17.5.2019 |
MT |
Il-Ġurnal Uffiċjali tal-Unjoni Ewropea |
L 131/31 |
REGOLAMENT TA' IMPLIMENTAZZJONI TAL-KUMMISSJONI (UE) 2019/626
tal-5 ta' Marzu 2019
li jikkonċerna listi ta' pajjiżi terzi jew reġjuni tagħhom li minnhom hu awtorizzat id-dħul fl-Unjoni Ewropea ta' ċerti annimali u oġġetti maħsuba għall-konsum mill-bniedem, u li jemenda r-Regolament ta' Implimentazzjoni (UE) 2016/759 fir-rigward ta' dawn il-listi
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) 2017/625 tal-Parlament Ewropew u tal-Kunsill tal-15 ta' Marzu 2017 dwar il-kontrolli uffiċjali u attivitajiet uffiċjali oħra mwettqa biex jiżguraw l-applikazzjoni tal-liġi tal-ikel u tal-għalf, ta' regoli dwar is-saħħa u t-trattament xieraq tal-annimali, dwar is-saħħa tal-pjanti u dwar prodotti għall-protezzjoni tal-pjanti, li jemenda r-Regolamenti (KE) Nru 999/2001, (KE) Nru 396/2005, (KE) Nru 1069/2009, (KE) Nru 1107/2009, (UE) Nru 1151/2012, (UE) Nru 652/2014, (UE) 2016/429 u (UE) 2016/2031 tal-Parlament Ewropew u tal-Kunsill, ir-Regolamenti tal-Kunsill (KE) Nru 1/2005 u (KE) Nru 1099/2009 u d-Direttivi tal-Kunsill 98/58/KE, 1999/74/KE, 2007/43/KE, 2008/119/KE u 2008/120/KE, u li jħassar ir-Regolamenti (KE) Nru 854/2004 u (KE) Nru 882/2004 tal-Parlament Ewropew u tal-Kunsill, id-Direttivi tal-Kunsill 89/608/KEE, 89/662/KEE, 90/425/KEE, 91/496/KEE, 96/23/KE, 96/93/KE u 97/78/KE u d-Deċiżjoni tal-Kunsill 92/438/KEE (Regolament dwar il-Kontrolli Uffiċjali) (1), u b'mod partikolari l-Artikolu 127(2) tagħha,
Wara li kkonsultat il-Kumitat Permanenti dwar il-Pjanti, l-Annimali, l-Ikel u l-Għalf,
Billi:
(1) |
Ir-Regolament (UE) 2017/625 jistabbilixxi regoli għall-kontrolli uffiċjali u attivitajiet ta' kontroll oħra mwettqa mill-awtoritajiet kompetenti tal-Istati Membri sabiex tiġi vverifikata l-konformità mal-leġiżlazzjoni tal-Unjoni fil-qasam, fost l-oħrajn, tas-sikurezza tal-ikel f'kull stadju tal-proċess tal-produzzjoni, l-ipproċessar u d-distribuzzjoni. B'mod partikolari, jipprevedi li ċerti annimali u oġġetti jridu jidħlu fl-Unjoni biss minn pajjiż terz jew minn reġjun tiegħu li jidher f'lista mfassla mill-Kummissjoni għal dan il-għan. |
(2) |
Ir-Regolament Delegat tal-Kummissjoni (UE) 2019/625 (2) jissupplimenta r-Regolament (UE) 2017/625 fir-rigward tal-kundizzjonijiet għad-dħul fl-Unjoni ta' kunsinni ta' ċerti annimali u oġġetti maħsuba għall-konsum mill-bniedem minn pajjiżi terzi jew reġjuni tagħhom biex jiġi żgurat li dawn jikkonformaw mar-rekwiżiti rilevanti stabbiliti fir-regoli msemmija fl-Artikolu 1(2)(a) tar-Regolament (UE) 2017/625 (is-sikurezza tal-ikel) jew mar-rekwiżiti rikonoxxuti li huma tal-inqas ekwivalenti. Dawk il-kundizzjonijiet jinkludu l-identifikazzjoni tal-annimali u l-oġġetti maħsuba għall-konsum mill-bniedem li għalihom japplika r-rekwiżit biex jidħlu minn pajjiż terz jew reġjun tiegħu elenkat skont l-Artikolu 126(2)(a) tar-Regolament (UE) 2017/625. |
(3) |
Listi ta' pajjiżi terzi jew reġjuni tagħhom għad-dħul fl-Unjoni ta' kunsinni ta' ċerti annimali u oġġetti maħsuba għall-konsum mill-bniedem huma stabbiliti biex jiżguraw il-konformità mar-rekwiżiti tas-sikurezza tal-ikel skont l-Artikolu 11(1) tar-Regolament (KE) Nru 854/2004 tal-Parlament Ewropew u tal-Kunsill (3), li se jitħassar sal-14 ta' Diċembru 2019 bir-Regolament (UE) 2017/625, u mar-rekwiżiti dwar is-saħħa tal-annimali skont l-Artikolu 8(1) tad-Direttiva tal-Kunsill 2002/99/KE (4). Meta l-konformità mar-rekwiżiti tas-saħħa tal-bnedmin kif ukoll ma' dawk tal-annimali tqieset li hi neċessarja, ġew stabbiliti listi komuni li jkopru ż-żewġ aspetti mir-Regolament ta' Implimentazzjoni tal-Kummissjoni (UE) 2016/759 (5), mir-Regolament tal-Kummissjoni (UE) Nru 206/2010 (6), mir-Regolament tal-Kummissjoni (KE) Nru 119/2009 (7), mid-Deċiżjoni tal-Kummissjoni 2007/777/KE (8), mid-Deċiżjoni tal-Kummissjoni 2003/779/KE (9) u mir-Regolament tal-Kummissjoni (UE) Nru 605/2010 (10). |
(4) |
Listi addizzjonali ta' pajjiżi terzi jew reġjuni tagħhom li minnhom hu permess id-dħul fl-Unjoni ta' molluski bivalvi, ekinodermi, tunikati, gastropodi tal-ibħra u prodotti tas-sajd, abbażi ta' kunsiderazzjonijiet ta' saħħa pubblika, huma stabbiliti fid-Deċiżjoni tal-Kummissjoni 2006/766/KE (11), adottata skont l-Artikolu 11(1) tar-Regolament (KE) Nru 854/2004. |
(5) |
Billi r-Regolament (KE) Nru 854/2004 huwa mħassar mir-Regolament (UE) 2017/625 b'effett mill-14 ta' Diċembru 2019 u sabiex ikun hemm att legali wieħed li jiġbor flimkien il-pajjiżi terzi jew reġjuni tagħhom kollha li jeħtieġu jkunu elenkati biex idaħħlu ċerti annimali u oġġetti fis-suq tal-Unjoni mill-perspettiva tal-ikel u tas-sikurezza tal-ikel, huwa xieraq li jiġu stabbiliti listi għal dawk l-annimali u l-oġġetti f'dan ir-Regolament. |
(6) |
Billi d-diskussjonijiet fil-kuntest tal-implimentazzjoni tar-Regolament (UE) 2016/429 tal-Parlament Ewropew u tal-Kunsill (12) jinsabu għaddejjin dwar ir-rekwiżiti għall-elenkar ta' pajjiżi terzi jew reġjuni tagħhom għad-dħul fl-Unjoni ta' ċerti prodotti ta' oriġini mill-annimali għal raġunijiet ta' saħħa tal-annimali, huwa xieraq ukoll li jiġu pprovduti listi għal dawn il-prodotti ta' oriġini mill-annimali billi jiġu stabbiliti kontroreferenzi għal-listi eżistenti għal raġunijiet ta' saħħa tal-annimali biex tiġi evitata duplikazzjoni tal-listi. Dawn il-listi tfasslu abbażi tar-Regolament (KE) Nru 854/2004 u tad-Direttiva tal-Kunsill 2002/99/KE fuq talba tal-pajjiżi terzi kkonċernati. Sabiex ikunu fuq dawn il-listi, l-awtoritajiet kompetenti tal-pajjiżi terzi pprovdew garanziji xierqa, b'mod partikolari fir-rigward tal-konformità jew tal-ekwivalenza mal-liġi tal-Unjoni dwar l-ikel u l-organizzazzjoni tal-awtoritajiet kompetenti tal-pajjiż terz. Għalhekk il-valutazzjoni mill-ġdid tal-konformità ma' dawn il-kundizzjonijiet skont ir-Regolament (UE) 2017/625 mhix neċessarja. |
(7) |
Huwa xieraq għall-finijiet tar-Regolament (UE) 2017/625, li jinżammu listi relatati mal-ikel u s-sikurezza tal-ikel li jkunu komuni għal-listi eżistenti, stabbiliti għal raġunijiet ta' saħħa tal-annimali u li jinżamm approċċ koordinat billi jiġu elenkati biss pajjiżi terzi u reġjuni tagħhom jekk programm ta' kontroll tar-residwu ġie approvat skont id-Direttiva tal-Kunsill 96/23/KE (13), meta applikabbli. |
(8) |
Ir-Regolament (KE) Nru 853/2004 tal-Parlament Ewropew u tal-Kunsill (14) jistabbilixxi rekwiżiti għall-operaturi fin-negozju tal-ikel li jimpurtaw prodotti ta' oriġini mill-annimali u prodotti komposti. B'mod partikolari, jistipula li operaturi fin-negozju tal-ikel li jimpurtaw prodotti ta' oriġini mill-annimali minn pajjiżi terzi jew reġjuni tagħhom iridu jiżguraw li l-pajjiż terz li minnu ssir l-ispedizjoni jkun qiegħed fuq lista ta' pajjiżi terzi li minnhom jistgħu jiġu importati tali prodotti. |
(9) |
Il-miżuri tranżizzjonali li jipprevedu derogi mill-kundizzjonijiet tal-importazzjoni stabbiliti fir-Regolament (KE) Nru 853/2004 u li japplikaw għal ċerti prodotti ta' oriġini mill-annimali huma previsti fir-Regolament tal-Kummissjoni (UE) 2017/185 (15), u japplikaw sal-31 ta' Diċembru 2020. |
(10) |
Għaldaqstant, iridu jiġu stabbiliti listi addizzjonali ta' pajjiżi terzi jew reġjuni tagħhom mhux aktar tard minn qabel ma jiskadu l-miżuri tranżizzjonali stabbiliti fir-Regolament (UE) 2017/185 biex tiġi evitata interruzzjoni tad-dħul fl-Unjoni ta' kunsinni ta' dawk il-prodotti ta' oriġini mill-annimali. Jenħtieġ li jiġu stabbiliti listi b'mod partikolari għal grass tal-annimali mdewweb u qrieqeċ, laħam tar-rettili, insetti u budellat. |
(11) |
L-ikel li jikkonsisti, huwa iżolat jew prodott minn insetti jew partijiet tagħhom, inklużi insetti ħajjin, huwa soġġett għal awtorizzazzjoni tal-ikel ġdid skont ir-Regolament (UE) 2015/2283 tal-Parlament Ewropew u tal-Kunsill (16). Huwa xieraq li tiġi stabbilita lista separata għal dawn il-gruppi ta' prodotti. |
(12) |
Huwa neċessarju li qabel it-tmiem tal-miżuri tranżizzjonali previsti fir-Regolament (UE) 2017/185 tiġi stabbilita lista ta' prodotti ta' oriġini mill-annimali minbarra dawk li għalihom ġew stabbiliti listi speċifiċi f'dan ir-Regolament biex jiġi evitat it-tfixkil tad-dħul fl-Unjoni ta' prodotti attwalment importati ta' oriġini mill-annimali, li huma essenzjali għall-operaturi tan-negozji tal-ikel Ewropej. |
(13) |
Il-miżuri tranżizzjonali stabbiliti fir-Regolament (UE) 2017/185 għal ċerti prodotti ta' oriġini mill-annimali u prodotti komposti ġew introdotti għaliex jirrappreżentaw riskju baxx għas-saħħa tal-bniedem minħabba l-kwantitajiet baxxi ħafna kkunsmati jew għax il-manifattura tal-prodotti teskludi l-biċċa l-kbira tar-riskju għas-saħħa tal-bniedem. Għalhekk huwa sproporzjonat li jintalbu l-evidenza u l-garanziji kollha minn pajjiżi terzi skont l-Artikolu 127(3) tar-Regolament (UE) 2017/625 u l-Artikolu 4 tar-Regolament Delegat (UE) 2019/625. |
(14) |
Il-listi jenħtieġ li jiġu stipulati f'dan ir-Regolament u jitħassru mir-Regolament ta' Implimentazzjoni (UE) 2016/759 u d-Deċiżjoni 2006/766/KE. Għalhekk, ir-Regolament (UE) 2016/759 jenħtieġ li jiġi emendat kif xieraq u d-Deċiżjoni 2006/766/KE jenħtieġ li titħassar. |
(15) |
Billi r-Regolament (UE) 2017/625 japplika b'effett mill-14 ta' Diċembru 2019, jenħtieġ li dan ir-Regolament japplika wkoll minn dik id-data. |
(16) |
Il-listi ta' pajjiżi terzi jew reġjuni tagħhom li minnhom huwa permess, abbażi tal-istatus tas-saħħa tal-annimali tagħhom, id-dħul fl-Unjoni ta' kunsinni ta' budellat, se jiġu stabbilita biss mill-21 ta' April 2021 skont ir-Regolament (UE) 2016/429. Huwa xieraq li l-lista ta' pajjiżi terzi jew reġjuni tagħhom li minnhom huwa permess id-dħul fl-Unjoni ta' kunsinni ta' budellat għall-konsum mill-bniedem tapplika biss mill-istess data 'l quddiem. Għalhekk il-miżuri tranżizzjonali li jipprovdu derogi rigward ir-rekwiżiti tas-saħħa pubblika għad-dħul fl-Unjoni ta' kunsinni ta' budellat jenħtieġ li jiġu estiżi sal-20 ta' April 2021. |
(17) |
Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DAN IR-REGOLAMENT:
Artikolu 1
Suġġett u kamp ta' applikazzjoni
Dan ir-Regolament jikkonċerna l-listi ta' pajjiżi terzi jew reġjuni tagħhom li minnhom għandhom jiġu awtorizzati l-kunsinni ta' ċerti annimali u oġġetti maħsuba għall-konsum mill-bniedem għad-dħul fl-Unjoni mill-perspettiva tas-sikurezza tal-ikel skont l-Artikolu 126(2)(a) tar-Regolament (UE) 2017/625.
Artikolu 2
Definizzjonijiet
Għall-finijiet ta' dan ir-Regolament, għandhom japplikaw id-definizzjonijiet li ġejjin:
(1) |
“laħam frisk” tfisser laħam frisk kif definit fil-punt 1.10 tal-Anness I tar-Regolament (KE) Nru 853/2004; |
(2) |
“preparati tal-laħam” tfisser preparati tal-laħam kif definiti fil-punt 1.15 tal-Anness I tar-Regolament (KE) Nru 853/2004; |
(3) |
“laħam” tfisser laħam kif definit fil-punt 1.1 tal-Anness I tar-Regolament (KE) Nru 853/2004; |
(4) |
“pollam” tfisser pollam kif definit fil-punt 1.3 tal-Anness I tar-Regolament (KE) Nru 853/2004; |
(5) |
“kaċċa selvaġġa” tfisser kaċċa selvaġġa kif definita fil-punt 1.5 tal-Anness I tar-Regolament (KE) Nru 853/2004; |
(6) |
“bajd” tfisser bajd kif definiti fil-punt 5.1 tal-Anness I tar-Regolament (KE) Nru 853/2004; |
(7) |
“prodotti mill-bajd” tfisser prodotti mill-bajd kif definiti fil-punt 7.3 tal-Anness I tar-Regolament (KE) Nru 853/2004; |
(8) |
“prodotti tal-laħam” tfisser prodotti tal-laħam kif definiti fil-punt 7.1 tal-Anness I tar-Regolament (KE) Nru 853/2004; |
(9) |
“Stonkijiet, vexxiki u intestini trattati” tfisser stonkijiet, vexxiki u intestini trattati kif definiti fil-punt 7.9 tal-Anness I tar-Regolament (KE) Nru 853/2004; |
(10) |
“molluski bivalvi” tfisser molluski bivalvi kif definiti fil-punt 2.1 tal-Anness I tar-Regolament (KE) Nru 853/2004; |
(11) |
“prodotti tas-sajd” tfisser prodotti tas-sajd kif definiti fil-punt 3.1 tal-Anness I tar-Regolament (KE) Nru 853/2004; |
(12) |
“ħalib mhux ipproċessat” tfisser ħalib nej kif definit fil-punt 4.1 tal-Anness I tar-Regolament (KE) Nru 853/2004; |
(13) |
“prodotti mill-ħalib” tfisser prodotti mill-ħalib kif definiti fil-punt 7.2 tal-Anness I tar-Regolament (KE) Nru 853/2004; |
(14) |
“kolostru” tfisser kolostru kif definit fil-punt 1 tat-Taqsima IX tal-Anness III tar-Regolament (KE) Nru 853/2004; |
(15) |
“prodotti li fihom il-kolostru” tfisser prodotti li fihom il-kolostru kif definiti fil-punt 2 tat-Taqsima IX tal-Anness III tar-Regolament (KE) Nru 853/2004; |
(16) |
“saqajn taż-żrinġijiet” tfisser saqajn taż-żrinġijiet kif definiti fil-punt 6.1 tal-Anness I tar-Regolament (KE) Nru 853/2004; |
(17) |
“bebbux” tfisser bebbux kif definit fil-punt 6.2 tal-Anness I tar-Regolament (KE) Nru 853/2004; |
(18) |
“grass tal-annimali mdewweb” tfisser grass tal-annimali mdewweb kif definit fil-punt 7.5 tal-Anness I tar-Regolament (KE) Nru 853/2004; |
(19) |
“qrieqeċ” tfisser qrieqeċ kif definiti fil-punt 7.6 tal-Anness I tar-Regolament (KE) Nru 853/2004; |
(20) |
“ġelatina” tfisser ġelatina kif definita fil-punt 7.7 tal-Anness I tar-Regolament (KE) Nru 853/2004; |
(21) |
“kollaġen” tfisser kollaġni kif definita fil-punt 7.8 tal-Anness I tar-Regolament (KE) Nru 853/2004; |
(22) |
“għasel” tfisser għasel kif definit fil-punt 1 tal-Parti IX tal-Anness II tar-Regolament (UE) Nru 1308/2013 tal-Parlament Ewropew u tal-Kunsill (17); |
(23) |
“prodotti tal-apikultura” tfisser prodotti tal-apikultura kif definiti fil-punt 2 tal-Parti IX tal-Anness II tar-Regolament (UE) Nru 1308/2013; |
(24) |
“laħam tar-rettili” tfisser laħam tar-rettili kif definit fil-punt (16) tal-Artikolu 2 tar-Regolament (UE) 2019/625; |
(25) |
“insetti” tfisser insetti kif definiti fil-punt (17) tal-Artikolu 2 tar-Regolament (UE) 2019/625. |
Artikolu 3
Lista ta' pajjiżi terzi jew reġjuni tagħhom li minnhom hu awtorizzat id-dħul fl-Unjoni ta' laħam frisk u preparati tal-laħam tal-ungulati
Il-kunsinni ta' laħam frisk u preparati tal-laħam tal-ungulati maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk jiġu minn pajjiżi terzi jew reġjuni tagħhom li minnhom hija awtorizzata l-importazzjoni fl-Unjoni skont il-punt (a) tal-Artikolu 14 tar-Regolament (UE) Nru 206/2010.
Artikolu 4
Lista ta' pajjiżi terzi jew reġjuni tagħhom li minnhom hu awtorizzat id-dħul fl-Unjoni ta' laħam ta' pollam, ratiti u għasafar tal-kaċċa salvaġġa, preparati tal-laħam tal-pollam, bajd u prodotti tal-bajd
Il-kunsinni ta' pollam, ratiti u għasafar tal-kaċċa selvaġġa, preparati tal-laħam tal-pollam, bajd u prodotti tal-bajd maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk jiġu minn pajjiżi terzi jew reġjuni tagħhom li minnhom hi awtorizzata l-importazzjoni fl-Unjoni skont l-Artikolu 3 tar-Regolament (KE) Nru 798/2008 (18).
Artikolu 5
Lista ta' pajjiżi terzi jew reġjuni tagħhom li minnhom hu awtorizzat id-dħul fl-Unjoni ta' laħam ta' leporidae salvaġġi, ta' mammali salvaġġi tal-art minbarra ungulati u leporidae u ta' fniek imrobbija fl-irziezet
Il-kunsinni ta' laħam leporidae selvaġġi, ta' mammali selvaġġi tal-art minbarra ungulati u leporidae u ta' fniek imrobbija fl-irziezet maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk jiġu minn pajjiżi terzi jew reġjuni tagħhom li minnhom hija awtorizzata l-importazzjoni fl-Unjoni skont l-Artikolu 3 tar-Regolament (KE) Nru 119/2009.
Artikolu 6
Lista ta' pajjiżi terzi jew reġjuni tagħhom li minnhom hu awtorizzat id-dħul fl-Unjoni ta' prodotti tal-laħam u tal-istonkijiet, tal-vexxiki u tal-intestini trattati minbarra budellat
Il-kunsinni ta' prodotti tal-laħam u tal-istonku, bżieżaq tal-awrina u msaren trattati, minbarra budellat, maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk jiġu minn pajjiżi terzi jew reġjuni tagħhom li minnhom hija awtorizzata l-importazzjoni fl-Unjoni skont il-punt (b) tal-Artikolu 3 tad-Deċiżjoni 2007/777/KE.
Madankollu, il-kunsinni tal-biltong/jerky u tal-prodotti tal-laħam pasturizzat maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk jiġu minn pajjiżi terzi jew reġjuni tagħhom li minnhom hija awtorizzata l-importazzjoni fl-Unjoni skont il-Parti 3 tal-Anness II tad-Deċiżjoni 2007/777/KE.
Artikolu 7
Pajjiżi terzi jew reġjuni tagħhom li minnhom hu awtorizzat id-dħul fl-Unjoni ta' budellat
Il-kunsinni ta' budellat maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk jiġu minn pajjiżi terzi jew reġjuni tagħhom li minnhom hija awtorizzata l-importazzjoni fl-Unjoni skont l-Artikolu 1 tad-Deċiżjoni 2003/779/KE.
Artikolu 8
Lista ta' pajjiżi terzi jew reġjuni tagħhom li minnhom hu awtorizzat id-dħul fl-Unjoni ta' molluski bivalvi, ekinodermi, tunikati u gasteropodi tal-baħar ħajjin, imkessħa, iffriżati jew ipproċessati
Il-kunsinni ta' molluski bivalvi, ekinodermi, tunikati u gasteropodi tal-baħar ħajjin, imkessħa, iffriżati jew ipproċessati maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk jiġu minn pajjiżi terzi jew reġjuni tagħhom li huma elenkati fl-Anness I. Madankollu, id-dħul fl-Unjoni ta' muskoli addutturi tal-pectinidae minbarra l-annimali tal-akkwakultura, isseparati mill-vixxri u mill-gonadi, għandu jiġi permess ukoll minn pajjiżi terzi li ma jidhrux fuq tali lista.
Artikolu 9
Lista ta' pajjiżi terzi jew reġjuni tagħhom li minnhom hu awtorizzat id-dħul fl-Unjoni ta' prodotti tas-sajd minbarra dawk imsemmija fl-Artikolu 8
Il-kunsinni ta' prodotti tas-sajd minbarra dawk imsemmija fl-Artikolu 8 maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk jiġu minn pajjiżi terzi jew reġjuni tagħhom li huma elenkati fl-Anness II.
Artikolu 10
Lista ta' pajjiżi terzi jew reġjuni tagħhom li minnhom hu awtorizzat id-dħul fl-Unjoni ta' kunsinni ta' ħalib mhux ipproċessat, kolostru, prodotti tal-ħalib u prodotti li fihom il-kolostru
Il-kunsinni ta' ħalib mhux ipproċessat, kolostru, prodotti tal-ħalib u prodotti li fihom il-kolostru maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk jiġu minn pajjiżi terzi jew reġjuni tagħhom li minnhom hija awtorizzata l-importazzjoni fl-Unjoni skont l-Artikolu 2 tar-Regolament (UE) Nru 605/2010.
Artikolu 11
Lista ta' pajjiżi terzi jew reġjuni tagħhom li minnhom hu awtorizzat id-dħul fl-Unjoni ta' saqajn taż-żrinġijiet
Il-kunsinni ta' saqajn taż-żrinġijiet maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk jiġu minn pajjiżi terzi jew reġjuni tagħhom li huma elenkati fl-Anness III.
Artikolu 12
Lista ta' pajjiżi terzi jew reġjuni tagħhom li minnhom hu awtorizzat id-dħul fl-Unjoni ta' bebbux, ippreparat skont is-Sezzjoni XI tal-Anness III tar-Regolament (KE) Nru 853/2004
Il-kunsinni ta' bebbux, ippreparat skont is-Sezzjoni XI tal-Anness III tar-Regolament (KE) Nru 853/2004 maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk jiġu minn pajjiżi terzi jew reġjuni tagħhom li huma elenkati fl-Anness III ta' dan ir-Regolament.
Artikolu 13
Lista ta' pajjiżi terzi jew reġjuni tagħhom li minnhom hu awtorizzat id-dħul fl-Unjoni ta' grass tal-annimali mdewweb u qrieqeċ
Il-kunsinni ta' grass tal-annimali mdewweb u qrieqeċ maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk jiġu minn pajjiżi terzi jew minn reġjuni tagħhom li minnhom hi awtorizzata l-importazzjoni fl-Unjoni ta' kunsinni ta' prodotti tal-laħam skont il-punt (b)(i) tal-Artikolu 3 tad-Deċiżjoni 2007/777/KE.
Artikolu 14
Lista ta' pajjiżi terzi jew reġjuni tagħhom li minnhom hu awtorizzat id-dħul fl-Unjoni ta' ġelatina u kollaġen
1. Il-kunsinni ta' ġelatina u kollaġen derivati minn annimali bovini, ovini, kaprini u porċini u ekwini maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk jiġu minn pajjiżi terzi jew minn reġjuni tagħhom li minnhom hi awtorizzata l-importazzjoni fl-Unjoni ta' kunsinni ta' laħam frisk tal-ungulati speċifiċi skont il-punt (a) tal-Artikolu 14 tar-Regolament (UE) Nru 206/2010, jew mill-Korea t'Isfel, mill-Malasja, mill-Pakistan jew mit-Tajwan.
2. Il-kunsinni ta' ġelatina u kollaġen derivati minn pollam maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk jiġu minn pajjiżi terzi jew reġjuni tagħhom elenkati fil-kolonna 1 tat-tabella fil-Parti 1 tal-Anness I tar-Regolament (KE) Nru 798/2008 li minnhom huma awtorizzati l-importazzjonijiet ta' laħam tal-pollam tal-ispeċijiet rispettivi kif speċifikat f'dik il-parti ta' dak l-Anness jew mit-Tajwan.
3. Il-kunsinni ta' ġelatina u kollaġen derivati minn prodotti tas-sajd maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk dawn jiġu minn pajjiżi terzi jew reġjuni tagħhom li huma elenkati fl-Anness II.
4. Il-kunsinni ta' ġelatina u kollaġen derivati minn leporidae u minn mammali selvaġġi tal-art minbarra ungulati maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk dawn jiġu minn pajjiżi terzi jew reġjuni tagħhom elenkati fil-kolonna 1 tat-tabella fil-Parti 1 tal-Anness I tar-Regolament (KE) Nru 119/2009.
Artikolu 15
Lista ta' pajjiżi terzi jew reġjuni tagħhom li minnhom hu awtorizzat id-dħul fl-Unjoni ta' materja prima għall-produzzjoni tal-ġelatina u tal-kollaġen
1. Il-kunsinni ta' materja prima għall-produzzjoni tal-ġelatina jew tal-kollaġen derivati minn annimali bovini, ovini, kaprini u porċini u ekwini maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk dawn jiġu minn pajjiżi terzi jew reġjuni tagħhom li minnhom hi awtorizzata l-importazzjoni ta' kunsinni ta' laħam frisk tal-ungulati speċifiċi fl-Unjoni skont il-punt (a) tal-Artikolu 14 tar-Regolament (UE) Nru 206/2010.
2. Il-kunsinni ta' materja prima għall-produzzjoni tal-ġelatina u tal-kollaġen derivati minn pollam maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk dawn jiġu minn pajjiżi terzi jew reġjuni tagħhom elenkati fil-Parti 1 tal-Anness I tar-Regolament (KE) Nru 798/2008 li minnhom huma awtorizzati l-importazzjonijiet ta' laħam tal-pollam tal-ispeċijiet rispettivi kif speċifikat f'dik il-parti ta' dak l-Anness.
3. Il-kunsinni ta' materja prima għall-produzzjoni tal-ġelatina u tal-kollaġen derivati minn prodotti tas-sajd maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk dawn jiġu minn pajjiżi terzi jew reġjuni tagħhom li huma elenkati fl-Anness II.
4. Il-kunsinni ta' materja prima għall-produzzjoni tal-ġelatina u tal-kollaġen derivati minn leporidae u minn mammali selvaġġi tal-art minbarra ungulati maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk dawn jiġu minn pajjiżi terzi jew reġjuni tagħhom elenkati fil-kolonna 1 tat-tabella fil-Parti 1 tal-Anness I tar-Regolament (KE) Nru 119/2009.
Artikolu 16
Lista ta' pajjiżi terzi jew reġjuni tagħhom li minnhom hu awtorizzat id-dħul fl-Unjoni ta' materja prima ttrattata għall-produzzjoni tal-ġelatina u tal-kollaġen
1. Il-kunsinni ta' materja prima ttrattata għall-produzzjoni tal-ġelatina u tal-kollaġen derivati minn annimali bovini, ovini, kaprini u porċini u ekwini maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk dawn jiġu mill-pajjiżi terzi elenkati fil-kolonna 1 tat-tabella fil-Parti 1 tal-Anness II tar-Regolament (UE) Nru 206/2010, jew mill-Korea t'Isfel, mill-Malasja, mill-Pakistan jew mit-Tajwan.
2. Il-kunsinni ta' materja prima ttrattata għall-produzzjoni tal-ġelatina u tal-kollaġen derivati minn pollam maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk dawn jiġu mill-pajjiżi terzi elenkati fil-kolonna 1 tat-tabella fil-Parti 1 tal-Anness I tar-Regolament (KE) Nru 798/2008 jew mit-Tajwan.
3. Il-kunsinni ta' materja prima trattata għall-produzzjoni tal-ġelatina u tal-kollaġen derivati minn prodotti tas-sajd maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk dawn jiġu minn pajjiżi terzi jew reġjuni tagħhom li huma elenkati fl-Anness II.
4. Il-kunsinni ta' materja prima trattata għall-produzzjoni tal-ġelatina u tal-kollaġen derivati minn leporidae u minn mammali selvaġġi tal-art minbarra ungulati maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk dawn jiġu minn pajjiżi terzi jew reġjuni tagħhom elenkati fil-kolonna 1 tat-tabella fil-Parti 1 tal-Anness I tar-Regolament (KE) Nru 119/2009.
5. Il-kunsinni ta' materja prima ttrattata għall-produzzjoni tal-ġelatina u kollaġni msemmija fil-punt 4(b)(iii) tal-Kapitolu I tat-Taqsima XIV tal-Anness III tar-Regolament (KE) Nru 853/2004, għandhom jiġu awtorizzati għad-dħul fl-Unjoni biss jekk dawn jiġu minn pajjiżi terzi jew reġjuni tagħhom li minnhom hu awtorizzat id-dħul ta' materja prima derivata minn dawk il-komoditajiet skont l-Artikolu 15 ta' dan ir-Regolament.
Artikolu 17
Lista ta' pajjiżi terzi li minnhom hu awtorizzat id-dħul fl-Unjoni ta' għasel u prodotti tal-apikultura oħra
Il-kunsinni ta' għasel u prodotti tal-apikultura oħra maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk jiġu mill-pajjiżi terzi elenkati fil-kolonna “Pajjiż” fl-Anness tad-Deċiżjoni tal-Kummissjoni 2011/163/UE (19) u mmarkati b'“X” fil-kolonna “Għasel” f'dak l-Anness.
Artikolu 18
Lista ta' pajjiżi terzi jew reġjuni tagħhom li minnhom hu awtorizzat id-dħul fl-Unjoni ta' ċerti prodotti raffinati ħafna
Il-kunsinni ta' sulfat tal-kondrojtina, aċidu jaluroniku, prodotti oħrajn tal-qarquċa idrolizzata, kitosan, glukosammina, tames, isinglass u aċidi amminiċi maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk jiġu mill-pajjiżi terzi jew mir-reġjuni tagħhom li ġejjin:
1. |
fil-każ tal-materja prima derivata mill-ungulati, il-pajjiżi terzi elenkati fil-kolonna 1 tat-tabella fil-Parti 1 tal-Anness II tar-Regolament (UE) Nru 206/2010, jew mill-Korea t'Isfel, mill-Malasja, mill-Pakistan jew mit-Tajwan; |
2. |
fil-każ tal-materja prima derivata mill-prodotti tas-sajd, il-pajjiżi terzi jew ir-reġjuni tagħhom kollha li huma elenkati fl-Anness II; |
3. |
fil-każ tal-materja prima derivata mill-pollam, il-pajjiżi terzi jew it-territorji elenkati fil-kolonna 1 tat-tabella fil-Parti 1 tal-Anness I tar-Regolament (KE) Nru 798/2008. |
Artikolu 19
Lista ta' pajjiżi terzi li minnhom hu awtorizzat id-dħul fl-Unjoni ta' laħam tar-rettili
Il-kunsinni ta' laħam tar-rettili maħsub għall-konsum mill-bniedem għandhom jiġu awtorizzati għad-dħul fl-Unjoni biss jekk jiġu mill-Iżvizzera (20), mill-Botswana, mill-Vjetnam, mill-Afrika t'Isfel jew miż-Żimbabwe.
Artikolu 20
Pajjiżi terzi jew reġjuni tagħhom li minnhom hu awtorizzat id-dħul fl-Unjoni tal-insetti
Il-kunsinni ta' insetti maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk tali ikel ikun joriġina u jiġi kunsinnat minn pajjiż terz jew reġjun tiegħu li minnu jkunu ġew awtorizzati l-insetti skont ir-Regolament (UE) 2015/2283 tal-Parlament Ewropew u tal-Kunsill u elenkat fir-Regolament ta' Implimentazzjoni tal-Kummissjoni (UE) 2017/2470 (21).
Artikolu 21
Lista ta' pajjiżi terzi jew reġjuni tagħhom li minnhom hu awtorizzat id-dħul fl-Unjoni ta' prodotti oħra ta' oriġini mill-annimali
Il-kunsinni ta' prodotti ta' oriġini mill-annimali minbarra dawk imsemmija fl-Artikoli 3 sa 20 maħsuba għall-konsum mill-bniedem għandhom jiġu awtorizzati għad-dħul fl-Unjoni biss jekk jiġu mill-pajjiżi terzi jew mir-reġjuni tagħhom li ġejjin:
1. |
jekk derivati mill-ungulati, il-pajjiżi terzi elenkati fil-kolonna 1 tat-tabella fil-Parti 1 tal-Anness II tar-Regolament (UE) Nru 206/2010, jew mill-Korea t'Isfel, mill-Malasja, mill-Pakistan jew mit-Tajwan; |
2. |
jekk derivati mill-pollam, il-pajjiżi terzi elenkati fil-kolonna 1 tat-tabella fil-Parti 1 tal-Anness I tar-Regolament (KE) Nru 798/2008 jew mit-Tajwan; |
3. |
jekk derivati mill-prodotti tas-sajd, il-pajjiżi terzi jew ir-reġjuni tagħhom elenkati fl-Anness II; |
4. |
jekk derivati minn leporidae u minn mammali salvaġġi tal-art minbarra ungulati, il-pajjiżi terzi jew ir-reġjuni tagħhom elenkati fil-kolonna 1 tat-tabella fil-Parti 1 tal-Anness I tar-Regolament (KE) Nru 119/2009; |
5. |
jekk derivati minn speċijiet differenti, il-pajjiżi terzi jew ir-reġjuni tagħhom elenkati fil-punti 1 sa 4 ta' dan l-Artikolu għal kull prodott li joriġina mill-annimali. |
Artikolu 22
Emendi fir-Regolament ta' Implimentazzjoni (UE) 2016/759
Ir-Regolament ta' Implimentazzjoni (UE) 2016/759 huwa emendat kif ġej:
1. |
L-Artikolu 1 jitħassar; |
2. |
L-Anness I jitħassar. |
Artikolu 23
Tħassir
Id-Deċiżjoni 2006/766/KE titħassar. Ir-referenzi għad-Deċiżjoni 2006/766/KE għandhom jinftiehmu bħala referenzi għal dan ir-Regolament u jinqraw skont it-tabella ta' korrelazzjoni stabbilita fl-Anness IV ta' dan ir-Regolament.
Artikolu 24
Dispożizzjonijiet tranżizzjonali
Sal-20 ta' April 2021, l-Istati Membri għandhom ikomplu jippermettu d-dħul fit-territorju tagħhom ta' kunsinni ta' budellat imsemmija fl-Artikolu 7 minn pajjiżi terzi jew reġjuni tagħhom li minnhom hi awtorizzata l-importazzjoni fl-Unjoni ta' tali kunsinni skont l-Artikolu 1 tad-Deċiżjoni 2003/779/KE.
Artikolu 25
Dħul fis-seħħ u applikazzjoni
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-14 ta' Diċembru 2019.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, il-5 ta' Marzu 2019.
Għall-Kummissjoni
Il-President
Jean-Claude JUNCKER
(2) Ir-Regolament Delegat tal-Kummissjoni (UE) 2019/625 tal-4 ta' Marzu 2019 li jissupplimenta r-Regolament (UE) 2017/625 tal-Parlament Ewropew u tal-Kunsill fir-rigward ta' rekwiżiti għad-dħul fl-Unjoni ta' kunsinni ta' ċerti annimali u oġġetti maħsuba għall-konsum mill-bniedem (ara l-paġna 18 ta' dan il-Ġurnal Uffiċjali).
(3) Ir-Regolament (KE) Nru 854/2004 tal-Parlament Ewropew u tal-Kunsill tad-29 ta' April 2004 li jippreskrivi regoli speċifiċi għall-organizzazzjoni ta' kontrolli uffiċjali fuq prodotti li joriġinaw mill-annimali maħsuba għall-konsum uman (ĠU L 139, 30.4.2004, p. 206).
(4) Id-Direttiva tal-Kunsill 2002/99/KE tas-16 ta' Diċembru 2002 li tistabbilixxi r-regoli sanitarji għall-annimali u li jiddeterminaw il-produzzjoni, l-ipproċessar, id-distribuzzjoni u l-introduzzjoni ta' prodotti li joriġinaw mill-annimali u li huma għall-konsum uman (ĠU L 18, 23.1.2003, p. 11).
(5) Ir-Regolament ta' Implimentazzjoni tal-Kummissjoni (UE) 2016/759 tat-28 ta' April 2016 li jfassal listi tal-pajjiżi terzi, il-partijiet ta' pajjiżi terzi u t-territorji li minnhom l-Istati Membri għandhom jawtorizzaw l-introduzzjoni fl-Unjoni ta' ċerti prodotti mill-annimali maħsuba għall-konsum uman, li jistabbilixxi ċertifikati, rekwiżiti u li jemenda r-Regolament (KE) Nru 2074/2005 u li jħassar id-Deċiżjoni 2003/812/KE (ĠU L 126, 14.5.2016, p. 13).
(6) Ir-Regolament tal-Kummissjoni (UE) Nru 206/2010 tat-12 ta' Marzu 2010 li jistabbilixxi listi ta' pajjiżi terzi, territorji jew partijiet minnhom awtorizzati għall-introduzzjoni fl-Unjoni Ewropea ta' annimali partikulari u laħam frisk u r-rekwiżiti relatati maċ-ċertifikazzjoni veterinarja (ĠU L 73, 20.3.2010, p. 1).
(7) Ir-Regolament tal-Kummissjoni (KE) Nru 119/2009 tad-9 ta' Frar 2009 li jistabbilixxi lista ta' pajjiżi terzi jew ta' partijiet minnhom, għall-importazzjoni fil-Komunità, jew għat-tranżitu minnha, ta' laħam ta' leporidae selvaġġi, ta' ċerti mammali tal-art selvaġġi u ta' fniek imrobbija fl-irziezet u r-rekwiżiti taċ-ċertifikazzjoni veterinarja (ĠU L 39, 10.2.2009, p. 12).
(8) Id-Deċiżjoni tal-Kummissjoni 2007/777/KE tad-29 ta' Novembru 2007 li tistipula l-kundizzjonijiet tas-saħħa tal-annimali u tas-saħħa pubblika kif ukoll il-mudelli taċ-ċertifikati għall-importazzjonijiet ta' ċerti prodotti tal-laħam u tal-istonku, il-bżieżaq tal-awrina u l-imsaren ittrattati għall-konsum mill-bniedem minn pajjiżi terzi u li tirrevoka d-Deċiżjoni 2005/432/KE (ĠU L 312, 30.11.2007, p. 49).
(9) Id-Deċiżjoni tal-Kummissjoni 2003/779/KE tal-31 ta' Ottubru 2003 li tniżżel il-kondizzjonijiet meħtieġa tas-saħħa tal-annimali u ċ-ċertifikat veterinarju għall-importazzjoni tal-imsaren tal-annimali mill-pajjiżi terzi (ĠU L 285, 1.11.2003, p. 38).
(10) Ir-Regolament tal-Kummissjoni (UE) Nru 605/2010 tat-2 ta' Lulju 2010 li jistipula l-kundizzjonijiet tas-saħħa tal-annimali u tas-saħħa pubblika kif ukoll iċ-ċertifikazzjoni veterinarja għall-introduzzjoni fl-Unjoni Ewropea ta' ħalib mhux ipproċessat, prodotti tal-ħalib, kolostru u prodotti li fihom il-kolostru maħsuba għall-konsum mill-bniedem (ĠU L 175, 10.7.2010, p. 1).
(11) Id-Deċiżjoni tal-Kummissjoni 2006/766/KE tas-6 ta' Novembru 2006 li tistabbilixxi l-listi ta' pajjiżi terzi u territorji li minnhom l-importazzjonijiet ta' molluski bivalvi, ekinodermi, tunikati, gastropodi tal-ibħra u prodotti tas-sajd huma permessi (ĠU L 320, 18.11.2006, p. 53).
(12) Ir-Regolament (UE) 2016/429 tal-Parlament Ewropew u tal-Kunsill tad-9 ta' Marzu 2016 dwar il-mard trasmissibbli tal-annimali u li jemenda u jħassar ċerti atti fil-qasam tas-saħħa tal-annimali (“Liġi dwar is-Saħħa tal-Annimali”) (ĠU L 84, 31.3.2016, p. 1).
(13) Id-Direttiva tal-Kunsill 96/23/KE tad-29 ta' April 1996 dwar miżuri għall-monitoraġġ ta' ċerti sustanzi u residwi tagħhom f'annimali ħajjin u prodotti tal-annimali u li tħassar id-Direttivi 85/358/KEE u 86/469/KEE u d-Deċiżjonijiet 89/187/KEE u 91/664/KEE (ĠU L 125, 23.5.1996, p. 10).
(14) Ir-Regolament (KE) Nru 853/2004 tal-Parlament Ewropew u tal-Kunsill tad-29 ta' April 2004 li jistabbilixxi ċerti regoli speċifiċi ta' iġjene għall-ikel li joriġina mill-annimali (ĠU L 139, 30.4.2004, p. 55).
(15) Ir-Regolament tal-Kummissjoni (UE) 2017/185 tat-2 ta' Frar 2017 li jistabbilixxi miżuri tranżizzjonali għall-applikazzjoni ta' ċerti dispożizzjonijiet tar-Regolamenti (KE) Nru 853/2004 u (KE) Nru 854/2004 tal-Parlament Ewropew u tal-Kunsill (ĠU L 29, 3.2.2017, p. 21).
(16) Ir-Regolament (UE) 2015/2283 tal-Parlament Ewropew u tal-Kunsill tal-25 ta' Novembru 2015 dwar ikel ġdid, li jemenda r-Regolament (UE) Nru 1169/2011 tal-Parlament Ewropew u tal-Kunsill u li jħassar ir-Regolament (KE) Nru 258/97 tal-Parlament Ewropew u tal-Kunsill u r-Regolament tal-Kummissjoni (KE) Nru 1852/2001 (ĠU L 327, 11.12.2015, p. 1).
(17) Ir-Regolament (UE) Nru 1308/2013 tal-Parlament Ewropew u tal-Kunsill tas-17 ta' Diċembru 2013 li jistabbilixxi organizzazzjoni komuni tas-swieq fi prodotti agrikoli u li jħassar ir-Regolamenti tal-Kunsill (KEE) Nru 922/72, (KEE) Nru 234/79, (KE) Nru 1037/2001 u (KE) Nru 1234/2007 (ĠU L 347, 20.12.2013, p. 671).
(18) Ir-Regolament tal-Kummissjoni (KE) Nru 798/2008 tat-8 ta' Awwissu 2008 li jistabbilixxi lista ta' pajjiżi terzi, territorji, żoni jew kumpartimenti li minnhom jistgħu jiġu impurtati u jsir tranżitu ta' tjur u prodotti tat-tjur fil-Komunità u r-rekwiżiti ta' ċertifikazzjoni veterinarja (ĠU L 226, 23.8.2008, p. 1)
(19) Id-Deċiżjoni tal-Kummissjoni 2011/163/UE tas-16 ta' Marzu 2011 dwar l-approvazzjoni tal-pjanijiet sottomessi mill-pajjiżi terzi skont l-Artikolu 29 tad-Direttiva tal-Kunsill 96/23/KE (ĠU L 70, 17.3.2011, p. 40).
(20) B'konformità mal-Ftehim tal-21 ta' Ġunju 1999 bejn il-Komunità Ewropea u l-Konfederazzjoni Żvizzera dwar kummerċ fi prodotti agrikoli (ĠU L 114, 30.4.2002, p. 132).
(21) Ir-Regolament ta' Implimentazzjoni tal-Kummissjoni (UE) 2017/2470 tal-20 ta' Diċembru 2017 li jistabbilixxi l-lista tal-Unjoni tal-ikel ġdid skont ir-Regolament (UE) 2015/2283 tal-Parlament Ewropew u tal-Kunsill dwar ikel ġdid (ĠU L 351, 30.12.2017, p. 72).
ANNESS I
LISTA TA' PAJJIŻI TERZI JEW REĠJUNI TAGĦHOM LI MINNHOM HUWA PERMESS ID-DĦUL FL-UNJONI TA' MOLLUSKI BIVALVI, EKINODERMI, TUNIKATI U GASTEROPODI TAL-BAĦAR ĦAJJIN, IMKESSĦA, IFFRIŻATI JEW IPPROĊESSATI GĦALL-KONSUM MILL-BNIEDEM (1)
KODIĊI ISO TAL-PAJJIŻ |
PAJJIŻ TERZ JEW REĠJUNI TIEGĦU |
RIMARKI |
AU |
L-Awstralja |
|
CA |
Il-Kanada |
|
CH |
L-Iżvizzera (2) |
|
CL |
Iċ-Ċilì |
|
GL |
Greenland |
|
JM |
Il-Ġamajka |
Il-gasteropodi tal-baħar biss |
JP |
Il-Ġappun |
Il-molluski bivalvi, l-ekinodermi, it-tunikati u l-gasteropodi tal-baħar iffriżati u pproċessati biss |
KR |
Il-Korea t'Isfel |
Il-molluski bivalvi, l-ekinodermi, it-tunikati u l-gasteropodi tal-baħar iffriżati u pproċessati biss |
MA |
Il-Marokk |
Il-molluski bivalvi pproċessati li jagħmlu parti mill-ispeċi Acanthocardia tuberculatum iridu jiġu akkumpanjati minn: (a) attestazzjoni tas-saħħa addizzjonali skont il-mudell stabbilit fil-Parti B tal-Appendiċi V tal-Anness VI tar-Regolament tal-Kummissjoni (KE) Nru 2074/2005 (ĠU L 338, 22.12.2005, p. 27); u (b) ir-riżultati analitiċi tat-test li juri li l-molluski ma fihomx livell ta' tossina paralizzanti tal-muskoli (PSP) li jista' jiġi identifikat permezz tal-metodu bijoassaġġ. |
NZ |
New Zealand |
|
PE |
Il-Perù |
Il-Pectinidae (arzelli) evixxerati li joriġinaw mill-akkwakultura biss |
TH |
It-Tajlandja |
Il-molluski bivalvi, l-ekinodermi, it-tunikati u l-gasteropodi tal-baħar iffriżati u pproċessati biss |
TN |
It-Tuneżija |
|
TR |
It-Turkija |
|
US |
L-Istati Uniti tal-Amerka |
L-awtoritjiet tal-Istat ta' Washington u Massachusetts |
UY |
L-Urugwaj |
|
VN |
Il-Vjetnam |
Il-molluski bivalvi, l-ekinodermi, it-tunikati u l-gasteropodi tal-baħar iffriżati u pproċessati biss |
(1) Inklużi dawk koperti mid-definizzjoni ta' prodotti tas-sajd fil-punt 3.1, tal-Anness I tar-Regolament (KE) Nru 853/2004 tal-Parlament Ewropew u tal-Kunsill (ĠU L 139, 30.4.2004, p. 55).
(2) B'konformità mal-Ftehim tal-21 ta' Ġunju 1999 bejn il-Komunità Ewropea u l-Konfederazzjoni Żvizzera dwar kummerċ fi prodotti agrikoli (ĠU L 114, 30.4.2002, p. 132).
ANNESS II
IL-LISTA TA' PAJJIŻI TERZI JEW REĠJUNI TAGĦHOM LI MINNHOM HUWA PERMESS ID-DĦUL FL-UNJONI TA' PRODOTTI TAS-SAJD, ĦLIEF DAWK KOPERTI MILL-ANNESS I
KODIĊI ISO TAL-PAJJIŻ |
PAJJIŻ TERZ JEW REĠJUNI TIEGĦU |
RESTRIZZJONIJIET |
AE |
L-Emirati Għarab Magħquda |
|
AG |
Antigua u Barbuda |
L-awwisti ħajjin biss |
AL |
L-Albanija |
|
AM |
L-Armenja |
Iċ-ċkal selvaġġ ħaj, iċ-ċkal mhux imrobbi li huwa pproċessat bis-sħana u ċ-ċkal mhux imrobbi li jkun iffriżat biss |
AO |
L-Angola |
|
AR |
L-Arġentina |
|
AU |
L-Awstralja |
|
AZ |
L-Ażerbajġan |
Il-kavjar biss |
BA |
Il-Bożnija-Ħerzegovina |
|
BD |
Il-Bangladesh |
|
BJ |
Il-Benin |
|
BN |
Il-Brunei |
Prodotti tal-akkwakultura biss |
BR |
Il-Brażil |
|
BQ |
Bonaire, Sint Eustatius, Saba |
|
BS |
Il-Bahamas |
|
BY |
Il-Belarussja |
|
BZ |
Il-Belize |
|
CA |
Il-Kanada |
|
CG |
Il-Kongo |
Il-prodotti tas-sajd biss li jkunu maqbuda, imnaddfa u msewwija (fejn xieraq), iffriżati u ppakkjati fl-imballaġġ finali tagħhom fil-baħar |
CH |
L-Iżvizzera (1) |
|
CI |
Il-Kosta tal-Avorju |
|
CL |
Iċ-Ċilì |
|
CN |
Iċ-Ċina |
|
CO |
Il-Kolombja |
|
CR |
Il-Costa Rica |
|
CU |
Kuba |
|
CV |
Cape Verde |
|
CW |
Curaçao |
|
DZ |
L-Alġerija |
|
EC |
L-Ekwador |
|
EG |
L-Eġittu |
|
ER |
L-Eritrea |
|
FJ |
Fiġi |
|
FK |
Il-Gżejjer Falkland |
|
GA |
Il-Gabon |
|
GD |
Grenada |
|
GE |
Il-Georgia |
|
GH |
Il-Ghana |
|
GL |
Greenland |
|
GM |
Il-Gambja |
|
GN |
Il-Guinea |
Il-ħut biss li ma jkun għadda mill-ebda operazzjoni ta' tħejjija jew ipproċessar ħlief il-qtugħ tar-ras, it-tiswija, it-tkessiħ jew l-iffriżar. Il-frekwenza mnaqqsa ta' kontrolli fiżiċi, previsti mid-Deċiżjoni tal-Kummissjoni 94/360/KE (ĠU L 158, 25.6.1994, p. 41), ma għandhiex tiġi applikata. |
GT |
Il-Gwatemala |
|
GY |
Il-Guyana |
|
HK |
Hong Kong |
|
HN |
Il-Honduras |
|
ID |
L-Indoneżja |
|
IL |
Iżrael |
|
IN |
L-Indja |
|
IR |
L-Iran |
|
JM |
Il-Ġamajka |
|
JP |
Il-Ġappun |
|
KE |
Il-Kenja |
|
KI |
Ir-Repubblika ta' Kiribati |
|
KR |
Il-Korea t'Isfel |
|
KZ |
Il-Każakistan |
|
LK |
Is-Sri Lanka |
|
MA |
Il-Marokk |
|
MD |
Ir-Repubblika tal-Moldova |
Il-kavjar biss |
ME |
Il-Montenegro |
|
MG |
Madagascar |
|
MK |
Il-Maċedonja ta’ Fuq |
|
MM |
Il-Myanmar |
|
MR |
Il-Mauritania |
|
MU |
Mauritius |
|
MV |
Il-Maldivi |
|
MX |
Il-Messiku |
|
MY |
Il-Malasja |
|
MZ |
Il-Mozambique |
|
NA |
In-Namibja |
|
NC |
New Caledonia |
|
NG |
In-Niġerja |
|
NI |
In-Nikaragwa |
|
NZ |
New Zealand |
|
OM |
L-Oman |
|
PA |
Il-Panama |
|
PE |
Il-Perù |
|
PF |
Il-Polineżja Franċiża |
|
PG |
Papua New Guinea |
|
PH |
Il-Filippini |
|
PM |
Saint Pierre u Miquelon |
|
PK |
Il-Pakistan |
|
RS |
Is-Serbja Ma tinkludix il-Kosovo kif definit mir-Riżoluzzjoni tal-Kunsill tas-Sigurtà tan-Nazzjonijiet Uniti 1244 tal-10 ta' Ġunju 1999 |
|
RU |
Ir-Russja |
|
SA |
L-Arabja Sawdija |
|
SB |
Il-Gżejjer Solomon |
|
SC |
Is-Seychelles |
|
SG |
Singapore |
|
SH |
Saint Helena Ma tinkludix il-gżejjer ta' Tristan da Cunha u Ascension |
|
Tristan da Cunha Ma tinkludix il-gżejjer ta' Saint Helena u Ascension |
Awwisti (friski jew iffriżati) biss |
|
SN |
Is-Senegal |
|
SR |
Is-Suriname |
|
SV |
El Salvador |
|
SX |
Sint Maarten |
|
TG |
It-Togo |
|
TH |
It-Tajlandja |
|
TN |
It-Tuneżija |
|
TR |
It-Turkija |
|
TW |
It-Tajwan |
|
TZ |
It-Tanzanija |
|
UA |
L-Ukrajna |
|
UG |
L-Uganda |
|
US |
L-Istati Uniti tal-Amerka |
|
UY |
L-Urugwaj |
|
VE |
Il-Venezwela |
|
VN |
Il-Vjetnam |
|
YE |
Il-Jemen |
|
ZA |
L-Afrika t'Isfel |
|
ZW |
Iż-Żimbabwe |
|
(1) B'konformità mal-Ftehim tal-21 ta' Ġunju 1999 bejn il-Komunità Ewropea u l-Konfederazzjoni Żvizzera dwar kummerċ fi prodotti agrikoli (ĠU L 114, 30.4.2002, p. 132).
ANNESS III
LISTA TA' PAJJIŻI TERZI JEW REĠJUNI TAGĦHOM LI MINNHOM HUWA PERMESS ID-DĦUL FL-UNJONI TA' KOXOX TAŻ-ŻRINĠIJIET U BEBBUX, IPPREPARATI SKONT IS-SEZZJONI XI TAL-ANNESS III TAR-REGOLAMENT (KE) NRU 853/2004 MAĦSUBA GĦALL-KONSUM MILL-BNIEDEM
KODIĊI ISO TAL-PAJJIŻ |
PAJJIŻ TERZ JEW REĠJUNI TIEGĦU |
RESTRIZZJONIJIET |
AE |
L-Emirati Għarab Magħquda |
|
AL |
L-Albanija |
|
AO |
L-Angola |
|
AR |
L-Arġentina |
|
AU |
L-Awstralja |
|
AZ |
L-Ażerbajġan |
|
BA |
Il-Bożnija-Ħerzegovina |
|
BD |
Il-Bangladesh |
|
BJ |
Il-Benin |
|
BR |
Il-Brażil |
|
BQ |
Bonaire, Sint Eustatius, Saba |
|
BS |
Il-Bahamas |
|
BY |
Il-Belarussja |
|
BZ |
Il-Belize |
|
CA |
Il-Kanada |
|
CH |
L-Iżvizzera (1) |
|
CI |
Il-Kosta tal-Avorju |
|
CL |
Iċ-Ċilì |
|
CN |
Iċ-Ċina |
|
CO |
Il-Kolombja |
|
CR |
Il-Costa Rica |
|
CU |
Kuba |
|
CV |
Cape Verde |
|
CW |
Curaçao |
|
DZ |
L-Alġerija |
|
EC |
L-Ekwador |
|
EG |
L-Eġittu |
|
ER |
L-Eritrea |
|
FJ |
Fiġi |
|
FK |
Il-Gżejjer Falkland |
|
GA |
Il-Gabon |
|
GD |
Grenada |
|
GE |
Il-Georgia |
|
GH |
Il-Ghana |
|
GL |
Greenland |
|
GM |
Il-Gambja |
|
GT |
Il-Gwatemala |
|
GY |
Il-Guyana |
|
HK |
Hong Kong |
|
HN |
Il-Honduras |
|
ID |
L-Indoneżja |
|
IL |
Iżrael |
|
IN |
L-Indja |
|
IR |
L-Iran |
|
JM |
Il-Ġamajka |
|
JP |
Il-Ġappun |
|
KE |
Il-Kenja |
|
KI |
Ir-Repubblika ta' Kiribati |
|
KR |
Il-Korea t'Isfel |
|
KZ |
Il-Każakistan |
|
LK |
Is-Sri Lanka |
|
MA |
Il-Marokk |
|
MD |
Ir-Repubblika tal-Moldova |
Bebbux biss |
ME |
Il-Montenegro |
|
MG |
Madagascar |
|
MK |
Il-Maċedonja ta’ Fuq |
|
MM |
Il-Myanmar |
|
MR |
Il-Mauritania |
|
MU |
Mauritius |
|
MV |
Il-Maldivi |
|
MX |
Il-Messiku |
|
MY |
Il-Malasja |
|
MZ |
Il-Mozambique |
|
NA |
In-Namibja |
|
NC |
New Caledonia |
|
NG |
In-Niġerja |
|
NI |
In-Nikaragwa |
|
NZ |
New Zealand |
|
OM |
L-Oman |
|
PA |
Il-Panama |
|
PE |
Il-Perù |
|
PF |
Il-Polineżja Franċiża |
|
PG |
Papua New Guinea |
|
PH |
Il-Filippini |
|
PM |
Saint Pierre u Miquelon |
|
PK |
Il-Pakistan |
|
RS |
Is-Serbja Ma tinkludix il-Kosovo kif definit mir-Riżoluzzjoni tal-Kunsill tas-Sigurtà tan-Nazzjonijiet Uniti 1244 tal-10 ta' Ġunju 1999 |
|
RU |
Ir-Russja |
|
SA |
L-Arabja Sawdija |
|
SB |
Il-Gżejjer Solomon |
|
SC |
Is-Seychelles |
|
SG |
Singapore |
|
SH |
Saint Helena Ma tinkludix il-gżejjer ta' Tristan da Cunha u Ascension |
|
SN |
Is-Senegal |
|
SR |
Is-Suriname |
|
SV |
El Salvador |
|
SX |
Sint Maarten |
|
SY |
Is-Sirja |
Bebbux biss |
TG |
It-Togo |
|
TH |
It-Tajlandja |
|
TN |
It-Tuneżija |
|
TR |
It-Turkija |
|
TW |
It-Tajwan |
|
TZ |
It-Tanzanija |
|
UA |
L-Ukrajna |
|
UG |
L-Uganda |
|
US |
L-Istati Uniti tal-Amerka |
|
UY |
L-Urugwaj |
|
VE |
Il-Venezwela |
|
VN |
Il-Vjetnam |
|
YE |
Il-Jemen |
|
ZA |
L-Afrika t'Isfel |
|
ZW |
Iż-Żimbabwe |
|
(1) B'konformità mal-Ftehim tal-21 ta' Ġunju 1999 bejn il-Komunità Ewropea u l-Konfederazzjoni Żvizzera dwar kummerċ fi prodotti agrikoli (ĠU L 114, 30.4.2002, p. 132).
ANNESS IV
IT-TABELLA TA' KORRELAZZJONI MSEMMIJA FL-ARTIKOLU 23
Id-Deċiżjoni 2006/766/KE |
Dan ir-Regolament |
Artikolu 1 |
Artikolu 8 |
Artikolu 2 |
Artikolu 9 |
Artikolu 3 |
— |
Artikolu 4 |
— |
Anness I |
Anness I |
Anness II |
Anness II |