(1)

Il-Kap Prosekutur Ewropew jinħatar mill-Parlament Ewropew u mill-Kunsill minn fost il-kandidati magħżula mill-bord tal-għażla previst fl-Artikolu 14(3) tar-Regolament (UE) 2017/1939 (“il-bord tal-għażla”). Il-Prosekuturi Ewropej jinħatru mill-Kunsill minn fost tliet kandidati kwalifikati nnominati minn kull Stat Membru wara li l-Kunsill ikun irċieva opinjoni motivata mill-bord tal-għażla.

(2)

Skont l-Artikolu 3 tad-Deċiżjoni ta’ Implimentazzjoni tal-Kunsill (UE) 2019/598 (2), il-mandat tal-Prosekuturi Ewropej minn tmien Stati Membri, iddeterminat bit-tlugħ tal-poloz, għandu jkun ta’ tliet snin u ma għandux jiġġedded. Il-mandat ta’ dawk il-Prosekuturi Ewropej ser jiskadi f’Lulju 2023.

(3)

Skont l-Artikolu 1 tad-Deċiżjoni tal-Kunsill (UE) 2018/1275 (3), il-mandat tal-membri attwali tal-bord tal-għażla skada fid-9 ta’ Ottubru 2022. Għalhekk jenħtieġ li jinħatru membri ġodda.

(4)

Skont l-Artikolu 14(3) tar-Regolament (UE) 2017/1939, il-bord tal-għażla għandu jinkludi 12-il persuna magħżula minn fost eks membri tal-Qorti tal-Ġustizzja u tal-Qorti tal-Awdituri, eks membri nazzjonali tal-Eurojust, membri tal-qrati supremi nazzjonali, prosekuturi ta’ livell għoli u avukati ta’ kompetenza rikonoxxuta.

(5)

Wieħed mill-membri tal-bord tal-għażla għandu jkun propost mill-Parlament Ewropew. Fis-7 ta’ Ġunju 2022, il-Parlament Ewropew innomina lis-Sa Margreet FRÖBERG bħala membru tal-bord tal-għażla li għandu jiġi propost minnu.

(6)

Il-Kummissjoni qieset il-ħtieġa għal bilanċ ġeografiku, bilanċ bejn is-sessi u r-rappreżentanza dovuta tal-ordinamenti ġuridiċi tal-Istati Membri parteċipanti fil-kooperazzjoni msaħħa dwar l-istabbiliment tal-UPPE għas-sħubija fil-bord tal-għażla.

(7)

Fost il-11-il persuna proposti mill-Kummissjoni, hemm eks membru tal-Qorti tal-Ġustizzja, eks membru tal-Qorti tal-Awdituri, eks membru nazzjonali tal-Eurojust, sitt prosekuturi ta’ livell għoli u żewġ membri ta’ qrati supremi nazzjonali, li minnhom sitta huma rġiel u ħamsa huma nisa.

(8)

Għalhekk jenħtieġ li l-membri tal-bord tal-għażla jinħatru,

Is-Sur Jean-François BOHNERT

Is-Sur Vítor Manuel DA SILVA CALDEIRA

Is-Sur Peter FRANK

Is-Sa Margreet FRÖBERG

Is-Sa Ulrike HABERL-SCHWARZ

Is-Sa María Ángeles GARRIDO LORENZO

Is-Sa Saale LAOS

Is-Sur Ján MAZÁK

Is-Sur Marin MRČELA

Is-Sur Lorenzo SALAZAR

Is-Sa Martine SOLOVIEFF

Is-Sa Tuire TAMMINIEMI.