10.11.2021 |
MT |
Il-Ġurnal Uffiċjali tal-Unjoni Ewropea |
L 396/27 |
REGOLAMENT TA’ IMPLIMENTAZZJONI TAL-KUMMISSJONI (UE) 2021/1936
tad-9 ta’ Novembru 2021
li jemenda r-Regolament ta’ Implimentazzjoni (UE) 2018/2019 fir-rigward ta’ ċerti pjanti għat-tħawwil tal-Ficus carica L. u tal-Persea americana Mill. li joriġinaw f’Iżrael, li jemenda r-Regolament ta’ Implimentazzjoni (UE) 2020/1213 fir-rigward tal-miżuri fitosanitarji għall-introduzzjoni ta’ dawk il-pjanti għat-tħawwil fit-territorju tal-Unjoni u li jikkoreġi dan ir-Regolament ta’ Implimentazzjoni tal-aħħar
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/2031 tal-Parlament Ewropew u tal-Kunsill tas-26 ta’ Ottubru 2016 dwar il-miżuri protettivi kontra pesti tal-pjanti, li jemenda r-Regolamenti (UE) Nru 228/2013, (UE) Nru 652/2014 u (UE) Nru 1143/2014 tal-Parlament Ewropew u tal-Kunsill u li jħassar id-Direttivi tal-Kunsill 69/464/KEE, 74/647/KEE, 93/85/KEE, 98/57/KE, 2000/29/KE, 2006/91/KE u 2007/33/KE (1), u b’mod partikolari t-tielet subparagrafu tal-Artikolu 42(4) tiegħu,
Billi:
(1) |
Abbażi ta’ valutazzjoni preliminari, ir-Regolament ta’ Implimentazzjoni tal-Kummissjoni (UE) 2018/2019 (2) jistabbilixxi lista ta’ pjanti, prodotti mill-pjanti u oġġetti oħra ta’ riskju għoli. |
(2) |
Ir-Regolament ta’ Implimentazzjoni tal-Kummissjoni (UE) 2018/2018 (3) jistabbilixxi r-regoli speċifiċi dwar il-proċedura li għandha tiġi segwita biex issir il-valutazzjoni tar-riskju msemmija fl-Artikolu 42(4) tar-Regolament (UE) 2016/2031 għal dawk il-pjanti, il-prodotti mill-pjanti u l-oġġetti l-oħra ta’ riskju għoli. |
(3) |
Wara valutazzjoni preliminari, fl-Anness tar-Regolament ta’ Implimentazzjoni (UE) 2018/2019 iddaħħlu 35 pjanta għat-tħawwil li joriġinaw mill-pajjiżi terzi kollha, bħala pjanti ta’ riskju għoli, li fosthom hemm l-ispeċi Ficus carica L. u l-ġeneru Persea Mill. |
(4) |
F’konformità mar-Regolament (UE) 2016/2031, jekk jiġi konkluż abbażi ta’ valutazzjoni tar-riskju li pjanta, prodott mill-pjanti jew oġġett ieħor li joriġinaw minn pajjiż terz, minn grupp ta’ pajjiżi terzi jew minn żona speċifika tal-pajjiż terz ikkonċernat ikun fihom riskju inaċċettabbli ta’ pesti, iżda dak ir-riskju jista’ jitnaqqas għal livell aċċettabbli jekk jitwettqu ċerti miżuri, il-Kummissjoni trid tneħħi dik il-pjanta, il-prodott mill-pjanti jew l-oġġett l-ieħor mil-lista stabbilita mill-Anness tar-Regolament ta’ Implimentazzjoni (UE) 2018/2019 u żżidhom mal-lista msemmija fl-Artikolu 41(2) tar-Regolament (UE) 2016/2031. |
(5) |
Ir-Regolament ta’ Implimentazzjoni tal-Kummissjoni (UE) 2020/1213 (4) jistabbilixxi l-miżuri fitosanitarji għall-introduzzjoni fl-Unjoni ta’ ċerti pjanti, prodotti mill-pjanti u oġġetti oħra li tħassru mil-lista stabbilita permezz tal-Anness tar-Regolament ta’ Implimentazzjoni (UE) 2018/2019. |
(6) |
Fit-18 ta’ Settembru 2019, Iżrael ippreżenta talba lill-Kummissjoni għall-esportazzjoni lejn l-Unjoni ta’ pjanti għat-tħawwil ta’ sena, bl-għeruq mikxufin, inattivi, mingħajr weraq, b’dijametru massimu fil-bażi taz-zokk ta’ 2 cm u ta’ biċċiet bl-għeruq ta’ sena mingħajr weraq ta’ pjanti għat-tħawwil b’materjal għat-tkabbir u b’dijametru massimu fil-bażi taz-zokk ta’ 1 cm tal-Ficus carica L. Dik it-talba kienet sostnuta bid-dossier tekniku rispettiv. |
(7) |
Fis-26 ta’ Novembru 2020, l-Awtorità Ewropea dwar is-Sigurtà fl-Ikel (“l-Awtorità”) adottat opinjoni xjentifika dwar il-valutazzjoni tar-riskju ta’ komodità tal-pjanti għat-tħawwil tal-Ficus carica L. minn Iżrael (5). L-Awtorità identifikat l-Aonidiella orientalis, il-Colletotrichum siamense, l-Euwallacea fornicatus sensu lato, l-Hypothenemus leprieuri, l-Icerya aegyptiaca, in-Neocosmospora euwallaceae, in-Neoscytalidium dimidiatum, in-Nipaecoccus viridis, l-Oligonychus mangiferus, il-Phenacoccus solenopsis, il-Plicosepalus acaciae, ir-Retithrips syriacus, ir-Russellaspis pustulans, is-Scirtothrips dorsalis u s-Spodoptera frugiperda bħala pesti għal dawk il-pjanti għat-tħawwil, evalwat il-miżuri ta’ mitigazzjoni tar-riskji deskritti għal dawk il-pesti u wettqet stima tal-probabbilità tal-ħelsien mill-pesti. |
(8) |
Fl-1 ta’ Settembru 2019, Iżrael ippreżenta talba lil-Kummissjoni għall-esportazzjoni lejn l-Unjoni ta’ pjanti għat-tħawwil imlaqqma b’materjal għat-tkabbir u b’dijametru massimu fil-bażi taz-zokk ta’ 1 cm u ta’ biċċiet mingħajr għeruq ta’ pjanti għat-tħawwil tal-Persea americana Mill. Dik it-talba kienet sostnuta bid-dossier tekniku rispettiv. |
(9) |
Fis-26 ta’ Novembru 2020, l-Awtorità adottat opinjoni xjentifika dwar il-valutazzjoni tar-riskju ta’ komodità tal-pjanti għat-tħawwil tal-Persea americana Mill. minn Iżrael (6). L-Awtorità identifikat l-Aonidiella orientalis, l-Aulacaspis tubercularis, l-Avocado sunblotch viroid, il-Bemisia tabaci, il-Colletotrichum aenigma, il-Colletotrichum alienum, il-Colletotrichum fructicola, l-Colletotrichum perseae, il-Colletotrichum siamense, il-Colletotrichum theobromicola, l-Euwallacea fornicatus, l-Icerya aegyptiaca, il-Lasiodiplodia pseudotheobromae, il-Maconellicoccus hirsutus, il-Milviscutulus mangiferae, in-Neocosmospora euwallaceae, in-Neoscytalidium dimidiatum, in-Nipaecoccus viridis, l-Oligonychus perseae, il-Paracoccus marginatus, ilPenthimiola bella, il-Pseudococcus cryptus, il-Pulvinaria psidii, ir-Retithrips syriacus, is-Scirtothrips dorsalis u t-Tetraleurodes perseae bħala pesti rilevanti għal dawk il-pjanti għat-tħawwil, evalwat il-miżuri ta’ mitigazzjoni tar-riskji deskritti fid-dossier għal dawk il-pesti u wettqet stima tal-probabbilità tagħhom ta’ ħelsien mill-pesti. |
(10) |
Abbażi ta’ dawk l-opinjonijiet, il-miżuri meħtieġa biex jiġi indirizzat ir-riskju tal-pesti speċifikati jenħtieġ li jiġu adottati bħala rekwiżiti fitosanitarji tal-importazzjoni, sabiex jiġi żgurat li r-riskju fitosanitarju mill-introduzzjoni tal-pjanti speċifikati fl-Unjoni jitnaqqas għal livell aċċettabbli. Għalhekk, il-pjanti għat-tħawwil ta’ sena, bl-għeruq mikxufin, inattivi, mingħajr weraq, b’dijametru massimu fil-bażi taz-zokk ta’ 2 cm tal-Ficus carica L. u l-biċċiet bl-għeruq ta’ sena mingħajr weraq ta’ pjanti għat-tħawwil b’materjal għat-tkabbir u b’dijametru massimu fil-bażi taz-zokk ta’ 1 cm tal-Ficus carica L., li joriġinaw minn Iżrael, u l-pjanti għat-tħawwil imlaqqma b’materjal għat-tkabbir u b’dijametru massimu fil-bażi taz-zokk ta’ 1 cm tal-Persea americana Mill. u l-biċċiet mingħajr għeruq ta’ pjanti għat-tħawwil tal-Persea americana Mill., li joriġinaw minn Iżrael, jenħtieġ li jitneħħew mill-Anness tar-Regolament ta’ Implimentazzjoni (UE) 2018/2019 u l-miżuri ta’ importazzjoni fitosanitarji meħtieġa jenħtieġ li jiżdiedu mal-Anness tar-Regolament ta’ Implimentazzjoni (UE) 2020/1213. |
(11) |
Minħabba l-għadd kbir ta’ pesti identifikati għal kull wieħed mill-pjanti speċifikati u l-inċertezzi identifikati mill-Awtorità, huwa meqjus li l-unika applikazzjoni tal-miżuri proposta minn Iżrael fid-dossiers ma tistax tnaqqas ir-riskju mill-introduzzjoni tal-pjanti speċifikati fl-Unjoni għal livell aċċettabbli. Sabiex jitnaqqas ir-riskju fitosanitarju għal livell aċċettabbli, u mingħajr preġudizzju għar-rekwiżiti tal-importazzjoni stabbiliti fl-Anness VII tar-Regolament ta’ Implimentazzjoni tal-Kummissjoni (UE) 2019/2072 (7), jenħtieġ li dawk il-pjanti jitkabbru f’siti ħielsa mill-pesti bi protezzjoni fiżika kontra l-introduzzjoni tal-insetti pesti speċifikati u jenħtieġ li jiġu spezzjonati uffiċjalment biex jiġu identifikati dawk il-pesti. Barra minn hekk, fir-rigward ta’ biċċiet mingħajr għeruq ta’ pjanti għat-tħawwil tal-Persea americana Mill. li joriġinaw minn Iżrael, li għalihom id-dijametru massimu fil-bażi taz-zokk ma jkunx speċifikat fid-dossier, jenħtieġ li jiġi aċċettat dijametru massimu fil-bażi taz-zokk ta’ 2 cm għal pjanti bħal dawn ippreżentati għall-importazzjoni fl-Unjoni. Jenħtieġ ukoll li tissaħħaħ l-ispezzjoni tal-konsenji tal-pjanti speċifikati immedjatament qabel l-esportazzjoni meta mqabbla mal-ispezzjoni indikata mid-dossiers sottomessi minn Iżrael. |
(12) |
Il-Bemisia tabaci, l-Euwallacea fornicatus sensu lato (jappartjeni għall-familja ta’ Scolytidae (mhux Ewropea)), l-Hypothenemus leprieuri (jappartjeni għall-familja ta’ Scolytidae (mhux Ewropea)), is-Scirtothrips dorsalis u s-Spodoptera frugiperda huma elenkati bħala pesti ta’ kwarantina tal-Unjoni fl-Anness II tar-Regolament ta’ Implimentazzjoni (UE) 2019/2072. L-Aonidiella orientalis, l-Aulacaspis tubercularis, l-Avocado sunblotch viroid, il-Colletotrichum aenigma, il-Colletotrichum alienum, il-Colletotrichum fructicola, il-Colletotrichum perseae, il-Colletotrichum siamense, il-Colletotrichum theobromicola, l-Icerya aegyptiaca, il-Lasiodiplodia pseudotheobromae, il-Maconellicoccus hirsutus, il-Milviscutulus mangiferae, in-Neocosmospora euwallaceae, in-Neoscytalidium dimidiatum, in-Nipaecoccus viridis, l-Oligonychus mangiferus, l-Oligonychus perseae, il-Paracoccus marginatus, il-Penthimiola bella, il-Phenacoccus solenopsis, il-Plicosepalus acaciae, il-Pseudococcus cryptus, il-Pulvinaria psidii, ir-Retithrips syriacus, ir-Russellaspis pustulans u t-Tetraleurodes perseae għadhom mhumiex inklużi fil-lista ta’ pesti ta’ kwarantina tal-Unjoni fl-Anness II tar-Regolament ta’ Implimentazzjoni (UE) 2019/2072, iżda jistgħu jissodisfaw il-kundizzjonijiet biex jiġu inklużi ladarba titwettaq valutazzjoni tar-riskju sħiħa. Għal din ir-raġuni, il-miżuri fitosanitarji ta’ hawn fuq huma meħtieġa wkoll fir-rigward ta’ dawk il-pesti sakemm issir valutazzjoni tar-riskju sħiħa. |
(13) |
Għalhekk, jenħtieġ li r-Regolamenti ta’ Implimentazzjoni (UE) 2018/2019 u (UE) 2020/1213 jiġu emendati skont dan. |
(14) |
L-Anness tar-Regolament ta’ Implimentazzjoni (UE) 2020/1213 fih diversi żbalji meta ssir referenza għal leġiżlazzjoni oħra tal-Unjoni dwar is-saħħa tal-pjanti. |
(15) |
Għalhekk, jenħtieġ li r-Regolament ta’ Implimentazzjoni (UE) 2020/1213 jiġi kkoreġut skont dan. |
(16) |
Għal konformità mal-obbligi tal-Unjoni li jirriżultaw mill-Ftehim tal-Organizzazzjoni Dinjija tal-Kummerċ dwar l-applikazzjoni ta’ miżuri sanitarji u fitosanitarji, l-importazzjoni ta’ dawk il-komoditajiet jenħtieġ li tissokta fl-iqsar żmien possibbli. Għalhekk, jenħtieġ li dan ir-Regolament jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea. |
(17) |
Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Emendi għar-Regolament ta’ Implimentazzjoni (UE) 2018/2019
L-Anness tar-Regolament ta’ Implimentazzjoni (UE) 2018/2019 huwa emendat f’konformità mal-Anness I ta’ dan ir-Regolament.
Artikolu 2
Emendi u korrezzjonijiet għar-Regolament ta’ Implimentazzjoni (UE) 2020/1213
L-Anness tar-Regolament ta’ Implimentazzjoni (UE) 2020/1213 huwa emendat u kkoreġut f’konformità mal-Anness II ta’ dan ir-Regolament.
Artikolu 3
Dħul fis-seħħ
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, id-9 ta’ Novembru 2021.
Għall-Kummissjoni
Il-President
Ursula VON DER LEYEN
(1) ĠU L 317, 23.11.2016, p. 4.
(2) Ir-Regolament ta’ Implimentazzjoni tal-Kummissjoni (UE) 2018/2019 tat-18 ta’ Diċembru 2018 li jistabbilixxi lista proviżorja ta’ pjanti, prodotti tal-pjanti jew oġġetti oħra ta’ riskju għoli, fis-sens tal-Artikolu 42 tar-Regolament (UE) 2016/2031 u lista ta’ pjanti li ma jeħtiġux ċertifikati fitosanitarji għall-introduzzjoni tagħhom fl-Unjoni, fis-sens tal-Artikolu 73 ta’ dak ir-Regolament (ĠU L 323, 19.12.2018, p. 10).
(3) Ir-Regolament ta’ Implimentazzjoni tal-Kummissjoni (UE) 2018/2018 tat-18 ta’ Diċembru 2018 li jistabbilixxi regoli speċifiċi rigward il-proċedura li trid tiġi segwita sabiex issir il-valutazzjoni tar-riskju ta’ pjanti b’riskju għoli, il-prodotti tal-pjanti u oġġetti oħra fit-tifsira tal-Artikolu 42(1) tar-Regolament (UE) 2016/2031 tal-Parlament Ewropew u tal-Kunsill (ĠU L 323, 19.12.2018, p. 7).
(4) Ir-Regolament ta’ Implimentazzjoni tal-Kummissjoni (UE) 2020/1213 tal-21 ta’ Awwissu 2020 dwar il-miżuri fitosanitarji għall-introduzzjoni fl-Unjoni ta’ ċerti pjanti, prodotti mill-pjanti u oġġetti oħra li tneħħew mill-Anness tar-Regolament ta’ Implimentazzjoni (UE) 2018/2019 (ĠU L 275, 24.8.2020, p. 5).
(5) EFSA PLH Panel (il-Grupp ta’ Esperti Xjentifiċi tas-Saħħa tal-Pjanti fi ħdan l-Awtorità Ewropea dwar is-Sigurtà fl-Ikel), Scientific Opinion on the commodity risk assessment of Ficus carica plants from Israel (Opinjoni Xjentifika dwar il-valutazzjoni tar-riskju tal-komodità tal-pjanti tal-Ficus carica minn Iżrael), EFSA Journal 2021;19(1):6353, https://doi.org/10.2903/j.efsa.2021.6353
(6) EFSA PLH Panel, Scientific Opinion on the commodity risk assessment of Persea americana from Israel (Opinjoni Xjentifika dwar il-valutazzjoni tar-riskju tal-komodità tal-pjanti Persea americana minn Iżrael), EFSA Journal 2021;19(2):6354, https://doi.org/10.2903/j.efsa.2021.6354
(7) Ir-Regolament ta’ Implimentazzjoni tal-Kummissjoni (UE) 2019/2072 tat-28 ta’ Novembru 2019 li jistabbilixxi l-kundizzjonijiet uniformi għall-implimentazzjoni tar-Regolament (UE) 2016/2031 tal-Parlament Ewropew u tal-Kunsill rigward il-miżuri protettivi kontra l-pesti tal-pjanti, u li jħassar ir-Regolament tal-Kummissjoni (KE) Nru 690/2008 u jemenda r-Regolament ta’ Implimentazzjoni tal-Kummissjoni (UE) 2018/2019 (ĠU L 319, 10.12.2019, p. 1).
ANNESS I
It-tieni kolonna “Deskrizzjoni” tat-tabella fil-punt 1 tal-Anness tar-Regolament ta’ Implimentazzjoni (UE) 2018/2019 hija emendata kif ġej:
(1) |
l-entrata għal “Ficus carica L.” hija sostitwita b’dan li ġej: “Ficus carica L., minbarra l-pjanti għat-tħawwil ta’ sena, bl-għeruq mikxufin, inattivi, mingħajr weraq, b’dijametru massimu fil-bażi taz-zokk ta’ 2 cm tal-Ficus carica L., u l-biċċiet bl-għeruq ta’ sena mingħajr weraq ta’ pjanti għat-tħawwil b’materjal għat-tkabbir u b’dijametru massimu fil-bażi taz-zokk ta’ 1 cm tal-Ficus carica L., li joriġinaw f’Iżrael”; |
(2) |
l-entrata għal “Persea Mill.” hija sostitwita b’dan li ġej: “Persea Mill., minbarra l-pjanti għat-tħawwil imlaqqma, bl-għeruq, bil-weraq, b’materjal għat-tkabbir u b’dijametru massimu fil-bażi taz-zokk ta’ 1 cm tal-Persea americana Mill., u l-biċċiet mingħajr għeruq għat-tħawwil b’dijametru massimu fil-bażi taz-zokk ta’ 2 cm tal-Persea americana Mill., li joriġinaw f’Iżrael”. |
ANNESS II
PARTI A
It-tabella fl-Anness tar-Regolament ta’ Implimentazzjoni (UE) 2020/1213 hija emendata kif ġej:
(1) |
l-entrata li ġejja tiddaħħal wara t-tieni entrata għall-pjanti għat-tħawwil imlaqqma, bl-għeruq mikxufa, inattivi, b’dijametru massimu ta’ 2,5 cm tal-Albizia julibrissin Durazzini:
|
(2) |
l-entrati li ġejjin jiddaħħlu wara l-entrata għall-biċċiet bla għeruq ta’ pjanti għat-tħawwil tal-Jasminum polyanthum Franchet:
|
PARTI B
It-tabella fl-Anness tar-Regolament ta’ Implimentazzjoni (UE) 2020/1213 hija kkoreġuta kif ġej:
(1) |
iż-żewġ entrati għall-pjanti għat-tħawwil li għandhom minn sena sa tliet snin, bl-għeruq mikxufa, inattivi, ħielsa mill-weraq, imlaqqma jew imraħħma tal-Acer japonicum Thunberg, l-Acer palmatum Thunberg u tal-Acer shirasawanum Koidzumi, fir-raba’ kolonna “Miżuri” fil-punt (b)(i), ir-referenza “Regolament ta’ Implimentazzjoni tal-Kummissjoni (UE) 2020/1362” hija sostitwita b’“Regolament ta’ Implimentazzjoni tal-Kummissjoni (UE) 2020/1213”; |
(2) |
fl-entrata għall-biċċiet mingħajr għeruq ta’ pjanti għat-tħawwil tal-Jasminum polyanthum Franchet, fir-raba’ kolonna “Miżuri”, fil-punt (b)(i), ir-referenza “Regolament ta’ Implimentazzjoni tal-Kummissjoni (UE) 2021/419” hija sostitwita b’“Regolament ta’ Implimentazzjoni tal-Kummissjoni (UE) 2020/1213”. |