|
6.7.2022 |
MT |
Il-Ġurnal Uffiċjali tal-Unjoni Ewropea |
L 179/11 |
REGOLAMENT DELEGAT TAL-KUMMISSJONI (UE) 2022/1159
tal-11 ta’ Marzu 2022
li jissupplimenta r-Regolament (UE) 2019/2033 tal-Parlament Ewropew u tal-Kunsill fir-rigward tal-istandards tekniċi regolatorji għad-divulgazzjoni pubblika tal-politika tal-investiment mid-ditti tal-investiment
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2019/2033 tal-Parlament Ewropew u tal-Kunsill tas-27 ta’ Novembru 2019 dwar ir-rekwiżiti prudenzjali tad-ditti tal-investiment u li jemenda r-Regolamenti (UE) Nru 1093/2010, (UE) Nru 575/2013, (UE) Nru 600/2014 u (UE) Nru 806/2014 (1), u b’mod partikolari l-Artikolu 52(3) tiegħu,
Billi:
|
(1) |
Ir-Regolament (UE) 2019/2033 jirrikjedi li d-ditti tal-investiment għajr ditti tal-investiment żgħar u mhux interkonnessi jiddivulgaw pubblikament informazzjoni dwar il-politika ta’ investiment tagħhom, sabiex jipprovdu trasparenza lill-investituri tagħhom u lill-parteċipanti usa’ fis-suq dwar l-influwenza tagħhom fuq il-kumpaniji li fihom ikollhom direttament jew indirettament ishma li magħhom huma marbuta d-drittijiet tal-vot u dwar kif jivvutaw. Id-divulgazzjoni meħtieġa tinkludi informazzjoni dwar il-proporzjon tad-drittijiet tal-vot marbuta mal-ishma miżmuma direttament jew indirettament mid-ditti tal-investiment, informazzjoni dwar l-imġiba tal-vot tagħhom, spjegazzjoni tal-voti u l-proporzjon tal-proposti mressqa u approvati, informazzjoni dwar l-użu ta’ ditti konsulenti bi prokura u informazzjoni dwar il-linji gwida tal-votazzjoni tagħhom. |
|
(2) |
Dan ir-Regolament, kif stipulat fl-Artikolu 52(3) tar-Regolament (UE) 2019/2033, għandu l-għan li jispeċifika mudelli għad-divulgazzjoni meħtieġa, bi tweġiba għall-ħtieġa ta’ informazzjoni pubblika konsistenti u komparabbli dwar il-politika pubblika tad-ditti tal-investiment. |
|
(3) |
Filwaqt li huma proporzjonati, id-dispożizzjonijiet ta’ dan ir-Regolament għandhom l-għan li jiżguraw li l-mudelli u t-tabelli użati mid-ditti tal-investiment għad-divulgazzjonijiet tal-politika tal-investiment iwasslu informazzjoni komprensiva u komparabbli biżżejjed dwar l-imġiba tal-vot tagħhom u dwar kif din tinfluwenza d-destinatarji ta’ investiment tagħhom. |
|
(4) |
B’mod aktar speċifiku, dan ir-Regolament jintroduċi mudell ta’ divulgazzjoni kwantitattiva dwar il-proporzjon tad-drittijiet tal-vot marbuta mal-ishma miżmuma mid-ditti tal-investiment direttament, u indirettament mis-sussidjarji tagħhom, jew kumpaniji assoċjati f’konformità mal-Artikolu 2, (13) tad-Direttiva 2013/34/UE tal-Parlament Ewropew u tal-Kunsill (2), jew kull impriża oħra li magħha d-ditta tal-investiment hija marbuta f’konformità mal-Artikolu 3(1)(4) tad-Direttiva (UE) 2019/2034 tal-Parlament Ewropew u tal-Kunsill (3), inklużi ishma taħt il-ġestjoni tad-ditti tal-investiment f’isem il-klijenti, sakemm id-drittijiet tal-vot ma jinżammux mill-azzjonisti permezz ta’ arranġament kuntrattwali li jipprojbixxi lid-ditta tal-investiment milli tivvota f’isimhom. Dan ir-Regolament jiddefinixxi wkoll tabelli u mudelli għad-deskrizzjoni tal-imġiba tal-votazzjoni tad-ditta tal-investiment, u tal-proporzjon tar-riżoluzzjonijiet tal-laqgħat ġenerali li d-ditta tkun approvat jew opponiet, skont is-suġġett, u tinkludi informazzjoni dwar id-dipartimenti jew ir-rwoli involuti fid-deċiżjoni tal-pożizzjoni tal-votazzjoni, il-proċess ta’ validazzjoni u l-bidliet materjali fir-rata tar-riżoluzzjonijiet approvati. Barra minn hekk, dan jinkludi tabelli kwalitattivi għad-deskrizzjoni tal-użu ta’ ditti konsulenti bi prokura u r-rabtiet ma’ dawk id-ditti. Fl-aħħar nett, dan jinkludi struzzjonijiet dwar l-informazzjoni li d-ditti tal-investiment iridu jiddivulgaw rigward il-linji gwida tal-votazzjoni tagħhom. |
|
(5) |
Dan ir-Regolament huwa bbażat fuq l-abbozz tal-istandards tekniċi regolatorji sottomess mill-Awtorità Superviżorja Ewropea (Awtorità Bankarja Ewropea) (EBA) lill-Kummissjoni. |
|
(6) |
L-EBA wettqet konsultazzjoni pubblika miftuħa dwar l-abbozz ta’ standards tekniċi regolatorji li fuqha huwa bbażat dan ir-Regolament, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Bankarji Interessati stabbilit f’konformità mal-Artikolu 37 tar-Regolament (UE) Nru 1093/2010 tal-Parlament Ewropew u tal-Kunsill (4), |
ADOTTAT DAN IR-REGOLAMENT:
Artikolu 1
Prinċipji tad-divulgazzjoni
L-informazzjoni li għandha tiġi divulgata f’konformità ma’ dan ir-Regolament għandha tkun soġġetta għall-prinċipji li ġejjin:
|
(a) |
id-divulgazzjonijiet għandhom ikunu soġġetti għall-istess livell ta’ verifika interna bħal dak applikabbli għar-rapport maniġerjali inkluż fir-rapport finanzjarju tad-ditta tal-investiment. |
|
(b) |
Id-divulgazzjonijiet għandhom ikunu ċari. Dawn għandhom jiġu ppreżentati f’forma li tinftiehem mill-utenti tal-informazzjoni u kkomunikati permezz ta’ mezz aċċessibbli. Messaġġi importanti għandhom jiġu enfasizzati u jkunu faċli biex jinstabu. Kwistjonijiet kumplessi għandhom jiġu spjegati f’lingwaġġ sempliċi. L-informazzjoni relatata għandha tiġi ppreżentata flimkien. |
|
(c) |
Id-divulgazzjonijiet għandhom ikunu sinifikanti u konsistenti matul iż-żmien biex l-utenti tal-informazzjoni jkunu jistgħu jqabblu l-informazzjoni minn perjodu ta’ divulgazzjoni għal ieħor. |
|
(d) |
Id-divulgazzjonijiet kwantitattivi għandhom ikunu akkumpanjati minn spjegazzjonijiet kwalitattivi u kull informazzjoni supplimentari oħra li tista’ tkun meħtieġa sabiex l-utenti ta’ dik l-informazzjoni jifhmuhom, filwaqt li tittieħed nota b’mod partikolari ta’ kull bidla sinifikanti f’kull divulgazzjoni partikolari meta mqabbla mal-informazzjoni li tinsab fid-divulgazzjonijiet preċedenti. |
Artikolu 2
Speċifikazzjonijiet ġenerali
1. Meta jiddivulgaw l-informazzjoni f’konformità ma’ dan ir-Regolament, id-ditti tal-investiment għandhom jiżguraw li l-valuri numeriċi jiġu ppreżentati bħala fatti. Id-data kwantitattiva divulgata bħala perċentwal għandha tiġi espressa għal kull unità bi preċiżjoni minima ekwivalenti għal żewġ pożizzjonijiet deċimali.
2. Meta jiddivulgaw informazzjoni f’konformità ma’ dan ir-Regolament, id-ditti tal-investiment għandhom jiżguraw li d-data tkun assoċjata mal-informazzjoni li ġejja:
|
(a) |
id-data ta’ referenza tad-divulgazzjoni u l-perjodu ta’ referenza; |
|
(b) |
l-isem u l-identifikatur tad-ditta tal-investiment li tiddivulga (Identifikatur ta’ Entità Ġuridika (Legal Entity Identifier, LEI) fejn disponibbli); |
|
(c) |
fejn rilevanti, l-istandard tal-kontabilità; kif ukoll |
|
(d) |
fejn rilevanti, l-ambitu tal-konsolidazzjoni. |
Artikolu 3
Divulgazzjoni tal-proporzjon tad-drittijiet tal-vot
Id-ditti tal-investiment għandhom jiddivulgaw l-informazzjoni msemmija fil-punt (a) tal-Artikolu 52(1) tar-Regolament (UE) 2019/2033 billi jużaw il-mudell IF IP1 tal-Anness I ta’ dan ir-Regolament u billi jsegwu l-istruzzjonijiet stabbiliti fl-Anness II ta’ dan ir-Regolament.
Artikolu 4
Divulgazzjoni tal-imġiba tal-votazzjoni
Id-ditti tal-investiment għandhom jiddivulgaw l-informazzjoni msemmija fil-punt (b) tal-Artikolu 52(1) tar-Regolament (UE) 2019/2033 kif ġej:
|
(a) |
l-informazzjoni dwar l-imġiba tal-votazzjoni bl-użu tat-tabella IF IP2.01 u l-mudell IF IP2.02 tal-Anness I ta’ dan ir-Regolament u billi jiġu segwiti l-istruzzjonijiet stabbiliti fl-Anness II ta’ dan ir-Regolament; |
|
(b) |
l-informazzjoni dwar l-ispjegazzjoni tal-voti bl-użu tat-tabella IF IP2.03 u l-mudell IF IP2.04 tal-Anness I ta’ dan ir-Regolament u billi jiġu segwiti l-istruzzjonijiet stabbiliti fl-Anness II ta’ dan ir-Regolament; |
|
(c) |
l-informazzjoni dwar il-proporzjon tal-proposti li d-ditta tal-investiment tkun approvat bl-użu tal-formola IF IP2.05 tal-Anness I ta’ dan ir-Regolament u billi ssegwi l-istruzzjonijiet stabbiliti fl-Anness II ta’ dan ir-Regolament. |
Artikolu 5
Divulgazzjoni tal-ispjegazzjoni tal-użu ta’ ditti konsulenti bi prokura
Id-ditti tal-investiment għandhom jiddivulgaw l-informazzjoni msemmija fil-punt (c) tal-Artikolu 52(1) tar-Regolament (UE) 2019/2033 kif ġej:
|
(a) |
l-informazzjoni dwar il-lista ta’ ditti konsulenti bi prokura użata mid-ditta tal-investiment bl-użu tat-tabella IF IP3.01 tal-Anness I ta’ dan ir-Regolament u billi jiġu segwiti l-istruzzjonijiet stabbiliti fl-Anness II ta’ dan ir-Regolament; |
|
(b) |
l-informazzjoni dwar ir-rabtiet mad-ditti konsulenti bi prokura bl-użu tat-tabella IF IP3.02 tal-Anness I ta’ dan ir-Regolament u billi jiġu segwiti l-istruzzjonijiet stabbiliti fl-Anness II ta’ dan ir-Regolament. |
Artikolu 6
Divulgazzjoni ta’ linji gwida tal-votazzjoni
Id-ditti tal-investiment għandhom jiddivulgaw l-informazzjoni msemmija fil-punt (d) tal-Artikolu 52(1) tar-Regolament (UE) 2019/2033 billi jużaw il-mudell IF IP4 tal-Anness I ta’ dan ir-Regolament u billi jsegwu l-istruzzjonijiet stabbiliti fl-Anness II ta’ dan ir-Regolament.
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-11 ta’ Marzu 2022.
Għall-Kummissjoni
Il-President
Ursula VON DER LEYEN
(1) ĠU L 314, 5.12.2019, p. 1.
(2) Id-Direttiva 2013/34/UE tal-Parlament Ewropew u tal-Kunsill tas-26 ta' Ġunju 2013 dwar id-dikjarazzjonijiet finanzjarji annwali, id-dikjarazzjonijiet finanzjarji kkonsolidati u r-rapporti relatati ta’ ċerti tipi ta’ impriżi, u li temenda d-Direttiva 2006/43/KE tal-Parlament Ewropew u tal-Kunsill u li tħassar id-Direttivi tal-Kunsill 78/660/KEE u 83/349/KEE (ĠU L 182, 29.6.2013, p. 19).
(3) Id-Direttiva (UE) 2019/2034 tal-Parlament Ewropew u tal-Kunsill tas-27 ta' Novembru 2019 dwar is-superviżjoni prudenzjali tad-ditti tal-investiment u li temenda d-Direttivi 2002/87/KE, 2009/65/KE, 2011/61/UE, 2013/36/UE 2014/59/UE u 2014/65/UE (ĠU L 314, 5.12.2019, p. 64).
(4) Ir-Regolament (UE) Nru 1093/2010 tal-Parlament Ewropew u tal-Kunsill tal-24 ta’ Novembru 2010 li jistabbilixxi Awtorità Superviżorja Ewropea (Awtorità Bankarja Ewropea) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/78/KE (ĠU L 331, 15.12.2010, p. 12).
ANNESS I
DIVULGAZZJONI TAL-POLITIKA TA’ INVESTIMENT MID-DITTI TAL-INVESTIMENT
|
DIVULGAZZJONI MID-DITTI TAL-INVESTIMENT |
|||
|
Numru tal-mudell |
Kodiċi tal-mudell |
Isem tal-mudell |
Referenza leġiżlattiva |
|
|
|
POLITIKA TA’ INVESTIMENT |
|
|
1 |
IF IP1 |
PROPORZJON TA’ DRITTIJIET TAL-VOT |
Ir-Regolament (UE) 2019/2033 art 52(1), punt (a) |
|
2 |
IF IP2 |
IMĠIBA TA’ VOTAZZJONI |
Ir-Regolament (UE) 2019/2033 art 52(1), punt (b) |
|
3 |
IF IP3 |
DITTI KONSULTATTIVI BI PROKURA |
Ir-Regolament (UE) 2019/2033 art 52(1), punt (c) |
|
4 |
IF IP4 |
LINJI GWIDA TAL-VOTAZZJONI |
Ir-Regolament (UE) 2019/2033 art 52(1), punt (d) |
|
IF IP1 — MUDELL DWAR IL-PROPORZJON TAD-DRITTIJIET TAL-VOT |
|
Pajjiż |
Settur ekonomiku |
Isem tal-kumpanija |
Identifikatur tal-kumpanija |
Proporzjon ta’ drittijiet tal-vot marbuta ma’ ishma miżmuma direttament jew indirettament kif stabbilit fl-Artikolu 52(2) |
|
a |
b |
c |
d |
e |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Jekk jogħġbok daħħal ringieli addizzjonali kif meħtieġ.
|
IF IP2.03 - TABELLA DWAR L-ISPJEGAZZJONI TAL-VOTI |
|
Ringiela |
Entrata |
Valur |
|
1 |
Dipartimenti jew rwoli fid-ditta tal-investiment li jieħdu sehem fit-teħid ta’ deċiżjoni ta’ pożizzjoni ta’ votazzjoni |
|
|
2 |
Deskrizzjoni tal-proċess ta’ validazzjoni għal voti negattivi |
|
|
3 |
Għadd ta’ ekwivalenti full-time użati biex jiġu analizzati r-riżoluzzjonijiet u jiġu eżaminati r-rekords tal-votazzjoni, esklużi r-riżorsi esterni bħal ditti konsultattivi bi prokura |
|
|
4 |
Spjegazzjoni ta’ kull bidla materjali fir-rata tal-approvazzjoni |
|
|
5 |
Lista ta’ dokumenti ta’ politika ta’ investiment disponibbli pubblikament li jiddeskrivu l-objettivi tad-ditta tal-investiment |
|
|
6 |
Jekk rilevanti, iċ-ċertifikazzjoni tal-politika ta’ investiment tad-ditta |
|
|
IF IP2.04 - MUDELL DWAR L-IMĠIBA TAL-VOTAZZJONI FIR-RIŻOLUZZJONIJIET SKONT IS-SUĠĠETT |
|
Ringiela |
Entrata |
Voti favur |
Voti kontra |
Astensjonijiet |
Total |
|
1 |
Riżoluzzjonijiet ivvutati skont is-suġġett matul is-sena li għaddiet: |
|
|
|
|
|
2 |
Struttura tal-bord |
|
|
|
|
|
3 |
Remunerazzjoni eżekuttiva |
|
|
|
|
|
4 |
Awdituri |
|
|
|
|
|
5 |
Kwistjonijiet ambjentali, soċjali, etiċi |
|
|
|
|
|
6 |
Tranżazzjonijiet kapitali |
|
|
|
|
|
7 |
Riżoluzzjonijiet esterni |
|
|
|
|
|
8 |
Oħrajn |
|
|
|
|
|
IF IP2.05 - MUDELL DWAR IL-PROPORZJON TAL-PROPOSTI APPROVATI |
|
Ringiela |
Entrata |
Valur |
|
1 |
Perċentwal ta’ riżoluzzjonijiet imressqa mill-korp amministrattiv jew maniġerjali li huma approvati mid-ditta |
|
|
2 |
Perċentwal ta’ riżoluzzjonijiet imressqa mill-azzjonisti li huma approvati mid-ditta |
|
|
IF IP3 - DITTI KONSULTATTIVI BI PROKURA |
|
IF IP3.01 — TABELLA FUQ IL-LISTA TA’ DITTI KONSULTATTIVI BI PROKURA |
|
Isem id-ditta konsultattiva bi prokura |
Identifikatur tad-ditta konsultattiva bi prokura |
Tip ta’ kuntratt |
Investimenti assoċjati mad-ditta konsultattiva bi prokura |
Suġġetti ta’ riżoluzzjonijiet li fihom id-ditta bi prokura tat rakkomandazzjonijiet għall-votazzjoni fis-sena li għaddiet |
|
a |
b |
c |
d |
e |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Jekk jogħġbok daħħal ringieli addizzjonali kif meħtieġ.
|
IF IP3.02 — TABELLA FUQ IR-RABTIET MA’ DITTI KONSULTATTIVI BI PROKURA |
|
Isem id-ditta konsultattiva bi prokura |
Identifikatur tad-ditta konsultattiva bi prokura |
Impriżi rilevanti li magħhom id-ditta konsultattiva bi prokura għandha xi rabtiet |
Tip ta’ rabta |
Jekk rilevanti, il-politika dwar il-kunflitti ta’ interess mad-ditta konsultattiva bi prokura |
|
a |
b |
c |
d |
e |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
IF IP4 - TABELLA DWAR IL-LINJI GWIDA TAL-VOTAZZJONI |
|
Il-linji gwida tal-votazzjoni fir-rigward tal-kumpanniji li l-ishma tagħhom huma miżmuma f’konformità mal-Art. 52(2): sommarju ġenerali qasir u, jekk meħtieġ, links għal dokumenti mhux kunfidenzjali |
|
a |
|
|
ANNESS II
STRUZZJONIJIET DWAR ID-DIVULGAZZJONI TAL-POLITIKA TA’ INVESTIMENT MID-DITTI TAL-INVESTIMENT
1.1. PARTI I: ISTRUZZJONIJIET ĠENERALI
1.1 Struttura
Dan l-anness jipprovdi struzzjonijiet għall-formoli ta’ divulgazzjoni u t-tabelli inklużi fl-Anness I fir-rigward ta’:
|
— |
proporzjon ta’ drittijiet tal-vot; |
|
— |
imġiba tal-votazzjoni; |
|
— |
ditti konsultattivi bi prokura; |
|
— |
linji gwida dwar il-votazzjoni. |
1.2 Konsolidazzjoni Prudenzjali
L-ambitu tal-konsolidazzjoni ta’ grupp ta’ ditti tal-investiment huwa deskritt f’aktar dettall fl-abbozz tal-RTS dwar il-konsolidazzjoni prudenzjali skont l-Artikolu 7(5) tar-Regolament (UE) 2019/2033 (1). Il-gruppi ta’ ditti tal-investiment għandhom jużaw dan l-ambitu prudenzjali biex jissodisfaw ir-rekwiżiti ta’ divulgazzjoni, u mhux l-ambitu tal-konsolidazzjoni kontabilistika.
1.2. PARTI II: STRUZZJONIJIET RELATATI MA’ MUDELLI U TABELLI
Ir-rekwiżit tad-divulgazzjoni tal-politika ta’ investiment għandu jiġi ssodisfat bl-użu kemm tal-mudelli kif ukoll tat-tabelli. Il-mudelli fihom informazzjoni kwantitattiva filwaqt li t-tabelli fihom informazzjoni kwalitattiva.
1. IF IP1 – PROPORZJON TA’ DRITTIJIET TAL-VOT
1.1. Rimarki ġenerali
Il-punt (a) tal-Artikolu 52(1) tar-Regolament (UE) 2019/2033 jirrikjedi divulgazzjoni tal-proporzjon tad-drittijiet tal-vot marbuta mal-ishma miżmuma direttament jew indirettament, imqassma skont l-Istat Membru u s-settur, filwaqt li jitqiesu biss il-kumpaniji rilevanti kif stabbilit fl-Artikolu 52(2). Fil-mudell relatat, kull kumpanija hija marbuta ma’ pajjiż u settur ekonomiku rilevanti skont il-lista li tinżel ipprovduta fil-mudell, fejn il-proporzjon tad-drittijiet tal-vot li d-ditta tal-investiment ikollha direttament jew indirettament jaqbeż il-limitu ta’ 5 % tad-drittijiet tal-vot kollha marbuta mal-ishma maħruġa mill-kumpanija.
Id-ditti tal-investiment għandhom jiddivulgaw il-proporzjon tad-drittijiet tal-vot marbuta mal-ishma miżmuma indirettament mis-sussidjarji tagħhom jew impriżi oħra, meta d-ditti tal-investiment jeżerċitaw influwenza jew kontroll sinifikanti fuq is-sussidjarji jew impriżi oħra, jew fejn jeżistu rabtiet mill-qrib.
1.2. Istruzzjonijiet li jikkonċernaw pożizzjonijiet speċifiċi
|
Kolonna |
Referenzi legali u struzzjonijiet |
|
a |
Pajjiż Artikolu 52(1), punt (a), Regolament (UE) 2019/2033. Il-proporzjon tad-drittijiet tal-vot għandu jinqasam skont l-Istat Membru, abbażi tar-residenza tal-kumpanija li fiha jsir investiment. |
|
b |
Settur ekonomiku Artikolu 52(1), punt (a), Regolament (UE) 2019/2033. Il-proporzjon tad-drittijiet tal-vot għandu jinqasam skont is-settur. Għandha tintuża l-lista ta’ setturi ekonomiċi pprovduta fil-Klassifikazzjoni Ewropea ta’ Ħiliet, Kompetenzi, Kwalifiki u Impjiegi (European Skills, Competences, Qualifications and Occupations framework, ESCO), li tikkonsisti f’27 settur. Dawn is-setturi huma mmappjati fil-kodiċijiet NACE, kif ippreżentati fit-tabella (2) fuq is-sit web tal-Kummissjoni Ewropea. |
|
c |
Isem tal-kumpanija Isem tal-kumpanija li fiha jinżammu l-ishma. |
|
d |
Identifikatur tal-kumpanija Identifikatur tal-kumpanija li fiha jinżammu l-ishma, Identifikatur ta’ Entità Ġuridika (Legal Entity Identifier, LEI). Id-ditti tal-investiment għandhom jirrapportaw f’dan il-qasam il-kodiċi LEI fil-każijiet kollha fejn dan ikun disponibbli. |
|
e |
Proporzjon ta’ drittijiet tal-vot marbuta ma’ ishma miżmuma direttament jew indirettament kif stabbilit fl-Artikolu 52(2) L-Artikolu 52(2) tar-Regolament (UE) 2019/2033. Perċentwal ta’ bejn 5 % (eskluż) u 100 %. Il-kumpaniji rilevanti għall-fini ta’ dan il-mudell għandhom ikunu dawk li l-ishma tagħhom huma ammessi għan-negozjar f’suq regolat. Għandhom jiġu kkunsidrati biss l-ishma li magħhom huma marbuta d-drittijiet tal-vot. Id-divulgazzjoni hija meħtieġa meta l-proporzjon tad-drittijiet tal-vot li d-ditta tal-investiment ikollha direttament jew indirettament jaqbeż il-limitu ta’ 5 % tad-drittijiet tal-vot kollha marbuta mal-ishma maħruġa mill-kumpanija. Id-drittijiet tal-vot għandhom jiġu kkalkulati fuq il-bażi tal-ishma kollha li magħhom ikunu marbuta d-drittijiet tal-vot, anke jekk ikun sospiż l-eżerċizzju ta’ dawk id-drittijiet tal-vot. L-ishma fl-ambitu ta’ din id-divulgazzjoni jistgħu jinżammu direttament jew indirettament. L-“ishma miżmuma direttament” huma ishma miżmuma f’isem id-ditta tal-investiment stess li huma parti mill-fondi tagħha stess. L-“ishma miżmuma indirettament” huma ishma miżmuma minn sussidjarja tad-ditta tal-investiment, jew minn kull impriża oħra li fuqha d-ditta tal-investiment teżerċita influwenza sinifikanti jew permezz ta’ ftehim formali jew permezz ta’ kull relazzjoni kummerċjali oħra. Dawn jinkludu wkoll ishma taħt il-ġestjoni tad-ditta tal-investiment f’isem il-klijenti, sakemm id-drittijiet tal-vot ma jinżammux mill-azzjonisti permezz ta’ arranġament kuntrattwali li jipprojbixxi lid-ditta tal-investiment milli tivvota f’isimhom. |
2. IF IP2 — IMĠIBA TAL-VOTAZZJONI
2.1. Rimarki ġenerali
Il-punt (b) tal-Artikolu 52(1) tar-Regolament (UE) 2019/2033 jirrikjedi divulgazzjoni ta’ tliet elementi:
|
(a) |
deskrizzjoni sħiħa tal-imġiba tal-votazzjoni fil-laqgħat ġenerali tal-kumpaniji li l-ishma tagħhom jinżammu f’konformità mal-Artikolu 52(2); |
|
(b) |
spjegazzjoni tal-voti; |
|
(c) |
il-proporzjon ta’ proposti li d-ditta tal-investiment tkun approvat. |
2.2. Istruzzjonijiet li jikkonċernaw pożizzjonijiet speċifiċi
IF IP2.01 – TABELLA DWAR ID-DESKRIZZJONI TAL-IMĠIBA TAL-VOTAZZJONI
|
Ringiela |
Referenzi legali u struzzjonijiet |
|
1 |
Numru ta’ kumpaniji rilevanti fl-ambitu tad-divulgazzjoni L-Artikolu 52(2) tar-Regolament (UE) 2019/2033. Numru sħiħ pożittiv. Għadd ta’ kumpaniji rilevanti li fihom jinżammu l-ishma (ara l-kolonna d fl-IF IP1). |
|
2 |
Għadd ta’ laqgħat ġenerali fl-ambitu tad-divulgazzjoni matul is-sena li għaddiet L-Artikolu 52(2) tar-Regolament (UE) 2019/2033. Numru sħiħ pożittiv. Għadd ta’ laqgħat ġenerali li saru matul is-sena li għaddiet għall-kumpaniji fl-ambitu tad-divulgazzjoni. |
|
3 |
Numru ta’ laqgħat ġenerali fl-ambitu tad-divulgazzjoni li fihom id-ditta vvotat matul is-sena li għaddiet L-Artikolu 52(2) tar-Regolament (UE) 2019/2033. Numru sħiħ pożittiv, inqas minn jew daqs ir-ringiela 2. Għadd ta’ laqgħat ġenerali li saru matul is-sena li għaddiet għall-kumpaniji fl-ambitu tad-divulgazzjoni, li fihom ivvotat id-ditta tal-investiment. Dan jinkludi laqgħat fejn id-ditta esprimiet biss voti ta’ astensjoni u laqgħat li fihom id-ditta vvotat bi prokura. |
|
4 |
Id-ditta tal-investiment tinforma lill-kumpanija dwar il-voti negattivi qabel il-laqgħa ġenerali? Mistoqsija ta’ iva jew le. It-tweġiba hija iva jekk id-ditta tal-investiment ikollha politika li tinforma lil kumpanija dwar il-voti negattivi qabel il-laqgħat ġenerali, jew jekk id-ditta tkun għamlet dan fil-maġġoranza tal-każijiet matul l-aħħar sena. |
|
5 |
Proporzjon ta’ voti fiżiċi użati mid-ditta Perċentwali. Ma għandux jinkludu voti bi prokura. |
|
6 |
Proporzjon ta’ voti permezz tal-posta jew b’mod elettroniku użat mid-ditta Perċentwali. Jinkludi voti bi prokura. |
|
7 |
Fuq bażi konsolidata, il-grupp ta’ ditti tal-investiment għandu politika rigward il-kunflitti ta’ interess bejn l-entitajiet rilevanti tal-grupp? Mistoqsija ta’ iva jew le. Il-gruppi ta’ ditti tal-investiment għandhom jimlew din ir-ringiela, id-ditti tal-investiment individwali ma għandhomx. L-entitajiet rilevanti tal-grupp għandhom ikunu dawk inklużi fl-ambitu tal-konsolidazzjoni prudenzjali skont ir-Regolament (UE) 2019/2033. |
|
8 |
Jekk iva, sommarju ta’ din il-politika Test liberu. Jekk it-tweġiba fir-ringiela 7 hija iva, id-ditta għandha tinkludi sommarju qasir tal-politika dwar il-kunflitti ta’ interess bejn l-entitajiet rilevanti tal-grupp. |
IF IP2.02 – MUDELL DWAR IMĠIBA TAL-VOTAZZJONI
|
Ringiela |
Referenzi legali u struzzjonijiet |
|
1 |
Riżoluzzjonijiet tal-laqgħa ġenerali: Ringiela tat-titolu. |
|
2 |
id-ditta approvat Għadd u perċentwal ta’ riżoluzzjonijiet tal-laqgħat ġenerali fl-ambitu tad-divulgazzjoni li d-ditta tal-investiment tkun approvat matul is-sena li għaddiet. |
|
3 |
il-kumpanija opponiet Għadd u perċentwal ta’ riżoluzzjonijiet tal-laqgħat ġenerali fl-ambitu tad-divulgazzjoni li d-ditta tal-investiment tkun opponiet matul is-sena li għaddiet. |
|
4 |
fejn id-ditta astjeniet Għadd u perċentwal ta’ riżoluzzjonijiet tal-laqgħat ġenerali fl-ambitu tad-divulgazzjoni li fihom id-ditta tal-investiment tkun astjeniet matul is-sena li għaddiet. |
|
5 |
Laqgħat ġenerali li fihom id-ditta opponiet mill-inqas riżoluzzjoni waħda Għadd u perċentwal ta’ laqgħat ġenerali fl-ambitu tad-divulgazzjoni li fihom id-ditta tal-investiment opponiet mill-inqas riżoluzzjoni waħda matul l-aħħar sena. |
IF IP2.03 – TABELLA DWAR L-ISPJEGAZZJONI TAL-VOTI
|
Ringiela |
Referenzi legali u struzzjonijiet |
|
1 |
Dipartimenti jew rwoli fid-ditta tal-investiment li jieħdu sehem fid-deċiżjoni ta’ pożizzjoni ta’ votazzjoni Test liberu. Lista tad-dipartimenti jew tar-rwoli li jieħdu sehem fid-deċiżjoni ta’ pożizzjoni ta’ votazzjoni. |
|
2 |
Deskrizzjoni tal-proċess ta’ validazzjoni għal voti negattivi Test liberu. Jekk applikabbli, deskrizzjoni tal-proċess ta’ validazzjoni għal voti negattivi fil-laqgħat ġenerali rilevanti. |
|
3 |
Għadd ta’ ekwivalenti full-time użati biex jiġu analizzati r-riżoluzzjonijiet u jiġu eżaminati r-rekords tal-votazzjoni, esklużi r-riżorsi esterni bħal ditti konsultattivi bi prokura Ammont pożittiv. Ammont ta’ ekwivalenti full-time fid-dipartimenti jew fir-rwoli użati biex jiġu analizzati r-riżoluzzjonijiet u jiġu eżaminati r-rekords tal-votazzjoni. Dan għandu jinkludi biss riżorsi interni fid-ditta tal-investiment. |
|
4 |
Spjegazzjoni ta’ kull bidla materjali fir-rata tal-approvazzjoni Test liberu. Għandha tingħata spjegazzjoni qasira jekk ir-rata ta’ approvazzjoni tkun żdiedet jew naqset materjalment meta mqabbla mal-aħħar divulgazzjoni, pereżempju wara bidla fil-politika, fl-istrateġija jew fil-prospettiva tad-ditta tal-investiment bħala azzjonista. |
|
5 |
Lista ta’ dokumenti ta’ politika ta’ investiment disponibbli pubblikament li jiddeskrivu l-objettivi tad-ditta tal-investiment Test liberu. Lista ta’ dokumenti, preferibbilment bħala hypertext links, li jiddeskrivu l-objettivi tad-ditta tal-investiment li taġixxi bħala azzjonista. |
|
6 |
Jekk rilevanti, iċ-ċertifikazzjoni tal-politika ta’ investiment tad-ditta Test liberu. Jekk id-ditta tal-investiment tkun kisbet ċertifikazzjoni għall-politika tal-investiment tagħha, l-isem u d-data tal-għoti ta’ din iċ-ċertifikazzjoni. Jista’ jkun hemm diversi ċertifikazzjonijiet bħal dawn. |
IF IP2.04 – MUDELL DWAR IMĠIBA TAL-VOTAZZJONI F’RIŻOLUZZJONIJIET SKONT IS-SUĠĠETT
|
Ringiela |
Referenzi legali u struzzjonijiet |
|
1 |
Riżoluzzjonijiet ivvutati skont is-suġġett matul is-sena li għaddiet: Numri sħaħ pożittivi. Għadd ta’ riżoluzzjonijiet ivvutati mid-ditta jew mill-prokuri tagħha matul is-sena li għaddiet fil-laqgħat ġenerali fl-ambitu tad-divulgazzjoni. L-ammont totali huwa maqsum skont l-istatus tal-approvazzjoni: approvat, oġġezzjonat, astjenut. |
|
2 |
Struttura tal-bord Numri sħaħ pożittivi. Għadd ta’ riżoluzzjonijiet dwar l-istruttura tal-bord, imqassma skont l-istatus tal-approvazzjoni. |
|
3 |
Rimunerazzjoni eżekuttiva Numri sħaħ pożittivi. Numru ta’ riżoluzzjonijiet dwar ir-remunerazzjoni eżekuttiva, imqassma skont l-istatus tal-approvazzjoni. |
|
4 |
Awdituri Numri sħaħ pożittivi. Għadd ta’ riżoluzzjonijiet dwar l-awdituri (pereż. ħatra, remunerazzjoni), imqassma skont l-istatus tal-approvazzjoni. |
|
5 |
Kwistjonijiet ambjenti, soċjali u etiċi Numri sħaħ pożittivi. Numru ta’ riżoluzzjonijiet dwar kwistjonijiet ambjenti, soċjali u etiċi imqassma skont l-istatus tal-approvazzjoni. |
|
6 |
Tranżazzjonijiet kapitali Numri sħaħ pożittivi. Għadd ta’ riżoluzzjonijiet dwar tranżazzjonijiet kapitali (pereż. fużjonijiet, akkwiżizzjonijiet) imqassma skont l-istatus tal-approvazzjoni. |
|
7 |
Riżoluzzjonijiet esterni Numri sħaħ pożittivi. Numru ta’ riżoluzzjonijiet dwar il-proposti ta’ riżoluzzjonijiet esterni mqassma skont l-istatus tal-approvazzjoni. Dawn ir-riżoluzzjonijiet esterni huma proposti minn azzjonist lill-oħrajn, b’mod ġenerali sabiex jikkonvinċuhom jivvutaw kontra proposta tal-bord. |
|
8 |
Oħrajn Numri sħaħ pożittivi. Għadd ta’ riżoluzzjonijiet dwar suġġetti oħra minbarra dawk ta’ hawn fuq, imqassma skont l-istatus tal-approvazzjoni. |
IF IP2.05 – MUDELL DWAR IL-PROPORZJON TA’ PROPOSTI APPROVATI
|
Ringiela |
Referenzi legali u struzzjonijiet |
|
1 |
Perċentwal ta’ riżoluzzjonijiet imressqa mill-korp amministrattiv jew maniġerjali li huma approvati mid-ditta Artikolu 52(1), punt (b), Regolament (UE) 2019/2033. Perċentwali. |
|
2 |
Perċentwali ta’ riżoluzzjonijiet imressqa mill-azzjonisti li huma approvati mid-ditta Artikolu 52(1), punt (b), Regolament (UE) 2019/2033. Perċentwali. |
3. IF IP3 — DITTI KONSULTATTIVI BI PROKURA
3.1. Rimarki ġenerali
Il-punt (c) tal-Artikolu 52(1) tar-Regolament (UE) 2019/2033 jirrikjedi divulgazzjoni ta’ spjegazzjoni tal-użu ta’ ditti konsultattivi bi prokura. Dan il-mudell jinkludi informazzjoni dwar id-ditti konsultattivi bi prokura kif definiti fil-punt (g) tal-Artikolu 2 tad-Direttiva 2007/36/KE tal-Parlament Ewropew u tal-Kunsill tal-11 ta’ Lulju 2007 dwar l-eżerċizzju ta’ ċerti drittijiet tal-azzjonisti ta’ kumpaniji kkwotati. (3). Dawn id-ditti konsultattivi bi prokura jistgħu jipprovdu rakkomandazzjonijiet ta’ riċerka, pariri jew votazzjoni, jew jeżegwixxu biss struzzjonijiet dwar il-votazzjoni.
3.2. Istruzzjonijiet li jikkonċernaw pożizzjonijiet speċifiċi
IF IP3.01 – TABELLA DWAR IL-LISTA TA’ DITTI KONSULTATTIVI BI PROKURA
|
Kolonna |
Referenzi legali u struzzjonijiet |
|
a |
Isem id-ditta konsultattiva bi prokura Ditti konsultattivi bi prokura kif definiti fil-punt (g) tal-Artikolu 2 tad-Direttiva 2007/36/KE tal-Parlament Ewropew u tal-Kunsill tal-11 ta’ Lulju 2007 dwar l-eżerċizzju ta’ ċerti drittijiet tal-azzjonisti ta’ kumpaniji kkwotati. Test liberu. |
|
b |
Identifikatur tad-ditta konsultattiva bi prokura Identifikatur tad-ditta konsultattiva bi prokura, LEI fejn applikabbli. |
|
c |
Tip ta’ kuntratt Dan il-qasam huwa limitat għal żewġ għażliet, bejn ditti konsultattivi bi prokura li jagħtu rakkomandazzjonijiet ta’ votazzjoni u ditti li ma jagħmlux dan. Fil-każ tal-aħħar, id-ditti konsultattivi bi prokura jeżegwixxu biss voti f’isem ditta tal-investiment. |
|
d |
Investimenti assoċjati mad-ditta konsultattiva bi prokura Test liberu. Lista ta’ impriżi/investimenti li huma relatati mas-servizzi ta’ kull ditta konsultattiva bi prokura. |
|
e |
Suġġetti ta’ riżoluzzjonijiet li fihom id-ditta konsultattiva bi prokura tat rakkomandazzjonijiet ta’ votazzjoni fis-sena li għaddiet Test liberu, preferibbilment bl-użu tal-kategoriji mogħtija fl-IF IP2.04: struttura tal-bord, remunerazzjoni eżekuttiva, awdituri, kwistjonijiet ambjenti/soċjali/etiċi, tranżazzjonijiet kapitali, riżoluzzjonijiet esterni, jew suġġetti oħra li għandhom jiġu speċifikati. |
IF IP3.02 – TABELLA DWAR IR-RABTIET MA’ DITTI KONSULTATTIVI BI PROKURA
|
Kolonna |
Referenzi legali u struzzjonijiet |
||||||||||||
|
a |
Isem id-ditta konsultattiva bi prokura Test liberu. |
||||||||||||
|
b |
Identifikatur tad-ditta konsultattiva bi prokura Identifikatur tad-ditta konsultattiva bi prokura, preferibbilment LEI. |
||||||||||||
|
c |
Impriżi rilevanti li magħhom id-ditta konsultattiva bi prokura għandha xi rabtiet Impriżi rilevanti li magħhom ditti konsultattivi bi prokura għandhom xi rabtiet, b’deskrizzjoni ta’ dawn ir-rabtiet. L-impriżi rilevanti għandhom ikunu kumpaniji nnegozjati pubblikament, ditti tal-investiment u istituzzjonijiet ta’ kreditu. |
||||||||||||
|
d |
Tip ta’ rabtiet Rabtiet possibbli kif stipulat fl-IAS 24.9. Jekk japplikaw diversi, l-aktar sinifikanti għandhom jintgħażlu u jiġu speċifikati fin-narrattiva li jakkumpanjawhom:
|
||||||||||||
|
e |
Jekk rilevanti, il-politika dwar il-kunflitti ta’ interess mad-ditta konsultattiva bi prokura Test liberu. Jekk applikabbli, deskrizzjoni qasira tal-politika segwita mid-ditta tal-investiment sabiex jiġu evitati kunflitti ta’ interess li jistgħu jirriżultaw minn rabtiet bejn ditti bi prokura u impriżi jew gruppi li fihom id-ditti tal-investiment ikollhom ishma. |
4. IF IP4 – LINJI GWIDA TAL-VOTAZZJONI
4.1. Rimarki ġenerali
Il-punt (d) tal-Artikolu 52(1) tar-Regolament (UE) 2019/2033 jirrikjedi divulgazzjoni tal-linji gwida tal-votazzjoni rigward il-kumpaniji li l-ishma tagħhom huma miżmuma f’konformità mal-paragrafu 2 tal-istess artikolu. It-tabella relatata tintuża biex jiġu żvelati l-linji gwida kollha tal-votazzjoni fl-ambitu rilevanti, mhux biss il-linji gwida tal-votazzjoni bi prokura. Il-linji gwida tal-votazzjoni jistgħu jkunu estensivi u jistgħu jiġu deċiżi fuq bażi ta’ każ b’każ għal ċerti punti f’aġenda ta’ laqgħa ġenerali. Dawn il-linji gwida jistgħu jvarjaw skont iż-żona ġeografika, is-settur ekonomiku jew is-suġġett tar-riżoluzzjonijiet.
4.2. Istruzzjonijiet li jikkonċernaw pożizzjonijiet speċifiċi
|
Kolonna |
Referenzi legali u struzzjonijiet |
|
a |
Il-linji gwida tal-votazzjoni fir-rigward tal-kumpaniji li l-ishma tagħhom huma miżmuma f’konformità mal-Artikolu 52(2) Punt (d) tal-Artikolu 52(1) u Artikolu 52(2) tar-Regolament (UE) 2019/2033. Test liberu. Sommarju ġenerali qasir u, jekk disponibbli, links għal dokumenti mhux kunfidenzjali, preferibbilment fil-forma ta’ hypertext links. |
(1) https://www.eba.europa.eu/sites/default/documents/files/document_library/Publications/Draft%20Technical%20Standards/2020/RTS/961461/Final%20draft%20RTS%20on%20prudential%20requirements%20for%20Investment%20Firms%20%28EBA-RTS-2020-11%29.pdf
(2) Ir-Regolament (KE) Nru 1893/2006 tal-Parlament Ewropew u tal-Kunsill tal-20 ta’ Diċembru 2006 li jistabbilixxi l-klassifikazzjoni tal-istatistika ta’ attivitajiet ekonomiċi tan-NACE Reviżjoni 2 u li jemenda r-Regolament tal-Kunsill (KEE) Nru 3037/90 kif ukoll ċerti Regolamenti tal-KE dwar setturi speċifiċi tal-istatistika (ĠU L 393, 30.12.2006, p. 1).
(3) Id-Direttiva 2007/36/KE tal-Parlament Ewropew u tal-Kunsill tal-11 ta’ Lulju 2007 dwar l-eżerċizzju ta’ ċerti drittijiet tal-azzjonisti ta’ kumpaniji kkwotati (ĠU L 184, 14.7.2007, p. 17).