15.7.2016   

MT

Il-Ġurnal Uffiċjali tal-Unjoni Ewropea

L 191/1

(1)

Il-Konvenzjoni tan-Nazzjonijiet Uniti tal-10 ta' Diċembru 1982 dwar il-Liġi tal-Baħar (3), li fiha l-Unjoni hija parti kontraenti, tipprevedi obbligi ta' konservazzjoni, inkluż iż-żamma jew l-irkupru tal-popolazzjonijiet ta' speċijiet maqbuda f'livelli li jistgħu jipproduċu r-rendiment massimu sostenibbli (MSY).

(2)

Fis-Summit Dinji dwar l-Iżvilupp Sostenibbli li sar f'Johannesburg fl-2002, l-Unjoni u l-Istati Membri tagħha impenjaw ruħhom li jaġixxu kontra t-tnaqqis kontinwu ta' bosta stokkijiet ta' ħut. Għalhekk, huwa meħtieġ li jiġu adattati r-rati ta' sfruttar tal-bakkaljaw, l-aringi u l-laċċ ikħal fil-Baħar Baltiku sabiex jiġi żgurat li l-isfruttar ta' dawk l-istokkijiet jerġgħu jinġabu u jinżammu 'l fuq minn livelli li jistgħu jipproduċu l-MSY.

(3)

Il-politika komuni tas-sajd (PKS) għandha tikkontribwixxi għall-ħarsien tal-ambjent marittimu, għall-ġestjoni sostenibbli tal-ispeċijiet kollha sfruttati kummerċjalment, u b'mod partikolari għall-kisba ta' status ambjentali tajjeb sal-2020, kif stipulat fl-Artikolu 1(1) tad-Direttiva 2008/56/KE tal-Parlament Ewropew u tal-Kunsill (4).

(4)

Ir-Regolament (UE) Nru 1380/2013 tal-Parlament Ewropew u tal-Kunsill (5) jistabbilixxi r-regoli tal-PKS b'mod konformi mal-obbligi internazzjonali tal-Unjoni. L-objettivi tal-PKS huma, inter alia, li jkun żgurat li s-sajd u l-akkwakultura jkunu ambjentalment sostenibbli għat-terminu twil ta' żmien, li jiġi applikat l-approċċ ta' prekawzjoni għall-ġestjoni tas-sajd, u li jiġi implimentat approċċ ibbażat fuq l-ekosistema għall-ġestjoni tas-sajd.

(5)

Parir xjentifiku mill-Kunsill Internazzjonali għall-Esplorazzjoni tal-Baħar (“ICES”) u l-Kumitat Xjentifiku, Tekniku u Ekonomiku għas-Sajd (STECF) indika li l-isfruttament ta' xi wħud mill-istokkijiet tal-bakkaljaw, il-laċċ ikħal u l-aringi jaqbeż dak meħtieġ biex jinkiseb l-MSY.

(6)

Pjan ta' ġestjoni għall-istokkijiet tal-bakkaljaw ilu jopera mid-dħul fis-seħħ fl-2007 tar-Regolament tal-Kunsill (KE) Nru 1098/2007 (6) iżda l-istokkijiet tal-aringi u l-laċċ ikħal għadhom mhumiex soġġetti għal pjanijiet simili. Peress li jeżistu interazzjonijiet bijoloġiċi qawwijin bejn l-istokkijiet tal-bakkaljaw u dawk pelaġiċi, id-daqs tal-istokk tal-bakkaljaw jista' jaffettwa dak tal-istokkijiet tal-aringi u tal-laċċ ikħal u viċi versa. Barra minn hekk, l-Istati Membri u l-partijiet interessati esprimew appoġġ għall-iżvilupp u l-implimentazzjoni ta' pjanijiet ta' ġestjoni għall-istokkijiet ewlenin tal-Baltiku.

(7)

Il-pjan pluriennali stabbilit permezz ta' dan ir-Regolament (“il-pjan”), skont l-Artikoli 9 u 10 tar-Regolament (UE) Nru 1380/2013, għandu jkun ibbażat fuq parir xjentifiku, tekniku u ekonomiku u jkun fih objettivi, miri kwantifikabbli bi skadenzi ċari, punti ta' referenza għall-konservazzjoni u miżuri ta' salvagwardja.

(8)

Huwa xieraq li jiġi stabbilit pjan tas-sajd għal diversi speċijiet li jqis id-dinamiki bejn l-istokkijiet tal-bakkaljaw, l-aringi u l-laċċ ikħal, u li jikkunsidra wkoll l-ispeċijiet tal-qabdiet inċidentali tas-sajd għal dawk l-istokkijiet, jiġifieri l-istokkijiet tal-Baltiku tal-barbun tat-tbajja', tal-barbun, tal-barbun imperjali u tal-barbun lixx.

(9)

L-għan tal-pjan għandu jkun li jikkontribwixxi għall-ksib tal-objettivi tal-PKS, speċjalment il-ksib u ż-żamma tal-MSY għall-istokkijiet ikkonċernati.

(10)

Barra minn hekk, minħabba li l-Artikolu 15 tar-Regolament (UE) Nru 1380/2013 daħħal obbligu tal-iżbark, inkluż għall-qabdiet kollha tal-ispeċijiet, li huma soġġetti għal-limiti tal-qbid, il-pjan għandu wkoll jikkontribwixxi għall-implimentazzjoni tal-obbligu tal-iżbark għall-bakkaljaw, l-aringi, il-laċċ ikħal u l-barbun tat-tbajja'.

(11)

B'konformità mal-approċċ ibbażat fuq l-ekosistema u b'żieda mad-deskrittur relatat mas-sajd tad-Direttiva 2008/56/KE, id-deskritturi 1, 4 u 6 huma relevanti għall-ġestjoni tas-sajd.

(12)

L-Artikolu 16(4) tar-Regolament (UE) Nru 1380/2013 jitlob li l-opportunitajiet tas-sajd jiġu ffissati skont il-miri stabbiliti fil-pjanijiet pluriennali.

(13)

Huwa xieraq li tiġi stabbilita l-mortalità mis-sajd fil-mira (F) li tikkorrispondi għall-objettiv li jintlaħaq u jinżamm l-MSY bħala meded ta' valuri li huma konsistenti mal-kisba tar-rendiment massimu sostenibbli (FMSY). Dawk il-meded, ibbażati fuq parir xjentifiku, huma meħtieġa sabiex jipprovdu flessibilità biex jieħdu kont tal-iżviluppi fil-parir xjentifiku, biex jikkontribwixxu għall-implimentazzjoni tal-obbligu ta' żbark u biex jieħdu kont tal-karatteristiċi tas-sajd imħallat. Il-meded FMSY ġew ikkalkulati mill-ICES abbażi ta' numru ta' kunsiderazzjonijiet. Il-meded huma derivati sabiex jagħtu mhux iktar minn tnaqqis ta' 5 % fir-rendiment fit-tul meta mqabbel mal-MSY. Il-limitu superjuri tal-medda hija limitata, sabiex il-probabilità li l-istokk jaqa' taħt il-limitu tal-punt ta' referenza tal-bijomassa riproduttiva tal-istokk (Blim) ma tkunx aktar minn 5 %. Dak il-limitu superjuri jikkonforma wkoll mal-hekk imsejħa regola rakkomandata tal-ICES, li tindika li meta l-bijomassa riproduttiva tal-istokk tkun inqas mil-livell minimu tal-punt ta' referenza tal-bijomassa riproduttiva tal-istokk (MSY Btrigger), F għandu jitnaqqas għal valur li ma jaqbiżx limitu massimu ugwali għall-valur tal-punt FMSY immultiplikat bil-bijomassa riproduttiva tal-istokk fis-sena tat-TAC, diviż bl-MSY Btrigger. L-ICES juża dawk il-kunsiderazzjonijiet u r-regola rakkomandata meta jipprovdi pariri xjentifiċi dwar il-mortalità mis-sajd u l-għażliet ta' qbid.

(14)

Għall-finijiet tal-iffissar tal-opportunitajiet tas-sajd, għandu jkun hemm limitu massimu superjuri għall-meded tal-FMSY fl-użu normali u, sakemm l-istokk ikkonċernat jitqies li jkun fi stat tajjeb ('il fuq mill-MSY Btrigger), limitu superjuri għal ċerti każijiet. Għandu jkun possibbli biss li jiġu ffissati opportunitajiet tas-sajd sal-limitu massimu jekk, abbażi ta' parir xjentifiku jew ta' evidenza xjentifika, ikun meħtieġ għall-ksib tal-objettivi stabbiliti f' dan ir-Regolament fis-sajd imħallat, jew meħtieġ sabiex jiġi evitat id-dannu lil stokk ikkawżat minn dinamiċi fl-istokkijiet ta' speċijiet imħalltin bejniethom u ma' speċijiet oħra, jew sabiex jiġu llimitati l-varjazzjonijiet minn sena għal oħra fl-opportunitajiet tas-sajd. Għall-fini tal-applikazzjoni tal-limitu superjuri, jeħtieġ li jitfakkru l-objettivi stipulati fir-Regolament (UE) Nru 1380/2013 li r-rata ta' sfruttament tal-MSY għandha tintlaħaq fi kwalunkwe każ sal-2020.

(15)

Għal stokkijiet li għalihom huma disponibbli, u għall-fini tal-applikazzjoni ta' miżuri ta' salvagwardja, huwa meħtieġ li jiġu stabbiliti punti ta' referenza għall-konservazzjoni espressi bħala MSY Btrigger u Blim. Għandhom jiġu previsti miżuri xierqa ta' salvagwardja fil-każ li d-daqs tal-istokk jaqa' taħt tali livelli kritiċi tal-bijomassa riproduttiva tal-istokk.

(16)

Il-miżuri ta' salvagwardja għandhom jinkludu t-tnaqqis tal-opportunitajiet tas-sajd u miżuri speċifiċi ta' konservazzjoni meta l-parir xjentifiku jindika li xi stokk ikun mhedded. Dawk il-miżuri għandhom jiġu ssupplimentati bil-miżuri xierqa l-oħra kollha.

(17)

Għall-istokkijiet li għalihom il-punti ta' referenza ma jkunux disponibbli, għandu japplika l-approċċ prekawzjonarju.

(18)

Meta l-Kummissjoni tissottometti proposta għall-emenda tal-Annessi għal dan ir-Regolament, huwa importanti għall-Parlament Ewropew u l-Kunsill li jistinkaw biex jiżguraw l-adozzjoni rapida tagħhom.

(19)

Fil-każ ta' stokkijiet meħuda bħala qabdiet inċidentali, fin-nuqqas ta' parir xjentifiku dwar il-livelli ta' bijomassa minima ta' riproduzzjoni tat-tali stokkijiet, għandhom jiġu adottati miżuri ta' konservazzjoni speċifiċi meta parir xjentifiku jindika li miżuri ta' rimedju huma meħtieġa.

(20)

Sabiex jiġi implimentat l-obbligu tal-iżbark stabbilit bl-Artikolu 15(1) tar-Regolament (UE) Nru 1380/2013, il-pjan għandu jipprevedi miżuri addizzjonali ta' ġestjoni. Tali miżuri għandhom jiġu stabbiliti permezz ta' atti delegati.

(21)

Il-pjan għandu jipprevedi wkoll ċerti miżuri tekniċi ta' akkumpanjament biex jiġu adottati, permezz ta' atti delegati, sabiex jikkontribwixxu għall-kisba tal-objettivi tal-pjan, b'mod partikolari fir-rigward tal-protezzjoni ta' ħut riproduttiv u ħut żgħir jew biex titjieb is-selettività.

(22)

Sabiex ikun hemm adattament għall-progress tekniku u xjentifiku fil-ħin u b'mod proporzjonat u sabiex tiġi żgurata l-flessibilità u tiġi permessal-evoluzzjoni ta' ċerti miżuri, is-setgħa ta' adozzjoni tal-atti skont l-Artikolu 290 tat-Trattat dwar il-Funzjonament tal-Unjoni Ewropea għandha tiġi ddelegata lill-Kummissjoni fir-rigward tas-supplimentar ta' dan ir-Regolament fir-rigward ta' miżuri ta' rimedju li jikkonċernaw il-barbun tat-tbajja', il-barbun, il-barbun imperjali u l-barbun lixx, l-implimentazzjoni tal-obbligu tal-iżbark u l-miżuri tekniċi. Huwa partikolarment importanti li l-Kummissjoni twettaq konsultazzjonijiet xierqa matul ix-xogħol tagħha ta' tħejjija, anke fil-livell tal-esperti, u li dawk il-konsultazzjonijiet jiġu mwettqa f'konformità mal-prinċipji stipulati fil-Ftehim Interistituzzjonali tat-13 ta' April 2016 dwar it-Tfassil Aħjar tal-Liġijiet (7). B'mod partikolari, biex tiġi żgurata l-parteċipazzjoni ugwali fit-tħejjija ta' atti delegati, il-Parlament Ewropew u l-Kunsill jirċievu d-dokumenti kollha fl-istess ħin li jirċevuhom l-esperti tal-Istati Membri, u l-esperti tagħhom ikollhom aċċess sistematiku għall-laqgħat tal-gruppi tal-esperti tal-Kummissjoni li jittrattaw it-tħejjija ta' atti ddelegati.

(23)

Għandha tiġi stabbilita l-iskadenza għas-sottomissjoni ta' dawn ir-rakkomandazzjonijiet konġunti mill-Istati Membri kkonċernati, kif meħtieġ skont ir-Regolament (UE) Nru 1380/2013.

(24)

Bil-għan li tiġi żgurata konformità mal-miżuri stabbiliti f'dan ir-Regolament, għandhom jiġu adottati miżuri speċifiċi ta' kontroll biex jikkumplimentaw dawk previsti fir-Regolament tal-Kunsill (KE) Nru 1224/2009 (8).

(25)

Filwaqt li jiġi rikonoxxut li l-Baħar Baltiku huwa żona tas-sajd relattivament żgħira fejn bastimenti prinċipalment żgħar iwettqu vjaġġi qosra tas-sajd, l-użu ta' notifika minn qabel, kif meħtieġ taħt l-Artikolu 17 tar-Regolament (KE) Nru 1224/2009, għandu jiġi estiż biex ikopri l-bastimenti tas-sajd kollha ta' tul totali ta' tmien metri jew aktar, u n-notifiki minn qabel għandhom jiġu sottomessi tal-inqas siegħa qabel il-ħin stmat tal-wasla fil-port. Madankollu, meta jitqies l-effett limitat ta' vjaġġi tas-sajd li jinvolvu kwantitajiet żgħar ħafna ta' ħut fuq l-istokkijiet ikkonċernati u l-piż amministrattiv ta' notifiki minn qabel relatati ma' tali vjaġġi tas-sajd, huwa xieraq li jiġi stabbilit livell għal tali notifiki minn qabel, meta dawk il-bastimenti jżommu abbord mill-inqas 300 kg ta' bakkaljaw jew żewġ tunnellati ta' speċijiet pelaġiċi.

(26)

Bl-istess mod, l-użu ta' ġurnali ta' abbord tas-sajd kif meħtieġ taħt l-Artikolu 14 tar-Regolament (KE) Nru 1224/2009, għandu jiġi estiż għall-bastimenti tas-sajd ta' tul totali ta' tmien metri jew aktar.

(27)

Huwa wkoll xieraq, fir-rigward ta' bastimenti li jiżbarkaw il-qabdiet tagħhom mħallta, li l-marġni ta' tolleranza fl-istimi rreġistrati fil-ġurnal ta' abbord tas-sajd tal-kwantitajiet miżmuma abbord jiġi adattat.

(28)

Għandhom jiġu stabbiliti limiti għall-qabdiet tal-bakkaljaw, l-aringi u l-laċċ ikħal, li bastiment tas-sajd hu meħtieġ li jiżbarka f'port speċifikat jew f'post viċin il-kosta, skont l-Artikolu 43 tar-Regolament (KE) Nru 1224/2009. Barra minn hekk, meta jagħżlu dawk il-portijiet jew postijiet qrib ix-xatt, l-Istati Membri għandhom japplikaw il-kriterji previsti fl-Artikolu 43(5) ta' dak ir-Regolament b'tali mod li jiġi żgurat kontroll effettiv l-iżbark tal-istokkijiet li għalihom japplika dan ir-Regolament.

(29)

Skont l-Artikolu 10(3) tar-Regolament (UE) Nru 1380/2013, għandhom jiġu stabbiliti dispożizzjonijiet għall-valutazzjoni perjodika mill-Kummissjoni tal-adegwatezza u l-effettività tal-pjan. Tali valutazzjoni għandha ssegwi u tkun ibbażata fuq evalwazzjoni komparattiva tal-istokkijiet ikkonċernati mwettqa mill-ICES.

(30)

Sabiex tingħata ċertezza legali, huwa xieraq li jiġi ċċarat li l-miżuri ta' waqfien temporanju li ġew adottati sabiex jinkisbu l-objettivi tal-pjan jistgħu jitqiesu bħala eliġibbli għal appoġġ skont ir-Regolament (UE) Nru 508/2014 tal-Parlament Ewropew u tal-Kunsill (9).

(31)

Fid-dawl tal-miżuri adottati minn dan ir-Regolament, ir-Regolament tal-Kunsill (KE) Nru 2187/2005 (10) għandu jiġi emendat. Huwa meħtieġ li jinżammu r-restrizzjonijiet fuq iż-żoni tas-sajd stabbiliti mir-Regolament (KE) Nru 1098/2007 sabiex jiġi protett il-ħut riproduttiv u l-ħut żgħir. Huwa wkoll meħtieġ li tiġi ċċarata r-relazzjoni bejn il-pjan u r-Regolament (KE) Nru 2187/2005 fir-rigward ta' miżuri tekniċi u li jiġu stabbiliti proċeduri xierqa għall-adozzjoni ta' miżuri tekniċi fil-kuntest tal-pjanijiet pluriennali. Barra minn hekk, ir-regoli speċifiċi dwar rkaptu li jinżamm abbord minn bastimenti li jistadu għall-bakkaljaw għandhom jitħassru.

(32)

Ir-Regolament (KE) Nru 1098/2007 għandu jiġi revokat.

(33)

L-applikazzjoni tar-Regolament ta' Delega tal-Kummissjoni (UE) Nru 1396/2014 (11) ma tiġix affettwata bħala riżultat tal-adozzjoni tal-pjan,

(a)

bakkaljaw (Gadus morhua) fis-Suddiviżjonijiet tal-ICES 22-24 (bakkaljaw tal-Baltiku tal-Punent);

(b)

bakkaljaw(Gadus morhua) fis-Suddiviżjonijiet tal-ICE 25-32 (bakkaljaw tal-Baltiku tal-Lvant);

(c)

aringi (Clupea harengus) fis-Suddiviżjonijiet tal-ICES 25, 26, 27, 28.2, 29 u 32 (aringi tal-Baltiku Ċentrali);

(d)

aringi (Clupea harengus) fis-Suddiviżjoni tal-ICES 28.1 (aringi tal-Golf ta' Riga);

(e)

aringi (Clupea harengus) fis-Suddiviżjoni tal-ICES 30 (aringi tal-Baħar tal-Botnija);

(f)

aringi (Clupea harengus) fis-Suddiviżjoni tal-ICES 31 (aringi tal-Bajja tal-Botnija);

(g)

aringi (Clupea harengus) fis-Suddiviżjonijiet tal-ICES 22-24 (aringi tal-Baltiku tal-Punent);

(h)

laċċ ikħal (Sprattus sprattus) fis-Suddiviżjonijiet tal-ICES 22-32 (Laċċa kaħla tal-Baltiku).

(1)

“stokkijiet pelaġiċi” tfisser l-istokkijiet elenkati fil-punti (c) sa (h) tal-Artikolu 1(1) ta' dan ir-Regolament u kwalunkwe kombinament tagħhom;

(2)

“medda tal-FMSY” tfisser medda tal-valuri fejn il-livelli kollha ta' mortalità mis-sajd fil-limiti xjentifikament indikati ta' dik il-medda, f'sitwazzjonijiet ta' sajd imħallat u bi qbil mal-parir xjentifiku, jirriżultaw f'rendimenti massimi sostenibbli (MSY) fuq medda twila ta' żmien bil-kundizzjonijiet ambjentali eżistenti medji mingħajr ma jiġi affettwat b'mod sinifikanti l-proċess ta' riproduzzjoni għall-istokkijiet ikkonċernati;

(3)

“MSY Flower” u “MSY Fupper” ifissru l-aktar valur baxx u l-ogħla valur fil-medda tal-FMSY, rispettivament;

(4)

“MSY Btrigger” tfisser il-punt ta' referenza tal-bijomassa riproduttiva tal-istokk li taħtu għandha tittieħed azzjoni speċifika u xierqa ta' ġestjoni sabiex ikun żgurat li r-rati ta' sfruttar flimkien mal-varjazzjonijiet naturali jerġgħu jibnu l-istokkijiet 'il fuq mil-livelli li jistgħu jipproduċu MSY fuq medda twila ta' żmien.

(5)

“l-Istati Membri kkonċernati” tfisser l-Istati Membri li jkollhom interess ta' ġestjoni diretta, jiġifieri: id-Danimarka, il-Ġermanja, l-Estonja, il-Latvja, il-Litwanja, il-Polonja, il-Finlandja u l-Iżvezja.

(a)

jiżgura li l-kundizzjonijiet deskritti fid-deskrittur 3 inkluż fl-Anness I tad-Direttiva 2008/56/KE jiġu ssodisfati; u

(b)

jikkontribwixxi għat-twettiq ta' deskritturi oħra relevanti inklużi fl-Anness I ta' dik id-Direttiva bi proporzjon mar-rwol tas-sajd fl-issodisfar tagħhom.

(a)

jekk, abbażi ta' parir xjentifiku jew ta' evidenza, ikun meħtieġ għall-ksib tal-objettivi stabbiliti fl-Artikolu 3 fil-każ ta' sajd imħallat;

(b)

jekk, abbażi ta' parir xjentifiku jew ta' evidenza, ikun meħtieġ biex jiġi evitat dannu serju lil stokk ikkawżat minn dinamiċi fl-istokkijiet ta' speċijiet imħalltin bejniethom u ma' speċijiet oħra; jew

(c)

sabiex jiġu llimitati l-varjazzjonijiet fl-opportunitajiet tas-sajd bejn snin konsekuttivi għal mhux aktar minn 20 %.

(a)

miżuri tal-Kummissjoni f'każ ta' theddida serja għar-riżorsi bijoloġiċi tal-baħar f'konformità mal-Artikolu 12 tar-Regolament (UE) Nru 1380/2013,

(b)

miżuri ta' emerġenza tal-Istati Membri f'konformità mal-Artikolu 13 tar-Regolament (UE) Nru 1380/2013,

(c)

miżuri skont l-Artikoli 7 u 8 ta' dan ir-Regolament.

(a)

il-karatteristiċi tal-irkaptu tas-sajd, b'mod partikolari d-daqs tax-xibka, id-daqs tas-sunnara, il-bini tal-irkaptu, il-ħxuna tal-ispag, id-daqs tal-irkaptu jew l-użu ta' tagħmir ta' selettività, sabiex tkun żgurata jew titjieb is-selettività;

(b)

l-użu tal-irkaptu tas-sajd, b'mod partikolari l-ħin ta' immersjoni u l-fond tal-irkaptu użat sabiex tkun żgurata jew titjieb is-selettività;

(c)

projbizzjoni jew limitazzjoni fuq is-sajd f'żoni speċifiċi sabiex jiġi protett il-ħut riproduttiv jew ħut żgħir jew il-ħut taħt id-daqs minimu ta' referenza għall-konservazzjoni jew l-ispeċijiet ta' ħut mhux fil-mira;

(d)

projbizzjoni jew limitazzjoni fuq is-sajd jew l-użu ta' ċerti tipi ta' rkaptu tas-sajd matul perjodi ta' żmien speċifiċi, sabiex jiġi protett il-ħut riproduttiv jew ħut taħt id-daqs minimu ta' referenza għall-konservazzjoni tal-ħut jew speċijiet ta' ħut mhux fil-mira;

(e)

daqsijiet minimi ta' referenza għall-konservazzjoni, sabiex tkun żgurata l-protezzjoni ta' ħut żgħir tal-organiżmi tal-baħar;

(f)

karatteristiċi oħra marbuta mas-selettività.

(a)

eżenzjonijiet mill-applikazzjoni tal-obbligu tal-iżbark għal speċijiet li l-evidenza xjentifika għalihom turi rati għolja ta' sopravivenza, b'kunsiderazzjoni tal-karatteristiċi tal-irkaptu, tal-prattiki tas-sajd u tal-ekosistema, sabiex tiġi ffaċilitata l-implimentazzjoni tal-obbligu tal-iżbark;

(b)

eżenzjonijiet de minimis imsemmijin sabiex tiġi ffaċilitata l-implimentazzjoni tal-obbligu tal-iżbark; tali eżenzjonijiet de minimis jiġu previsti għall-każijiet imsemmija, u għandhom ikunu f'konformità mal-kundizzjonijiet stipulati fil-punt (c) tal-Artikolu 15(5) tar-Regolament (UE) Nru 1380/2013.

(c)

dispożizzjonijiet speċifiċi dwar id-dokumentazzjoni tal-qabdiet, b'mod partikolari għall-fini ta' monitoraġġ tal-implimentazzjoni tal-obbligu tal-iżbark; u

(d)

l-iffissar ta' daqsijiet minimi ta' referenza għall-konservazzjoni, sabiex tkun żgurata l-protezzjoni tal-ħut żgħir tal-organiżmi tal-baħar.

(a)

speċifikazzjonijiet ta' karatteristiċi ta' rkapti tas-sajd u r-regoli għall-użu tagħhom biex tiġi żgurata jew titjieb is-selettività, jitnaqqsu l-qabdiet mhux mixtieqa jew jiġi minimizzat l-impatt negattiv fuq l-ekosistema;

(b)

speċifikazzjonijiet ta' modifiki jew apparat addizzjonali mal-irkapti tas-sajd biex tiġi żgurata jew titjieb is-selettività, jitnaqqsu l-qabdiet mhux mixtieqa jew jiġi minimizzat l-impatt negattiv fuq l-ekosistema;

(c)

limitazzjonijiet jew projbizzjonijiet fuq l-użu ta' ċerti rkapti tas-sajd u dwar l-attivitajiet tas-sajd, f'ċerti żoni jew perjodi sabiex jiġi protett il-ħut riproduttiv, il-ħut taħt id-daqs minimu ta' referenza għall-konservazzjoni jew l-ispeċijiet tal-ħut mhux fil-mira, jew sabiex jiġi minimizzat l-impatt negattiv fuq l-ekosistema; u

(d)

l-iffissar ta' daqsijiet minimi ta' referenza għall-konservazzjoni għal kwalunkwe mill-istokkijiet li għalihom japplika dan ir-Regolament, sabiex tiġi żgurata l-protezzjoni tal-ħut żgħir tal-organiżmi tal-baħar.

(a)

750 kilogramma bakkaljaw;

(b)

5 tunnellati stokkijiet pelaġiċi.

(1)

L-Artikolu 13(3) jitħassar;

(2)

Jiddaħħal l-artikolu li ġej:

“Artikolu 16a

Restrizzjoni għas-sajd skont iż-żona

1.   Huwa projbit li titwettaq kwalunkwe attività tas-sajd mill-1 ta' Mejju sal-31 ta' Ottubru fiż-żoni magħluqin bit-tgħaqqid f'sekwenza b'linji ta' rombu tal-pożizzjonijiet li ġejjin, li jitkejlu f'konformità mas-sistema tal-koordinati WGS84:

2.   B'deroga mill-paragrafu 1, is-sajd b'għeżul mitfugħa fil-qiegħ, xbieki tat-tħabbil u pariti ta' malji b'daqs ekwivalenti għal 157 mm jew aktar jew bil-lanez tal-mitlaq huwa permess. L-ebda rkaptu ieħor ma jinżamm abbord.”;

(3)

Jiddaħħal l-Artikolu li ġej:

“Artikolu 28aa

Proċedura għall-adozzjoni ta' miżuri tekniċi fil-kuntest ta' pjanijiet pluriennali

Il-Kummissjoni għandha s-setgħa, għall-finijiet tal-adozzjoni tal-atti msemmija fl-Artikolu 8(1) tar-Regolament (UE) 2016/1139 tal-Parlament Ewropew u tal-Kunsill (*) u għat-tul ta' żmien tiegħu, li tadotta miżuri tekniċi. Tali miżuri tekniċi għandhom jiġu stabbiliti permezz ta' atti delegati adottati f'konformità mal-Artikolu 28b ta' dan ir-Regolament u l-Artikolu 18 tar-Regolament (UE) Nru 1380/2013, u jistgħu, meta jkun xieraq, jidderogaw minn dawn li ġejjin:

(*)  Regolament (UE) 2016/1139 tal-Parlament Ewropew u tal-Kunsill tas-6 ta' Lulju 2016 li jistabbilixxi pjan pluriennali għall-istokkijiet tal-merluzz, l-aringi u l-laċċ ikħal fil-Baħar Baltiku u s-sajd li jisfrutta dawk l-istokkijiet, li jemenda r-Regolament tal-Kunsill (KE) Nru 2187/2005 u li jirrevoka r-Regolament tal-Kunsill (KE) Nru 1098/2007 (ĠU L 191, 15.7.2016, p. 1).”;"

(4)

Fl-Artikolu 28b(2), (3) u (5), il-kliem “Artikoli 14a u 28a” jiġu sostitwiti bil-kliem “Artikoli 14a, 28a u 28aa”.