|
12.10.2018 |
MT |
Il-Ġurnal Uffiċjali tal-Unjoni Ewropea |
L 256/33 |
REGOLAMENT TAL-KUMMISSJONI (UE) 2018/1515
tal-10 ta' Ottubru 2018
li jemenda l-Annessi III u V tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta' residwu għad-difenilammina u għall-oksadiksil f'ċerti prodotti jew fuqhom
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 396/2005 tal-Parlament Ewropew u tal-Kunsill tat-23 ta' Frar 2005 dwar il-livelli massimi ta' residwu ta' pestiċidi fi jew fuq ikel u għalf li joriġina minn pjanti u annimali u jemenda d-Direttiva tal-Kunsill 91/414/KEE (1), u b'mod partikolari l-Artikolu 14(1)(a), l-Artikolu 18(1)(b) u l-Artikolu 49(2) tiegħu,
Billi:
|
(1) |
Il-livelli massimi ta' residwu (l-MRLs) għad-difenilammina u l-oksadiksil ġew stabbiliti fil-Parti A tal-Anness III tar-Regolament (KE) Nru 396/2005. |
|
(2) |
Is-sustanza attiva difenilammina ma ġietx approvata bir-Regolament ta' Implimentazzjoni tal-Kummissjoni (UE) Nru 578/2012 (2). Is-sustanza asttiva oksadiksil ma ġietx inkluża fl-Anness I tad-Direttiva 91/414/KEE bir-Regolament tal-Kummissjoni (KE) Nru 2076/2002 (3). L-awtorizzazzjonijiet kollha għall-prodotti għall-protezzjoni tal-pjanti li fihom dawn is-sustanzi attivi ġew irrevokati. Għalhekk huwa xieraq li jitħassru l-MRLs eżistenti stabbiliti għal dawn is-sustanzi fl-Anness III skont l-Artikolu 17 tar-Regolament (KE) Nru 396/2005 flimkien mal-Artikolu 14(1)(a) tiegħu. |
|
(3) |
Għad-difenilammina ġew stabbiliti MRLs temporanji bir-Regolament (UE) Nru 772/2013 (4) għat-tuffieħ u l-lanġas sat-2 ta' Settembru 2015, sabiex tiġi indirizzata kontaminazzjoni kroċjata inevitabbli li affettwat it-tuffieħ u l-lanġas mhux trattati u li seħħet minħabba l-preżenza ta' residwi tad-difenilammina fil-faċilitajiet ta' ħażna. Ir-Regolament tal-Kummissjoni (UE) 2016/67 (5) estenda l-validità ta' dawk l-MRLs sat-22 ta' Jannar 2018 sabiex l-operaturi tan-negozju jingħataw iż-żmien meħtieġ biex ineħħu kompletament ir-residwi tad-difenilammina fil-faċilitajiet ta' ħażna. L-Awtorità Ewropea dwar is-Sigurtà fl-Ikel (“l-Awtorità”) u l-operaturi tan-negozju tal-ikel ppreżentaw id-data tal-monitoraġġ riċenti li turi li r-residwi ta' difenilammina ma għadhomx preżenti f'livelli ogħla mil-limitu ta' determinazzjoni (LOD) rilevanti. |
|
(4) |
Għall-oksadiksil ġew stabbiliti MRLs temporanji bir-Regolament (UE) Nru 592/2012 (6) għat-tursin, il-krafes u l-grupp ta' ħass u ħxejjex oħrajn tal-insalata sal-31 ta' Diċembru 2014, sabiex tiġi indirizzata kontaminazzjoni kroċjata inevitabbli li affettwat l-għelejjel mhux trattati u li seħħet minħabba l-preżenza ta' residwi tal-oksadiksil fil-ħamrija. Ir-Regolament tal-Kummissjoni (UE) 2016/46 (7) estenda l-validità ta' dawk l-MRLs sad-19 ta' Jannar 2018 minħabba l-persistenza ta' dik is-sustanza attiva fil-ħamrija. L-Awtorità u l-operaturi tan-negozju tal-ikel ippreżentaw id-data tal-monitoraġġ riċenti li turi li r-residwi tal-oksadiksil ma għadhomx iseħħu f'livelli ogħla mil-limitu ta' determinazzjoni rilevanti. |
|
(5) |
Fid-dawl tan-nuqqas ta' approvazzjoni tas-sustanza attiva difenilammina u tan-nuqqas ta' inklużjoni tas-sustanza attiva tal-oksadiksil fl-Anness I tad-Direttiva 91/414/KEE, jenħtieġ li l-MRLs għal dawn is-sustanzi jiġu ffissati għal-limitu ta' determinazzjoni skont l-Artikolu 18 tar-Regolament (KE) Nru 396/2005. Fil-każ tas-sustanzi attivi li l-MRLs kollha tagħhom għandhom jitnaqqsu għal-limitu ta' determinazzjoni rilevanti, jenħtieġ li l-valuri prestabbiliti jiġu elenkati fl-Anness V skont l-Artikolu 18(1)(b) tar-Regolament (KE) Nru 396/2005. |
|
(6) |
Is-sħab kummerċjali tal-Unjoni ġew ikkonsultati dwar l-MRLs il-ġodda permezz tal-Organizzazzjoni Dinjija tal-Kummerċ, u l-kummenti tagħhom ġew meqjusa. |
|
(7) |
Għalhekk, jenħtieġ li r-Regolament (KE) Nru 396/2005 jiġi emendat skont dan. |
|
(8) |
Sabiex il-prodotti jkunu jistgħu jiġu kkummerċjalizzati, ipproċessati u kkunsmati b'mod normali, jenħtieġ li dan ir-Regolament jipprevedi arranġament tranżizzjonali għall-prodotti li jkunu ġew prodotti qabel il-modifika tal-MRLs u li għalihom jintwera li jinżamm livell għoli ta' protezzjoni tal-konsumaturi. |
|
(9) |
Jenħtieġ li jitħalla jgħaddi perjodu raġonevoli ta' żmien qabel ma jibdew japplikaw l-MRLs immodifikati, sabiex l-Istati Membri, il-pajjiżi terzi u l-operaturi tan-negozji tal-ikel jingħataw biżżejjed żmien biex iħejju ruħhom ħalli jkunu konformi mar-rekwiżiti l-ġodda li jirriżultaw mill-modifika tal-MRLs. |
|
(10) |
Il-miżuri previsti f'dan ir-Regolament huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf. |
ADOTTAT DAN IR-REGOLAMENT:
Artikolu 1
L-Annessi III u V tar-Regolament (KE) Nru 396/2005 huma emendati skont l-Anness ta' dan ir-Regolament.
Artikolu 2
Ir-Regolament (KE) Nru 396/2005 kif kien qabel ma ġie emendat permezz ta' dan ir-Regolament għandu jibqa' japplika għal prodotti li ġew prodotti fl-Unjoni jew li ġew importati lejha qabel l-1 ta' Mejju 2019.
Artikolu 3
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mill-1 ta' Mejju 2019.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-10 ta' Ottubru 2018.
Għall-Kummissjoni
Il-President
Jean-Claude JUNCKER
(2) Ir-Regolament ta' Implimentazzjoni tal-Kummissjoni (UE) Nru 578/2012 tad-29 ta' Ġunju 2012 dwar in-nuqqas ta' approvazzjoni tas-sustanza attiva difenilammina, skont ir-Regolament (KE) Nru 1107/2009 tal-Parlament Ewropew u tal-Kunsill dwar it-tqegħid fis-suq ta' prodotti għall-protezzjoni tal-pjanti (ĠU L 171, 30.6.2012, p. 2).
(3) Ir-Regolament tal-Kummissjoni (KE) Nru 2076/2002 tal-20 ta' Novembru 2002 li jestendi it-terminu msemmi fl-Artikolu 8(2) tad-Direttiva tal-Kunsill 91/414/KEE u dwar in-nuqqas ta' inklużjoni ta' xi sustanzi attivi fl-Anness I ta' dik id-Direttiva u l-irtirar ta' awtorizzazzjonijiet għall-prodotti għall-ħarsien tal-pjanti li fihom dawn is-sustanzi (ĠU L 319, 23.11.2002, p. 3).
(4) Ir-Regolament tal-Kummissjoni (UE) Nru 772/2013 tat-8 ta' Awwissu 2013 li jemenda l-Annessi II, III u V tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta' residwi għad-difenilammina f'ċerti prodotti jew fuqhom (ĠU L 217, 13.8.2013, p. 1).
(5) Ir-Regolament tal-Kummissjoni (UE) 2016/67 tad-19 ta' Jannar 2016 li jemenda l-Annessi II, III u V tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta' residwi għall-ametoktradin, il-klorotalonil, id-difenilammina, il-flonikamid, il-fluważinam, il-fluwossastrobin, il-ħalauksifen-metil, il-propamokarb, il-protijokonażol, it-tijakloprid u t-trifloksistrobin f'ċerti prodotti jew fuqhom (ĠU L 15, 22.1.2016, p. 2).
(6) Ir-Regolament tal-Kummissjoni (UE) Nru 592/2012 tal-4 ta' Lulju 2012 li jemenda l-Annessi II u III tar-Regolament (KE) Nru 396/2005 tal-Parlament Ewropew u tal-Kunsill fir-rigward tal-livelli massimi ta' residwu għall-bifenażat, il-kaptan, iċ-ċiprodinil, il-fluwopikolid, l-eżitijażoss, l-isoprotijolan, il-metaldeide, l-ossadissil u l-fosmet f'ċerti prodotti jew fuqhom (ĠU L 176, 6.7.2012, p. 1).
(7) Ir-Regolament tal-Kummissjoni (UE) 2016/46 tat-18 ta' Jannar 2016 li jemenda l-Anness III tar-Regolament (KE) Nru 396/2005 tal-Parlament Ewropew u tal-Kunsill fir-rigwards tal-limiti massimi ta' residwi għall-oksadiksil u l-ispinetoram f'ċerti prodotti jew fuqhom (ĠU L 12, 19.1.2016, p. 28).
ANNESS
L-Annessi III u V tar-Regolament (KE) Nru 396/2005 huma emendati kif ġej:
|
(1) |
Fil-Parti A tal-Anness III, il-kolonni għad-difenilammina u għall-oksadiksil huma mħassra. |
|
(2) |
Fl-Anness V, il-kolonni għad-difenilammina u għall-oksadiksil huma miżjuda: “Ir-residwi tal-pestiċidi u l-livelli massimi ta' residwu (mg/kg)
|
(*1) Jindika limitu ta' kwantifikazzjoni analitika
(1) Għal-lista sħiħa tal-prodotti li joriġinaw mill-pjanti u mill-annimali li għalihom japplikaw l-MRLs, għandha ssir referenza għall-Anness I.”