1.   Din id-Direttiva tistabbilixxi arranġamenti ġenerali għad-dazju tas-sisa impost direttament jew indirettament fuq il-konsum tal-oġġetti li ġejjin ("oġġetti soġġetti għas-sisa"):

2.   L-Istati Membri jistgħu jimponu taxxi indiretti oħrajn fuq oġġetti soġġetti għas-sisa għal finijiet speċifiċi, dment li dawk it-taxxi jkunu konformi mar-regoli tat-taxxa tal-Unjoni applikabbli għad-dazju tas-sisa jew għat-taxxa fuq il-valur miżjud f'dak li jikkonċerna d-determinazzjoni tal-bażi tat-taxxa, il-kalkolu tat-taxxa, l-intaxxar u l-monitoraġġ tal-ħlas tat-taxxa, iżda eskluż id-dispożizzjonijiet dwar l-eżenzjonijiet.

3.   L-Istati Membri jistgħu jimponu taxxi fuq:

Madankollu, fil-kummerċ bejn l-Istati Membri, l-impożizzjonijiet ta' dawn it-taxxi ma jistgħux iwasslu għal formalitajiet relatati mal-qsim tal-fruntieri.

1.   Il-formalitajiet stabbiliti mid-dispożizzjonijiet doganali tal-Unjoni għad-dħul ta' oġġetti fit-territorju doganali tal-Unjoni għandhom japplikaw mutatis mutandis għad-dħul tal-oġġetti soġġetti għas-sisa fit-territorju tal-Unjoni minn wieħed mit-territorji msemmi fl-Artikolu 4(2).

2.   Il-formalitajiet stabbiliti mid-dispożizzjonijiet doganali tal-Unjoni għall-ħruġ ta' oġġetti mit-territorju doganali tal-Unjoni għandhom japplikaw mutatis mutandis għall-ħruġ tal-oġġetti soġġetti għas-sisa mit-territorju tal-Unjoni lejn wieħed mit-territorji msemmi fl-Artikolu 4(2).

3.   B'deroga mill-paragrafi 1 u 2, il-Finlandja għandha tkun awtorizzata, għall-movimenti ta' oġġetti soġġetti għas-sisa fi ħdan it-territorju ta' dak l-Istat Membru u t-territorji msemmija fil-punt (c) tal-Artikolu 4(2), li tapplika l-istess proċeduri bħal dawk applikati għal dawk il-movimenti fi ħdan it-territorju ta' dak l-Istat Membru.

4.   L-Artikoli 14 sa 46 ma għandhomx japplikaw għal oġġetti soġġetti għas-sisa bl-istatus doganali ta' oġġetti li mhumiex tal-Unjoni kif definit fil-punt (24) tal-Artikolu 5 tar-Regolament (UE) Nru 952/2013 tal-Parlament Ewropew u tal-Kunsill (14).

1.   Din id-Direttiva u d-Direttivi 92/83/KEE, 92/84/KEE, 2003/96/KE u 2011/64/UE għandhom japplikaw għat-territorju tal-Unjoni.

2.   Din id-Direttiva u d-Direttivi 92/83/KEE, 92/84/KEE, 2003/96/KE u 2011/64/UE ma għandhomx japplikaw għal dawn it-territorji li jiffurmaw parti mit-territorju doganali tal-Unjoni:

3.   Din id-Direttiva u d-Direttivi 92/83/KEE, 92/84/KEE, 2003/96/KE u 2011/64/UE la għandhom japplikaw għat-territorji fi ħdan il-kamp ta' applikazzjoni tal-Artikolu 355(3) TFUE, u lanqas għat-territorji l-oħra li ġejjin li ma jiffurmawx parti mit-territorju doganali tal-Unjoni:

4.   Spanja tista' tinnotifika, permezz ta' dikjarazzjoni, li din id-Direttiva u d-Direttivi 92/83/KEE, 92/84/KEE, 2003/96/KE u 2011/64/UE għandhom japplikaw għall-Gżejjer Kanarji — soġġetti għall-miżuri biex jadattaw għad-distanza estrema tagħhom — fir-rigward tal-oġġetti soġġetti għas-sisa kollha jew uħud minnhom imsemmija fl-Artikolu 1, mill-ewwel ġurnata tat-tieni xahar wara d-depożitu ta' din id-dikjarazzjoni.

5.   Franza tista' tinnotifika, permezz ta' dikjarazzjoni, li din id-Direttiva u d-Direttivi 92/83/KEE, 92/84/KEE, 2003/96/KE u 2011/64/UE japplikaw għat-territorji msemmija fil-punt (b) tal-paragrafu 2, soġġetti għall-miżuri biex jadattaw għad-distanza estrema tagħhom, fir-rigward tal-oġġetti soġġetti għas-sisa kollha jew uħud minnhom imsemmija fl-Artikolu 1, mill-ewwel ġurnata tat-tieni xahar wara d-depożitu ta' din id-dikjarazzjoni.

6.   Id-dispożizzjonijiet ta' din id-Direttiva ma għandhomx iċaħħdu lill-Greċja milli żżomm l-istatus speċifiku mogħti lill-Muntanja Athos kif garantit mill-Artikolu 105 tal-Kostituzzjoni Griega.

1.   Fid-dawl tal-Konvenzjonijiet u t-Trattati konklużi ma' Franza, l-Italja, Ċipru u r-Renju Unit rispettivament, il-Prinċipat ta' Monaco, San Marino, iż-Żoni ta' Bażi Sovrana tar-Renju Unit ta' Akrotiri u Dhekelia u Isle of Man, ma għandhomx jitqiesu, għall-finijiet ta' din id-Direttiva, bħala pajjiżi terzi.

2.   L-Istati Membri għandhom jieħdu l-miżuri meħtieġa biex jiżguraw li l-movimenti tal-oġġetti soġġetti għas-sisa li joriġinaw fi jew li jkunu intenzjonati għal:

3.   L-Istati Membri għandhom jieħdu l-miżuri meħtieġa biex jiżguraw li l-movimenti tal-oġġetti soġġetti għas-sisa li joriġinaw f'Jungholz u Mittelberg (Kleines Walsertal) jew li jkunu intenzjonati għal Jungholz u Mittelberg (Kleines Walsertal) jiġu ttrattati bħala movimenti li joriġinaw fil-Ġermanja jew li jkunu intenzjonati għall-Ġermanja.

1.   L-oġġetti soġġetti għas-sisa għandhom ikunu soġġetti għad-dazju tas-sisa waqt:

2.   Id-dazju tas-sisa għandu jsir dovut fil-ħin, u fl-Istat Membru, tar-rilaxx għall-konsum.

3.   Għall-finijiet ta' din id-Direttiva, "rilaxx għall-konsum" tfisser kwalunkwe wieħed minn dawn li ġejjin:

4.   Il-ħin tat-tluq minn arranġament ta' sospensjoni tad-dazju kif imsemmi fil-punt (a) tal-paragrafu 3 għandu jitqies li hu:

5.   Il-qerda totali jew it-telf irrimedjabbli, totali jew parzjali, ta' oġġetti soġġetti għas-sisa li tqiegħdu taħt arranġament ta' sospensjoni tad-dazju, minħabba ċirkostanzi mhux prevedibbli jew forza maġġuri, jew minħabba awtorizzazzjoni għall-qerda tal-oġġetti mingħand l-awtoritajiet kompetenti tal-Istat Membru, ma għandhomx jitqiesu bħala rilaxx għall-konsum.

6.   Għall-finijiet ta' din id-Direttiva, l-oġġetti għandhom jitqiesu meqruda għalkollox jew mitlufa b'mod irrimedjabbli meta ma jkunux jistgħu jintużaw bħala oġġetti soġġetti għas-sisa.

7.   Telf parzjali minħabba n-natura tal-oġġetti li jseħħ waqt moviment taħt arranġament ta' sospensjoni tad-dazju bejn l-Istati Membri ma għandux jitqies bħala rilaxx għall-konsum, dment li l-ammont tat-telf ikun inqas mil-limitu komuni ta' telf parzjali għal dawk l-oġġetti soġġetti għas-sisa, sakemm Stat Membru ma jkollux raġuni valida biex jissuspetta li hemm frodi jew irregolarità. Dik il-parti ta' telf parzjali li tkun taqbeż il-limitu komuni ta' telf parzjali għal dawk l-oġġetti soġġetti għas-sisa għandha tiġi trattata bħala rilaxx għall-konsum.

8.   Stat Membru jista' jistabbilixxi r-regoli tiegħu stess għat-trattament ta' telf parzjali taħt arranġament ta' sospensjoni tad-dazju li mhuwiex kopert mill-paragrafu 7.

9.   Il-qerda totali jew it-telf irrimedjabbli, totali jew parzjali, tal-oġġetti soġġetti għas-sisa kif imsemmi fil-paragrafu 5 għandhom jiġu ppruvati għas-sodisfazzjon tal-awtoritajiet kompetenti tal-Istat Membru fejn tkun saret il-qerda totali jew it-telf irrimedjabbli, totali jew parzjali, jew, meta ma jkunx possibbli li jiġi determinat fejn seħħ it-telf, fejn ġie misjub.

Fejn hija stabbilita qerda totali jew telf irrimedjabbli, totali jew parzjali, tal-oġġetti soġġetti għas-sisa, il-garanzija ppreżentata f'konformità mal-Artikolu 17 għandha tiġi rilaxxata, b'mod sħiħ jew parzjalment, kif adegwat, hekk kif tingħata evidenza sodisfaċenti.

10.   Il-Kummissjoni għandha tadotta atti delegati b'konformità mal-Artikolu 51 li jistabbilixxi l-limiti komuni ta' telf parzjali msemmija fil-paragrafu 7 ta' dan l-Artikolu u fl-Artikolu 45(2), wara li tqis, fost l-oħrajn, in-natura tal-oġġetti, il-karatteristiċi fiżiċi u kimiċi tal-oġġetti, it-temperatura tal-ambjent waqt il-moviment, id-distanza tal-moviment jew il-ħin ikkonsmat waqt il-moviment, filwaqt li tispeċifika l-oġġetti soġġetti għas-sisa, il-limitu komuni ta' telf parzjali korrispondenti bħala persentaġġ tal-kwantità totali u aspetti rilevanti oħra relatati mat-trasport tal-oġġetti.

Fin-nuqqas ta' limiti komuni ta' telf parzjali, l-Istati Membri għandhom ikomplu japplikaw id-dispożizzjonijiet nazzjonali.

1.   Il-persuna responsabbli biex tħallas id-dazju tas-sisa li jkun sar dovut għandha tkun:

2.   Meta jkun hemm bosta persuni responsabbli għall-istess dazju tas-sisa, dawn għandhom ikunu responsabbli in solidum għal dak id-dejn.

1.   Meta tkun seħħet irregolarità waqt moviment ta' oġġetti soġġetti għas-sisa taħt arranġament ta' sospensjoni tad-dazju, li twassal għar-rilaxx għall-konsum tagħhom skont il-punt (a) tal-Artikolu 6(3), ir-rilaxx għall-konsum għandu jsir fit-territorju tal-Istat Membru fejn tkun seħħet l-irregolarità.

2.   Meta tkun ġiet skoperta irregolarità waqt moviment ta' oġġetti soġġetti għas-sisa taħt arranġament ta' sospensjoni tad-dazju, li twassal għar-rilaxx għall-konsum tagħhom skont il-punt (a) tal-Artikolu 6(3), u ma jkunx jista' jiġi determinat fejn seħħet l-irregolarità, din għandha titqies li tkun seħħet fit-territorju tal-Istat Membru fejn l-irregolarità ġiet skoperta u fil-ħin meta din ġiet skoperta.

3.   Fis-sitwazzjonijiet imsemmija fil-paragrafi 1 u 2, l-awtoritajiet kompetenti tal-Istati Membri fejn l-oġġetti ġew rilaxxati għall-konsum jew fejn jitqiesu li ġew rilaxxati għall-konsum għandhom jinfurmaw lill-awtoritajiet kompetenti tal-Istat Membru tad-dispaċċ.

4.   Meta oġġetti soġġetti għas-sisa li jkunu qed jiġu trasferiti taħt arranġament ta' sospensjoni tad-dazju ma jaslux fid-destinazzjoni tagħhom u ma tkun ġiet skoperta l-ebda irregolarità waqt il-moviment li twassal għar-rilaxx għall-konsum tagħhom skont il-punt (a) tal-Artikolu 6(3) waqt il-moviment, għandu jitqies li l-irregolarità saret fl-Istat Membru tad-dispaċċ meta beda l-moviment, dment li fi żmien erba' xhur mill-bidu tal-moviment skont l-Artikolu 19(1), tingħata evidenza, li tkun sodisfaċenti għall-awtoritajiet kompetenti tal-Istat Membru tad-dispaċċ dwar it-tmiem tal-moviment, skont l-Artikolu 19(2), jew tal-post fejn tkun seħħet l-irregolarità.

Meta l-persuna, li tkun iggarantiet il-ħlas skont l-Artikolu 17, ma kinitx taf jew seta' ma kinitx taf li l-oġġetti ma waslux fid-destinazzjoni tagħhom, din għandu jingħatalha xahar żmien li jibda mid-data tal-komunikazzjoni ta' din l-informazzjoni mill-awtoritajiet kompetenti tal-Istat Membru tad-dispaċċ biex dik il-persuna tkun tista' tipprovdi evidenza dwar it-tmiem tal-moviment skont l-Artikolu 19(2), jew dwar il-post fejn seħħet l-irregolarità.

5.   Fis-sitwazzjonijiet imsemmijin fil-paragrafi 2 u 4, jekk, qabel ma jgħaddu t-tliet snin mid-data meta jkun beda l-moviment, skont l-Artikolu 19(1), ikun aċċertat f'liema Stat Membru effettivament seħħet l-irregolarità, għandu japplika l-paragrafu 1.

L-awtoritajiet kompetenti tal-Istat Membru fejn tkun seħħet l-irregolarità għandhom jinfurmaw lill-awtoritajiet kompetenti tal-Istat Membru fejn ikun ġie impost il-ħlas tad-dazju tas-sisa, u dan għandu jwettaq rimborż jew jagħti maħfra malli tingħata l-evidenza li d-dazju tas-sisa nġabar fl-Istat Membru l-ieħor.

6.   Għall-finijiet ta' dan l-Artikolu, "irregolarità" tfisser sitwazzjoni li sseħħ waqt moviment ta' oġġetti soġġetti għas-sisa taħt arranġament ta' sospensjoni tad-dazju, għajr dik imsemmija fl-Artikolu 6(5) u (6), li minħabba fiha moviment jew parti minn moviment ta' oġġetti soġġetti għas-sisa ma jkunux intemmu skont l-Artikolu 19(2).

1.   L-oġġetti soġġetti għas-sisa għandhom jiġu eżentati mid-dazju tas-sisa meta dawn ikunu maħsuba biex jintużaw:

2.   L-eżenzjonijiet għandhom ikunu soġġetti għall-kundizzjonijiet u l-limitazzjonijiet stabbiliti mill-Istat Membru ospitanti. L-Istati Membri jistgħu jagħtu l-eżenzjoni permezz ta' rifużjoni tad-dazju tas-sisa.

1.   L-oġġetti soġġetti għas-sisa li jiġu trasferiti mit-territorju ta' Stat Membru wieħed għat-territorju ta' Stat Membru ieħor taħt arranġament ta' sospensjoni tad-dazju u soġġetti għall-eżenzjoni msemmija fl-Artikolu 11(1) għandhom ikunu akkumpanjati minn ċertifikat tal-eżenzjoni. Iċ-ċertifikat tal-eżenzjoni għandu jispeċifika n-natura u l-kwantità tal-oġġetti soġġetti għas-sisa li jridu jitwasslu, il-valur tal-oġġetti u l-identità tad-destinatarju eżentat u tal-Istat Membru ospitanti li jiċċertifika l-eżenzjoni.

2.   L-Istati Membri jistgħu jużaw iċ-ċertifikat tal-eżenzjoni msemmi fil-paragrafu 1 biex ikopru oqsma oħrajn ta' tassazzjoni indiretta u biex jiżguraw li ċ-ċertifikat tal-eżenzjoni jkun kompatibbli mal-kundizzjonijiet u l-limitazzjonijiet għall-għoti ta' eżenzjonijiet li hemm fil-liġi nazzjonali tagħhom.

3.   Il-Kummissjoni għandha tadotta atti ta' implimentazzjoni li jistabbilixxu l-forma li għandha tintuża għaċ-ċertifikat tal-eżenzjoni. Dawk l-atti ta' implimentazzjoni għandhom jiġu adottati f'konformità mal-proċedura ta' eżami msemmija fl-Artikolu 52(2).

4.   Il-proċedura prevista fl-Artikoli 20 sa 27 ma għandhiex tapplika għall-movimenti ta' prodotti soġġetti għad-dazju tas-sisa taħt arranġament ta' sospensjoni tad-dazju għall-forzi armati msemmija fil-punt (d) tal-Artikolu 11(1), jekk huma koperti minn proċedura li hija bbażata direttament fuq it-Trattat tal-Atlantiku tat-Tramuntana.

Madankollu, l-Istati Membri jistgħu jipprovdu li l-proċedura mniżżla fl-Artikoli 20 sa 27 għandha tintuża għal tali movimenti li jseħħu kompletament fit-territorju tagħhom, jew, permezz ta' ftehim bejn l-Istati Membri kkonċernati, bejn it-territorji tagħhom.

1.   L-Istati Membri jistgħu jeżentaw mill-ħlas tad-dazju tas-sisa lil oġġetti soġġetti għas-sisa fornuti minn ħwienet ħielsa mit-taxxa li jinġarru fil-bagalji personali tal-vjaġġaturi li jkunu sejrin lejn territorju terz jew lejn pajjiż terz, bl-ajru jew bil-baħar.

2.   L-oġġetti fornuti abbord inġenju tal-ajru jew bastiment waqt it-titjira jew il-vjaġġ bil-baħar lejn territorju terz jew pajjiż terz għandhom jiġu trattati bl-istess mod bħall-oġġetti fornuti mill-ħwienet ħielsa mit-taxxa.

3.   L-Istati Membri għandhom jieħdu l-miżuri meħtieġa biex jiżguraw li l-eżenzjonijiet previsti fil-paragrafi 1 u 2 jiġu applikati b'tali mod li jkunu evitati kwalunkwe evażjoni, evitar jew abbuż possibbli.

4.   Għall-finijiet ta' dan l-Artikolu, japplikaw id-definizzjonijiet li ġejjin:

1.   Kull Stat Membru għandu jiddetermina r-regoli tiegħu dwar il-produzzjoni, l-ipproċessar, iż-żamma u l-ħażna ta' oġġetti soġġetti għas-sisa, soġġetti għal din id-Direttiva.

2.   Il-produzzjoni, l-ipproċessar, iż-żamma u l-ħażna ta' oġġetti soġġetti għas-sisa, meta d-dazju tas-sisa ma jkunx tħallas, għandhom iseħħu f'maħżen tat-taxxa.

1.   Il-ftuħ u t-tħaddim ta' maħżen tat-taxxa minn magazzinier awtorizzat għandu jkun soġġett għal awtorizzazzjoni mingħand l-awtoritajiet kompetenti tal-Istat Membru fejn ikun jinsab il-maħżen tat-taxxa.

Din l-awtorizzazzjoni għandha tkun soġġetta għall-kundizzjonijiet li l-awtoritajiet huma intitolati li jistabbilixxu għall-finijiet tal-prevenzjoni ta' kwalunkwe evażjoni jew abbuż possibbli.

2.   Magazzinier awtorizzat għandu jkollu l-obbligu li:

Il-kundizzjonijiet għall-garanzija msemmija fil-punt (a) tal-ewwel subparagrafu għandhom jiġu stabbiliti mill-awtoritajiet kompetenti tal-Istat Membru fejn ikun awtorizzat il-maħżen tat-taxxa.

1.   L-oġġetti soġġetti għas-sisa jistgħu jiġu trasferiti taħt arranġament ta' sospensjoni tad-dazju bejn il-postijiet li ġejjin fi ħdan it-territorju tal-Unjoni, inkluż minn ġo pajjiż terz jew minn ġo territorju terz:

Għall-finijiet ta' dan l-Artikolu, "post tal-importazzjoni" tfisser il-post fejn l-oġġetti jiġu rrilaxxati għaċ-ċirkolazzjoni libera skont l-Artikolu 201 tar-Regolament (UE) Nru 952/2013.

2.   Ħlief meta l-importazzjoni ssir fi ħdan maħżen tat-taxxa, l-oġġetti soġġetti għas-sisa ma jistgħux jiġu trasferiti mill-post tal-importazzjoni taħt arranġament ta' sospensjoni tad-dazju ħlief jekk dawn li ġejjin jiġu pprovduti mid-dikjarant jew minn kwalunkwe persuna involuta direttament jew indirettament fit-twettiq tal-formalitajiet doganali f'konformità mal-Artikolu 15 tar-Regolament (UE) Nru 952/2013 lill-awtoritajiet kompetenti tal-Istat Membru tal-importazzjoni:

3.   L-Istati Membri jistgħu jipprevedu li l-evidenza msemmija fil-punt (c) tal-paragrafu 2 tiġi indikata lill-awtoritajiet kompetenti biss meta tintalab.

4.   B'deroga mill-punt (a)(i) u (ii) u mill-punt (b) tal-paragrafu 1 ta' dan l-Artikolu, l-Istat Membru tad-destinazzjoni jista' jippermetti, bil-kundizzjonijiet stabbiliti minnu, li l-oġġetti soġġetti għas-sisa taħt arranġament ta' sospensjoni tad-dazju jiġu trasferiti lejn post tal-konsenja dirett li jkun jinsab fit-territorju tiegħu, fejn dak il-post ikun ġie indikat mill-magazzinier awtorizzat fl-Istat Membru tad-destinazzjoni jew mid-destinatarju rreġistrat għajr minn destinatarju rreġistrat b'awtorizzazzjoni limitata skont l-Artikolu 18(3).

Dak il-magazzinier awtorizzat jew dak id-destinatarju rreġistrat għandhom jibqgħu responsabbli għas-sottomissjoni tar-rapport tal-wasla msemmi fl-Artikolu 24(1).

5.   Il-paragrafi 1, 2 u 4 għandhom japplikaw ukoll għall-movimenti ta' oġġetti soġġetti għas-sisa b'rata tat-taxxa żero li ma jkunux ġew irrilaxxati għall-konsum.

1.   L-awtoritajiet kompetenti tal-Istat Membru tad-dispaċċ għandhom jeżiġu, bil-kundizzjonijiet stabbiliti minnhom, li r-riskji inerenti fil-moviment taħt sospensjoni tad-dazju jkunu koperti minn garanzija mogħtija mill-magazzinier awtorizzat tad-dispaċċ jew mill-konsenjatur rreġistrat.

2.   L-ebda garanzija ma għandha tintalab għall-movimenti ta' prodotti tal-enerġija permezz ta' pipeline fiss, ħlief f'ċirkostanzi ġġustifikati debitament.

3.   B'deroga għall-paragrafu 1, l-awtoritajiet kompetenti tal-Istat Membru tad-dispaċċ jistgħu jippermettu, bil-kundizzjonijiet stabbiliti minnhom, li l-garanzija msemmija fil-paragrafu 1 tingħata mit-trasportatur jew mill-operatur tat-trasport, minn sid l-oġġetti soġġetti għas-sisa, mid-destinatarju, jew b'mod konġunt minn tnejn jew iżjed minn dawk il-persuni u mill-persuni msemmija fil-paragrafu 1.

4.   Il-garanzija għandha tkun valida fl-Unjoni kollha.

5.   L-Istat Membru tad-dispaċċ jista' jirrinunzja l-obbligu li tingħata l-garanzija b'rabta ma' dawn il-movimenti li ġejjin ta' oġġetti soġġetti għas-sisa taħt arranġament ta' sospensjoni tad-dazju:

6.   L-Istati Membri għandhom jistabbilixxu regoli dettaljati li jirregolaw l-għoti u l-validità ta' garanzija.

1.   Destinatarju rreġistrat ma jistax jipproduċi, jipproċessa, iżomm, jaħżen jew jibgħat oġġetti soġġetti għas-sisa taħt arranġament ta' sospensjoni tad-dazju.

2.   Destinatarju rreġistrat għandu jikkonforma mar-rekwiżiti li ġejjin:

3.   Għal destinatarju rreġistrat li jirċievi oġġetti soġġetti għas-sisa okkażjonalment biss, l-awtorizzazzjoni msemmija fil-punt (9) tal-Artikolu 3 għandha tkun limitata għal kwantità speċifikata ta' oġġetti soġġetti għas-sisa, mingħand konsenjatur wieħed u għal perijodu ta' żmien speċifikat. L-Istati Membri jistgħu jillimitaw l-awtorizzazzjoni għal moviment wieħed.

1.   Il-moviment ta' oġġetti soġġetti għas-sisa taħt arranġament ta' sospensjoni tad-dazju għandu jibda:

2.   Il-moviment ta' oġġetti soġġetti għas-sisa taħt arranġament ta' sospensjoni tad-dazju għandu jintemm:

1.   Il-moviment ta' oġġetti soġġetti għas-sisa għandu jitqies li jkun seħħ taħt arranġament ta' sospensjoni tad-dazju biss jekk dan isir bil-kopertura ta' dokument amministrattiv elettroniku pproċessat skont il-paragrafi 2 u 3.

2.   Għall-finijiet tal-paragrafu 1 ta' dan l-Artikolu, il-konsenjatur għandu jressaq abbozz ta' dokument amministrattiv elettroniku lill-awtoritajiet kompetenti tal-Istat Membru tad-dispaċċ permezz tas-sistema kompjuterizzata msemmija fl-Artikolu 1 tad-Deċiżjoni (UE) 2020/263 ("is-sistema kompjuterizzata").

3.   L-awtoritajiet kompetenti tal-Istat Membru tad-dispaċċ għandhom iwettqu verifika elettronika tad-data mogħtija fl-abbozz tad-dokument amministrattiv elettroniku.

Meta dik id-data ma tkunx valida, il-konsenjatur għandu jiġi nfurmat dwar dan mingħajr dewmien.

Meta dik id-data tkun valida, l-awtoritajiet kompetenti tal-Istat Membru tad-dispaċċ għandhom jassenjaw kodiċi uniku ta' referenza amministrattiva għad-dokument u għandhom jikkomunikawh lill-konsenjatur.

4.   Fil-każijiet imsemmija fil-punti (a)(i), (ii) u (iv) tal-Artikolu 16(1), fil-punt (b) tal-Artikolu 16(1) u fl-Artikolu 16(4), l-awtoritajiet kompetenti tal-Istat Membru tad-dispaċċ għandhom jgħaddu d-dokument amministrattiv elettroniku mingħajr dewmien lill-awtoritajiet kompetenti tal-Istat Membru tad-destinazzjoni, u dawn għandhom jgħadduh lid-destinatarju fejn id-destinatarju jkun magazzinier awtorizzat jew destinatarju rreġistrat.

Meta l-oġġetti soġġetti għas-sisa jkunu maħsuba għal magazzinier awtorizzat fl-Istat Membru tad-dispaċċ, l-awtoritajiet kompetenti ta' dak l-Istat Membru għandhom jibagħtu d-dokument amministrattiv elettroniku direttament lill-magazzinier awtorizzat.

5.   Il-konsenjatur għandu jipprovdi l-kodiċi uniku ta' referenza amministrattiva lill-persuna li takkumpanja l-oġġetti soġġetti għas-sisa, jew meta ma jkun hemm l-ebda persuna li takkumpanja l-oġġetti, lit-trasportatur jew lill-operatur tat-trasport. Il-persuna li takkumpanja l-oġġetti soġġetti għas-sisa, it-trasportatur jew l-operatur tat-trasport għandhom jipprovdu dak il-kodiċi lill-awtoritajiet kompetenti kull darba li jitolbuh waqt il-moviment kollha taħt arranġament ta' sospensjoni tad-dazju. Madankollu, fejn adegwat, l-awtoritajiet kompetenti jistgħu jitolbu kopja stampata tad-dokument amministrattiv elettroniku jew kwalunkwe dokument kummerċjali ieħor.

6.   Il-konsenjatur jista' jikkanċella d-dokument amministrattiv elettroniku, permezz tas-sistema kompjuterizzata, dment li l-moviment ma jkunx beda skont l-Artikolu 19(1).

7.   Waqt moviment taħt arranġament ta' sospensjoni tad-dazju, il-konsenjatur jista' jibdel id-destinazzjoni jew id-destinatarju, permezz tas-sistema kompjuterizzata, tal-oġġetti soġġetti għas-sisa lejn destinazzjoni minn dawk imsemmija fil-punti (a)(i), (ii), (iii) jew (v) tal-Artikolu 16(1) jew, meta applikabbli, fl-Artikolu 16(4). Għal dak il-għan, il-konsenjatur għandu jressaq abbozz ta' dokument elettroniku għal bidla fid-destinazzjoni lill-awtoritajiet kompetenti tal-Istat Membru tad-dispaċċ permezz tas-sistema kompjuterizzata.

1.   Fil-każijiet imsemmija fil-punti (a)(iii) u (v) tal-Artikolu 16(1), l-awtoritajiet kompetenti tal-Istat Membru tad-dispaċċ għandhom jgħaddu d-dokument amministrattiv elettroniku lill-awtoritajiet kompetenti tal-Istat Membru fejn id-dikjarazzjoni tal-esportazzjoni tkun ippreżentata skont l-Artikolu 221(2) tar-Regolament ta' Implimentazzjoni tal-Kummissjoni (UE) 2015/2447 ("l-Istat Membru tal-esportazzjoni"), jekk dak l-Istat Membru jkun differenti mill-Istat Membru tad-dispaċċ.

2.   Id-dikjarant għandu jipprovdi kodiċi uniku ta' referenza amministrattiva lill-awtoritajiet kompetenti tal-Istat Membru tal-esportazzjoni li jkun jindika l-oġġetti soġġetti għas-sisa msemmija fid-dikjarazzjoni tal-esportazzjoni.

3.   L-awtoritajiet kompetenti tal-Istat Membru tal-esportazzjoni għandhom jivverifikaw, qabel ir-rilaxx tal-oġġetti għall-esportazzjoni, jekk id-data tad-dokument amministrattiv elettroniku tikkorrispondix għal dik li hemm fid-dikjarazzjoni tal-esportazzjoni.

4.   Meta jinstabu xi inkonsistenzi bejn id-dokument amministrattiv elettroniku u d-dikjarazzjoni tal-esportazzjoni, l-awtoritajiet kompetenti tal-Istat Membru tal-esportazzjoni għandhom jinnotifikaw lill-awtoritajiet kompetenti tal-Istat Membru tad-dispaċċ billi jużaw is-sistema kompjuterizzata.

5.   Meta l-oġġetti ma jkunx għadhom ser jinħarġu barra mit-territorju doganali tal-Unjoni, l-awtoritajiet kompetenti tal-Istat Membru tal-esportazzjoni għandhom jinnotifikaw lill-awtoritajiet kompetenti tal-Istat Membru tad-dispaċċ b'dan permezz tas-sistema kompjuterizzata malli jsiru jafu li l-oġġetti mhumiex ser jinħarġu barra mit-territorju doganali tal-Unjoni. L-awtoritajiet kompetenti tal-Istat Membru tad-dispaċċ għandhom jinnotifikaw lill-konsenjatur mingħajr dewmien. Meta jirċievi n-notifika, il-konsenjatur għandu jħassar id-dokument amministrattiv elettroniku kif previst fl-Artikolu 20(6) jew jibdel id-destinazzjoni tal-oġġetti, kif previst fl-Artikolu 20(7), kif meħtieġ.

1.   Fil-każ tal-movimenti ta' prodotti tal-enerġija taħt arranġament ta' sospensjoni tad-dazju bil-baħar jew bil-passaġġi fuq l-ilma interni lejn destinatarju li ma jkunx magħruf b'mod definit meta l-konsenjatur jippreżenta l-abbozz tad-dokument amministrattiv elettroniku msemmi fl-Artikolu 20(2), l-awtoritajiet kompetenti tal-Istat Membru tad-dispaċċ jistgħu jawtorizzaw lill-konsenjatur biex f'dak id-dokument iħalli barra d-data dwar id-destinatarju.

2.   Malli ssir magħrufa d-data dwar id-destinatarju, u sa mhux iżjed tard minn tmiem il-moviment, il-konsenjatur għandu jibgħat, permezz tal-proċedura msemmija fl-Artikolu 20(7), lill-awtoritajiet kompetenti tal-Istat Membru tad-dispaċċ.

3.   Dan l-Artikolu ma għandux japplika għall-movimenti msemmija fil-punti (a)(iii) u (v) tal-Artikolu 16(1).

1.   L-awtoritajiet kompetenti tal-Istat Membru tad-dispaċċ jistgħu jippermettu li, bil-kundizzjonijiet stabbiliti minn dak l-Istat Membru, il-konsenjatur jaqsam moviment ta' prodotti tal-enerġija b'sospensjoni tad-dazju f'żewġ movimenti jew aktar, dment li jkunu ssodisfati dawn il-kundizzjonijiet li ġejjin:

2.   L-Istati Membri għandhom jinfurmaw lill-Kummissjoni jekk ikunu jippermettu li l-movimenti jinqasmu fit-territorju tagħhom u b'liema kundizzjonijiet. Il-Kummissjoni għandha tgħaddi dik l-informazzjoni lill-Istati Membri l-oħra.

1.   Malli jaslu l-oġġetti soġġetti għas-sisa fi kwalunkwe destinazzjoni minn dawk imsemmija fil-punti (a)(i), (ii) jew (iv) tal-Artikolu 16(1) jew fl-Artikolu 16(4), id-destinatarju għandu jressaq, mingħajr dewmien u sa mhux aktar tard minn ħamest ijiem tax-xogħol wara tmiem il-moviment, għajr f'każijiet debitament ġustifikati għas-sodisfazzjon tal-awtoritajiet kompetenti, rapport tal-wasla tagħhom lill-awtoritajiet kompetenti tal-Istat Membru tad-destinazzjoni permezz tas-sistema kompjuterizzata.

2.   L-awtoritajiet kompetenti tal-Istat Membru tad-destinazzjoni għandhom jiddeterminaw il-proċeduri għall-preżentazzjoni tar-rapport tal-wasla tal-oġġetti mid-destinatarji msemmija fl-Artikolu 11(1).

3.   L-awtoritajiet kompetenti tal-Istat Membru tad-destinazzjoni għandhom iwettqu verifika elettronika tad-data mogħtija fir-rapport tal-wasla.

Meta dik id-data ma tkunx valida, id-destinatarju għandu jiġi notifikat mingħajr dewmien.

Meta dik id-data tkun valida, l-awtoritajiet kompetenti tal-Istat Membru ta' destinazzjoni għandhom jipprovdu konferma tar-reġistrazzjoni tar-rapport tal-wasla lid-destinatarju u jibagħtu l-konferma lill-awtoritajiet kompetenti tal-Istat Membru tad-dispaċċ.

4.   L-awtoritajiet kompetenti tal-Istat Membru tad-dispaċċ għandhom jgħaddu r-rapport tal-wasla lill-konsenjatur. Jekk il-post tad-dispaċċ u l-post tad-destinazzjoni jkunu jinsabu fl-istess Stat Membru, l-awtoritajiet kompetenti ta' dak l-Istat Membru għandhom jgħaddu r-rapport tal-wasla direttament lill-konsenjatur.

1.   Fil-każijiet imsemmija fil-punt (a)(iii) tal-Artikolu 16(1), u, meta applikabbli, fil-punt (b) tal-Artikolu 16(1) ta' din id-Direttiva, għandu jitlesta rapport tal-esportazzjoni mill-awtoritajiet kompetenti tal-Istat Membru tal-esportazzjoni abbażi tal-informazzjoni dwar il-ħruġ tal-oġġetti li jkunu waslu għandhom mingħand l-uffiċċju doganali tal-ħruġ skont l-Artikolu 329 tar-Regolament ta' Implimentazzjoni tal-Kummissjoni (UE) 2015/2447 jew mill-uffiċċju fejn jitwettqu l-formalitajiet għall-ħruġ tal-oġġetti mit-territorju doganali, kif imsemmi fl-Artikolu 2(2) ta' din id-Direttiva, li jiċċertifikaw li l-oġġetti soġġetti għas-sisa ħallew it-territorju tal-Unjoni, permezz tas-sistema kompjuterizzata.

2.   Fil-każijiet imsemmija fil-punt (a)(v) tal-Artikolu 16(1), għandu jitlesta rapport tal-esportazzjoni mill-awtoritajiet kompetenti tal-Istat Membru tal-esportazzjoni abbażi tal-informazzjoni li jkunu rċevew mingħand l-uffiċċju doganali tal-ħruġ skont l-Artikolu 329(5) tar-Regolament ta' Implimentazzjoni tal-Kummissjoni (UE) 2015/2447.

3.   L-awtoritajiet kompetenti tal-Istat Membru tal-esportazzjoni għandhom iwettqu verifika elettronika tad-data li abbażi tagħha jitlesta r-rapport tal-esportazzjoni skont il-paragrafi 1 u 2. Ladarba dik id-data tiġi verifikata, u meta l-Istat Membru tad-dispaċċ ikun differenti mill-Istat Membru tal-esportazzjoni, l-awtoritajiet kompetenti tal-Istat Membru tal-esportazzjoni għandhom jibagħtu r-rapport tal-esportazzjoni lill-awtoritajiet kompetenti tal-Istat Membru tad-dispaċċ.

L-awtoritajiet kompetenti tal-Istat Membru tad-dispaċċ għandhom jibagħtu r-rapport tal-esportazzjoni lill-konsenjatur.

1.   B'deroga mill-Artikolu 20(1), meta s-sistema kompjuterizzata ma tkunx disponibbli fl-Istat Membru tad-dispaċċ, il-konsenjatur jista' jibda moviment ta' oġġetti soġġetti għas-sisa taħt arranġament ta' sospensjoni tad-dazju dment li:

L-Istat Membru tad-dispaċċ jista' wkoll jitlob lill-konsenjatur jgħaddilu kopja tad-dokument imsemmi fil-punt (a) tal-ewwel subparagrafu, il-verifika mill-Istat Membru tad-dispaċċ tad-data li hemm f'dik il-kopja u, meta l-konsenjatur ikun responsabbli għan-nuqqas ta' disponibbiltà tas-sistema kompjuterizzata, informazzjoni xierqa dwar ir-raġunijiet għal dak in-nuqqas ta' disponibbiltà, qabel il-bidu tal-moviment.

2.   Malli s-sistema kompjuterizzata terġa' ssir disponibbli, il-konsenjatur għandu jressaq abbozz ta' dokument amministrattiv elettroniku b'konformità mal-Artikolu 20(2).

Malli d-data li tidher fl-abbozz tad-dokument amministrattiv elettroniku tkun ġiet ivverifikata skont l-Artikolu 20(3), jekk dik id-data tkun valida, dak id-dokument għandu jieħu post id-dokument ta' riżerva msemmi fil-punt (a) tal-ewwel subparagrafu tal-paragrafu 1 ta' dan l-Artikolu. L-Artikolu 20(4), l-Artikolu 21(1) u l-Artikoli 24 u 25 għandhom japplikaw mutatis mutandis.

3.   Kopja tad-dokument ta' riżerva msemmi fil-punt (a) tal-ewwel subparagrafu tal-paragrafu 1 għandha tinżamm mill-konsenjatur fir-rekords tiegħu.

4.   Meta s-sistema kompjuterizzata ma tkunx disponibbli fl-Istat Membru tad-dispaċċ, il-konsenjatur jista' jemenda d-destinazzjoni tal-oġġetti msemmija fl-Artikolu 20(7) jew jaqsam il-moviment tal-prodotti tal-enerġija kif imsemmi fl-Artikolu 23 u għandu jikkomunika dik l-informazzjoni lill-awtoritajiet kompetenti tal-Istat Membru tad-dispaċċ permezz ta' mezzi alternattivi tal-komunikazzjoni. Għal dak il-għan, il-konsenjatur għandu jinforma lill-awtoritajiet kompetenti tal-Istat Membru tad-dispaċċ qabel ma ssir il-bidla fid-destinazzjoni jew qabel ma jsir il-qsim tal-moviment. Il-paragrafi 2 u 3 għandhom japplikaw mutatis mutandis.

5.   Meta s-sistema kompjuterizzata ma tkunx disponibbli fl-Istat Membru tad-dispaċċ fil-każijiet imsemmija fil-punti (a)(iii) u (v) tal-Artikolu 16(1), il-konsenjatur għandu jipprovdi kopja tad-dokument ta' riżerva, kif imsemmi fil-punt (a) tal-ewwel subparagrafu tal-paragrafu 1, lid-dikjarant.

Id-dikjarant għandu jipprovdi kopja ta' dak id-dokument ta' riżerva lill-awtoritajiet kompetenti tal-Istat Membru tal-esportazzjoni, li l-kontenut tiegħu jkun jikkorrispondi għall-oġġetti soġġetti għas-sisa ddikjarati fid-dikjarazzjoni tal-esportazzjoni, jew l-identifikatur uniku tad-dokument ta' riżerva.

1.   Meta, fil-każijiet imsemmija fil-punti (a)(i), (ii) u (iv) tal-Artikolu 16(1) fil-punt (b) tal-Artikolu 16(1) u fl-Artikolu 16(4), ir-rapport tar-riċeviment previst fl-Artikolu 24(1) ma jkunx jista' jiġi ppreżentat fit-tmiem ta' moviment ta' prodotti soġġetti għad-dazju tas-sisa fl-iskadenza prevista f'dak l-Artikolu, jew peress li s-sistema kompjuterizzata ma tkunx disponibbli fl-Istat Membru tad-destinazzjoni jew peress li, fis-sitwazzjoni msemmija fl-Artikolu 26(1), il-proċeduri msemmijin fl-Artikolu 26(2) ma jkunux għadhom twettqu, id-destinatarju għandu jippreżenta lill-awtoritajiet kompetenti tal-Istat Membru tad-destinazzjoni, ħlief f'każijiet debitament ġustifikati, dokument ta' riżerva li jkun fih l-istess informazzjoni bħar-rapport tar-riċeviment u li jiċċertifika li l-moviment ikun intemm.

Għajr meta r-rapport tal-wasla jkun jista' jitressaq fi żmien qasir mid-destinatarju permezz tas-sistema kompjuterizzata kif previst fl-Artikolu 24(1) , jew għajr f'każijiet debitament ġustifikati, l-awtoritajiet kompetenti tal-Istat Membru tad-destinazzjoni għandhom jibagħtu kopja tad-dokument ta' riżerva kif imsemmi fl-ewwel subparagrafu, lill-awtoritajiet kompetenti tal-Istat Membru tad-dispaċċ, u dawn għandhom jibagħtuh lill-konsenjatur jew iżommuh disponibbli għall-konsenjatur. Malli s-sistema kompjuterizzata terġa' ssir disponibbli fl-Istat Membru tad-destinazzjoni jew ikunu twettqu l-proċeduri msemmija fl-Artikolu 26(2), id-destinatarju għandu jippreżenta rapport tal-wasla, skont l-Artikolu 24(1). Il-paragrafi 3 u 4 tal-Artikolu 24 għandhom japplikaw mutatis mutandis.

2.   Meta, fil-każ imsemmi fil-punti (a)(iii) jew (v) tal-Artikolu 16(1), ir-rapport tal-esportazzjoni previst fl-Artikolu 25(1) u (2) jew in-notifika li l-oġġetti ma għadhomx ser jittieħdu barra mit-territorju tal-Unjoni prevista fl-Artikolu 21(5) ma jkunux jistgħu jitlestew fi tmiem il-moviment ta' oġġetti soġġetti għas-sisa, għax is-sistema kompjuterizzata ma tkunx disponibbli fl-Istat Membru tal-esportazzjoni jew għax, fis-sitwazzjoni msemmija fl-Artikolu 26(1), ma jkunx għadhom twettqu l-proċeduri msemmijin fl-Artikolu 26(2), l-awtoritajiet kompetenti tal-Istat Membru tal-esportazzjoni għandhom jibagħtu dokument li jkun fih l-istess data bħar-rapport tal-esportazzjoni jew bħan-notifika u jkun jiċċertifika li l-moviment ikun intemm jew li l-oġġetti ma ttiħdux barra mit-territorju tal-Unjoni, għajr meta r-rapport tal-esportazzjoni jew in-notifika jistgħu jitlestew fi żmien qasir permezz tas-sistema kompjuterizzata, jew f'każijiet debitament ġustifikati.

L-awtoritajiet kompetenti tal-Istat Membru tad-dispaċċ għandhom jibagħtu kopja tad-dokument lill-konsenjatur, kif imsemmi fl-ewwel subparagrafu, jew iżommuha disponibbli għall-konsenjatur.

Malli s-sistema kompjuterizzata terġa' ssir disponibbli fl-Istat Membru tal-esportazzjoni jew ikunu twettqu l-proċeduri msemmija fl-Artikolu 26(2), l-awtoritajiet kompetenti tal-Istat Membru tal-esportazzjoni għandhom jibagħtu rapport tal-esportazzjoni skont l-Artikolu 25(1) u (2) jew in-notifika prevista fl-Artikolu 21(5). L-Artikolu 25(3) għandu japplika mutatis mutandis.

1.   Minkejja l-Artikolu 27, ir-rapport tal-wasla previst fl-Artikolu 24(1) jew ir-rapport tal-esportazzjoni previst fl-Artikolu 25(1) u (2) għandhom jikkostitwixxu evidenza li ntemm il-moviment ta' oġġetti soġġetti għas-sisa skont l-Artikolu 19(2).

2.   B'deroga mill-paragrafu 1, fin-nuqqas tar-rapport tal-wasla jew tar-rapport tal-esportazzjoni għal raġunijiet għajr dawk imsemmija fl-Artikolu 27, tista' tingħata evidenza alternattiva ta' tmiem il-moviment ta' oġġetti soġġetti għas-sisa taħt arranġament ta' sospensjoni tad-dazju, skont il-paragrafi 3 u 4.

3.   Fil-każijiet imsemmija fil-punti (a)(i), (ii) u (iv) tal-Artikolu 16(1) fil-punt (b) tal-Artikolu 16(1) u fl-Artikolu 16(4), evidenza alternattiva ta' tmiem il-moviment tista' tingħata permezz ta' ċertifikazzjoni mingħand l-awtoritajiet kompetenti tal-Istat Membru tad-destinazzjoni, ibbażata fuq evidenza xierqa, li l-oġġetti soġġetti għas-sisa waslu fid-destinazzjoni tagħhom.

Dokument ta' riżerva kif imsemmi fil-punt (a) tal-Artikolu 26(1) għandu jikkostitwixxi evidenza xierqa.

4.   Fil-każijiet imsemmija fil-punti (a)(iii) jew (v) tal-Artikolu 16(1), biex jiġi ddeterminat jekk l-oġġetti soġġetti għas-sisa fiċ-ċirkostanzi stabbiliti fil-paragrafu 2 ikunux inħarġu barra mit-territorju tal-Unjoni, l-awtoritajiet kompetenti tal-Istat Membru tad-dispaċċ:

5.   Meta l-evidenza xierqa tkun ġiet aċċettata mill-awtoritajiet kompetenti tal-Istat Membru tad-dispaċċ, din għandha ttemm il-moviment fis-sistema kompjuterizzata.

1.   Il-Kummissjoni għandha tadotta atti ta' implimentazzjoni skont l-Artikolu 51 biex tistabbilixxi l-istruttura u l-kontenut tad-dokumenti amministrattivi elettroniċi skambjati permezz tas-sistema kompjuterizzata għall-finijiet tal-Artikoli 20 sa 25, u tad-dokumenti ta' riżerva msemmija fl-Artikoli 26 u 27 fil-kuntest ta' moviment ta' oġġetti soġġetti għas-sisa taħt arranġament ta' sospensjoni tad-dazju.

2.   Il-Kummissjoni għandha tadotta atti ta' implimentazzjoni biex tistabbilixxi r-regoli u l-proċeduri għal l-iskambji tad-dokumenti amministrattivi elettroniċi permezz tas-sistema kompjuterizzata fil-kuntest tal-moviment ta' oġġetti soġġetti għas-sisa taħt sospensjoni tad-dazju u r-regoli u l-proċeduri għall-użu tad-dokumenti ta' riżerva kif imsemmi fl-Artikoli 26 u 27. Dawk l-atti ta' implimentazzjoni għandhom jiġu adottati skont il-proċedura ta' eżami msemmija fl-Artikolu 52(2).

3.   Kull Stat Membru għandu jiddetermina s-sitwazzjonijiet meta s-sistema kompjuterizzata tista' titqies mhux disponibbli u għandu jistabbilixxi r-regoli u l-proċeduri li għandhom jiġu segwiti f'dawk is-sitwazzjonijiet, għall-finijiet tal-Artikoli 26 u 27 u skonthom.

1.   Id-dazju tas-sisa fuq oġġetti soġġetti għas-sisa akkwistati minn individwu privat għall-użu proprju tiegħu u trasportati mit-territorju ta' Stat Membru wieħed lejn it-territorju ta' Stat Membru ieħor minn dan l-individwu privat, għandu jkun dovut biss fl-Istat Membru fejn ikunu ġew akkwistati l-oġġetti soġġetti għas-sisa.

2.   Sabiex jiġi ddeterminat jekk l-oġġetti soġġetti għas-sisa msemmija fil-paragrafu 1 humiex intenzjonati għall-użu proprju ta' individwu privat, l-Istati Membri għandhom iqisu b'mod partikolari l-punti li ġejjin:

3.   Għall-finijiet tal-applikazzjoni tal-punt (e) tal-paragrafu 2, l-Istati Membri jistgħu jistabbilixxu livelli gwida, bħala forma ta' evidenza biss. Dawn il-livelli gwida ma jistgħux ikunu inqas minn:

4.   L-Istati Membri jistgħu jipprovdu wkoll li d-dazju tas-sisa għandu jsir dovut fl-Istat Membru tal-konsum mal-akkwiżizzjoni ta' żjut minerali li jkunu diġà ġew irrilaxxati għall-konsum fi Stat Membru ieħor, jekk dawk l-oġġetti jkunu trasportati b'mezzi tat-trasport atipiċi minn individwu privat jew f'isem individwu privat.

Għall-finijiet ta' dan il-paragrafu, "mezz tat-trasport atipiku" tfisser it-trasport ta' fjuwils għajr fit-tankijiet tal-vetturi jew f'kontenituri ta' riżerva adattati kif ukoll it-trasport ta' prodotti likwidi għat-tisħin għajr permezz ta' tankers użati f'isem operaturi ekonomiċi.

1.   Jekk l-oġġetti soġġetti għas-sisa li jkunu ġew rilaxxati għall-konsum fit-territorju ta' Stat Membru wieħed jiġu trasferiti lejn it-territorju ta' Stat Membru ieħor jitwasslu għal finijiet kummerċjali jew użati hemmhekk, dawn għandhom ikunu soġġetti għas-sisa fl-Istat Membru tad-destinazzjoni.

Fl-ambitu tal-arranġamenti stabbiliti f'din it-Taqsima, l-oġġetti soġġetti għas-sisa għandhom jiġu trasferiti biss mingħand konsenjatur iċċertifikat lejn destinatarju ċċertifikat.

2.   Għall-finijiet ta' dan l-Artikolu, l-oġġetti soġġetti għas-sisa għandhom jitqiesu "mwassla għal finijiet kummerċjali" meta dawn ikunu ġew rilaxxati għall-konsum fit-territorju ta' Stat Membru wieħed, ġew trasferiti minn dak l-Istat Membru lejn it-territorju ta' Stat Membru ieħor u twasslu lejn persuna oħra għajr individwu privat jew lejn individwu privat jekk il-moviment ma jkunx kopert mill-Artikolu 32 jew l-Artikolu 44. Madankollu, l-oġġetti soġġetti għas-sisa ma għandhomx jitqiesu mwassla għal finijiet kummerċjali meta dawn jiġu trasportati minn dak l-individwu privat għall-użu proprju, meta jiġu trasferiti mit-territorju tal-Istat Membru l-ieħor.

3.   Il-moviment ta' oġġetti soġġetti għas-sisa skont dan l-Artikolu għandu jibda meta l-oġġetti soġġetti għas-sisa jitilqu mill-bini tal-konsenjatur iċċertifikat jew kwalunkwe post fl-Istat Membru tad-dispaċċ, li għandu jiġi nnotifikat lill-awtoritajiet kompetenti tal-Istat Membru tad-dispaċċ qabel il-bidu tal-moviment.

4.   Il-moviment ta' oġġetti soġġetti għas-sisa skont dan l-Artikolu għandu jintemm meta d-destinatarju ċċertifikat jirċievi l-konsenja tal-oġġetti soġġetti għas-sisa fil-bini tiegħu jew kwalunkwe post fl-Istat Membru tad-destinazzjoni, li għandu jiġi nnotifikat lill-awtoritajiet kompetenti tal-Istat Membru tad-destinazzjoni qabel il-bidu tal-moviment.

5.   Il-kundizzjonijiet tal-intaxxar u r-rati tad-dazju tas-sisa li għandhom jiġu applikati għandhom ikunu dawk fis-seħħ fid-data meta d-dazju jsir dovut fl-Istat Membru tad-destinazzjoni.

1.   Id-destinatarju ċċertifikat għandu jkun responsabbli li jħallas id-dazju tas-sisa, li għandu jkun dovut meta l-oġġetti jkunu twasslu fl-Istat Membru tad-destinazzjoni, għajr meta sseħħ xi irregolarità skont l-Artikolu 46 waqt il-moviment.

2.   Fil-każ ta' nuqqas ta' reġistrazzjoni jew ċertifikazzjoni ta' persuna waħda involuta jew tal-persuni kollha involuti fil-moviment, dawn il-persuni għandhom ukoll ikunu responsabbli biex iħallsu d-dazju tas-sisa.

3.   L-oġġetti soġġetti għas-sisa li jinżammu abbord dgħajsa jew inġenju tal-ajru li jagħmel vjaġġi jew titjiriet bejn it-territorji ta' żewġ Stati Membri iżda li ma jkunux disponibbli għall-bejgħ meta d-dgħajsa jew l-inġenju tal-ajru jkunu fit-territorju ta' wieħed mill-Istati Membri, ma għandhomx ikunu soġġetti għad-dazju tas-sisa f'dak l-Istat Membru.

1.   Il-moviment ta' oġġetti soġġetti għas-sisa għandu jitqies li jkun konformi mar-rekwiżiti taħt din it-Taqsima biss jekk dan isir bil-kopertura ta' dokument amministrattiv elettroniku ssimplifikat, ipproċessat skont l-Artikolu 36.

2.   Id-destinatarju ċċertifikat taħt l-Artikolu 34(1) għandu jikkonforma mar-rekwiżiti kollha li ġejjin:

3.   B'deroga mill-punt (a) tal-paragrafu 2, l-awtoritajiet kompetenti tal-Istat Membru tad-destinazzjoni jistgħu, skont il-kundizzjonijiet stabbiliti minnhom, jippermettu li l-garanzija tingħata mit-trasportatur jew mill-operatur tat-trasport, minn sid l-oġġetti soġġetti għas-sisa, mill-konsenjatur iċċertifikat, jew b'mod konġunt minn kwalunkwe kombinazzjoni ta' tnejn jew iżjed minn dawk il-persuni bid-destinatarju ċċertifikat jew mingħajru.

4.   Il-garanzija msemmija fil-punt (a) tal-paragrafu 2 għandha tkun valida fl-Unjoni kollha.

5.   L-Istati Membri għandhom jistabbilixxu regoli dettaljati li jirregolaw l-għoti u l-validità ta' garanzija.

6.   Magazzinier awtorizzat jew konsenjatur irreġistrat jistgħu jaġixxu bħala konsenjatur iċċertifikat għall-finijiet ta' din it-Taqsima wara li jkunu nnotifikaw lill-awtoritajiet kompetenti tal-Istat Membru tad-dispaċċ.

7.   Magazzinier awtorizzat jew destinatarju rreġistrat jistgħu jaġixxu bħala destinatarju ċċertifikat għall-finijiet ta' din it-Taqsima wara li jkunu nnotifikaw lill-awtoritajiet kompetenti tal-Istat Membru tad-destinazzjoni.

8.   Għal konsenjatur iċċertifikat jew destinatarju ċċertifikat li jibgħat jew jirċievi oġġetti soġġetti għas-sisa okkażjonalment biss, iċ-ċertifikazzjoni msemmija fil-punti (12) u (13) tal-Artikolu 3 għandha tkun limitata għal kwantità speċifikata ta' oġġetti soġġetti għas-sisa, mingħand destinatarju jew konsenjatur wieħed u għal perijodu ta' żmien speċifikat. L-Istati Membri jistgħu jillimitaw iċ-ċertifikazzjoni għal moviment wieħed. Ċertifikazzjoni temporanja bħal din tista' wkoll, minkejja r-rekwiżiti tal-punti (12) u (13) tal-Artikolu 3, tingħata lil individwi privati li jaġixxu bħala konsenjaturi jew destinatarji meta merkanzija soġġetta għas-sisa tiġi kkonsenjata għal finijiet kummerċjali skont l-Artikolu 33(2).

1.   Meta l-oġġetti soġġetti għas-sisa jiġu trasferiti skont din it-Taqsima, il-konsenjatur iċċertifikat għandu jressaq abbozz ta' dokument amministrattiv elettroniku ssimplifikat lill-awtoritajiet kompetenti tal-Istat Membru tad-dispaċċ permezz tas-sistema kompjuterizzata.

2.   L-awtoritajiet kompetenti tal-Istat Membru tad-dispaċċ għandhom iwettqu verifika elettronika tad-data mogħtija fl-abbozz tad-dokument amministrattiv elettroniku ssimplifikat.

Meta din id-data ma tkunx valida, il-konsenjatur għandu jiġi infurmat dwarha mingħajr dewmien.

Meta din id-data tkun valida, l-awtoritajiet kompetenti tal-Istat Membru tad-dispaċċ għandhom jassenjaw kodiċi uniku ta' referenza amministrattiva lid-dokument u jikkomunikawh lill-konsenjatur iċċertifikat.

3.   L-awtoritajiet kompetenti tal-Istat Membru tad-dispaċċ għandhom jgħaddu d-dokument amministrattiv elettroniku ssimplifikat minnufih lill-awtoritajiet kompetenti tal-Istat Membru tad-destinazzjoni, u dawn għandhom jibagħtuh lid-destinatarju ċċertifikat.

4.   Il-konsenjatur iċċertifikat għandu jipprovdi kodiċi uniku ta' referenza amministrattiva ssimplifikata lill-persuna li takkumpanja l-oġġetti soġġetti għas-sisa, jew meta ma jkun hemm l-ebda persuna li takkumpanja l-oġġetti, lit-trasportatur jew lill-operatur tat-trasport. Il-persuna li takkumpanja l-oġġetti soġġetti għas-sisa, it-trasportatur jew l-operatur tat-trasport għandhom jipprovdu dak il-kodiċi lill-awtoritajiet kompetenti meta jintalab waqt il-moviment.

5.   Waqt moviment tal-oġġetti soġġetti għas-sisa taħt din it-Taqsima, il-konsenjatur iċċertifikat jista', billi juża s-sistema kompjuterizzata, jibdel id-destinazzjoni lejn post ieħor tal-konsenja fl-istess Stat Membru operat mill-istess destinatarju ċċertifikat, jew lejn il-post tad-dispaċċ. Għal dak il-għan, il-konsenjatur iċċertifikat għandu jressaq abbozz ta' dokument elettroniku għal bidla fid-destinazzjoni lill-awtoritajiet kompetenti tal-Istat Membru tad-dispaċċ permezz tas-sistema kompjuterizzata.

1.   Malli jaslu l-oġġetti soġġetti għas-sisa, id-destinatarju ċċertifikat għandu jressaq mingħajr dewmien u sa mhux aktar tard minn ħamest ijiem tax-xogħol wara tmiem il-moviment, għajr f'każijiet debitament ġustifikati għas-sodisfazzjon tal-awtoritajiet kompetenti, rapport tal-wasla tagħhom lill-awtoritajiet kompetenti tal-Istat Membru tad-destinazzjoni, permezz tas-sistema kompjuterizzata.

2.   L-awtoritajiet kompetenti tal-Istat Membru tad-destinazzjoni għandhom iwettqu verifika elettronika tad-data mogħtija fir-rapport tal-wasla.

Meta din id-data ma tkunx valida, id-destinatarju għandu jiġi infurmat dwarha mingħajr dewmien.

Meta din id-data tkun valida, l-awtoritajiet kompetenti tal-Istat Membru tad-destinazzjoni għandhom jagħtu konferma lid-destinatarju ċċertifikat dwar ir-reġistrazzjoni tar-rapport tal-wasla u jgħadduha lill-awtoritajiet kompetenti tal-Istat Membru tad-dispaċċ.

Ir-rapport tal-wasla għandu jitqies bħala evidenza suffiċjenti li d-destinatarju ċċertifikat wettaq il-formalitajiet meħtieġa kollha u, jekk applikabbli u dment li l-oġġetti soġġetti għas-sisa ma humiex eżentati mill-ħlas tad-dazju tas-sisa, ħallas kull dazju tas-sisa dovut lill-Istat Membru tad-destinazzjoni, jew arranġament ta' sospensjoni tad-dazju f'konformità mal-Kapitolu III.

3.   L-awtoritajiet kompetenti tal-Istat Membru tad-dispaċċ għandhom jgħaddu r-rapport tal-wasla lill-konsenjatur iċċertifikat.

4.   Id-dazju tas-sisa mħallas fl-Istat Membru tad-dispaċċ għandu jiġi rrimborżat, meta jintalab u abbażi tar-rapport tal-wasla msemmi fil-paragrafu 1.

1.   B'deroga mill-Artikolu 36, meta s-sistema kompjuterizzata ma tkunx disponibbli fl-Istat Membru tad-dispaċċ, il-konsenjatur iċċertifikat jista' jibda moviment ta' oġġetti soġġetti għas-sisa dment li:

L-Istat Membru tad-dispaċċ jista' wkoll jitlob lill-konsenjatur iċċertifikat jgħaddilu kopja tad-dokument imsemmi fil-punt (a) tal-ewwel subparagrafu, il-verifika mill-Istat Membru tad-dispaċċ tad-data li hemm f'dik il-kopja u, meta l-konsenjatur iċċertifikat ikun responsabbli għan-nuqqas ta' disponibbiltà tas-sistema kompjuterizzata, informazzjoni xierqa dwar ir-raġunijiet għal dak in-nuqqas ta' disponibbiltà, qabel il-bidu tal-moviment.

2.   Malli s-sistema kompjuterizzata terġa' ssir disponibbli, il-konsenjatur iċċertifikat għandu jressaq abbozz ta' dokument amministrattiv elettroniku ssimplifikat, b'konformità mal-Artikolu 36(1).

Malli d-data li tidher fl-abbozz tad-dokument amministrattiv elettroniku ssimplifikat tkun ġiet ivverifikata skont l-Artikolu 36(2), jekk dik id-data tkun valida, dak id-dokument għandu jieħu post id-dokument ta' riżerva msemmi fil-punt (a) tal-ewwel subparagrafu tal-paragrafu 1 ta' dan l-Artikolu. L-Artikolu 36(3) u l-Artikolu 37 għandhom japplikaw mutatis mutandis.

3.   Kopja tad-dokument ta' riżerva msemmi fil-punt (a) tal-ewwel subparagrafu tal-paragrafu 1 għandha tinżamm mill-konsenjatur iċċertifikat fir-rekords tiegħu.

4.   Meta s-sistema kompjuterizzata ma tkunx disponibbli fl-Istat Membru tad-dispaċċ, il-konsenjatur iċċertifikat jista' jemenda d-destinazzjoni tal-oġġetti kif imsemmi fl-Artikolu 36(5) jew għandu jikkomunika dik l-informazzjoni lill-awtoritajiet kompetenti tal-Istat Membru tad-dispaċċ permezz ta' mezzi alternattivi tal-komunikazzjoni. Il-konsenjatur iċċertifikat għandu jinforma lill-awtoritajiet kompetenti tal-Istat Membru tad-dispaċċ qabel jibda l-bidla fid-destinazzjoni. Il-paragrafi 2 u 3 ta' dan l-Artikolu għandhom japplikaw mutatis mutandis.

1.   Minkejja l-Artikolu 39, ir-rapport tal-wasla mitlub mill-Artikolu 37(1) għandu jikkostitwixxi evidenza li l-oġġetti soġġetti għas-sisa twasslu għand id-destinatarju ċċertifikat.

2.   B'deroga mill-paragrafu 1, fin-nuqqas ta' rapport tal-wasla għal raġunijiet għajr dawk imsemmija fl-Artikolu 39, evidenza alternattiva tal-konsenja tal-oġġetti soġġetti għas-sisa tista' tingħata b'ċertifikazzjoni mingħand l-awtoritajiet kompetenti tal-Istat Membru tad-destinazzjoni, abbażi ta' evidenza xierqa, li l-oġġetti soġġetti għas-sisa mibgħuta waslu fid-destinazzjoni tagħhom.

Id-dokument ta' riżerva msemmi fl-ewwel paragrafu tal-Artikolu 39 għandu jikkostitwixxi evidenza xierqa għall-finijiet tal-ewwel subparagrafu ta' dan il-paragrafu.

3.   Meta ċ-ċertifikazzjoni mingħand l-awtoritajiet kompetenti tal-Istat Membru tad-destinazzjoni tkun ġiet aċċettata mill-awtoritajiet kompetenti tal-Istat Membru tad-dispaċċ, din għandha titqies bħala evidenza biżżejjed li d-destinatarju ċċertifikat issodisfa l-formalitajiet kollha meħtieġa u ħallas id-dazju tas-sisa dovut lill-Istat Membru tad-destinazzjoni.

1.   Meta l-oġġetti soġġetti għas-sisa diġà rrilaxxati għall-konsum fit-territorju ta' Stat Membru jiġu trasferiti lejn post tad-destinazzjoni fit-territorju ta' dak l-Istat Membru minn ġot-territorju ta' Stat Membru ieħor, għandhom japplikaw ir-rekwiżiti li ġejjin:

2.   Meta l-oġġetti soġġetti għas-sisa jiġu trasferiti ta' spiss u regolarment skont il-kundizzjonijiet speċifikati fil-paragrafu 1, l-Istati Membri kkonċernati jistgħu, bi ftehim bejniethom u bil-kundizzjonijiet iddeterminati minnhom, jissimplifikaw ir-rekwiżiti speċifikati fil-paragrafu 1.

1.   Il-Kummissjoni għandha tadotta atti ta' implimentazzjoni skont l-Artikolu 51 biex tistabbilixxi r-regoli u l-proċeduri li għandhom jiġu segwiti għall-iskambju ta' dokumenti amministrattivi elettroniċi permezz tas-sistema kompjuterizzata għall-finijiet tal-Artikoli 36 u 37, u r-regoli u l-proċeduri għall-użu tad-dokumenti ta' riżerva msemmija fl-Artikoli 38, 39 u 41 fil-kuntest ta' moviment ta' oġġetti soġġetti għas-sisa skont din it-Taqsima.

2.   Il-Kummissjoni għandha tadotta atti ta' implimentazzjoni li jistabbilixxu r-regoli u l-proċeduri li għandhom jiġu segwiti għall-iskambju ta' dokumenti amministrattivi elettroniċi permezz tas-sistema kompjuterizzata għall-finijiet tal-Artikoli 36 u 37, u r-regoli u l-proċeduri għall-użu tad-dokumenti ta' riżerva msemmija fl-Artikoli 38, 39 u 40 fil-kuntest ta' moviment ta' oġġetti soġġetti għas-sisa skont din it-Taqsima. Dawk l-atti ta' implimentazzjoni għandhom jiġu adottati f'konformità mal-proċedura ta' eżami msemmija fl-Artikolu 52.

1.   L-oġġetti soġġetti għas-sisa diġà rrilaxxati għall-konsum fit-territorju ta' Stat Membru wieħed, li jinxtraw minn persuna, li ma tkunx il-magazzinier awtorizzat, destinatarju rreġistrat jew konsenjatur iċċertifikat, li huwa stabbilit fi Stat Membru ieħor u li ma jwettaqx attività ekonomika indipendenti, u li huma mwassla jew trasportati lejn it-territorju ta' Stat Membru ieħor direttament jew indirettament minn konsenjatur li jwettaq attività ekonomika indipendenti jew f'ismu, għandhom ikunu soġġetti għad-dazju tas-sisa fl-Istat Membru tad-destinazzjoni.

2.   Fil-każ imsemmi fil-paragrafu 1, id-dazju tas-sisa għandu jsir dovut fl-Istat Membru tad-destinazzjoni fil-mument tal-konsenja tal-oġġetti soġġetti għas-sisa. Il-kundizzjonijiet tal-intaxxar u r-rata tad-dazju tas-sisa li għandhom jiġu applikati għandhom ikunu dawk fis-seħħ fid-data meta d-dazju jsir dovut.

Id-dazju tas-sisa għandu jitħallas skont il-proċedura stabbilita mill-Istat Membru tad-destinazzjoni.

3.   Il-persuna responsabbli għall-ħlas tad-dazju tas-sisa fl-Istat Membru tad-destinazzjoni għandha tkun il-konsenjatur.

Madankollu, l-Istat Membru tad-destinazzjoni jista' jippermetti li l-konsenjatur jinnomina rappreżentant tat-taxxa, stabbilit fl-Istat Membru tad-destinazzjoni, bħala l-persuna responsabbli għall-ħlas tad-dazju tas-sisa. Ir-rappreżentant tat-taxxa għandu jkun approvat mill-awtoritajiet kompetenti ta' dak l-Istat Membru. L-Istati Membri jistgħu jipprovdu li, meta l-konsenjatur jew ir-rappreżentant tat-taxxa ma jkunux irrispettaw id-dispożizzjoni tal-punt (a) tal-paragrafu 4, il-persuna responsabbli għall-ħlas tad-dazju tas-sisa għandha tkun id-destinatarju tal-oġġetti soġġetti għas-sisa.

4.   Il-konsenjatur jew ir-rappreżentant tat-taxxa għandu jikkonforma mar-rekwiżiti li ġejjin:

L-Istati Membri kkonċernati jistgħu, skont il-kundizzjonijiet stabbiliti minnhom, jissimplifikaw dawn ir-rekwiżiti abbażi ta' ftehimiet bilaterali jew multilaterali.

5.   Fil-każ imsemmi fil-paragrafu 1, id-dazju tas-sisa impost fl-ewwel Stat Membru għandu jiġi rrimborżat, jekk dan jintalab mill-konsenjatur, meta l-konsenjatur jew ir-rappreżentant tat-taxxa jkun segwa l-proċeduri previsti fil-paragrafu 4.

6.   L-Istati Membri jistgħu jistabbilixxu regoli speċifiċi għall-applikazzjoni tal-paragrafi 1 sa 5 għall-oġġetti soġġetti għas-sisa li huma koperti taħt arranġamenti nazzjonali speċjali tad-distribuzzjoni.

1.   Fis-sitwazzjonijiet imsemmija fl-Artikolu 33(1) u fl-Artikolu 44(1), f'każ ta' qerda totali jew telf irrimedjabbli tal-oġġetti soġġetti għas-sisa waqt it-trasport tagħhom fit-territorju ta' Stat Membru li mhux l-Istat Membru fejn ġew irrilaxxati għall-konsum, minħabba ċirkostanzi mhux prevedibbli, forza maġġuri jew minħabba xi awtorizzazzjoni għall-qerda tal-oġġetti mill-awtoritajiet kompetenti ta' dak l-Istat Membru, id-dazju tas-sisa ma għandux ikun dovut f'dak l-Istat Membru.

Għall-finijiet ta' din id-Direttiva l-oġġetti għandhom jitqiesu meqruda għalkollox jew mitlufa b'mod irrimedjabbli meta ma jkunux jistgħu jintużaw bħala oġġetti soġġetti għas-sisa.

2.   F'każ ta' telf parzjali minħabba n-natura tal-oġġetti li jseħħ waqt it-trasport tagħhom fit-territorju ta' Stat Membru li mhux l-Istat Membru fejn dawn l-oġġetti ġew irrilaxxati għall-konsum, id-dazju tas-sisa ma għandux ikun dovut f'dak l-Istat Membru jekk l-ammont tat-telf ikun fi ħdan il-limitu komuni ta' telf parzjali għal dawk l-oġġetti soġġetti għas-sisa stabbilit skont l-Artikolu 6(9), dment li Stat Membru ma jkollux raġuni valida biex jissuspetta frodi jew irregolarità.

3.   Il-qerda totali jew it-telf irrimedjabbli, totali jew parzjali, tal-prodotti soġġetti għad-dazju tas-sisa kif imsemmija fil-paragrafu 1 għandhom jiġu ppruvati għas-sodisfazzjon tal-awtoritajiet kompetenti tal-Istat Membru fejn tkun saret il-qerda totali jew it-telf irrimedjabbli, totali jew parzjali, jew, meta ma jkunx possibbli li jiġi determinat fejn seħħ it-telf, fejn ġie skopert.

Fejn hija stabbilita l-qerda totali jew telf irrimedjabbli, totali jew parzjali, tal-oġġetti soġġetti għas-sisa, il-garanzija ppreżentata f'konformità mal-punt (a) tal-Artikolu 35(2) jew il-punt (a) tal-Artikolu 44(4) għandha tiġi rilaxxata, b'mod sħiħ jew parzjalment, kif adegwat, hekk kif tingħata evidenza sodisfaċenti.

1.   Meta sseħħ xi irregolarità waqt moviment ta' oġġetti soġġetti għas-sisa skont l-Artikolu 33(1) jew l-Artikolu 44(1), it-territorju ta' Stat Membru li mhux t-territorju tal-Istat Membru fejn ġew irrilaxxati għall-konsum, dawn għandhom ikunu soġġetti għas-sisa, u d-dazju tas-sisa għandu jkun dovut fl-Istat Membru fejn tkun seħħet l-irregolarità.

2.   Meta tiġi skoperta xi irregolarità waqt moviment ta' oġġetti soġġetti għas-sisa skont l-Artikolu 33(1) jew l-Artikolu 44(1), it-territorju ta' Stat Membru li mhux it-territorju tal-Istat Membru fejn ikunu ġew irrilaxxati għall-konsum u ma jkunx jista' jiġi stabbilit fejn seħħet l-irregolarità, l-irregolarità għandha titqies li seħħet u d-dazju tas-sisa għandu jkun dovut fl-Istat Membru fejn tkun ġiet skoperta l-irregolarità.

Madankollu, jekk qabel jgħaddu tliet snin mid-data tal-akkwist tal-oġġetti soġġetti għas-sisa, jiġi determinat f'liema territorju ta' Stat Membru tkun fil-fatt seħħet l-irregolarità, għandhom japplikaw id-dispożizzjonijiet tal-paragrafu 1.

3.   Id-dazju tas-sisa għandu jkun dovut mill-persuna li tkun tat garanzija li ser tħallsu skont il-punt (a) tal-Artikolu 35(2) jew il-punt (a) tal-Artikolu 44(4) u minn kwalunkwe persuna li kellha x'taqsam mal-irregolarità. Meta jkun hemm bosta persuni responsabbli għall-istess dazju tas-sisa, dawn għandhom ikunu responsabbli b'mod konġunt għal dak id-dejn.

L-awtoritajiet kompetenti tal-Istat Membru fejn l-oġġetti soġġetti għas-sisa jkunu ġew irrilaxxati għall-konsum għandhom, meta jintalbu, jagħtu rimborż jew maħfra tad-dazju tas-sisa, meta dan ikun ġie impost fl-Istat Membru fejn seħħet jew fejn tkun ġiet skoperta l-irregolarità. L-awtoritajiet kompetenti tal-Istat Membru tad-destinazzjoni għandhom jirrilaxxaw il-garanzija ddepożitata skont il-punt (a) tal-Artikolu 35(2) jew il-punt (a) tal-Artikolu 44(4).

4.   Għall-finijiet ta' dan l-Artikolu, "irregolarità" tfisser sitwazzjoni li sseħħ waqt moviment ta' oġġetti soġġetti għas-sisa skont l-Artikolu 33(1) jew l-Artikolu 44(1), li mhix koperta mill-Artikolu 45 li minħabba fiha moviment, jew parti minn moviment, ta' oġġetti soġġetti għas-sisa ma ntemmx kif dovut.

5.   Kwalunkwe nuqqas ta' reġistrazzjoni jew ċertifikazzjoni ta' persuna waħda involuta jew tal-persuni involuti kollha fil-moviment bil-kuntrarju tal-Artikolu 33(1) jew il-punt (a) tal-l-Artikolu 44(4) jew kwalunkwe nuqqas ta' rispett għad-dispożizzjonijiet taħt l-Artikolu 35(1) għandu jitqies bħala irregolarità. Il-paragrafi 1 u 4 għandhom japplikaw skont dan, sakemm id-destinatarju ma jkunx responsabbli li jħallas id-dazju tas-sisa f'konformità mal-aħħar sentenza tal-Artikolu 44(3).

1.   Mingħajr preġudizzju għall-Artikolu 6(2), l-Istati Membri jistgħu jeżiġu li l-oġġetti soġġetti għas-sisa jkollhom marki fiskali jew marki ta' identifikazzjoni nazzjonali użati għal finijiet fiskali meta l-oġġetti jkunu qed jiġu rrilaxxati għall-konsum fit-territorju tagħhom, jew, fil-każijiet previsti fl-Artikolu 33(1) u l-Artikolu 44(1), meta dawn jidħlu fit-territorju tagħhom.

2.   Kwalunkwe Stat Membru li jeżiġi l-użu ta' marki fiskali jew ta' marki ta' identifikazzjoni nazzjonali kif stabbilit fil-paragrafu 1 għandu jkun meħtieġ li jagħmilhom disponibbli għall-magazzinieri awtorizzati tal-Istati Membri l-oħra. Madankollu, kull Stat Membru jista' jeżiġi li dawn il-marki jsiru disponibbli għal rappreżentant tat-taxxa awtorizzat mill-awtoritajiet kompetenti ta' dak l-Istat Membru.

3.   Mingħajr preġudizzju għad-dispożizzjonijiet li jistgħu jistabbilixxu biex jiżguraw li dan l-Artikolu jiġi implimentat sew u biex jevitaw xi tip ta' evażjoni, evitar jew abbuż, l-Istati Membri għandhom jiżguraw li l-marki fiskali jew il-marki ta' identifikazzjoni nazzjonali kif stabbiliti fil-paragrafu 1 ma joħolqux ostakli għall-moviment liberu tal-oġġetti soġġetti għas-sisa.

Meta dawn il-marki jitqiegħdu fuq oġġetti soġġetti għas-sisa, kwalunkwe ammont imħallas jew garantit biex jinkisbu dawn il-marki, għajr l-ispejjeż għall-ħruġ tagħhom, għandu jiġi rrimborżat, maħfur jew rilaxxat mill-Istat Membru li jkun ħariġhom, jekk id-dazju tas-sisa jkun sar dovut u nġabar fi Stat Membru ieħor.

Madankollu, l-Istat Membru li ħareġ dawn il-marki jista' jeżiġi li r-rimborż, il-maħfra jew ir-rilaxx tal-ammont imħallas jew garantit jiġu soġġetti għall-preżentazzjoni tal-evidenza, għas-sodisfazzjoni tal-awtoritajiet kompetenti tiegħu, li dawn tneħħew jew inqerdu.

4.   Il-marki fiskali jew il-marki ta' identifikazzjoni nazzjonali kif stabbiliti fil-paragrafu 1 għandhom ikunu validi fl-Istat Membru li jkun ħariġhom. Madankollu, jista' jkun hemm rikonoxximent reċiproku ta' dawn il-marki bejn l-Istati Membri.

1.   L-Istati Membri jistgħu jeżentaw lill-produtturi żgħar tal-inbid mir-rekwiżiti tal-Artikoli 14 sa 31 u mir-rekwiżiti l-oħra relatati mal-moviment u l-monitoraġġ. Meta dawn il-produtturi żgħar infushom iwettqu tranżazzjonijiet intra-Unjoni, dawn għandhom jgħarrfu lill-awtoritajiet kompetenti tagħhom u jikkonformaw mar-rekwiżiti stabbiliti mir-Regolament Delegat tal-Kummissjoni (UE) 2018/273 (16).

2.   Meta l-produtturi żgħar tal-inbid ikunu eżentati mir-rekwiżiti skont il-paragrafu 1, id-destinatarju għandu jgħarraf, permezz tad-dokument meħtieġ mir-Regolament Delegat (UE) 2018/273 jew b'referenza għalih, lill-awtoritajiet kompetenti tal-Istat Membru tad-destinazzjoni bil-konsenji tal-inbid li jkunu waslu.

3.   Għall-finijiet ta' dan l-Artikolu, "produttur żgħir" tfisser produttur li jipproduċi medja ta' anqas minn 1 000 hl ta' inbid għal kull sena tal-inbid, abbażi tal-produzzjoni annwali medja matul l-aħħar tliet snin konsekuttivi tal-inbid, f'konformità mal-Artikolu 2(3) tar-Regolament Delegat (UE) 2018/273.

1.   Is-setgħa ta' adozzjoni ta' atti delegati hija mogħtija lill-Kummissjoni suġġett għall-kondizzjonijiet stabbiliti f'dan l-Artikolu.

2.   Il-Kummissjoni għandha tingħata s-setgħa li tadotta l-atti delegati msemmija fl-Artikolu 6(10), fl-Artikolu 29(1) u fl-Artikolu 43(1) għal perijodu ta' żmien indeterminat minn 20 ta' Frar 2020.

3.   Id-delega tas-setgħa msemmija fl-Artikolu 6(10), fl-Artikolu 29(1) u fl-Artikolu 43(1) tista' tiġi revokata fi kwalunkwe ħin mill-Kunsill. Deċiżjoni li tirrevoka għandha ttemm id-delega ta' setgħa speċifikata f'dik id-deċiżjoni. Għandha ssir effettiva fil-jum wara l-pubblikazzjoni tad-deċiżjoni f'Il-Ġurnal Uffiċjali tal-Unjoni Ewropea jew f'data aktar tard speċifikata fih. Ma għandhiex taffettwa l-validità ta' kwalunkwe att delegat li jkun diġà fis-seħħ.

4.   Qabel ma tadotta att delegat, il-Kummissjoni għandha tikkonsulta lill-esperti maħtura minn kull Stat Membru b'konformità mal-prinċipji stabbiliti fil-Ftehim Interistituzzjonali tat-13 ta' April 2016 dwar it-Tfassil Aħjar tal-Liġijiet.

5.   Malli tadotta att delegat, il-Kummissjoni għandha tinnotifikah simultanjament lill-Parlament Ewropew u lill-Kunsill.

6.   Att delegat adottat skont l-Artikolu 6(10), l-Artikolu 29(1) u l-Artikolu 43(1) għandu jidħol fis-seħħ biss jekk ma tkun ġiet espressa l-ebda oġġezzjoni mill-Kunsill fi żmien xahrejn min-notifika ta' dak l-att lill-Kunsill jew jekk, qabel jiskadi dak il-perijodu, il-Kunsill ikun informa lill-Kummissjoni li mhux ser joġġezzjona. Dak il-perijodu għandu jiġi estiż b'xahrejn fuq inizjattiva tal-Kunsill.

1.   Il-Kummissjoni għandha tkun assistita mill-Kumitat dwar id-Dazju tas-Sisa. Dak il-kumitat għandu jkun kumitat skont it-tifsira tar-Regolament (UE) Nru 182/2011.

2.   Meta ssir referenza għal dan il-paragrafu, għandu japplika l-Artikolu 5 tar-Regolament (UE) Nru 182/2011.

1.   L-Istati Membri għandhom jadottaw u jippubblikaw, sal-31 ta' Diċembru 2021, il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw mal-Artikoli 2, 3, 6, 12, 16, 17, l-Artikoli 19 sa 22, l-Artikoli 25 sa 29, l-Artikoli 33 sa 46, u l-Artikoli 54 u 55 u l-Artikolu 57. Huma għandhom jikkomunikaw minnufih it-test ta' dawk il-miżuri lill-Kummissjoni.

Soġġetti għall-Artikolu 54, dawn għandhom japplikaw dawk il-miżuri mit-13 ta' Frar 2023.

Meta l-Istati Membri jadottaw dawk il-miżuri, dawn għandhom jinkludu referenza għal din id-Direttiva jew għandhom jinkludu referenza bħal din meta jiġu pubblikati uffiċjalment. Għandhom jinkludu wkoll dikjarazzjoni li fiha jingħad li kull meta fil-liġijiet, fir-regolamenti u fid-dispożizzjonijiet amministrattivi eżistenti jkun hemm referenzi għad-Direttiva mħassra minn din id-Direttiva dawk għandhom jinftiehmu bħala referenzi għal din id-Direttiva. L-Istati Membri għandhom jiddeċiedu kif għandha ssir dik ir-referenza u kif għandha titfassal dik id-dikjarazzjoni.

2.   L-Istati Membri għandhom jikkomunikaw lill-Kummissjoni t-test tad-dispożizzjonijiet ewlenin tal-liġi nazzjonali li huma jadottaw fil-qasam kopert minn din id-Direttiva.