li tistabbilixxi l-proċeduri għan-notifika ta' twissijiet bħala parti tas-sistema ta' twissija bikrija u ta' reazzjoni stabbilita b'rabta mat-theddid transkonfinali serju għas-saħħa u għall-iskambju ta' informazzjoni, ta' konsultazzjoni u ta' koordinazzjoni ta' reazzjonijiet għal theddid bħal dan skont id-Deċiżjoni Nru 1082/2013/UE tal-Parlament Ewropew u tal-Kunsill

Wara li kkunsidrat id-Deċiżjoni Nru 1082/2013/UE tal-Parlament Ewropew u tal-Kunsill tat-22 ta' Ottubru 2013 dwar theddid transkonfinali serju għas-saħħa u li tħassar id-Deċiżjoni Nru 2119/98/KE (1), u b'mod partikolari l-Artikolu 8(2) u l-Artikolu 11(5) tagħha,

1. Il-Kummissjoni għandha tagħti lill-awtoritajiet kompetenti tal-EWRS, innominati skont l-Artikolu 15(1)(b) tad-Deċiżjoni Nru 1082/2013/UE, aċċess għas-sistema ta' twissija bikrija u ta' reazzjoni stabbilita skont l-Artikolu 8 tad-Deċiżjoni Nru 1082/2013/UE.

2. L-Istati Membri għandhom jiżguraw li jiġu stabbiliti kanali ta' komunikazzjoni effettivi bejn l-awtoritajiet kompetenti tal-EWRS u kwalunkwe awtoritajiet kompetenti oħra rilevanti fi ħdan il-ġurisdizzjoni tagħhom sabiex jiġi identifikat fil-pront theddid transkonfinali serju għas-saħħa li jissodisfa l-kriterji stabbiliti fl-Artikolu 9(1) u (2) tad-Deċiżjoni Nru 1082/2013/UE.

1. Meta Stat Membru jew il-Kummissjoni isiru jafu bil-bidu jew bl-iżvilupp ta' theddida transkonfinali serja għas-saħħa fi ħdan it-tifsira tal-Artikolu 9(1) tad-Deċiżjoni Nru 1082/2013/UE, għandhom jintroduċu t-twissija msemmija f'dak l-Artikolu mingħajr dewmien, u fi kwalunkwe każ mhux aktar tard minn 24 siegħa minn meta jkunu saru jaf għall-ewwel darba bit-theddida.

2. L-Istat Membru jew il-Kummissjoni jistgħu jinformaw lill-Kumitat għas-Sigurtà tas-Saħħa (“HSC”) dwar l-introduzzjoni ta' twissija.

3. L-obbligu ta' notifika msemmija fil-paragrafu 1, ma għandhiex taffettwa l-obbligu ta' notifika stabbilit fl-Artikolu 9(2) tad-Deċiżjoni Nru 1082/2013/UE.

4. Il-fatt li mhux l-informazzjoni kollha rilevanti, kif indikat fl-Artikolu 9(3) ta' dik id-Deċiżjoni, tista' tkun disponibbli m'għandux jittardja n-notifika ta' twissija.

5. It-twissija msemmija fil-paragrafu 1 għandha tispeċifika kif il-kriterji stabbiliti fl-Artikolu 9(1) tad-Deċiżjoni Nru 1082/2013/UE jiġu sodisfatti.

6. Meta, wara notifika ta' twissija, Stat Membru jew il-Kummissjoni ikunu jixtiequ jikkomunikaw informazzjoni rilevanti disponibbli għal skopijiet ta' koordinazzjoni skont l-Artikolu 9(3) tad-Deċiżjoni Nru 1082/2013/UE, huma għandhom jużaw il-funzjonalità ad hoc fl-EWRS sabiex jirreġistraw “kumment” bi tweġiba għall-messaġġ ta' notifika inizjali.

1. In-notifika ta' twissija msemmija fl-Artikolu 2(1) għandha tispeċifika jekk theddid identifikat ikunx ġie nnotifikat minn qabel permezz ta' sistemi ta' informazzjoni jew ta' twissija oħrajn fil-livell tal-Unjoni jew taħt it-Trattat Euratom.

2. Meta theddida transkonfinali serja għas-saħħa tkun ġiet ikkomunikata permezz ta' sistema waħda jew aktar ta' twissija jew ta' informazzjoni tal-Unjoni, il-Kummissjoni għandha tindika, permezz tal-EWRS, is-sistema ewlenija għat-tip speċifiku ta' skambju ta' informazzjoni.

3. Għall-finijiet ta' dan l-Artikolu, sistemi ta' twissija u ta' informazzjoni oħrajn fil-livell tal-Unjoni jew taħt it-Trattat Euratom għandhom jinkludu s-sistemi stabbiliti fl-Anness.

Koordinazzjoni ta' reazzjonijiet nazzjonali għal theddid transkonfinali serju għas-saħħa

1. Meta ssir talba għal konsultazzjoni skont l-Artikolu 11(1)(a) tad-Deċiżjoni Nru 1082/2013/UE għal raġunijiet ta' koordinazzjoni bħala rispons għal theddid transkonfinali serju għas-saħħa, il-Kummissjoni għandha tiżgura li ssir konsultazzjoni fi ħdan l-HSC fi żmien jumejn ta' xogħol minn meta ssir it-talba skont l-urġenza marbuta mas-severità ta' dik it-theddida.

2. Il-Kummissjoni għandha tinforma lill-Kumitat għas-Sigurtà tas-Saħħa bit-talba tal-HSC u tagħmel disponibbli kull tagħrif rilevanti dwar it-theddida b'żieda ma' dik diġà kkomunikata permezz tal-EWRS.

3. L-Istati Membri għandhom ukoll jipprovdu bil-miktub kull informazzjoni disponibbli rilevanti għat-theddida, minbarra dik diġà kkomunikata permezz tal-EWRS inklużi miżuri għas-saħħa pubblika, jew miżuri oħra, li jkunu ttieħdu jew li hemm intenzjoni li jittieħdu.

4. L-HSC għandu jeżamina l-informazzjoni kollha disponibbli rigward theddida partikolari, inklużi n-notifiki ta' twissija, il-valutazzjoni tar-riskju, u informazzjoni oħra kkomunikata mill-Istati Membri jew mill-Kummissjoni jew permezz tal-EWRS jew permezz tal-HSC, inkluża informazzjoni dwar miżuri tas-saħħa pubblika li jkunu ttieħdu jew huma intenzjoni li jittieħdu. Eżami bħal dan għandu jiġi konkluż mingħajr dewmien.

5. L-Istati Membri meta jkunu qed jikkunsidraw jew jieħdu miżuri tas-saħħa pubblika sabiex jiġġieldu kontra theddid transkonfinali serju għas-saħħa għandhom jikkunsidraw ir-riżultat ta' eżami mwettaq fil-qafas tal-konsultazzjoni tal-HSC.

1. Wara talba għal konsultazzjoni skont l-Artikolu 11(1)(b) tad-Deċiżjoni Nru 1082/2013/UE, l-Istati Membri għandhom jikkonsultaw lil xulxin fi ħdan l-HSC u jiżviluppaw u jissuġġerixxu l-kontenut u l-forma ta' komunikazzjoni tar-riskji u tal-kriżijiet li jridu jingħataw mill-Istati Membri lill-pubbliku ġenerali u/jew lill-professjonisti tal-kura tas-saħħa. L-Istati Membri jistgħu jadattaw il-komunikazzjonijiet tagħhom skont il-bżonnijiet u ċ-ċirkostanzi tagħhom.

2. L-Istati Membri li jkunu diġà bagħtu l-komunikazzjonijiet dwar ir-riskji u l-kriżijiet relatati ma' theddid transkonfinali serju għas-saħħa għandhom jinformaw lill-HSC u lill-Kummissjoni, bil-miktub, dwar il-kontenut ta' dawk il-komunikazzjonijiet.

Meta l-kundizzjonijiet li jkunu ġġustifikaw l-introduzzjoni ta' twissija skont l-Artikolu 9(1) tad-Deċiżjoni Nru 1082/2013/UE ma jibqgħux jeżistu, it-twissija għandha tiġi diżattivata mill-Istat Membru li jkun introduċa t-twissija, jew mill-Kummissjoni fil-każ li t-twissija tkun ġiet introdotta mill-Kummissjoni. Diżattivazzjoni ta' twissija għandha sseħħ biss wara li l-Istati Membri kollha kkonċernati mit-twissija jkunu ftiehmu dwar din id-diżattivazzjoni.

2. Ir-referenzi għad-Deċiżjoni mħassra għandhom jiġu mifhuma bħala referenzi għal din id-Deċiżjoni.

Din id-Deċiżjoni għandha tidħol fis-seħħ fl-għoxrin jum wara l-pubblikazzjoni tagħha f'Il-Ġurnal Uffiċjali tal-Unjoni Ewropea.

(2) Id-Deċiżjoni Nru 2119/98/KE tal-Parlament Ewropew u tal-Kunsill tal-24 ta' Settembru 1998 illi tistabbilixxi xibka ta' sorveljanza epidemjoloġika u kontroll ta' mard li jittieħed fil-Komunità (ĠU L 268, 3.10.1998, p. 1).

(3) Id-Deċiżjoni tal-Kummissjoni 2000/57/KE tat-22 ta' Diċembru 1999 dwar is-sistema ta' twissija u tweġiba bikrija għall-prevenzjoni u l-kontroll tal-mard li jittieħed taħt id-Deċiżjoni 2119/98/KE tal-Parlament Ewropew u tal-Kunsill (ĠU L 21, 26.1.2000, p. 32).

(4) Ir-Regolament (KE) Nru 851/2004 tal-Parlament Ewropew u tal-Kunsill tal-21 ta' April 2004 li jistabbilixxi ċentru Ewropew għall-prevenzjoni u l-kontroll tal-mard (ĠU L 142, 30.4.2004, p. 1).

(5) Ir-Regolament (KE) Nru 45/2001 tal-Parlament Ewropew u tal-Kunsill tat-18 ta' Diċembru 2000 dwar il-protezzjoni ta' individwu fir-rigward tal-ipproċessar ta' dejta personali mill-istituzzjonijiet u l-korpi tal-Komunità u dwar il-movement liberu ta' dik id-dejta (ĠU L 8, 12.1.2001, p. 1).

(6) Id-Direttiva 95/46/KE tal-Parlament Ewropew u tal-Kunsill tal-24 ta' Ottubru 1995 dwar il-protezzjoni ta' individwi fir-rigward tal-ipproċessar ta' dejta personali u dwar il-moviment liberu ta' dik id-dejta (ĠU L 281, 23.11.1995, p. 31).

ANNESS

Lista mhux eżawrjenti ta' sistemi ta' twissija u ta' informazzjoni fil-livell tal-Unjoni li għandha tiġi marbuta b'mod progressiv mal-EWRS

Dan l-Anness jelenka sistemi ta' twissija rapida u ta' informazzjoni li huma attwalment fis-seħħ fil-livell tal-Unjoni jew taħt it-Trattat Euratom u li jistgħu jkunu rilevanti biex jirċievu twissijiet u informazzjoni dwar avvenimenti li huma jew jistgħu jkunu ta' theddida transkonfinali serja għas-saħħa:

—	Is-Sistema ta' Notifika tal-Mard tal-Annimali (ADNS), li tirreġistra u tiddokumenta s-sitwazzjoni ta' mard infettiv importanti tal-annimali;

—	Is-sistema ta' twissija f'waqtha transettorjali tal-Kummissjoni (ARGUS), Sistema ta' Twissija Rapida interna tal-Kummissjoni li tippermetti lid-Direttorati Ġenerali kollha tal-Kummissjoni li jaqsmu informazzjoni fl-eventwalità ta' emerġenza/kriżi u biex jippermettu koordinazzjoni interna;

—	Is-Sistema Komuni ta' Komunikazzjoni u Informazzjoni ta' Emerġenza (CECIS), għall-protezzjoni ċivili u għall-aċċidenti tat-tniġġis tal-baħar;

—	Is-Sistema Komunitarja ta' Skambju ta' Informazzjoni Radjoloġika Urġenti (ECURIE), biex tinnotifika kontromiżuri għall-protezzjoni kontra l-effetti ta' aċċident radjoloġiku jew nukleari;

—	Is-Sistema ta' Rappurtar ta' Inċidenti Maġġuri (EMARS), sabiex jiġi ffaċilitat l-iskambju tat-tagħlimiet meħuda minn aċċidenti u kważi aċċidenti li jinvolvu sustanzi perikolużi sabiex jitjiebu l-prevenzjoni u t-taffija ta' inċidenti kimiċi tal-konsegwenzi potenzjali;

—	Is-Sistema Ewropea ta' Notifika dwar Interċettazzjonijiet tas-Saħħa tal-Pjanti (EUROPHYT), li tittratta interċettazzjonijiet ta' konsenji għal raġunijiet ta' saħħa tal-pjanti u ta' prodotti pjanti importati fl-Unjoni jew li qed jiġu nnegozjati fi ħdan l-Unjoni;

—	It-Twissija Rapida għad-Demm u l-Komponenti tad-Demm (RAB), għall-iskambju ta' informazzjoni għall-prevenzjoni jew għall-kontroll ta' aċċidenti transkonfinali marbuta ma' trasfużjonijiet tad-demm;

—	Is-Sistema ta' Twissija Rapida għal Prodotti Perikolużi Mhux tal-Ikel (RAPEX), għall-iskambju ta' informazzjoni dwar prodotti li joħolqu riskju għas-saħħa u għas-sikurezza tal-konsumaturi;

—	Il-pjattaforma għas-Sistema ta' Twissija Rapida għall-Ikel u l-Għalf (RASFF), għan-notifika ta' riskji għas-saħħa umana li jirriżultaw mill-ikel jew mill-għalf;

—	Il-pjattaforma ta' Twissija Rapida għat-Tessuti u għaċ-Ċelluli (RATC) għall-iskambju ta' informazzjoni u miżuri relatati mat-tessuti jew maċ-ċelluli umani li jintbagħtu minn pajjiż għal ieħor għall-pazjenti;

—	In-Netwerk Ewropew ta' Informazzjoni dwar id-Droga u d-Dipendenza fuq id-Droga (REITOX),biex tinġabar u tiġi rrapurtata l-informazzjoni dwar il-fenomenu tad-droga madwar l-Ewropa.