30.12.2014   

MT

Il-Ġurnal Uffiċjali tal-Unjoni Ewropea

L 370/21

(1)

Ir-Regolament (UE) Nru 1380/2013 għandu l-għan li progressivament jelimina r-rimi ta' ħut tas-sajd kollu tal-Unjoni permezz tal-introduzzjoni tal-obbligu ta' ħatt għal qabdiet ta' speċi suġġetti għal limiti ta' qbid.

(2)

L-Artikolu 15(6) tar-Regolament (UE) Nru 1380/2013 jagħti s-setgħa lill-Kummissjoni biex tadotta pjanijiet ta' rimi permezz ta' att delegat għal perjodu ta' mhux aktar minn tliet snin, abbażi ta' rakkomandazzjonijiet konġunti żviluppati mill-Istati Membri f'konsultazzjoni mal-Kunsilli Konsultattivi rilevanti.

(3)

Il-Greċja, Spanja, Franza, il-Kroazja, l-Italja, Malta u s-Slovenja għandhom interess dirett ta' ġestjoni tas-sajd fil-Baħar Mediterran. Dawk l-Istati Membri ppreżentaw rakkomandazzjonijiet konġunti (2) lill-Kummissjoni wara konsultazzjoni mal-Kunsill Konsultattiv tal-Baħar Mediterran. Inkiseb kontribut xjentifiku minn korpi xjentifiċi rilevanti. F'konformità mal-Artikolu 18(3) tar-Regolament (UE) Nru 1380/2013 dawk il-miżuri fir-rakkomandazzjonijiet konġunti li jikkonformaw mal-Artikolu 15(6) ta' dak ir-Regolament biss għandhom jiġu inklużi f'dan ir-Regolament.

(4)

Fir-rigward tal-Baħar Mediterran, l-Artikolu 15 tar-Regolament (UE) Nru 1380/2013 jistabbilixxi l-obbligu ta' ħatt l-art tal-qabdiet kollha ta' speċijiet li huma soġġetti għal limiti ta' qbid u wkoll għal qabdiet ta' speċijiet li huma soġġetti għal daqsijiet minimi, kif definit fl-Anness III tar-Regolament tal-Kunsill (KE) Nru 1967/2006 (3). Skont l-Artikolu 15(1)(a) tar-Regolament (UE) Nru 1380/2013, l-obbligu ta' ħatt l-art għandu japplika f'sajd pelaġiku żgħir, sajd pelaġiku kbir u sajd għal skopijiet industrijali mhux aktar tard mill-1 ta' Jannar 2015.

(5)

Skont ir-rakkomandazzjoni konġunta, il-pjan ta' rimi għandu jkopri l-qabdiet tal-ispeċijiet kollha soġġetti għal daqsijiet minimi kif iddefinit fl-Anness III tar-Regolament (KE) Nru 1967/2006 li jinqabdu f'sajd pelaġiku żgħir bl-użu ta' xbieki tat-tkarkir pelaġiċi u/jew bit-tartaruni magħluqin fil-Baħar Mediterran mill-1 ta' Jannar 2015 (jiġifieri sajd għall-inċova, sardin, kavalli u sawrell).

(6)

Biex jiġu evitati spejjeż sproporzjonati ta' ġestjoni ta' qabdiet mhux mixtieqa u skont l-Artikolu 15(5)(c)(ii) tar-Regolament (UE) Nru 1380/2013, huwa xieraq li tiġi stabbilita eżenzjoni de minimis mill-obbligu ta' ħatt l-art f'termini ta' perċentwali tal-qabdiet annwali totali ta' speċijiet suġġetti għall-obbligu tal-ħatt f'sajd pelaġiku żgħir. Ir-rakkomandazzjonijiet konġunti mressqa mill-Istati Membri kkonċernati jappoġġjaw il-każ għal eżenzjoni de minimis, minħabba l-ispejjeż akbar fil-ġestjoni ta' qabdiet mhux mixtieqa, kemm abbord (l-issortjar u t-tqegħid fil-kaxxi, il-ħażna u l-konservazzjoni) kif ukoll fuq l-art (it-trasport u l-ħażna, il-konservazzjoni, il-kummerċjalizzazzjoni u l-ipproċessar jew il-qerda bħala skart speċjali), meta mqabbla mal-profitt ekonomiku limitat u li xi kultant ineżistenti li jista' jinkiseb minn dawk il-qabdiet mhux mixtieqa. L-evidenza pprovduta mill-Istati Membri ġiet analizzata mill-Kumitat Xjentifiku, Tekniku u Ekonomiku għas-Sajd (KXTES) li kkonkluda li r-rakkomandazzjonijiet konġunti fihom argumenti motivati marbuta maż-żieda tal-ispejjeż fil-ġestjoni ta' qabdiet mhux mixtieqa, sostnuta f'xi każijiet b'valutazzjoni kwalitattiva tal-ispejjeż (4). Fid-dawl ta' dan ta' hawn fuq u fin-nuqqas ta' informazzjoni xjentifika differenti, huwa xieraq li tiġi stabbilita l-eżenzjoni de minimis skont il-livelli ta' perċentwali proposti fir-rakkomandazzjonijiet konġunti u f'livelli li ma jaqbżux dawk permessi skont l-Artikolu 15(1)(c) tar-Regolament (UE) Nru 1380/2013

(7)

Skont ir-rakkomandazzjonijiet konġunti u b'kont meħud tal-qafas ta' żmien stipulat fl-Artikolu 15(1) tar-Regolament (UE) Nru 1380/2013, dan ir-Regolament għandu japplika mill-1 ta' Jannar 2015. Skont l- Artikolu 15(6) ta' dak ir-Regolament, huwa għandu japplika għal mhux aktar minn 3 snin,

(a)

“daqs minimu” tfisser l-iżgħar daqs ta' organiżmi tal-baħar kif stabbilit fl-Anness III tar-Regolament (KE) Nru 1967/2006.

“Baħar Mediterran” tfisser l-Ilmijiet Marittimi tal-Mediterran 'il-Lvant mil-linja 5° 36′ Punent;

(b)

“Sub-Żona Ġeografika GFCM” tfisser is-subżona ġeografika tal-Kummissjoni Ġenerali għas-Sajd fil-Mediterran (GFCM) kif definit fl-Anness I tar-Regolament (UE) Nru 1343/2011 tal-Parlament Ewropew u tal-Kunsill (5)

(c)

“Baħar Mediterran tal-Punent” tfisser Subżoni Ġeografiċi tal-GFCM 1, 2, 5, 6, 7, 8, 9, 10, 11.1, 11.2, 12,

(d)

“Baħar Adrijatiku tat-Tramuntana” tfisser is-Subżona Ġeografika tal-GFCM 17

(e)

“Baħar Adrijatiku u Joniku tan-Nofsinhar” tfisser is-Subżoni Ġeografiċi tal-GFCM 18, 19 u 20

(f)

“Il-Gżira ta' Malta u n-Nofsinhar ta' Sqallija” tfisser is-Subżoni Ġeografiċi tal-GFCM 15 u 16

(g)

“Il-Baħar Eġew u l-Gżira ta' Kreta” tfisser is-Subżoni Ġeografiċi tal-GFCM 22 u 23

(a)

fil-Baħar Mediterran tal-Punent, sa 5 % tal-qabdiet annwali totali ta' speċijiet li huma soġġetti għal daqsijiet minimi żgħar fis-sajd pelaġiku bix-xibka tat-tkarkir u bit-tartaruni magħluqin kif stipulat fil-punt 1 tal-Anness;

(b)

fil-Baħar Adrijatiku tat-Tramuntana, sa 5 % tal-qabdiet annwali totali ta' speċijiet li huma soġġetti għal daqsijiet minimi fis-sajd pelaġiku żgħir bix-xibka tat-tkarkir u bit-tartaruni magħluqin kif stipulat fil-punt 2 tal-Anness;

(c)

fl-Adrijatiku tan-Nofsinhar u l-Baħar Jonju:

(d)

fil-Gżira ta' Malta u n-Nofsinhar ta' Sqallija:

(e)

fil-Baħar Eġew u l-Gżira ta' Kreta, sa 3 % tal-qabdiet annwali totali ta' speċijiet li huma soġġetti għal daqsijiet minimi fis-sajd pelaġiku żgħir bit-tartaruni magħluqin, kif stipulat fil-punt 5 tal-Anness.