REGOLAMENT (UE) 2019/2155 TAL-BANK ĊENTRALI EWROPEW
tal-5 ta’ Diċembru 2019
li jemenda r-Regolament (UE) Nru 1163/2014 dwar it-tariffi superviżorji (BĊE/2019/37)
IL-KUNSILL GOVERNATTIV TAL-BANK ĊENTRALI EWROPEW,
Wara li kkunsidra t-Trattat dwar il-Funzjonament tal-Unjoni Ewropea,
Wara li kkunsidra r-Regolament tal-Kunsill (UE) Nru 1024/2013 tal-15 ta’ Ottubru 2013 li jagħti kompiti speċifiċi lill-Bank Ċentrali Ewropew (BĊE) fir-rigward ta’ politiki relatati mas-superviżjoni prudenzjali ta’ istituzzjonijiet ta’ kreditu (1), u b’mod partikolari t-tieni subparagrafu tal-Artikolu 4(3), l-Artikolu 30 u t-tieni subparagrafu tal-Artikolu 33(2) tiegħu,
Wara li kkunsidra l-konsultazzjoni pubblika u l-analiżi li saret skont l-Artikolu 30(2) tar-Regolament (UE) Nru 1024/2013,
Billi:
|
(1)
|
Ir-Regolament (UE) Nru 1163/2014 tal-Bank Ċentrali Ewropew (BĊE/2014/41) (2) jistabbilixxi l-arranġamenti għall-kalkolu tal-ammont totali tat-tariffi superviżorji annwali li għandhom jiġu imposti fir-rigward ta’ entitajiet taħt superviżjoni u gruppi taħt superviżjoni; il-metodoloġija u l-kriterji għall-kalkolu tat-tariffa superviżorja annwali mġarrba minn kull entità taħt superviżjoni u grupp taħt superviżjoni; u l-proċedura għall-ġbir mill-BĊE tat-tariffi superviżorji annwali.
|
|
(2)
|
L-Artikolu 17(2) tar-Regolament (UE) Nru 1163/2014 (BĊE/2014/41) jirrikjedi li l-BĊE jagħmel rieżami ta’ dak ir-Regolament, b’mod partikolari, fir-rigward tal-metodoloġija u l-kriterji għall-kalkolu tat-tariffi superviżorji annwali li għandhom jiġu imposti fuq kull entità taħt superviżjoni u grupp taħt superviżjoni sal-2017.
|
|
(3)
|
Fit-2 ta’ Ġunju 2017 il-BĊE nieda konsultazzjoni pubblika miftuħa bl-għan li jiġbor il-kummenti mingħand il-partijiet interessati bil-ħsieb li jiġi evalwat it-titjib possibbli fir-Regolament (UE) Nru 1163/2014 (BĊE/2014/41). Il-konsultazzjoni pubblika ntemmet fl-20 ta’ Lulju 2017.
|
|
(4)
|
Filwaqt li kkunsidra t-tweġibiet riċevuti, il-BĊE għamel rieżami tar-Regolament (UE) Nru 1163/2014 (BĊE/2014/41) u kkonkluda li r-Regolament għandu jiġi emendat.
|
|
(5)
|
B’mod partikolari, il-BĊE iddeċieda li ma jibqax jeżiġi l-ħlas bil-quddiem tat-tariffi superviżorji annwali. It-tariffi għandhom jiġu imposti biss wara li jintemm il-perijodu tariffarju rilevanti meta l-kosti annwali attwali jkunu ġew iddeterminati. Id-data ta’ referenza għall-fatturi tariffarji għandha, bħala regola ġenerali, tibqa’ l-31 ta’ Diċembru tal-perijodu tariffarju preċedenti biex ikun hemm żmien suffiċjenti għall-validazzjoni tal-fattur tariffarju.
|
|
(6)
|
Għall-parti l-kbira tad-debituri tariffarji, il-BĊE diġà jirċievi l-informazzjoni dwar l-assi totali u l-iskopertura tar-riskju totali skont ir-Regolament ta’ Implimentazzjoni tal-Kummissjoni (UE) Nru 680/2014 (3) u r-Regolament (UE) 2015/534 tal-Bank Ċentrali Ewropew (BĊE/2015/13) (4). Din l-informazzjoni hija faċilment disponibbli għall-użu fil-kalkolu tat-tariffa superviżorja annwali tagħhom. Il-ġbir dedikat tal-fatturi tariffarji għal dawn id-debituri tariffarji għandu għalhekk jieqaf.
|
|
(7)
|
Barra minn hekk, il-BĊE iddeċieda li jnaqqas it-tariffi superviżorji li jridu jitħallsu minn entitajiet taħt superviżjoni inqas sinifikanti u gruppi taħt superviżjoni inqas sinifikanti b’assi totali ta’ EUR 1 biljun jew inqas. Għal dan il-għan, il-komponent tat-tariffa minima għal dawn l-entitajiet taħt superviżjoni u gruppi taħt superviżjoni għandu jitnaqqas bin-nofs.
|
|
(8)
|
Barra minn hekk, l-esperjenza miksuba bl-applikazzjoni tar-Regolament (UE) Nru 1163/2014 (BĊE/2014/41) mill-2014 ’l hawn uriet li xi kjarifiki u emendi tekniċi għal dak ir-Regolament huma xierqa.
|
|
(9)
|
Huwa meħtieġ li jiġu previsti arranġamenti tranżitorji fir-rigward tal-perijodu tariffarju tal-2020, peress li dik is-sena se tkun l-ewwel perijodu tariffarju li għalih il-BĊE mhux se jkun qed jeżiġi aktar ħlas bil-quddiem tat-tariffa superviżorja annwali. Dan ir-Regolament għalhekk għandu jidħol fis-seħħ fil-bidu tal-2020.
|
|
(10)
|
Għaldaqstant, ir-Regolament (UE) Nru 1163/2014 (BĊE/2014/41) għandu jiġi emendat f’dan is-sens,
|
ADOTTA DAN IR-REGOLAMENT:
Artikolu 1
Emendi
Ir-Regolament (UE) Nru 1163/2014 (BĊE/2014/41) huwa emendat kif ġej:
|
1.
|
L-Artikolu 2 huwa emendat kif ġej:
|
(a)
|
il-punt 9 huwa mħassar;
|
|
(b)
|
il-punti 12 u 13 huma sostitwiti b’dan li ġej:
|
“12.
|
assi totali tfisser:
|
(a)
|
għal grupp taħt superviżjoni, il-valur totali tal-assi kif iddeterminat skont l-Artikolu 51 tar-Regolament (UE) Nru 468/2014 (BĊE/2014/17), minbarra l-assi ta’ sussidjarji stabbiliti fi Stati Membri mhux parteċipanti u pajjiżi terzi sakemm ma jkunx deċiż mod ieħor minn grupp taħt superviżjoni skont l-Artikolu 10(3)(c);
|
|
(b)
|
għal fergħa li tħallas tariffa, il-valur totali tal-assi kif irrappurtat għal finijiet prudenzjali. Meta l-valur totali tal-assi ma jkunx meħtieġ li jiġi rrappurtat għal finijiet prudenzjali, l-assi totali tfisser il-valur totali tal-assi kif iddeterminat fuq il-bażi tal-kontijiet annwali awditjati l-aktar reċenti mħejjija skont l-Istandards Internazzjonali ta’ Rapportar Finanzjarju (IFRS) kif applikabbli fl-Unjoni skont ir-Regolament (KE) Nru 1606/2002 tal-Parlament Ewropew u tal-Kunsill (*1) u, jekk dawk il-kontijiet annwali ma jkunux disponibbli, il-kontijiet annwali mħejjija skont il-liġijiet nazzjonali applikabbli dwar il-kontabilità. Għall-fergħat li jħallsu tariffa li ma jħejjux kontijiet annwali, l-assi totali tfisser il-valur totali tal-assi kif iddeterminat skont l-Artikolu 51(5) tar-Regolament (UE) Nru 468/2014 (BĊE/2014/17);
|
|
(c)
|
għal żewġ fergħat jew aktar li jħallsu tariffa li huma meqjusa bħala fergħa waħda skont l-Artikolu 3(3), is-somma tal-valur totali tal-assi kif iddeterminat għal kull fergħa li tħallas tariffa rispettivament;
|
|
(d)
|
fil-każijiet l-oħrajn kollha, il-valur tal-assi totali kif iddeterminat skont l-Artikolu 51 tar-Regolament (UE) Nru 468/2014 (BĊE/2014/17);
|
|
|
13.
|
skopertura tar-riskju totali tfisser:
|
(a)
|
għal grupp taħt superviżjoni, l-ammont kif iddeterminat fl-ogħla livell ta’ konsolidazzjoni fi ħdan l-Istati Membri parteċipanti u kkalkulat skont l-Artikolu 92(3) tar-Regolament (UE) Nru 575/2013 tal-Parlament Ewropew u tal-Kunsill (*2), minbarra l-ammont ta’ iskopertura tar-riskju ta’ sussidjarji stabbiliti fi Stati Membri mhux parteċipanti u pajjiżi terzi sakemm ma jkunx deċiż mod ieħor minn grupp taħt superviżjoni skont l-Artikolu 10(3)(c);
|
|
(b)
|
għal fergħa li tħallas tariffa, jew żewġ fergħat jew aktar li jħallsu tariffa li huma meqjusa bħala fergħa waħda skont l-Artikolu 3(3), żero;
|
|
(c)
|
fil-każijiet l-oħrajn kollha, l-ammont kif ikkalkulat skont l-Artikolu 92(3) tar-Regolament (UE) Nru 575/2013.
|
|
(*1) Regolament (KE) Nru 1606/2002 tal-Parlament Ewropew u tal-Kunsill tad-19 ta’ Lulju 2002 dwar l-applikazzjoni ta’ standards internazzjonali tal-kontabilità (ĠU L 243, 11.9.2002, p. 1 – Edizzjoni speċjali bil-Malti: Kapitolu 13 Volum 029 p. 609-612)."
(*2) Regolament (UE) Nru 575/2013 tal-Parlament Ewropew u tal-Kunsill tas-26 ta’ Ġunju 2013 dwar ir-rekwiżiti prudenzjali għall-istituzzjonijiet ta’ kreditu u d-ditti tal-investiment u li jemenda r-Regolament (UE) Nru 648/2012, (ĠU L 176, 27.6.2013, p. 1).”;"
|
|
|
2.
|
L-Artikolu 4 huwa emendat kif ġej:
|
(a)
|
fil-paragrafu 1, il-punt (c) huwa sostitwit b’dan li ġej:
|
“(c)
|
iddeterminat skont id-dispożizzjonijiet tal-paragrafu 2, fil-każ ta’ grupp ta’ entitajiet li jħallsu tariffa.”;
|
|
|
(b)
|
il-paragrafu 2 huwa sostitwit b’dan li ġej:
|
‘2.
|
Mingħajr preġudizzju għall-arranġamenti fi ħdan grupp ta’ entitajiet li jħallsu tariffa fir-rigward tal-allokazzjoni tal-ispejjeż, grupp ta’ entitajiet li jħallsu tariffa għandhom jiġu trattati bħala debitur tariffarju wieħed. Kull grupp ta’ entitajiet li jħallsu tariffa għandu jinnomina d-debitur tariffarju għall-grupp kollu u għandu jinnotifika l-identità tad-debitur tariffarju lill-BĊE. Id-debitur tariffarju għandu jiġi stabbilit fi Stat Membru parteċipanti. Din in-notifika għandha tkun ikkunsidrata valida biss jekk:
|
(a)
|
issemmi l-isem tal-grupp kopert bin-notifika;
|
|
(b)
|
tiġi ffirmata mid-debitur tariffarju f’isem l-entitajiet kollha taħt superviżjoni tal-grupp;
|
|
(c)
|
tasal għand il-BĊE sa mhux iktar tard mit-30 ta’ Settembru ta’ kull sena, sabiex titqies għall-ħruġ tal-avviż tariffarju fir-rigward ta’ dak il-perijodu tariffarju.
|
|
Jekk iktar minn notifika waħda għal kull grupp ta’ entitajiet li jħallsu tariffa tasal fil-ħin għand il-BĊE, għandha tipprevali l-aħħar notifika rċevuta mill-BĊE sat-30 ta’ Settembru. Jekk entità taħt superviżjoni ssir parti mill-grupp taħt superviżjoni wara li l-BĊE ikun irċieva notifika valida mingħand id-debitur tariffarju, sakemm il-BĊE ma jkunx infurmat mod ieħor bil-miktub, dik in-notifika titqies li ġiet iffirmata wkoll f’isimha.’;
|
|
|
3.
|
L-Artikolu 5 huwa emendat kif ġej:
|
(a)
|
fil-paragrafu 2, it-tieni sentenza hija mħassra;
|
|
(b)
|
il-paragrafu (4) li ġej huwa miżjud:
|
“4.
|
Fi żmien erba’ xhur mit-tmiem ta’ kull perijodu tariffarju, l-ammont totali tat-tariffi superviżorji annwali għal kull kategorija ta’ entitajiet taħt superviżjoni u gruppi taħt superviżjoni għal dak il-perijodu tariffarju għandu jiġi ppubblikat fuq il-websajt tal-BĊE.”;
|
|
|
|
4.
|
L-Artikolu 6 huwa mħassar;
|
|
5.
|
L-Artikolu 7 huwa emendat kif ġej:
|
(a)
|
l-intestatura hija sostitwita b’dan li ġej:
“Entitajiet taħt superviżjoni ġodda, entitajiet li m’għadhomx taħt superviżjoni jew bidla fl-istatu
s”;
|
|
(b)
|
il-paragrafu 2 huwa sostitwit b’dan li ġej:
|
“2.
|
Meta, wara deċiżjoni tal-BĊE f’dak is-sens, il-BĊE jassumi s-superviżjoni diretta ta’ entità taħt superviżjoni jew ta’ grupp taħt superviżjoni skont l-Artikolu 45 tar-Regolament (UE) Nru 468/2014 (BĊE/2014/17), jew is-superviżjoni diretta ta’ entità taħt superviżjoni jew ta’ grupp taħt superviżjoni mill-BĊE tintemm skont l-Artikolu 46 tar-Regolament (UE) Nru 468/2014 (BĊE/2014/17), it-tariffa superviżjorja annwali għandha tiġi kkalkulata fuq il-bażi tan-numru ta’ xhur li matulhom l-entità taħt superviżjoni jew il-grupp taħt superviżjoni kienu taħt superviżjoni diretta jew indiretta mill-BĊE fl-aħħar jum tax-xahar.”;
|
|
|
|
6.
|
L-Artikolu 9 huwa mħassar;
|
|
7.
|
L-Artikolu 10 huwa emendat kif ġej:
|
(a)
|
fil-paragrafu 3, il-punt (a) huwa sostitwit b’dan li ġej:
|
“(a)
|
Il-fatturi tariffarji użati għad-determinazzjoni tat-tariffa superviżorja annwali li titħallas fir-rigward ta’ kull entità taħt superviżjoni jew grupp taħt superviżjoni għandhom ikunu l-ammont fid-data ta’ referenza ta’:
|
(ii)
|
iskopertura tar-riskju totali.”;
|
|
|
|
(b)
|
fil-paragrafu 3, il-punt (b) huwa mħassar u l-punti (ba), (bb), (bc) u (bd) li ġejjin huma mdaħħla:
|
“(ba)
|
Il-fatturi tariffarji għandhom ikunu ddeterminati għal kull perijodu tariffarju fuq il-bażi tad-dejta rrappurtata mill-entitajiet taħt superviżjoni għal finijiet prudenzjali b’data ta’ referenza tal-31 ta’ Diċembru tal-perijodu tariffarju preċedenti.
|
|
(bb)
|
Meta entità taħt superviżjoni tħejji l-kontijiet annwali, inklużi l-kontijiet annwali konsolidati, ibbażati fuq sena tal-kontabilità li tvarja mis-sena kalendarja, id-data ta’ referenza għall-assi totali għandha tkun it-tmiem tas-sena tal-kontabilità li jikkorrispondi għall-perijodu tariffarju preċedenti.
|
|
(bc)
|
Meta entità taħt superviżjoni jew grupp taħt superviżjoni jiġi stabbilit wara d-data ta’ referenza rilevanti speċifikata fil-punti (ba) jew (bb) iżda qabel l-1 ta’ Ottubru tal-perijodu tariffarju li għalih it-tariffa hija ddeterminata u għaldaqstant ma jeżistux fatturi tariffarji b’dik id-data ta’ referenza, id-data ta’ referenza għall-fatturi tariffarji għandha tkun it-tmiem tal-kwart l-eqreb għad-data ta’ referenza rilevanti speċifikata fil-punti (ba) jew (bb).
|
|
(bd)
|
Għal entitajiet taħt superviżjoni u gruppi taħt superviżjoni li mhumiex soġġetti għar-rappurtar obbligatorju għal finijiet prudenzjali jew gruppi taħt superviżjoni li jeskludu assi u/jew l-ammont ta’ skopertura tar-riskju ta’ sussidjarji stabbiliti fi Stati Membri mhux parteċipanti u pajjiżi terzi skont il-punt (c), il-fatturi tariffarji għandhom ikunu ddeterminati fuq il-bażi tal-informazzjoni rrappurtata minnhom b’mod separat għall-fini tal-kalkolu tat-tariffa superviżorja. Il-fatturi tariffarji għandhom jiġu sottomessi lill-ANK ikkonċernata bid-data ta’ referenza rilevanti kif iddeterminata taħt il-punti (ba), (bb) jew (bc) skont deċiżjoni tal-BĊE.”;
|
|
|
(c)
|
fil-paragrafu 3, il-punt (c) huwa sostitwit b’dan li ġej:
|
“(c)
|
Għall-finijiet tal-kalkolu tal-fatturi tariffarji, gruppi taħt superviżjoni għandhom — bħala regola — jeskludu l-ammont ta’ assi u ta’ skopertura tar-riskju ta’ sussidjarji li jinsabu fi Stati Membri mhux parteċipanti u pajjiżi terzi. Gruppi taħt superviżjoni jistgħu jiddeċiedu li ma jeskludux dawn l-assi u/jew l-ammont ta’ skopertura għar-riskju għad-determinazzjoni tal-fatturi tariffarji.”;
|
|
|
(d)
|
il-paragrafu 4 huwa sostitwit b’dan li ġej:
|
“(4)
|
Is-somma tal-assi totali tad-debituri tariffarji u s-somma tal-iskopertura tar-riskju totali tad-debituri tariffarji għandhom ikunu ppubblikati fuq il-websajt tal-BĊE.”;
|
|
|
(e)
|
il-paragrafu 5 huwa sostitwit b’dan li ġej:
|
“(5)
|
F’każ li debitur tariffarju jonqos milli jipprovdi l-fatturi tariffarji, il-BĊE għandu jiddetermina l-fatturi tariffarji skont deċiżjoni tal-BĊE.”;
|
|
|
(f)
|
fil-paragrafu 6, il-punt (b) huwa sostitwit b’dan li ġej:
|
“(b)
|
Il-komponent tat-tariffa minima huwa kkalkolat bħala perċentwali fissa tal-ammont totali tat-tariffi superviżorji annwali għal kull kategorija ta’ entitajiet taħt superviżjoni u gruppi taħt superviżjoni, kif iddeterminat skont l-Artikolu 8.
|
(i)
|
Għall-kategorija ta’ entitajiet sinifikanti taħt superviżjoni u gruppi sinifikanti taħt superviżjoni, il-perċentwali fiss huwa ta’ 10 %. Dan l-ammont jinqasam b’mod indaqs fost id-debituri tariffarji kollha. Għal entitajiet sinifikanti taħt superviżjoni u gruppi sinifikanti that superviżjoni b’assi totali ta’ EUR 10 biljun jew inqas, il-komponent tat-tariffa minima jinżel bin-nofs.
|
|
(ii)
|
Għall-kategorija ta’ entitajiet inqas sinifikanti taħt superviżjoni u gruppi inqas sinifikanti taħt superviżjoni, il-perċentwali fiss huwa ta’ 10 %. Dan l-ammont jinqasam b’mod indaqs fost d-debituri tariffarji kollha. Għal entitajiet inqas sinifikanti taħt superviżjoni u gruppi inqas sinifikanti taħt superviżjoni b’assi totali ta’ EUR 1 biljun jew inqas, il-komponent tat-tariffa minima jinżel bin-nofs.”;
|
|
|
|
(g)
|
fil-paragrafu 6, punt (c), il-kliem “l-Artikoli 8 u 9” huma sostitwiti b’“l-Artikolu 8”;
|
|
(h)
|
fil-paragrafu 6, l-aħħar subparagrafu huwa sostitwit b’dan li ġej:
“Fuq il-bażi tal-kalkolu mwettaq skont dan il-paragrafu u tal-fatturi tariffarji ddeterminati skont dan l-Artikolu, il-BĊE għandu jiddeċiedi dwar it-tariffa superviżorja annwali li għandha titħallas minn kull debitur tariffarju. It-tariffa superviżorja annwali li għandha titħallas għandha tiġi kkomunikata lid-debitur tariffarju permezz tal-avviż tariffarju.”;
|
|
|
8.
|
L-Artikolu 12(1) huwa sostitwit b’dan li ġej:
|
“1.
|
Avviż tariffarju għandu jinħareġ kull sena mill-BĊE għal kull debitur tariffarju fi żmien sitt xhur mill-bidu tal-perijodu tariffarju sussegwenti.”;
|
|
|
9.
|
Fl-Artikolu 13(1), it-tieni sentenza hija mħassra;
|
|
10.
|
L-Artikolu 16 huwa mħassar;
|
|
11.
|
L-Artikolu 17 huwa emendat kif ġej:
|
(a)
|
l-intestatura hija sostitwita b’dan li ġej:
“Rappurtar”;
|
|
(b)
|
il-paragrafu 2 huwa ssostitwit b’dan li ġej:
|
“2.
|
FI żmien erba’ xhur mill-bidu ta’ kull perijodu tariffarju, l-ammont stmat tal-kosti annwali għal dak il-perijodu tariffarju għandu jiġi ppubblikat fuq is-sit elettroniku tal-BĊE.”;
|
|
|
|
12.
|
L-Artikolu 17a li ġej huwa mdaħħal:
“Artikolu 17a
Arranġamenti tranżitorji għall-perijodu tariffarju tal-2020
1. It-tariffa superviżorja annwali li għandha titħallas fir-rigward ta’ kull entità taħt superviżjoni u kull grupp taħt superviżjoni għall-perijodu tariffarju tal-2020 għandha tkun speċifikata fl-avviż tariffarju maħruġ lid-debitur tariffarju rilevanti fl-2021.
2. Kull eċċess jew defiċit mill-perijodu tariffarju tal-2019, iddeterminat billi jitnaqqsu l-kosti annwali attwali mġarrbin fir-rigward ta’ dak il-perijodu tariffarju mill-kosti annwali stmati li huma imposti f’dak il-perijodu tariffarju, għandu jitqies fid-determinazzjoni tal-kostijiet annwali għall-perijodu tariffarju tal-2020.”.
|
Artikolu 2
Dħul fis-seħħ
Dan ir-Regolament għandu jidħol fis-seħħ fit-tielet jum wara dak tal-pubblikazzjoni tiegħu f’Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri skont it-Trattati.
Magħmul fi Frankfurt am Main, il-5 ta’ Diċembru 2019.
Għall-Kunsill Governattiv tal-BĊE
Il-President tal-BĊE
Christine LAGARDE
(1) ĠU L 287, 29.10.2013, p. 63.
(2) Regolament (UE) Nru 1163/2014 tal-Bank Ċentrali Ewropew tat-22 ta’ Ottubru 2014 dwar it-tariffi superviżorji (BĊE/2014/41) (ĠU L 311, 31.10.2014, p. 23).
(3) Regolament ta’ Implementazzjoni tal-Kummissjoni (UE) Nru 680/2014 tas-16 ta’ April 2014 li jistabbilixxi standards tekniċi ta’ implimentazzjoni fir-rigward tar-rappurtar superviżorju ta’ istituzzjonijiet skont ir-Regolament (UE) Nru 575/2013 tal-Parlament Ewropew u tal-Kunsill (ĠU L 191, 28.6.2014, p. 1).
(4) Regolament (UE) 2015/534 tal-Bank Ċentrali Ewropew tas-17 ta’ Marzu 2015 dwar ir-rapportar ta’ informazzjoni finanzjarja superviżorja (BĊE/2015/13) (GU L 86, 31.3.2015, p. 13).