|
28.2.2015 |
MT |
Il-Ġurnal Uffiċjali tal-Unjoni Ewropea |
L 57/15 |
DEĊIŻJONI TA' IMPLIMENTAZZJONI TAL-KUMMISSJONI (UE) 2015/321
tas-26 ta' Frar 2015
li temenda d-Deċiżjoni 2008/989/KE li tawtorizza lill-Istati Membri, skont id-Direttiva tal-Kunsill 1999/105/KE, biex jieħdu deċiżjonijiet dwar l-ekwivalenza tal-garanziji mogħtija permezz tal-materjal riproduttiv għall-foresti li għandu jiġi importat minn ċerti pajjiżi terzi
(notifikata bid-dokument C(2015) 1045)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat id-Direttiva tal-Kunsill 1999/105/KE tat-22 ta' Diċembru 1999 dwar il-marketing ta' materjali riproduttivi tal-foresti (1), u partikolarment l-Artikolu 19(3) tagħha,
Billi:
|
(1) |
Id-Deċiżjoni tal-Kunsill 2008/971/KE (2) tat l-ekwivalenza lil ċerta pajjiżi terzi rigward is-sistemi għall-approvazzjoni u r-reġistrazzjoni ta' materjal bażiku u l-produzzjoni sussegwenti tal-materjal riproduttiv minn dak il-materjal bażiku. Għal ċerta pajjiżi terzi oħra l-informazzjoni disponibbli fuq il-livell tal-Unjoni ma kinitx biżżejjed biex tinkludi dawk il-pajjiżi terzi f'dik id-Deċiżjoni. Għalhekk, il-Kummissjoni adottat id-Deċiżjoni tal-Kummissjoni 2008/989/KE (3). |
|
(2) |
Sabiex ix-xejriet tal-kummerċ ma jiġux imħarbta wara l-31 ta' Diċembru 2014, huwa xieraq li jiġi estiż il-perjodu ta' applikazzjoni tad-Deċiżjoni 2008/989/KE sakemm tiġi adattata d-Deċiżjoni 2008/971/KE. |
|
(3) |
Sakemm ikun hemm emenda futura tad-Deċiżjoni 2008/971/KE, huwa wkoll xieraq li tingħata awtorità temporanja lill-Istati Membri sabiex jieħdu deċiżjonijiet rigward il-materjal riproduttiv tal-foresti tal-kategorija “ittestjat” prodott fil-pajjiżi terzi diġà elenkati fid-Deċiżjoni 2008/971/KE. |
|
(4) |
L-informazzjoni kkomunikata mill-Istati Membri turi li l-materjal riproduttiv tal-foresti li ġej minn New Zealand mhuwiex akkompanjat minn ċertifikat ewlieni jew ċertifikat uffiċjali maħruġ minn dak il-pajjiż. Għalhekk, New Zealand għandha, titħassar mil-lista ta' pajjiżi li magħha l-Istati Membri huma awtorizzati sabiex jieħdu deċiżjonijiet rigward l-ekwivalenza tal-garanziji mogħtija mill-materjal riproduttiv tal-foresti. |
|
(5) |
Għalhekk, id-Deċiżjoni 2008/989/KE għandha tiġi emendata skont dan. |
|
(6) |
Il-miżuri stipulati f'din id-Deċiżjoni huma skont l-opinjoni tal-Kumitat Permanenti dwar il-Pjanti, l-Annimali, l-Ikel u l-Għalf, |
ADOTTAT DIN ID-DEĊIŻJONI:
Artikolu 1
Id-Deċiżjoni 2008/989/KE hija emendata kif ġej:
|
(1) |
L-Artikolu 3 jinbidel b'dan li ġej: “Artikolu 3 Din id-Deċiżjoni għandha tapplika sal-31 ta' Diċembru 2019” . |
|
(2) |
L-Anness huwa emendat skont l-Anness ta' din id-Deċiżjoni. |
Artikolu 2
Din id-Deċiżjoni tapplika mill-1 ta' Jannar 2015.
Artikolu 3
Din id-Deċiżjoni hija indirizzata lill-Istati Membri.
Magħmul fi Brussell, is-26 ta' Frar 2015.
Għall-Kummissjoni
Vytenis ANDRIUKAITIS
Membru tal-Kummissjoni
(1) ĠU L 11, 15.1.2000, p. 17.
(2) Id-Deċiżjoni tal-Kunsill 2008/971/KE tas-16 ta' Diċembru 2008 dwar l-ekwivalenza ta' Materjal Riproduttiv tal-Foresti prodott f'pajjiżi terzi (ĠU L 345, 23.12.2008, p. 83).
(3) Deċiżjoni tal-Kummissjoni 2008/989/KE tat- 23 ta' Diċembru 2008 li tawtorizza lill-Istati Membri, skont id-Direttiva tal-Kunsill 1999/105/KE, biex jieħdu deċiżjonijiet dwar l-ekwivalenza tal-garanziji mogħtija permezz tal-materjal riproduttiv għall-foresti li għandu jiġi importat minn ċerti pajjiżi terzi (ĠU L 352, 31.12.2008, p. 55).
ANNESS
L-Anness tad-Deċiżjoni 2008/989/KE huwa mibdul b'dan li ġej:
“L-ANNESS
|
Pajjiż tal-oriġini |
Speċi |
Kategorija |
It-tip ta' materjal bażiku |
||||||||||||||||
|
Il-Bjelorussja |
Picea abies Karst. |
SI |
SŻ, P |
||||||||||||||||
|
Il-Bożnja Ħerzegovina |
Pinus nigra Arnold |
SI |
SŻ, P |
||||||||||||||||
|
Il-Kanada |
L-ispeċi kollha u ibridi artifiċjali |
T |
P, ĠŻ, Ġ, K, TK |
||||||||||||||||
|
Dik li kienet ir-Repubblika Jugoslava tal-Maċedonja |
Abies alba Mill. |
SI |
SŻ, P |
||||||||||||||||
|
In-Norveġja |
L-ispeċi kollha u ibridi artifiċjali |
T |
P, ĠŻ, Ġ, K, TK |
||||||||||||||||
|
Ir-Repubblika tas-Serbja |
L-ispeċi kollha u ibridi artifiċjali |
T |
P, ĠŻ, Ġ, K, TK |
||||||||||||||||
|
L-Isvizzera |
L-ispeċi kollha u ibridi artifiċjali |
T |
P, ĠŻ, Ġ, K, TK |
||||||||||||||||
|
It-Turkija |
L-ispeċi kollha u ibridi artifiċjali |
T |
P, ĠŻ, Ġ, K, TK |
||||||||||||||||
|
L-Istati Uniti |
L-ispeċi kollha u ibridi artifiċjali |
T |
P, ĠŻ, Ġ, K, TK |
||||||||||||||||
|
Kategorija
It-tip ta' materjal bażiku
|
|||||||||||||||||||