(1)

Sabiex tiġi żgurata l-applikazzjoni oġġettiva u effettiva tad-definizzjoni ta' internalizzaturi sistematiċi fl-Unjoni kif stipulat fl-Artikolu 4(1)(20) tad-Direttiva 2014/65/UE, jinħtieġ li għandhom jiġu pprovduti aktar speċifikazzjonijiet fuq żviluppi teknoloġiċi riċenti fis-swieq tat-titoli li jikkonċernaw l-arranġamenti ta' tqabbil li d-ditti ta' investiment jistgħu jipparteċipaw fihom.

(2)

Żviluppi teknoloġiċi fis-swieq tat-titoli wasslu għall-ħolqien ta' netwerks ta' komunikazzjoni elettronika li jippermettu li jkun hemm rabta bejn numru ta' ditti tal-investiment li jkollhom il-ħsieb li joperaw taħt id-deżinjazzjoni ta' internalizzatur sistematiku ma' fornituri tal-likwidità oħrajn involuti f'tekniki ta' negozjar algoritmiku ta' frekwenza għolja. Dawn l-iżviluppi qed ipoġġu f'riskju s-separazzjoni ċara bejn in-negozjar għan-nom proprju bilaterali fl-eżekuzzjoni tal-ordnijiet tal-klijenti u n-negozjar multilaterali previst permezz tar-Regolament Delegat tal-Kummissjoni (UE) 2017/565 (2). Dawn l-iżviluppi teknoloġiċi u tas-suq għalhekk jenħtieġu li jiġi speċifikat li internalizzatur sistematiku mhuwiex permess biex jinvolvi ruħu, fuq bażi regolari, fit-tqabbil interna jew esterna permezz ta' negozjar matched principal jew tipi oħra ta' tranżazzjonijiet spalla ma' spalla bla riskju de facto fi strument finanzjarju partikolari barra minn post tan-negozjar.

(3)

Sakemm il-ġestjoni ċentralizzata tar-riskju fi grupp normalment tinvolvi t-trasferiment tar-riskju akkumulat minn ditta ta' investiment bħala riżultat ta' tranżazzjonijiet ma' partijiet terzi lil entità fl-istess grupp li ma jkollha l-ebda kapaċità biex tipprovdi kwotazzjonijiet, informazzjoni oħra dwar l-interessi kummerċjali jew biex tirrifjuta jew temenda tali tranżazzjonijiet, dawn it-trasferimenti jenħtieġ li xorta waħda jitqiesu bħala negozjar fuq kont proprju meta mwettqa għal finijiet biss ta' ċentralizzazzjoni tal-ġestjoni tar-riskju tal-grupp.

(4)

Għal raġunijiet ta' ċarezza u ċertezza legali, il-formulazzjoni dwar id-data ta' applikazzjoni tar-Regolament Delegat (UE) 2017/565 jinħtieġ li tkun f'konformità mal-formulazzjoni fuq id-data ta' applikazzjoni tad-Direttiva 2014/65/UE.

(5)

Sabiex jiġi żgurat il-funzjonament bla xkiel tas-swieq finanzjarji, huwa meħtieġ li dan ir-Regolament jidħol fis-seħħ bħala kwistjoni ta' urġenza.

(6)

Il-miżuri stipulati f'dan ir-Regolament huma skont l-opinjoni tal-Grupp ta' Esperti tal-Kumitat Ewropew tat-Titoli,

(1)

jiddaħħal l-Artikolu 16a li ġej:

(2)

fl-Artikolu 91, it-tieni paragrafu jiġi sostitwit b'dan li ġej:

“Dan għandu japplika mit-3 ta' Jannar 2018”.