29.6.2018 |
MT |
Il-Ġurnal Uffiċjali tal-Unjoni Ewropea |
L 164/49 |
DEĊIŻJONI TA' IMPLIMENTAZZJONI TAL-KUMMISSJONI (UE) 2018/927
tas-27 ta' Ġunju 2018
li temenda d-Deċiżjoni ta' Implimentazzjoni (UE) 2015/789 fir-rigward ta' miżuri li jimpedixxu l-introduzzjoni u t-tixrid fl-Unjoni tal-Xylella fastidiosa (Wells et al.)
(notifikata bid-dokument C(2018) 3972)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat it-Trattat id-Direttiva tal-Kunsill 2000/29/KE tat-8 ta' Mejju 2000 dwar il-miżuri protettivi kontra l-introduzzjoni ġewwa l-Komunità ta' organiżmi ta' ħsara għall-prodotti tal-pjanti u kontra t-tixrid tagħhom ġewwa l-Komunità (1), u b'mod partikolari r-raba' sentenza tal-Artikolu 16(3) tiegħu,
Billi:
(1) |
It-tielet subparagrafu tal-Artikolu 4(2) tad-Deċiżjoni ta' Implimentazzjoni tal-Kummissjoni (UE) 2015/789 (2) ma għadux jgħodd għaliex iż-żoni kollha tat-trażżin tal-mard fit-tifsira tal-Artikolu 7(1) huma issa elenkati fl-Anness II ta' dik id-Deċiżjoni. |
(2) |
Fit-12 ta' Marzu 2018 l-awtoritajiet Taljani nnotifikaw tifqigħat tal-Xylella fastidiosa (Wells et al.) (minn hawn 'il quddiem “l-organiżmu speċifikat”) misjuba f'partijiet differenti taż-żona ta' lqugħ u b'mod partikolari għadd kbir ta' tifqigħat fl-aħħar strixxa b'tul ta' 20 km taż-żona infettata, ħdejn iż-żona ta' lqugħ, fin-Nofsinhar ta' Pulja (l-Italja). L-għadd ta' dawn it-tifqigħat wassal għall-konklużjoni li l-eradikazzjoni tal-organiżmu speċifikat ma għadhiex possibbli fiż-żona ta' lqugħ attwali. Barra minn hekk, minħabba d-dewmien sinifikanti fit-tneħħija tal-pjanti infettati mill-organiżmu speċifikat, u r-riskju ta' aktar tixrid lejn it-Tramuntana tar-reġjun tal-Pulja huwa għoli peress li ż-żoni ta' lqugħ ta' trażżin attwali ma għadhomx jissodisfaw il-funzjonijiet tagħhom |
(3) |
Fid-dawl ta' dawn l-iżviluppi, huwa xieraq li tiġi estiża ż-żona demarkata soġġetta għat-trażżin minflok ma ssir eradikazzjoni f'ċerti partijiet tat-territorju kkonċernat. Dan it-tkabbir għandu jsir mingħajr dewmien, meta wieħed iqis ir-riskju li jinxtered iżjed l-organiżmu speċifikat fil-kumplament tat-territorju tal-Unjoni li żdied mal-bidu tal-istaġun meta jibdew itiru l-insetti li jġorruh. Għalhekk, iż-żona meqjusa bħala infettata jenħtieġ li tiġi estiża biex tkopri lil dawk il-muniċipalitajiet tal-provinċji ta' Brindisi u Taranto fejn instabu t-tifqigħat tal-organiżmu speċifikat. Din tenħtieġ li tkopri wkoll parti mill-provinċja ta' Bari fejn x'aktarx li l-organiżmu diġà nfirex u hu stabbilit. |
(4) |
Il-miżuri previsti f'din id-Deċiżjoni huma konformi mal-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
Id-Deċiżjoni ta' Implimentazzjoni (UE) 2015/789 hija emendata kif ġej:
(1) |
It-tielet paragrafu tal-Artikolu 4(2) jitħassar. |
(2) |
Il-Parti A tal-Anness II tiġi emendata kif jidher fl-Anness ta' din id-Deċiżjoni. |
Artikolu 2
Din id-Deċiżjoni hija indirizzata lill-Istati Membri.
Magħmul fi Brussell, is-27 ta' Ġunju 2018.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 169, 10.7.2000, p. 1.
(2) Id-Deċiżjoni ta' Implimentazzjoni tal-Kummissjoni (UE) 2015/789 tat-18 ta' Mejju 2015 fir-rigward ta' miżuri li jipprevjenu l-introduzzjoni u t-tixrid fl-Unjoni tal-Xylella fastidiosa (Wells et al.) (ĠU L 125, 21.5.2015, p. 36).
ANNESS
Il-Parti A tal-Anness II tad-Deċiżjoni ta' Implimentazzjoni (UE) 2015/789 jinbidel b'dan li ġej:
“PARTI A
Iż-żona infettata fl-Italja
Iż-żona infettata tal-Italja tinkludi ż-żoni li ġejjin:
1. |
Il-provinċja ta' Lecce |
2. |
Il-provinċja ta' Brindisi |
3. |
Il-muniċipalitajiet li jinsabu fil-provinċja ta' Taranto:
|
4. |
Il-muniċipalitajiet li jinsabu fil-provinċja ta' Bari: Locorotondo”. |