(1)

Fid-9 ta’ Ottubru 2015 , il-Kummissjoni rċeviet applikazzjoni mill-Istitut tar-Riċerka tal-Uċuħ tar-Raba’ (ir-Repubblika Ċeka) għall-approvazzjoni tal-għeruq tas-Saponaria officinalis L. bħala sustanza bażika. Dik l-applikazzjoni kellha magħha l-informazzjoni meħtieġa skont it-tieni subparagrafu tal-Artikolu 23(3) tar-Regolament (KE) Nru 1107/2009.

(2)

Il-Kummissjoni talbet lill-Awtorità Ewropea dwar is-Sigurtà fl-Ikel (minn hawn ’il quddiem “l-Awtorità”) għall-assistenza xjentifika. Fid-19 ta’ Ġunju 2017, l-Awtorità ppreżentat lill-Kummissjoni b’rapport tekniku dwar l-għeruq tas-Saponaria officinalis L (2). Fis-6 ta’ Diċembru 2017, il-Kummissjoni ppreżentat ir-rapport ta’ reviżjoni (3) u l-abbozz ta’ Regolament dwar in-nuqqas ta’ approvazzjoni tal-għeruq tas-Saponaria officinalis L. lill-Kumitat Permanenti dwar il-Pjanti, l-Annimali, l-Ikel u l-Għalf.

(3)

Id-dokumentazzjoni ppreżentata mill-applikanti turi li l-għeruq tas-Sapononaria officinalis L. jissodisfaw il-kriterji ta’ oġġett tal-ikel kif definit fl-Artikolu 2 tar-Regolament (KE) Nru 178/2002 tal-Parlament Ewropew u tal-Kunsill (4), billi tradizzjonalment jintużaw bħala emulsjonant.

(4)

Madankollu, ir-rapport tekniku tal-Awtorità identifika tħassib speċifiku rigward il-preżenza ta’ sustanzi ta’ tħassib (eż. saponini triteropenojdi, saporin) f’estratti tal-għeruq tas-Saponaria officinalis L. meta jintużaw għal finijiet tal-protezzjoni tal-pjanti. Ma kienx hemm biżżejjed informazzjoni disponibbli biex jiġi stabbilit livell sikur ta’ konsum għall-konsumaturi u l-valutazzjoni tar-riskju għall-konsumatur ma setgħetx titlesta għall-użi tal-għeruq tas-Saponaria officinalis L. fil-ħjar, fit-tadam u fil-ħops. Barra minn hekk, ma kienx hemm biżżejjed informazzjoni biex tintlaħaq konklużjoni dwar ir-riskju għall-organiżmi mhux fil-mira.

(5)

Ma kien hemm disponibbli l-ebda evalwazzjoni rilevanti oħra, imwettqa f’konformità mal-leġiżlazzjoni l-oħra tal-Unjoni kif imsemmija fl-Artikolu 23(2) tar-Regolament (KE) Nru 1107/2009.

(6)

Il-Kummissjoni stiednet lill-applikant iressaq il-kummenti tiegħu dwar ir-rapport tekniku tal-Awtorità u dwar l-abbozz tar-rapport ta’ reviżjoni. L-applikant ippreżenta l-kummenti tiegħu, u dawn ġew eżaminati bir-reqqa.

(7)

B’riżultat ta’ dan, kif stabbilit fir-rapport ta’ reviżjoni tal-Kummissjoni, ma ġiex stabbilit li r-rekwiżiti stipulati fl-Artikolu 23 tar-Regolament (KE) Nru 1107/2009 huma ssodisfati. Huwa għalhekk xieraq li l-għeruq tas-Saponaria officinalis L. ma jiġux approvati bħala sustanza bażika.

(8)

Dan ir-Regolament ma jippreġudikax il-preżentazzjoni ta’ applikazzjoni oħra għall-approvazzjoni tal-għeruq tas-Saponaria officinalis L. bħala sustanza bażika skont l-Artikolu 23(3) tar-Regolament (KE) Nru 1107/2009.

(9)

Il-miżuri previsti f’dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,