4.2.2021 |
MT |
Il-Ġurnal Uffiċjali tal-Unjoni Ewropea |
L 40/3 |
IR-REGOLAMENT TA’ IMPLIMENTAZZJONI TAL-KUMMISSJONI (UE) 2021/127
tat-3 ta’ Frar 2021
li jistabbilixxi r-rekwiżiti għall-introduzzjoni fit-territorju tal-Unjoni ta’ materjal ta’ imballaġġ tal-injam għat-trasport ta’ ċerti komoditajiet li joriġinaw minn ċerti pajjiżi terzi u għall-kontrolli tas-saħħa tal-pjanti fuq tali materjal, u li jħassar id-Deċiżjoni ta’ Implimentazzjoni (UE) 2018/1137
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2016/2031 tal-Parlament Ewropew u tal-Kunsill tas-26 ta’ Ottubru 2016 dwar il-miżuri protettivi kontra pesti tal-pjanti, li jemenda r-Regolamenti (UE) Nru 228/2013, (UE) Nru 652/2014 u (UE) Nru 1143/2014 tal-Parlament Ewropew u tal-Kunsill u li jħassar id-Direttivi tal-Kunsill 69/464/KEE, 74/647/KEE, 93/85/KEE, 98/57/KE, 2000/29/KE, 2006/91/KE u 2007/33/KE (1), u b’mod partikolari l-Artikolu 41(3) tiegħu,
Wara li kkunsidrat ir-Rettifika għar-Regolament (UE) 2017/625 tal-Parlament Ewropew u tal-Kunsill tal-15 ta’ Marzu 2017 dwar il-kontrolli uffiċjali u attivitajiet uffiċjali oħra mwettqa biex jiżguraw l-applikazzjoni tal-liġi tal-ikel u tal-għalf, ta’ regoli dwar is-saħħa u t-trattament xieraq tal-annimali, dwar is-saħħa tal-pjanti u dwar prodotti għall-protezzjoni tal-pjanti, li jemenda r-Regolamenti (KE) Nru 999/2001, (KE) Nru 396/2005, (KE) Nru 1069/2009, (KE) Nru 1107/2009, (UE) Nru 1151/2012, (UE) Nru 652/2014, (UE) 2016/429 u (UE) 2016/2031 tal-Parlament Ewropew u tal-Kunsill, ir-Regolamenti tal-Kunsill (KE) Nru 1/2005 u (KE) Nru 1099/2009 u d-Direttivi tal-Kunsill 98/58/KE, 1999/74/KE, 2007/43/KE, 2008/119/KE u 2008/120/KE, u li jħassar ir-Regolamenti (KE) Nru 854/2004 u (KE) Nru 882/2004 tal-Parlament Ewropew u tal-Kunsill, id-Direttivi tal-Kunsill 89/608/KEE, 89/662/KEE, 90/425/KEE, 91/496/KEE, 96/23/KE, 96/93/KE u 97/78/KE u d-Deċiżjoni tal-Kunsill 92/438/KEE (2), u b’mod partikolari l-Artikolu 22(3) u l-Artikolu 52 tiegħu,
Billi:
(1) |
Id-Deċiżjoni ta’ Implimentazzjoni tal-Kummissjoni (UE) 2018/1137 (3) tipprevedi li għandhom isiru kontrolli tas-saħħa tal-pjanti u li għandhom jittieħdu miżuri rigward il-materjal ta’ imballaġġ tal-injam għat-trasport ta’ komoditajiet speċifikati li joriġinaw mill-Belarussja u miċ-Ċina, u kienet applikabbli sat-30 ta’ Ġunju 2020. Dawk ir-regoli applikaw flimkien mar-regoli tar-Regolament Delegat tal-Kummissjoni (UE) 2019/2125 (4) dwar kontrolli uffiċjali speċifiċi tal-materjal ta’ imballaġġ tal-injam. |
(2) |
Il-kontrolli tas-saħħa tal-pjanti mwettqa mill-Istati Membri abbażi tad-Deċiżjoni ta’ Implimentazzjoni (UE) 2018/1137 urew li l-immarkar tal-materjal ta’ imballaġġ tal-injam użat fit-trasport ta’ ċerti komoditajiet li joriġinaw mill-Belarussja u miċ-Ċina mhux dejjem jikkonforma mar-Regolament (UE) 2016/2031. Barra minn hekk, il-kontrolli tas-saħħa tal-pjanti mwettqa mill-Istati Membri abbażi tal-valutazzjonijiet tar-riskju tagħhom, irreġistrati fi TRACES u, qabel, fis-sistema EUROPHYT-Interceptions ibbażata fuq l-Internet, urew li l-immarkar tal-materjal ta’ imballaġġ tal-injam użat fit-trasport ta’ ċerti komoditajiet li joriġinaw mill-Indja mhux dejjem jikkonforma ma’ dak ir-Regolament. |
(3) |
In-nuqqasijiet ta’ konformità li identifikaw l-Istati Membri juru li hemm riskju li jiġu introdotti pesti ħajjin permezz tal-materjal ta’ imballaġġ tal-injam użat fit-trasport ta’ ċerti komoditajiet minn dawk it-tliet pajjiżi ta’ oriġini, jiġifieri l-Belarussja, iċ-Ċina u l-Indja, u li dawk il-prodotti jenħtieġ li jkunu soġġetti għal kontrolli speċifiċi. |
(4) |
Sabiex jiġu evitati l-konsegwenzi ta’ tali nuqqas ta’ konformità fil-futur, jenħtieġ li jiġu adottati miżuri fir-rigward tal-materjal ta’ imballaġġ tal-injam għat-trasport ta’ ċerti komoditajiet li joriġinaw mill-Belarussja, iċ-Ċina u l-Indja. |
(5) |
Sabiex jiġi żgurat li l-awtoritajiet li jwettqu l-verifiki rispettivi tas-saħħa tal-pjanti jkunu jistgħu jħejju ruħhom aħjar, jenħtieġ li l-awtoritajiet kompetenti jew l-operaturi involuti fl-importazzjoni tal-komoditajiet speċifikati li jkollhom magħhom materjal ta’ imballaġġ tal-injam, hekk kif ikunu jafu bil-wasla ta’ dak il-materjal ta’ imballaġġ tal-injam, javżaw bil-quddiem lill-awtorità kompetenti tal-post ta’ kontroll fuq il-fruntiera tal-ewwel wasla. |
(6) |
Jenħtieġ li l-materjal ta’ imballaġġ tal-injam tal-kunsinni tal-komoditajiet speċifikati jkun soġġett għal kontrolli tas-saħħa tal-pjanti fuq bażi regolari. Abbażi tar-riskju identifikat għas-saħħa tal-pjanti, ir-rata ta’ dawk il-kontrolli jenħtieġ li ma tkunx ta’ inqas minn 15 % tal-materjal ta’ imballaġġ tal-injam importat tal-komoditajiet speċifikati, sabiex jiġi żgurat li jsir kontroll fuq kampjun rappreżentattiv. |
(7) |
Jenħtieġ li l-materjal ta’ imballaġġ tal-injam, kif ukoll il-komoditajiet speċifikati, ikunu soġġetti għar-regoli tal-Unjoni dwar is-superviżjoni doganali sakemm jitlestew dawn il-kontrolli tas-saħħa tal-pjanti, sabiex jiġi żgurat li l-moviment liberu tagħhom fit-territorju tal-Unjoni ma jintroduċi l-ebda riskju fitosanitarju. |
(8) |
Il-verifiki tas-saħħa tal-pjanti jenħtieġ li jsiru fil-post ta’ kontroll fuq il-fruntiera tal-ewwel wasla fit-territorju tal-Unjoni jew fil-punti ta’ kontroll imsemmija fil-punt (a) tal-Artikolu 53(1) tar-Regolament (UE) 2017/625, sabiex jiġi żgurat li dawk il-verifiki jitwettqu fl-aktar faċilitajiet xierqa. |
(9) |
Għall-finijiet taċ-ċarezza ġuridika, jenħtieġ li d-Deċiżjoni ta’ Implimentazzjoni (UE) 2018/1137 titħassar u tiġi sostitwita b’dan ir-Regolament, sabiex jitqiesu r-Regolamenti (UE) 2016/2031 u (UE) 2017/625, li ilhom applikabbli mill-14 ta’ Diċembru 2019. |
(10) |
Sabiex l-Istati Membri jkollhom żmien biex jadattaw għar-rekwiżiti previsti f’dan ir-Regolament, jenħtieġ li dan japplika mill-1 ta’ Marzu 2021. |
(11) |
Dan ir-Regolament jenħtieġ li japplika sal-31 ta’ Diċembru 2023 sabiex ikun hemm żmien biżżejjed biex tiġi mmonitorjata s-sitwazzjoni u tiġi ddeterminata l-konformità tal-materjal ta’ imballaġġ tal-injam u tal-kunsinni rispettivi ma’ dan ir-Regolament u mar-Regolament (UE) 2016/2031. |
(12) |
Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Suġġett u kamp ta’ applikazzjoni
Dan ir-Regolament jistabbilixxi r-rekwiżiti għall-introduzzjoni fit-territorju tal-Unjoni ta’ materjal ta’ imballaġġ tal-injam ta’ ċerti komoditajiet minn pajjiżi terzi elenkati fl-Anness, u l-kontrolli tas-saħħa tal-pjanti fuqhom, sabiex tiġi żgurata l-konformità tagħhom mar-Regolament (UE) 2016/2031.
Artikolu 2
Definizzjonijiet
Għall-finijiet ta’ dan ir-Regolament, għandhom japplikaw id-definizzjonijiet li ġejjin:
(1) |
“materjal ta’ imballaġġ tal-injam” tfisser il-prodotti kollha tal-injam f’għamla ta’ cases għal ippakkjar, kaxxi, ċestuni, ċilindri u kontenituri simili, palits, palits tal-kaxxi u boards oħrajn tat-tagħbija, għenuq tal-palits, dunnage, kemm jekk fil-fatt jintużaw fit-trasport ta’ oġġetti ta’ kull tip kif ukoll jekk le; injam mhux ipproċessat ta’ ħxuna ta’ 6 mm jew inqas, injam prodott permezz ta’ proċessi li fihom jintużaw kolla, sħana u pressjoni, jew taħlita tagħhom, u dunnage li jsostni kunsinni ta’ injam u li jkun magħmul minn injam tal-istess tip u kwalità bħall-injam fil-kunsinna, huwa eskluż; |
(2) |
“komoditajiet speċifikati” tfisser komoditajiet li jissodisfaw dan kollu li ġej:
|
Artikolu 3
Rekwiżiti għall-introduzzjoni fit-territorju tal-Unjoni ta’ materjal ta’ imballaġġ tal-injam
Il-materjal ta’ imballaġġ tal-injam jista’ jiġi introdott fit-territorju tal-Unjoni biss jekk jiġu ssodisfati ż-żewġ rekwiżiti li ġejjin:
(1) |
l-awtoritajiet kompetenti jew l-operaturi li huma responsabbli għall-introduzzjoni tal-materjal ta’ imballaġġ tal-injam ikkonċernat jew li jkunu jafu bil-wasla tiegħu fit-territorju tal-Unjoni, jinnotifikaw minn qabel lill-awtorità kompetenti tal-post ta’ kontroll fuq il-fruntiera tal-ewwel wasla li l-materjal ta’ imballaġġ tal-injam ikkonċernat se jiġi introdott fit-territorju tal-Unjoni; |
(2) |
il-kontrolli tas-saħħa tal-pjanti previsti fil-punt (a) tal-Artikolu 4(1) ta’ dan ir-Regolament juru li l-materjal ta’ imballaġġ tal-injam ikkonċernat jissodisfa r-rekwiżiti tal-punti (a) u (b) tal-Artikolu 43(1) tar-Regolament (UE) 2016/2031. |
Artikolu 4
Kontrolli tas-saħħa tal-pjanti
1. L-awtoritajiet kompetenti għandhom:
(a) |
iwettqu kontrolli tas-saħħa tal-pjanti, fuq bażi regolari, fuq il-materjal ta’ imballaġġ tal-injam ta’ kunsinni tal-komoditajiet speċifikati f’wieħed minn dawn li ġejjin:
|
(b) |
jiddefinixxu r-rata ta’ kontrolli tas-saħħa tal-pjanti previsti fil-punt (a) ta’ dan il-paragrafu. |
2. Ir-rata msemmija fil-punt (b) tal-paragrafu 1 ma għandhiex tkun ta’ inqas minn 15 % tal-kunsinni tal-komoditajiet speċifikati.
3. Sakemm jitlestew il-kontrolli previsti fil-punt (a) tal-paragrafu 1, dak il-materjal ta’ imballaġġ tal-injam u l-komoditajiet speċifikati rispettivi għandhom jibqgħu:
(a) |
taħt is-superviżjoni doganali skont l-Artikolu 134 tar-Regolament (UE) Nru 952/2013; u |
(b) |
taħt is-superviżjoni tal-awtorità kompetenti. |
4. B’deroga mill-paragrafu 3, l-awtorità doganali tista’ tippermetti li komoditajiet speċifikati ma jinżammux taħt superviżjoni kif previst fil-punti (a) u (b) ta’ dak il-paragrafu, jekk l-operatur responsabbli għall-kunsinna jissepara l-materjal ta’ imballaġġ tal-injam minn dawk il-komoditajiet speċifikati, meta dan ikun teknikament possibbli.
Artikolu 5
Tħassir tad-Deċiżjoni ta’ Implimentazzjoni (UE) 2018/1137
Id-Deċiżjoni ta’ Implimentazzjoni (UE) 2018/1137 titħassar.
Artikolu 6
Dħul fis-seħħ u perjodu ta’ applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Għandu japplika mill-1 ta’ Marzu 2021 sal-31 ta’ Diċembru 2023.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-3 ta’ Frar 2021.
Għall-Kummissjoni
Il-President
Ursula VON DER LEYEN
(1) ĠU L 317, 23.11.2016, p. 4.
(3) Id-Deċiżjoni ta’ Implimentazzjoni tal-Kummissjoni (UE) 2018/1137 tal-10 ta’ Awwissu 2018 dwar is-superviżjoni, il-kontrolli tas-saħħa tal-pjanti u l-miżuri li għandhom jittieħdu rigward il-materjal tal-ippakkjar tal-injam għat-trasport ta’ prodotti li joriġinaw minn ċerti pajjiżi terzi (ĠU L 205, 14.8.2018, p. 54).
(4) Ir-Regolament Delegat tal-Kummissjoni (UE) 2019/2125 tal-10 ta’ Ottubru 2019 li jissupplimenta r-Regolament (UE) 2017/625 tal-Parlament Ewropew u tal-Kunsill fir-rigward tar-regoli dwar it-twettiq ta’ kontrolli uffiċjali speċifiċi fuq il-materjal għall-ippakkjar mill-injam, in-notifika ta’ ċerti kunsinni u miżuri li jeħtieġ jittieħdu f’każijiet ta’ nonkonformità (ĠU L 321, 12.12.2019, p. 99).
(5) Ir-Regolament tal-Kunsill (KEE) Nru 2658/87, tat-23 ta’ Lulju, 1987, dwar in-nomenklatura tat-tariffa u l-istatistika u dwar it-Tariffa Doganali Komuni ta’ Dwana (ĠU L 256, 7.9.1987, p. 1).
ANNESS
Komoditajiet speċifikati, il-kodiċijiet rispettivi tan-Nomenklatura Magħquda (NM) jew il-kodiċijiet TARIC u l-pajjiż tal-oriġini
Deskrizzjoni tal-komodità |
Kodiċi tan-Nomenklatura Magħquda (NM) jew kodiċi TARIC |
Pajjiż ta’ oriġini |
Lavanja, kemm jekk mirquma b’mod raff jew sempliċiment maqtugħa, permezz ta’ ssegar jew mod ieħor, fi blokok jew f’ċangaturi ta’ forma rettangolari (inkluża kwadra) u kemm jekk le |
2514 |
Il-Belarussja, iċ-Ċina, l-Indja |
Irħam, travertina, ecaussine u ġebel ieħor kalkarju għal monumenti jew għal bini ta’ gravità speċifika fid-dieher ta’ 2,5 jew iżjed, u alabastru, kemm jekk mirqum b’mod raff jew sempliċiment maqtugħ, permezz ta’ ssegar jew mod ieħor, fi blokok jew f’ċangaturi ta’ forma rettangolari (inkluża kwadra) u kemm jekk le |
2515 |
Il-Belarussja, iċ-Ċina, l-Indja |
Granit, porfirju, bażalt, blat ramli u ġebel ieħor għal monumenti jew għal bini, kemm jekk mirqum b’mod raff jew sempliċiment maqtugħ, permezz ta’ ssegar jew mod ieħor, fi blokok jew f’ċangaturi ta’ forma rettangolari (inkluża kwadra) u kemm jekk le |
2516 |
Il-Belarussja, iċ-Ċina, l-Indja |
Qabs, fil-forma ta’ zkuk, zkuk ħoxnin, friegħi, qatet jew forom simili; injam f’laqx jew partikuli; serratura u skart u laqx tal-injam, kemm jekk agglomerati fil-forma ta’ zkuk, briquettes, pellets jew forom simili u kif ukoll jekk le |
4401 |
Il-Belarussja, iċ-Ċina, l-Indja |
Cases, kaxxi, ċestuni, ċilindri u kontenituri simili, tal-injam; rombli tal-kejbils, tal-injam; palits, palits tal-kaxxi u boards oħrajn għat-tagħbija, tal-injam; għenuq tal-palits, tal-injam (ħlief kontenituri mfassla u mgħammra b’mod speċjali għal mod tat-trasport wieħed jew aktar) |
4415 |
Il-Belarussja, iċ-Ċina, l-Indja |
Ċangaturi tal-granit, għazez u ċangar, ta’ ġebla naturali (ħlief lavanja) |
6801 |
Il-Belarussja, iċ-Ċina, l-Indja |
Ġebla monumentali jew għall-bini maħduma (ħlief lavanja) u oġġetti magħmula minnha, għajr oġġetti tal-intestatura 6801 ; kubi tal-mużajk u bħalhom, ta’ ġebla naturali (inkluża lavanja), fuq rifda jew le; granijiet, laqx u trab, ta’ ġebla naturali, b’kuluri artifiċjali (inkluża lavanja) |
6802 |
Il-Belarussja, iċ-Ċina, l-Indja |
Lavanja maħduma u oġġetti ta’ lavanja jew ta’ lavanja agglomerata (ħlief granijiet, laqx u trab, kubi tal-mużajk u oġġetti simili ta’ lavanja, lapsijiet ta’ lavanja, u lavanji jew boards lesti għall-użu b’uċuħ għall-kitba jew għat-disinjar) |
6803 |
Il-Belarussja, iċ-Ċina, l-Indja |
Ċangatura u paviment, madum għall-qigħan taċ-ċmieni taċ-ċeramika; kubi tal-mużajk taċ-ċeramika u oġġetti bħal dawn, fuq rifda jew le (għajr dawk ta’ frakass fossili siliċiku jew ta’ trab siliċiku simili, oġġetti refrattarji, madum adattat apposta bħala mats tal-mejda, oġġetti ornamentali u madum immanifatturat speċifikament għall-fuklari) |
6907 |
Il-Belarussja, iċ-Ċina, l-Indja |
Pjanċi, folji u strixxi tal-aluminju |
7606 |
Il-Belarussja, iċ-Ċina, l-Indja |