9.9.2016   

MT

Il-Ġurnal Uffiċjali tal-Unjoni Ewropea

L 242/10

(1)

Is-settur tal-ħalib qed jiffaċċja sitwazzjoni ta' tfixkil fis-suq minħabba żbilanċ madwar id-dinja kollha bejn il-provvista u d-domanda, fejn l-estensjoni sa tmiem l-2017 tal-projbizzjoni Russa fuq l-importazzjoni ta' prodotti agrikoli u oġġetti tal-ikel li joriġinaw mill-Unjoni għandu rwol.

(2)

Id-domanda globali għall-ħalib u l-prodotti tal-ħalib żdiedet bi ftit fl-2015 u fl-ewwel xhur tal-2016, iżda b'rata ħafna anqas minn tal-produzzjoni.

(3)

Il-provvista tal-ħalib globali żdiedet b'mod ġenerali fl-2015, li flimkien mat-tkabbir tal-produzzjoni fl-Unjoni, fl-Istati Uniti u f'New Zealand tammonta għal madwar 4,5 miljun tunnellata, filwaqt li l-esportazzjonijiet totali mill-Unjoni u minn dawk iż-żewġ pajjiżi terzi f'ekwivalenti tal-ħalib naqsu b'madwar 200 000 tunnellata.

(4)

Fl-ewwel erba' xhur tal-2016, il-produzzjoni tal-ħalib fl-Unjoni, fl-Istati Uniti u f'New Zealand żdiedet b'madwar 3,6 miljun tunnellata, b'inqas minn 1 % ta' dan il-volum ikun assorbit minn esportazzjonijiet addizzjonali.

(5)

B'konsegwenza ta' dan, il-prezzijiet tal-ħalib fl-istat naturali tiegħu fl-Unjoni komplew jiddeterjoraw u l-pressjoni 'l isfel x'aktarx li se tkompli, sakemm tilħaq livelli insostenibbli għall-produtturi tal-ħalib. F'Mejju 2016, il-prezzijiet medji tal-ħalib mal-ħruġ mill-farm fl-Unjoni kienu 22 % taħt il-prezz medju f'Mejju tas-snin 2011 sa 2015.

(6)

B'mod parallel, kibru d-diverġenzi fil-prezzijiet tal-ħalib bejn l-Istati Membri. Il-bdiewa ż-żgħar huma partikolarment milquta, billi jpoġġu f'riskju n-nisġa soċjali tal-istess żoni rurali.

(7)

Setturi tal-bhejjem oħrajn, b'mod partikolari dawk tal-laħam tal-majjal, taċ-ċanga u l-vitella, u dawk tal-laħam tan-nagħaġ u tal-mogħoż, ukoll esperjenzaw diffikultajiet tas-suq. Fir-rigward tal-laħam tal-majjal dawk id-diffikultajiet huma prinċiparjament relatati mal-projbizzjoni Russa fuq l-importazzjoni l-aktar dawk marbuta mat-tifqigħa tad-deni Afrikan tal-ħnieżer f'ċerti Stati Membri, waqt li għas-settur tal-laħam taċ-ċanga u tal-vitella huma effetti sekondarji tat-tfixkil fis-suq tal-ħalib.

(8)

L-istrumenti ta' intervent fis-suq fil-forma ta' intervent pubbliku u ta' ħżin privat għall-butir u għat-trab tal-ħalib xkumat baqgħu disponibbli mingħajr interruzzjoni sa minn Settembru 2014. Dawk l-istrumenti taffew l-impatt tal-kriżi u ffissaw limitu minimu għat-tnaqqis kontinwu fil-prezzijiet tal-prodotti tal-ħalib, iżda l-iżbilanċ globali baqa' jippersisti.

(9)

Billi l-miżuri disponibbli skont ir-Regolament (UE) Nru 1308/2013 jidhru li huma insuffiċjenti u sabiex ikun hemm lqugħ għal sitwazzjoni fejn il-prezzijiet ikomplu jiddeterjoraw aktar u jiggravaw it-tfixkil fis-suq, huwa essenzjali li l-għajnuna ssir disponibbli lill-prodoutturi tal-ħalib u lill-bdiewa f'setturi tal-bhejjem oħrajn milquta mit-tfixkil fis-suq li dgħajjjef il-profittabbiltà u l-likwidità. L-Istati Membri għandhom jagħżlu wieħed mis-setturi kkonċernati, jew parti minnhom biex jappoġġaw lill-produtturi u lill-bdiewa li jbatu l-aktar minħabba t-tfixkil fis-suq.

(10)

Sabiex tittejjeb ir-reżiljenza tal-bdiewa, dik l-għajnuna għandha tkun limitata għal metodi agrikoli aktar sostenibbli. Għandha tingħata attenzjoni partikolari lil irziezet żgħar, li jiffurmaw is-sinsla tal-ekonomija rurali.

(11)

Biex tittaffa l-kriżi attwali, jixraq li l-Istati Membri jingħataw għotja finanzjarja ta' darba biss biex jappoġġaw lill-produtturi tal-ħalib u/jew lill-bdiewa f'setturi tal-bhejjem oħrajn involuti f'attivitajiet li jrawmu s-sostenibbiltà ekonomika u l-istabbilizzazzjoni tas-suq.

(12)

L-għotja finanzjarja disponibbli għal kull Stat Membru għandha tqis il-karatteristiċi ewlenin ta' kull settur inkluż il-produzzjoni, il-prezzijiet tas-suq u l-piż tal-bdiewa ż-żgħar.

(13)

L-Istati Membri għandhom ifasslu miżuri bbażati fuq waħda jew aktar minn dawn l-attivitajiet li jrawmu s-sostenibbiltà ekonomika u l-istabbilizzazzjoni tas-suq: l-iffriżar jew it-tnaqqis tal-produzzjoni, il-biedja fuq skala żgħira, il-produzzjoni estensiva, il-produzzjoni li ma tagħmilx ħsara lill-ambjent u lill-klima, il-kooperazzjoni bejn il-bdiewa, it-titjib tal-kwalità u l-valur miżjud, u t-taħriġ f'metodi ta' ġestjoni tajba.

(14)

Filwaqt li titqies is-sitwazzjoni partikolari tal-produtturi tal-ħalib u tal-bdiewa f'setturi tal-bhejjem oħrajn, li tvarja fl-Unjoni kollha, l-Istati Membri għandhom jagħżlu l-miżuri l-aktar adatti, b'mod partikolari f'termini tal-istabbilizzazzjoni tas-suq u tas-sostenibbiltà ekonomika, u għandhom jipprovdu deskrizzjoni tal-miżuri konkreti li għandhom jittieħdu.

(15)

Minħabba li l-għotja finanzjarja allokata lil kull Stat Membru se tikkumpensa biss parti limitata tat-telf reali mġarrab mill-bdiewa f'setturi tal-bhejjem oħrajn, l-Istati Membri għandhom ikunu jistgħu jagħtu appoġġ addizzjonali lil dawk il-bdiewa huma stess, bl-istess kundizzjonijiet ta' oġġettività, ta' nuqqas ta' diskriminazzjoni u ta' nuqqas ta' distorsjoni tal-kompetizzjoni.

(16)

L-għajnuna prevista f'dan ir-Regolament għandha tingħata bħala miżura ta' appoġġ tas-swieq agrikoli skont l-Artikolu 4(1)(a) tar-Regolament (UE) Nru 1306/2013.

(17)

Sabiex jingħataw il-flessibbiltà biex jiddistribwixxu l-għajnuna kif meħtieġ miċ-ċirkustanzi biex jilqgħu għad-diffikultajiet, l-Istati Membri għandhom ikunu jistgħu jakkumulaw din l-għajnuna ma' appoġġ ieħor iffinanzjat mill-Fond Agrikolu Ewropew ta' Garanzija u mill-Fond Agrikolu Ewropew għall-Iżvilupp Rurali.

(18)

Minħabba li l-għotja finanzjarja hija stabbilita f'euro, u sabiex tkun żgurata l-applikazzjoni uniformi u simultanja, jeħtieġ li tiġi ffissata data għall-konverżjoni fil-munita nazzjonali tagħhom tal-ammont allokat lill-Istati Membri li ma adottawx il-euro. Huwa għalhekk xieraq li jiġi determinat l-avveniment operattiv għar-rata tal-iskambju skont l-Artikolu 106 tar-Regolament (UE) Nru 1306/2013. Fid-dawl tal-prinċipju msemmi fil-paragrafu (2)(b) ta' dak l-Artikolu u fid-dawl tal-kriterji stabbiliti fil-paragrafu (5)(c) ta' dak l-Artikolu, id-data tal-avveniment operattiv għandha tkun id-data tad-dħul fis-seħħ ta' dan ir-Regolament.

(19)

Minħabba raġunijiet ta' baġit, l-Unjoni għandha tiffinanzja n-nefqa mġarrba mill-Istati Membri b'rabta mal-produtturi tal-ħalib u l-bdiewa biss f'setturi tal-bhejjem oħrajn fejn it-tali nefqa tkun saret sa ċerta skadenza.

(20)

Sabiex ikunu żgurati t-trasparenza u l-monitoraġġ u l-amministrazzjoni tajba tal-ammont li jsir disponibbli lilhom, l-Istati Membri għandhom jinfurmaw lill-Kummissjoni dwar il-miżuri konkreti li għandhom jittieħdu, il-kriterji oġġettivi użati, ir-raġuni għall-appoġġ favur setturi tal-bhejjem oħrajn minbarra tal-ħalib, il-miżuri meħuda sabiex tiġi evitata distorsjoni tas-suq, l-impatt mixtieq tal-miżuri u l-metodi biex jiġi ċċekkjat li dan jintlaħaq.

(21)

Sabiex ikun żgurat li l-bdiewa tal-ħalib jirċievu l-għajnuna malajr kemm jista' jkun, l-Istati Membri kkonċernati għandhom ikunu jistgħu jimplimentaw dan ir-Regolament minnufih. Għalhekk, dan ir-Regolament għandu jidħol fis-seħħ fil-jum wara dak tal-pubblikazzjoni tiegħu,

(a)

it-tnaqqis tal-produzzjoni li jissupera dak kopert bir-Regolament Delegat tal-Kummissjoni (UE) 2016/1612 (3) jew li ma jżidx il-produzzjoni;

(b)

il-biedja fuq skala żgħira;

(c)

l-applikazzjoni ta' metodi ta' produzzjoni estensivi;

(d)

l-applikazzjoni ta' metodi ta' produzzjoni li ma jagħmlux ħsara lill-ambjent u lill-klima;

(e)

l-implimentazzjoni ta' proġetti ta' kooperazzjoni;

(f)

l-implimentazzjoni ta' skemi jew proġetti ta' kwalità bil-mira li jippromwovu l-kwalità u l-valur miżjud;

(g)

it-taħriġ fi strumenti finanzjarji u għodod għall-ġestjoni tar-riskju.

(a)

mingħajr dewmien u mhux aktar tard mit-30 ta' Novembru 2016:

(b)

mhux iktar tard mill-15 ta' Ottubru 2017, l-ammonti totali tal-għajnuna mħallsa għal kull miżura, l-għadd u t-tip ta' benefiċjarji u l-evalwazzjoni tal-effettività ta' din il-miżura.