1.   Dan ir-Regolament għandu japplika għal konsenji tal-ikel li mhux ġej mill-annimali, li huwa elenkat fl-Anness I.

Dan ir-Regolament għandu japplika wkoll għall-ikel kompost, li fih kull ikel elenkat fl-Anness I fi kwantità ta' aktar minn 20 %.

2.   Dan ir-Regolament ma għandux japplika għal konsenji ta' ikel li huma destinati għal persuna privata għall-konsum u l-użu personali biss. F'każ ta' dubju, l-oneru tal-provi huwa fuq min jirċievi l-konsenja.

1.   Kull konsenja ta' ikel li hemm referenza għaliha fl-Artikolu 1(1) għandha tiġi akkumpanjata mir-riżultati tal-kampjunar u mill-analiżi li jagħmlu l-awtoritajiet kompetenti tal-pajjiż tal-oriġini kif hemm referenza għaliha fl-Anness I jew tal-pajjiż terz fejn il-konsenja tiġi kkonsenjata minnu jekk dan il-pajjiż ikun differenti mill-pajjiż tal-oriġini, biex tiġi żgurata l-konformità mal-leġiżlazzjoni tal-Unjoni dwar il-livelli massimi ta' residwi ta' pestiċidi.

2.   Il-kampjunar li hemm referenza għalih fil-paragrafu 1 għandu jsir skont id-Direttiva 2002/63/KE.

3.   L-analiżi li hemm referenza għaliha fil-paragrafu 1 għandha ssir minn laboratorji akkreditati skont l-istandard ISO/IEC 17025 dwar “Rekwiżiti ġenerali għall-kompetenza ta' laboratorji ta' ttestjar u kalibrazzjoni”.

1.   Kull konsenja tal-ikel li hemm referenza għaliha fl-Artikolu 1(1) għandha tiġi akkumpanjata mill-verżjoni oriġinali ta' ċertifikat tas-saħħa, skont il-mudell stabbilit fl-Anness II.

2.   Iċ-ċertifikat tas-saħħa għandu jimtela, jiġi ffirmat u jiġi vverifikat minn rappreżentant awtorizzat tal-awtorità kompetenti tal-pajjiż tal-oriġini jew tal-pajjiż mnejn tintbagħat il-konsenja jekk dan il-pajjiż ikun differenti mill-pajjiż tal-oriġini.

3.   Iċ-ċertifikat tas-saħħa għandu jinkiteb bil-lingwa uffiċjali, jew b'waħda mil-lingwi uffiċjali, tal-Istat Membru fejn jinsab il-punt tad-dħul magħżul. Madankollu, Stat Membru jista' jaċċetta li ċ-ċertifikati tas-saħħa jinkitbu b'lingwa uffiċjali oħra tal-Unjoni.

4.   Iċ-ċertifikat tas-saħħa għandu jinħareġ qabel il-konsenja relatata miegħu ma tibqax taħt il-kontroll tal-awtorità kompetenti li toħroġ iċ-ċertifikat.

5.   Iċ-ċertifikat tas-saħħa għandu jkun validu biss għal erba' xhur mid-data tal-ħruġ.

6.   Iċ-ċertifikat tas-saħħa oriġinali għandu jiġi ppreżentat lil, u jinżamm minn, l-awtoritajiet kompetenti tal-punt tad-dħul magħżul.

1.   L-operaturi tan-negozju tal-ikel jew ir-rappreżentanti tagħhom għandhom javżaw minn qabel bid-data u l-ħin stmati tal-wasla fiżika tal-konsenji tal-ikel li hemm referenza għalihom fl-Artikolu 1(1) lill-awtoritajiet kompetenti fil-punt tad-dħul magħżula u dwar in-natura tal-konsenja.

2.   Għall-għanijet ta' notifika minn qabel, l-operaturi tan-negozju tal-ikel jew ir-rappreżentanti tagħhom għandhom jimlew il-Parti I tad-dokument komuni tad-dħul (CED) u jibagħtu dan id-dokument lill-awtoritajiet kompetenti tal-post tad-dħul magħżul, tal-inqas ġurnata tax-xogħol waħda qabel il-wasla fiżika tal-konsenja.

3.   Biex jimlew is-CED skont dan ir-Regolament, l-operaturi tan-negozju tal-ikel jew ir-rappreżentanti tagħhom għandhom jikkunsidraw in-noti għal gwida għas-CED stabbiliti fl-Anness II tar-Regolament (KE) Nru 669/2009.

1.   L-awtoritajiet kompetenti fil-punt tad-dħul magħżul għandhom iwettqu kontrolli tad-dokumenti ta' kull konsenja ta' ikel li hemm referenza għaliha fl-Artikolu 1(1) biex jaċċertaw il-konformità mar-rekwiżiti stipulati fl-Artikoli 4 u 5.

2.   L-Istati Membri għandhom iwettqu kontrolli tal-identità u fiżiċi fuq il-konsenji, inkluż kampjunar u analiżi, skont l-Artikoli 8(1), 9 u 19 tar-Regolament (KE) Nru 669/2009 bil-frekwenza stabbilita fl-Anness I ta' dan ir-Regolament.

3.   Wara li jitlestew il-kontrolli, l-awtoritajiet kompetenti għandhom:

(a)	jimlew l-entrati rilevanti tal-Parti II tas-CED;

(b)	jiġbru flimkien ir-riżultati tal-kampjunar u tal-analiżi mwettqa skont il-paragrafu 2 ta' dan l-Artikolu tas-CED;

(c)	jipprovdu u jimlew in-numru ta' referenza tas-CED fuq is-CED;

(d)	jittimbraw u jiffirmaw il-kopja oriġinali tas-CED;

(e)	jagħmlu u jżommu kopja tas-CED iffirmat u ttimbrat.

4.   L-awtoritajiet kompetenti tal-post tad-dħul magħżul għandhom joħorġu lill-operatur responsabbli għall-konsenja kopja awtentikata taċ-ċertifikat tas-saħħa jew, jekk il-konsenja tkun maqsuma, kopji awtentikati individwalment ta' tali ċertifikat.

5.   Is-CED oriġinali għandu jakkumpanja l-konsenja waqt li tiġi ttrasportata sakemm din tiġi rilaxxata għaċ-ċirkolazzjoni libera.

1.   Il-konsenja ma għandhiex tinqasam qabel ma jkunu tlestew il-kontrolli uffiċjali kollha, u jkun imtela kompletament is-CED mill-awtoritajiet kompetenti kif previst fl-Artikolu 8.

2.   Fil-każ li wara dan, il-konsenja tinqasam, kopja awtentikata tas-CED għandha takkumpanja kull parti tal-konsenja matul it-trasport tagħha sakemm din tiġi rrilaxxata għaċ-ċirkolazzjoni libera.

1.   Jekk il-kontrolli uffiċjali li jsiru skont l-Artikolu 8 jistabbilixxu li hemm nuqqas ta' konformità mal-leġiżlazzjoni rilevanti tal-Unjoni, inkluż dan ir-Regolament, l-awtorità kompetenti għandha timla l-Parti III tas-CED u għandha tittieħed azzjoni skont l-Artikoli 19, 20 u 21 tar-Regolament (KE) Nru 882/2004.

2.   Meta konsenja ma tiġix akkumpanjata kemm mir-riżultati tal-kampjunar u kemm mill-analiżi li hemm referenza għalihom fl-Artikolu 4 kif ukoll miċ-ċertifikat tas-saħħa li hemm referenza għalih fl-Artikolu 5, jew jekk dawk ir-riżultati jew dak iċ-ċertifikat tas-saħħa ma jkunux jikkonformaw mar-rekwiżiti stipulati f'dan ir-Regolament, il-konsenja ma għandhiex tiġi importata fl-Unjoni u għandha tintbagħat lura lejn il-pajjiż barra l-Unjoni jew tinqered.

3.   Meta l-awtorità kompetenti fil-punt tad-dħul magħżul ma tippermettix l-introduzzjoni ta' konsenja ta' ikel li hemm referenza għaliha fl-Artikolu 1(1) minħabba nuqqas ta' konformità mal-livelli massimi ta' residwi stabbiliti fir-Regolament (KE) Nru 396/2005, din għandha tinnotifika immedjatament it-tali rifjut mal-fruntiera f'konformità mal-Artikolu 19(3) tar-Regolament (KE) Nru 882/2004.

1.   Darbtejn f'sena, sal-aħħar tax-xahar wara kull semestru, l-Istati Membri għandhom jippreżentaw rapport lill-Kummissjoni bir-riżultati analitiċi kollha tal-kontrolli uffiċjali li jkunu saru fuq il-konsenji tal-ikel skont dan ir-Regolament.

Ir-rapport għandu jinkludi l-informazzjoni li ġejja:

(a)	l-għadd ta' konsenji importati;

(b)	l-għadd ta' konsenji soġġetti għal kampjunar għall-analiżi;

(c)	ir-riżultati tal-kontrolli kif previst fl-Artikolu 8(2).

2.   L-obbligazzjonijiet ta' rapportar stabbiliti fil-paragrafu 1 għandhom jitqiesu li jkunu ġew sodisfatti meta l-Istati Membri jirreġistraw fi TRACES is-CEDs maħruġa mill-awtoritajiet kompetenti rispettivi tagħhom skont dan ir-Regolament.

Pajjiż:

Ċertifikat tas-Saħħa

Parti I: Dettalji tal-kunsinna mibgħuta

I.1. Konsenjatur/Esportatur

Isem

Indirizz

Pajjiż

Telefon

I.2. Numru ta’ referenza taċ-ċertifikat

I.3. Awtorità Ċentrali Kompetenti

I.4. Awtorità Lokali Kompetenti

I.5. Konsenjatarju/Importatur

Isem

Indirizz

Pajjiż

Telefon

I.6. Operatur responsabbli għall-kunsinna fl-UE (fejn magħruf)

Isem

Indirizz

Kodiċi postali

I.7. Pajjiż tal-oriġini, kodiċi ISO

I.9. Pajjiż tad-destinazzjoni, kodiċi ISO

I.11. Post tal-oriġini

Isem

Indirizz

I.12. Post tad-destinazzjoni (fejn magħruf)

Isem

Indirizz

I.13. Post tal-kunsinna

Indirizz

I.14. Data tat-tluq

I.15. Mezz tat-trasport

Ajruplan Bastiment Vagun tal-ferrovija

Vettura tat-triq Oħrajn

Identifikazzjoni:

Dokument:

I.16. DPE tad-Dħul

Isem:

I.17. Rapport tal-laboratorju

Numru ta’ referenza:

Data ta’ ħruġ:

I.21. Temperatura tal-prodotti

Ambjentali Imkessħa Iffriżati

I.20. Kwantità

Piż totali nett (Kg) Piż gross totali (Kg)

I.22. Numru Totali ta’ Pakketti

I.23. Numru tas-Siġill/tal-Kontenitur

I.25. Komodità ċċertifikata għal:

Konsum mill-bniedem

I.27. Rilaxx għas-suq intern

I.28. Identifikazzjoni tal-komodità

Kodiċi NM:

Subdiviżjoni TARIC

Natura tal-komodità

Numru ta’ pakketti

Piż nett

Kodiċi ta’ identifikazzjoni

Pajjiż:

Ikel ta’ oriġini mhux mill-annimali soġġett għal kondizzjonijiet speċjali rigward l-importazzjoni tiegħu fl-Unjoni Ewropea

II. Informazzjoni dwar is-saħħa

II.a. Numru ta’ referenza taċ-ċertifikat

Jien, is-sottoskritt, ir-rappreżentant awtorizzat tal-awtorità kompetenti, niddikjara li naf bid-dispożizzjonijiet rilevanti tar-Regolament (KE) Nru 852/2004 u r-Regolament (KE) Nru 396/2005, u b’dan niċċertifika li:

II.1. L-ikel tal-konsenja deskritt taħt Parti I ġie prodott skont kundizzjonijiet li jikkonformaw mal-livelli massimi ta’ residwu ta’ pestiċidi stabbiliti fir-Regolament tal-Kummissjoni (KE) Nru 396/2005, u ġie prodott, imqassam, immaniġġjat, ipproċessat, ippakkjat u ttrasportat skont prattiki ta’ iġjene tajba.

II.2. Minn din il-konsenja, l-ikkampjunar u l-analiżi saru skont l-Artikolu 4 tar-Regolament ta’ Implimentazzjoni tal-Kummissjoni (UE) 2018/1660 fil- (data), soġġett għal analiżi tal-laboratorju tal-pestiċidi fil- (data) fil- (isem tal-laboratorju) bil-metodi li jkopru tal-inqas il-perikli identifikati f’Anness I ta’ dan ir-Regolament.

II.3. Id-dettalji tal-kampjunar, il-metodi tal-analiżi użati u r-riżultati kollha huma mehmużin u juru konformità mal-leġiżlazzjoni tal-Unjoni dwar il-livelli massimi ta’ residwu ta’ pestiċidi.

II.4. Dan iċ-ċertifikat ħareġ qabel il-kunsinna relatata miegħu telqet minn taħt il-kontroll tal-awtorità kompetenti.

II.5. Dan iċ-ċertifikat huwa validu għal erba’ xhur mid-data tal-ħruġ.

Parti II: Ċertifikazzjoni

Ir-rappreżentant awtorizzat tal-awtorità kompetenti

Isem (b’ittri kbar): Kwalifika u Titlu:

Data: Firma:

Timbru: