4.8.2017 |
MT |
Il-Ġurnal Uffiċjali tal-Unjoni Ewropea |
L 203/1 |
REGOLAMENT TAL-KUMMISSJONI (UE) 2017/1413
tat-3 ta' Awwissu 2017
li jemenda l-Anness IV tar-Regolament (KE) Nru 1223/2009 tal-Parlament Ewropew u tal-Kunsill dwar il-prodotti kożmetiċi
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (KE) Nru 1223/2009 tal-Parlament Ewropew u tal-Kunsill tat-30 ta' Novembru 2009 dwar il-prodotti kożmetiċi (1), u b'mod partikolari l-Artikolu 31(1) tiegħu,
Billi:
(1) |
L-ossidu taż-żingu huwa awtorizzat bħala kolorant fil-prodotti kożmetiċi skont l-entrata 144 tal-Anness IV tar-Regolament (KE) Nru 1223/2009. |
(2) |
Fl-opinjoni tiegħu tat-18 ta' Settembru 2012 (2), li ġiet rieżaminata fit-23 ta' Settembru 2014 (3), il-Kumitat Xjentifiku dwar is-Sikurezza tal-Konsumatur (SCCS) ikkonkluda li l-użu tal-ossidu taż-żingu mhuwiex perikoluż meta jintuża bħala kolorant, mhux miksi u f'forma mhux nano, fil-kożmetiċi għall-applikazzjoni tal-ġilda. Madankollu, l-SCCS qies ukoll li fid-dawl tal-infjammazzjoni tal-pulmun ipprovokata minn partiċelli tal-ossidu taż-żingu wara l-inalazzjoni, l-użu tal-ossidu taż-żingu fi prodotti kosmetiċi li jista' jwassal għall-esponiment tal-pulmuni tal-konsumatur għall-ossidu taż-żingu permezz tal-inalazzjoni, kien ta' tħassib. |
(3) |
Fid-dawl tal-opinjonijiet tal-SCCS, l-użu tal-ossidu taż-żingu bħala kolorant, mhux miksi, f'forma mhux nano fil-prodotti kożmetiċi għandu jkun ristrett għal dawk l-applikazzjonijiet li ma jkunux jistgħu jwasslu għal esponiment tal-pulmuni tal-utent aħħari permezz tal-inalazzjoni. |
(4) |
L-Anness IV tar-Regolament (KE) Nru 1223/2009 għandu għalhekk jiġi emendat skont dan. |
(5) |
L-industrija għandha tingħata żmien raġonevoli biex tagħmel l-aġġustamenti meħtieġa fil-formulazzjonijiet tal-prodotti fid-dawl tat-tqegħid tagħhom fis-suq u biex tirtira mis-suq il-prodotti mhux konformi. |
(6) |
Il-miżuri stipulati f'dan ir-Regolament huma skont l-opinjoni tal-Kumitat Permanenti dwar il-Prodotti Kożmetiċi, |
ADOTTAT DAN IR-REGOLAMENT:
Artikolu 1
L-Anness IV tar-Regolament (KE) Nru 1223/2009 huwa emendat skont l-Anness ta' dan ir-Regolament.
Artikolu 2
Mill-24 ta' Frar 2018 prodotti kożmetiċi biss li jikkonformaw ma' dan ir-Regolament għandhom jitqiegħdu fis-suq tal-Unjoni.
Mill-24 ta' Mejju 2018 prodotti kożmetiċi biss li jikkonformaw ma' dan ir-Regolament għandhom jitqiegħdu fis-suq tal-Unjoni.
Artikolu 3
Dan ir-Regolament jidħol fis-seħħ fl-għoxrin jum wara dak tal-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, it-3 ta' Awwissu 2017.
Għall-Kummissjoni
Il-President
Jean-Claude JUNCKER
(1) ĠU L 342, 22.12.2009, p. 59.
(2) SCCS/1489/12 Revision of 11 December 2012, http://ec.europa.eu/health/scientific_committees/consumer_safety/docs/sccs_o_103.pdf
(3) SCCS/1539/14 Revision of 25 June 2015, http://ec.europa.eu/health/scientific_committees/consumer_safety/docs/sccs_o_163.pdf
ANNESS
L-entrata 144 tal-Anness IV tar-Regolament (KE) Nru 1223/2009 hija sostitwita b'dan li ġej:
Numru ta' referenza |
L-identifikazzjoni tas-sustanza |
Kundizzjonijiet |
Liema kliem għandu jintuża fil-kundizzjonijiet tal-użu u t-twissijiet |
||||||
Isem Kimiku |
Numru tal-indiċi tal-kulur/Isem fil-Glossarju tal-Ingredjenti Komuni |
Numru CAS |
Numru KE |
Kulur |
Tip ta' prodott, Partijiet tal-ġisem |
Konċentrazzjoni massima fi preparazzjoni lesta għall-użu |
Oħrajn |
||
a |
b |
c |
d |
e |
f |
g |
h |
i |
j |
“144 |
Ossidu taż-żingu (*1) |
77947 |
1314-13-2 |
215-222-5 |
Abjad |
|
|
M'għandhux jintuża f'applikazzjonijiet li jistgħu jwasslu għall-esponiment tal-pulmuni tal-utent aħħari permezz tan-nifs |
|
(*1) Għall-użu bħala filtru għall-UV, ara l-Anness VI, Nru. 30 u Nru 30a.”.