|
18.6.2019 |
MT |
Il-Ġurnal Uffiċjali tal-Unjoni Ewropea |
L 160/14 |
DIRETTIVA TA' IMPLIMENTAZZJONI TAL-KUMMISSJONI (UE) 2019/990
tas-17 ta' Ġunju 2019
li temenda l-lista tal-ġeneri u tal-ispeċijiet fl-Artikolu 2(1)(b) tad-Direttiva tal-Kunsill 2002/55/KE, fl-Anness II tad-Direttiva tal-Kunsill 2008/72/KE u fl-Anness tad-Direttiva tal-Kummissjoni 93/61/KEE
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 2002/55/KE tat-13 ta' Ġunju 2002 dwar il-marketing ta' żrieragħ tal-ħxejjex (1), u b'mod partikolari l-Artikolu 2(2) tagħha,
Wara li kkunsidrat id-Direttiva tal-Kunsill 2008/72/KE tal-15 ta' Lulju 2008 dwar it-tqegħid fis-suq ta' ħxejjex ta' propagazzjoni u materjal taż-żrigħ, barra ż-żerriegħa (2), u b'mod partikolari l-Artikoli 1(3) u 22 tagħha,
Wara li kkunsidrat id-Direttiva tal-Kummissjoni 93/61/KEE tat-2 ta' Lulju 1993 li tistabilixxi l-pjani li jindikaw il-kondizzjonijiet li jridu jiġu mħarsa mill-materjal propagattiv ta' ħaxix u pjanti, barra miż-żerriegħa skont id-Direttiva tal-Kunsill 92/33/KEE (3), u b'mod partikolari l-Artikolu 1 tagħha,
Billi:
|
(1) |
Id-Direttivi 2002/55/KE u 2008/72/KE jipprevedu għall-ispeċijiet koperti minnhom permezz ta' tabella b'żewġ kolonni, b'kolonna waħda li telenka l-isem xjentifiku tal-ispeċi u l-oħra li telenka isem komuni wieħed jew aktar għal kull speċi. |
|
(2) |
Ċerti varjetajiet ta' speċijiet ta' ħxejjex jappartjenu għall-ispeċijiet imniżżla taħt l-ismijiet xjentifiċi tagħhom, iżda mhux għat-tipi ta' varjetajiet deskritti bl-ismijiet komuni. Għalhekk, jenħtieġ li jiġi speċifikat jekk varjetà tkunx koperta mill-kamp ta' applikazzjoni tad-Direttivi 2002/55/KE u 2008/72/KE. |
|
(3) |
Din l-ispeċifikazzjoni jenħtieġ li tqis il-fatt li, filwaqt li wħud mill-varjetajiet ta' ċerti speċijiet ta' ħxejjex diversi jitqiegħdu fis-suq b'mod wiesa' fl-Unjoni, varjetajiet oħrajn għandhom swieq nazzjonali jew reġjonali limitati. Għaldaqstant, ma jkunx xieraq li jiġu koperti l-varjetajiet kollha ta' dawk l-ispeċijiet ta' ħxejjex. Għalhekk, jenħtieġ li jiġi speċifikat li għal ċerti speċijiet iridu jiġu koperti l-varjetajiet kollha, filwaqt li għal ċerti speċijiet oħrajn jenħtieġ li jiġu koperti biss ċerti varjetajiet. |
|
(4) |
L-International Code of Nomenclature for Cultivated Plants (ICNCP) introduċa l-kategorija formali ta' “Grupp” għall-klassifikazzjoni tal-varjetajiet tal-ispeċijiet ikkultivati. Il-kategorija ta' “Grupp” hija strument adattat biex jiġu ddefiniti l-varjetajiet li jappartjenu għal ċerti speċijiet, li jaqgħu fil-kamp ta' applikazzjoni tad-Direttivi 2002/55/KE u 2008/72/KE. |
|
(5) |
Bl-għan li jiġi speċifikat jekk humiex koperti l-varjetajiet kollha ta' speċi ta' ħaxix partikolari jew ċertu Gruppi minnha biss, jenħtieġ li t-tabelli tal-ispeċijiet previsti fid-Direttivi 2002/55/KE u 2008/72/KE jiġu emendati. Jenħtieġ li l-ismijiet botaniċi rispettivi tal-ispeċijiet tal-ħxejjex u l-ismijiet tal-Gruppi li jappartjenu għalihom jiġu ppreżentati f'ordni ġerarkika sabiex tiġi eliminata kwalunkwe ambigwità possibbli fir-rigward tal-ambitu tal-varjetajiet tal-ispeċijiet ikkonċernati. |
|
(6) |
L-użu tal-ibridizzazzjoni interspeċifika u tal-ibridizzazzjoni intraspeċifika tal-varjetajiet tista' tirriżulta f'varjetajiet ta' speċijiet ta' ħxejjex li ma jkunu inklużi fl-ebda speċi jew Grupp stabbilit. Sabiex tipi ta' varjetajiet bħal dawn jiġu inklużi fil-kamp ta' applikazzjoni tad-Direttiva 2002/55/KE, il-lista tal-ispeċijiet jenħtieġ li tinkludi l-ibridi bejn l-ispeċijiet u l-Gruppi indikati fil-lista fil-punt (b) tal-Artikolu 2.1 ta' dik id-Direttiva. |
|
(7) |
Il-Gruppi indikati fil-lista fil-punt (b) tal-Artikolu 2.1 tad-Direttiva 2002/55/KE jenħtieġ li jiġu riflessi wkoll, fejn xieraq, fil-listi tal-Anness II, punt 3(a), u fl-Anness III, punt 2 ta' dik id-Direttiva. |
|
(8) |
Għalhekk, jenħtieġ li d-Direttivi 2002/55/KE, 2008/72/KE u 93/61/KEE jiġu emendati skont dan. |
|
(9) |
Barra minn hekk, id-Direttiva 93/61/KEE timplimenta l-Artikolu 4 tad-Direttiva tal-Kunsill 92/33/KE (4), li tħassar u ġie sostitwit bl-Artikolu 4 tad-Direttiva 2008/72/KE. L-Anness tad-Direttiva 93/61/KEE jistabbilixxi skeda li tindika l-kundizzjonijiet li jridu jiġu sodisfatti mill-materjal tal-propagazzjoni tal-ħxejjex u telenka dawk l-ispeċijiet u l-organiżmi ta' ħsara li jistgħu jaffettwaw il-kwalità tagħhom. |
|
(10) |
L-ismijiet botaniċi ta' ċerti speċijiet fid-Direttiva 93/61/KEE jenħtieġ li jiġu aġġornati f'konformità mal-iżvilupp tal-għarfien xjentifiku, bħala parti mill-aġġornament tal-iskeda rispettiva. |
|
(11) |
Il-miżuri previsti f'din id-Direttiva huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DIRETTIVA:
Artikolu 1
Emendi għad-Direttiva 2002/55/KE
Id-Direttiva 2002/55/KE hija emendata f'konformità mal-parti A tal-Anness ta' din id-Direttiva.
Artikolu 2
Emendi għad-Direttiva 2008/72/KE
L-Anness II tad-Direttiva 2008/72/KE huwa sostitwit bit-test fil-parti B tal-Anness ta' din id-Direttiva.
Artikolu 3
Emendi għad-Direttiva 93/61/KEE
L-Anness għad-Direttiva 93/61/KEE huwa emendat f'konformità mal-Parti C tal-Anness għal din id-Direttiva.
Artikolu 4
Traspożizzjoni
L-Istati Membri għandhom jadottaw u jippubblikaw, sa mhux iktar tard mit-30 ta' Ġunju 2020, il-liġijiet, ir-regolamenti u d-dispożizzjonijiet amministrattivi meħtieġa biex jikkonformaw ma' din id-Direttiva. Huma għandhom jinfurmaw minnufih lill-Kummissjoni dwar dan.
Huma għandhom japplikaw dawn id-dispożizzjonijiet mill-1 ta' Lulju 2020.
Meta l-Istati Membri jadottaw dawk id-dispożizzjonijiet, dawn għandhom jirreferu għal din id-Direttiva jew ikunu akkumpanjati mit-tali referenza waqt il-pubblikazzjoni uffiċjali tagħhom. L-Istati Membri għandhom jiddeċiedu kif għandha ssir it-tali referenza.
Artikolu 5
Dħul fis-seħħ
Din id-Direttiva għandha tidħol fis-seħħ fl-għoxrin jum wara l-pubblikazzjoni tagħha f'Il-Ġurnal Uffiċjali tal-Unjoni Ewropea.
Artikolu 6
Destinatarji
Din id-Direttiva hija indirizzata lill-Istati Membri.
Magħmul fi Brussell, is-17 ta' Ġunju 2019.
Għall-Kummissjoni
Il-President
Jean-Claude JUNCKER
(1) ĠU L 193, 20.7.2002, p. 33.
(2) ĠU L 205, 1.8.2008, p. 28.
(3) ĠU L 250, 7.10.1993, p. 19.
(4) Id-Direttiva tal-Kunsill 92/33/KEE tat-28 ta' April 1992 dwar il-marketing ta' ħxejjex ta' propagazzjoni u materjal taż-żrigħ, barra ż-żerriegħa (ĠU L 157, 10.6.1992, p. 1).
ANNESS
PARTI A
Id-Direttiva 2002/55/KE hija emendata kif ġej:
|
(1) |
il-punt (b) tal-Artikolu 2(1) huwa sostitwit b'dan li ġej:
L-ibridi kollha tal-ispeċijiet u l-Gruppi huma elenkati hawn fuq.” |
|
(2) |
fl-ewwel kolonna tat-tabella fil-punt 3(a) tal-Anness II, l-entrati bejn “Asparagus officinalis” u “Cichorium endivia” huma sostitwiti b'dan li ġej:
|
|
(3) |
fl-ewwel kolonna tat-tabella fil-punt 2 tal-Anness III, l-entrati bejn “Capsicum annuum” u “Cichorium endivia” huma sostitwiti b'dan li ġej:
|
PARTI B
“ANNESS II
Elenku tal-ġeneru u l-ispeċi msemmi fl-Artikolu 1(2)
|
Allium cepa L.
|
|
Allium fistulosum L. (Basal tal-għenieqed - Japanese bunching onion jew Welsh onion)
|
|
Allium porrum L. (Kurrat)
|
|
Allium sativum L. (Tewm)
|
|
Allium schoenoprasum L. (Kurrat salvaġġ)
|
|
Anthriscus cerefolium (L.) Hoffm. (Maxxita)
|
|
Apium graveolens L.
|
|
Asparagus officinalis L. (Asparagu Sfraġ)
|
|
Beta vulgaris L.
|
|
Brassica oleracea L.
|
|
Brassica rapa L.
|
|
Capsicum annuum L. (Bżar aħmar jew Bżar ieħor)
|
|
Cichorium endivia L. (Indivja)
|
|
Cichorium intybus L.
|
|
Citrullus lanatus (Thunb.) Matsum. et Nakai (Dulliegħ)
|
|
Cucumis melo L. (Bettieħ)
|
|
Cucumis sativus L.
|
|
Cucurbita maxima Duchesne (Qargħa aħmar)
|
|
Cucurbita pepo L. (Qargħa bagħli, inkluż il-qargħa aħmar u l-qargħa arzella matur, jew Zukkini, inkluż il-qargħa arzella immatur)
|
|
Cynara cardunculus L.
|
|
Daucus carota L. (Karrotti u Karrotti għall-għalf)
|
|
Foeniculum vulgare Mill. (Bużbież)
|
|
Lactuca sativa L. (Ħass)
|
|
Solanum lycopersicum L. (Tadam)
|
|
Petroselinum crispum (Mill.) Nyman ex A. W. Hill
|
|
Phaseolus coccineus L. (Fażola ta' Spanja)
|
|
Phaseolus vulgaris L.
|
|
Pisum sativum L.
|
|
Raphanus sativus L.
|
|
Rheum rhabarbarum L. (Rabarbru)
|
|
Scorzonera hispanica L. (Scorzonera jew salsafja sewda)
|
|
Solanum melongena L. (Brunġiel)
|
|
Spinacia oleracea L. (Spinaċi)
|
|
Valerianella locusta (L.) Laterr. (Insalata tal-qamħ jew Ħass tal-ħaruf)
|
|
Vicia faba L. (Ful)
|
|
Zea mays L.
|
PARTI C
Fl-Anness tad-Direttiva 93/61/KEE, il-kolonna “Genus jew speċi” hija emendata kif ġej:
|
(a) |
il-kliem “Allium ascalonicum” huma sostitwiti bil-kliem “Allium cepa – Grupp Aggregatum”; |
|
(b) |
il-kliem “Allium cepa” huma sostitwiti bil-kliem “Allium cepa – Grupp Cepa”; |
|
(c) |
il-kliem “Brassica pekinensis” huma sostitwiti bil-kliem “Brassica rapa – Grupp tal-Kaboċċi Ċiniżi”; |
|
(d) |
il-kliem “Lycopersicon lycopersicum” huma sostitwiti bil-kliem “Solanum lycopersicum”. |