25.1.2023 |
MT |
Il-Ġurnal Uffiċjali tal-Unjoni Ewropea |
L 23/1 |
REGOLAMENT TAL-KUMMISSJONI (UE) 2023/163
tat-18 ta’ Jannar 2023
li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta’ residwi għad-DDT u għall-oksatijapiprolin f’ċerti prodotti jew fuqhom
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat-23 ta’ Frar 2005 dwar il-livelli massimi ta’ residwu ta’ pestiċidi fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE (1), u b’mod partikolari l-Artikolu 14(1)(a) u l-Artikolu 16 tiegħu,
Billi:
(1) |
Għall-oksatijapiprolin, il-livelli massimi ta’ residwi (“MRLs”) ġew stabbiliti fl-Anness II tar-Regolament (KE) Nru 396/2005. Għad-DDT, l-MRLs ġew stabbiliti fl-Anness II u fil-Parti B tal-Anness III ta’ dak ir-Regolament, skont il-prodott. |
(2) |
Tressqet applikazzjoni għat-tolleranza għall-importazzjoni skont l-Artikolu 6(2) u (4) tar-Regolament (KE) Nru 396/2005 għall-oksatijapiprolin użat fl-Istati Uniti fuq il-mirtilli. L-applikant ipprovda data li turi li l-użi awtorizzati ta’ dik is-sustanza fuq din l-għalla fl-Istati Uniti jwasslu għal residwi ogħla mill-MRLs stabbiliti fir-Regolament (KE) Nru 396/2005, u li jeħtieġ li jkun hemm MRL ogħla sabiex jiġu evitati l-ostakli kummerċjali għall-importazzjoni ta’ dik l-għalla fl-Unjoni. |
(3) |
F’konformità mal-Artikolu 8 tar-Regolament (KE) Nru 396/2005, din l-applikazzjoni ġiet evalwata mill-Istat Membru kkonċernat u r-rapport ta’ evalwazzjoni ntbagħat lill-Kummissjoni. |
(4) |
L-Awtorità Ewropea dwar is-Sigurtà fl-Ikel, (“l-Awtorità”) ivvalutat l-applikazzjoni u r-rapport ta’ evalwazzjoni, u b’mod partikolari eżaminat ir-riskji għall-konsumaturi u, fejn kien rilevanti, għall-annimali, u tat opinjoni motivata dwar l-MRLs proposti (2). Hija bagħtet dik l-opinjoni lill-applikant, lill-Kummissjoni, u lill-Istati Membri, u ppubblikatha. |
(5) |
L-Awtorità kkonkludiet li r-rekwiżiti kollha fir-rigward tal-kompletezza għat-tressiq tad-data ġew issodisfati, u li abbażi ta’ valutazzjoni tal-esponiment tal-konsumaturi għal 27 grupp speċifiku Ewropew tal-konsumaturi, il-modifika lill-MRL mitluba mill-applikant kienet aċċettabbli mil-lat tas-sikurezza tal-konsumaturi. B’din il-konklużjoni, l-Awtorità qieset l-aktar data reċenti dwar il-proprjetajiet tossikoloġiċi tas-sustanza. La l-esponiment fit-tul għal dik is-sustanza mill-konsum tal-prodotti tal-ikel kollha li jista’ jkun fihom dik is-sustanza, u lanqas l-esponiment għal perjodu qasir minħabba konsum għoli tal-prodotti rilevanti ma wera riskju li jinqabeż il-konsum aċċettabbli ta’ kuljum jew li tinqabeż id-doża akuta ta’ referenza. |
(6) |
Abbażi tal-opinjoni motivata tal-Awtorità, u filwaqt li jitqiesu l-fatturi rilevanti elenkati fl-Artikolu 14(2) tar-Regolament (KE) Nru 396/2005, il-modifika proposta lill-MRL tissodisfa r-rekwiżiti tal-Artikolu 14(2) tar-Regolament (KE) Nru 396/2005. |
(7) |
Fir-rigward tad-DDT, din is-sustanza attiva hija sustanza niġġiesa organika persistenti (POP), u bħala tali t-tqegħid fis-suq u l-użu ta’ prodotti għall-protezzjoni tal-pjanti li fihom din is-sustanza kienu pprojbiti mid-Direttiva tal-Kummissjoni 83/131/KEE (3). Madankollu, minkejja l-fatt li d-DDT ma għadhiex tintuża fl-Unjoni, xorta waħda tista’ tiġi identifikata f’livelli baxxi ħafna f’xi prodotti tal-pjanti u tal-annimali minħabba l-persistenza tagħha fl-ambjent. Għalhekk, l-MRLs ġew stabbiliti għad-DDT fil-prodotti kollha li joriġinaw mill-pjanti u mill-annimali bir-Regolament tal-Kummissjoni (KE) Nru 149/2008 (4). Dak ir-Regolament stabbilixxa l-MRLs għall-prodotti mill-ħnieżer (li jinkludu ċ-ċingjali mrobbija) għal 1 mg/kg, u l-MRL għall-annimali terrestri slavaġ (li jinkludu ċ-ċingjali slavaġ) għal 0,05 mg/kg. |
(8) |
L-Awtorità pprovdiet data ta’ monitoraġġ lill-Kummissjoni b’firxa mill-2016 sal-2020, li turi li r-residwi tad-DDT iseħħu fi prodotti taċ-ċingjali slavaġ f’livelli ogħla mill-MRL attwali għall-annimali terrestri slavaġ, iżda fl-istess ordni ta’ kobor bħall-MRL attwali stabbilit għall-ħnieżer. Abbażi tad-data ta’ monitoraġġ l-aktar reċenti, li tirrifletti l-livelli persistenti fl-ambjent, u sabiex ikun hemm konsistenza fl-azzjoni ta’ infurzar meħuda mill-Istati Membri, huwa xieraq li l-MRL eżistenti għad-DDT fiċ-ċingjali jiġi allinjat mal-MRL għal dik is-sustanza fil-ħnieżer. |
(9) |
Għalhekk, ir-Regolament (KE) Nru 396/2005 jenħtieġ li jiġi emendat skont dan. |
(10) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
L-Annessi II u III tar-Regolament (KE) Nru 396/2005 huma emendati f’konformità mal-Anness ta’ dan ir-Regolament.
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-18 ta’ Jannar 2023.
Għall-Kummissjoni
Il-President
Ursula VON DER LEYEN
(2) Ir-rapporti xjentifiċi tal-EFSA huma disponibbli online: http://www.efsa.europa.eu.
Reasoned Opinion on the setting of an import tolerance for oxathiapiprolin in blueberries. EFSA Journal 2022;20(5):7347.
(3) Id-Direttiva tal-Kummissjoni 83/131/KEE tal-14 ta’ Marzu 1983 li temenda l-Anness għad-Direttiva tal-Kunsill 79/117/KEE li tipprojbixxi t-tpoġġija fuq is-suq u l-użu tal-prodotti għall-protezzjoni tal-pjanti li jkun fihom ċerti sustanzi attivi (ĠU L 91, 9.4.1983, p. 35).
(4) Ir-Regolament tal-Kummissjoni (KE) Nru 149/2008 tad-29 ta’ Jannar 2008 li jemenda r-Regolament (KE) Nru 396/2005 tal-Parlament Ewropew u tal-Kunsill billi jistabbilixxi l-Annessi II, III u IV li jistipulaw il-livelli massimi ta’ residwi għall-prodotti koperti mill-Anness I tiegħu (ĠU L 58, 1.3.2008, p. 1).
ANNESS
L-Annessi II u III tar-Regolament (KE) Nru 396/2005 huma emendati kif ġej:
(1) |
fl-Anness II, il-kolonni għad-DDT u l-oksatijapiprolin huma sostitwiti b’dan li ġej: “Ir-residwi tal-pestiċidi u l-livelli massimi tar-residwi (mg/kg)
|
(2) |
fil-Parti B tal-Anness III, il-kolonna għad-DDT hija sostitwita b’dan li ġej: “Ir-residwi ta’ pestiċidi u l-livelli massimi ta’ residwi (mg/kg)
|
((*)) Jindika limitu minimu ta’ kwantifikazzjoni analitika
((**)) Il-kombinazzjoni tal-pestiċida u n-numru tal-kodiċi li għaliha japplika l-MRL stabbilit fil-Parti B tal-Anness III
(1) Il-lista sħiħa tal-prodotti li joriġinaw mill-pjanti u mill-annimali li għalihom japplikaw l-MRLs, tinsab fl-Anness I
((*)) Jindika limitu minimu ta' kwantifikazzjoni analitika
(2) Għal-lista sħiħa tal-prodotti li joriġinaw mill-pjanti u mill-annimali li japplikaw l-MRLs għalihom, għandha ssir referenza għall-Anness I