31.3.2017 |
MT |
Il-Ġurnal Uffiċjali tal-Unjoni Ewropea |
L 87/193 |
REGOLAMENT DELEGAT TAL-KUMMISSJONI (UE) 2017/580
tal-24 ta' Ġunju 2016
li jissupplimenta r-Regolament (UE) Nru 600/2014 tal-Parlament Ewropew u tal-Kunsill fir-rigward tal-istandards tekniċi regolatorji għaż-żamma tad-dejta rilevanti dwar l-ordnijiet fl-istrumenti finanzjarji
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 600/2014 tal-Parlament Ewropew u tal-Kunsill tal-15 ta' Mejju 2014 dwar is-swieq tal-istrumenti finanzjarji u li jemenda r-Regolament (UE) Nru 648/2012 (1) u b'mod partikolari r-raba' subparagrafu tal-Artikolu 25(3) tiegħu,
Billi:
(1) |
L-operaturi taċ-ċentri tan-negozjar għandhom ikunu liberi jiddeterminaw il-mod li bih iżommu r-rekords tad-dejta rilevanti relatata mal-ordnijiet kollha fl-istrumenti finanzjarji. Madankollu, sabiex ikunu jistgħu jsiru ġbir, tqabbil u analiżi effettivi u effiċjenti tad-dejta rilevanti tal-ordni għall-fini tal-monitoraġġ tas-suq, din l-informazzjoni għandha tkun disponibbli għall-awtoritajiet kompetenti bl-użu ta' standards u formati uniformi meta awtorità kompetenti titlob tali informazzjoni skont l-Artikolu 25(2) tar-Regolament (UE) Nru 600/2014. |
(2) |
Sabiex ikunu żgurati ċ-ċarezza, iċ-ċertezza legali u tiġi evitata ħażna doppja tal-istess informazzjoni dan ir-Regolament għandu jkopri l-elementi kollha tad-dejta relatati mal-ordnijiet, inkluż id-dettalji li jridu jiġu rrappurtati skont l-Artikolu 26(1) u (3). |
(3) |
Sabiex jiġi identifikat u investigat b'mod effettiv abbuż potenzjali tas-suq jew tentattivi tiegħu, l-awtoritajiet kompetenti jeħtiġilhom jidentifikaw fil-pront il-persuni u l-entitajiet li jistgħu jkunu involuti b'mod sinifikanti fil-proċess tal-ordni, inkluż membri jew parteċipanti taċ-ċentri tan-negozjar, l-entitajiet responsabbli għall-investiment u l-eżekuzzjoni tad-deċiżjonijiet, is-sensara mhux eżekuttivi u l-klijenti li f'isimhom ikunu nbdew l-ordinijiet. Għaldaqstant l-operaturi taċ-ċentri tan-negozjar għandhom iżommu deżinjazzjonijiet għal dawn il-partijiet. |
(4) |
Sabiex jippermettu lill-awtoritajiet kompetenti jidentifikaw b'mod aktar effiċjenti x-xejriet suspettużi ta' mġiba abbużiva potenzjali li toriġina minn klijent partikolari, inkluż meta l-klijent ikun qed jopera permezz ta' għadd ta' ditti ta' investiment, l-operaturi taċ-ċentri tan-negozjar għandhom jirrekordjaw l-identità tal-klijenti li l-membri jew il-parteċipanti tagħhom ikunu ressqu l-ordni f'isimhom. L-operaturi għandhom jidentifikaw lil dawk il-klijenti permezz ta' identifikaturi uniċi biex jiffaċilitaw l-identifikazzjoni ċerta u effiċjenti ta' dawn il-persuni u b'hekk jiffaċilitaw analiżi aktar effettiva ta' abbuż potenzjali tas-suq li l-klijenti jistgħu jkunu involuti fih. |
(5) |
L-operaturi taċ-ċentri tan-negozjar ma għandhomx ikunu meħtieġa jirrekordjaw l-identifikaturi tal-klijent għall-klijenti kollha fil-katina tan-negozjar iżda biss tal-klijent li f'ismu l-membru jew il-parteċipant issottomessal-ordni. |
(6) |
L-identifikazzjoni tal-istrateġiji tal-ġenerazzjoni tas-suq jew attivitajiet simili hija importanti sabiex tippermetti l-identifikazzjoni effiċjenti ta' manipulazzjoni tas-suq. Dan jippermetti lill-awtoritajiet kompetenti jiddistingwu l-flussi tal-ordnijiet li jkunu ġejjin minn ditta tal-investiment li tkun qed taġixxi fuq il-bażi ta' termini stabbiliti minn qabel mill-emittent tal-istrument li huwa s-suġġett tal-ordni jew miċ-ċentru tan-negozjar fejn tiġi sottomessal-ordni mill-fluss tal-ordni li jkun ġej minn ditta tal-investiment li tkun qed taġixxi fuq id-diskrezzjoni tagħha stess jew tal-klijent tagħha. |
(7) |
Għandu jinżamm rekord tad-data u l-ħin preċiżi u d-dettalji ta' kwalunkwe pjazzament, modifika, kanċellazzjoni, ċaħda jew eżekuzzjoni ta' ordni. Din tippermetti li jiġu mmoniterjati l-bidliet fl-ordni tul ħajjietha, ħaġa li tista' tkun sinifikanti fl-identifikazzjoni u l-valutazzjoni ta' manipulazzjoni tas-suq u mġiba antiċipattiva (front running) potenzjali. |
(8) |
Sabiex tiġi żgurata stampa preċiża u sħiħa tal-ktieb tal-ordnijiet taċ-ċentru tan-negozjar, l-awtoritajiet kompetenti jitolbu informazzjoni dwar is-sessjonijiet ta' negozjar fejn jiġu nnegozjati strumenti finanzjarji. Din l-informazzjoni tista' tintuża b'mod partikolari sabiex jiġi ddeterminat meta jibdew u jintemmu l-perjodi tal-irkant jew tan-negozjar kontinwu u jekk l-ordnijiet jikkawżawx interruzzjonijiet mhux skedati. Din l-informazzjoni hija wkoll meħtieġa biex jiġi identifikat kif se jinteraġixxu l-ordnijiet, partikolarment meta s-sessjonijiet jintemmu f'perjodi aleatorji, bħal f'irkant. Informazzjoni dwar il-prezzijiet u l-volumi indikattivi diżinkroċati wkoll tassisti fl-analiżi ta' manipulazzjoni possibbli ta' irkant. Peress li ordni waħda jista' jkollha impatt kemm fuq il-prezz diżinkroċat tal-irkant, il-volum diżinkroċat tal-irkant jew fuq it-tnejn, l-awtoritajiet kompetenti jeħtiġilhom jaraw l-impatt ta' kull ordni fuq dawn il-valuri. Mingħajr din l-informazzjoni, ikun diffiċli li jiġi identifikat liema ordni kellha impatt fuq dawk il-valuri. Barra minn hekk, għandu jiġi assenjat numru tas-sekwenza għal kull event rilevanti sabiex tiġi ddeterminata s-sekwenza tal-eventi meta żewġ jew aktar eventi jseħħu fl-istess ħin. |
(9) |
L-ispeċifikazzjoni tal-pożizzjoni tal-ordnijiet fi ktieb tal-ordnijiet tippermetti r-rikostruzzjoni tal-ktieb tal-ordnijiet u l-analiżi tas-sekwenza tal-eżekuzzjoni tal-ordnijiet, li hija element importanti tas-sorveljanza tal-abbuż tas-suq. Il-pożizzjoni assenjata lil ordni tiddependi fuq kif inhija ddeterminata l-prijorità mis-sistema tan-negozjar. Għalhekk, l-operaturi taċ-ċentri tan-negozjar għandhom jassenjaw u jżomm id-dettalji tal-prijorità tal-ordnijiet skont il-prijorità tal-ħin meta jidher il-prezz jew il-metodu tal-prijorità tad-daqs u l-ħin. |
(10) |
Sabiex ikun jista' jsir monitoraġġ effettiv tas-suq huwa meħtieġ li l-ordnijiet ikunu jistgħu jitrabtu mat-tranżazzjonijiet korrispondenti tagħhom. Għaldaqstant l-operaturi taċ-ċentri tan-negozjar għandhom inżammu kodiċijiet distinti tal-identifikazzjoni tat-tranżazzjoni li jorbtu l-ordnijiet mat-tranżazzjonijiet. |
(11) |
L-operaturi taċ-ċentri tan-negozjar għandhom, għal kull ordni li jirċievu, jirrekordjaw u jżommu t-tip tal-ordni u l-istruzzjonijiet speċifiċi relatati, li flimkien jistabbilixxu kif kull ordni għandha tiġi maniġġjata mill-magni tat-tqabbil tagħhom, skont il-klassifikazzjoni tagħhom stess. Din l-informazzjoni dettaljata hija essenzjali biex l-awtoritajiet kompetenti jkunu jistgħu jimmonitorjaw, bħala parti mis-sorveljanza tal-abbuż tas-suq tagħhom, l-attività tan-negozjar fil-ktieb tal-ordnijiet ta' ċentru tan-negozjar partikolari u b'mod partikolari biex jirreplikaw kif kull ordni taġixxi fil-ktieb tal-ordnijiet. Madankollu, minħabba l-firxa wiesgħa ta' tipi ta' ordnijiet eżistenti u potenzjali ġodda li joħolqu l-operaturi taċ-ċentri tan-negozjar u t-teknikalitajiet speċifiċi marbuta ma' din tal-aħħar, iż-żamma ta' din l-informazzjoni dettaljata skont is-sistema tal-klassifikazzjoni interna tal-operaturi, bħalissa tista' ma tippermettix lill-awtoritajiet kompetenti jirreplikaw l-attività tal-ktieb tal-ordnijiet taċ-ċentri tan-negozjar kollha b'mod konsistenti. Għaldaqstant, sabiex l-awtoritajiet kompetenti jkunu f'pożizzjoni li jillokalizzaw eżattament kull ordni fil-ktieb tal-ordnijiet, l-operaturi taċ-ċentri tan-negozjar għandhom ukoll jikklassifikaw kull ordni li tiġi riċevuta jew bħala ordni ta' limitu meta l-ordni tkun negozjabbli jew bħala ordni ta' waqfien meta l-ordni ssir negozjabbli biss mar-realizzazzjoni ta' event prideterminat ta' prezz. |
(12) |
Għal raġunijiet ta' konsistenza u sabiex ikun żgurat il-funzjonament bla xkiel tas-swieq finanzjarji, huwa meħtieġ li d-dispożizzjonijiet stabbiliti f'dan ir-Regolament u d-dispożizzjonijiet stabbiliti fir-Regolament (UE) Nru 600/2014 japplikaw mill-istess data. |
(13) |
Dan ir-Regolament huwa bbażat fuq l-abbozz tal-istandards tekniċi regolatorji ppreżentat mill-Awtorità Ewropea tat-Titoli u s-Swieq (ESMA) lill-Kummissjoni. |
(14) |
L-ESMA għamlet konsultazzjonijiet pubbliċi miftuħa dwar l-abbozz tal-istandards tekniċi regolatorji li fuqu huwa bbażat dan ir-Regolament, analizzat il-kosti u l-benefiċċji potenzjali relatati u talbet l-opinjoni tal-Grupp tal-Partijiet Interessati tat-Titoli u s-Swieq stabbilit bl-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (2), |
ADOTTAT DAN IR-REGOLAMENT:
Artikolu 1
Ambitu, standards u format tad-dejta tal-ordni rilevanti
1. L-operaturi taċ-ċentri tan-negozjar għandhom iżommu għad-dispożizzjoni tal-awtorità kompetenti tagħhom id-dettalji ta' kull ordni reklamata permezz tas-sistemi tagħhom stabbiliti fl-Artikoli 2 sa 13 kif speċifikat fit-tieni u t-tielet kolonna tat-Tabella 2 tal-Anness sakemm dawn jirrigwardaw l-ordni konċernata.
2. Fejn l-awtoritajiet kompetenti jitolbu xi dettalji msemmija fil-paragrafu 1 skont l-Artikolu 25(2) tar-Regolament (UE) Nru 600/2014, l-operaturi taċ-ċentri tan-negozjar għandhom jipprovdu dawn id-dettalji billi jużaw l-istandards u l-formati preskritti fir-raba' kolonna tat-Tabella 2 tal-Anness ta' dan ir-Regolament.
Artikolu 2
Identifikazzjoni tal-partijiet rilevanti
1. L-operaturi taċ-ċentri tan-negozjar għandhom iżommu rekords dwar dan li ġej għall-ordnijiet kollha:
(a) |
il-membru jew il-parteċipant ta' ċentru tan-negozjar li ssottometta l-ordni liċ-ċentru tan-negozjar, identifikat kif speċifikat fil-kaxxa 1 tat-Tabella 2 tal-Anness; |
(b) |
il-persuna jew l-algoritmu tal-kompjuter fil-membru jew fil-parteċipant taċ-ċentru tan-negozjar għand minn ġiet sottomessal-ordni u li huwa responsabbli għad-deċiżjoni tal-investiment fir-rigward tal-ordni, identifikat kif speċifikat fil-kaxxa 4 tat-Tabella 2 tal-Anness; |
(c) |
il-persuna jew l-algoritmu tal-kompjuter fil-membru jew fil-parteċipant taċ-ċentru ta' negozjar li huwa responsabbli mill-eżekuzzjoni tal-ordni, identifikat kif speċifikat fil-kaxxa 5 tat-Tabella 2 tal-Anness; |
(d) |
il-membru jew il-parteċipant taċ-ċentru tan-negozjar li dderiġa (routed) l-ordni għal u f'isem membru jew parteċipant ieħor taċ-ċentru tan-negozjar, identifikat bħala sensar mhux eżekuttiv kif speċifikat fil-kaxxa 6 tat-Tabella 2 tal-Anness; |
(e) |
il-klijent f'isem min il-membru jew il-parteċipant taċ-ċentru tan-negozjar issottometta l-ordni liċ-ċentru tan-negozjar, identifikat kif speċifikat fil-kaxxa 3 tat-Tabella 2 tal-Anness. |
2. Meta membru jew parteċipant jew klijent ta' ċentru tan-negozjar ikun awtorizzat skont il-leġiżlazzjoni ta' Stat Membru li jalloka ordni lill-klijent wara s-sottomissjoni tal-ordni liċ-ċentru tan-negozjar u jkun għadu ma allokax l-ordni lill-klijent tiegħu meta ssir is-sottomissjoni tal-ordni, dik l-ordni għandha tiġi identifikaata kif speċifikat fil-kaxxa 3 tat-Tabella 2 tal-Anness.
3. Meta jiġu sottomessi flimkien diversi ordnijiet liċ-ċentru tan-negozjar bħala ordni aggregata, l-ordni aggregata għandha tiġi identifikata kif speċifikat fil-kaxxa 3 tat-Tabella 2 tal-Anness.
Artikolu 3
Il-kapaċità tan-negozjar tal-membri jew il-parteċipanti ta' ċentru tan-negozjar u l-attività ta' forniment tal-likwidità
1. Il-kapaċità tan-negozjar li biha l-membru jew il-parteċipant taċ-ċentru tan-negozjar jissottometti ordni għandha tkun identifikata kif speċifikat fil-kaxxa 7 tat-Tabella 2 tal-Anness.
2. L-ordnijiet li ġejjin għandhom jiġu identifikati kif speċifikat fil-kaxxa 8 tat-Tabella 2 tal-Anness:
(a) |
ordni sottomessa lil ċentru tan-negozjar minn membru jew parteċipant bħala parti minn strateġija ta' ġenerazzjoni tas-suq skont l-Artikoli 17 u 48 tad-Direttiva 2014/65/UE tal-Parlament Ewropew u tal-Kunsill (3); |
(b) |
ordni sottomessa lil ċentru tan-negozjar minn membru jew parteċipant bħala parti minn kwalunkwe attività ta' forniment tal-likwidità oħra mwettqa fuq bażi ta' termini prideterminati jew mill-emmitent tal-istrument li huwa s-suġġett tal-ordni jew minn dak iċ-ċentru tan-negozjar. |
Artikolu 4
Rekordjar tad-data u l-ħin
1. L-operaturi taċ-ċentri tan-negozjar għandhom iżommu rekord tad-data u l-ħin tal-okkorrenza ta' kull event elenkat fil-Kaxxa 21 tat-Tabella 2 tal-Anness ta' dan ir-Regolament, bil-livell ta' preċiżjoni speċifikat fl-Artikolu 2 tar-Regolament Delegat tal-Kummissjoni (UE) 2017/574 (4) kif speċifikat fil-kaxxa 9 tat-Tabella 2 tal-Anness ta' dan ir-Regolament. Minbarra għar-rekordjar tad-data u l-ħin tar-rifjut ta' ordnijiet minn ċentru tan-negozjar, l-eventi kollha msemmija fil-kaxxa 21 tat-Tabella 2 tal-Anness ta' dan ir-Regolament għandhom jiġu rrekordjati billi jintużaw l-arloġġi tan-negozju użati mill-magni tat-tqabbil taċ-ċentru tan-negozjar.
2. L-operaturi taċ-ċentri tan-negozjar għandhom iżommu rekord tad-data u l-ħin ta' kull element tad-dejta elenkat fil-kaxxi 49, 50 u 51 tat-Tabella 2 tal-Anness ta' dan ir-Regolament, bil-livell ta' preċiżjoni speċifikat fl-Artikolu 2 tar-Regolament Delegat (UE) 2017/574.
Artikolu 5
Perjodu ta' validità u restrizzjonijiet tal-ordnijiet
1. L-operaturi taċ-ċentri tan-negozjar għandhom iżommu rekord tal-perjodi tal-validità u tar-restrizzjonijiet tal-ordnijiet li huma elenkati fil-kaxxi 10 u 11 tat-Tabella 2 tal-Anness.
2. Ir-rekords tad-dati u l-ħinijiet fir-rigward tal-perjodi tal-validità għandhom jinżammu kif speċifikat fil-kaxxa 12 tat-Tabella 2 tal-Anness għal kull perjodu ta' validità.
Artikolu 6
Prijorità u numru tas-sekwenza
1. L-operaturi taċ-ċentri tan-negozjar li joperaw sistemi tan-negozjar fuq il-prijorità tal-ħin tal-viżibilità tal-prezz għandhom iżommu rekord tal-kronogramma tal-prijorità għall-ordnijiet kollha kif speċifikat fil-kaxxa 13 tat-Tabella 2 tal-Anness. Il-kronogramma tal-prijorità għandha tiżamm bl-istess livell ta' preċiżjoni speċifikat fl-Artikolu 4(1).
2. L-operaturi taċ-ċentri tan-negozjar li joperaw sistemi tan-negozjar fuq il-prijorità tad-daqs u l-ħin għandhom iżommu rekord tal-kwanitajiet li jiddeterminaw il-prijorità tal-ordnijiet kif speċifikat fil-kaxxa 14 tat-Tabella 2 tal-Anness kif ukoll tal-krongramma tal-prijorità msemmija fil-paragrafu 1.
3. Operaturi ta' ċentri tan-negozjar li jużaw taħlita ta' prijorità skont il-prezz, il-viżibilità u l-ħin u prijorità skont id-daqs u l-ħin u juru l-ordnijiet fil-ktieb tal-ordnijiet tagħhom skont il-prijorità tal-ħin għandhom jikkonformaw mal-paragrafu 1.
4. Operaturi ta' ċentri tan-negozjar li jużaw kombinazzjoni ta' prijorità skont il-prezz, il-viżibilità u l-ħin u prijorità skont id-daqs u l-ħin u juru l-ordnijiet fil-ktieb tal-ordnijiet tagħhom skont il-prijorità tad-daqs u l-ħin għandhom jikkonformaw mal-paragrafu 2.
5. L-operaturi taċ-ċentri ta' negozjar għandhom jassenjaw u jżommu numru tas-sekwenza għall-eventi kollha kif speċifikat fil-kaxxa 15 tat-Tabella 2 tal-Anness.
Artikolu 7
Kodiċi tal-identifikazzjoni għal ordnijiet fi strumenti finanzjarji
1. L-operaturi taċ-ċentri tan-negozjar għandhom iżommu kodiċi ta' identifikazzjoni individwali għal kull ordni kif speċifikat fil-kaxxa 20 tat-Tabella 2 tal-Anness. Il-kodiċi tal-identifikazzjoni għandu jkun uniku għal kull ktieb tal-ordnijiet, għal kull jum ta' negozjar u għal kull strument finanzjarju. Huwa għandu japplika minn meta tasal l-ordni mill-operatur taċ-ċentru tan-negozjar sat-tneħħija tal-ordni mill-ktieb tal-ordnijiet. Il-kodiċi ta' identifikazzjoni għandu japplika wkoll għall-ordnijiet miċħuda irrispettivament mir-raġuni taċ-ċaħda.
2. L-operatur taċ-ċentru tan-negozjar għandu jżomm id-dettalji rilevanti tal-ordnijiet ta' strateġija b'funżjonalità impliċita (strategy orders with implied functionality — SOIF) li jitqassmu lill-pubbliku kif speċifikat fl-Anness. Il-kaxxa 33 tat-Tabella 2 tal-Anness għandha tinkludi dikjarazzjoni li l-ordni hija ordni impliċita.
Mal-eżekuzzjoni tas-SOIF, li d-dettalji tagħha għandhom jinżammu mill-operatur taċ-ċentru tan-negozjar kif speċifikat fl-Anness.
Mal-eżekuzzjoni tas-SOIF, kodiċi tal-identifikazzjoni ta' ordni marbuta mal-istrateġija għandu jiġi indikat bl-użu tal-istess kodiċi ta' identifikazzjoni tal-ordnijiet kollha marbuta mal-istrateġija partikolari. Il-kodiċi tal-identifikazzjoni tal-ordni marbuta mal-istrateġija għandu jkun kif speċifikat fil-kaxxa 46 tat-Tabella 2 tal-Anness.
3. Ordnijiet sottomessi lil ċentru tan-negozjar li jippermettu strateġija ta' routing għandhom jiġu identifikati minn dak iċ-ċentru ta' negozjar bħala “routed” kif speċifikat fil-kaxxa 33 tat-Tabella 2 tal-Anness meta dawn jiġu diretti lejn ċentru tan-negozjar ieħor. Ordnijiet sottomessi lil ċentru tan-negozjar li jippermettu strateġija ta' routing għandhom iżommu l-istess kodiċi ta' identifikazzjoni tul ħajjithom kollha, irrispettivament minn jekk il-kwantità li jifdal terġax tiddaħħal fil-ktieb tal-ordnijiet tad-dħul.
Artikolu 8
Eventi li jaffettwaw l-ordnijiet fi strumenti finanzjarji
L-operaturi taċ-ċentri tan-negozjar għandhom iżommu rekord tad-dettalji msemmija fil-kaxxa 21 tat-Tabella 2 tal-Anness fir-rigward tal-ordnijiet ġodda.
Artikolu 9
Tip ta' ordni fi strumenti finanzjarji
1. L-operaturi taċ-ċentri tan-negozjar għandhom iżommu rekord tat-tip ta' ordni għal kull ordni li tasal billi jużaw il-klassifikazzjoni tagħhom stess kif speċifikat fil-kaxxa 22 tat-Tabella 2 tal-Anness.
2. L-operaturi tal-postijiet tan-negozjar għandhom jikklassifikaw kull ordni li tasal jew bħala ordni ta' limitu jew bħala ordni ta' waqfien kif speċifikat fil-kaxxa 23 tat-Tabella 2 tal-Anness.
Artikolu 10
Prezzijiet marbuta mal-ordnijiet
L-operaturi taċ-ċentri tan-negozjar għandhom iżommu rekord tad-dettalji kollha marbuta tal-prezzijiet imsemmija fit-Taqsima I tat-Tabella 2 tal-Anness dment li jkunu jappartjenu lill-ordnijiet.
Artikolu 11
Struzzjonijiet tal-ordnijiet
L-operaturi taċ-ċentri tan-negozjar għandhom iżommu rekords tal-istruzzjonijiet tal-ordnijiet kollha li jirċievu għal kull ordni kif speċifikat fit-Taqsima J tat-Tabella 2 tal-Anness.
Artikolu 12
Kodiċi tal-identifikazzjoni tat-tranżazzjoni taċ-ċentru tan-negozjar
L-operaturi taċ-ċentri tan-negozjar għandhom iżommu kodiċi ta' identifikazzjoni individwali tat-tranżazzjonijiet għal kull tranżazzjoni li tirriżulta mill-eżekuzzjoni sħiħa jew parzjali ta' ordni kif speċifikat fil-kaxxa 48 tat-Tabella 2 tal-Anness.
Artikolu 13
Fażijiet tan-negozjar u prezz u volum indikattiv tal-irkant
1. L-operaturi taċ-ċentri tan-negozjar għandhom iżommu rekord tad-dettalji tal-ordnijiet kif speċifikat fit-Taqsima K tat-Tabella 2 tal-Anness.
2. Meta l-awtoritajiet kompetenti jitolbu d-dettalji msemmija fit-Taqsima K skont l-Artikolu 1, id-dettalji msemmija fil-kaxxi 9 u 15 sa 18 tat-Tabella 2 tal-Anness għandhom jitqiesu wkoll bħala dettalji tal-ordni konċernata minn dik it-talba.
Artikolu 14
Dħul fis-seħħ u applikazzjoni
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Għandu japplika mid-data msemmija fit-tieni paragrafu tal-Artikolu 55 tar-Regolament (UE) Nru 600/2014.
Dan ir-Regolament jorbot fl-intier tiegħu u japplika direttament fl-Istati Membri kollha.
Magħmul fi Brussell, l-24 ta' Ġunju 2016.
Għall-Kummissjoni
Il-President
Jean-Claude JUNCKER
(1) ĠU L 173, 12.6.2014, p. 84.
(2) Ir-Regolament (UE) Nru 1095/2010 tal-Parlament Ewropew u tal-Kunsill tal-24 ta' Novembru 2010 li jistabbilixxi Awtorità Superviżorja Ewropea (Awtorità Ewropea tat-Titoli u s-Swieq) u li jemenda d-Deċiżjoni Nru 716/2009/KE u jħassar id-Deċiżjoni tal-Kummissjoni 2009/77/KE (ĠU L 331, 15.12.2010, p. 84).
(3) Id-Direttiva 2014/65/UE tal-Parlament Ewropew u tal-Kunsill tal-15 ta' Mejju 2014 dwar is-swieq fl-istrumenti finanzjarji u li temenda d-Direttiva 2002/92/KE u d-Direttiva 2011/61/UE (ĠU L 173, 12.6.2014, p. 349).
(4) Ir-Regolament Delegat tal-Kummissjoni (UE) 2017/574 tas-7 ta' Ġunju 2016 li jissupplimenta d-Direttiva 2014/65/UE tal-Parlament Ewropew u tal-Kunsill fir-rigward ta' standards tekniċi regolatorji għal-livell ta' preċiżjoni tal-arloġġi tan-negozju (ara l-paġna 148 ta' dan il-Ġurnal Uffiċjali).
ANNESS
Tabella 1
Tifsira għat-Tabella 2
SIMBOLU |
TIPI TA' DEJTA |
DEFINIZZJONI |
||||||||||||||||
{ALPHANUM-n} |
Sa n karattri alfanumeriċi |
Kaxxa għal test liberu |
||||||||||||||||
{CURRENCYCODE_3} |
3 karattri alfanumeriċi |
Kodiċi tal-pajjiż bi 3 ittri, kif definit mill-kodiċijiet tal-pajjiż ISO 4217. |
||||||||||||||||
{DATE_TIME_FORMAT} |
Il-format tad-data u l-ħin skont l-ISO 8601 |
Id-data u l-ħin fil-format li ġej: SSSS-XX-JJThh:mm:ss.ddddddZ.
Id-dati u l-ħinijiet għandhom jiġu rrappurtati f'UTC. |
||||||||||||||||
{DATEFORMAT} |
Il-format tad-data skont l-ISO 8601 |
Id-dati għandhom jiġu fformattjati skont il-format li ġej: SSSS-XX-JJ. |
||||||||||||||||
{DECIMAL-n/m} |
Numru deċimali sa n ċifra b'kollox li minnhom sa m ċifra jistgħu jkunu ċifri ta' frazzjonijiet |
Kaxxa numerika kemm għal valuri pożittivi kif ukoll għal dawk negattivi.
|
||||||||||||||||
{INTEGER-n} |
Numru sħiħ sa n ċifra b'kollox |
Kaxxa numerika kemm għal valuri pożittivi kif ukoll għal dawk negattivi ta' numri sħaħ |
||||||||||||||||
{ISIN} |
12 karattri alfanumeriċi |
Kodiċi ISIN kif definit f'ISO 6166 |
||||||||||||||||
{LEI} |
20 karattri alfanumeriċi |
Identifikatur tal-entità ġuridika kif definit f'ISO 17442 |
||||||||||||||||
{MIC} |
4 karattri alfanumeriċi |
Identifikatur tas-suq kif definit f'ISO 10383. |
||||||||||||||||
{NATIONAL_ID} |
35 karattri alfanumeriċi |
L-identifikatur huwa dak stabbilit fl-Artikolu 6 u fl-Anness II tar-Regolament Delegat tal-Kummissjoni (UE) 2017/590 (1) |
Tabella 2
Dettalji tal-ordnijiet
N. |
Kaxxa |
Kontenut tad-dettalji tal-ordnijiet li għandhom jinżammu għad-dispożizzjoni tal-awtorità kompetenti |
Standards u formati tad-dettalji tal-ordnijiet li għandhom jintużaw meta tingħata d-dejta rilevanti tal-ordni lill-awtorità kompetenti fuq talba |
Taqsima A — Identifikazzjoni tal-partijiet rilevanti |
|||
1 |
Identifikazzjoni tal-entità li ssottomettiet l-ordni |
L-identità tal-membru jew tal-parteċipant taċ-ċentru tan-negozjar. Fil-każ ta' Aċċess Elettroniku Dirett (Direct Electronic Access — DEA) l-identità għandha tkun dik tal-fornitur tad-DEA. |
{LEI} |
2 |
Aċċess Elettroniku Dirett (Direct Electronic Access — DEA) |
“veru” meta l-ordni kienet sottomessa liċ-ċentru tan-negozjar permezz ta' DEA kif definit fl-Artikolu 4(1)(41) tad-Direttiva 2014/65/UE. “falz” meta l-ordni ma kinitx sottomessa liċ-ċentru tan-negozjar permezz ta' DEA kif definit fl-Artikolu 4(1)(41) tad-Direttiva 2014/65/UE. |
“veru” “falz” |
3 |
Kodiċi tal-identifikazzjoni tal-klijent |
Il-kodiċi użat għall-identifikazzjoni tal-klijent tal-membru jew tal-parteċipant fiċ-ċentru tan-negozjar. Fil-każ ta' DEA għandu jintuża l-kodiċi tad-DEA tal-utent. Meta l-klijent ikun entità ġuridika għandu jintuża l-kodiċi LEI tal-klijent. Meta l-klijent ma jkunx entità ġuridika għandu jintuża {NATIONAL_ID}. Fil-każ ta' ordnijiet aggregati, għandha tintuża l-markatura AGGR kif speċifikat fl-Artikolu 2(3) ta' dan ir-Regolament. Fil-każ ta' allokazzjonijiet pendenti, għandha tintuża l-markatura PNAL kif speċifikat fl-Artikolu 2(2) ta' dan ir-Regolament. Din il-kaxxa għandha titħalla vojta biss jekk il-membru jew il-parteċipant taċ-ċentru tan-negozjar ma jkollux klijenti. |
{LEI} {NATIONAL_ID} “AGGR” — ordnijiet aggregati “PNAL” — allokazzjonijiet pendenti |
4 |
Deċiżjoni ta' investiment fi ħdan id-ditta |
Kodiċi użata biex jidentifika lill-persuna jew lill-algoritmu fil-membru jew fil-parteċipant taċ-ċentru ta' negozjar li huwa responsabbli mid-deċiżjoni tal-investiment skont l-Artikolu 8 tar-Regolament Delegat (UE) 2017/590. Meta persuni fiżiċi fil-membru jew fil-parteċipant taċ-ċentru tan-negozjar tkun responsabbli għad-deċiżjoni tal-investiment, il-persuna li tkun responsabbli jew li jkollha r-responsabilità ewlenija għad-deċiżjoni tal-investiment għandha tiġi identifikata permezz tal-{NATIONAL_ID} Meta algoritmu jkun responsabbli għad-deċiżjoni tal-investiment il-kaxxa għandha timtela skont l-Artikolu 8 tar-Regolament Delegat (UE) 2017/590. Din il-kaxxa għandha titħalla vojta meta d-deċiżjoni tal-investiment ma tkunx saret minn persuna jew algoritmu fil-membru jew fil-parteċipant taċ-ċentru tan-negozjar. |
{NATIONAL_ID} — Perżuni fiżiċi {ALPHANUM-50} — Algoritmi |
5 |
L-eżekuzzjoni fid-ditta |
Kodiċi użat biex jidentifika lill-persuna jew lill-algoritmu fil-membru jew fil-parteċipant taċ-ċentru ta' negozjar li huwa responsabbli mill-eżekuzzjoni tat-tranżazzjoni li tirriżulta mill-ordni skont l-Artikolu 9 tar-Regolament Delegat (UE) 2017/590. Meta persuna fiżika tkun responsabbli mill-eżekuzzjoni tat-tranżazzjoni, il-persuna għandha tiġi identifikata minn {NATIONAL_ID} Meta algoritmu jkun responsabbli mill-eżekuzzjoni tat-tranżazzjoni, din il-kaxxa għandha timtela skont l-Artikolu 9 tar-Regolament Delegat (UE) 2017/590. Meta aktar minn persuna waħda jew taħlita ta' persuni u algoritmi jkunu involuti fl-eżekuzzjoni tat-tranżazzjoni, il-membru jew il-parteċipant jew il-klijent taċ-ċentru tan-negozjar għandhom jistabilixxu l-operatur tas-suq jew l-algoritmu primarjament responsabbli kif speċifikat fl-Artikolu 9(4) tal-Regolament Delegat (UE) 2017/590 u din il-kaxxa timtela bl-identità ta' dak l-operatur tas-suq jew l-algoritmu. |
{NATIONAL_ID} — Persuni fiżiċi {ALPHANUM-50} — Algoritmi |
6 |
Sensar mhux eżekuttiv |
Skont l-Artikolu 2(d). Din il-kaxxa għandha titħalla vojta meta mhux rilevanti. |
{LEI} |
Taqsima B — Kapaċità kummerċjali u l-forniment ta' likwidità |
|||
7 |
Kapaċità tan-negozjar |
Indikazzjoni dwar jekk is-sottomissjoni tal-ordni rriżultatx mill-membru jew mill-parteċipant taċ-ċentru tan-negozjar li jwettaq negozjar matched principle skont l-Artikolu 4(38) tad-Direttiva 2014/65/UE jew li jinnegozja f'Isimu stess skont l-Artikolu 4(6) tad-Direttiva 2014/65/UE. Meta s-sottomissjoni tal-ordni ma tirriżultax mill-membru jew mill-parteċipant taċ-ċentru tan-negozjar li jwettaq negożjar matched principle jew li jinnegozja f'Isimu stess, il-kaxxa għandha tindika li t-tranżazzjoni twettqet taħt xi kapaċità oħra. |
“DEAL” — Negozjar għan-nom proprju “MTCH” — Matched principal “OTHR” — Kwalunkwe kapaċità oħra |
8 |
Attività ta' forniment ta' likwidità |
Indikazzjoni dwar jekk ordni ġietx sottomessa lil ċentru tan-negozjar bħala parti minn strateġija ta' ġenerazzjoni tas-suq skont l-Artikoli 17 u 48 tad-Direttiva 2014/65/UE jew jekk ġietx sottomessa bħala parti minn attività oħra f'konformità mal-Artikolu 3 ta' dan ir-Regolament. |
“veru” “falz” |
Taqsima C — Data u ħin |
|||
9 |
Id-data u l-Ħin |
Id-data u l-ħin ta' kull event elenkat fit-Taqsima [G] u [K]. |
{DATE_TIME_FORMAT} L-għadd ta' ċifri wara s-“sekondi” għandu jiġi stabbilit skont l-Artikolu 2 tar-Regolament Delegat (UE) 2017/574. |
Taqsima D — Perjodu ta' validità u restrizzjonijiet tal-ordnijiet |
|||
10 |
Il-perjodu tal-validità |
Good-For-Day: l-ordni tiskadi fi tmiem il-jum ta' negozju li fih din tkun iddaħħlet fil-ktieb tal-ordnijiet. |
“DAVY” — Good-For-Day |
Good-Till-Cancelled: l-ordni se tibqa' attiva fil-ktieb tal-ordnijiet u tista' tkun eżekwibbli sakemm tiġi attwalment ikkanċellata. |
“GTCV” — Good-Till-Cancelled |
||
Good-Till-Time: l-ordni tiskadi mhux iktar tard minn xi ħin prideterminat fis-sessjoni ta' negozjar attwali. |
“GTTV” — Good-Till-Time |
||
Good-Till-Date: l-ordni tiskadi fi tmiem data speċifikata. |
“GTDV” — Good-Till-Date |
||
Good-Till-Specified Date and Time: l-ordni tiskadi f'Data u ħin speċifikati. |
“GTSV” — Good-Till-Specified Date and Time |
||
Good After Time: l-ordni tkun attiva biss wara ħin prideterminat fis-sessjoni ta' negozjar attwali. |
“GATV” — Good After Time |
||
Good After Date: l-ordni tkun attiva biss mill-bidu ta' data prideterminata. |
“GADV” — Good After Date |
||
Good After Specified Date and Time: l-ordni tkun attiva biss minn ħin prideterminat f'Data prideterminata. |
“GASV” — Good After Specified Date and Time |
||
Immediate-Or-Cancel: ordni li tiġi eżegwita malli tidħol fil-ktieb tal-ordnijiet (għall-kwantità li tista' tkun eżegwita) u li ma tibqax fil-ktieb tal-ordnijiet għall-kwantità li jifdal (jekk ikun hemm) li ma tkunx ġiet eżegwita. |
“IOCV” — Immediate-Or-Cancel |
||
Fill-Or-Kill: ordni li tiġi eżegwita malli tidħol fil-ktieb tal-ordnijiet dment li tkun tista' tiġi eżegwita kollha: f'każ li l-ordni tkun tista' tiġi eżegwita parzjalment biss, din tiġi miċħuda awtomatikament u għaldaqstant ma tkunx tista' tiġi eżegwita. |
“FOKV” — Fill-Or-Kill jew {ALPHANUM-4} karattri li ma jkunux qed jintużaw diġà għall-klassifikazzjoni proprja taċ-ċentru tan-negozjar. |
||
Oħrajn: kwalunkwe indikazzjoni addizzjonali li tkun unika għal mudelli ta' operat, pjattaformi jew sistemi ta' negozjar speċifiċi |
|
||
11 |
Ordni ta' restrizzjoni |
Good For Closing Price Crossing Session: meta ordni tikkwalifika għas-sessjoni tat-tqabbil prezzijiet tal-għeluq. |
“SESR” — Good For Closing Price Crossing Session |
Valid For Auction: l-ordni tkun attiva biss u tkun tista' tiġi eżekwita biss fil-fażijiet tal-irkant (li jistgħu jkunu pridefiniti mill-membru jew mill-parteċipant taċ-ċentru tan-negozjar li ssottometta l-ordni, pereż. irkanti tal-ftuħ u/jew l-għeluq u/jew irkanti dakinhar). |
“VFAR” — Valid For Auction |
||
Valid For Continuous Trading only: l-ordni tkun attiva biss matul negozjar kontinwu. |
“VFCR” — Valid For Continuous Trading only |
||
Oħrajn: kwalunkwe indikazzjoni addizzjonali li tkun unika għal mudelli ta' operat, pjattaformi jew sistemi ta' negozjar speċifiċi |
{ALPHANUM-4} karattri li ma jkunux qed jintużaw diġà għall-klassifikazzjoni proprja taċ-ċentru tan-negozjar. Meta jkunu applikabbli diversi tipi din il-kaxxa għandha timtela b“Diversi markaturi separati b”Virgola. |
||
12 |
Perjodu u ħin tal-validità |
Din tirreferi għall-kronogramma li tirrifletti l-ħin li fih l-ordni ssir attiva jew li fih titneħħa għal kollox mill-ktieb tal-ordnijiet Good for day: id-data tad-dħul bil-kronogramma immedjatament qabel nofsillejl Good till tim: id-data tad-dħul u l-ħin sa dawk speċifikati fl-ordni Good till date: se tkun id-data speċifikata tal-iskadenza bil-kronogramma immedjatament qabel nofsillejl Good till specified date and time: id-data u l-ħin speċifikati tal-iskadenza Good after time: id-data tad-dħul u l-ħin speċifikat ta' meta l-ordni ssir attiva Good after date: id-data speċifikata tad-dħul bil-kronogramma immedjatament wara nofsillejl Good after specified date and time: id-data u l-ħin speċifikati ta' meta l-ordni ssir attiva Good till Cancel: id-data u l-ħin aħħarin meta l-ordni titneħħa awtomatikament mill-operazzjonijiet tas-suq Oħrajn: il-kronogramma għal kwalunkwe tip addizzjonali ta' validità. |
{DATE_TIME_FORMAT} L-għadd ta' ċifri wara s-“sekondi” għandu jiġi stabbilit skont l-Artikolu 2 tar-Regolament Delegat (UE) 2017/574. |
Taqsima E — Prijorità u numru tas-sekwenza |
|||
13 |
Kronogramma prijoritarja |
Din il-kaxxa għandha tiġi aġġornata kull darba li tinbidel il-prijorità ta' ordni. |
{DATE_TIME_FORMAT} L-għadd ta' ċifri wara s-“sekondi” jiġi stabbilit skont l-Artikolu 2 tar-Regolament Delegat (UE) 2017/574. |
14 |
Daqs prijoritarju |
Għal ċentri tan-negozjar li jużaw prijorità skont id-daqs u l-ħin, din il-kaxxa għandha timtela b'Mumru pożittiv li jikkorrispondi għall-kwantità. Din il-kaxxa għandha tiġi aġġornata kull darba li tinbidel il-prijorità tal-ordni. |
Sa 20 ċifra numerika pożittiva. |
15 |
Numru tas-Sekwenza |
Kull event elenkat fit-Taqsima G għandu jiġi identifikat permezz ta' numru sħiħ pożittiv li jkun f'ordni axxendenti. In-numru tas-sekwenza għandu jkun uniku għal kull tip ta' event; ikun konsistenti mal-eventi kollha kronogrammati mill-operatur taċ-ċentru tan-negozjar; jibqa' l-istess matul il-jum li fih iseħħ l-event. |
{INTEGER-50} |
Taqsima F — Identifikazzjoni tal-ordni |
|||
16 |
Kodiċi MIC ta' segment |
Identifikazzjoni taċ-ċentru tan-negozjar fejn tkun ġiet sottomessal-ordni. Jekk iċ-ċentru tan-negozjar juża MICs ta' segment allura għandu jintuża l-MIC ta' segment. Jekk iċ-ċentru tan-negozjar ma jużax MICs ta' segment allura għandu jintuża l-MIC tal-operat. |
{MIC} |
17 |
Kodiċi tal-ktieb tal-ordnijiet |
Il-kodiċi alfanumeriku stabbilita miċ-ċentru tan-negozjar għal kull ktieb tal-ordnijiet. |
{ALPHANUM-20} |
18 |
Kodiċi tal-identifikazzjoni tal-istrument finanzjarju |
Identifikatur uniku u mhux ambigwu tal-istrument finanzjarju |
{ISIN} |
19 |
Data tal-wasla |
Data meta waslet l-ordni oriġinali. |
{DATEFORMAT} |
20 |
Kodiċi tal-identifikazzjoni tal-ordni |
Kodiċi alfanumeriku assenjat mill-operatur taċ-ċentru tan-negozjar lill-ordni individwali. |
{ALPHANUM-50} |
Taqsima G — Eventi li jaffettwaw l-ordni |
|||
21 |
Ordni ġdida, modifika ta' ordni, kanċellazzjoni ta' ordni, ċaħda ta' ordni, eżekuzzjoni parzjali jew sħiħa |
Ordni ġdid: riċeviment ta' ordni ġdida mill-operatur taċ-ċentru tan-negozjar. |
“MEWO” — Ordni ġdida |
Skattata: ordni li ssir eżegwibbli jew, skont il-każ, mhux eżegwibbli, malli sseħħ kundizzjoni prideterminata. |
“TRIG” — Skattata |
||
Sostitwita mill-membru jew mill-parteċipant taċ-ċentru tan-negozjar: meta membru, parteċipant jew klijent taċ-ċentru tan-negozjar jiddeċiedi, fuq inizjattiva proprja, li jibdel xi karatteristika tal-ordni li jkun daħħal fil-ktieb tal-ordnijiet qabel. |
“REME” — Sostitwita mill-membru jew mill-parteċipant taċ-ċentru ta' negozjar |
||
Sostitwita b'operazzjonijiet tas-suq (awtomatikament): meta xi karatteristika ta' ordni tinbidel mis-sistemi tal-IT tal-operatur taċ-ċentru tan-negozjar. Dan jinkludi meta l-karatteristiċi attwali ta' ordni peg jew ta' ordni trailing stop jinbidlu biex jirriflettu fejn tinsab l-ordni fil-ktieb tal-ordnijiet. |
“REMA” — Sostitwita b'operazzjonijiet tas-suq (awtomatikament) |
||
Sostitwita b'operazzjonijiet tas-suq (intervent uman): meta xi karatteristika ta' ordni tinbidel mill-persunal tal-operatur taċ-ċentru tan-negozjar. Dan jinkludi s-sitwazzjoni meta membru, parteċipant taċ-ċentru tan-negozjar ikollu problemi tal-IT u jkollu bżonn li l-ordnijiet tiegħu jiġu kkanċellati b'mod urġenti. |
“REMH” — Sostitwita b'operazzjonijiet tas-suq (intervent uman) |
||
Bidla fl-istatus fuq l-inizjattiva tal-membru, il-parteċipant taċ-ċentru tan-negozjar. Dan jinkludi l-attivazzjoni u d-diżattivazzjoni. |
“CHME” — Bidla fl-istatus fuq l-inizjattiva tal-membru, il-parteċipant taċ-ċentru tan-negozjar |
||
Bidla fl-istatus minħabba operazzjonijiet tas-suq. |
“CHMO” — Bidla fl-istatus minħabba operazzjonijiet tas-suq. |
||
Kanċellata fuq l-inizjattiva tal-membru, il-parteċipant taċ-ċentru tan-negozjar; meta membru, parteċipant jew klijent jiddeċiedi, fuq l-inizjattiva tiegħu stess, li jikkanċella l-ordni li jkun daħħal preċedentement. |
“CAME” — Kanċellata fuq l-inizjattiva tal-membru jew il-parteċipant taċ-ċentru tan-negozjar |
||
Ikkanċellata mill-operazzjonijiet tas-suq. Dan jinkludi mekkaniżmu ta' protezzjoni previst għad-ditti tal-investiment li jwettqu attività ta' ġenerazzjoni tas-suq skont l-Artikoli 17 u 48 tad-Direttiva 2014/65/UE |
“CAMO” — Ikkanċellata mill-operazzjonijiet tas-suq |
||
Ordni miċħuda: ordni rċevuta iżda rifjutata mill-operatur taċ-ċentru tan-negozjar. |
“REMO” — Ordni miċħuda |
||
Ordni skaduta: meta l-ordni titneħħa mill-ktieb tal-ordnijiet malli jintemm il-perjodu tal-validità tagħha. |
“EXPI” — Ordni skaduta |
||
Eżegwita parzjalment: meta l-Ordni ma tkunx eżegwita bis-sħiħ b'mod li jibqa' kwantità li trid tiġi eżegwita. |
“PARF” — Eżegwita parzjalment |
||
Eżegwita: meta ma jkunx baqa' kwantità x'tiġi eżegwita. |
“FILL” — Eżegwita {ALPHANUM-4} karattri li ma jkunux qed jintużaw diġà għall-klassifikazzjoni proprja taċ-ċentru tan-negozjar. |
||
Taqsima H — Tip ta' ordni |
|||
22 |
Tip ta' ordni |
Identifikazzjoni tat-tip ta' ordni sottomessa liċ-ċentru ta' negozjar skont l-ispeċifikazzjonijiet taċ-ċentru ta' negozjar. |
{ALPHANUM-50} |
23 |
Klassifikazzjoni tat-tip tal-ordni |
Klassifikazzjoni tal-ordni skont żewġ tipi ġeneriċi ta' ordnijiet. LIMIT order: f'każijiet fejn l-ordni tkun negozjabbli u STOP order: f'każijiet fejn l-ordni ssir negozjabbli biss malli jseħħ event ta' prezz prideterminat. |
L-ittri “LMTO” għal ordni b'limitu jew l-ittri “STOP” għal ordni ta' waqfien. |
Taqsima I — Prezzijiet |
|||
24 |
Limitu tal-prezz |
Il-prezz massimu li tista' tinnegozja bih ordni ta' xiri jew il-prezz minimu li bih tista' tinnegozja ordni ta' bejgħ. Il-firxa tal-prezz għal ordni ta' strateġija. Tista' jkun negattiva jew pożittiva. Din il-kaxxa għandha titħalla vojta f'każ ta' ordnijiet li ma jkollhomx limitu fuq il-prezz jew f'każ ta' ordnijiet bla prezz. Fil-każ ta' bond konvertibbli, f'Din il-kaxxa għandu jitniżżel il-prezz reali (bla interessi akkumulati jew bl-interessi akkumulati) użat għal din l-ordni. |
{DECIMAL-18/13} fil-każ li l-prezz jiġi espress bħala valur monetarju. Meta l-prezz ikun irrapportat f'termini monetarji, dan għandu jiġi mogħti fl-unità tal-akbar munita. {DECIMAL-11/10} fil-każ li l-prezz jiġi espress bħala perċentwal jew redditu. {DECIMAL-18/17} fil-każ li l-prezz jiġi espress bħala punti bażi |
25 |
Prezz limitu addizzjonali |
Kwalunkwe prezz limitu ieħor li jista' japplika għall-ordni. Din il-kaxxa għandha titħalla vojta meta ma tkunx rilevanti. |
{DECIMAL-18/13} meta l-prezz jiġi espress bħala valur monetarju. Meta l-prezz ikun irrapportat f'termini monetarji, dan għandu jiġi mogħti fl-unità tal-akbar munita. {DECIMAL-11/10} meta l-prezz jiġi espress bħala perċentwal jew redditu. {DECIMAL-18/17} fil-każ li l-prezz jiġi espress bħala punti bażi |
26 |
Prezz ta' waqfien |
Il-prezz li jrid jintlaħaq biex l-ordni ssir attiva. Għal ordnijiet ta' waqfien skattati minn eventi indipendenti mill-prezz tal-istrument finanzjarju, din il-kaxxa għandha timtela bi prezz ta' waqfien li jkun żero. Din il-kaxxa għandha titħalla vojta meta ma tkunx rilevanti. |
{DECIMAL-18/13 meta l-prezz jiġi espress bħala valur monetarju. Meta l-prezz ikun irrapportat f'termini monetarji, dan għandu jiġi mogħti fl-unità tal-akbar munita. {DECIMAL-11/10} fil-każ li l-prezz jiġi espress bħala perċentwal jew redditu. {DECIMAL-18/17} meta l-prezz jiġi espress bħala punti bażi |
27 |
Prezz limitu pegged |
Il-prezz massimu li tista' tinnegozja bih ordni pegged ta' xiri jew il-prezz minimu li bih tista' tinnegozja ordni pegged ta' bejgħ. Din il-kaxxa għandha titħalla vojta meta ma tkunx rilevanti. |
{DECIMAL-18/13} meta l-prezz jiġi espress bħala valur monetarju. Meta l-prezz ikun irrapportat f'termini monetarji, dan għandu jiġi mogħti fl-unità tal-akbar munita. {DECIMAL-11/10} fil-każ li l-prezz jiġi espress bħala perċentwal jew redditu. {DECIMAL-18/17} fil-każ li l-prezz jiġi espress bħala punti bażi |
28 |
Prezz ta' tranżazzjoni |
Il-prezz negozjat tat-tranżazzjoni ħlief, fejn applikabbli, il-kummissjoni u l-imgħax akkumulat. Fil-każ ta' kuntratti ta' opzjoni, dan għandu jkun il-primjum tal-kuntratt tad-derivattivi għal kull sottostanti jew punt ta' indiċi. Fil-każ ta' mħatri fuq il-firxa (spread bets) għandu jkun il-prezz ta' referenza tal-istrument sottostanti dirett. Għal swaps ta' inadempjenza tal-kreditu (CDS) għandu jkun il-kupun f'punti bażi. Meta l-prezz ikun irrapportat f'termini monetarji, dan għandu jiġi mogħti fl-unità tal-akbar munita. Meta l-prezz ma jkunx applikabbli, il-kaxxa għandha timtela bil-valur “NOAP”. |
{DECIMAL-18/13 fil-każ li l-prezz ikun espress bħala monetarju. {DECIMAL-11/10} fil-każ li l-prezz jiġi espress bħala perċentwal jew redditu {DECIMAL-18/17} fil-każ li l-prezz jiġi espress bħala punti bażi “NOAP” |
29 |
Munita tal-prezz |
Il-munita li jkun espress fiha l-prezz tan-negozjar għall-istrument finanzjarju marbut mal-ordni (applikabbli meta l-prezz ikun espress bħala valur monetarju). |
{CURRENCYCODE_3} |
30 |
Munita tas-segment 2 |
Meta jkun hemm diversi muniti jew swaps bejn il-muniti, il-munita tas-segment 2 għandha tkun il-munita li jkun denominat fiha s-segment 2 tal-kuntratt. Għal swapzjonijiet fejn l-iswap sottostanti tkun diversi muniti, il-munita tas-segment 2 għandha tkun il-munita li fiha jkun denominat is-segment 2 tal-iswap. Din il-kaxxa trid timtela biss meta jkun hemm kuntratti tar-rati tal-imgħax u tad-derivattivi tal-munita. |
{CURRENCYCODE_3} |
31 |
Notazzjoni tal-prezz |
Indikazzjoni dwar jekk il-prezz huwiex espress f'Valur monetarju, f'perċentwali, f'Rendiment jew f'punti bażi. |
“MONE” — Valur monetarju “PERC” — Perċentwali “YIEL” — Rendiment “BAPO” — Punti bażi |
Taqsima J — Struzzjonijiet tal-ordni |
|||
32 |
Indikatur xiri-bejgħ |
Biex juri jekk l-ordni hijiex ta' xiri jew ta' bejgħ. Fil-każ ta' opzjonijiet u swapzjonijiet, ix-xerrej għandu jkun il-kontroparti li jkollu d-dritt li jeżerċita l-opzjoni u l-bejjiegħ għandu jkun il-kontroparti li tbigħ l-opzjoni u jirċievi primjum. Fil-każ ta' futures u forwards għajr futures u forwards marbuta ma' muniti, ix-xerrej għandu jkun il-kontroparti li tixtri l-istrument u l-bejjiegħ il-kontroparti li tbigħ l-istrument. Fil-każ ta' swaps marbuta ma' titoli, ix-xerrej għandu jkun il-kontroparti li terfa' r-riskju tal-varjazzjoni fil-prezz tat-titolu sottostanti u li tirċievi l-ammont tat-titolu. Il-bejjiegħ għandu jkun il-kontroparti li tħallas l-ammont tat-titolu. Fil-każ ta' swaps marbuta ma' rati tal-imgħax jew ma' indiċijiet tal-inflazzjoni, ix-xerrej għandu jkun il-kontroparti li tħallas ir-rata fissa. Il-bejjiegħ għandu jkun il-kontroparti li tirċievi r-rata fissa. Fil-każ ta' swaps bażi (swaps tar-rata tal-imgħax varjabbli għal varjabbli), ix-xerrej għandu jkun il-kontroparti li tħallas il-firxa u l-bejjiegħ il-kontroparti li tirċievi l-firxa. Fil-każ ta' swaps u forwards relatati ma' muniti u swaps bejn muniti, ix-xerrej għandu jkun il-kontroparti li tirċievi l-munita li tiġi l-ewwel meta rranġati alfabetikament skont l-istandard ISO 4217 u l-bejjiegħ għandu jkun il-kontroparti tforni din il-munita. Fil-każ ta' swap relatata ma' dividendi, ix-xerrej għandu jkun il-kontroparti li tirċievi l-ekwivalenti tal-pagamenti tad-dividendi reali. Il-bejjiegħ huwa l-kontroparti li tħallas id-dividend u tirċievi r-rata fissa. Fil-każ ta' strumenti derivattivi għat-trasferiment tar-riskju tal-kreditu għajr l-opzjonijiet u l-iswapzjonijiet, ix-xerrej għandu jkun il-kontroparti li tixtri l-protezzjoni. Il-bejjiegħ ikun il-kontroparti li tbigħ il-protezzjoni. Fil-każ ta' kuntratti derivattivi marbuta ma' komoditajiet jew kwoti tal-emissjonijiet, ix-xerrej għandu jkun il-kontroparti li tirċievi l-komodità jew il-kwota tal-emissjonijiet speċifikata fir-rapport u l-bejjiegħ ikun il-kontroparti li tforni din il-komodità jew il-kwota tal-emissjonijiet. F'każ ta' ftehim tar-rata forward, ix-xerrej għandu jkun il-kontroparti li tħallas ir-rata fissa u l-bejjiegħ il-kontroparti li tirċievi r-rata fissa. Għal żieda fin-nozzjonali x-xerrej għandu jkun l-akkwirent tal-istrument finanzjarju fit-transazzjoni oriġinali u l-bejjiegħ għandu jkun l-istess wieħed li biegħ l-istrument finanzjarju fit-tranżazzjoni oriġinali. Għal tnaqqis fin-nozzjonali x-xerrej għandu jkun dak li biegħ l-istrument finanzjarju fit-tranżazzjoni oriġinali u l-bejjiegħ għandu jkun l-akkwirent tal-istrument finanzjarju fit-transazzjoni oriġinali. |
“BUYI” — xiri “SELL” — bejgħ |
33 |
Status tal-ordni |
Sabiex jiġu identifikati ordnijiet li huma attivi/inattivi/sospiżi, definittivi/indikattivi (assenjati lil kwotazzjonijiet biss)/impliċiti/dirottati. Attivi — ordnijiet mhux kwotati li huma negozjabbli. Inattivi — ordnijiet mhux kwotati li humiex negozjabbli. Definittivi/Indikattivi — Assenjati lil kwotazzjonijiet biss. Kwoti indikattivi tfisser li jkunu viżibbli iżda ma jistgħux jiġu eżegwiti. Dan jinkludi mandati f'xi ċentri tan-negozjar. Kwotazzjonijiet definittivi jistgħu jiġu eżegwiti. Impliċiti — Użati għal ordnijiet ta' strateġija li huma derivati minn funzjonalità impliċità jew espliċità. Rottati — Użata għal ordnijiet li jintbagħtu miċ-ċentru tan-negozjar lejn ċentri oħra. |
“ACTI'”— attivi jew “INAC”— inattivi jew “FIRM”— kwotazzjonijiet definittivi jew “INDI”— kwotazzjonijiet indikattivi jew “IMPL”— ordnijiet ta' strateġija implikata jew “ROUT”— ordnijiet rottati. Jekk ikunu applikabbli diversi stati din il-kaxxa għandha timtela b'markaturi multipli mifrudin b'Virgola. |
34 |
Notazzjoni tal-kwantità |
Indikazzjoni dwar jekk il-kwantità rappurtata hijiex espressa f'Għadd ta' unitajiet, bħala valur nominali jew bħala valur monetarju. |
“UNIT” — Għadd ta' unitajiet “MOML” — Valur nominali “MONE” — Valur monetarju |
35 |
Munita tal-kwantità |
Munita li fiha hija espressal-kwantità. Il-kaxxa trid timtela biss meta l-kwantità tkun espressa bħala valur nominali jew valur monetarju. |
{CURRENCYCODE_3} |
36 |
Kwantità inizjali |
L-għadd ta' unitajiet tal-istrument finanzjarju, jew l-għadd ta' kuntratti derivattivi fl-ordni. Il-valur nominali jew monetarju tal-istrument finanzjarju. Għal imħatri tal-firxiet, il-kwantità għandha tkun il-valur monetarju milgħub għal kull punt ta' moviment fl-istrument finanzjarju sottostanti. Għal żieda jew tnaqqis fin-nozzjonali għal kuntratti tad-derivattivi, in-numru għandu jirrifletti l-valur assolut ta' din il-bidla u għandu jiġu espress bħala numru pożittiv. Għal swaps ta' inadempjenza ta' kreditu, il-kwantità għandha tkun l-ammont nozzjonali li għalih tkun akkwistata jew mibjugħa il-protezzjoni. |
{DECIMAL-18/17} fil-każ li l-kwantità tiġi espressa bħala għadd ta' unitajiet {DECIMAL-18/5} fil-każ li l-kwantità tiġi espressa bħala valur monetarju jew nominali. |
37 |
Il-kwantità li jifdal inkluża dik moħbija |
Il-kwantità totali li jibqa' fil-ktieb tal-ordnijiet wara eżekuzzjoni parzjali jew fil-każ ta' kwalunkwe event ieħor li jaffettwa l-ordni. Malli jseħħ event ta' eżekuzzjoni parzjali dan għandu jkun il-volum totali li jibqa' wara dik l-eżekuzzjoni parzjali. Mad-dħul tal-ordni dan għandu jkun daqs il-kwantità inizjali. |
{DECIMAL-18/17} fil-każ li l-kwantità tiġi espressa bħala għadd ta' unitajiet {DECIMAL-18/5} meta l-kwantità tiġi espressa bħala valur monetarju jew nominali. |
38 |
Kwantità murija |
Il-kwantità li tkun viżibbli (għall-kuntrarju ta' moħbija) fil-ktieb tal-ordnijiet. |
{DECIMAL-18/17} meta l-kwantità tiġi espressa bħala għadd ta' unitajiet {DECIMAL-18/5} meta l-kwantità tiġi espressa bħala valur monetarju jew nominali. |
39 |
Kwantità negozjata |
Meta jkun hemm eżekuzzjoni totali jew parzjali din il-kaxxa għandha timtela bil-kwantità eżegwita. |
{DECIMAL-18/17} meta l-kwantità tiġi espressa bħala għadd ta' unitajiet {DECIMAL-18/5} meta l-kwantità tiġi espressa bħala valur monetarju jew nominali. |
40 |
Kwantità Minima Aċċettabbli (Minimum Acceptable Quantity — MAQ) |
Il-kwantità minima aċċettabbli biex ordni tiġi eżegwita li tista' tikkonsisti f'Għadd ta' eżekuzzjonijiet parzjali u normalment tgħodd biss għal ordni tat-tip mhux persistenti. Din il-kaxxa għandha titħalla vojta meta ma tkunx rilevanti. |
{DECIMAL-18/17 fejn il-kwantità tiġi espressa bħala għadd ta' unitajiet {DECIMAL-18/5} meta l-kwantità tiġi espressa bħala valur monetarju jew nominali. |
41 |
Daqs minimu eżegwibbli (Minimum executable size — MES) |
Id-daqs minimu tal-eżekuzzjoni ta' kwalunkwe eżekuzzjoni potenzjali individwali. Din il-kaxxa għandha titħalla vojta meta ma tkunx rilevanti. |
{DECIMAL-18/17} meta l-kwantità tiġi espressa bħala għadd ta' unitajiet {DECIMAL-18/5} meta l-kwantità tiġi espressa bħala valur monetarju jew nominali. |
42 |
MES l-ewwel eżekuzzjoni biss |
Speċifikazzjoni dwar jekk l-MES hijiex rilevanti għall-ewwel tal-eżekuzzjoni biss. Din il-kaxxa tista' titħalla vojta jekk il-kaxxa 41 ma tkunx imtliet. |
“veru” “falz” |
43 |
Indikatur passiv biss |
Jindika jekk l-ordni hijiex sottomessa liċ-ċentru tan-negozjar b'karatteristika/markatur, b'tali mod li l-ordni ma għandhiex tiġi eżegwita minnufih meta jkun hemm xi ordni viżibbli kontrarju. |
“veru” “falz” |
44 |
Indikatur passiv jew aggressiv |
Malli jseħħu eventi ta' eżekuzzjoni parzjali jew sħiħa, jindika jekk l-ordni kinitx diġà tinsab fil-ktieb tal-ordnijiet u qed tipprovdi likwidità (passiva) jew jekk l-ordni bdietx in-negozju u għalhekk ħadet likwidità (aggressiva). Din il-kaxxa għandha titħalla vojta meta ma tkunx rilevanti. |
“PASV” — passiv jew “AGRE” — aggressiv. |
45 |
Prevenzjoni tal-Awtoeżekuzzjoni |
Jindika jekk l-ordni ddaħħlitx bi kriterji ta' prevenzjoni tal-awtoeżekuzzjoni ħalli ma teżegwixxix malli jkun hemm ordni fuq in-naħa opposta tal-ktieb mdaħħla mill-istess membru jew parteċipant. |
“veru” “falz” |
46 |
Identifikazzjoni ta' Ordni Marbuta mal-Istrateġija |
Kodiċi alfanumeriku użat biex jgħaqqad l-ordnijiet konnessi kollha li huma parti minn strateġija skont l-Artikolu 7(2). |
{ALPHANUM-50} |
47 |
L-istrateġija ta' rottar |
Strateġija applikabbli tar-rottar skont l-ispeċifikazzjoni taċ-ċentru tan-negozjar. Din il-kaxxa għandha titħalla vojta meta ma tkunx rilevanti. |
{ALPHANUM-50} |
48 |
Kodiċi tal-identifikazzjoni tat-tranżazzjoni taċ-ċentru tan-negozjar |
Kodiċi alfanumeriku assenjat miċ-ċentru ta' negozjar lit-tranżazzjoni skont l-Artikolu 12 ta' dan ir-Regolament. Il-kodiċi tal-identifikazzjoni ta' tranżazzjoni taċ-ċentru tan-negozjar għandu jkun uniku, konsistenti u persistenti għal kull MIC ta' segment skont ISO10383 u għal kull jum ta' negozjar. Meta ċ-ċentru tan-negozjar ma jużax MIC ta' segment, il-kodiċi tal-identifikazzjoni ta' tranżazzjoni taċ-ċentru tan-negozjar għandu jkun uniku, konsistenti u persistenti għal kull MIC operativ għal kull jum ta' negozjar. Il-komponenti tal-kodiċi tal-identifikazzjoni ta' tranżazzjoni ma għandux jiżvela l-identità tal-kontropartijiet tat-tranżazzjoni li jkun qed jinżamm il-kodiċi għaliha. |
{ALPHANUM-52} |
Taqsima K — Il-fażijiet tan-negozjar, il-prezz u l-volum indikattivi tal-irkanti |
|||
49 |
Fażijiet tan-negozjar |
L-isem ta' kull fażi differenti tan-negozjar li matulhom tiġi preżenti ordni fil-ktieb tal-ordnijiet inkluż waqfien min-negozjar, interruzzjonijiet taċ-ċirkwit u sospensjonijiet. |
{ALPHANUM-50} |
50 |
Prezz indikattiv tal-irkanti |
Il-prezz li mistenni jagħlaq bih kull irkant fir-rigward tal-istrument finanzjarju li għalih tkun saret ordni waħda jew aktar. |
{DECIMAL-18/5} fil-każ li l-prezz jiġi espressa bħala valur monetarju jew nominali. Meta l-prezz ikun irrapportat f'termini monetarji, dan għandu jiġi mogħti fl-unità tal-akbar munita. {DECIMAL-11/10} fil-każ li l-prezz jiġi espress bħala perċentwal jew redditu. |
51 |
Volum indikattiv tal-irkanti |
Il-volum (għadd ta' unitajiet tal-istrument finanzjarju) li jista' jiġi eżegwit bil-prezz indikattiv tal-irkanti fil-kaxxa 50 jekk l-irkant jintemm f'Dak il-mument preċiż. |
{DECIMAL-18/17} fil-każ li l-kwantità tiġi espressa bħala għadd ta' unitajiet {DECIMAL-18/5} fil-każ li l-kwantità tiġi espressa bħala valur monetarju jew nominali. |
(1) Ir-Regolament Delegat tal-Kummissjoni (UE) 2017/590 tat-28 ta' Lulju 2016 li jissupplimenta r-Regolament (UE) Nru 600/2014 tal-Parlament Ewropew u tal-Kunsill fir-rigward ta' standards tekniċi regolatorji għar-rapportar ta' tranżazzjonijiet lill-awtoritajiet kompetenti (ara l-paġna 449 ta' dan il-Ġurnal Uffiċjali).