(1)

Ir-Regolament ta’ Implimentazzjoni tal-Kummissjoni (UE) 2020/1191 (3) daħal fis-seħħ fil-15 ta’ Awwissu 2020. Minn dik id-data ’l hawn, uħud mill-Istati Membri u mill-operaturi professjonisti interpretaw u applikaw b’mod diverġenti t-terminu “maħżuna”, li jinsab fl-Artikolu 7(2) ta’ dak ir-Regolament.

(2)

Għal raġunijiet prattiċi u peress li ż-żerriegħa tas-Solanum lycopersicum L. u tal-Capsicum spp. (“iż-żrieragħ speċifikat”) li nħasdu qabel il-15 ta’ Awwissu 2020 ma jistgħux jissodisfaw ir-rekwiżit biex il-pjanti omm tagħhom jiġu prodotti f’sit ta’ produzzjoni fejn mhux magħruf li kien hemm il-pest speċifikat, abbażi tal-ispezzjonijiet uffiċjali mwettqa fiż-żmien xieraq biex issir detezzjoni tal-pest speċifikat, jenħtieġ li żrieragħ bħal dawn jiġu eżentati mill-kundizzjoni fl-Artikolu 7(1)(a) tar-Regolament ta’ Implimentazzjoni (UE) 2020/1191.

(3)

Jenħtieġ li l-Artikolu 7(2) tar-Regolament ta’ Implimentazzjoni (UE) 2020/1191 jiġi emendat biex jiċċara li jenħtieġ li ż-żrieragħ speċifikati li nħasdu qabel il-15 ta’ Awwissu 2020 jiġu kampjunati u ttestjati għall-preżenza tal-pest speċifikat mill-awtorità kompetenti jew minn operaturi professjonisti skont is-superviżjoni uffiċjali tal-awtorità kompetenti qabel l-ewwel ġarr tagħhom fl-Unjoni. Jenħtieġ li deroga bħal din mill-Artikolu 7(2) ta’ dak ir-Regolament tippermetti li ż-żrieragħ diġà akkumpanjati minn passaport tal-pjanti jiċċirkolaw fit-territorju tal-Unjoni mingħajr ma jiġu ttestjati aktar.

(4)

Jenħtieġ li ż-żrieragħ speċifikati li nġarru għall-ewwel darba fl-Unjoni mill-1 ta’ April 2021 ’il quddiem, u li ġew ittestjati qabel it-30 ta’ Settembru 2020 bil-metodu ELISA, jerġgħu jiġu ttestjati b’metodu ta’ ttestjar, għajr dak tal-ELISA, kif imsemmi fil-punt 3 tal-Anness.

(5)

Peress li ż-żrieragħ speċifikati, li joriġinaw minn pajjiżi terzi u li nħasdu qabel il-15 ta’ Awwissu 2020, ma jistgħux jissodisfaw ir-rekwiżit li l-pjanti omm tagħhom jiġu prodotti f’sit tal-produzzjoni fejn mhux magħruf li kien hemm il-pest speċifikat, abbażi tal-ispezzjonijiet uffiċjali mwettqa fiż-żmien xieraq biex issir detezzjoni tal-pest speċifikat, jenħtieġ li żrieragħ bħal dawn li jridu jiddaħħlu fl-Unjoni, jiġu eżentati mir-rekwiżit fl-Artikolu 9(1)(a)(i).

(6)

Il-Kummissjoni ġiet mgħarrfa mis-settur tal-industrija taż-żrieragħ u mill-Istati Membri li r-rekwiżit li l-isem tas-sit tal-produzzjoni rreġistrat jiġi inkluż fiċ-ċertifikat fitosanitarju f’konformità mal-Artikolu 9 tar-Regolament ta’ Implimentazzjoni (UE) 2020/1191 qed jikkawża dewmien u diffikultajiet prattiċi lill-esportaturi, peress li għalihom huwa diffiċli li jiġi identifikat is-sit tal-produzzjoni konkret. Sabiex titħaffef l-identifikazzjoni tas-sit tal-produzzjoni rreġistrat mill-awtoritajiet kompetenti u mill-operaturi professjonisti tal-pajjiżi terzi, jenħtieġ li dak ir-rekwiżit jiġi sostitwit b’rekwiżit għat-tressiq tal-informazzjoni dwar it-traċċabbiltà tas-sit tal-produzzjoni tal-pjanti omm.

(7)

Jenħtieġ li ż-żrieragħ speċifikati li joriġinaw minn pajjiżi terzi jiġu ttestjati bl-użu tal-metodi ta’ kampjunar u ta’ ttestjar kif imsemmi fl-Anness tar-Regolament ta’ Implimentazzjoni (UE) 2020/1191. Sabiex jitqies il-fatt li xi żrieragħ speċifikati setgħu ġew ittestjati xhur qabel ma fil-fatt ġew iċċertifikati għall-esportazzjoni, huwa proporzjonat li mill-1 ta’ April 2021’il quddiem jintalab it-twettiq ta’ ttestjar molekulari obbligatorju, u li l-pajjiżi terzi jingħataw żmien biżżejjed biex jaddattaw għal dan ir-rekwiżit.

(8)

Sabiex jiġu evitati restrizzjonijiet kummerċjali żejda għaż-żrieragħ speċifikati maħsuda qabel il-15 ta’ Awwissu 2020, jenħtieġ li dan ir-Regolament isir applikabbli fl-iqsar żmien possibbli. Għalhekk jenħtieġ li dan ir-Regolament jidħol fis-seħħ fit-tielet jum wara dak tal-pubblikazzjoni tiegħu.

(9)

Il-miżuri previsti f’dan ir-Regolament huma f’konformità mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,

(1)

L-Artikolu 7 huwa emendat kif ġej:

(2)

L-Artikolu 9 huwa emendat kif ġej: