29.10.2016
|
MT
|
Il-Ġurnal Uffiċjali tal-Unjoni Ewropea
|
L 295/11
|
REGOLAMENT DELEGAT TAL-KUMMISSJONI (UE) 2016/1904
tal-14 ta' Lulju 2016
li jissupplimenta r-Regolament (UE) Nru 1286/2014 tal-Parlament Ewropew u tal-Kunsill fir-rigward ta' interventi dwar prodott
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Ir-Regolament (UE) Nru 1286/2014 tal-Parlament Ewropew u tal-Kunsill tas-26 ta' Novembru 2014 dwar dokumenti bl-informazzjoni ewlenija għal prodotti aggregati ta' investiment għall-konsumaturi bbażati fuq l-assigurazzjoni (PRIIPs) (1) u b'mod partikolari l-Artikolu 16(8) u l-Artikolu 17(7) tiegħu,
Billi:
(1)
|
Dan ir-Regolament jispeċifika ċerti aspetti tas-setgħat ta' intervent mogħtija lill-awtoritajiet kompetenti u, f'każijiet eċċezzjonali, lill-Awtorità Ewropea tal-Assigurazzjoni u l-Pensjonijiet tax-Xogħol (EIOPA) li ġiet stabbilita u teżerċita s-setgħat tagħha skont ir-Regolament (UE) Nru 1094/2010 tal-Parlament Ewropew u tal-Kunsill, (2) fir-rigward tal-kriterji u l-fatturi li għandhom jiġu kkunsidrati fid-determinazzjoni tal-eżistenza ta' preokkupazzjoni sinifikanti fejn tidħol il-protezzjoni tal-investitur jew theddida għall-funzjonament ordinat u l-integrità tas-swieq finanzjarji jew tal-istabbiltà tas-sistema finanzjarja kollha jew parti minnha ta' mill-inqas Stat Membru wieħed jew tal-Unjoni rispettivament.
|
(2)
|
Lista ta' kriterji u fatturi li jridu jiġu kkunsidrati mill-awtoritajiet kompetenti u mill-EIOPA fid-determinazzjoni ta' jekk hemmx tali tħassib jew theddida għandha tiġi stabbilita biex jiġi żgurat approċċ konsistenti filwaqt li jkunu jistgħu jittieħdu azzjonijiet xierqa f'każ ta' avvenimenti jew żviluppi avversi mhux previsti. L-eżistenza ta' “theddida”, wieħed mill-prerekwiżiti tal-intervent fil-perspettiva tal-funzjonament ordnat u l-integrità tas-swieq finanzjarji jew tal-komoditajiet jew l-istabbiltà tas-sistema finanzjarja, teħtieġ għatba ogħla mill-eżistenza ta' “tħassib sinifikanti”, li hija l-prerekwiżit tal-intervent għall-protezzjoni tal-investituri. Il-ħtieġa li jiġu vvalutati l-kriterji u l-fatturi kollha li jistgħu jkunu preżenti f'sitwazzjoni speċifika ma għandhiex, madankollu, tipprevjeni s-setgħa temporanja ta' intervent milli tintuża mill-awtoritajiet kompetenti jew mill-EIOPA meta jkun hemm biss fattur jew kriterju wieħed li jwassal għat-tali preokkupazzjoni jew theddida.
|
(3)
|
Id-dispożizzjonijiet f'dan ir-Regolament huma marbuta mill-qrib billi jittrattaw is-setgħat ta' interventi fil-prodott vestiti kemm fl-awtoritajiet kompetenti nazzjonali kif ukoll fl-EIOPA. Sabiex tiġi żgurata l-koerenza bejn dawk id-dispożizzjonijiet, li għandhom jidħlu fis-seħħ fl-istess ħin, u sabiex tiġi ffaċilitata perspettiva komprensiva għall-partijiet interessati u b'mod partikolari għall-EIOPA u l-awtoritajiet kompetenti li jkunu qegħdin jeżerċitaw is-setgħat ta' intervent, huwa meħtieġ li dawn id-dispożizzjonijiet jiġu inklużi f'Regolament wieħed.
|
ADOTTAT DAN IR-REGOLAMENT:
Artikolu 1
Kriterji u fatturi għall-fini tas-setgħat temporanju ta' intervent fuq il-prodotti mill-EIOPA
(l-Artikolu 16(2) tar-Regolament (UE) Nru 1286/2014)
1. Għall-finijiet tal-Artikolu 16(2)(a) tar-Regolament (UE) Nru 1286/2014, l-EIOPA tivvaluta r-rilevanza tal-fatturi u l-kriterji kollha elenkati fil-paragrafu 2, u tqis il-fatturi u l-kriterji kollha rilevanti biex jiġi determinat meta l-kummerċjalizzazzjoni, id-distribuzzjoni jew il-bejgħ ta' ċerti prodotti finanzjarji, jew xi tip ta' attività jew prassi finanzjarja, joħolqu preokkupazzjoni sinifikanti ta' protezzjoni tal-investitur jew theddida għall-funzjonament ordnat u l-integrità tas-swieq finanzjarji jew għall-istabbiltà tas-sistema finanzjarja tal-Unjoni kollha jew parti minnha.
Għall-finiijiet tal-ewwel subparagrafu, l-EIOPA tista' tiddetermina l-eżistenza ta' tħassib ta' protezzjoni tal-investitur sinifikanti jew theddida għall-funzjonament ordnat u l-integrità tas-swieq finanzjarji jew tas-swieq tal-komoditajiet jew għall-istabbiltà tas-sistema finanzjarja tal-Unjoni kollha jew parti minnha bbażata fuq wieħed minn dawk il-fatturi u kriterji jew aktar.
2. Il-fatturi u l-kriterji li jridu jiġu vvalutati mill-EIOPA biex tiddetermina jekk hemmx tħassib ta' protezzjoni tal-investitur sinifikanti jew theddida għall-funzjonament ordnat u l-integrità tas-swieq finanzjarji jew għall-istabbiltà tas-sistema finanzjarja tal-Unjoni jew ta' parti minnha għandhom ikunu dawn li ġejjin:
(a)
|
il-livell ta' kumplessità tal-prodott ta' investiment ibbażat fuq l-assigurazzjoni jew it-tip ta' attività jew prassi finanzjarja ta' impriża tal-assigurazzjoni jew impriża ta' riassigurazzjoni, fil-kunsiderazzjoni, b'mod partikolari:
—
|
tat-tip ta' assi sottostanti u l-livell ta' trasparenza tal-assi sottostanti;
|
—
|
il-livell ta' trasparenza tal-kosti u t-tariffi assoċjati mal-istrument finanzjarju, attività finanzjarja jew prassi finanzjarja ibbażati fuq l-assigurazzjoni u, b'mod partikolari, in-nuqqas ta' trasparenza li jirriżultaw minn saffi multipli ta' kosti u tariffi;
|
—
|
il-kumplessità tal-kalkolu tal-prestazzjoni, fil-kunsiderazzjoni b'mod partikolari ta' jekk ir-ritorn ikunx dipendenti fuq it-twettiq ta' waħda jew iktar mill-assi sottostanti li min-naħa tagħhom huma affettwati minn fatturi oħra;
|
—
|
in-natura u d-daqs ta' kwalunkwe riskju;
|
—
|
jekk il-prodott jew is-servizz ta' investiment ibbażat fuq l-assigurazzjoni ikunx raggruppat ma' prodotti jew servizzi oħrajn; jew
|
—
|
il-kumplessità ta' kwalunkwe termini u kundizzjonijiet;
|
|
(b)
|
id-daqs tal-konsegwenzi detrimentali potenzjali, b'mod partikolari waqt li jitqiesu:
—
|
il-valur nozzjonali tal-prodott ta' investiment ibbażat fuq l-assigurazzjoni;
|
—
|
in-numru ta' klijenti, investituri jew parteċipanti tas-suq involuti;
|
—
|
is-sehem relattiv tal-prodott fil-portafolli tal-investituri;
|
—
|
il-probabbiltà, id-daqs u n-natura ta' kwalunkwe detriment, inkluż l-ammont tat-telf li jista' jiġġarrab;
|
—
|
il-persistenza antiċipata tal-konsegwenzi detrimentali;
|
—
|
in-numru ta' intermedjarji involuti;
|
—
|
it-tkabbir tas-suq jew tal-bejgħ;
|
—
|
l-ammont medju investit minn kull investitur fil-prodott ta' investiment ibbażat fuq l-assigurazzjoni;
|
—
|
il-livell ta' kopertura definit fil-liġi nazzjonali dwar skemi ta' garanzija tal-assigurazzjoni, fejn skemi bħal dawn jeżistu; jew
|
—
|
il-valur tad-dispożizzjonijiet tekniċi fir-rigward tal-prodotti ta' investiment ibbażati fuq l-assigurazzjoni.
|
|
(c)
|
it-tip ta' investituri involuti f'attività jew prassi finanzjarja jew li lilhom jiġi kkummerċjat jew mibjugħ prodott ta' investiment ibbażat fuq l-assigurazzjoni, fil-kunsiderazzjoni, b'mod partikolari ta':
—
|
jekk l-investitur ikunx klijent mhux professjonali, klijent professjonali jew kontroparti eliġibbli kif definit fid-Direttiva tal-Parlament Ewropew u tal-Kunsill 2014/65/UE (3);
|
—
|
fatturi li jikkaratterizzaw il-ħiliet u l-abilitajiet tal-klijenti, inkluż il-livell ta' edukazzjoni, l-esperjenza bi prodotti ta' investiment bbażati fuq l-assigurazzjoni jew prattiki tal-bejgħ simili;
|
—
|
fatturi li jikkaratterizzaw is-sitwazzjoni ekonomika tal-investituri, inkuż id-dħul u l-ġid tagħhom;
|
—
|
l-objettivi finanzjarji ewlenin tal-investituri, inklużi t-tfaddil għall-pensjoni u l-ħtieġa ta' kopertura għar-riskju;
|
—
|
jekk il-prodott jew is-servizz humiex qegħdin jinbiegħu lil investituri barra mis-suq fil-mira intenzjonat jew jekk is-suq fil-mira ġiex identifikat kif xieraq; jew
|
—
|
l-eliġibbiltà għal kopertura minn skema ta' garanzija tal-assigurazzjoni, fejn jeżistu skemi nazzjonali ta' garanzija tal-assigurazzjoni.
|
|
(d)
|
il-grad ta' trasparenza tal-prodott ta' investiment jew tip ta' attività jew prassi ibbażati fuq l-assigurazzjoni, fil-kunsiderazzjoni, b'mod partikolari ta':
—
|
it-tip u t-trasparenza tal-assi sottostanti;
|
—
|
kwalunkwe kosti u imposti moħbijin;
|
—
|
l-użu ta' tekniki li jiġbdu l-attenzjoni tal-investituri iżda li mhux neċessarjament jirriflettu l-adattatezza jew il-kwalità ġenerali tal-prodott ta' investiment jew l-attività jew prassi finanzjarja ibbażati fuq l-assigurazzjoni;
|
—
|
in-natura tar-riskji u t-trasparenza tar-riskji;
|
—
|
l-użu ta' ismijiet ta' prodotti jew ta' terminoloġija jew informazzjoni oħra li timplika livelli akbar ta' sigurtà jew redditu minn dak li attwalment hu possibbli jew probabbli; jew li jimplikaw karatteristiċi tal-prodott li ma jeżistux; jew
|
—
|
jekk kienx hemm informazzjoni biżżejjed, jew mhux biżżejjed affidabbli, dwar prodott ta' investiment ibbażat fuq l-assigurazzjoni li tippermetti lill-parteċipanti fis-suq li għalihom kien immirat biex jiffurmaw il-ġudizzju tagħhom, fil-kunsiderazzjoni tan-natura u t-tip ta' prodotti ta' investiment ibbażat fuq l-assigurazzjoni.
|
|
(e)
|
il-karatteristiċi jew l-assi sottostanti partikolari tal-prodott ta' investiment, l-attività jew il-prassi finanzjarja ibbażati fuq l-assigurazzjoni, inkluż kwalunkwe ingranaġġ inkorporat, waqt li jitqiesu, b'mod partikolari:
—
|
l-ingranaġġ inerenti fil-prodott;
|
—
|
l-ingranaġġ dovut għall-finanzjament; jew
|
—
|
il-karatteristiċi ta' tranżazzjonijiet ta' finanzjament ta' titoli;
|
|
(f)
|
l-eżistenza u l-grad ta' disparità bejn ir-redditu jew profitt mistenni għall-investituri u r-riskju ta' telf relatat mal-prodott ta' investiment, l-attività jew il-prassi fiskali ibbażati fuq l-assigurazzjoni, waqt li jitqiesu, b'mod partikolari:
—
|
il-kostijiet tal-istrutturar ta' dan it-tip ta' prodott ta' investiment, attività jew prassi finanzjarja ibbażati fuq l-assigurazzjoni, flimkien ma' kosti oħra;
|
—
|
id-disparità f'relazzjoni mar-riskju tal-emittent miżmum mill-emittent; jew
|
—
|
il-profil tar-riskju mar-redditu;
|
|
(g)
|
il-faċilità u l-kost għall-investituri biex ibigħu il-prodott relevanti ta' investiment ibbażat fuq l-assukurazzjoni jew li jduru għal prodott ieħor, waqt li jittieħed kont, b'mod partikolari, ta':
—
|
l-impedimenti għal bidla ta' strateġija ta' investiment f'relazzjoni ma' kuntratt ta' assigurazzjoni;
|
—
|
il-fatt li l-irtirar kmieni kuntrattwalment mhux permess jew fattwalment magħmul impossibbli; jew
|
—
|
kwalunkwe ostakli oħrajn għall-ħruġ;
|
|
(h)
|
l-ipprezzar u l-kosti assoċjati tal-prodott ta' investiment, attività jew prassi finanzjarja ibbażati fuq l-assigurazzjoni, waqt li jitqiesu, b'mod partikolari:
—
|
l-użu ta' imposti moħbijin jew sekondarji; jew
|
—
|
ħlasijiet li ma jirriflettux il-livell ta' servizz ta' distribuzzjoni pprovduti minn intermedjarji tal-assigurazzjoni.
|
|
(i)
|
il-grad ta' innovazzjoni ta' prodott ta' investiment, attività jew prassi finanzjarja ibbażati fuq l-assigurazzjoni, waqt li jitqiesu, b'mod partikolari:
—
|
il-grad ta' innovazzjoni relatat mal-istruttura tal-prodott ta' investiment, l-attività jew il-prassi finanzjarja, ibbażati fuq l-assigurazzjoni, inkluż l-inkorporazzjoni u l-iskattar;
|
—
|
il-grad ta' innovazzjoni relatata mal-mudell ta' distribuzzjoni jew it-tul tal-katina ta' intermedjazzjoni;
|
—
|
il-grad tad-diffużjoni tal-innovazzjoni, inkluż jekk il-prodott ta' investiment, l-attività jew il-prassi finanzjarja ibbażati fuq l-assigurazzjoni tkunx innovattiva għal kategoriji ta' klijenti partikolari;
|
—
|
l-innovazzjoni li tinvolvi l-ingranaġġ;
|
—
|
in-nuqqas ta' trasparenza tal-assi sottostanti; jew
|
—
|
l-esperjenza tal-passat fis-suq bi prodotti simili ta' investiment ibbażati fuq l-assigurazzjoni jew bi prattiċi ta' bejgħ għal prodotti ta' investiment ibbażati fuq l-assigurazzjoni.
|
|
(j)
|
il-prattiki tal-bejgħ assoċjati mal-prodott ta' investiment ibbażat fuq l-assigurazzjoni, waqt li jitqiesu, b'mod partikolari:
—
|
il-kanali ta' komunikazzjoni u distribuzzjoni użati;
|
—
|
il-materjal ta' informazzjoni, kummerċjalizzazzjoni jew promozzjonali ieħor assoċjat mal-investiment; jew
|
—
|
jekk id-deċiżjoni ta' akkwiżizzjoni tkunx sekondarja jew terzjarja li tkun issegwi akkwiżizzjoni oħra;
|
|
(k)
|
is-sitwazzjoni finanzjarja u tan-negozju tal-emittent ta' prodott ta' investiment ibbażat fuq l-assigurazzjoni, waqt li jitqiesu, b'mod partikolari:
—
|
is-sitwazzjoni finanzjarja tal-emittent; jew
|
—
|
l-adegwatezza tal-arranġamenti ta' rijassigurazzjoni dwar prodotti ta' investiment ibbażati fuq l-assigurazzjoni.
|
|
(l)
|
jekk l-assi sottostanti tal-prodott ta' investiment jew l-attivitajiet jew prassi finanzjarjii bbażati fuq l-assikugrazzjoni jippreżentawx riskju għoli għall-prestazzjoni tat-tranżazzjonijiet li jidħlu fihom il-parteċipanti jew l-investituri fis-suq rilevanti;
|
(m)
|
jekk il-karatteristiċi ta' prodott ta' investiment ibbażat fuq l-assigurazzjoni jagħmluhx suxxettibbli b'mod partikolari biex jintuża għall-fini ta' reati finanzjarji u, b'mod partikolari jekk dawk il-karatteristiċi jistgħux potenzjalment jinkoraġġixxu l-użu tal-prodott ta' investiment ibbażat fuq l-assigurazzjoni għal:
—
|
kwalunkwe frodi jew diżonestà;
|
—
|
kondotta ħażina jew użu ħażin tal-informazzjoni relatata ma' suq finanzjarju;
|
—
|
ipproċessar ta' rikavati mir-reati;
|
—
|
il-finanzjament tat-terroriżmu; jew
|
—
|
l-iffaċilitar tal-ħasil tal-flus;
|
|
(n)
|
jekk l-attività finanzjarja jew il-prattika finanzjarja tkunx ta' riskju partikolarment għoli għar-reżiljenza jew l-operat mingħajr xkiel tas-swieq;
|
(o)
|
jekk strument finanzjarju, attività jew prassi bbażati fuq l-assigurazzjoni jistgħux iwasslu għal disparità sinifikanti u artifiċjali bejn il-prezzijiet ta' derivattiv u dawk fis-suq sottostanti;
|
(p)
|
jekk prodott ta' investiment, attvità jew prassi finanzjarja, ibbażati fuq l-asikurazzjoni ikunx ta' riskju għoli għas-suq jew l-infrastruttura tas-sistemi ta' pagament, inklużi s-sistemi ta' kummerċ, ta' kklerjar u ta' saldu;
|
(q)
|
jekk prodott ta' investiment, attività jew prassi finanzjarja, ibbażati fuq l-assigurazzjoni jkunx ta' theddida għall-fiduċja tal-investituri fis-sistema ta' finanzjament; jew
|
(r)
|
jekk l-istrument finanzjarju, attività jew prassi finanzjarja bbażati fuq l-assigurazzjoni jimponix riskju għoli ta' tfixkil għall-istituzzjonijiet finanzjarji li jitqiesu importanti għas-sistema finanzjarja tal-Unjoni;
|
Artikolu 2
Kriterji u fatturi li jridu jiġu kkunsidrati mill-awtoritajiet kompetenti għall-fini tas-setgħat ta' intervent fuq il-prodotti ta' investiment ibbażati fuq l-assigurazzjoni
(l-Artikolu 17(2) tar-Regolament (UE) Nru 1286/2014)
1. Għall-finijiet tal-Artikolu 17(2)(a) tar-Regolament (UE) Nru 1286/2014, l-awtoritajiet kompetenti jivvalutaw ir-rilevanza tal-fatturi u l-kriterji kollha elenkati fil-paragrafu 2, u jqisu l-fatturi u l-kriterji kollha rilevanti biex jiġi determinat meta l-kummerċjalizzazzjoni, id-distribuzzjoni jew il-bejgħ ta' ċerti prodotti ta' investiment jew attività jew prassi finanzjarja, ibbażati fuq l-assigurazzjoni, joħolqu xi preokkupazzjoni sinifikanti ta' protezzjoni tal-investitur jew theddida għall-funzjonament ordnat u l-integrità tas-swieq finanzjarji jew għall-istabbiltà tas-sistema finanzjarja sħiħa jew parti minnha fi ħdan mill-anqas Stat Membru wieħed.
Għall-finijiet tal-ewwel subparagrafu, l-awtoritajiet kompetenti jistgħu jiddeterminaw l-eżistenza ta' preokkupazjoni sinifikanti dwar il-protezzjoni tal-investitur jew ta' theddida għall-funzjonament ordnat u għall-integrità tas-swieq finanzjarji jew għall-istabbilità tas-sistema finanzjarja kollha jew parti minnha fi ħdan mill-anqas Stat Membru wieħed abbażi ta' fattur jew kriterju wieħed, jew aktar, minn fost dawk.
2. Il-fatturi u l-kriterji li jridu jiġu vvalutati mill-awtoritajiet kompetenti sabiex jiddeterminaw jekk ikunx hemm preokkupazzjoni sinifikanti dwar il-protezzjoni tal-investitur jew ta' theddida għall-funzjonament ordnat u l-integrità tas-swieq finanzjarji jew għall-istabbiltà tas-sistema finanzjarja jew parti minnha f'mill-anqas Stat Memru wieħed għandhom jinkludu dawn li ġejjin:
(a)
|
il-livell ta' kumplessità tal-prodott ta' investiment ibbażat fuq l-assigurazzjoni jew it-tip ta' attività jew prassi finanzjarja ta' impriża tal-assigurazzjoni jew impriża ta' riassigurazzjoni, fil-kunsiderazzjoni, b'mod partikolari ta':
—
|
it-tip ta' assi sottostanti u l-livell ta' trasparenza tal-assi sottostanti;
|
—
|
il-livell ta' trasparenza tal-kosti u t-tariffi assoċjati mal-istrument finanzjarju, attività finanzjarja jew prassi finanzjarja ibbażati fuq l-assigurazzjoni u, b'mod partikolari, in-nuqqas ta' trasparenza li jirriżultaw minn saffi multipli ta' kosti u tariffi;
|
—
|
il-kumplessità tal-kalkolu tal-prestazzjoni, fil-kunsiderazzjoni ta' jekk ir-rendiment ikunx dipendenti fuq it-twettiq ta' waħda jew iktar mill-assi sottostanti li min-naħa tagħhom huma affettwati minn fatturi oħra;
|
—
|
in-natura u d-daqs ta' kwalunkwe riskju;
|
—
|
jekk il-prodott ta' investiment ibbażat fuq l-assigurazzjoni ikunx raggruppat ma' prodotti jew servizzi oħrajn; jew
|
—
|
il-kumplessità ta' kwalunkwe termini u kundizzjonijiet;
|
|
(b)
|
id-daqs tal-konsegwenzi detrimentali potenzjali, b'mod partikolari waqt li jitqiesu:
—
|
il-valur nozzjonali tal-prodott ta' investiment ibbażat fuq l-assigurazzjoni;
|
—
|
in-numru ta' klijenti, investituri jew parteċipanti tas-suq involuti;
|
—
|
is-sehem relattiv tal-prodott fil-portafolli tal-investituri;
|
—
|
il-probabbiltà, id-daqs u n-natura ta' kwalunkwe detriment, inkluż l-ammont tat-telf li jista' jiġġarrab;
|
—
|
il-persistenza antiċipata tal-konsegwenzi detrimentali;
|
—
|
in-numru ta' intermedjarji involuti;
|
—
|
it-tkabbir tas-suq jew tal-bejgħ;
|
—
|
l-ammont medju investit minn kull investitur fil-prodott ta' investiment ibbażat fuq l-assigurazzjoni;
|
—
|
il-livell ta' kopertura definit fil-liġi nazzjonali dwar skemi ta' garanzija tal-assigurazzjoni, fejn skemi bħal dawn jeżistu; jew
|
—
|
il-valur tad-dispożizzjonijiet tekniċi fir-rigward tal-prodotti ta' investiment ibbażati fuq l-assigurazzjoni.
|
|
(c)
|
it-tip ta' investituri involuti f'attività jew prassi finanzjarja jew li lilhom jiġi kkummerċjat jew mibjugħ prodott ta' investiment ibbażat fuq l-assigurazzjoni, fil-kunsiderazzjoni, b'mod partikolari ta':
—
|
jekk l-investitur ikunx klijent mhux professjonali, klijent professjonali jew kontroparti eliġibbli kif definit fid-Direttiva 2014/65/UE;
|
—
|
il-ħiliet u l-abilitajiet tal-klijenti, inkluż il-livell ta' edukazzjoni, l-esperjenza bi prodotti ta' investiment ibbażat fuq l-assigurazzjoni jew bi prattiki tal-bejgħ simili;
|
—
|
is-sitwazzjoni ekonomika tal-investituri, inkuż id-dħul u l-ġid tagħhom;
|
—
|
l-objettivi finanzjarji ewlenin tal-investituri, inklużi t-tfaddil għall-pensjoni u l-ħtieġa ta' kopertura għar-riskju;
|
—
|
jekk il-prodott jew is-servizz humiex qegħdin jinbiegħu lil investituri barra mis-suq fil-mira intenzjonat jew jekk is-suq fil-mira ġiex identifikat kif xieraq; jew
|
—
|
l-eliġibbiltà għal kopertura minn skema ta' garanzija tal-assigurazzjoni, fejn jeżistu skemi nazzjonali ta' garanzija tal-assigurazzjoni.
|
|
(d)
|
il-grad ta' trasparenza tal-prodott ta' investiment jew tip ta' attività jew prassi ibbażati fuq l-assigurazzjoni, fil-kunsiderazzjoni, b'mod partikolari ta':
—
|
it-tip u t-trasparenza tal-assi sottostanti;
|
—
|
kwalunkwe kosti u imposti moħbijin;
|
—
|
l-użu ta' tekniki li jiġbdu l-attenzjoni tal-investituri iżda li mhux neċessarjament jirriflettu l-adattatezza jew il-kwalità ġenerali tal-prodott ta' investiment jew l-attività jew prassi finanzjarja ibbażati fuq l-assigurazzjoni;
|
—
|
in-natura tar-riskji u t-trasparenza tar-riskji;
|
—
|
l-użu ta' ismijiet ta' prodotti jew ta' terminoloġija jew informazzjoni oħra li timplika livell akbar ta' sigurtà jew redditu minn dak attwalment possibbli jew probabbli, jew li timplika karatteristiċi tal-prodott li ma jeżistux; jew
|
—
|
jekk kienx hemm informazzjoni biżżejjed, jew mhux biżżejjed affidabbli, dwar prodott ta' investiment ibbażat fuq l-assigurazzjoni li tippermetti lill-parteċipanti fis-suq li għalihom kien immirat biex jiffurmaw il-ġudizzju tagħhom, fil-kunsiderazzjoni tan-natura u t-tip ta' prodotti ta' investiment ibbażat fuq l-assigurazzjoni.
|
|
(e)
|
il-karatteristiċi jew l-assi sottostanti partikolari tal-prodott ta' investiment, l-attività jew il-prassi finanzjarja ibbażati fuq l-assigurazzjoni, inkluż kwalunkwe ingranaġġ inkorporat, waqt li jitqiesu, b'mod partikolari:
—
|
l-ingranaġġ inerenti fil-prodott;
|
—
|
l-ingranaġġ dovut għall-finanzjament; jew
|
—
|
il-karatteristiċi ta' tranżazzjonijiet ta' finanzjament ta' titoli;
|
|
(f)
|
l-eżistenza u l-grad ta' disparità bejn ir-redditu jew profitt mistenni għall-investituri u r-riskju ta' telf relatat mal-prodott ta' investiment, l-attività jew il-prassi fiskali ibbażati fuq l-assigurazzjoni, waqt li jitqiesu, b'mod partikolari:
—
|
il-kostijiet tal-istrutturar ta' dan it-tip ta' prodott ta' investiment, attività jew prassi finanzjarja ibbażati fuq l-assigurazzjoni, flimkien ma' kosti oħra;
|
—
|
id-disparità f'relazzjoni mar-riskju tal-emittent miżmum mill-emittent; jew
|
—
|
il-profil tar-riskju mar-redditu;
|
|
(g)
|
il-faċilità u l-kost għall-investituri biex ibigħu il-prodott relevanti ta' investiment ibbażat fuq l-assukurazzjoni jew li jduru għal prodott ieħor, waqt li jitqies, b'mod partikolari:
—
|
l-impedimenti għal bidla ta' strateġija ta' investiment f'relazzjoni ma' kuntratt ta' assigurazzjoni;
|
—
|
il-fatt li ma jkunx permess l-irtirar kmieni, jew li jkun permess f'tali kundizzjoni kuntrattwali li jkun jista' jitqies bħala mhux permess; jew
|
—
|
kwalunkwe ostakli oħrajn għall-ħruġ;
|
|
(h)
|
l-ipprezzar u l-kosti assoċjati tal-prodott ta' investiment, attività jew prassi finanzjarja ibbażati fuq l-assigurazzjoni, waqt li jitqiesu, b'mod partikolari:
—
|
l-użu ta' imposti moħbijin jew sekondarji; jew
|
—
|
ħlasijiet li ma jirriflettux il-livell ta' servizz ta' distribuzzjoni pprovduti minn intermedjarji tal-assigurazzjoni.
|
|
(i)
|
il-grad ta' innovazzjoni ta' prodott ta' investiment, attività jew prassi finanzjarja ibbażati fuq l-assigurazzjoni, waqt li jitqiesu, b'mod partikolari:
—
|
il-grad ta' innovazzjoni marbut mal-istruttura tal-prodott ta' investiment, l-attività jew il-prassi finanzjarja, ibbażati fuq l-assigurazzjoni, inkluż l-inkorporazzjoni u l-iskattar;
|
—
|
il-grad ta' innovazzjoni marbut mal-mudell ta' distribuzzjoni jew it-tul tal-katina ta' intermedjazzjoni;
|
—
|
il-grad tad-diffużjoni tal-innovazzjoni, inkluż jekk il-prodott ta' investiment, l-attività jew il-prassi finanzjarja ibbażati fuq l-assigurazzjoni tkunx innovattiva għal kategoriji ta' klijenti partikolari;
|
—
|
l-innovazzjoni li tinvolvi l-ingranaġġ;
|
—
|
in-nuqqas ta' trasparenza tal-assi sottostanti; jew
|
—
|
l-esperjenza tal-passat fis-suq bi prodotti simili ta' investiment ibbażati fuq l-assigurazzjoni jew bi prattiċi ta' bejgħ għal prodotti ta' investiment ibbażati fuq l-assigurazzjoni.
|
|
(j)
|
il-prattiċi ta' bejgħ assoċjati mal-prodott ta' investiment ibbażat fuq l-assigurazzjoni, waqt li jitqiesu, b'mod partikolari:
—
|
il-kanali ta' komunikazzjoni u distribuzzjoni użati;
|
—
|
il-materjal ta' informazzjoni, kummerċjalizzazzjoni jew promozzjonali ieħor assoċjat mal-investiment; jew
|
—
|
jekk id-deċiżjoni ta' akkwiżizzjoni tkunx sekondarja jew terzjarja li tkun issegwi akkwiżizzjoni oħra;
|
|
(k)
|
is-sitwazzjoni finanzjarja u tan-negozju tal-emittent ta' prodott ta' invesiment ibbażat fuq l-assigurazzjoni, waqt li jitqiesu, b'mod partikolari:
—
|
is-sitwazzjoni finanzjarja tal-emittent; jew
|
—
|
l-adegwatezza tal-arranġamenti ta' rijassigurazzjoni dwar prodotti ta' investiment ibbażati fuq l-assigurazzjoni.
|
|
(l)
|
jekk l-assi sottostanti tal-prodott ta' investiment jew l-attivitajiet jew prassi finanzjarjii bbażati fuq l-assikugrazzjoni jippreżentawx riskju għoli għall-prestazzjoni tat-tranżazzjonijiet li jidħlu fihom il-parteċipanti jew l-investituri fis-suq rilevanti;
|
(m)
|
jekk il-karatteristiċi ta' prodott ta' investiment ibbażat fuq l-assigurazzjoni jagħmluhx suxxettibbli b'mod partikolari biex jintuża għall-fini ta' reati finanzjarji u, b'mod partikolari jekk dawk il-karatteristiċi jistgħux potenzjalment jinkoraġġixxu l-użu tal-istrument finanzjarju għal:
—
|
kwalunkwe frodi jew diżonestà;
|
—
|
kondotta ħażina jew użu ħażin tal-informazzjoni relatata ma' suq finanzjarju;
|
—
|
ipproċessar ta' rikavati mir-reati;
|
—
|
il-finanzjament tat-terroriżmu; jew
|
—
|
l-iffaċilitar tal-ħasil tal-flus;
|
|
(n)
|
jekk l-attività finanzjarja jew il-prattika finanzjarja tkunx ta' riskju partikolarment għoli għar-reżiljenza jew l-operat mingħajr xkiel tas-swieq;
|
(o)
|
jekk strument finanzjarju, attività jew prassi ibbażati fuq l-assigurazzjoni jistgħux iwasslu għal disparità sinifikanti u artifiċjali bejn il-prezzijiet ta' derivattiv u dawk fis-suq sottostanti;
|
(p)
|
jekk prodott ta' investiment, attvità jew prassi finanzjarja, ibbażati fuq l-asikurazzjoni ikunx ta' riskju għall-infrastruttura tas-sistemi tas-suq jew ta' pagament, inklużi s-sistemi ta' kummerċ, ta' kklerjar u ta' saldu;
|
(q)
|
jekk prodott ta' investiment, attività jew prassi finanzjarja, ibbażati fuq l-assigurazzjoni jkunx ta' theddida għall-fiduċja tal-investituri fis-sistema finanzjarjat; jew
|
(r)
|
jekk il-prodott ta' investiment, il-prassi jew l-attività finanzjarja, ibbażati fuq l-assigurazzjoni, ikunx ta' riskju għoli ta' tfixki għall-istituzzjonijiet finanzjarji meqjusin importanti għas-sistema finanzjarja tal-Istat Membru tal-awtorità kompetenti relevanti.
|
Artikolu 3
Dħul fis-seħħ
Dan ir-Regolament jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Japplika mill-31 ta' Diċembru 2016.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, l-14 ta' Lulju 2016.
Għall-Kummissjoni
Il-President
Jean-Claude JUNCKER
(1) ĠU L 352, 9.12.2014, p. 1
(2) Ir-Regolament (UE) Nru 1094/2010 tal-Parlament Ewropew u tal-Kunsill tal-24 ta' Novembru 2010 li jistabbilixxi Awtorità Superviżorja Ewropea (Awtorità Ewropea tal-Assigurazzjoni u l-Pensjonijiet tax-Xogħol), u li jemenda d-Deċiżjoni Nru 716/2009/KE u li jħassar id-Deċiżjoni tal-Kummissjoni 2009/79/KE (ĠU L 331, 15.12.2010, p. 48).
(3) Id-Direttiva 2014/65/UE tal-Parlament Ewropew u tal-Kunsill tal-15 ta' Mejju 2014 dwar is-swieq fl-istrumenti finanzjarji u li temenda d-Direttiva 2002/92/KE u d-Direttiva 2011/61/UE (ĠU L 173, 12.6.2014, p. 349).