21.10.2017   

MT

Il-Ġurnal Uffiċjali tal-Unjoni Ewropea

L 272/1

(1)

L-Artikolu 3(a) tad-Direttiva 2010/40/UE jistabbilixxi bħala azzjoni ta' prijorità l-forniment ta' servizzi ta' informazzjoni dwar l-ivvjaġġar multimodali fl-UE kollha għall-iżvilupp u għall-użu ta' speċifikazzjonijiet u standards.

(2)

L-Artikolu 5 tad-Direttiva 2010/40/UE jistipula li l-ispeċifikazzjonijiet adottati skont l-Artikolu 6 ta' din id-Direttiva jenħtieġ li jiġu applikati fir-rigward tal-applikazzjonijiet u s-servizzi tas-sistemi STI, meta dawn ikunu varati mingħajr preġudizzju għad-dritt ta' kull Stat Membru li jiddeċiedi dwar il-varar ta' dawn l-applikazzjonijiet u s-servizzi fit-territorju tiegħu.

(3)

Dawn l-ispeċifikazzjonijiet jenħtieġ li japplikaw għall-forniment tas-servizzi kollha ta' informazzjoni dwar l-ivvjaġġar mingħajr preġudizzju għal speċifikazzjonijiet partikolari adottati f'atti oħra skont id-Direttiva 2010/40/UE, partikolarment ir-Regolamenti ta' Delega tal-Kummissjoni (UE) Nru 886/2013 (2) u (UE) 2015/962 (3), kif ukoll ir-Regolament tal-Kummissjoni (UE) Nru 454/2011 (4).

(4)

Fir-rigward tal-forniment ta' servizzi ta' informazzjoni dwar l-ivvjaġġar multimodali, id-Direttiva 2003/98/KE tal-Parlament Ewropew u tal-Kunsill (5) tistabbilixxi regoli minimi dwar l-użu mill-ġdid ta' informazzjoni tas-settur pubbliku fl-Unjoni kollha. Fir-rigward tal-użu mill-ġdid ta' dejta fil-pussess tal-awtoritajiet tat-trasport u tal-operaturi tat-trasport, ir-regoli stabbiliti f'dan ir-Regolament, b'mod partikolari dawk dwar l-aġġornamenti tad-dejta, jenħtieġ li japplikaw mingħajr preġudizzju għar-regoli stabbiliti fid-Direttiva 2003/98/KE.

(5)

Kull meta l-miżuri previsti f'dan ir-Regolament ikunu jinvolvu l-ipproċessar ta' dejta personali, dawn għandhom jitwettqu skont il-liġi tal-Unjoni dwar il-protezzjoni ta' dejta personali, b'mod partikolari d-Direttiva 95/46/KE tal-Parlament Ewropew u tal-Kunsill (6) u d-Direttiva 2002/58/KE tal-Parlament Ewropew u tal-Kunsill (7), kif ukoll il-miżuri ta' implimentazzjoni nazzjonali relatati magħha. L-informazzjoni li jkollha x'taqsam ma' persuna fiżika identifikata jew identifikabbli għandha tiġi pproċessata b'konformità stretta mal-prinċipju ta' minimizzazzjoni tad-dejta u għall-finijiet biss ta' dan ir-Regolament u sakemm ikun meħtieġ. Din id-dejta ma għandhiex tippermetti l-identifikazzjoni ta' individwu jew tagħmel individwu identifikabbli, meta jkun possibbli u meta din ma xxekkilx l-iskop ta' dan ir-Regolament

(6)

Meta s-servizz tal-informazzjoni jiddependi fuq il-ġbir tad-dejta, inkluża l-ġeolokazzjoni, l-utenti finali għandhom jiġu informati b'mod ċar dwar il-ġbir ta' din id-dejta, l-arranġamenti għall-ġbir tad-dejta u t-traċċar potenzjali, u l-perjodi li matulhom tinżamm din id-dejta. Jenħtieġ li jittieħdu miżuri tekniċi xierqa (inkluża l-privatezza fid-disinn u l-protezzjoni tad-dejta permezz ta' karatteristiċi ta' disinn) mill-kolletturi tad-dejta pubblika u privata bħalma huma l-operaturi tat-trasport, l-awtoritajiet tat-trasport, il-fornituri ta' servizzi ta' informazzjoni dwar l-ivvjaġġar u l-produtturi tal-mapep diġitali biex tiġi żgurata l-psewdonimizzazzjoni (8) tad-dejta li tasal mingħand l-utenti finali.

(7)

Id-Direttiva 2007/2/KE tal-Parlament Ewropew u tal-Kunsill (9) timmira li toħloq infrastruttura għad-dejta ġeografika tal-Unjoni li tippermetti l-kondiviżjoni tal-informazzjoni ġeografika u l-aċċess pubbliku għaliha, inkluża l-informazzjoni marbuta man-netwerks tat-trasport, fl-Unjoni kollha, bil-ħsieb li jiġu appoġġati l-politiki ambjentali tal-Unjoni, u l-politiki jew l-attivitajiet li jista' jkollhom impatt fuq l-ambjent. L-ispeċifikazzjonijiet stabbiliti f'dan ir-Regolament jenħtieġ li jkunu kompatibbli ma' dawk stabbiliti fid-Direttiva 2007/2/KE u fir-Regolament tal-Kummissjoni (UE) Nru 1089/2010 (10).

(8)

L-ispeċifikazzjonijiet stabbiliti f'dan ir-Regolament jenħtieġ li japplikaw għall-mezzi kollha ta' trasport fl-Unjoni, bħat-trasport ibbażat fuq skeda (it-trasport bl-ajru, il-ferroviji, inklużi l-ferroviji b'veloċità għolja, il-ferroviji konvenzjonali u l-ferroviji ħfief, il-kowċis għal distanza twila, it-trasport marittimu inkluż bil-lanċa, il-metro, it-tram, ix-xarabank, it-trolley-bus, it-trasport tul rotta b'kablaġġ), it-trasport fuq talba (ix-shuttle bus, ix-shuttle ferry, it-taksi, ir-ride-sharing, il-car-sharing, il-car-pooling, il-kiri ta' karozzi, il-bike-sharing, il-kiri ta' roti, id-dial-a-ride) u t-trasport personali (il-karozza, il-mutur, ir-rota, bil-mixi). Il-mixi bħala għażla ta' vvjaġġar biex wieħed iwettaq l-ewwel u l-aħħar mil tal-vjaġġ, huwa rilevanti ferm għall-informazzjoni dwar l-ivvjaġġar multimodali u jista' jikseb benefiċċji kemm għall-ambjent kif ukoll għall-ġestjoni tan-netwerk, iżda anki benefiċċji għas-saħħa lill-vjaġġatur direttament.

(9)

Ir-Regolament (UE) Nru 1315/2013 tal-Parlament Ewropew u tal-Kunsill (11) jistabbilixxi l-infrastruttura tat-trasport li tagħmel parti min-netwerk ewlieni u min-netwerk komprensiv trans-Ewropew tat-trasport. Sabiex jiġu indirizzati l-ħtiġijiet tal-ivvjaġġar tal-utenti finali fl-Unjoni kollha u biex isir l-aħjar użu possibbli mill-potenzjal sħiħ tal-informazzjoni dwar l-ivvjaġġar multimodali, jinħtieġ li jiġi kopert in-netwerk sħiħ “bieb bieb”. Għaldaqstant, jenħtieġ li dan ir-Regolament japplika għan-netwerk komprensiv TEN-T, inklużi n-Nodi Urbani, u l-partijiet l-oħra tan-netwerk tat-trasport.

(10)

Sabiex jiġi appoġġat il-forniment ta' servizzi ta' informazzjoni dwar l-ivvjaġġar multimodali fl-Unjoni kollha, jistgħu jintużaw kemm l-approċċi ċentralizzati bbażati fuq il-fornimenti tad-dejta kif ukoll l-approċċi deċentralizzati bbażati fuq il-fornimenti tad-dejta u tas-servizzi. Għaldaqstant, dan ir-Regolament jenħtieġ li jinkludi rekwiżiti għall-forniment tad-dejta kif ukoll tas-servizzi biex jiġu appoġġati dawn iż-żewġ approċċi. Sabiex jiffaċilitaw l-iskambju u l-użu mill-ġdid ta' din id-dejta għall-forniment ta' servizzi komprensivi ta' informazzjoni dwar l-ivvjaġġar, l-awtoritajiet tat-trasport, l-operaturi tat-trasport, il-maniġers tal-infrastruttura jew il-fornituri tas-servizz tat-trasport fuq talba għandhom, kif xieraq, jagħmlu d-dejta statika, il-metadejta korrispondenti u l-informazzjoni dwar il-kwalità tad-dejta, aċċessibbli għall-utenti permezz ta' punt ta' aċċess nazzjonali jew komuni. Il-punt ta' aċċess jista' jieħu diversi forom, bħal bażi tad-dejta, maħżen virtwali tad-dejta, suq, repożitorju u reġistru tad-dejta, portal tal-Internet jew simili skont it-tip ta' dejta. L-Istati Membri għandhom jikkunsidraw li jiġbru flimkien il-punti ta' aċċess pubbliċi u privati eżistenti f'punt uniku biex jippermettu l-aċċess għat-tipi kollha ta' dejta rilevanti disponibbli li jaqgħu fil-kamp ta' applikazzjoni ta' dawn l-ispeċifikazzjonijiet.

(11)

L-Istati Membri għandhom jitħallew jikkooperaw ma' xulxin biex jiġi stabbilit punt ta' aċċess komuni li jkopri d-dejta disponibbli tal-Istati Membri parteċipanti. L-Istati Membri għandhom ikunu liberi li jiddeċiedu li jużaw il-punti ta' aċċess stabbiliti skont atti delegati oħra adottati skont id-Direttiva 2010/40/UE bħala l-punti ta' aċċess nazzjonali għad-dejta li jaqgħu fil-kamp ta' applikazzjoni ta' dan ir-Regolament. Barra minn hekk, l-Istati Membri għandhom ikunu liberi li jiddeċiedu li jużaw il-punti ta' aċċess li kienu diġà jeżistu u li jkopru diversi setturi bħall-Punt ta' Aċċess Nazzjonali (NAP, National Access Point). L-Istati Membri jistgħu jiddefinixxu liema attur huwa responsabbli għall-forniment tad-dejta dwar l-ivvjaġġar u t-traffiku elenkata fl-Anness. F'xi każijiet, l-operaturi tat-trasport, il-maniġers tal-infrastruttura u l-fornituri tas-servizz tat-trasport fuq talba joperaw fi Stati Membri differenti u għalhekk hemm iżjed minn punt ta' aċċess wieħed li huwa rilevanti biex jipprovdi aċċess għad-dejta dwar l-ivvjaġġar u t-traffiku. Madankollu, għandhom isiru sforzi biex tiġi evitata d-duplikazzjoni bla bżonn tad-dejta u biex jitqiesu l-għamla u l-forma tal-punti ta' aċċess rilevanti. Għaldaqstant, id-dejta u l-metadejta rilevanti jistgħu jiġu elenkati fl-NAPs kollha rilevanti li jieħdu l-forma ta' repożitorju. Barra minn hekk, jekk xi wħud mill-NAPs rilevanti jieħdu l-forma ta' bażi ta' dejta/maħżen virtwali tad-dejta, id-dejta u l-metadejta mbagħad jistgħu jinżammu f'wieħed minnhom biss u jiġu elenkati fl-oħra kollha. It-termini u l-kundizzjonijiet għall-użu ta' dejta dwar it-traffiku u l-ivvjaġġar ipprovduta permezz tal-punt ta' aċċess nazzjonali jistgħu jiġu ddeterminati, fejn xieraq, permezz ta' ftehim għall-ħruġ ta' liċenzji.

(12)

Id-dejta dwar l-ivvjaġġar u t-traffiku elenkata fl-Anness tista' tiġi integrata fil-punt ta' aċċess nazzjonali f'approċċ maqsum f'fażijiet. L-Istati Membri għandhom ikunu liberi li jiddeċiedu jekk jintegrawx jew le d-dejta elenkata fl-Anness qabel il-limitu ta' żmien stabbilit. Is-servizzi ta' informazzjoni dwar l-ivvjaġġar multimodali huma bbażati fuq id-dejta kemm statika kif ukoll dinamika dwar l-ivvjaġġar u t-traffiku kif elenkat fl-Anness. Id-dejta statika dwar l-ivvjaġġar u t-traffiku hija essenzjali għal finijiet ta' informazzjoni u ppjanar matul il-fażi ta' qabel il-vjaġġ u għalhekk hija meħtieġa mill-Istati Membri kollha. Permezz ta' dejta dinamika dwar l-ivvjaġġar u t-traffiku, pereżempju dwar tfixkil u dewmien fl-ivvjaġġar, l-utenti finali jistgħu jieħdu deċiżjonijiet informati tajjeb dwar l-ivvjaġġar kif ukoll jiffrankaw il-ħin. Madankollu, l-integrazzjoni tad-dejta dinamika dwar l-ivvjaġġar u t-traffiku fil-punti ta' aċċess nazzjonali tista' tirrikjedi sforz addizzjonali. L-Istati Membri għandhom ikunu liberi li jiddeċiedu jekk jinkludux jew le d-dejta dinamika dwar l-ivvjaġġar u t-traffiku elenkata fl-Anness permezz tal-punt ta' aċċess nazzjonali. Jekk jiddeċiedu li jagħmlu dan, jenħtieġ li japplikaw ir-rekwiżiti ta' dan ir-Regolament. Sabiex jiġi żgurat li l-iżvilupp tal-informazzjoni dwar l-ivvjaġġar multimodali jkun konsistenti u koerenti mal-Unjoni kollha, l-Istati Membri huma mħeġġa jintegraw id-dejta dinamika li hemm bħalissa dwar l-ivvjaġġar u t-traffiku permezz tal-punt ta' aċċess nazzjonali skont l-iskeda ta' żmien li ġejja: id-dejta dwar l-ivvjaġġar u t-traffiku stabbilita fil-punt 2.1 tal-Anness sal-1 ta' Diċembru 2019, id-dejta dwar l-ivvjaġġar u t-traffiku stabbilita fil-punt 2.2 tal-Anness sal-1 ta' Diċembru 2020 u d-dejta dwar l-ivvjaġġar u t-traffiku stabbilita fil-punt 2.3 tal-Anness sal-1 ta' Diċembru 2021.

(13)

Sabiex il-punti ta' aċċess nazzjonali jkunu jistgħu jintużaw b'mod kosteffiċjenti u b'suċċess, jenħtieġ li jiġu deskritti b'mod korrett il-kontenut u l-istruttura tad-dejta rilevanti dwar l-ivvjaġġar u t-traffiku bl-użu tal-metadejta xierqa (12).

(14)

Dawn l-ispeċifikazzjonijiet ma għandhomx jobbligaw lill-awtoritajiet tat-trasport, lill-operaturi tat-trasport, lill-fornituri tas-servizz tat-trasport fuq talba u lill-maniġers tal-infrastruttura biex jibdew jiġbru kwalunkwe dejta li mhijiex diġà disponibbli f'format li jista' jinqara bil-magna. Ir-rekwiżiti speċifiċi dwar id-dejta statika u dinamika dwar l-ivvjaġġar u t-traffiku ta' mezzi tat-trasport differenti għandhom japplikaw biss għad-dejta li realment tinġabar u tkun disponibbli f'format li jista' jinqara bil-magna. Fl-istess ħin, l-Istati Membri għandhom ikunu mħeġġa jfittxu modi kosteffettivi li huma adattati għall-ħtiġijiet tagħhom ta' diġitalizzazzjoni tad-dejta statika u dinamika eżistenti ta' mezzi tat-trasport differenti. L-Istati Membri li jibdew id-diġitalizzazzjoni tal-informazzjoni statika u dinamika dwar l-ivvjaġġar u t-traffiku ta' mezzi ta' trasport differenti li jistgħu jintużaw għal servizzi ta' informazzjoni dwar l-ivvjaġġar multimodali huma mħeġġa biex jibdew bid-dejta definita fil-livell ta' servizz 1 tal-Anness u mbagħad lil hinn fil-livell ta' servizz 2 u 3. Id-dejta definita fl-ewwel grupp titqies bħala essenzjali għall-funzjonament bażiku tas-servizzi ta' informazzjoni dwar l-ivvjaġġar multimodali.

(15)

Sabiex jiġi żviluppat forniment armonizzat u mingħajr xkiel tas-servizzi ta' informazzjoni dwar l-ivvjaġġar multimodali u biex tiġi appoġġata l-interoperabbiltà mal-Unjoni kollha, fil-punt ta' aċċess nazzjonali għandu jintuża sett armonizzat ta' protokolli u formati ta' skambju ta' dejta interoperabbli bbażati fuq soluzzjonijiet u standards tekniċi eżistenti f'diversi mezzi tat-trasport. Fi ħdan il-qafas tas-servizzi ta' informazzjoni dwar l-ivvjaġġar multimodali, hemm għadd ta' standards u speċifikazzjonijiet tekniċi rilevanti li kienu diġà jeżistu u li jkopru d-dejta dwar it-toroq (DATEX II), it-trasport bil-ferrovija (id-dokumenti tekniċi TAP-TSI B1, B2, B3, B4, B8 u B9), it-trasport bl-ajru (IATA SSIM) u d-dejta ġeografika sottostanti (INSPIRE). F'każijiet bħal dawn, dan ir-Regolament jenħtieġ li jirreferi għar-rekwiżiti li diġà hemm fis-seħħ iżda mezzi tat-trasport bħal dawn jistgħu jagħżlu li jużaw standards u speċifikazzjonijiet tekniċi oħra identifikati fl-ispeċifikazzjoni. Madankollu, għandha tiġi evitata d-duplikazzjoni tal-istess dejta dwar l-ivvjaġġar u t-traffiku f'aktar minn format wieħed (pereżempju d-dejta dwar it-trasport ferrovjarju urban fit-TAP-TSI jew fin-NeTEx). Fil-futur dawn l-istandards, speċjalment id-DATEX II, jistgħu jespandu l-ambitu tagħhom biex ikopru aktar elementi urbani, u jekk ikunu disponibbli għandhom jintużaw fil-qafas tal-ispeċifikazzjonijiet.

(16)

Fejn għandu x'jaqsam l-iskambju ta' dejta skedata statika (bħat-trasport pubbliku, il-kowċis għal distanza twila u t-trasport marittimu inkluż bil-lanċa), id-dejta rilevanti fil-punt ta' aċċess nazzjonali għandha tuża l-istandard CEN tal-iskambju ta' dejta NeTEx CEN/TS 16614 ibbażat fuq il-mudell ta' referenza tad-dejta konċettwali sottostanti Transmodel EN 12896: 2006 u l-verżjonijiet aġġornati sussegwenti jew kwalunkwe format li jista' jinqara bil-magna li jkun kompatibbli bis-sħiħ, sal-iskeda ta' żmien miftiehma. Fejn għandu x'jaqsam l-iskambju ta' dejta dinamika dwar it-trasport pubbliku, jekk l-Istati Membri jagħżlu li jinkludu dejta dinamika fil-punt ta' aċċess nazzjonali, għandhom jintużaw il-partijiet rilevanti tal-istandard CEN tal-iskambju ta' dejta dwar it-trasport pubbliku SIRI CEN/TS 15531 u l-verżjonijiet aġġornati sussegwenti jew kwalunkwe format li jista' jinqara bil-magna li jkun kompatibbli bis-sħiħ. L-Istati Membri jistgħu jagħżlu li jkomplu jużaw l-istandards nazzjonali tad-dejta dwar it-trasport pubbliku fil-livell tal-Istati Membri għall-operazzjonijiet nazzjonali, iżda fil-livell tal-punt ta' aċċess nazzjonali jridu jużaw l-istandards speċifikati tal-UE sabiex jiżguraw l-interoperabbiltà fl-UE kollha u l-kontinwità tas-servizzi. L-Istati Membri jistgħu jużaw metodi ta' traduzzjoni u konverżjoni biex jaderixxu mar-rekwiżiti Ewropej ta' standardizzazzjoni. Għandha tintuża l-verżjoni tal-istandards preskritti li tkun disponibbli fi żmien id-data ta' applikazzjoni. Għandu jintuża kwalunkwe aġġornament rilevanti li jwessa' l-ambitu u jinkludi tipi ġodda ta' dejta.

(17)

Sabiex jiġi żgurat l-aħjar użu u l-interoperabbiltà sħiħa tal-istandards imsemmija qabel bejn l-Istati Membri, għandu jiġi stabbilit u użat fil-punti ta' aċċess nazzjonali, profil minimu komuni li jidentifika l-elementi ewlenin differenti tal-istandard. Il-profili nazzjonali tal-Istati Membri jridu jkunu bbażati fuq profil Ewropew minimu komuni, meta dan ikun jeżisti.

(18)

Il-forniment ta' informazzjoni preċiża u affidabbli minn fornituri ta' servizzi huwa essenzjali għall-vjaġġaturi mal-Unjoni kollha. Meta jkun hemm xi bidliet, id-dejta rilevanti għandha tiġi aġġornata tempestivament mill-awtoritajiet tat-trasport jew mill-operaturi tat-trasport permezz ta' punt ta' aċċess nazzjonali. Barra minn hekk, meta fornitur ta' servizz juża dejta dwar l-ivvjaġġar u t-traffiku, hemm riskju li l-utenti jingħataw informazzjoni mhux preċiża dwar l-ivvjaġġar li jista' jkollha impatt negattiv fuq il-vjaġġ li jkun għamel il-vjaġġatur. Meta jiġu individwati xi ineżattezzi mill-awtoritajiet tat-trasport, mill-operaturi tat-trasport, mill-maniġers tal-infrastruttura jew mill-fornituri tas-servizz tat-trasport fuq talba, dawn l-iżbalji għandhom jiġu kkoreġuti tempestivament.

(19)

Fil-preżent, hemm għadd sostanzjali ta' servizzi ta' informazzjoni dwar l-ivvjaġġar multimodali fl-Ewropa iżda dawk is-servizzi li joffru riżultat tat-tiftix tar-rotta kompleta bieb bieb huma prinċipalment limitati għat-territorju fi ħdan Stat Membru. Soluzzjoni ewlenija biex tittejjeb il-kopertura ġeografika tas-servizzi ta' informazzjoni dwar l-ivvjaġġar u biex tiġi appoġġata l-informazzjoni dwar l-ivvjaġġar multimodali fl-Unjoni kollha, hija billi jiġu kkollegati s-servizzi ta' informazzjoni lokali, reġjonali u nazzjonali dwar l-ivvjaġġar. Dan jinvolvi l-użu ta' għodod teknoloġiċi inklużi l-interfaċċi biex is-sistemi ta' informazzjoni eżistenti jiġu kkollegati mal-iskambju tar-riżultati tat-tiftix tar-rotta. Huwa rrakkomandat li s-servizzi ta' informazzjoni dwar l-ivvjaġġar jużaw l-Ispeċifikazzjoni Teknika Ewropea bit-titlu “Intelligent Transport Systems — Public Transport — Open API for distributed journey planning 00278420” li bħalissa qed tiġi ffinalizzata fit-twettiq tal-ippjanar distribwit tal-vjaġġi. Meta l-fornituri tas-servizzi jistabbilixxu punti tat-trasferiment għall-ippjanar distribwit tal-vjaġġi, tali punti tat-trasferiment għandhom jiġu elenkati fil-punt ta' aċċess nazzjonali.

(20)

Is-servizzi ta' informazzjoni dwar l-ivvjaġġar jistgħu jipprovdu diversi għażliet ta' vvjaġġar lill-utenti finali b'operaturi tat-trasport differenti. Huwa importanti li l-fornituri tas-servizzi jkunu trasparenti fil-kriterji użati biex jikklassifikaw l-għażliet tal-ivvjaġġar u jipprovdu informazzjoni newtrali dwar l-ivvjaġġar. Kull fejn hu possibbli, il-fornituri tas-servizzi ta' informazzjoni dwar l-ivvjaġġar għandhom jipprovdu informazzjoni dwar l-emissjonijiet tal-gassijiet serra minn mezzi differenti biex jappoġġaw il-bidla lejn mezzi sostenibbli ta' trasport. Barra minn hekk, il-fornituri tas-servizzi huma ferm imħeġġa biex jippermettu r-rispons dirett tal-klijenti fir-rigward tal-kwalità tas-servizz.

(21)

L-użu ta' dejta statika u dinamika għall-iskop ta' servizzi ta' informazzjoni dwar l-ivvjaġġar jinvolvi dejta minn atturi differenti fil-katina tal-valur. F'ħafna każijiet id-dejta oriġinali mill-awtoritajiet tat-trasport, mill-operaturi tat-trasport, mill-maniġers tal-infrastruttura jew mill-fornituri tas-servizz tat-trasport fuq talba, se tintuża minn fornitur tas-servizz ta' informazzjoni dwar l-ivvjaġġar. F'dan il-każ huwa essenzjali li meta tintuża, jiġu indikati s-sors oriġinali, id-data u l-ħin tal-aħħar aġġornament statiku.

(22)

Sabiex jiġi mmassimizzat l-użu prevedibbli ta' servizzi ta' informazzjoni dwar l-ivvjaġġar minn persuni b'limitazzjonijiet funzjonali, il-fornituri tas-servizzi ta' informazzjoni dwar l-ivvjaġġar u l-Istati Membri meta jimplimentaw ir-Regolament Delegat jenħtieġ li jqisu l-leġiżlazzjoni rilevanti fir-rigward tar-rekwiżiti ta' aċċessibbiltà bħall-“Att Ewropew dwar l-Aċċessibbiltà” li jmiss. Ir-rekwiżiti rilevanti jinkludu l-aċċessibbiltà tas-siti web u tas-servizzi bbażati fuq apparat mobbli b'mod konsistenti u adegwat għall-perċezzjoni, l-operat u l-fehim tal-utenti.

(23)

Sabiex jiżguraw li dawn l-ispeċifikazzjonijiet jiġu implimentati b'mod korrett, l-Istati Membri jenħtieġ li jivvalutaw il-konformità mar-rekwiżiti fir-rigward tal-aċċessibbiltà, l-iskambju, l-użu mill-ġdid u l-aġġornament tad-dejta dwar l-ivvjaġġar multimodali mill-awtoritajiet tat-trasport, mill-operaturi tat-trasport, mill-fornituri tas-servizz ta' trasport fuq talba u mill-fornituri tas-servizz ta' informazzjoni dwar l-ivvjaġġar. Għal dak l-għan, l-awtoritajiet kompetenti għandhom ikunu liberi li jistrieħu fuq awtodikjarazzjonijiet ta' konformità mressqa mill-awtoritajiet tat-trasport, mill-operaturi tat-trasport, mill-maniġers tal-infrastruttura, mill-fornituri tas-servizz ta' trasport fuq talba jew mill-fornituri tas-servizzi ta' informazzjoni dwar l-ivvjaġġar, u jistgħu b'mod aleatorju jeżaminaw il-korrettezza ta' dawn id-dikjarazzjonijiet.

(24)

Sabiex jimmonitorjaw l-implimentazzjoni ta' dan ir-Regolament, l-Istati Membri jenħtieġ li jipprovdu lill-Kummissjoni b'rapport li jiddeskrivi l-implimentazzjoni tar-rekwiżiti differenti.

(25)

Permezz tal-Faċilità Nikkollegaw l-Ewropa, il-Kummissjoni se tappoġġa r-rekwiżiti tekniċi differenti stabbiliti f'dan ir-Regolament permezz ta' azzjoni ta' sostenn għall-programm (13), b'mod partikolari t-twaqqif ta' punt ta' aċċess nazzjonali, il-konverżjoni għal standards preskritti għall-iskambju tad-dejta u l-użu ta' profili minimi komuni f'punti ta' aċċess nazzjonali u l-kollegament tas-servizzi ta' informazzjoni dwar l-ivvjaġġar meta dan ikun rilevanti.

(26)

Il-Kontrollur Ewropew għall-Protezzjoni tad-Dejta ġie kkonsultat skont l-Artikolu 28(2) tar-Regolament (KE) Nru 45/2001 tal-Parlament Ewropew u tal-Kunsill (14) u ta opinjoni fit-22 ta' Awwissu 2017,

(1)

“l-aċċessibbiltà tad-dejta” tfisser il-possibbiltà li tintalab u tinkiseb id-dejta fi kwalunkwe ħin f'format li jista' jinqara mill-magna;

(2)

“aġġornament tad-dejta” tfisser kwalunkwe modifika ta' dejta eżistenti, inkluż it-tħassir tagħha jew iż-żieda ta' elementi ġodda jew addizzjonali;

(3)

“metadejta” tfisser deskrizzjoni strutturata tal-kontenut tad-dejta li tiffaċilita s-sejbien u l-użu ta' din id-dejta;

(4)

“servizzi ta' sejbien” tfisser servizzi li jippermettu t-tiftix tad-dejta mitluba bl-użu tal-kontenut tal-metadejta korrispondenti u li juru tali kontenut;

(5)

“netwerk komprensiv trans-Ewropew tat-trasport” tfisser l-infrastruttura tat-trasport li hija parti min-netwerk komprensiv kif definit fir-Regolament (UE) Nru 1315/2013;

(6)

“punt ta' aċċess” tfisser interfaċċa diġitali fejn mill-inqas id-dejta statika dwar l-ivvjaġġar u d-dejta storika dwar it-traffiku flimkien mal-metadejta korrispondenti, jsiru aċċessibbli għall-użu mill-ġdid tal-utenti, jew fejn is-sorsi u l-metadejta ta' din id-dejta jkunu aċċessibbli għall-użu mill-ġdid tal-utenti;

(7)

“dejta dinamika dwar l-ivvjaġġar u t-traffiku” tfisser id-dejta li għandha x'taqsam ma' mezzi differenti ta' trasport li tinbidel ta' spiss jew fuq bażi regolari, kif elenkat fl-Anness;

(8)

“dejta statika dwar l-ivvjaġġar u t-traffiku” tfisser id-dejta li għandha x'taqsam ma' mezzi differenti ta' trasport li ma tinbidel xejn jew ma tinbidilx ta' spiss, jew tinbidel fuq bażi regolari, kif elenkat fl-Anness;

(9)

“l-awtorità tat-trasport” tfisser kwalunkwe awtorità pubblika responsabbli mill-ġestjoni tat-traffiku jew mill-ippjanar, mill-kontroll jew mill-ġestjoni ta' netwerk ta' trasport partikolari jew ta' mezzi ta' trasport, jew it-tnejn li huma, li jaqgħu fil-kompetenza territorjali tagħha;

(10)

“operatur tat-trasport” tfisser kwalunkwe entità pubblika jew privata li hija responsabbli mill-manutenzjoni u l-ġestjoni tas-servizz tat-trasport;

(11)

“utent” tfisser kwalunkwe entità pubblika jew privata li tuża Punt ta' Aċċess Nazzjonali bħall-awtoritajiet tat-trasport, l-operaturi tat-trasport, il-fornituri ta' servizzi ta' informazzjoni dwar l-ivvjaġġar, il-produtturi tal-mapep diġitali, il-fornituri tas-servizz tat-trasport fuq talba u l-maniġers tal-infrastruttura;

(12)

“utent finali” tfisser kwalunkwe persuna fiżika jew ġuridika, li jkollha aċċess għall-informazzjoni dwar l-ivvjaġġar;

(13)

“servizz ta' informazzjoni dwar l-ivvjaġġar” tfisser servizz tas-STI, inklużi l-mapep diġitali, li jipprovdi lill-utenti u lill-utenti finali, b'informazzjoni dwar l-ivvjaġġar u t-traffiku ta' mill-inqas mezz wieħed ta' trasport;

(14)

“dejta storika dwar it-traffiku” tfisser il-karatteristiċi tat-traffiku skont il-ħin, il-jum, l-istaġun abbażi ta' kejl preċedenti, inkluża r-rata ta' konġestjoni, il-veloċitajiet medji, il-ħinijiet ta' vvjaġġar medji, kif elenkati fl-Anness;

(15)

“tempestività tad-dejta” tfisser id-disponibbiltà ta' dejta aġġornata pprovduta lill-utenti u lill-utenti finali kmieni biżżejjed biex tkun utli;

(16)

“fornitur ta' servizz ta' informazzjoni dwar l-ivvjaġġar” tfisser kwalunkwe fornitur pubbliku jew privat tal-informazzjoni dwar l-ivvjaġġar u t-traffiku, minbarra s-sempliċi trażmissjoni tal-informazzjoni, lill-utenti u lill-utenti finali;

(17)

“trasport fuq talba” tfisser servizz ta' trasport tal-passiġġieri li huwa kkaratterizzat minn itinerarji flessibbli, bħalma huma l-car-sharing, il-car-pooling, il-bike-sharing, ir-ride-sharing, it-taksi, is-servizzi dial-a-ride. Dawn is-servizzi normalment jeħtieġu interazzjoni bejn it-trasport fuq talba tal-fornitur tas-servizz u l-utenti finali qabel ma jingħata s-servizz;

(18)

“fornitur tas-servizz tat-trasport fuq talba” tfisser kwalunkwe fornitur pubbliku jew privat tas-servizz tat-trasport fuq talba lill-utenti u lill-utenti finali, inkluża l-informazzjoni dwar l-ivvjaġġar u t-traffiku tagħhom;

(19)

“kollegament tas-servizz” tfisser il-konnessjoni tas-sistemi ta' informazzjoni lokali, reġjonali, u nazzjonali dwar l-ivvjaġġar li huma interkonnessi permezz ta' interfaċċi tekniċi biex jipprovdu riżultati tat-tiftix tar-rotta jew riżultati oħra ta' interfaċċi ta' programmar tal-applikazzjonijiet (APIs) abbażi ta' informazzjoni statika u/jew dinamika dwar l-ivvjaġġar u t-traffiku;

(20)

“punt ta' trasferiment” tfisser l-istazzjon, il-waqfa jew il-post fejn żewġ riżultati tat-tiftix tar-rotta minn servizzi ta' informazzjoni dwar l-ivvjaġġar huma kkollegati biex jitwettaq vjaġġ;

(21)

“informazzjoni dwar l-ivvjaġġar multimodali” tfisser informazzjoni li ġejja minn kwalunkwe dejta statika jew dinamika dwar l-ivvjaġġar u t-traffiku, jew it-tnejn li huma, għall-utenti u għall-utenti finali, permezz ta' kwalunkwe mezz ta' komunikazzjoni, li tkopri mill-anqas żewġ mezzi ta' trasport u li permezz tagħha jistgħu jitqabblu mezzi tat-trasport;

(22)

“riżultat tat-tiftix tar-rotta” tfisser l-itinerarju tal-ivvjaġġar f'format li jista' jinqara bil-magna li jirriżulta minn talba għal vjaġġ tal-utenti finali b'referenza għall-punt(i) tat-trasferiment użat(i);

(23)

“maniġer tal-infrastruttura” tfisser kwalunkwe impriża jew korp pubbliku jew privat jew li huwa responsabbli b'mod partikolari għall-istabbiliment u l-manutenzjoni ta' infrastruttura tat-trasport, jew parti minnha;

(24)

“servizz tat-trasport għall-vjaġġatur” tfisser kwalunkwe servizz tat-trasport pubbliku jew privat jew kwalunkwe servizz li huwa disponibbli għal użu kollettiv jew użu privat mill-pubbliku ġenerali, li jkopri mezzi differenti ta' trasport.

(a)

għat-trasport bit-triq, l-istandards definiti fl-Artikolu 4 tar-Regolament ta' Delega (UE) 2015/962;

(b)

għal mezzi oħra ta' trasport, l-użu ta' wieħed mill-istandards u mill-ispeċifikazzjonijiet tekniċi li ġejjin: in-NeTEx CEN/TS 16614 u verżjonijiet sussegwenti, id-dokumenti tekniċi definiti fir-Regolament (UE) Nru 454/2011 u verżjonijiet sussegwenti, id-dokumenti tekniċi elaborati mill-IATA jew kwalunkwe format li jista' jinqara bil-magna li jkun kompletament kompatibbli u interoperabbli ma' dawk l-istandards u l-ispeċifikazzjonijiet tekniċi;

(c)

għan-netwerk ġeografiku, ir-rekwiżiti definiti fl-Artikolu 7 tad-Direttiva 2007/2/KE.

(a)

għas-sett tad-dejta dwar l-ivvjaġġar u t-traffiku stabbilita fil-punt 1.1 tal-Anness għan-netwerk TEN-T komprensiv, sa mhux aktar tard mill-1 ta' Diċembru 2019;

(b)

għas-sett tad-dejta dwar l-ivvjaġġar u t-traffiku stabbilita fil-punt 1.2 tal-Anness għan-netwerk TEN-T komprensiv, sa mhux aktar tard mill-1 ta' Diċembru 2020;

(c)

għas-sett tad-dejta dwar l-ivvjaġġar u t-traffiku stabbilita fil-punt 1.3 tal-Anness għan-netwerk TEN-T komprensiv, sa mhux aktar tard mill-1 ta' Diċembru 2021;

(d)

għas-sett tad-dejta dwar l-ivvjaġġar u t-traffiku stabbilita fil-punti 1.1, 1.2 u 1.3 tal-Anness għall-partijiet l-oħra tan-netwerk tat-trasport tal-Unjoni, sa mhux aktar tard mill-1 ta' Diċembru 2023.

(a)

għat-trasport bit-triq, l-istandards definiti fl-Artikoli 5 u 6 tar-Regolament ta' Delega (UE) 2015/962,

(b)

għall-mezzi l-oħra tat-trasport: is-SIRI CEN/TS 15531 u verżjonijiet sussegwenti, id-dokumenti tekniċi definiti fir-Regolament (UE) Nru 454/2011 jew kwalunkwe format li jista' jinqara bil-magna li jkun kompletament kompatibbli u interoperabbli ma' dawk l-istandards jew id-dokumenti tekniċi.

(a)

il-punti tal-bidu u tat-tmiem ta' vjaġġ ta' dawk li jagħmlu t-talba flimkien mal-ħin u d-data speċifiċi tat-tluq jew tal-wasla, jew it-tnejn li huma;

(b)

l-għażliet ta' vvjaġġar possibbli flimkien mal-ħin u d-data speċifiċi tat-tluq jew tal-wasla, jew it-tnejn li huma, inkluża kwalunkwe konnessjoni possibbli;

(c)

il-punt tat-trasferiment bejn is-servizzi ta' informazzjoni dwar l-ivvjaġġar;

(d)

f'każ ta' tfixkil, l-għażliet ta' vvjaġġar possibbli alternattivi flimkien mal-ħin u d-data speċifiċi tat-tluq jew tal-wasla, jew it-tnejn li huma, u kwalunkwe konnessjoni, fejn tkun disponibbli.

(a)

deskrizzjoni tad-dejta dwar l-ivvjaġġar u t-traffiku elenkata jew maħżuna fil-punt(i) ta' aċċess u s-servizzi ta' informazzjoni dwar l-ivvjaġġar disponibbli inklużi konnessjonijiet ma' servizzi oħra jekk applikabbli, kif ukoll l-informazzjoni dwar il-kwalità tagħhom; kif ukoll

(b)

dikjarazzjoni bbażata fuq l-evidenza ta' konformità mar-rekwiżiti stabbiliti fl-Artikoli 3 sa 8.

(a)

il-progress li sar f'termini tal-aċċessibbiltà u tal-iskambju tat-tipi ta' dejta dwar l-ivvjaġġar u t-traffiku stabbiliti fl-Anness;

(b)

il-kopertura ġeografika u d-dejta dwar l-ivvjaġġar u t-traffiku stabbilita fl-Anness aċċessibbli fil-punt ta' aċċess u l-kollegament tas-servizzi ta' informazzjoni dwar l-ivvjaġġar;

(c)

ir-riżultati tal-valutazzjoni ta' konformità msemmija fl-Artikolu 9 u

(d)

fejn rilevanti, deskrizzjoni tal-bidliet fil-paragrafu 1 jew fil-paragrafu 2(b).