tagħhom hija stabbli. Dan ma kienx ikkontestat mill-informazzjoni mhux verifikata mressqa mill-utenti mhux inklużi fil-kampjun. Id-dazji riveduti jvarjaw minn 9,7 % sa 23,7 %, li jirrappreżenta żieda sinifikanti meta mqabbla mad-dazji eżistenti, li jvarjaw minn 5,1 % sa 9,8 %. Madankollu, il-Kummissjoni nnotat li l-utenti xorta jkunu jistgħu jagħżlu produttur esportatur fil-livell inferjuri tad-dazji.

(233)

Għalhekk, il-Kummissjoni kkonkludiet li l-impatt finanzjarju fuq l-utenti mill-firxa tad-dazju rivedut lanqas ma jikkostitwixxi raġuni konvinċenti kontra l-kontinwazzjoni tal-miżuri fil-livell rivedut.

(234)

Wara d-divulgazzjoni finali, għaxar utenti, l-assoċjazzjoni tal-utenti kif ukoll il-produttur integrat argumentaw li żieda addizzjonali fil-kostijiet li ġejja mid-dazji miżjuda fuq il-materja prima ewlenija tagħhom se tkompli tnaqqas il-pożizzjoni kompetittiva tagħhom bħala manifatturi bbażati fl-UE. Huma pprovdew diversi eżempji ta’ offerti minn manifatturi Ċiniżi ta’ prodotti downstream magħmula bl-HTYP lil klijenti Ewropej, li l-prezzijiet tagħhom kienu qrib ħafna jew saħansitra taħt il-prezz tal-HTYP wara ż-żieda tad-dazji proposti. Huma argumentaw li l-akbar problema ta’ dazji anti-dumping miżjuda fuq l-HTYP hija li dawn ma jestendux għal prodotti downstream bħal drappijiet, ċinturini, ċineg tal-ankraġġ, bragi tondi u bragi tal-webbings.

(235)

Wara d-divulgazzjoni finali, l-applikanti argumentaw ukoll li t-tħassib ewlieni tal-utenti huwa relatat mal-kompetizzjoni inġusta li qed jiffaċċjaw miċ-Ċina fis-swieq downstream. Dan it-tħassib ikompli jiżdied jekk jiżdied il-livell tad-dazji anti-dumping fuq l-importazzjonijiet tal-HTYP. Tabilħaqq, l-utenti ripetutament indikaw li ma opponewx estensjoni tal-miżuri anti-dumping oriġinali.

(236)

Sabiex tiġi indirizzata l-kwistjoni tal-kompetizzjoni inġusta fuq il-prodotti downstream, ħames utenti flimkien ma’ assoċjazzjoni tal-utenti talbu lill-Kummissjoni testendi d-dazji għall-HTYP li jinsabu fil-ħbula tal-webbings u l-manek tat-tifi tan-nar importati. Huma rreferew għar-Regolament tal-Kummissjoni dwar it-torrijiet eoliċi tal-azzar miċ-Ċina (89), li fih id-dazju anti-dumping kien japplika mhux biss għat-torrijiet eoliċi, iżda wkoll għat-turbini eoliċi, li jinkorporaw torrijiet eoliċi tal-azzar.

(237)

L-ewwel nett, il-Kummissjoni rrikonoxxiet li l-kompetizzjoni mill-esportaturi Ċiniżi ta’ prodotti downstream tillimita l-possibbiltà tal-utenti li jżidu l-prezzijiet u jgħaddu l-kostijiet addizzjonali ta’ dazji miżjuda. Madankollu, kompetizzjoni inġusta potenzjali fil-livell tal-utenti ma tistax minnha nnifisha tikkostitwixxi raġuni konvinċenti biex ma jiġix indirizzat id-dumping dannuż li nstab fis-suq upstream. Filwaqt li l-utenti wrew li d-dazji miżjuda fuq l-HTYP jikkawżaw żvantaġġ kompetittiv kontra l-manifatturi Ċiniżi tal-istess prodott, huma indikaw ukoll li tista’ tintlaħaq protezzjoni kontra dawn l-importazzjonijiet ta’ prodotti downstream permezz ta’ dazji anti-dumping fuq dawn il-prodotti. Huma ma wrewx li mhuwiex fattibbli għall-industrija tal-utenti li tressaq ilment biex tibda investigazzjoni kontra importazzjonijiet potenzjalment oġġett ta’ dumping ta’ drapp ibbażat fuq l-HTYP jew prodotti sekondarji oħra.

(238)

Barra minn hekk, l-utenti għad għandhom l-għażla ta’ produttur esportatur Ċiniż fit-tarf l-aktar baxx tad-dazji, u għandhom l-għażla li jakkwistaw minn pajjiżi terzi oħra bħall-Korea t’Isfel, it-Tajwan u l-Vjetnam, li qed iżidu l-kapaċità tal-produzzjoni tagħhom.

(239)

Fir-rigward tal-proposta biex jiġu estiżi l-miżuri għall-HTYP inkorporati fil-prodotti downstream, il-Kummissjoni nnotat li għall-kuntrarju tal-każ tat-torrijiet eoliċi tal-azzar, il-prodotti li għalihom jiġu estiżi d-dazji ma kinux inklużi fl-ambitu tal-prodott tal-investigazzjoni. Tabilħaqq, id-definizzjoni tal-prodott ikkonċernat fil-każ tat-torrijiet eoliċi tal-azzar diġà kien jinkludi t-torrijiet importati bħala parti minn turbina eolika: “Il-prodott ikkonċernat huwa ċerti torrijiet eoliċi tal-azzar fuq skala utilitarja, […], li bħalissa jaqgħu taħt il-kodiċijiet NM ex 7308 20 00 (il-kodiċi TARIC 7308200011), u ex 7308 90 98 (il-kodiċi TARIC 7308909811) u, meta jiġu importati bħala parti minn turbina eolika, li bħalissa jaqgħu taħt il-kodiċijiet NM ex 8502 31 00,...” Il-Kummissjoni ma tistax fil-prinċipju timponi dazji fuq prodott li ma kienx fl-ambitu tal-investigazzjoni. F’dan il-każ b’mod partikolari, il-Kummissjoni qieset li l-għadd kbir ta’ trasformazzjonijiet possibbli koperti fil-kodiċijiet NM issuġġeriti jespandi l-applikazzjoni tad-dazji lil hinn mill-ambitu tal-investigazzjoni.

(240)

Għalhekk, il-Kummissjoni sabet li t-talba tal-utenti kienet twessa’ l-ambitu tal-investigazzjoni lil hinn mill-applikazzjoni. It-talba kienet għalhekk irrifjutata.

(241)

Konsegwentement, il-Kummissjoni kkonfermat il-pożizzjoni inizjali tagħha dwar il-livell ta’ dazju rivedut.

(242)

L-utenti indikaw ukoll nuqqas ta’ kapaċità tal-produtturi tal-Unjoni. Il-konsum tal-Unjoni tal-HTYP kien ta’ 230 000 tunnellata fil-PIR, 73 % ogħla mill-kapaċità tal-produzzjoni tal-industrija tal-Unjoni, li jammonta għal 134 000 tunnellata biss. Dan juri l-ħtieġa ġenerali għall-importazzjonijiet.

(243)

Barra minn hekk, wara l-PIR, fl-2022 diversi produtturi tal-Unjoni naqqsu temporanjament jew waqqfu kompletament il-produzzjoni tagħhom bħala reazzjoni għaż-żieda fil-prezzijiet tal-enerġija fl-Ewropa. Madankollu, din kienet biss miżura temporanja u ma jidhirx li se twassal għal tnaqqis fit-tul tal-volum tal-produzzjoni tal-produtturi tal-Unjoni.

(244)

L-utenti kollha li kkooperaw argumentaw li għas-segment tagħhom, produttur wieħed biss tal-Unjoni jipprovdi l-kwalità tal-HTYP użati fil-prodotti tagħhom, filwaqt li produtturi oħrajn tal-Unjoni huma fil-biċċa l-kbira ffokati fuq il-provvista għall-industrija tat-tajers jew huma kompetituri integrati. L-utenti argumentaw ukoll li pajjiżi terzi oħrajn jew jipproduċu gradi speċjalizzati għaljin, bħall-Korea t’Isfel, jew ma joffrux kapaċità jew kwalità suffiċjenti, bl-eċċezzjoni tal-Vjetnam.

(245)

L-esportazzjonijiet mill-Vjetnam matul il-PIR kellhom sehem ta’ 5 % mis-suq tal-Unjoni. Madankollu, l-esportazzjonijiet mill-Vjetnam kienu jammontaw biss għal 12 000 tunnellata u jkopru biss frazzjoni tal-importazzjonijiet meħtieġa sabiex jissodisfaw id-domanda fis-suq tal-Unjoni. Għalhekk, il-Kummissjoni nnotat li l-importazzjonijiet miċ-Ċina huma ġeneralment meħtieġa sabiex tiġi żgurata l-istabbiltà tal-provvista fis-Suq tal-Unjoni.

(246)

Madankollu, fit-taqsima preċedenti, il-Kummissjoni kkonkludiet li d-dazji riveduti, li jvarjaw minn 9,7 % sa 23,7 %, mhux se jkollhom effett projbittiv sabiex jitkompla l-forniment miċ-Ċina speċjalment fid-dawl tal-fatt li l-utenti xorta jkunu jistgħu jagħżlu produttur esportatur fil-limitu inferjuri tad-dazji. Konsegwentement, l-istabbiltà tal-provvista mhux se tkun ipperikolata mill-estensjoni tad-dazji fil-livell rivedut tad-dazji.

(247)

Għalhekk, il-Kummissjoni kkonkludiet li l-interess tal-utenti għall-istabbiltà tal-provvista ma jwassalx għal raġuni konvinċenti kontra l-kontinwazzjoni tal-miżuri.

(248)

Diversi utenti u l-produttur integrat enfasizzaw l-importanza tal-industrija tal-insiġ u tal-kisi tal-HTYP għas-suq tax-xogħol u l-fatt li d-dazji miżjuda fuq l-HTYP jistgħu jwasslu għal trasferiment tal-kapaċitajiet tal-produzzjoni barra mill-UE. Il-produttur integrat argumenta li l-forza tax-xogħol fl-UE involuta fil-produzzjoni ta’ prodotti downstream magħmula mill-HTYP tikkonsisti f’madwar 100 000 ħaddiem tas-sengħa.

(249)

Il-Kummissjoni rrikonoxxiet li l-industrija tal-insiġ u tal-kisi tal-HTYP hija impjegatur importanti għas-suq tax-xogħol tal-UE. Madankollu, kif iddikjarat fil-premessi (238) u (240), l-utenti għad għandhom għażliet ta’ akkwist fil-firxa aktar baxxa tad-dazji jew minn pajjiżi terzi oħra u l-impatt finanzjarju mistenni tad-dazji riveduti ma jikkostitwixxix raġuni konvinċenti biex ma jiġux imposti d-dazji. Barra minn hekk, ma ġiet ippreżentata l-ebda evidenza konkreta biex issostni dawn l-affermazzjonijiet.

(250)

Il-Kummissjoni għalhekk ikkonfermat il-konklużjonijiet tagħha.

(251)

Abbażi ta’ dak li ntqal hawn fuq, il-Kummissjoni kkonkludiet li ma kienx hemm raġunijiet konvinċenti tal-interess tal-Unjoni kontra ż-żamma tal-miżuri dwar l-importazzjonijiet tal-HTYP li joriġinaw miċ-Ċina u l-estensjoni tagħhom fil-livelli riveduti.

(252)

Wara l-kummenti ta’ hawn fuq tal-utent, l-assoċjazzjoni tal-utenti u produttur integrat wieħed, il-Kummissjoni kkonfermat il-valutazzjoni tagħha.

(253)

Żewġ produtturi esportaturi Ċiniżi, Unifull u OTIZ, affermaw li l-kundizzjonijiet għas-sospensjoni tal-miżuri skont l-Artikolu 14(4) tar-Regolament (UE) 2016/1036 ġew issodisfati. L-affermazzjoni hija bbażata fuq iż-żieda fil-prezzijiet tal-importazzjoni Ċiniżi wara l-PIR, kif ukoll fuq l-argument li d-dannu tal-industrija tal-Unjoni kien ikkawżat mill-kriżi tal-enerġija, min-nuqqas ta’ semikondutturi għall-industrija tal-karozzi (li wassal għal tnaqqis fid-domanda għal prodotti tal-HTYP għall-industrija tal-Unjoni), u minn tnaqqis fil-kostijiet internazzjonali tat-trasport tal-merkanzija fuq l-oċeani.

(254)

Skont dawn iż-żewġ esportaturi, l-importazzjonijiet miċ-Ċina jistgħu jgħinu lill-industrija downstream tal-UE tegħleb nuqqas ta’ provvista kurrenti u tevita ż-żieda fil-prezzijiet tal-HTYP tal-produtturi tal-Unjoni wara l-PIR.

(255)

Skont l-Artikolu 14(4) tar-Regolament bażiku, il-miżuri jistgħu jiġu sospiżi biss meta l-kundizzjonijiet tas-suq ikunu nbidlu temporanjament sal-punt li d-dannu ma jkunx probabbli li jkompli bħala riżultat tas-sospensjoni u s-sospensjoni tkun fl-Interess tal-Unjoni.

(256)

Huwa korrett li l-prezzijiet Ċiniżi żdiedu b’36 % wara l-PIR. Madankollu, dawn il-prezzijiet Ċiniżi ogħla għadhom f’livell taħt is-COP tal-industrija tal-Unjoni matul il-PIR. Għalhekk, il-prezzijiet Ċiniżi ogħla wara l-PIR ma wasslux għal sitwazzjoni mibdula, li fiha x’aktarx li d-dannu jerġa’ jkompli. Għall-kuntrarju, sospensjoni tal-miżuri twassal għal sitwazzjoni li fiha s-sitwazzjoni dannuża kurrenti tal-produtturi tal-Unjoni, minbarra l-prezzijiet għoljin tal-enerġija, tmur għall-agħar billi tiffaċċja prezzijiet oġġett ta’ dumping minn kompetituri Ċiniżi. Filwaqt li huwa fl-interess tal-utenti li jiksbu aċċess għall-HTYP orħos, Unifull u OTIZ ma pprovdewx fid-dettall interess prevalenti tal-Unjoni sabiex jiġu sospiżi l-miżuri. Fi kwalunkwe każ, l-interess tal-utenti huwa analizzat fid-dettall hawn taħt fit-taqsima 3.10.

(257)

Unifull u OTIZ lanqas ma jelaboraw kif it-tnaqqis allegat tal-kost internazzjonali tat-trasport tal-merkanzija fuq l-oċeani huwa relatat mas-sitwazzjoni dannuża tal-industrija tal-Unjoni.

(258)

Għalhekk, il-Kummissjoni ċaħdet din l-affermazzjoni.

(259)

Fuq il-bażi ta’ dan ta’ hawn fuq, il-Kummissjoni sabet li kien hemm kontinwazzjoni ta’ dumping dannuż tant li kien fl-interess tal-Unjoni li jinżammu l-miżuri anti-dumping fuq l-importazzjonijiet tal-HTYP li joriġinaw miċ-Ċina wara rieżami ta’ skadenza skont l-Artikolu 11(2) tar-Regolament bażiku.

(260)

Fin-Notifika ta’ Bidu tal-investigazzjoni tar-rieżami interim parzjali, il-Kummissjoni stiednet lill-partijiet interessati biex jikkuntattjawha sabiex jipparteċipaw fl-investigazzjoni. Barra minn hekk, il-Kummissjoni speċifikament informat lill-applikant, lill-produtturi fiċ-Ċina, lill-importaturi fl-Unjoni magħrufin li kienu kkonċernati, u lill-awtoritajiet Ċiniżi dwar il-bidu tal-investigazzjoni tar-rieżami interim u stednithom jipparteċipaw fl-investigazzjoni.

(261)

Il-partijiet interessati kollha kellhom l-opportunità jikkummentaw dwar il-bidu tar-rieżami interim parzjali u jitolbu seduta ta’ smigħ mal-Kummissjoni u/jew mal-Uffiċjal tas-Smigħ fil-proċedimenti kummerċjali.

(262)

Fin-Notifika ta’ Bidu, il-Kummissjoni stqarret li tista’ tikkampjuna l-partijiet interessati, f’konformità mal-Artikolu 17 tar-Regolament bażiku.

(263)

Sabiex tiddeċiedi jekk kienx neċessarju li jittieħed kampjun u, jekk iva, sabiex tagħżel kampjun, il-Kummissjoni talbet lill-produtturi esportaturi magħrufin kollha fiċ-Ċina u lill-importaturi mhux relatati fl-Unjoni sabiex jipprovdu l-informazzjoni speċifikata fin-Notifika ta’ Bidu. Barra minn hekk, il-Kummissjoni talbet lill-Missjoni taċ-Ċina għall-Unjoni sabiex tidentifika u/jew tikkuntattja produtturi esportaturi oħrajn, jekk hemm, li jistgħu jkunu interessati jipparteċipaw fl-investigazzjoni.

(264)

Importatur mhux relatat wieħed ippreżenta ruħu bħala parti interessata, iżda ma pprovdiex l-informazzjoni tal-kampjunar mitluba. Tmien produtturi esportaturi fil-pajjiż ikkonċernat ipprovdew l-informazzjoni mitluba u qablu li jiġu inklużi fil-kampjun. F’konformità mal-Artikolu 17(1) tar-Regolament bażiku, il-Kummissjoni għażlet kampjun ta’ erba’ kumpaniji li jappartjenu għal żewġ gruppi korporattivi fuq il-bażi tal-akbar volum rappreżentattiv ta’ esportazzjonijiet lejn l-Unjoni li seta’ jiġi investigat b’mod raġonevoli fiż-żmien disponibbli. Dawn il-kumpaniji kienu jirrappreżentaw aktar minn 70 % tal-importazzjonijiet totali stmati tal-Unjoni tal-prodott soġġett għal rieżami soġġett għall-miżuri. F’konformità mal-Artikolu 17(2) tar-Regolament bażiku, il-produtturi esportaturi magħrufa kollha kkonċernati u l-awtoritajiet tal-pajjiż ikkonċernat, ingħataw l-opportunità li jikkummentaw dwar l-għażla tal-kampjun. Ma wasal l-ebda kumment.

(265)

Produttur esportatur wieħed fiċ-Ċina (Oriental Industries (Suzhou) Ltd, (“OTIZ”)) talab eżami individwali skont l-Artikolu 17(3) tar-Regolament bażiku u ssottometta tweġiba għall-kwestjonarju sal-iskadenza stabbilita. Ta’ min jinnota li l-investigazzjoni ta’ rieżami interim twettqet b’mod parallel mal-investigazzjoni ta’ skadenza u ma’ investigazzjoni mibdija fuq il-bażi tal-Artikolu 5 tar-Regolament bażiku. Minħabba l-kumplessità miżjuda ta’ valutazzjonijiet simultanji u distinti fi tliet investigazzjonijiet dwar l-HTYP, il-Kummissjoni qieset li l-eżami tat-talba, anke fi stadju definittiv tal-investigazzjoni, kien ikun ta’ piż żejjed u sproporzjonat u jipprevjeni t-tlestija kif suppost tal-investigazzjoni fi żmien xieraq. Għalhekk, ma ngħatat l-ebda konċessjoni għal eżami individwali lil OTIZ.

(266)

Il-Kummissjoni bagħtet kwestjonarju dwar l-eżistenza ta’ distorsjonijiet sinifikanti fiċ-Ċina skont it-tifsira tal-Artikolu 2(6a)(b) tar-Regolament bażiku lill-GTĊ.

(267)

Il-Kummissjoni bagħtet kwestjonarji lill-produtturi esportaturi inklużi fil-kampjun. L-istess kwestjonarji kienu wkoll disponibbli online fil-jum tal-bidu.

(268)

Il-Kummissjoni rċeviet tweġibiet għall-kwestjonarju minn tliet gruppi ta’ produtturi esportaturi (minn produtturi esportaturi inklużi fil-kampjun u minn OTIZ).

(269)

Fid-dawl tat-tifqigħa tal-Covid-19 u tal-miżuri ta’ konfinament stabbiliti minn diversi pajjiżi terzi, il-Kummissjoni ma setgħetx twettaq żjarat ta’ verifika skont l-Artikolu (16) tar-Regolament bażiku fil-bini tal-produtturi esportaturi.

(270)

Minflok, il-Kummissjoni kkontroverifikat mill-bogħod l-informazzjoni kollha meqjusa neċessarja għad-determinazzjonijiet tagħha f’konformità man-Notifika tagħha dwar il-konsegwenzi tat-tifqigħa tal-COVID-19 fuq l-investigazzjonijiet anti-dumping u antisussidji (90).

(271)

Il-Kummissjoni wettqet kontroverifiki mill-bogħod tal-produtturi esportaturi li ġejjin:

(272)

Kif intqal hawn fuq fil-premessa (253), żewġ esportaturi Ċiniżi, Unifull u OTIZ, sostnew li l-kundizzjonijiet għas-sospensjoni tal-miżuri skont l-Artikolu 14(4) tar-Regolament (UE) 2016/1036 ġew issodisfati.

(273)

Il-Kummissjoni rrifjutat din l-affermazzjoni wkoll fir-rigward tar-Rieżami Interim għar-raġunijiet spjegati fil-premessi (253) sa (258).

(274)

Fl-20 ta’ Frar 2023, il-Kummissjoni ddivulgat il-fatti u l-kunsiderazzjonijiet essenzjali li fuq il-bażi tagħhom kien biħsiebha timponi d-dazji anti-dumping definittivi. Il-partijiet kollha ngħataw perjodu li fih setgħu jikkummentaw dwar id-divulgazzjoni.

(275)

Il-kummenti li għamlu l-partijiet interessati ġew ikkunsidrati mill-Kummissjoni u tqiesu, fejn xieraq. Il-partijiet li talbu dan ingħataw seduta ta’ smigħ.

(276)

Kif stabbilit fit-Taqsima 3.4.4.1 aktar ’il fuq, il-Kummissjoni kkonkludiet li ma kienx xieraq li jintużaw il-prezzijiet u l-kostijiet domestiċi fiċ-Ċina biex jiġi stabbilit il-valur normali fir-rigward tal-importazzjonijiet tal-HTYP miċ-Ċina, minħabba l-eżistenza ta’ distorsjonijiet sinifikanti skont it-tifsira tal-punt (b) tal-Artikolu 2(6a) tar-Regolament bażiku.

(277)

Konsegwentement, il-Kummissjoni pproċediet bl-investigazzjoni tar-rieżami interim parzjali sabiex tibni l-valur normali esklużivament fuq il-bażi tal-kostijiet tal-produzzjoni u l-bejgħ li jirriflettu prezzijiet jew parametri referenzjarji mingħajr distorsjoni, jiġifieri, fuq il-bażi tal-kostijiet korrispondenti tal-produzzjoni u tal-bejgħ f’pajjiż rappreżentattiv xieraq, f’konformità mal-Artikolu 2(6a)(a) tar-Regolament bażiku.

(278)

Kif isegwi mill-analiżi stabbilita fit-Taqsima 3.4.4.2, it-Turkija ssodisfat il-kriterji stabbiliti fl-Artikolu 2(6a)(a), l-ewwel inċiż, tar-Regolament bażiku sabiex titqies bħala pajjiż rappreżentattiv xieraq.

(279)

Minbarra l-Ewwel Nota (ara l-premessi (39)-(40)), u wara li analizzat il-kummenti li rċeviet dwarha, il-Kummissjoni ħarġet it-Tieni nota dwar is-sorsi għad-determinazzjoni tal-valur normali fit-30 ta’ Novembru 2022 (“it-Tieni Nota”) (l-Ewwel Nota u t-Tieni Nota jissejħu kollettivament in-“Noti”).

(280)

Fit-Tieni Nota, il-Kummissjoni aġġornat il-lista ta’ fatturi ta’ produzzjoni u informat lill-partijiet interessati bl-intenzjoni tagħha li tuża t-Turkija bħala l-pajjiż rappreżentattiv skont l-ewwel inċiż tal-Artikolu 2(6a)(a) tar-Regolament bażiku. Hija informat ukoll lill-partijiet interessati li kienet se tistabbilixxi kostijiet tal-bejgħ, ġenerali u amministrattivi u profitti bbażati fuq rapporti finanzjarji pubblikament disponibbli ta’ produttur tal-HTYP fit-Turkija. Barra minn hekk, inħarġet nota addizzjonali b’rati tal-kambju riveduti għal numru ta’ parametri referenzjarji li inkludiet ukoll divulgazzjoni aktar dettaljata tal-parametru referenzjarju għall-kalkolu tal-kost lavorattiv u tqiegħdet fil-fajl miftuħ fis-16 ta’ Diċembru 2022.

(281)

Il-Kummissjoni stiednet lill-partijiet interessati jikkummentaw dwar in-Noti. Waslu kummenti mingħand il-produtturi esportaturi kollha inklużi fil-kampjun kif ukoll mingħand l-applikant (b’appoġġ tat-Turkija bħala l-pajjiż rappreżentattiv) u mingħand grupp ta’ utenti (IVGT, Delcotex, Gleistein, Guth&Wolf, Heytex u Jakob Eschbach). L-argumenti tal-partijiet huma indirizzati fit-Taqsima 4.5.3 aktar ’il quddiem.

(282)

Minbarra l-istabbiliment tal-eżistenza ta’ distorsjonijiet sinifikanti f’konformità mal-Artikolu 2(6a) tar-Regolament bażiku, deskritt fit-Taqsima 3.4.4.1 hawn fuq, il-kummenti li ġejjin waslu fil-kuntest tal-investigazzjoni ta’ rieżami interim parzjali u ġew indirizzati mill-Kummissjoni kif ġej.

(283)

Matul l-investigazzjoni, waslu kummenti mill-produtturi esportaturi inklużi fil-kampjun, minn OTIZ u minn grupp ta’ utenti.

(284)

Fil-kummenti tiegħu dwar l-Ewwel Nota, Guxiandao, minbarra li ddikjara li l-applikazzjoni tal-Artikolu 2(6a) tar-Regolament bażiku tkun inkompatibbli mad-WTO, allega li l-analiżi fit-talba rigward l-eżistenza ta’ distorsjonijiet sinifikanti – fiċ-Ċina b’mod ġenerali kif ukoll fir-rigward ta’ Guxiandao b’mod speċifiku – kienet difettuża għar-raġunijiet li ġejjin: (i) l-allegazzjonijiet tat-talba ta’ rieżami interim huma ta’ natura ġenerali - pereżempju meta jirreferi għall-kostijiet tal-enerġija jew lavorattivi - u jikkonċernaw iċ-Ċina jew is-settur tal-kimika tagħha, aktar milli s-suq tal-HTYP; l-allegazzjonijiet jiddependu wkoll esklużivament fuq ir-Rapport, aktar milli jkunu bbażati fuq evidenza pożittiva; (ii) l-applikant, meta jivvaluta jekk jeżistux distorsjonijiet sinifikanti, jibbaża fuq evidenza ta’ sostenn li jew hija irrilevanti – tipikament skaduta - jew fattwalment ħażina – billi jikkwota obbligi ta’ distorsjoni tal-passat li ma għadhomx jeżistu skont id-dritt taċ-Ċina; (iii) il-materja prima PTA u MEG huma żewġ oġġetti komoditajiet nnegozjati globalment u pprezzati b’mod trasparenti u allinjati mal-prezzijiet internazzjonali, u għalhekk l-affermazzjonijiet tat-talba dwar il-prezzijiet tagħhom distorti fiċ-Ċina huma żbaljati; (iv) l-applikant naqas milli jipprovdi kwalunkwe evidenza pożittiva u konkreta fir-rigward tal-fatturi elenkati fl-Artikolu 2(6a)(b) tar-Regolament bażiku u, għalhekk, ma tista’ tinħareġ l-ebda konklużjoni valida dwar l-eżistenza ta’ distorsjonijiet sinifikanti.

(285)

Bl-istess mod, Unifull u OTIZ esprimew l-opinjoni tagħhom li l-Artikolu 2(6a) tar-Regolament bażiku ma huwiex kompatibbli mal-Artikoli 2.2 u 2.2.1.1 tal-ADA u mal-ġurisprudenza tad-WTO, kif ukoll li hemm nuqqas ta’ evidenza fir-rigward tal-allegati distorsjonijiet sinifikanti fir-rigward tal-industrija Ċiniża tal-HTYP. Grupp ta’ utenti għamel affermazzjoni simili b’appoġġ għall-produtturi esportaturi.

(286)

L-argumenti mqajmin mill-partijiet ma setgħux jiġu aċċettati. Qabel kollox, il-Kummissjoni enfasizzat il-pożizzjoni tagħha li d-dispożizzjonijiet tal-Artikolu 2(6a) tar-Regolament bażiku huma kompletament konsistenti mal-obbligi tad-WTO tal-Unjoni Ewropea. Fir-rigward tal-argumenti dwar l-analiżi tad-distorsjonijiet sinifikanti allegatament żbaljata fit-talba għal rieżami interim, il-Kummissjoni fakkret, l-ewwel nett, li l-Artikolu 2(6a)(e) tar-Regolament bażiku jistabbilixxi obbligu li tinġabar id-data neċessarja għall-applikazzjoni ta’ din il-metodoloġija meta l-investigazzjoni tkun inbdiet fuq din il-bażi. Konsegwentement, il-Kummissjoni ma siltet l-ebda konklużjoni affattu dwar l-eżistenza ta’ distorsjonijiet sinifikanti, iżda sempliċiment qieset l-evidenza sottomessa mill-applikant dwar id-distorsjonijiet sinifikanti suffiċjenti sabiex tibda l-investigazzjoni. Barra minn hekk, il-Kummissjoni indikat li ċerti tipi ta’ distorsjonijiet preżenti fiċ-Ċina – bħad-distorsjoni relatata mal-enerġija jew mal-manodopera - huma trażversali, u jaffettwaw l-ekonomija Ċiniża kollha u, għalhekk, anke l-prezzijiet u/jew il-materja prima u l-kostijiet tal-produzzjoni tal-prodott soġġett għal rieżami. Barra minn hekk, fir-rigward tal-affermazzjoni li l-allegazzjonijiet fit-talba għal rieżami interim jiddependu esklużivament fuq ir-Rapport u huma fi kwalunkwe każ ibbażati fuq informazzjoni skaduta jew mhux akkurata, il-Kummissjoni indikat li t-talba tista’ tkun qiegħda tagħmel dak kollu possibbli sabiex turi n-natura mhux mibdula tad-distorsjonijiet sinifikanti billi tirreferi għad-dokumenti ta’ politika tat-12-il ċiklu ta’ ppjanar jew tat-13-il wieħed. Barra minn hekk, il-Kummissjoni fakkret li l-Artikolu 2(6a)(d) tar-Regolament bażiku jipprovdi b’mod espliċitu lill-industrija tal-Unjoni bil-possibbiltà li tiddependi fuq l-informazzjoni li tinsab fir-Rapport meta tressaq ilment jew talba għal rieżami. Għalhekk, il-Kummissjoni tqis li l-evidenza identifikata fit-talba u msemmija fin-Notifika ta’ Bidu rispettiva kienet biżżejjed sabiex tiġġustifika l-bidu ta’ investigazzjoni fuq il-bażi tal-Artikolu 2(6a) tar-Regolament bażiku. Fir-rigward tal-affermazzjoni li l-materja prima PTA u MEG hija nnegozjata fuq livell internazzjonali u, għalhekk, il-prezzijiet tagħha fiċ-Ċina ma humiex qegħdin jiġu distorti, dan l-argument irid jiġi miċħud (mingħajr ħsara għall-valutazzjoni ta’ affermazzjoni speċifika dwar in-natura mhux distorta tal-materja prima miksuba minn barra, kif spjegat fil-premessi (309) u (310)) għar-raġunijiet stabbiliti hawn fuq, b’mod partikolari fil-premessi minn (98) sa (100).

(287)

Fir-rigward tal-għażla tal-pajjiż rappreżentattiv, bi tweġiba għat-Tieni Nota, grupp ta’ utenti ssuġġerixxa li r-Repubblika tal-Korea hija l-aktar pajjiż rappreżentattiv xieraq, minħabba l-livell ta’ żvilupp ekonomiku simili għaċ-Ċina, il-produzzjoni tal-HTYP, id-disponibbiltà ta’ data pubblika rilevanti, u l-livell adegwat ta’ protezzjoni soċjali u ta’ ħarsien tal-ambjent tagħha.

(288)

Huwa mfakkar li, għall-finijiet tal-identifikazzjoni ta’ pajjiżi b’livell ta’ żvilupp ekonomiku simili għaċ-Ċina, il-Kummissjoni tqis abbażi tal-bażi tad-data tal-Bank Dinji (91) il-Kummissjoni tqis biss il-pajjiżi b’“introjtu medju superjuri” fuq bażi ta’ introjtu nazzjonali gross. Madankollu, ir-Repubblika tal-Korea ġiet ikklassifikata, fil-PIR u qabel il-PIR, bħala pajjiż b’“introjtu għoli” mill-Bank Dinji u, għalhekk, ma tistax titqies bħala pajjiż rappreżentattiv potenzjali.

(289)

Guxiandao ddikjara fit-tweġiba tiegħu għan-Noti li d-data tal-GTA dwar il-materja prima ewlenija għall-produzzjoni tal-HTYP ma hijiex akkurata, meta mqabbla mal-istatistika mill-portal tad-data uffiċjali tal-Istitut Tork tal-Istatistika. Il-Kummissjoni nnotat li d-data rrapportata fis-sistema tal-GTA għat-Turkija hija bbażata fuq il-perspettiva kummerċjali ġenerali filwaqt li d-data li nġabret mill-istatistika uffiċjali Torka hija bbażata fuq perspettiva kummerċjali speċjali (li teskludi merkanzija li tidħol f’żona ta’ kummerċ ħieles jew f’depost jew toħroġ minnhom). Għalhekk, id-differenzi fiċ-ċifri huma ġġustifikati kif xieraq u ma jistgħux jagħmlu d-data tal-GTA inaffidabbli. Għalhekk, Guxiandao ma jistax jasserixxi b’mod validu li d-data tal-GTA ma hijiex akkurata u l-argument tiegħu jrid jiġi miċħud.

(290)

Bi tweġiba għat-Tieni Nota, Guxiandao ssottometta wkoll li l-prezzijiet għall-materja prima fit-Turkija, iddivulgati fl-Anness I (Lista ta’ fatturi ta’ produzzjoni u l-prezzijiet tagħhom fit-Turkija) huma inkonsistenti mal-prezzijiet iddivulgati għat-Turkija fl-Anness II (Tqabbil tal-istatistika dwar l-importazzjoni għal pajjiżi rappreżentattivi potenzjali). Il-Kummissjoni nnotat li l-istatistika fl-Anness II hija sempliċi data mhux ipproċessata għall-finijiet ta’ tqabbil bejn pajjiżi differenti aggregati fil-livell HS6 komuni mingħajr ma jiġu inklużi d-dazji doganali applikabbli għal pajjiżi importaturi individwali. Min-naħa l-oħra, id-data fl-Anness I tiddeskrivi valuri fil-livell tal-kodiċijiet tariffarji nazzjonali Torok u tinkludi wkoll id-dazji doganali. Għalhekk, il-livelli tal-prezzijiet fl-Anness I u fl-Anness II ma humiex maħsubin biex ikunu identiċi u l-argument tal-parti għandu jiġi miċħud bħala bla bażi.

(291)

Wara d-divulgazzjoni finali, Guxiandao sostna li ma ġiet ipprovduta l-ebda worksheet ta’ kalkolu fir-rigward tal-aġġustament għad-dazji tal-importazzjoni fl-Anness I, u dan wassal għal divulgazzjoni inadegwata mill-Kummissjoni. Ġie osservat mill-Kummissjoni li d-data li tinkludi l-prezzijiet tal-fatturi tal-produzzjoni fit-Turkija ġiet iġġenerata awtomatikament mill-GTA fil-livell tal-kodiċijiet tariffarji nazzjonali Torok (inklużi d-dazji doganali konvenzjonali u preferenzjali kollha bbażati fuq il-bażi tad-data tal-Mappa tal-Aċċess għas-Suq - MacMap), ġiet divulgata kif xieraq u ntużat f’dan il-każ mill-Kummissjoni mingħajr modifika ulterjuri. Ġie nnotat li l-ebda worksheet addizzjonali ta’ kalkolu jew simili ma ġiet prodotta mill-Kummissjoni għal dan l-għan. Għalhekk, l-affermazzjoni ta’ Guxiando jkollha tiġi miċħuda.

(292)

Guxiandao asserixxa li t-Turkija ma hijiex adattata sabiex tintgħażel bħala pajjiż rappreżentattiv. Il-kumpanija issottomettiet li, l-ewwel nett, id-deprezzament u l-inflazzjoni għolja wasslu għal kundizzjonijiet anormali tas-suq fit-Turkija li inevitabbilment kellhom impatt fuq il-kostijiet lokali u li min-naħa tagħhom għamlu t-Turkija manifestament mhux adattata bħala pajjiż rappreżentattiv. Guxiandao tenna l-affermazzjoni tiegħu b’reazzjoni għad-divulgazzjoni finali, u żied jgħid li l-prezzijiet lokali u/jew il-prezzijiet tal-importazzjoni affettwati minn deprezzament sinifikanti tal-munita lokali fit-Turkija ma jistgħux jirriflettu prezzijiet jew valuri referenzjarji mingħajr distorsjoni. It-tieni, skont Guxiandao, Kordsa t-Turkija ma jistax jitqies bħala produttur tal-HTYP destinati għas-suq miftuħ, peress li l-kapaċità limitata ta’ produzzjoni ta’ raden tal-poliester tiegħu tintuża prinċipalment, jekk mhux esklużivament, għal użu ristrett fil-produzzjoni downstream tiegħu stess tad-drapp tal-korda tat-tajers. Din il-fehma kienet appoġġata wkoll minn grupp ta’ utenti li affermaw li Kordsa t-Turkija juża l-HTYP l-aktar għall-produzzjoni tiegħu stess għall-materjali ta’ qabel it-tajers. Guxiandao afferma li l-HTYP jifforma biss negozju marġinali u subordinat b’appoġġ għad-drapp tal-korda u li l-akbar maġġoranza tad-dħul estern, jekk mhux kollu kemm hu, fis-segment “Fibra tar-raden industrijali u tal-korda” hija relatata mad-dħul mill-bejgħ ta’ drappijiet industrijali u ta’ raden tan-najlon, u mhux tal-HTYP. Guxiando tenna dan l-argument fit-tweġiba tiegħu għad-divulgazzjoni finali. Il-partijiet ikkonkludew li, għalhekk, ir-riżultat finanzjarju tal-kumpanija ma huwiex rappreżentattiv ta’ produttur tal-HTYP u, għalhekk, ma hemm l-ebda informazzjoni finanzjarja disponibbli faċilment għall-operazzjoni tal-HTYP fit-Turkija. It-tielet, Guxiandao sostna fit-Tieni Nota li Kordsa it-Turkija jipproduċi tip speċifiku wieħed biss tal-HTYP (HMLS ta’ valur miżjud għoli għall-użu fil-karozzi), li jagħmlu mhux adattat għall-fini ta’ pajjiż rappreżentattiv, minħabba li r-riżultat operazzjonali minn tip wieħed tal-prodott ma huwiex rappreżentattiv ta’ dak li jikkonċerna l-produtturi Ċiniżi tal-HTYP li jipproduċu firxa wiesgħa ta’ tipi tal-prodott. Bħala konklużjoni, Guxiandao sostna li l-Kummissjoni jenħtieġ li tinjora l-marġni ta’ profitt ta’ Kordsa t-Turkija u tuża marġni ta’ profitt aktar raġonevoli rappreżentattiv tal-produtturi Ċiniżi tal-HTYP. Fit-tweġiba tiegħu għad-divulgazzjoni finali, Guxiandao sostna li l-livell ta’ profitt ta’ 15,3 % stabbilit mill-Kummissjoni huwa eċċessivament għoli għal produttur tal-HTYP u li għalhekk massimu ta’ 6 % (ugwali għall-marġni ta’ profitt fil-mira għall-produtturi tal-Unjoni inklużi fil-kampjun f’dan il-każ, stabbilit bl-applikazzjoni tal-Artikolu 7(2c) tar-Regolament bażiku) huwa indikatur raġonevoli għall-profitt mingħajr distorsjoni u raġonevoli li produttur tal-HTYP jista’ normalment jikseb.

(293)

Il-Kummissjoni osservat li l-għażla tal-pajjiż rappreżentattiv kienet ibbażata fuq it-tliet kriterji: il-livell ta’ żvilupp ekonomiku, il-produzzjoni tal-prodott ikkonċernat u d-disponibbiltà ta’ data pubblika rilevanti. Impatt potenzjali ta’ munita żvalutata jew ta’ livell ta’ inflazzjoni ma huwiex fost dawk il-kriterji. Fi kwalunkwe każ, il-parti li ssottomettiet ma wrietx kif id-deprezzament tal-Lira Torka u l-inflazzjoni għolja fil-fatt kienu jaffettwaw il-prezzijiet tal-inputs miksubin mit-Turkija, u jekk iva xi jkun l-impatt reali fuq il-valuri normali kkalkolat f’CNY. Barra minn hekk, il-partijiet ma pprovdew l-ebda informazzjoni li tindika jekk (u kemm) il-lira Torka tintużax fi tranżazzjonijiet ta’ importazzjoni għall-materja prima li jifformaw bażi sabiex jiġu stabbiliti l-parametri referenzjarji tal-kostijiet mingħajr distorsjoni f’dan il-każ. Barra minn hekk, meta jiġu stabbiliti l-parametri referenzjarji fuq il-bażi tal-prezzijiet tal-importazzjoni għall-kalkolu tal-valur normali skont l-Artikolu 2(6a)(a) tar-Regolament bażiku, il-valuri tal-importazzjoni fil-pajjiżi rappreżentattivi finalment jiġu kkonvertiti fil-munita tal-pajjiż esportatur, jiġifieri f’dan il-każ CNY. Għalhekk, il-Kummissjoni sabet li din l-affermazzjoni ma kinitx sostanzjata u rrifjutatha.

(294)

Fir-rigward tal-portafoll tal-prodotti u s-sors tad-dħul ta’ Kordsa t-Turkija, il-Kummissjoni nnotat li meta ma tkun disponibbli faċilment l-ebda informazzjoni finanzjarja speċifikament u fir-rigward tal-prodott ikkonċernat mill-investigazzjoni biss (f’dan il-każ l-HTYP), li rarament ikun il-każ, il-Kummissjoni tfittex li tidentifika l-eqreb indikatur disponibbli faċilment, inkluża informazzjoni konsolidata tal-produttur(i) attiv(i), fost l-oħrajn fin-negozju tal-prodott ikkonċernat. F’dan il-każ, kif deskritt fil-premessa (111) madwar 86 % tad-dħul estern ta’ Kordsa t-Turkija fl-2021 ġie ġġenerat fis-segment li jkopri l-HTYP. Barra minn hekk, għall-kuntrarju ta’ dak li jissottomettu l-partijiet, Kordsa t-Turkija tabilħaqq jiġġenera dħul estern billi jipproduċi u jbigħ ukoll raden tal-poliester (92). Fil-fatt, Kordsa huwa “[w]ieħed mill-mexxejja […] tas-suq tar-raden tal-poliester tal-HMLS”, b’“portafoll ta’ raden li huma adatti għall-użu f’applikazzjonijiet bħal drapp tal-korda, tessuti heavy-duty, nisġiet industrijali, inforr għat-tajers, kurda u ħbula b’tarf wieħed” (93), u b’hekk għall-użu wkoll f’industriji għajr fl-industrija tal-karozzi. Dan jagħmel l-argument tal-partijiet dwar l-użu ristrett tal-HTYP bla bażi. Barra minn hekk, ir-rinforz huwa waħda mill-applikazzjonijiet ewlenin għall-HTYP u l-produtturi Ċiniżi tal-HTYP, inkluż Guxiandao, jipproduċu wkoll raden tal-HMLS u jaqdu lil klijenti fl-industrija tal-karozzi. Għalhekk, ikun qarrieqi li jiġi ddikjarat li n-negozju tal-HTYP ta’ Kordsa t-Turkija ma huwiex rappreżentattiv tal-attivitajiet kummerċjali tal-produtturi Ċiniżi tal-HTYP. Fl-aħħar nett, il-partijiet ma pproponewx bħala alternattiva għal Kordsa t-Turkija kwalunkwe produttur xieraq ieħor tal-HTYP b’data finanzjarja faċilment disponibbli speċifikament u unikament għall-HTYP, aħseb u ara produttur tal-HTYP b’portafoll usa’ tal-HTYP minn dak ta’ Kordsa t-Turkija.

(295)

Għalhekk, f’dawn iċ-ċirkostanzi, l-SG&A konsolidati u l-profitt identifikati għal Kordsa t-Turkija huma meqjusin bħala rappreżentattivi u xierqa biżżejjed sabiex jiġu applikati għall-finijiet ta’ din l-investigazzjoni u l-argumenti tal-partijiet iridu jiġu miċħudin. Ġie osservat ukoll li, il-profitt fil-mira ta’ 6 % propost li jintuża minn Guxiandao u l-profitt fil-pajjiż rappreżentattiv jirreferu għal kunċetti differenti rregolati minn regoli differenti preskritti f’dispożizzjonijiet legali differenti. B’mod partikolari, il-profitt fil-mira huwa l-profitt miksub mill-industrija tal-Unjoni għall-bejgħ domestiku fl-Unjoni f’kundizzjonijiet normali ta’ kompetizzjoni u jintuża għall-kalkolu tal-marġni tad-dannu skont l-Artikolu 9(4) tar-Regolament bażiku. Il-profitt fil-pajjiż rappreżentattiv intuża fil-kalkolu tal-valur normali b’referenza għall-pajjiż rappreżentattiv xieraq skont l-Artikolu 2(6a)(a) tar-Regolament bażiku. Dan il-profitt irid jirrifletti l-profitt miksub minn kumpanija li tipproduċi l-prodott investigat jew prodott simili, f’pajjiż rappreżentattiv. Peress li l-kunċett tal-profitt fil-mira u tal-profitt f’pajjiż rappreżentattiv mhuwiex komparabbli, l-affermazzjoni ta’ Guxiandao ġiet miċħuda bħala irrilevanti. Barra minn hekk, Guxiandao ma pprovda l-ebda evidenza li tissuġġerixxi li l-ammont għall-profitt inkluż fil-valur normali maħdum ma kienx mingħajr distorsjoni u raġonevoli skont it-tifsira tal-Artikolu 2(6a)(a).

(296)

Guxiandao kien tal-fehma li l-Kummissjoni jenħtieġ li tagħżel lill-Brażil bħala l-pajjiż rappreżentattiv xieraq minflok it-Turkija, minħabba li hemm data finanzjarja disponibbli faċilment għall-kumpanija tal-grupp Kordsa fil-Brażil u minħabba li fl-2021 il-Brażil ftit li xejn kellu importazzjonijiet miċ-Ċina li jikkonċernaw l-inputs ewlenin għall-produzzjoni tal-HTYP (PTA, MEG, ċipep tal-PET) meta mqabbel mat-Turkija u, għalhekk, huwa anqas probabbli li jkun affettwat mid-distorsjonijiet allegati. Guxiandao tenna dan l-argument fit-tweġiba tagħha għad-divulgazzjoni finali, u żiedet li jekk ir-rapport annwali ta’ Kordsa t-Turkija għall-2021 fil-livell konsolidat tal-grupp ta’ kumpaniji kien aċċettabbli bħala sors biex jiġu stabbiliti l-SG&A u l-profitt mingħajr distorsjoni fit-Turkija, applika bl-istess mod għal Kordsa Brażil peress li l-kontijiet konsolidati inkludew ukoll ir-riżultat operazzjonali ta’ Kordsa Brażil.

(297)

L-ewwel nett, id-data finanzjarja għal Kordsa Brażil hija disponibbli biss għall-2019, filwaqt li l-perjodu soġġett għar-reiżami f’dan il-każ, li huwa ta’ rilevanza primarja, ikopri s-sena 2021. Barra minn hekk, kif deskritt hawn fuq, teżisti data disponibbli faċilment u profittabbli fir-rigward ta’ Kordsa t-Turkija għall-2021. Filwaqt li r-rapport finanzjarju ta’ Kordsa t-Turkija għal-2021 użat għall-finijiet ta’ dan il-każ ikkonsolida wkoll id-data tassussidjarji tiegħu, inkluż Kordsa Brażil, kien evidenti li ċ-ċifri tal-profitt u tal-SG&A fir-rapport konsolidat kienu aktar rappreżentattivi tal-operazzjonijiet ta’ Kordsa t-Tukija minflok ta’ operazzjonijiet ta’ Kordsa Brażil. Dan minħabba li d-dħul iġġenerat mis-segment ġeografiku tal-Ewropa-il-Lvant Nofsani - l-Afrika (li jkopri biss l-operazzjonijiet fit-Turkija) kien kważi tliet darbiet ogħla mid-dħul iġġenerat minn Kordsa Brażil (li jirrappreżenta s-segment tal-Amerka t’Isfel) (94). Fi kwalunkwe każ, l-Artikolu 2(6a)(a) tar-Regolament bażiku jirrikjedi li l-ammont għall-kostijiet amministrattivi, tal-bejgħ u ġenerali u għall-profitti inklużi fil-valur normali maħdum ikun mingħajr distorsjoni u raġonevoli. Guxiandao ma pproduċa l-ebda evidenza li turi li dan mhuwiex il-każ. It-tieni, filwaqt li l-proporzjon ta’ kwantitajiet ta’ importazzjonijiet mingħajr distorsjoni mill-importazzjonijiet totali għaċ-ċipep tal-PET, għall-PTA u għall-MEG lejn it-Turkija kien aktar baxx minn dak tal-importazzjonijiet mingħajr distorsjoni fil-Brażil, il-kwantità totali ta’ importazzjonijiet mingħajr distorsjoni għal kull wieħed minn dawn l-inputs fit-Turkija kienet ogħla b’mod sinifikanti mill-kwantità totali ta’ importazzjonijiet mhux distorti lejn il-Brażil. Fil-fatt, filwaqt li l-Brażil jista’ jkollu data rappreżentattiva biżżejjed dwar l-importazzjonijiet taċ-ċipep tal-PET u tal-MEG disponibbli, dan ma japplikax għall-importazzjonijiet tal-PTA, li kienu insinifikanti meta mqabblin mat-Turkija u kienu jammontaw biss għal madwar 7 % tal-importazzjonijiet tal-PTA fit-Turkija. Għalhekk, l-argument ippreżentat minn Guxiandao jrid jiġi rrifjutat.

(298)

Fir-rigward tal-SG&A ta’ Kordsa it-Turkija, li għandhom jiġu applikati f’dan il-każ sabiex jinbena l-valur normali għall-produtturi esportaturi, Guxiandao sostna li sabiex jiġi żgurat paragun ġust bejn il-valur normali maħdum u l-prezz tal-esportazzjoni, l-ispejjeż tal-imballaġġ, li skont Guxiandao jifformaw parti mill-SG&A (fuq il-bażi tan-Nota 21 tar-rapporti finanzjarji ta’ Kordsa it-Turkija) jenħtieġ li jiġu esklużi.

(299)

L-ewwel nett, il-Kummissjoni ħadet ir-rapport tal-introjtu u l-entrati operatorji elenkati fih bħala bażi għall-kalkolu tal-kostijiet tal-SG&A għal Kordsa t-Turkija. In-Nota 21 tar-rapporti finanzjarji, imsemmija minn Guxiandao, telenka “L-Ispejjeż skont in-natura”, li ovvjament ikopru mhux biss l-ispejjeż operatorji, iżda wkoll il-kostijiet tal-materjal, inkluż l-kostijiet tal-imballaġġ inklużi fil-kost tal-oġġetti mibjugħin. Paragun sempliċi tat-total tal-ispejjeż operatorji fir-rapport tal-introjtu u tat-total tal-ispejjeż fin-Nota 21 juri wkoll li l-ammont tal-aħħar huwa ogħla b’mod sinifikanti. Għalhekk, ikun manifestament żbaljat li ssir estrapolazzjoni mis-sempliċi referenza għan-Nota 21 fil-parti tar-rapport tal-introjtu li telenka l-entrati operatorji li l-ispejjeż kollha deskritti fin-Nota 21 jikkorrispondu għall-ispejjeż operatorji. Fid-dawl ta’ dan ta’ hawn fuq, l-argument magħmul minn Guxiandao jrid jiġi rrifjutat.

(300)

Barra minn hekk, grupp ta’ utenti ħeġġeġ lill-Kummissjoni tuża l-SG&A u l-profitt tal-produtturi esportaturi Ċiniżi stess sabiex tikkalkola l-valur normali.

(301)

Il-Kummissjoni nnotat li ladarba l-eżistenza ta’ distorsjonijiet sinifikanti għall-pajjiż esportatur tkun stabbilita f’konformità mal-Artikolu 2(6a)(b) tar-Regolament bażiku, il-valur normali jinħadem b’referenza għal prezzijiet jew għal parametri referenzjarji mingħajr distorsjoni f’pajjiż rappreżentattiv xieraq (f’dan il-każ it-Turkija) għal kull produttur esportatur skont l-Artikolu 2(6a)(a). Il-Kummissjoni tenfasizza li din id-dispożizzjoni teħtieġ b’mod speċifiku wkoll li l-valur normali maħdum jinkludi ammont raġonevoli għall-kostijiet SG&A u għall-profitt mingħajr distorsjoni fil-pajjiż rappreżentattiv xieraq. Ladarba l-Kummissjoni tistabbilixxi l-eżistenza ta’ distorsjonijiet sinifikanti li jaffettwaw il-prodott soġġett għal rieżami fil-pajjiż esportatur, hija ma tistax tuża l-kostijiet SG&A u l-profitt reali ta’ produtturi esportaturi individwali peress li nstab li dawn kienu distorti. Il-partijiet interessati ma pprovdew l-ebda evidenza li l-kostijiet SG&A u l-profitt reali tal-produtturi esportaturi Ċiniżi kienu mingħajr distorsjoni. Għalhekk, din l-affermazzjoni hija miċħuda.

(302)

Unifull, filwaqt li qabel mal-għażla tat-Turkija bħala l-pajjiż rappreżentattiv xieraq, ikkontesta l-għażla tad-data dwar l-elettriku/il-gass naturali. Il-parti argumentat li d-deprezzament tal-lira Torka kontra l-euro u d-dollaru Amerikan għolla l-prezz tal-importazzjoni tal-gass naturali/tal-elettriku, li l-invażjoni mir-Russja tal-Ukrajna fl-2022 affettwat il-prezz tal-gass naturali u tal-elettriku tat-Turkija u li t-temp straordinarju fit-Turkija fl-2021 ukoll kien għolla l-prezz tal-elettriku. Unifull issottometta li, b’riżultat ta’ dan, jenħtieġ li l-Kummissjoni tirrinunzja milli tuża d-data dwar il-prezzijiet tal-gass naturali/tal-elettriku tat-Turkija u tissostitwiha b’data mill-Brażil jew minn pajjiżi xierqa oħrajn, għal riflessjoni ġusta tal-prezz tal-enerġija reali u normali.

(303)

Il-Kummissjoni nnotat li filwaqt li d-deprezzament seta’ kkontribwixxa għal żieda fil-prezzijiet tal-gass/tal-elettriku fit-Turkija, żieda fil-prezzijiet bħal din ma tkunx rari peress li tikkorrispondi ma’ xejra Ewropea usa’, kif ikkonfermat mill-artikolu stess ikkwotat minn Unifull b’appoġġ tal-affermazzjoni tiegħu. Barra minn hekk, il-kundizzjonijiet tat-temp niexef fl-2021 u l-invażjoni mir-Russja tal-Ukrajna fl-2022 huma żviluppi li kienu jaffettwaw, jekk xejn, il-prezzijiet tal-enerġija fl-2022 aktar milli fil-perjodu ta’ investigazzjoni tar-rieżami. Dan jirriżulta mill-artikoli kkwotati minn Unifull kif ukoll mill-fatt li l-invażjoni tal-Ukrajna mir-Russja seħħet fi Frar 2022. Barra minn hekk, kif spjegat minn Unifull, it-Turkija importat madwar 45 % tal-gass mir-Russja fl-2021, u għalhekk ma kinitx tiddependi kompletament fuq l-importazzjonijiet mir-Russja. Għalhekk, Unifull naqset milli tissostanzja l-affermazzjoni tagħha li talbet is-sostituzzjoni tal-prezz tal-gass/tal-elettriku u, għalhekk, tali affermazzjoni trid tiġi miċħuda.

(304)

L-applikant issottometta li t-Turkija għandha livell ta’ żvilupp ekonomiku simili għar-Repubblika tal-Poplu taċ-Ċina u għandha sett tad-data ħafna aktar rappreżentattiv għall-fatturi ta’ produzzjoni meta mqabbla mal-pajjiżi l-oħrajn. Għalhekk, l-applikant sostna l-konklużjoni tal-Kummissjoni.

(305)

Fuq il-bażi tal-informazzjoni ppreżentata mill-partijiet interessati (tmien produtturi esportaturi ssottomettew informazzjoni dwar l-inputs tal-HTYP) u ta’ informazzjoni rilevanti oħra disponibbli fil-fajl, il-Kummissjoni stabbiliet, fl-Ewwel Nota, lista inizjali ta’ fatturi ta’ produzzjoni bħal materjali, enerġija u manodopera, użati għall-produzzjoni tal-prodott soġġett għal rieżami.

(306)

F’konformità mal-Artikolu 2(6a)(a) tar-Regolament bażiku, il-Kummissjoni identifikat ukoll sorsi li għandhom jintużaw sabiex jiġu stabbiliti prezzijiet u valuri referenzjarji mingħajr distorsjoni. Is-sors ewlieni li l-Kummissjoni pproponiet li jintuża kien jinkludi l-Global Trade Atlas (il-“GTA”). Fl-aħħar, il-Kummissjoni identifikat il-kodiċijiet tas-Sistema Armonizzata (“SA”) tal-FOPs li fl-Ewwel Nota tqiesu inizjalment li kellhom jintużaw għall-analiżi tal-GTA fuq il-bażi tal-informazzjoni pprovduta mill-partijiet interessati.

(307)

Il-Kummissjoni stiednet lill-partijiet interessati jikkummentaw u jipproponu informazzjoni pubblikament disponibbli dwar valuri mhux distorti għal kull wieħed mill-FOPs imsemmijin fl-Ewwel Nota. Sussegwentement, fit-Tieni Nota, il-Kummissjoni aġġornat l-informazzjoni dwar il-klassifikazzjoni tariffarja dwar l-FOPs u espandiet il-lista ta’ dawn fuq il-bażi tal-kummenti li rċiviet mill-partijiet interessati.

(308)

Fid-dawl ta’ dan ta’ hawn fuq, l-FOPs li ġejjin u s-sorsi tagħhom ġew identifikati fir-rigward tat-Turkija, sabiex jiġi ddeterminat il-valur normali f’konformità mal-Artikolu 2(6a)(a) tar-Regolament bażiku:

Tabella 15

Fatturi ta’ produzzjoni tal-HTYP

(309)

Guxiandao afferma li tnejn mill-materjali importati direttament jew indirettament tiegħu nxtraw b’valuri mhux distorti minn pajjiżi terzi. Guxiandao qies ukoll li l-valur ta’ materja prima ewlenija oħra ma għandux ikun affettwat mill-allegati distorsjonijiet sinifikanti minħabba li l-prezzijiet tax-xiri ġew innegozjati mal-fornituri fuq il-bażi tal-prezzijiet fis-swieq internazzjonali li huma trasparenti ħafna u l-prezzijiet tax-xiri huma konformi mal-prezzijiet internazzjonali. Guxiandao qies ukoll li l-materjali li s-sjieda tal-fornituri tagħhom hija privata u l-kost tal-elettriku mill-enerġija solari ma għandhomx jitqiesu bħala distorti.

(310)

Guxiandao pprovda evidenza ta’ sostenn (jiġifieri fatturi tax-xiri, dokumenti tal-importazzjoni u kuntratti) għaż-żewġ materji primi msemmija fil-premessa (309) hawn fuq. L-evidenza wriet li x-xiri għall-maġġoranza l-kbira ta’ proporzjon u proporzjon żgħir tal-materjal l-ieħor sar f’USD u direttament minn swieq ħielsa minn distorsjonijiet. Għalhekk, il-Kummissjoni aċċettat din l-affermazzjoni f’dak li għandu x’jaqsam ma’ dawn l-importazzjonijiet mingħajr distorsjoni taż-żewġ tipi ta’ materja prima fiċ-Ċina għal dan il-produttur esportatur partikolari matul il-PIR. Madankollu, għall-kostijiet l-oħrajn relatati mal-materjali mixtrijin fiċ-Ċina (irrispettivament mis-sjieda tal-fornitur jew mis-sors tal-enerġija), il-Kummissjoni ma setgħetx tistabbilixxi b’mod pożittiv, fuq il-bażi tal-evidenza fil-fajl, li ma kinux distorti. Għalhekk, l-affermazzjoni kienet irrifjutata.. Kif imsemmi fil-premessa (114), it-Turkija ġiet stabbilita bħala l-pajjiż rappreżentattiv f’dan il-każ u, għalhekk, il-kostijiet mingħajr distorsjoni tal-fatturi ta’ produzzjoni jridu jkunu bbażati fuq il-prezzijiet ta’ importazzjoni korrispondenti mingħajr distorsjoni fit-Turkija.

(311)

Fit-tweġiba tagħha għad-divulgazzjoni finali, CIRFS argumentat li l-Kummissjoni jenħtieġ li tispjega kif tista’ tiżgura li ż-żewġ materji primi importati minn Guxiandao u użati għall-kalkolu tal-valur normali ma kinux affettwati minn xi distorsjoni sinifikanti. CIRFS innotat li ma kinitx f’pożizzjoni li teżerċita bis-sħiħ id-drittijiet ta’ difiża tagħha li tipprovdi kummenti utli fir-rigward ta’ dan it-trattament speċifiku applikat għal Guxiandao.

(312)

Saret referenza għall-valutazzjoni tal-Kummissjoni tal-affermazzjoni u l-kriterji ta’ Guxiandao użati fl-eżami u l-aċċettazzjoni ta’ tali pretensjoni. Il-Kummissjoni sostniet li hija ddivulgat biżżejjed il-fatti, filwaqt li rrispettat il-kunfidenzjalità tad-data tax-xiri ta’ Guxiandao. L-approċċ applikat fil-valutazzjoni tal-affermazzjoni ta’ Guxiandao (u spjegat mill-Kummissjoni) involva eżami bir-reqqa tar-rekords tax-xiri u l-kuntratti kif ukoll analiżi ta’ varjetà ta’ parametri bħall-kanali tal-bejgħ użati, iċ-ċertifikati tal-oriġini, il-munita tal-fattura kif ukoll termini oħra tal-bejgħ. Għalhekk, is-CIRFS kienet f’pożizzjoni li tikkummenta dwar l-approċċ applikat u teżerċita kif xieraq id-drittijiet ta’ difiża tagħha.

(313)

Sabiex tistabbilixxi l-prezz mhux distort tal-materja prima, il-Kummissjoni użat bħala bażi l-prezz medju ponderat tal-importazzjoni (CIF) għall-pajjiż rappreżentattiv, kif irrapportat fil-GTA, mill-pajjiżi terzi kollha minbarra ċ-Ċina u l-pajjiżi li ma humiex membri tad-WTO u elenkati fl-Anness I tar-Regolament (UE) 2015/755. Il-Kummissjoni ddeċidiet li teskludi l-importazzjonijiet miċ-Ċina peress li kkonkludiet li ma huwiex xieraq li jintużaw prezzijiet u kostijiet domestiċi fiċ-Ċina minħabba l-eżistenza ta’ distorsjonijiet sinifikanti f’konformità mal-Artikolu 2(6a)(b) tar-Regolament bażiku (ara l-premessa (100) aktar ’il fuq). Fin-nuqqas ta’ kwalunkwe evidenza li turi li l-istess distorsjonijiet ma jaffettwawx bl-istess mod il-prodotti maħsubin għall-esportazzjoni, il-Kummissjoni kkunsidrat li l-istess distorsjonijiet kienu jaffettwaw l-esportazzjonijiet. Meta xieraq, il-prezz medju ponderat tal-importazzjoni ġie aġġustat għad-dazji tal-importazzjoni. Wara li ġew esklużi l-importazzjonijiet mir-RPĊ u minn pajjiżi li ma humiex membri tad-WTO fil-pajjiż rappreżentattiv, il-volum tal-importazzjonijiet minn pajjiżi terzi oħrajn baqa’ rappreżentattiv.

(314)

Il-Kummissjoni esprimiet il-kost tat-trasport imġarrab mill-produtturi esportaturi li kkooperaw għall-provvista ta’ materja prima bħala perċentwal tal-kost effettiv ta’ materja prima bħal din u mbagħad applikat l-istess perċentwal għall-kost mingħajr distorsjoni tal-istess materja prima sabiex jinkisbu l-kostijiet mingħajr distorsjoni tat-trasport. Il-Kummissjoni kkunsidrat li, fil-kuntest ta’ din l-investigazzjoni, il-proporzjon bejn il-materja prima tal-produttur esportatur u l-kostijiet tat-trasport irrapportati jista’ jintuża b’mod raġonevoli bħala indikazzjoni sabiex jiġu stmati l-kostijiet mingħajr distorsjoni tat-trasport tal-materja prima meta tiġi kkonsenjata lill-fabbrika tal-kumpanija.

(315)

Għal numru żgħir ta’ FOPs, minħabba s-sehem insinifikanti tagħhom fil-kostijiet totali tal-materja prima fil-PIR, irrispettivament mis-sors użat, il-Kummissjoni ttrattat dawk l-FOPs bħala oġġetti konsumabbli, kif spjegat fil-premessa (334).

(316)

Fil-kummenti tiegħu dwar id-divulgazzjoni finali, Unifull argumenta li l-MEG mixtri u użat minn dan il-grupp ġie importat minn barra l-pajjiż permezz ta’ operaturi tas-suq u, konsegwentement, dan il-MEG ma kienx affettwat mid-distorsjonijiet fis-suq Ċiniż. Għalhekk Unifull argumenta li meta jiġi stabbilit il-valur normali, għandu jintuża l-kost tiegħu, minflok il-punti ta’ riferiment deskritti hawn fuq.

(317)

Il-Kummissjoni indikat li l-kwestjonarju anti-dumping jitlob b’mod espliċitu lill-produttur esportatur biex jindika jekk iqisx li xi wieħed mill-fatturi ta’ produzzjoni sar b’valuri mingħajr distorsjoni u, f’każ bħal dan, jippreżenta l-evidenza rilevanti kollha biex jappoġġa tali affermazzjoni. Madankollu, fl-ebda punt matul l-investigazzjoni qabel il-kummenti tagħha għad-divulgazzjoni finali ma’ Unifull ma għamlet xi affermazzjoni speċifikata jew sostanzjata li xi wieħed mill-materjali nxtara b’valuri mhux distort u lanqas ma identifikat xi tranżazzjonijiet li kienu jsiru b’valuri mhux distorti. Għall-kuntrarju, Unifull kienet irrapportat li x-xiri kollu tal-MEG sar minn fornitur domestiku Ċiniż mingħajr ebda referenza għall-importazzjonijiet. Id-dokumenti mibgħuta wara d-divulgazzjoni finali, essenzjalment il-kuntratti tax-xiri u l-fatturi mill-kummerċjant Ċiniż tal-MEG, ma jipprovdux raġunament sostanzjat għaliex il-prezz tax-xiri tal-MEG ma jkunx affettwat minn distorsjonijiet. Għalhekk, din l-affermazzjoni, li kienet ibbażata fuq affermazzjoni li ma kinitx evidenzjata u li ma setgħetx tiġi vverifikata matul l-investigazzjoni, ġiet irrifjutata.

(318)

Fil-kummenti tagħha dwar id-divulgazzjoni finali Unifull affermat ukoll li l-prezz referenzjarju għall-PTA kien minfuħ minħabba ċirkostanzi eċċezzjonali (rati eċċezzjonalment għoljin tat-trasport mill-Asja għal it-Turkija fl-2021) li ma jirriflettux il-kundizzjonijiet normali tas-suq filwaqt li fl-istess żmien Unifull ma ġarrbet l-ebda kost tat-trasport internazzjonali għall-PTA peress li kienet qed takkwista PTA domestiku fiċ-Ċina. Konsegwentement, Unifull qies li l-prezz referenzjarju tal-PTA għandu jiġi aġġustat ’l isfel b’0,24 CNY/Kg jew mill-anqas 0,15 CNY/Kg biex jikkumpensa għall-kost għoli tat-trasport.

(319)

Il-Kummissjoni ma qablitx ma’ din l-affermazzjoni. Skont l-Artikolu 2(6a)(a) tar-Regolament bażiku, il-valur normali għandu jinbena bl-użu ta’ parametri referenzjarji li jikkorrispondu għall-kostijiet tal-produzzjoni f’pajjiż rappreżentattiv xieraq. B’kuntrast ma’ dak li sostniet Unifull, il-metodoloġija użata mill-Kummissjoni hija strettament konformi ma’ dan il-prinċipju u l-Kummissjoni applikat il-kost korrispondenti mingħajr distorsjoni tal-PTA f’it-Turkija fl-istabbiliment tal-parametru referenzjarju. Flimkien mal-kummenti tiegħu Unifull ipprovda analiżi tad-data tal-importazzjoni tad-dundjani estratta minn UN COMTRADE. Madankollu, din l-analiżi sempliċement turi l-prezzijiet tal-importazzjoni CIF u FOB u b’hekk tnaqqas il-kost tat-trasport, iżda ma tipprovdi l-ebda evidenza li tappoġġa l-affermazzjoni ta’ Unifull li l-prezzijiet tal-importazzjoni f’it-Turkija jkunu distorti jew li ma jirriflettux il-kundizzjonijiet normali tas-suq.

(320)

Il-Kummissjoni nnotat ukoll li, skont l-Artikolu 2(6a)(a) tar-Regolament bażiku, il-valur normali jenħtieġ li jirrifletti l-prezz mhux distort tal-materja prima fil-pajjiż rappreżentattiv, f’dan il-każ it-Turkija. Għalhekk jenħtieġ li dan jirrifletti l-prezz li produttur tal-HTYP iħallas fit-Turkija għal materja prima kkonsenjata fil-bieb tal-fabbrika. Il-metodoloġija applikata mill-Kummissjoni tirrifletti dan l-approċċ. Jekk isiru l-aġġustamenti ssuġġeriti mill-Unifull, il-prezz li jirriżulta ma jirriflettix il-prezz mhux distort fis-suq Tork iżda pjuttost prezz arbitrarju bejn il-prezz li produttur tal-HTYP kien iħallas fit-Turkija u l-prezz EXW (meta jinbiegħ għall-esportazzjoni) fil-pajjiżi li jbigħu li it-Turkija. Dan imur kontra l-Artikolu 2(6a)(a) tar-Regolament bażiku u għalhekk din l-affermazzjoni hija rrifjutata.

(321)

Sabiex tistabbilixxi l-valur referenzjarju għall-kostijiet lavorattivi, il-Kummissjoni użat l-aktar statistika reċenti ppubblikata mill-Istitut tal-Istatistika Tork (98). Dan l-istitut jippubblika informazzjoni dettaljata dwar il-kostijiet lavorattivi f’setturi ekonomiċi differenti fit-Turkija. Il-Kummissjoni stabbiliet il-parametru referenzjarju fuq il-bażi tal-kostijiet lavorattivi fis-siegħa għall-2020 għall-attività ekonomika bil-kodiċi 20 tan-NACE, “Manifattura ta’ sustanzi kimiċi”, skont il-klassifikazzjoni NACE Rev.2. Il-valuri ġew aġġustati aktar għall-inflazzjoni permezz tal-indiċi domestiku tal-prezzijiet għall-konsumatur (99) sabiex jirriflettu l-kostijiet għall-perjodu ta’ investigazzjoni tar-rieżami. Meta mqabbel mat-Tieni Nota u wara talba mqajma minn Guxiandao, il-valur referenzjarju għall-manodopera ġie mmodifikat sabiex iqis ir-rata medja annwali tal-inflazzjoni.

(322)

Sabiex tistabbilixxi l-parametru referenzjarju tal-prezz għall-elettriku, il-Kummissjoni użat il-prezzijiet tal-elettriku għall-kumpaniji (utenti industrijali) fit-Turkija ppubblikati mill-Istitut tal-Istatistika Tork (100). Il-parametru referenzjarju ġie stabbilit fuq il-bażi tal-prezz għall-elettriku u għall-gass, ippubblikat fil-31 ta’ Marzu 2022. Il-prezz imsemmi huwa l-medja għall-2021. Il-Kummissjoni użat id-data dwar il-prezzijiet tal-elettriku industrijali fil-faxex ta’ konsum korrispondenti, netti mill-VAT.

(323)

Guxiandao argumenta li minbarra l-VAT applikata fuq il-prezzijiet tal-elettriku u tal-gass identifikati għat-Turkija, il-prezzijiet tal-elettriku jinkludu taxxi u tariffi addizzjonali (taxxa fuq il-konsum, tariffi TRT u tal-Fond tal-Enerġija), li jenħtieġ li jitnaqqsu mill-Kummissjoni sabiex tistabbilixxi l-kost referenzjarju tal-elettriku. L-ewwel nett, ġie nnotat li ma hemm l-ebda evidenza fil-fajl li turi li (u sa liema punt, jekk ikun hemm) il-kumpaniji fit-Turkija rkupraw kwalunkwe waħda mit-taxxi u mit-tariffi msemmijin, li b’hekk jistħoqqilhom kwalunkwe tnaqqis mill-kostijiet referenzjarji. Barra minn hekk, Guxiandao naqas milli jissostanzja l-affermazzjoni tiegħu speċifikament fir-rigward tas-sett ta’ data ppubblikat mill-Istitut Tork tal-Istatistika u użat għall-finijiet ta’ dan il-każ.

(324)

Fir-rigward tal-faħam, il-Kummissjoni użat il-prezz medju tal-faħam f’it-Turkija fl-2021 abbażi tal-istatistika tal-GTA (101).

(325)

Fil-kummenti tiegħu dwar id-divulgazzjoni finali, l-applikant, CIRFS wriet id-dubju tagħha dwar l-użu tal-faħam bħala sors ta’ enerġija fl-istabbiliment tal-valur normali u wkoll dwar jekk il-kost ambjentali tal-faħam huwiex rifless b’mod ġust fil-prezz mhux distort tal-faħam.

(326)

Il-Kummissjoni fakkret li skont il-metodoloġija stabbilita fir-Regolament bażiku u skont l-Artikolu 2(6a)(a) tiegħu, il-valur normali għandu jinħadem esklużivament abbażi tal-kostijiet tal-produzzjoni u tal-bejgħ li jirriflettu prezzijiet jew valuri referenzjarji mhux distorti. Minn dan isegwi li, minkejja s-sostituzzjoni tal-prezzijiet tal-fatturi tal-produzzjoni b’valuri referenzjarji mhux distorti, il-konsum tal-fatturi tal-produzzjoni għandu jirrifletti l-konsum reali minn kull esportatur u produttur separatament. Konsegwentement, il-Kummissjoni ma kellha l-ebda diskrezzjoni li tagħżel sorsi alternattivi ta’ enerġija biex tissostitwixxi dawk użati minn kull produttur esportatur jew li żżid elementi arbitrarji mal-prezzijiet mhux distorti osservati fil-pajjiż rappreżentattiv xieraq. Dan kien imur kontra l-Artikolu 2(6a)(a) tar-Regolament bażiku. Fir-rigward tar-riflessjoni tal-kostijiet ambjentali fil-prezz mhux distort tal-faħam, ġie nnotat li fl-istabbiliment tal-valur normali maħdum f’konformità mal-Artikolu 2(6a)(a) tar-Regolament bażiku, il-kostijiet ambjentali mhumiex kontabilizzati b’mod speċifiku. Għalhekk, din l-affermazzjoni ġiet irrifjutata.

(327)

Barra minn hekk, bi tweġiba għad-divulgazzjoni finali, is-CIRFS talbet lill-Kummissjoni li, fid-dawl tar-rapport tal-Kummissjoni dwar distorsjonijiet sinifikanti fir-Russja (102), l-importazzjonijiet tal-faħam mir-Russja lejn it-Turkija jiġu esklużi mill-prezz medju tal-importazzjoni tal-faħam f’it-Turkija kkunsidrat għall-finijiet tal-kostruzzjoni tal-valur normali skont l-Artikolu 2(6a) tar-Regolament bażiku. B’mod aktar speċifiku, b’referenza għar-rapport tal-Kummissjoni, is-CIRFS argumentat li filwaqt li l-industrija tal-faħam Russa ġiet privatizzata fil-biċċa l-kbira, is-suq huwa kkonċentrat u l-prezzijiet huma influwenzati minn miżuri fiskali applikabbli u mill-kostijiet ferrovjarji (stabbiliti mill-kumpaniji ferrovjarji tal-istat). Barra minn hekk, is-CIRFS għamlet sottomissjoni addizzjonali sitt ijiem wara l-iskadenza għall-kummenti dwar id-divulgazzjoni finali, fejn tenniet it-talba tagħha u argumentat ukoll għall-esklużjoni tal-importazzjonijiet tal-faħam Kolombjan mill-prezz tal-importazzjoni tal-faħam għa t-Turkija. Il-Kummissjoni, filwaqt li qieset l-impatt negliġibbli li l-aċċettazzjoni jew ir-rifjut ta’ din l-affermazzjoni kien ikollu fuq il-miżuri, iddeċidiet li ma kienx hemm bżonn li tiġi analizzata aktar. Rigward l-affermazzjoni addizzjonali li saret fir-rigward tal-importazzjonijiet tal-faħam Kolombjan, saret referenza għall-punt 7 tan-Notifika ta’ Bidu. Skont id-dispożizzjoni msemmija, sabiex l-investigazzjoni titlesta sal-iskadenzi obbligatorji, il-Kummissjoni mhux se taċċetta sottomissjonijiet mill-partijiet interessati wara l-iskadenza biex jipprovdu kummenti dwar id-divulgazzjoni finali. Għalhekk, l-affermazzjonijiet tas-CIRFS ġew miċħuda.

(328)

Bi tweġiba għad-divulgazzjoni finali, is-CIRFS issottomettiet li l-Kummissjoni għandha tispjega għaliex il-prezz tal-gass tal-2021 fit-Turkija magħżul għall-fini tal-kalkolu tal-valur normali naqas b’mod sinifikanti, filwaqt li skont l-Istitut tal-Istatistika Tork, il-prezz unitarju medju tal-gass naturali fit-Turkija żdied drastikament fl-2021 meta mqabbel mal-2020. Kif diġà deskritt fit-Tieni Nota divulgata, il-Kummissjoni kisbet id-data dwar il-prezzijiet tal-gass direttament mill-bażi tad-data tal-Istitut tal-Istatistika Tork, bl-użu tal-prezzijiet medji għall-2021 għall-faxex ta’ konsum rispettivi, filwaqt li kkonvertiet iċ-ċifri mil-Lira Torka għall-RMB bl-użu tar-rata tal-kambju uffiċjali applikabbli biex jinħadem il-valur normali għall-produtturi esportaturi.

(329)

Barra minn hekk, is-CIRFS iddikjarat bi tweġiba għad-divulgazzjoni finali li l-Kummissjoni għandha tispjega fir-rigward tal-gass il-metodoloġija użata biex tintgħażel l-aktar faxxa ta’ konsum xierqa għal kull produttur Ċiniż. Kien innotat f’dan ir-rigward li, kif spjegat fil-qosor fil-premessa (322), il-Kummissjoni attribwiet lil kull produttur fil-kampjun, il-kost tal-gass fil-faxxa tal-konsum li tikkorrispondi mal-konsum tal-gass totali reali tagħha matul il-PIR.

(330)

Skont l-Artikolu 2(6a)(a) tar-Regolament bażiku, “il-valur normali maħdum għandu jinkludi ammont raġonevoli u mingħajr distorsjoni għal kostijiet amministrattivi, tal-bejgħ u ġenerali u għal profitti”. Barra minn hekk, jeħtieġ li jiġi stabbilit valur għall-kostijiet ġenerali tal-manifattura sabiex ikopri l-kostijiet mhux inklużi fil-fatturi ta’ produzzjoni msemmijin hawn fuq.

(331)

Sabiex jiġi stabbilit ammont mingħajr distorsjoni u raġonevoli għall-SG&A u għall-profitti, il-Kummissjoni użat l-SG&A (6,6 %) u l-profitt (15,3 %) tal-produttur tal-HTYP fit-Turkija, Kordsa t-Turkija, li għalih iċ-ċifri relatati mad-data finanzjarja tal-2021 (jiġifieri għall-perjodu li jikkoinċidi bis-sħiħ mal-PIR) kienu disponibbli faċilment.

(332)

Fuq il-bażi tal-prezzijiet u l-valuri referenzjarji mingħajr distorsjoni deskritti hawn fuq, il-Kummissjoni ħadmet il-valur normali għal kull tip ta’ prodott fuq bażi tal-prezz mill-fabbrika f’konformità mal-Artikolu 2(6a)(a) tar-Regolament bażiku.

(333)

L-ewwel nett, il-Kummissjoni stabbiliet il-kostijiet mingħajr distorsjoni tal-manifattura għal kull entità legali li timmanifattura u tesporta l-prodott soġġett għal rieżami fuq il-bażi tal-fatturi ta’ produzzjoni mixtrijin minn kull waħda mill-kumpaniji u identifikati fit-Tabella 15. Imbagħad il-Kummissjoni applikat il-kostijiet unitarji mhux distorti għall-konsum reali tal-fatturi individwali ta’ produzzjoni ta’ kull wieħed mill-produtturi esportaturi fil-kampjun. Il-Kummissjoni naqqset il-kostijiet tal-manifattura mid-dħul mingħajr distorsjoni ġġenerat għall-prodott inċidentali (f’dan il-każ l-iskart tar-raden) mibjugħ mill-ġdid.

(334)

It-tieni, sabiex tasal għal kost totali mingħajr distorsjoni tal-manifattura, il-Kummissjoni żiedet l-ispejjeż ġenerali tal-manifattura. L-ispejjeż ġenerali tal-manifattura mġarrbin mill-produtturi esportaturi fil-kampjun żdiedu bil-kostijiet tal-oġġetti tal-konsumabbli imsemmijin fil-premessa (315) u sussegwentement ġew espressi bħala sehem mill-kostijiet tal-manifattura li effettivament iġġarrbu minn kull produttur esportatur. Dan il-perċentwal ġie applikat għall-kostijiet tal-manifattura mingħajr distorsjoni.

(335)

Fl-aħħar nett, il-Kummissjoni żiedet l-SG&A u l-profitt, iddeterminati fuq il-bażi tal-produttur Tork tal-HTYP (ara l-premessa (331)). L-SG&A u l-profitt, it-tnejn espressi bħala perċentwal tal-kost tal-oġġetti mibjugħin u applikati għall-kost totali tal-manifattura mingħajr distorsjoni, ammontaw għal 6,6 % u għal 15,3 %, rispettivament.

(336)

Fuq dik il-bażi, il-Kummissjoni ddeterminat il-valur normali għal kull tip ta’ prodott fuq bażi tal-prezz mill-fabbrika f’konformità mal-Artikolu 2(6a)(a) tar-Regolament bażiku.

(337)

B’reazzjoni għad-divulgazzjoni finali, Guxiandao sostna li l-Kummissjoni rabtet mingħajr raġuni l-valur tal-oġġetti konsumabbli u l-ispejjeż ġenerali tal-manifattura ma’ dak ta’ inputs oħra. Skont Guxiandao, il-Kummissjoni għandha tidentifika l-parametru referenzjarju għall-oġġetti tal-konsum u l-ispejjeż ġenerali tal-manifattura separatament minn inputs oħra jew inkella taċċetta l-kost reali tal-kumpanija għall-oġġetti tal-konsum u l-ispejjeż ġenerali tal-manifattura. Affermazzjoni simili tqajmet minn Guxiandao fir-rigward tal-kostruzzjoni tal-kost tat-trasport għall-provvista tal-materja prima.

(338)

Kif spjegat fil-premessa (100), l-investigazzjoni sabet li l-prezzijiet jew il-kostijiet tal-prodott soġġett għal rieżami, inklużi l-kostijiet tal-materja prima, tal-enerġija u tal-manodopera, ma humiex ir-riżultat ta’ forzi tas-suq ħielsa minħabba li huma affettwati minn intervent sostanzjali min-naħa tal-gvern skont it-tifsira tal-Artikolu 2(6a)(b) tar-Regolament bażiku. Guxiandao naqas milli juri li l-prezzijiet tal-oġġetti tal-konsum tiegħu, l-ispejjeż ġenerali tal-manifattura tiegħu jew il-kost tat-trasport tiegħu mhux distorti. Ma setax jiġi stabbilit b’mod pożittiv li dawn il-kostijiet mhumiex distorti u għalhekk, fid-dawl tat-tielet inċiż tat-tieni paragrafu tal-Artikolu 2(6a)(a), ma jistgħux jintużaw fil-kostruzzjoni tal-valur normali. Il-Kummissjoni ma setgħet issib l-ebda parametru referenzjarju raġonevoli għal dawn il-kostijiet, u l-ebda parametru referenzjarju raġonevoli għal dawn il-kostijiet ma ġie ssuġġerit minn Guxiandao jew minn kwalunkwe parti interessata oħra. Meta ma jkunux jistgħu jinstabu punti ta’ riferiment xierqa għal kost, il-Kummissjoni tista’ fil-prinċipju tistabbilixxihom bħala proporzjon mal-grupp ta’ kostijiet li jkunu relatati miegħu (kemm jekk ikun il-kost tal-materja prima kollha kif ukoll tal-kostijiet tal-manifattura). Ladarba jiġu stabbiliti l-kostijiet mingħajr distorsjoni tal-materja prima jew tal-kostijiet tal-manifattura, il-Kummissjoni se tapplika l-parametru referenzjarju biex tistma l-kost mingħajr distorsjoni inkwistjoni, u b’hekk tippreserva l-istruttura tal-kostijiet tal-produttur esportatur. Dan ifisser li jekk, pereżempju, l-oġġetti konsumabbli jirrappreżentaw 1 % tal-kostijiet kollha tal-materja prima fil-kontijiet ta’ produttur esportatur, wara l-kostruzzjoni tal-valur normali xorta jirrappreżentaw 1 % tal-kostijiet tal-materja prima.

(339)

Kif stabbilit fil-premessa (334), biex wieħed jasal għall-kost mhux distort tal-konsumabbli u tal-ispejjeż ġenerali, is-sehem tal-produtturi fil-kampjun tal-kost tal-oġġetti konsumabbli kif ukoll l-ispejjeż ġenerali tal-manifattura fuq il-kostijiet tal-manifattura realment imġarrba ġie applikat għall-kostijiet mingħajr distorsjoni tal-manifattura. Kif spjegat fil-premessa (338), fin-nuqqas ta’ data speċifika dwar l-ispejjeż ġenerali mingħajr distorsjoni fid-data finanzjarja disponibbli tal-produttur(i) fil-pajjiż rappreżentattiv, il-Kummissjoni ddeterminat id-data tal-ispejjeż ġenerali mingħajr distorsjoni għall-produttur esportatur billi segwiet dan il-metodu. Barra minn hekk, minħabba li f’dan il-każ ġew identifikati bosta fatturi ta’ produzzjoni li tipikament jammontaw għal sehem insinifikanti mill-kostijiet totali tal-materja prima, il-Kummissjoni qieset li huwa raġonevoli li tinkludi tali inputs (għal darb’oħra bl-użu tal-kostijiet reali tal-produtturi) fost l-oġġetti konsumabbli u tittrattahom kif xieraq. Barra minn hekk, fir-rigward tal-kostijiet tat-trasport, kif deskritt fil-premessa (314) u fin-nuqqas ta’ data fil-fajl dwar il-kostijiet tat-trasport mingħajr distorsjoni fil-pajjiż rappreżentattiv, il-Kummissjoni qieset li l-proporzjon bejn il-materja prima tal-produttur esportatur u l-kostijiet tat-trasport irrapportati jista’ jintuża b’mod raġonevoli bħala indikazzjoni biex jiġu stmati l-kostijiet tat-trasport mingħajr distorsjoni tal-materja prima meta tiġi kkonsenjata lill-fabbrika tal-kumpanija. Għalhekk, l-affermazzjoni ta’ Guxiandao kienet irrifjutata.

(340)

Il-produtturi esportaturi li kkooperaw kienu jesportaw il-prodott ikkonċernat direttament għand klijenti indipendenti fl-Unjoni. Għalhekk, il-prezz tal-esportazzjoni għal Guxiandao u għal Unifull għal dan il-bejgħ dirett kien il-prezz effettivament imħallas jew li jista’ jitħallas għall-prodott ikkonċernat meta jinbiegħ għall-esportazzjoni lejn l-Unjoni, f’konformità mal-Artikolu 2(8) tar-Regolament bażiku.

(341)

Minbarra l-bejgħ dirett, il-grupp Unifull għamel ukoll xi bejgħ permezz tal-produttur relatat l-ieħor fil-grupp. Għal dan il-bejgħ, il-prezz tal-esportazzjoni ġie aġġustat skont l-Artikolu 2(10)(i) tar-Regolament bażiku u tnaqqsu l-ispejjeż tal-bejgħ rispettivi tal-entità tal-bejgħ u profitt raġonevoli (stabbilit għal 6,89 % fl-investigazzjoni reċenti dwar ċerti alkoħols tal-polivinil u użat fl-investigazzjoni preżenti minħabba (103) s-similarità tal-industrija u n-nuqqas ta’ kooperazzjoni minn importaturi mhux relatati).

(342)

Il-Kummissjoni qabblet il-valur normali u l-prezz tal-esportazzjoni tal-produtturi esportaturi inklużi fil-kampjun fuq bażi ta’ kif joħroġ mill-fabbrika.

(343)

Sabiex tiżgura paragun ġust, il-Kummissjoni aġġustat il-valur normali u/jew il-prezz tal-esportazzjoni għad-differenzi li jaffettwaw il-prezzijiet u l-komparabbiltà tal-prezzijiet, f’konformità mal-Artikolu 2(10) tar-Regolament bażiku. Saru aġġustamenti fil-prezz tal-esportazzjoni għat-trasport, għall-assigurazzjoni, għall-immaniġġar u għat-tagħbija, għall-iskontijiet, għall-kummissjoni, għall-kostijiet tal-kreditu, għat-tariffi bankarji u għal imposti oħrajn fuq l-importazzjoni.

(344)

Fit-tweġiba tagħha għad-divulgazzjoni finali, Guxiandao talbet aġġustament għall-valur normali maħdum biex jiġi żgurat tqabbil ġust mal-prezz tal-esportazzjoni skont l-Artikolu 2(10) tar-Regolament bażiku. Skont Guxiando, elementi bħall-merkanzija u l-assigurazzjoni li setgħu ġew inklużi fl-SG&A użati fil-kostruzzjoni tal-valur normali jenħtieġ li jitneħħew, peress li l-istess tnaqqsu mill-prezz tal-esportazzjoni u b’hekk ħolqu asimetrija bejn it-tnejn.

(345)

Il-Kummissjoni nnotat li Guxiandao naqas milli juri li l-merkanzija u l-assigurazzjoni ġew inklużi fl-SG&A użati għall-kostruzzjoni tal-valur normali. Minn dan isegwi li l-aġġustament mitlub la kien sostanzjat u lanqas ikkwantifikat u għalhekk it-talba kienet irrifjutata.

(346)

Fil-kummenti tiegħu dwar id-divulgazzjoni finali Unifull argumenta li aġġustament skont l-Artikolu 2(10)(i) tar-Regolament bażiku mhuwiex ġustifikat għall-bejgħ permezz ta’ produtturi relatati fil-grupp. B’mod partikolari Unifull argumenta li l-ebda waħda mill-kumpaniji tal-grupp ma qed taġixxi bħala aġent li jbigħ il-prodotti tal-prinċipal. Unifull argumenta wkoll li jaġixxi fit-totalità tagħha bħala grupp wieħed u li t-teħid tad-deċiżjonijiet, l-arranġamenti tal-produzzjoni u l-bejgħ tiegħu jsiru kollha fil-livell tal-grupp u taħt maniġer ġenerali wieħed, aktar milli mill-kumpaniji individwali tal-grupp. Fil-verżjoni sensittiva tal-kummenti Unifull spjega wkoll ir-raġunijiet għaliex il-bejgħ sar permezz ta’ kull parti rispettiva u sostna li dawn ir-raġunijiet ma kinux relatati mal-funzjonijiet ta’ operatur tas-suq/aġent.

(347)

F’dan ir-rigward, il-Kummissjoni nnotat li, skont l-Artikolu 2(10) tar-Regolament bażiku, irid isir tqabbil ġust bejn il-prezz tal-esportazzjoni u l-valur normali. Dik id-dispożizzjoni tgħid li fejn il-valur normali u l-prezz tal-esportazzjoni mhumiex fuq bażi daqshekk komparabbli jsir adattament, f’forma ta’ aġġustamenti, fuq il-merti, għal differenzi fil-fatturi li huma pretiżi, u murija, li jaffettwaw il-prezzijiet u l-komparabilità tal-prezzijiet. Fost il-fatturi li għalihom jista’ jsir aġġustament, l-Artikolu 2(10)(i) tar-Regolament bażiku jipprevedi b’mod partikolari li għandu jsir aġġustament għad-differenzi fil-kummissjonijiet imħallsa fir-rigward tal-bejgħ ikkunsidrat. Id-dispożizzjoni tgħid li t-terminu “kummissjonijiet” għandu jinftiehem li jinkludi ż-żieda fuq il-prezz li jirċievi operatur tas-suq tal-prodott jew ta’ prodott simili jekk il-funzjonijiet ta’ tali operatur tas-suq ikunu simili għal dawk ta’ aġent li jaġixxi fuq il-bażi ta’ kummissjoni. Madankollu, ma jistax isir aġġustament skont l-Artikolu 2(10)(i) tar-Regolament bażiku meta l-produttur stabbilit fi Stat terz u d-distributur relatat tiegħu responsabbli għall-esportazzjonijiet lejn l-Unjoni Ewropea jiffurmaw entità ekonomika waħda (single economic entity, “SEE”).

(348)

Fl-analiżi dwar jekk hemmx entità ekonomika waħda bejn produttur u d-distributur relatat tiegħu, huwa kruċjali li tiġi kkunsidrata r-realtà ekonomika tar-relazzjoni bejn dak il-produttur u dak id-distributur. Fid-dawl tar-rekwiżit ta’ konklużjoni li tirrifletti r-realtà ekonomika tar-relazzjoni bejn dan il-produttur u dan id-distributur, il-Kummissjoni hija meħtieġa tikkunsidra l-fatturi kollha rilevanti sabiex jiġi ddeterminat jekk dan id-distributur jeżerċitax jew le l-funzjonijiet ta’ dipartiment ta’ bejgħ integrat f’dan il-produttur jew, min-naħa tiegħu, jeżerċitax tipi oħra ta’ funzjonijiet. F’konformità mal-ħtieġa li jkunu kkunsidrati l-fatturi rilevanti kollha u s-setgħa diskrezzjonali ġenerali mogħtija lill-Kummissjoni sabiex tivvaluta sitwazzjonijiet ekonomiċi kumplessi, il-Kummissjoni għandha twettaq l-evalwazzjoni tagħha skont il-każ u b’mod olistiku.

(349)

F’termini tal-oneru tal-provi, meta l-Kummissjoni tkun ippreżentat indizji konsistenti sabiex tistabbilixxi li operatur tas-suq affiljat ma’ produttur iwettaq funzjonijiet komparabbli ma’ dawk ta’ aġent li jaħdem fuq bażi ta’ kummissjoni, huwa dak l-operatur tas-suq jew dak il-produttur li għandu jippreżenta evidenza li aġġustament skont l-Artikolu 2(10)(i) tar-Regolament bażiku mhuwiex iġġustifikat.

(350)

F’dan il-każ, il-Kummissjoni tinnota li ż-żewġ kumpaniji jappartjenu għall-istess grupp taħt l-istess ġestjoni. Madankollu, iż-żewġ kumpaniji kkonċernati biegħu l-prodott ikkonċernat li pproduċew kif ukoll biegħu mill-ġdid il-prodotti kkonċernati mmanifatturati mill-kumpanija l-oħra. Il-Kummissjoni sabet li kull kumpanija produttur, li tbigħ u li tbigħ mill-ġdid jenħtieġ li titqies li qed taġixxi bħala aġent li jaħdem fuq bażi ta’ kummissjoni aktar milli d-dipartiment tal-bejgħ intern ta’ kumpanija oħra. Mhuwiex ikkontestat li kull kumpanija kellha d-dipartiment tal-bejgħ komplut tagħha u ġarrbet il-kostijiet rilevanti. Fir-rigward tal-bejgħ mill-ġdid, kull kumpanija wettqet funzjoni ta’operaturi tas-suq li jaġixxu fuq bażi ta’ kummissjoni li kienet riflessa fil-komponent tal-prezz tal-esportazzjoni li kellu jiġi aġġustat sabiex tiġi eliminata l-asimmetrija fil-konfront tal-prezz domestiku mibni fuq il-bażi ta’ kif joħroġ mill-fabbrika. Il-Kummissjoni għalhekk ipproduċiet indizji konsistenti sabiex tistabbilixxi li kull produttur-esportatur tal-grupp wettaq funzjonijiet paragunabbli ma’ dawk ta’ aġent li jaħdem fuq bażi ta’ kummissjoni fir-rigward tal-bejgħ mill-ġdid tal-prodotti tal-produttur l-ieħor. Min-naħa l-oħra, Uniful naqas milli jressaq evidenza li aġġustament skont l-Artikolu 2(10)(i) tar-Regolament bażiku mhuwiex iġġustifikat. Għalhekk, l-affermazzjoni kienet irrifjutata.

(351)

Fid-dawl ta’ dan ta’ hawn fuq, u meta jitqies li jseħħ trasferiment ta’ fondi bejn żewġ entitajiet relatati, il-Kummissjoni kienet iġġustifikata li teżamina jekk il-valur reali tal-valwazzjoni pożittiva huwiex differenti minn dak li operatur tas-suq mhux relatat jikseb. Fuq il-bażi tal-profitt nominali identifikat f’dan il-każ, il-Kummissjoni ma qisitx li l-valwazzjoni pożittiva tirrifletti b’mod suffiċjenti kummissjoni li kienet tkun dovuta fi tranżazzjoni distakkata. Kif imsemmi fil-premessa (341), il-Kummissjoni għalhekk ikkunsidrat li aġġustament jenħtieġ li jkun ibbażat fuq l-SG&A tal-operatur tas-suq u profitt nominali identifikat f’dan il-każ.

(352)

Għall-produtturi esportaturi fil-kampjun, il-Kummissjoni qabblet il-valur normali medju ponderat ta’ kull tip ta’ prodott simili mal-prezz tal-esportazzjoni medju ponderat tat-tip korrispondenti tal-prodott ikkonċernat sabiex tikkalkola l-marġni tad-dumping, f’konformità mal-Artikolu 2(11) u (12) tar-Regolament bażiku.

(353)

Għall-produtturi esportaturi li kkooperaw li ma humiex inklużi fil-kampjun, il-Kummissjoni kkalkolat il-marġni tad-dumping medju ponderat fuq il-bażi tal-marġnijiet tal-produtturi esportaturi inklużi fil-kampjun.

(354)

Abbażi ta’ dan, il-marġni tad-dumping definittiv tal-produtturi esportaturi li kkooperaw illi ma humiex fil-kampjun huwa ta’ 17,2 %.

(355)

Il-livell ta’ kooperazzjoni f’dan il-każ huwa għoli minħabba li l-esportazzjonijiet tal-produtturi esportaturi li kkooperaw jikkostitwixxu l-maġġoranza assoluta, jekk mhux it-totalità, tal-esportazzjonijiet lejn l-Unjoni matul il-perjodu ta’ investigazzjoni tar-rieżami. Għalhekk, il-Kummissjoni qieset xieraq li tistabbilixxi l-marġni tad-dumping mal-pajjiż kollu applikabbli għall-produtturi esportaturi l-oħrajn kollha li ma kkooperawx fil-livell tal-ogħla marġni tad-dumping tal-produttur esportatur inkluż fil-kampjun, jiġifieri l-grupp Unifull. Il-marġni tad-dumping stabbilit b’dan il-mod kien ta’ 23,7 %.

(356)

Bħala konklużjoni, il-marġnijiet tad-dumping definittivi għall-każ tal-Artikolu 11(3), espressi bħala perċentwal tal-prezz CIF fil-fruntiera tal-Unjoni, bid-dazju mhux imħallas, huma kif ġejjin:

(357)

F’konformità mal-Artikolu 11(3) tar-Regolament bażiku, il-Kummissjoni analizzat jekk il-bidla fiċ-ċirkostanzi fir-rigward tad-dumping tistax b’mod raġonevoli tingħad li hija ta’ natura permanenti.

(358)

Bejn il-perjodu ta’ investigazzjoni tar-rieżami tal-investigazzjoni oriġinali (jiġifieri mill-1 ta’ Lulju 2008 sat-30 ta’ Ġunju 2009) u l-2021, il-kapaċità tal-produzzjoni tal-produtturi Ċiniżi tal-HTYP soġġetti għall-miżuri żdiedet b’aktar mit-tripplu [747 000 – 955 000] tunnellata fl-2009 għal [2 508 000 – 3 205 000] tunnellata fl-2021. Barra minn hekk, kif muri mill-istrateġiji governattivi kif ukoll mid-dokumenti tal-ippjanar maħruġin f’livell provinċjali u muniċipali (ara l-premessi (69) – (75)), sa mill-investigazzjoni oriġinali, l-industrija Ċiniża tal-HTYP kienet qiegħda tittrasforma permezz ta’ ffukar fuq investimenti sinifikanti fl-infrastruttura u l-aċċellerazzjoni tar-riċerka f’teknoloġiji avvanzati u l-iżvilupp ta’ materjali ta’ prestazzjoni għolja. Tali żieda konsiderevoli fl-investimenti u fil-kapaċità inevitabbilment kellha impatt fuq l-istruttura tal-kostijiet u wasslet għal żieda fil-kostijiet fissi tal-produtturi esportaturi Ċiniżi. Min-naħa tiegħu, dan żgur affettwa strutturalment il-valur normali u, għalhekk, il-marġni tad-dumping.

(359)

Minħabba li l-konsum domestiku tal-HTYP kien stabbli fiċ-Ċina u, għalhekk, ma kienx kapaċi jassorbi ż-żieda fil-kapaċitajiet u jpatti għaż-żieda fil-kostijiet fissi, il-produtturi esportaturi fiċ-Ċina kellhom l-għan li jsaħħu l-volum tal-produzzjoni billi jżidu l-bejgħ tal-esportazzjoni, prinċipalment lejn l-Unjoni (li hija d-destinazzjoni ewlenija tal-esportazzjoni għall-produtturi esportaturi Ċiniżi). Fil-fatt, il-volumi tal-produzzjoni tal-produtturi esportaturi Ċiniżi soġġetti għal miżuri bejn wieħed u ieħor irdoppjaw sa mill-investigazzjoni oriġinali, konformi mal-irduppjar tal-esportazzjonijiet Ċiniżi lejn l-Unjoni matul dak il-perjodu. Sabiex jiżdied il-bejgħ għall-esportazzjoni, il-produtturi bilfors li aġġustaw il-prezzijiet tal-esportazzjoni tagħhom għal livell xieraq biex jiżguraw il-kisbiet neċessarji fil-volum (ara l-premessa (147) għat-tnaqqis fix-xejra tal-ipprezzar tal-importazzjonijiet Ċiniżi soġġetti għall-miżuri). Dan jintwera mill-fatt li bejn il-PIR tal-investigazzjoni oriġinali u l-2021, l-esportazzjonijiet Ċiniżi (soġġetti għal miżuri) lejn l-Unjoni kważi rdoppjaw fil-volum minkejja li kienu soġġetti għad-dazji anti-dumping u kienu oġġett ta’ dumping, kif stabbilit f’din l-investigazzjoni (u konsistenti mas-sejbiet fir-rieżami ta’ skadenza tal-2017). Bħala konklużjoni, il-produtturi Ċiniżi tal-HTYP espandew b’mod sinifikanti l-kapaċità tal-produzzjoni tagħhom u aġġustaw l-imġiba tal-esportazzjoni tagħhom sabiex jiksbu effiċjenzi li jiġġustifikaw dik l-espansjoni. Dawn il-bidliet affettwaw strutturalment il-valur normali, il-prezz tal-esportazzjoni tal-produtturi esportaturi Ċiniżi u, b’hekk, il-marġni tad-dumping tagħhom b’mod li jitqies li huma ta’ natura dejjiema skont l-Artikolu 11(3) tar-Regolament bażiku.

(360)

Fuq il-bażi tal-konklużjonijiet milħuqin mill-Kummissjoni dwar il-kontinwazzjoni tad-dumping, il-kontinwazzjoni tad-dannu u l-interess tal-Unjoni, wara rieżami ta’ skadenza skont l-Artikolu 11(2) tar-Regolament bażiku, jenħtieġ li jinżammu l-miżuri anti-dumping fuq l-importazzjonijiet tal-HTYP li joriġinaw miċ-Ċina..

(361)

Barra minn hekk, bħala riżultat tar-rieżami interim parzjali skont l-Artikolu 11(3) tar-Regolament bażiku u f’konformità mal-Artikolu 9(4) tar-Regolament bażiku, jenħtieġ li dazju anti-dumping jiġi impost fuq l-importazzjonijiet tal-prodott ikkonċernat li joriġinaw miċ-Ċina fil-livell tal-anqas marġni tad-dannu li fuqu huma msejsin il-miżuri fis-seħħ u l-marġnijiet tad-dumping li nstabu fir-rieżami interim kurrenti.

(362)

Abbażi ta’ dak li ntqal hawn fuq, ir-rati tad-dazju anti-dumping definittivi, espressi skont il-prezz CIF fil-fruntiera tal-Unjoni, bid-dazju doganali mhux imħallas, jenħtieġ li jkunu kif ġej:

(363)

Sabiex jiġu mminimizzati r-riskji ta’ ċirkomvenzjoni minħabba d-differenza fir-rati tad-dazju, huma meħtieġa miżuri speċjali biex tiġi żgurata l-applikazzjoni tad-dazji anti-dumping individwali. Il-kumpaniji b’dazji anti-dumping individwali jridu jippreżentaw fattura kummerċjali valida lill-awtoritajiet doganali tal-Istati Membri. Il-fattura trid tkun konformi mar-rekwiżiti stabbiliti fl-Artikolu 1(3) ta’ dan ir-Regolament. L-importazzjonijiet li ma jkunux akkumpanjati minn dik il-fattura jenħtieġ li jkunu soġġetti għad-dazju anti-dumping applikabbli għall-“kumpaniji l-oħrajn kollha”.

(364)

Filwaqt li l-preżentazzjoni ta’ din il-fattura hija neċessarja sabiex l-awtoritajiet doganali tal-Istati Membri jkunu jistgħu japplikaw ir-rati tad-dazju anti-dumping individwali fuq l-importazzjonijiet, ma hijiex l-uniku element li għandu jitqies mill-awtoritajiet doganali. Tabilħaqq, anke jekk jiġu ppreżentati b’fattura li tissodisfa r-rekwiżiti kollha stabbiliti fl-Artikolu 1(3) ta’ dan ir-Regolament, l-awtoritajiet doganali tal-Istati Membri jridu jwettqu l-kontrolli tas-soltu tagħhom u jistgħu, bħal fil-każijiet l-oħrajn kollha, ikunu jirrikjedu dokumenti addizzjonali (dokumenti tat-trasport bil-baħar, eċċ.) biex ikunu jistgħu jivverifikaw l-akkuratezza tad-dettalji li jkun hemm fid-dikjarazzjoni u jiżguraw li l-applikazzjoni sussegwenti tar-rata aktar baxxa tad-dazju tkun iġġustifikata, f’konformità mal-liġi doganali.

(365)

Jekk l-esportazzjonijiet minn waħda mill-kumpaniji li jibbenefikaw minn rati tad-dazju individwali aktar baxxi jiżdiedu b’mod sinifikanti fil-volum wara l-impożizzjoni tal-miżuri kkonċernati, tali żieda fil-volum tista’ titqies bħala waħda li fiha nnifisha tikkostitwixxi bidla fix-xejra tal-kummerċ minħabba l-impożizzjoni ta’ miżuri skont it-tifsira tal-Artikolu 13(1) tar-Regolament bażiku. F’ċirkostanzi bħal dawn u dment li jiġu ssodisfati l-kundizzjonijiet, tista’ tinbeda investigazzjoni kontra ċ-ċirkomvenzjoni. Din l-investigazzjoni tista’, fost l-oħrajn, teżamina l-ħtieġa tat-tneħħija ta’ rata/rati tad-dazju individwali u l-impożizzjoni konsegwenti ta’ dazju għall-pajjiż kollu.

(366)

Ir-rati tad-dazju anti-dumping tal-kumpaniji individwali speċifikati f’dan ir-Regolament japplikaw biss għall-importazzjonijiet tal-prodott soġġett għal rieżami li joriġina miċ-Ċina u manifatturat mill-entitajiet legali msemmijin. L-importazzjonijiet tal-prodott soġġett għal rieżami manifatturat minn kwalunkwe kumpanija oħra mhux imsemmija b’mod speċifiku fil-parti operattiva ta’ dan ir-Regolament, inklużi l-entitajiet relatati ma’ dawk speċifikament imsemmija, jenħtieġ li jkunu soġġetti għar-rata ta’ dazju applikabbli għall-“kumpaniji l-oħra kollha”. Dawn jenħtieġ li ma jkunu soġġetti għall-ebda waħda mir-rati tad-dazju anti-dumping individwali.

(367)

Kumpanija tista’ titlob l-applikazzjoni ta’ dawn ir-rati tad-dazju anti-dumping individwali jekk hija sussegwentement tbiddel l-isem tal-entità tagħha. It-talba trid tiġi indirizzata lill-Kummissjoni (104). It-talba jrid ikun fiha l-informazzjoni rilevanti kollha li turi li l-bidla ma taffettwax id-dritt tal-kumpanija li tibbenefika mir-rata tad-dazju li tapplika għaliha. Jekk il-bidla fl-isem tal-kumpanija ma taffettwax id-dritt tagħha li tibbenefika mir-rata tad-dazju li tapplika għaliha, jiġi ppubblikat regolament dwar il-bidla tal-isem f’Il-Ġurnal Uffiċjali tal-Unjoni Ewropea.

(368)

Jenħtieġ li esportaturi jew produtturi li ma esportawx il-prodott ikkonċernat lejn l-Unjoni matul il-perjodu użat biex jiġi stabbilit il-livell tad-dazju li huwa applikabbli bħalissa għall-esportazzjonijiet tagħhom ikunu jistgħu jitolbu lill-Kummissjoni sabiex ikunu soġġetti għar-rata tad-dazju anti-dumping għall-kumpaniji li kkooperaw mhux inklużi fil-kampjun. Jenħtieġ li l-Kummissjoni tilqa’ talba bħal din dment li jiġu ssodisfati tliet kundizzjonijiet. Il-produttur esportatur il-ġdid ikollu juri li: (i) ma esportax il-prodott ikkonċernat lejn l-Unjoni matul il-perjodu li ntuża biex jiġi stabbilit il-livell tad-dazju applikabbli għall-esportazzjonijiet tiegħu; (ii) ma huwiex relatat ma’ kumpanija li għamlet dan u li għalhekk hija soġġetta għad-dazji anti-dumping; u (iii) esporta l-prodott ikkonċernat wara dan jew daħal f’obbligu kuntrattwali irrevokabbli sabiex jagħmel dan fi kwantitajiet sostanzjali.

(369)

L-importazzjonijiet minn Zhejiang Hailide New Material Co. Ltd. huma soġġetti għal investigazzjoni separata u d-dazji jistgħu jiġu imposti f’regolament separat.

(370)

Il-partijiet interessati kollha ġew informati bil-fatti u bil-kunsiderazzjonijiet essenzjali li fuq il-bażi tagħhom kien maħsub li jiġi rrakkomandat li jinżammu l-miżuri eżistenti u li jiġu imposti dazji anti-dumping definittivi fuq l-importazzjonijiet tal-HTYP miċ-Ċina. Huma ngħataw ukoll perjodu sabiex jippreżentaw osservazzjonijiet wara d-divulgazzjoni. Il-kummenti sottomessi mill-partijiet interessati ġew ikkunsidrati sewwa u, meta kien xieraq, is-sejbiet ġew immodifikati kif xieraq.

(371)

Fid-dawl tal-Artikolu 109 tar-Regolament (UE, Euratom) 2018/1046 tal-Parlament Ewropew u tal-Kunsill (105), meta jkollu jiġi rrimborżat ammont wara sentenza tal-Qorti tal-Ġustizzja tal-Unjoni Ewropea, l-imgħax li jenħtieġ li jitħallas jenħtieġ li jkun ir-rata applikata mill-Bank Ċentrali Ewropew għall-operazzjonijiet ta’ rifinanzjament tal-kapital tiegħu, kif ippubblikata fis-serje C ta’ Il-Ġurnal Uffiċjali tal-Unjoni Ewropea fl-ewwel jum kalendarju ta’ kull xahar.

(372)

Il-Kumitat stabbilit bl-Artikolu 15(1) tar-Regolament (UE) 2016/1036 ma tax opinjoni dwar il-miżuri previsti f’dan ir-Regolament.