9.11.2017 |
MT |
Il-Ġurnal Uffiċjali tal-Unjoni Ewropea |
L 291/72 |
REGOLAMENT TAL-KUMMISSJONI (UE) 2017/1988
tat-3 ta' Novembru 2017
li jemenda r-Regolament (KE) Nru 1126/2008 li jadotta ċerti standards internazzjonali tal-kontabilità skont ir-Regolament (KE) Nru 1606/2002 tal-Parlament Ewropew u tal-Kunsill rigward l-Istandard Internazzjonali tar-Rappurtar Finanzjarju 4
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1606/2002 tal-Parlament Ewropew u tal-Kunsill tad-19 ta' Lulju 2002 rigward l-applikazzjoni ta' standards internazzjonali tal-kontabilità (1), u b'mod partikolari l-Artikolu 3(1) tiegħu,
Billi:
(1) |
Permezz tar-Regolament tal-Kummissjoni (KE) Nru 1126/2008 (2), ġew adottati ċerti standards internazzjonali u interpretazzjonijiet li kienu fis-seħħ fil-15 ta' Ottubru 2008. |
(2) |
Fit-12 ta' Settembru 2016, il-Bord dwar l-Istandards Internazzjonali tal-Kontabilità (International Accounting Standards Board, IASB) ippubblika l-emendi għall-Istandard Internazzjonali tar-Rappurtar Finanzjarju (International Financial Reporting Standard, IFRS) 4, bl-applikazzjoni konġunta tal-IFRS 9 għall-Istrumenti Finanzjarji u tal-IFRS 4 għall-Kuntratti tal-Assigurazzjoni (minn hawn 'il quddiem “l-emendi fl-IFRS 4”). L-emendi fl-IFRS 4 għandhom l-għan li jindirizzaw il-konsegwenzi temporanji tal-kontabilità tad-dati effettivi differenti tal-IFRS 9 u tal-istandard il-ġdid tal-kuntratti tal-assigurazzjoni li jissostitwixxi l-IFRS 4 (l-IFRS 17). |
(3) |
L-objettiv tal-IFRS 9 huwa li jtejjeb ir-rappurtar finanzjarju tal-istrumenti finanzjarji billi jindirizza t-tħassib li feġġ f'dan il-qasam matul il-kriżi finanzjarja. B'mod partikolari, l-IFRS 9 iwieġeb għall-appell tal-G20 biex jibda jintuża mudell li jħares aktar 'il quddiem għar-rikonoxximent tat-telf mistenni fuq l-assi finanzjarji. |
(4) |
L-emendi fl-IFRS 4 jippermettu li l-entitajiet li b'mod predominanti jwettqu attivitajiet tal-assigurazzjoni jkollhom l-opzjoni li jiddifferixxu d-data effettiva tal-IFRS 9 sal-1 ta' Jannar 2021. L-effett ta' dan id-differiment huwa li l-entitajiet ikkonċernati jkunu jistgħu jibqgħu jagħtu rendikont permezz tal-istandard eżistenti, l-Istandard Internazzjonali tal-Kontabilità (International Accounting Standard, IAS) 39, għall-Istrumenti Finanzjarji: Rikonoxximent u Valutazzjoni. L-emendi fl-IFRS 4 jippermettu wkoll lill-entitajiet li joħorġu l-kuntratti tal-assigurazzjoni, biex ineħħu mill-profitt jew mit-telf xi spariġġ addizzjonali tal-kontabilità u tal-volatilità temporanja li jistgħu jseħħu meta jiġi applikat l-IFRS 9 qabel ma jiġi implimentat l-IFRS 17. |
(5) |
Wara konsultazzjonijiet mal-Grupp Konsultattiv Ewropew għar-Rappurtar Finanzjarju, il-Kummissjoni tikkonkludi li l-emendi fl-IFRS 4 jissodisfaw il-kriterji għall-adozzjoni stipulati fl-Artikolu 3(2) tar-Regolament (KE) Nru 1606/2002. |
(6) |
Madankollu, il-Kummissjoni tqis li l-emendi fl-IFRS 4 ma humiex biżżejjed wiesgħa fil-kamp ta' applikazzjoni biex jilħqu l-ħtiġijiet tal-entitajiet tal-assigurazzjoni importanti kollha fl-Unjoni. B'mod partikolari, is-settur tal-assigurazzjoni f'konglomerat finanzjarju ma jkunx eliġibbli biex jiddiferixxi l-applikazzjoni tal-IFRS 9, u dan jista' jpoġġih fi żvantaġġ kompetittiv. Għalhekk, is-settur tal-assigurazzjoni ta' konglomerat finanzjarju li jaqa' fil-kamp ta' applikazzjoni tad-Direttiva 2002/87/KE tal-Parlament Ewropew u tal-Kunsill (3) jinħtieġ li jitħalla jiddifferixxi l-applikazzjoni tal-IFRS 9 sal-1 ta' Jannar 2021. |
(7) |
Id-differiment tal-applikazzjoni tal-IFRS 9 mis-settur tal-assigurazzjoni f'konglomerat ikun ifisser l-applikazzjoni ta' żewġ standards ta' kontabilità differenti f'konglomerat finanzjarju wieħed li jistgħu joħolqu opportunitajiet fl-arbitraġġ tal-kontabilità kif ukoll jistgħu jwasslu għal diffikultajiet għall-investituri biex jifhmu r-rapporti finanzjarji konsolidati. Għaldaqstant, dan id-differiment jinħtieġ li jkun suġġett għal ċerti kundizzjonijiet. Sabiex jiġi evitat li grupp jittrasferixxi strumenti finanzjarji bejn is-setturi ħalli jibbenefika minn trattament kontabilistiku iktar favorevoli, jinħtieġ li tkun tapplika projbizzjoni temporanja fuq it-trasferiment tal-istrumenti finanzjarji, li huma differenti mill-istrumenti finanzjarji li jiġu vvalutati bil-valur ġust fejn il-bidliet fil-valur ġust iseħħupermezz tal-profitt u t-telf. It-trasferimenti ta' strumenti finanzjarji li jikkwalifikaw għad-dekontabilizzar mill-kontijiet tal-entità trasferenti biss jinħtieġ li jkunu suġġetti għall-projbizzjoni ta' trasferiment. Strumenti finanzjarji maħruġa minn entità tal-grupp jinħtieġ li ma jkunux suġġetti għal din il-projbizzjoni peress li l-parteċipazzjoni intragrupp ta' strumenti finanzjarji tiġi eliminata fil-kontijiet konsolidati tal-konglomerat. |
(8) |
Id-differiment tal-applikazzjoni tal-IFRS 9 huwa konsistenti fl-approċċ tiegħu mal-IFRS 4 li jippermetti lil gruppi tal-assigurazzjoni biex jikkonsolidaw is-sussidjarji mingħajr ma jikkonformaw il-valutazzjoni tal-obbligazzjonijiet tal-assigurazzjoni, skont il-politiki lokali ta' kontabbiltà ġeneralment aċċettati tas-sussidjarji, mal-politiki kontabilistiċi użati mill-bqija tal-grupp. Filwaqt li l-użu ta' politiki ta' kontabilità mhux unifomi jista' jnaqqas il-komprensibilità tar-rapporti finanzjarji, l-utenti tar-rapporti finanzjarji se jkunu diġà familjari mar-rappurtar finanzjarju skont l-IAS 39, u d-differiment huwa biss għal perjodu limitat ta' żmien. Il-kundizzjonijiet għall-użu ta' differiment jinħtieġ li jtaffu wkoll dan it-tħassib. |
(9) |
Id-differiment tal-applikazzjoni tal-IFRS 9 għas-settur tal-assigurazzjoni f'konglomerat finanzjarju jinħtieġ li jkun limitat fiż-żmien minħabba li huwa importanti li t-titjib introdott mill-IFRS 9 jsir effettiv malajr kemm jista' jkun, u l-IFRS 17 se jkollu d-data effettiva ta' applikazzjoni mill-1 ta' Jannar 2021. |
(10) |
Għalhekk, ir-Regolament (KE) Nru 1126/2008 jenħtieġ li jiġi emendat skont dan. |
(11) |
Il-miżuri previsti f'dan ir-Regolament huma skont l-opinjoni tal-Kumitat Regolatorju dwar il-Kontabilità, |
ADOTTAT DAN IR-REGOLAMENT:
Artikolu 1
Fl-Anness tar-Regolament (KE) Nru 1126/2008, l-Istandard Internazzjonali tar-Rappurtar Finanzjarju (IFRS) 4 għall-Kuntratti tal-Assigurazzjoni jiġi emendat kif stipulat fl-Anness ta' dan ir-Regolament;
Artikolu 2
Konglomerat finanzjarju kif definit fl-Artikolu 2(14) tad-Direttiva 2002/87/KE jista' jagħżel li l-ebda waħda mill-entitajiet li joperaw fis-settur tal-assigurazzjoni skont it-tifsira tal-Artikolu 2(8)(b) ta' din id-Direttiva ma tapplika l-IFRS 9 fir-rapporti finanzjarji konsolidati għas-snin finanzjarji li jiġu qabel l-1 ta' Jannar 2021, meta jiġu ssodisfati l-kundizzjonijiet kollha li ġejjin:
(a) |
l-ebda strument finanzjarju ma jiġi ttrasferit bejn is-settur tal-assigurazzjoni u xi settur ieħor tal-konglomerat finanzjarju wara d-29 ta' Novembru 2017 ħlief l-istrumenti finanzjarji li jiġu vvalutati bil-valur ġust fejn il-bidliet fil-valur ġust iseħħu permezz tal-profitt u t-telf miż-żewġ setturi involuti f'dawn it-trasferimenti; |
(b) |
il-konglomerat finanzjarju jistipula fir-rapporti finanzjarji konsolidati liema huma l-entitajiet tal-assigurazzjoni fil-grupp li qed japplikaw l-IAS 39; |
(c) |
id-divulgazzjoni mitluba mill-IFRS 7 hija pprovduta b'mod separat għas-settur tal-assigurazzjoni bl-applikazzjoni tal-IAS 39, u għall-bqija tal-grupp bl-applikazzjoni tal-IFRS 9. |
Artikolu 3
1. Kull kumpanija għandha tapplika l-emendi msemmija fl-Artikolu 1 sa mid-data tal-bidu tal-ewwel sena finanzjarja tagħha li tibda nhar l-1 ta' Jannar 2018 jew minn wara din id-data.
2. Madankollu, konglomerat finanzjarju jista' jagħżel li japplika l-emendi msemmija fl-Artikolu 1 skont il-kundizzjonjiet stabbiliti fl-Artikolu 2 sa mill-bidu tal-ewwel sena finanzjarja tiegħu li tibda nhar l-1 ta' Jannar 2018 jew minn wara din id-data.
Artikolu 4
Dan ir-Regolament għandu jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-3 ta' Novembru 2017.
Għall-Kummissjoni
Il-President
Jean-Claude JUNCKER
(1) ĠU L 243, 11.9.2002, p. 1.
(2) Ir-Regolament tal-Kummissjoni (KE) Nru 1126/2008 tat-3 ta' Novembru 2008 li jadotta ċerti standards internazzjonali tal-kontabilità skont ir-Regolament (KE) Nru 1606/2002 tal-Parlament Ewropew u tal-Kunsill (ĠU L 320, 29.11.2008, p. 1)
(3) Id-Direttiva 2002/87/KE tal-Parlament Ewropew u tal-Kunsill tas-16 ta' Diċembru 2002 dwar is-superviżjoni supplementari ta' istituzzjonijiet ta' kreditu dwar impriżi ta' assigurazzjoni u ditti tal-investiment f'konglomerat finanzjarju u li temenda d-Direttivi tal-Kunsill 73/239/KEE, 79/267/KEE, 92/49/KEE, 92/96/KEE, 93/6/KEE u 93/22/KEE, u d-Direttivi 98/78/KE u 2000/12/KE tal-Parlament Ewropew u tal-Kunsill (ĠU L 35, 11.2.2003, p. 1).
ANNESS
L-applikazzjoni tal-Istrumenti Finanzjarji tal-IFRS 9 mal-Kuntratti tal-Assigurazzjoni tal-IFRS 4
(Emendi għall-IFRS 4)
Emendi għall-
IFRS 4 Kuntratti tal-Assigurazzjoni
Il-paragrafu 3 qiegħed jiġi emendat.
AMBITU
…
3. |
Dan l-IFRS ma jindirizzax aspetti oħra ta' kontabilità mill-assiguraturi, bħal kontabilità għal assi finanzjarji miżmuma minn assiguraturi u obbligazzjonijiet finanzjarji maħruġa minn assiguraturi (ara l-IAS 32 Strumenti Finanzjarji: Preżentazzjoni, IFRS 7 u IFRS 9 Strumenti Finanzjarji), ħlief li:
… |
Il-paragrafu 5 qiegħed jiġi emendat.
…
5. |
Biex ikun hemm referenza faċli, dan l-IFRS jiddeskrivi kull entità li toħroġ kuntratt tal-assigurazzjoni bħala assiguratur, kemm jekk l-emittent hu meqjus bħala assiguratur għal skopijiet legali jew superviżorji u kemm mhux. Kull referenza fil-paragrafi 3(a)–3(b), 20 A–20Q, 35B–35N, 39B–39M u 46–49 għal assiguratur għandha tinftiehem bħala li tirreferi wkoll għal emittent ta' strument finanzjarju li jkun fih aspett ta' parteċipazzjoni diskrezzjonali. … |
Jiddaħħlu intestaturi ġodda taħt il-paragrafi 20, 20K u 20N. Jiddaħħlu l-paragrafi ġodda 20 A–20Q.
RIKONOXXIMENT U KEJL
…
Eżenzjoni temporanja mill-IFRS 9
20 A |
L-IFRS 9 jindirizza l-kontabbiltà għal strumenti finanzjarji u huwa effettiv għal perjodi annwali li jibdew fl-1 ta' Jannar 2018 jew wara. Madankollu, fil-każ ta' assiguratur li jissodisfa l-kriterji fil-paragrafu 20B, dan l-IFRS jipprovdi eżenzjoni temporanja li tippermetti, iżda ma timponix, li l-assiguratur japplika l-IAS 39 Strumenti Finanzjarji: Rikonoxximent u Kejl pjuttost milli l-IFRS 9 għal perjodi annwali li jibdew qabel l-1 ta' Jannar 2021. Assiguratur li japplika l-eżenzjoni temporanja mill-IFRS 9 għandu:
|
20B |
Assiguratur jista' japplika l-eżenzjoni temporanja mill-IFRS 9 jekk, u biss jekk:
|
20C |
Assiguratur li japplika l-eżenzjoni temporanja mill-IFRS 9, huwa permess li jagħżel li japplika biss ir-rekwiżiti għall-preżentazzjoni ta' qligħ u telf fuq obbligazzjonijiet finanzjarji kklassifikati bħala fil-valur ġust permezz ta' qligħ jew telf fil-paragrafi 5.7.1(c), 5.7.7–5.7.9, 7.2.14 u B5.7.5–B5.7.20 tal-IFRS 9; Jekk assiguratur jagħżel li japplika dawk ir-rekwiżiti, huwa għandu japplika d-dispożizzjonijiet rilevanti ta' tranżizzjoni fl-IFRS 9, jiżvela l-fatt li huwa jkun applika dawn ir-rekwiżiti u jipprovdi fuq bażi kontinwa d-divulgazzjonijiet relatati stabbiliti fil-paragrafi 10–11 tal-IFRS 7 (kif emendat mill-IFRS 9 (2010)). |
20D |
L-attivitajiet tal-assiguratur ikunu fil-biċċa l-kbira marbuta ma' attivitajiet tal-assigurazzjoni jekk, u biss jekk:
|
20E |
Għall-finijiet tal-applikazzjoni tal-paragrafu 20D(b), l-obbligazzjonijiet relatati mal-assigurazzjoni:
|
20F |
Fil-valutazzjoni ta' jekk assiguratur hux involut f'attività sinifikanti mhux marbuta mal-assigurazzjoni għall-finijiet tal-applikazzjoni tal-paragrafu 20D(b)(ii), l-assiguratur għandu jqis:
|
20G |
Il-Paragrafu 20B(b) jobbliga li entità tevalwa jekk tikkwalifikax għall-eżenzjoni temporanja mill-IFRS 9 fir-rapport annwali tagħha li jiġi immedjatament qabel l-1 ta' April 2016. Wara dik id-data:
|
20H |
Għall-finijiet tal-applikazzjoni tal-paragrafu 20G, bidla fl-attivitajiet ta' entità hija bidla li:
Għaldaqstant, tali bidla sseħħ biss meta l-entità tibda jew tieqaf milli twettaq attività li tkun sinifikanti għall-operazzjonijiet tagħha jew li tbiddel b'mod sinifikanti l-portata ta' xi waħda mill-attivitajiet tagħha; Pereżempju, meta l-entità tkun akkwistat, warrbet jew itterminat linja ta' negozju. |
20I |
Huwa mistenni li bidla fl-attivitajiet ta' entità, kif deskritt fil-paragrafu 20H, tkun rari ħafna. Dawn li ġejjin m'humiex bidliet fl-attivitajiet ta' entità għall-finijiet tal-applikazzjoni tal-paragrafu 20G:
|
20J |
Jekk entità ma tibqax tikkwalifika għall-eżenzjoni temporanja mill-IFRS 9 minħabba valutazzjoni mill-ġdid (ara l-paragrafu 20G(a)), allura l-entità tiġi permessa biex tkompli tapplika l-eżenzjoni temporanja mill-IFRS 9 biss sa tmiem il-perjodu annwali li jkun beda immedjatament wara dik il-valutazzjoni mill-ġdid. Madankollu, l-entità ikollha tapplika l-IFRS 9 għal perjodi annwali li jibdew fl-1 ta' Jannar 2021 jew wara. Pereżempju, jekk entità tiddetermina li m'għadhiex tikkwalifika għall-eżenzjoni temporanja mill-IFRS 9 bl-applikazzjoni tal-paragrafu 20G(a) fil-31 ta' Diċembru 2018 (tmiem il-perjodu annwali tagħha), allura l-entità tiġi permessa biex tkompli tapplika l-eżenzjoni temporanja mill-IFRS 9 biss sal-31 ta' Diċembru 2019. |
20K |
Assiguratur li jkun preċedentement għażel li japplika l-eżenzjoni temporanja mill-IFRS 9 jista', fil-bidu ta' kull perjodu annwali sussegwenti, jagħżel b'mod irrevokabbli li japplika l-IFRS 9. |
Min jadotta għall-ewwel darba
20L |
Min jadotta l-Istandard għall-ewwel darba, kif definit fl-IFRS 1 Adozzjoni għall-ewwel darba tal-Istandards Internazzjonali tar-Rappurtar Finanzjarju, jista' japplika l-eżenzjoni temporanja mill-IFRS 9 deskritta fil-paragrafu 20 A jekk, u biss jekk, dan jissodisfa l-kriterji deskritti fil-paragrafu 20B. Fl-applikazzjoni tal-paragrafu 20B(b), min jadotta l-Istandard għall-ewwel darba għandu juża l-ammonti miżmuma fil-kotba ddeterminati bl-applikazzjoni tal-IFRSs fid-data speċifikata f'dan il-paragrafu. |
20M |
L-IFRS 1 fih obbligi u eżenzjonijiet applikabbli għal min jadottahom għall-ewwel darba. Dawk ir-rekwiżiti u l-eżenzjonijiet (pereżempju, il-paragrafi D16–D17 tal-IFRS 1) ma jiħdux preċedenza fuq ir-rekwiżiti fil-paragrafi 20 A–20Q u 39B–39J ta' dan l-IFRS. Pereżempju, l-obbligi u l-eżenzjonijiet fl-IFRS 1 ma jiħdux preċedenza fuq l-obbligu li min jadotta għall-ewwel darba għandu jissodisfa l-kriterji speċifikati fil-paragrafu 20L biex japplika l-eżenzjoni temporanja mill-IFRS 9. |
20N |
Min jadotta l-Istandard għall-ewwel darba u jiżvela l-informazzjoni meħtieġa mill-paragrafi 39B–39J għandu juża l-obbligi u l-eżenzjonijiet fl-IFRS 1 li huma rilevanti biex isiru l-valutazzjonijiet meħtieġa għal dan l-iżvelar. |
Eżenzjoni temporanja minn obbligi speċifiċi f'IAS 28
20O |
Il-paragrafi 35–36 tal-IAS 28 Investimenti f'Kumpaniji Assoċjati u Impriżi Konġunti jobbligaw lill-entità tapplika politika uniformi ta' kontabilità meta tuża l-metodu tal-ekwità. Madankollu, għall-perjodi annwali li jibdew qabel l-1 ta' Jannar 2021, entità tkun permessa, iżda mhux obbligata, li żżomm il-politika ta' kontabilità rilevanti applikata minn dik il-kumpanija assoċjata jew impriża konġunta kif ġej:
|
20P |
Meta entità tuża l-metodu tal-ekwità biex tagħti kont tal-investiment tagħha f'kumpanija assoċjata jew impriża konġunta:
|
20Q |
Entità tista' tapplika l-paragrafi 20O u 20P(b) separatament għal kull kumpanija assoċjata jew impriża konġunta. |
Jiddaħħlu l-paragrafi l-ġodda 35 A–35N, 39B–39M u 46–49. Jiddaħħlu l-intestaturi ġodda taħt il-paragrafi 35 A, 35K, 35M, 39 A, 39J, 45 u 47.
Aspetti diskrezzjonali ta' parteċipazzjoni fi strumenti finanzjarji
…
35 A |
L-eżenzjonijiet temporanji fil-paragrafi 20 A, 20L u 20O u l-approċċ ta' sovrappostazzjoni fil-paragrafu 35B huma disponibbli wkoll għal emittent ta' strument finanzjarju li jkun fih aspett ta' parteċipazzjoni diskrezzjonali. Għaldaqstant, ir-referenzi kollha fil-paragrafi 3(a)–3(b), 20 A–20Q, 35B–35N, 39B–39M u 46–49 għal assiguratur għandhom jiftiehmu bħala li jirreferu wkoll għal emittent ta' strument finanzjarju li jkun fih aspett ta' parteċipazzjoni diskrezzjonali. |
PREŻENTAZZJONI
L-approċċ ta' sovrappostazzjoni
35B |
Assiguratur huwa permess, iżda mhux obbligat, li japplika l-approċċ ta' sovrappostazzjoni fil-każ ta' assi finanzjarji magħżula; Assiguratur li japplika l-approċċ ta' sovrappostazzjoni għandu:
|
35C |
Assiguratur jista' jagħżel li japplika l-approċċ ta' sovrappostazzjoni deskritt fil-paragrafu 35B biss meta japplika l-IFRS 9 għall-ewwel darba, inkluż meta japplika l-ewwel darba l-IFRS 9 wara li qabel kien ikun applika:
|
35D |
Assiguratur għandu jippreżenta l-ammont ikklassifikat mill-ġdid bejn il-qlighħ jew it-telf u introjtu komprensiv ieħor billi japplika l-approċċ ta' sovrappostazzjoni
|
35E |
Assi finanzjarji jkunu eliġibbli biex jintgħażlu għall-approċċ ta' sovrappożizzjoni jekk, u biss jekk, ikunu ssodisfati l-kriterji li ġejjin:
|
35F |
Assiguratur jista' jagħżel assi finanzjarji eliġibbli għall-approċċ ta' sovrappostazzjoni meta jagħżel li japplika l-approċċ ta' sovrappostazzjoni (ara l-paragrafu 35C). Sussegwentement, jista' jagħżel ass finanzjarju eliġibbli għall-approċċ ta' sovrappostazzjoni meta, u biss meta:
|
35G |
Assiguratur hu permess li jagħżel assi finanzjarju eliġibbli għall-approċċ ta' sovrappostazzjoni billi japplika l-paragrafu 35F skont kull strument individwali separatament. |
35H |
Fejn ikun rilevanti, għall-finijiet tal-applikazzjoni tal-approċċ ta' sovrappostazzjoni għal assi finanzjarju li jkunu għadhom kif ġew magħżula bl-applikazzjoni tal-paragrafu 35F(b):
|
35I |
Entità għandha tkompli tapplika l-approċċ ta' sovrappostazzjoni għal assi finanzjarji magħżula sakemm dawk l-assi finanzjarji jiġu deklassifikati. Madankollu, entità:
|
35J |
Meta entità tneħħi l-għażla ta' ass finanzjarju bl-applikazzjoni tal-paragrafu 35I(a), hija għandha tirriklassifika minn dħul ieħor komprensiv akkumulat għal qligħ jew telf bħala aġġustament ta' riklassifikazzjoni (ara l-IAS 1) kwalunkwe bilanċ relatat ma' dak l-ass finanzjarju. |
35K |
Jekk entità ma tibqax tuża l-approċċ ta' sovrappostazzjoni billi tapplika l-għażla fil-paragrafu 35I(b) jew minħabba li ma tkunx għadha assiguratur, hija ma għandhiex sussegwentement tapplika l-approċċ ta' sovrappostazzjoni. Assiguratur li jkun għażel li japplika l-approċċ ta' sovrappostazzjoni (ara l-paragrafu 35C) iżda li ma jkollu l-ebda assi finanzjarji eliġibbli (ara l-paragrafu 35E) jista' sussegwentement japplika l-approċċ ta' sovrappostazjoni meta jkollu assi finanzjarji eliġibbli. |
Interazzjoni ma' rekwiżiti oħra
35L |
Il-paragrafu 30 ta' dan l-IFRS jippermetti prassi li xi kultant tiġi deskritta bħala 'shadow accounting'. Jekk assiguratur japplika l-approċċ ta' sovrappostazzjoni, jkun jista' jiġi applikat ix-shadow accounting. |
35M |
Ir-riklassifikazzjoni ta' ammont bejn qligħ jew telf u introjtu komprensiv ieħor bl-applikazzjoni tal-paragrafu 35B jista' jkollha effetti konsegwenzjali għall-inkużjoni ta' ammonti oħra fi dħul komprensiv ieħor, bħal ma huma taxxi fuq id-dħul. Assiguratur għandu japplika l-IFRS rilevanti, bħal l-IAS 12 Taxxi fuq l-introjtu biex jiddetermina kwalunkwe effetti konsegwenzjali. |
Min jadotta għall-ewwel darba
35N |
Jekk min jadotta għall-ewwel darba jagħżel li japplika l-approċċ ta' sovrappostazzjoni, huwa għandu jiddikjara mill-ġdid l-informazzjoni komparattiva biex tirrifletti l-approċċ ta' sovrappostazzjoni jekk, u biss jekk, huwa jiddikjara mill-ġdid l-informazzjoni komparattiva biex tintlaħaq konformità mal-IFRS 9 (ara l-paragrafi E1–E2 tal-IFRS 1). … |
ŻVELAR
…
Żvelar dwar l-eżenzjoni temporanja mill-IFRS 9
39B |
Assiguratur li jagħżel li japplika l-eżenzjoni temporanja mill-IFRS 9 għandu jiżvela xi informazzjoni biex l-utenti tar-rapporti finanzjarji jkunu jistgħu:
|
39C |
Għall-konformità mal-paragrafu 39B(a), assiguratur għandu jiżvela l-fatt li jkun qiegħed japplika l-eżenzjoni temporanja mill-IFRS 9 u kif l-assiguratur ikun ikkonkluda fid-data speċifikata fil-paragrafu 20B(b) li huwa jikkwalifika għall-eżenzjoni temporanja mill-IFRS 9, inkluż:
|
39D |
Jekk, meta jiġi applikat il-paragrafu 20G(a), entità tikkonkludi li l-attivitajiet tagħha m'għadhomx fil-biċċa l-kbira ma għadhomx marbuta mal-assigurazzjoni, hija għandha tiddivulga l-informazzjoni li ġejja f'kull perjodu ta' rappurtar qabel ma tibda tapplika l-IFRS 9:
|
39E |
Għall-konformità mal-paragrafu 39B(b), assiguratur għandu jiżvela l-valur ġust fi tmiem il-perjodu tar-rappurtar u l-ammont ta' bidla fil-valur ġust matul dak il-perijodu għal dawn iż-żewġ gruppi ta' assi finanzjarji, b'mod separat:
|
39F |
Meta jiddivulga l-informazzjoni fil-paragrafu 39E, l-assiguratur:
|
39G |
Għall-konformità mal-paragrafu 39B(b), assiguratur għandu jiżvela informazzjoni dwar l-esponiment għar-riskju tal-kreditu, inklużi konċentrazzjonijiet sinifikanti ta' riskju ta' kreditu, inerenti fl-assi finanzjarji deskritti fil-paragrafu 39E(a). Bħala minimu, assiguratur għandu jiżvela l-informazzjoni li ġejja fil-każ ta' dawk l-assi finanzjarji fi tmiem il-perjodu ta' rappurtar:
|
39H |
Għall-konformità mal-paragrafu 39B(b), assiguratur għandu jiżvela informazzjoni dwar fejn utent tad-dikjarazzjonijiet finanzjarji jkun jista' jikseb kull informazzjoni pubblikament disponibbli dwar l-IFRS 9 li tkun tirrelata ma' entità fi ħdan il-grupp u li ma tkunx ġiet ipprovduta fid-dikjarazzjonijiet finanzjarji konsolidati tal-grupp għall-perjodu relevanti ta' rappurtar. Pereżempju tali informazzjoni tal-IFRS 9 tista' tinkiseb mid-dikjarazzjonijiet finanzjarji individwali jew separati pubblikament disponibbli ta' xi entità fi ħdan il-grupp li jkun applika l-IFRS 9. |
39I |
Jekk entità tkun iddeċidiet li tapplika l-eżenzjoni fil-paragrafu 20O minn xi rekwiżiti partikolari fl-IAS 28, hija għandha tiżvela dak il-fatt. |
39 J |
Jekk entità tapplika l-eżenzjoni temporanja mill-IFRS 9 meta tieħu f'kunsiderazzjoni l-investiment tagħha f'kumpanija assoċjata jew impriża konġunta billi tuża l-metodu tal-ekwità (pereżempju, ara l-paragrafu 20O(a)), l-entità għandha tiżvela dan li ġej, flimkien mal-informazzjoni meħtieġa mill-IFRS 12 Divulgazzjoni ta' Interessi f'Entitajiet Oħra:
|
Żvelar dwar l-approċċ ta' sovrappożizzjoni
39K |
Assiguratur li japplika l-approċċ ta' sovrappożizzjoni għandu jiżvela xi informazzjoni sabiex l-utenti tad-dikjarazzjonijiet finanzjarji jkunu jistgħu jifhmu:
|
39L |
Għall-konformità mal-paragrafu 38K, assiguratur għandu jiżvela:
|
39M |
Jekk entità tkun applikat l-approċ ta' sovrappożizzjoni meta tieħu f'kunsiderazzjoni l-investiment tagħha f'kumpanija assoċjata jew impriża konġunta bl-użu tal-metodu tal-ekwità, l-entità għandha tiddivulga dan li ġej, flimkien mal-informazzjoni meħtieġa mill-IFRS 12:
… |
DATA EFFETTIVA U TRANŻIZZJONI
…
L-applikazzjoni tal-IFRS 4 u l-IFRS 9
Eżenzjoni temporanja mill-IFRS 9
46. |
L-applikazzjoni tal-Istrumenti Finanzjarji IFRS 9 maI-IFRS 4 Kuntratti ta' Assigurazzjoni (Emendi għall-IFRS 4), maħruġa f'Settembru 2016, paragrafi 3 u 5 emendati, u żieda tal-paragrafi 20 A–20Q, 35 A u 39B–39J u l-intestaturi wara l-paragrafi 20, 20K, 20N u 39 A. Entità għandha tapplika dawk l-emendi, li jippermettu lill-assiguraturi li jissodisfaw kriterji speċifiċi biex japplikaw eżenzjoni temporanja mill-IFRS 9 għal perjodi annwali li jibdew fl-1 ta' Jannar 2018 jew wara. |
47. |
Entità li tiżvela l-informazzjoni meħtieġa mill-paragrafi 39B–39J għandha tuża d-dispożizzjonijiet tranżizzjonali fl-IFRS 9 li jkunu rilevanti biex isiru l-valutazzjonijiet meħtieġa għal dan l-iżvelar. Id-data tal-applikazzjoni inizjali għal dak l-għan għandha titqies li tkun il-bidu tal-ewwel perijodu annwali li jibda fl-1 ta' Jannar 2018 jew wara. |
L-approċċ ta' sovrappostazzjoni
48. |
L-applikazzjoni tal-Istrumenti Finanzjarji IFRS 9 maI-IFRS 4 Kuntratti ta' Assigurazzjoni (Emendi għall-IFRS 4), maħruġa f'Settembru 2016, paragrafi 3 u 5 emendati, u żieda tal-paragrafi 35 A–35N u 39K–39M u l-intestaturi wara l-paragrafi 35 A, 35K, 35M u 39 J. Entità għandha tapplika dawk l-emendi, li jippermettu lill-assiguraturi sabiex japplikaw l-approċċ ta' sovrappożizzjoni għal assi finanzjarji magħżulai, meta tapplika l-IFRS 9 għall-ewwel darba (ara l-paragrafu 35C). |
49. |
Entità li tagħżel li tapplika l-approċċ ta' sovrappostazzjoni għandha:
|
(1) Il-Bord ħareġ verżjonijiet suċċessivi tal-IFRS 9 fl-2009, l-2010, l-2013 u l-2014.