(1)

F’konformità mal-Artikolu 16 tad-Direttiva 2014/53/UE tal-Parlament Ewropew u tal-Kunsill, (2) it-tagħmir tar-radju li jkun f’konformità mal-istandards armonizzati jew partijiet minnhom, li r-referenzi għalihom ġew ippubblikati f’Il-Ġurnal Uffiċjali tal-Unjoni Ewropea, għandu jkun preżunt li hu f’konformità mar-rekwiżiti essenzjali stabbiliti fl-Artikolu 3 ta’ dik id-Direttiva, koperti minn dawk l-istandards jew partijiet minnhom.

(2)

Bid-Deċiżjoni ta’ Implimentazzjoni C(2015) 5376 (3), il-Kummissjoni talbet lill-Kumitat Ewropew għall-Istandardizzazzjoni Elettroteknika (CENELEC) u lill-Istitut Ewropew tal-Istandards tat-Telekomunikazzjoni (ETSI) għall-abbozzar u għar-reviżjoni tal-istandards armonizzati għat-tagħmir tar-radju b’appoġġ għad-Direttiva 2014/53/UE (“it-talba”).

(3)

Abbażi tat-talba, l-ETSI abbozza l-istandards armonizzati ġodda li ġejjin: EN 300 718-1 V2.2.1 għat-tagħmir tas-sinjal fil-valangi, EN 303 345-3 V1.1.1 u EN 303 345-4 V1.1.1 għar-riċevituri tal-ħoss tax-xandir, EN 303 348 V1.2.1 għad-drivers tas-sistema tas-smigħ b’ingassa induttiva, EN 303 364-2 V1.1.1 għar-radars primarji tas-sorveljanza, EN 303 372-1 V1.2.1, EN 303 372-2 V1.2.1, EN 303 413 V1.2.1, EN 303 980 V1.2.1 u EN 303 981 V1.2.1 għall-istazzjonijiet u għas-sistemi satellitari u EN 303 758 V1.1.1 għat-tagħmir tar-radju TETRA.

(4)

Abbażi tat-talba, l-ETSI rreveda l-istandards armonizzati li ġejjin: EN 301 444 V2.1.2, EN 301 908-15 V11.1.2, EN 302 296-2 V1.2.1, EN 302 480 V2.1.2 u EN 302 567 V1.2.1, li r-referenzi tagħhom ġew ippubblikati fis-serje C ta’ Il-Ġurnal Uffiċjali tal-Unjoni Ewropea permezz tal-Komunikazzjoni tal-Kummissjoni 2018/C 326/04 (4). Dan irriżulta fl-adozzjoni tal-istandards armonizzati reveduti li ġejjin: EN 301 444 V2.2.1 għall-istazzjonijiet u għas-sistemi satellitari, EN 301 908-15 V15.1.1 għan-networks ċellulari IMT, EN 302 296 V2.2.1 għat-trażmettituri tat-televiżjoni diġitali terrestri, EN 302 480 V2.2.1 għas-sistemi tal-komunikazzjoni mobbli abbord l-inġenji tal-ajru u EN 302 567 V2.2.1 għat-tagħmir tar-radju multi Gbps.

(5)

Abbażi tat-talba, l-ETSI rreveda wkoll l-istandards armonizzati li ġejjin għan-networks ċellulari IMT: EN 301 908-1 V13.1.1, EN 301 908-14 V13.1.1 u EN 301 908-18 V13.1.1, li r-referenzi tagħhom żdiedu fl-Anness I tad-Deċiżjoni ta’ Implimentazzjoni tal-Kummissjoni (UE) 2020/167 (5). Dan irriżulta fl-adozzjoni tal-istandards armonizzati reveduti li ġejjin: EN 301 908-1 V15.1.1, EN 301 908-14 V15.1.1 u EN 301 908-18 V15.1.1. Barra minn hekk, l-ETSI rreveda l-istandard armonizzat EN 302 217-2 V3.2.2 għas-sistemi tar-radju fissi, li r-referenzi tagħhom żdiedu fl-Anness II tad-Deċiżjoni ta’ Implimentazzjoni (UE) 2020/167. Dan irriżulta fl-adozzjoni tal-istandard armonizzat revedut EN 302 217-2 V3.3.1.

(6)

Il-Kummissjoni, flimkien mal-ETSI, ivvalutat jekk dawk l-istandards armonizzati ġodda u reveduti jikkonformawx mat-talba.

(7)

L-istandards armonizzati EN 301 908-14 V15.1.1, EN 301 908-15 V15.1.1, EN 301 908-18 V15.1.1, EN 302 217-2 V3.3.1, EN 302 480 V2.2.1, EN 302 567 V2.2.1, EN 303 345-3 V1.1.1, EN 303 345-4 V1.1.1, EN 303 348 V1.2.1, EN 303 372-2 V1.2.1, EN 303 413 V1.2.1 u EN 303 758 V1.1.1 jissodisfaw ir-rekwiżiti essenzjali li għandhom l-għan li jkopru u li huma stabbiliti fl-Artikolu 3 tad-Direttiva 2014/53/UE. Għalhekk jixraq li r-referenzi ta’ dawk l-istandards jiġu ppubblikati f’Il-Ġurnal Uffiċjali tal-Unjoni Ewropea.

(8)

L-istandard armonizzat EN 300 718-1 V2.2.1, fl-aħħar sentenza tal-klawżola 5.1.3.1, ma jispeċifikax il-kundizzjonijiet kollha għall-mekkaniżmi ta’ verifika, u jippermetti interpretazzjoni soġġettiva tal-ispeċifikazzjonijiet stabbiliti fih. Barra minn hekk, ma jistabbilixxi l-ebda rekwiżit relatat mar-rifjut ta’ rispons falz, li huwa parametru ta’ riċevitur li jista’ jkun relatat mal-produzzjoni ta’ interferenzi dannużi. Għalhekk, jenħtieġ li r-referenza ta’ dak l-istandard armonizzat tiġi ppubblikata f’Il-Ġurnal Uffiċjali tal-Unjoni Ewropea b’restrizzjoni.

(9)

L-istandard armonizzat EN 301 444 V2.2.1, fit-tieni paragrafu tal-klawżola 5.2.1, ma jipprevedi l-ebda kriterju ta’ verifika għall-issodisfar tal-ispeċifikazzjonijiet stabbiliti fih, u jippermetti li jkun hemm inċertezza f’termini ta’ riżultati. Barra minn hekk, fil-klawżola 5.2.2.3.1 tiegħu jipprovdi speċifikazzjonijiet fir-rigward tal-installazzjoni tat-tagħmir, li mhuwiex l-objettiv ta’ standard armonizzat. Fl-aħħar nett, fl-ewwel paragrafu tal-klawżola 5.2.3, fl-ewwel paragrafu tal-klawżola 5.2.4 u fl-ewwel paragrafu tal-klawżola 5.2.5, jippermetti lill-manifattur jimmodifika t-tagħmir bl-iskop tal-ittestjar, li jista’ jwassal għal riżultati mhux preċiżi u joħloq livell għoli ta’ inċertezza. Għalhekk, jenħtieġ li r-referenza ta’ dak l-istandard armonizzat tiġi ppubblikata f’Il-Ġurnal Uffiċjali tal-Unjoni Ewropea b’restrizzjoni.

(10)

L-istandard armonizzat EN 301 908-1 V15.1.1, fin-nota 3 tal-klawżola 5.3.2.1, jippermetti lill-manifattur jagħżel metodoloġija tal-ittestjar alternattiva għal dik stabbilita f’dak l-istandard. Dan jista’ jwassal għal riżultati tal-ittestjar differenti u joħloq inċertezza legali. Għalhekk, jenħtieġ li r-referenza ta’ dak l-istandard armonizzat tiġi ppubblikata f’Il-Ġurnal Uffiċjali tal-Unjoni Ewropea b’restrizzjoni.

(11)

L-istandard armonizzat EN 302 296 V2.2.1, fil-klawżola 5.4.2.5, jiddeskrivi konfigurazzjoni ta’ ttestjar mhux preċiża permezz ta’ mekkaniżmu tat-tqabbid, li joħloq livell għoli ta’ inċertezza fl-interpretazzjoni tar-riżultati. Għalhekk, jenħtieġ li r-referenza ta’ dak l-istandard armonizzat tiġi ppubblikata f’Il-Ġurnal Uffiċjali tal-Unjoni Ewropea b’restrizzjoni.

(12)

L-istandard armonizzat EN 303 364-2 V1.1.1, fil-klawżoli 4.2.1.4 u 5.3.1.5, jiddeskrivi xenarju partikolari ta’ trasferiment tal-potenza bejn it-trażmettitur u l-antenna permezz ta’ gwidi tal-mewġ WR284/WG10/R32, li jfisser li jkopri biss parti mill-kamp ta’ applikazzjoni tar-rekwiżiti essenzjali li huwa maħsub li jkopri. Għalhekk, jenħtieġ li r-referenza ta’ dak l-istandard armonizzat tiġi ppubblikata f’Il-Ġurnal Uffiċjali tal-Unjoni Ewropea b’restrizzjoni.

(13)

L-istandard armonizzat EN 303 372-1 V1.2.1, fil-klawżola 4.3.5, jipprevedi li mhuwiex applikabbli taħt ċerti kundizzjonijiet tekniċi li għalihom mhi prevista l-ebda miżura ta’ mitigazzjoni fir-rigward tal-evitar ta’ interferenzi dannużi. Dan jista’ jwassal għal interferenza dannuża man-networks satellitari u ma’ servizzi oħra. Għalhekk, jenħtieġ li r-referenza ta’ dak l-istandard armonizzat tiġi ppubblikata f’Il-Ġurnal Uffiċjali tal-Unjoni Ewropea b’restrizzjoni.

(14)

L-istandard armonizzat EN 303 980 V1.2.1, fit-tieni sentenza tal-klawżola 6.1.1, jippermetti lill-manifattur jagħżel metodoloġija tal-ittestjar alternattiva għal dik stabbilita f’dak l-istandard. Dan jista’ jwassal għal riżultati tal-ittestjar differenti u jista’ joħloq inċertezza legali. Għalhekk, jenħtieġ li r-referenza ta’ dak l-istandard armonizzat tiġi ppubblikata f’Il-Ġurnal Uffiċjali tal-Unjoni Ewropea b’restrizzjoni.

(15)

L-istandard armonizzat EN 303 981 V1.2.1, fit-tieni sentenza tal-klawżola 6.1.1, jippermetti lill-manifattur jagħżel metodoloġija tal-ittestjar alternattiva għal dik stabbilita f’dak l-istandard. Dan jista’ jwassal għal riżultati tal-ittestjar differenti u jista’ joħloq inċertezza legali. Għalhekk, jenħtieġ li r-referenza ta’ dak l-istandard armonizzat tiġi ppubblikata f’Il-Ġurnal Uffiċjali tal-Unjoni Ewropea b’restrizzjoni.

(16)

L-Anness I tad-Deċiżjoni ta’ Implimentazzjoni (UE) 2020/167 jelenka r-referenzi tal-istandards armonizzati għat-tagħmir tar-radju abbozzati b’appoġġ għad-Direttiva 2014/53/UE li huma ppubblikati f’Il-Ġurnal Uffiċjali tal-Unjoni Ewropea, filwaqt li l-Anness II ta’ dik id-Deċiżjoni ta’ Implimentazzjoni jelenka r-referenzi ta’ dawn l-istandards armonizzati ppubblikati f’Il-Ġurnal Uffiċjali tal-Unjoni Ewropea b’restrizzjoni.

(17)

Sabiex jiġi żgurat li r-referenzi tal-istandards armonizzati abbozzati b’appoġġ għad-Direttiva 2014/53/UE jiġu elenkati f’att wieħed, jenħtieġ li r-referenzi tal-istandards armonizzati EN 301 908-14 V15.1.1, EN 301 908-15 V15.1.1, EN 301 908-18 V15.1.1, EN 302 217-2 V3.3.1, EN 302 480 V2.2.1, EN 302 567 V2.2.1, EN 303 345-3 V1.1.1, EN 303 345-4 V1.1.1, EN 303 348 V1.2.1, EN 303 372-2 V1.2.1, EN 303 413 V1.2.1 u EN 303 758 V1.1.1 jiġu inklużi fl-Anness I tad-Deċiżjoni ta’ Implimentazzjoni (UE) 2020/167 u jenħtieġ li r-referenzi tal-istandards armonizzati EN 300 718-1 V2.2.1, EN 301 444 V2.2.1, EN 301 908-1 V15.1.1, EN 302 296 V2.2.1, EN 303 364-2 V1.1.1, EN 303 372-1 V1.2.1, EN 303 980 V1.2.1 u EN 303 981 V1.2.1 jiġu inklużi fl-Anness II ta’ dik id-Deċiżjoni ta’ Implimentazzjoni.

(18)

L-istandards armonizzati EN 301 444 V2.2.1, EN 301 908-1 V15.1.1, EN 301 908-14 V15.1.1, EN 301 908-15 V15.1.1, EN 301 908-18 V15.1.1, EN 302 217-2 V3.3.1, EN 302 296 V2.2.1, EN 302 480 V2.2.1 u EN 302 567 V2.2.1 jissostitwixxu l-istandards armonizzati EN 301 444 V2.1.2, EN 301 908-1 V13.1.1, EN 301 908-14 V13.1.1, EN 301 908-15 V11.1.2, EN 301 908-18 V13.1.1, EN 302 217-2 V3.2.2, EN 302 296-2 V1.2.1, EN 302 480 V2.1.2 u EN 302 567 V1.2 rispettivament.

(19)

Għalhekk jenħtieġ li jiġu rtirati r-referenzi tal-istandards armonizzati EN 301 444 V2.1.2, EN 301 908-15 V11.1.2, EN 302 296-2 V1.2.1, EN 302 480 V2.1.2 u EN 302 567 V1.2.1, mis-serje C ta’ Il-Ġurnal Uffiċjali tal-Unjoni Ewropea (6). L-Anness III tad-Deċiżjoni ta’ Implimentazzjoni (UE) 2020/167 jelenka r-referenzi tal-istandards armonizzati għat-tagħmir tar-radju abbozzati b’appoġġ għad-Direttiva 2014/53/UE rtirati mis-serje C ta’ Il-Ġurnal Uffiċjali tal-Unjoni Ewropea. Għalhekk, jixraq li dawk ir-referenzi jiġu inklużi f’dak l-Anness.

(20)

Jeħtieġ ukoll li jiġu rtirati r-referenzi tal-istandards armonizzati EN 301 908-1 V13.1.1, EN 301 908-14 V13.1.1, EN 301 908-18 V13.1.1 u EN 302 217-2 V3.2.2 mis-serje L ta’ Il-Ġurnal Uffiċjali tal-Unjoni Ewropea. Għalhekk, jixraq li dawk ir-referenzi jitħassru mill-Annessi I u II tad-Deċiżjoni ta’ Implimentazzjoni (UE) 2020/167.

(21)

Sabiex il-manifatturi jingħataw biżżejjed żmien biex iħejju għall-applikazzjoni tal-istandards armonizzati EN 301 444 V2.2.1, EN 301 908-1 V15.1.1, EN 301 908-14 V15.1.1, EN 301 908-15 V15.1.1, EN 301 908-18 V15.1.1, EN 302 217-2 V3.3.1, EN 302 296 V2.2.1, EN 302 480 V2.2.1 u EN 302 567 V2.2.1, jeħtieġ li jiġi differit l-irtirar tar-referenzi tal-istandards armonizzati EN 301 444 V2.1.2, EN 301 908-1 V13.1.1, EN 301 908-14 V13.1.1, EN 301 908-15 V11.1.2, EN 301 908-18 V13.1.1, EN 302 217-2 V3.2.2, EN 302 296-2 V1.2.1, EN 302 480 V2.1.2 u EN 302 567 V1.2.1.

(22)

Għalhekk, jenħtieġ li d-Deċiżjoni ta’ Implimentazzjoni (UE) 2020/167 tiġi emendata skont dan.

(23)

Il-konformità ma’ standard armonizzat tikkonferixxi preżunzjoni ta’ konformità mar-rekwiżiti essenzjali korrispondenti stabbiliti fil-leġiżlazzjoni tal-Unjoni dwar l-armonizzazzjoni mid-data tal-pubblikazzjoni tar-referenza ta’ tali standard f’Il-Ġurnal Uffiċjali tal-Unjoni Ewropea. Għalhekk, jenħtieġ li din id-Deċiżjoni tidħol fis-seħħ b’urġenza.