18.6.2021 |
MT |
Il-Ġurnal Uffiċjali tal-Unjoni Ewropea |
L 216/133 |
REGOLAMENT TA’ IMPLIMENTAZZJONI TAL-KUMMISSJONI (UE) 2021/980
tas-17 ta’ Ġunju 2021
li jemenda r-Regolament ta’ Implimentazzjoni (UE) 2019/661 fir-rigward tar-rekwiżiti ta’ informazzjoni għar-reġistrazzjoni fir-reġistru elettroniku għal kwoti għat-tqegħid fis-suq tal-idrofluworokarburi
(Test b’rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 517/2014 tal-Parlament Ewropew u tal-Kunsill tas-16 ta’ April 2014 dwar gassijiet fluworurati b’effett ta’ serra u li jħassar ir-Regolament (KE) Nru 842/2006 (1), u partikolarment l-Artikolu 17(2) tiegħu,
Billi:
(1) |
Ir-Regolament ta’ Implimentazzjoni tal-Kummissjoni (UE) 2019/661 (2) jistabbilixxi r-rekwiżiti għall-impriżi li r-reġistrazzjoni tagħhom fir-reġistru stabbilit f’konformità mal-Artikolu 17(1) tar-Regolament (UE) Nru 517/2014 hija obbligatorja. |
(2) |
Skont ir-Regolament ta’ Implimentazzjoni (UE) 2019/661, l-impriżi stabbiliti fl-Unjoni jridu jipprovdu n-numru tar-Reġistrazzjoni u tal-Identifikazzjoni tal-Operaturi Ekonomiċi (EORI) lill-Kummissjoni għall-iskopijiet biex jiġu rreġistrati fir-reġistru, jekk applikabbli. L-impriżi stabbiliti barra mill-Unjoni li jkunu ħatru rappreżentant uniku skont it-tifsira tal-Artikolu 16(5) tar-Regolament (UE) Nru 517/2014, iridu jipprovdu dik l-informazzjoni biss fir-rigward tar-rappreżentant uniku tagħhom. Ir-rappreżentant uniku jista’ jinħatar bħala tali permezz ta’ aktar minn impriża waħda stabbilita barra mill-Unjoni. Għalhekk, in-numru EORI ta’ tali rappreżentant uniku, ma jkunx neċessarjament jikkorrispondi ma’ impriża waħda barra mill-Unjoni. |
(3) |
F’konformità mal-Artikolu 17(4) tar-Regolament (UE) Nru 517/2014, ir-reġistru huwa aċċessibbli għall-awtoritajiet nazzjonali kompetenti, inkluż l-awtoritajiet tad-dwana, għal raġunijiet ta’ informazzjoni. |
(4) |
Meta jinfurzaw ir-restrizzjonijiet u l-projbizzjonijiet fuq it-tqegħid fis-suq stabbiliti fir-Regolament (UE) Nru 517/2014, l-awtoritajiet tad-dwana jridu jkunu jistgħu jidentifikaw l-impriżi li jqiegħdu l-idrofluworokarburi fis-suq f’konformità ma’ dak ir-Regolament permezz tan-numri EORI tagħhom. Partikolarment, dan jista’ jiffaċilita wkoll il-kontrolli mill-awtoritajiet tad-dwana meta dawn jużaw għodod diġitali. L-identifikazzjoni tal-impriża kkonċernata tista’ tinkiseb jekk in-numru EORI ta’ dik l-impriża jkun disponibbli fir-reġistru. Għalhekk, huwa meħtieġ li l-impriżi stabbiliti barra mill-Unjoni li ħatru rappreżentant uniku, jintalbu jipprovdu n-numru EORI tagħhom infushom. Jenħtieġ li r-rekwiżit biex dawn l-impriżi jipprovdu n-numru EORI tar-rappreżentant uniku tagħhom jitneħħa peress li huwa superfluwu. |
(5) |
Għalhekk, jenħtieġ li r-Regolament ta’ Implimentazzjoni (UE) 2019/661 jiġi emendat skont dan. |
(6) |
Il-miżuri previsti f’dan ir-Regolament huma f’konformità mal-opinjoni tal-Kumitat stabbilita skont l-Artikolu 24(1) tar-Regolament (UE) Nru 517/2014, |
ADOTTAT DAN IR-REGOLAMENT:
Artikolu 1
L-Artikolu 3, il-paragrafu 2 tar-Regolament ta’ Implimentazzjoni (UE) 2019/661 huwa emendat kif ġej:
(1) |
il-punt (b) huwa sostitwit b’dan li ġej:
|
(2) |
jiżdied il-punt (g) li ġej:
|
Artikolu 2
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-17 ta’ Ġunju 2021.
Għall-Kummissjoni
Il-President
Ursula VON DER LEYEN
(1) ĠU L 150, 20.5.2014, p. 195.
(2) Ir-Regolament ta’ Implimentazzjoni tal-Kummissjoni (UE) 2019/661 tal-25 ta’ April 2019 li jiżgura l-funzjonament bla xkiel tar-reġistru elettroniku għal kwoti għat-tqegħid fis-suq ta’ idrofluworokarburi (ĠU L 112, 26.4.2019, p. 11).