5.12.2014 |
MT |
Il-Ġurnal Uffiċjali tal-Unjoni Ewropea |
L 349/25 |
REGOLAMENT TA' DELEGA TAL-KUMMISSJONI (UE) Nru 1291/2014
tas-16 ta' Lulju 2014
dwar il-kundizzjonijiet għall-klassifikazzjoni mingħajr ittestjar ta' pannelli b'bażi tal-injam taħt EN13986 u panelli u kisi tal-injam mastizz taħt EN14915 fir-rigward tal-kapaċità ta' protezzjoni min-nar tagħhom, meta jintużaw biex jgħattu ħitan u soqfa
(Test b'rilevanza għaż-ŻEE)
IL-KUMMISSJONI EWROPEA,
Wara li kkunsidrat it-Trattat dwar il-Funzjonament tal-Unjoni Ewropea,
Wara li kkunsidrat ir-Regolament (UE) Nru 305/2011 tal-Parlament Ewropew u tal-Kunsill tad-9 ta' Marzu 2011 li jistabbilixxi kundizzjonijiet armonizzati għall-kumerċjalizzazzjoni tal-prodotti għall-bini u li jħassar id-Direttiva tal-Kunsill 89/106/KEE (1), u b'mod partikolari l-Artikolu 27(5) tagħha,
Billi:
(1) |
Fid-Deċiżjoni tal-Kummissjoni 2000/367/KE (2) ġiet adottata sistema għall-klassifikazzjoni tal-prestazzjoni ta' prodotti għall-bini, xogħlijiet ta' bini u partijiet minnhom fir-rigward tar-reżistenza tagħhom għan-nar. Pannelli b'bażi tal-injam koperti mill-istandard armonizzat EN 13986, kif ukoll pannelli u kisi tal-injam mastizz koperti mill-istandard armonizzat EN 14915, huma fost il-prodotti għall-bini li għalihom tapplika dik id-Deċiżjoni. |
(2) |
Testijiet urew li dawk il-prodotti għandhom prestazzjoni stabbli u prevedibbli dwar il-kapaċità ta' protezzjoni min-nar meta jintużaw biex jgħattu ħitan u soqfa, dment li l-prodotti jkunu jissodisfaw ċerti kundizzjonijiet rigward id-densità tal-injam u l-ħxuna tal-pannelli u l-kisi. |
(3) |
Pannelli b'bażi tal-injam koperti mill-istandard armonizzat EN 13986 u pannelli u kisi tal-injam mastizz koperti mill-istandard armonizzat EN 14915 għandhom għalhekk jitqiesu li jissodisfaw l-klassijiet ta' prestazzjoni għall-kapaċità ta' protezzjoni min-nar stabbiliti fid-Deċiżjoni 2000/367/KE dwar dawk il-kundizzjonijiet, mingħajr ma jinħtieġ aktar ittestjar, |
ADOTTAT DAN IR-REGOLAMENT:
Artikolu 1
Pannelli b'bażi tal-injam koperti mill-istandard armonizzat EN 13986 u pannelli u kisi tal-injam mastizz koperti mill-istandard armonizzat EN 14915 li jissodisfaw il-kundizzjonijiet stabbiliti fl-Anness għandhom jitqiesu li jissodisfaw il-klassijiet ta' prestazzjoni indikati fl-Anness mingħajr ittestjar, meta jintużaw għal kisi ta' ħitan u soqfa.
Artikolu 2
Dan ir-Regolament għandu jidħol fis-seħħ fl-għoxrin jum wara l-pubblikazzjoni tiegħu f'Il-Ġurnal Uffiċjali tal-Unjoni Ewropea.
Dan ir-Regolament għandu jorbot fl-intier tiegħu u japplika direttament fl-Istati Membri kollha.
Magħmul fi Brussell, is-16 ta' Lulju 2014.
Għall-Kummissjoni
Il-President
José Manuel BARROSO
(2) Id-Deċiżjoni tal-Kummissjoni 2000/367/KE tat-3 ta' Mejju 2000 li timplimenta d-Direttiva tal-Kunsill 89/106/KEE fir-rigward tal-klassifika ta' reżistenza għan-nar ta' prodotti għall-bini, xogħlijiet ta' bini u xi partijiet minnhom (ĠU L 133, 6.6.2000, p. 26).
ANNESS
Prodott (1) |
Standard tal-prodott EN |
Dettalji tal-prodott (2) |
Densità medja minima (kg/m3) |
Ħxuna minima (mm) |
Klassi K (3) |
Ħardbord |
EN 13986 |
Bi u mingħajr mudullun u buvett (5) |
800 |
9 |
K2 10 (4) |
OSB |
EN 13986 |
Bi u mingħajr mudullun u buvett (6) |
600 |
10 |
K2 10 (4) |
Particleboard |
EN 13986 |
B'mudullun u buvett (7) |
600 |
10 |
K2 10 (4) |
Particleboard |
EN 13986 |
Bi u mingħajr mudullun u buvett (6) |
600 |
12 |
K2 10 (4) |
Triplaj |
EN 13986 |
Bi u mingħajr mudullun u buvett (6) |
450 |
12 |
K2 10 (4) |
Pannelli tal-injam mastizz |
EN 13986 |
Bi u mingħajr mudullun u buvett (6) |
450 |
12 |
K2 10 (4) |
Particleboard |
EN 13986 |
B'mudullun u buvett (8) |
600 |
25 |
K2 30 |
OSB |
EN 13986 |
B'mudullun u buvett (8) |
600 |
30 |
K2 30 |
Triplaj |
EN 13986 |
B'mudullun u buvett (8) |
450 |
26 |
K2 30 |
Pannelli tal-injam mastizz |
EN 13986 |
B'mudullun u buvett (8) |
450 |
26 |
K2 30 |
Pannelli tal-injam mastizz |
EN 13986 |
B'mudullun u buvett (9) |
450 |
53 |
K2 60 |
Pannelli u kisi tal-injam mastizz |
EN 14915 |
B'mudullun u buvett (10) |
450 |
15 |
K2 10 (4) |
Pannelli u kisi tal-injam mastizz |
EN 14915 |
B'mudullun u buvett (10) |
450 |
27 |
K2 30 |
Pannelli u kisi tal-injam mastizz |
EN 14915 |
B'mudullun u buvett (11) |
450 |
2 × 27 (12) |
K2 60 |
(1) Armat direttament fuq kull sostrat mingħajr vojt taħtu.
(2) Minċotti bi truf kwadri jew bi profil tal-mudullun u l-buvett u bl-istess ħxuna tal-prodott tal-injam u mingħajr vojt.
(3) Klassi kif stipulata fid-Deċiżjoni 2000/367/KE.
(4) K1 10 għas-sustrati ≥ 300 kg/m3
(5) Taċċ tul minimu ta' 40 mm u spazjar massimu ta' 100 mm
(6) Viti b'tul minimu ta' 30 mm u bi spazjar massimu ta' 200 mm
(7) Viti b'tul minimu ta' 30 mm u bi spazjar massimu ta' 150 mm
(8) Viti b'tul minimu ta' 50 mm u bi spazjar massimu ta' 200 mm
(9) Viti b'tul minimu ta' 75 mm u bi spazjar massimu ta' 200 mm
(10) Musmar b'tul minimu ta' 60 mm u spazjar massimu ta' 600 mm
(11) Imsiemer b'tul minimu ta' 50 mm (f'kull saff) u bi spazjar massimu ta' 600 mm
(12) Iż-żewġ saffi jiġu mmuntati bid-direzzjoni lonġitudinali tas-saffi tkun perpendikolari ma' xulxin.