10.3.2017   

MT

Il-Ġurnal Uffiċjali tal-Unjoni Ewropea

L 65/48

(1)

Id-dispożizzjonijiet f'dan ir-Regolament huma konnessi mill-qrib, peress li dawn kollha jindirizzaw ir-rekwiżiti superviżorji applikabbli għad-depożitorji ċentrali tat-titoli (CSDs). Sabiex tiġi żgurata koerenza bejn dawn id-dispożizzjonijiet, li jenħtieġ li jidħlu fis-seħħ fl-istess ħin, u biex tiġi ffaċilitata perspettiva komprensiva u aċċess faċli għalihom minn persuni li huma soġġetti għal dawn id-dispożizzjonijiet, ikun tajjeb li l-istandards tekniċi regolatorji kollha dwar ir-rekwiżiti superviżorji skont ir-Regolament (UE) Nru 909/2014 jinġabru f'Regolament wieħed.

(2)

Fid-dawl tan-natura globali tas-swieq finanzjarji u l-impenji meħuda mill-Unjoni f'dan il-qasam partikolari, jenħtieġ li tingħata attenzjoni dovuta lill-Prinċipji għall-Infrastrutturi tas-Swieq Finanzjarji maħruġa mill-Kumitat dwar is-Sistemi ta' Pagament u Saldu u l-Organizzazzjoni Internazzjonali tal-Kummissjonijiet tat-Titoli (il-Prinċipji CPSS-IOSCO) f'April 2012.

(3)

Sabiex tiġi żgurata l-applikazzjoni konsistenti tar-regoli dwar it-titjib fis-saldu tat-titoli fl-Unjoni, ċerti termini tekniċi jenħtieġ li jiġu definiti b'mod ċar.

(4)

Huwa importanti li jiġu żgurati awtorizzazzjoni u superviżjoni xierqa ta' CSD. Bħala tali, jenħtieġ li tiġi definita lista tal-awtoritajiet rilevanti li joħorġu l-muniti l-aktar rilevanti tal-Unjoni li fihom jitwettaq is-saldu biex ikunu involuti fil-proċess ta' awtorizzazzjoni u superviżjoni ta' CSD. Dan għandu jkun ibbażat fuq is-sehem tal-muniti li dawk l-awtoritajiet joħorġu fil-valur totali tal-istruzzjonijiet ta' saldu bi ħlas saldati kull sena minn CSD u fuq is-sehem tal-istruzzjonijiet ta' saldu bi ħlas saldati minn CSD f'munita tal-Unjoni meta mqabbla mal-valur totali tal-istruzzjonijiet ta' saldu bi ħlas saldati f'dik il-munita fis-CSDs kollha fl-Unjoni.

(5)

Sabiex jippermetti lill-awtoritajiet kompetenti jwettqu valutazzjoni bir-reqqa, CSD li japplika għall-awtorizzazzjoni jenħtieġ li jipprovdi informazzjoni dwar l-istruttura tal-kontrolli interni tiegħu u l-indipendenza tal-korpi governattivi tiegħu sabiex l-awtorità kompetenti tkun tista' tivvaluta jekk l-istruttura ta' governanza korporattiva tiżgurax l-indipendenza tas-CSD u jekk din l-istruttura u l-linji ta' rapportar tagħha, kif ukoll il-mekkaniżmi adottati għall-immaniġġjar tal-kunflitti ta' interess possibbli humiex adegwati.

(6)

Sabiex jippermetti lill-awtorità kompetenti tivvaluta r-reputazzjoni tajba u l-esperjenza u l-ħiliet tal-maniġment superjuri u tal-membri tal-korp maniġerjali tas-CSD, CSD applikant jenħtieġ li jipprovdi l-informazzjoni rilevanti kollha biex titwettaq din il-valutazzjoni.

(7)

L-informazzjoni dwar il-fergħat u s-sussidjarji ta' CSD hija neċessarja biex l-awtorità kompetenti tkun tista' tifhem b'mod ċar l-istruttura organizzazzjonali tas-CSD u tevalwa kwalunkwe riskju potenzjali għas-CSD minħabba l-attività ta' dawn il-fergħat u s-sussidjarji.

(8)

CSD li japplika għal awtorizzazzjoni jenħtieġ li jipprovdi lill-awtorità kompetenti bl-informazzjoni rilevanti biex juri li għandu r-riżorsi finanzjarji meħtieġa għad-dispożizzjoni tiegħu u l-arranġamenti ta' kontinwità ta' negozju adegwati għat-twettiq tal-funzjonijiet tiegħu fuq bażi kontinwa.

(9)

Minbarra li tirċievi l-informazzjoni dwar l-attivitajiet ewlenin, huwa importanti li l-awtorità kompetenti tirċievi informazzjoni dwar is-servizzi anċillari li s-CSD li jkun qed japplika għal awtorizzazzjoni jkun biħsiebu joffri biex ikun possibbli li l-awtorità kompetenti jkollha stampa kompleta tas-servizzi tas-CSD applikant.

(10)

Sabiex l-awtorità kompetenti tivvaluta l-kontinwità u l-funzjonament ordnat tas-sistemi teknoloġiċi ta' CSD applikant, dak is-CSD jenħtieġ li jipprovdi lill-awtorità kompetenti bid-deskrizzjonijiet tas-sistemi teknoloġiċi rilevanti u kif dawn jiġu mmaniġġjati, inkluż jekk humiex esternalizzati.

(11)

L-informazzjoni dwar it-tariffi assoċjati mas-servizzi ewlenin pprovduti mis-CSDs hija importanti u jenħtieġ li tifforma parti mill-applikazzjoni għal awtorizzazzjoni ta' CSD sabiex l-awtoritajiet kompetenti jkunu jistgħu jivverifikaw jekk dawk it-tariffi humiex proporzjonali, mhux diskriminatorji u mhux marbuta mal-ispejjeż ta' servizzi oħra.

(12)

Sabiex ikun żgurat li d-drittijiet tal-investituri jiġu protetti, u li kwistjonijiet ta' kunflitt bejn il-liġijiet jiġu mmaniġġjati b'mod adegwat, meta jevalwa l-miżuri li CSD biħsiebu jieħu sabiex l-utenti tiegħu jkunu jistgħu jikkonformaw mal-liġijiet nazzjonali msemmija fl-Artikolu 49(1) tar-Regolament (UE) Nru 909/2014, is-CSD jenħtieġ li jqis kemm l-emittenti kif ukoll l-parteċipanti, kif xieraq, skont il-liġijiet nazzjonali rispettivi.

(13)

Sabiex jiġi żgurat aċċess ġust u mhux diskriminatorju għas-servizzi ta' nutar, ta' manutenzjoni ċentrali u ta' saldu tat-titoli fis-suq finanzjarju, l-emittenti, CSDs oħra u infrastrutturi oħra tas-suq ingħataw aċċess għal CSD skont ir-Regolament (UE) Nru 909/2014. CSD applikant jenħtieġ għalhekk li jipprovdi lill-awtorità kompetenti bl-informazzjoni dwar il-politiki u l-proċeduri ta' aċċess tiegħu.

(14)

Sabiex twettaq id-dmirijiet ta' awtorizzazzjoni tagħha b'mod effikaċi, l-awtorità kompetenti jenħtieġ li tirċievi l-informazzjoni kollha mis-CSDs li japplikaw għal awtorizzazzjoni u l-partijiet terzi relatati, inklużi partijiet terzi li lilhom is-CSDs applikanti jkunu esternalizzaw funzjonijiet u attivitajiet operazzjonali.

(15)

Sabiex tiġi żgurata t-trasparenza ġenerali tar-regoli ta' governanza ta' CSD li japplika għal awtorizzazzjoni, l-awtorità kompetenti jenħtieġ li tingħata d-dokumenti li jikkonfermaw li s-CSD applikant ikun adotta l-arranġamenti meħtieġa għal stabbiliment mhux diskriminatorju ta' kumitat tal-utenti indipendenti għal kull sistema ta' saldu tat-titoli li jopera.

(16)

Sabiex jiġi żgurat funzjonament ordnat tas-servizzi ewlenin ta' infrastruttura fis-suq finanzjarju, CSD li japplika għal awtorizzazzjoni jenħtieġ li jipprovdi lill-awtorità kompetenti bl-informazzjoni kollha neċessarja biex juri li għandu politiki u proċeduri adegwati għall-iżgurar ta' sistemi affidabbli għaż-żamma tar-rekords kif ukoll mekkaniżmi effikaċi għas-servizzi ta' CSD, inklużi b'mod partikolari l-miżuri għall-prevenzjoni u l-indirizzar ta' falliment ta' saldu, u r-regoli dwar l-integrità tal-ħruġ, il-protezzjoni tat-titoli tal-parteċipanti u dawk tal-klijenti tagħhom, il-finalità tas-saldu, l-inadempjenza tal-parteċipant u t-trasferiment ta' parteċipanti u l-assi tal-klijenti fil-każ tal-irtirar ta' awtorizzazzjoni.

(17)

Il-mudelli tal-immaniġġjar tar-riskju assoċjati mas-servizzi pprovduti minn CSD applikant huma punt neċessarju fl-applikazzjoni tiegħu għal awtorizzazzjoni sabiex l-awtorità kompetenti tkun tista' tevalwa l-affidabbiltà u l-integrità tal-proċeduri adottati u tgħin lill-parteċipanti fis-suq biex jagħmlu għażla infurmata.

(18)

Sabiex tiġi vverifikata s-sikurezza tal-arranġamenti tal-konnessjoni ta' CSD li japplika għal awtorizzazzjoni, jiġu vvalutati r-regoli applikati fis-sistemi konnessi u jiġu evalwati r-riskji li jirriżultaw minn dawn il-konnessjonijiet, l-awtorità kompetenti jenħtieġ li tirċievi mingħand CSD applikant kwalunkwe informazzjoni rilevanti għall-analiżi, flimkien mal-valutazzjoni tas-CSD tal-arranġamenti tal-konnessjoni.

(19)

Meta tagħti l-approvazzjoni tal-parteċipazzjoni ta' CSD fil-kapital ta' entità oħra, l-awtorità kompetenti tas-CSD jenħtieġ li tikkunsidra l-kriterji li jiżguraw li l-parteċipazzjoni ma żżidx b'mod sinifikanti l-profil tar-riskju tas-CSD. Sabiex tiġi żgurata s-sikurezza u l-kontinwità tas-servizzi tiegħu, CSD ma għandux jassumi obbligazzjonijiet finanzjarji bla limitu bħala riżultat tal-parteċipazzjoni tiegħu fil-kapital ta' persuni ġuridiċi oħra minbarra dawk li jipprovdu s-servizzi stabbiliti fir-Regolament (UE) Nru 909/2014. CSD jenħtieġ li jikkapitalizza bis-sħiħ ir-riskji li jirriżultaw minn kwalunkwe parteċipazzjoni fil-kapital ta' entità oħra.

(20)

Sabiex CSD ma jkunx dipendenti fuq l-azzjonisti l-oħra tal-entitajiet li fihom ikollu parteċipazzjoni, inkluż fir-rigward tal-politiki tal-immaniġġjar tar-riskju, għandu li jkollu kontroll sħiħ ta' dawk l-entitajiet. Dan ir-rekwiżit jenħtieġ li jiffaċilita wkoll l-eżerċizzju tal-funzjonijiet ta' superviżjoni u ta' sorveljanza mill-awtoritajiet kompetenti u mill-awtoritajiet rilevanti billi jippermetti aċċess faċli għall-informazzjoni rilevanti.

(21)

CSD jenħtieġ li jkollu razzjonal strateġiku ċar għall-parteċipazzjoni lil hinn minn sempliċi skop ta' profitt, filwaqt li jitqiesu l-interessi tal-emittenti tat-titoli maħruġa bis-CSD; il-parteċipanti tiegħu u l-klijenti tiegħu.

(22)

Sabiex jiġu kkwantifikati u deskritti kif suppost ir-riskji li jirriżultaw mill-parteċipazzjoni tiegħu fil-kapital ta' persuna ġuridika oħra, CSD jenħtieġ li jipprovdi analiżi tar-riskju indipendenti, approvata minn awditur intern jew estern, għar-riskji u obbligazzjonijiet finanzjarji tas-CSD li jirriżultaw minn dik il-parteċipazzjoni.

(23)

Wara l-esperjenza tal-kriżi finanzjarja, l-awtoritajiet jenħtieġ li jiffukaw fuq superviżjoni kontinwa aktar milli ex post. Huwa għalhekk neċessarju li jiġi żgurat li għal kull rieżami u evalwazzjoni skont ir-Regolament (UE) Nru 909/2014, l-awtorità kompetenti jkollha aċċess suffiċjenti għall-informazzjoni fuq bażi kontinwa. Sabiex jiġi ddeterminat l-ambitu tal-informazzjoni li għandha titwassal għal kull rieżami u evalwazzjoni, id-dispożizzjonijiet ta' dan ir-Regolament jenħtieġ li jsegwu r-rekwiżiti għall-awtorizzazzjoni li CSD irid jikkonforma magħhom skont ir-Regolament (UE) Nru 909/2014. Dan jinkludi tibdil sostantiv fl-elementi diġà ppreżentati waqt il-proċess ta' awtorizzazzjoni, informazzjoni relatata mal-eventi perjodiċi u dejta statistika.

(24)

Sabiex jiġi promoss skambju ta' informazzjoni bilaterali u multilaterali effikaċi bejn l-awtoritajiet kompetenti, ir-riżultati tar-rieżami u l-evalwazzjoni minn awtorità waħda tal-attivitajiet ta' CSD jenħtieġ li jiġu kondiviżi ma' awtoritajiet kompetenti oħra fejn din l-informazzjoni x'aktarx tiffaċilita l-kompiti tagħhom, mingħajr preġudizzju għar-rekwiżiti ta' kunfidenzjalità u tal-protezzjoni tad-dejta u flimkien ma' kwalunkwe arranġamenti ta' kooperazzjoni previsti fir-Regolament (UE) Nru 909/2014. Jenħtieġ li jiġi organizzat skambju addizzjonali ta' informazzjoni fost l-awtoritajiet kompetenti u l-awtoritajiet rilevanti jew l-awtoritajiet inkarigati mis-swieq fl-istrumenti finanzjarji li jippermetti l-kondiviżjoni tas-sejbiet tal-awtorità kompetenti matul il-proċess tar-rieżami u l-evalwazzjoni.

(25)

Filwaqt li jitqies il-piż possibbli tal-ġbir u l-ipproċessar ta' ammont kbir ħafna ta' informazzjoni relatata mal-operat ta' CSD, u sabiex jiġu evitati d-duplikazzjonijiet, jenħtieġ li jiġu pprovduti dokumenti modifikati rilevanti biss fil-kuntest tar-rieżami u l-evalwazzjoni. Dawk id-dokumenti jenħtieġ li jitwasslu b'mod li jippermetti lill-awtorità kompetenti tidentifika t-tibdil rilevanti kollu li jkun sar fl-arranġamenti, l-istrateġiji, il-proċessi u l-mekkaniżmi implimentati mis-CSD mill-awtorizzazzjoni jew mit-tmiem tal-aħħar rieżami u evalwazzjoni.

(26)

Kategorija oħra ta' informazzjoni li hija utli li l-awtorità kompetenti jkollha sabiex tkun tista' twettaq ir-rieżami u l-evalwazzjoni tirreferi għal eventi li min-natura tagħhom iseħħu fuq bażi perjodika u li huma relatati mat-tħaddim tas-CSD u l-għoti tas-servizzi tiegħu.

(27)

Sabiex twettaq valutazzjoni komprensiva tar-riskju ta' CSD, l-awtorità kompetenti se jkollha bżonn titlob dejta statistika dwar l-ambitu tal-attivitajiet kummerċjali tas-CSD sabiex tevalwa r-riskji relatati mat-tħaddim tas-CSDs u mat-tħaddim bla xkiel tas-swieq tat-titoli. Barra minn hekk, dejta statistika tippermetti lill-awtorità kompetenti timmonitorja d-daqs u l-importanza tat-tranżazzjonijiet tat-titoli u s-saldi fis-swieq finanzjarji kif ukoll tivvaluta l-impatt kontinwu u potenzjali ta' CSD partikolari fuq is-suq tat-titoli kollu kemm hu.

(28)

Sabiex l-awtorità kompetenti timmonitorja u tevalwa r-riskji li s-CSD huwa jew jista' jkun skopert għalihom u li jistgħu jinħolqu għall-funzjonament bla xkiel tas-swieq tat-titoli, jenħtieġ li tkun tista' titlob informazzjoni addizzjonali dwar ir-riskji u l-attivitajiet ta' CSD. L-awtorità kompetenti jenħtieġ għalhekk li tkun tista' tiddefinixxi u titlob fuq l-inizjattiva tagħha stess, jew wara talba mressqa lilha minn awtorità oħra, kwalunkwe informazzjoni addizzjonali li hija tqis meħtieġa għal kull rieżami u evalwazzjoni tal-attivitajiet ta' CSD.

(29)

Huwa importanti li jiġi żgurat li CSDs ta' pajjiżi terzi li biħsiebhom jipprovdu s-servizzi skont ir-Regolament (UE) Nru 909/2014 ma jfixklux il-funzjonament ordnat tas-swieq tal-Unjoni.

(30)

Il-valutazzjoni kontinwa tal-konformità sħiħa tas-CSD ta' pajjiż terz mar-rekwiżiti prudenzjali ta' pajjiż terz hija d-dmir tal-awtorità kompetenti tal-pajjiż terz. L-informazzjoni li trid tiġi pprovduta lill-Awtorità Ewropea tat-Titoli u s-Swieq (ESMA) minn CSD applikanti jenħtieġ li ma jkollhiex l-objettiv li tirrepeti l-valutazzjoni tal-awtorità kompetenti tal-pajjiż terz, iżda li tiżgura li l-applikant ikun soġġett għal superviżjoni u infurzar effettivi fil-pajjiż terz, u b'hekk jiġi ggarantit grad għoli ta' protezzjoni għall-investitur.

(31)

Biex ikun possibbli għall-ESMA li twettaq valutazzjoni kompleta tal-applikazzjoni għar-rikonoxximent, l-informazzjoni pprovduta mill-applikant jenħtieġ li tiġi kkumplimentata mill-informazzjoni neċessarja biex tivvaluta l-effikaċja tas-superviżjoni kontinwa, tas-setgħat ta' infurzar, u tal-azzjonijiet meħuda mill-awtorità kompetenti tal-pajjiż terz. Dik l-informazzjoni jenħtieġ li tiġi pprovduta taħt arranġament ta' kooperazzjoni stabbilit skont ir-Regolament (UE) Nru 909/2014. L-arranġament ta' kooperazzjoni għandu jiżgura li l-ESMA tkun infurmata fil-waqt b'kull azzjoni ta' superviżjoni jew infurzar fil-konfront ta' CSD ta' pajjiż terz li japplika għar-rikonoxximent u kwalunkwe bidla fil-kundizzjonijiet li taħthom ingħatat l-awtorizzazzjoni lis-CSD rilevanti u dwar kwalunkwe aġġornament rilevanti tal-informazzjoni oriġinarjament ipprovduta mis-CSD waqt il-proċess ta' rikonoxximent.

(32)

Sabiex ikun żgurat li d-drittijiet tal-investituri jiġu protetti, u li l-kwistjonijiet tal-kunflitt bejn il-liġijiet jiġu mmaniġġjati b'mod adegwat, meta jivvaluta l-miżuri li CSD ta' pajjiż terz biħsiebu jieħu sabiex l-utenti tiegħu jkunu jistgħu jikkonformaw mal-liġijiet nazzjonali msemmija fl-Artikolu 49(1) tar-Regolament (UE) Nru 909/2014, dak is-CSD ta' pajjiż terz jenħtieġ li jqis kemm l-emittenti kif ukoll l-parteċipanti, kif xieraq, skont il-liġijiet nazzjonali rispettivi msemmija fl-Artikolu 49(1) ta' dak ir-Regolament.

(33)

Sabiex jistabbilixxi qafas għall-immaniġġjar tar-riskju sod, CSD jenħtieġ li jieħu perspettiva integrata u komprensiva tar-riskji rilevanti kollha. Dan jenħtieġ li jinkludi r-riskji mġarrba mis-CSD minn kwalunkwe entità oħra u r-riskji li joħloq lil partijiet terzi, inklużi l-utenti tiegħu u sal-limitu prattikabbli għall-klijenti tagħhom, kif ukoll CSDs konnessi, kontropartijiet ċentrali, ċentri tan-negozjar, sistemi ta' pagament, banek tas-saldu, fornituri ta' likwidità u investituri.

(34)

Sabiex jiġi żgurat li s-CSDs joperaw bil-livell neċessarju ta' riżorsi umani biex jissodisfaw l-obbligi tagħhom u biex jiżguraw li l-awtoritajiet kompetenti jkollhom il-punti ta' kuntatt rilevanti fi ħdan is-CSDs li jissorveljaw, is-CSDs jenħtieġ li jkollhom persunal iddedikat ewlieni li jenħtieġ li jkun responsabbli għas-CSD u l-prestazzjoni individwali tagħhom stess, b'mod partikolari fil-livell tal-maniġment superjuri u l-korp maniġerjali.

(35)

Sabiex jiġi żgurat kontroll adegwat tal-attivitajiet imwettqa mis-CSDs, jenħtieġ li jiġu stabbiliti u mwettqa regolarment awditi indipendenti li jkopru l-operazzjonijiet tas-CSD, il-proċessi tal-immaniġġjar tar-riskju, u l-mekkaniżmi tal-konformità u tal-kontroll intern. L-indipendenza tal-awditjar ma għandhiex neċessarjament teħtieġ l-involviment ta' awditur estern, bil-kundizzjoni li s-CSD juri lill-awtorità kompetenti li l-indipendenza tal-awditur intern tiegħu hija żgurat b'mod xieraq. Sabiex tiġi żgurata l-indipendenza tal-funzjoni tal-awditjar interna tiegħu, is-CSD jenħtieġ li jistabbilixxi wkoll kumitat tal-awditjar.

(36)

CSD jenħtieġ li jwaqqaf kumitat tar-riskju sabiex jiżgura li l-korp maniġerjali tas-CSD jingħata pariri fl-ogħla livell tekniku dwar it-tolleranza u l-istrateġija tar-riskju ġenerali attwali u futura tiegħu. Sabiex tiġi żgurata l-indipendenza tiegħu mill-maniġment eżekuttiv tas-CSD u grad għoli ta' kompetenza, il-kumitat tar-riskju jenħtieġ li jkun kompost minn maġġoranza ta' membri mhux eżekuttivi u jenħtieġ li jkun ippresedut minn persuna b'esperjenza xierqa fir-rigward tal-immaniġġjar tar-riskju.

(37)

Meta jivvaluta l-kunflitti ta' interess potenzjali, CSD jenħtieġ li ma jeżaminax biss il-membri tal-korp maniġerjali, il-maniġment superjuri jew il-persunal tas-CSD, iżda wkoll kwalunkwe persuna konnessa direttament jew indirettament ma' dawk l-individwi jew mas-CSD, kemm jekk tkun persuna fiżika jew ġuridika.

(38)

CSD jenħtieġ li jkollu uffiċjal kap tar-riskji, uffiċjal kap tal-konformità, uffiċjal kap tat-teknoloġija, kif ukoll funzjoni tal-immaniġġjar tar-riskju, funzjoni tat-teknoloġija, funzjoni tal-konformità u tal-kontroll intern, u funzjoni tal-awditjar intern. CSD jenħtieġ li fi kwalunkwe każ ikun kapaċi jorganizza l-istruttura interna ta' dawk il-funzjonijiet skont il-bżonnijiet tiegħu. Ir-rwoli ta' uffiċjali kap tar-riskji, uffiċjal kap tal-konformità u uffiċjal kap tat-teknoloġija jeħtieġ li jkunu moqdija minn persuni differenti peress li dawn il-funzjonijiet normalment jiġu ssodisfati minn persuni bi profili akkademiċi u professjonali differenti. F'dan ir-rigward, id-dispożizzjonijiet stabbiliti f'dan ir-Regolament isegwu mill-qrib is-sistema stabbilita mir-Regolament (UE) Nru 648/2012 tal-Parlament Ewropew u tal-Kunsill (2) għal infrastrutturi oħra tas-suq.

(39)

Ir-rekords miżmuma minn CSD jenħtieġ li jkunu strutturati u jippermettu aċċess faċli għad-dejta maħżuna mill-awtoritajiet kompetenti involuti fis-superviżjoni tas-CSDs. CSD jenħtieġ li jiżgura li r-rekords tad-dejta li jżomm, inkluża l-kontabilità sħiħa tat-titoli li jżomm, ikunu preċiżi u aġġornati sabiex iservu bħala sors ta' dejta affidabbli għall-finijiet tas-superviżjoni.

(40)

Sabiex jiġi ffaċilitat r-rapportar u r-reġistrazzjoni ta' sett konsistenti ta' informazzjoni skont ir-rekwiżiti differenti, ir-rekords miżmuma mis-CSDs jenħtieġ li jkopru kull servizz individwali pprovdut mis-CSD skont ir-Regolament (UE) Nru 909/2014, u jenħtieġ li jinkludu tal-anqas id-dettalji kollha li għandhom jiġu rrapportati skont ir-regoli dwar dixxiplina fir-rigward tas-saldu previsti f'dak ir-Regolament.

(41)

Il-preservazzjoni tad-drittijiet tal-emittenti u l-investituri hija essenzjali għall-funzjonament ordinat ta' suq tat-titoli. CSD jenħtieġ għalhekk li juża regoli, proċeduri u kontrolli xierqa biex jipprevjeni l-ħolqien jew t-tħassir mhux awtorizzat ta' titoli. Huwa jenħtieġ li jwettaq ukoll tal-anqas rikonċiljazzjoni ta' kuljum tal-kontijiet tat-titoli li jżomm.

(42)

CSD jenħtieġ li jżomm prattiki robusti tal-kontabilità u jwettaq awditi sabiex jivverifika li r-rekords tat-titoli tiegħu jkunu preċiżi u li l-miżuri tiegħu li jiżguraw l-integrità tal-ħruġ tat-titoli jkunu adegwati.

(43)

Sabiex tiġi żgurata b'mod effikaċi l-integrità tal-ħruġ, il-miżuri ta' rikonċiljazzjoni pprovduti fir-Regolament (UE) Nru 909/2014 jenħtieġ li japplikaw għas-CSDs kollha indipendentement minn jekk jipprovdux is-servizz ta' nutar jew servizz ta' manutenzjoni ċentrali msemmi f'dan ir-Regolament fir-rigward tal-ħruġ ta' titoli.

(44)

Fir-rigward ta' entitajiet oħra involuti fil-proċess ta' rikonċiljazzjoni, jenħtieġ li ssir distinzjoni bejn diversi xenarji skont ir-rwol ta' dawn l-entitajiet. Il-miżuri ta' rikonċiljazzjoni jenħtieġ li jirriflettu r-rwoli speċifiċi ta' dawk l-entitajiet. Skont il-mudell tar-reġistratur, ir-reġistratur iżomm rekords ta' titoli li huma rreġistrati wkoll f'CSD. Skont il-mudell tal-aġent tat-trasferiment, il-maniġer tal-fond jew l-aġent tat-trasferiment huwa responsabbli għal kont li jżomm parti mill-ħruġ ta' titoli rreġistrati f'CSD. Skont il-mudell tad-depożitorju komuni, id-depożitorju komuni jintuża minn CSDs li jistabbilixxu konnessjoni interoperabbli, u d-depożitorju komuni jenħtieġ li jkun responsabbli għall-integrità ġenerali tal-ħruġ ta' titoli inizjalment irreġistrati jew miżmuma b'mod ċentrali mis-CSDs li jkunu stabbilixxew konnessjoni interoperabbli.

(45)

Sabiex jiġu mitigati r-riskji operazzjonali, li jinkludu r-riskji kkawżati minn nuqqasijiet fis-sistemi ta' informazzjoni, proċessi interni, u l-prestazzjoni tal-persunal jew tfixkil ikkawżat minn avvenimenti esterni li jirriżultaw fit-tnaqqis, id-deterjorazzjoni jew il-ħsara ta' servizzi pprovduti minn CSD, CSDs jenħtieġ li jidentifikaw ir-riskji kollha u jimmonitorjaw l-evoluzzjoni tagħhom, irrispettivament mill-oriġini tagħhom li jistgħu jinkludu, pereżempju, l-utenti tagħhom, il-fornituri ta' servizzi lil CSDs u infrastrutturi oħra tas-suq, inklużi CSDs oħra. Ir-riskji operazzjonali jenħtieġ li jiġu mmaniġġjati skont qafas dokumentat sew u robust bi rwoli u responsabbiltajiet assenjati b'mod ċar. Dak il-qafas jenħtieġ li jinkludi miri operazzjonali, fatturi ta' traċċar, mekkaniżmi ta' valutazzjoni u jenħtieġ li jkun integrat fis-sistema tal-mmaniġġjar tar-riskju tas-CSD. F'dan il-kuntest, uffiċjal kap tar-riskji ta' CSD jenħtieġ li jkun responsabbli għall-qafas operazzjonali tal-immaniġġjar tar-riskju. Is-CSDs jenħtieġ li jimmaniġġjaw ir-riskju tagħhom internament. Fejn il-kontrolli interni jkunu insuffiċjenti jew fejn l-eliminazzjoni ta' ċerti riskji ma tkunx għażla raġonevolment fattibbli, CSD jenħtieġ li jkun jista' jieħu kopertura finanzjarja ta' dawk ir-riskji permezz ta' assigurazzjoni.

(46)

Is-CSDs jenħtieġ li ma jidħlux f'investimenti li jistgħu jaffettwaw il-profil tar-riskju tagħhom. Is-CSDs jenħtieġ li jidħlu biss f'kuntratti tad-derivattivi, jekk ikunu meħtieġa li jiħħeġġjaw riskju li ma jkunux jistgħu jnaqqsu mod ieħor. L-iħħeġġjar jenħtieġ li jkun soġġett għal ċerti kundizzjonijiet stretti li jiżguraw li l-derivattivi ma jintużawx għal finijiet oħra minbarra biex jiġu koperti r-riskji u ma jintużawx biex jinkiseb effettivament profitt.

(47)

L-assi ta' CSDs jenħtieġ li jinżammu b'mod sigur, ikunu faċilment aċċessibbli u jkunu jistgħu jiġu likwidati minnufih. CSD jenħtieġ għalhekk li jiżgura li l-politiki u l-proċeduri tiegħu dwar l-aċċess f'waqtu għall-assi tiegħu stess ikunu bbażati tal-anqas fuq in-natura, id-daqs, il-kwalità, il-maturità u l-post tal-assi. CSD jenħtieġ li jiżgura wkoll li l-aċċess f'waqtu għall-assi tiegħu ma jkunx affettwat b'mod negattiv mill-esternalizzazzjoni lil entità terza ta' funzjonijiet ta' kustodja jew ta' investiment.

(48)

Sabiex jimmaniġġja l-ħtiġijiet ta' likwidità tiegħu, CSD jenħtieġ li jkun jista' jaċċessal-assi fi flus tiegħu minnufih u jkun jista' wkoll jaċċessa kwalunkwe titolu li għandu taħt ismu stess fl-istess jum ta' negozju meta tittieħed deċiżjoni li jiġu likwidati l-assi.

(49)

Sabiex jiġi żgurat grad ogħla ta' protezzjoni tal-assi ta' CSD mill-inadempjenza tal-intermedjarju, CSD li jaċċessa CSD ieħor permezz ta' konnessjoni ta' CSD jenħtieġ li jżomm dawk l-assi f'kont segregat fis-CSD konness. Dan il-livell ta' segregazzjoni jenħtieġ li jiżgura li l-assi ta' CSD jkunu segregati minn dawk ta' entitajiet oħra u protetti b'mod xieraq. Madankollu huwa meħtieġ li jiġi permess l-istabbiliment ta' konnessjonijiet ma' CSDs ta' pajjiż terz anki fejn kontijiet segregati individwalment ma jkunux disponibbli fis-CSD tal-pajjiż terz sakemm l-assi tal-CSD li jagħmel it-talba jkunu, fi kwalunkwe każ, protetti adegwatament u l-awtoritajiet kompetenti jkunu infurmati bir-riskji li jirriżultaw min-nuqqas ta' disponibbiltà ta' kontijiet segregati individwalment u l-mitigazzjoni adegwata ta' dawn ir-riskji.

(50)

Sabiex jiġi żgurat li CSD jinvesti r-riżorsi finanzjarji tiegħu fi strumenti likwidi ħafna b'riskji minimi tas-suq u tal-kreditu u biex dawn l-investimenti jkunu likwidati b'mod rapidu b'effett minimu fuq il-prezz, jenħtieġ li jiddiversifika l-portafoll tiegħu u jistabbilixxi limiti ta' konċentrazzjoni xierqa fir-rigward tal-emittenti tal-istrumenti li fihom jinvesti r-riżorsi tiegħu.

(51)

Sabiex jiżgura s-sikurezza u l-effiċjenza tal-arranġament tal-konnessjoni ta' CSD ma' CSD ieħor, CSD jenħtieġ li jidentifika, jimmonitorja, u jimmaniġġja s-sorsi potenzjali kollha ta' riskju li jirriżultaw mill-arranġament tal-konnessjoni. Konnessjoni ta' CSD jenħtieġ li jkollha bażi legali ġustifikata, fil-ġuriżdizzjonijiet rilevanti kollha, li tappoġġja d-disinn tagħha u tipprovdi protezzjoni adegwata għas-CSDs involuti fil-konnessjoni. CSDs konnessi jenħtieġ li jkejlu, jimmonitorjaw, u jimmaniġġjaw ir-riskji tal-kreditu u tal-likwidità li jirriżultaw minn xulxin.

(52)

CSD li jagħmel it-talba li juża konnessjoni indiretta ta' CSD jew intermedjarju biex iħaddem konnessjoni ta' CSD ma' CSD li jirċievi t-talba jenħtieġ li jkejjel, jimmonitorja, u jimmaniġġja r-riskji addizzjonali, inklużi r-riskji ta' kustodja, ta' kreditu, ġuridiċi u operazzjonali, li jirriżultaw mill-użu tal-intermedjarju sabiex tiġi żgurata s-sikurezza u l-effiċjenza tal-arranġament tal-konnessjoni.

(53)

Sabiex jiżguraw l-integrità tal-ħruġ, fejn it-titoli jinżammu f'diversi CSDs permezz ta' konnessjonijiet ta' CSD, is-CSDs jenħtieġ li japplikaw miżuri speċifiċi ta' rikonċiljazzjoni u jikkoordinaw l-azzjonijiet tagħhom.

(54)

Is-CSDs jenħtieġ li jipprovdu aċċess ġust u miftuħ għas-servizzi tagħhom b'attenzjoni dovuta għar-riskji għall-istabbiltà finanzjarja u r-regolarità tas-suq. Huma jenħtieġ li jikkontrollaw ir-riskji li jirriżultaw mill-parteċipanti tagħhom u utenti oħra billi jistabbilixxu kriterji relatati mar-riskju għall-provvista tas-servizzi tagħhom. Is-CSDs jenħtieġ li jiżguraw li l-utenti tagħhom, bħall-parteċipanti, kwalunkwe CSDs oħra, kontropartijiet ċentrali (CCPs), postijiet tan-negozjar jew emittenti li jingħataw aċċess għas-servizzi tagħhom jissodisfaw il-kriterji u jkollhom il-kapaċità operazzjonali meħtieġa, ir-riżorsi finanzjarji, is-setgħat legali, u r-riskju tas-setgħa, u l-kompetenzi tal-immaniġġjar tar-riskji sabiex tiġi prevenuta l-okkorrenza ta' riskji għas-CSDs u utenti oħra.

(55)

Sabiex jiżgura s-sikurezza u l-effiċjenza tas-sistema ta' saldu tat-titoli tiegħu, CSD jenħtieġ li jimmonitorja l-konformità mar-rekwiżiti ta' aċċess tiegħu fuq bażi kontinwa u jkollu proċeduri definiti b'mod ċar u żvelati pubblikament għall-iffaċilitar tas-sospensjoni u l-ħruġ ordnat ta' parti li tagħmel it-talba li tikser, jew ma tkunx għadha tissodisfa, ir-rekwiżiti għall-aċċess.

(56)

Għall-fini tal-awtorizzazzjoni biex jipprovdi servizzi anċillari tat-tip bankarju, CSD jenħtieġ li jippreżenta applikazzjoni lill-awtorità kompetenti li tinkludi l-elementi kollha meħtieġa biex jiġi żgurat li l-provvista tas-servizzi anċillari tat-tip bankarju ma taffettwax il-provvista bla xkiel tas-servizzi ċentrali ta' CSD. Mhuwiex meħtieġ li entitajiet diġà awtorizzati bħala CSDs jippreżentaw mill-ġdid kwalunkwe elementi li diġà ġew ippreżentati matul il-proċess ta' applikazzjoni biex jiġu awtorizzati bħala CSD skont ir-Regolament (UE) Nru 909/2014.

(57)

Bil-għan li tiġi żgurata ċ-ċertezza legali u l-applikazzjoni konsistenti tal-liġi, ċerti rekwiżiti previsti f'dan ir-Regolament dwar il-miżuri ta' dixxiplina tas-saldu jenħtieġ li jibdew japplikaw mid-data tad-dħul fis-seħħ ta' dawk il-miżuri.

(58)

Dan ir-Regolament huwa bbażat fuq l-abbozz tal-istandards tekniċi regolatorji ppreżentat mill-ESMA lill-Kummissjoni.

(59)

Fit-tfassil tal-istandards tekniċi li jinsabu f'dan ir-Regolament, l-ESMA ħadmet f'kooperazzjoni mill-qrib mal-membri tas-Sistema Ewropea ta' Banek Ċentrali u l-Awtorità Bankarja Ewropea.

(60)

L-ESMA wettqet konsultazzjonijiet pubbliċi miftuħa dwar l-abbozz tal-istandards tekniċi regolatorji li dan ir-Regolament huwa bbażat fuqhom, analizzat il-kostijiet u l-benefiċċji potenzjali relatati u talbet l-opinjoni tal-Grupp tal-Partijiet Interessati tat-Titoli u s-Swieq stabbilit skont l-Artikolu 37 tar-Regolament (UE) Nru 1095/2010 tal-Parlament Ewropew u tal-Kunsill (3),

(a)

“perjodu ta' rieżami” tfisser il-perjodu taħt rieżami li jibda mill-jum ta' wara t-tmiem tal-perjodu ta' rieżami u evalwazzjoni preċedenti

(b)

“struzzjoni ta' saldu” tfisser ordni ta' trasferiment kif definit fil-punt (i) tal-Artikolu 2 tad-Direttiva 98/26/KE tal-Parlament Ewropew u tal-Kunsill (4);

(c)

“restrizzjoni fuq is-saldu” tfisser l-imblukkar, ir-riżerva jew l-allokazzjoni ta' titoli li jagħmluhom mhux disponibbli għas-saldu, jew l-imblukkar jew ir-riżerva ta' flus li jagħmluhom mhux disponibbli għas-saldu;

(d)

“fond negozjat fil-borża” (ETF) tfisser fond kif definit fil-punt (46) tal-Artikolu 4(1) tad-Direttiva 2014/65/UE tal-Parlament Ewropew u tal-Kunsill (5);

(e)

“CSD emittent” tfisser CSD li jipprovdi s-servizz ewlieni msemmi fil-punt 1 jew 2 tat-Taqsima A tal-Anness għar-Regolament (UE) Nru 909/2014 fir-rigward tal-ħruġ tat-titoli;

(f)

“CSD investitur” tfisser CSD li jew huwa parteċipant fis-sistema ta' saldu tat-titoli mħaddma minn CSD ieħor jew li juża' terza persuna jew intermedjarju li huwa parteċipant fis-sistema ta' saldu tat-titoli mħaddma minn CSD ieħor f'relazzjoni ma' ħruġ tat-titoli;

(g)

“mezz li jservi għal żmien twil” tfisser kwalunkwe strument li jippermetti l-ħażna ta' informazzjoni b'mod li tkun aċċessibbli għal referenza futura għal perjodu ta' żmien adegwat għall-finijiet tal-informazzjoni, u li jippermetti r-riproduzzjoni mhux mibdula tal-informazzjoni maħżuna.

(a)

is-sehem relattiv ta' kull munita tal-Unjoni fil-valur totali tas-saldu permezz ta' CSD tal-istruzzjonijiet ta' saldu bi ħlas, ikkalkulat fuq perjodu ta' sena, sakemm kull sehem individwali jeċċedi 1 %;

(b)

is-sehem relattiv tal-istruzzjonijiet ta' saldu bi ħlas imħallas minn CSD f'munita tal-Unjoni mqabbel mal-valur totali tal-istruzzjonijiet ta' saldu bi ħlas imħallas b'dik il-munita madwar is-CSDs kollha fl-Unjoni, ikkalkulat fuq perjodu ta' sena, sakemm kull sehem individwali jeċċedi 10 %.

(a)

dettalji ta' kuntatt tal-persuna responsabbli mill-applikazzjoni;

(b)

dettalji ta' kuntatt tal-persuna jew persuni responsabbli għall-konformità u l-funzjoni ta' kontroll intern tas-CSD applikant;

(c)

l-isem korporattiv tas-CSD applikant, l-Identifikatur ta' Entità Ġuridika tiegħu (LEI) u l-indirizz irreġistrat fl-Unjoni;

(d)

il-memorandum u l-artikoli ta' assoċjazzjoni jew dokumentazzjoni kostituzzjonali u statutarja oħra tas-CSD applikant;

(e)

silta mir-reġistru kummerċjali jew tal-qorti rilevanti, jew forom oħra ta' xiehda ċertifikata tal-indirizz irreġistrat u l-attività ta' negozju tas-CSD applikant li jkunu validi fid-data tal-applikazzjoni;

(f)

l-identifikazzjoni tas-sistemi ta' saldu tat-titoli li s-CSD applikant iħaddem jew biħsiebu jħaddem;

(g)

kopja tad-deċiżjoni tal-korp maniġerjali dwar l-applikazzjoni u l-minuti tal-laqgħa li fiha l-korp maniġerjali approva l-fajl tal-applikazzjoni u l-preżentazzjoni tiegħu;

(h)

ċart li turi l-konnessjonijiet ta' sjieda bejn l-impriża prinċipali, is-sussidjarji u kwalunkwe entitajiet jew fergħat assoċjati oħra, fejn l-entitajiet li jidhru fiċ-ċart ikunu identifikati mill-isem korporattiv sħiħ tagħhom, l-istatus legali, l-indirizz irreġistrat, u n-numri tat-taxxa jew numri ta' reġistrazzjoni tal-kumpanija;

(i)

deskrizzjoni tal-attivitajiet ta' negozju tas-sussidjarji u persuni ġuridiċi oħra tas-CSD applikant li fihom is-CSD applikant jikkontrollla parteċipazzjoni, inkluża informazzjoni dwar il-livell ta' parteċipazzjoni;

(j)

lista li tinkludi:

(k)

lista li tinkludi:

(l)

lista ta' servizzi ewlenin elenkati fit-Taqsima A tal-Anness għar-Regolament (UE) Nru 909/2014 li s-CSD applikant ikun qed jipprovdi jew ikun biħsiebu jipprovdi;

(m)

lista ta' servizzi anċillari speċifikati b'mod espliċitu fit-Taqsima B tal-Anness għar-Regolament (UE) Nru 909/2014 li s-CSD applikant ikun qed jipprovdi jew ikun biħsiebu jipprovdi;

(n)

lista ta' kwalunkwe servizzi anċillari oħra permessi, iżda mhux speċifikati b'mod espliċitu, skont it-Taqsima B tal-Anness tar-Regolament (UE) Nru 909/2014 li s-CSD applikant ikun qed jipprovdi jew ikun biħsiebu jipprovdi;

(o)

lista tas-servizzi ta' investiment soġġetti għad-Direttiva 2014/65/UE msemmija fil-punt (n);

(p)

lista ta' servizzi u attivitajiet li s-CSD applikant jesternalizza jew li jkun biħsiebu jesternalizza lil parti terza skont l-Artikolu 30 tar-Regolament (UE) Nru 909/2014;

(q)

il-munita jew il-muniti li s-CSD applikant jipproċessa, jew ikun biħsiebu jipproċessa f'konnessjoni mas-servizzi li jipprovdi s-CSD applikant, irrispettivament minn jekk il-flus ikunux saldati f'kont bankarju ċentrali, kont tas-CSD, jew kont f'istituzzjoni ta' kreditu nnominata;

(r)

informazzjoni dwar kwalunkwe arbitraġġ ġudizzjarju, amministrattiv pendenti u finali, jew kwalunkwe proċediment legali ieħor li għalih is-CSD applikant ikun parti u li jista' jikkawżalu spejjeż finanzjarji jew oħrajn.

(a)

l-Istat Membru jew l-Istati Membri li fihom is-CSD applikant ikun biħsiebu jaħdem;

(b)

programm ta' operazzjonijiet li jiddikjara partikolarment is-servizzi li s-CSD applikant jipprovdi jew biħsiebu jipprovdi fl-Istat Membru ospitanti;

(c)

il-munita jew il-muniti li s-CSD applikant jipproċessa jew biħsiebu jipproċessa fl-Istat Membru ospitanti;

(d)

meta s-servizzi jiġu pprovduti jew ikun maħsub li jiġu pprovduti permezz ta' fergħa, l-istruttura organizzazzjonali tal-fergħa u l-ismijiet tal-persuni responsabbli għall-immaniġġjar tagħha;

(e)

fejn rilevanti, valutazzjoni tal-miżuri li s-CSD applikant ikun biħsiebu jieħu sabiex l-utenti tiegħu jkunu jistgħu jikkonformaw mal-liġijiet nazzjonali msemmija fl-Artikolu 49(1) tar-Regolament (UE) Nru 909/2014.

(a)

it-titoli tal-impjieg tal-persuni responsabbli għall-approvazzjoni u l-implimentazzjoni tal-politiki u l-proċeduri;

(b)

deskrizzjoni tal-miżuri ta' implimentazzjoni u ta' monitoraġġ tal-konformità mal-politiki u l-proċeduri.

(a)

deskrizzjoni dettaljata tas-servizzi msemmija fil-punti (l) sa (p) tal-Artikolu 4(2);

(b)

il-proċeduri li għandhom jiġu applikati fil-provvista tas-servizzi msemmija fil-punt (a).

(a)

il-politiki u l-proċeduri msemmija fl-Artikolu 26(7) tar-Regolament (UE) Nru 909/2014;

(b)

informazzjoni dwar il-kompożizzjoni tal-maniġment superjuri, il-korp maniġerjali, u l-istruttura azzjonisti tal-impriża prinċipali u tal-impriżi l-oħra fil-grupp;

(c)

is-servizzi u l-individwi ewlenin minbarra l-maniġment superjuri li s-CSD applikant jikkondividi ma' impriżi oħra tal-grupp.

(a)

l-indirizz irreġistrat tal-impriża prinċipali tas-CSD applikant;

(b)

meta l-impriża prinċipali tkun entità awtorizzata jew irreġistrata u soġġetta għal superviżjoni skont il-leġiżlazzjoni tal-Unjoni jew ta' pajjiż terz, kwalunkwe awtorizzazzjoni jew numru ta' reġistrazzjoni rilevanti u l-isem tal-awtorità jew l-awtoritajiet kompetenti għas-superviżjoni tal-impriża prinċipali.

(a)

rapporti finanzjarji li jinkludu sett komplet ta' dikjarazzjonijiet finanzjarji għat-tliet snin preċedenti, u r-rapport statutorja tal-awditjar dwar id-dikjarazzjonijiet finanzjarji annwali u konsolidati fis-sens tad-Direttiva 2006/43/KE tal-Parlament Ewropew u tal-Kunsill (6), għall-perjodu preċedenti ta' tliet snin;

(b)

fejn is-CSD applikant jiġi awditjat minn awditur estern, l-isem u n-numru tar-reġistrazzjoni nazzjonali tal-awditur estern;

(c)

pjan ta' negozju, inkluż pjan finanzjarju u ta' baġit stmat li jipprevedi xenarji ta' negozju differenti għas-servizzi pprovduti mis-CSD applikant, fuq perjodu ta' referenza ta' tal-anqas tliet snin;

(d)

kwalunkwe pjan għall-istabbiliment ta' sussidjarji u fergħat u fejn jinsabu;

(e)

deskrizzjoni tal-attivitajiet ta' negozju li s-CSD applikant jippjana li jwettaq, inklużi l-attivitajiet ta' negozju ta' kwalunkwe sussidjarji jew fergħat tas-CSD applikant.

(a)

evidenza li turi r-riżorsi finanzjarji suffiċjenti matul is-sitt xhur ta' wara l-għoti ta' awtorizzazzjoni;

(b)

rapport finanzjarju interim;

(c)

dikjarazzjonijiet dwar is-sitwazzjoni finanzjarja tas-CSD applikant, inklużi karta tal-bilanċ, rapport tal-introjtu, tibdil fl-ekwità u fil-flussi ta' flus u sommarju ta' politiki tal-kontabilità u noti ta' spjegazzjoni rilevanti oħra;

(d)

dikjarazzjonijiet finanzjarji annwali awditjati ta' kwalunkwe impriża prinċipali għat-tliet snin finanzjarji ta' qabel id-data tal-applikazzjoni.

(a)

sommarju li jipprovdi ħarsa ġenerali lejn il-pjan u l-implimentazzjoni tiegħu;

(b)

l-identifikazzjoni tal-operazzjonijiet kritiċi tas-CSD applikant, xenarji ta' stress u avvenimenti li jiskattaw l-irkupru, u deskrizzjoni ta' għodod ta' rkupru li għandhom jintużaw mis-CSD applikant;

(c)

valutazzjoni ta' kwalunkwe impatt tal-pjan ta' rkupru fuq il-partijiet interessati li x'aktarx jiġu affettwati mill-implimentazzjoni tiegħu;

(d)

valutazzjoni tal-infurzabbiltà legali tal-pjan ta' rkupru li tqis kwalunkwe restrizzjonijiet legali imposti minn leġiżlazzjoni tal-Unjoni, nazzjonali jew ta' pajjiż terz.

(a)

l-identità u l-kompiti tal-persuni responsabbli għall-pożizzjonijiet li ġejjin:

(b)

in-numru tal-membri tal-persunal f'kull diviżjoni u unità operazzjonali.

(a)

deskrizzjoni tal-politika ta' rimunerazzjoni inkluża informazzjoni dwar l-elementi fissi u varjabbli tar-rimunerazzjoni tal-maniġment superjuri, il-membri tal-korp maniġerjali u l-persunal impjegat fl-immaniġġjar tar-riskju, il-konformità u l-kontroll intern, l-awditjar intern u funzjonijiet ta' teknoloġija tas-CSD applikant;

(b)

il-miżuri implimentati mis-CSD applikant biex jiġi mitigat ir-riskju ta' sovradipendenza fuq ir-responsabbiltajiet fdati lil kwalunkwe persuna individwali.

(a)

deskrizzjoni tal-arranġamenti ta' governanza tas-CSD applikant stabbiliti skont il-paragrafu 2 tal-Artikolu 47;

(b)

il-politiki, il-proċeduri u s-sistemi stabbiliti skont il-paragrafu 1 tal-Artikolu 47;

(c)

deskrizzjoni tal-kompożizzjoni, ir-rwol u r-responsabbiltajiet tal-membri tal-korp maniġerjali u l-maniġment superjuri u l-kumitati stabbiliti skont l-Artikolu 48.

(a)

deskrizzjoni tal-għodod ta' monitoraġġ u ta' evalwazzjoni għall-adegwatezza u l-effikaċja tas-sistemi tal-awditjar intern tas-CSD applikant;

(b)

deskrizzjoni tal-kontroll u l-għodod ta' salvalgwardja għas-sistemi ta' pproċessar ta' informazzjoni tas-CSD applakant;

(c)

deskrizzjoni tal-iżvilupp u l-applikazzjoni tal-metodoloġija tal-awditjar intern tas-CSD applikant;

(d)

pjan ta' ħidma tal-funzjoni tal-awditjar intern għal tliet snin wara d-data tal-applikazzjoni;

(e)

deskrizzjoni tar-rwoli u l-kwalifiki ta' kull individwu li huwa responsabbli għall-awditjar intern imsemmi fl-Artikolu 47(3)(d) taħt is-sorveljanza tal-kumitat tal-awditjar imsemmi fl-Artikolu 48(1)(b).

(a)

deskrizzjoni tar-rwoli u l-kwalifiki ta' individwi li huma responsabbli għall-konformità u l-funzjoni ta' kontroll intern u ta' kwalunkwe persunal ieħor involut fil-valutazzjonijiet ta' konformità, inkluża deskrizzjoni tal-mezzi biex tiġi żgurata l-indipendenza tal-konformità u l-funzjoni ta' kontroll intern mill-bqija tal-unitajiet ta' negozju;

(b)

il-politiki u l-proċeduri tal-konformità u l-funzjoni ta' kontroll intern, inkluża deskrizzjoni tar-rwol ta' konformità tal-korp maniġerjali u l-maniġment superjuri;

(c)

fejn disponibbli, l-aktar rapport intern riċenti mħejji mill-persuni responsabbli għall-konformità u l-funzjoni ta' kontroll intern jew minn kwalunkwe persunal ieħor involut fil-valutazzjonijiet ta' konformità fi ħdan is-CSD applikant.

(a)

kopja ta' curriculum vitae li tistabbilixxi l-esperjenza u l-għarfien ta' kull membru;

(b)

dettalji dwar kwalunkwe sanzjonijiet kriminali u amministrattivi imposti fuq membru f'konnessjoni mal-provvista ta' servizzi finanzjarji jew ta' dejta jew fir-rigward ta' atti ta' frodi jew misapproprjazzjoni ta' fondi, fil-forma ta' ċertifikat uffiċjali xieraq fejn disponibbli fl-Istat Membru rilevanti;

(c)

awtodikjarazzjoni ta' reputazzjoni tajba fir-rigward tal-provvista ta' servizzi finanzjarji jew ta' dejta, fejn il-membri kollha tal-maniġment superjuri u l-korp maniġerjali għandhom jiddikjaraw jekk ikunux ġew soġġetti għal xi waħda minn dawn li ġejjin:

(a)

evidenza ta' konformità mal-Artikolu 27(2) tar-Regolament (UE) Nru 909/2014;

(b)

deskrizzjoni tar-rwoli u r-responsabbiltajiet tal-membri tal-korp maniġerjali;

(c)

il-mira għar-rappreżentazzjoni tal-ġeneru sottorappreżentat fil-korp maniġerjali, il-politika rilevanti dwar kif għandhom jintlaħqu l-mira u l-metodu użati mis-CSD applikant biex jippubblika l-mira, il-politika u l-implimentazzjoni tagħha.

(a)

deskrizzjoni tal-istruttura tas-sjieda tas-CSD applikant imsemmija fil-punt (i) tal-Artikolu 4(2), inkluża deskrizzjoni tal-identità u d-daqs tal-interessi fi kwalunkwe entità f'pożizzjoni li teżerċita kontroll fuq it-tħaddim tas-CSD applikant;

(b)

lista tal-azzjonisti u l-persuni li jkunu f'pożizzjoni li jeżerċitaw, direttament jew indirettament, kontroll fuq il-maniġment tas-CSD applikant.

(a)

deskrizzjoni tal-politiki u l-proċeduri li jikkonċernaw l-identifikazzjoni, l-immaniġġjar u d-divulgazzjoni lill-awtorità kompetenti tal-kunflitti ta' interess potenzjali u tal-proċess użat biex jiżgura li l-persunal tas-CSD applikant jiġi mgħarraf b'dawn il-politiki u l-proċeduri;

(b)

deskrizzjoni tal-kontrolli u l-miżuri stabbiliti sabiex jiġi żgurat li r-rekwiżiti msemmija fil-punt (a) dwar l-immaniġġjar tal-kunflitti ta' interess jiġu ssodisfati;

(c)

deskrizzjoni tal-elementi li ġejjin:

(a)

informazzjoni relatata mal-parteċipanti, il-klijenti, l-emittenti jew utenti oħra tas-servizzi tas-CSD applikant;

(b)

mhuwiex permess li informazzjoni oħra miżmuma mis-CSD applikant bħala riżultat tal-attività ta' negozju tiegħu tintuża għal finijiet kummerċjali.

(a)

il-proċeduri interni dwar il-permessi ta' aċċess għall-informazzjoni li jiżguraw aċċess sigur għad-dejta;

(b)

deskrizzjoni ta' kwalunkwe restrizzjoni fuq l-użu ta' dejta għal raġunijiet ta' kunfidenzjalità.

(a)

il-mandat tal-kumitat tal-utenti;

(b)

l-arranġamenti ta' governanza tal-kumitat tal-utenti;

(c)

il-proċeduri ta' tħaddim tal-kumitat tal-utenti;

(d)

il-kriterji tal-ammissjoni u l-mekkaniżmu tal-elezzjoni tal-membri tal-kumitat tal-utenti;

(e)

lista tal-membri proposti tal-kumitat tal-utenti u l-indikazzjoni tal-interessi li jirrappreżentaw.

(a)

analiżi tal-punt sa fejn is-sistemi, il-politiki u l-proċeduri taż-żamma tar-rekords eżistenti tas-CSD applikant huma konformi mar-rekwiżiti skont l-Artikolu 54;

(b)

pjan ta' implimentazzjoni li jiddeskrivi fid-dettall kif is-CSD applikant jikkonforma mar-rekwiżiti msemmija fl-Artikolu 54 sad-data li fiha jsir applikabbli.

(a)

il-kriterji għall-parteċipazzjoni li jippermettu aċċess ġust u miftuħ għall-persuni ġuridiċi kollha li biħsiebhom isiru parteċipanti fis-sistemi ta' saldu tat-titoli mħaddma mis-CSD applikant;

(b)

il-proċeduri għall-applikazzjoni ta' miżuri dixxiplinarji kontra parteċipanti eżistenti li ma jikkonformawx mal-kriterji għall-parteċipazzjoni.

(a)

il-proċeduri u l-miżuri għall-prevenzjoni ta' falliment ta' saldu skont l-Artikolu 6 tar-Regolament (UE) Nru 909/2014;

(b)

il-miżuri għall-indirizzar ta' falliment ta' saldu skont l-Artikoli 7 tar-Regolament (UE) Nru 909/2014.

(a)

ir-regoli u l-proċeduri għat-tnaqqis u l-immaniġġjar tar-riskji assoċjati mal-kustodja tat-titoli;

(b)

deskrizzjoni dettaljata tal-livelli differenti ta' segregazzjoni offruti mis-CSD applikant, deskrizzjoni tal-ispejjeż assoċjati ma' kull livell, it-termini kummerċjali li fuqhom huma offruti, l-implikazzjonijiet legali prinċipali tagħhom u l-liġi tal-insolvenza applikabbli;

(c)

ir-regoli u l-proċeduri għall-kisba tal-kunsens imsemmi fl-Artikolu 38(7) tar-Regolament (UE) Nru 909/2014;

(a)

kopja tal-ftehim ta' esternalizzazzjoni;

(b)

il-metodi użati għall-monitoraġġ tal-livell ta' servizz tas-servizzi u l-attivitajiet esternalizzati.

(a)

is-CSD applikant iżomm l-assi finanzjarji proprji tiegħu skont l-Artikolu 46(1), (2) u (5) tar-Regolament (UE) Nru 909/2014 u l-Kapitolu XI ta' dan ir-Regolament.

(b)

l-investimenti tas-CSD applikant huma konformi mal-Artikolu 46(3) tar-Regolament (UE) Nru 909/2014 u l-Kapitolu XI ta' dan ir-Regolament.

(a)

informazzjoni li turi li l-kapital tas-CSD applikant, inkluż il-qligħ miżmum u r-riżervi tas-CSD applikant, jissodisfa r-rekwiżiti tal-Artikolu 47 tar-Regolament (UE) Nru 909/2014;

(b)

il-pjan imsemmi fl-Artikolu 47(2) tar-Regolament (UE) Nru 909/2014 u kwalunkwe aġġornament għal dak il-pjan, u l-evidenza tal-approvazzjoni tiegħu mill-korp maniġerjali jew kumitat xieraq tal-korp maniġerjali tas-CSD applikant.

(a)

deskrizzjoni tal-konnessjonijiet ta' CSD akkumpanjata minn valutazzjonijiet ta' sorsi potenzjali ta' riskji li jirriżultaw minn dawk l-arranġamenti ta' konnessjoni mis-CSD applikant;

(b)

il-volumi mistennija jew attwali tas-saldu u l-valuri tas-saldu mwettqa fi ħdan il-konnessjonijiet ta' CSDs;

(c)

il-proċeduri dwar l-identifikazzjoni, il-valutazzjoni, il-monitoraġġ u l-immaniġġjar tas-sorsi potenzjali kollha ta' riskju għas-CSD applikant u għall-parteċipanti tiegħu li jirriżultaw mill-arranġament ta' konnessjoni u l-miżuri adattati stabbiliti biex jimmitigawhom;

(d)

valutazzjoni tal-applikabbiltà tal-liġijiet tal-insolvenza applikabbli għat-tħaddim ta' konnessjoni ta' CSD u l-implikazzjonijiet tagħhom għas-CSD applikant;

(e)

informazzjoni oħra rilevanti mitluba mill-awtorità kompetenti għall-valutazzjoni tal-konformità tal-konnessjonijiet ta' CSDs mar-rekwiżiti pprovduti fl-Artikolu 48 tar-Regolament (UE) Nru 909/2014 u l-Kapitolu XII ta' dan ir-Regolament.

(a)

minn persuni ġuridiċi li biħsiebhom isiru parteċipanti skont l-Artikolu 33 tar-Regolament (UE) Nru 909/2014 u l-Kapitolu XIII ta' dan ir-Regolament;

(b)

minn emittenti skont l-Artikolu 49 tar-Regolament (UE) Nru 909/2014 u l-Kapitolu XIII ta' dan ir-Regolament;

(c)

minn CSDs oħra skont l-Artikolu 52 tar-Regolament (UE) Nru 909/2014 u l-Kapitolu XIII ta' dan ir-Regolament;

(d)

minn infrastrutturi tas-swieq oħra skont l-Artikolu 53 tar-Regolament (UE) Nru 909/2014 u l-Kapitolu XIII ta' dan ir-Regolament.

(a)

il-firxa tal-obbligazzjonijiet finanzjarji assunti mis-CSD bħala riżultat ta' dik il-parteċipazzjoni;

(b)

jekk is-CSD ikollux riżorsi finanzjarji suffiċjenti li jissodisfaw il-kriterji msemmija fl-Artikolu 46 tar-Regolament (UE) Nru 909/2014 biex ikopri r-riskji li jirriżultaw minn dan li ġej:

(c)

jekk il-persuna ġuridika li fiha s-CSD jikkontrolla parteċipazzjoni tipprovdi servizzi li huma kumplementari għas-servizzi ewlenin offruti mis-CSD, kif imsemmi fl-Artikolu 18(4) tar-Regolament (UE) Nru 909/2014, bħal:

(d)

jekk il-parteċipazzjoni tas-CSD tirriżultax fil-kontroll mis-CSD fuq il-persuna ġuridika kif definita fil-punt (21) tal-Artikolu 2(1) tar-Regolament (UE) Nru 909/2014;

(e)

l-analiżi tas-CSD tar-riskji li jirriżultaw minn dik il-parteċipazzjoni, inkluża kwalunkwe analiżi approvata minn awditur intern jew estern, li turi li r-riskji kollha li jirriżultaw mill-parteċipazzjoni huma mmaniġġjati b'mod adegwat. L-awtoritajiet kompetenti għandhom iqisu, b'mod partikolari, l-aspetti li ġejjin tal-analiżi tas-CSD:

(a)

l-informazzjoni msemmija fl-Artikoli 41 u 42;

(b)

rapport dwar l-attivitajiet tas-CSD u t-tibdil sostantiv imsemmi fl-Artikolu 16(4) tar-Regolament (UE) Nru 909/2014 magħmul matul il-perjodu ta' rieżami u d-dokumenti kollha relatati;

(c)

kwalunkwe informazzjoni addizzjonali mitluba mill-awtorità kompetenti li hija meħtieġa għall-valutazzjoni tal-konformità tas-CSD u l-attivitajiet tiegħu mar-Regolament (UE) Nru 909/2014 matul il-perjodu ta' rieżami.

(a)

sett komplut tal-aħħar dikjarazzjonijiet finanzjarji awditjati tas-CSD, inklużi dawk ikkonsolidati fil-livell tal-grupp;

(b)

verżjoni fil-qosor tal-aktar dikjarazzjonijiet finanzjarji interim riċenti tas-CSD;

(c)

kwalunkwe deċiżjoni tal-korp maniġerjali li ssegwi l-parir tal-kumitat tal-utenti, kif ukoll kwalunkwe deċiżjoni fejn il-korp maniġerjali jkun iddeċieda li ma jsegwix il-parir tal-kumitat tal-utenti;

(d)

informazzjoni dwar kwalunkwe proċedimenti ġudizzjarji jew extraġudizzjarji ċivili, amministrattivi jew kwalunkwe proċedimenti oħra pendenti li jinvolvu s-CSD, b'mod partikolari fir-rigward ta' kwistjonijiet dwar it-taxxa u l-insolvenza, jew kwistjonijiet li jistgħu jikkawżaw spejjeż finanzjarji jew ta' reputazzjoni għas-CSD;

(e)

informazzjoni dwar kwalunkwe proċedimenti ġudizzjarji jew extraġudizzjarji ċivili, amministrattivi jew kwalunkwe proċedimenti oħra pendenti li jinvolvu membru tal-korp maniġerjali jew membru tal-maniġment superjuri li jista' jkollha impatt negattiv fuq is-CSD;

(f)

kwalunkwe deċiżjonijiet finali li jirriżultaw mill-proċeduri msemmija fil-punti (d) u (e);

(g)

kopja tar-riżultati tat-testijiet tal-istress ta' kontinwità tan-negozju jew eżerċizzji simili li jitwettqu matul il-perjodu tar-rieżami;

(h)

rapport dwar l-inċidenti operazzjonali li seħħew matul il-perjodu ta' rieżami u li affettwaw l-għoti bla xkiel ta' kwalunkwe servizzi ewlenin, il-miżuri meħuda biex jindirizzawhom u r-riżultati tagħhom;

(i)

rapport dwar il-prestazzjoni tas-sistema ta' saldu tat-titoli, inkluża valutazzjoni tad-disponibbiltà tas-sistema matul il-perjodu ta' rieżami, imkejla fuq bażi ta' kuljum bħala l-perċentwal ta' ħin fejn is-sistema taħdem u tiffunzjona skont il-parametri maqbula;

(j)

sommarju tat-tipi ta' interventi manwali mwettqa mis-CSD;

(k)

informazzjoni dwar l-identifikazzjoni tal-operazzjonijiet kritiċi tas-CSD, kwalunkwe tibdil sostantiv għall-pjan ta' rkupru tiegħu, ir-riżultati tax-xenarji ta' stress, l-iskattaturi ta' rkupru u l-għodod ta' rkupru tas-CSD;

(l)

informazzjoni dwar kwalunkwe ilment formali li jasal għand is-CSD matul il-perjodu ta' rieżami inkluża informazzjoni dwar l-elementi li ġejjin:

(m)

informazzjoni dwar il-każijiet fejn is-CSD ċaħħad l-aċċess għas-servizzi tiegħu lil kwalunkwe parteċipant eżistenti jew potenzjali, kwalunkwe emittent, CSD ieħor jew infrastruttura oħra tas-suq skont l-Artikoli 33(3), 49(3), 52(2) u 53(3) tar-Regolament (UE) Nru 909/2014;

(n)

rapport dwar it-tibdil li jaffettwa kwalunkwe konnessjonijiet ta' CSD stabbiliti mis-CSD, inkluż tibdil fil-mekkaniżmi u l-proċeduri użati għas-saldu f'dawk il-konnessjonijiet ta' CSD;

(o)

informazzjoni dwar il-każijiet kollha ta' kunflitti ta' interess identifikati li mmaterjalizzaw matul il-perjodu ta' rieżami, inkluża d-deskrizzjoni ta' kif kienu mmaniġġjati;

(p)

informazzjoni dwar il-kontrolli u l-awditi interni mwettqa mis-CSD matul il-perjodu ta' rieżami;

(q)

informazzjoni dwar kwalunkwe ksur identifikat tar-Regolament (UE) Nru 909/2014, inklużi dawk identifikati permezz tal-mezz ta' rapportar imsemmi fl-Artikolu 26(5) tar-Regolament (UE) Nru 909/2014;

(r)

informazzjoni dettaljata dwar kwalunkwe azzjoni dixxiplinari meħuda mis-CSD, inklużi kwalunkwe każijiet ta' sospensjoni ta' parteċipanti skont l-Artikolu 7(9) tar-Regolament (UE) Nru 909/2014 bi speċifikazzjoni tal-perjodu ta' sospensjoni u r-raġuni għas-sospensjoni;

(s)

l-istrateġija ġenerali tan-negozju tas-CSD li tkopri perjodu ta' tal-anqas tliet snin wara l-aħħar rieżami u evalwazzjoni u pjan ta' negozju dettaljat għas-servizzi pprovduti mis-CSD li jkopri tal-anqas perjodu ta' sena wara l-aħħar rieżami u evalwazzjoni.

(a)

lista tal-parteċipanti ta' kull sistema ta' saldu tat-titoli mħaddma mis-CSD, li tispeċifika l-pajjiż ta' inkorporazzjoni tagħhom;

(b)

lista ta' emittenti u lista ta' ħruġ tat-titoli rreġistrati fil-kontijiet tat-titoli miżmuma b'mod ċentrali u mhux ċentrali f'kull sistema ta' saldu tat-titoli mħaddma mis-CSD, li tispeċifika l-pajjiż ta' inkorporazzjoni tal-emittenti u l-identifikazzjoni tal-emittenti li lilhom is-CSD jipprovdi s-servizzi imsemmija fil-punti (1) u (2) tat-Taqsima A tal-Anness għar-Regolament (UE) Nru 909/2014;

(c)

il-valur totali tas-suq u l-valur nominali tat-titoli rreġistrati fil-kontijiet tat-titoli miżmuma b'mod ċentrali u mhux ċentrali f'kull sistema ta' saldu tat-titoli mħaddma mis-CSD;

(d)

il-valur nominali u tas-suq tat-titoli msemmija fil-punt (c) speċifikati kif ġej:

(e)

il-valur nominali u tas-suq tat-titoli rreġistrati inizjalment f'kull sistema ta' saldu tat-titoli mħaddma mis-CSD;

(f)

il-valur nominali u tas-suq tat-titoli msemmija fil-punt (e) speċifikati kif ġej:

(g)

in-numru totali u l-valuri tal-istruzzjonijiet ta' saldu bi ħlas u n-numru totali u l-valuri tal-istruzzjonijiet ta' saldu mingħajr ħlas (FOP) saldati f'kull sistema ta' saldu tat-titoli mħaddma mis-CSD;

(h)

in-numru totali u l-valuri tal-istruzzjonijiet ta' saldu kategorizzati kif ġej:

(i)

in-numru u l-valur ta' tranżazzjonijiet ta' xiri sfurzat msemmija fl-Artikolu 7(3) tar-Regolament (UE) Nru 909/2014;

(j)

in-numru u l-ammont ta' penali msemmija fl-Artikolu 7(2) tar-Regolament (UE) Nru 909/2014 għal kull parteċipant;

(k)

il-valur totali ta' operazzjonijiet ta' self tat-titoli pproċessati mis-CSD li jaġixxi bħala aġent jew bħala prinċipal għal kull tip ta' strumenti finanzjarji msemmija fil-punt (d)(i);

(l)

il-valur totali ta' struzzjonijiet ta' saldu kostanti permezz ta' kull konnessjoni ta' CSD, li jispeċifikaw jekk is-CSD huwiex is-CSD li jagħmel it-talba jew is-CSD li jirċievi t-talba;

(m)

il-valur ta' garanziji u impenji riċevuti jew pprovduti mis-CSD relatati ma' operazzjonijiet ta' self tat-titoli;

(n)

il-valur tal-attivitajiet tat-teżor li jinvolvu kambju f'munita barranija u titoli trasferibbli relatati mal-immaniġġjar tal-bilanċi twal tal-parteċipanti inklużi kategoriji ta' istituzzjonijiet li l-bilanċi twal tagħhom huma mmaniġġjati mis-CSD;

(o)

in-numru ta' proċessi ta' rikonċiljazzjoni li jiżvelaw il-ħolqien bla bżonn jew inkella t-tħassir ta' titoli kif imsemmi fl-Artikolu 65(2) fejn dawk il-proċessi jikkonċernaw il-ħruġ tat-titoli rreġistrati fil-kontijiet tat-titoli miżmuma b'mod ċentrali u mhux ċentrali mis-CSD;

(p)

il-medja, il-medjan, u l-modalità għat-tul ta' żmien meħud biex jiġi rrimedjat l-iżball identifikat skont l-Artikolu 65(2).

(a)

fil-każ ta' struzzjonijiet ta' saldu bi ħlas, l-ammont ta' saldu tal-parti ta' flus;

(b)

fil-każ ta' struzzjonijiet ta' saldu FOP, il-valur tas-suq tal-istrumenti finanzjarji jew, fejn mhux disponibbli, il-valur nominali tal-istrumenti finanzjarji.

(a)

għal strumenti finanzjarji msemmija fl-Artikolu 3(1) tar-Regolament (UE) Nru 600/2014 tal-Parlament Ewropew u tal-Kunsill (7) ammessi għan-negozju f'post tan-negozjar fl-Unjoni, il-valur tas-suq għandu jkun il-prezz tal-għeluq tas-suq l-aktar rilevanti f'termini ta' likwidità msemmija fl-Artikolu 4(6)(b) ta' dak ir-Regolament;

(b)

għal strumenti finanzjarji ammessi għan-negozju f'post tan-negozjar fl-Unjoni minbarra dawk imsemmija fil-punt (a), il-valur tas-suq għandu jkun il-prezz tal-għeluq derivat mill-post tan-negozju fl-Unjoni bl-ogħla fatturat;

(c)

għal strumenti finanzjarji oħra minbarra dawk imsemmija fil-punti (a) u (b) il-valur tas-suq għandu jiġi stabbilit abbażi ta' prezz ikkalkolat bl-użu ta' metodoloġija determinata minn qabel li tirreferi għal kriterji relatati ma' dejta tas-suq, bħalma huma prezzijiet tas-suq disponibbli madwar postijiet tan-negozju jew ditti tal-investiment.

(a)

jekk dokument ikunx ipprovdut għall-ewwel darba jew ikunx dokument li diġà ġie pprovdut u ġie aġġornat matul il-perjodu ta' rieżami;

(b)

in-numru ta' referenza uniku tad-dokument iffirmat mis-CSD;

(c)

it-titolu tad-dokument;

(d)

il-kapitolu, it-taqsima jew il-paġna tad-dokument fejn ġie introdott tibdil matul il-perjodu ta' rieżami u kwalunkwe spjegazzjoni addizzjonali fir-rigward tat-tibdil introdott matul il-perjodu ta' rieżami.

(a)

rapport dwar l-evalwazzjoni mill-awtorità kompetenti tar-riskji li għalihom is-CSD huwa jew jista' jkun espost jew li joħloq għall-funzjonament bla xkiel tas-swieq tat-titoli;

(b)

kwalunkwe azzjonijiet ta' rimedju jew penali previsti jew finali kontra s-CSD bħala riżultat tar-rieżami u l-evalwazzjoni.

(a)

rapport dwar l-evalwazzjoni mill-awtorità kompetenti tar-riskji li għalihom is-CSD huwa jew jista' jkun espost jew li joħloq għall-funzjonament bla xkiel tas-swieq tat-titoli;

(b)

kwalunkwe azzjonijiet ta' rimedju jew penali previsti jew finali kontra s-CSD bħala riżultat tar-rieżami u l-evalwazzjoni.

(a)

tiġi pprovduta f'mezz li jservi għal żmien twil;

(b)

tiġi ppreżentata kemm f'forma stampata kif ukoll f'forma elettronika, din tal-aħħar permezz ta' formata ta' sors miftuħ li jista' jinqra faċilment;

(c)

tiġi ppreżentata f'lingwa li s-soltu tintuża fl-isfera tal-finanzi internazzjonali, inklużi traduzzjonijiet tagħha fejn id-dokumenti oriġinali ma jkunux miktuba f'lingwa li s-soltu tintuża fl-isfera tal-finanzi internazzjonali;

(d)

tiġi pprovduta b'numru ta' referenza uniku għal kull dokument inkluż.

(a)

il-kompożizzjoni, ir-rwol, ir-responsabilitajiet, il-proċeduri għall-ħatra, il-valutazzjoni tal-prestazzjoni u r-responsabbiltà tal-korp maniġerjali u tal-kumitati ta' monitoraġġ tar-riskji tiegħu;

(b)

l-istruttura, ir-rwol, ir-responsabbiltajiet, il-proċeduri għall-ħatra u l-valutazzjoni tal-prestazzjoni tal-maniġment superjuri;

(c)

il-linji tar-rapportar bejn il-maniġment superjuri u l-korp maniġerjali;

(a)

funzjoni tal-immaniġġjar tar-riskju;

(b)

funzjoni teknoloġika;

(c)

funzjoni ta' konformità u kontroll intern;

(d)

funzjoni ta' awditjar intern.

(a)

kumitat tar-riskju responsabbli biex jagħti pariri lill-korp maniġerjali dwar it-tolleranza tar-riskju attwali u futura ġenerali u l-istrateġija tas-CSD;

(b)

kumitat tal-awditjar responsabbli biex jagħti pariri lill-korp maniġjerali dwar il-prestazzjoni tal-funzjoni tal-awditjar intern tas-CSD, li għandu jissorvelja;

(c)

kumitat ta' rimunerazzjoni responsabbli biex jagħti pariri lill-korp maniġjerali dwar il-politika ta' rimunerazzjoni tas-CSD, li għandu jissorvelja;

(a)

jistabbilixxi politiki, proċeduri u proċessi dokumentati sew li bihom il-korp maniġerjali, il-maniġment superjuri u l-kumitati għandhom jaħdmu;

(b)

jistabbilixxi objettivi u strateġiji ċari għas-CSD;

(c)

jimmonitorja b'mod effikaċi l-maniġment superjuri;

(d)

jistabbilixxi politiki adegwati ta' rimunerazzjoni;

(e)

jiżgura s-sorveljanza tal-funzjoni tal-immaniġġjar tar-riskju u jieħu d-deċiżjonijiet relatati mal-immaniġġjar tar-riskju;

(f)

jiżgura l-indipendenza u riżorsi adegwati tal-funzjonijiet imsemmija fl-Artikolu 47(3);

(g)

jimmonitorja arranġamenti ta' esternalizzazzjoni;

(h)

jimmonitorja u jiżgura l-konformità mar-rekwiżiti regolatorji u superviżorji rilevanti kollha;

(i)

iwieġeb għall-azzjonisti jew sidien oħra, l-impjegati, l-utenti u partijiet interessati rilevanti oħra;

(j)

japprova l-ippjanar u r-rieżami ta' awditjar intern;

(k)

jirrieżamina u jaġġorna regolarment l-arranġamenti ta' governanza tas-CSD.

(a)

jiżgura l-konsistenza tal-attivitajiet tas-CSD mal-objettivi u l-istrateġija tas-CSD kif iddeterminat mill-korp maniġerjali;

(b)

ifassal u jistabbilixxi l-immaniġġjar tar-riskji, it-teknoloġija, il-konformità u l-proċeduri ta' kontroll intern li jippromwovu l-objettivi tas-CSD;

(c)

jagħmlu rieżami u ttestjar regolari tal-immaniġġjar tar-riskju, tat-teknoloġija, tal-konformità u tal-proċeduri tal-kontroll intern;

(d)

jiżgura li jkun hemm riżorsi suffiċjenti ddedikati għall-immaniġġjar tar-riskju, għat-teknoloġija, għall-konformità u għall-kontroll intern, u għall-awditjar intern.

(a)

għandux interess personali fl-użu tas-servizzi, il-materjal u t-tagħmir tas-CSD għall-finijiet ta' attività kummerċjali oħra;

(b)

għandux interess personali jew finanzjarju f'entità oħra li tidħol f'kuntratti mas-CSD;

(c)

għandux parteċipazzjoni jew interess personali f'entità oħra li tipprovdi s-servizzi użati mis-CSD, inkluża kwalunkwe entità li lilha s-CSD jesternalizza s-servizzi jew l-attivitajiet lilha;

(d)

għandux interess personali f'entità li tuża s-servizz tas-CSD;

(e)

għandux relazzjoni familjari ma' kwalunkwe persuna ġuridika jew fiżika li jkollha influwenza fuq l-operazzjonijiet ta' kwalunkwe entità li tipprovdi s-servizzi użati mis-CSD jew tuża s-servizzi pprovduti mis-CSD;

(f)

huwiex membru tal-korp maniġerjali jew ta' kwalunkwe korp u kumitat ieħor ta' kwalunkwe entità li tipprovdi s-servizzi li jintużaw mis-CSD jew tuża s-servizzi pprovduti għas-CSD.

(a)

tistabbilixxi, timplimenta u żżomm pjan ta' awditjar komprensiv biex jeżamina u jevalwa l-adegwatezza u l-effikaċja tas-sistemi tas-CSD, il-proċessi tal-immaniġġjar tar-riskju, il-mekkaniżmi ta' kontroll intern, il-politiki ta' rimunerazzjoni, l-arranġamenti ta' governanza, l-attivitajiet u l-operazzjonijiet, inklużi l-attivitajiet esternalizzati;

(b)

tirrieżamina u tirraporta l-pjan ta' awditjar lill-awtorità kompetenti tal-anqas kull sena;

(c)

tistabbilixxi awditjar komprensiv ibbażat fuq ir-riskju;

(d)

toħroġ rakkomandazzjonijiet ibbażati fuq ir-riżultat tal-ħidma mwettqa skont il-punt (a) u tivverifika l-konformità ma' dawk ir-rakkomandazzjonijiet;

(e)

tirrapporta kwistjonijiet tal-awditjar intern lill-korp maniġerjali;

(f)

tkun indipendenti mill-maniġment superjuri u tirrapporta direttament lill-korp maniġerjali;

(g)

tiżgura li l-awditjar speċjali jista' jitwettaq fi żmien qasir fuq bażi mmexxija minn avveniment.

(a)

hija separata u indipendenti mill-funzjonijiet u l-attivitajiet oħra tal-grupp;

(b)

għandha linja diretta ta' rapportar mal-korp maniġerjali tas-CSD;

(c)

l-arranġament dwar it-tħaddim tal-funzjoni tal-awditjar intern ma jipprevjenix l-eżerċizzju tal-funzjonijiet superviżorji u ta' sorveljanza, inkluż l-aċċess fuq il-post biex tinkiseb kwalunkwe informazzjoni rilevanti meħtieġa biex jiġu ssodisfatti dawk il-funzjonijiet.

(a)

fejn is-sejbiet ikunu relatati mal-kriterji għall-aċċettazzjoni ta' emittenti jew utenti fis-sistemi ta' saldu tat-titoli rispettivi tagħhom imħaddma mis-CSDs;

(b)

fejn is-sejbiet ikunu relatati ma' kwalunkwe aspett ieħor tal-mandat tal-kumitat tal-utenti;

(c)

fejn is-sejbiet jista' jkollhom impatt fuq il-livell tal-provvista ta' servizzi permezz ta' CSD, inkluż l-iżgurar tal-kontinwità tan-negozju.

(a)

kull stadju ewlieni tal-ipproċessar tar-rekords mis-CSD jista' jiġi kostitwit mill-ġdid;

(b)

il-kontenut oriġinali ta' rekord qabel kwalunkwe korrezzjoni jew emendi oħra jista' jiġi rreġistrat, traċċat u rkuprat;

(c)

jiddaħħlu fis-seħħ miżuri li jipprevjenu bidla mhux awtorizzata tar-rekords;

(d)

jiddaħħlu fis-seħħ miżuri li jiżguraw is-sigurtà u l-kunfidenzjalità tad-dejta rreġistrata;

(e)

ikun inkorporat mekkaniżmu għall-identifikazzjoni u l-korrezzjoni ta' żbalji fis-sistema taż-żamma tar-rekords;

(f)

ikun żgurat l-irkupru f'waqtu tar-rekords fil-każ ta' falliment tas-sistema fi ħdan is-sistema taż-żamma tar-rekords.

(a)

tip ta' struzzjoni ta' saldu kif imsemmi fil-punt (h)(v) tal-Artikolu 42(1);

(b)

tip ta' tranżazzjoni, kif ġej:

(c)

referenza ta' struzzjoni unika tal-parteċipant;

(d)

data tan-negozjar,

(e)

data prevista tas-saldu;

(f)

kronogramma tas-saldu;

(g)

kronogramma tal-mument tad-dħul tal-istruzzjoni ta' saldu fis-sistema ta' saldu tat-titoli;

(h)

kronogramma tal-mument tal-irrevokabbiltà tal-istruzzjoni ta' saldu;

(i)

tqabbil tal-kronogramma fil-każ ta' istruzzjonijiet ta' saldu mqabbla;

(j)

identifikatur tal-kont tat-titoli;

(k)

identifikatur tal-kont tal-flus;

(l)

identifikatur tal-bank tas-saldu;

(m)

identifikatur tal-parteċipant tal-istruzzjonijiet;

(n)

identifikatur tal-kontroparti tal-parteċipant tal-istruzzjonijiet;

(o)

identifikatur tal-klijent tal-parteċipant tal-istruzzjonijiet, meta jkun magħruf mis-CSD;

(p)

identifikatur tal-klijent tal-kontroparti tal-parteċipant tal-istruzzjonijiet, meta jkun magħruf mis-CSD;

(q)

identifikatur tat-titoli;

(r)

munita tas-saldu;

(s)

ammont ta' flus tas-saldu;

(t)

kwantità jew ammont nominali tat-titoli;

(u)

status tal-istruzzjoni tas-saldu li jkopri:

(a)

jekk istruzzjoni tkunx imqabbla jew le;

(b)

jekk struzzjoni tistax tkun parzjalment saldata;

(c)

jekk struzzjoni tkunx sospiża;

(d)

fejn rilevanti, għal liema raġunijiet l-istruzzjoni tkun pendenti jew qed tfalli

(e)

post tan-negozjar;

(f)

jekk applikabbli, il-post tal-ikklerjar;

(i)

ir-riżultati finali tal-proċess ta' xiri sfurzat mhux aktar tard minn l-aħħar jum ta' negozju tal-perjodu ta' differiment, inkluż in-numru u l-valur tal-istrumenti finanzjarji fejn ix-xiri sfurzat ikun parzjalment jew kompletament ta' suċċess;

(ii)

il-ħlas ta' kumpens fi flus, inkluż l-ammont tal-kumpens fi flus, fejn ix-xiri sfurzat ma jkunx possibbli, ifalli jew ikun parzjalment ta' suċċess;

(iii)

il-kanċellazzjoni tal-istruzzjoni ta' saldu inizjali;

(iv)

għal kull falliment ta' saldu, l-ammont tal-penali msemmija fl-Artikolu 7(2) tar-Regolament (UE) Nru 909/2014.

(a)

identifikatur ta' kull emittent li għalih is-CSD jipprovdi s-servizz ewlenin msemmi fil-punt 1 jew 2 tat-Taqsima A tal-Anness għar-Regolament (UE) Nru 909/2014;

(b)

identifikatur ta' kull ħruġ tat-titoli li għalih is-CSD jipprovdi s-servizzi ewlenin imsemmija fil-punt 1 jew 2 tat-Taqsima A tal-Anness għar-Regolament (UE) Nru 909/2014, il-liġi skont liema t-titoli rreġistrati mis-CSD huma kkostitwiti u l-pajjiż ta' inkorporazzjoni tal-emittenti ta' kull ħruġ tat-titoli;

(c)

identifikatur ta' kull ħruġ tat-titoli rreġistrat fil-kontijiet tat-titoli mhux miżmuma b'mod ċentrali mis-CSD, il-liġi skont liema t-titoli rreġistrati mis-CSD huma kkostitwiti u l-pajjiż ta' inkorporazzjoni tal-emittenti ta' kull ħruġ tat-titoli;

(d)

identifikatur tas-CSD emittent jew tal-entità ta' pajjiż terz rilevanti li jwettaq funzjonijiet simili għal CSD emittent għal kull ħruġ tat-titoli msemmi fil-punt (c);

(e)

identifikaturi tal-kontijiet tat-titoli tal-emittenti, fil-każ tas-CSDs emittenti;

(f)

identifikaturi tal-kontijiet tal-flus tal-emittenti, fil-każ tas-CSDs emittenti;

(g)

identifikaturi tal-banek tas-saldu użati minn kull emittent, fil-każ ta' CSDs emittenti;

(h)

identifikaturi tal-parteċipanti;

(i)

pajjiż ta' inkorporazzjoni tal-parteċipanti;

(j)

identifikaturi tal-kontijiet tat-titoli tal-parteċipanti;

(k)

identifikaturi tal-kontijiet tal-flus tal-parteċipanti;

(l)

identifikaturi tal-banek tas-saldu użati minn kull parteċipant;

(m)

pajjiż ta' inkorporazzjoni tal-banek tas-saldu użati minn kull parteċipant.

(a)

l-identifikaturi tal-parteċipanti u tad-detenturi ta' kontijiet oħra;

(b)

it-tip ta' kontijiet tat-titoli skont jekk kont tat-titoli jappartjenix għal parteċipant (“kont proprju tal-parteċipant”), għal wieħed mill-klijenti tiegħu (“segregazzjoni tal-klijenti individwali”) jew għal diversi klijenti tiegħu (“segregazzjoni tal-klijenti omnibus”);

(c)

għal kull identifikatur tal-ħruġ tat-titoli (ISIN), il-bilanċi ta' tmiem il-jum tal-kontijiet tat-titoli li jkopru n-numru ta' titoli;

(d)

għal kull kont tat-titoli u ISIN taħt il-punt (c), in-numru tat-titoli soġġetti għal restrizzjonijiet fuq is-saldu, it-tip tar-restrizzjonijiet u l-identità tal-benefiċjarju ta' restrizzjonijiet fl-aħħar tal-jum.

(a)

iċ-ċarts organizzattivi għall-korp maniġerjali, il-maniġment superjuri, il-kumitati rilevanti, unitajiet operattivi u l-unitajiet jew id-diviżjonijiet l-oħra kollha tas-CSD;

(b)

l-identitajiet tal-azzjonisti kemm jekk persuni fiżiċi kif ukoll ġuridiċi li jeżerċitaw kontroll dirett jew indirett fuq l-immaniġġjar tas-CSD jew li għandhom parteċipazzjonijiet fil-kapital tas-CSD u l-ammont ta' dawk il-parteċipazzjonijiet;

(c)

parteċipazzjonijiet tas-CSD fil-kapital ta' entitajiet ġuridiċi oħra;

(d)

id-dokumenti li jiċċertifikaw il-politiki, il-proċeduri u l-proċessi meħtieġa skont ir-rekwiżiti organizzazzjonali tas-CSD u fir-rigward tal-servizzi pprovduti mis-CSD;

(e)

il-minuti tal-laqgħat tal-korp maniġerjali u tal-laqgħat tal-kumitati tal-maniġment superjuri u kumitati oħra;

(f)

il-minuti tal-laqgħat tal-kumitati tal-utenti;

(g)

il-minuti tal-gruppi ta' konsultazzjoni mal-parteċipanti u l-klijenti, jekk ikun hemm;

(h)

ir-rapporti ta' awditjar intern u estern, rapporti ta' mmaniġġjar tar-riskju, rapporti dwar il-kontroll intern u l-konformità, inklużi reazzjonijiet mill-maniġment superjuri għar-rapporti;

(i)

il-kuntratti ta' esternalizzazzjoni kollha;

(j)

il-politika tal-kontinwità tal-operat u l-pjan ta' rkupru minn diżastru;

(k)

rekords jirriflettu l-assi, l-obbligazzjonijiet u l-kontijiet kapitali kollha tas-CSD;

(l)

ir-rekords li jirriflettu l-ispejjeż u d-dħul kollha, inklużi l-ispejjeż u d-dħul li jingħata rendikont separat għalihom skont l-Artikolu 34(6) tar-Regolament (UE) Nru 909/2014;

(m)

l-ilmenti formali li jaslu, inkluża informazzjoni dwar l-isem u l-indirizz tal-ilmentatur; id-data meta wasal l-ilment; l-isem tal-persuni kollha identifikati fl-ilment; deskrizzjoni tan-natura u l-kontenut tal-ilment; u d-data meta l-ilment ġie solvut;

(n)

ir-rekords ta' kwalunkwe interruzzjoni jew disfunzjoni tas-servizzi, inkluż rapport dettaljat dwar iż-żmien, l-effetti u l-azzjonijiet ta' rimedju ta' dik l-interruzzjoni jew disfunzjoni;

(o)

ir-rekords tar-riżultati tat-testijiet retrospettivi u tal-istress imwettqa mis-CSDs li jipprovdu servizzi anċillari tat-tip bankarju;

(p)

il-komunikazzjonijiet bil-miktub mal-awtorità kompetenti, l-ESMA u l-awtoritajiet rilevanti;

(q)

l-opinjonijiet legali rċevuti skont id-dispożizzjonijiet rilevanti dwar ir-rekwiżiti organizzazzjonali skont il-Kapitolu VII ta' dan ir-Regolament;

(r)

id-dokumentazzjoni dwar l-arranġamenti ta' konnessjoni skont il-Kapitolu XII ta' dan ir-Regolament;

(s)

it-tariffi u l-miżati applikati għas-servizzi differenti, inkluż kwalunkwe skont jew roħs.

(a)

fejn it-titoli jkunu ġew trasferiti matul jum ta' negozju partikolari, rikonċiljazzjoni ta' tmiem il-jum tal-bilanċ ta' kull kont ta' titoli miżmuma mis-CSD mal-bilanċ tar-rekord korrispondenti tat-titoli miżmuma minn dik l-entità;

(b)

tal-anqas darba kull ġimagħtejn, rikonċiljazzjoni sħiħa tal-bilanċi kollha fi ħruġ tat-titoli bil-bilanċi kollha fuq ir-rekord korresspondenti tat-titoli miżmuma minn dik l-entità.

(a)

il-bilanċ aggregat ta' kont tat-titoli fil-bidu tal-jum ta' negozju rispettiv;

(b)

it-trasferimenti individwali ta' titoli fi jew minn kont tat-titoli matul il-jum ta' negozju rispettiv;

(c)

il-bilanċ aggregat ta' kont tat-titoli fi tmiem tal-jum ta' negozju rispettiv;

(a)

il-volumi u l-valuri ta' tranżazzjoni tagħhom;

(b)

id-dipendenzi materjali bejn il-parteċipanti u l-klijenti tal-parteċipanti tiegħu, fejn il-klijenti jkunu magħrufa mis-CSD, li jistgħu jaffettwaw lis-CSD;

(c)

l-impatt potenzjali tagħhom fuq il-parteċipanti l-oħra u s-sistema ta' saldu tat-titoli tas-CSD kollha kemm hi fil-każ ta' problema operazzjonali li taffettwa l-provvista bla xkiel tas-servizzi mis-CSD.

(i)

il-klijenti tal-parteċipanti responsabbli għal proporzjon sinifikanti ta' tranżazzjonijiet ipproċessati mis-CSD;

(ii)

il-klijenti tal-parteċipanti li t-transazzjonijiet tagħhom, ibbażati fuq il-volumi u l-valuri tagħhom, huma sinifikanti fil-konfront tal-kapaċità tal-immaniġġjar tar-riskju tal-parteċipanti rispettivi.

(a)

is-CSD l-ieħor jew l-infrastruttura l-oħra tas-suq finanzjarju jiddivulga lis-CSD kwalunkwe fornitur tas-servizz kritiku li jiddependi fuqu s-CSD l-ieħor jew infrastruttura tas-suq;

(b)

l-arranġamenti ta' governanza u l-proċessi ta' mmaniġġjar fis-CSD l-ieħor jew infrastruttura oħra tas-suq ma jaffettwawx il-provvista bla xkiel tas-servizzi mis-CSD, inklużi l-arranġamenti ta' mmaniġġjar tar-riskju u l-kundizzjonijiet ta' aċċess mhux diskriminatorju.

(a)

sistema li tikklassifika l-inċidenti filwaqt li jitqies l-impatt tagħhom fuq il-provvista bla xkiel tas-servizzi mis-CSD;

(b)

sistema għar-rapportar ta' inċidenti operazzjonali materjali lill-maniġment superjuri, il-korp maniġerjali u l-awtorità kompetenti;

(c)

rieżami ta' “wara l-inċident” wara kull tfixkil materjali fl-attivitajiet tas-CSD, biex jiġu identifikati l-kawżi u t-titjib meħtieġa għall-operazzjonijiet jew il-politika tal-kontinwità tan-negozju u l-pjan ta' rkupru minn diżastri, inkluż għall-politiki u l-pjanijiet tal-utenti tas-CSD. Ir-riżultat ta' dak ir-rieżami għandu jiġi kkomunikat lill-awtorità kompetenti u l-awtoritajiet rilevanti mingħajr dewmien.

(a)

tiżviluppa strateġiji, politiki u proċeduri biex jiġu identifikati, imkejla, immonitorjati u rrapportati r-riskji operazzjonali;

(b)

tiżviluppa proċeduri għall-kontroll u l-immaniġġjar tar-riskji operazzjonali, inkluż billi jiġu introdotti kwalunkwe aġġustamenti meħtieġa fis-sistema ta' mmaniġġjar tar-riskju operazzjonali;

(c)

tiżgura li l-istrateġiji, il-politiki u l-proċeduri msemmija fil-punti (a) u (b) jiġu implimentati kif suppost.

(a)

reżiljenti, inkluż f'kundizzjonijiet tas-suq taħt stress;

(b)

ikollhom kapaċità suffiċjenti biex jipproċessaw informazzjoni addizzjonali b'riżultat ta' żieda fil-volumi tas-saldu;

(c)

jilħqu l-objettivi fil-livell tas-servizz tas-CSD.

(a)

utenti;

(b)

fornituri ta' utilitajiet kritiċi u servizzi kritiċi;

(c)

CSDs oħra;

(d)

infrastrutturi oħra tas-suq;

(e)

kwalunkwe istituzzjoni oħra li magħhom ġew identifikati interdipendenzi fil-politika ta' kontinwità tan-negozju.

(a)

kontrolli ta' aċċess għas-sistema;

(b)

salvagwardji adegwati kontra l-intrużjonijiet u l-użu ħażin tad-dejta;

(c)

apparat speċifiku biex tiġi ppreservata l-awtentiċità u l-integrità tad-dejta, inklużi tekniki kriptografiċi;

(d)

netwerks u proċeduri affidabbli għat-trażmissjoni tad-dejta preċiża u f'waqtu mingħajr tfixkil maġġuri; u

(e)

rendikonti tal-entrati.

(a)

approvat mill-korp maniġerjali;

(b)

soġġett għar-rieżamijiet tal-awditjar li għandhom jiġu rrapportati lill-korp maniġerjali.

(a)

tidentifika l-operazzjonijiet kritiċi u s-sistemi ta' IT kollha tiegħu u tipprevedi livell minimu ta' servizz li għandu jinżamm għal dawk l-operazzjonijiet;

(b)

tinkludi l-istrateġija u l-objettivi tas-CSD biex tiġi żgurata l-kontinwità tal-operazzjonijiet u s-sistemi msemmija fil-punt (a);

(c)

tqis kwalunkwe konnessjonijiet u interdipendenzi għal tal-anqas:

(d)

tiddefinixxi u tiddokumenta l-arranġamenti li għandhom jiġu applikati fil-każ ta' emerġenza ta' kontinwità tan-negozju, jew tfixkil maġġuri tal-operazzjonijiet tas-CSD, sabiex jiġi żgurat livell minimu ta' servizz ta' funzjonijiet kritiċi tas-CSD;

(e)

tidentifika l-perjodu ta' żmien massimu aċċettabbli li fih il-funzjonijiet kritiċi u s-sistemi tal-IT jistgħu ma jintużawx.

(a)

iħejji lista bil-proċessi u l-attivitajiet kollha li jikkontribwixxu għall-forniment tas-servizzi li jipprovdi;

(b)

jidentifika u joħloq inventarju tal-komponenti kollha tas-sistema tal-IT tiegħu li jappoġġjaw il-proċessi u l-attivitajiet identifikati fil-punt (a) kif ukoll l-interdipendenzi rispettivi tagħhom;

(c)

jidentifika u jiddokument l-impatti kwalitattivi u kwantitattivi ta' xenarju ta' rkupru minn diżastru għal kull proċess u attività msemmija fil-punt (a) u kif l-impatti jinbidlu maż-żmien f'każ ta' tfixkil;

(d)

jiddefinixxi u jiddokumenta l-livelli minimi ta' servizz meqjusa bħala aċċettabbli u xierqa mill-perspettiva tal-utenti tas-CSD;

(e)

jidentifika u jiddokumenta r-rekwiżiti minimi tar-riżorsi li jikkonċernaw il-persunal u l-ħiliet, l-ispazju tax-xogħol u l-IT biex titwettaq kull funzjoni kritika fil-livell minimu aċċettabbli.

(a)

jinżammu aġġornati;

(b)

jiġu rieżaminati wara inċident materjali jew tibdil operazzjonali sinifikanti u, tal-anqas, kull sena;

(c)

iqisu l-iżviluppi rilevanti kollha, inklużi l-iżviluppi tas-suq u tal-IT.

(a)

id-disponibbiltà tar-riżorsi umani adegwati;

(b)

id-disponibbiltà tar-riżorsi finanzjarji suffiċjenti;

(c)

is-sostituzzjoni, l-irkupru u t-tkomplija ta' operazzjonijiet f'sit tal-ipproċessar sekondarju.

(a)

jipprovdi l-livell tas-servizzi neċessarji biex ikun żgurat li s-CSD iwettaq l-operazzjonijiet kritiċi tiegħu fl-objettiv tal-ħin ta' rkupru;

(b)

ikun f'distanza ġeografika mis-sit tal-ipproċessar primarju li jippermetti lis-sit tal-ipproċessar sekondarju jkollu profil ta' riskju distint u jżommu milli jkun affettwat mill-avveniment li jaffettwa s-sit tal-ipproċessar primarju;

(c)

ikun aċċessibbli immedjatament mill-persunal tas-CSD sabiex tiġi żgurata l-kontinwità tal-operazzjonijiet kritiċi tiegħu fejn is-sit tal-ipproċessar primarju ma jkunx disponibbli.

(a)

l-identifikazzjoni, ir-reġistrazzjoni u r-rapportar tal-avvenimenti ta' tfixkil kollha għall-operazzjonijiet tas-CSD;

(b)

miżuri ta' reazzjoni għall-inċidenti operattivi u sitwazzjonijiet ta' emerġenza;

(c)

il-valutazzjoni tad-danni, u l-pjanijiet xierqa għall-attivazzjoni tal-miżuri ta' reazzjoni msemmija fil-punt (b);

(d)

l-immaniġġjar tal-kriżijiet u l-komunikazzjonijiet, inklużi punti ta' kuntatt xierqa, sabiex tkun żgurata t-trażmissjoni ta' informazzjoni affidabbli u aġġornata lill-partijiet interessati rilevanti u l-awtorità kompetenti;

(e)

l-attivazzjoni u t-tranżizzjoni għal siti operazzjonali u kummerċjali alternattivi;

(f)

l-irkupru tal-IT, inkluża l-attivazzjoni tas-sit tal-ipproċessar tal-IT sekondarju u s-sostituzzjoni.

(a)

xenarji ta' diżastri fuq skala kbira;

(b)

kommutazzjonijiet bejn is-sit tal-ipproċessar primarju u s-sit tal-ipproċessar sekondarju;

(c)

il-parteċipazzjoni ta', kif xieraq:

(a)

jinħarġu u jiġu ggarantiti minn:

(b)

is-CSD jista' juri lill-awtorità kompetenti li l-istrumenti finanzjarji għandhom livell baxx ta' riskju tal-kreditu u tas-suq abbażi ta' valutazzjoni interna mis-CSD.

(c)

dawn huma denominati fi kwalunkwe mill-muniti li ġejjin:

(d)

ikunu trasferibbli liberament u mingħajr ebda restrizzjoni regolatorja jew pretensjonijiet ta' parti terza li jxekklu l-likwidazzjoni;

(e)

ikollhom suq attiv ta' bejgħ dirett jew ta' riakkwist, bi grupp divers ta' xerrejja u bejjiegħa, inkluż f'kundizzjonijiet ta' stress u li s-CSD jista' juri aċċess affidabbli għalihom;

(f)

dejta affidabbli dwar il-prezzijiet ta' dawn l-istrumenti tkun disponibbli pubblikament fuq bażi regolari;

(a)

jiġu konklużi għall-fini tal-iħħeġġjar tar-riskju tal-munita li jirriżulta mill-saldu f'aktar minn munita waħda fis-sistema ta' saldu tat-titoli mħaddma mis-CSD jew ir-riskju tar-rata ta' imgħax li jista' jaffettwa l-assi tas-CSD u, fiż-żewġ każijiet, jikkwalifikaw bħala kuntratt tal-iħħeġġjar skont l-Istandards Internazzjonali tar-Rapportar Finanzjarju (IFRS) adottati skont l-Artikolu 3 tar-Regolament (KE) Nru 1606/2002 tal-Parlament Ewropew u tal-Kunsill (9);

(b)

dejta affidabbli tal-prezzijiet tiġi ppubblikata fuq bażi regolari għal dawk il-kuntratti tad-derivattivi;

(c)

jiġu konklużi għall-perjodu speċifiku ta' żmien neċessarju biex jitnaqqas ir-riskju tal-munita jew tar-rata tal-imgħax li jkun espost għalih is-CSD.

(a)

id-distribuzzjoni ġeografika tal-entitajiet li magħhom is-CSD iżomm l-assi finanzjarji tiegħu;

(b)

ir-relazzjonijiet ta' interdipendenza li l-entità li żżomm l-assi finanzjarji jew l-entitajiet tal-grupp tagħha jista' jkollhom mas-CSD;

(c)

il-livell ta' riskju tal-kreditu tal-entità li żżomm l-assi finanzjarji.

(a)

is-CSD li jagħmel it-talba għandu jissodisfa r-rekwiżiti tar-regoli ta' parteċipazzjoni tas-CSD li jirċievi t-talba;

(b)

is-CSD li jagħmel it-talba għandu jwettaq analiżi tas-solidità finanzjarja, l-arranġamenti ta' governanza, il-kapaċità tal-ipproċessar, l-affidabbiltà operazzjonali u kwalunkwe dipendenza fuq fornitur terz ta' servizz kritiku;

(c)

is-CSD li jagħmel it-talba għandu jieħu l-miżuri kollha meħtieġa biex jimmonitorja u jimmaniġġja r-riskji li jiġu identifikati wara l-analiżi msemmija fil-punt (b);

(d)

is-CSD li jagħmel it-talba għandu jqiegħed it-termini u l-kundizzjonijiet legali u operazzjonali tal-arranġament ta' konnessjoni għad-dispożizzjoni tal-parteċipanti tiegħu sabiex ikunu jistgħu jivvalutaw u jimmaniġġjaw ir-riskji involuti;

(e)

qabel l-istabbiliment ta' konnessjoni ta' CSD ma' CSD ta' pajjiż terz, is-CSD li jagħmel it-talba għandu jwettaq valutazzjoni tal-leġiżlazzjoni lokali applikabbli għas-CSD li jirċievi t-talba;

(f)

is-CSDs konnessi għandhom jiżguraw il-kunfidenzjalità ta' informazzjoni f'konnezzjoni mat-tħaddim tal-konnessjoni. Il-kapaċità li tiġi żgurata l-kunfidenzjalità għandha tkun ippruvata mill-informazzjoni pprovduta mis-CSDs, inklużi kwalunkwe opinjonijiet jew arranġamenti legali rilevanti;

(g)

is-CSDs konnessi għandhom jiftiehmu dwar standards u proċeduri allinjati li jikkonċernaw il-kwistjonijiet operattivi u l-komunikazzjoni skont l-Artikolu 35 tar-Regolament (UE) Nru 909/2014;

(h)

qabel ma ssir operazzjonali l-konnessjoni, is-CSDs li jagħmlu t-talba u li jirċievu t-talba għandhom:

(i)

l-arranġamenti kollha ta' konnessjoni għandhom jiġu rieżaminati tal-anqas kull sena mis-CSD li jirċievi t-talba u s-CSD li jagħmel it-talba filwaqt li jitqiesu l-iżviluppi rilevanti kollha, inklużi l-iżviluppi tas-suq u tal-IT, kif ukoll kwalunkwe żviluppi fil-leġiżlazzjoni lokali msemmija fil-punt (e);

(j)

għal konnessjonijiet ta' CSDs li ma jipprevedux saldu DVP, ir-rieżami annwali msemmi fil-punt (i) għandu jinkludi wkoll valutazzjoni ta' kwalunkwe żvilupp li jista' jippermetti appoġġ għas-saldu DVP.

(i)

l-intitolament tas-CSD li jagħmel it-talba għat-titoli, inkluża l-liġi applikabbli għal aspetti proprjetarji, in-natura tad-drittijiet tas-CSD li jagħmel it-talba fuq it-titoli, il-possibbiltà tal-limitazzjoni tat-titoli;

(ii)

l-impatt tal-proċedimenti ta' insolvenza miftuħa kontra s-CSD li jirċievi t-talba ta' pajjiż terz fuq is-CSD li jagħmel it-talha fir-rigward tal-kundizzjonijiet ta' segregazzjoni, il-finalità tas-saldu, il-proċeduri u l-limiti ta' żmien biex jinġabru t-titoli fil-pajjiż terz rilevanti.

(a)

is-CSD li jagħmel it-talba għandu jivvaluta u jimmitiga r-riskji addizzjonali li jirriżultaw mis-saldu fi flus;

(b)

CSD li ma jkunx awtorizzat li jipprovdi servizzi anċillari tat-tip bankarju skont l-Artikolu 54 tar-Regolament (UE) Nru 909/2014, u li jkun involut fl-eżekuzzjoni tas-saldu fi flus f'isem il-parteċipanti tiegħu, ma għandux jirċievi kreditu u għandu juża l-mekkaniżmi ta' prefinanzjament koperti mill-parteċipanti tiegħu fir-rigward tas-saldi DVP li jridu jiġu pproċessati permezz tal-konnessjoni;

(c)

CSD li juża intermedjarju għas-saldu fi flus għandu jiżgura li l-intermedjarju jwettaq dak is-saldu b'mod effiċjenti. Is-CSD għandu jwettaq rieżamijiet annwali tal-arranġamenti ma' dak l-intermedjarju.

(a)

is-CSDs konnessi għandhom jaqblu dwar standards ekwivalenti li jikkonċernaw ir-rikonċiljazzjoni, il-ħinijiet tal-ftuħ għall-ipproċessar tas-saldu u tal-azzjonijiet korporattivi u l-ħinijiet ta' qtugħ;

(b)

is-CSDs konnessi għandhom jistabbilixxu proċeduri u mekkaniżmi ekwivalenti għat-trażmissjoni ta' struzzjonijiet ta' saldu biex jiżguraw ipproċessar xieraq, sigur u dirett tal-istruzzjonijiet ta' saldu;

(c)

fejn ikun hemm konnessjoni interoperabbli li tappoġġja saldu DVP, is-CSDs konnessi għandhom jirriflettu, tal-anqas kuljum u mingħajr dewmien żejjed, ir-riżultati tas-saldu fil-kotba tagħhom;

(d)

is-CSDs konnessi għandhom jaqblu dwar il-mudelli ekwivalenti ta' mmaniġġjar tar-riskju;

(e)

is-CSDs konnessi għandhom jaqblu dwar regoli u proċeduri ekwivalenti ta' kontinġenza u inadempjenza msemmija fl-Artikolu 41 tar-Regolament (UE) Nru 909/2014.

(a)

l-intermedjarju huwa wieħed minn dawn li ġejjin:

(b)

l-intermedjarju huwa konformi mar-regoli u r-rekwiżiti tas-CSD li jagħmel it-talba, kif muri mill-informazzjoni pprovduta minn dak l-intermedjarju, inklużi kwalunkwe opinjonijiet jew arranġamenti legali rilevanti;

(c)

l-intermedjarju jiżgura l-kunfidenzjalità tal-informazzjoni dwar it-tħaddim tal-konnessjoni ta' CSD, kif muri mill-informazzjoni pprovduta minn dak l-intermedjarju, inklużi kwalunkwe opinjonijiet jew arranġamenti legali rilevanti;

(d)

l-intermedjarju għandu l-kapaċità operazzjonali u s-sistemi għal:

(e)

l-intermedjarju jaderixxi u jikkonforma mal-politiki u l-proċeduri tal-immaniġġjar tar-riskju tas-CSD li jagħmel it-talba u għandu kompetenza xierqa tal-immaniġġjar tar-riskju;

(f)

l-intermedjarju stabbilixxa miżuri li jinkludu l-politiki ta' kontinwità tan-negozju u pjanijiet assoċjati ta' kontinwità tan-negozju u rkupru minn diżastru, biex jiżgura l-kontinwità tas-servizzi tiegħu, l-irkupru f'waqtu tal-operazzjonijiet u t-twettiq tal-obbligi tiegħu fl-avvenimenti li joħolqu riskju sinifikanti ta' tfixkil tal-operazzjonijiet tiegħu;

(g)

l-intermedjarju għandu riżorsi finanzjarji suffiċjenti biex iwettaq l-obbligi tiegħu lejn is-CSD li jagħmel it-talba u biex ikopri kwalunkwe telf li għalih jista' jinżamm responsabbli;

(h)

jintuża kont segregat individwalment fis-CSD li jagħmel it-talba għall-operazzjonijiet tal-konnessjoni ta' CSD;

(i)

il-kundizzjoni msemmija fil-punt (e) tal-Artikolu 84(1) tkun ssodisfata;

(j)

is-CSD li jagħmel it-talba jiġi infurmat bl-arranġamenti ta' kontinwità bejn l-intermedjarju u s-CSD li jirċievi t-talba;

(k)

id-dħul mis-saldu jiġi ttrasferit minnufih lis-CSD li jagħmel it-talba.

(a)

l-intermedjarju ma jkollu ebda dritt għat-titoli miżmuma;

(b)

il-kont fil-kotba tas-CSD li jirċievi t-talba jinfetaħ f'isem tas-CSD li jagħmel it-talba u l-obbligazzjonijiet fir-rigward tar-reġistrazzjoni, it-trasferiment u l-kustodja tat-titoli jistgħu jiġu infurzati biss bejn iż-żewġ CSDs;

(c)

is-CSD li jagħmel it-talba jkun jista' jaċċessa immedjatament it-titoli miżmuma mas-CSD li jirċievi t-talba, inkluż fil-każ ta' bidla jew insolvenza tal-intermedjarju.

(a)

is-CSD li jirċievi t-talba għandu jibgħat dikjarazzjonijiet ta' kuljum lis-CSD li jagħmel it-talba b'informazzjoni li tispeċifika dan li ġej, għal kull kont tat-titoli u għal kull ħruġ tat-titoli:

(b)

is-CSD li jagħmel it-talba għandu jwettaq paragun ta' kuljum tal-bilanċ tal-ftuħ u l-bilanċ tal-għeluq ikkomunikati lilu mis-CSD li jirċievi t-talba jew mill-intermedjarju bir-rekords miżmuma mis-CSD li jagħmel it-talba nnifsu.

(a)

ikun hemm domanda tas-suq għas-saldu DVP ippruvata permezz ta' talba minn xi wieħed mill-kumitati tal-utenti ta' wieħed mis-CSDs konnessi;

(b)

Is-CSDs konnessi jistgħu jitolbu l-ħlas ta' tariffa kummerċjali raġonevoli għall-għoti tas-saldu DVP, fuq il-bażi ta' kost b'addenda, sakemm ma jsirx qbil ieħor mis-CSDs konnessi;

(c)

hemm aċċess sikur u effiċjenti għall-flus fil-muniti użati mis-CSD li jirċievi t-talba għat-tranżazzjonijiet tas-saldu tat-titoli tas-CSD li jagħmel it-talba u l-parteċipanti tiegħu.

(a)

CSD li jirċievi t-talba kif definit fil-punt (5) tal-Artikolu 2(1) tar-Regolament (UE) Nru 909/2014, fir-rigward tal-paragrafi 1, 4, 9, 13 u 14 tal-Artikolu 89 u l-Artikolu 90 ta' dan ir-Regolament;

(b)

CSD li jirċievi talba minn parteċipant, emittent, kontroparti ċentrali (CCP) jew post tan-negozjar li jkollu aċċess għas-servizzi tiegħu skont l-Artikoli 33(2), 49(2) u 53(1) tar-Regolament (UE) Nru 909/2014 fir-rigward tal-paragrafi 1 sa 3, 5 sa 8 u 10 sa 14 tal-Artikolu 89 u l-Artikolu 90 ta' dan ir-Regolament.

(c)

CCP li tirċievi talba minn CSD biex ikollu aċċess għall-aġġornamenti dwar it-tranżazzjonijiet tagħha skont l-Artikolu 53(1) tar-Regolament (UE) Nru 909/2014 fir-rigward tal-Artikolu 90 ta' dan ir-Regolament.

(d)

ċentru tan-negozjar li jirċievi talba minn CSD biex ikollu aċċess għall-aġġornamenti dwar it-tranżazzjonijiet tiegħu skont l-Artikolu 53(1) tar-Regolament (UE) Nru 909/2014 fir-rigward tal-Artikolu 90 ta' dan ir-Regolament.

(a)

CSD li jagħmel it-talba kif definit fil-punt (6) tal-Artikolu 2(1) tar-Regolament (UE) Nru 909/2014, fir-rigward tal-paragrafi 1, 4, 9, u 13 tal-Artikolu 89 u l-Artikolu 90 ta' dan ir-Regolament;

(b)

parteċipant, emittent, CCP jew post tan-negozjar li jitlob aċċess għas-sistema ta' saldu tat-titoli mħaddma minn CSD jew għal servizzi oħra pprovduti mis-CSD skont l-Artikoli 33(2), 49(2) u 53(1) tar-Regolament (UE) Nru 909/2014 fir-rigward tal-paragrafi 1 sa 3, 5 sa 8 u 10 sa 14 tal-Artikolu 89 u l-Artikolu 90 ta' dan ir-Regolament;

(c)

CSD li jitlob aċċess għall-aġġornamenti dwar it-tranżazzjonijiet ta' CCP skont l-Artikolu 53(1) tar-Regolament (UE) Nru 909/2014 fir-rigward tal-Artikolu 90 ta' dan ir-Regolament;

(d)

CSD li jitlob aċċess għall-aġġornamenti dwar it-tranżazzjonijiet ta' ċentru tan-negozjar skont l-Artikolu 53(1) tar-Regolament (UE) Nru 909/2014 fir-rigward tal-Artikolu 90 ta' dan ir-Regolament.

(a)

riskji legali;

(b)

riskji finanzjarji;

(c)

riskji operazzjonali.

(a)

il-parteċipant li jagħmel it-talba ma jistax jikkonforma mar-rekwiżiti legali għall-parteċipazzjoni fis-sistema ta' saldu tat-titoli mħaddma mis-CSD, jew ma jipprovdix lis-CSD bl-informazzjoni meħtieġa biex is-CSD jivvaluta l-konformità, inklużi kwalunkwe opinjonijiet legali jew arranġamenti legali meħtieġa;

(b)

il-parteċipant li jagħmel it-talba ma jistax jiżgura, skont ir-regoli applikabbli fl-Istat Membru tad-domiċilju tas-CSD, il-kunfidenzjalità tal-informazzjoni pprovduta permezz tas-sistema ta' saldu tat-titoli, jew ma jipprovdix lis-CSD bl-informazzjoni meħtieġa biex is-CSD jivvaluta l-abilità tiegħu li jikkonforma ma' dawk ir-regoli dwar il-kunfidenzjalità, inklużi kwalunkwe opinjonijiet legali jew arranġamenti legali meħtieġa;

(c)

fejn parteċipant li jagħmel it-talba jkun stabbilita f'pajjiż terz, kwalunkwe wieħed minn dawn li ġejjin:

(a)

l-emittent ma jistax jikkonforma mar-rekwiżiti legali għall-provvista ta' servizzi mis-CSD;

(b)

l-emittent ma jistax jiggarantixxi li t-titoli nħarġu b'mod li jippermetti lis-CSD jiżgura l-integrità tal-kwistjoni skont l-Artikolu 37 tar-Regolament (UE) Nru 909/2014.

(a)

il-kriterji stabbiliti fil-punt (b) tal-paragrafu 2;

(b)

meta post tan-negozjar ikun stabbilit f'pajjiż terz, il-post tan-negozjar li jagħmel it-talba ma jkunx soġġett għal qafas regolatorju u superviżorju komparabbli mal-qafas regolatorju u superviżorju applikabbli għal post tan-negozjar fl-Unjoni;

(a)

il-parteċipant li jagħmel it-talba ma għandux il-kapaċità operazzjonali biex jipparteċipa fis-CSD;

(b)

il-parteċipant li jagħmel it-talba ma jikkonformax mar-regoli tal-immaniġġjar tar-riskju tas-CSD li jirċievi t-talba, jew ma għandux il-kompetenza meħtieġa f'dan ir-rigward;

(c)

il-parteċipant li jagħmel it-talba ma jkunx stabbilixxa politiki ta' kontinwità tan-negozju jew pjanijiet ta' rkupru minn diżastru;

(d)

l-għoti ta' aċċess jirrikjedi li s-CSD li jirċievi t-talba jwettaq tibdil sinifikanti tal-operazzjonijiet tiegħu li jaffetwaw il-proċeduri tal-immaniġġjar tar-riskju tiegħu u li jipperikolaw l-funzjonament bla xkiel tas-sistema ta' saldu tat-titoli mħaddma mis-CSD li jirċievi t-talba, inkluża l-implimentazzjoni tal-ipproċessar manwali kontinwu mis-CSD.

(a)

il-kriterju stabbilit fil-punt (d) tal-paragrafu 11;

(b)

is-sistema ta' saldu tat-titoli mħaddma mis-CSD ma tistax tipproċessal-muniti mitluba mill-emittent.

(a)

l-awtorità kompetenti tal-post ta' stabbiliment tal-parteċipant li jagħmel it-talba skont l-Artikolu 33(3) tar-Regolament (UE) Nru 909/2014;

(b)

l-awtorità kompetenti tal-post ta' stabbiliment tal-emittent li jagħmel it-talba skont l-Artikolu 49(4) tar-Regolament (UE) Nru 909/2014;

(c)

l-awtorità kompetenti tas-CSD li jagħmel it-talba u l-awtorità rilevanti msemmija fil-punt (a) tal-Artikolu 12(1) tar-Regolament (UE) Nru 909/2014 responsabbli għas-sorveljanza tas-sistema ta' saldu tat-titoli mħaddma mis-CSD li jagħmel it-talba skont l-Artikoli 52(2) u 53(3) tar-Regolament (UE) Nru 909/2014;

(d)

l-awtorità kompetenti tas-CCP li tagħmel it-talba jew il-post tan-negozjar skont l-Artikolu 53(3) tar-Regolament (UE) Nru 909/2014 u l-awtorità rilevanti msemmija fil-punt (a) tal-Artikolu 12(1) tar-Regolament (UE) Nru 909/2014 responsabbli għas-sorveljanza tas-sistemi ta' saldu tat-titoli fl-Istat Membru fejn is-CCP li tagħmel it-talba u l-postijiet tan-negozjar ikunu stabbiliti skont l-Artikolu 53(3) tar-Regolament (UE) Nru 909/2014;

(a)

kopja tad-deċiżjoni tal-korp maniġerjali tas-CSD applikant biex japplika għal awtorizzazzjoni u l-minuti mil-laqgħa fejn il-korp maniġerjali approva l-kontenut tal-fajl tal-applikazzjoni u l-preżentazzjoni tagħha;

(b)

id-dettalji ta' kuntatt tal-persuna responsabbli għall-applikazzjoni għal awtorizzazzjoni, meta dik il-persuna ma tkunx dik li qed tippreżenta l-applikazzjoni għal awtorizzazzjoni msemmija fl-Artikolu 17 tar-Regolament (UE) Nru 909/2014;

(c)

evidenza li tipprova l-eżistenza ta' awtorizzazzjoni msemmija fil-punt (a) tal-Artikolu 54(3) tar-Regolament (UE) Nru 909/2014;

(d)

evidenza li s-CSD applikant jissodisfa r-rekwiżiti prudenzjali msemmija fl-Artikolu 59(1), (3) u (4) tar-Regolament (UE) Nru 909/2014 u r-rekwiżiti superviżorji msemmija fl-Artikolu 60 ta' dak ir-Regolament;

(e)

evidenza, li jkun fiha kwalunkwe dokument rilevanti inklużi artikoli ta' inkorporazzjoni, dikjarazzjonijiet finanzjarji, rapporti ta' awditjar, rapporti mill-kumitati tar-riskju, li tipprova li s-CSD applikant jikkonforma mal-punt (d) tal-Artikolu 54(3) tar-Regolament (UE) Nru 909/2014;

(f)

dettalji dwar il-pjan ta' rkupru msemmi fil-punt (f) tal-Artikolu 54(3) tar-Regolament (UE) Nru 909/2014;

(g)

programm ta' operazzjonijiet li jissodisfa l-kundizzjonijiet li ġejjin:

(h)

evidenza li tappoġġja r-raġunijiet għall-falliment ta' saldu tal-pagamenti fi flus tas-sistema ta' saldu tat-titoli permezz ta' kontijiet miftuħa ma' bank ċentrali tal-ħruġ tal-munita tal-pajjiż fejn iseħħ is-saldu;

(i)

informazzjoni dettaljata dwar l-arranġamenti li jiżguraw li l-provvista ta' servizzi anċillari tat-tip bankarju maħsuba li jiġu pprovduti ma taffettwax il-provvista bla xkiel tas-servizzi tas-CSD ewlenin msemmija fit-Taqsima A tal-Anness għar-Regolament (UE) Nru 909/2014, inkluż:

(a)

kopja tad-deċiżjoni tal-korp maniġerjali tas-CSD applikant biex japplika għal awtorizzazzjoni u l-minuti mil-laqgħa fejn il-korp maniġerjali approva l-kontenut tal-fajl tal-applikazzjoni u l-preżentazzjoni tiegħu;

(b)

id-dettalji ta' kuntatt tal-persuna responsabbli għall-applikazzjoni għal awtorizzazzjoni, meta il-persuna ma tkunx l-istess persuna li qed tippreżenta l-applikazzjoni għal awtorizzazzjoni msemmija fl-Artikolu 17 tar-Regolament (UE) Nru 909/2014;

(c)

l-isem korporattiv tal-istituzzjoni ta' kreditu li se tiġi nnominata skont il-punt (b) tal-Artikolu 54(2) tar-Regolament (UE) Nru 909/2014, l-istatus ġuridiku u l-indirizz irreġistrat tagħha fl-Unjoni;

(d)

evidenza li l-istituzzjoni ta' kreditu msemmija fil-punt (c) kisbet awtorizzazzjoni msemmija fil-punt (a) tal-Artikolu 54(4) tar-Regolament (UE) Nru 909/2014;

(e)

l-artikoli ta' inkorporazzjoni u dokumentazzjoni statutorja rilevanti oħra tal-istituzzjoni ta' kreditu nnominata;

(f)

l-istruttura ta' sjieda tal-istituzzjonijiet ta' kreditu nnominata, inkluża l-identità tal-azzjonisti tagħha;

(g)

l-identifikazzjoni ta' kwalunkwe azzjonist komuni tas-CSD applikant u l-istituzzjonijiet ta' kreditu nnominati u kwalunkwe parteċipazzjoni bejn is-CSD applikant u l-istituzzjoni ta' kreditu nnominata;

(h)

evidenza li l-istituzzjoni ta' kreditu nnominata tissodisfa r-rekwiżiti prudenzjali msemmija fl-Artikolu 59(1), (3) u (4) tar-Regolament (UE) Nru 909/2014 u r-rekwiżiti superviżorji msemmija fl-Artikolu 60 ta' dak ir-Regolament;

(i)

evidenza, inkluż memorandum ta' assoċjazzjoni, dikjarazzjonijiet finanzjarji, rapporti ta' awditjar, rapporti mill-kumitati tar-riskju, jew dokumenti oħra, li tipprova li l-istituzzjoni ta' kreditu nnominata tikkonforma mal-punt (e) tal-Artikolu 54(4) tar-Regolament (UE) Nru 909/2014;

(j)

id-dettalji tal-pjan ta' rkupru msemmi fil-punt (g) tal-Artikolu 54(4) tar-Regolament (UE) Nru 909/2014;

(k)

programm ta' operazzjonijiet li jissodisfa l-kundizzjonijiet li ġejjin:

(l)

evidenza li tappoġġja r-raġunijiet għall-falliment ta' saldu tal-pagamenti fi flus tas-sistema ta' saldu tat-titoli permezz ta' kontijiet miftuħa ma' bank ċentrali tal-ħruġ tal-munita tal-pajjiż fejn iseħħ is-saldu;

(m)

informazzjoni ddettaljata dwar l-aspetti li ġejjin tar-relazzjoni bejn is-CSD u l-istituzzjoni ta' kreditu nnominata:

(a)

l-informazzjoni msemmija fl-Artikolu 91 għal kull waħda mill-istituzzjonijiet ta' kreditu nominata;

(b)

deskrizzjoni tar-rwol ta' kull istituzzjoni ta' kreditu nominata u r-relazzjonijiet ta' bejniethom.