1.   L-EDPS għandu jaġixxi fl-interess pubbliku bħala espert kif ukoll bħala korp indipendenti, affidabbli, proattiv u awtoritattiv fil-qasam tal-privatezza u l-protezzjoni ta’ data personali.

2.   L-EDPS għandu jaġixxi f’konformità mal-Qafas tal-Etika tal-EDPS.

1.   L-EDPS għandu jippubblika minn żmien għal żmien il-prijoritajiet strateġiċi tiegħu u Rapport Annwali.

2.   L-EDPS, bħala kontrollur tad-data, għandu jmexxi bl-eżempju billi jirrispetta l-liġi applikabbli dwar il-protezzjoni ta’ data personali.

3.   L-EDPS għandu jikkomunika b’mod miftuħ u trasparenti mal-midja u mal-partijiet ikkonċernati u jispjega l-attivitajiet tiegħu lill-pubbliku b’lingwaġġ ċar.

1.   L-EDPS għandu juża mezzi amministrattivi u tekniċi tal-ogħla livell sabiex jimmassimizza l-effiċjenza u l-effettività fit-twettiq tal-kompiti tiegħu, inkluż il-komunikazzjoni interna u d-delegar xieraq tal-kompiti.

2.   L-EDPS għandu jimplimenta mekkaniżmi u għodod adattati sabiex jiżgura l-ogħla livell ta’ ġestjoni tal-kwalità, bħal standards ta’ kontroll intern, proċess ta’ ġestjoni tar-riskju u r-rapport annwali tal-attività.

1.   Mingħajr preġudizzju għall-Memorandum ta’ Qbil bejn l-EDPS u l-EDPB tal-25 ta’ Mejju 2018, b’mod partikolari l-punt VI(5) tiegħu, id-Direttur għandu jeżerċita s-setgħat mogħtija lill-Awtorità tal-Ħatra fit-tifsira tal-Artikolu 2 tar-Regolamenti tal-Persunal tal-uffiċjali tal-Unjoni Ewropea stabbiliti mir-Regolament tal-Kunsill (KEE, Euratom, KEFA) Nru 259/68 (7) u s-setgħat mogħtija lil min hu awtorizzat li jikkonkludi kuntratti ta’ impjieg skont l-Artikolu 6 tal-Kondizzjonijiet tal-Impjieg applikabbli għall-Aġenti l-Oħra tal-Unjoni Ewropea stabbiliti mir-Regolament (KEE, Euratom, KEFA) Nru 259/68 u s-setgħat l-oħra kollha relatati li jirriżultaw minn deċiżjonijiet amministrattivi oħra, kemm fi ħdan l-EDPS kif ukoll ta’ natura interistituzzjonali, sakemm id-deċiżjoni tal-Kontrollur Ewropew għall-Protezzjoni tad-Data dwar l-eżerċizzju tas-setgħat mogħtija lill-Awtorità tal-Ħatra u lil min hu awtorizzat li jikkonkludi kuntratti ta’ impjieg ma tipprevedix mod ieħor.

2.   Id-Direttur jista’ jiddelega l-eżerċizzju tas-setgħat imsemmija fil-paragrafu 1 lill-uffiċjal responsabbli mill-amminstrazzjoni tar-riżorsi umani.

3.   Id-Direttur għandu jkun l-uffiċjal rapportatur għall-Uffiċjal tal-Protezzjoni tad-Data, l-Uffiċjal għas-Sigurtà Lokali, l-Uffiċjal Lokali għas-Sigurtà tal-Informazzjoni, l-Uffiċjal għat-Trasparenza, l-Uffiċjal għas-Servizz Legali, l-Uffiċjal għall-Etika u l-Koordinatur tal-Kontroll Intern għall-kompiti li jirrigwardaw dawn il-funzjonijiet.

4.   Id-Direttur għandu jassisti lill-Kontrollur Ewropew għall-Protezzjoni tad-Data biex jiżgura l-konsistenza u għandu jassisti l-koordinazzjoni ġenerali tal-EDPS u kwalunkwe kompitu ieħor li jiġi ddelegat lilu jew lilha mill-Kontrollur Ewropew għall-Protezzjoni tad-Data.

5.   Id-Direttur jista’ jadotta d-deċiżjonijiet tal-EDPS dwar l-applikazzjoni tar-restrizzjonijiet ibbażati fuq ir-regoli interni tal-EDPS li jimplimentaw l-Artikolu 25 tar-Regolament.

1.   Il-Laqgħa tal-Maniġment għandha tinvolvi l-Kontrollur Ewropew għall-Protezzjoni tad-Data, id-Direttur u l-Kapijiet tal-Unitajiet u s-Setturi u għandha tiżgura sorveljanza strateġika tal-ħidma tal-EDPS.

2.   Meta l-Laqgħa tal-Maniġment tkun dwar kwistjonijiet relatati mar-riżorsi umani, il-baġit, il-finanzi jew kwistjonijiet amministrattivi rilevanti għall-EDPB jew għas-segretarjat tal-EDPB, din għandha tinvolvi wkoll lill-Kap tas-segretarjat tal-EDPB.

3.   Il-Laqgħa tal-Maniġment għandha tiġi ppreseduta mill-Kontrollur Ewropew għall-Protezzjoni tad-Data, jew f’każijiet li ma jkunx jista’ jattendi jew ma tkunx tista’ tattendi għal-laqgħa, mid-Direttur. Bħala regola, il-Laqgħa tal-Maniġment għandha ssir mill-inqas darba fil-ġimgħa.

4.   Id-Direttur għandu jiżgura l-funzjonament xieraq tas-segretarjat tal-Laqgħa tal-Maniġment.

5.   Il-laqgħat m’għandhomx ikunu miftuħa għall-pubbliku. Id-diskussjonijiet għandhom ikunu kunfidenzjali.

1.   Il-Kontrollur Ewropew għall-Protezzjoni tad-Data jista’ jiddelega lid-Direttur, fejn xieraq u f’konformità mar-Regolament, is-setgħa li jadotta u jiffirma deċiżjonijiet legalment vinkolanti, li s-sustanza tagħhom tkun diġà ġiet iddeterminata mill-Kontrollur Ewropew għall-Protezzjoni tad-Data.

2.   Il-Kontrollur Ewropew għall-Protezzjoni tad-Data jista’ jiddelega wkoll, fejn xieraq u f’konformità mar-Regolament, lid-Direttur jew lill-Kap tal-Unità jew lill-Kap tas-Settur ikkonċernat, is-setgħa li jadotta u jiffirma dokumenti oħra.

3.   Meta s-setgħat ikunu ġew iddelegati lid-Direttur skont il-paragrafi 1 jew 2, id-Direttur jista’ jissottodelegahom lill-Kap tal-Unità jew lill-Kap tas-Settur ikkonċernat.

4.   Meta l-Kontrollur Ewropew għall-Protezzjoni tad-Data ma jitħalliex jeżerċita l-funzjonijiet tiegħu jew tagħha jew il-kariga tkun vakanti u ma jkun inħatar l-ebda Kontrollur Ewropew għall-Protezzjoni tad-Data, id-Direttur, fejn xieraq u f’konformità mar-Regolament, għandu jwettaq il-kompiti u d-dmirijiet tal-Kontrollur Ewropew għall-Protezzjoni tad-Data li huma meħtieġa u urġenti biex tiġi żgurata l-kontinwità tal-operat.

5.   Meta d-Direttur ma jkunx jista’ jeżerċita l-funzjonijiet tiegħu jew tagħha jew il-kariga tkun vakanti u ebda uffiċjal ma jkun ġie nominat mill-Kontrollur Ewropew għall-Protezzjoni tad-Data, il-funzjonijiet tad-Direttur għandhom jiġu eżerċitati mill-Kap tal-Unità jew mill-Kap tas-Settur li jkollu l-ogħla grad jew, f’każ ta’ grad ugwali, mill-Kap tal-Unità jew mill-Kap tas-Settur bl-ogħla anzjanità fil-grad jew, f’każ ta’ anzjanità ugwali, minn min ikun l-ikbar fl-età.

6.   Jekk ma jkun hemm ebda Kap ta’ Unità jew Kap ta’ Settur disponibbli biex jeżerċita d-dmirijiet tad-Direttur kif speċifikat fil-paragrafu 5 u ebda uffiċjal ma jkun ġie nominat mill-Kontrollur Ewropew għall-Protezzjoni tad-Data, l-uffiċjal preżenti li jkollu l-ogħla grad jew, f’każ ta’ grad ugwali, l-uffiċjal bl-ogħla anzjanità fil-grad jew, f’każ ta’ anzjanità ugwali, dak li jkun l-ikbar fl-età, għandu jaġixxi minfloku.

7.   Meta kwalunkwe superjur ġerarkiku ieħor ma jkunx jista’ jeżerċita/teżerċita dmirijietu/dmirijietha, u l-ebda uffiċjal ma jkun ġie nominat mill-Kontrollur Ewropew għall-Protezzjoni tad-Data, id-Direttur għandu jinnomina uffiċjal bi qbil mal-Kontrollur Ewropew għall-Protezzjoni tad-Data. Jekk ebda sostitut ma jkun ġie nominat mid-Direttur, l-uffiċjal fl-Unità jew fis-Settur ikkonċernati li jkollu l-ogħla grad, jew f’każ ta’ grad ugwali, l-uffiċjal li jkollu l-ogħla anzjanità fil-grad jew, f’każ ta’ anzjanità ugwali, dak li jkun l-ikbar fl-età, għandu jaġixxi minfloku.

8.   Il-paragrafi 1 sa 7 għandhom ikunu mingħajr preġudizzju għar-regoli li jikkonċernaw id-delegar fir-rigward tas-setgħat mogħtija lill-Awtorità tal-Ħatra jew tas-setgħat li jikkonċernaw materji finanzjarji kif previst fl-Artikoli 9 u 12.

1.   Il-Kontrollur Ewropew għall-Protezzjoni tad-Data għandu jiddelega s-setgħat tal-Uffiċjal tal-Awtorizzazzjoni lid-Direttur f’konformità mal-karta ta’ kompiti u responsabbiltajiet rigward il-baġit u l-amministrazzjoni tal-EDPS provduti f’konformità mal-Artikolu 72(2) tar-Regolament (UE, Euratom) 2018/1046 tal-Parlament Ewropew u tal-Kunsill (8).

2.   Fir-rigward ta’ kwistjonijiet baġitarji relatati mal-EDPB, l-Uffiċjal tal-Awtorizzazzjoni għandu jeżerċita l-funzjoni tiegħu jew tagħha f’konformità mal-Memorandum ta’ Qbil bejn l-EDPS u l-EDPB.

3.   Il-funzjoni tal-Uffiċjal tal-Kontabilità tal-EDPS, f’konformità mad-Deċiżjoni tal-Kontrollur Ewropew għall-Protezzjoni tad-Data tal-1 ta’ Marzu 2017 (9), għandha titwettaq mill-Uffiċjal tal-Kontabilità tal-Kummissjoni.

1.   Ir-reġistru tal-ħatriet ta’ Uffiċjali tal-Protezzjoni tad-Data notifikati lill-EDPS mill-istituzzjonijiet f’konformità mar-Regolament għandu jinżamm mill-EDPS.

2.   Il-lista aġġornata tal-Uffiċjali tal-Protezzjoni tad-Data tal-istituzzjonijiet għandha tiġi ppubblikata fuq is-sit web tal-EDPS.

3.   L-EDPS għandu jipprovdi gwida lill-Uffiċjali tal-Protezzjoni tad-Data, b’mod partikolari billi jipparteċipa fil-laqgħat organizzati min-network tal-Uffiċjali tal-Protezzjoni tad-Data tal-istituzzjonijiet.

1.   L-EDPS m’għandux jindirizza lmenti anonimi.

2.   L-EDPS għandu jindirizza l-ilmenti mressqa bil-miktub, inkluż f’forma elettronika, fi kwalunkwe lingwa uffiċjali tal-Unjoni u li jipprovdu d-dettalji meħtieġa biex jiġi mifhum l-ilment.

3.   Meta lment relatat mal-istess fatti jkun ġie rreġistrat mill-ilmentatur għand l-Ombudsman Ewropew, l-EDPS għandu jeżamina l-ammissibbiltà tal-ilment f’konformità mal-Memorandum ta’ Qbil bejn l-EDPS u l-Ombudsman Ewropew.

4.   L-EDPS għandu jiddeċiedi kif jindirizza lment billi jqis:

5.   Fejn xieraq, l-EDPS għandu jiffaċilita soluzzjoni amikevoli għall-ilment.

6.   L-EDPS għandu jissospendi l-investigazzjoni ta’ lment sakemm tingħata deċiżjoni minn qorti jew deċiżjoni ta’ korp ġudizzjarju jew amministrattiv ieħor dwar l-istess kwistjoni.

7.   L-EDPS għandu jiżvela l-identità tal-ilmentatur sa fejn hu meħtieġ għat-twettiq xieraq tal-investigazzjoni. L-EDPS m’għandux jiżvela kwalunkwe dokument relatat mal-ilment, ħlief għal siltiet jew sommarji anonimizzati tad-deċiżjoni finali, sakemm il-persuna kkonċernata ma tagħtix il-kunsens tagħha għal tali żvelar.

8.   Jekk ikun meħtieġ miċ-ċirkostanzi tal-ilment, l-EDPS għandu jikkoopera mal-awtoritajiet ta’ sorveljanza kompetenti, inklużi l-awtoritajiet ta’ sorveljanza nazzjonali kompetenti li jaġixxu fl-ambitu tal-kompetenzi rispettivi tagħhom.

1.   L-EDPS għandu jinforma lill-ilmentatur kemm jista’ jkun malajr dwar l-eżitu tal-ilment u l-azzjoni li tkun ittieħdet.

2.   Meta lment jinstab inammissibbli jew l-investigazzjoni titwaqqaf, l-EDPS għandu, fejn xieraq, jagħti parir lill-ilmentatur biex jirreferi għand xi awtorità kompetenti oħra.

3.   L-EDPS jista’ jiddeċiedi li jwaqqaf investigazzjoni fuq talba tal-ilmentatur. Dan m’għandux jipprevjeni lill-EDPS milli jinvestiga aktar is-suġġett tal-ilment.

4.   L-EDPS jista’ jagħlaq investigazzjoni meta l-ilmentatur ikun naqas milli jipprovdi l-informazzjoni mitluba. L-EDPS għandu jinforma lill-ilmentatur dwar din id-deċiżjoni.

1.   Meta l-EDPS joħroġ deċiżjoni dwar ilment, l-ilmentatur jew l-istituzzjoni kkonċernata tista’ titlob li l-EDPS jirrieżamina d-deċiżjoni tiegħu. Talba bħal din għandha ssir fi żmien xahar mid-deċiżjoni. L-EDPS għandu jirrieżamina d-deċiżjoni tiegħu meta l-ilmentatur jew l-istituzzjoni jressqu evidenza fattwali jew argumenti legali ġodda.

2.   Malli joħroġ id-deċiżjoni tiegħu dwar ilment, l-EDPS għandu jinforma lill-ilmentatur u lill-istituzzjoni kkonċernata li huma għandhom id-dritt kemm li jitolbu rieżami tad-deċiżjoni tiegħu kif ukoll li jikkontestaw id-deċiżjoni quddiem il-Qorti tal-Ġustizzja tal-Unjoni Ewropea f’konformità mal-Artikolu 263 tat-Trattat dwar il-Funzjonament tal-Unjoni Ewropea.

3.   Meta wara talba li jirrieżamina d-deċiżjoni tiegħu dwar ilment, l-EDPS joħroġ deċiżjoni ġdida riveduta, l-EDPS għandu jinforma lill-ilmentatur u lill-istituzzjoni kkonċernata li jistgħu jikkontestaw din id-deċiżjoni l-ġdida quddiem il-Qorti tal-Ġustizzja tal-Unjoni Ewropea f’konformità mal-Artikolu 263 tat-Trattat dwar il-Funzjonament tal-Unjoni Ewropea.

1.   L-EDPS għandu jipprovdi pjattaforma sigura għan-notifika ta’ ksur ta’ data personali minn istituzzjoni u jimplimenta miżuri ta’ sigurtà għall-iskambju ta’ informazzjoni rigward ksur ta’ data personali.

2.   Man-notifika, l-EDPS għandu jirrikonoxxi li rċieva n-notifika lill-istituzzjoni kkonċernata.

1.   Bi tweġiba għal talbiet mill-Kummissjoni skont l-Artikolu 42(1) tar-Regolament, l-EDPS għandu joħroġ opinjonijiet jew kummenti formali.

2.   L-opinjonijiet għandhom jiġu ppubblikati fuq is-sit web tal-EDPS bl-Ingliż, bil-Franċiż u bil-Ġermaniż. Is-sommarji tal-opinjonijiet għandhom jiġu ppubblikati f’Il-Ġurnal Uffiċjali tal-Unjoni Ewropea (Serje C). Il-kummenti formali għandhom jiġu ppubblikati fuq is-sit web tal-EDPS.

3.   L-EDPS jista’ jirrifjuta li jwieġeb għal konsultazzjoni meta l-kondizzjonijiet stabbiliti fl-Artikolu 42 tar-Regolament ma jiġux sodisfati, inkluż fejn ma jkun hemm l-ebda impatt fuq il-protezzjoni tad-drittijiet u l-libertajiet tal-individwi fir-rigward tal-protezzjoni tad-data.

4.   Meta minkejja l-aħjar sforzi, opinjoni konġunta tal-EDPS u tal-EDPB skont l-Artikolu 42(2) tar-Regolament ma tkunx tista’ tinħareġ sal-iskadenza stabbilita, l-EDPS jista’ joħroġ opinjoni dwar l-istess kwistjoni.

5.   Meta l-Kummissjoni tqassar skadenza applikabbli għal konsultazzjoni leġiżlattiva skont l-Artikolu 42(3) tar-Regolament, l-EDPS għandu jagħmel ħiltu biex jirrispetta l-iskadenza stabbilita sa fejn hu raġonevoli u prattiku, filwaqt li jqis b’mod partikolari l-kumplessità tas-suġġett, it-tul tad-dokumentazzjoni u l-kompletezza tal-informazzjoni pprovduta mill-Kummissjoni.

1.   L-EDPS jista’ jintervjeni fl-azzjonijiet miġjuba quddiem il-Qorti tal-Ġustizzja tal-Unjoni Ewropea f’konformità mal-Artikolu 58(4) tar-Regolament, l-Artikolu 43(3)(i) tar-Regolament (UE) 2016/794, l-Artikolu 85(3)(g) tar-Regolament (UE) 2017/1939, u l-Artikolu 40(3)(g) tar-Regolament (UE) 2018/1727.

2.   Meta jkun qed jiddeċiedi jekk jitlobx permess biex jintervjeni jew jekk jaċċettax stedina mill-Qorti tal-Ġustizzja tal-Unjoni Ewropea biex jagħmel hekk, l-EDPS għandu jqis b’mod partikolari:

1.   L-EDPS għandu jikkoopera mal-awtoritajiet ta’ sorveljanza nazzjonali u mal-awtorità ta’ sorveljanza konġunta stabbilita skont l-Artikolu 25 tad-Deċiżjoni tal-Kunsill 2009/917/ĠIA (10) bil-ħsieb, b’mod partikolari:

2.   Fejn rilevanti, l-EDPS għandu jinvolvi ruħu f’assistenza reċiproka u jipparteċipa f’operazzjonijiet konġunti mal-awtoritajiet ta’ sorveljanza nazzjonali, fejn kull wieħed jaġixxi fl-ambitu tal-kompetenzi rispettivi tiegħu kif stabbilit fir-Regolament, fil-GDPR u f’atti rilevanti oħra tad-dritt tal-Unjoni.

3.   L-EDPS jista’ jipparteċipa fuq stedina f’investigazzjoni minn awtorità ta’ sorveljanza jew jistieden awtorità ta’ sorveljanza biex tipparteċipa f’investigazzjoni skont ir-regoli legali u proċedurali applikabbli għall-parti li tagħmel l-istedina.

1.   L-EDPS għandu jippromwovi l-aħjar prattiki, il-konverġenza u s-sinerġiji dwar il-protezzjoni ta’ data personali bejn l-Unjoni Ewropea u pajjiżi terzi u organizzazzjonijiet internazzjonali, inkluż permezz ta’ parteċipazzjoni f’networks u avvenimenti reġjonali u internazzjonali rilevanti.

2.   Fejn xieraq, l-EDPS għandu jinvolvi ruħu f’assistenza reċiproka fl-azzjonijiet investigattivi u ta’ infurzar tal-awtoritajiet ta’ sorveljanza ta’ pajjiżi terzi jew organizzazzjonijiet internazzjonali.

1.   Il-Kumitat tal-Persunal, li jirrappreżenta l-persunal tal-EDPS, inkluż is-segretarjat tal-EDPB, għandu jiġi kkonsultat fi żmien adegwat dwar abbozzi ta’ deċiżjonijiet relatati mal-implimentazzjoni tar-Regolamenti tal-Persunal tal-uffiċjali tal-Unjoni Ewropea u l-Kondizzjonijiet tal-Impjieg applikabbli għall-Aġenti l-Oħra tal-Unjoni Ewropea stabbiliti mir-Regolament (KEE, Euratom, KEFA) Nru 259/68 u jista’ jiġi kkonsultat dwar kull kwistjoni oħra ta’ interess ġenerali li tikkonċerna l-persunal. Il-Kumitat tal-Persunal għandu jiġi informat bi kwalunkwe mistoqsija relatata mat-twettiq tal-kompiti tiegħu. Għandu joħroġ l-opinjonijiet tiegħu fi żmien 10 ijiem ta’ xogħol minn meta jiġi kkonsultat.

2.   Il-Kumitat tal-Persunal għandu jikkontribwixxi għall-funzjonament tajjeb tal-EDPS, inkluż is-segretarjat tal-EDPB, billi jagħmel proposti dwar kwistjonijiet ta’ organizzazzjoni u kondizzjonijiet tax-xogħol.

3.   Il-Kumitat tal-Persunal għandu jkun magħmul minn tliet membri u tliet deputati, u jiġi elett għal perjodu ta’ sentejn mill-persunal kollu tal-EDPS, inkluż is-segretarjat tal-EDPB.

1.   L-EDPS għandu jaħtar Uffiċjal tal-Protezzjoni tad-Data (UPD).

2.   L-UPD għandu jiġi kkonsultat, b’mod partikolari, meta l-EDPS bħala kontrollur ikollu l-intenzjoni li japplika restrizzjoni bbażata fuq ir-regoli interni li jimplimentaw l-Artikolu 25 tar-Regolament.

3.   F’konformità mal-punt IV(2)(viii) tal-Memorandum ta’ Qbil bejn l-EDPS u l-EDPB, l-EDPB għandu UPD separat. F’konformità mal-punt IV(4) tal-Memorandum ta’ Qbil bejn l-EDPS u l-EDPB, l-UPD tal-EDPS u tal-EDPB għandhom jiltaqgħu b’mod regolari sabiex jiżguraw li d-deċiżjonijiet tagħhom jibqgħu konsistenti.

1.   L-EDPS huwa impenjat li jħares il-prinċipju tal-multilingwiżmu, minħabba li d-diversità kulturali u lingwistika hija waħda mill-pedamenti u l-assi tal-Unjoni Ewropea. L-EDPS jistinka biex isib bilanċ bejn il-prinċipju tal-multilingwiżmu u l-obbligu li jiġu żgurati ġestjoni finanzjarja tajba u ffrankar għall-baġit tal-Unjoni Ewropea, u b’hekk isir użu pragmatiku mir-riżorsi limitati tiegħu.

2.   L-EDPS għandu jwieġeb lil kwalunkwe persuna li tindirizzah dwar kwistjoni li taqa’ taħt il-kompetenza tiegħu b’waħda mil-lingwi uffiċjali tal-Unjoni Ewropea bl-istess lingwa użata biex jiġi indirizzat. L-ilmenti kollha, it-talbiet għall-informazzjoni u kwalunkwe talba oħra jistgħu jintbagħtu lill-EDPS bi kwalunkwe lingwa uffiċjali tal-Unjoni Ewropea, u għandhom jiġu mwieġba bl-istess lingwa.

3.   Is-sit web tal-EDPS għandu jkun disponibbli bl-Ingliż, bil-Franċiż u bil-Ġermaniż. Id-dokumenti strateġiċi tal-EDPS, bħall-istrateġija għall-mandat tal-Kontrollur Ewropew għall-Protezzjoni tad-Data, għandhom jiġu ppubblikati bl-Ingliż, bil-Franċiż u bil-Ġermaniż.

1.   Id-deċiżjonijiet tal-EDPS għandhom jiġu awtentikati permezz tal-appożizzjoni tal-firma tal-Kontrollur Ewropew għall-Protezzjoni tad-Data jew tad-Direttur kif previst f’din id-Deċiżjoni. Din il-firma tista’ tkun miktuba bl-idejn jew f’forma elettronika.

2.   F’każ ta’ delega jew sostituzzjoni f’konformità mal-Artikolu 11, id-deċiżjonijiet għandhom jiġu awtentikati bl-appożizzjoni tal-firma tal-persuna li lilha ġiet iddelegata s-setgħa jew tal-persuna li tkun qed tissostitwixxi. Din il-firma tista’ tkun miktuba bl-idejn jew f’forma elettronika.

1.   B’deċiżjoni tal-Kontrollur Ewropew għall-Protezzjoni tad-Data, l-EDPS jista’ jimplimenta sistema ta’ telexogħol mill-persunal kollu tiegħu jew minn parti minnu. Din id-deċiżjoni għandha tiġi kkomunikata lill-persunal u ppubblikata fuq is-siti web tal-EDPS u tal-EDPB.

2.   B’deċiżjoni tal-Kontrollur Ewropew għall-Protezzjoni tad-Data, l-EDPS jista’ jiddetermina l-kondizzjonijiet ta’ validità ta’ dokumenti elettroniċi, proċeduri elettroniċi u mezzi elettroniċi ta’ trażmissjoni ta’ dokumenti għall-finijiet tal-EDPS. Din id-deċiżjoni għandha tiġi kkomunikata lill-persunal u ppubblikata fuq is-sit web tal-EDPS.

3.   Il-President tal-EDPB għandu jiġi kkonsultat fejn dawk id-deċiżjonijiet jikkonċernaw lis-Segretarjat tal-EDPB.