31.7.2015 |
MT |
Il-Ġurnal Uffiċjali tal-Unjoni Ewropea |
L 203/29 |
DEĊIŻJONI TA' IMPLIMENTAZZJONI TAL-KUMMISSJONI (UE) 2015/1320
tat-30 ta' Lulju 2015
dwar l-irtirar tar-referenzi tal-istandards dwar ħowlders tal-gażażi, gażażi, għajnuniet għaż-żamma f'wiċċ l-ilma għat-tagħlim tal-għawm u fuq barbikjus mill-Ġurnal Uffiċjali tal-Unjoni Ewropea skont id-Direttiva 2001/95/KE tal-Parlament Ewropew u tal-Kunsill
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva 2001/95/KE tal-Parlament Ewropew u tal-Kunsill tat-3 ta' Diċembru 2001 dwar is-sigurtà ġenerali tal-prodotti (1), u b'mod partikolari t-tielet u r-raba' subparagrafi tal-Artikolu 4(2) tagħha,
Wara konsultazzjoni mal-kumitat stabbilit skont l-Artikolu 22 tar-Regolament (UE) Nru 1025/2012 tal-Parlament Ewropew u tal-Kunsill tal-25 ta' Ottubru 2012 dwar l-Istandardizzazzjoni Ewropea, li jemenda d-Direttivi tal-Kunsill 89/686/KEE u 93/15/KEE u d-Direttivi 94/9/KE, 94/25/KE, 95/16/KE, 97/23/KE, 98/34/KE, 2004/22/KE, 2007/23/KE, 2009/23/KE u 2009/105/KE tal-Parlament Ewropew u tal-Kunsill u li jħassar id-Deċiżjoni tal-Kunsill 87/95/KEE u d-Deċiżjoni Nru 1673/2006/KE tal-Parlament Ewropew u tal-Kunsill (2),
Billi:
(1) |
L-Artikolu 3(1) tad-Direttiva 2001/95/KE jeħtieġ li l-produtturi jqiegħdu biss prodotti sikuri fis-suq. |
(2) |
Skont it-tieni subparagrafu tal-Artikolu 3(2) tad-Direttiva 2001/95/KE, prodott għandu jitqies bħala sikur, safejn għandhom x'jaqsmu r-riskji u l-kategoriji tar-riskji koperti bl-istandards nazzjonali rilevanti, meta jkun konformi mal-istandards nazzjonali volontarji li jittrasponu l-istandards Ewropej, li r-referenzi tagħhom ikunu ġew ippubblikati mill-Kummissjoni f'Il-Ġurnal Uffiċjali tal-Unjoni Ewropea, skont l-Artikolu 4 ta' dik id-Direttiva. |
(3) |
Skont id-Deċiżjoni tal-Kummissjoni C(2004)1493 (3), il-Kummissjoni ppubblikat fis-serje C ta' Il-Ġurnal Uffiċjali tal-Unjoni Ewropea ir-referenzi tal-istandards EN 12586:1999 u EN 12586:1999/AC:2002 dwar ħowlder tal-gażażi u EN 1400:2002 (partijiet 1, 2 u 3) fuq il-gażażi. |
(4) |
Skont id-Deċiżjoni tal-Kummissjoni 2005/718/KE (4), il-Kummissjoni ppubblikat fis-serje C ta' Il-Ġurnal Uffiċjali tal-Unjoni Ewropea, ir-referenzi tal-istandards EN 13138-2:2002 dwar għajnuniet għaż-żamma f'wiċċ l-ilma għat-tagħlim tal-għawm u EN 1860-1:2003 fuq barbikjus. |
(5) |
Il-Kumitat Ewropew għall-Istandardizzazzjoni rtira l-istandards EN 12586:1999, EN 12586:1999/AC:2002, EN 1400:2002 (partijiet 1, 2 u 3), EN 13138-2:2002 u EN 1860-1:2003. Dawn l-istandards li ma għadhomx jeżistu ma jiżgurawx konformità mal-ħtieġa ġenerali tas-sigurtà. |
(6) |
Għalhekk, ir-referenzi għal dawn l-istandards għandhom jiġu rtirati minn Il-Ġurnal Uffiċjali tal-Unjoni Ewropea. |
(7) |
Il-miżuri stipulati f'din id-Deċiżjoni huma skont l-opinjoni tal-kumitat stabbilit mid-Direttiva 2001/95/KE, |
ADOTTAT DIN ID-DEĊIŻJONI:
Artikolu 1
Ir-referenzi għall-istandards li jmiss għandhom jiġu rtirati minn Il-Ġurnal Uffiċjali tal-Unjoni Ewropea:
(a) |
EN 12586:1999 u EN 12586:1999/AC:2002 “Oġġetti għall-użu u kura tat-tfal — Ħowlder tal-gażażi — Rekwiżiti u metodi ta' sigurtà”; |
(b) |
EN 1400-1:2002: “Oġġetti għall-użu u kura tat-tfal — Gażażi għat-trabi u t-tfal iż-żgħar — Parti 1: Rekwiżiti ta' sigurtà ġenerali u informazzjoni dwar il-prodott”; |
(c) |
EN 1400-2:2002: “Oġġetti għall-użu u kura tat-tfal — Gażażi għat-trabi u t-tfal iż-żgħar — Parti 2: Rekwiżiti u testijiet mekkaniċi”; |
(d) |
EN 1400-3:2002: “Oġġetti għall-użu u kura tat-tfal — Gażażi għat-trabi u t-tfal iż-żgħar — Parti 3: Rekwiżiti u testijiet kimiċi”; |
(e) |
EN 13138-2:2002 “Għajnuniet li jżommu fil-wiċċ għat-tagħlim tal-għawm — Parti 2: Rekwiżiti ta' sigurtà u metodi ta' ttestjar biex jinżammu l-għajnuniet li jżommu fil-wiċċ”; |
(f) |
EN 1860-1:2003 “Apparati, fjuwils solidi u lajters tan-nar għall-barbikjus — Parti 1: Barbikjus li jużaw fjuwils solidi — Rekwiżiti u metodi ta' ttestjar”. |
Artikolu 2
Din id-Deċiżjoni tidħol fis-seħħ fl-għoxrin jum wara l-pubblikazzjoni tagħha f'Il-Ġurnal Uffiċjali tal-Unjoni Ewropea.
Magħmul fi Brussell, it-30 ta' Lulju 2015.
Għall-Kummissjoni
Il-President
Jean-Claude JUNCKER
(2) ĠU L 316, 14.11.2012, p. 12.
(3) Id-Deċiżjoni tal-Kummissjoni C(2004)1493 tat-23 ta' April 2004 dwar il-konformità ta' ċerti standards mal-kriterju ġenerali ta' sigurtà tad-Direttiva 2001/95/KE u l-pubblikazzjoni tar-referenzi tagħhom fil-Ġurnal Uffiċjali.
(4) Id-Deċiżjoni tal-Kummissjoni 2005/718/KE tat-13 ta' Ottubru 2005 dwar il-konformità ta' ċerti standards mal-kriterju ġenerali ta' sigurtà tad-Direttiva 2001/95/KE tal-Parlament Ewropew u tal-Kunsill u l-pubblikazzjoni tar-referenzi tagħhom fil-Ġurnal Uffiċjali (ĠU L 271, 15.10.2005, p. 51).