(1)

Ir-Regolament tal-Kummissjoni (UE) Nru 579/2014 (2) jipprovdi għal deroga mill-punt 4 tal-Kapitolu IV tal-Anness II tar-Regolament (KE) Nru 852/2004 fir-rigward tat-trasport f'bastimenti tal-baħar ta' żjut u xaħmijiet likwidi maħsuba jew aktarx jintużaw għall-konsum mill-bniedem f'ċerti kundizzjonijiet.

(2)

Dawk il-kundizzjonijiet huma relatati mat-tagħmir u l-prattiki tat-tbaħħir kif ukoll ma' kriterji fir-rigward tas-sustanzi li għandhom jiġu ttrasportati f'bastiment tal-baħar bħala merkanzija preċedenti. Is-sustanzi li jissodisfaw dawk il-kriterji huma mniżżla fl-Anness tar-Regolament (UE) Nru 579/2014 (il-lista tal-merkanzija preċedenti aċċettabbli).

(3)

L-opinjoni xjentifika tagħha tat-24 ta' Novembru 2016 (3), l-Awtorità Ewropea dwar is-Sigurtà fl-Ikel (“l-Awtorità”) evalwat il-metilaċetat, l-etil-terz-butil-etere, is-sulfat tal-ammonju u linjosulfonat tal-kalċju għall-aċċettabilità bħala merkanzija preċedenti. L-Awtorità kkonkludiet li l-metilaċetat u l-etil-terz-butil-etere jissodisfaw il-kriterji għall-aċċettabilità bħala merkanzija preċedenti, li għas-sulfat tal-ammonju, il-prodotti ta' grad alimentari biss jissodisfaw il-kriterji ta' aċċettabilità u li l-linjosulfonat tal-kalċju ma jissodisfax dawn il-kriterji.

(4)

Għalhekk, huwa xieraq li l-lista tal-merkanzija preċedenti aċċettabbli stipulata fl-Anness tar-Regolament (UE) Nru 579/2014 tiġi emendata.

(5)

Il-miżuri previsti f'dan ir-Regolament huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf,